عند جميله وصلت الاداره ودخلت المكتب
وكانت سلمي موجوده
جميله : امال فين ادهم
سلمي: لسه مجاش
جميله: طب انتي قولتي ل عبدالرحمن ع المهمه
سلمي : ايوا قولتلوا وهو اعترض في الاول عليا بس قدرت اقنعوا
جميله : طب كويس
سلمي : طب وانتي عملتي اي مع جاسر قولتيلوا
جميله باستغراب : قولتلوا ع اي
سلمي : ع صلاح
جميله : لا مقولتش ،ومش هقولوا
سلمي باستغراب : ليه مش هتقوليلوا
جميله : لان صلاح رفض
سلمي باستغراب : رفض انو يتعالج
جميله : ايوا مش عايزني اساعده
سلمي : غريبه اول مره اشوف حد مش عايز يتعالج
جميله : معرفش بقاا
💙💙💙💙💙💙💙💙💙💙
عند ادهم واسيل كانوا بيفطروا
اسيل : عملتوا اي بقاا في القضيه قدرتوا تعرفوا حاجه
ادهم : اه عرفنا كل حاجه وكمان بالادله فاضل نعرف الاطراف ونقبض عليهم متلبسين
اسيل: وهتعملوا دا ازاي
ادهم : هنودي واحد تبعنا ع الاساس انو محتاج متبرع وهيغريهم بالفلوس ودا هيخليهم يوافقوا بسرعه وينسوا انهم متفقين يمنعوا العمليات وكمان هنبعت سلمي ع انها المتبرع وبكدا نبقي قبضنا عليهم متلبسين
اسيل : بس مش دا خطر ع سلمي
ادهم : لا مش خطر احنا هنقبض عليهم قبل ما يخدروها وكمان عبدالرحمن هيبقي معاها
اسيل باستغراب : واي الي هيودي عبدالرحمن
ادهم : ما هو دا الي هيروح ع اساس انو محتاج متبرع
اسيل : اممممم فهمت وبكدا تبقوا قبضتوا عليهم والقضيه تخلص ونطلق
ادهم اتعصب لما قالت كلمه نطلق
ادهم : لدرجه دي مش طايقه تقعدي معايا وعايزه تطلقي بسرعه
اسيل :انا مقولتش كدا ع فكره ،انا قصدي ان المهمه خلاص قربت تخلص فا اي الي هيخلينا نكمل
ادهم بضيق : عندك حق ،واول ما تخلص المهمه هنطلق
قام ادهم وقف بغضب: انا شبعت ،هستناكي في العربيه لما تخلصي فطار حصليني
خرج ادهم ومستناش يسمع ردها وهي استغربت عصبيته وقامت لمت الاطباق وخرجت ركبت العربيه وهو اتحرك في صمت وبعد وقت وصلوا المستشفي وهي خرجت من العربيه وهي مستغربه سكوته وضيقه واول ما خرجت مشي ع طول مستناش تدخل المستشفي زي كل مره وهي دخلت
💙💙💙💙💙💙💙💙💙
وصل ادهم الاداره وطلع وهو متعصب ودخل المكتب وقعد وجميله وسلمي مستغربين غضبه
جميله باستغراب : مالك ي ادهم
ادهم بضيق : مفيش
جميله باستغراب : مفيش ازاي دا انت واضح انك متعصب جدا في اي
ادهم بضيق : اسيل عايزه تطلق
جميله باستغراب : تطلق ليه دا لسه المهمه مخلصتش
ادهم بضيق : ما هي بتقولي اول ما المهمه تخلص نطلق
سلمي باستغراب : طب ما دا الي المفروض يحصل ماانتوا متفقين ع كدا
جميله عرفت انو حبها واضايق لما طلبت الطلاق
جميله : انت حبتها
ادهم : ايوا حبتها ومش عايز المهمه تخلص عشان نفضل مع بعض اكبر وقت ،عايزها تحس بياا وتحبني زي ما بحبها لكن هي طلبت الطلاق يعني محبتنيش
جميله : طب وانت اشعرفك انها محبتكش
ادهم: لانها لو حبتني كنت هحس كان هيبان لكن ملاحظتش اي حاجه
جميله : انت قولتلها انك بتحبها
ادهم : لا
جميله : طب وهي هتعرف منين انك بتحبها
ادهم باستغراب : قصدك اي
جميله : قصدي ان انت مقولتلهاش انك بتحبها هي هتعرف منين هتشم ع ضهر ايديها مثلا لازم تقولها وتصرحلها بمشاعرك وساعتها هيبقي القرار في ايديها ي تكمل معاك ي تطلقوا بس ساعتها هتكون معترفلها بحبك لكن كدا هي متعرفش انك بتحبها
ادهم : مانا خايف اقولها تطلع مش بتحبني
جميله : ساعتها هتكون عملت الي عليك لكن مينفعش تتعصب وتزعل وانت مش معرفها انت زعلان ليه
ادهم : لا مش هقدر اقولها انا متاكد انها مش بتحبني لانها لو بتحبني مش هتطلب الطلاق
جميله : بالعكس دي عشان بتحبك طلبت الطلاق ،لانها مينفعش تسكت وانت تسكت ومش معرفها النهايه اي ،ي تكمل ي تنهي فا هي قالت كدا عشان تحركك تخليك تعترف ،عايزه تشوف هتوافق ع طول وتطلقها ولا لا
ادهم : بس انا مش هطلقها
جميله : مينفعش دا اتفاق انت عايز تكمل براحتك بس تتقدملها من اول وجديد اونكل مؤمن هو الي قال كدا لو حبتها وناوين تكملوا يبقي تعلملها فرح يعني زي انا وجاسر كدا ، انا مكتوب كتابي لكن الفرح بعد مااتخلص المهمه فا انت لو بتحبها اعملها مفاجاه
ادهم وقد لمعت الفكره في عقله : فهمتك
جميله براحه: طب الحمدلله اخيراا وصلت
ادهم بضحك: ههههههههههه اه وصلت ثم اكمل :هو احنا المهمه بعد بكره مش كدا
