رواية احببت عنادك... بقلمي/هاجر هشام الفصل المئة 105 - بقلم Hagar Hešhàm

عند جاسر لا حد حط ايدو ع كتفه بص وراه لقاه باباه قام جاسر وحضنوا بشوق
جاسر : وحشتني اوووي ي بابا
العمده وهو يربت ع ضهره بحنان : وانت كمان وحشتني ي جاسر
بعد جاسر عن حضن باباه وعينيه كانت بتسال مليون سؤال ،واول سؤال عايز يعرفوا هو عرف ولا لا
والعمده عرف من نظره عينيه هو عايز يقول اي
العمده بوقار : انا عارف انت عايز تسال تقول اي ،انا عرفت فعلا الي هي عملتوا بس صدقني لو كنت اعرف من الاول كنت قولتلك وكنت قتلتها ع كل اذي اتسببت فيه ليك بس انا سمعتها وهي بتقولك وسمعت كل اعترافها

جاسر : طب ليه ي بابا لييه بتعمل معاياا كدا انا مأذيتهاش في حاجه كل الي كانت بتطلبه كنت بعملهولها ،عمري مااذيتها ليه هي عايزه تحرمني من اني اكون اب ،من اكتر انسانه حبتها في حياتي

العمده برزانه : الطمع ي بني عمااها خلاها مش شايفه قدامها غير انها تاخد وبس ،عايزه كل حاجه ، هي اكيد كانت خايفه انك تخلف وابنك يورث هي كانت عايزه تقتلك عشان ميبقاش ليك وريث

جاسر بعصبيه شديده: انا مكنتش عايز حاجه غير اني اكون اب واعيش حياه هاديه انا ومراتي وابني او بنتي ،مش عايز الفلوس الي هي طمعانه فيها

العمده بوقار : متقولش كدا ي بني دا حقك وتعبك الي اشتغلت سنين وجبتوا من شغلك وانت الي كبرت شركتك وانت الي عملت كل دا يعني دا حقك انت مش حق حد تاني ،وبعدين انت تقدر تبقي اب ،تقدر تمنع الي بتحطلها الحبوب في العصير وترجع لحياتك انت ومراتك وتخلف

جاسر بوعيد وغضب : شوق اقسم بالله ما هرحمها ،هخليها تتمني الموت ومتطلهوش

العمده بوقار : بلاش تبقي قاسي ي بني هي كانت مجرد خدامه وعبدالمأمور

جاسر بعصبيه: دي كانت شغاله عندي انا مش عندها هي ،لكن هي عضت الايد الي اتمدتلها وانا بقاا مش هرحمها ورحمه امي ما هسيبها

العمده اتنهد بقله حيله : طيب خلاص اهدي تعالي معايا البيت واطلع خد دوش وارتاح انت جاي من سفر وتعبان

جاسر اتنهد بتعب : انا فعلا محتاج ارتاح حاسس اني مخنوق اوووي ،مش عارف اواجهه جميله ازاي وانا السبب اني حرمتها من انها تكون ام ،انا الي اصريت اني اخرج مرات ابوياا من الحبس

العمده : انت فعلا غلطت ي جاسر بس خلاص مفيش وقت لندم الي حصل حصل وهي خدت جزائها

جاسر : عندك حق ي بابا الي حصل حصل
💖💖💖💖💖💖💖💖
في فيلا جاسر وجميله
روحت جميله البيت وهي طايره من الفرحه وشافتها شوق
شوق وهي رايحة ناحيتها : اعملك نسكافيه ي هانم
جميله بابتسامه: لا شكرا ي شوق انا محتاجه انام ،هي رنا جت
شوق : لا ست رنا مجتش لحد دلوقتي
جميله بتفكير : يبقي اكيد سافرت هي كمان ، طيب خلاص ي شوق تقدري تروحي انتي
شوق : ماشي ي هانم
طلعت جميله اوضتها خدت شاور ولبست

ووخرجت رنت ع جاسر
لكن مش بيرد ،استغربت ورنت تاني ورد
جميله باستغراب : انت مردتش من الاول ليه
جاسر : مسمعتوش كنت في الحمام
جميله : طيب انت عامل اي
جاسر : كويس
جميله :انت ليه مقولتليش انك مسافر
جاسر : جت بسرعه ملحقتش اقول ،ابوياا كان عايزني وكمان مرات ابوياا تعبانه
جميله وهي تقعد ع السرير : طب وهي عامله اي دلوقتي
جاسر بضيق: لسه تعبانه
جميله باستغراب : مالك ي جاسر صوتك مالوا هو في حاجه
جاسر : لا مفيش هو بس تعبان عشان المشوار والسفر
جميله بابتسامه وحنان: طب خلاص ي حبيبي روح ارتاح بس انت كدا هتيجي امتي
جاسر : انا جاي بكره
جميله : ورنا هتيجي معاك
جاسر : لا رنا عايزه تفضل مع مامتها لحد ما تخف
جميله : طيب ي حبيبي روح انت ارتاح
جاسر : ماشي تصبحي ع خير
جميله بابتسامه : وانت من اهله
قفلت جميله مع جاسر
جاسر مكنش قادر يكلمها كان مخنوق وحاسس بالذنب مش قادر يقولها انو السبب انها متخلفش لحد دلوقتي ،هو الي سمع لنار انها تقرب منهم وهو الي دخل شوق البيت وشغلها وهو الي خرج مرات ابوه من السجن

عند جميله نامت ع السرير وهي مبتسمه ومبسوطه وماسكه بطنها وبصالها بسعاده
جميله بابتسامه وهي تنظر لبطنها : تعرف كنت عايزه اقولوا اني حامل بس عايزه اشوف رد فعله ،عايزه اقوله وهو قصادي و عيني في عينه بجد احساس الامومه دي حاجه متتوصفش ،مش قادره اصدق ان فيه جوايا بيبي بيكبر كل يوم وكمان من اكتر واول واحد حبيته في حياتي

جميله اتنهدت بفرحه وهي بتتخيل رد فعل جاسر وفرحته انو هيكون اب ،كان نفسها تسافر وتقوله هناك عايزه تجري عليه وتفرحه وهي مش قادره تستني

