رواية احببت عنادك... بقلمي/هاجر هشام الفصل المئة 101 - بقلم Hagar Hešhàm

في المستشفي في ايطاليا عند جميله
وصل الكل وراحوا ناحيه جاسر بقلق وهما عايزين يطمنوا ع جميله
اللواء اسر بقلق : خير ي جاسر جميله عامله اي
جاسر وهو بيحاول يسيطر ع قلقه وخوفه : لسه محدش خرج يفهمنا اي حاجه

الكل واقف قلقان وكل واحد بيحاول يطمن حبيبته
عبدالرحمن كان واخد سلمي في حضنه وبيحاول يهديها وادهم واسيل نفس الموضوع
واللواء اسر كان بيحاول يتماسك قدامهم عشان هاجر هي رغم انها ظابط وتقدر تتماسك لكن هي مهما كانت ام مرعوبه ع بنتها وموجوعه عليها مش سهل ع اي ام انها تشوف بنتها بتتعذب بالشكل دا

في اللحظه دي خرج الدكتور وكان بيتكلم بالايطالي وجاسر هو الي كان بيتكلم معاه ومحدش فاهم هما بيقولوا اي خلص جاسر كلام مع الدكتور والكل حواليه بيسالوا عايزين يعرفوا قالوا اي
اسر بقلق : قالك اي ي جاسر
جاسر بأمل : هي فاقت دلوقتي لكن لسه الوجع مستمر بسبب انها اتعرضت لضرب شديد وتعذيب
اسر بسرعه : طب خلينا ندخلها
دخل اللواء اسر وهاجر وجاسر الاول يطمنوا عليها ودا بناء ع تعليمات المستشفي لان ممنوع كل دول يدخلوا
راحت هاجر ناحيتها ودموعها ع خدها وبخوف وقلق ع بنتها حضنت وشها وهي بتطمن عليها وجميله ابتسمت بضعف
جميله : انا كويسه ي ماما متقلقيش
هاجر بدموع : ليه ي جميله تعملي كدا حرااام عليكي احنا كنا هنموت من القلق عليكي
جميله بهدوء وهي نايمه ع السرير : كان لازم اعمل كدا ي ماما مكنش ينفع استني

جميله بصت ل باباها الي كان واقف قدامها وباين في عينه خوفه وقلقه عليها لكن كان بيتماسك عشان هاجر كان عايز يسيبها في حضن مامتها اكبر وقت ممكن

جميله :اكيد حضرتك بردوا عايز يتانب فياا

اسر بابتسامه وحنان : لا بالعكس انا فخور بيكي ،هو اه عرضتي حياتك للخطر بس بسببك عرفنا مكانهم وقدرنا نلحقهم

ابتسمت جميله لكن اختفت ابتسامتها لما خدت بالها من جاسر الي كان واقف وهو باصصلها بشوق وحنين ونفسوا يجري عليها ياخدها في حضنه

واسر لاحظ نظرتها ل جاسر وابتسامتها الي اختفت اول ما شافتوا وبصالوا بعتاب ولوم وحس ان فيه حاجه بينهم ،فا غمز ل هاجر وهي فهمت وخرجوا الاتنين وسابوهم لوحديهم

وراح جاسر سحب كرسي وقعد قصادها
جاسر وهو يمسك اييدها بحنان : حمدلله ع سلامتك

جميله سحبت اييديها وردت من غير ما تبصلوا : الله يسلمك

جاسر اتنهد : مش ناوويه تحني بقاا كفاايه بعد لحد كدا انتي بعدتي وانا بعدت ،فا كفايه مش ملاحظه اننا بنعاقب بعض دايما ببعادنا عن بعض

جميله : بس ع الاقل انا بعدت وقولتلك بصراحه  ،مكنتش بتعامل معاك وانا شايله منك

جاسر :عارف اني غلط و عارف اني جرحتك ووجعتك بس بردوا انتي جرحتيني ي جميله

جميله : بس مخدعتكش ،مكنتش ببعد واقرب فجاه
كنت معرفاك كل حاجه بصراحه

جاسر بهدوء : طب خلاص خلينا ننسي الي فات ونبدا صفحه جديده احنا مرينا بمشاكل كتير خلينا ننسي بقاا

جميله : للاسف مش هقدر ،مش هقدر افتح صفحه جديده و القديم لسه مفتوح ،انا لسه مجروحه منك ومش هقدر ارجع زي الاول ،مش هقدر ارجع اصلا

جاسر وهو ينظر لها بتحفز : يعني اي

جميله بهدوء : يعني احنا انسب حل اننا ننفصل ي جاسر 

جاسر قام وقف : بس انا بحبك

جميله : الي بيحب عمروا ما بيجرح الي بيحبوا ،عمروا ما بيتلذذ في عقابه وجرحه ،انا عارفه انك هتقول اني جرحتك بس مكنتش بتلذذ في عقابك بالعكس انا كنت بتعذب زيك ويمكن اضعاف كمان