جميله : اه
ادهم : يعني مش هنعمل حاجه اليومين دول
جميله : لا
ادهم وهو يقوم من مكتبه : طب عن اذنكوا بقاا
جميله بضحك: ههههههههههه بسرعه كدا
ادهم بابتسامه: دا احلي حاجه السرعه
جميله بابتسامه: ماشي ي اخوياا ربنا معاك
ادهم بابتسامه: ياارب
راح ادهم مكتب اللواء سيف واستاذن وخد اجازه وبعد كدا نزل ركب عربيته وراح المستشفي وطلع مكتب اسيل وكان عندها كشف وكان جوز الست الي بتكشف عليها بيبصلها بوقاحه وهي كانت بتبصلوا باشمئزاز وكانت بتحاول تخلص الكشف بسرعه ،دخل ادهم في اللحظه دي واسيل اتفجأت بيه
اسيل باستغراب : انت بتعمل اي هنا
ادهم : طب خلصي الكشف الي في ايديك وبعدين نتكلم
اسيل : ماشي
رجعت اسيل تكمل الكشف وادهم خد بالو من نظرات الراجل وحس بالغيره
ادهم بغيره: هو انت واقف كدا ليه هي مش بتكشف ع مراتك يعني المفروض تستني بره
الراجل : لا طبعا المفروض اقف جنب مراتي
ادهم بغضب: يبقي تخليك مع مراتك عشان مخذقش عينك
الراجل بغضب: هو انا عملت حاجه
ادهم بغضب: انت لو فكرت تعمل حاجه اقتلك اصلا
اسيل : خلاص ي ادهم محصلش حاجه
ادهم بغضب: انتي خلصتي الكشف ولا لسه
اسيل : اه خلاص خلصتوا
قامت الست واسيل كتبتلها ع ڤيتامينات وخرجت هي والراجل وهو بيبص ل ادهم بغضب وادهم بردوا بيبصلوا بغضب
اسيل : انت جيت ليه
ادهم بابتسامه: عاملك مفاجاه
اسيل باستغراب : مفاجاه اي
ادهم بابتسامه: مانا لو قلتلك مش هتبقي مفاجاه
اسيل باستغراب : انت اي الي غيرك بسرعه كدا ،هو انت مش كنت متعصب من ساعه
ادهم : ايوا كنت متعصب بس خلاص ،المهم دلوقتي عايزك تاخدي اجازه يومين
اسيل باستغراب : ليه
ادهم : قولتلك مفاجاه
اسيل : طب مظنش انو ممكن يوافق انا لسه متعينه مبقاليش كام يوم
ادهم : طب اكلموا انا
اسيل : ما انت لو تقولي عايزني اخد اجازه ليه
ادهم : ماشي هقولك بس لو قدرتي تاخدي اجازه يومين
اسيل : ماشي ،خليك هنا هروح اشوف
ادهم بضحك: ههههههههههه ماشي هقعد هنا،مش هتقوليلي متلعبش في حاجه بالمره
اسيل بضحك: اه ومتلعبش في حاجه
ادهم بضحك: طب روحي ي اختي
اسيل بضحك: ماشي
راحت اسيل مكتب مدير المستشفي
المدير بابتسامه: اتفضلي ي دكتوره
اسيل : شكرا ي فندم
المدير : كنتي عايزه حاجه
اسيل : اه انا كنت جايه اطلب من حضرتك اخد اجازه يومين بس
المدير باستغراب : ليه اجازه
اسيل بتمثيل الخجل : حضرتك عارف اني لسه متجوزه قريب وكمان اتعينت هنا ع طول ومخدتش اجازه شهر عسل و كدا وبحكم ظروف شغل جوزي مقدرش ياخد غير يومين عشان الشركه
اصرت اسيل تقول الشركه عشان ميسالش ع شغل ادهم
المدير بابتسامه: ماشي ي اسيل ،انا موافق بس هما يومين عشان انتي عارفه مفيش غيرك انتي وايناس في المستشفي
اسيل : شكرا لحضرتك ي دكتور وان شاء الله هما يومين بس
المدير :ماشي
اسيل : عن اذنك
المدير : اتفضلي
خرجت اسيل وراحت مكتبها كان ادهم قاعد ع مكتبها وماسك السماعات بتاعت الدكاتره
اسيل بضحك: ههههههههههه واضح انك بتسمع الكلام
ادهم بضحك: انا كنت عايز اعرف بتسمعوا اي
اسيل بابتسامه: وعرفت بقاا
ادهم بابتسامه: بصراحه لا
اسيل بابتسامه: طب تعالي نام وهخليك تسمع
راح ادهم ناحيه السرير ونام ورفع التيشيرت وهي اتكسفت
ادهم بمزاح : ع فكره عادي اعتبريني جوزك يعني
اسيل بضحك: ماشي هعتبرك جوزي
حطت اسيل السماعات وهي بتسمع دقات قلبوا
اسيل باستغراب : انت دقات قلبك سريعه اووي كدا ليه
ادهم بحب : عشان انتي قريبه منو
اسيل بخجل : احم. طب قوم بقاا
ادهم بابتسامه: بس انا مسمعتش حاجه ،انتي الي سمعتي
اسيل وهي تخلع السماعات : خد اسمع
ادهم بابتسامه: لا انا عايز اسمع دقات قلبك انتي
اسيل بخجل : وعايز تسمع دقات قلبي ليه
ادهم بابتسامه: اصل انا مش هستفاد حاجه لما اسمع دقات قلبي لاني حاسس بيها ،لكن هيبقي مختلف لما اسمع دقات قلبك انتي
اسيل بخجل : بس مش هينفع
ادهم فهم انها مكسوفه عشان الكاميرات
ادهم بابتسامه: طيب خلاص هبقي اسمعها في البيت ،المهم دلوقتي خدتي اجازه
اسيل بخجل: ايوا خدت
ادهم بابتسامه: طب يلا بينا
اسيل : ع فين بقاا انت قولتلي هتقول لما اخد اجازه
ادهم بخبث : ع شهر العسل ي حبيبتي
