رواية أجرام مستباح لثلاث ندبات الفصل الخامس وثلاثون 35 - بقلم الكاتبــة ايلول

مساء الخير

#أجرام_مستباح_لثلاث_ندبات

بقلم الكاتبة ايلول

ins: t8_fe3

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

لا تلوميني ، من آحبچ گوة عَني
يـ الضحكتچ كلفت بس صوت منچ
وكلفت كُل گلبي مني .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة ::- اكره ابقى وحدي احس راح اموت انكتل وابسط صوت يفززني سديت الشباك تغطيت وختلت بفراشي خايفة واغلط عليه الحد الليــــل وبدت اصوت الشصر وصوت عوي

كمت اضم روحـــــي اكثر بالغطا الحد ماحسيت بطني نعصرت من الجوع طلعت غسلت وفتحت الثلاجة مسوي لفات وكلاص عصير اخذتهن ورجعت للغرفة اكلت وغسلت رجعت لفراشي انتظرت هواي الحد ماتعبت ونمت

نايمه واحس روحـــــي اختنكت من ريحة الدخان وبمجرد حسيته يمي سكن جسمي وبقيت مغمضة هادئة وخــــر شعري من اذني ودنك يسحب نفس نگلبت على ظهري رفع راسة ساند نفسه على أيــــدة وايده الثانيه لازم بيها جكاره
باوعت بعيونة التعبانات وحاله المبهذل

::- ليش تأخرت؟

- رفع أيــــدة يمسح على خدي وجر الجكارة الشفتة سحب منها نفس ورجع يباوعلي زفر الدخان بوجهي حاله يخوف

::- خنگتني ليش تشرب جكاير؟

- باوع بعيني بلع ريك رجع جر الجكارة لشفتة اخذ نفس وقربها الي يحجي بخفوت

::- افتحي شفتج

- بعدت شفايفي عن بعض قرب الجكاره خلاها بحلكي

::- جري نفس .

- سحبت نفس وابتعدت اكح مختنگة سحب وجهي عليه

::- مو هيج على كيف ولا تبلعين الدخان

::- ما أريـد أبــــــهر شبيك؟

::- بــــس مره يله

- رجع الجكارة الشفتي غمضت ورجعت فتحت اباوع بوجهه مدنك عينه على شفايفي سحبت نفس منها وخرها وحجه بسرعة

::- ازفري الدخان لا تبلعينه

::- راح

::- وين

::- ببطني بلعته

- ابتسم وجر اخر نفس من منها دنك بسرعة يريد يبوسني ابتعدت نزل راسة الركبتي زفر الدخان وباسني

::- أبــــــهر وخــــر

- تقرب الاذني يبوسني ويحجي همس

::- هي بــــس الجگارة تصبرني على فراگ شفتج

- دفعته من صدرة رفع نفسه يباوع بوجهي
::- وين جنت ؟

::- شغل

::- وووين رحت؟

::- جــــمرة

- رفعت عيني بعينه لم شفته الداخل حلكه وحجه بتعب

::- الكيلي حل يمج وبدونج اتعب

- خفت ريحة الجكارة بالغرفة وبين عطره عيوني على صدرة والقميص المفتوح عطره مو نفسه الخلاه قبل لا يروح رفعت ايديه لزمت قميصة سحبته الي اشم صدرة وهو منزل ايديه على مخده منا ومنا بعدته مني عاكده حواجبي

::- وين رحت انـــتَ؟

- غمض ساكت رفعت ايدي أريـــــد ادفعه انجر القميص من ركبته فتحت عيني اوخرت القميص بهدوء

::- هاي جنت ويا بنات؟

::- لا

::- ركبتك كلها حمره!!!!!!

::- اششش جــــمرة......

::- ايعع وخــــر لعبت نفـــــسي وخــــر الكافر الزاني ابو الوصخ وخررر

دفعته حيل وكعدت ارجف

::- لا تلززززمني لا تلززمني ايييع مجـــرم و قــــاتل وتاخذ مخدرات ظالم مريض كلهن اسكت عنهن بــــس زاني لو تمووت لو تموت ما اسكت

.وكفت على حيلي اصيح وارجف منفعله وهو يصيح

::- لا بــــس اسكتي

::- كااافر شنو من نفسية عندك ماتلعب نفسسسك عاجبك الحرام العايشة ومعيشني بيه كلشي توقعت منك بــــس مو زنا

- مد ايده وهو كاعد جر رجلي وكعني واني اصيح واغلط جراني للفراش سد حلكي وصيح

::- بــــس اسكتتتتي كلشي قبلج جنت اسوي
وهسه لا اكدر على اذيتج ولا روحـــــي تتقبل غيرج

- دفعت أيــــدة من حلكي فشرت عيني بعينه
عصر فكي حيل

::- بمنو احلفلج من يـــــوم لزمتج بعد ما لزمت غيرج قبلج جنت وصخ وكلشي قذر اسويه هسه ما اكدر اختنك يم غيرج روحـــــي بــــس الج صارت.

