رواية آهات الانين~للكاتبة نونو الشمري الفصل الخامس والعشرون 25 - بقلم BlackButterfly002

الجزء الخامس والعشرون

فتح الباب
وليد ؛السلام عليكم
طالعت في طارق وليد الي كان يبادل طارق نظرات مو مفهومه
تعداه وليد ودخل يسلم علي
سلم على راسي :كيفك لين
لين :الحمدلله
وليد: كنت بمرك اكثر من مره بس كنت مره مضغوط في العمل واخر فتره قالت لي امي اهل طارق عندك فاستحيت
لين:معذور ما تقصر
شفت طارق يطالع بحده وليد وكنه بيذبحه
طارق:طيب والاهل لسه موجودين وانت اديت الواجب يالله الله يحفظك بدون مطرود
كنت اطالع طارق بقهر مرره من اسلوبه يسلام ليه يكلمه كذا
وليد:طالع بدون تقول
وابتسم له بسخريه مر من جنبه قال له كلمه بصوت منخفض ما ادري اش هي بس شفت طارق كيف يحاول يمسك اعصابه بقوه
طارق بعصبيه:الحشيمه مو لك لاختك بس ولا بيكون حسابي معك عسير
طالعه وليد وطلع بعدها
الحمدلله وشكر الحين يقول انه حاشمني وهو توه طارده
شفته بيرجع يجلس
لين:ليش تطرده وهو متعني يسلم علي انا ما تعنى لك
طارق بحده:انتي انطمي فاهمه تري اخلاقي واصله حدها منك ما ابي انضغط زود
وانفجر فيك
انقهرت منه مرره يسلام كل شي لازم يحط حرته علي وبعدين نفسي اعرف وش بينه وبين وليد
لين بعصبيه:دام طرد اخوي خذ اختك معك لا تخليها عندي
طارق :بطقاق احسن اصلا هذا جزاي اجيبها تقوم فيه وانتي ما تستاهلين احد يطل بوجهك
لين:والله تجي منك ولا تطل بوجهي ابد تسوي خير
شفته راح الحمام دق على هدى الي ما طلعت من بعد ما سمعت اصواتنا اكيد كل الي في الممر سمعونا الناس جايين يزورون اهلهم يبسطونهم وهذا بس جاي لنكد فكه منه على باله بموت لو ما جاء
طلعت هدى بسرعه وخايفه من طارق لما شافته معصب
عدلت طرحتها والغطى وطلعت وراه وهو ضرب الباب باقوى ما عنده وهو خارج حتى كزيت من ضربته بالي ما يحفظك بس بعيدين استغفرت مو عشانه عشان اولاده

سمر

كنت مع جدي وجدتي الحوش نسولف شوي ودق الباب وقف جدي وراح يشوف مين سمعنا صوت رجال ورجع جدي شوي الباب عشان يتكلم معه بدون يكشفنا
كنا ساكتين انا وجدتي نسمع جدي يتكلم مع واحد ومو فاهمين شي شوي ورجع جدي عندنا
لما جلس
جدتي:مين كنت تكلم
جدي:احمد ولد جارنا
انا بس سمعت اسمه كشرت اعرف انه هو الي علم ذاك الوقت يمكن كان صغير بس كان خبيث ما احبه اكرهه من كل قلبي حتى فيصل كان له يد في
سالفه اصلا ما صرت اقابله واتجنبه ما قدرت انسى كيف لعب علي مدري اش الي كان بباله بس هو اذاني انا كنت صغيره مو فاهمه شي ومو فاهمه مقصده الين الحين وحتى لما بعدها ضحك علي وقالي ما اخبر احد صدقته ما فهمت قصده انه ما يبي احد يكشفه الا بعدين لما كبرت بس خلاص راح الي راح معاد يفيد شي ومن بيصدقني الحين لو قلت فيصل الي قالي بيقولون ليه ما قلتي من وقتها يالله ماضي وراح وههذا الي ربي كتب انه يصير
رجعني سوال جدتي من سرحاني
جدتي:وش عنده احمد
جدي :بيعزمنا ملكة اخته يقول بكره
جدتي:ان شاء الله
وطالعتني جدتي:بتروحين معي
سمر:ان شاء الله قد وعدها لينا اني بحضر ملكتها
رحت عنهم براجع لان عندي بكره اختبار واصلا مذاكره بس بقي لي اراجع
لما خلصت فتحت دولابي اطلع لي لبس لبكره لقيت فستان احمر مخصر طالعت لنفسي شعري كان طويل مدري ليه حبيت اقصه واصبغه ابي اغير من نفسي شوي يمكن تغير نفسيتي
طالعت الساعه لسه شوي وبياذن المغرب بعد المغرب بستاذن من جدتي وبروح المشغل
انا من النوع الي يهتم بنفسه كثير كنت احب كل مره اروح مشغل قريب منا انظف بشرتي اسوي بدكير منكير وكمان اعنتي بنفسي وشعري يمكن الشي الوحيد الي ما كنت احب اغيره هو شعري بس المره هذي حبيت اسوي تغيير شامل
جسمي حلو وانا محافظه على رياضه ما احب جسمي يخرب ابد احس حلات البنت بجسمها
صليت المغرب ونزلت بستاذن من جدي وجدتي
ما استغربت جدتي لان دايم اروح المشغل
طلعت وركبت مع السايق اول ما دخلت المشغل سلمت على البنت الي عند الاستقبال والمحاسبه واعطيتها عبايتي تحطها في الدرج عندها طبعا الكل يعرفني هنا حافظيني

