رواية احببت عنادك... بقلمي/هاجر هشام الفصل المئة 102 - بقلم Hagar Hešhàm

في الاداره عند جميله
جاسر واسر كانوا مستنين يعرفوا ردها وهي ساكته مش قادره تختار حد فيهم وتخسر التاني مش عايزه تبعد عن جاسر بس بردوا مش عايزه تخسر ابوها الي بالنسبالها الامان والدفئ والحنان الي مستحيل تعوض بأي حد

جميله بهدوء وثبات : ارجوك ي بابا اهدي انا محتاجه اتكلم معاك لوحدنا

جاسر بهدوء : ماشي ي جميله انا همشي ومستني اعرف ردك

خرج جاسر برا المكتب وبرا الاداره خالص وركب عربيته واتحرك للشركه

عند جميله
جميله بعتاب ولوم : ليه ي بابا وصلت الموضوع لكدا ليه انا مقولتش اني عايزه اطلق انا اه مجروحه منو بس كفايه بعد بقاا انا تعبت عايزه اعيش حياه مستقره شويه تعبت من العناد والتحدي والخناق

اسر ندم فعلا انو وصل الموضوع لكدا لكن الكلام الي سمعوا خلاه يغير بجنون ومقدرش يسيطر ع نفسوا لما سمع ان جاسر شالها قدام كل الي في الاداره ،بس افتكر لما هو بردوا شال هاجر قدام كل الي في الاداره ليه ابوها معملش زيوا ومغارش كدا ولا زعقلوا

اسر بصلها وحط ايدوا ع كتفها بهدوء :عارف انك تعبتي بس الي بعملوا دا عشانك انتي قولتلك قوي قلبك بلاش تضعفي

جميله بنفي : دا مش ضعف ي بابا دا حب وانت اكتر واحد عارف دا ،لانك حبيت ..ماما حبتك رغم انك اذيتها كتير وجرحتها اكتر بس في الاخر سامحتك ،هو دا الحب ي بابا انك تسامح وتغفر بس دا مش معناه انك تتنازل انا متنازلتش عن اي حاجه ولا جاسر اتنازل بردوا احنا الاتنين غلطنا

اسر غمض عينيه بالم ذكري مؤلمه بالنسبه ليه هو فعلا جرح هاجر وهانها بس حبها بجد : بس انا كان الانتقام عميني وحاولت مع هاجر كتيير من غير يأس عشان حبتها بجد

جميله : هو بردوا حبني بجد وبردوا كان بينتقم وانا بردوا انتقمت اكملت بخنقه كفايه بقاا انتقام لحد كدا كفايه داايره الانتقام الي مش راضيه تخلص

للاسف ي بابا كما تدين تدان ،انت انتقمت من ماما وربنا جبلها حقها دلوقتي وجاسر انتقم مني بس الفرق اني انا بردوا خدت حقي

اسر مسك كتفها وهو بيهز بالم : ليه ي جميله مصره توجعيني. لييه ،انا عمري ما هسمح ان حد ينتقم منك او يجرحك

جميله اتنهدت بوجع وحضنت باباها : هو خلاص انتقم ي بابا

اسر ضمها لحضنه اكتر وهو يربت ع ضهرها بحنان
وبعد عنها وهو ينظر لعينيها بتساؤل: هترجعي ؟

جميله حضنت باباها بحيره: مش عارفه ..مش عارفه ..انا عايزه افصل مش عايزه اتسرع ابدا ...بصرااحه بحبه اوي اوي ي بابا مش قادره اتخيل اني ابعد عنه مش قادره

اسر حضنها بحزن جواه غضب ووعيد ل جاسر مش قادر يهديه : اهدي وفكري براحتك .المهم قرارك يكون في مصلحتك .مااتتسرعيش ابدا

جميله بعدت عن حضنه : حاضر

💖💖💖💖💖💖💖💖💖
في الشركه عند جاسر وحمزه كان معاه في المكتب
حمزه بعتاب : عارف مش مسامحك. والله .بقي كل ده يحصل بينك وبين جميله وانا اخر من يعلم ده انت طلعت مش تمام .تخبي علياا انا ..انا حمزه صاحب عمرك .اخس عليك .مش مسامحك

