كلمت جميله اللواء سيف وقالتلوا ع موافقه اسيل وكلمت ادهم بردوا وقالتلوا ع كتب الكتاب
💖💖💖💖💖💖💖💖💖
تاني يوم الصبح صحيت جميله خدت شاور ولبست
وونزلت راحت الاداره ودخلت مكتب باباها بصلها اسر وضحك
اسر بضحك:مش مستغرب مجيتك خالص رغم ان النهارده المفروض كتب كتابك
جميله بمزاح: طالعه ل مامتي
اسر بابتسامه: في كل حاجه ثم اكمل جايه ليه بقاا
جميله : قضيه جديده
اسر باستغراب : قضيه اي
حكتلوا جميله عن مصطفي البهنساوي والعصابه الي بتهددوا وكل حاجه
اسر : امممممم واي الي خلاكي مصدقاه
جميله باستغراب : واي الي يخليني اكدبوا ما اخوه متصاب فعلا وبعدين حضرتك مسمعتش عن شركه البهنساوي ولا اي دي معروفه
اسر : لا سمعت عنها وهجمع معلومات وهتابع القضيه وكمان هكلف اسر واياد مهمه حمايه اخواته البنات و بالنسبه ل اخوه جوري هتتولي حمايته بس مش مستغربه حاجه
جميله باستغراب : حاجه اي
اسر : انو رفض اننا نكلف حد يحميه
جميله : هو رفض عشان قال اهم حاجه اخواته دي تضحيه مش شك
اسر : بس احنا نقدر نحميهم كلهم
جميله: بس الحمايه مش كل حاجه احنا لازم نعرف مين الي بيعمل كدا
اسر : اكيد هنعرف المهم دلوقتي مش هتروحي تجيبي الفستان
جميله : مش هحتاج فستان انا عندي كتير
اسر : طيب كلمتي سيف وقولتيلوا
جميله : اه كلمته امبارح وكلمت ادهم كمان
اسر : هو انتي مبسوطه ؟
جميله باستغراب: اي سبب السؤال
اسر : اصل مستغرب النهارده كتب كتابك وحاسك عادي كدا مش فرحانه ولا زعلانه هو انتي مش بتحبي جاسر
جميله بتنهيده: مش عارفه انا اول مره اكون مش عارفه احدد مشاعري ، انا اه رافضه اني احب بس احساسي. غريب ناحيه جاسر عايزه اشوفوا ع طول ،بحب وجوده دايما بس لسه مش متاكده من حبي ليه وكمان انا لو حبيتوا هيبقي بالاصول لان الي بيحب بجد بيلغي العقل وبيفكر بالقلب وممكن يغلط تفكير العقل هو الصح ،لان لو حد حاول يوقع بينا زي ما حصل مع حضرتك هبقي واثقه فيه و عارفه انو مستحيل يعمل كدا ولازم هو كمان يكون واثق فياا
: وانا بثق فيكي جدا ومستحيل هسمح لحد يوقع بينا او يدخل حتي بينا
لفت جميله لمصدر الصوت وكان جاسر
جميله : انت واقف من امتي
جاسر بابتسامه حب : من اول ما سالك سياده اللواء كنت واقف مستني اعرف ردك واحترمتوا جدا ع فكره ع الاقل مكدبتيش في مشاعرك و كلامك صح بس انا بحبك بقلبي وعقلي وكل حاجه
ابتسمت جميله وسكتت
اسر وهو يضع يده ع خده : ها و اي كمان كمل
ضحك جاسر وجميله ع اسر
جاسر بضحك: لا خلاص مانا قولت كل حاجه
جميله : انت جيت ليه
جاسر : روحتلك البيت مامتك قالتلي انك هنا فا سبتلك الفستان مع مامتك
جميله باستغراب : فستان اي
جاسر : انا قولتلك سيبي الفستان عليا وانا جبتلك فستان
جميله : بس انا عندي فستان
جاسر : مش مشكله البسي الي جبتهولك وسيبي الي عندك لاي مناسبه تاني
جميله : ماشي
اسر : هو عيلتك وصلت ولا لسه ي جاسر
جاسر : قدامهم ساعه ويوصلوا
اسر : ماشي
جميله : طيب انا هروح المستشفي
جاسر : لاسيل
جميله: لا لمريض
جاسر باستغراب : مريض مين
