رواية احببت عنادك... بقلمي/هاجر هشام الفصل الثمانون 80 - بقلم Hagar Hešhàm

عند جاسر وجميله
جميله : تفتكر لو خايفه منك كنت وافقت اتجوزك

جاسر : هو انتي يعني وافقتي بسهوله ماانتي طلعتي عيني

جميله :بس في الاخر وافقت ،مانا كان ممكن ارفض ومكنش حد هيجبرني ع حاجه

جاسر : ماشي ي جميله ،هستناكي لحد ما تخلصي مهمتك ونتجوز

جميله : ماشي

جاسر بابتسامه:طب مفيش اي تصبيره كدا

جميله بابتسامه: لا

جاسر بغيظ: ماشي بس خليكي فاكراها عشان كل دا هيطلع عليكي وهاخد حقي لما نتجوز

جميله بضحك: ههههههههههه ماحنا متجوزين

جاسر بخبث:انا قصدي لما يتقفل علينا باب واحد ي حبيبتي

جميله :طب مش هتروحني ولا اي احنا اتاخرنا اووي

جاسر بغمزه:ماشي انا عايزك تهربي براحتك هيجي اليوم الي مش هتعرفي تهربي ابدا مني

جميله بهروب: اي رايك نخرج كلنا بكره

جاسر باستغراب: كلنا مين

جميله: عيلتك وعيلتي واهو بالمره عيلتك يشوفوا اسكندريه ويخرجوا هتبقي خروجه حلوه اووي

جاسر:انا معنديش مانع ماشي بس مش انتي المفروض عندك مهمه

جميله: مفيش مانع لو اتاجلت يوم بس يارب اللواء يوافق

جاسر: خلاص يخرج معانا واهو بالمره عبدالرحمن يقرب من سلمي

جميله:فكره حلوه فعلا ،خلاص انا هخلي بابا يكلموا هو هيقدر يقنعوا

جاسر: ماشي

جميله: يلا بينا بقاا

جاسر:يلا

راحوا ركبوا العربيه واتحركوا وبعد وقت وصلوا كان ادهم واسيل وصلوا
ادهم بغمزه: اي ي بني هو انتوا بقالكوا سنين متكلمتوش ولا اي
جاسر بغمزه: ما بلاش انت دا انت كأنك مصدقت خدتها وطيرت ع طول
ادهم وهو ينظر ل اسيل ويبتسم: انا فعلا مصدقت
جاسر بغمزه وهمس: شكل الصناره غمزت
ادهم بهمس: شكلها كدا فعلا بس مش هينفع
جاسر باستغراب وهمس: ليه مش هينفع ما هي خلاص بقت مراتك
ادهم بهمس: احنا جوازنا عشان المهمه انا يدوب قدرت اقنعها نبقي صحاب عشان متكسفش مني وتبقي ع راحتها في الكلام وكمان انا معرفش هي حاسه بايه ناحيتي
جاسر : نفس الي عندي بردوا بس انا مختلف انها موافقه بارادتها بس مش عارف احساسها اي ناحيتي
ادهم : انت غبي صح يعني هي موافقه باردتها تفتكر مش هتكون بتحبك يعني
جاسر : حاسس انها بتحبني فعلا بس عمرها ما قالتلي كدا
ادهم : مش لازم تقول دا احلي حاجه الفعل ساعات الكلام بيبقي خدعه لكن الافعال بتبقي نابعه من جواها ،خوفها عليك لما اتصابت ووقوفها جنبك وموافقتها انها تسيب اسكندريه وتعيش معاك في القاهره رغم انها كانت رافضه الفكره دي وكمان جميله مش من النوع الي بيقعد يقول بحبك كل شويه والكلام الرومانسي دا لا هي تقدر تعمل حاجات تخليك متاكد انها بتحبك بس من غير ما تقول كلمه بحبك
جاسر : وانا مش عايز اسمع منها كلام رومانسي ولا اي حاجه كفايه اني احس فعلا انها بتحبني
ادهم: انا متاكد انها بتحبك

