رواية احببت عنادك... بقلمي/هاجر هشام الفصل المئة 100 - بقلم Hagar Hešhàm

عند اياد وكارما وهما في العربيه رايحين الاداره فجاه وقفت عربيتين قصادهم وكارما خافت
اياد وهو يمسك السلاح : خليكي في العربيه اوعي تخرجي مهما حصل
كارما بخوف : حاضر
خرج اياد وقفل عليها العربيه وكان فيه كام واحد جاي ناحيه العربيه ضربهم اياد بالنار وواحد قرب من ناحيه كارما وحاول يفتح باب العربيه لكن ضربوا اياد وفجاه حد جيه من ورا اياد وضربوا ع دماغوا
كارما بصرااح وخوف وهي جوه العربيه: اياااااد
فقد اياد الوعي واتنين راحوا ناحيه كارما وكسروا ازاز العربيه وشدوها بالعافيه وهي بتصرخ وبتحاول تفلت منهم لكن رشوا مخدر ع وشها وخدوها واتحركوا بالعربيه بسرعه وسابوا اياد مرمي ع الارض

💖💖💖💖💖💖💖💖
عند اللواء اسر في المكتب وصلت جوري ويزن ومصطفي
جوري باستغراب : خير ي فندم حضرتك طلبتنا
اللواء بجديه: ايوا طلبتكوا بس فين اياد مجاش ليه
جوري باستغراب : معرفش اياد كلمني وقالي اجي ع هنا لكن معرفش هو فين
اللواء : تمام اقعدوا استريحوا ولما يجي هقلكوا في اي
دخلت هاجر في اللحظه دي
هاجر باستغراب : اي دا في اي
اللواء : اقعدي ي هاجر
قعدوا كلهم وهما مستغربين وقلقانين عايزين يعرفوا في اي عدي وقت كبيير ومجاش اياد
مصطفي بقلق ونفاذ صبر: لا انا مش قادر استحمل اكتر من كدا ممكن حضرتك تقولنا في اي انا كدا قلقت اكتر وبعدين كارما واياد فين
اللواء بثبات: اهدي ي مصطفي كل حاجه هتعرفها بس اياد يجي
مصطفي بغضب: وهو هيجي امتي احنا بقالنا ساعه مستنيين
هاجر : ايوا صح ي اسر هو اتاخر اووي كلموا شوفوا فين
اسر : ماشي
مسك اسر الفون ورن عليه لكن في اللحظه دي دخل اياد ودماغه ملفوفه بشاش مكان الخبطه وكان باصص في الارض ،كلهم اتصدموا لما شافوا وجريت جوري عليه وهي قلقانه ويزن حس بالغيره لما شاف قلقها وخوفها علي اياد
جوري بقلق وهي تنظر للخبطه: مين الي عمل فيك كدا
اللواء اسر بحده: فين كارما ي اياد
اياد وهو ينظر للارض : اتخطفت ي فندم
الكل اتصدم ومصطفي ويزن راحوا ناحيتوا بغضب  لكن سبقهم اسر ووقف هو قصادوا بشراسه وقوه
اللواء بغضب : اظاهر اني غلط لما اختارتكوا للمهمه دي انت كارما اتخطفت منك واسر اروي بردوا اتخطفت منو يعني انتوا ملكوش اي لازمه ظباط ع الفاضي

مصطفي بصدمه : اروي كمان اتخطفت

اياد بثبات: ي فندم انا عملت كل الي اقدر عليه لكن حد جيه من ورايا وخبطني ع دماغي محستش بنفسي ساعتها

اسر بغضب : ومتصلتش ليه كنت بعتلك قوه

اياد : ملحقتش ي فندم هما وقفوا قصادنا وكانوا عربيتين سيبت كارما في العربيه وقفلتها ونزلت انا وكنت بضربهم لكن خدوني ع خوانه

اسر بغضب: ماشي ي اياد نوصل للبنات بس وانت واسر هتتشدوا شده صح فيها

اياد باحترام : الي تشوفوا ي فندم

يزن بغضب: واحنا هنوصلهم ازاي دلوقتي

اللواء اسر بجديه: احنا الي هنوصلهم انتوا هترجعوا شغلكوا عادي عشان محدش يحس بحاجه و احنا هنتصرف

مصطفي بغضب: لا طبعا انا مستحيل امشي غير وانا معايا اخواتي

اللواء : قعادك مش هيفيد بحاجه غير انو هيعطلنا احنا لازم نشتغل عشان نقدر نوصل لاخواتك