- مديت ايدي على رگبته ملختها باضافري واحجي وهو كاسر فكي بايده
::- والحمرررررره

- غمض عينه موجوع ::- بــــس علمود الشغل مو البالج

::- ما اصدكك لو تموت

::- يا ريت لو اكدر اروح الغيرج علگت روحـــــي بيج اتحسر على لمسه من ايدج

- دفعت أيــــدة من حلكي مسحت عيوني ارجف
::- ديربالك تفكر تتقربلي اذبحك

- ابتسم وهز راسة لا ::- ما افكر ما اوصخج حتى بتفكيري

::- احلف بغلاة اخوانك ماجنت ويا مره؟

::- الله يحرمني منهم ولايجمعني بيهم اذا جاي اجذب عليج

" وغلات الـ بس انتِ بمعزتهم"

رحت علمود شغل بنادي ليلي وبيه بنات بــــس ماتقربت الوحده

::- الحمره شلون صارت على رگبتك قدرة قادر؟

- جــــمرة افهمي تجي يمي بنيه والحمره منها بــــس ما الزمها

- دفعته من صدري حيل ::- وخــــر قذر ولي اسبح من وصاختهن

- هز راسة اي وكام اخذ ملابسه وفات للحمام جريت فراشي للحايط گـــــلبي نار تمددت وروحـــــي تلوب رجع فات للغرفة لابس بــــس بجامة صيحت رافعه ايدي

::- ولي نام برا ما أريـــــد اشوفك

- راح للملابس سحب تشيرت وهو داير وجــــهة حجه

::- جــــمرة مو قبل تكولين خاف اخوانك ميتين وقسام يضحك عليك

- جمدت ساكتة وكف على حيله دار وجــــهة يباوعلي ولبس التشيرت اجه يمي كعد وجر التليفون يگلب بيه گـــــال وهو مدنك مايريد يخلي عينه بعيني

::- تأكدت عايشين

::- شلون تأكدت؟

::- بطريقتي بــــس خايف من شي اتوقع اباذر ودره مو سوا

- عض شفته ورفع راسة يباوع بعيني نزل عينه يرجف خايف لزمت ايديه

::- ان شاءالله سوا لا تخاف

::- ادعيلي الكاهم تعــــبت وحگ عيونج تعــــبت

- گـــــلبي نمرد عليه رفعت ايدي امسح على خده
::- يا رب تلكاهم بــــس كلي صاير شي عرفت شغله جديدة

::- ما ادري اذا قسام متقصد يخليهم يسمعوني. هل حجي لو صدك اكو هيج شي
  اليوم واحد جان كاعد وبحضنه بنيه باوعلي وسألها كالها
جانت اكو بنية تشتغل هنا وانطة مواليد دره ويوصف شكلها وجسمها ادق تفاصيلها حتى الشامه الجبيره البطرف حاجبها  بعدين باوعلي كالها عيونها يشبهن عيون جـــــندل اشك بيها اخته

::- مبين قسام دازه

::- واذا حجيه صدك ومو قسام دازه؟
وتطلع اختي تشتغل بنوادي بغداد

::- واللـــه مبين جذب

::- واااااذا صدك واذا صدددك جــــمرة شسوي

- سكتت اباوعله يرجف وايده على كلبه بــــس يريد يجر النفس

::- شنو هل صدفة الخلته يسأل عليها بوجودك مبين لعبة من قسام

شهك يجر نفس كمت اركض جبتله كلاص مي لكيته متمدد بفراشي

::- اكعد اشرب مي

::- ما أريـــــد

- عفته على جهه وكعدت على ركبي بصفة
::- أبــــــهر حتى الحمار يفهم هاي لعبه شبيك

- رفع عــــــيونة المليانه دموع ابتسم يهز راسة

::- تواسين لو تغلطين؟

::- ارعن مطلع ذكائك بــــس عليه

::- اضعف بكل سالفة تخصهم لو سراب هم اركض وراه دام بيه خبر عنهم

- مد أيــــدة يريد يسحبني الحضنه دفعتها
::- كوم من فراشي يله

::- تعالي بــــس اسولفلج شبيج أريـــــد احجيلج

- جريت كلاص المي شربته  وعبرت من فوگ الأبـــــهر صرت بجهة الحايط وهم مجلب بزندي يريد يسحبني الصدرة اخذني لماني بحضنه حيل ساكت

::- احجي اتحمل حضنك الخايس علمود تحجي

::- بعد عشرين يـــــوم عدنا ................

- مركزة بكل عقلي وهو يحجي عن التهريب والسلاح والدول التاخذ وتنطي حسم كلامة بـ

::- من اجيب الفلوس اسلمهن القسام وقبل لا قسام يسلمهن الهم يضيعن

::- وين يضيعن

::- انا اخذهن وبنفس الوقت ادور وياهم عليهن

::- وقسام مايشك بيك

::- وياه ثانية بثانية مايشك

::- وبعدين شو دخت كمل

:- راح اخلي الفلوس توصل الفد ناس يموتون على قسام يعشقونه ويتمنون عليه الزمه وقسام شلون مايخاف منهم .

::- سطرتني سطرك العباس احجي عدل

- ضحك ورجع راسي الصدرة
::- اخذي الزبده الفلوس تروح العدو قسام وقسام راح يجي كـ الكلب يتوسل بيه اطلع الفلوس حتى ماينكتل وانا ما اطلعهن اذا مايوصلني الاخواني

::- أبــــــهر جاي تضحك عليه

::- لا

::- ما استوعبت

::- حقج مو عالمج لا تفكرين

::- يعني اكو امل بعد عشرين يـــــوم تلكه اخوانك

::- اي اذا ضبطت الخطة مثل ما أريـــــد متأكد راح يوصلني الهم في سبيل اجيبله الفلوس

::- خفت

::- ليش

::- ما ادري ....حجيتها وعبرت ايدي احضنه حسيت اخر عشرين يـــــوم ويخلص كلشي بقى حاضني ساكت وراها گـــــال

::- تــــدرين قبل سنتين انا فار نوادي بغداد كلها

- سحبت ايدي من خصرة اريد ابتعد لزمها قوي

::- اطلب البنات البعمر درة جنت كل يـــــوم اروح كل يوم واموت الف مره قبل لا اشوف ايدها اتخيل تطلع درة شگول وشحجي وياها

