رواية احببت عنادك... بقلمي/هاجر هشام الفصل المئة 103 - بقلم Hagar Hešhàm

اسر:انا همشي بقاا ي حبيبتي

جاسر باعتراض : تمشي فين ي سياده اللواء احنا لسه بنقول هتفطر معانا

اسر : مش هينفع انا لازم ارجع اسكندريه مشغول جدا انا جيت اطمن ع جميله قبل مااسافر

جميله بزعل : هتمشي ليه ي بابا انا مصدقت انك قعدت معايا الفتره دي

اسر بحنان : غصب عني ي حبيبتي انتي عارفه شغلنا وانا خلاص اطمنت عليكي

كمل وهو ينظر ل جاسر : خلي بالك منها ي جاسر

جاسر بصدق وحب وهو ينظر ل جميله : في عينيا ي سياده اللواء

اسر ابتسم بحنان واتاكد من صدق كلامه والحب الي باين في عينيه

اسر حضن جميله وباسها ومشي ورنا سلمت ع جميله وطلعت اوضتها
واتبقي جاسر وجميله
جاسر باشتياق وهو يحملها وهو طالع ع السلم ويغمزها : نقول كلاكيت ٢ مره
جميله ضحكت واتعلقت في رقبته: هههههههههه ٢ مره اي دي ٩ مره ي جاسر حرام عليك
جاسر بخبث :ههههههههه لا احنا النهارده يوم جديد يعني نبدا من الاول
جميله بضحك ودلع : هههههه انت جباااار والله انا كدا هموت منك
جاسر بغمزه وهو يدخل الاوضه : لا تموتي اي انا حبيبتي جبل
جميله بدلع : جبل اي بس ده انت عايز مجموعه جبااال عشان تتحملك
جاسر بيبوسها بحب ورقه : ي روحي ماانتي بردوا لازم تقدري حالتي انتي وحشاااني جداا ،
جميله بصتلوا واتنهدت : وانت وحشني اوووووي
جاسر بانهياار من انوثتها الي بتخليه يفقد عقله وصبره حتي هدوءه : طب طالما وحشك بقاا يبقي نقول كلاكيت ونعيد من اول وجديد

💖💖💖💖💖💖💖💖
في شركه حازم
يوسف في مكتبه بيتابع ملفات وشغل ،فجاه دخلت هاجر من غير ما تخبط وبعصبيه شديده وهو استغرب
هاجر بعصبيه وهي تقف قصادوا وهو قاعد ع كرسي المكتب : انا دلوقتي عايزه افهم انت اتجوزتني ليه
يوسف بسخريه: وهو كل اتنين بيتجوزوا ليه

هاجر بعصبيه: كل اتنين بيتجوزوا عشان بيحبوا بعض او يكونوا عيله واسره لكن انت بتعاملني ببرود وجفااء كل ما اطلب منك نخرج والمفروض دا حقي انت بترفض وبتقول مشغول ودلوقتي خلاص فرحنا قرب وانت مهانش عليك تسالني عملت اي ولاجبت الفستان ولا لا

يوسف : لاني مليش في الحوارات دي مش لازم ابقي طري واقولك كلام حلو واخرجك عشان اعجب سيادتك هي دي شخصيتي

هاجر بغضب : لو هي دي شخصيتك مكنتش اعترضت لكن انا حاسه ان فيه حاجه اكبر

يوسف بسخريه : ولا اكبر ولا اصغر مفيش حاجه وبعدين انا لو مش عايزك مكنتش اتجوزتك اصلا

هاجر : يمكن حد اجبرك

يوسف بعصبيه : لا فوقي انا محدش يقدر يجبرني ع حاجه

هاجر بغضب : امال ليه بتعاملني كدا

يوسف : لاني زي ما قولتلك هي دي شخصيتي ،عايزه تصدقي صدقي مش عايزه براحتك ودلوقتي اتفضلي عشان ورايا شغل

هاجر بنرفزه وعصبيه : طلقني

يوسف ببرود: يلا ي ماما روحي العبي بعيد انا مبطلقش ،انتي وافقتي من الاول محدش اجبرك ع حاجه وكان عندك حريه الاختيار