هاجر : ياريت تسمع الكلام ي استاذ مصطفي عشان نقدر نجبلك اخواتك

مصطفي بغضب : ماشي
💖💖💖💖💖💖💖💖
عند اللواء سيف في المكتب كان ادهم وعبدالرحمن موجودين
سيف باستغراب : هي جميله فين مشوفتهاش من امبارح
ادهم بضيق : معرفش جميله اتخانقت هي وجاسر ومن امبارح محدش يعرف عنها حاجه
سيف بدهشه: يعني اتخطفت هي كمان
ادهم وعبدالرحمن اتصدموا مفكروش في حاجه زي كدا وبسبب انشغال ادهم في خطف مراتوا نسي موضوع جميله ومحطش في بالوا انها تكون اتخطفت
سيف : ادهم كلم جاسر شوف جميله عندو ولا لا يمكن تكون روحت
ادهم وهو يمسك فونه : حاضر ي فندم
رن ادهم ع جاسر ورد جاسر بسرعه
جاسر بسرعه:جميله جت عندك  ؟
ادهم هنا عرف ان جميله مرجعتش وشك انها تكون كمان اتخطفت :لا مجتش
اتنهد جاسر بيأس والقلق زاد عندوا لما ادهم رد
ادهم :جميله اتخطفت
جاسر بقلق:اتخطفت ازاي
ادهم :معرفش بس اسيل وسلمي بردوا اتخطفوا وجميله مختفيه من امبارح يبقي هي كمان اتخطفت
جاسر بصدمه:اسيل وسلمي اتخطفوا
ادهم بحزن:اه
جاسر بسرعه:طب انتوا فين
ادهم وهو ينظر ل سيف:احنا في الاداره
جاسر بسرعه وهو يحمل مفاتيح عربيته ويتجه ناحيه الباب:طب انا مسافه السكه واكون عندك
قفل جاسر وخرج برا المكتب بسرعه ونزل ركب عربيته واتحرك للاداره
💖💖💖💖💖💖💖💖💖
عند اللواء سيف كلم اللواء اسر يشوف جميله
اسر باستغراب : ازيك ي سيف
سيف : الحمدلله وانت اخبارك اي
اسر : الحمدلله
سيف : بقولك هي جميله عندك
اسر باستغراب : عندي فين مش فاهم جميله اي الي هيجبها عندي
سيف اتنهد بيأس : قولت يمكن تكون سافرت
اسر بقلق : في اي ي سيف
سيف : للاسف ي اسر جميله اتخطفت
اسر بغضب: اتخطفت ازاي وامتي
سيف : مش عارفين ازاي بس هي مختفيه من امبارح ومش عارفين عنها حاجه
اسر بغضب: من امبارح وجاي تكلمني دلوقتي ي سيف
سيف : احنا مكناش نعرف انها اتخطفت لكن لما اسيل وسلمي اتخطفوا وهي اختفت كمان قولنا يبقي اكيد هي كمان اتخطفت
اسر بصدمه: سلمي واسيل اتخطفوا هما كمان
سيف بتنهيده: ايوا
اسر بغضب: انا مش عارف اي المصايب دي كلها طب انا هكلم مؤمن واشوف هنتصرف ازاي
سيف باستغراب : مصايب اي انت عندك اي
اسر بغضب: اروي مرات اسر بردوا اتخطفت وكمان كارما الي اياد كان بيحميها
سيف بشك:لا دا كدا الموضوع كبير اوووي و احنا لازم نتجمع كلنا لان كدا اكيد الموضوع مشترك اصل اكيد مش صدفه ان الكل يتخطف في نفس الوقت

اسر بشك: عندك حق فعلا دا اكيد مش صدفه
في اللحظه دي وصل جاسر شاورله سيف يقعد وميتكلمش قعدوا الاربعه ع تربيزه الاجتماعات وسيف بيتكلم في الفون مع اسر

اسر: طيب ي سيف انت خليك عندك وانا هتابع عندي ممكن يكونوا عندي او ممكن يكونوا عندك فا خلينا نعرف المكان عشان نكسب وقت

سيف : ماشي ي اسر سلام

اسر : سلام
قفل سيف مع اسر وبص ليهم
سيف : دلوقتي احنا في دوامه كبيره في كذا حاله خطف غير اسيل وسلمي وجميله فيه اروي وكارما كمان يعني كدا الموضوع كبير اوووي ودول مافياا كبيره اكيد وتبع بعض

ادهم : يعني تفتكر كلهم هيبقوا في مكان واحد

سيف : ليه لا ممكن فعلا

جاسر : طب هو فين المكان دا

في اللحظه دي رن هاتف ادهم وكانت جميله وادهم استغرب وبص للفون جامد
سيف باستغراب : مين ي ادهم
ادهم باستغراب : دي جميله
سيف بسرعه : طب رد بسرعه و افتح الاسبيكر
كلهم اتجمعوا حوالين فون ادهم وهما بيسمعوا المكالمه وادهم بيرد
ادهم : ايوا ي جميله
جميله : ايوا ي ادهم انت فين
ادهم وهو ينظر لهم ثم نظر للفون واتكلم: انا في الاداره
جميله : طيب كويس انا عرفت مكان اسيل فين
كلهم فرحوا وكان عندهم امل ان يكون سلمي كمان هناك
ادهم بفرحه : بجد طب هو فين بسرعه وعرفتيه ازاي
جميله : مش مهم عرفتوا ازاي دلوقتي المهم ان المكان. هو نفسوا الي انقذنا منو البنت في ايطاليا  بقولك  هات قوه كبيره جدا لان الحراسه كتير وانا هسبقكوا ع جوا

جاسر بقلق : متدخليش ي جميله خليكي براا و احنا هنيجي
قفلت جميله الخط وجاسر اتعصب وخبط ع المكتب بعصبيه
جاسر بعصبيه: عنيده
سيف بسرعه : مش مهم دلوقتي ي جاسر المهم ان لازم نلحقهم ممكن تكون سلمي معاهم كمان

ادهم بسرعه وهو ياخد فونه ويضع سلاحه في بنطاله : انا هروح اجهز كل حاجه عشان نتحرك

جاسر بسرعه: انا جاي معاكوا انا عندي طياره خاصه نقدر نتحرك بيها
عبدالرحمن بسرعه: وانا كمان هاجي معاكوا
سيف : وانا هكلم السفاره هناك عشان تجهز قوه
ادهم بسرعه : طب يلا بسرعه
خرج ادهم وجاسر وعبدالرحمن جهز ادهم قوه كبيره جدااا وطلع ادهم وجاسر وعبدالرحمن وسيف ونورهان  ع طياره خاصه تبع جاسر
وسيف كلم اسر وبلغوا بالمكان واتصدم انهم في ايطاليا
💖💖💖💖💖💖💖
عند اللواء اسر
اسر بأمر : اياد بلغ اسر يسافر ع ايطاليا وابعتلوا المكان وجهز طياره خاصه عشان احنا كمان هنسافر
اياد وهو يؤدي التحيه العسكريه : حاضر ي فندم