قطع كلامهم العمده
العمده: طب نستاذن احنا بقاا
اللواء اسر: تستاذنوا فين لا طبعا انتوا هتقعدوا معانا ومتقلقش فيه شقه قصادنا دي بتاعتي هتقعدوا فيها ع راحتكوا
جاسر : مش مستاهله انا حجزتلهم في الفندق
اسر : فندق اي لا طبعا هما هيقعدوا هنا ومش هقبل نقاش
جميله : ايوا ي جاسر انتوا هتقعدوا هنا
العمده : مش مستاهله ي بنتي احنا كدا كدا مسافرين بكره
جميله : لا انا اتفقت انا وجاسر اننا هنخرج كلنا بكره مع بعض
اسر : ايوا وانا موافق
العمده: بس ي بنتي
جميله: مفيش بس ي عمو انا حابه افرجك ع اسكندريه والبحر ولا هتكسفني
العمده : مقدرش اكسفك ي بنتي
جميله بابتسامه: يبقي توافق
العمده بابتسامه: ماشي
اللواء سيف : والقضيه ي استاذه جميله
اللواء اسر : مش مشكله يوم ي سيف نخرج فيه كلنا مع بعض نغير جو المكاتب دا
سيف : ماشي ي اسر
عبدالرحمن بهمس للعمده: اي ي بابا ما تقولوا ع موضوعي انا وسلمي
العمده بهمس: ماشي
العمده ل سيف : الحقيقه ي سياده اللواء انا كان عندي طلب
سيف : اتفضل ي حضره العمده
العمده:انا طالب ايد بنت حضرتك لابني عبدالرحمن
سيف : الحقيقه الي عملوا ابن حضرتك يخليني ارفض
العمده: انا عرفت الي عملوا عبدالرحمن وزعقتلوا بس هو قالي انو بيحبها وعايز يتقدملها ودا الي خلاني اطلب من حضرتك الطلب دا
سيف: والي بيحب حد بيوقفوا في الشارع ويقعدوا يتكلموا
اسر: خلاص المسامح كريم ي سيف وهو عرف غلطتوا
عبدالرحمن بسرعه : اه والله عرفت واتمني من حضرتك توافق
سيف بص ل سلمي وهي اتكسفت وبصت في الارض
سيف بابتسامه: ماشي موافق
عبدالرحمن بسعاده: اخيراا
سيف : بس دلوقتي هتبقي خطوبه بس والفرح مع جاسر وجميله
جاسر بمزاح: لا كدا هتستني كتير
عبدالرحمن بسرعه: لا ونبي اعملوا فرحكوا بسرعه دا انا مصدقت
جميله بضحك:ههههههههههه والله انت وحظك
سيف: وكمان بنتي هتعيش في القاهره
عبدالرحمن : انا كدا كدا شغلي في القاهره مع جاسر
سيف: ومش هتسيب شغلها
عبدالرحمن :وانا مش عايزها تسيب شغلها
سيف: تمام كدا اتفقنا
عبدالرحمن بسعاده: نقرا الفاتحه بقا
سيف: ماشي
الكل قرا الفاتحه وانطلقت الزغاريط للمره الثالثه
والبنات حضنوا سلمي وباركولها وناديه كانت واقفه متغاظه بعد وقت كلوا مشي و دخلت عيله جاسر الشقه الي قصادهم وكانت كبيره وواسعه وكل واحد دخل اوضه ونام

عند جميله
هاجر : انتي ملبستيش الفستان الي جابوا جاسر ليه
جميله: ادلق عليه عصير فا لبست غيرو
هاجر : انتي الي دلقتي عليه عصير عشان متلبسيهوش ؟
جميله باستغراب : وانا اي الي هيخليني اعمل كدا ما الفستان كان حلو
هاجر : بس انتي مش بتحبي حد يجبرك تلبسي حاجه
جميله: بس هو مأجبرنيش دا جيبهولي هديه وكان حابب اني البسوا بس وقع عليه عصير

هاجر : ومين الي وقع العصير

جميله: هو تحقيق ولا اي حضرتك لو مش مصدقاني تقدري تدخلي تتاكدي

هاجر : لا مصدقاكي بس الي قالتوا مامتوا ضايقني
جميله: واي الي قالتوا مامتوا

هاجر : بس هو رد عليها وبصراحه طلع راجل فعلا وعرف يرد غيبتك

جميله: مامتوا قالت اي

هاجر : مش مهم قالت اي المهم انو عرف يرد غيبتك

جميله : ماشي ي ماما

هاجر: بلاش تسالي جاسر ع حاجه لانو زي ما دافع عنك قصادها هيدافع عن مامتوا قصادك

جميله: عارفه ما هو دافع عن بنت عمه قصادي رغم انها غلطت مش هيدافع عن مامتوا

هاجر: مش حاجه وحشه انو يدافع عنهم دول اهلوا ومش هيقبل حد يغلط فيهم زي ماهو بردوا مش هيقبل حد يغلط فيكي بس بنت عمه غلطت في اي

جميله : متاخديش في بالك انا داخله انام

هاجر : ماشي تصبحي ع خير ي حبيبتي
في اللحظه دي جيه اسر
اسر باستغراب : مالكوا واقفين كدا ليه
جميله بابتسامه: مفيش ي حبيبي انا داخله انام تصبح ع خير
اسر بابتسامه: وانتي من اهله ي حبيبتي
دخلت جميله اوضتها خدت شاور وغيرت ونامت
عند اسر بره
اسر : في اي
هاجر : مفيش كنت بسالها ملبستيش الفستان الي جبهولك جاسر ليه
اسر: انا بقول بردوا مش معقول جاسر يكون جابلها فستان زي دا ،يعني الي هي لابساه مش الي جابو جاسر
هاجر : لا مش هو التاني كان طويل ومحترم وكان شيك
اسر : وملبستهوش ليه
هاجر : ادلق عليه عصير
اسر: طيب يعني غصب عنها ،اماال انتي مضايقه ليه
هاجر باستغراب: انا ،مش مضايقه
اسر بمكر: لا انا حاسس انك مضايقه
هاجر بعدم تصديق : لا ي شيخ
اسر وهو يضع يده ع كتفها وياخذها في حضنه : اه والله تعالي بس
هاجر وهي تبتعد عن حضنه: لا مش هينفع انا لسه هنضف الشقه
اسر وهو ياخدها في حضنه: شقه اي بس ي حبيبتي سيبيك منها وانا هخلي بكره هجبلك واحده تنضفها واحنا بره

