رواية احببت عنادك... بقلمي/هاجر هشام الفصل الثامن وتسعون 98 - بقلم Hagar Hešhàm

عند جاسر صحي خد شاور ولبس

وقرر انو يعاقب جميله بس بطريقته

صحيت خدت شاور ولبست

وخرجت
قرب جاسر منها وهو يلف يده حوالين خصرها ويقربها لحضنه وهي ابتسمت ولفت ايديها حوالين رقبته برقه وهو قرب اكتر من شفايفها وهي فاكره انو هيبوسها وغمضت عينيها
جاسر بهمس :انا هروح اشوف رنا عشان نسافر

فتحت عينيها وهي مستغربه ومتغاظه في نفس الوقت  وهو سابها وخرج وهو كاتم ضحكته
جاسر بخبث جواه: انا هربيكي ي جميله
خبط جاسر ع رنا كانت في الاوضه الي قصاد اوضته بالظبط فتحت رنا وكانت لابسه

ابتسم جاسر بحنان
جاسر بابتسامه: صباح الخير
رنا بابتسامه: صباح النور ي حبيبي
جاسر بابتسامه: يلا عشان نسافر
رنا بابتسامه: يلا انا جاهزه
خرجت جميله في الوقت دا وكانت بصالوا بغيظ وهو باصصلها ببرود
نزلوا الثلاثه وركبت رنا قدام بعد ما طلب منها جاسر وجميله اتغاظت وركبت ورا واتحركوا

عند حمزه
كان في العربيه وناديه جنبوا ساكته
حمزه بابتسامه: ساكته ليه
ناديه بتوتر : ماانت مش بتحب اني اكلم
حمزه بابتسامه: بس انا حابب دلوقتي انك تتكلمي
ناديه : هتكلم اقول اي
حمزه : امممممم قولي اي حاجه انا حابب اسمعك ،يعني مثلا احكيلي عن نفسك
ناديه بتوتر : مفيش حاجه فياا تستاهل اتكلم عنها لان معنديش حاجه
حمزه : مين قال كدا مفيش حد معندوش حاجه تستاهل يتكلم عنها
ناديه : لا فيه انا معنديش حاجه اتكلم عنها كل حاجه انت اكيد عارفها
حمزه : بس انا معرفش انتي بتدرسي اي
ناديه : انا مش بدرس ، لان ابوياا رفض انو يدخلني الجامعه بسبب العادات والتقاليد عندنا
حمزه : بس رنا دخلت الجامعه عادي ليه انتي مدخلتيش
ناديه بحزن: رنا عشان جاسر كان في القاهره وفتره جامعتها كانت بتقعد معاه لكن انا مكنش لياا حد هنا

حمزه : كنتي قعدتي في مسكن الطلاب

ناديه : ابويا مرداش

حمزه : يعني انتي معاكي دلوقتي دبلوم

ناديه : لا انا كنت ثانويه عامه

حمزه بابتسامه: بجد ويا تري بقاا تقديرك كان كام

ناديه : ٩٥٪

حمزه بابتسامه: انتي ع كدا كنتي شاطره بقاا

ناديه بابتسامه: ايوا كنت انا و رنا بنسابق بعض كنا بنعمل تحدي ودرجاتنا كلها كانت زي بعض هي بردوا جابت ٩٥٪ اكملت بحزن. بس انا مكملتش

حمزه وهو يضع يده ع ايديها بحنان : متزعليش باباكي كان عندو حق الغربه للبنت مش كويسه.

ناديه اتكسفت وشالت ايديها بسرعه
ناديه بخجل : مش زعلانه

حمزه حب يخرجها من كسوفها : طب وانتي كان نفسك تدخلي اي

ناديه : كان نفسي ادخل اعلام

حمزه باستغراب:اشمعنا اعلام

ناديه بابتسامه:لان كان نفسي اطلع صحفيه

حمزه باستغراب:بس دي متعبه اووي

ناديه بابتسامه:بالعكس طالما بتحب الحاجه عمرك ما هتتعب منها

حمزه بابتسامه:عندك حق

ناديه خدت بالها انها بتتكلم معاه ب راحه وهو مزعقش ولا اتعصب

ناديه بأسف:انا اسفه اني قعدت ارغي وصدعتك

حمزه بابتسامه:لا بالعكس انتي مصدعتنيش احنا بنتكلم اهو نتسلي

ناديه ابتسمت بخجل وهو بصلها وابتسم ورجع ركز في السواقه وقعدوا يتكلموا

في فيلا جاسر وجميله
وصلوا وطلعت رنا اوضتها ونزلت جميله من العربيه وقعدت جنبوا وهي متعصبه
جميله بغضب : ممكن اعرف بقاا في اي
جاسر باستغراب : في اي في اي مش فاهم
جميله بغضب : يعني انت مش شايف طريقتك
جاسر بتمثيل الاستغراب: مالها طريقتي
جميله بغضب : تفسر بأيه انك ترفض اني اقعد جنبك
جاسر ببرود: انا قولت انتي المره الي فاتت قولتي ان رنا كانت عايزه تقعد جنبي فا قعدتها كمان المرادي فيها حاجه دي

جميله اتعصبت اكتر ومعرفتش ترد تقول اي وسابتوا وخرجت من العربيه ودخلت الفيلا وهو ضحك ع شكلها
جاسر بخبث ووعيد : انتي الي بدائتي ي حبيبتي وانا لازم اخد حقي