اتنهدت بتعب وكملت
انا هقولك ع الحقيقه ي جاسر طالما انت فاكرني اني بعدت بمزاجي وفاكرني اني قاصده ابعد لكن لا انا كان غصب عني  ،انا عندي عقده

جاسر بصلها باستغراب وهو مش فاهم حاجه

وهي كملت
جميله : ايوا عندي عقده من تجارب الغير ،فاكر لما قولتلك اني كنت رافضه فكره الحب والارتباط بسبب التجارب الي كنت بشوفها قدامي وبردوا بسبب تجارب بابا وماما كنت بحاول ع قد مااقدر مااخربش حياتنا مع بعض وكمان تجربه عبدالرحمن وسلمي اثرت فياا خلت عندي حاجز ناحيتك هو دا كان السبب عندي ورغم كل دا عملت المستحيل عشان منبعدش بس اكتر حاجه مكنتش اتوقعها ان انت الي تجرحني بالشكل دا وتبقي مبسوط وانت بتعاقبني كدا ،انا استحملت كتيير اوووي وخلاص مبقتش قادره استحمل اكتر

الحل دا انسب حل لينا احنا الاتنين انت هترتاح ومش هيبقي فيه حد يجرحك ويتعبك تاني

جاسر كان بيسمعها وهو مصدوم مش مصدق ان ممكن تجارب الغير تأثر بالشكل دا وحس اد اي انو جرحها ووجعها وهي استحملت كتير بس هو بردوا كان غصب عنو هو مكنش يعرف كل دا وغصب عنو كان بينتقم لرجولته

في اللحظه دي دخل اللواء اسر بغضب شديد وضرب جاسر بالبوكس بقوه شديده اتفاجئ جاسر وجميله بيه وجاسر ملحقش يدافع عن نفسوا
رغم قوته وضخامته لكن المفاجاه خلتوا ملحقش يدافع

اسر بغضب : هي دي الامانه الي امنتك عليها ،لتاني مره خنت الامانه

الكل دخل وشدوا اسر بعيد عن جاسر   وجاسر كان ماسك انفه الي بتنزف وهو مستغرب مش فاهم هو بيتكلم عن اي

وجميله اتخضت وحاولت تقوم لكن مقدرتش هي لسه تعبانه واتألمت بوجع وهي بتحاول تتحمل المها وجاسر خد بالو وجري عليها وهو بيساعدها ترجع مكانها تاني
لكن اسر منعوا

اللواء اسر بغضب وحده وهو يمسك ايدوا : ابعد ايدك عنها انت هتطلقها هي مستحيل ترجعلك بعد الي عملتوا

جاسر بغضب وحيره : وانا اي الي عملتوا مش فاهم

اللواء اسر بغضب: لا انت فاهم بس بتستعبط ،ادهم حكالي ع كل حاجه دا بعد مااجبرتوا انو يقول بعد ما سمعتوا وهو بيتكلم مع اسيل

بص جاسر لادهم بعتاب ورجع بص للواء اسر بقوه وثبات

جاسر : حضرتك فاهم الموضوع غلط

اللواء اسر بحده: لا انا فاهم صح الحاجه الوحيده الي فهمتها غلط هي انت استامنتك ع بنتي لتاني مره رغم الي عملتوا بس خونت الامانه وجرحتها

جاسر بقوه: وبنتك بردوا جرحتني بس الموضوع من الاول فيه سوء تفاهم و احنا دلوقتي اتفاهمنا

اللواء بغضب : تبقي بتحلم لو خليتك تشوفها تاني انا هاخد بنتي وهنرجع وانت هتطلقها ورجلك فوق رقبتك

سيف وهو يمسك اسر : اسر اهدي مش كدا احنا في المستشفي مينفعش كدا

اسر وهو ينظر ل جاسر بغضب  : ماشي انا هاخد جميله ونسافر وانت هتطلقها

خرجوا كلهم براا وجاسر باصص ل جميله وهو عايز يعرف ردها في كل دا لكن هي ساكته لكن لمح في عينيها نظره حب ولهفه وكأنها بتقولوا متمشيش لكن نفسوا يسمعها منها بس هي ساكته خرج جاسر وفضل اللواء اسر معاها بس جوه

اسر وهو ينظر لها بعتاب : ازاي متقوليلش كل دا واستحملتي انو يجرحك كدا

جميله بحزن:لان هو بردوا استحملني كتيير انا بردوا جرحتوا هو غصب عنو ميعرفش اني عندي مشكله من تجارب الغير

اسر : بس انتي صالحتيه وبرغم كدا هو مقدرش دا عشان كدا انا هربيه عشان بعد كدا يفكر الف مره قبل ما يزعلك او يضايقك

