رواية اغلال القدر الفصل الثلاثون 30 - بقلم الكاتبة ديانا

حبيباتي هذا الجزء القبل الاخير صار جاهز خلصت قصتنه بقالها جزء فقط .... اتمنى تعجبكم و انتظر تعليقاتكم و تصويتكم .... احبكم ورود 🌸🌸🌸

البارت الثلاثون
اغلال القدر

اسيل ...
امير شايلني و دخلني الغرفة ... وجهه قريب من وجههي و انفاسه قريبة مني كلش .. اني متعلگة برگبته لان خايفة اوكع ..و بنفس الوقت اريده ينزلني لان مجان الاتفاق هيج .... جان لازم ياخذني للفندق .. .
قرب شفته من شفايفي و يحجي و انفاسه حاوطت انفاسي ...
كلي غيرت الخطة ... اريد ابقة هنا ... بيتي ... وية مرتي حبيبتي ...اني انصدمت 😳😳 ذكرى بوسته الي و ذوباني بين ايده لفتني و خلتني اتوه بعطر انفاسه و اضيع .. اتلعثمت بالكلام ... كتله لا ما اريد ... كلي شنو المتريدي ...
اني ظليت اباوع بعينه و شفت بيها شعور جديد نظرات حب و اعجاب ... گلي حنبقة هيج ايدي راحت انت تونستي ع الشغلة چنج ... نزلت عيني استحيت كتله غير انت نزلني ....
نزلني بهدوء ع السرير ....
جان كله منثور ورد ... طلع من جيبه وردة حمرا ... جان يكلي اسيل ... اريد احجي وياج و اوضح شغلة ...
اني گلبي صار طبل ... امير اليوم جان امير .. و شفته من توجهلي و باسني من راسي .. حسيت بالانتماء اله ... حسيته انسان اعرفه من زمان و زواجنه طبيعي ..
اخذت الوردة الحمرا و صارت بايدي اتلمسها باصابعي وعيني تايهة بعينه ....
لزم ايدي وجانت ايده دافية و امتصت كل برودة جسمي و حسستني بالامان ...

امير ...
لزمت ايدها و جانت باردة و ترجف .. عصرتها حييل .. و انطيتها الامان ... عينها بعيني تدور و تسأل الاهتمام ... الحنان ...
كتلها اسيل ... اريد اوضحلج شي هنا و شلت ايدها و حطيتها على مكان گلبي الي راد يوكف من سرعة الدك المجنون ... هي تحسست نبضي و ابتسمت ... نزلت عينها و شلت وجهها وكتلها باوعيلي حتى مشاعري تفتهميها قولاً عن لساني و عن نظراتي ...
امير ...: شوفي اسيل .. اني قبلج عرفت هواية نسوان و من هواية بلدان ... السمرا و الشكرا و الطويلة و الگصيرة ... و ما انكر نطني كلشي و اني استقبلت منهن الغالي و النفيس ....
عقدت حواجبها ورادت دكول شي بس اني حطيت اصبعي على شفافها و كتلها خليني اكمل ....
ما هزتني وحدتهن مثل ما انهزيت من وحدة ... و وحدة بس و خلت عندي ينولد شعور ما حاس بي قبل و لا مستذوق طعمه ... طعم بي حلاوة و مرورة .. حلاوة من اشوفها گبالي بكامل نظراتها و تفاصيلها و مرارة من اتذكر وجودها وقتي وياية ... و ما رح نكمل سوة ..
من اشوفها تلهج بأسم مو اسمي لو فكرت بغيري يسندها من تريد تنهض لو يوسدها بطريق اظلم ... احس نار تتوجر بصدري... اسيل افهميني اني عشگت ... و اول مرة بحياتي اتذوق هالشعور ... ما حاسة قبل و ما مجربه .... وهسة يمكن عرفتي منو گلبي الاختارها ... منو گلبي الي نصبها زوجة و حبيبة ...
نزلت راسها واني وكفت و وكفتها وياية وصرنه واحد مقابل الثاني... كتلها اسيل اني ... احبج ... لا لا اني اعشكج... اني اتنفسج و حاوطت وجناتها بچفوفي و قربت شفافي من شفافها و بستها بوسة هادية و دافية ... غمضت عينها و حضنتني حيييل و اني صرت اشم برگبتها المرمر ... كالت امير ... كتلها گولي بعد گلب امير ... بقت حاضنتني و تحجي ... كالت اني خايفة ... كتلها لا تخافين ما طولي اني وياج و ما اعوفج ... انت روحي و رياتي....
حسيت برجفة بجسمها و شهكات خفيفة ... وخرتها و باوعت لعينها مغورگة دمع ... مسحت دمعاتها و بستها من راسها ... و كتلها اوعدج هذا اخر يوم تنزل بي دمعاتج... و ما دام النفس بية .. رح اسعى لسعادتج و هناج و ما تحتاجين لاحد اني ظهرج و سندج ... و كافي دموع ...خلينه نبدي حياة جديدة و رح امليج حب و اهتمام و ما خليج بعازة احد ... غمزتلها كتلها اني ملك الرومانسية و انت ملكة امير ... شلتها و هي حاوطت رگبتي و قربت وجهها مني و جان دكول امير رح اوكع ... كتلها انت بعد وكعتي و محد سمى عليج و جان انزلها ع السرير و  .............