هاجر بمكر: طب كويس اصل انا تعبانه وعايزه انام

اسر بمكر: مااحنا هنام ي حبيبتي

تاني يوم الصبح صحيت جميله خدت شاور ولبست

وخرجت كان كلوا جهز ونزلت جميله ورنا وناديه وسلمي واسيل وجوري ركبوا مع بعض
وجاسر وعبدالرحمن وادهم واسر واياد في عربيه جاسر
واللواء اسر والعمده ومراته وهاجر في عربيه
واللواء سيف ونورهان في عربيه

بعد وقت وصلوا عند البحر نزلوا
اللواء اسر : جميله خدي اليخت وروحوا انتوا الشباب و احنا هنقعد هنا
جميله: ماشي ي بابا

جميله واسيل ورنا وناديه وسلمي وجاسر واسر واياد وعبدالرحمن وادهم طلعوا اليخت واتحركوا بيه في وسط البحر وقفت جميله اليخت في وسط البحر وكانوا مشغلين اغاني والشباب كانوا واقفين مع بعض بيضحكوا ويهزروا والبنات بردوا واقفين مع بعض وراحت جميله جابت بيبسي وقدمت للكل وناديه راحت ناحيه جميله وهي قاصده تزقها وهي مش واحده بالها بس جميله خدت بالها وبحركه سريعه لفت وناديه هي الي وقعت في البحر وقعدت تصرخ والكل اتفاجئ وبص وجاسر بص لجميله بغضب وقلع التي شيرت ونط ع طول ولحق ناديه وشالها وطلعها وهي مغم عليها وحطها ع الارض والكل حواليها خايفين فضل يضغط ع بطنها وفاقت وفضلت تكح وقعدت تعيط البنات فضلوا حواليها يهدوها
رنا باستغراب : انتي وقعتي ازاي ي ناديه
بصت ناديه ل جميله بغضب وجاسر شد جميله وراح بعيد عنهم
جميله بغضب : في اي بتشدني كدا ليه
جاسر بغضب: انتي الي وقعتيها
جميله بغضب : وانا هوقعها ليه
جاسر بغضب : جميله متستعبطيش انا شوفتك
جميله بغضب : وشوفت اي بقاا شوفتني وانا بزقها ولا حاجه
جاسر بغضب: لا بس هي كانت رايحه ناحيتك وانتي لفيتي بسرعه راحت وقعت
جميله بغضب: اديك رديت ع نفسك ،هي كانت رايحه تزقني انا وانا خدت بالي وبعدت لكن مكنتش اعرف انها هتقع هي
جاسر بغضب: وهي ليه هتوقعك
جميله بغضب : والله السؤال دا روح اسالها هي مش انا
جاسر بغضب : ماشي ي جميله

جميله بغضب : ع فكره انا مش زباله عشان اقصد اوقعها زي ما هي كانت قاصده تزقني

جاسر بغضب: جميله احترمي نفسك ومتنسيش الي بتكلمي عنها دي تبقي بنت عمي ومش هقبل انك تغلطي فيها

جميله بغضب : وهي مش بنت عمك هي الي كانت عايزه تزقني ولا انا هتبلي عليها وبعدين فين الثقه الي عمال تقول انا بثق فيكي وانت شكيت فياا ومصدقتنيش اني معملش كدا

جاسر بغضب : انا بثق فيكي ومصدقك بس انتي عماله بتغلطي فيها

جميله بغضب : انت الي عمال تغلط فيا وتتهمني وفاكر ان بنت عمك ملاك مبيغلطش

جاسر بغضب : لا انا مش فاكر كدا انا عارف بنت عمي

جميله بغضب : طب كويس انك عارف بنت عمك

سابتوا جميله وراحت ناحيه ناديه
جميله ببرود: مردتيش صح انتي وقعتي ازاي
ناديه بغضب : يعني مش عارفه وقعت ازاي
جميله ببرود: وانا هعرف منين
ناديه بغضب : انتي الي وقعتيني كنتي عايزه تخلصي مني
الكل بص ل جميله بصدمه وعدم تصديق وجاسر كان متابع الكلام
جميله ببرود: وهخلص منك ليه
ناديه باللغبطه: عشان.... عشان ثم اكملت بغضب .معرفش عايزه تخلصي مني ليه

جميله ببرود: تمام لما تعرفي ابقي اتكلمي ، ثم اكملت ببرود: ولا تحبي انا اقولك الي حصل

ناديه بتوتر : وهو اي الي حصل

جاسر بغضب : خلاص ي جميله
جميله بغضب : ماشي بس بعد كدا ابقي اتاكد قبل ماتتهمني لاني مش هقبل بأي اتهامات

ادهم: هو في اي ما حد يفهمنا احنا مش فاهمين حاجه اتهامات اي الي بتكلمي عنها ي جميله