اتحرك جاسر وراح الشركه وجميله طلعت وهي متعصبه ورمت شنطتها ع السرير بغضب
جميله بغضب:واحد مستفز وبارد
دخلت خدت شاور يهديها وخرجت لبست

ونزلت دخلت المطبخ كانت شوق موجوده
شوق بابتسامه:حمدلله ع السلامه ي هانم
جميله بابتسامه:الله يسلمك ي شوق
شوق بابتسامه:تحبي اعملك نسكافيه
جميله بابتسامه:اه ياريت لان تعبانه وبقالي كتير مشربتهوش
شوق بابتسامه:من عينيا ي هانم
خرجت جميله وشغلت ال TV وقعدت تتفرج وهي بتقلب بالريمود بملل ونزلت رنا قعدت جنبها وجابت شوق النسكافيه ل جميله
رنا بابتسامه: وانا ي شوق اعمليلي نسكافيه
شوق بابتسامه:حاضر ي هانم
راحت شوق تعمل النسكافيه ل رنا
رنا باستغراب :مالك ي جميله
جميله بضيق:مفيش
رنا باستغراب:مفيش ازاي انتي شكلك مضايق
جميله:لا مش مضايقه ولا حاجه هو بس ارهاق عشان امبارح كان يوم طويل ومتعب وانهارده كمان السفر فا تعبت
رنا بابتسامه:طب ما تطلعي ترتاحي
جميله بابتسامه: لا انا هقوم احضر الغداء قبل ما جاسر يجي
رنا بابتسامه: ماشي ي حبيبتي تحبي اساعدك
جميله بابتسامه: ماشي تعالي اهو نتسلي واحنا بنطبخ
رنا بابتسامه: اشطا
دخلت رنا وجميله المطبخ وشوق كانت جوه معاهم وكل واحده بتعمل صنف وبيساعدوا بعض وهما بيضحكوا ويهزروا لكن جميله كانت سرحانه في جاسر عايزه تعرف هو بيعمل كدا ليه ومستغربه لكن قالت ان ممكن يكون صدفه

حضروا الغداء كان جاسر جيه قعد اتغدا معاهم وبعد كدا طلعت رنا اوضتها وشوق مشيت وجاسر وجميله طلعوا اوضتهم
دخل جاسر خد شاور وخرج وهو لابس شورت ومن غير هدوم من فوق ،قرب من جميله بهدوء وشالها وهي استغربت تغيره المفاجئ وهو راح ناحيه السرير ونيمها بهدوء وهي لسه في حضنه ونام جنبها وقرب من اذنها وبهمس
جاسر بهمس يقتل : تصبحي ع خير ي حبيبتي
لف جاسر ضهره ونام وهو كاتم ضحكته بالعافيه
وهي ضربته بغيظ ع ضهره
جميله بغيظ : بني ادم مستفز
لفت هي كمان الناحيه التانيه وهي متغاظه ونامت

خلص اليوم وعبدالرحمن وسلمي سافروا الصبح الساحل بعد ما اللواء سيف اداها اجازه عشان حملها
عبدالرحمن كان عايز يعوضها عن كل وجع وجرح كان السبب فيه وبليل كانوا بيمتشوا ع البحر وصمم عبدالرحمن انو يغنيلها تاني بس المرادي وهي جنبه وفي حضنه خصوصا بعد ما ضيقتها من نظرات البنات والستات ليه ولواسامته عبدالرحمن كان ماشي بيها وهو لابس شورت كاجوال وتيشيرت ابيض وهي هتتجن من الغيره

عبدالرحمن : ههههههههههه هتولدي بدري اقسم بالله من غيرتك دي

سلمي بعصبيه وهي بتبص حواليها ع الاجانب والبنات الي ماشيين بالبكيني من غير كسوف ولا خجل : يعني ماانتش شايف بيبصوا عليك ازاي

عبدالرحمن بحنان وهو يحضن خديها بين يديه بحب: انا مش شايف غيرك انتي ي حبيبتي وبعدين احنا عايزين نعوض الشهور الي كنا بعاد عن بعض فيها يعني متركزيش معاهم وخليكي معاياا انا وبعدين هما لو عايزين يبقوا زيك يتعلموا منك ي حبيبتي

سلمي السعاده كانت بترقص في عيونها وتفاصيلها واتجننت اكتر من غنااه ليها

(يتعلموا. عمر دياب )
يتعلموا. يتعلموا من الرقه دي يتعلموا شوف هما فين وحبيبي فين

ما شافوش كدا ولا يحلمواا

شدها قصاد الناس والبحر وشاور عليها بثقه وابتسامه .وع ضحكتها وعيونهااا

اللي عنده ضحكه زي دياا ،واللي لون عيونه مش عدياا

يجي هنا جنبي يجي لياا

احكيله الي شوفته انا بعنيااا

وحط ايده ع قلبه باستسلام

امووت. اموووت في الضحكه دي اموووت. امموووت في النظره دي الله الله عيني عليه...

سلمي ضحكتها عليت وسمعت كل الناس وهو جواه رضا وراحه انو رجع الضحكه ليها من تاني وندم انو جرحها في يوم وخلي تهديد سخيف يعكر حياتهم وحبهم وبتصميم جواه اقسم عمره ما يجرحها تاني ولا يبعدها عنه وعن حضنه. ،اللي هي بتلاقي فيه الدفئ والحنان والامان كان عايزها تحس معاه بالامان من تاني بعد ما كانت خايفه منو.