جواد ....
اخذت ملاك و وديتها لاهلها .. و اني متفق وياها تبقة يومين يمهم هم تغير جو و هم تشوف ابوها مو زينه حالته الصحية ... وصلنه وجان ابوها صاح امها وكال وديني للغرفه ما اريد اشوفها ...
هي كامت تبجي و امها هم ... حجيت وياه وكلي جواد عقلي لساه ما شايل فعلتها طلعها منا و خليني كم يوم انسى الي صار و ملامة اهلي والله كريم ....
اجيت عليها لگيتها نگظانه بچي ... و تتوسل بية حتى تشوف ابوها ...
اني لزمتها من ايدها و اخذتها برة كتلها ملاك حالياً عمي مو زين ... اهدي و تعاي اكولج شكال .. اخذتها و صعدنه بالسيارة ... بالطريق هي مغطية وجهها و تبچي
عين ع الطريق و عين عليها ...
انهارت بچي و تحچي على نفسها ... مديت ايدي و جريت ايدها كتلها ملاك اهدي .. الله يخليج ترة اني توترت مدا اعرف اسوق رحمة لاهلج كافي ... هسة افهمج ...
نزلت ايدها و مسحت دموعها باوعتلي بعين مكسورة ... و مهزوزة و كلها حزن ... كالت جواد منو الي اني ....
ابوية ميريدني .... يعني بعد ما اكدر افوت لاهلي ... يعني اني انبذت ...
گتلها .. عمي هسة حالياً مريض و هاي مو بصالحة التوترات بعدج عن البيت حالياً بي صالح و بمصلحة الكل ....
مسحي دموعج و ادعي لوالدج يكوم بالسلامة ....
اني ادري ابو رغد ما رايد يشوف ملاك نهائي ... هو هذا ابو رغد طبعه صعب ،.. و مو بسهولة يرضى ع الشخص اذا اخذ منه موقف ... و هي تعرف ابوها لذلك انهارت بجي ... بس ملاك تغيرت صارت تسمع الكلام و ما تعاند من كتلها تركي عنج البجي ... سكتت ...
وصلنه يم كازينو نزلت و هي ظلت كاعدة مغطية وجهها و تبجي بس بهدوء .. فتحت الباب اليمها و انحنيت عليها ... حريت ايدها ... كتلها گومي ملاك تعاي هنا شوية نفير جو ... و كافي تبجين ...
نزلت و مشينه واحد بصف الثاني ... شي بداخلي دفعني الزم  ايدها و نمشي سوة .. احسسها بالامان .. احسسها انو خي مو بحدها ... اني وياها ... بس مكدرت مرتين ايدها تطخ بايدي و يدفعني هالشعور بس امو اصرار من عقلي يمنعني ان الزمها ... حتى لا يكون تغييرها الهدف منه ارضائي ... اريد تكون نظيفة من برة و من الداخل لخاطر نفسها و لخاطر اهلها ...
دخلنه و كعدنه طلبت شي بارد... ملاك كلش متغيرة ... حتى ملامح الغرور و الانفة انمسحت من وجهها و نظراتها صارت كلها مستحة و خوف ... مشالت عينها ظلت سارحة ... كتلها ملاك اشربي الكوكتيل طيب ...
باوعتلي بنظرات خلت گلبي ينعصر .... اني گلبي مو خالية نبضات الجنون لما تكون قريبة من يمي ... لو من تنزل دمعاتها .. كلها تصرخ بس صرخاتها دائماً خرسة ،.، اكتمها بذكرياتي القديمة .. بهذيج الي سكنت گلبي و اكوله كافي يا گلب الاثنين ما ينفعوك ... لا زينب الي ما بادلتك الشعور و لا ملاك الي ممفهومه مشاعرها حالياً ... لا هي الفاهمتها و لا اني الي افهمها ....