جميله : دي قضيه متشغلش بالك
جاسر : طب تعالي هوصلك واهو بالمره ازور المريض معاكي
جميله : تعالي ثم اكملت وهي تحدث اسر : عن اذنك ي بابا
اسر: اتفضلي بس متتاخريش
جميله : حاضر
خرجت جميله وجاسر ونزلوا ركبوا العربيه واتحركوا للمستشفي وهما في الطريق جميله خدت بالها من عربيه ماشيه وراهم
جميله : فيه عربيه ماشيه ورانا حاول تهرب منها
جاسر : ماشي
حاول جاسر يهرب من العربيه يمين وشمال لكن قطعت عليهم الطريق ونزل منها خمسه ملثمين طلعت جميله السلاح الاحتياطي الي معاها وادتوا لجاسر
جميله : خبي ااسلاح واستخدم ايديك ومطلعهوش الا لو مضطر
جاسر : خليكي انتي في العربيه عشان ميأذوكيش
جميله وهي تفتح باب العربيه : دا ع الاساس اني ببيع ترمس
طلعت جميله من العربيه وراح واحد ناحيتها ضربتوا جميله جامد وجاسر طلع بسرعه وراح ناحيته اتنين وضربهم بقوه خافوا الاتنين التانين وركبوا العربيه لكن
طلعت جميله سلاحها وضربت رصاصه في كوتش العربيه ووقفت ونزلوا الاتنين وحاولوا يجروا لكن جميله ضربت رصاصتين ع رجليهم
جميله : جاسر بلغ البوليس
جاسر بابتسامه: مش محتاجه بوليس دا انتي خلصتي عليهم
جميله بضحك: طب خلص عشان ميهربوش وبعدين ما انت ضارب اتنين لوحدك
جاسر بضحك: ههههههه الله واكبر انتي هتحسدي ولا اي
جميله بضحك: انت الي بتحسد ع فكره مش انا واخلص اتصل ب بابا قبل مايقوموا ثم اكملت بسؤال : عندك حبل
جاسر : اه في شنطه العربيه
راحت جميله فتحت شنطه العربيه وجابت الحبل وجاسر ساعدها وجمعوا الخمسه مع بعض وربطوهم
جميله: كدا مش هيهربوا اتصل بقاا ببابا
جاسر : ماشي
اتصل جاسر باللواء وبعتلوا قوه قبضوا ع الخمسه وراحت جميله وجاسر المستشفي
جميله لموظفه الاستقبال : لو سمحتي فيه حاله هنا جت امبارح مضروبه بالنار
الموظفه وهي تنظر ل جاسر باعجاب: ايوا ي فندم
جميله بغضب : ع فكره انا بكلمك يعني تبصيلي
الموظفه وهي تنظر ل جميله : ايوا ي فندم
جميله بجديه: هو اوضه كام
الموظفه : اوضه ١٠٤ الدور الرابع
جميله بحده: تمام شكرا وياريت بعد كدا تبصي قدامك
مشيت جميله بغضب وجاسر جنبها مبتسم ع غيرتها
جاسر بخبث : بتغيري
جميله : لا مش بغير قولتلك انا مش بحب البنات المسهوكه دي
جاسر بخبث: مش مصدقك
جميله : براحتك
ركبوا الاسانسير
جميله : تفتكر مين الي قبضنا عليهم دول وليه عملوا كدا ،هما اكيد قاصديني انا عشان انت خلاص عرفنا مين الي كان بيحاول يقتلك
جاسر : طب وانتي عايزين يقتلوكي ليه
جميله : مش عارفه
جاسر: ممكن يكونوا دول نفس الي قتلوا كمال
جميله: لا مظنش لان انا في اسكندريه مش القاهره
جاسر: اكيد بعتولك الي يقتلوكي هنا عشان يبعدوا الشبوهات عنهم
جميله: لو هما هنعرف احنا مسكنا الخمسه و اكيد هيعترفوا
جاسر : مظنش هيعترفوا ب حاجه لان الي خلاهم قتلوا كمال مش هيعرفوا يقتلوا دول او هما اكيد عارفين كدا ومش هيرضوا يعترفوا
جميله : لا احنا لينا اساليب نقدر نخليهم يعترفوا
وصلوا عند غرفه ١٠٤ وخبطوا ودخلوا
جاسر بدهشه : مصطفي