يتعلمواا ويقلدوا ده مش بعيد يتعقدوا
جماله بيزيد كل يوم
عن حضني عمري ما هبعده

وغمزها بعشقه وحنانه

اللي عدي عدي عدي
الجمااال دا شوفته مره واحده
عيني....عيني....عيني.... بارده

علي الي خلاا قلبي نااره تهداا

اموووت. اموووت في الضحكه دي ... اموووت امووت في النظره دي

سلمي حضنته واتنهدت مش مصدقه الحب والدنيا الحلوه الي رجعتلها من تاني

عبدالرحمن حضنها واتنهد : تنهيدتك بتقول كتير

ومن غيرماتقولي عمري ما هبعدك عن حضني ده خلاص عهد وقسم خدته ....... بحبك ي سلمي
بحببببببببببببك

في الاداره في المكتب عند جميله وادهم
كانوا قاعدين بيتكلموا
ادهم بغمزه : بس انتي طلعتي مش سهله ي جميله
جميله بضحك:هههههههههه اشمعنا
ادهم بابتسامه: قبل اشمعنا انا عايز اعرف انتي عرفتي ازاي ان عبدالرحمن اتهدد
جميله بتنهيده: يااااه انت لسه فاكر
ادهم : مانا معرفتش اسالك بسبب الموضوع كان مأثر ع الكل فا كنت عايز اعرف
جميله قامت وقفت وراحت قعدت ع المكتب قصاده: ماشي ي سيدي هقولك ،انا في اليوم الي اتوقفت فيه عن العمل روحت ل جاسر الشركه وكنت مضايقه ووانا خارجه نزلت جبت اكل ورجعت تاني شوفت ساعتها واحد داخل مكتب عبدالرحمن وكان الشخص دا هو نفسوا الي شوفتوا كان مع عزيز لما كنت براقبوا فا استغربت هو عايز اي من عبدالرحمن ولما روحت ل عبدالرحمن قبل ما نسافر ايطاليا ملقتهوش في الشركه ولا في البيت وعرفت ساعتها الي عملوا في سلمي وربط الاحداث ببعض ورحتلوا السجن وهو قالي ع الي حصل وان الراجل دا هددوا فا اقترحت انو يوافق ع الطلاق قصاد انو يخرج وانا هساعدوا انو يقدر يرجع ل سلمي وبعد ما خلصت المهمه رجعت ل سلمي بس من ورا اللواء وحكتلها ع كل حاجه كانت في الاول مش مصدقه وبردوا كانت لسه مجروحه بس مع الوقت صدقت وقررت انها تعاقبوا وفضل شهرين بيحاول يصالحها وهي بترفض

ادهم : لحد ما عملتي حوار الخطف دا عشان تجمعيهم ببعض

جميله : ايوا كان لازم يقعدوا يتكلموا مع بعض كل واحد يطلع الي جواه كان لازم سلمي تعرفوا انو ميسمعش لاي تهديد وخلاص وعبدالرحمن يحاول يخليها تسامحه وفعلا قدرت هو كان فاضل حاجه بسيطه ودي عملها عبدالرحمن يوم الفرح

ادهم بابتسامه: لا فعلا طلعتي دماغ

جميله بابتسامه: ماانت بردوا ساعدتني

ادهم لمح اللواء سيف وهو واقف عند الباب وواضح من شكلوا المتعصب انو سمعهم ،

جميله باستغراب : مالك ي ادهم

بصت جميله في المكان الي باصص فيه ادهم وشافت سياده اللواء اتصدمت وقامت وقفت وادهم بردوا وقف وبصوا الاتنين في الارض

سيف بحده وقوه: انتوا الاتنين ورايا

خرج سيف براا المكتب وهما وراه وهما مستغربين رايحين فين
ادهم بهمس وهو ماشي جنبها:تفتكري هيعمل فينا اي
جميله بهمس : ممكن يقتلنا
ادهم بهمس : الله يطمنك ي شيخه
مشيوا ورا ولقوا نزل قاعه التدريب ودخل. ،دخلوا وراه
وقف سيف فجاه وهما وقفوا بردوا لفلهم
سيف بحده وقوه : هتعملوا ٢٠٠ ضغط دلوقتي حالا يلا
جميله وادهم اتصدموا : ٢٠٠
سيف بحده: ايوا يلا
نزل ادهم وجميله ع الارض وبدا يعملوا ضغط
وسيف قعد ع الكرسي وهو حاطط رجل ع رجل وبيعدلهم وصلوا عند ال ١٠٠ وتعبوا حاولوا يرتاحوا لكن سبقهم سيف
سيف بغضب وحده: مفيش راحه كملوا والي هيحاول يرتاح هيعيد من الاول

ادهم وهو بيعمل ضغط وبهمس وغيظ : حسبي الله ونعم الوكيل فيكي ي جميله يارتني ما كنت سمعت كلامك ي شيخه