هاجر جواها : ايوا كان عندي حريه الاختيار ووافقت عشان حبيتك ي غبي حبيتك بس انا متاكده ان فيه حاجه وانا هعرفها

هاجر بغضب : ماشي ي يوسف
خرجت هاجر وهي متعصبه وتتوعد له

يوسف انب نفسه لانو فعلا هي ملهاش ذنب في حاجه هو الي اختار غلط بس غصب عنه مش قادر يثق فيهم تاني مش عايز يتجرح تاني وهو شايف ان كل البنات خاينين
💖💖💖💖💖💖💖💖
عند اياد كان مخنوق بسبب معامله رنا معاه وهو بيحاول كتير عشان يخليها تحبه لكن الحب مش بايديها دي حاجه مش بارداتنا احنا محدش يقدر يتحكم فيها
كان بيتمشي بالعربيه وهو مخنوق ولمح شباب بيضايقوا بنت نزل اياد من العربيه وراح ناحيتهم بغضب واتفاجئ ب كارما اتعصب اكتر وضرب اتنين منهم والباقيين خافوا وجريوا شد اياد كارما وراح ناحيه العربيه وركبها وركب هو كمان
اياد بغضب : انتي بتعملي اي هنا في المكان الهادي دا
كارما بدموع : مفيش
اياد اول ما شاف دموعها مستحملش وقلبه رق وملامحه لانت شويه ومسك ايديها بحنان وهدوء
اياد بهدوء : خلاص اهدي انا اسف اني زعقتلك
كارما مردتش واتكسفت لما مسك ايديها
اياد قرب منها ومسح دموعها : خلاص انا اسف
كارما كانت عامله زي الاطفال بخدودها الحمرا من الكسوف وعينيها الي كان لسه فيها اثار الدموع وروموشها الكثيفه والطويله
سرح اياد في جمالها وبدون وعي منو قرب من شفايفها وهو تايهه وهي بردوا سرحت في عينيه وبدون وعي قربت وباسها اياد برقه ونعومه وهو لسه تايهه
،بعد عنها وهو مصدوم ازاي قدر يعمل كدا ازاي قدر يبوسها ومقدرش يتحكم في نفسوا ،انب نفسوا جداا وحس انو خان رنا ،

كارما كانت بتعيط وهي مش قادره تصدق ازاي ضعفت بالشكل دا وسمحتلوا يبوسها بعد ما عهدت نفسها انها هتنساه وتنسي حبه ،ايوا حبته بس هو بيحب واحده تانيه

اياد بندم : كارما والله انا مش عارف انا بوستك ازاي انا اسف والله اسف

كارما بووجع وضعف : ممكن توصلني انا مش قادره اتكلم وعربيتي عطلانه

اياد بصلها بحزن وندم : حاضر
اتحرك اياد وهو كل شويه يبصلها وجواه ندم وحزن عليها

كارما كانت ساكته ودموعها نازله بصمت ع خدها وهي حاسه بوجع رهيب بينهش في قلبها وحاسه بكسره

وصلوا الفيلا وطلعت كارما من غير ولا كلمه واياد اتحرك وهو حاسس بندم كبيير وهو مش عارف ازاي باسها
💖💖💖💖💖💖💖💖💖
عند جوري و يزن كانوا في النادي
رغم ان المهمه خلصت بس جوري لسه في تمرين الملاكمه وهو دا المكان الوحيد الي بقاا ببجمعهم بعد ما كانو طول الوقت مع بعض
يزن قرر انو يعملها مفاجاه وطلع ع حلبه الملاكمه الي كانت واقفه فيها جوري بتتمرن مع الكابتن غمز يزن للكابتن وهو بعد وراح يزن ناحيتها وهي مستغربه وقعد ع ركبته وطلع خاتم الماس رقيق وقدام كل زمايلهم والكباتن
يزن بصلها بحب صادق ولهفه يسمع جوابها : تتجوزيني
جوري كانت مصدومه بس جواها سعاده ملهاش مثيل وهي شايفه قدامها اكتر انسان حبته في حياتها بيطلب ايديها كانت لحظه كل بنت بتتمناها
وهي دمعت بسعاده وبصت حواليها ع زمايلها ااي باصينلها بفرحه وبعضهم ينظر بغضب لكن يمثل الفرحه وبصت ل يزن وهزت راسها بعنف بمعني اه
يزن كان طاير من الفرحه وقام شالها ولف بيها وهو فرحان وهي اتمسكت فيه بقوه ونسيوا كل الي حواليهم مبقوش مركزين غير مع بعض وبس
كل الي في المكان صقف بحراره شديده الا بعض الحاقدين هنعرفهم بعدين