جميله بشك: ناوي تعمل اي ي سياده اللواء

اسر ضحك وحضنها بحنان : ههههه كل خير ي روح سياده اللواء لازم اخليه يعرف قيمتك ويفكر مليون مره قبل ما يجرحك او يزعلك

جميله غصب عنها ابتسمت ع حنانه وحبه ليها ،اسر بالنسبالها مش ابوها بس لا دا اخوها وصاحبها بتتكلم معاه وبتحكيله ع كل حاجه سواء مضايقه او فرحانه الا المشكله دي مكنتش حابه تخلق عداوه بين جاسر وباباها لكن في الاخر عرف بردوا ،لكن جواها مضايقه وزعلانه عليه مش هاين عليها تسيبوا كدا ،عايزه ترجع بس لازم تقوي قلبها شويه

اسر بحنان وهو يقبل جبينها : حبيبتي احنا لازم نسافر لان كل ما هنقعد هنا كل ما هيبقي فيه خطر تقدري تستحملي نسافر بس وساعتها هنقلك مستشفي هناك

جميلة بابتسامه: اقدر ي حبيبي هو اصلا مش مستاهله كل دا هي كدمات بسيطه وهخف بسرعه

اسر بمرح: كدمات اي بس دا انتي متشلفطه

جميله بضحك:ههههههههههه بقاا كدا ي بابا ماشي الله يسامحك

اسر كتم ضحكته وتحدث بجديه: المهم جاسر مش هتكلميه نهائي فاهمه وهترجعي شغلك عادي بس لما تخفي

جميله : حاضر

باسها اسر من جبينها بحنان وخرج وبص ل جاسر بغضب
دخلت هاجر جهزت جميله واسر سندها وجاسر كان عايز يروحلهاو يشيلها هو ويسندها
نزلوا ركبوا العربيه واتحركوا للمطار وركب اللواء اسر وهاجر وجميله واياد واسر واروي وجوري ويزن وكارما  طياره خاصه ورجعوا القاهره
واللواء اسر وهاجر وجميله قعدوا في شقه جميله الي كانت عايشه فيها قبل الجواز
واسر واروي واياد ويزن وجوري وكارما رجعوا الاسكندريه

وجاسر وعبدالرحمن وسلمي وسيف ونورهان رجعوا القاهره
وراح عبدالرحمن وسلمي فيلتهم
وراح جاسر فيلته ولقاا صلاح وحراسه كتير معاه بيحرسوا الفيلا راح جاسر ناحيته وهو مستغرب
جاسر باستغراب : انت اي الي موقفك هنا ي بني
صلاح بابتسامه: حمدلله ع السلامه ي كبير ،ماانت لما كلمتني وقولتلي انك مسافر وعايزني اوصل رنا واجيب حراسه ليها انا وقفت معاهم مكنش ينفع اسيبها لوحدها وقولت كدا امان اكتر وهبقي مطمن اكتر دي اخت صاحبي بردوا

جاسر بامتنان : شكرا ي صلاح بجد مش عارف اقولك اي انا فعلا كنت قلقان جدا ع رنا

صلاح بابتسامه: مفيش شكرا ولا حاجه دي حاجه بسيطه انا مش ناسي انت عملت معايا اي وجميلك دا ع راسي من فوق

جاسر بابتسامه: احنا مفيش بينا جمايل ،انت لسه قليل ي صاحبي والصحاب مفيش بينهم جمايل

صلاح بابتسامه: ماشي انا همشي بقاا انا كدا اتطمنت والحراسه هتفضل موجوده احسن عشان يبقي امان اكتر

جاسر بابتسامه: ايوا فعلا هتفضل موجوده بس انت مش هتمشي مش معقوله انت قاعد هنا يوم كامل من غير راحه ولا نوم ولا اكل  مينفعش ،انت هتدخل تتغداء معانا

صلاح : مين قالك اني قعدت من غير اكل انا جبت اكل وطلبت ل رنا كمان

جاسر بابتسامه: لا كدا كتير اوووي
صلاح بابتسامه: لا مش كتير ولا حاجه المهم انا همشي دلوقتي بقاا عايز حاجه
جاسر بابتسامه: عايز سلامتك ي صاحبي

صلاح بابتسامه: الله يسلمك. سلام
جاسر : سلام
سلم صلاح ع جاسر وركب عربيته ومشي
وجاسر دخل الفيلا