نفذ اياد كل حاجه وراح اللواء اسر وهاجر وجوري ومؤمن واياد ويزن اصر انو يروح معاهم واللواء وافق  وركبوا طياره خاصه واتحركوا
💖💖💖💖💖💖💖💖💖💖
عند جميله لفت حوالين القصر وهي بتحاول تلاقي مكان مناسب تنط منو من غير ما حد ياخد بالو من الحراسه الكتير  ،وشافت اتنين بيلفوا حوالين القصر استخبت بسرعه ورا الاشجار و اول مااختفوا راحت ناحيه السور ونطت عليه وهي بتحاول تستخبي وبتتسحب لكن فجاه لقت اتنين وراها وواحد بيصوب المسدس ع راسها لفت جميله بسرعه وضربتوا ع ايدو ووقعت المسدس وضربت التاني ع بطنوا وضربت الاول ع بطنوا بردوا وجريت لكن فجاه لقت نفسها محاصره من كل النواحي بحراس كتير جدا حاولت تقاوم كتير لكن مقدرتش هي مهما كانت شجاعه وقويه لكن الكثره تغلب دايما ،مسكوها  وكتفوها ودخلوا للراجل بتاعهم وكان شاب في الثلاثينات من عمره واستغربت جميله ان دا الراجل بتاعهم وكانوا بيتكلموا ايطالي وجميله مش فاهمه حاجه لانها واخده كورسات الماني وروسي وفرنش لكن مش واخده ايطالي
لكن لقت الراجل بيكلمها عربي
الراجل بخبث : منوره ي حضره الظابط ،تعرفي احنا بنراقبك بقالنا اد اي وكمان احنا عارفين انك جيتي ورانا تفتكري اننا اغبيه اننا مناخدش بالنا ان فيه حد ماشي ورانا

جميله بصتلوا باستغراب وهي مش فاهمه حاجه

جميله باستغراب : بتراقبني انا ليه

الراجل وهو يشاور لحارس جنبوا باشاره بايدو وادالوا تلفون

الراجل وهو بيوريها الفون ويتحدث بخبث : مش بتاعك دا

جميله باستغراب : ايوا بتاعي بس وصلك ازاي

الراجل بخبث : رجالتي وهما بيجروا وراكوا لقوه وعرفنا كل حاجه عنك وعن الظابط الي كان معاكي وقدرنا نربيه وخدنا مراتوا وانتي شوفناكي وانتي ماشيه ورانا وسبناكي تمشي وانا عارف ومتاكد انك هتعملي كدا لان زي ما قولتلك عرفت كل حاجه عنك وعرفت كمان الحادثه الي حصلت في الفيلا و انك دخلتي لوحدك وكنت متوقع انك هتدخلي القصر بردوا لوحدك ،انا شايف كل حاجه بالكاميرات وانا قاعد هنا وشايفك وانتي بتلفي حوالين القصر

جميله بغضب : وانت عايز اي وبتعمل ليه كل دا

الراجل ببرود: تؤتؤتؤ لسه العصبيه مش دلوقتي ي حضره الظابط انتي لوحدك ليكي معامله خاصه غير الباقيين

جميله باستغراب : باقيين

الراجل بخبث : ايوا مانا نسيت اقولك ان انا خطفت اروي وكارما وسلمي غير مرات الظابط

جميله بغضب: طب ودول ذنبهم اي

الراجل ببرود: ما اصل احنا المافيا الي انتوا بتحموهم مننا و احنا بردوا الي بعتنالك الحراس عشان يحاولوا يقتلوكي لما سمعنا كلامك مع مصطفي وانك هتساعديه لكن فلتي منها وقدرتي تقبضي عليهم لكن هما معترفوش بحاجه لانهم عارفين قبل ما يفكروا يفتحوه هيكونوا ميتين

قام الراجل من ع الكرسي وراح ناحيه جميله الي الحراس كانوا ماسكينها بقوه ومكتفينها وحط ايدو ع خدها هو يمرر يده لينزل لرقبتها وحاولت جميله تبعد او تزقه وهي تهز راسها بعنف لكن الحراس مكتفينها جامد نزل ايدو عند رقبتها وشد السلسله الي كانت لبساها بتاعت جهاز التتبع وحط ايدو ع ضهرها بوقاحه

جميله بغضب وهي تحاول الافلات منهم : ابعد ايدك القذره دي عشان مخلكش تندم

الراجل ببرود : انا عايز اندم
ليمرر يده ع ضهرها وخد السلاح بتاعها الاحتياطي

الراجل بابتسامه خبيثه وهو يظهر امامها السلاح والسلسله : مش قولتلك عارف كل حاجه عنك

جميله بغضب: صدقني هتندم ع كل دا

اتجاهل كلامها ووطي عند رجليها وهو يمرر يده ع ساقيها ضربتوا جميله برجليها بقوه وهو وقع ع الارض ،ضربها الحارس بالبوكس بقوه ونزفت من انفها
بصلها الراجل بغضب ورجع مسك رجليها وشد السكينه الي كانت مخبياها
الراجل بغضب : كدا مش معاكي اي حاجه تحمي نفسك بيها  اكمل وهو يشاور الحراس خدووها في المكان الي قولتلكوا عليه
خدوها الحراس وهي بتحاول تفلت منهم ونزلوا في مكان تحت الارض مخفي نهائي ودخلوا ربطوا جميله وعلقوا ايديها بحبال من السقف وهي متكتفه  وربطوا رجليها وسبتوها في الارض  وكانت الاوضه كان فيها كل ادوات التعذيب
خرجوا الحراس وسابوا اتنين بس معاها وراح واحد ناحيتها ومسك جردل مايه وغرقها وهي شهقت بغضب وهي بتحاول تشد ايديها لكن مش عارفه والهدوم كانت مبلوله ومتجسمه عليها ومبينه تفاصيلها مسك الراجل صاعق كهربائي وقرب منها وحطوا في بطنها وهي بتصرخ من الالم وبيشيلوا ويحطوا تاني وهي بتصرخ اكتر
،في اللحظه دي دخل الراجل بتاعهم وشاور لواحد منهم يخرج ا وخرج وقفل الباب وراح هو ناحيه جميله
الراجل وهو ينظر لها بعطف ويتحدث بسخريه : ي حرام اازاي الكلاب دول يعملوا فيكي كدا انا هربيهم متخافيش