يزن بصوت عالي وشوق وهو بيلف بيها : بحبببببببببببك

جوري مكنتش قادره تصدق ان هيجي يوم وتحب او تلاقي حد يحبها كدا ،هي حبتوا فعلا بس كأي بنت عندها كبرياء لازم الشاب هو الي يعترف بحبه

يزن نزلها وهو بيتنفس بسرعه ودقات قلبه سريعه وضمها لحضنه وبهمس: بحبك ي جوري ،بحبك

جوري بهمس وحب : وانا كمان بحبك ،بحبك اوووي

يزن بعدها عن حضنه وبصلها بحب : احلي مهمه عرفتك فيها خطفتي قلبي من اول ما شوفتك بس كنت بحب اشاكسك عشان اشوف عيونك الي بتتحول لعيون القطط المتمرده

ابتسمت جوري وهي جوااها سعاده تكفي العالم كلوا
💖💖💖💖💖💖💖💖💖💖
عند جميله
كانت نايمه في حضن جاسر وهو بيلعب في شعرها وباصصلها بحب وحنين
جاسر وهو بيلعب في شعرها : انا فيه سؤال صح بيدور في راسي عايز اسالوا بقالي كتير
جميله ابتسمت: طب ما تسال
جاسر : انتي عرفتي مكان خطف اسيل والباقي ازاي
جميله :انا مكنتش اعرف ان كل دول اتخطفوا ،انا معرفش غير اسيل لاني لما اتخانقت معاك ونزلت كنت عارفه انك هدور علياا في كل مكان بروحه عشان كدا قولت اروح لاسيل واول ما وصلت شوفت عربيتين خارجين من الفيلا وشوفت اسيل في العربيه عشان كدا فضلت وراهم عشان اعرف هيروحوا لحد فين وساعتها ابلغ وادخل عشان الحقها ولقيتهم خدوا اسيل في طياره خاصه ركبت انا كمان معاهم ع الاساس مضيفه طيران لحد ما وصلوا ايطاليا وعرفت المكان وكان هو نفسوا الي اتخطفت فيه بنت الوزير ،فا كلمت ادهم وقولتلوا ع المكان وقولت ادخل يمكن اقدر الحقها لان ادهم هيتاخر

جاسر اتنهد وهو بيلمس بطنها مكان الكدمه الي كانت اختفت نوعا ما وباين منها بسيط بحنان : وعرضتي حياتك انتي للخطر واستحملتي كل التعذيب دا

جميله حطت اييدها ع ايدوا الي ع بطنها : هو كان بيراقبني اصلا وعارف اني كنت ماشيه وراهم يعني في الحالتين كان هيحصل كدا ،وكمان الفون بتاعي كان معاه وهو دا الي خلاه يعرف ان انا وادهم الي انقذنا البنت عشان كدا خطف اسيل

جاسر باستغراب : طب وخطف الباقي ليه

جميله : لان اروي وكارما احنا كنا بنحميهم من المافيا وطلعوا هما دول المافياا ،اما سلمي ف دا عشان اللواء سيف ساعدنا بردوا في القبض علي مساعد الوزير

جاسر وهو يوزع قبلاته برقه ونعومه في اماكن الكدمات : عارفه كان نفسي يكون عايش عشان اعذبوا بدل المره الف وبدل مااقتلوا مره اقتلوا عشره ع كل الم سببهولك