جميله بهمس وهي بتعمل ضغط : مش انت الي كنت عايز تعرف الحقيقه اديك عرفت ي اخوياا

ادهم بغيظ : يارتني ما كنت عرفت كان يتقطع لساني قبل ماانطقها

جميله وهي تكتم ضحكتها وعملت ضغط : ههههههه
عشان بعد كدا متسالش

بصلها ادهم بغيظ وكمل تمرين الضغظ

بعد وقت كبييييير خلصوا تمرين وهما مش قادرين ياخدوا نفسهم من كتر التعب
سيف قام وقف وراح ناحيتهم كان لسه هيتكلم قاطعه ادهم
ادهم بتعب : والله ي فندم ما هنقدر نعمل اي تمرينات تاني انا تعبت ولو ع الي عملناه احنا اسفين مش هتكرر تاني بس احنا كنا عايزين نرجعهم لبعض

سيف بابتسامه: ومين قال اني زعلان ع الي عملتوا بالعكس انا مبسوط منكوا مفيش اب هيتمني الشر لبنتوا او انها تبعد عن حبيبها انا حبيت وعارف معني الكلام دا بس انتوا غلطوا لما مقولتوش من الاول
وخليتوني كنت هموت من القلق ع سلمي لما عرفت انها اتخطفت عشان كدا كنت بعاقبكوا

جميله بابتسامه: يعني حضرتك مش مضايق من الي عملناه

سيف بابتسامه: لا مش مضايق

اتنفس ادهم براحه

سيف بابتسامه: دلوقتي تقدروا تروحوا ترتاحوا بس الي حصل ميتكررش تاني

ادهم وجميله بابتسامه: حاضر ي فندم

خرج سيف وادهم وجميله بردوا نزلوا وكل واحد ركب عربيته واتحركوا

عند جميله روحت الفيلا وطلعت اوضتها خدت شاور ولبست

كان جاسر جيه
جاسر باستغراب لما لاحظ تعبها : مالك
جميله بتعب: سياده اللواء عرف باللي عملناه انا وادهم وخلانا نعمل تمرين ضغط ٢٠٠ عده
جاسر بدهشه وهو يضحك: هههههههههه ٢٠٠ عده
جميله بغيظ : انت بتضحك
جاسر بضحك : ههههههههههه وانتي عملتي اي بالظبط
حكتلوا جميله ع الخطف
جاسر بدهشه: يخربيتك خطفتيهم
جميله : ما كان لازم اعمل كدا عشان يتصالحوا
جاسر :ومقولتليش ليه
جميله بالامبالاه: كنا متخانقين هقولك ازاي
جاسر بسخريه : ايوا صح هتقوليلي ازاي واحنا متخانقين
جميله بتعب : جاسر انا تعبانه بجد ومش حمل خناق ولا اي حاجه
جاسر بخبث وهو يقترب منها وشالها : ومين قالك اني عايز اتخانق
ابتسمت جميله وهو راح ناحيه السرير ونيمها ونام جنبها
جاسر بخبث : ارتاحي ي حبيبتي انتي تعبانه
قال كلمته وقام دخل الحمام وهو كاتم ضحكته ع شكل جميله المتغاظ بعد وقت خرج جاسر بعد ما خد شاور ولقاا جميله مستنيااه وهي قاعده ع السرير ومتعصبه
جميله بغيظ : ممكن اعرف بقاا انت مالك
جاسر باستغراب : مالي ، مانا كويس اهو
جميله بغيظ : لا انت فيه حاجه مش فهماها
جاسر باستغراب : حاجه اي
جميله بغيظ : جاسر متستعبطش انت فاهمني كويس
جاسر بحده: جميله لمي نفسك واتكلمي عدل متنسيش نفسك
جميله بغيظ : ماشي ي جاسر.
نامت جميله بغضب وهي نايمه الناحيه التانيه ومديالوا ضهرها وهو بردوا راح نام وهو مديها ضهره

عند حمزه وناديه سافروا الصعيد وراحوا بيت ناديه وباباها ومامتها رحبوا ب حمزه جامد وناديه كانت مبسوطه وسط اهلها بعد ما كانت عايشه لوحدها وهما كانوا واحشينها اوووي وحمزه كان شايف فرحتها وضحكتها الي منوره وشها خصوصا بعد ما بدات تصلي ووشها الي نور اكتر وهي كانت حاسه براحه ورضاا بحياتها وبدات تتعلق ب حمزه لكن خايفه وبتأنب نفسها انها حبته لانو شايفها رخيصه باعت نفسها لكن هي ندمت ع الي عملتوا وطلبت السماح من ربها

دخلت ناديه وحمزه اوضه ناديه وهي كانت مكسوفه وخايفه لانهم في الفيلا كان هو في اوضه وهي في اوضه لكن دلوقتي لازم يكونوا في اوضه واحده عشان محدش يشك وحمزه عرف الي بيدور في راسها
حمزه راح ناحيتها ومسك ايديها بحنان : متخافيش انتي هتنامي ع السرير وانا هنام ع الكنبه

ناديه استغربت حنيته وانو مش بيزعق ولا بيأمرها زي الاول

ناديه باستغراب : هو انت ليه بتعمل كدا وليه مستحملني لحد دلوقتي رغم الي حصل والي انت عرفتوا

حمزه كان عايز يقولها انو حبها   بس كان مستني الفرصه المناسبه كان عايز يقولها انو سامحها  رغم ان مش اي راجل يستحمل حاجه زي كدا ولا يقبل بحاجه زي كدا كان كل ما يتخيل ان كان ممكن يكون جاسر مكانوا يحس بغيره ويتعصب اكتر