رجعنه للشقة هي الطريق كله ساكته و عينها بالفراغ ...
ماكالت و لا حجاية .. كتلها ملاك ميصير تبقين هيج ... لازم تفهمين الموقف بعقلج ... ابوج ما نفاج وابوج ما تبرة منج بس يريد فترة يستوعب الي صار و انت تدرين بعمامج و ولدهم شسوووا ...
اعذري و انت اول وحدة لازم تتفهمين و تعذري ...
هزت راسها كالت اي ... اوك اني داخلة للغرفة تريد شي ... كتلها لا ... دخلت و اني كاعد برة ... اسمعها تبجي بس تداري بجيتها متريد اسمعها ...
عدت الساعة و هي على بجيتها ... اني مو لهالدرجة يا جواد اي صح البنية غلطانه و اعترفت بغلطها و انصدمت بردة فعل ابوها و ما لكت احد يمها هي دتحس بغربة لان اهلها هاي ردة فعلهم و اني لازم شهر بالاكثر بعدلي و اطلكها ... لذلك هي خايفة و منهارة .... كمت من مكاني دكيت الباب ... ما جاوبت ... بس سكت صوت البجي ...
كالت و بصوت مخنوك تفضل .... دخلت لگيتها كاعدة بالكع و دتبجي... ما هان عليه اشوفها بهالحالة ... عزت عليه دموعها ... و نبرات الحزن ..
الاحساس الي بداخلي جان بصراع وية عقلي ... احساسي و نبضاتي دكولي اروح اواسيها و احضنها حيل و اكلها اني موجود و افصحلها عن هالشعور الي انولد بالجديد  ... و عقلي الي رافض بتاتاً هالفكرة ... لمصلحتها اولاً و من ثم لمصلحتي ... طولت بهالصراع .. بس بالاخير احساسي الي فاز و دفعني اروحلها ...
گعدت بالگع يمها و مديتلها ايدي ...
كتلها ملاك تعالي ... باوعتني و دارت وجهها ...
كتلها ليش درتي وجهج تعالي ... احجي وياج ... كالت جواد رجاءا. اريد ابقى وحدي ممكن تتركني ...
كتلها لا ما عوفج ... و ما خليج وحدج بعد ... هي نزلت دموعها و كالت جواد اني من باجر رح اروح بيت عمتي مو ببغداد ... و هي هاي الوحيدة تحبني ...
كتلها و منو كلج ارضى ... ما طلعين منا ... كالت جواد نسيت الاتفاق ... احنه بقالنه ٣اسابيع و نتطلك عليمن نكملها و احنه بهالوضع ...؟ها هي اني باجر رايحة و انت تكدر تمشي بمعاملة الطلاك ... كتلها اوكفي اشو انت مقررة ومنو كلج اني موافق ...
كامت وكفت لحيلها و جان تصرخ كالت ليش متوافق ... مو زوجتك مغتصبة و فضحت اهلها ... مو زوجتك جانت على حل شعرها و من ثوب مو ثوبك ...
هي هاي زوجة تستحق ان تبقى على وثاق الزواج بيها ..؟
جواد احنه زواجنه منتهي من يوم البدا ... ما اظن انت متندم او انت رافض تطلك ...
اتقربت منها و شلت ايدي ردت امسح دمعاتها و افصحلها عن شعوري ... بس هي ركضت و طلعت من الغرفة تبجي .....