جميله : مفيش حاجه ي ادهم خلاص محصلش حاجه

راحت جميله وقفت في مكان لوحدها ورنا سندت ناديه وقعدتها ع الكرسي وكل واحد خد حبيبته ووقف في مكان
ادهم واسيل ، عبدالرحمن وسلمي ، واياد ورنا ،واسر وجوري ،وجاسر راح ناحيه جميله
جاسر : احم احم
مفيش رد
جاسر : خلاص ي جميله بقاا متزعليش مني انا اتعصبت لاني كنت فاكر انك وقعتيها قصد
جميله : انا مفيش بيني وبينها حاجه عشان اوقعها قصد ،وكمان طالما انت شايفني وحشه اوي كدا خلاص طلقني
جاسر : اوعي تقوليها تاني ي جميله انا عمري ما شوفتك وحشه وانا عارف انك مستحيل تعملي كدا بس انا لما شوفت كنت فاكر انك لفيتي عشان تقع. مكنتش اعرف انها رايحه ناحيتك عشان تزقك ، خلاص بقاا
جميله : ماشي
جاسر بابتسامه: طب اضحكي بقاا مش بحب اشوفك زعلانه
جميله بابتسامه: حلو كدا
جاسر بحب: بحبك
ابتسمت جميله وسكتت
جاسر : مش ناويه تقوليهالي بقاا
جميله : هي اي دي
جاسر : بحبك
جميله بابتسامه: ما انت قولتها اهو
جاسر بابتسامه: بس انا عايز اسمعها منك
جميله بابتسامه: هتسمعها بس في الوقت المناسب
جاسر بابتسامه حب : وانا مستعد استناكي العمر كلوا
جميله : طب تعالي اديك هدوم بدل الي اتبلت دي
جاسر باستغراب: تجبيلي منين
جميله : فيه هدوم هنا بتاعت بابا هتيجي مقاسك
جاسر : ماشي
دخل جاسر خد شاور ولبس شورت وقميص ابيض مفتوح وعضلاتو باينه وخرج وطلع فوق
جميله : مش قافل القميص ليه
جاسر بخبث: شكلوا كدا احلي
جميله : لا مش حلو ، وكمان فيه بنات هنا ممكن تتكسف
جاسر بعدم تصديق : بنات بردوا
جميله : اه
جاسر بمكر : بس انا عاجبني كدا
راحت جميله ناحيتوا وقفلت ازرار القميص وهو باصصلها ومبتسم
جاسر بضحك: ههههههههههه ع فكره انا مقولتلكيش اقفليه
جميله وهي تنظر له : بس انا عايزه مقفول احلي
جاسر وهو ينظر لها : ماشي بس ياريت انتي كمان تسمعي كلامي في اللبس
جميله : بس انت وعدتني مش هتتكلم ع لبسي
جاسر : ايوا فعلا بس قولتلك بردوا راعي اني راجل مقبلش حد يشوف جسم مراتي
جميله : انا مراعيه دا ع فكره
جاسر : وبالنسبه للفستان بتاع امبارح دا
جميله : انا قولتلك كل لبسي كدا ،وانا كنت هلبس الفستان الي انت جبتوا بس ادلق عليه العصير
جاسر : ماشي وانا مصدقك ومزعلتش
جميله : طب انا هروح ادي ل ناديه لبس بدل الي اتغرقوا
جاسر : بس هي مبتلبسش لبسكوا
جميله : عارفه بس احسن من انها تقعد كدا وتاخد برد
جاسر بابتسامه: انتي ازاي طيبه كدا رغم انها كانت عايزه توقعك انتي بس مع ذلك خايفه عليها لتاخد برد

جميله : دي مش طيبه دا رد فعل عادي اي حد مكاني كان هيعمل كدا وهي اه حاولت تزقني بس مينفعش اسيبها تاخد برد

جاسر : لا مش اي حد مكانك هيعمل كدا لان محدش بيساعد حد حاول يزقه عشان يغرق

جميله : ومين قالك انها لو زقتني كنت هغرق ،انا بعرف اعوم كويس اووي

جاسر : بس هي متعرفش كدا

جميله : اه

جاسر : طيب خلاص هاتيلها لبس
جميله : ماشي
راحت جميله ل ناديه
جميله : تعالي معايا هجبلك لبس بدل الي اتغرق دا
ناديه بغضب:لا شكرا انا مبلبسش اللبس المسخره بتاعكوا دا
جميله : اللبس المسخره دا احسن ما تاخدي برد
ناديه بغضب: ملكيش دعوه
جميله ببرود: خلاص براحتك انا غلطانه اني قولت اجبلك لبس بدل ما تاخدي برد
ناديه بغضب: اه عشان تعملي دور الملاك الي بتساعدني وتكسبي محبه جاسر
جميله ببرود: انا مش محتاجه اعمل ادوار عشان اكسب محبه جاسر لانو بيحبني اصلا
ناديه لمحت جاسر جاي ناحيتهم
ناديه بتمثيل الدموع : يعني توقعيني في البحر وجايه دلوقتي تقوليلي اجبلك لبس عشان متاخديش برد ،صحيح صدق الي قال تقتل القتيل وتمشي في جنازته
جميله بغضب: انتي لسه مصدقه نفسك وبتقولي ان انا الي زقيتك ،انتي كدابه انتي الي جيتي علياا عشان تزقيني وانا بعدت روحتي وقعتي مش ذنبي انك زباله والسحر اتقلب عليكي

قطعها جاسر بغضب وحده: جميله
راح جاسر ناحيتها بغضب ومسك ايديها جامد : قولتلك مش هقبل ابدا انك تغلطي في بنت عمي ولا حد من عيلتي
جميله بغضب: بنت عمك هي الي غلطت مش انا وانا غلطانه اني جيت اجبلها لبس عشان متاخدش برد لكن طلعت زباله ومصدقه نفسها اني حاولت ازقها

جاسر رفع ايده ليضرب جميله بالقلم لكن هي مسكت ايده بغضب: اوعي تفكر انك ممكن تضربني لاني مش هسمحلك ابدا

جاسر وهو يمسك يدها بغضب: انا الي مش هسمحلك تغلطي فيها ابدا دي بنت عمي

جميله بغضب: انا زهقت كل شويه بنت عمك ..بنت عمك .اهي بنت عمك عندك اولعوا مع بعض انا مليش دعوه