💖💖💖💖💖💖💖💖
في فيلا ادهم واسيل كانوا قاعدين بيتفرجوا ع TV واسيل في حضن ادهم وهو حاطط ايدو ع بطنها
وفجاه سمعوا الجرس بيرن قامت اسيل من حضنه وهي مستغربه
اسيل باستغراب : اي دا مين الي جاي دلوقتي
ادهم باستغراب قام وقف : مش عارف اكمل وهو يحدث اسيل : اطلعي فوق انتي وانا هفتح
اسيل : طب شوف مين الاول
ادهم بأمر : هشوف مين بس اطلعي افرضي حد غريب يشوفك كدا ازاي يعني
اسيل : حاضر خلاص هطلع
طلعت اسيل فوق وراح ادهم فتح الباب بعد مااتاكد انها طلعت وكانت مايا وعدي
ماياا بابتسامه وجريت ع اخوها وحضنتوا : حبيبي وحشتني اووووووي
ادهم فرح وحضنها وهو مبسوط : وانتي كمان ي حبيبتي وحشتيني اوووي
بعده مايا عن حضنه وتحدثت بثقه وهي تضع يدها حوالين خصرها : عارفه اني وحشتك عشان كدا قولت ارأف بحالتك واجي اشوفك

ادهم بضحك:ههههههههههه لا ي شيخه طب ادخلي ي هبله

سلم ادهم ع عدي وحضنوا بعض
مايااا وهي تنظر جوا الفيلا : امال فين سوسو مش شيفاها ليه ،اكملت بغمزه انت نيمتها بدري ولا اي

ادهم ل عدي بمزاح : اي ي عدي ما تشوف مراتك
عدي :ههههههههههه هي دلوقتي مراتي مش كانت اختك من شويه
ادهم : ههههههههههه بقاا كدا ماشي بس متزعلش لما اخدها تنام في حضني النهارده عقابا ليك
مايا وهي تحضنوا : متقلقش ي حبيبي انا هنام فعلا
عدي شدها لحضنه بغيره : تنامي فين ي زفته انتي ،انا جبتك هنا عشان اخوكي لكن هتنامي في حضني انا مش حضن حد تاني
مايا اتكسفت وسكتت وهي باصه في الارض
ادهم بضحك وهو يقرصها من وجنتيها بخفه:ههههههه بتكسفي ي بيضه
عدي : بس ي بابا سيب مراتي
ادهم بابتسامه: ماشي ي اخوياا رغم ان المفروض انت الي تسيبهالي هي معاك بقالها كتير
عدي بابتسامه: مانا سايبهالك بس عند الحضن مفيش غيري تنام في حضنه
مايا بخجل وهي باصه في الارض : ع فكره انتوا قلاله الادب وانا مش هقعد معاكوا انا طالعه ل اسيل
طلعت مايا وهي مكسوفه والاتنين بيضحكوا عليها
عدي وهو يضربه ع كتفه بخفه : عجبك كدا كسفت البت
ادهم بسخريه: دا انا ، انا الي قولت مفيش غيري تنام في حضني

عدي : هههههههههه طب خلاص ،تفتكر هتسامحني وتخليني انام جنبها ولا هنام في الحمام

ادهم انفجر من الضحك:ههههههههههه هو انت لما بتكون زعلانين بتنام في الحمام

عدي : لا طبعا انت بتهزر

ادهم بابتسامه: ايوا كدا خليك مسيطر

عدي بمزاح: لا مش حكايه سيطره انا ساعات بنام ع الكنبه مش .دايما في الحمام

ادهم وهو يمسك فاظه صغيره جدا جنبوا : هو انا لو رميت دي عليك هيحصل حاجه

عدي بمزاح : لا خالص هتعور بس
ادهم وهو يستعد لمريها عليه :طب دي حاجه بسيطه
جري عدي وادهم وراه وهو بيحاول يمسكوا
بعد وقت قعدت ع الكنبه وهما بياخدوا نفسهم من الجري
ادهم وهو بياخد نفسه وبينهج من الجري : هو اسيل ومايا مش سامعين صوتهم ليه

عدي وهو بياخد نفسه: تلاقيهم ناموا

ادهم وهو يقف : طب انا هطلع اشوفهم
عدي : ماشي
طلع ادهم ودخل اوضته لقاا اسيل ومايا نايمين وهما حاضنين بعض ابتسم وراح ناحيتهم غطاهم وباس كل واحده ع جبينها بحنان وخرج وقفل الباب ونزل ل عدي
ادهم وهو رايح ناحبته : هههههههههه شكلك كدا هتنام لوحدك فعلا وانا معاك
عدي باستغراب : ناموا ولا اي
ادهم : اه ناموا الاتنين جنب بعض يعني ولا انت هتنام في حضن مراتك ولا انا هنام في حضن مراتي
عدي :ههههههههههه طب انا ممكن اخد مايا عشان تنام جنب مراتك براحتك
ادهم : لا خليهم جنب بعض عادي بلاش تقلقها وبعدين عندك كذا اوضه اختار الي تعجبك ونام فيها وانا هنام في اي اوضه
عدي : ماشي معلش ي ادهم جينا لخبطنالك الدنيا ونيمناك بعيد عن مراتك
ادهم : انت لو قلت كدا تاني انا هزعل منك وهخليك تنام بعيد عن مايا اسبوع مش يوم ماشي ،البيت دا بيتك زي ما هو بيت مايا وبيتي ماشي يعني براحتك
عدي بابتسامه: لا خلاص مش هقول كدا تاني ،شكرا ي صاحبي
💖💖💖💖💖💖💖💖
في النادي عند جوري
الكابتن : هتعرفي دلوقتي ،الفريق وصل خلاص وانا دلوقتي هقول مين قصاد مين
جوري : ماشي ي كابتن
راح الكابتن ناحبه حلبه الملاكمه وطلع عليها
ويزن راح ناحبه جوري
يزن باستغراب : هو في اي
جوري بحيره: مش عارفه هو مقالش غير شدي حيلك كأني هموت
يزن بسرعه: بعد الشر متقوليش كدا ،هو اكيد يعني بيقولها عشان خايف عليكي او اي حاجه
جوري رفعت كتافها بلامبالاه: ممكن
يزن :طب ادخلي انتي اجهزي وانا بردوا هدخل ،،،الفريق التاني وصل
جوري : ماشي
راحت جوري تجهز ويزن بردوا
وبعد وقت كان الكل متجمع فريق من ناحيه وفريق الوحوش(فريق النادي التاني ) من الناحيه التانيه
الكابتن بصوت عالي : دلوقتي هقول مين قصاد مين
مهدي &عمار
هاني&سيد
عبير&سالم
يزن&حسن
اكمل وهو ينظر ل جوري بشفقه ويزن وجوري استغربوا
جوري &صداام
الكل اتصدم وبصوا ل جوري الي كانت مستغربه ومش فاهمه حاجه
راح يزن ناحيه الكابتن بغضب
يزن بغضب : ازاي حضرتك صدام يبقي قصاد جوري هو حضرتك مش عارف صدام
الكابتن بقله حيله: لا عارفوا بس مش انا الي مختار اللجنه هي الي مختاره الاسامي وممنوع التغير او الانسحاب ولو حاولت تنسحب هيبقي انسحبت من النادي كلوا ،هي دي الشروط
يزن بعصبيه : مش مهم تنسحب لكن مش هتبقي قصاد صدام ،حضرتك عارف صدام ودي بنت مينفعش