حمزه اتنهد وهو يحاول كتم غيرته ولف وهو مديها ضهره : مش مهم تعرفي

ناديه بأسف : حاضر

دخلت ناديه الحمام خدت شاور ولبست فستان طويل ومحتشم ولبست عليه الحجاب وخرجت وحمزه استغرب
حمزه : انتي رايحه فين
ناديه باستغراب : رايحه انام
حمزه باستغراب : هتنامي بالحجاب
ناديه : اه
حمزه :انتي مكسوفه مني
ناديه اتكسفت تقول اه وبصت في الارض وسكتت
حمزه : ع فكره انا جوزك يعني عادي لو شوفتك من غير هدوم حتي مش من غير حجاب بس
ناديه اتكسفت اوووي ووشها بقاا احمر من كتر الكسوف ودا جنن حمزه اكتر وكان بيقاوم نفسه لاقصي حد
حمزه بابتسامه: خلاص متتكسفيش انا بهزر ، ادخلي غيري هدومك والبسي حاجه مريحه واقلعي الحجاب دا انا جوزك مش حد غريب
ناديه بخجل :انا كدا مرتاحه
حمزه اتجاهل كلامها وراح ناحيتها وفك الحجاب وشعرها انساب ع ضهرها كان طويل لدرجه كبيره واصل لاسفل ضهرها عند ركبتها اتصدم حمزه من جمال شعرها ولمعانه وهي اتكسفت جامد وهي بتحاول تغطيه لكن حمزه منعها
حمزه قرب منها بتوهان من شكلها الي بيسحره وهي كانت بتبعد لكن مسكها حمزه ولف ايده حوالين خصرها وقربها منو وهو تايهه في بحر عينيها الي كانت بلون السمااا تسحر اي حد يشوفها
وهي كانت خايفه
قرب حمزه منها وبهمس :متخافيش انا عمري ما هلمسك غصب عنك
اطمنت ناديه من كلامه وحنيته وهو بعد
حمزه بابتسامه: يلا ادخلي غيري هدومك
ناديه بخجل : خلاص قلعت الحجاب هنام كدا بقاا
حمزه بابتسامه: لا ادخلي غيري ثم اكمل بخبث وتحذير والا هغيرلك انا
اتصدمت ناديه بخجل
وهو كمل : ها اغيرلك انا
هزت راسها بعنف وخجل وجريت ع الحمام وهو ضحك ع جنونها
حمزه بتنهيده وهو يعض ع شفتيه : مش عارف هستحمل لحد امتي وانتي حلوه كدا يخربيتك هو الجمال دا كلوا ازاي مشفتهوش من زمان

ثم اكمل بغيره : مكنش حصل الي حصل ساعتها

في فيلا ادهم وصل وطلع خد شاور ولبس شورت قطني مريح وتيشيرت اسود واسيل شافتوا وهو تعبان وراحت ناحيته
اسيل برقه وهي تضع يدها ع كتفوا : مالك ي حبيبي
ادهم بابتسامه: مفيش ي حبيبتي هو تعب بس من الشغل
اسيل بابتسامه وحنان: طب تعالي ارتاح
ادهم شالها بحذر وهدوء وهو يغمزها بعشق : انا راحتي في حضنك ي حبيبتي
ابتسمت اسيل بخجل وهو انحني براسوا وباسها برقه وشغف وهو شايلها كان بعيد عنها شهرين بسبب تعبها من الحمل راح ناحيه السرير ومددها بحذر ونام جنبها هي وحشااه جدا لكن خايف يقرب بسبب تحذير الدكتوره ليه
واسيل حست بيه وحطت ايديها ع صدره برقه
اسيل برقه وهمس : ع فكره انا كنت عند الدكتوره انهارده
ادهم بصلها : روحتي لوحدك
اسيل برقه: ايوا بس متقلقش انا روحت وجيت ع طول و محصلش حاجه
ادهم بغضب خفيف: مش انا قولتلك هوصلك لو روحتي
اسيل بحنان ورقه : انا اسفه ي حبيبي مش هتكرر تاني
ادهم بحنان : ي حبيبتي انا خايف عليكي
اسيل بحنان:خلاص اسفه بقاا متزعلش مني
ادهم بابتسامه: ماشي المهم قالتلك اي
اسيل بابتسامه: قالت ان كدا خلاص الحمل اتثبت ثم اكملت بخجل : وكمان ..
اتكسفت اسيل ومقدرتش تكمل وهو فهم وابتسم ع كسوفها
ادهم بغمزه : يعني اقدر. ..اقدر
اسيل بخجل : اه
ادهم وهو يقلع التيشيرت ويقترب منها بهدوء وهو يغمزها: طب مش تقولي كدا من بدري