اسيل نسيت انها لابسه السماعه الصغيره الي هو ادهالها ودي الي هو سمع منها الي هي قالتوا للمدير
اسيل بدهشه: نعم
مسك ادهم ايديها وخرج من المكتب وهي لسه مش مستوعبه الكلمه وهو ابتسم ع صدمتها وخدها ونزل ركبوا العربيه
ادهم بابتسامه: دلوقتي نقدر نتكلم ،انا مكنتش عارف اقولك حاجه واحنا في المكتب فوق ثم اكمل بحنان ،انا مش وعدتك ان لو لقيت فرصه هننزل اسكندريه عشان تشوفي عيلتك
اسيل بفرحه: يعني احنا هننزل اسكندريه وهشوف بابا وماما واسر
ادهم بابتسامه: ايوا
اسيل من كتير فرحتها محستش بنفسها وحضنت ادهم وهو كان مصدوم في الاول لكن فرح جدا ومكنش عايزها تبعد ابدا
ادركت اسيل نفسها وبعدت عنو بخجل واحراج
اسيل بخجل : انا اسفه مكنتش اقصد انا من فرحتي محستش بنفسي
ادهم بابتسامه حب : متتاسفيش انتي مغلطيش ،انا جوزك
اسيل بخجل : طب مش هنمشي ولا اي
ادهم بابتسامه: هنمشي
ساق ادهم العربيه
💖💖💖💖💖💖💖💖
عند جميله خلصت شغل بدري ونزلت ركبت عربيتها وراحت البيت خدت شاور ولبست وعملت غداء وحضرتوا وخدتوا ونزلت ركبت عربيتها وراحت المصحه ودخلت ل صلاح
جميله بابتسامه: انا جبتلك غداء عشان عارفه انك مش هترضي تاكل اكل المستشفيات ومتقلقش انا عامله الاكل بنفسي
صلاح بابتسامه: مش قلقان انتي لو جبتيلي سم وقولتيلي كلوا هاكلوا وانا مبسوط
جميله : لا مش لدرجه وبعدين بلاش تثق في حد بسهوله كدا لان الثقه دي هي الي خليتك وصلت للي انت فيه
صلاح : بس انا واثق فيكي لاني عارف انك بتساعديني وانتي مش محتاجه حاجه مني ،وكفايه انك وقفتي جنبي في وقت الكل سابني فيه ومساعدنيش ومشافنيش زي ماانتي شوفتيني كدا ،الكل شافني انسان زباله ،مدمن ،بيخون ،وبيزني ،لكن انا مش كدا ،انا كنت بشتغل و كويس جدا في شغلي لحد مااتعرفت ع مياده حبتها بجنون كانت اي حاجه بتطلبها بنفذها ،وقصاد دا خلتني مدمن ومع ذلك مقدرتش اسيبها وابعد لاني حبتها بجد ولما طلبت مني اجيب جاسر شقتها ع اساس انها شقتي رفضت بشده راحت اختفت واختفت البودره معاها كنت بموت وللاسف وافقت وحمزه كان بيكرهني عشان عرف اني مدمن لكن مكنش يعرف ب علاقتي انا ومياده ، تعرفي انا ملمستش مياده خالص لحد دلوقتي لاني كنت بحبها بجد وكنت بحافظ عليها من نفسي
اتاثرت جميله وحست بوجعه وجرحه من مياده وقد اي عان واستحمل منها وهي قصاد دا كلوا استغلتوا ،زاد كرهها في قلب جميله اكتر وحلفت انها تنتقم منها ع الي عملتوا
جميله بابتسامه: انت انسان كويس اوووي ي صلاح و بجد انت تستاهل واحده احسن منها بكتير دي متستاهلكش ابدا وصدقني انا هجيب حقك منها
صلاح : لا انا مسامحها كفايه انها اتحبست
جميله : لا مش كفايه ،مش كفايه الي عملتوا دي شيطانه وانا مستحيل اسامحها ع الي عملتوا معاك ،انا هخلي الثلاث سنين الي خدتهم اسود ثلاث سنين في عمرها هخليها تندم في اليوم الف مره ع الي عملتوا فيك
صلاح : انتي زعلانه ع الي عملتوا فياا. طب والي عملتوا في جاسر
جميله : هي عملت كدا عشان توقع بينا و احنا الحمدلله محصلش بينا حاجه
صلاح: بس هو لمسها فعلا
جميله باستغراب : وانت اشعرفك
صلاح : هي الي قالتلي انا معرفش ،انا خرجت بعد ما جاسر شرب العصير وهي الي فضلت موجوده
جميله : يعني هو لمسها بجد
صلاح : ايوا المخدر الي اتحطلوا في العصير دا نوع جديد بيخلي الواحد فايق وشايف لكن ميقدرش يسيطر ع اعصابوا ولا يتحكم في نفسوا
جميله بضيق :طيب خلينا نغير الموضوع
صلاح: انا اسف اني ضايقتك بكلامي
جميله : لا مفيش حاجه المهم يلا عشان الاكل ميبردش
خرجت جميله الاكل من العمود وفتحت وحطت الاكل قداموا
صلاح: طب ينفع تاكلي معاياا ولا هضايقك
جميله بابتسامه: لا خالص مش هتضايقني ،ماشي هاكل معاك
ابتسم صلاح وبادلته جميله الابتسامه وقعدوا كلوا مع بعض
بعد وقت خلصوا اكل ولمت جميله الاكل وطلعت العصير واديتوا
صلاح : لا مش هقدر اشرب عصير
جميله : لا العصير دا ضروري عشان السموم الي في جسمك
صلاح:ماشي
شرب صلاح العصير وقعدت جميله معاه شويه وبعد وقت حس صلاح بنوبه فضل يصرخ ويخبط في اي حاجه ويكسر اي حاجه قصادوا وجميله بتحاول تهديه ومسكها من ايديها جامد بقوه كبيره ودخلوا الدكاتره بسرعه وبعدوه عنها وايديلوا حقنه مهدئه ونام