سابتوا جميله ودخلت الغرفه الي في اليخت

ناديه بتمثيل: انا اسفه ي جاسر مكنتش اقصد اخليكوا تتخانقوا مع بعض بس هي فعلا الي وقعتني

جاسر بغضب: بطلي كدب بقاا انا واثق في جميله ومتاكد انها متوقعكيش

ناديه : وزعقتلها ليه طالما واثق فيها

جاسر بغضب: عشان غلطت وانتي كمان غلطي فيها ومن دلوقتي ي ناديه متدخليش بيني انا ومراتي وبطلي الحركات بتاعتك دي جميله خط احمر والي يغلط فيها كأنو بيغلط فياا انا كمان والي يمسها يمسني ولو كنت عديت الي عملتيه فا دا عشان خاطر ابوياا لكن لو عرفت انك حاولتي تعملي اي حاجه ل جميله ساعتها هنسي انك بنت عمي ،انتي فاهمه

ناديه بغيظ وغضب: ماشي ي جاسر

مشيت ناديه وراح جاسر ل جميله وخبط ع الباب وهي فتحت
جميله بغضب: نعم
مردش عليها جاسر دخل وقفل الباب وراه
جميله بغضب: انت بتقفل الباب ليه وبعدين جاي ليه ،
جاسر : انا مش جاي اعتذر ولا حاجه انا جاي اتكلم معاكي
جميله : تتكلم في اي انت مش مصدق بنت عمك خلاص روحلها
جاسر : انا ناديه زعقتلها ع الي عملتوا بس انتي بردوا غلطي فيها
جميله : انا فعلا غلط عشان قدرت واحده زي دي وقولت اجبلها لبس عشان متاخدش برد
جاسر : بصي بردوا بتغلطي
جميله : انت عايز اي
جاسر : عايز نتكلم بهدوء شويه وتبطلي العصبيه دي ، ع فكره انا بردوا بعرف اتعصب بس انا عايز نتكلم بهدوء ونحل مشاكلنا بهدوء زي ما وعدتك

جميله : اممممممممم ماشي اتكلم بهدوء انا سامعه

جاسر : انا ناديه كلمتها وعرفتها متدخلش بينا بس انتي بردوا غلطي لما شتمتيها وانا قولتلك اني مقبلش حد يشتم حد من عيلتي او يغلط فيهم ،زي مانا مقبلتش انها تغلط فيكي وزعقتلها انتي بردوا مش هقبل انك تغلطي فيها

جميله : انا قولتلك اني مجرد رد فعل للي بيحصل بنت عمك بتلعب لعبه زباله وانا مش هقبل بيها ابدا ،هي شافتك انك قربت فا مثلت الدموع وقالت الكلام دا عشان لما تيجي تسمع الي هقولوا تقوم تزعقلي انا وانا مش هقبل اننا نبقي زي العرايس الي واحده زي دي بتحركنا ، عشان كدا قولتلك لازم يكون فيه بينا ثقه وانت قعدت تقولي انا بثق فيكي وعمري ما هقبل ان حد يوقع بينا بس اظاهر طلع كل دا كلام واهو من اول مشكله صدقت بنت عمك

جاسر : ومين قالك اني صدقتها بس انتي الي اديتيها الفرصه ،انتي عصبتيني بدل ما تحاولي تلمي الموضوع ،عصبتيني اكتر وخلتيني كنت همد ايدي عليكي فيها اي لما تتكلمي براحه زي مانا بتكلم دلوقتي ،مانا اقدر اتعصب ع طول وع اي حاجه ، بس دا مش هيحل حاجه ، انا بحاول ع قد مااقدر اسيطر ع غضبي لكن انتي كل حاجه وخداها بعصبيه

جميله : انا اقدر اتكلم براحه بس مبقدرش اتحكم في اعصابي ومش بقبل حد يغلط فياا

جاسر : وانا عمري ما هقبل ان حد يغلط فيكي خليكي واثقه من دا وانتي بردوا تحترميني ومتغلطيش في حد من عيلتي

جميله : ماشي ولو غلطت فياا

جاسر : ساعتها قوليلي وانا هعرف اجبلك حقك

جميله : بس انا متعودتش حد يجبلي حقي انا اقدر اجيب حقي بنفسي

جاسر : احنا مش في غابه ي جميله وبعدين انا مش حد غريب انا جوزك

اقترب منها جاسر وهو يلف يده حوالين خصرها ويقربها له
جاسر بحب:وبعدين احنا هنفضل طول اليوم نتكلم ع ناديه ولا اي
جميله : لا خلينا نطلع مينفعش حد يفتكر حاجه غلط
جاسر بضحك: ههههههههههه طب ما يفتكروا انتي مراتي ع فكره
جميله : دا كتب كتاب بس متنساش دا
جاسر بابتسامه حب: مش ناسي دا بس مفيش مشكله من بوسه بريئه
جميله : لا ي جاسر انا لسه مسامحتكش اصلا انت كنت هتمد ايدك علياا
جاسر بحب ورقه : عمري مااقدر امد ايدي عليكي ، متزعليش مني
جميله بابتسامه: ماشي ، خلينا نطلع بقاا
جاسر بابتسامه حب : لا انا بقول خلينا شويه
جميله : لا خلينا نطلع
جاسر بابتسامه: ماشي عشان خاطرك بس
جميله بابتسامه: طب يلا
خرج جاسر وجميله من الاوضه وطلعوا وناديه شافتهم وهما مبسوطين واتغاظت اكتر