تاني يوم الصبح
صحي جاسر خد شاور وخرج
جميله قربت بدلال وهي تضع يدها حوالين رقبته: متزعلش مني
جاسر بابتسامه وخبث : مش زعلان ي حبيبتي
قربت جميله منو وهي تنوي تقبيله لكن بعد جاسر وهو يشيل ايديها
جاسر بابتسامه: معلش ي حبيبتي انا متاخر اوووي وكمان مفيش حد غيري في الشركه
جميله وهي تكتم غيظها وغضبها: ماشي ي جاسر
دخلت جميله الحمام وهو خرج راح ل رنا ونزلوا ركبوا العربيه واتحركوا وجميله خرجت وهي متعصبه من جاسر وتغيره معاها ونزلت ركبت عربيتها وراحت الاداره
_____________________
عند حمزه صحي خد شاور ولبس جلابيه صعيدي جبتهالوا ناديه من عند باباها لانهم سافروا من اسكندريه ل صعيد ع طول ومعملوش حسابهم في لبس ،شافتوا ناديه  وكانت الجلابيه زيدااه وسامه ورجوله  ،نزل حمزه وخرج مع باباها اتمشوا في الغيطان والزرع وسط الفلاحين وكان بيساعد باباها والبنات هتتجنن عليه وبيبصوله باعجاب  قعد لحد المغرب ،وراح هو وباباها المسجد يصلوا  وبعد وقت خرجوا واتصل حمزه ع ناديه كان نفسوا يسمع صوتها
عند ناديه كانت مع مامتها في المطبخ بتساعدها في الغداء وسمعت صوت رنه فونها في الاوضه جريت عليه بلهفه وقلبها بيقولها انو حمزه ومامتها ابتسمت ع لهفتها
ناديه بلهفه : سلام عليكم ورحمه الله وبركاته
حمزه ابتسم لما حس بلهفتها : وعليكم السلام ورحمه الله وبركاته
ناديه بخجل : احم كنت عايز حاجه
حمزه بابتسامه: اه صليتي انهارده
ناديه بابتسامه: ايوا صليت وانت صليت
حمزه بابتسامه: ايوا
ناديه بتسرع ولهفه: هو انت جاي امتي
حمزه بابتسامه وهو يبعد عن باباها بخطوات بسيطه:وحشتك ولا اي
ناديه بخجل:احم مش قصدي انا قصدي يعني عشان نحضر الغداء
حمزه بابتسامه:ماشي ي ستي ع العموم احنا قربنا نيجي
ناديه بابتسامه:توصل بالسلامه
حمزه بابتسامه :الله يسلمك
ناديه بابتسامه:سلام عليكم
حمزه بابتسامه:وعليكم السلام ورحمه الله وبركاته
قفلت ناديه وهي بتتنهد بشوق وحاضنه الفون ومقرباه من قلبها حبته ،حبت قسوته وحبت حنيته وحبت كل تفصيله فيه  لكن خايفه  لان هيجي يوم والانتقام يخلص ويطلقها
ناديه بحزن ووجع:بلاش ي ناديه بلاش تتعلقي بيه اكتر من كدا هو شايفك رخيصه فرطتي في نفسك وهو عندو حق فعلا

:ممكن اكون كنت شايفك كدا في الاول بس انتي اتغيرتي ي ناديه وتوبتي عن كل حاجه عملتيها

لفت ناديه لمصدر الصوت واتحرجت وبصت في الارض
راح حمزه ناحيتها ومسك دقنها ورفع وشها ليه وشاف دموعها
حمزه وهو يمسح دموعها بحنان:ربنا بيسامح ي ناديه تفتكري احنا البشر مش هنسامح ،ممكن نبدا صفحه جديده تنسي فيها كل حاجه حصلت

ناديه دموعها زادت اكتر وهي حاسه بالندم انها فرطت في نفسها وهي فاكره انها بتحب جاسر لكن هي حبت حنيته وشكلوا وبس لكن ربنا عوضها ب حمزه حنين ومرح ورااجل
ضمها حمزه لحضنه بحنان وهي اتمسكت بيه ودموعها بتزيد وهو يربت ع ضهرها بحنان بعد وقت بعدت ناديه وخدت بالها انها في حضن حمزه بعدت وهي مكسوفه وباصه في الارض

حمزه بمزاح وهو يشاور ع الجلابيه:يعني ينفع بهدلتيلي الجلابيه كدا ابوكي يقول علياا اي دلوقتي

ابتسمت ناديه وسط دموعها وهو ابتسم بحنان ومسح دموعها
حمزه وهو يحضن خديها بين يديه بحنان:تعرفي تلبسي بسرعه عشان نسافر

ناديه باستغراب : ليه

حمزه بغمزه : هنقضي شهر العسل الي اتحرمنا منو

ناديه بخجل وفرحه جوااها : يعني انت مسامحني

حمزه بتنهيده وشوق : ايوا مسامحك ثم اكمل بمرح وغمزه يلا بقاا عشان لو فضلنا اكتر من كدا مش هقدر امسك نفسي

ناديه بخجل يقتل : حاضر
دخلت ناديه الحمام وسندت ع الباب وهي حاطه ايديها ع قلبها مش قادره توقف دقاته السريعه مش عارفه من الخجل ولا الفرحه ولا اي بالظبط مش قادره تصدق ان حمزه سامحها 