جميله كانت تعبانه لكن بتحاول تتماسك وتبقي قويه لاخر وقت ممكن

جميله وهي بتتنفس بقوه: انت عايز اي

الشاب بخبث وهو ينظر ل جسدها بشهوه : بصراحه انا عايز كتير بس مش دلوقتي ،مستني لما تجيبي اخرك

جميله بتماسك : يبقي هتستني كتير لان انا مليش اخر وكمان مش هتقدر تلمسني

الشاب وهو يتجه الكرسي ويجلس عليه ويضع رجل ع رجل : وانا مش ورايا حاجه قاعد ومستني اخرك وهقدر المسك 

شاور للحارس يكمل الي كان بيعملوا والحارس راح ناحيه جميله ومسك الصاعق وقربوا من بطنها وهي بتصرخ من الالم والراجل بيضحك بقوه بعد كدا ساب الحارس الصاعق وقام الراجل شاور للحارس يبعد وراح ناحيه جميله وهو متعصب من سباتها وعدم استسلامها  ومسك شعرها بقوه وشده لورا وقرب من اذنها وبهمس : مش ناويه تستسلمي

جميله بغضب: دا بعينك مستحيل انا مبستسلمش وبعدين انت لو راجل فكني وانا اوريك  وانت بتستسلم قدامي وبتترجاني اني ارحمك

الراجل مسك وشها بايديه بقوه وهو بيجز ع سنانه بغيظ : انتي لسانك طويل وعنيده  وانا بقي الي هخليكي تترجيني اني ارحمك

باسها بقوه وعنف بطريقه مقززه ومشمأزه  وهي بتحاول تخلص وشها منو بس للاسف ايديها ورجليها مربوطين  بس مكانش قصادها غير انها تألمه زي ما بيألمها بقربه المقزز

بعد عنها وهو بيمسح الدم الي ع شفايفه وبيبتسم بسخريه وانتصار : مش بقولك شرسه ومتمرده  .بتعضيني حلو اوي  اكيد هننبصت مع بعض جدا

قرب من ودنها ووشوشها : اصل انا بصراحه بحب العنف والمقاومه جداا بتبقي ممتعه

جميله غصب عنها انجرحت من ان كلب زي دا قدر  ياخد منها حاجه حتي لو بوسه بالغصب زي دي  وبصتلها بغل وكره

جميله بغل وغضب  : اقسم بالله لدفعك تمن الي عملته دا عمرك كلوا واتاكد اني مش هسيبك ابدا لانك لو تعرفني فعلا هتعرف اني مش بسيب حقي ابدا حتي لو فيها موتي

الشاب ضحك بقوه : ههههههههههه ومين قالك انك هتخرجي من هنا انتي عارفه انتي فين انتي تحت الارض يعني الجن الازرق مش هيعرف مكانك اكمل بوعيد   يعني هتفضلي هنا وفي حضني اعاقب فيكي واستمتع بوجعك وعذابك لحد ماازهق وبعدها  ممكن اقتلك او مثلا استنفع  منك وابيعك  لحد يشغلك واهو لما احتاجك ابقي القيكي

جميله بسخريه: احلم براحتك الحلم مش بفلوس  ،انا عايزاك تحلم كدا لحد ما تلاقي نفسك في السجن او ميت ع ايدي

الشاب وهو يمرر يده ع بطنها وخصرها بوقاحه:ههههههههههه لسه بردوا مش مصدقه اني بتكلم جد

جميله بغضب : ابعد ايدك القذره دي والا قطعهالك

الشاب بغمزه ووقاحه : مش بقول شرسه لا بصراحه كان عندي حق لما جبتك هنا اصل بصراحه كل الي خطفتهم فوق مش شرسيين زيك كدا انتي نوع خاص مشفتش زيوا وشكلي كدا مش هزهق منك طالما هتفضلي بشراسه دي ولو ع جوزك انا ممكن اجيبوا هنا واكتفه واخليه يتفرج عليكي وانتي معايا وفي حضني وبعمل فيكي كل الي يخطر ع بالك والي لسه عقلك ماوصلووش  اكمل وهو يغمزها بوقاحه او يمكن يكون وصلوا خلاص  بس اوعدك معايا انا هيبقي حاجه تانيه

جميله اتعصبت جدااا وهي نفسها تفك الحبل وتمسكوا تقتلوا
وهو حط ايدو ع شفايفها وهي هزت راسها بعنف لكن هو كما وهو يتحسس وجنتيها ليرفع يده لشعرها ويفك رباطه وانفرد شعرها الطويل ع ضهرها

الشاب وهو ينظر لملابسها : اي دا انتي هدومك نشفت بسرعه لا مينفعش كدا شكلها التاني احلي

شاور الراجل للحارس وجاب جردل مايه وغرق جميله وهي اتعصبت جامد وهي بتشتم فيه وهو بيضحك بقوه وجميله بصتلوا بتقزز وقرف وبصقت في وشه وهو اتعصب ومسح وشه وضربها بالقلم ،قلم ورا التاني ورا الثالث وخد الصاعق الكهربي من الحارس وقرب منها وحطوا في بطنها وهي بتصرخ بالم كبيييير وهو باصصلها بغل وشماته