جاسر بتأفف وزهق : يخربيت دي اسطواانه بسمعها من اللي خلفوك كل يوم من يوم ما حكتلك ماتتلم بقاا قرفتني

حمزه : اعمل اي قلبي لسه غضبان علييك مش مصدق انه يحصلك كل دا وما تقوليش ... اي كنت مكسوف مني

جاسر بضيق : حمزه روح شوف شغلك .وسيبني انا دماغي هتنفجر من الصداع

حمزه وهو يقف : ماشي ي عم .انا همشي مانا الغلبان الي بتيجي عليه دايما .. اكمني بسكت ....اااه ي قاسي

جاسر ابتسم غصب عنه من مزاح صديقه : غور ي حمزه

حمزه بضحك وغمزه: ضحك يبقي قلبه حن

جاسر ضحك بقوه: ههههههههههه انت مالك ي حمزه في اي انت من ساعه ما رجعت من شهر العسل وانت مش مظبوط

حمزه بهيام قعد ع الكرسي وهو سرحان في ناديه :هو حد يتجوز بنت عمك دي ويبقي مظبوط

جاسر ابتسم ع صديقه وفرح انو حبها واتغيرت حياتهم واتمني انو يرجع هو وجميله ل حياتهم في الاول ،كانوا في مشاكل بس كانوا جنب بعض بيحلوا مشاكلهم وهما مع بعض

حمزه خد بالو ان جاسر سرحان وعرف هو بيفكر في اي

حمزه بابتسامه وامل : متقلقش كل حاجه ان شاء الله هتتحل ،هو بس سياده اللواء يهدي شويه ،وبعدين هو سامحك قبل كدا و اكيد هيسامحك تاني

في اللحظه دي دخل اللواء اسر وجاسر فاكر انو جاي عشان يخليه يطلق جميله

جاسر بقوه : خير ي سياده اللواء
اسر بغضب : خير ..وهو الي يشوفك ..يشوف خير
جاسر بغضب : هو انا عملتلك اي عشان تعمل كل دا
انا ممكن اكون جرحتها بس هي بردوا جرحتني ومع ذلك بحبها وعايزين نرجع لكن انت الي واقف قصادنا بتستغل حبها ليك عشان تختارك انت

اسر بثقه وقوه : ومهما حصل هتختارني انا ،لاني ابوها عمري ما جرحتها ولا هنتها مش زيك مش بتعمل حاجه غير انك تضايقها وتجرحها

جاسر بثقه وتحدي : بس بردوا بتحبني زي ما بحبها انا الوحيد الي بحس بيها و بعرف هي عايزه تقول اي قبل ما تتكلم بكون الامان والدفئ والحنان بالنسبالها ،هي مهما حستوا معاك بس معايا انا بيبقي مختلف ،انت ابوها لكن انا جوزها الي ممكن تتكسف تتكلم معاك بس معايا انا لا

اسر حس بغيره جنونيه ع بنته واستفزوا كلام جاسر وراح ناحيته وهو بيغلي من الغيره وجاسر قام ووقف قصادوا كل دا تحت نظرات حمزه الي مذهول وهو حاسس ان هيحصل معركه دلوقتي
مرداش يدخل لان دي مشاكل عائليه

وجه اسر اول ضربه ل جاسر بس تفاداها جاسر بسرعه وهو بيحاول ع قد ما يقدر يدافع بس وميضطرش يضرب وكل دا مستحمل عشان خاطر جميله وكمان هو في الاول والاخر حمااه وابو جميله الي عشقها بجنون وكان مشتااق ليها ولكل تفصيله فيها

مسك جاسر ايد اسر لكن اسر لف دراعوا وراه وهمسله بتحذير :جميله خط احمر الي يجرحها او يهينها كأنو هاني انا بالظبط

جاسر لف بسرعه ومسك ايد اسر : ومين قالك اني قاصد اجرحها انا بحبها

اسر ضربوا بالبوكس ونزف جاسر وبص لاسر بغيظ

اسر : الي بيحب مبيجرحش الي بيحبوا

جاسر بصلوا بغيظ وتحدي : يعني انت مجرحتش مراتك

اسر بصلوا بغيظ وغضب وضربه بوكس تاني لكن اقوي واعنف وجاسر نزف وكان بيحاول يتحكم في غضبه لاقصي حد
جاسر بتحدي : غضبك دا بيبين انو حصل فعلا