عند ادهم واسيل
اسيل : احنا هنسافر بكره
ادهم: ايوا مش انتي قدمتي طلب شغل في المستشفي الي في القاهره
اسيل :ايوا قدمت بحجه يعني اني اتجوزت وهعيش في القاهره عشان كدا مشكوش وكمان اللواء سيف قالي انو ع بكره هيوصلي جواب بتعيني
ادهم : حلو وانا هتابع معاكي ع طول وكمان هيبقي معاكي جهاز تتبع احتياطي وجهاز تصنت عشان تحطيه في مكتب مدير المستشفي لما تروحيلوا
اسيل : طب وليه جهاز التتبع مانا هبقي في المستشفي
ادهم : محدش ضامن اي الي ممكن يحصل وكمان متقلقيش انتي في حمايتي بس متتكلميش مع حد عن حياتك خالص لان هما اكيد هيكونوا شاكين فيكي ولو عرفوا انك متجوزه ظابط

اسيل: لا متقلقش اكيد مش هروح اقولهم اني متجوزه ظابط يعني دا انا لو قاصده اكشف نفسي مش هعمل كدا

ادهم بضحك: هههههههه انا باكد عليكي بس

اسيل : طيب جميله قالتلي ان فيه اوضه في المستشفي متلونه بنفس لون الحيطه ومش هتبان ، انا ممكن

قطعها ادهم : لا مش ممكن اوعي تفكري انك تدخليها او تروحي ناحيتها احنا عايزين نعرف بس كل حاجه بتحصل في المستشفي يعني مثلا امتي بتحصل العمليات الي زي كدا

اسيل: تفتكر هيعملوا العمليات الي زي دي وانا موجوده اكيد بيعملوها بليل

ادهم : هههههههههه لا مش بليل ع حسب المعلومات ان فيه دكاتره بتختفي شويه وبعد كدا بتظهر فا دول اكيد بيدخلوا الاوضه دي ،احنا بقا عايزين نعرف مين الدكاتره الي بتختفي دول ،وهطلب طلب لو هتقدري تعمليه تمام مش هتقدري خلاص مش مهم اهم حاجه تكوني في امان ومتعرضيش نفسك للخطر

اسيل: طلب اي

ادهم : تقدري لو عرفتي الدكاتره الي بتختفي دول ،تحطي لواحد منهم جهاز تصنت عشان نقدر نعرف الي بيحصل جوه الاوضه دي

اسيل: اقدر طبعا دي حاجه سهله مفيهاش خطر

ادهم : بيتهيالك لان لو حد شك فيكي هيخلصوا عليكي

اسيل : لا متقلقش محدش هيشك

عند عبدالرحمن

عبدالرحمن ل شباب: ما تيجوا ننزل البحر
ادهم : انا عن نفسي معنديش مانع بس مش معايا مايو
اسر : وانا كمان
اياد: وانا بردوا
جميله : فيه مايوهات هنا ،ثانيه واحده
نزلت جميله الاوضه جابت مايوهات واديت كل واحد مايوه وكل واحد دخل غير وطلع
والبنات اتكسفت ماعدا جميله وهي كانت نازله الاوضه لكن راح جاسر ناحيتها
جاسر باستغراب : رايحه فين
جميله : هنزل اغير عشان انزل المايه
جاسر بغيره : لا طبعا مش هتنزلي احنا كلنا رجاله
جميله : واحنا بنات انا مش هنزل لوحدي سلمي واسيل وجوري هينزلوا
جاسر بغيره: مستحيل عبدالرحمن يوافق ان سلمي تنزل وحتي لو وافق انا مش موافق ان انتي تنزلي
جميله بغضب: ع فكره عبدالرحمن مش خطيبها عشان يتحكم فيها وبعدين ليه مش عايزني انزل
جاسر بغضب: بس انتي مراتي واقدر اقولك مش هتنزلي المايه
جميله بغضب: احنا هننزل كلنا بنات ماعدا ناديه ورنا
وانتوا رجاله مع بعض ملكوش دعوه بينا

جاسر : انا قولت مش هتنزلي ي جميله ،ولو عايزه تنزلي يبقي استني اول ما نتجوز وهجيبك هنا ونقضي اليوم براحتنا وهتنزلي المايه براحتك بس وانا معاكي لوحدنا

عند ادهم واسيل
اسيل بغضب: ممكن اعرف انت مش موافق ليه انزل المايه
ادهم بغضب: تنزلي المايه عشان اللبس يلزق ع جسمك ويشوفوكي كدا لا طبعا مش هتنزلي
اسيل بغضب: ع فكره احنا جوازنا صوري عشان المهمه يعني انت ملكش حكم علياا
ادهم بغضب : لا ليا انتي مراتي ومقبلش حد يشوف جسمك وانا عارف ان جوازنا صوري بس بردوا دا ملهوش دعوه
اسيل بغضب وعند: بس انا هنزل المايه
ادهم بغضب: اسيل متعصبنيش انتي مش هتنزلي المايه ،طول ماانتي ع ذمتي تسمعي كلامي لما نطلق ابقي انزلي المايه براحتك