مصطفي بدهشه: جاسر انت بتعمل اي هنا
جميله باستغراب : انتوا تعرفوا بعض
جاسر : ايوا مصطفي صاحبي اتعرفت عليه في صفقه بينا وبقينا صحاب
مصطفي وجاسر سلموا ع بعض
مصطفي بابتسامه: عامل اي ي جاسر
جاسر بابتسامه: الحمدلله وانت اخبارك اي
مصطفي : الحمدلله تمام
راحت جميله ناحيه اخو مصطفي
جميله بابتسامه: عامل اي دلوقتي
الشاب بابتسامه: الحمدلله بقيت كويس كل دا بفضلك بعد ربنا
جميله : انا معملتش غير واجبي اهم حاجه تقوم بالسلامه
الشاب : باذن الله
جميله ل مصطفي : بكره هيكون عندك اتنين هيتولوا حمايه اخواتك البنات كارما واروي وهنجيب حراسه هنا عشان نضمن حمايه اخوك لحد ما يقوم بالسلامه وهتتولي حمايته ظابط بردوا
جاسر باستغراب: هو اي الموضوع انا مش فاهم حاجه هو يزن اتصاب ازاي وليه حمايه
مصطفي : انا هحكيلك
حكالوا مصطفي كل الي حصل
جاسر : يبقي اكيد الي هاجمونا دول تبعهم
جميله: مش بعيد فعلا بس هما لحقوا عرفوا منين
مصطفي : اكيد بعتوا حد يعرف اخبار يزن وسمعونا واحنا بنتكلم
جاسر : ايوا ممكن فعلا
جميله : الله واعلم احنا مش هنفضل نقول ممكن وجايز انا قولت لبابا وهو هيمسك القضيه وهنقبض عليهم ، انا جيت بس اطمن ع يزن وهمشي عشان متاخرش اكتر من كدا
مصطفي : انا مش عارف اشكرك ازاي ي جميله
جميله بابتسامه: مفيش شكر ولا حاجه دا واجبي
راح جاسر ناحيه يزن
جاسر بابتسامه: الف سلامه عليك ي يزن
يزن بابتسامه : الله يسلمك ي جاسر
جاسر بابتسامه: شد حيلك ي بطل دي رصاصه في كتفك يعني مش حكايه بلاش الدلع دا
يزن بابتسامه: ههههههههه حاضر
جاسر ل مصطفي : امال فين كارما واروي ي مصطفي
مصطفي : لسه ماشيين من ساعه مااحنا كل واحد بيقعد معاه شويه عشان الشركه مينفعش نسيبوا لان اكيد الي حاول يقتلوا هيحاول تاني
جميله : مظنش انهم كانوا عايزين يقتلوه لان انت بتقول دول مافياا تفتكر مش هيقدروا يجيبوا قناص يقتلوا بسهوله هما جابوا الرصاصه في كتفوا كا تهديد انهم يقدروا يعملوا اي حاجه
مصطفي : بس اكيد مش هيفضلوا يهددوا ع طول
جميله : دا فعلا بس احنا مش هنديهم فرصه يعملوا حاجه تاني وهنقبض عليهم في اقرب وقت
مصطفي : ان شاء الله ، ثم اكمل باستغراب : انا نسيت اسالكوا صح هو انتوا تعرفوا بعض منين
جاسر بابتسامه وهو ينظر ل جميله: جميله هتبقي مراتي ،كتب كتابنا انهارده
مصطفي بسعاده : بجد الف مبروك ي صاحبي
جاسر بابتسامه: الله يبارك فيك
جميله بابتسامه: انت معزوم انهارده ع كتب الكتاب
مصطفي : مش هينفع والله انتي شايفه يزن اخوياا متصاب ومش هينفع اسيبوا
جاسر : يزن متصاب في كتفو وسهل يقدر يتحرك
جميله : وكمان هبعتلك حراسه ها قولت اي
مصطفي : انا معنديش مانع
جميله : يبقي اتفقنا هبعتلك حراسه وكمان هبعت ل كارما واروي
مصطفي : ماشي
جاسر : تمام نستاذن احنا بقاا عشان يدوب الحق عيلتي عشان جايين من الصعيد يلا ي جميله
جميله : اه يلا
خرج جاسر وجميله بعد ما سلموا ع مصطفي ويزن
جميله : استني هعدي ع اسيل ناخدها معانا
جاسر باستغراب : هي كمان نزلت الشغل وهي كتب كتابها انهارده
