رواية اغلال القدر الفصل الثامن والعشرون 28 - بقلم الكاتبة ديانا

سلام ورود 🌸🌸
صار الجزء جاهز اتمنى يعجبكم و شكرا ع تهاني العيد حبايبي ...
لا تنسون التصويت و تعليقاتكم الحلوة 🌹🌹🌹🌹

البارت الثامن و العشرون
اغلال القدر

زينب وصلنه لبيت امير ... و اهله ناس طييبين كلش ... خوب امه ... يا ربي انسانة وردة...
فرحت بأسيل و من اجينه ليهسة هي كاعد تباوع على اسيل وفاكه حلكهة ... و تهلهل كل ما فات امير من يمها ... هي متدري زواجهم هيج ... عبالها طبيعي ... اسيل معاجبها الوضع تريد تعوف هاللعبة و تعيش بحرية ...
ام امير ... من اهل الله مثل ميكولون ... لا سالت انتو مين و لا بيت منو و لا اهلكم وين ... هنوب عرفت ايتام و ماعدنه اهل كابلتنه و تبجي و صراحة اني هم بجيت ... بس مو على ابوية بجيت على امي و شمة و نونو ...
شمة مكطعه گلبي ما ادري وينها و ين صارت ...
اجتني اسيل ... مطنكرة .. و ضايجة ...كالت شفتي .. هسة شلون هاي سوتها صدك امه ... الباجر الزفة و كالت اليوم بالليل احنيكم ..
كتلها اي وليش ضايجة ... بالعكس اني اشوف امير خوش شاب ... و اهله خوش ناس ..
اسيل... : و شسوي بي خوش ... الله يحفظه لاهله اني شنو ...
زينب .. : يعني معقولة ما جذبج شي بشخصيته .. و مبين هو لعوب ... و زير نسوان اكيد عرف شلون يجيج
و يدخل لقلبج .. من خلال تصرفاته ما دك كلبج اله..؟

اسيل ...:
زينب سألتني سؤال .. جاوب گلبي عليه من خلال سرعة نبضه من اتذكرت بوست امير البارحة ... ذبت بيها و گلبي ذاب ... و نبضاته صارت مجنونه ... بس مكتلها ... لان اريد ادوس على گلبي و كافي سجن بايد رجال ... اويد اتحرر اريد اكون حرة نفسي ... ما حد يمنعني من اي اي شي اسوي ... اريد اكمل دراسة و اختار تخصص و اكمل كلية و اتوظف ... احلام هواية براسي ... لازم احققها ... مو الزواج هو الي رح يجيبها الي ... لان جربته الزواج و شفت ...الزواج هو العيش ورا القضبان ....
زينب كلتلي هييييييه شبيج ... اشو سرحتي ... اعتبر هذا سكوتج و سرحانج يعني انت منجذبة اله ...؟
كتله ... لا لا ... شبيج زينب امير تصرفاته باهشة و طايشة ... ميعجبني مو ذوقي ...
هي ضحكت و اني بستها كتلها اريد اكون وياج زينب ... و ننجمع بشمة و نونو ... و نعيش بيت واحد ...
حضنتني و كالت امين ...

امير ...
دخلت للهول و لكيت اسيل حاضنه اختها و تبجي ...
احم احم ...
زينب ...: اسيل اجة امير ... اني اكوم اترخص ...
اسيل ..: تعاي ووووين ... واذا اجة شنسويله ...
امير ..: تعاي اسيل ... رايدج
زينب ... كومي كومي الرجال رايدج ... شبيج انت
اسيل ...؛ اهوووو رايحة
اجتني و تتأفأف ... كتلها شبيج يا ستار ... اشو معاجبج الوضع ... كالت و منو كلك يعجبني ...
كتلها اريد احجي وياج ... تعاي ...
جريتها من ايدها و صعدت فوك بغرفتنه الجديدة ... دخلنه و سديت الباب ...كتلها باعي ... حركاتج مال ما اريدك و ما اتزوج شيلها حالياً ... و بالنسبة للطلاك خلي الفكرة بعدين ... لان اصلاً انتو هيج ولة هيج باقين ببيتي ... فما اله داعي نطلك هسة و اخرب فرحة امي ...
امي فرحانة و الكاع ما سايعتها ... خليها شوية تعيش جو فرح لان امي متعوبة و مكسورة ... كسرة استشهاد اخوتي و ابوية فقدته من وكت ...
كالت ... و اني هاي مو فرحتي ... شلون افرح ...اظل ارضي غيري و اني مليانه قهر ... اظل اسعد غيري و اني مهمومة و الحزن عايش بية ...
كلامها قهرني و الاكثر دمعتها ... الي نزلت من عينها ... تقربتلها ... و شلت ايدي و بكل حنان بأبهامي مسحت دمعتها و بستها من عينها ... كتلها اسيل ... اني يمج و ما اعوفج ...
(طبعاً اني فكرت هواي و وصلت لحقيقة اسيل گلبي حبها بدون ما ياخذ الاذن مني ... لذلك طلاك كا اطلك .. بس اني مجاريها لان ادري بيها متمردة و تعاند ... واي فلس من فلوس خالد ما اخذ منها ...)
زاد بچيها و كالت .. تدري اني اتمنى اليوم اطلك منك قبل باجر .. لان خالد عيشني بجحيم .. عيشني بكابوس ...
حطيت اصبعي على شفافها و قاطعتها كتلها اشششش .. لا تجيبين سيرة هذاك النذل .. مسحت على راسها و ضميت راسها لصدري .. كتلها ما ينولج بعد و اني موجود .. كالت كرهت شي اسمه رجل و زواج ..
كتلها اوك .. كافي .. وخرتها من صدري و باوعت علية .. كالت فلوسك لازم انطيكياها .. اليوم ورة الغدا نروح لمصرف و اسحبلك ... كتلها و لا درهم اريد .. كالت لا شلوون .. كتلها هذا اللون .. اني فلوس منج ما اخذ ... و اعتبري السويتة الج شهامة .. و سدي هالموضوع و مسحي دموعج و نزلي لان هسة امي دزت على حبايبها و دتتباهى بمرة امير  ... لان تعرفين اني عين الگلادة ...