اسر بقوه وهو يوجه له ضربه اخري لكن تفاداها جاسر : دي حاجه متخصكش انا الي بيني وبينك جميله وبس

جاسر وهو يمسك ايدوا بقوه : وجميله في عيني عمري ما هزعلها تاني ابداا

اسر بسخريه: سمعت الكلمه دي قبل كدا

جاسر بصدق : بس المرادي بجد انا جربت بعدي عنها وهي بردوا جربتوا واحنا الاتنين مش قادرين نبعد عن بعض

اسر بتحدي : مين بالك انها مش قادره انا بنتي قويه وتقدر ع كل حاجه

جاسر بتحدي : انا متاكد انها متقدرش تبعد والدليل انك جاي لحد هنا ،جميله لو كانت تقدر تبعد كانت سافرت معاك اسكندريه لكن مسافرتش واضطريت انك تقعد هنا عشانها. عشان تبعدها عني

اسر اتنهد : انا عمري ما كان فيه بيني وبينك عداوه كنت دايما لو جميله غلطت معاك انا الي بخليها تصالحك ثم اكمل بقوه لكن المرادي انت الي غلطت ،انت جرحتها بجد ،جرحت قلب حب وعمروا ما دق غير ليك وباسمك ،جميله طول عمرها قافله قلبها وكانت رافضه الحب بسبب انها شافت الوحش في تجربتي انا وهاجر مشافتش غير الوجع والجرح والخناق بينا مشافتش حبي ل هاجر بجد جميله دايما بتتوقع الاسوء عشان متتجرحش لكن انت عديت كل توقعاتها عشان كدا اتجرحت يعني اكتر انسان حبتوا هو اكتر انسان جرحها

جاسر بصدق وحب : وانا والله حبيتها ومحبتش غيرها حبيت كل حاجه فيها حبيت جميله البيور ،التلقائيه ،الجريئه ،القويه كانت عباره عن مزيج وخليط ميلقش غير بيها هي ،عمري ما شفتوا في بنت قبل كدا

اسر بصلوا وهو عايز يصدقوا لكن مش قادر
اسر بعدم تصديق : مش قادر اصدقك ،انا اديتك فرصه قبل كدا وانت ضيعتها

قال اسر كلمته ومشي وجاسر ضرب ع المكتب بغضب وضيق وحمزه راح ناحيته وهو مذهول وبيبص ع اسر لحد مامشي
حمزه بذهول : ي لهوووي ي جدعاان لقااء الجبابره .ده انا حسيت اني هلاقي دراع طااير او عين شارده

جاسر بغيظ : هو انا لمستوا دا انا خدت الضرب كلوا

حمزه بغمزه : كنت هتبقي شهيد الحب ههههههههههه لا بجد حمااك دا مش سهل

جاسر بياخد نفسه بتعب ومسك انفه وبوقه الي بينزفوا بالم :حقه خايف ع بنته وبصراحه انا لو مكانه وحد عمل كدا في بنتي كنت قتلتوا

حمزه باستغراب : صح ي جاسر هي جميله ازاي مش حامل لحد دلوقتي انتوا بقالكوا ٣ شهور متجوزين

جاسر استغرب سؤاله : ايوا وفيها اي دي حاجه بتاعة ربنا وبعدين دول ٣ شهور هما ٣ سنين

حمزه : مش قصدي بس لو كانت حامل دا كان هيلين قلب حماك شويه ويخليه يرضي خصوصا انك كنت هتبقي ابو حفيده

جاسر اتنهد بتعب : لا طبعا حتي لو كان فيه حمل انا عايزو يقبلني انا مش عشان هبقي ابو حفيده

حمزه ساعدوا ونام ع الكنبه ودخل حمزه الحمام جاب علبه الاسعافات وخرج ضمد جرحه

حمزه وهو يمسح الدم من ع وجهه جاسر : بس انت ليه مردتش تضربوا رغم انك كنت تقدر

جاسر بالم : اااه ....دا. عشان جميله وكمان دا حمايا مينفعش اضربوا انا طول عمري بحترمه وبقدره هو بس بسبب الي حصل دا هو الي خلاه مش طايقني