::- وكل يـــــوم تروح الوحده؟؟

::- اي وقتها المسؤولة عليهن كالت تريد تجربهن كلهن كتلها لا بــــس البهذا العمر وسوتلها لعبه

::- لعبة شنو شسوت؟

رفعت راسي اباوعله من بقى ساكت نزل عينه باوعلي

::- جــــمرة تكرهيني من حجيلج قذارتي

::- على اساس هسه اني ميته عليك

::- هههه باوعي انا ماجنت اتقربلهن لان رايح بغاية الاخذها للغرفة بــــس اشوف ايدها واطردها وارجع اخذ وحـــدة اكبر منها للعلاقة فعلا

::- تنام وياها؟

::- اممم

::- زاني

::- قبلج

:;- وصخ بــــس كمل شنو العبة

::- هي حست اكو سالفة ليش اخذ بنية صغيرة ونوب اطردها بدون ما اتقربلها واخذ غيرها اتقربلها كامت من افوت للغرفة اول ما اطرد البنية الصغيرة تدخل نفس البنت السويت وياها علاقة قبل رغم هي ماقابلة ولا حابة تقربي الها بــــس عدها غاية جانت تسأل وتستفسر هواي
عرفت مدزوزه عليه وتريد تسحب مني كلام

::- يااا وشسويت بيها شوف شون ذكي ولكفتها ويم قسام تصير زمال

::- ههههه موتتها

- شهكت ورفعت راسي مصدومة ::- قتلتها؟

::- لا

::- هــــا ضربتها؟

::- لا ما امد ايدي على مره

::- نتلتها؟ حركتها ؟ غرگتها ؟ شلون موتتها لعد ؟

-سكت وتحسر ::- شي اكبر من عقلج .

::- واللـــه اكرهك من تحجي شي وتخلي بيه لغز

::- اذيتها بغير طريقة.

-دك گـــــلبي حيل واني على صدرة ابتعدت فازة وفاتحه عيني على وسعها مصدومه

::- اننننننت ؟؟؟؟؟ ......سكتتت ادور على الكلمة الاعرفهاااا كش وجــــهة صاح مشمئز

::- انجبي لاااااا مو البالج

::- جذاب واللـــه سادي انـــتَ؟؟؟

::- وجع انجبي كتلج لا

- طكيت رجلية بصدمة احلف ::- والقرآن سادي اكول تگلي افكاري تأذيج

::- راح اطكج على حلكج ماقصدت هيج خرب عقلج

::-اييع  ايا ادبسز ايييع نوب سادي

::- ايع انجبي لا تتسوفلين شبيج قفلتي

- خليت ايدي على حلكي افكر واحجي منفعله
::- عليك الله بــــس شو من تقربتلي قبل من جنا بالبيت هذاك

::- يا بيت

::- البيت القديم من اول مره اجيت يمي وعرفت بيك مامغتصبني ما اتذكر سويت شي مو حلو ولا عذبتني

::- اكو واحد يعذب روحه؟

::- يعني هسه انـــتَ ...

ماخلاني اكمل الكلمه عاط

::- انجبي كتلج لا شجلبتي

::- جذاب واللـــه

- ابتسم مد أيــــدة على رجليه يحجي وبالكوه لازم ضحكته

::- جربي واعرفي .

-سكتت اباوع بعينه كتله ::- خوش يله

اختفت ابتسامته وسحب أيــــدة
::- لا تتسوفلين

::- خفت يعني كلامي صح؟

::- لا مو صح بــــس تعالي خلي افهمج

- سحبني من ايدي الصدرة وجر الغطا فوكانا

::- راح احجي بــــس لاتفكرين انا رايد استغلج لو اتقربلج بــــس أريـــــد اوضحلج

- سكتت فاتحه عيني راسي على صدره گـــــال

::- شمعرفج بالسادي انتِ

::- عرفتها مره سمعتها وسألت وعرفت

::- شنو يعني؟

- سكتت منحرجة دغ راسي بحنجة ::-سولفي
::- يعني يعذب زوجته ويضربها

::- عفيه يعني مايلكه راحته الا بالاذية
::- وانتَ هيج؟

::- لا بــــس مرات اتقصد اتعامل بطريقة مؤذية ويا التستحق

::- اي شنو يعني سادي

::- خاب لا فتيتي مرارتي ترا . تذكري زين شلون تعاملت وياج عذبتج ضربتج ؟

::- ما اتذكر كلشي.

::- جذابة جــــمرة اصلا جنتِ صاحية لان وقتها انطيتج منوم .مو مخد*رات

::- لا... لا عذبتني ولا ضربتني

::- لو سادي جان صرتي جثة بايدي ولو رايد اذيتج هم جان موتج .لان الاتقصد اذيتها ما ارحمها .. بعد ليش جلبتي صخام وصخام

::- هممم يمكن اقتنعت بــــس بعد سؤال ليش من كتلك خوش ماقبلت؟؟

::- لان متسوفلة كلش

::- لا ليش احجي
حضني بقوه يبوس شعري ويشمه

::- اخاف عليج مني وهم لان ادري بيج ما رايده هل شي بــــس تردين تروين فضولج .