عند عبدالرحمن وسلمي
عبدالرحمن بحنان وحب : انا عارف انك نفسك تنزلي المايه بس انتي ينفع تنزلي واحنا كلنا رجاله
سلمي : بس انا هنزل مع البنات
عبدالرحمن بحنان: اولا انا متاكد ان جاسر مش هيقبل ان جميله تنزل ، ثانياا انا بحبك وبغير عليكي ومقبلش حد يشوف جسمك
سلمي : بس جميله قالت هتنزل
عبدالرحمن : يبقي قالت من غير ما تقول ل جاسر لان انا عارف جاسر كويس ثم اكمل بحب ورقه : انا مش عايزك تزعلي وعد مني اول مانتجوز ساعتها هنيجي هنا و هننزل المايه انا وانتي لوحدنا وبراحتنا
سلمي : ماشي
عبدالرحمن بحب: طب عايز اشوف الابتسامه الحلوه
ابتسمت سلمي
عبدالرحمن بحب: ياريت سياده اللواء كان وافق ع كتب الكتاب بدل ماانا متعذب دلوقتي
سلمي بخجل : طب روح بقاا عشان تنزل المايه
عبدالرحمن بابتسامه حب : ماشي

عند جاسر وجميله

جميله بغضب: مش ملاحظ انك بدات تحكمات

جاسر بغضب: انا كدا بتحكم

جميله بغضب: امال دا تسميه اي

جاسر بغضب: اسميه غيره ، انتي شايفه اننا مش لوحدنا ع اليخت فيه ادهم وعبدالرحمن واسر واياد كل دول هيشوفوكي بالمايوه

جميله بغضب: هلبس مايوه محترم

جاسر بغيره: مفيش حاجه اسمها مايوه محترم انتي مجرد ما هتنزلي المايه المايوه هيلزق وهيبين تفاصيل جسمك

في اللحظه دي جيه عبدالرحمن
عبدالرحمن : يلا ي جاسر مش هتنزل ولا اي
جاسر وهو ينظر ل جميله : هي سلمي هتنزل المايه ي عبدالرحمن
عبدالرحمن: لا مش هتنزل
جاسر وهو ينظر ل جميله : شوفتي
جميله : مش مشكله سلمي فيه جوري واسيل
جاسر نده ع ادهم
ادهم : اي ي جاسر
جاسر : هي اسيل هتنزل المايه
ادهم : لا مش هتنزل
جاسر وهو ينظر ل جميله : تمام
مشي عبدالرحمن وادهم واتبقي جاسر وجميله
جاسر بغضب: يعني ادهم قدر يخلي اسيل متنزلش المايه وعبدالرحمن بردوا وانا مش هقدر اخليكي متنزليش
جميله بغضب: احنا ملناش دعوه بحد
جاسر بغضب: والله دلوقتي ملناش دعوه بحد وانتي من شويه هتنزلي معاهم اهو دلوقتي محدش فيهم هينزل ،هتنزلي انتي بقاا مع مين
جميله بغيظ: اووووف خلاص مش نازله ،ارتحت كدا
جاسر بحنان : اه ارتاحت ، انا بحبك ي جميله وبغير عليكي وانا مقبلش ان حد يشوف جسمك ، وزي ما وعدتك اول مانتجوز هاخدك ونقضي ٣ايام ع البحر براحتنا ولوحدنا
جميله : ماشي
نزلوا الشباب المايه وجميله جمعت البنات وعملوا اكل وهما بيضحكوا وبيهزروا لكن ناديه مش بتشاركهم
جميله بمزاح: يعني ي جزم متفقين ننزل المايه سواء القيكوا اختفيتوا
سلمي بضحك: هههههههههه اصل بصراحه مقدرتش اقف قصاد عبدالرحمن
جميله بمزاح: جبانه
سلمي بمزاح: مانتي بردوا قعدتي
جميله : عشان كلكوا استندلتوا انا كنت هنزل لكن لقيتكوا كلكوا انسحبتوا
سلمي بضحك: ههههههههههه واكيد جاسر بردوا رفض ينزلك
جميله بغيظ: مانا مقدرتش اتكلم عشان ملقتش حد هينزل معاياا
رنا بضحك:هههههههههههه انتي فظيعه ي جميله بجد انا مش عارفه انتي ازاي قدرتي تقفي قصاد جاسر وبتخليه يتكلم معاكي بهدوء دا انا بيقولي الكلمه بنفذها ع طول
جميله : لا طبعا انا لازم يكون لياا رأي وشخصيه مش مجرد اله بتنفذ الكلام وبس
ناديه بضيق:احنا معندناش بنات ليها راي البنت تسمع الكلام وبس

اتجاهلتها جميله وكملت كلام مع البنات وهزار وهي اتغاظت جدا
بعد وقت خرج جاسر وراح خد شاور وجميله طلعتلوا لبس ولبس وخرج لمح ناديه قاعده بتعيط راح ناحيتها
جاسر : مالك ي ناديه
ناديه بتمثيل الدموع : مليش
جاسر باستغراب: ازاي ملكيش امال بتعيطي ليه
ناديه بدموع: مانا لو قولتلك هتزعل وهتقول اني بوقع بينكوا
جاسر باستغراب: بين مين انا مش فاهم حاجه
ناديه بدموع: انا كنت بكلم جميله عادي لكن هي اتجاهلت كلامي وكسفتني قدام البنات

جاسر : طيب خلاص متزعليش انا هتكلم مع جميله
ناديه بدموع:بس اوعي تزعقلها انا مش عايزه اكون السبب في خناقكوا