واول ما دخل رنا جريت عليه بخوف ودموع وهو اتخض
جاسر بقلق : مالك ي حبيبتي
رنا بدموع : مليش انا بس كنت قلقانه عليك وع جميله وعرفت الي حصل
جاسر بحنان : انا اسف ي حبيبتي اني سافرت من غير مااقولك بس كان غصب عني وبعدين انا قولت ل صلاح يوصلك الفيلا وخليته يجيب حراسه للفيلا عشان ابقي مطمن عليكي اكتر
رنا وهي تهز راسها : ايوا هو فعلا وصلني وجاب حراسه ووقف معاهم كمان ومرداش يمشي
جاسر بابتسامه: عارف المهم انتي عامله اي طمنيني عليكي
رنا : انا كويسه ي حبيبي  اكملت باستغراب وهي تنظر حوالين جاسر. : بس هي فين جميله
جاسر اتنهد بتعب: بعدين هحكيلك المهم انا هطلع اخد شاور وارتاح لاني فعلا تعبان جداا ومنمتش من امبارح
رنا بحنان : طيب ي حبيبي اطلع ارتاح وانا هحضرلك الغداء
جاسر بتعب : لا انا مش عايز اكل انا محتاج انام بس
رنا بحنان :طب اطلع نام
طلع جاسر اوضته خد شاور ولبس شورت قطني خفيف ونام ع طول وهو باين عليه التعب والارهاق

عند جميله دخلت الحمام و اول ما دخلت كل ذره تماسك جواها كانت مبيناها قدامهم انهارت قعدت ع الارض  وهي مش قادره تقف من الالم والوجع مش بس الم جسدي  لا الم نفسي وهي حاسه بوجع وقهر وحزن وهي  عايزه ترجعلوا ومش قادره تبعد بس هو جرحها اوووي ومش قادره تسامحه ،مش قادره تغفر ،هي ممكن تكون جرحتوا بس كانت واضحه وصريحه قداموا لكن هو كان بيتلذذ بعقابها وهو بيسيبها كل يوم وهي مش فاهمه حاجه مش فاهمه معاملتوا ليها سببها اي ،لييه حكايتها معقده كده ليه هما ممكن يكونوا حبوا بعض بجنون بس مع ذلك بيأذوا بعض بالشكل دا ،هو حبها وحب كل حاجه فيها بس غصب عنه بينتقم لرجولته وهي بردوا غصب عنها بتنتقم لانوثتها

قامت جميله من ع الارض بضعف وخدت شاور سريع وحطت مرهم مكان الكدمات ولبست هوت شورت خفيف وتيشيرت بحملات رفيعه وسابت شعرها مبلول وخرجت لقت باباها قاعد ع السرير ومستنيها اخفت حزنها ورسمت ابتسامه ع وشها لكن اسر كان خد بالو وعرف انها بتداري عنو راح ناحيتها وملس ع خدها بحنان
اسر بحنان : عارف انك موجوعه وحاسس بيكي عشان كدا انا بعمل كل دا عشان بعد كدا ميزعلكيش تاني ولا يجرحك ويفكر الف مره قبل ما يزعلك ويحطك في عينو

جميله بابتسامه خفيفه: انا مش زعلانه بس وحياتك بلاش تقسي عليه هو بردوا مضغوط وكفايه انو ساب الشركه رغم ان مكنش فيها حد خالص وسافر معاكوا عشاني

اسر ابتسم بحنان : حاضر عشان خاطرك بس انا مقدر بردوا الي هو عملوا عشان كدا مش هقسي بس انتي بردوا لازم تكوني قويه ارجعي جميله بتاعت زمان الي مفيش اي حاجه تهزها ابدا ،

مسكها اسر من ايديها وراح ناحيه السرير وبعدها وقعد هو كمان

اسر بحنان : جميله انا كنت بحكيلك عن التجارب الي حصلت معايا انا ومامتك عشان تتعلمي منها ومتعمليهاش في حياتك لكن للاسف حصلت معاكي بالعكس وعملت عندك عقده وحذر من المستقبل
بدليل انك كان عندك حاجز بينك وبين جاسر بسبب تجربه عبدالرحمن رغم انك عارفه الحقيقه بس دي حاجه غصب عنك انتي مكنتيش قادره تقربي فا بلاش تحملي نفسك الذنب

جميله بوجع: بس هو جرحني اووي ي بابا حسسني اني رخيصه فارضه نفسي عليه لما يقرب ويبعد فجاه وفاكرني اني بقرب  بمزاجي وبعدت بمزاجي رغم انو لو فكر شويه وافتكر كل حاجه حصلت بينا هيفتكر اني عمري ما بعدت غير بسبب موضوع عبدالرحمن ،حتي موضوع مامتوا لما حاول يمد ايدو علياا وحضرتك قولتلي اخد حقي بذكاء بس افضل جنبوا ،انا مقدرتش ابعد بس عاتبتوا وفضلت جنبوا  مبعدتش

اسر كان بيسمعها وهو موجوع عليها وحاسس بيها وبجرحها ،ضمها لحضنه بحنان وهو يربت ضهرها

اسر وهو يربت ع ضهرها بحنان : حاسس بيكي ي روحي عشان كدا لازم اربيه ع كل وجع شايفوا في عينيك و كلامك

جميله رغم وجعها وجرحها الا انها معيطتش ولا نزلت دمعه ،كانت دايما مؤمنه ان العياط ضعف وهي عمرها ما هتكون ضعيفه