💖💖💖💖💖💖💖💖💖💖
بعد ساعتين
عند القصر من بعيد نوعا ما كلوا وصل واتجمعوا والقوه كمان كانت مستنيه
سيف بجديه : ادهم خد قوه ونطوا من ع السور حاولوا توقعوا اكبر عدد ممكن
ادهم : تمام ي فندم
خد ادهم القوه وراح وجاسر اصر انو يروح معاه وراح فعلا
اللواء اسر بجديه: اياد واسر وجوري اتفرقوا حوالين القصر ونطوا من ع السور وحاولوا توصلوا لا اروي والباقي
اياد واسر وجوري : تمام ي فندم
راحوا الثلاثه ينفذوا الي قالوا اللواء وعبدالرحمن ويزن راحوا معاهم

واللواء اسر وهاجر دخلوا من الباب الامامي ولقوا هناك حراس كتيير من برا ضربوهم بالنار وفيه الي اضطروا يضربوهم بايديهم

واللواء سيف ونورهان ومؤمن دخلوا من الباب الخلفي وهناك كانت الحراسه اكتر بكتييير من الباب الامامي وقدروا يتغلبوا عليهم ويضربوهم ودخلوا

عند ادهم
اي حد يلاقيه قدامه يضربه بقوه وعنف وهو بيسرع في خطواته وهيموت من القلق ع اسيل نفسوا يطمن عليها ويشوفها

وجاسر بردوا كان قلقان ع جميله وخايف يحصلها حاجه وبيندم الف مره انو زعلها وجرحها ،عايز يشوفها وياخدها في حضنه ويصالحها

عند جميله
سمعوا صوت ضرب نار جامد ودخل الحارس بسرعه وكلم الراجل بالعربي
الحارس : البوليس في كل مكان ي فندم وقوه كبيره جدا والحارس مش قادرين يصدوا

جميله بابتسامه ضعف : مش قولتلك مش هتلحق ،نهايتك قربت خلاص وع ايدي ،صدقني هقتلك ي عمااد

عمااد بغضب راح ناحيتها ومسك دقنها بغل وغيظ: انتي الي نهايتك قربت وع ايدي

سابها عماد بغضب
عماد بغضب : هما مهما عملوا مش هيقدروا يوصلولك المكان تحت الارض ومحدش هيقدر يشوفوا وحتي لو حد شافوا فا هو هيبقي مقفول من برا

عماد بأمر لحارس : انت هتخرج براا تقفل الباب بالقفل وتقف براا اي حد يجي اقتلوا

ثم نظر ل جميله : اما انتي فا لو حد   لو يعني حد دخل هيلاقوكي جثه
💖💖💖💖💖💖💖💖
عند ادهم وجاسر
كانوا بيقتلوا ويضربوا اي حد يجي قدامهم ودخل ادهم القصر هو وجاسر وهما بيدوروا في كل الاوض وطلعوا فوق لكن كان مليان حراسه كتير وعرفوا ان البنات هنا ولقوا ضرب نار كتير استخبي ادهم وجاسر ورا الحيطه كا حمايه وجاسر كان معاه السلاح بتاعوا وكان مترخص  وحصل اشتباك ضرب النار وجاسر كان بيصوب بمهاره عاليه هو وادهم وقدروا يوقعوا كتير وفيه الي خلص الذخيره بتاعتهم وكمان ادهم وجاسر الذخيره بتاعتهم خلصت راح جاسر ناحيه الحارس وكان طول بعرض وعضلات لكن جاسر كان اقوي واضخم منو وقدر يضربوا لكن مع بعض اللكمات من الحراس بردوا
وادهم راح ناحيه الحارس التاني الي عندو تاتو ع دراعوا لكن الحارس دخل الاوضه بسرعه وقفل الباب دخل ادهم وراه وشافوا وهو ماسك اسيل وحاطط السكينه ع رقبتها وهو بيهددوا
وهي اول ما شافتوا اطمنت ومبقتش خايفه من اي حاجه حتي السكينه الي محطوطه ع رقبتها مش خايفه منها  وبصتلوا بدموع وهي نفسها تجري عليه وتحضنه ،الحضن الي بتحس فيه بالامان وهي مش قادره تصدق انو واقف قصادها
وهو كان قلقان عليها لتاني مره يتحط في الموقف دا وهو مش عارف يعمل اي
وجاسر دخل وشاف الحارس وهو ماسك اسيل وغمز لادهم وهو فهم
كان بيكلموا جاسر بالايطالي بيحاول يلهيه وادهم كان بيقرب براحه وبيطمن اسيل وقرب اكتر لحد ما بقاا وراه بالظبط مسك دراعوا الي ماسك بيه السكينه وزق اسيل بعيد ومسك الحارس وخبطوا ع ايدو ووقع السكينه وضربوا بقوه وعنف وغيره وجاسر قصادوا بياخدوا منو ويضربوا هو كمان وكانوا بيحدفوا لبعض ادهم يضرب وجاسر يضرب لحد ما وقع في الارض من كتير الضرب
ادهم بغمزه : برنس
جاسر بضحك: ههههههههههه انت في اي ولا في اي شوف مراتك يخربيتك
ضحك ادهم وراح ناحيه اسيل وهي جريت عليه وحضنتوا واتمسكت فيه جامد وهي بتعيط وهو حضنها بتملك وهو حاسس انها غايبه عنو بقالها سنتين مش يومين بعدها عن حضنوا وهو يضم وجههاا بين ييديه وبيطمن عليها وهو بيحفظ ملامحها الي كانت غايبه عنو وبيشوف اي اثار لتعذيب ولا اي حاجه لكن اتنفس ب راحه لما لقاها سليمه
راح جاسر ناحيتهم
جاسر بمرح: مش وقت رومانسيه خالص فيه حرب برا وضرب نار
ادهم بضحك: ههههههههههه ماشي ي اخوياا يلا
ضمها ادهم لحضنه ومشي بيها وجاسر قدامهم