حمزه وهو يضع لازقه طبيه مكان الضربه: طب وهتعمل اي دا واضح انو صعب اوووي دا اصعب من اللواء سيف نفسوا

جاسر اتنهد وقام قعد ع الكنبه : مش عارف بس الي عارفوا اني مش هسيب جميله حتي لو كلفني حياتي

حمزه بضحك : ههههههههه بصراحه بعد الي شوفتوا النهارده احب اقولك انو هيكلفك حياتك فعلا

جاسر بصلوا بغيظ :هو انت اي الي مقعدك انا مش قولتلك روح شوف شغلك من بدري

حمزه بصلوا بدهشه: يخربيتك انت بتتحول فجاه كدا ازاي دا انا لسه عاملك الجرح

جاسر بغيظ :وخلاص عملتوا يلا بقاا روح شوف شغلك

حمزه بصلوا بغيظ : تعرف حلال فيك الي عملوا سياده اللواء ،جاب حقي منك ي هولاكوا

جاسر سرح في الاسم وافتكر لما جميله في اول مقابله بينهم قالتلوا هولاكوا ،اول ماافتكرها ابتسم بحب واشتياااق حقيقي واتنهد بحراره وكانت تنهيدته بتقول كتييير اوووي

وحمزه استغرب ابتسامته : هو انت مجنون ولا اي عشان افهم بس ،انت من شويه متعصب وفجاه تقول كلام حلو وفجاه تتعصب وفجاه تبتبسم طب انت اي بالظبط دا اسميه اي

جاسر وهو يشمر ساعديه ويستعد: انت شكلك كدا مش هتخرج غير وانت مضروب

حمزه جري ناحيه الباب وهو بيضحك ع جاسر : ههههههههههه والله مجنون الله يكون في عونك ي جميله والله عندها حق تبعد عنك دا انت اهبل

جاسر راح ناحيته بسرعه الفهد ولحقوا قبل ما يخرج :كنت بتقول اي بقاا

حمزه بمرح وهو يرفع يده باستسلام: برئ ي بيه

سابوا جاسر وهو بيضحك عليه
جاسر باستنكار : ولما انت جباان بتقول ليه وتجري

حمزه : مين دا ي اخويااا الي جباان انت مش شايف ولا اي دا احنا نفس الجسم حتي

جاسر وهو بيغيظه : بس اهبل

حمزه بسخريه : دا انا ولا انت الي عندك تخلف في المشاعر

جاسر وهو يرفع حاجبه ويتجه ناحيته بوعيد: انا عندي تخلف في المشاعر

حمزه بسخريه وهو يخرج لسانه : لا انا ي ظريف
خرج حمزه بسرعه قبل ما يلحقوا جاسر
اتنهد جاسر وضحك ع شكلوا
جاسر بضحك : والله عبيط
راح جاسر ناحيه المكتب وفجاه اتفتح الباب وكان حمزه
حمزه بمرح: سمعتك ع فكره
قفل حمزه بسرعه الباب لما لقاا جاسر رمي ناحيته فاظه صغيره ودخل تاني وهو بنصف جسمه فقط
حمزه بمرح : مجتش علياا
قفل حمزه الباب تاني وجاسر ضحك عليه وهو مش قادر يمسك نفسوا من الضحك
💖💖💖💖💖💖💖💖💖
عدي ايام وجاسر وجميله لسه بعاد والحاجز بينهم سياده اللواء ،جميله المرادي مكنتش قادره تقف قصاد باباها
عند جاسر كان في الشركه
مكنش عارف يشتغل ولا يركز في اي حاجه غير جميله وبعت كل الملفات والشغل ل حمزه وعبداللرحمن
وهو حس بضيق
اتنهد وخد مفاتيح عربيته وخرج برا المكتب ونزل ركب عربيته وهو بيلف شويه وفجاه لقاا نفسوا قدام المكان الي جميله بتحب تقعد فيه والي نفسوا بقاا مكانوا المفضل ركن عربيته ونزل قعد ع الكورنيش وهو بيبص لنيل وسرحان في جميلته بيتألم كل مايفتكر اللي حصل واللي عمله معاها .جوااه احسااس بالوحده رهيييب عايز يشوفها بأي شكل وحشته بقوه كل حاجه فيها عناادها وتحديها وضحكتها كل تفصيله فيها مفتقدهاا .حضنها اللي بقاا بالنسبالو دواء وراحه
غمض عينيه بقوه واتنفس هوااء النيل بتعب