اسر بعدها عن حضنه ورجع بعض خصلات شعرها ورا اذنها وتحدث بحنان : ودلوقتي نامي وارتاحي مش عايزك تفكري في اي حاجه وتنسي كل حاجه لحد ما تخفي وترجعي وشغلك

جميله وهي تهز راسها : حاضر

اسر بمرح وهو يغمزها : تحبي اشيلك زي زمان وانيمك في حضني

جمبله ضحكت غصب عنها :هههههه عشان ماما تيجي وتعلقنا احنا الاتنين مش كدا

اسر ضحك بثقه : ههههههههههه عيب عليكي احنا مسيطرين بردوا

جميله بضحك:هههههه ايوا مانا عارفه

اسر وهو يعقد حاجبيه : يعني انتي مش مصدقاني طب اي رايك بقاا انك هتنامي في حضني النهارده

جميله بضحك : بلاش ي سياده اللواء ماما هتيجي تعلقنا وانا مش مستعده ادخل المستشفي تاني

اسر بضحك وهو يقرص وجنتيها بمرح : هههههه ي جبانه خايفه ع نفسك وانا لا

جميله بغمزه : ما انت بتعرف تسيطر بقاا ي كبير

اسر ضحك بقوه : ههههههههههههه يخرب عقلك ي جميله ،في بنت تقول ل باباها ي كبير

جميله ابتسمت بثقه : مش انا قولت

اسر بابتسامه: اه

جميله بثقه : يبقي فيه

اسر وهو يرفع حاجب : بقاا كدا  اكمل وهو يقف ويحملها بين زراعيه : ماشي وانا بقاا قررت النهارده انك هتنامي جنبي زي زمان

جميله بمرح : افتكر اني قولتلك بلاااش

اتجاهل اسر كلامها ونيمها ع السرير ونام هو كمان جنبها وكان بيلعب في شعرها لحد ما نامت  ، دخلت هاجر ساعتها وراحت ناحيه اسر بهدوء وبصوت واطي : نامت

اسر بصوت واطي : اه

هاجر بعطف وصوت واطي : ي روحي مش قادره اشوفها بالشكل دا

اسر بص ل جميله وهو يضع يده ع مكان الكدمات بحنان : ولا انا بس ان شاء الله مع الوقت هتروح

هاجر بصوت واطي : طب يلا سيبها نايمه حرام شكلها تعبان اوووي

اسر وهو يشيل ايد جميله بهدوء وباسها جبينها بحنان وقام من جنبها : يلا
خرجوا برا الاوضه ودخلوا اوضتهم
هاجر اتنهدت بتعب : يوم متعب اوووي بجد كفايه تعب الاعصاب الي كنا فيه انا مش عارفه ازاي جميله عرفت مكانهم

اسر بحيره:وانا بردوا

هاجر بحزن وغضب: بس كان صعب اووي الي مرت بيه انت مشوفتش شكلها وهي مربوطه والزفت دا بيعذبها

اسر وهو يضغط ع اسنانه بغضب  : كان نفسي يكون عايش عشان اكلوا بسناني

هاجر وهي تكتم ابتسامتها : ما جاسر قام بالواجب وبصراحه دا كان نفسوا يقتلوا بدل المره الف

اسر بغيظ: انتي بتغظيني يعني

هاجر وهي تكتم ضحكتها وهي تقترب منها وهي تلعب في ازرار قميصه : طب وانا اغيظك ليه هي دي حاجه وحشه لما تلاقي جوز بنتك بيحميها ويدافع عنها

اسر بخبث وهو يحاوطها من خصرها ويقربها لحضنه: لا مكرهش بس الي عملوا دا هيتحاسب عليه وهحاسبك انتي بردوا عشان تغظيني كويس

ضحكت هاجر وهو ابتسم بخبث وشالها
💖💖💖💖💖💖💖
عدي اسبوع
جميله اتعافت كلياا ورجعت شغلها وطول فتره تعبها كان ادهم واسيل وسلمي وعبدالرحمن بيزوروها ويطمنوا عليها ويقعدوا معاها شويه وجاسر كان بيعرف اخبارها منهم وساعات كانوا بيكلموه وهما عندها عشان يسمع صوتها كل دا وهي مش واخده بالها ولا تعرف

حمزه وناديه رجعوا الفيلا ورجع حمزه الشغل وعرف باللي حصل وراح ل جميله هو وناديه واطمنوا عليها وجميله وناديه بقوا اصحاب وجميله سامحتها ع كل الي عملتوا معاها

ادهم جاب حراسه للفيلا عندو ورجع شغله هو كمان واسيل الحمل كان تاعبها لكن في وجود ادهم جنبها كان بيهون عليها وبيساعدها في كل حاجه ليها وزاد حبه لاسيل اضعاف وهي زادت تعلقها بيه كل يوم عن اليوم الي قبله