جميله ل دكتور : هو اي الي حصلوا ي دكتور دا كان كويس من شويه
الدكتور : دي نوبات بتحصل في المرحله الاولي خصوصا اننا بنقلل نسبه المخدر فا دا بيأثر هو عايز الكميه الي هو متعود عليها عشان كدا بيفضل يصرخ ويضرب اي حد قصادوا
بصت جميله ع ايديها لقتها ازرقت مكان الماسكه
جميله : طيب هو دلوقتي هيبقي كويس ولا اي
الدكتور : احنا ادينالوا حقنه مهدئه عشان ينسي الالم وينام
جميله : ماشي ي دكتور شكرا
الدكتور : العفوا عن اذنك
جميله: اتفضل ي دكتور
مشي الدكتور وجميله قعدت جنب صلاح شويه وبعد كدا قامت خرجت وقفلت الباب نزلت ركبت عربيتها
عند جاسر وعبدالرحمن كانوا خارجين من مطعم جنب المصحه
عبدالرحمن باستغراب وهو يشاور ع جميله:جاسر هي مش دي جميله
جاسر باستغراب : وهو اي الي هيجيب جميله هنا
عبدالرحمن باستغراب : مش عارف بص كدا
بص جاسر ع المكان الي بيشاورعليه عبدالرحمن وشاف جميله فعلا وهي بتركب عربيتها وكان رايح ناحيتها يشوفها لكن كانت اتحركت بالعربيه
جاسر باستغراب : هي كانت بتعمل اي في المصحه
عبدالرحمن : يمكن فيه مسجون هنا
جاسر : مسجون في المصحه انت غبي
عبدالرحمن : مش عارف بقاا
جاسر : طب خليك هنا انا هروح اسال الاستقبال
عبدالرحمن : ماشي
راح جاسر عند امن المصحه وسالوا
الامن : دي انسه جميله جت هنا امبارح وكان معاها واحد وهي بتجيله كل شويه تطمن عليه
جاسر باستغراب : واحد مين
الامن : معرفش ي فندم
جاسر : طيب شكرا
دخل جاسر الاستقبال وسال
الموظف : مقدرش اقولك ي فندم احنا هنا المرضي لازم نحافظ ع سريه معلوماتهم
جاسر وهو يعطيه نقود : انا عايز اعرف اسمو بس
الموظف وهو ياخد النقود : هو اسموا صلاح ،بس مش هقدر اقول اكتر من كدا
جاسر بتفاجاء : صلاح كامل
الموظف : ايوا ي فندم ،ممكن حضرتك تمشي عشان متعمليش مشاكل لان لو حد عرف هترفد
جاسر وهو يكتم غضبه: ماشي شكرا
خرج جاسر من المصحه وركب عربيته وعبدالرحمن بردوا وساق جاسر وهو متعصب وعبدالرحمن استغرب
عبدالرحمن : عرفت كانت هناك ليه
جاسر : ايوا كانت بتزور واحده صاحبتها شغاله هنا
عبدالرحمن : امممممممم طب وانت متعصب ليه
جاسر : مش متعصب وبطل رغي بقاا
عبدالرحمن : ماشي
وصل جاسر الشركه وخرج عبدالرحمن من العربيه و اول ما نزل ساق جاسر باقصي سرعه وكلم جميله وهو بيسوق
جاسر بحده: انتي فين
جميله باستغراب : انا في البيت ،في اي
جاسر بحده: طيب انا خمس دقايق واكون عندك
قفل جاسر السكه قبل ما يسمع ردها
بعد وقت وصل جاسر البيت وطلع خبط وهو متعصب وهي فتحت دخل وقفل الباب وراه
جميله باستغراب : في اي مالك
جاسر بحده وهو يقترب منها : انتي كنتي فين من شويه
جميله باستغراب : يعني اي كنت فين ،كنت في الاداره هكون فين يعني
جاسر بغضب : كدااابه انتي مكنتيش في الاداره
جميله بغضب : احترم نفسك ،انا مش كدابه وبعدين هكدب ليه
جاسر بحده: اسالي نفسك اي الي خلاكي تكدبي الا لو كنتي بتعملي حاجه غلط
جميله بغضب: انا مش فاهمه انت بتتكلم عن اي
جاسر بغضب: لا انتي فاهمه انا قصدي اي
جميله بغضب: لا مش فاهمه ،ياريت توضح كلامك الي عامل زي الالغاز دا
جاسر بغضب: ماشي هوضح كلامي ، انتي مكنتيش في الاداره انتي كنتي في المصحه
جميله بغضب: وانت بتراقبني بقاا
جاسر بغضب: هو دا الي هامك اني براقبك ،ع العموم لا مكنتش براقبك انا شوفتك بالصدفه وانتي خارجه من المصحه ،ممكن اعرف اي الي وداكي هناك
جميله : مفيش كان عندي مهمه
جاسر بغضب : مهمه اي
جميله بغضب: هو تحقيق ولا اي ،انت من انتي بتسالني عن مهماتي
جاسر يغضب:من ساعه ما كدبتي علياا ،تحبي اقولك انتي كنتي بتعمل اي في المصحه
جميله بغضب: قولتلك كان عندي مهمه
جاسر بغضب: لسه بردوا بتكدبي
جميله بغضب: قولتلك مش بكدب انت الي غريب مش عارفه في اي
جاسر بسخريه: اه اصلي مجنون معلش
جميله بغضب: ما تقول فيه اي وانا هريحك بدل ما انت عمال تلف وتدور
جاسر بغضب جامح : انا بلف وادور
جميله بغضب: ايوا ،انا مش فاهمه اي الغضب دا كلوا
جاسر بغضب: الغضب دا كلوا عشان كدبتي علياا وانتي بتقوليلي رايحه المصحه عشان عندك مهمه وانتي رايحه ل صلاح
جميله بغضب: ايوا وفيها اي
جاسر بعصبيه : هو اي الي فيها اي ،انتي بتروحيلوا ليه المصحه واي الي وداه المصحه اصلا