جميله بسخريه: دا ع اساس انها هتتجوز عن حب دا جواز صوري
جاسر وهو ينظر لها : طب مااحنا هنتجوز عن حب بس مع ذلك انتي نزلتي
جميله : لان متعودتش اقعد في البيت وكمان كان عندي كذا مشوار قبل كتب الكتاب
جاسر: طيب فيه اي مشوار تاني
جميله : لا
جاسر : طيب يلا عشان ناخد اسيل معانا
جميله : ماشي
راحوا لمكتب اسيل
جميله بابتسامه: سوسو يلا بينا
اسيل باستغراب: يلا ع فين
جميله بدهشه: انتي نسيتي كتب كتابك ولا اي
اسيل : لا منستش ، بس مين دا
جميله : دا جاسر خطيبي
اسيل بسعاده: بجد الف مبروك ي قلبي
جميله بابتسامه: الله يبارك فيكي ي حبيبتي يلا بينا بقاا عشان احنا اتاخرنا اوووي
اسيل بحزن : حاضر
راحت جميله ناحيتها
جميله بحنان : انا حاسه بيكي والله بس ادي نفسك فرصه يمكن تحبيه وهو كمان يحبك
اسيل بحزن: احب مين دا احنا هنتجوز غصب عشان مهمه
جميله : يمكن الغصب يتحول حب ولو محبتوش بعض تقدروا تنفصلوا بمجرد ما تخلص المهمه وهو مش هيلمسك ابدا
اسيل : ماشي يلا بينا
جميله بابتسامه: يلا
خرجت جميله واسيل وجاسر وراهم نزلوا ركبوا العربيه واتحركوا للبيت وبعد وقت وصلوا طلعت جميله واسيل وجاسر
اسيل : طب انا فستاني في البيت
جميله : لا مانا خليت اسر يجيبوا ع هنا
اسيل : ماشي
دخلوا الشقه وكان قاعد في الصالون العمده ومراته وعبدالرحمن واسر وهاجر دخلت جميله سلمت عليهم واسيل كمان وجاسر
جميله باستغراب : امال فين رنا
هاجر : في اوضتك هي وواحده معاها
جميله باستغراب : واحده مين
عبدالرحمن : ناديه
جاسر باستغراب : واي الي جاب ناديه
العمده: بنت عمك وعايزه تحضر كتب كتابك
جاسر بهمس لباباه: هو حضرتك نسيت ناديه عملت اي
العمده بهمس : لا منستش بس هي اعتذرت وندمت ع الي عملتوا وخلاص المسامح كريم والحمدلله محصلش حاجه وكمان دي بنت عمك
جاسر بهمس: ماشي
دخلت جميله اوضتها وسلمت ع رنا وحضنتها وناديه كانت واقفه بصالها بغيظ وغضب
جميله بابتسامه: وحشتيني اوووي ي رورو
رنا بابتسامه:وانتي كمان وحشتيني اوووي دا انا مصدقتش نفسي لما عرفت ان انتي هتبقي مراتي اخوياا دا انتوا كنتوا زي القط والفار
جميله بضحك: هههههههههه احنا مازلنا ع فكره
رنا بضحك: ههههههههههه لسه لحد دلوقتي
جميله بضحك: اه
ناديه بغيظ: ع فكره انا موجوده معاكوا في الاوضه وعيب لما تدخلي وتسلمي عليها ومتجاهلاني كدا
جميله ببرود: ازيك
ناديه بغيظ: كويسه
رنا وهي تمسك الفستان الي كان ع السرير: هو دا الفستان ي جميله
جميله : تقريبا هو
رنا باستغراب : تقربيا ازاي يعني
جميله : ان لسه شيفاه دلوقتي جاسر هو الي جبهولي
رنا باعجاب: الفستان روعه بصراحه جميل جدا وطويل وحلو
ناديه باستفزاز: طبعا مش ذوق جاسر ،هو طول عمروا ذوقوا حلو
جميله باستفزاز: طبعا ذوقوا حلو عشان كدا اختارني انا
كتمت رنا ضحكتها وناديه بصتلها بغيظ وسكتت
في اللحظه دي دخلت هاجر بالعصير وقدمتوا وخرجت ورنا كانت ماسكه كوبايه العصير وجميله دخلت البلكونه تتكلم في الفون وناديه خبطت رنا كانها مش قاصده ووقع العصير ع الفستان