(غمضت عيني رامي صبري )
غمضت عيني وقولت نفسي اشوفهاا تااني والمس ايديها واضمها حتي لثواني .من بعدها مش لاقي حاجه مطمنااني

جاسر باشتياق افتكر كل اللي جمعه بيها من وقت ما شافها وافتكر جنانها ومقالبهم مع بعض واتاكد انو مستحيل ينساها وانه مستحيل يسمحلها تنساه .بس البعد غصب عنه هو عارف انها نفسها ترجع لكن ابوها مانعها وهو ماقدرش ياخدها غصب ماقدرش يبعدها عن ابوها وييحمل وجعها اكتر كفاايه الوجع اللي سببهولها بسبب انتقامه

شئ مستحيل ينساها قلبي ولو للليله ..في بينا عشره وذكريات وحاجات جميله

ضااعات خلاص مني وياريت بايديا حيله

اخد فونه بحزن وطلع صورها وقلب فيها اشتاقلها بجنون وبرائتها وتلقائيتها الي مستحييل يعوضها ولا يلاقي زيها انسانه بيور .عمره ما هيقدر يشوف ست غيرها ولا يحب بعدها

كل ماانساها افتكرها مهما تشوف مبشوفش غيرهاا الوحيده اللي معاها وفي هواها ارتحت انا

عمرها ما هتبق مااضي اللي بنا مكنش عاادي حب عااش من يوم لقانا ولسه هيعيش ١٠٠ سنه

اتنهد وبص للنيل وبيفكر في كل حاجه عملتها ازاي وقفت جنبوا وساعدتوا مسابتهوش ابدا ،هي ممكن تكون غلطت لما رفضت قربه بس دا كان غصب عنها وهو بردوا كان غصب عنو كان بينتقم لرجولته ،واتمني ان يرجع الزمن مكنش جرحها واتمني انها كانت قالتلوا الحقيقه من الاول مكنش عمل كدا ،اتمني ترجع عشان يعوضها عن كل اللي فات واقسم انه مش ممكن يجرحها تاني ابدا

بانت قيمتها لما ضاعت من ايديا .طيبه وحنان مش موجودين غير فيها هي

كان قلبها من غير ما يقول بيحس بياا
لو عيشت فوق العمر عمر هعيشه ليهاا .هفضل فاكرها و عمري في يوم ما هكون ناسيها

وهعيش ع امل في يوم اشوف عينييييهاا

جاسر مبقاااش قااادر يتحمل اكتر من كدا وحسم قراره هيرجعها يعني هيرجعها حتي لو اضطر يخطفها

💖💖💖💖💖💖💖💖💖👎
في شقه جميله كانت في اوضتها
بتفكر في جاسر وهي نفسها تناادي عليها باعلي صوت وتقول بحببببك ،كان نفسها ترجع ليه النهارده بس كان غصب عنها اختيارها مش بايديها دا ابوها مينفعش تسيبه مينفعش يكون فيه مقارنه اصلا لكن للاسف هي خلاص اتحطت في اختياار بينهم ،كان نفسها تختار الاتنين بس هي دلوقتي رجعت لنفس النقطه وهي مش عارفه لامتي هيستمر البعد دا

(بنده عليك )

جميله كانت بتغني وهي قاصده كل كلمه وكل وجع والم في الاغنيه وكأن الاغنيه بتوصف كلامها

حبيت بجد غصب عني ومش بايدي
،وفجاه الاقي نفسي اختاار اختيااار
،يااما يبعد عني قلبي ومش هشوفوا
يااما اعيش من غيره دوه انتحاار

كاانت بتغني كأنها شايفاه قدامها وهي بتكلموا بكلامات الاغنيه ،كانت عايزه تبعد بس خلاص مبقتش قادره تستحمل بعد ،وحاسه انها تايهه