لين
ما في عندي انا شي جديدالا اني دخلت السابع هذا الاسبوع وزاد علي الام اضعاف
وهم متوقعين لي ولاده مبكره فكل شوي يجوني يسون لي فحوصات وانا خوفي زاد
طارق صار بس يجي يسلم يشوف الناقص ويروح احيان ما يمرني بس مرتاحه ما اقدر احس بضغط زياده منه الي فيني يكفيني
اليوم كان الالم بزياده حاولت اقوم اتوضى واصلي اكثر من مره ما قدرت لما جتني المرضه وساعدتني اول ما دخلت الحمام حسيت مويه تنزل خفت مرره بسرعه ناديتها دخلت علي لما قلتلها ساعدتني ارجع على الكرسي
وطلعت تنادي الدكتوره وانا كنت احس بالم مو طبيعي شويه وجتني الدكتوره سوت لي كشف طلع ان الرحم مفتوح عندي 3سانتي
الدكتوره:يمكن فيه ولاده الرحم مفتوح
جلست معي الممرضه وانا احس ان الالم كل ماله يزيد بعد فتره نقلوني غرفة الولاده كنت خايفه مره ما احد حولي يخفف عني لا امي ولا جدتي ما احد حولي يحس بوجعي كنت مع الالم ابكي على وحدتي وضعفي

فاطمه
كنا في الصاله انا واخواتي نتناقش عن التجهيزات واش الي بناخذ الحين لان موعد الزواج تحدد بعد شهر كنت في دوامه
سمعت نغمة جوالي شفت وان زياد الي يدق
قمت عنهم بروح الغرفه الثانيه
فاطمه: هلا والله
زياد:هلابك حياتي كيفك
فاطمه:تمام حايسه مع التجهيزات انت الله يهديك مرره استعجلت قلت لك خله في الصيفيه
زياد :والله انا ما عندي صبر انتي لو بيدك بعد سنه
فاطمه:عادي محنا متملكين وانت على طول عندنا يعني تحمل شوي
زياد:خلاص حجزت كل شي معاد فيه تراجع
فاطمه:راسك يابس المهم وينك
زياد:با السياره رايح لجدي وجدتي
فاطمه بقهر:لجدي وجدتي ولا لسمر وبعدين معك كل يومين ناط هناك
زياد بتنهيده:اش فيك انتي مو من الحين تحقيق وقلق جدي طلبني اروح معه لملكة بنت جارهم ابو احمد تبيني ارده
فاطمه:بس انت رايح تشوفها
زياد؛وبعدين معك فاطمه اش متفقين عليه من بداية الزواج لا تحاسبيني على الاشياء عارفتها فيني خلاص هذي حياتي وانتي رضيتي فيني وفيها
فاطمه بقهر؛من قال اني رضيت فيها انت قاعد تجبرني تبيني ارضى غصب
زياد:يعني موراضيه كان قلتي من البدايه ويالله وصلت ما ابي ابطي على جدي ولنا تفاهم ثاني
قفل في وجهي شكله زعل بس ما اقدر وهو مو حاس بشي
وسمر هذي اكيد لسه تتلصق فيه هذي عمره ما بتعرف مكانتها بس انا اوريها وبعلمها مكانها صح وين بس خلي جمعة جدي تجي على خير وانا اوريك يا سمر الزفت