اسيل ....
امير اول مرة اشوفه حنون و لطيف ... استسلمت دموعي لصدره و حسيت بامان ... و زاد البچي ... بس هو ما راضي ياخذ الفلوس ... كلي امشي ننزل لان حبايب امي جايات و لا تفشليها ..
نزلنه و بعدنه ع الدرج و جان صارت وحدة بوجهي و جان تخرعني بهلهولة... جان امير يحط ايده ع چتفي و شاورني كلي هاي خالتي سهاد عليج بالتلاصق بيه كدامها .... اني ضحكت اجاملها و لزكت بامير ...
مشة الوقت و صار المغرب ... كظيناها خطار كومة اجوي و ناس كرايبهم هواية ... غدة و تحضيرات ... طبعاً اخو امير يشبه امير بالضبط شكله بس على ثكيل و رزن متزوج و عنده اطفل ٣ زوجته حبابة جانت عد اهلها و جتي و جايبة خواتها ... و ام امير وصتها ثوب الي للحنه و جابتلي بدلة حمرا كلش حلوة كتلها شنوووو هالحمال مالت اخوية عنده معرض بدلات ... و هاي تنغصتها الج ...
و كعدت هي خواتها يمكيجوني و تسريحة بسيطة الاجواءكلش حلوة رغم اني ما هاضمة الفكرة بس الاهتمام بية و الناس فرحهم مرسوم بين ملامحهم جبروني افرح و اندمج .. صبغولي اضافري احمر و مكياج سموكي فوك عيني و حمرا حمرا و عدسات خضر ... ما ادري شنو مين ديجيبون هالغراض .... متفاجئة باهتمامهم لادق التفاصيل ... حتى لزينب جابولها فستان ... مستر 😅😅لان زينب محجبة ...
و هي فرحانتلي كلش ... و ما احجيلكم فرحة ام امير ... متنوصف ... لدرجة من شافتني بالبدلة الحمرا   بجت ... كالتلي يمة صدقة لچنتي مرت الغالي اموري عين الگلادة ... يمة بنتي تعالي ابوس خدج الكيمر ... بوستني و تبجي ... و باستني من راسي فشلتني ... كلتلي يمة اني اميمتج ادري بيج بلا ام و الام وجودها بهيج وكت ضروري ... بس انت هنا بحشاي بعد رويحتي ... و جان تطلع گلادة و تلبسنياها ... كالت هذا شي بسيط من تعب اموري لمرته حبيبة گلبي يمة اني عندي بنات اثنين و هسة صرتوا ٣ ... اموري عين الگلادة و انت زنجيلها ... و هلهلت و صفكت و ركصتلي و جان تصيح امير ... 😳😳امير .... هذا امير معقولة .... امير طالع صاك ..🙈لحية خفيفة و شعره گالبه ليورة و قاط نيلي ... و بلا رباط و لا اي شي... فاتح الدكم وعزاممبقي كلها مفتوحة شووو لا ساد كم وحدة 😰 من دخل خوات مرت اخو و مرت اخو و امه و خالاته و حتى زينب هلهلن و ذبنله جكليت .. هو باوعني بنظرة خلاني استحي ... نظرة كلش سافرة .... و ركز على فتحة البدلة لان جانت جبيرة من يم صدري ... اني ردت اخنزرله بس استحيت من اهليته .. ابتسملي و غمز ... اني گلبي صار طبل من غمزلي ....
اشر لمرت اخو و كالت لخواتها تعالن نطلع نرتب الكراسي ...
طلعوا و زينب وياهم و بقينة وية امه .. امه ظلت تدبج و تصفگ .. و تهلهل وحدها .. و هو غدى نار .. گلها يمة لاحكة ع الركص بس امهليني دقايق .. كالت اي بعد امك .. و طلعت المرة و سدت الباب ..
تقربلي و اني ابتعد ... گلي شبيج دا انطيج فد شي .... كتله لا تصدك نفسك ... ترة هاي كلها تمثيلية ... گلي اي و شجاب هاي على هاي ...