يزن خلاص مبقاش قادر يستغني عن جوري وقرر يعترفلها بحبه خصوصا بعد ما خلاص المهمه خلصت ومبقاش هيشوفها تاني

اسر واروي بقوا متفاهمين الي حد ما مفيش بينهم مشاكل خصوصا بعد الخطف زاد خوفه عليه من افتقادها وبقا بيطمن عليها كتير وهي بردوا بتتصل بيه وهي في الشغل وهو ساعات بيخطف لحظات ويروحلها الشركه وياخدها ويخرجوا

يوسف كان بيعامل هاجر ببرود وجفاء دايم وهي فاكره انو عشان لسه مخدوش ع بعض وميعرفهاش كويس وكانت بتقابل معاملته وهي بتحاول تقرب منه ،هي حبته لكن مستغربه معاملته معاها ومش عارفه سببها ،كانت دايما تسال نفسها ليه هو مش بيحبها زي اي اتنين مكتوب كتابهم وبيحبوا بعض ليه مش بيعاملها زي اي حبيبين كان بيعاملها بجديه جوه الشركه وهي بتبرر ان جوه الشركه مفيش حاجه اسمها متجوزين يعني الشغل شغل
حاولت معاه كتير لكن مفيش فايده وفي الاخر استسلمت وهي فاكره ان دي شخصيته

رنا كانت دايما بتتهرب من اياد بأي سبب عشان متكلمهوش مره مشغوله ،مره نايمه وهكذا وهي خلاص مش قادره تكمل حاولت كتير تدي فرصه لنفسها لكن مش قادره وهو بردوا زعل من معاملتها وزهق وهو حاسس انها مش بتحبوا وبطلوا يتكلموا زي الاول

اسر وهاجر فضلوا طول المده دي جنب جميله وجاسر مكنش عارف يكلم جميله او يشوفها بسبب باباها كان مانعوا عنها وهي بردوا كانت نفسها تشوفوا او تسمع صوته لكن مش قادره تتكلم بسبب باباها وهما الاتنين بيتالموا في بعد بعض

عبدالرحمن وسلمي مفيش اي جديد في حياتهم غير ان عبدالرحمن بيهتم بيها واخيرا الحمل ثبت وبقت كويسه وقدر عبدالرحمن يعوووض كل شهوور حرمانه منها وهو مش عايز يبعد عنها ابدا لكن اضطر ينزل الشغل وطلب حراسه للفيلا وساعات بياخد سلمي ويوديها عند مامتها و وهو راجع من الشغل بياخدها

💖💖💖💖💖💖💖💖
في الاداره عند ادهم كان قاعد في المكتب ودخل جاسر في اللحظه دي سلم عليه
ادهم بمزاح : شكلك مستغني عن نفسك انت جاي هنا كدا عادي وسياده اللواء موجود
جاسر اتنهد بشوق وقعد ع الكرسي قصادهم : اعمل اي بجد هتجنن واشوفها
ادهم : ع فكره وهي بردوا هتتجن وتشوفك
جاسر بلهفه : طب هي فين
ادهم : احم هي تحت
جاسر باستغراب : تحت فين
ادهم : تحت في صاله التدريب ،فيه دفعه جديده اتنقلت وجميله هي الي بتدربهم
جاسر باستغراب : واشمعنا جميله هي الي بتدربهم
ادهم : ما سياده اللواء معاقبني بسبب الي حصل ساعة خطف اسيل ورفض اني ادربهم
جاسر : ههههههههههه وانت كان لازم تنسحب من لسانك يعني وتغلط
ادهم اتنهد بلامبالاه : ونبي دا راحه اصلا معنديش خلق ليهم
جاسر قام وقف وهو بيضحك : مش من قلبك واضح انك هتموت وتدربهم انت
ادهم بضحك  : هههههه طب امشي ي اخوياا روح لمراتك
ضحك جاسر وخرج برا المكتب ونزل صاله التدريب ولحسن حظه ان اللواء اسر مش في الاداره دلوقتي
دخل جاسر صاله التدريب وشاف جميله وسط الشباب الجديد وكانت بتضرب واحد منهم وهو بيتفادا الضرب

وقف جاسر وكان فيه  شباب قداموا ربع جاسر ايدو وهو بيبص ل جميله وهو مبتسم بحب  واعجاب ع مهارتها
لكن الدم علي في دماغه واتجنن وهو بيشوف الشاب الي جميله بتدربوا بيتفادا الضرب وبيشدها بقوه وهو بيتعمد يعمل كدا عشان يقرب منها
واتجنن اكتر لما سمع ٣ منهم  واقفين بيستعدوا

الاول : ي سلااام والله الواحد محظوظ ي شباب اي المكنه دي .هو ده الشغل .امووت انا في ام التدريب دا .انا ممكن ابات هنا اصلا