عند سمر

كنت احط لمسات الاخيره على شكلي طالعت لقصتي كانت مدرجه شعري وقاصتها لين نص ظهري استشورته وفيرته من الاخير كنت صابغته بني عسلي الون فتحني مررره جدتي اول ما شافتني ما اعجبتها وزعلت ليش اقص من شعري شعري قبل كان الين اخر ظهر كنت اشوفه طويل لين شفت شعر لين ما شاء الله عرفت اني كنت العب على نفسي ما قصيت كثير منه لاني ما قدرت عورني قلبي عليه قصيته بس لنص ظهري
حطيت مكياج خفيف لبست فستاني كان عادي ماسك وله فتحه من جنب لين الركبه وهو احمر لماع بذهبي خفيف اكمامه طويله بس له فتحه وسيعه شوي من الظهر كنت بارفع شعري بس لما لبسته حسيت شوي الفتحه الين نص ظهري واكيد جدتي بتزعل فنزلت شعري يغطيها
الفستان هذا شريته قبل فتره عجبني واخذته بس اول مره اقايسه الحمدلله كان تمام
طلعت لجدتي اوريها كشختي على طلعتي كان داخل زياد وباين معصب او متضايق
بس طنشته بتعداه مع اني فرحت بشوفته كثير لان من زمان عنه
كنت بروح لجدتي المطبخ بس هو تعنى لي وسد الطريق
زياد:خير ما فيه سلام ولا شي
سمر رفعت راسي له :انت الي دخلت انتي الي مفروض تسلم
زياد:سلمت بس انتي كنت مبحلقه فيني شكل ما انتبهتي لي ثاني مره نزلي عيونك تري اخاف على نفسي من نظراتك
سمر بقهر اعرف زعلان ويبي يجرح فيه عشان يريح نفسه :طيب وعليكم السلام الحين وخر
مشيت بس حسيت باحد رجع سحبني ورى
زياد وهو عاقد حواجبه:شو مسويه بنفسك انتي
سمر:وش مسويه
زياد:شعرك ليه قاصته
سمر:جاء في مزاجي اقصه وقصيته فيها شي
زياد شفته انقهر من ردي:وبعدين لبسك هذا لتكوني بتروحي فيه
طالعت نفسي طويل وكمه طويل وش فيه يعني
سمر:وش فيه ساتر
زياد وهو يعقد يديه على صدره :مره ساتر سيقانك وهو ياشر على رجلي طالعه وظهرك نصه طالع
سمر:عادي حفلة حريم وظهري مغطيته بشعري مو باين
زياد:بدون كلام زايد بسرعه روحي غيري ولا ما فيه روحه ولف بيطلع
سمر بقهر:مارح اغير ومالك دخل فيني
لف علي بعصبيه خفت منه:مالي وش عيدي ما سمعتك
سمر خلاص ببكي من القهر الا يتحكم فيني
شفت جدتي طالعه :وش فيكم ليه الصراخ الحين
طالعت جدتي:يمه شوفي مو مخليني اروح
جدتي تطالع زياد:ليه وش فيك عليها
زياد:ما انتي شايفه لبسها
كنت واقفه مو مبينه فتحت الساق
طالعت فيني جدتي وطالعت زياد :وش فيه ساتر واكمامه طويله
زياد:خليها تمشي وتشوفين سيقانها برى ولو لفت بتشوفي نص ظهرها كمان طالع
سمر بقهر:مالك دخل فيني البس زي ما ابي
زياد بعصبيه:لي دخل غصب عنك والحين بغيرينه ولا مالك طلعه من البيت
سمر بعصبيه:موتجي معصب وتحط حرتك فيني
حط حرتك في الي عصبك ولا ما تقدر الا علي
تقدم مني بس جدتي مسكته:بلا قلت ادب وبتفصخينه غصب عنك ولا والله ما تطلعين من هنا فاهمه اشوف طايل لسانك لك فتره وساكت عليك بمزاجي
سمر:والله فاطمه يوم الملكه فستانها ما بقي شي ما طلعته وما شفتك تكلمت ولا ما تقدر لها
خروف عندها
شفت كيف تغير لونه ودف جدتي انا بسرعه هربت منه ودخلت الغرفه سكرت الباب
سمعت دقه القوي على الباب
زياد:افتحي بسرعه والله لاربيك افتحي
جلس يضرب بقوه وجدتي تهدي فيه عشان ما يسمع جدي
زياد بصوت اعلى :افتحي احسن لك
كان يضرب باقوى ما عنده
وانا كنت ارجف بقوه من الخوف اول مره في حياتي ارفع صوتي عليه بس قهرني يدخل فيه وفاطمه كل ما اشوفها في جمعه او حفله لبسها يا قصير ولا مفتوح ولا فيه اي اعتراض
جاي معصب وجاء يحط قوته علي
خفت جدي يسمع صوته لان جدي من النوع الي ما يحب البنت ترفع صوتها على الرجال واكيد بيوقف معه ويكبر راسه علي
حسيت بغبنه وانا امسح دموعي خرب علي فرحتي معاد بروح للحفله اكيد دامه حلف
بعد عن الباب وانا اسمع جدتي تهدي فيه
لين بعد صوتهم عن الباب