رنا بخضه: الفستان باظ
ناديه بتمثيل : اي الي انتي عملتيه دا ي رنا
رنا بخضه: انا مكنتش اقصد
في اللحظه دي خرجت جميله من البلكونه وشافت الفستان
رنا بدموع: انا اسفه والله ي جميله مكنتش اقصد
جميله بابتسامه: ولا يهمك ي حبيبتي انا كدا كدا عندي فساتين كتير محصلش حاجه يعني
رنا بدموع: بس دا كان هديه من جاسر وممكن يضايق انك ملبستيهوش
جميله بحنان: لا متقلقيش هو مش هيضايق ولا حاجه
دخلت اسيل في اللحظه دي
اسيل بدهشه: اي دا اي الي حصل للفستان
جميله : محصلش حاجه وقع عليه عصير مش مشكله هلبس غيروا
اسيل : ماشي
جميله ل رنا : خلاص بقاا متزعليش
رنا :ماشي
دخلت هاجر
هاجر بدهشه: انتوا لسه ملبستوش اخلصوا البسوا الماذون قرب يجي
جميله : ماشي هقوم هلبس
قامت جميله خدت شاور ولبست
وخرجت ورنا بصتلها واتصدمت وناديه ابتسمت بخبث
رنا بخوف : ربنا يستر
جميله باستغراب : في اي
رنا بخوف : لا مفيش حاجه
ناديه بخبث : فستانك حلو
جميله : ميرسي
دخلت اسيل بردوا خدت شاور ولبست
جميله بابتسامه:طالعه زي القمر ي قلبي
اسيل بابتسامه : انتي الي قمر ي جوجو
عند جاسر بره الماذون وصل وادهم كتب الكتاب الاول
الماذون : امال فين العروسه عشان تمضي
مؤمن : نادي ع اسيل ي روفيدا
روفيدا : ماشي
دخلت روفيدا الاوضه
روفيدا بحنان: ماشاء الله ي حبيبتي طالعه زي القمر
اسيل بابتسامه باهته: ميرسي ي ماما
روفيدا بحنان : يلا ي حبيبتي عشان تمضي
اسيل : حاضر
خرجت اسيل وهي باصه في الارض وادهم بردوا كان باصص في الارض مش عايز يشوفها ومضت اسيل وانطلقت الزغاريط وهي دمعه حزن نزلت من عنيها وخد بالو سيف وراح ناحيه ادهم وهمس
سيف بهمس: خد عروستك وخرجها
ادهم بغيظ وهمس: عروسه اي دا جواز صوري
سيف بهمس: طب ع الاقل اقعد معاها شوفها عشان تعرفوا تتعاملوا مع بعض بعد كدا
ادهم بغيظ: حاضر
بدا كتب كتاب جاسر وحط ايدو في ايد اسر وردد ورا المأذون وهو مبتسم بسعاده لحد ماانتهي كتب الكتاب وخرجت جميله عشان تمضي وجاسر اتصدم من الي لبساه واتضايق
مامت جاسر بهمس : اي الي مراتك لبساه دا هي متعرفش ان دا عيب وبعدين انت ازاي قابل انها تخرج كدا قدام الكل والكل يشوفها كدا فين الرجوله ي راجل ولا خلاص هي الي هتحكمك
جاسر بغضب وهمس : بعد اذنك ي امي انا راجل وراجل اوووي كمان ومفيش واحده ست تحكمني و جميله بقت مراتي خلاص ومش هقبل حد يتكلم عنها ولو ع اللبس انا مش هجبرها ع حاجه انا متجوزها وهي لبسها كدا وبحبها وهي كدا
الام بهمس: بتحبها وراضي الكل يشوفها كدا مش بتغير عليها
جاسر بغضب وغيره وهو يهمس: بغير عليها بس مش هجبرها ع لبس هي مش عايزاه
الام بهمس: براحتك
مضت جميله وانطلقت الزغاريط للمره التانيه
سيف بهمس ل ادهم: قوم خد عروستك وانزل اخرجوا ،اتعشوا بره واتكلموا مع بعض ،افهموا بعض عشان تعرفوا تتعاملوا بعد كدا انت خلاص بقيت جوزها وبعدين خد الموضوع ببساطه دي مهمه بلاش تاخدوا ع محمل شخصي
ادهم بضيق : حاضر ي فندم