::-يله يله عود صدكت

::-الزقجة

::-الثور

::-السافلة

::-الكافر

::-بت ام الضباط

- مديت ايدي على رگبتة كرصتها حيل وهو يضحك ويجر بايدي بــــس يريد اعوفها

::- خرب اهلج ههههه ولج

- ادبسز ارعن الف مره كتلك لا تحجي على امي

::- مجذب غير تزوجت ضابط اورطتنا

::- بشنو ورطتك بلا

::- هسه لو متزوجه بنچرچي جا رجعتج

- اكبر جذاب

ضحك وسكت ابتعدت من حضنه هو هم كام من فراشي فرش بعيد عني ونام

كعدت الصبح الكهرباء طافيه باب الغرفة والشباك مفتوحات الشمس بعدها مو قوية هستوها تطلع وصوت الطيور يجنن كمت غسلت شفت باب الصالة مفتوح

مديت راسي بدون حجاب ابـــــتسمت اباوعله

يـــــمة حبل وخشبة عريضة  رفع راسة لمحني ضحك

::- البسي حجاب وتعالي

::- ليش مو انـــتَ طالع بدون تشيرت؟

- سحب التشيرت من يـــــمة لبسه يباوعلي رجعت دخلت صاح جيبي جرجف وياج

- لبست شالي اخذت الجرجف وطلعت وكفت يـــــمة

::- شجاي تسوي؟

::- مرجوحه

::- المن؟

::- لسنايبر الزقجة

- ابـــــتسمت ساكتة وهو وكف يريد يشدها
ابين شجرة ونخلة صعد على الشجرة يشد الحبل ويباوعلي عركان ومترب وايديه متزلغات

كمل ونزل شداها على النخلة باوعلها والتفتلي

::- تعالي نتريك ومن نخلص اكملها .

::- أبــــــهر أريـــــد بيض عيون

::- تدللين

::- اسوي اني وانتَ اسبح

- باوعلي يضحك ::-منج من الشيطان

::- لان سويتلي مرجوحه اسويلك ريوك

::- يله خوش فايت اسبح مو تحتركين

- راح قفل باب الصالة يباوعلي هزيت ايدي ماعاجبني ودرت على الطباخ گـــــال

::- عايف باب الحمام مفتوح ترا كل شوية امد راسي اباوعلج

خزرته ورجعت
خليت مي بالقوري وهو فات للحمام  جدحت أريـــــد اشغل الطباخ صاح

::- مو تحتركين

::- اعررف اعرررف مو بــــس انـــتَ تعرف خبصتني.

- خليت القوري على الطباخ ورجعت اثرم بصل بصحن وكمت بسرعة من تذكرت ماخليت ورك أريـــــد افتح قبق القوري وايدي تحترك نزعت شالي لزمت بيه القبق خليت ورك ورجعت كعدت اثرم واطلع بيض باوعت الباب الحمام مردود بــــس ما مطبوگ كلش ركضت الباب الصالة اتأكد قافله لو يجذب عليه من لكيته مقفول سبيته

رجعت كعدت كومة بصل ثرمت وعيوني راحن
شميت ريحة حرك اول مارفعت راسي شفت الطباخ كله مشتعل والنار تاكل بالشال شهكت. وركضت للحمام دفعت الباب ودخلت اصيح
::- احتركنااااااااا الحككك

- بسرعة سد عيوني ويصيح::- شبيييج

- واني اجر بايده من عيوني نسيت هو بالحمام بــــس أريـــــد احجي. وخــــر أيــــدة مني يلف بالمنشفة على نفسه وطلع يركض فلت القنينة
دفعها بعيد وجر الشال. من الطباخ طفاه ودار عليه لونه مخطوف

::- اخذتي روحـــــي

- كعدت اباب الغرفة ايدي ترجف واكله
::- التوبة بعد ما اطبخ شي

::- على هل هبطة لو طبخج يدخلني الجنه ما اخليج تفوتين للمطبخ

- رفعت عيني اباوعله بــــس بالمنشفة خزرتة
ودنكت عيني فشلانه رجع للحمام غسل ولبس طلع سوا الريوك هو وكل شوية يضحك بــــس اني بقيت كاعده هابطة روحـــــي رايحه

كملنا الريوك ورجع كمل المرجوحة ضحكت يمكن حياتي كلها بــــس مرتين صاعده بالمرجوحه.وكلتني بابا اني ومصطفى

كعدت وهو يهزها متونسه حيل واضحك بصوت عالي وهو الضحكتي يضحك الحد ماتعب كعد مقابيلي بقيت اني احركها

طلع تليفونه يريد يصور غطيت وجهي

::- وخري ايدج اخدرج ترا

::- لا تهدد ماحب اصور مو حلوه

::- تخبلين خلي اصور واراويج

- رفعت راسي ابـــــتسمت وهو يصور تمدد على الحشيش وبرجله يدفع المرجوحه وياخذ صور

عاف التليفون وبقى يحرك المرجوحه برجلة اتلاشت ابتسامتي واني اباوعله وهو هم اختفت ابتسامته يباوع بعيني هز راسة ::- شكو

::- أبــــــهر اني احبك

- فك عينه بصدمه ما مستوعب كملت كلامي المتناقض وهو على نفس الصدمة

::- من تصير حــباب احبك حتى وجودي وياك احبه من افكر باخوانك ينكسر كلي وبودي احضنك وما اخليك تضوج ومن افكر انـــتَ مجـــرم خطفتني جبرتني اعيش وياك خليتني مدمنه وحرمتني من اهلي ومازلت حارمني منهم خليتني اشوف الموت واشياء ماجنت اتخيل راح اعيشها اكرهك واتمنالك الموت .

احس روحـــــي تمرضت حتى افكاري متناقضة

::- مجـــرم انا بيني وبين الموت بس طلقة لا تحبيني ينكسر گلبج وهو بــــس گلبج سلم من شري لا توصليني اله كم يـــــوم وتخلصين مني .