ازااي اعيش من غيرك قولي اعيش لمين
اصعب فراق يكون من اجل نااس تانين
تايه وضايع في الحياه من غير حبيبي

،مكنتش عارفه تلوم نفسها ولا تلومه هو ولا تلوم باباها الي بعدهم عن بعض كانت اول مره تشوف باباها بالشكل دا كان باين الغيره والقلق في عيونه عليها ،كانت كل ذره فيها بتطلب انو يرجع

الوم في نفسي ولا الوم ع السنين
بنده علييك نفسي ارجع حبنا
بنده عليك نفسي نكونوا لبعضنا

كانت بتقول الكلام وهي عارفه انو مش سامعها هو بعيد وهي بعيده

بنده عليك نفسي تقول اي ذنبنا
لو مش سامعني ف كلامي شكوي لربنا
عارف دلوقتي انا عايش ازاي ،حاكمين علياا اني انساك

في يوم نزلت جميله من المبني وقبل ما توصل لعربيتها وتركبها ظهرت قدامها عربيه ونزل منها اشخاص ملثمين خطفوها وحاولت تقاوم لكن مقدرتش قصاد قوتهم
وصلت في مكان غريب مفيهوش ضوء غير ضوء القمر وشخص واقف بضهره مش باين منه اي ملامح
وقفوا جميله قصاده وشالوا القماشه الي ع عينيها وعشان الدنيا كانت ضلمه مقدرتش تدقق في شكله وشاور الشخص للحارس بايديه يخرجوا وفعلاً خرجوا وقفلوا الباب وهي كل دا مستغربه مش فاهمه هما مين او دا مين
جميله بغضب :انت مين وعايز مني اي
لف الشخص وبردوا مكنش باين ملامحه وقرب منها وجيه ضوء القمر ع وشه وبانت ملامحه اتصدمت واشتاقت بجنون
جميله :جاسر
جاسر ابتسم وبنبره عاشق مشتاق  :وحشتيني ي جميلتي  وحشتيني اووووي
جميله حضنته واتعلقت بيه باشتياااق : وحشتنيي اوووي ي جاسر

جاسر ضمها بقوه واشتياق اتالمت جميله من شده ضمته لكن هي كمان كانت محتاجه الحضن دا : اااااه ي قلبي كان فين الحضن دا ..كنت هموت واخدك في حضني .ماكنتش اعرف اني بحبك اوووووي كدا انتي بقيتي روحي ي جميله
جميله :وانت كمان ي جاسر وحشتني اوي
جاسر بحنان وحب باسها ع خدها :  معقوله اتحرمت من الجمال  دا

جميله بصتله بهدوء يتحقق في ملامحه وكل جزء فيه مفتقداه وبهمس : الجمال دا هو الي اتحرم منك ومن حنانك. انت مش متخيل انت وحشني اد اي

الاتنين كانوا في لحظه مينفعش فيها عتاب استغلوا قرب بعض وعدم ازعاج حد ليهم باسها بشغف وعشق    كان قاصد انو يخطفها ويحبسها في حضنه عاشقه لمسته ودايبه فيه الاتنين ملهوفين ومشتاقين لبعض بجنون مش قادرين يبعدوا ولو ثانيه

💖💖💖💖💖💖💖💖
عند حمزه رجع الفيلا
ودخل كانت ناديه في المطبخ راح حمزه ناحيتها وهو ينوي خضها
ناديه وهي بتقلب الاكل : حمدلله ع السلامه ي حبيبي
حمزه مسكها ولفها ليه وضحك: انتي عرفتي ازاي اني جيت
ناديه بحب : بحس بيك ي حبيبي
حمزه بغمزه : اي الكلام الجامد دا ،لا دا احنا اتطورنا ع الاخر اكمل وهو ينظر ل ملابسها وكانت عباره عن هوت شورت احمر وتيشيرت بحملات خفيفه ابيض و مفتوح من الضهر
وكمان بقينا بنلبس عريان اهو من غير كسوف

ناديه بابتسامه وهي تلف يدها حوالين رقبته بدلع:طبعا ي حبيبي انا عمل اي حاجه عشانك
حمزه بجنون وعشق : لا انتي شكلك النهارده ناويااها فعلا بتجننيني بكل حركه فيكي اكمل بوعيد ممتع : بس خلي بالك انتي الي هتتحملي النتيجه