جميله وهي بتدوب مع كل لمسه منه وبصوت ضعيف اشبه للهمس: ماانت قتلتوا

جاسر وهو يقبلها من خدها برقه ويتحدث بغيره: كنتي عايزاني اعمل اي لما اعرف انو باسك دا انا لو اطول كنت قتلتوا الف مره
💖💖💖💖💖💖💖💖💖💖💖
في المستشفي
رجعت اسيل شغلها بعد ما بقت كويسه وبتاخد علاجها في وقته وادهم بيوصلها كل يوم وبيطمن عليها حتي وهو في الشغل
خلصت اسيل اخر كشف عندها واتنهدت بتعب وهي بتقعد ع الكرسي
ودخل ادهم في اللحظه دي
ادهم بابتسامه وهو يقعد ع الكرسي قصادها : حبيبي عامل اي انهارده
اسيل ابتسمت ونسيت تعبها اول ما شافتوا ،وهي مش قادره توصف احساسها ناحيته عمرها ما شافت حد في حنيته وحبه ليها

اسيل بابتسامه وحب : بقيت كويسه اول ما شوفتك نسيت تعب اليوم كلوا مجرد ما شوفت ابتسامتك بس

ادهم ابتسم اكتر وراح ناحيتها وهو يمسكها من ايديها بحب ويوقفها قصادوا : انا الي بنسي العالم كلوا مجرد مااشوفك ي حبيبتي

اكمل وهو يلمس بطنها : اخبار حبيبي اي

اسيل بابتسامه: بيسلم عليك

ادهم بحب : طب سلميلي عليه

اسيل بابتسامه: طب ما تسلم عليه انت

ادهم بابتسامه:ههههه طب دي اعملها ازاي

اسيل مسكت ايدو وحطتها ع بطنها : كدا

ادهم كان حاسس باحساس غريب وهو فرحان ان فيه حته منه بتكبر جواها كل يوم ونزلت منه دمعه سعاده

ادهم : هو انتي في الشهر الكام

اسيل بابتسامه ومسحت الدمعه الي نزلت منو برقه: في الرابع

ادهم بابتسامه وفرح جواه: يعني انا اقدر اشوفوا دلوقتي

اسيل بابتسامه:اه بس هتعرف تعمل الي اقولك عليه.

ادهم بابتسامه وسعاده انو هيشوفوا : اه

مسكتوا اسيل وراحت ع سرير الكشف ونامت وعرفتوا هيعمل اي بالظبط ورفعت التيشيرت وهو عمل كل الي قالتوا وباصص ع جهاز السونار عشان يشوف وهو جوااه سعاده رهيبه واحساس من نوع مختلف اول مره يحسوا في حياتوا
💖💖💖💖💖💖💖💖💖💖
عند حمزه
دخل الفيلا ولمح ناديه واقفه عند البيسين وسرحانه وكانت لابسه فستان محتشم وحجاب ،ابتسم بحب وهو عارف انها لابسه كدا عشان الحراسه ،طلب حمزه من الحراسه يبعدوا عن الجنينه نهائي ويفضلوا عند البوابه وراح هو ناحيتها ووقف جنبها
حمزه باستعباط: انتي لابسه كدا ليه انتي خارجه ولا حاجه
ناديه بخجل : لا مش خارجه بس عشان الحراسه مينفعش
حمزه وهو ينظر حواليه ويمثل الاستغراب : هي فين الحراسه دي
ناديه بصت حواليها وملقتش حد فعلا ،وحمزه استغل استغرابها قلع التيشيرت وشالها بين زراعيه بمرح وشهقت ناديه بخوف : انت هتعمل اي ي حمزه
حمزه بحنان وفك حجابها واتفرد شعرها الطويل وتحدث بخبث وهو يغمزها : هكمل درس السباحه ي روحي
ناديه بخجل : حمزه مش هينفع هنا
حمزه بضحك: ليه مش هينفع هنا
ناديه بخجل : احنا مش لوحدنا
حمزه بابتسامه وهو ينظر حواليه : بالعكس احنا لوحدنا مفيش مخلوق يقدر يشوفك او يجي هنا من غير اذني يعني براحتنا ي روحي