::- أريـــــد اخلص منك واسجنك وبالوقت نفسه أريـــــد ابقى يمك واشوفك ويا اخوانك
أبــــــهر ما ادري شنو الاريده انـــتَ خليتني ما اعرف شنو افكر

-غمض عــــــيونة وخله ايه يلزم خشمة من يم حاجبة بنفاذ صبر كعد على حيله لزم المرجوحة

::- امشي فوتي جوا كـــــافي

::- لا ما أريـــــد حلو الجو أريـــــد ابقى

حجيتها أريـــــد احرك المرجوحة وفززني صياحة

::- تحررركي

::- شكو تصيح

::- ولي جوا

- نزلت من المرجوحه خازرتة ::- هيوو حظك اطيحة من تصيح عليه

- جراني من ايدي للغرفة واني مفرفحه املخ أيــــدة باضافري دفعني حيل وكعت على ايدي على العظم شاطت روحـــــي حاضنة ايدي ابجي واغلط اجه يركض بــــس يريد يلزمني دفرتة اغلط واصيح

::- وخررر وخــــر

::- بــــس اشوف ايدج جمرره

- كمت لفراشي ابجي وحاضنة ايدي على گـــــلبي

::- الله لا يوفقك كسر بايدك يارب يتكطعن اصابعك الارعن الحقير

::- بــــس مدي ايدج خلي اشوفها

- جريت الغطا فوك راسي هيج روحـــــي فرفحت مو بــــس من الوجع لان ما سويت شي غلط وانچلب جر الغطا وجر ايدي غصب عني يريد يمرغها وبايدي الثانية ملخت أيــــدة الحد مابقت تصب دم وهو ساكت

::- عوووفني

::- اسكتي

::- مسحت دموعي دايرة وجهي منه وهو ماد ايدي على رجله يمرغ بيها رجعت باوعت الايده
مكانات اضافري تشطبن يصبن دم

جريت ايدي عافها درت وجهي متغطيه ودموعي على خدي صوجي اني من اصير زينه ويا ينجلب واللـــه الا ارجع جــــمرة الخبيثة وياك

عافني وطلع بجيت الحد مانعست نمت وفزيت عليه يلزم باصابعي أريـــــد اجر ايدي گـــــال

::- اشش تنجرحين

::- وخرر

::- اششش خلي اكص اضافرج

::- اصبعي راح ينكسررر شبيك

::- لا تتحركين وهو ماينكسر

- عفت ايدي ماحركتها حتى مايضغط على اصابعي كصاهم وجر ايدي الثانية هم كاصهن كعدت امسح بوجهي جر الغطا مني بسرعة مديت ايدي انزل التشيرت لزم رجلي جريتها خازرته

::- وخــــر عود صرت حــباب وخــــر

-باوعلي رافع حاجبة خزرني طبك رجله وحجه بجدية
::- خلي رجلج هنا خلي اكص اضافرج

::- ههههه خوفتني

- بــــس حجيتها كام على حيله جر شيشة المخدر والمنديل اباوعله ساكتة انترس گـــــلبي حقد عليه رجع كعد بمكانه وطبك رجله بدون مايحجي الشيشة والمنديل بصفة سحبت رجلي خليتها فوك رجله ساكتة وكلبي يريد يطلع من مكانه من القهر كص اضافري وكام طلع

شوية ورجع عليه بدون مايحجي جراني للحمام دفعني گـــــال

::- غسلي خلي اغديج

::- هه واذا ما اكلت هم تخدرني؟

::- اي الافضل الج تسمعين مني حتى ما اخدرج سنايبر

- باوعتله بنفاذ صبر غسلت وطلعت جاب الصينية واجه دفعت أيــــدة أريـــــد اكل اني مد أيــــدة على وجهي لزم فكي

::- اكلي من ايدي

::- كسر الايدك

- عفت الصينية وكمت ارجف وابجي جريت الشيشة مال المخدر والمنديل بــــس اريدها تنفتح واصيح

::- تهدددني بيهن هاااك خليها بس لا تهدد لا تهددد

- اجه بسرعة جراها من ايدي. ابتعد رافع وجــــهة ليفوك. ::- شتــــردين انتِ؟

::- اخلص منك

::- مابقى شي كم يـــــوم خلينا نخلصهن على خير لا تعاندين ولا اهدد متفقين؟

- مسحت وجهي وكعدت على فراشي لامه رجليه الصدري جاب الصينية واجه يمي اكلت من أيــــدة على اعصابي

اخذ الصينية وطلع مارجع يمي بقى كاعد اباب البيت والهوا قوي وقت غروب اباوع من شباك الصالة المرجوحة تتحرك وحدها وهو كاعد على مصطبه رجل منزلها ورجل ثانيها ساند راسة على حايط ومغمض

طلعت بدون صوت كعدت بعيد عنه بدون مايباوعلي حجة

::- تردين شي؟

::- شكد كرهتك ذكرتني بابوية من مره اخذت مصطفى للمراجيح واجه كتلنا كدام الناس حسيت بنفس الكسرة من فرحتني بشي وفجأة
تغيرت

- فتح عينه باوعلي واني مختنكة شفتي ترجف

::- كومي تمرجحي

::- هههه لو روحـــــي بيها هم ما ارجع

::- ليش

::- بجيتني وفرفحت روحـــــي الصبح عليها وهسه بكل عين تكلي ارجعي تمرجحي .

::- يجي يـــــوم وتفهمين كل تصرف غلط اسويه المصلحتج

- درت وجهي منه ساكتة صار ظلام وصوت الهوا قوي الكهرباء طفت اكثر من ثلث ساعات فاتن

::- تتعشين؟

- بقيت ساكته مخليه راسي على رجليه

كام على حيله سحب ايدي دخلنا للصالة شغل الشمعه قفل الباب ووكف يسوي عشا

::- حرف ماحجيت وياه اكلت شوية غسلت عفته ولفيت راسي سمعته تعارك ويا عمر بالتليفون ومافهمت على شنو

الشمعة طفت وتليفونة گـــــال راح يخلص شحن هم طفه الضوه

فاتحين شباك الغرفة صوت الاشجار مايخليني انام والهوا العالي يرعب .
گـــــلبي يدك حيل نايمه بصف الشباك وهو فراشة بالجهه الثانية بصف الحايط

اتگلب خايفة وما اكدر اتنازل واكله تعال يمي
كل ما اتحسر وانگلب  يتحمحم لو يكح احس يكلي يمج .