ضحكت ناديه بدلع وهي اتنهد بجنون وشالها
ناديه ضحكت: طب والاكل
حمزه بخبث : بعدين ي روحي فين حاجات تاني اهم دلوقتي
💖💖💖💖💖💖💖💖
في فيلا جاسر وجميله
جميله في حضن جاسر بيرقص بيها في هدوء علي كلمات بتخرج من قلب جميله قاصده كل كلمه وكل حرف ...
(خدني في حضنك ضمني)

خدنى فى حضنك ضمنى
قولى كلام نفسى اسمعه
قد اما احبك حبنى

جميله عيونها في عيونه باعجاب بسحره الي خطفها من اول نظره وهي قاومت ورفضت تصدق وعندت عشان متحبهوش لكن في الاخر مقدرتش تمنع قلبها انو يحب ويعشق

قلبى خلاص مش هامنعه
خلينى عايشه ليك
شايفه حبى فى عنيك

نامت جميله ع صدره وهو ضاممها لحضنه وهما بيرقصوا وهي بين ايديه

دى الحياه وانا بين اديك تبقى جنه مش حياه
احلم واتمنى ايه ده حبيبي انا بين ايديه
وهاعيش وانا كلى ليه عاشقه دايبه من هواه

قربت جميله من اذنه وبهمس : بحبك

يلا يا قلبى قولهاليه قول للدنيا كلها ايوه خلاص مستنى ايه ايه مهو دلوقتى وقتها
خلينى عايشه ليك شايفه حبى فى عنيك

جاسر باشتياق وهمس وهي في حضنه : وانا بعشقك انا عديت مرحله الحب دي من زمان بقيت بعشقك ي جميله

جميله حضنتوا بقوه وهو ابتسم وضمها بحبه ورجولته
وتمايلت في حضنه بسعاده اتحرمت منها اوووي وبشده

جميله حطت راسها ع صدره : تعرف رغم ان بيبقاا صعب عليا اقول كلام حلو او مش بعرف اقولوا اصلا بس معاك ببقي واحده تانيه ممكن الناس تكون شيفاني بارده معنديش مشاعر بس هي دي طبيعتي وهي دي شخصيتي

جاسر بحنان ورقه: وانا بحب شخصيتك دي بكل عيوبها قبل مميزاتها الي بيحب ي جميله بيحب كل حاجه مبيقولش لا غيري دي فيكي عشان مش عجباني لا هو لازم يحب عيوبها قبل مميزاتها ساعتها هيكون هو دا الحب فعلا

جميله بحب: انا الحب بالنسبالي بيتلخص في اهتمام وتقدير واحترام واني احس بالامان مع الشخص الي بحبوا حتي لو كنت عامله ١٠٠ راجل في بعض لازم احس معاه هو بالامان وحياتي معاه تبقي احلي حياه محسش بملل معاه ابقي فرحانه بوجوده جنبي مش اكون عايزه اطفشه وخلاص

جاسر ضحك: هههههههه انتي فظيعه يعني دخلتي في موضوع تاني خالص احنا دلوقتي في لحظن رومانسيه بلاش فصلان

جميله :ههههههههههه ماشي هسكت اهو

جاسر بحب وهو ضمها لحضنه: بالعكس انا عايزك تتكلمي وتتكلمي نفسي اسمع صوتك وحشني اووي كل حته فيكي وحشتني ثم اكمل وهو بيتنفس في حضنها باشتياق وجنون : اوعديني تتحملي جننوني الليله مهما كانت النتيجه

خدنى فى حضنك ضمنى
قولى كلام نفسى اسمعه
قد ما احبك حبنى قلبى خلاص مش هامنعه

جميله غمضت عينيها باحتياج لكل احساس بينهم : اوعدك

💖💖💖💖💖💖💖💖💖💖
في فيلا جاسر وجميله
جاسر صحي وفتح عيونه ع انزعاج بسبب صوت الزعيق الي تحت