عند اسر الصغير واياد وجوري ويزن  وعبدالرحمن نطوا من ع السور ودخلوا من الناحيه الشرقيه للقصر وكانت فيه حراسه كتير ضربوهم بقوه واسر كان بيضرب ب عنف وهو بيطلع كل خوفه وقلقه وغضبه فيهم وعبدالرحمن كان بيضرب وهو كان قلقان ع سلمي عايز يشوفها ويطمن عليها كان مصدق انها بقت جنبوا وسامحتوا واول ما تسامحه تتخطف وتبعد عنو ودخل اسر اوضه ولقا اروي متكتفه ومتكوره ع السرير وهي مغم عليها راح ناحيتها بخوف وقلق
وجوري دخلت معاه ويزن بردوا
واياد راح اوضه تانيه وفتحها وكانت فاضيه واوضه الي وراها والي وراها والي وراها لحد ما فتح اوضه وكانت كارما جواا راح ناحيتها بقلق وخوف عليها وهي كانت متكتفه في الكرسي فكها ومن شده خوفه وقلقه عليها حضنها وهي اتمسكت فيه بخوف
هدي اياد واستوعب انو حضنها وبعد عنها وهو محرج وهي كانت مكسوفه
اياد باحراج : انا اسف مكنتش اقصد
كارما بخجل :انا الي اسفه
اياد وهو يحك راسه باحراج : احم طب يلا عشان نخرج
خرج اياد وكارما وهي كانت مكسوفه وهو ابتسم ع كسوفها

عند عبدالرحمن راح ناحيه اوضه لقا ع باباها حارس ضربوا عبدالرحمن بقوه كبيره لحد ما وقع ودخل عبدالرحمن الاوضه ولقاا سلمي مربوطه في الكرسي راح ناحيتها بسرعه وفكها وهي كانت مبسوطه انها شافتوا من تاني بعد ما كانت فاقده الامل انها تعيش وترجع تملي عينيها بيه وبملامحه وكل تفصيله فيه الي عشقتها وهو كان بيبصلها بحنان وهو بيشوف ملامحها وبيطمن عليها
فكها وحط ايدو ع خدها بحنان : انتي كويسه ي حبيبتي مش حاسه باي وجع
سلمي بحب : انا بقيت كويسه اول ما شوفتك بجد دا كفايه بالنسبه لياا
عبدالرحمن بتنهيده حاره وهو يضمها لحضنه: ااااه ي سلمي لو تعرفي انا كنت حاسس بأيه في بعدك وانا خايف وقلقان ليكونوا عملوا فيكي حاجه كنت هموت ي سلمي لو جرالك حاجه بعد الشر

سلمي بحنان : بعيد الشر عنك ي حبيبي

عبدالرحمن بحنان : وعنك ي حبيبتي  يلا خلينا نخرج من المكان دا

سلمي بابتسامه: يلا
خرجوا الاتنين وعبدالرحمن ضاممها بحنان وماشي بيها

عند اسر واروي كان قاعد ع السرير ومنيمها ع رجله وهو بيفوقها ويضرب ع خدها برفق
اسر بقلق : حبيبتي ردي علياا ،، اروي
جوري وهي تضع يدها ع كتفوا : اهدي ي اسر هي هتصحي دلوقتي دا اغماء بسيط اكيد لسه في فتره المخدر
اسر بغضب : مخدر اي الي يقعد كل دا
في اللحظه دي فاقت اروي وهي بتفتح عينيها وتقفلها بتحاول تتعود ع الرؤيه واسر فرح
اسر بسعاده: حبيبتي انتي سمعاني
اروي بضعف: ايوا
اسر ضمها لحضنه بسعاده واطمئنان انها فاقت وهي عيطت ،بعدها اسر عن حضنه بحنان
اسر بحنان : بسسس انتي كويسه محصلش حاجه انا موجود
اروي بعياط :انا كنت خايفه اوووي
اسر بحنان وهو يمسح دموعها : اسف ي حبيبتي اني سيبتك لوحدك ،اوعدك مش هسيبك تاني ابدا وطول مانا موجود مش هخليكي تحسي بالخوف ابدا