قام ادهم وبص ع اسيل واتصدم لما شافها وفرح جدا وراح ناحيتها والكل استغرب تحوله المفاجئ
ادهم بسعاده: انتي اسيل
رفعت اسيل راسها وشافتوا هي كمان اتصدمت
اسيل بصدمه: هو انت
ادهم بسعاده: ايوا انا
اسيل بصدمه: يعني انت تبقي جوزي
ادهم بابتسامه:ايوا وانتي مراتي
اسيل بحزن جواها : يعني يوم مااتجوز ،، اتجوز صاحبه دا اي الحظ دا
نزلت منها دمعه حزن مسحها ادهم برقه
ادهم بحنان : ينفع ننزل نتعشي بره ونتكلم
اسيل : ماشي
الكل باصينلهم باستغراب من تحويل ادهم وجميله ابتسمت وجاسر كان متابع جميله بضيق
استاذنوا ونزلوا الاتنين
اللواء اسر : وانت ي جاسر اي ناوي تقعد ولا اي ما تاخد مراتك وتخرجوا
جاسر وهو يكتم غيرته وغضبه: حاضر
ثم وجه كلاموا ل جميله : يلا
جميله : اوك
نزلوا جاسر وجميله وركبوا العربيه واتحركوا كل دا وجاسر ساكت
لحد ما وصلوا عند مطعم دخلوا وقعدوا
جميله باستغراب : مالك في اي
جاسر بضيق : مفيش
جميله باستغراب :مفيش ازاي انت شكلك مضايق
جاسر بضيق : انتي ملبستيش الفستان الي جيتهولك ليه ولا ذوقي طلع وحش
جميله : هو دا بقا الي مضايقك
جاسر بضيق: ردي ع سؤالي
جميله : ماشي ، انا ملبستش الفستان عشان ادلق عليه عصير فا لبست دا
جاسر : وليه مقولتليش كنت جبتلك واحد غيرو
جميله : اولا ملحقتش اقولك لان كان المفروض هلبس ثانيا اقولك ليه وانا عندي فساتين كتير وممكن البس واحد منهم
جاسر : ومين الي دلق عليه عصير
جميله : مش هتفرق لو عرفت خلاص حصل الي حصل
جاسر : ماشي ثم اكمل بهدوء ها تاكلي اي
جميله: اممممممم ممكن بيتزا بالجمبري وعصير
جاسر : اوك
جيه الجرسون وطلب جاسر اتنين بيتزا جمبري واتنين عصير
جميله: انت بتحب البيتزا بالجمبري بردوا
جاسر : اه
جميله : طب ما تحكيلي عن نفسك شويه يعني بتحب اي ،بتكره اي كدا يعني
جاسر : ماشي ، بصي ي ستي انا بحب اللون الاسود والكحلي وفي الاكل بحب البيتزا والمحشي والمكرونه ،وبحب الرياضه جدا ، وبكره الكدب والخيانه والخداع ، ومش بحب اي حد يلمس حاجه ملكي ، بحب عيلتي جدا
جميله بابتسامه: ربنا يديمهم نعمه حياتك
جاسر بابتسامه: ويديمك نعمه في حياتي
ابتسمت جميله وجيه الاكل اتعشوا وخلصوا وخرجوا قعدوا ع البحر شويه
عند ادهم كان قاعد هو واسيل في المطعم وكان فرحان لكن زعلانه عليها وع حزنها
ادهم بحنان : انا عارف انك زعلانه عشان سبب الجواز بس انا اوعدك اني مش هلمسك ابدا غصب عنك ، ينفع اطلب طلب
اسيل : اتفضل
ادهم: احنا خلاص اتجوزنا فا خلينا نفضل مع بعض صحاب ونتكلم ونفهم بعض
اسيل : نتكلم ونفهم بعض ازاي احنا جوازنا صوري عشان المهمه
ادهم: انا عارف مش ناسي دا انا قصدي عشان نعرف نعيش مع بعض من غير مشاكل نبقي اصحاب
اسيل حست براحه من كلامه ودا طمنها شويه
اسيل: ماشي
ادهم بابتسامه: تحبي تاكلي اي بقاا ولا اخمن انا يمكن يطلع بتحبي نفس الاكل زي
اسيل بابتسامه: ماشي خمن انت بس لو طلع غلط هتجبلي غزل بنات وايس كريم
ادهم بضحك: ههههههههه اي دا انا اتخدعت ولا اي ،انا قالولي هتتجوز دكتوره مش طفله
اسيل بغضب طفولي: انا مش طفله