جميله : مش من حقك تعرف دي اسرار وهو مش عايز حد يعرفها
جاسر وهو يمسك يدها بغضب نفس الايد الي مسكها صلاح وكانت زرقاء واول ما مسكها وجعتها لكن اخفت دا
جاسر بغضب: جميله متعصبنيش انا بحاول اتحكم في اعصابي لحد دلوقتي ،اي الي وداكي عند صلاح
جميله : جاسر سيب ايدي
جاسر بغضب وهو ما زال يمسك يدها : مش هسيب زفت غير لما تقولي
جميله بصوت عالي وغضب : كنت بساعده عشان يتعالج ،
جاسر بغضب: يتعالج من اي
جميله بسخريه: في المصحه هيتعالج من اي ،من برد مثلا
جاسر بغضب وهو يضغظ ع يدها بقوه : وانتي مالك بيه
جميله وهي تحاول اخفاء وجع يدها : دي حاجه متخصكش انا قولتلك السبب غير كدا ملكش دعوه وياريت الي عرفتوا يكون سر ومحدش يعرف حاجه لاني وعدته ان محدش هيعرف
جاسر بغضب: يعني اي ميخصنيش انتي هبله ولا عبيطه انا جوزك ومن حقي اعرف مراتي رايحه لواحد ليه وبتروح تطمن عليه ليه
جميله بغضب: هو انت شايفني رايحه شقتوا انا بزوره في المصحه ،وبعد اذنك سيب ايدي بقاا
ساب جاسر ايديها بغضب وخد بالو انها زرقاء
جاسر وهو ينظر ل ايديها : ايديك زرقاء من اي
جميله بغضب: بسببك عمال تضغط عليها وعمال اقولك سيب ايدي
جاسر بغضب: لا مش مني مش معقوله هتلحق تزرق بالشكل دا دلوقتي
جميله : ايوا عشان وقعت عليها
جاسر بغضب: انتي ليه عماله تكدبي ،دي مش شكل واقعه ،دا حد ضغط ع ايديك ثم اكمل بغيره مين الي مسك ايديك وضغط عليها كدا
جميله. بغضب: محدش يقدر يلمسني
جاسر بغضب: امال اي دا
جميله بغضب: قولتلك وقعت
جاسر بغضب وغيره: صلاح هو الي عمل كدا ،اكيد كان عايز يخرج وانتي منعتيه فا ضغط ع ايديك مش كدا
جميله : لا هو جاتلوا نوبه بسبب انهم قللوا نسبه المخدر وانا حاولت اهديه.
جاسر بغضب :انتي اي ،دماغك دي فيها اي ،انا مش فاهمك بجد ،ازاي تساعدي واحد انتي عارفه هو عمل اي ثم اكمل بغيره لا وتقعدي معاه وتطمني عليه كمان
جميله بغضب: لانو ملوش ذنب في حاجه هو كان ضحيه زي ما انت كنت ضحيه
جاسر بغضب: ضحيه في اي ان شاء الله كان متخدر هو كمان
جميله : ايوا كان متخدر ،مياده استغلتوا وخلتوا مدمن مخدرات واجبرتوا يعمل كدا وانا سامحتوا وساعدتوا زي ما سامحتك
جاسر بغضب: انا كل دا ميهمنيش انا الي يهمني انك كدبتي علياا وخبيتي عني رغم اننا وعدنا بعض هنقول كل حاجه ومش هنخبي عن بعض حاجه
جميله : وانا مكنش ينفع اقول لان دا مكنش موضوعي انا هو مش عايز. حد يعرف
جاسر بغضب: انا مش حد ي جميله انا جوزك
جميله : جوزي لما يكون دا موضوعي انا ساعتها اقولك عليه
جاسر بغضب: يعني انتي مش عايزه تعترفي انك غلطانه
جميله: لا لان انا مغلطش
جاسر بغضب: ماشي ي جميله
خرج جاسر بره الشقه ورزع الباب وراه بغضب ونزل ركب عربيته وساق بسرعه جنونيه
💖💖💖💖💖💖💖💖💖
عند اسر الشاب واروي
خلصت اروي الشغل
اروي ل اسر : انا خلصت بس ممكن تدي ل مصطفي الملف دا لحد ماالم حاجتي عشان نمشي
اسر : ماشي بس متتعوديش ع كدا انا مش شغال عندك
اروي وهي تكتم غضبها: ماشي
خد منها اسر الملف وراح مكتب مصطفي ادالو الملف
عند تروح ابتسمت بخبث وراحت ركبت الاسانسير بسرعه ونزلت الدور الارضي واول ما فتح الاسانسير لقت اسر قصادها اتصدمت اول ما شافتوا
اسر ببرود: شوفتي عفريت ولا اي
اروي بدهشه: انت نزلت بسرعه كدا ازاي
اسر ببرود: انا كنت عارف انك هتعملي كدا
اروي بغيظ : اووووف مش هخلص منك ابدا
اسر ببرود: لا مش هتخلصي ،ويلا عشان اوصلك
اروي بغيظ : ماشي
خرجوا بره الشركه وركبوا العربيه واتحركوا
💙💙💙💙💙💙💙💙💙💙
عند ادهم واسيل وصلوا اسكندريه وراحوا بيت اسيل وطلعوا خبطوا وفتحتلهم روفيدا واول ما شافت اسيل حضنتها بشوق ولهفه واسيل بادلتها الحضن
اسيل بشوق : وحشتيني اوووي ي ماما
روفيدا بدموع فرحه: وانتي كمان وحشتيني اوووي ي حبيبتي
اسيل بلهفه : امال فين بابا ي ماما
روفيدا : في الشغل ي حبيبتي هو واسر
اسيل بشوق : وحشني اوووي ومش قادره استني لحد ما يجي
ادهم بابتسامه: طيب خلينا نروحله
اسيل بسعاده: بجد
ادهم بابتسامه: اه بجد تعالي نروح
اسيل ل روفيدا : معلش ي ماما هروح اسلم ع بابا اصل واحشني اوووي وكما اسر وحشني وهجيلك ع طول
روفيدا بابتسامه: ماشي ي حبيبتي بس متتاخريش