شهكت مختنكة واحجي بخفوت
::- خلصني يارب

- حجيتها ولفيت نفـــــسي حيل انطيته ظهري  أريـــــد اجبر نفـــــسي ما اخاف نزرف گـــــلبي
حسيته بصفي سحب الغطا مني تمدد ورفع راسي خله أيــــدة جوه راسي وضماني بحضنه حيل

::- يمج انا 

- تحركت درت عليه ضميت روحي الصدرة حيل نعسانة وخايفه انام بــــس امنت بحضنة غفيت فترة وحسيته يهمس يمي

::- جــــمرة جــــمرة

- فزيت مخروعة ::- هــــا

::- اشش صوتج كومي.

::- شكو

::- كومي بسرعة

- سحبني من ايدي وكفني مافاهمه شي مشغل ضوه تليفونه وساد نص الضوه بايده مخلي شي بسيط جر الشال لفاه على شعري وشال امي شده على ايدي خفت اهمس بصوت ناصي مثله

::- شكوو أبــــــهر وين رايحين

::- لازم نطلع منا بسرعة

::- ليش شكو عفيه احجي ....

سكت لم الاغراض بالجنطة لبسها بظهرة وجر حذائي لبسني سحب ايدي جلبت بقوة خايفة وكل ما يصير صوت شجرة قوي افز وهو مرعوب اكثر مني

ظلمة حيل ما اشوف شي عاف الطريق الزين ودخل بالبستان
::- أبــــــهر عفيه احجي

::- اشش لاتكولين أبــــــهر اسكتي

- ايدي ترجف بايده وهو يمشي بصف الاشجار
يختل ابين شجرة وشجرة ساحبني حيل ساعة يخليني وراه ساعة گدامة الحد ماوصلنا نهر صغير مال سگي گـــــال

::- اطفري تكدرين؟؟؟

::- اي اكدر ما اخاف

::-عفيه يله

- طفرت وكعت على اركبي فرفحت من الوجع مغمضة وصاكه سن على سن حتى ما يطلع صوتي جريت نفس ارجف وكفت على حيلي والتفتت فكيت عيني كلها من ما لكيته  اتلفتت خايفة اهمس بخوف واباوع ابين الاشجار
::- جـــــندل. وينك وووينك

- كعدت على حيلي أريـــــد اصرخ ساده حلكي بايدي ارجف وابجي متت الف مره بس أريـــــد المحه بــــس أريـــــد اشوفة وييين عافني وين راح .

..

نــــهله ::كاعدين نلف كبة وسمر فجأة سكتت مرت سالفة ابالها بحيث تغير وجها

::- شبيج سمر

::- خاله تــــدرين هذا عباس الهتلي الصايع ابو اذانات

::- لا حول ولا قوة الا بالله ولج ليش تاخذين ذنبة

::- ارتاح من اغلط عليه باوعي اسمعي شمسوي الراسه جنه صوبة  ذاك اليوم زوجي شايفة بمطعم هو وبنيه .

- ابـــــتسمت هزيت راسي الها ::- لعد عبالج راح يموت نفسه وره فــــــاطمة قابل صدك يحبها

::- عسى ربي مايهنيه راسة جنه دشبول

::- استغفرلله ولج  مايصير تدعين ترجع عليج

- باوعتلي تضحك كامت تغسل المواعين وتحجي

::- خاله انتِ هم بطرانة لا تدعين لا تعيبين لا تغلطين..
لعد شلون يرتاح گـــــلبي من القاهريني اذا ما اكعد ساعه اغلط واسب وساعة ادعي واتحسب وساعه اتنمر على شكولهم غير اموت.

- ضحكت وكمت ضميت الاغراض وهي شفتها فاتت الغرفتي شوية ورجعت جرتني

::- يله يگول بابا خلصيني

::- اوكفي بــــس خلي احضر  الاغراض

::- اني اسوي بــــس روحـــــي

- فتت للحمام اسبح مستحية منها ومن اسمر
طلعت لكيت ادريــــــس مبدل وكاعد هو وياها بالصالة دار وجــــهة مبتسم وسمر تصيح

::- طل القمر علينا

- فتت للغرفة اجت تركض وراي

::- شنو راح تلبسين؟

::- حجابي عبايتي جفوفي جواريبي شلبس يعني؟

::- رايحه الفاتحه؟

- عفتها تحجي واني اضحك لبست حجابي صاحت

::- نووب تتحنك المن؟؟

::- جاي البس الجفوف جرتهن مني

::- وعلي اكتل رجلي اذا لبستي جفوف بيا دين بيا شرع منعوا ظهور الكف

::- محد مانعه ومو شي محرم بــــس لان متعوده

ضمتهن بملابسها وتصيح

::- واللـــه ولا تلبسينهن هسه اسويلي عركة

- عفتها اضحك لبست العباية ومخيطة بالردان عروة البسها باصبعي حتى مايطلع معصم ايدي يتغطى نص كفي يبقن بــــس اصابعي

شاطت تزلغ بخدودها واني اضحك عليها
::- مانعجبج ست سمر؟

::- تعجبيني بــــس دافنة نفسج دفن شيصير اذا عفتي العباية ولبستي صايات شيصير اذا خليتي شوية مكياج ترا بابا يستاهل يشوفج باجمل حالاتج