ناديه ملحقتش تتكلم نط حمزه وهو يحملها في البيسين وهي اتعلقت فيه وهي خايفه
وهو قرب من شفايفها وباسها برقه ونعومه وهي دابت معاه ،استغل حمزه توهانها معاه ورفع الفستان وهي شهقت بخجل لكن بلع شهقتها بين شفايفه ببوسه رقيقه وضمها لحضنه وهي غمضت عيينها وتاهت معاه وهو غمض عينيه ونزل تحت المايه وهو لسه بيبوسها

بعد وقت كبيييييير
طلع حمزه وهو شايل ناديه وهي مكسوفه ومتمسكه فيه ،طلعوا اوضتهم ودخلت ناديه خدت شاور وخرجت

ودخل حمزه خد شاور ولبس

وخرج
كانت ناديه حضرت العشاء وحطتوا ع التربيزه وقعدوا كلوا
حمزه :عرفتي ان الدراسه هتبدا الاسبوع الجاي
ناديه باستغراب : طب وانا مالي
حمزه بابتسامه:هههه مالك ازاي ماانتي في الجامعه ي روحي
ناديه باستغراب: جامعه اي انا مش فاهمه حاجه
حمزه ساب الاكل وشالها قعدها ع رجله بحنان: انا هفهمك ،بصي ي ستي الموضوع وما فيه اني قدمتلك في الجامعه كليه اعلام زي ما كان نفسك

ناديه كانت مصدومه ودمعت من الفرحه وهي مش قادره تصدق :انت بتتكلم بجد

حمزه بابتسامه وحب : اه ي روحي بتكلم بجد

ناديه حضنتوا بقوه وفرح وسعاده وهي جواها مزيج من كل انواع السعاده الي في العالم سعاده تكفي العالم كلوا ،اخيراا هتحقق حلمها وهتبقي صحفيه زي مااتمنت ،اخيرا هتكمل تعليمها

حمزه ابتسم ع سعادتها وفرحتها الي بترقص في عينيها وضمها هو كمان لحضنه وهو فرحان ع فرحتها .
💖💖💖💖💖💖💖💖💖💖💖
في فيلا حازم
كانوا متجمعين كلهم ع السفره بيتعشوا
جوري : احم بابا كنت عايزه اقول لحضرتك ع حاجه
حازم : قولي ي حبيبتي
كلهم بصولها مستنين يسمعوها
جوري : انا جايلي عريس
مي بفرحه: بجد
جوري : اه
حازم : يزن مش كدا
جوري باستغراب : اه هو حضرتك عرفت ازاي
يوسف بغمزه: اصل انتوا كنتوا مكشوفين اووي بصراحه
حازم : ههههههههه بس ي زفت
جوري بخجل : احم رايك اي ي بابا
حازم بابتسامه: الراي رائيك ي حبيبتي
جوري : بس لازم موافقتك ي بابا
حازم بحنان : انا ميهمنيش غير اني اشوفك سعيده ولو سعادتك معاه انا موافق
جوري بتلقائيه وتسرع: يعني يجي بكره
يوسف انفجر من الضحك:هههههههههههههه ي بت اتقلي شويه يخربيتك مش كدا

استدرجت جوري نفسها واتكسفت وبصت في الارض

حازم بابتسامه وحنان : خليه يجي ي حبيبتي
قامت جوري باست باباها : ربنا يخليك لينا ي حبيبي
حازم بحنان : ويخليكوا لياا ي حبيبتي
اكمل وهو ينظر ل يوسف : عقبال الي في بالي
يوسف : مانا اتجوزت اهو هعمل اي تاني
حازم بسخريه: وانت مسمي دا جواز طب بذمتك انت عارف حاجه عن مراتك دلوقتي دا كتب كتاب بالاسم بس ،انت ولا خرجتها مره ولا كلمتها ولا بتسال عليها حتي
يوسف : بابا انا وافقت ع الجواز عشان ارضيكوا لكن اكتر من كدا مش هقدر انت عارف
حازم بغضب: لا مش عارف ، انت ضعيف بسبب واحده متسواش خليت كل البنات في نظرك كدا رغم ان اختك من ضمن البنات ومش كدا