ملاك ....
ثاني يوم اني حضرت غراضي ... و نزلت من الغرفة الفوك جنت نايمة بيها البارحة ولو يا نوم ... بعد الموقف الي صار و بعد ما صرخت باحتياجي لجواد و هو ما فهمه ردت يكول اي و يجاوب علىكل الي سالته و الله جان نسيت اسمي و نذرت روحي اله ... بس امتنع عن الجواب و حسيته رح يعتذر من تكملة الزواج و ينطيني اسبابه من تقدملي و راد يمسح دموعي اني فهمته و انهزمت ...
شافني مزلت اني وجنطتي ...
كلي انت متاكدة من هالشي ... كتله اي كلش ... كلي ملاك اني رح اخليج ترحين بس طلاك ما اطلك هسة ... رح اطلك ع المدة الي اتفقنه عليها اني و عمي ابو رغد ...
كتله على راحتك بس المهم ... تنفذ الاتفاق ... هو سكت
شال الجنطة و طلع كدامي ..
الطريق كله منتحاجة بس هو مبين ديفكر ... و الله اليعلم شنو تفكيره...

جواد ...
وصلنه لبيت عمتها ... و جان دكول ماكو داعي تنزل اني رح انزل و شكرا ع كلشي السويته ...
لزمت ايدها و عصرتها حيييل .. كتلها ديري بالج ع نفسج ... كالت تمام ..
نزلت و جان اصيحها ملاااك ... كالت نعم .. كتلها بيت عمتج كم نفر   ..؟ باوعتلي بنظرة كالت ليش تسال كتلها هيج كالت عمتي و بنات ٢ و اولادها ٢   ... كالت اكو شي جواد ..؟ كتلها لا هيج كالت مع السلامة و راحت ... اني نار بصدري من شفت گفاها ... ليييش جواد ..؟ ليش ما صارحتها ..؟ ليش ما اعترفتلها ..؟ شلون گلبك خلاك تعوف ملاك .. شلون عفتها تروح و بلياك ...
ضربت ع الاستيرن حييل و لزمت راسي راد ينفجر من التفكير ...
و رجعت لبغداد لشقتي ادور طيف ملاك افكر بغلطتي شلون اصلحها ... افكر اني اصلح لملاك ... ملاك تصلح لجواد ،.؟ اكدر اعيش بدونها ... تساؤلا هواية بحثت عن الاجابة الها و مدا الكاها...

علي ...
صباح الخير معرسنه ... شلون الاخبار ..كال علي لك ها هي ما اطلك اسيل ...اسيل زوجتي و حبيبتي و ما ابدلها بكنوز الارض .. كتله خوش حجي ... تعال ... هذا كرايب حجي مؤنس خابرني ...
يكول الحجي ببغداد ... جابوا لان هو راد و على جيته متخربط و هم ناقلي لمستشفى ... و رايد يشوف زينب ... و اني اخاف اوديها ... كلي زين خالد شلون هده هو مو رايد ياذي ... كتله سمعت خالد خسران كومة فلوس و الشرطة حاجزة المعامل مالته و البيت كلها و كل امواله ...
كال امير زييين يعني حتى فلوس اسيل مووو ... كتله والله ما ادري .. طلع على ديون و مقامر بكومة املاك و حجزوها الشرطة الي هناك و هو اعتقد محبوس ... راح الهيلمان مالته و الجبروت و اكيد هو هسة بالسجن ... كال امير يستاهل هالساقط ،. كتله هسة شلون كال ها هي نوديها لبغداد .. علي ترة هي بعدها زوجته ... اي اوك الله كريم ...

زينب ...
ها اسيل حبيبتي شلونج صباح الخير يا احلى عروسة ..
اسيل ...: امممم شلون عرفتي اني عروسة ..؟
زينب ..؛ مو البارحة انت جنت لابسة بدلة بيضة ..؟ لو غيرج 🙄
اسيل ..: يولي اي 😆بس شلون عرفتي ما انهزمت مثل ما جنت مخططة و وافقت اكون زوجة لامير ..
زينب ...: صدك ،،؟حياتي تعاي ابوسج .. والله تستاهلين كل خير و هذا امير مبين خوش ولد .. يعني شلون وافقتي و عقلتي ولو مبين هو بس يكدرلج ...
اسيل ..: زينب ليش هيجي ... اني قابل فالتة و بس هو يكدرلي ..؟
زينب ..: لا حبيبتي بس قصدي ظاهر اله معزّة چبيرة عندج و مكانة بگلبج ..
اسيل ... هههه اي صح امير حبيته بدون سابق انذار و لا تفكير هيج دخل لكلبي ...
زينب ..: الله يسعدكم و ظاهر هو هم يحبج مبين من نظراته ..
امير .. صباح الخير حمامتي ...
اسيل ..: اميرررر شبيك العالم و الله عيب ..
امير ..: اروح فدوة لليستحي يمة فديته الخجلان ..
زينب ..: اعوفكم اني و بالخير و سبع سعادات يا رب ..
امير ..: لج عيني يوم الج و افرح بصديقي الغثة الكاتلني .. تعاي اسيل كرصي اختج و اني ادفر صديقي و يا رب يتزوجون ...
زينب .. تسلم
اسيل ...: امير خطية البنية غدت طماطة شبيك ..
امير ..: رح نروح لبغداد باجر تحضروا ...
اسيل ..: شعجب ..؟
امير ..: عدنه شغلة و لازم تجون................