جاسر بتأففف وبيتوعد للي بيزعق تحت : تؤتؤتؤتؤ. ...مين المتخلف الي بيزعق تحت دا

بص جاسر ل جميله الي نايمه في حضنه وابتسم وهو بيتنهد وبيعد شعرها بهدوء ويستمتع بملامحها كان مفتقدها لفتره كبيره وماصدق بقت في حضنه وفتح عيونه عليها قرب منها وباسها بحب
كان للحظه من سحرها وقربها اللي بيلهيه عن العالم كله نسي وبقي مش سامع صوت الزعيق بس الصوت علي اكتر وبهدوء بيحاول يشيلها من حضنه علشان يقوم يقتل الي بيزعق تحت بس وهو بيخرجها من حضنه فتحت عينيها وابتسمت

جاسر ابتسم بشوق : اي الصباح الي يجنن دا معقوله انا اصحي ع الجمال دا جنبي

جميله بابتسامه: ما الجمال دا كان جنبك من زمان

جاسر بحب وعشق وقربها اكتر لحضنه : ماانتي بتزيدي جمال كل يوم بتبقي احلي من الي قبليه

الزعيق علي اكتر وجميله قامت من حضنه وهي مستغربه
جميله : اي صوت الزعيق دا في اي مين الي بيزعق كدا

جاسر بضيق وهو يقوم من ع السرير :اكيد باباكي هو فيه غيره

جميله بهدوء وحب :وحياتي عندك بلاش خناق  بابا بيحبك بس هو متعصب عشان الي عملته

جاسر رجعلها ومسك ايديها بنعومه:وانا والله بعزه جداً وبعتبره ابويا  وبصراحه هو عنده حق انا لو عندي بنت زيك وحد لمسها اقتله

جميله :يبقي خلاص بقاا لم الموضوع

جاسر ابتسم ولمس ايديها وباسها :حاضر ي روحي

لبس هدومه ونزل وقرب منه
جاسر بجديه:خير ي سياده اللواء
اسر بعصبيه :جميله فين.  انت الي خطفتها صح
جاسر :لا مخطفتهاش.  انا رجعتها بيتها واظن دا حقي
اسر ضربه في صدره بقوه :حق مين ي ابو حق   جميله بنتي وانت هتطلقها بالذوق بالعافيه هتطلقها
جاسر كان بيحاول يتحكم في اعصابه لابعد حد :انا قولت لحضرتك مش هطلقها واظن بعد الي حصل بينا بردوا مينفعش اطلقها
اسر غار بشده ع بنته وقرب منه وحاول يضربه بالبوكس لكن لحقه جاسر ومسك ايديه بقوه :اهدي ي سياده اللواء ميصحش كدا
انا مغلطش جميله مراتي والي حصل طبيعي بين اي اتنين متجوزين
اسر :لا مش طبيعي انت خطفتها
جاسر :بس الي حصل كان بارداتنا احنا الاتنين
حضرتك ليه عايز تبعدنا عن بعض انا بحبها وهي بتحبني
اسربعصبيه:بس انت جرحتها
جاسر :وهي بردوا جرحتني بس مع ذلك سامحنا بعض
قبل ما يتكلم اسر سمع جميله وراه :عشان خاطري ي بابا سامحه هو كمان بقا
لفلها اسر واتنفس ب راحه انها بخير كان قلقان لما عرف انها اتخطفت وكان عنده احساس بنسبه ٩٠٪؜ ان جاسر هو الي خطفها قرب منها وخدها في حضنه وبصلها بعتاب :يعني ينفع الي عملتيه دا اول ما يبصلك نظره المكر بتاعته دي تحني ع طول
جميله بصت ل جاسروكتمت ضحكتها وهي شيفاه هيولع ورجعت بصت لاسر :ما هو بيحبني  سامحه بقاا المرادي عشان خاطري
اسر اتنهد :ماشي عشان خاطرك بس كفايه عليا اني شايف السعاده في عيونك. انا مش عايز غير اني اشوفك مبسوطه ي حبيبتي

بعد عنها وقرب ل جاسر :عارف لو سمعت انك جرحتها تاني وقتها هاخدها ومش هتشوفها عمرك كله

جاسر :انا وعدت حضرتك عمري ما هزعلها تاني    يعني صاف ي لبن
اسر ابتسم :حليب ي قشطه
حضنوا بعض وجميله كانت مبسوطه ان اقرب اتنين ع قلبها رجعوا واتصالحوا