سمع يزن صوت من وراه وكان صدام
صدام بخبث : اي ي يزن انت خايف عليها ولا اي ،متقلقش مش هاكلها ولا حاجه دي منافسه عادي يعني
يزن لفلوا بعصبيه: انا مبخافش وهي مش هتبقي قصادك وهتنسحب
صدام بالامبالاه: ما تنسحب انت شايفني مثلا هموت عليها ولا نفسي تبقي قصادي ،هي الاحسن فعلا تنسحب لانها مش قدي دي في الاول وفي الاخر بنت يعني مش هتستحمل

جوري : مين قال اني هنسحب ،انا مش هنسحب من حاجه وهكمل ،اكملت وهي تحدث صدام باستفزاز بس لو انت عايز تنسحب انا معنديش مانع ،هو اصلا شكلك مش قدي ومش هتقدر تعمل حاجه

صدام اتعصب وبدات عروقه تبرز من الغضب :انا هوريكي الي مش قدك دا هيعمل اي ي قطه بس متزعليش في الاخر

جوري ببرود: اتمني انت الي متزعلش
الكابتن : يعني انتي مش هتنسحبي ي جوري
جوري : لا مش هنسحب
يزن بعصبيه: يعني اي مش هتنسحبي ،انتي واعيه للي بتقوليه
جوري بتصميم: ايوا واعيه وشايفه ومش هنسحب
يزن بغضب : جوري مش وقت عند ،انتي مش هتقدري عليه
جوري : ليه يعني مش هقدر مانا قدرت ع مهدي مش هقدر ع دا
الكابتن: مهدي مش نفس قوته هو يبان جسمه اقل من مهدي لكن قوته كبيره
جوري : وانا ميهمنيش انا مش هنسحب ودا اخر كلام عندي
يزن بغضب : ماشي ي جوري ،انتي حره
نزل يزن من حلبه الملاكمه وهو متعصب وكل واحد رجع مكانه وضرب الحكم الجرس وبدات المنافسه
ببن مهدي &عمار
وانتهت بفوز عمار
وبدا هاني &سيد وانتهت بفوز هاني
والنتيجه تعادل بين الفريقين
وبدات عبير & سالم وانتهت بفوز سالم
ويزن & حسن
وكان يزن بيضرب بغل وعنف وهو متعصب
وانتهت بفوز يزن لكن هو كان مستمر في الضرب والكابتن راح ناحيته وشده وبعدوا عنو
الكابتن بغضب: اي الي انت عملتوا دا ،دي منافسه مش خناقه
يزن بضيق : معلش ي كابتن انا بس متعصب شويه
الكابتن : ماشي بس خليك بعيد لاني عارفك هتتهور ودلوقتي منافسه جوري وصدام فا خليك راكز هي الي اختارت تكمل المنافسه ومحدش يقدر يمنعها وع فكره جوري بردوا قويه يعني متخافش
يزن اتنهد : ماشي ي كابتن
مشي الكابتن وراحت جوري ناحيته
جوري باستغراب : انت ليه ضربتوا بعنف كدا
يزن بغضب: ملكيش دعوه دي حاجه متخصكيش ،مش انتي بتعندي و عايزه تكملي خلاص روحي. وملكيش دعوه بياا
جوري بغضب :ايوا هكمل ومش هنسحب ،انا مش ضعيفه عشان انسحب
يزن بحده وهو يشاور ع حلبه الملاكمه : وانا مقولتلكيش انسحبي ،اتفضلي يلا عشان المنافسه هتبدا
جوري بغضب : ماشي ي يزن
راحت جوري ع حلبه الملاكمه وصدام كان باصصلها بغضب وخبث ووعيد وقرب منها وبصوت واطي
صدام : جاهزه للخساره او الموت
جوري بتحدي : الخساره دي ليك انت ،خليك جاهز ليها لانك هتخسر ع ايدي
صدام ضحك بقوه واستهزاء:ههههههههههه اخسر ع ايدك انتي تبقي بتحلمي
جوري ببرود وتحدي: هنشوف
بدات المنافسه بينهم وكانت قويه جدا و عشان مرونه واللياقه البدنيه الي عند جوري كانت بتقدر تتفادا الضرب بشكل كبير وتضربوا هو ،وهو بردوا كان بيقدر يتفادا الضرب لكن مش في نفس سرعه جوري وكانت تقريبا مصارعه مش ملاكمه كان بينهم تحدي كبير وغضب بين الطرفين والكل مركز ومنتبه ليهم وهما مستنين يشوفوا مين الي هيكسب ويزن باصص ل جوري وهو قلقان هو غصب عنو اتعصب عليها عشان خوفه وقلقه عليها ،وبسبب عنادها
جوري كانت بتضرب في جسموا كلوا بضربات متتاليه وسريعه وخدت بالها من جرح في كتفه واستغلت دا وضربتوا بقوه فيه وهو صرخ من الالم وبصلها بغل وغضب وضربها في بطنها بقوه وهي نزفت من بوقها ويزن كان هيجري عليها لكن مسكوه ومنعوا الكابتن