خدت شاور بسرعه ولبست

وخرجت ودخل حمزه بردوا خد شاور ولبس بدلتوا وخرجوا حاول باباها يخليهم يقعدوا لكن حمزه رفض فا اصر باباها انهم يتغدوا قبل ما يمشوا
ووافق حمزه اتغدوا وبعد كدا سلموا ع باباها ومامتهم وخرجوا ركبوا العربيه واتحركوا
وكلم حمزه جاسر
جاسر :اي ي اخوياا لسه فاكر تتصل
حمزه :ههههههههه معلش بقاا
جاسر :ماشي ي اخوياا خير بتتصل ليه
حمزه :بتصل عشان اقولك اني هاخد اجازه عشر ايام كدا
جاسر باستغراب:عشر ايام بحالهم ليه
حمزه :عريس جديد بقاا افهم انت
جاسر باستغراب :عريس جديد هو انت اتجوزت ع ناديه
حمزه وهو ينظر ل ناديه وضحك وهو بيسوق:ههههههههه لا ي اخوياا هي ناديه
جاسر بابتسامه:اي الصناره غمزت
حمزه بابتسامه:غمزت وطلعت كمان
جاسر بابتسامه وفرحه لصاحبه:الف مبروك ي صاحبي طيب خلاص ليك اجازه مفتوحه زي ماانت عايز
حمزه بابتسامه:تسلم ي صاحبي
جاسر بابتسامه:سلام
حمزه بابتسامه:سلام
قفل حمزه مع جاسر
ناديه بخجل : هو احنا رايحين فين
حمزه بابتسامه: هنروح شرم عندي شاليه هناك
ناديه بخجل : يعني انت مش هتطلقني
حمزه بمزاح : يعني بقول شهر عسل ولسه واخد اجازه وبقولك رايحين شرم هكون رايح نتطلق هناك يعني

ضحكت ناديه وهو ابتسم ومسك ايديها وهو بيسوق حاولت تشيل ايديها وهي مكسوفه لكن حمزه رفض

وهي اتكسفت بس كانت فرحانه من جواها وشكرت ربها وهي مش قادره تصدق انو سامحها ومش هيطلقها

وصل حمزه الصبح ودخلوا الشاليه دخل حمزه خد شاور ولبس بنطلون اسود وتيشيرت ازرق وناديه دخلت خدت شاور ونسيت انها مجبتش لبس   ،لقت البرنس بتاع حمزه لبستوا وخرجت وهي مكسوفه جدا وباصه في الارض
ناديه بخجل : احم انا نسيت اجيب لبس
حمزه بخبث : احنا مش هنحتاج لبس اصلا ي حبيبتي
ناديه بخجل ودهشه لما نطق كلمه حبيبتي : حبيبتك
حمزه قرب منها وفك البرنس ووقع ع الارض : طبعا حبيبتي

ناديه من كسوفها وهي مش قادره تقف كدا دفنت نفسها في حضنه بخجل وكسوف وهو ضمها بحنان ولهفه وشوق وشالها وراح ناحيه السرير ومددها عليه وهي في حضنه و دافنه راسها في صدره ومكسوفه واتاكدت فعلا ان حمزه هو الشخص الي حبها بجد حب شخصيتها بكل عيوبها قبل مميزاتها وكان هو الامان بالنسبالها والدليل ع كدا انها استخبت في حضنه منه  ودا كان قصد جاسر لما قالها الي بيحب حد بيحبه بكل ما فيه بيحب شخصيته وكل حاجه ودا الي عملوا حمزه حبها بكل ما فيها حتي بعد ما عرف الي عملتوا بس هي ندمت واتغيرت ،
ضمها حمزه بحب وقرب منها بلهفه وشوق وحنين ب كل معاني الحب وكل المشاعر وهي تاهت معاه ونسيت خجلها وخوفها منو ازاي تخاف وهو الامان بالنسبالها ،ازاي تخاف وهو الوحيد الي حبته بجد هو كان الحب الحقيقي بالنسبالها
واخيراااااا اصبحت زوجته شرعاا امام الله

____________________
عند سلمي صحيت لقت عبدالرحمن حضنها بتملك كأنوا خايف انها تبعد عنو او يصحي يلاقي نفسوا في حلم ابتسمت وشالت ايدو بهدوء وبصتلوا وهي تمرر يدها ع دقنه الخفيفه الي زيداه وسامه ورجوله
ومررت ايديها ع ملامحه كأنها بتدرسها وهي كانت مشتاقه ليه ولكل نفس وكل لمسه وهمسه منو

صحي عبدالرحمن ع لمساتها الرقيقه ومسك ايديها وباسها برقه
عبدالرحمن بابتسامه حب : اي الصباح الي يجنن دا معقوله انا اصحي ع القمر دا

سلمي بابتسامه: صباح الخير ي حبيبي

عبدالرحمن بحب وهو يقربها لحضنه: صباح النور ي روحي

سلمي بابتسامه: يلا قوم خد شاور وانا هحضر الفطار

عبدالرحمن بحنان : لا ي حبيبتي انتي هترتاحي وانا الي هحضر الفطار

سلمي بابتسامه: هتعرف

عبدالرحمن بثقه : عيب عليكي انا هبهرك

سلمي بضحك:ههههههه ربنا يستر

عبدالرحمن بابتسامه: بقاا كدا مااشي هتشوفي

قامت سلمي دخلت الحمام خدت شاور ولبست

وخرجت كان عبدالرحمن حضر الفطار قعدوا فطروا وبعد كدا قامت سلمي لبست

وعبدالرحمن لبس بنطلون جينز اسود وتيشيرت احمر وفيه كلمات بالانجليزي بالخط العريض
وخرجوا يتمشوا ودخلوا محلات كتير واشتروا حاجات كتير