جوري شافتهم وابتسمت ع حبهم وخوف اسر ع اروي وهي بتتمني حب زي دا
ويزن خد بالوا من نظراتها وعرف الي بيدور براسها وقرب منها وحط ايدو ع كتفها بحنان وهو مبتسم
وجوري اتصدمت من فعلته وبصتلوا جامد وهو باصصلها ومبتسم ببرود وهي اتعصبت وعينيها اتحولت للون الرمادي وزقت ايديه
جوري بهمس وغضب :تاني مره لو عملتها هخليها توحشك
يزن بتمثيل الاستغراب : هي اي دي
جوري بهمس وسخريه : ايدك ي ظريف
يزن بابتسامه وهمس : بس تعرفي بيبقي شكلك حلو لما عينيكي بتتحول للون الرمادي بتبقي قطه متمرده
جوري بغيظ وهمس : هو انت في اي ولا في اي هي مش اختك دي الي كانت مخطوفه ولا اي
يزن بابتسامه وهمس : واهي كويسه واتطمنت عليها كمان  ثم غمزها: ناقص اطمن عليكي
جوري باستغراب: ليه هو انا كنت مخطوفه
يزن بغمزه : انتي كنتي خاطفه مش مخطوفه
جوري باستغراب: وخطفت مين ان شاء الله
يزن بهيام وحب : خطفتي قلبي
كتمت جوري ابتسامتها وضربتوا ع صدره بقوه وخرجت برا الاوضه وهو ضحك عليها  وبعد كدا بص لاسر الي كان حاضن اروي وبيطمنها
يزن بمرح : ما تخلص ي عم الحبيب انت كمان فيه ضرب نار برا وانت عمال تحبلي هنا ،اي الحب ولع في الدره اووي كدا
اسر بضحك : ههههههههههه ماشي ي يزن انا هوريك الحب الي ولع في الدره دا والي هيولع فيك ان شاء الله
يزن بهيام : هو لسه هيولع دا ولع خلاص ونفسي تيجي تطفيه
اسر باستغراب : هي مين دي
فاق يزن من سرحانه وبصلوا وضحك : لا متاخدش في بالك دي حالات بتيجي كدا ملكش دعوه بيها المهم انتوا يلا عشان نخرج من المكان الي مليان ميتين دول
اسر : ماشي ي اخويا يلا
خرج يزن واسر سند اروي وخرجوا وهو ضاممها لحضنوا وماشي بيها

واتجمعوا كلهم في ساحه القصر وكلوا اطمن ع حبيبتوا وسيف اطمن ع بنتوا ومؤمن اطمن ع اسيل لكن جاسر واللواء هيموتوا من القلق لما ملقوش جميله

اللواء اسر بقلق : وجميله فين

الكل استغرب فعلا ان جميله مش معاهم ولا شافوها في اي اوضه من الي دخلوها ومكنتش موجوده في القصر كلوا

اللواء اسر بأمر : القصر يتفتش حته حته متسيبوش مكان غير لما تشوفوا جميله لازم نلاقيها

الكل نفذ الاوامر واتفرقوا في القصر كلوا بيدوروا

💖💖💖💖💖💖💖💖
عند هاجر كانت في جنينه القصر وهي داخله القصر لمحت سلسله جميله واقعه ع الارض مسكتها بقلق وهي بتبص حواليها ع اي حاجه ولمحت فعلا حاجه غريبه في الزرع مسكتها ولقتوا باب رفعتوا ونزلت وكان نفق وفيه اوضه في اخروا راحت ناحيته وشافت حارس وبحركه سريعه منها ضربتوا بالنار  وسمعت صوت جميله وهي بتصرخ 
ضربت بسرعه بمسدسها ع قفل الباب وفتح زقت الباب برجليها بعنف وهي ماسكه السلاح وبحركه اسرع ضربت الحارس التاني بالنار وشافت جميله وهي مربوطه وايديها متعلقه لفوق وهدومها الغرقانه ومتقطعه وشافت عمااد وهو ماسك الصاعق الكهربي ومقربه من جميله
عماد بغضب : ارمي سلاحك والا هقتلهالك حالا
هااجر بغضب : انت الي ارمي الي في اييدك والا بحركه مني هخليك تودع العالم كلوا
عمااد ضحك بقوه : هههههههه شكلك كدا مامتها اكمل بوقاحه ،اصل واضح نفس الشراسه اكمل وهو ينظر ل جميله وانا الي بقول مفيش زيك مااهو لازم صح انتوا الاتنين بصراحه تحلوا من ع حبل المشنقه انا بقول اخليكوا انتوا الاتنين ساعتها هستمتع اوووي

هاجر اتعصبت ووجهت السلاح عليه وهي خلاص هتضربوا بالنار لكن وقفتها جميله

جميله بقوه وهي بتحاول تتماسك لكن جسمها كان ضعيف وهي ايديها متعلقه لفوق  : لا ي ماما انا الي هقتلوا بنفسي لازم احد حقي بايدي ودا وعد خدته ع نفسي

هاجر مردتش وضربت رصاصه في الحبل الي رابط ايديها وساعتها وقعت جميله ع الارض
وعماد كان رايح ناحيتها لكن ضربتوا هاجر برصاصه في رجلوا وقع ع الارض وراحت ناحيه جميله سندتها وفكت ورجليها وايديها
هاجر وهي تسندها : انتي مش هتقدري دلوقتي ي جميله ارتاحي الاول وهو كدا كدا هيتقبض عليه وهيترحل ع مصر يتحاسب هناك

عماد بالم وهو يمسك رجلوا : مين قالكوا اني هرجع مصر تبقي بتحلموا محدش هيرجع مصر ولا انا ولا انتوا لانكوا هتموتوا هنا

جميله وهي بتحاول تقف ع رجليها : لا هقدر ي ماما متقلقيش

عند جاسر كان بيدور ع جميله وهو بيلف حوالين القصر بيحاول يشوف اي مخبأ ولقاا باب مرفوع في الارض دخل ونزل تحت ومشي قدام شويه ولقاا حارس مرمي ع الارض

قعدت جميله خمس دقائق بتحاول تستعيد قوتها وقدرت نوعاا ما وقربت من عمااد ومسكتوا من لياقه قميصه ورفعتوا وهو مكنش قادر يقف بسبب الرصاصه الي في رجله ضربتوا جميله بقوه وهي بتضربوا بوكس ورا التاني وهو كان بيضحك اكتر و اكتر ودا بيعصبها اكتر وبيتزيد في ضربه

عماد بضعف والم وهو يضحك بخبث : اضربي براحتك في الاخر بوستك غصب عنك ولو كانت مامتك اتاخرت خمس دقائق بس كانت دخلت لقتك في حضني