صدام بغل والم من كتفه وهو يمسح بوقه من الدم:قولتلك انتي مش قدي
جوري بصتلوا بغضب وهي تمسك بطنها من الم الضربه وبتاخد نفسها وهو راح ناحيتها وهو يستعد لضربها مره اخري لكن جوري اتفادت الضربه وضربتوا عده ضربات ع مكان الاصابه في كتفه وهو بيصرخ وبيحاول يبعدها لكن هي مستمره وضربتوا بقوه في بطنه
وانتهت المنافسه بفوز جوري والكل صقف وفيه الي كان باصصلها بغل وكره ودي كانت يمني
وقعت جوري ع الارض بتعب وهي ماسكه دراعها واغمي عليها جري يزن ناحيتها وشالها وهو بيحاول يفوقها وخرج برا وراح عياده النادي بسرعه وكل زمايله معاه
واتفاجئ الدكتور بيهم
الدكتور بدهشه:اي دا اي الي حصل
يزن بغضب وقلق وهو يضعها ع السرير:مش وقتوا ي دكتور شوفها الاول وبعد كدا اتكلم
الدكتور بسرعه وراح ناحيه السرير ويتفحص جوري
الدكتور :عندها كسر في الايد وكدمات وجروح كتير اوي ،
يزن بسرعه:طب هتعرف تتصرف ولا اخدها المستشفي احسن
الدكتور :لا هعرف بس ممكن تتفضلوا عشان اشوف شغلي
يزن بقلق :لا انا هفضل جنبها
الدكتور :ماشي بس انت بس مينفعش كل دول
واحد زميله:طب احنا هنستنا برا ي يزن
خرجوا كلهم وفضل يزن جنب جوري

💖💖💖💖💖💖💖💖💖
في فيلا حازم
كانوا متجمعين كلهم تحت وهما قلقانين ع تأخير جوري
يوسف بنفاذ صبر:لا انا مش هفضل واقف هنا رايح جاي زي المجنون ،انا هروح اشوفها ما هو مش معقول كل دا لسه فيه منافسه ،دي اتاخرت اووي

حازم وهو يقف :طب استني خدني معاك ..وانتي ي مي خليكي لو جت اتصلي بينا

مي بقلق:ماشي بس ابقي طمني لو لقيتها

حازم وهو يخرج هو ويوسف:ماشي
ملحقوش يطلعوا لقوا جوري داخله ويزن ساندها وايديها متجبسه وفيه كدمات في وشها
بصولها الثلاثه بصدمه ويوسف وحازم كانو قريبين منها
يوسف بصدمه:مين الي عمل فيكي كدا
جوري بتعب:مانا قولتلكوا ان كان فيه منافسه النهارده
راحت مي ناحيتها وهي بتطمن عليها
حازم باستغراب:منافسه اي الي تعمل فيكي كدا ،،دي مصارعه مش منافسه
يزن بصلها بغيظ وبعد كدا بص ل حازم :ما هو بسبب عندها حصل كدا انا قولتلها تنسحب لكن هي رفضت واصرت انها تكمل
حازم باستغراب :تنسحب من اي وليه انا مش فاهم حاجه
يزن وهو مازال يسند جوري :انا هفهم حضرتك بس ممكن ادخلها عشان هي تعبانه
حازم :اه طبعا دخلها
دخل يزن وجوري وقعدوا ع الكنبه ومي جنبها ويوسف وحازم قصادهم
وحكالهم يزن كل الي حصل
يوسف بحده:وانتي اي الي خلاكي تكملي منسحبتيش ليه
جوري بتعب:مكنش ينفع انسحب
حازم بحده:خلاص ي يوسف الي حصل حصل
يوسف بغضب:بس ي بابا دي كانت هتموت
حازم بحده:بعد الشر متقولش كدا ع اختك تاني
يوسف بغضب وهو ينظر لها :اختي عنديه ومش هاممها نفسها
اكمل وهو يحدث يزن :انت كنت جبتها غصب عنها وخليتها تنسحب
جوري بغضب:انا مش عيله صغيره عشان تجبروني ع حاجه
حازم بحده وغضب:والله عال الزعيق والشخط دا ما تقوموا تضربوا بعض احسن .
جوري وهي تكتم غضبها:ي بابا يعني حضرتك مش شايف بيزعقلي ازاي
حازم بحده:انتي غلطي ي جوري في الي عملتيه دا
اكمل وهو يحدث يوسف ،وانت بردوا مش من حقك تزعقلها وانا موجود لما اموت ابقي ساعتها اتكلم
يوسف :بعد الشر عنك ي بابا
يزن :احم انا اسف لو كنت عملت مشاكل ولا حاجه
حازم :لا مفيش مشاكل ي بني انت كتر خيرك انك فضلت معاها وجبتها كمان لحد هنا
يزن بابتسامه:انا معملتش غير الواجب ي عمي ،
حازم بابتسامه:شكرا ي يزن
يزن بابتسامه:العفوا ي عمي ،بس كنت عايز اعرف حضرتك يعني اقدر اجي انا واخواتي امتي عشان اتقدم ل جوري
حازم :معلش ي يزن اجل موضوع الخطوبه لحد ما جوري تخف وتبقي كويسه
يزن اتنهد وبص ل جوري بغيظ وهي بصالوا ببرائه وكاتمه ضحكتها وهو رجع بص ل حازم :الي تشوفوا ي عمي ،طب استاذن انا
يزن قام وقف وحازم ويوسف بردوا
حازم :تستاذن فين لا طبعا اقعد اتعشي معانا
يزن :معلش خليها وقت تاني انا بردوا تعبان عشان المنافسه و كدا
حازم :ماشي ي بني تحب يوسف يوصلك لو تعبان
يزن :لا مش مستاهله لدرجه يعني انا معايا عربيتي ،عن اذنكوا
حازم :اتفضل ي بني
سلم يزن عليهم وراح ناحيه جوري بغيظ وبصوت واطي محدش سمعه غيرها
يزن:لينا حساب لما تخفي ،انا لحد دلوقتي ساكت عشان تعبك لكن لسه محاسبتكيش ع عندك

يوسف باستغراب :انت بتقولها اي

يزن بابتسامه وهو ينظر ل جوري :لا مفيش انا كنت بقولها تخلي بالها من نفسها بس

يوسف :اهاا
يزن بابتسامه:طب عن اذنكوا
مشي يزن وطلعت جوري اوضتها ومامتها معاها وساعدتها في تغير لبسها ونامت
💖💖💖💖💖💖💖💖
في فيلا حمزه
رجع البيت وهو تعبان من الشغل وشافتوا ناديه وراحت ناحيته بقلق
ناديه بقلق : مالك ي حبيبي
حمزه بابتسامه تعب : مفيش ي حبيبتي دا شويه ارهاق من الشغل بس
ناديه : طب تعالي معايا ارتاح
طلع حمزه وناديه اوضتهم ونيمتوا ع السرير وقلعتوا الجزمه وفكت ازرار القميص وساعدتوا في تغير لبسه وهو مستسلم ليها من التعب
ناديه بحنان وهي تضع يدها ع صدره برقه : ليه تعبت نفسك النهارده كدا
حمزه بارهاق: الشغل كان كتير ومكنش فيه غيري لان عبدالرحمن وجاسر سافروا
ناديه باستغراب : سافروا ليه
حمزه : مامتهم تعبانه ،جالها كانسر وهي دلوقتي في المستشفي
ناديه بصدمه : حصل امتي دا
حمزه بتنهيده: النهارده باباه اتصل بيه وقالوا عشان كدا سافر وعبدالرحمن طبعا كان لازم يسافر لان دي مامتوا
ناديه بدموع: طب وهي عامله اي
حمزه بحنان وهو يمسح دموعها : انا كلمت جاسر وقالي انها لاسف الورم خبيث