امير ...
دخلت للغرفة وجانت اسيل مضويتها ... الاحمر واكعلها  وشعرها شايلته و رگبتها و صدرها المرمر يضوي ... 
تقربت منها و هي ترجع ليورة اني جايب وردة حمرا بايدي ... و حطيتها ورة ظهري...
حطيت ايدي ع الحايط و هي صارت بيني و بين الحايط انفاسها قريبة مني ... زيدت رغبتي بيها ...
كتلها تعرفين ... اني متوهم ... كالت ليش و رجفة شفافها وترتني ...
كتلها متوهم و اثول .... رحت جبت  وردة و عبالي هي احلى وردة بس ما ادري اسولة هي احلى وردة ...
كالت امير شبيك الزم حدودك ...
كتلها لا والله تريدين هالكيكة حلالي و الزم حدودي ... انسي بابا و جان انزل على شفايفها و التهمها .....

زينب ...
ثاني يوم العرس جانت الاجواء مربكة و البيت مليان ناس ... و اني مخبوصة بتقديم الشربت و الكيك و البارحة جانت الاجواء تخبل عمري محضرت هيج فرحة اهل امير مكيفين كلش باسيل جانت الكعدة نسائية ... و الشباب برة بالحديقة ... مرتين بس شفت علي و جان متلهف يوكف يحجي وياية ... بس اني مردت اعوف اسيل ..ظليت وياها .. اليوم العرس حيكون عادي ياخذون العرسان يطكون صور و طبعاً رح ياخذني علي و نجي يهوسوله هنا بالبيت شوية و نوديهم فندق ... اسيل كل المخطط ما عاجبها بس مرغمة تسكت.. علمود ام امير الي فرحتها مسايعتها الدنية و احنه لفرحه فرحانين...
لبست فستان بسيط و محتشم و نسقت شال وياه ... كل هاللبس الله ينطيها لمرت حماها لاسيل جابتلنه ...
اسيل بدلتها كلش حلوة و نازكة صح نفش و تول ... بس ردانها طويلة تول و مطرزة و صدرها هم و عليها حبات ليلو كلش نازكة و هي مو محجبة سويلناها تسريحة بسيطة و تاج حلو لبسته وية الطرحة ... و مكياج بنفسجي هاديء و حمره وردي فاتحة ... طلعت اميرة حبيبتي ... عيوني مدتشبع من شوفتها بعد روحي .. اروح و اجي ابوسها و احضنها ...
صاحتني و اجيتها شاورتني كالت اكلج .. كتلها ها .. كالت اني ترة بس ترجع الزفافة و ترجع ام امير و العالم اني انزع البدلة و اطلع من الفندق .. كتلها يااااا ولج وين تروحين .. كالت بالگبور .. بس ما ابات ويه هالمفجوع بغرفة وحدة .. كتلها وين تروحين و احنه هنا منندل احد ... كالت هاهي اي مكان المهم ما اكون وحدي وية امير .. كتلها ولج انت مخبلة ... كتلها زين زين عوفيج هسة من هالموضوع خاف العالم تحس .. رجعي ابتسمي....
طلعت من يمها و رحت لعلي ... علي من شافني اجة بسرعه كلي شلونج زينب ... كتله هلو علي .. كلي مشفتج البارحة و اليوم كلبي خبصني عليج .. مشتاقلج ... كتله علي صدك جذب... اسمع عيني ترة اسيل متريد تبقى بالفندق و دكول ما ابقة بس ترجعون اني اطلع ... كلي وين تروح ..؟ كتله ما اعرف كول لامير هالحجي محد يكدرلها غيره ...

امير ...
اجاني علي و اني دا البس بالقاط بغرفتي فوك ... كلي امير افتح الباب ،. احجي وياك ..
اجاني و جايب خبر مو زين اني الج اسيل .. كتلة اوك اني احلهة
كتله كول لزينب خلي تدز بنات ٢ يكترون هالغرفة .. كلي شنو ناوي ..
كتله هاي اني اعرفلها محد يعرفلها غيري .. 
نزلت و الهلاهل صمن اذني ... و دخلت للهول جانت حمامتي العنودية كاعدة و منزلة الطرحة على وجهها جابتني امي و المزايق تدك و وكفتني بصفها ..  و النسوان صارن يهتفن حبها ولك حبها و لا تخاف من امها .. ههههه ميدرن ما اخاف من احد اني و بكل سلاسة شلت الطرحة و بستها من راسها .. هي منزلة عينها .. شاورتها و كتلها تذكرين الوعد .. كالت يا وعدو فتحت عينها 😳كتلها مال الوجبة الدسمة .. كالت اي وشنو هسة كتلها وفي وعدج و ديونج لتكثر .. اخذوا ايدي صدكاني و ركصوني اني اصفك و اغمزلها .. هي صارت عصبية و تباوعلي بعين غضب ...
ركصت و كملوا الزفافة و طلعوا و اني گدت اسيل .. و اتوجهت عكس الزفافة كالوا امي و خواتي وووووين .. و هي هم .. كتلهم ما اروح للفندق انزف هنا فوك بغرفتي .. و شلتها و صعدت ....................