جاسر : ومين قالك اني هزعقلها او هتخانق معاها انا هتكلم معاها عادي اعرف ليه اتجاهلتك ، انا سمعتك انتي ودلوقتي هسمع منها هي كمان واعرف مين الي غلطان

ناديه وهي تكتم غيظها: ماشي

خرجوا الشباب وكل واحد خد شاور ولبس وخرج كان البنات حضروا الغداء وقعدوا كلوا كلهم
بعد وقت خلصوا اكل ولموا البنات الاطباق وجاسر راح ناحيه جميله
جاسر : عايز اتكلم معاكي
جميله باستغراب : في اي
جاسر : انتي اتجاهلتي ناديه انهارده وهي بتتكلم معاكي وكسفتيها قدام البنات
جميله بسخريه: هي جت اشتكتلك
جاسر : يعني حصل فعلا
جميله: ايوا اتجاهلتها بس مكسفتهاش قدام حد هي بتقولي

حكتلوا جميله الي حصل
جاسر : كويس انك مردتيش
جميله : انا اصلا زهقت منها ومن حواراتها الي مش بتخلص دي ، دا هو يوم واحد بس جت وشغاله حوارات وافلام
جاسر وهو ينظر لها بحده: احنا قولنا اي
جميله : خلاص مش هغلط في الاستاذه بس انت مش ملاحظ ان دي ثالث مره نتخانق بسببها
جاسر : ومين قالك اني بتخانق انا بسمع منك زي ما سمعت منها
جميله : ماشي
قعدوا الشباب والبنات قصاد بعض
جميله: اي رايكوا نلعب الصراحه
ادهم : انا موافق
جوري وسلمي : واحنا كمان
عبدالرحمن واسر واياد: واحنا موافقين
جميله: وانت ي جاسر
جاسر : موافق
جميله : تمام هقوم اجيب ازازه
راحت جميله جابت ازازه وجت وحركتها وكان ادهم هيسال جميله
ادهم : امممممم انتي حبيتي قبل كدا
جاسر كان مستني يعرف اجابه السؤال الي نسي يسألوا ل جميله  والكل كان مستني ردها
جميله: لا محبتش قبل كدا
ادهم : ليه
جميله بمزاح: لا انت كدا دخلت ع سؤال تاني مينفعش
ادهم بضحك: عندك حق فعلا
لفوا الازازه تاني وكان المرادي عبدالرحمن هيسال سلمي

عبدالرحمن بابتسامه: وانتي بقاا حبيتي قبل كدا
سلمي بابتسامه: لا محبتش
عبدالرحمن : بس ازاي وانتي اتقدملك كتير
سلمي : مش شرط عشان اتقدمولي ابقي بحبهم
جميله بمزاح : ع فكره انت كدا سالتها مرتين
عبدالرحمن بضحك: هههههههه معلش كنت عايز اعرف  الاجابه
جميله بضحك:ماشي ي اخوياا
لفوا الازازه وكان عبدالرحمن هيسال جميله
عبدالرحمن :بتحبي جاسر ؟

كلوا كان مستني يعرف ردها حتي جاسر
جميله : اكيد والا مكنتش اتجوزته
بصلها جاسر وابتسم وهي كمان ابتسمت  وناديه كانت متغاظه جدا ومسكت الازازه ولفتها وكانت اسيل هتسال ادهم
اسيل: اي اكتر حاجه بتحبها
ادهم جواه: انتي
ادهم :بحب شغلي دا رقم واحد في حياتي بس شكل فيه حد هو الي هيبقي رقم واحد في حياتي

كلوا فهم قصد ادهم ماعدا اسيل
اسيل: حد مين
ادهم بمزاح : لا انتي كدا دخلتي في سؤالين مينفعش
ابتسمت اسيل ولفت الازازه وكانت ناديه هتسال جميله
ناديه بخبث : سمعت انك كنتي متوليه حمايه جاسر ، وكنتي عايشه قصادوا وتقريبا معاه ، محصلش بينكوا حاجه

جميله اتعصبت جامد والكل اتصدم وكان مستني يعرف رد فعل جميله لكن جاسر مداش فرصه وضرب ناديه بالقلم وهي اتفاجئت
جاسر بحده وغضب: انتي اتعديتي حدودك اوووي ،جميله مراتي ومش هسمح لحد يجيب سيرتها بكلمه وانتي مش من حقك تسألي سؤال زي دا ، ثم اكمل وهو يمسك ايديها بقوه ويضغط بشده عليها اقسم بالله لولا انك بنت عمي وعامل اعتبار لابوكي وابوياا انا كنت دفنتك مطرحك

حاول ادهم وعبدالرحمن يبعدوا جاسر عن ناديه
ادهم: خلاص ي جاسر
راح عبدالرحمن وشد ناديه بعيد عن جاسر  بغضب
عبدالرحمن بغضب: انتي ازاي تسمحي لنفسك تسالي سؤال زي دا انتي متخلفه ،مش مكسوفه من نفسك ايدا
ناديه بغضب: وهي مبتكسفش ابدا دي واحده بجحه كانوا قاعدين مع بعض في الاوضه انهارده وعادي

عبدالرحمن بغضب: وانتي مالك دي مراتو وبعدين انتي مدايقه نفسك ليه ما براحتهم يعملوا الي يعملوه انتي مالك