ناديه بحزن: يعني ممكن يجرالها حاجه
حمزه بحنان : دي حاجه بايد ربنا احنا منعرفش
بس لو عايزه تسافري انا معنديش مانع دي مرات عمك بردوا ولازم تبقي جنب رنا
ناديه بحزن : لا مش هينفع اسيبك
حمزه بابتسامه وحنان : متشغليش بالك بيا ،انا هوصلك بكره بدري وارجع انا، خليكي جنب رنا هي محتجالك
ناديه بحزن :ماشي

💖💖💖💖💖💖💖💖💖
في صباح يوم جديد في فيلا ادهم
كانت اسيل في المطبخ بتحضر الفطار واتفاجات بادهم بيحضنها من الخلف وهو يدفن راسه في رقبتها ويقبلها برقه
ادهم : يعني ينفع كدا تنامي بعيد عني
اسيل بابتسامه : غصب عني ي حبيبي انا محستش بنفسي كنا بتتكلم انا ومايا ونمنا محسناش بنفسنا
ادهم بابتسامه: ماشي سماح المرادي بس بعد كدا مش هسمحلك تنامي بعيد عن حضني
اسيل بخجل : حاضر ممكن تبعد بقاا ممكن حد يشوفنا
ادهم بالامبالاه وهو يقبلها مره اخري في عنقها: طب
مايشوفنا هو احنا بنعمل حاجه غلط انتي مراتي
اسيل بخجل : بس عيب ي ادهم
ادهم بهدوء لفها وهو يحضن وجنتيها بين يديه : ي روح ادهم مفيش حاجه اسمها عيب انتي مراتي
اكمل وهو يشاور ع بطنها الي كبرت نوعا ما ،وكمان البيبي دا ابننا ،عايزه اثبات اكتر من كدا اي عشان اقولك انك مراتي. اكمل بخبث وهو يحملها ولا اقولك شكلك حابه اثبتلك اكتر

اسيل بشهقه وخجل : ادهم لا وحياتي خلاص انا مصدقه ،بس نزلني ممكن عدي او مايا يصحوا دلوقتي ويشوفونا

ادهم وهو يرفع حاجبه : بردوا لا شكلك مش مصدقه فعلا اني جوزك وانا لازم اثبتلك

طلع ادهم وهو يحملها وهي مكسوفه ودخلوا الاوضه
،شافهم عدي وهما داخلين وابتسم وراح الاوضه الي فيها مايا وقفل الباب بالمفتاح وكانت مايا لسه خارجه من الحمام ولابسه البرنس واتفاجئت ب عدي قصادها
مايا بخضه : حرام عليك ي عدي خضتني
عدي بحنان وهو يقترب منها ويضمها لحضنه : سلامتك من الخضه ي روحي
مايا بخجل وقلق : عدي ميصحش كدا احنا مش في بيتنا ممكن ادهم او اسيل يدخلوا في اي وقت

عدي بضحك وهو يغمزها :هههههههه لا متقلقيش هما مش فاضيين دلوقتي
مايا باستغراب : قصدك اي
عدي وهو يفك حزام البرنس ويقترب منها : قصدي ان ادهم اخوكي دا مش بيضيع وقت ابدا وانا بصراحه مش بحب بردوا تضيع الوقت في الكلام
اكمل بغمزه احنا افعال بس لا اقوال
💖💖💖💖💖💖💖💖💖
في الشركه عند يوسف كان بيرن ع هاجر بعد ما عرف انها مجتش الشركه لكن مكنتش بترد
يوسف بغضب : ماشي ي هاجر انا هربيكي عشان تتحديني كويس
قام يوسف خرج برا الشركه خالص وركب عربيته
،بعد وقت وصل تحت بيت هاجر ،طلع وخبط فتحتلوا منار
يوسف : ازي حضرتك ي طنط
منار بابتسامه: ازيك ي يوسف ادخل ي بني واقف ليه
دخل يوسف وقفلت منار الباب
منار وهي تشاور ع الصالون : اقعد وانا هناديلك هاجر
يوسف بابتسامه: لا مش مستاهله تتعيبيها انا هدخلها
منار بابتسامه: ماشي ي بني
دخل يوسف ل هاجر وكانت نايمه ع بطنها ع السرير وبتلعب ع اللاب وضهرها للباب ومخدتش بالها من الي دخل وكانت لابسه هوت شورت اصفر وتيشيرت بحملات خفيفه اسود
اتصدم يوسف من جمالها ودي كانت اول مره يشوفها باللبس دا ،غمض عينيه بقوه وهو بيحاول يتحكم في اعصابه وراح ناحيتها وقفل اللاب وهي اتخضت وقامت وقفت قصاده
هاجر بدهشه: انت بتعمل اي هنا
يوسف بغضب : مبترديش ع فونك ليه
هاجر بغضب: متجاوبش سؤال ب سؤال بقولك انت بتعمل اي هنا
يوسف بالامبالاه وهو باصصلها بحده : هكون بعمل اي يعني ،واحده برن عليها وهي مش بترد فا اضطرتني اجي وكمان مجتش شغلها
هاجر وهي تضع يدها حوالين خصرها بتلقائيه: والله انا حره مش عايزه اروح الشغل ملكش دعوه

هاجر مخدتش بالها ان الحركه دي جننت يوسف اكتر وكمان نسيت انها واقفه قدامه باللبس دا