جاسر دخل في اللحظه دي وسمع كلام عماد وحس ب غيره قويه وراح ناحيته بغضب جامح وعروقه برزت من الغضب وشده من ايد جميله وفضل يضرب فيه والغيره عميااه وعمااد اتخض من جاسر وضخامته هو يعرف معلومات عنو لكن مكنش متوقع انو بالضخامه والقوه دي

وجميله استغربت وجود جاسر لكن استغرابها مستمرش كتير وحست بدوخه وجسمها بدا يضعف وكانت هتقع لكن لحقتها هاجر قبل ما تقع ع الارض لكن جميله كانت خلاص اغمي عليها وجاسر كان لسه مستمر في ضرب عماد وضربوا بقوه تحت الحزام ودي كانت النهايه بالنسبالوا ،مات عمااد ولف ل جميله بغضب لكن اتصدم لما لقاها واقعه ع الارض ومامتها جنبها بتحاول تقومها ،
هاجر بقلق : الحقها ي جاسر
راح جاسر ناحيتها وقلع الجاكيت بتاعوا ولبسهولها وشالها وهو قلقان عليها وخرج بسرعه وهاجر وراه وطلعوا فوق والكل شافهم وجريوا عليه واللواء اسر كان قلقان عليها
اللواء بقلق : مالها ي جاسر
جاسر بسرعه: معرفش حضرتك خلينا نروح المستشفي بسرعه نلحقها
ادهم بسرعه: تعالي ع السطح ي جاسر فيه طياره هيليكوبتر دي هتساعدنا في الوصول لان من هنا انت هتضطر تمشي كتير عشان توصل لطريق
اللواء : روح انت ي جاسر و احنا هنحصلك ع طول
جاسر بسرعه  : ماشي
طلع جاسر ع السطح وهو مازال يحمل جميله وادهم معاه واسيل بردوا وكانت جنب جميله وهو الي ساق الطياره
جاسر بقلق وهو يسال اسيل : اسيل هو مش انتي دكتوره تقدري تكشفي عليها وتشوفي
اسيل : ايوا اقدر بس انا مش معايا اي حاجه للكشف دا غير ان جميله مش محتاجه دكتوره نسا دي اعراض تعذيب وضرب عنيف  اكملت وهي تنظر ل بطن جميله وتري بقعه زرقااء كبيره : دا غير ان واضح من الي في بطنها دا ان دا صاعق كهربي
وحصل اكتر من مره ودا بيبقي مفعوله قوي خصوصا مع المايه

جاسر خاف اكتر وضمها لحضنه وهو بيحاول يسمع دقات قلبها لكن كانت ضعيفه ،كان بيندم الف مره انو معاها او ضايقها ،نفسوا تفوق ،تصرخ تعمل اي حاجه بس تفوق ويسمع صوتها الي وحشه ونفسوا يسمعوا
وقاست اسيل نبضها وكان ضعيف وندم في كل لحظه مرت وهو بينتقم منها ومستغلش قربها لكن كان غصب عنو هو كان بينتقم لرجولته لكن باللي حصل دا كان اكبر انتقام بالنسبالو انو يتوجع عليها بالشكل دا وهو قلقان ومجروح ان الكلب دا باسها
ضمها لحضنه اكتر بقوه وغيره وهو بيحاول يسيطر ع دموعه وكتمها جواه زي ما قدر يكتم وجعه وجرحه

نزلوا عند سطح المستشفي وطلعوا الدكاتره والممرضين بالترولي وحطوا جميله عليه ونزلوا ونزل جاسر وادهم واسيل  معاهم
جاسر كان رايح جاي زي المجنون وهو هيموت من القلق عليها
واسيل كانت بتعيط في حضن ادهم وهو بيحاول يهديها
ادهم بخوف عليها وع جميله : ي  عيوني كفايه انتي مش خايفه ع نفسك ،انتي ناسيه انك حامل ولسه كنتي مخطوفه  ،كفايه بقاا وحياتك

اسيل بحزن : مش قادره  ي ادهم انا حزينه.ع جميله ي قلبي اتجرحت واتوجعت كتير لكن مكنتش بتحب تبين اي حاجه لحد كانت بتخفي كل المها ووجعها قدام الكل  وهي السبب اني جنبك دلوقتي ولما حاولت تنقذنا شوف حصلها اي كل دا بسببنا احنا ي ادهم

ادهم حزن فعلا واتأثر بكلامها هي عندها حق جميله هي الي عرفتهم مكانهم ولولاها مكنوش عرفوا ولا لحقوهم

ادهم بحزن : دا قدر ي حبيبتي ومكتوب انتي ملكيش ذنب هي اه حصلها كدا عشان تنقذكوا بس بردوا دا قدر

جاسر مكنش مركز معاهم كان في مكان تاني خالص كان سرحان في جميله وهو بيفتكر حياتهم سواء من بدايتها ومشاكستهم وخناقهم مع بعض بيفتكر عنادها وقوتها وهي بتتحداه بيفتكر ضحكتها الي بتنور حياته وافتكر كام مره وقفت جنبوا وساعدتوا وساعت موضوع مامتوا رغم زعلها منو الا انها وقفت جنبوا لحد ما قدر يخطي المرحله دي ،وابتسم لما افتكر لما حاولت تخرجه من موده وتمرينهم سواء وافتكر شهر العسل وازاي كانت جميله ورقيقه فعلا وكانت مشاكسه ،وافتكر اول مقابله بينهم في جرائتها وانها الوحيده الي قدرت تقف قصادوا وتتحداه
💖💖💖💖💖💖💖💖💖💖💖
بارت كمان عشان متزعلوش مني واتمني يعجبكوا زي ما عجبني وانا بكتبوا ،وبصراحه دا كان اسرع بارت اكتبوا ،انا كتبتوا من غير مااوقف ابدا عشان انزلوا بسرعه