::- جاي اجاوبها وفات ابوها مبتسم حاجاها

::- استري علينا بابا هي هيج وماخذه روحـــــي

سمر ::- راسها مخسف

نــــهله ::- وجهج مصفح

حجيتها وهي وابوها ضحكوا من كل كلبهم وصيتها على مصطفى وطلعت وياه مدري شلون قنعت الجهال مايكولون خلي نروح وياكم طلع السيارة مبتسم وكل شوية يلتفت يباوعلي

::- شبيك ادريــس

::- بنفسج شي ؟

::- مثل شنو

::- شي تتمناه روحــــــج ما ادري بــــس اطلبي

::- ما مقصر بشي حتى اطلب

دار وجــــهة عليه باوعلي ورجع يباوع للطريق
ايد لازم الستيرن وايد نزلها يلم ايدي فرق بين ترافة أيــــدة واثار ايدي ولاول مره ما افكر ابـــــتسمت ولزمت أيــــدة التفت فرحان

- صرنا بازدحام وهو يحجي عن الطريق يدك هورن للسيارة القبله بــــس يريدها تحرك مد راسة ورجع گـــــال

::- بنية الجاي تسوق خلي ابتعد مية متر عنها

::- هههههه لا حلوه سياقتها ولا عبالي بنية شحلاتها تعرف وشاعله اشارة شتريد بعد

::- دافعت دافعت ماتكدر

::- النساء للنساء

::- وانا الج

- باوعتله اضحك حرك السير فتنا من يم البنية  كتله

::- اصلا تسوق احسن منك مركزة الله يحفظها

::- نــــهله اجيبلج سيارة ؟؟؟؟؟؟

- درت وجهي اله سحب أيــــدة مني لزم الستيرن عدل ورجع باوعلي مبتسم

::- سيارة شنو؟؟

::- بكيفج شيعجبج مثل سيارتي مثل سيارة اسمر واكو غيرهن هواي

::- شسوي بيها؟

::- اعلمج سياقة وتطلعين بيها مثلا انا عندي واجب وانتم ضايجين تاخذين الجهال وتطلعين تتونسين

::- ههههههههه تحجي صدك؟

- التفت يباوعلي ::- واللـــه العظيم شبيج؟ .

::- لا على بختك كلشي ما أريـــــد واللـــه ابالي تشاقة

::- لا واللـــه ما اتشاقة بــــس انطقي وكولي اي تجيج

::- الله يخليك ويحفظك النا كلش كـــــافي ما أريـــــد غير شي

- ضحك فرحان وكف يم مطعم نزلت وياه قفل السيارة واجه يمي سبقته ومديت ايدي الزم أيــــدة كل ما اشوف فرحتة گـــــلبي ينترس حب اله

فتنا حاجز طاولة وحدها گـــــال
::- اول طلعه النا وحدنا النفسنا مو الاحد

نــــهله ::- كل اجازة نطلع نورط سمر بالجهال

::- ههههه شكد بنفسي واكول خاف تفشلني ماتقبل اتردد اكلج خاف يصير بينا موقف

- دنكت اضحك سولفنا هواي وطلبنا اكل ساعات ماجنت اريدهن يخلصن كملنا اكلنا غسلنا ورجعنا كعدنا نسولف ضحك مستحي

::- نــــهله وعلي هاي مو دروبي واستحي منهن بــــس استشاريت سمر وهي ورطتني بهاي الفكره

- ابـــــتسمت عاكده حاجبي مافاهمه ::- شنو مافهمت

- مد أيــــدة طلع علبة من جيبة وجــــهة صار احمر خجلان ومرتبك أيــــدة ترجف ماعرف شلون يفتحهــــا جر المنديل يمسح وجــــهة من العرك صافنة. بتوتره سب سمر وباوعلي مرتبك

::- ماتنفتح

::- شنو بيها؟

::- حلقة

::- دتعرض عليه الزواج؟

::- ههه اي

- رجع يحاول واخيرا نفتحت طلع الحلقة لازمها بأيده جر نفس ورفع وجــــهة يباوعلي

- مديت ايدي اله لزمها وحجة

::-تقبلين تتقدس الحلقة وتوصل الاصابعج

::- ههههه

::- ههههه اي ست نــــهله شتگولين؟

::- أريـــــد افكر

::- ههههههههههه

::- اقبل بشرط استاذ ادريــــــس

::- كلي اذان صاغية تشطري شكد ما تردين بأمرج

- دنكت لزمت أيــــدة ورجعت اباوعله بجدية
::- كد البگلبك بگلبي ما حبيت ولا مره بحياتي ولا عشت احساس الحب الحد ماعرفتك
عوضتني عن ايام التعب .امنتني عن بيتك ومالك وجهالك رغم وقتها ماصار هواي تعرفني .
لكيت روحـــــي يـــــوم عن يـــــوم اتعلق بيك. اكثر.

::- تحبيني يعني؟

- هزيت راسي اي اتلافى اباوع بعيونه ارتبكت دنك باس ايدي و لبسني الحلقة

::- يشهد ربي عليه روحــــــج توسطت روحـــــي

- طلعنا من المطعم ماقبل نرجع للبيت گـــــال ::-خلي تصير ب11:30

من كل عقلة راح المعارض سيارات

::- بــــس شوفي

::- المن اشوف يابه اني اصعد وياكم اخاف

::- تتعلمين واللـــه

::- والله لو شيصير اخاف

- ضحك وطلعنا افترينا على الشط وراها رجعنا للبيت جاي اصعد صاح ::-اوكفي

وكفت على الدرج وهو بالكراج يخابر ويحجي همس التفتت البيتنا انطفن الاضوية عكدت حاجبي مستغربة سد التليفون واجه

::- شكو .