ادهم بحب : احلي طفله عرفتها في حياتي
اسيل اتسكفت وبصت في الارض وسكتت
ادهم حب يخرجها من الكسوف : انتي رجعتي في كلامك ولا اي ، بصي انا هخمن ولو طلع صح انتي الي هتعزميني ع ايس كريم
اسيل بمزاح: ليه متجوزه طفل
ادهم بضحك: ههههه بترديهالي يعني
اسيل بتاكيد: ايوا
ادهم بابتسامه: ماشي ي ستي ،ها قولتي اي
اسيل : ماشي
ادهم بحماس: تمام ، انتي بتحبي الشاورما والمكرونه صح
اسيل بدهشه: عرفت ازاي
ادهم بثقه: عيب عليكي دي سر المهنه
اسيل بضحك: ههههههههههههه انت فظيع بجد ،مش مصدقه انك عرفت ، بس انت عرفت ازاي بجد
ادهم بابتسامه: عشان دا نفس الاكل الي بحبوا
اسيل بمزاح: طب يلا اطلبلنا الاكل
ادهم بابتسامه: ماشي
طلب ادهم الاكل
عند جميله وجاسر كانوا قاعدين ع البحر
جاسر : ناديه عملتلك حاجه انهارده
جميله : هتعملي اي يعني مش فاهمه
جاسر : يعني مدايقتكيش ولا حاجه
جميله:تفتكر لو ضايقتني هسكتلها
جاسر بصلها : بلاش شغل البلطجه دا ، ناديه بنت عمي ومش هقبل انك تكلميها باسلوب وحش ، هي اه ممكن تكون غلطت لما اتفقت مع الخدامه بس دا كان بدافع الغيره وهي اعتذرت
جميله : انت ليه محسسني اني ماشيه اتخانق مع اي حد ع فكره انا بكون رد فعل وبس للي بيغلط معايا لاني اكيد مش هسكت لحد غلط فياا ، وكمان بنت عمك انا مليش دعوه بيها ولا تهمني عشان اشغل نفسي بيها وبعدين هي اعتذرت ل مين
جاسر : ل ابوياا
جميله: امممممم وباباك هو الي كان هيحصل فيه كدا ولا حاجه
جاسر وهو يضيق عينيه: قصدك اي
جميله : قصدي ان بنت عمك اتفقت مع الخدامه علياا انا يعني المفروض تعتذر لياا انا
جاسر : انتي اعتذرتي لحد قبل كدا
جميله باستغراب: لا
جاسر : طالما معتذرتيش لحد عايزها هي تعتذر ليكي ليه
جميله : انا معتذرتش قبل كدا لاني مغلطتش في حد مروحتش اتفقت مع خدامه عشان تدي حبوب هلوسه لواحد عشان يتهجم ع واحده وهي نايمه
جاسر بغيره وغضب : ياريت نقفل السيره دي
جميله : انت الي فتحتها ع فكره مش انا
جاسر : طيب خلاص اقفليها ثم اكمل بهدوء انتي خلاص بقيتي مراتي يعني الي يمسك يمسني انا كمان والي يفكر يغلط فيكي او يجرحك كأنو غلط فياا انا بالظبط وانا مستحيل هسكت عن حقك بس موضوع ناديه حوار واتقفل ياريت تنسيه وهي خلاص اعتذرت واتعاملوا عادي
جميله : تفتكر هي هتتعامل عادي وانت بتقول عملت كدا بدافع الغيره يعني بتحبك واكيد مش هتستسلم كدا بسهوله
جاسر بحب : انا ميهمنيش هي بتحبني ولا لا ، المهم انا بحب مين وقلبي فيه مين
اقترب منها جاسر وحضنها وقرب اكتر واكتر
جميله بهمس: جاسر
جاسر وهو يقترب من شفايفها : نعم
جميله بهمس: احنا في الشارع مينفعش كدا
جاسر بهمس وهو مازال مقترب من شفايفها وينظر لعينيها: اولا احنا مش في الشارع احنا ع الشاطئ ومفيش ناس اصلا ثانياا انتي مراتي ومحدش ليه عندي حاجه
جميله وهي تنظر لعينيه : بس انت وعدتني مش هتلمسني لحد مااكون مستعده
جاسر وهو ينظر لعينيها: وانا لسه عند وعدي ليكي بس دي بوسه بريئه ، تصبيره كدا
جميله باعتراض: لا