يوسف بغضب: عشان اختي عارفها ومربيها لكن دي انا معرفهاش

حازم بغضب: انت اديت نفسك فرصه تعرفها اصلا عشان تقول كدا

يوسف اتعصب هو فعلا مداش نفسوا فرصه يعرفها او يتكلم معاها ،من ساعه ما كتبوا الكتاب وهو مخرجهاش ولا اتكلموا مع بعض

يوسف معرفش يرد وقام من ع السفره بغضب وطلع اوضته

مي ل حازم : مكنش ينفع تقسي عليه كدا
حازم بغضب : لا لازم. لازم يفوق بقاا شويه ويبطل دور الاستسلام دا لازم يشوف حرام البنت الي واخدها بذنب واحده زباله متسواش وبيعاملها ببرود وجفا او تقريبا مبيعاملهاش اصلا

جوري : بس هو غصب عنو ي بابا هو اتجرح ومبقاش عندو ثقه فيهم

حازم : مينفعش ي جوري صوابعك مش زي بعضها لازم يعرف يفرق بين الحلو والوحش مش عشان اول تجربه غلط يبقي كل التجارب غلط

💖💖💖💖💖💖💖💖💖💖💖💖💖
تاني يوم الصبح صحي جاسر وبص ل جميله الي نايمه جنبوا بعمق وابتسم لانو مستغربش انها نايمه لحد دلوقتي ، باسها ع خدها برقه وقام دخل الحمام خد شاور ولبس

وخرج كانت بردوا لسه مصحيتش راح ناحيتها بهدوء وقعد جنبها ع السرير
جاسر وهو يمرر يده بحنان ع خدها : جوجو

مفيش رد
جاسر ابتسم وهو بيحاول يكتم ضحكته عليها : حبيبتي اصحي
جميله بنوم : اممممممممم
جاسر وهو ينظر ل ساعته ورجع بصلها وقرب من اذنها وبهمس : حبيبتي الساعه ١
ملحقش جاسر يكمل جملته لان جميله اتنفضت من ع السرير
جميله بصدمه: كام
يخربيتك وسبتني انام كل دا حرام عليك ي جاسر دا انا هتنفخ

جاسر انفجر من الضحك :هههههههههههههههه في اي ي جميله فزعتيني في حد يقوم كدا

جميله بغيظ وهي تضربه ع صدره : ما كلوا بسببك

جاسر بضحك : ههههههههههه ليه هو انا اغتصبتك ئ هبله ما كلوا بمزاجك

جميله بصتلوا بغيظ وقامت دخلت الحمام خدت شاور ولبست

وخرجت كان جاسر مشي هو ورنا راحوا الشركه
ونزلت جميله ركبت عربيتها واتحركت بسرعه و
بعد وقت وصلت وراحت صاله التدريب كان ادهم بيدرب الشباب الجديد وكان المفروض جميله هتدرب اتنين وادهم اتنين ربطت جميله شعرها وعقدته ديل حصان وراحت لشباب
بس الشباب خافوا ان جميله تدربهم بعد الي عملوا جاسر ،لكن اضطروا بسبب ان دا كان امر وكانوا بيتعاملوا مع جميله بحذر وبيحاولوا ميقربوش بيتفادو االضرب بس والتدريب بينفذوا وادهم خد بالو وكان كاتم ضحكته بالعافيه وراسم الجديه عشان الشباب