اسيل بابتسامه: حاضر ي حبيبتي مش هتاخر
روفيدا فرحت لما لقت اهتمام ادهم بأسيل وانو عايز يفرحها بأي طريقه ونفذ طلبها لما قالت عايزه تشوف باباها
نزلت اسيل وادهم معاها وركبوا العربيه واتحركوا
اسيل : انا اسفه لو بتقل عليك ،انا عارفه احنا لسه واصلين من سفر وكان المفروض ترتاح
ادهم بابتسامه: لا مفيش تعب ولا حاجه وبعدين دا هي ثلاث ساعات بس يعني مش سفر ولا حاجه وبعدين قولتلك كذا مره متتأسفيش ،انتي اطلبي وانا علياا انفذ
اسيل فرحت جدا : شكرا
ادهم : ولا تقولي شكرا بردوا
اسيل : طب اقول اي ،انا بجد مش عارفه اقول اي ع الي بتعملوا معاياا
ادهم بابتسامه: انا مش عايزك تقولي حاجه كفايه علياا انك تكوني مبسوطه
اسيل بسعاده: دا انا هطير من الفرحه
ادهم بابتسامه حب : وهو دا الي انا عايزو
اسيل : هو انت ليه بتعمل معايا كدا
ادهم بابتسامه: بعدين هتعرفي
اسيل : ماشي
وصلوا الاداره الي فيها مؤمن وطلعوا دخلوا المكتب ومؤمن اول ما شاف اسيل حضنها وهي بادلته الحضن وهي بتعيط بسعاده
اسيل بدموع : وحشتني اوووووي ي بابا
مؤمن بحنان وشوق : وانتي وحشتيني اووووي ي روح بابا
اسيل بابتسامه وهي عنيها لامعه بالدموع : عامل اي ي حبيبي
مؤمن بحنان : بقيت كويس لما شوفتك
ادهم كان متابع المشهد و مبسوط وهو شايف السعاده في عنيها وكان نفسه يكون هو الي حضانها مكان مؤمن
مؤمن : عامل اي ي ادهم
ادهم : الحمدلله وحضرتك عامل اي
مؤمن : الحمدلله
اسيل بسعاده: تعرف ي بابا ادهم هو الي جابني هنا رغم اننا لسه راجعين من السفر بس لما عرف انك واحشني ومش قادره استني لحد ما ترجع ،قالي اجي هنا
مؤمن بابتسامه: شكرا ي ادهم
ادهم بابتسامه: العفوا ي فندم انا معملتش حاجه
مؤمن بابتسامه: طيب خلينا نروح
اسيل : وشغلك ي بابا
مؤمن بحنان : انا معنديش اهم منك ي حبيبتي ،الشغل يستني
اسيل وهي تحضنه بحب : ربنا يخليك ليا ي حبيبي
مؤمن وهو يحضنها بحنان :ويخليكي لياا ي حبيبتي
ادهم بابتسامه: طب يلا بينا
مؤمن بابتسامه: يلا
نزلوا الثلاثه ركبوا العربيه ورجعوا البيت ودخلت اسيل هي الي طلبت انها تحضر الغداء ووافقت روفيدا ورفضت اسيل انها تساعدها
عند ادهم ومؤمن براا
مؤمن بابتسامه: شكرا ي ادهم ع الي عملتوا مع اسيل وانك جبتها هنا ،انت متعرفش هي كانت وحشاني قد اي
ادهم بابتسامه: انا عارف ي فندم وحاسس بحضرتك ثم اكمل بحزن : و عارف يعني اي تبعد عن حد بتحبه وتكون متعلق بيه اوووي انا بردوا كان عندي عيله وعارف يعني تبعد عنهم
مؤمن بحنان : انا عايزك تعتبرنا عيلتك ي ادهم انت بردوا زي اسر ابني
ادهم بابتسامه: دا شرف ليا ي فندم
مؤمن : سامحني يعني ي ادهم ،انا في الاول كنت مش بحبك لاني حسيت انك جاي تاخد مني حته من قلبي وهي اسيل وكمان انت كنت مجبور ع الجوازه مكنتش موافق لكن بعد ما شوفتك عرفت انك محترم و راجل فاوافقت وانا عارف انك هتحافظ ع بنتي واكدتلي دا بعد ما شوفت فرحتها الي باينه في عنيها النهارده
ادهم بابتسامه: والله كلام حضرتك حلو جدا وشجعني كمان اني اطلب من حضرتك الطلب دا
مؤمن : طلب اي
ادهم بابتسامه: انا بطلب ايد اسيل من اول وجديد ،انا بجد بحبها والمرادي بكامل ارادتي انا واوعدك اني عمري ما هزعلها ابدا
مؤمن بابتسامه: انا متاكد انك عمرك ما هتزعلها وكمان متاكد انك بتحبها من اول ما دخلت انت واسيل المكتب وعرفت انك حبتها لان اي الي هيجبرك انك تيجي من القاهره ل هنا عشان تسلم علينا الا لو كنت حبتها
ادهم بابتسامه: اعرف من كدا انك موافق
مؤمن بابتسامه: ايوا موافق بس هي مراتك اصلا
ادهم بابتسامه: انا عارف دا و احنا خلاص قربنا نخلص المهمه واول ما تخلص هعمل فرحي مع جاسر وعبدالرحمن بس لو عايز انا ممكن اعملها فرح لوحدها زي ما تحب
مؤمن بابتسامه: انا ميهمنيش الفرح ،انا كل الي يهمني بنتي الي اشوف الفرحه في عنيها زي مانا شايفها النهارده ومشوفش اي نظره حزن ابدا لاني لو شوفتها هقتلك
ادهم بابتسامه: وانا اوعدك عمري ما هزعلها ابدا وهحطها في قلبي قبل عيني
مؤمن بابتسامه: وانا واثق فيك ي ادهم
ادهم بابتسامه: يعني اتفقنا
مؤمن بابتسامه: اتفقنا
ادهم بابتسامه: طب انا بطلب من حضرتك طلب تاني
مؤمن بمزاح : شكلك داخل ع طمع