::- ماكو شي تعالي

- سحب ايدي وصعد مبتسم فتحنا الباب ودخلنا ظلمة وساكتين فزيت مخروعة من طفروا وشغلوا الضوه يصيحون بصوت خافت

::- عيد ميلااااد سعيد

- يحجون وياشرون مبتسمين بــــسام وغدير اسمر وسمر وزوجها والجهال التفتت الادريس اضحك

::- عيد ميلادك؟

- ضحكو كلهم گـــــال كدامهم

::- لا يا روحـــــي عيد ميلادج .

- باوعت بعينه خجلانه وهم بــــس يضحكون
سمر كصصت الكيكة وقفلت الا تخلي بوجهي اوجهه ابوها لمن الهوسة هي وغدير وكعدنا نسولف شوية وراحوا

دخلت نومت الجهال وتليفوني كل شوية يدك رسالة من سمر لو تكتب

::- دللي بابا

- اغلس شوية ودز

::- ما اوصيج البسيله عباية

- ضحكت ودزيتلها صوت ::- والله لو اعرف الا احضرج

- عفتها وفتت المحادثة جــــمرة من امس ما مراسلتني اتصل وماعدهم نت رجعت دزيت رسالة وصلت دز زوجها

::- هلا عــــمة جــــمرة نايمه واللـــه

::- هاا العفو يـــــمة عبالي كاعده ردت احاجيها من امس ماحاجيه وياها

- مارد جاي اكوم ودزلي صور فتحتهن مبتسمه تخبل تخبل صايرة تضحك وراها خضار بــــس ما واضح مقرب الصورة على وجها

::- يا روح امج يديم سعادتج وضحكتج

- كمت دكيت باب غرفة اسمر نطيته فلوس للسفر وهو شايطه روحه اخذهن من ايدي وصاح

::- شهر واطلك

::- اي خوش طلك بكيفك

- عفته ورجعت الغرفتي ادريــــــس بمكتبة اخذت ملابسي وفتت للحمام ورجعت بسرعة قبل لا يطلع ضميت روحـــــي بالفراش طول يله اجه

طلع غسل ورجع يبدل گـــــال

::- نمتي نــــهله

::- لا كاعده

::- انطيتي فلوس الاسمر

::- اي
سكت بدل واجه للجرباية تقربت الصدرة
ما جابرة نفـــــسي ومتقبلته .

::- نــــهله لا تجبرين نفسج السويته كله حتى افرحج مو حتى تتقبليني

::- ماجابرة نفـــــسي اكو عقبة بطريقنة وياريت لو موضوع يستحق مجرد خوف من ماضي.

وهيج انبنت علاقتي بادريس كـ زوجين بعلاقة تامه
محى كل ايام الماضي وزرع بمكانهم ذكريات حلوه مثل ماجان واعدني باسني براسي مبتعد

::- وعدتج ارجعج ورقة بيضة واخط ذكرياتي عليج مثل ما أريـــــد وانا كد وعدي .....
.

غـــــدير ::- التفكير اكل عقلي طلع من يمي كعدت ميته شوية ونزلت يم الحجيه حتى اكل ماقبلت تاكل وابوه اجه ينتر ويصيح صبيتله غدا. خليته گدامه وطلعت من الغرفة صار بوجهي بــــسام هستوه داخل وكفت وفزيت على الصينية نشمرت وراي. اشرلي بايده اصعدي

::- ركضت على الدرج اوكفت يم اول بايه اباوع أريـــــد افهم دنك بــــسام يلم الصينية وطلع ابوه كاله

::- ذليل وتضل طول عمرك ذليل

غـــــدير ::- وكف بــــسام يضحك وابوه رجع عليه يريد يضربه لزم أيــــدة دفعه ويحجي بصوت ناصي

::- متحملك وصابر الاجل عين امي بــــس وحگ عيونها اذا صار بيها شي من وره قهرك مــــحد يخلصك من ايدي اسجنك وروح عـــــلي اسجنك

غـــــدير ::- واكفة ارجف واكل باضافري مدري شلون لمحني خزرني بكل عينه ركضت للغرفة شوية وصعد مايحاجيني جر باكيت الجكاير وشغل الحاسبة كعد على الجرباية

.عفته ونزلت حاجيت الحجية غديتها وسويت صينية البسام اخذته وصعدت اول مافتحت باب الغرفة رفع راسة باوعلي ابتسم وكام نزل من الجرباية

غسل ورجع للغرفة كعدنا نتغدا ساكتين واني بــــس أريـــــد اسأل شرب مي واني بعدني اكل باوعلي تحسر ودنك عينه حجه مختنك

::- لا احبه ولا يحبني والاثار البظهري هو يضربني من جنت طفل الحد عمر ال20 سنة بطل وهسه رجع

- حجاهن ودمعن عــــــيونة

::- ليش؟

- نزل شفايفة مايدري ورفع أيــــدة يمسح وجــــهة متحسر

::- بــــس امي تحبني حتى هاي رقية الاكلج حاسبها اختي من احجي على ابوي لو على امها تتخبل وتحسبني عدوها

::- شنو السبب

::- ما ادري هم كلهم يكرهون امي بــــس هو هل كلب جان يحبها ومدللها ومن انجلطت بسببي كرها وكرهني وياها

::- ليش انجلطت بسببك؟

- جر القميص من بطنه رفعه وراواني اثر طلقة بصفحته
::- تصوبت وهي من خوفها انجلطت وانشلت

::- سوده عليه يا عمري

- رفع راسة ابتسم وسأل ::- انا لو امي

::- امك

::- وانا

.

يتبــــــع⋆𓍯

الكــــاتبة أيـــــــلول⋆𓄼𓂁

💚🌿
.