يوسف بخبث وهو يغمزها :هههههه حلوه حركه الاغراء دي وكمان باللبس دا

هاجر استغربت وبصت ع نفسها واتصدمت انها واقفه قصاده كدا وجريت ع الحمام بسرعه وهو ضحك عليها
يوسف بصوت عالي نسبيا : انا هستناكي برا اجهزي عشان هتيجي معايا الشركه
خرج يوسف برا وقعد في الصالون ومنار قدمتلوا عصير ، في الوقت دا خرجت هاجر وبصالوا بغضب وهو مبتسم بخبث
يوسف باستهزاء : ممكن بقاا اعرف الاستاذه مش بترد ع فونها ليه
هاجر بغيظ: عملاه صامت مسمعتوش
يوسف وهو يرفع حاجبه بعدم تصديق : بجد
مسك يوسف فونه ورن عليها وهي كانت مسكاه في ايديها ورن
يوسف بسخريه: ما هو بيرن اهو والصوت عالي
هاجر باستفزاز: مانا رجعتوا عام
يوسف بغيظ: ماشي ي هاجر حسابك تقل ،ع العموم كلها اسبوع وهتبقي في بيتي ونتحاسب
هاجر باستفزاز : تبقي بتحلم لاني مش هتجوزك انتي هتطلقني
يوسف لمح منار وهي جايه
يوسف بابتسامه : ايوا ي حبيبتي انا عارف انك نفسك نتجوز النهارده قبل بكره بس معلش نستحمل شويه عشان خاطر عمي
هاجر بصالوا بصدمه : انا مقولتش كدا انا قولتلك
قاطعها يوسف : ايوا خلاص عارف والله انتي مش مهم عندك الفرح اهم حاجه نكون مع بعض ،وانا بصراحه بحبك عشان كدا هستحمل عشان اعملك احلي فرح
منار سمعتوا وابتسمت وهي فرحانه ع حبه لبنتها وانو عايز يفرحها
منار بابتسامه وحنان : ربنا يخليكوا لبعض ي حبايبي
يوسف بابتسامه: ويخليكي لينا ي طنط ،
هاجر فهمت انو عمل كدا لما شاف مامتها وبصتلوا بغيظ وهو ابتسم بانتصار
يوسف بابتسامه وهو يضع يده ع كتف هاجر وهي بتحاول تبعده لكن هو كان ماسكها باحكام : احنا هنمشي بقاا ي طنط عشان منتاخرش
منار بابتسامه: ماشي ي حبيبي
يوسف بابتسامه: ابقي سلميلي بقاا ع اونكل لؤي ،
منار بابتسامه: يوصل ي حبيبي
خرج يوسف وهو حاطط ايدو ع كتف هاجر. وماسكها باحكام وهي بتحاول تبعد ونزلوا تحت وزقت ايدو
هاجر بغيظ : مش هعديلك الي عملتوا دا ،انت فاكر انك كدا بتدبسني يعني
يوسف باستفزاز : انتي مدبسه كدا كدا ي روحي ، خلاص مفيش مفر
هاجر بتحدي : لا فيه ،انت هتطلقني دا مجرد كتب كتاب
يوسف ضحك:ههههههههههه هو فيه حاجه اكتر من كدا هو فاضل بس الفرح وممكن كمان من غيره
اكمل بغمزه : ولا قصدك الي بعد الفرح
هاجر بغضب : انت قليل الادب ومش محترم
راحت هاجر ناحيه عربيتها ولسه هتفتح الباب وقف يوسف قصادها
يوسف بابتسامه: لا ي حبيبتي انتي هتركبي معايا انا مضمنش ممكن تروحي كدا ولا كدا
هاجر بغيظ : هروح فين يعني هو انا عارف اخلص منك
يوسف باستفزاز : ومش هتخلصي مني ابدا حظك انك بنت عمي يعني لو في بطن الحوت هعرف ،انا عارف كل الاماكن الي بتروحيها وبتاكلي اي وبتشربي اي بصي نظام يومك كلوا انا عارفوا

هاجر باستغراب : كل دا عارفوا لمجرد انك ابن عمي طب ازاي

يوسف بابتسامه: لا مش مجرد اني ابن عمك ،دا عشان بحبك و عارف كل تفاصيل حياتك

هاجر : طب ابعد عشان اركب

يوسف : لا انتي هتركبي معايا

هاجر بغضب: قولتلك مش هتزفت اغور في حته
يوسف ببرود:تؤتؤتؤ بردوا هتروحي معايا
هاجر بغضب : وانا مش هروح معاك
يوسف بتحدي: يبقي هاخدك بالعافيه
كتفها يوسف وشالها وهي بتضرب فيه وتصرخ وركبها عربيته وركب هو الناحيه التانيه بسرعه
💖💖💖💖💖💖💖💖💖💖
في فيلا جاسر وجميله
صحيت جميله خدت شاور ولبست