ادهم بضحك: هههههه لا هو طلب تاني وخلاص
مؤمن بابتسامه: ماشي قول
ادهم بابتسامه: كنت عايز حضرتك متقولش حاجه لاسيل عشان عايز اعملهالها مفاجاه
مؤمن بابتسامه: ماشي مش هقول
ادهم وهو يقوم يقف : طب استاذن انا بقاا
مؤمن باستغراب : تستاذن فين لا طبعا انت هتبات هنا مفيش مرواح في مكان
ادهم : مش هينفع حضرتك
مؤمن : ليه مش هينفع انت مش جوز بنتي ولا رجعت في كلامك ولا اي
ادهم بسرعه: لا طبعا مرجعتش في كلامي
مؤمن بابتسامه: يبقي هتقعد هنا والا معنديش بنات للجواز
ادهم بابتسامه: لا خلاص هقعد
مؤمن بمزاح: ايوا كدا ناس متجيش غير بالعين الحمرا
ادهم بضحك: ههههههههههه ماشي ي عمي
مؤمن بمزاح : اهم حاجه بتعرف تطبخ عشان لو اعتمدت ع اسيل في الاكل يبقي الحق احجزلك في المستشفي
ادهم بضحك: هههههههههههههههههه اي دا هي مش بتعرف تطبخ ولا اي
مؤمن بمزاح : هتشوف دلوقتي
في اللحظه دي جت اسيل
اسيل بمزاح ل مؤمن : الغداء جاهز وانا الي محضراه بنفسي عشان تعرف بس انت غالي عندي قد اي
مؤمن بمزاح: لا طالما بنفسك يبقي ربنا يستر
ادهم بضحك: ههههههههههه شكلهم واخدين عنك فكره وحشه في الاكل
مؤمن بضحك: فكره بس ،احنا جربنا كمان قبل كدا
اسيل بعبوس : كدا ي بابا
في اللحظه دي جيه اسر وشاف اسيل وجري عليها حضنها وهو رفعها عن الارض وهي حضنتوا وهي متعلقه في رقبته وادهم حس بالغيره
اسر بابتسامه: وحشتيني ي ايسوا
اسيل بابتسامه: وانت كمان وحشتني ي اسر عامل اي
اسر بابتسامه: الحمدلله ي حبيبتي ،وانتي عامله اي
اسيل بابتسامه: الحمدلله
مؤمن : مش هتسلم ع ادهم ولا اي ي اسر
اسر راح ناحيه ادهم وسلم عليه
اسر بابتسامه: معلش ي ادهم مخدتش بالي اصل اسيل كانت وحشااني اووي
ادهم بابتسامه وهو يحاول اخفاء غيرته : ولا يهمك المهم انت اخبارك اي
اسر بابتسامه: الحمدلله
اسيل بابتسامه: كويس انك جيت ي اسر يلا بقاا عشان حضرت الغداء
اسر وهو يخبط دماغه بكف يده : انا نسيت صح اني وراياا شغل مهم معلش ي ايسوا مش هقدر اكل
مؤمن وادهم انفجروا من الضحك واسيل بصتلوا بغيظ وضربته ع صدره
اسيل بغيظ : ي بارد
اسر بضحك:ههههههههههه خلاص هاكل ولا تزعلي نفسك
اسيل بغيظ : طب يلا ي اخوياا
قعدوا كلهم ع السفره وحطت اسيل الاطباق وكلوا
اسر بدهشه: الاكل حلو جدا انتي ازاي قدرتي تتعلمي الطبخ بسرعه كدا
اسيل بابتسامه: ادهم هو الي علمني
ادهم بصلها وابتسم بحب وهي بادلته الابتسامه
اسر باستغراب : انت بتعرف تطبخ ي ادهم
ادهم بابتسامه : اكيد مانا عايش لوحدي فا اتعلمت الطبخ
اسر بتذوق : لا حقيقي الاكل روعه
اسيل بسخريه: انت مش وراك شغل يلا قوم شوف شغلك
اسر بمزاح : لا مانا اكتشفت ان خلصت الشغل الي ورايا اصلا
اسيل بسخريه: لا والله
مؤمن بضحك : ههههههههههه لا بجد ي اسيل الا كل حلو فعلا
اسيل بابتسامه: بالهنا والشفاا ي حبيبي
حطت اسيل قطعه من البانيه قدام مؤمن وقدام ادهم وروفيدا
اسر : لا ع فكره دا ظلم انتي محطتيش لياا
اسيل وهي تطلع له لسانها : حط لنفسك
اسر بتحدي : بقاا كدا
اسيل وهي تهز راسها : اه
مسك اسر ازازه الكاتشب ودلقها ع اسيل
وكلهم انفجروا من الضحك ع شكل اسيل
اسيل بغيظ: ماشي ي اسر
مسكت اسيل ازازه المايونيز ودلقتها عليه وهو قام من ع الاكل وجري وهي بتجري وراه وبتدلق عليه المايونيز
مؤمن بمزاح : كل ي ادهم احنا متعودين ع كدا ع طول
ادهم بضحك: ههههههههههه انا عارف ما بنتك كانت بتعوض عدم وجود اسر فياا ،دي خلتني قطعت الخلف
مؤمن بضحك: هههههههههههههههه حتي انت
ادهم بضحك: ههههههههههه اه والله
جت اسيل وادهم شافها وانفجر من الضحك ع شكلها
اسيل بغيظ : بطل ضحك
ادهم بضحك وعنيه دمعت من كتر الضحك ههههههههههههههههههه مش قادر بجد شكلك يفطس من الضحك
اسيل وهي بتدبدب زي الاطفال بغيظ : شايف ي بابا
مؤمن بضحك : ههههههههههههه انا شايف فعلا
اسيل بغيظ : حتي انت ي بابا ،ماشي
دخلت اسيل اوضتها وهي متغاظه خدت شاور ولبست بجامه وخرجت وكان اسر بردوا دخل خد شاور ولبس بنطلون ترنج اسود وتيشيرت اسود
مؤمن لادهم : ادخل ي ادهم اوضه اسر خد شاور وغير هدومك ،روحي معاه ي اسيل
اسيل بدهشه : نعم اروح فين
مؤمن : روحي معاه اوضه اسر طلعيلوا هدوم