جاسر وهو ينظر لعينيها : طب وامتي هتكوني مستعده
جميله وهي تنظر له: لما اخلص كل خطر حوالياا يعني لما اخلص مهمتي الي في القاهره وكمان مهمتي الي هنا
جاسر : مهمتك الي هنا باباكي هيمسكها وباقي الفريق
جميله : بس لو الي حصل انهارده منهم هما يبقي كدا بقت مهمتي انا
جاسر : جميله انتي ع ما تخلصي كل الخطر الي حواليكي هكون موت لان الخطر مبينتهيش ، مانا شغلي فيه خطر بردوا هل دا معناه اوقف حياتي لحد مااخلص من الخطر دا ، كل شغل فيه خطر ي جميله مش الظباط بس الي عايشين في خطر كل الناس عايشه فيه بس عايشين حياتهم عادي ، ابسط مثال باباكي ومامتك مش ظباط الاتنين ،عدوا اكيد ع اخطار كتير هل دا خلاهم ميتجوزوش لا بالعكس اتجوزوا وخلفوا كمان ولسه لحد دلوقتي بيحبوا بعض
جميله : بابا وماما بسبب جوازهم حصل الخطر بسبب حبهم ظهر الخطر انا بابا وماما مروا باحداث صعب حد يقدر يتحملها
جاسر : بس مع ذلك لسه بيحبوا بعض لحد دلوقتي مش مهم عدي عليهم اي المهم انهم مع بعض دلوقتي
جميله: خلاص هخلص مهمتي الي في القاهره وبعد كدا نبقي نتكلم
جاسر : هو احنا لسه هنتكلم لا انتي هتخلصي مهمتك ونتجوز
جميله: اممممممم ولو رفضت
جاسر : وليه ترفضي انا بحبك وعمري ما هقدر اذيكي ابدا وهفضل جنبك ومش هسيبك
جميله : طب خلينا نروح احنا اتاخرنا اووي
جاسر : عارفه انا نسيت اقولك اني اكتر حاجه بكرهها هي الهروب من الكلام وانتي ماشاء الله استاذه في الموضوع دا
جميله : انا مش بهرب
قطعها جاسر
جاسر : جميله انتي خايفه مني
جميله باستغراب: وهخاف منك ليه
جاسر : امال ليه كل ماافتح معاكي موضوع الجواز تتهربي وتقعدي تقوليلي لسه مش مستعده يبقي انتي اكيد خايفه مني
عند ادهم خلصوا اكل وخرجوا جبلها ادهم ايس كريم كتير وغزل البنات
اسيل بضحك: بس المفروض انا الي اجيب مش انت لانك قولت صح
ادهم بابتسامه: مش مشكله انا وانتي واحد
ابتسمت اسيل بخجل وهو ابتسم ع كسوفها
اسيل بخجل: ممكن اسالك سؤال
ادهم بابتسامه: اتفضلي
اسيل: انت ازاي كدا يعني المفروض واحد مكانك مجبر ع الجواز بيبقي مش طايقها لكن انت بتضحك وتهزر وكأنك مبسوط بالجوازه
ادهم بابتسامه: انا مش هكدب عليكي واقولك كنت مبسوط لا بصراحه انا مكنتش عايز اتجوز بالطريقه دي لاني مكنتش عايز العب بحياه بنت بس سياده اللواء قالي انو هيعرفك ورفضت تاني عشان اضايقت لما قالي تبقي تطلقها بعد ما تخلص المهمه لاني مكنتش هحب كدا ازاي هقبل ان حد يقول عليكي مطلقه بسبب مهمه تافهه بس للاسف كنت مضطر بس بعد ما شوفتك فكرتي اتغيرت
اسيل : اتغيرت ازاي يعني
ادهم: محستش اني مجبر اكمل بالعكس حسيت اني نفسي اكمل العمر كلوا مش فتره مؤقته وتعدي
اسفه بجد ع التاخير بس والله انهارده كنت مشغوله جدا وبدات كتابه البارت متاخر ، انا عارفه ان البارت قصير بس والله غصب عني انا بمنع نفسي بالعافيه من النوم عشان اكمل البارت وكمان مش هقدر انزل بكره لان عندي مشوار
واتمني البارت يعجبكوا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!