ونزلت تحت ملقتش شوق واستغربت وخرجت للحراسه الي برا والبواب وسالتوا
جميله باستغراب : هي شوق مجتش ليه لحد دلوقتي
البواب باستغراب : معرفش والله ي هانم
جميله : طيب خلاص
راحت جميله ركبت عربيتها واتحركت
💖💖💖💖💖💖💖💖💖
في فيلا ادهم
كان ادهم خرج هو وعدي واتبقي مايا واسيل
كانوا في المطبخ بيحضروا الغداء
مايا وهي تقلب الاكل : سوسو بقولك كنت عايزه يعني اتاكد من حاجه
اسيل باستغراب : حاجه اي
مايا سابت الاكل وبصتلها : بصراحه انا بقالي كام يوم بحس بدوخه وكمان بنام كتير اوي وبحس ان نفسي غامه عليا
اسيل بابتسامه: فهمت انتي عايزاني اتاكد انتي حامل ولا لا
مايا بابتسامه وفرحه جواها وهي بتتمني انها تكون حامل : اه
اسيل بابتسامه: طيب انا هكشف عليكي وكمان هبعت اجيب اختبار الحمل ونتاكد
مايا بابتسامه: ماشي
💖💖💖💖💖💖💖💖💖
في الاداره وصلت جميله ودخلت مكتبها ولقت ادهم وعدي
جميله بابتسامه: عدي ازيك عامل اي
عدي بابتسامه وهو يسلم عليها: الحمدلله وانتي اخبارك اي
جميله بابتسامه : الحمدلله كويسه ،امال فين مايا مش معاك ليه
عدي بابتسامه: مايا في البيت مع اسيل ،
ادهم بابتسامه: عامله اي ي جميله
جميله بابتسامه: الحمدلله
ادهم : صح مامت جاسر عامله اي
جميله وهي بتقعد ع الكرسي : جاسر بيقول لسه تعبانه
ادهم :طب معرفتيش الورم خبيث ولا حميد
جميله: لا معرفش هو كان مضايق امبارح ومعرفتش اتكلم معاه فا مردتش اطول
ادهم : هو اكيد زعلان عشانها هي في الاول وفي الاخر مرات ابوه ،مهما عملت
جميله: عندك حق
عدي باستغراب : تقريبا الي فهمتوا ان مامت جاسر تعبانه وعندها كانسر مش كدا
جميله: ايوا
عدي : طب ما تخليه يجبها هنا انا اعرف دكتور كويس جدا ممكن اكلمه واخليه يشوف حالتها
جميله: انا معنديش مانع ماشي هكلم جاسر واقولوا ،هو اصلا جاي انهارده
عدي : ماشي ولو وافق انا هكلم الدكتور
جميله : اوك
ادهم باستغراب : بس ازاي تعرف دكتور هنا وانت اصلا شغال في اسكندريه
عدي : هو اصلا كان بيشتغل معايا في اسكندريه بس نقل هنا
ادهم بتفهم: اهاا
💖💖💖💖💖💖💖💖
في الصعيد وصل حمزه وراح بيت ناديه وصلها واطمن عليها وراح ل جاسر
حمزه وهو يسلم عليه : عامل اي ي صاحبي
جاسر : كويس
حمزه بعدم تصديق : مش باين .. مالك ي جاسر
جاسر بضيق : معلش ي حمزه انا مش قادر اتكلم دلوقتي
حمزه : طيب خلاص مش هتكلم
جاسر : طيب انت عملت اي في الي قولتلك عليه
حمزه : ع موضوع البنت
جاسر : اه
حمزه : نفذت الي قولتوا بعت ناس خطفوها وهي دلوقتي في المكان الي قولتلي عليه ،بس انت ليه طلبت مني اخطفها
جاسر : هبقي اقولك بعدين
حمزه : طيب انا هسافر بقاا دلوقتي عشان الشركه مفيش حد
جاسر باستغراب : امال انت جيت ليه
حمزه : انا كنت بوصل ناديه وقولت اجي اشوفك قبل ما ارجع
جاسر : طب استني انا كمان هسافر. . نرجع سوا
حمزه : ماشي
💖💖💖💖💖💖💖💖💖
في فيلا جاسر وجميله
وصلت جميله وسالت البواب
جميله باستغراب : هي شوق مجتش النهارده خالص لحد دلوقتي
البواب : لا ي فندم مجتش ولا اتصلت حتي ،ممكن تكون حد من عيالها تعبان ولا حاجه
جميله : ممكن فعلا ،طيب خلاص شكرا
دخلت جميله الفيلا وحضرت العشاء عشان جاسر وحبت انها تعملوا مفاجاه وخرجت في الجنينه عند البيسين وطلبت من الحراسه يروحوا عند البوابه ونفذوا فعلا وهي عملت جو رومانسي ،شموع وورد وحضرت العشاء وحطتوا وطلعت خدت شاور ولبست

وفضلت قاعده مستنياه
💖💖💖💖💖💖💖💖
في مخزن مجهول كانت بنت مربوطه ومتعلقه من ايديها لفوق ورجليها متكتفه ومحطوط قماشه سوداء ع عينيها
وسمعت صوت خطوات ناحيتها واترعبت وهي بتحاول ترجع لورا لكن كانت مربوطه
وفجاه لقت حد مسكها من شعرها بقوه وبيشده
جاسر بغضب : بقاا حته عيله زيك تخدعني انا وتحط لمراتي حبوب عشان متحملش ي زباله
شوق برعب ودموع : انا اسفه والله ي بيه ،غصب عني هي هددتني انها هتحرمني من عيالي لو معملتش كدا
جاسر بعصبيه شديده وهو يشد شعرها اكثر : عشان غبيه خايفه من واحده بينها وبين القبر ايام ومخوفتيش اني ممكن اقتلك في الي عملتيه دا

شوق بعياط وخوف : اسفه والله ي بيه سامحني

جاسر بغضب: اسامحك ،دا انا هخليكي تتمني الموت ومتطوليهوش ،وعيالك الي كنتي خايفه انها تحرمك منهم انا الي هحرمك منهم

شوق بخوف : ابوس ايدك ي بيه اعمل فياا اي حاجه بس بلاش عيالي

جاسر بغضب : واشمعنا انا الي اتحرم اني اكون اب ،بسبب تهديد تافهه ،انتي لو كنت قولتيلي كنت هحميكي وهحمي عيالك ، لكن انتي الي اضطرتيني اعمل كدا

سابها جاسر بغضب
جاسر للحارس بأمر : تفضل كدا من غير اكل ولا شرب فاهم
الحارس : حاضر ي فندم
خرج جاسر وحمزه معاه وركبوا العربيه واتحركوا
حمزه: بلاش ي جاسر تحرمها من عيالها هي ام وعملت كدا بدافع الخوف ع عيالها
جاسر بغضب: وانا الي حرمتني من اني اكون اب واشوف ابني
حمزه : عارف انها غلطت بس
قاطعه جاسر
جاسر بغضب: والي غلط يتحاسب ومش عايز كلام تاني في الموضوع دا
حمزه بقله حيله : طب انت هتسيبها كدا لحد امتي
جاسر بغضب : لحد ما تغور في ستين داهيه
حمزه بصدمه: انت ناوي تسيبها لحد ما تموت .
جاسر بغضب: حمزه انا مش طايق اتكلم فا الاحسن تسكت وتوصلني الفيلا والا هنزل اركب تاكسي
حمزه : لا خلاص هوصلك ، بس انت ناوي تقول ل جميله
جاسر بضيق : مش عارف
سكت حمزه لانو حس فعلا ان جاسر مش طايق يتكلم
💖💖💖💖💖💖💖💖
في فيلا جاسر وجميله
وصل جاسر ودخل لقاا الحراسه كلها عند البوابه استغرب وسالهم
جاسر بجديه : انتوا واقفين هنا ليه. .ليه مش واقفين في مكانكوا
الحارس:المدام هي الي طلبت مننا كدا ي فندم
جاسر باستغراب:ليه
الحارس:معرفش ي فندم بس هي مستنيه حضرتك في الجنينه
جاسر بجديه:طيب خليكوا في مكانكوا وخلي بالكوا
الحارس:حاضر ي فندم
راح جاسر ناحيه الجنينه ودخل اتفاجئ بالعشاء والجو الرومانسي لكن ملقاش جميله راح ناحيه التربيزه الي عليها العشاء ولقاا حد حط ايدو ع عينه
شال ايديها ولفلها وهو يضمها لحضنه
جميله بابتسامه: وحشتني
جاسر بشوق :وانتي كمان وحشتيني اووي
جميله بابتسامه بعدت عن حضنه ومسكت ايديه وهي رايحه ناحيه التربيزه: طب تعالي نتعشي وبعد كدا هقولك ع المفاجاه الي عندي
جاسر بتعب وهو يقف : معلش ي حبيبتي انا تعبان و محتاج ارتاح
جميله باستغراب : مالك ي جاسر انا حاسه ان فيه حاجه انت من امبارح وانا حاسه ان صوتك مضايق ودلوقتي حساك بتتهرب مني
جاسر اتنهد بخنقه : مفيش حاجه ي جميله قولتلك محتاج ارتاح
جميله وهي تقترب منه بدلال وتضع يدها حوالين رقبته : انت لو عرفت المفاجاه الي عندي هتنسي التعب كلوا
جاسر بزهق: مفاجاه اي
جميله ابتسمت وقربت من اذنه وهمست : انا حامل
جاسر وقف ثانيه مصدوم بيحاول يستوعب الي قالتوا وهي مستنيه تشوف رده فعله
جاسر بصدمه: حامل ازاي
جميله باستغراب : يعني اي ازاي مش فاهمه
جاسر. وهو يمسكها من ايديها وينظر ل بطنها :يعني انتي حامل بجد ،،يعني فيه بيبي
جميله بضحك:ههههههههههه اه ي حبيبي مالك في اي
جاسر وهو ماازال في صدمته: بس حصل ازاي
جميله بضحك: هههههه هو اي الي حصل ازاي في اي ي جاسر مالك هو انا كنت مدياك مخدر ولا اي
جاسر بسعاده: هههههه مش قصدي بس انتي بجد حامل مش بتهزري
جميله بابتسامه: لا مش بهزر اي رايك بقاا في المفاجاه دي
جاسر بسعاده وهو يضمها ويلف بيها من فرحته : دي احلي مفاجاه في حياتي