طارق
كنت جالس مع اهلي في الصاله لما جاء لي اتصال من المستشفى وقفت بسرعه اغير ثيابي
طلعت الجناح بسرعه غيرت ونزلت
وانا نازل شفت امي واقفه تنتظرني
ام طارق:خير ولدي وش صاير
طارق:لين جتها ولاده مبكره وشكلها تعسرت فيبغون اروح لهم اوقع اوراق عمليه عشان يسوون الاجرات ويسوون لها العمليه
ام طارق:انتظرني باغير واجي معك
طارق:مقد اتاخر خلي جاسر يجيبك
رحت بسرعه المستشفى لما دخلت اعطوني اوراق وقعتها وقالوا لي انتظر الاخبار جلست انتظر كنت خايف اني افقد الاولاد خايف كثير اكيد كنت خايف عليها هي معهم بس انا خايف افقد ضنى مره ثانيه فقد واحد قبل ولا ابي افقد الثاني الحين
شفت امي جت بسرعه
ام طارق :ها كيفها الحين
طارق؛ في غرفة العمليات
ان طارق:وليه ولدوها عمليه ما قالوا السبب
طارق:تعسرت ولادتها وبدا ينخفض النبض فبسرعه حولوها عمليه
ام طارق/ الحمدلله على كل حال الله يقومها بسلامه ويفرحك بسلامتهم
طارق وهو يوقف وهو متوتر /امين يا رب امين
اول مرره احس بتوتر كذا كنت خايف بقوه ومو عارف ليش بس ابيهم كلهم قدامي في غمضت عين هم وامهم وبحاول اصلح كثير من حياتي عشانهم