التاني باعجاب : لا حاجه نضيفه بصراحه .عود متين يحير  وشعر يجنن. وعيون خضراء حاجه كدا جنان ..اوففف .دي ظاابط دي ي جدعان .يارتني كنت مكان الواد ده والله لما يجلي الدور ما هسيبها  ده انا هطول ع قد مااقدر

الثالث : خسااره سمعت انها متجوزه .فينه الغبي ده حد يسيب الموزه دي وسط وحووش زينا ده احنا هناكلها ي معلم

جاسر كان خلاص جاب اخره ومخه طااار وبقي مش شايف قصاده وكان واقف وراهم زي الفهد المفترس اللي لقاا فريسته  واتجنن
جاسر بقوه وشراسه : الغبي هنا ي روح امك انت وهو
جاسر زقهم الثلاثه قصادوا وبدا يضربهم وهما بيبادلوه الضربات بس محدش فيهم عارف يوجهله ضربه صائبه واحده  وقرب من جميله اللي كانت مصدومه من وجوده وضربه للشباب دي لا كمان راح للشاب الي جميله كانت بتدربوا وشده بعنف وضربه معاهم وفضل يضربهم بعنف وغباء وغيره  وهما مش فاهمين مين دا بس الي عارفينوا انه جوز جميله

جميله كانت واقفه مش فاهمه هو بيضربهم بعنف كدا ليه وحاولت تبعده عنهم لكن مقدرتش كان زي الثور الهايج والشباب تعبوا وهما بيدافعوا عن نفسهم وضربه ليهم وادهم جيه بردوا بسرعه وشافوا وبعدوا عنهم بسرعه وهو قلقان ل سياده اللواء يشوفوا
واخيراا قدر ادهم فعلا انو يبعدوا

والشباب كانوا مش قادرين ياخدوا نفسهم من التعب والضرب وبلعوا ريقهم بخوف من جاسر وهما مش قادرين يصدقوا ان دا جوزها

جميله راحت ناحيته بهدوء ع غير عادتها في موقف زي دا ووقفت قصاده : ممكن اعرف اي الي انت عملتوا دا انت عارف انك ممكن تتحاسب ع ضربك ليهم كدا

جاسر بتحدي : انا ميهمنيش حد ودلوقتي ي جميله انتي ملكيش دعوه بيهم ادهم هو الي هيدربهم

جميله : ثانيه بس انت ع الاساس اي بتأمرني كدا  اكملت بتحدي متدخلش في شغلي ي جاسر خليك بعيد عني وشوف شغلك

جاسر بيجز ع سنانه بغيظ منها ومن دماغها الناشفه اللي بيتمني يكسرها في اللحظه دي وقرب من ودنها وهمس بغيظ
جاسر : انتي تخرسي خالص ي غبيه احسن وربي  ارجعك المستشفي تاني  و دلوقتي اطلعي مكتبك  بدل مااخلي الاداره كلها تتفرج عليكي وانا شايلك

جميله بدهشه من كلامه وجنانه الي اول مره تسمعه : انت اتجننت صح ؟انت بتقول اي ؟  طيب اي رائيك بقاا عندا فيك  مش همشي وهدربهم غصب عنك  ووريني تقدر تعمل اي !

جاسر بيعصر قبضه ايده بغضب وبيحاول يسيطر ع غضبه وغليانه وغيرته
جاسر : جميله متستفزنيش  احسن انا ع اخري قسماا بالله ما هعمل حساب حد وهشيلك زي العيال واطلعك فوق
جميله قربت منه بعناد وتصميم : اعلي ما في خيلك اركبه ي ابن الحديدي

جاسر رفع حاجبه باعجاب من تحديها وقرب منها بخطوه حاسمه وبصوت عالي لادهم من غير ما عينيه تبعد عن عينيها الي بتتحداه
جاسر : طيب ي ادهم استلم انت التدريب عشان سياده المقدم تعبانه شويه هوصلها ترتاح

وبسرعه وفي لمح البصر كان مكتفها وشالها ع كتفه وهي بتعافر كالعاده بس مش قادره عليه ولا عارفه تتخلص من قبضه ايده المحكمه  ومشي بيها وسط نظرات كل الي في المكان والاكثر دهشه وصدمه الشباب الجداد

واحد منهم : لا لا ..ده جباار .هو دا طبيعي زينا كدا

ادهم ابتسم ع جنون جاسر وتحديهم لبعض وخايف من رد فعل سياده اللواء بس قدر يخلي الشباب ميقولوش حاجه ودربهم هو

عند جاسر دخل مكتب جميله وهو شايلها ع كتفه ونزلها ع الكنبه

جميله بغضب وغيظ : انت اي بترمي شوال

جاسر قفل الباب وقرب منها بتوعد وهو متحفز

جاسر بغيره: بقي انتي عودك عود يحير وشعرك يجنن طب انا اعمل فيكي اي عشان محدش يعاكسك

جميله فهمت انو غيران وان اكيد سمع الكلام دا من الشباب عشان كدا ضربهم ،وابتسمت بشر وهي مستمتعه بغيرته