جميله كانت فرحانه عشان هتبقي ام وكمان عشان شافت فرحته الي باينه في كل تفاصيله وحولته ٣٦٠ درجه

نزلها جاسر وهو بياخد نفسه وضمها لحضنه بقوه
جاسر بسعاده: انا مش قادر اصدق اني تكون اب
جميله برقه : هتبقي احلي اب ي حبيبي
جاسر نسي خالص موضوع مرات ابوه مكنش مركز غير في ان جميله حامل وانو هيبقي اب ،كانت فعلا فرحته متتوصفش ،بعد ما كان فقد الامل انو يخلف بعد ما عرف خطه مرات ابوه لكن ربنا قادر ع كل شئ ،
طفي جاسر الشمع وشال جميله وهي اتعلقت في رقبته وطلعوا اوضتهم
💖💖💖💖💖💖💖💖
عند يوسف في الشركه
راح مكتب هاجر
يوسف : خلصتي شغل
هاجر وهي تقوم من ع المكتب : اه خلصت
يوسف : طب يلا عشان اوصلك
هاجر بزهق وغضب : ع فكره انا زهقت انت مش مضطر كل شويه تمثل الاهتمام والحب وانت فاكر انك كدا بتعوضني لا ي يوسف انت مهما عملت انا لسه عند راي وهتطلقني

يوسف ببرود: خلصتي كلامك ، يلا بقاا عشان اوصلك

هاجر بغيظ وغضب : واحد مستفز وبارد ،انا مش هروح معاك

يوسف بزهق وهو رايح ناحيتها وشالها بخبث: شكلك عجبك اني كل شويه اشيلك ،وانا بصراحه معنديش مانع

هاجر بغضب وهي تضربه ع ضهره : نزلني ي يوسسف

اتجاهلها يوسف وخرج برا وهو شايلها والموظفين بيبصولهم وهما كاتمين ضحكتهم ومصدومين وهاجر بتضربه ع ضهره وتصرخ
اتجاهلهم يوسف ونزل ركب هاجر وركب هو كمان الناحيه التانيه بسرعه
واتحرك ،بعد وقت وصل عند مطعم
هاجر باستغراب: انت جايبنا هنا ليه
يوسف بسخريه: واقف قدام مطعم تفتكري هجيبك ليه نتفرج ع فيلم مثلا
هاجر بغضب :وانت جايبني ليه انا مش عايزه اكل. اتفضل روحني
يوسف بحده:لو منزلتيش حالا ي هاجر معايا انا هشيلك وقدام المطعم كلوا والشارع كمان وانتي حره انتي عارفه انا اقدر اعملها واظن انك لسه شايفه

هاجر بغضب وغيظ:ماشي ي يوسف
نزلت هاجر ويوسف معاها ودخلوا المطعم وقعدوا ع التربيزه وهي بصالوا بغضب
يوسف : هتاكلي اي
هاجر بغيظ: مش هاكل حاجه
يوسف بصوت واطي وحده: اخلصي قولي هتاكلي اي
هاجر بغضب : قولت مش هاكل حاجه هو بالعافيه
يوسف بص للناس الي في المطعم الي كانوا باصين عليهم ورجع بص ل هاجر بحده من صوتها العالي ومسك ايديها بقوه وضغط عليها
يوسف بحده وصوت واطي : صوتك العالي دا هحاسبك عليه بس استني علياا ي هاجر انا هربيكي و دلوقتي اخلصي قولي هتطفحي اي

هاجر بغيظ : طفحه في قلبك
يوسف بحده: شكلك كدا عايزاني اشيلك قدامهم
هاجر : خلاص هاخد باستاا
يوسف باستغراب : بس
هاجر : اه
يوسف : ماشي براحتك
طلب يوسف الاكل
💖💖💖💖💖💖💖💖💖
عند جوري خدت اجازه من الشغل عشان الاصابه وراحت النادي ويزن كان معاها وقعدوا ع التربيزه
يزن بغيظ: عجبك كدا اهو بسبب عندك اتاخرنا في الخطوبه
جوري ببرائه: طب وانا مالي دي كانت منافسه وبعدين ما الفريق كلوا كان قوي والي كان واقف قصادك بردوا كان قوي ليه منسحبتش
يزن بغيظ: عشان انتي بنت يعني دا كان اقوي منك
جوري بثقه: بس قدرت اكسبوا
يزن : وافرضي مكنتيش قدرتي
جوري : مش هفرض انا كسبت وخلاص
يزن بقله حيله: طيب هتاكلي اي
جوري : لا انا مش جعانه اطلبلنا عصير
يزن : ماشي
طلب يزن العصير وقعدوا يتكلموا مع بعض وكانت فيه عيون بتراقبهم من بعيد بغيظ وكره
💖💖💖💖💖💖💖💖💖