______________________
عند جاسر وجميله لسه زي ما هما جاسر بيقرب منها ويشوقها وبعد كدا يبعد ودا جننها وعصبها  كانت بتحاول تغريه بكل الطرق لكن كان بردوا بيسيبها في النص يقرب وهي تفتكر انو هيبوسها لكن يبعد بعد كدا وكان هو دا عقابه من النوع التاني زي ما قالها
__________________
عند ناديه صحيت الصبح ملقتش حمزه جنبها اتخضت وافتكرت ان كل دا كان حلم لكن الدليل موجود ع السرير يعني هي بقت مراتو شرعاا قامت لبست قميص من الدولاب بتاعوا وكان طويل عليها واصل لفوق الركبه بحاجه بسيطه سمعت صوت قفل باب الشاليه نزلت تحت وشافت حمزه كان داخل من الباب وشافها  وهي لابسه القميص بتاعوا ضحك ع شكلها الطفولي وغمزها
حمزه بغمزه: ممكن اعرف لابسه قميصي ليه اعتبروا حب دا ولا اي
ناديه بخجل : مانا ملقتش حاجه قدامي غيرو
حمزه بابتسامه وحب وهو يقترب منها وترك الاكياس الي في ايده ع الارض باهمال ولف ايده حوالين خصرها : ولا يهمك القميص وصاحب القميص كمان ملكك اتصرفي فيهم زي ماانتي عايزه

ناديه مكنتش قادره تصدق ان دا حمزه الي كان قاسي عليها  اتغير وبقاا واحد تاني او بمعني اصح هي دي اصلا شخصيته هو مش قاسي ولا اي حاجه لكن الي عملتوا طلع الوحش الي جواه لكن هو عمروا ما كان قاسي

ناديه بخجل : انت كنت فين

حمزه بابتسامه: كنت بجيب اكل وجبتلك لبس بالمره

ابتسمت ناديه وهو خد الاكياس الي فيها الهدوم وضم ناديه لحضنه من الجنب واتكلم وهو طالع ع السلم وهي جنبوا : تعالي اوريكي جبتلك اي  اكمل بخبث وهو يغمزها : وبالمره نشوف موضوع القميص دا الي  شكلوا يهبل عليكي

طلعت ناديه معاه وهي مكسوفه ودخلوا الاوضه
وطلع حمزه اللبس وكانت كلها قمصان نوم ومايوه ولبس قصير جداا عباره عن هوت شورت وتشيرت بحملات رفيعه والي مفتوح من الضهر وعريان  مكنش فيه غير اتنين فستان   محتشمين
اتصدمت ناديه من اللبس واتحرجت جدا

ناديه باحراج : بتهزر انا مستحيل البس دا    ...دا عريان اووي

حمزه بابتسامه: طب واي يعني هو انتي هتلبسيه لحد غريب دا انا جوزك

ناديه بخجل : بس انت جايب كلوا عريان  هو احنا هنفضل في الاوضه

حمزه بضحك:هههههههههه لا مش هنفضل في الاوضه اللبس دا تقدري تقعدي بيه ع البحر متقلقيش الشاليه خالص والبحر بردوا خاص يعني محدش يقدر يشوفك ابدا وكمان جبتلك فستانين محتشمين عشان لو خرجنا تقدري تلبسيهم

ناديه بخجل : بس مش هقدر البس دا انت مش شايف عريان ازاي

حمزه بابتسامه وهو يقترب منها : طب واي يعني دا انا حتي زي جوزك  ، يلا بقاا قيسيهم عايز اشوفهم مقاسك ولا لا

ناديه بخجل : ايوا مقاسي

حمزه بخبث: هههههههههه لا انا عايز اتاكد

ناديه بخجل : خلاص بقاا ي حمزه متكسفنيش

حمزه بعشق : عيون حمزه انا نفسي اشوفهم عليكي هتكسفيني بقاا

ناديه بخجل : اطلب اي حاجه وانا هعملهالك بس بلاش دول

حمزه بخبث وهو يغمزها : اي حاجه ...اي حاجه

ناديه بتصميم : ايوا

حمزه بخبث : حلاص يبقي هلبسهملك انا  طالما انتي مكسوفه

اقترب حمزه منها لكن هي شدت الاكياس منو ودخلت الحمام بسرعه وهي مكسوفه وهو انفجر من الضحك عليها وهو مش قادر يمسك نفسوا
بعد ربع ساعه اتنهد حمزه بزهق وراح ناحيه الحمام وخبط
حمزه بزهق : اي ي بنتي دا انتي لو بتقيسي محل كام كان زمانك خلصتي
ناديه من جوه وهي هتموت من الخجل وبتتمني الارض تنشق وتبلعها : خارجه اهو
خرجت ناديه وهي باصه في الارض من الكسوف
حمزه شافها واتصدم من جمالها الي زاااد اكتر وجننه اكتر واكتر وقرب منها وفك شعرها ودا زادها جمال فوق جمالها
ناديه بخجل : حلو
حمزه وهو لسه تايهه وشدها لحضنه وهو يعض ع شفتيه : حلو بس دا شكلوا يعقد يخربيت حلاوتك كان فين الجمال دا من زمان

حمزه مقدرش يستحمل انها تقيس الي بعده وشالها وراح ناحيه السرير وهو يتنهد بشوق

_______________________________
ممكن مقدرش انزل بكره لان عندي جامعه فا معلش اعذروني وان شاء الله هحاول واعوضكوا