بعد وقت خلص التدريب وادهم وجميله طلعوا مكتبهم و اول ما دخلوا ادهم انفجر من الضحك
ادهم :هههههههههههههه لا بجد حتي في عدم وجود جاسر الشباب خايفين
جميله باستغراب : مش فاهمه
ادهم بضحك: انتي مشوفتيش الشباب كانوا خايفين يقربوا منك بسبب الي عملوا جاسر فيهم
جميله : لا بجد عشان كدا بقول هما ليه كانوا رافضين في الاول اني ادربهم
ادهم بضحك: ايوا ي اختي جوزك مسيطر رغم انو مش ظابط
في اللحظه دي رن هاتف جميله وكان جاسر
جميله: ههههههههههه اهو بيرن
ادهم :ههههههههههههه
ردت جميله وكانت بتضحك وادهم بردوا بيضحك وجاسر استغرب
جاسر باستغراب : اي دا في اي مالك بتضحكي ع اي
جميله وهي تكتم ضحكتها :هههههه لا مفيش دا موضوع كدا هبقاا اقولك بعدين
جاسر : ماشي المهم عامله اي فيه اي حاجه حصلت بسبب تاخيرك النهارده
جميله بابتسامه: لا الحمدلله محصلش حاجه
جاسر بابتسامه: الحمدلله ،طيب انا كنت بطمن عليكي ،اسيبك بقاا تكملي شغل
جميله بابتسامه: ماشي سلام
جاسر بابتسامه: سلام

💖💖💖💖💖💖💖💖💖
عند يزن في النادي كان مستني جوري
وهو قاعد في كافيتريا النادي جت بنت قعدت قصادوا
يزن بزهق : خير ي يمني
يمني بدلع : خير طبعا ي حبيبي انا كنت جايه اباركلك بس
يزن بلامبالاه: الله يبارك فيكي
يمني بخبث : طب مش تعرف بباركلك ع اي
يزن : اكيد ع خطوبتي انا وجوري
يمني بدلع: لا ي حبيبي انا بباركلك ع المقلب الي خدتوا
يزن باستغراب : مقلب اي
يمني بخبث وهي تعطيه الفون : خد شوف بنفسك جوري حبيبتك وهي بتتراهن عليك انها هتقدر توقعك في حبها
يزن مسك الفون منها وشاف الفيديو وجوري بتتكلم مع يمني و اعترافها انها اتراهنت عليه
يزن وهو يرمي الفون ع التربيزه : انتي فاكره الهبل دا هيدخل دماغي ،انسي ي يمني مهما عملتي مش هتقدري توقعي بينا انا واثق في جوري ودا فيديو متفبرك منك

يمني بسخربه : وعرفت منين انو متفبرك بقاا

يزن بثقه : لان ببساطه جوري عينيها بتتغير للون رمادي لما بتتعصب وهنا في الفيديو جوري كانت متعصبه لكن متغيرش لون عينيها

يمني بغيظ بسبب خطتها الي باظت انها توقع بينهم : ماشي ي. يزن هيجي اليوم الي تعرف انها بتخدعك وتتاكد كمان وساعتها هتندم

يزن بزهق : ان شاء الله يلا اتفضلي بقاا
خدت يمني الفون و مشيت وهي بصالوا بغيظ وغضب وشافت جوري وهي جايه وبصتلها بغضب ومشيت وجوري استغربت وراحت قعدت ع التربيزه
جوري باستغراب : هو في اي يمني ماشيه متعصبه كدا ليه
يزن بالامبالاه: متاخديش في بالك اكمل بابتسامه المهم انتي عامله اي
جوري بابتسامه: الحمدلله وانت اخبارك اي
يزن بابتسامه: الحمدلله ، احم قولتي لباباكي ع موضوعنا واني عايز اتقدملك
جوري : ايوا قولتلوا وهو وافق ومستنيك بكره
يزن بسعاده: دا هيلاقيني من النجمه عندو
جوري : ههههههههههه انت مستعجل بقاا
يزن بشوق : جداااا مستعجل جدااا
جوري : ع العموم بكره مش بعيد
يزن بابتسامه: طب مش يلا عندنا تمرين دلوقتي
جوري بابتسامه: يلا
راحوا المكان المخصص للملاكمه وبدات المنافسه
كان يزن قصاد شهاب
طلعوا الاتنين الحلبه وبداوا
بعد وقت انتهت المنافسه بفوز يزن ،سلم ع شهاب ونزلوا الاتنين
شهاب : ابقي خف ايدك شويه ي زفت كنت هتفقع عيني
يزن :هههههههه ماشي ي بوب
،
جيه دور جوري قصاد مهدي
وبدات المنافسه ومهدي كان بيستغل المنافسه وان جوري بتوجه ضربات ليه لكن هو بيتفادها وهو بيلف ايديها ورا ضهرها ويقربها منه
ويزن كان بيغلي من الغيره وقربت منه يمني بخبث وبهمس : هههههه شوفت حبيبه القلب بتعمل اي وقدام الكل عادي
يزن وهو يكتم غيرته: دي منافسه وهي مش بتعمل حاجه غلط
يمني :هههههه مش بتعمل حاجه غلط. ومنافسه. امممم شكلك مش شايف كويس .مش شايف مهدي مقربها من حضنه ازاي وهي مبسوطه