جميله بتغيظه : انت بتقول اي  مين الي معجب بيا وبيقول الكلام الحلو دا اكيد حد بيفهم مش انت

جاسر وهو يقترب منها بوعيد : يعني انا مش بفهم

جميله ماتنكرش ابدا انها من جواها في قمه سعادتها ،بغيرته وحبها الي بيصرخ في عيونه  وملامحه الغيرانه المجنونه  فضلت تبصله وساكته بتستمتع بشكله الغيران وحبه اللي مغرق ملامحه

جاسر شافها ساكته ومش بتتحرك مرر عيونه ع ملامحها اللي وحشته من وقت ما بعدت وهو بيسمع صوتها بس  ..قلبه دق بااشتياق وحنين .اتنهد بأنفاس مغرمه وقربها اكتر منه .ومد ايده وفك ربطه شعرها وحرره كالعاده وهو بيمرر ايده في خصلات شعرها وبيتأمل عيونها اللي مكدبش الولد في وصفها كانت حاجه جنان عيون خضراء بلون الزرع يسحر اي حد
سند جبينه ع جبينها وعيونه بتتأمل شفايفها بشوق
جاسر برغبه : وحششتيييني .....ماوحشتكيشش

جميله غمضت عنيها باستمتاع من قربه اللي افتقدته .واستمتاع اقوي بريحته اللي بتعشقها ريحته هو قبل ريحه عطره .هو اجمل واعذب من عطور العالم .ومن غير وعي.ولا حساب كانت خلاص هتنطقها بكل رغبه واشتيااااق

بس دخول اسر المفاجئ الغضبان وقف كل شئ كان في طريقه للرجوع

اسر بعصبيه زق جاسر بعيد عن جميله وبعنف : انت باين عليك اتجننت رسمي  .مالك ما تفوق لنفسك  انت ازاي تشيلها بالشكل ده وسط الاداره كلها وزمايلها وكمان اي الي عملتا دا في صاله التدريب  انت اي عقلك فوت ولا هو عشان سكتلك وفضلت بعيد مش بتدخل بينكم  لكن لحد هنا وبس .جبت اخرك معايا  انت حالا هتطلقها قصادي انت فاهم

جميله اتصدمت هي مهما كانت طلبت منو قبل كدا يطلقها بس كانت لمجرد التهديد لكن دلوقتي باباها بيقولها بجد  ،بصت ل جاسر اللي بصلها يشوف رد فعلها .جميله قربت من اسر بسرعه ومسكت ايده بهدوء ورجاء

جميله: بابا ارجوك اهدي وانا هفهمك

اسر بغضب وامر :ماسمعش صوتك .انتي سامعه .انتي بسببك سكت عليه كتير من اول ما باسك غصب وانا سامحتوا عشانك لكن دا جرحك ي غبيه هستني اي تاني

جاسر وهو ينفخ بغضب : حضرتك ليه مش عايز تصدق اني بحبها والله العظيم بحبها

اسر بغضب: الي بيحب حد ميقصدش يجرحوا ،انت كنت قاصد تجرحها وانت بتتلذذ بعذابها وهي كل يوم بتفكر انت ليه بتعمل كدا

جاسر اتنهد : حضرتك حط نفسك مكاني بنتك رفضتني كنت عايزني اعمل اي

اسر بغضب: بس بنتي قالتلك السبب مكدبتش عليك ولا بعدت من غير ما تقولك

جاسر بغضب: بس جرحتني ثم اكمل وهو يكتم غضبه بس انا مش جاي افتح في الي فات انا جاي ارجع مراتي بيتها

اسر بتحدي : ومين قالك انها هترجع

جاسر وهو يعقد حاجبيه: يعني اي

اسر بتحدي : يعني انت هتطلقها

جاسر بصلها بهدوء : هتختاري اي ،لسه عايزه تعاقبيني ولا هترجعي وتثبتي لابوكي اني حبيتك بجد

اسر بعصبيه : انا الي بأمرك ملكش دعوه بيها

جاسر بغضب: بس دي حياتنا احنا ،احنا الي من حقنا نختار وانا عايز اعرف رائيها هي

الاتنين بصولها ومستنين يعرفوا ردها
وهي بتتألم من جواها اختيار صعب ،انها تختار بين اقرب اتنين ليها جاسر الي حبتوا بكل جوراحها وهو بردوا بيحبها ولا ابوها  ،

طاال صمتها وهما الاتنين مستنين ردها عليهم
جاسر بتحفز : ردي ي جميله ،موافقه اني اطلقك

💖💖💖💖💖💖💖💖💖💖
يا تري رد جميله هيبقي اي ؟😂😂😂
عارفه ان محدش هينام غير لما يعرف رد جميله عشان كدا هحاول انزل بارت النهارده تاني بس ممكن ع بعد الفجر كدا 💖