اسيل : طب ما اسر هو الي يروح دي اوضته وهدومه
مؤمن : لا انا عايز اسر في موضوع روحي انتي
اسيل بغيظ : ماشي
دخلت اسيل اوضه اسر وادهم وراها طلعتلوا ترنج من الدولاب وادتهولوا وجت تخرج وقف ادهم قصادها
اسيل باستغراب :في اي
ادهم : مفيش بس خليكي لحد مااخد شاور واخرج
اسيل باستغراب : اشمعنا
ادهم : عادي اصل مش متعود اني اقعد عند حد وحاسس اني غريب
اسيل : لا طبعا انت مش غريب انت جوزي وانا مراتك ودا بيتك زي ما هو بيتي بالظبط وبعدين مانا قعدت في الفيلا معاك مقولتش زيك ليه
ادهم بابتسامه: عشان زي ما قولتي انتي مراتي
اسيل بابتسامه: طب يلا ادخل خد شاور وانا هستناك هنا
ادهم بابتسامه: ماشي
دخل ادهم خد شاور ولبس وخرج كانت اسيل مستنياه
💙💙💙💙💙💙💙💙💙
عند مؤمن بره
اسر باستغراب : موضوع اي ي بابا الي كنت عايزني فيه
مؤمن : ادهم طالب ايد اسيل
اسر وروفيدا بدهشه : نعم
اسر باستغراب : دا ازاي دا يعني اي طالب ايديها مش فاهم هي مش مراتو
مؤمن : مراتو بس الاول كان عشان المهمه وهو دلوقتي طلب ايديها من اول وجديد وقال هيعملها فرح مع جاسر وعبدالرحمن
اسر : هو حبها
مؤمن : ايوا حبها وكمان مشوفتش اختك فرحانه ازاي وهطير من السعاده
اسر بابتسامه: شوفت فعلا ،وحضرتك رائيك اي
مؤمن : انا موافق بصراحه مش هلاقي احسن منو لاسيل راجل ومحترم وكمان بيحبها وهو دا الي انا عايزو وهيقدر يحميها وكمان مش هيقعدها من الشغل
روفيدا : واحنا مش عايزين غير انو يحافظ عليها ويحطها في عينو
اسر : واسيل موافقه
مؤمن : واضح من شكل اختك انها بتحبه لكن مش عايزه تقول قبل ما هو يتكلم
اسر : يعني مستنيه هو الي يقول كدا
مؤمن : ايوا بالظبط
💙💙💙💙💙💙💙💙💙💙💙💙
عند جاسر فضل يتمشي بالعربيه لحد ما زهق ورجع البيت طلع شقته ودخل وقفل الباب وراه
عند جميله سمعت باب الشقه وهو بيتقفل خرجت وراحت خبطت عليه فتحلها و اول ما شافها دخل وساب الباب وهو مديها ضهره
جميله : ع فكره انا مش جايه اعتذر عشان انا مغلطش اصلا
جاسر وهو مديها ضهره : امال جايه ليه
جميله : جايه اقولك ياريت متقولش لحد ع موضوع صلاح ولا هو نفسه يعرف ان انت عرفت انا وعدته اني مش هقول لحد ولولا انك عرفت انا مكنتش قولت
لفلها جاسر بغضب: خايفه ع مشاعروا اوووي لكن انا اولع عادي مش مهم مش كدا ،مش قولتلك انتي بتعاملي الغريب احسن مني
جميله : انا مبعاملش حد احسن منك ،انا زي ما وقفت جنبك وقفت جنبوا ،لما اتصابت انت وقفت جنبك ولما تعبت فضلت جنبك لحد ما خفيت وتاني مره لما اتصابت بسببي مردتش اسافر واسيبك
جاسر : انتي مسافرتيش عشان المهمه مش عشاني
جميله : دا الي انت شايفوا ،لكن انا قعدت عشانك انت ،لانك اتصابت بسببي يعني زي ما عملت معاك ،عملت معاه
جاسر بغيره : اوعي تقولي انك ساعدتيه في اللبس
جميله: لا
جاسر بغضب : يعني قعدتي شفقه ،عشان اتصابت بسببك فا حسيتي بالذنب وقولتي لازم تفضلي جنبي مش كدا
جميله : هو كان فيه غير كدا ساعتها
جاسر بغضب : اه كان فيه ، كان فيه اني كنت ومازلت بحبك لكن انتي قصاد دا كلوا بتعندي وبتعملي الي في دماغك وبس مش مهم انا اولع ،روحتي سمعتي كلاموا وخبيتي عني رغم انك اضايقتي لما خبيت عنك ووعدنا بعض مش هنخبي حاجه لكن انتي خبيتي
جميله : لانو مكنش موضوعي عشان اتكلم فيه دا واحد آاتمني ع سر مينفعش اروح افضحوا
جاسر بغضب: دي مش فضيحه ي جميله دا واحد باعني لواحده زباله ،باع صاحبه عشان واحده
جميله : قولتلك كان تحت تأثير المخدرات يعني اي حد تحت تاثير البودره بيبقي مش بيتحكم في نفسه وممكن يبيع ابوه عشان البودره
جاسر بغضب: انا كل دا ميمهنيش ،واتفضلي ادخلي شقتك احنا بليل ومينفعش تفضلي
جميله بغضب : والله دلوقتي مينفعش افضل مانا كنت قتعده هنا واحنا مكناش متجوزين اصلا ، بس ماشي براحتك
سابتوا جميله وخرجت بره الشقه ودخلت شقتها وقفلت الباب وهو بردوا نفخ بغضب وقفل الباب وراه
💙💙💙💙💙💙💙💙💙💙💙💙💙
انا اسفه ع التاخير في الايام الي فاتت كنت بروح الجامعه عشان كان عندي كورسات ودا كان بيخليني اتاخر عليكوا وكمان ممكن مقدرش انزل بكره لاني رايحه الجامعه وعندي امتحان ادعولي 💛
واتمني البارت يعجبكوا 💜
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!