يزن بغضب وهو يمسك ايديها بقوه : لمي نفسك ي يمني والا قسما بالله ما هرحمك ،ومتحاوليش توقعي بينا لاني زي ما قولتلك انا بثق فيها فا لمي الدور وبطلي الشغل بتاعك دا لانو مبياكلش معايا

زقها يزن بقوه وهي بصتلوا بغضب ووعيد
خلصت المنافسه لكن جوري ضربت مهدي بالبوكس بعنف والكل اتصدم ويزن ابتسم بتشفي ع مهدي وبحب ل جوري الي قدرت تاخد حقها زي ما عودته
وهي قربت من مهدي وبهمس : عشان بعد كدا كل ما تفكر تستغل الفرص تفتكر البوكس دا
💖💖💖💖💖💖💖💖💖💖
خلص اليوم ورجعت جميله الفيلا
وطلعت اوضتها خدت شاور ولبست

وجاسر ورنا بردوا رجعوا وطلعت رنا خدت شاور وغيرت
وجاسر طلع اوضته
جميله بابتسامه: حمد لله ع السلامه ي حبيبي
جاسر بابتسامه وهو يحضنها من خصرها: الله يسلمك ي حبيبتي
جميله بابتسامه: يلا ادخل خد شاور ع مااحضر العشاء واشوف رنا
جاسر بابتسامه: ماشي ي حبيبتي
خرجت جميله راحت ل رنا وجاسر دخل خد شاور ولبس

ونزل كانت جميله ورنا حضروا العشاء واتجمعوا الثلاثه ع السفره
رنا بتردد: جاسر كنت عايزه اقولك حاجه
جاسر وهو ينظر لها : قولي ي حبيبتي
رنا بتردد: انا عايزه افسخ خطوبتي مع اياد
جاسر وجميله بصوا لبعض باستغراب وبصوا ل رنا
جاسر باستغراب : ليه ي حبيبتي هو زعلك في حاجه
رنا : لا مزعلنيش بس انا مش مرتاحه بصراحه حاولت كتير اديلوا فرصه يمكن احبوا لكن مش قادره الحب مش بايدي
جاسر بحنان: فعلا الحب مش بايد حد ،يعني دا اخر كلام عندك
رنا : اه وانا عملت استخاره كتير وبردوا مش مرتاحه
جاسر بحنان: خلاص ي حبيبتي الي انتي عايزاه انا مش هضغط عليكي
رنا : يعني مش هترجعني الصعيد تاني
جاسر باستغراب : وارجعك ليه الصعب اي الي دخل دا في دا انا جبتك هنا عشان متبقيش لوحدك وتشتغلي معاياا يعني ملهوش دعوه بخطوبتك
رنا بسعاده وقامت باسته : انت احسن اخ في الدنيا ربنا يخليك لينا ي حبيبي
جاسر بحنان: ويخليكي لياا ي حبيبتي
جميله بمزاح : ويخليكوا ليااا
جاسر ورنا ضحكوا وكملوا عشاء وهما بيضحكوا ويهزروا كلهم مع بعض
خلصوا عشاء وطلعت رنا اوضتها وجاسر وجميله اوضتهم
💖💖💖💖💖💖💖💖

تمام انا هكمل الروايه بس اتمني محدش يزهق منها واعذروني مش هقدر انزل بكره لاني رايحه الجامعه بس باذن الله هعوضكوا