سمر:كنت في الغرفه لسه مقهوره مره جتني جدتي تشوف بروح معها بس قلت لها اني ما بغير ملابسي ورفضت قالت اذا بتروحين لازم تبدلين الي عليك وان دام زياد حلف بس عناد ما غيرت وبخليه علي الين اساعه 1وقت رجوع جدتي كذا بس عناد سمعت الموسيقه في بيت جيرانا حسيت بقهر زياده كان فيني طرب وودي اروح وارقص مع البنات وافلها بس خرب علي حمار اكرهه
يالله ما فات شي رحت شغلت السماعه حقتي كانت بليزر وعليت على اخر صوت وقعد ارقص كني هبله وحدي بس عادي كاني رحت الملكه وببسط نفسي بنفسي حطيت اغنيه مصريه حماس وانا ارقص استهبال دام محد شايفني ههههههه
لما خلصت رحت بغير حسيت بالي يصفق وراي والله مع الاندماج ما شفته وانا ارقص لاني كنت مشغله الاغنيه من الجوال وشابكته على اسماعه وابي احاول اقلد رقصهم فما كنت منتبها له لان الباب على جنبي
زياد:ما شاء الله وجاي قلت حرام اكيد طفشانه لان ما راحت الحفله بسببي طلعتي مضبطه نفسك بنفسك
سمر وانا الف عنه ومستحيه منه ما ادري متى دخل:اكيد بونس نفسي وما اخلي احد يكدرني
قرب مني :من معلمك الرقص هذا
اشرت على الجوال :كنت ارقص زيهم بس
زياد وهو يقرب مني اكثر ويمسك خصري بيدينه
وانا احاول افك نفسي منه :طيب اش رايك نسوي حفله لنا خاصه
كنت ابعد يده بس هو شاد عليه وملصقني بصدره:انا خلصت حفلتي وخر بروح ابدل
زياد:ليه يعني اجلسي معي بفستانك هذا ولا حلال لناس وحرام عليه تراني زوجك
سمر بقهر منه اعرف انه قاعد يستهبل علي زي دايم:زوجك زوجك ما اسمعها الا اذا تبغى شي
زياد :اوكي الحين ما اخلي شي بخاطرك دام ودك بها كمان فعل
قربني وباسني بقوه كنت احاول ادفه لين قدرت عليه
جلست امسح وجهي بقهر منه /هذا انت بس همك نفسك وبس عمرك ما حسبت حساب لي انا اكرهك خلينتي اقرف قربك
شفت وجهه تغير لما دفيته عني شكل كان مفكر اني باذوب بين يديه
طالعني فتره بعدها ابتسم بسخريه:اوه صرتي تتمنعين ومن قبل كنتي تبوسي يدي عشان بس التفتلك على العموم تري بس سويتها قهر فيك ولا انا يقرفني قربك اكثر منك
طلع وتركني اطالع الباب بعده
حاولت اتجاهل جرحه لي بس ما قدرت من زمان محسسني اني اقل من غيري لدرجة معد اثق في نفسي

لين:صحيت من البنج شفت كان الممرضات معي ولسه في الغرفه بس شكل خلاص ولدت
قربت مني الممرضه:تحسي بشي
لين بتعب:لا بس البيبي كيفه
الممرضه:تمام هم في الحضانه
حسيت براحه ورجعت غمض عيوني ودخلت في نوم عميق مو حاسه بشي

طارق:كنت واقف عند الحضانه اطالعهم مو مصدق هذولي اولادي مرره صغار بقوه اول مره اشوف نواني صغار كذا حسيت بشي داخلي تحرك لهم رح اعوضكم وعيشكم احسن عيشه ما رح اخلي ينقصكم شي وانا موجود
رحت جهت غرفة لين بطمن عليها
دخلت كانت لسه نايمه قربت منها امسح على شعرها
اعرف اني غلط في حقها كثير بس ما انلام محد يحب احد يغشه في اي شي فما بالك في مسالة زواج انا انصدمت يوم الزواج لما شفتها لاني كنت شايف مها في النظره
يعني ما قدرت اتحكم بنفسي او باعصابي وقتها وابوها وجدها عارفين ان العلاقه معهم جد سيئه وزواج كان مصلحه ويجون يغشوني فيه ومفكريني بسكت وبرضى صح يمكن هي مكان لها ذنب بس ابوها هو الي ضحى فيها ما كنت برحمها في وقت ابوها ما رحمها فيه
لازم اصلح علاقتي معها عشان عيالنا ما يحسون بنقص لازم يعيشون بين امهم وابوهم زي ما عشت انا وهي كانت فاقده الشي هذا فاكيد بتعرف كيف صعب وما بتحط اولادها في نفس الموقف
شفتها تفتح عيونها وطالعني انا بعد عنها شوي
بس كانت مثبته نظرها علي