رواية احببت عنادك... بقلمي/هاجر هشام الفصل المئة 106 - بقلم Hagar Hešhàm

في فيلا ادهم وصل ادهم وعدي ودخلوا كانت مايا واسيل مستنينهم
واسيل راحت ناحيه ادهم
اسيل بابتسامه: تعالي ي حبيبي عايزه اقولك ع حاجه
ادهم بابتسامه : ماشي
ادهم ل عدي بمزاح: اسيبك بقاا ي عدي دا موضوع ضروري مستعجل
عدي بضحك:هههههههه ربنا معاك ي صاحبي
ضحك ادهم واسيل اتكسفت وهو لف ايدو ع كتفها وحضنها من الجنب وطلعوا اوضتهم ومايا راحت ناحيه عدي
مايا بابتسامه : احم واحنا مش هنطلع ولا اي
عدي بابتسامه وحب شالها  : هنطلع طبعا ي روحي  هي دي محتاجه كلام
مايا نامت ع صدره برقه وهو ابتسم وطلعوا اوضتهم ودخلوا
نيمها عدي ع السرير وكان لسه هيقوم لكن مسكتوا مايا من ايديه
مايا برقه : عايزه اقولك ع حاجه
عدي باستغراب وهو يقعد ع السرير  : ما تقولي ي حبيبتي
مايا وهي كاتمه ضحكتها : ماسك اعصابك
عدي باستغراب : اعصابي ،اي دا ليه في اي ،هو الموضوع صعب لدرجه
مايا بابتسامه: لا مش صعب ولا حاجه
عدي : طب ما تقولي ي مايا في اي قلقتيني
مايا وهي تنظر له : انا حامل ي حبيبي
عدي بفرحه : بجد حامل
مايا بابتسامه وهي تهز راسها: ايوا بجد اتاكدت النهارده
عدي وعيون لامعه بفرحه ومسك ايديها :يعني انا هبقي اب
مايا بمزاح: لا هتبقي جوز ام ي ظريف
عدي ضحك وضربها بخفه : هههههههه يخربيت فصلانك ي شيخه ،طب سيبيني اكمل اللحظه
مايا بضحك:ههههههههههه معلش ي حبيبي انت عارفني مش بقدر امسك نفسي
عدي وهو يضمها لحضنه بحب : امال انا بعشقك ليه ،بحبك ي مايا ،حبيتك قبل مااعرفك وحبي مقلش بعد ماا عرفتك
مايا بحب وهي في حضنه: انا كمان بحبك اووي ي عدي ،انت كنت واقف جنبي وساعدتني وكنت اخوياا وابوياا وجوزي وحبيبي عوضتني عن كل حاجه ،تعرف رغم اني زعلت ع ابني الي مات بس يمكن ربنا كان ليه حكمه في كدا عشان يحصل كل دا وانا اعرف اخوياا والذاكره ترجعلي وكمان نتجوز رسمي

عدي بحب : عندك حق ي حبيبتي  عشان كدا نحمد ربنا ع كل حاجه ،واهو ربنا عوضنا

مايا بحب: ربنا يخليك ليا ي حبيبي وميحرمنيش منك ابدا

عدي بحب : ولا يحرمني منك ابدا ي حبيبتي ،،اكمل بخبث وبعدين احنا هنفضل نتكلم ولا اي احنا لازم نحتفل بالمناسبه دي

مايا برقه وحب : ومالوا ي حبيبي.  نحتفل
💖💖💖💖💖💖💖💖💖💖
عند ادهم واسيل
ادهم بابتسامه وهو يلف يده حوالين خصرها : كنتي عايزاني في اي بقاا
اسيل بابتسامه: بصراحه انا كنت عايزاك عشان نسيب مايا وعدي لوحدهم
ادهم باستغراب : اشمعنا
اسيل بابتسامه ورقه: اصل انت بعد ٨ شهور هتبقي خال
ادهم بدهشه: مايا حاامل
اسيل بابتسامه وفرحه: اه ي حبيبي
ادهم كان فرحان وهو حاسس باحساس غريب وفرحه كبيره ،هو بعد كام شهر هيبقي اب وكام شهر تاني هيبقي خال 

اسيل شافت الفرحه في عينيه ودمعه سعاده نزلت منو مسحتها وباسته برقه وهو كان سرحان لكن فاق ع بوستها ،وبادلها هو كمان البوسه وكانت برقه وشغف وحب
وشالها وراح ناحيه السرير نيمها ونام جنبها وهي في حضنه ودابوا في بحر حب وعشق بينهم ،عمروا ما بينتهي مهما مرت الايام

💖💖💖💖💖💖💖💖💖
في فيلا جاسر وجميله
جميله كانت نايمه في حضنه وهو بيلعب في شعرها وسرحان بيفكر ازاي هي حامل ،طب والحبوب الي كانت بتاخدها ،
جميله خدت بالها انو سرحان
جميله برقه: مالك ي حبيبي ،انا حاسه ان فيك حاجه
جاسر اتنهد: جميله هو انتي كنتي بتشربي النسكافيه ع طول
جميله باستغراب : مش فاهمه اي سبب السؤال
جاسر : يعني بتشربيه كل يوم 
جميله باستغراب اكبر : مالك ي جاسر في اي ،اي الاسئله دي
جاسر : ردي عليا بس
جميله بتذكر : تقريبا لا انا ساعات بكون راجعه من الشغل تعبانه بس ليه الاسئله دي

جاسر عرف ان السبب ان النسكافيه مكنتش بتشربوا بانتظام
جاسر بضيق: انتي كنتي بتاخدي حبوب منع الحمل
جميله قامت من حضنه وبصتلوا بصدمه: لا طبعا انا مستحيل اعمل كدا ،ازاي اخد حبوب وانا كان نفسي في الحمل ،كان نفسي اكون ام ،انت بتقول اي ي جاسر ،

جاسر وهو ياخدها في حضنه: انا عارف ي حبيبتي انا مش بتهمك ،انا قصدي ان شوق كانت بتحطلك حبوب منع الحمل في النسكافيه بتاعك

جميله بدهشه: شوق ،طب ازاي ،وليه تعمل كدا

جاسر بضيق : مرات ابوياا هي الي وزتها تعمل كدا

جميله بدهشه: يعني هي السبب ان الحمل اتاخر

جاسر : اه بس عشان انتي مكنتيش بتشربي النسكافيه بانتظام دا خلاه يحصل الحمل

جميله : لا دا عشان ربنا كبير وقادر ع كل شئ ،

جاسر بحنان: ونعمه بالله

جميله : عشان كدا شوق مجتش انهارده ،اكيد هربت

جاسر بضيق: لا مهربتش ،شوق عندي

جميله باستغراب : عندك فين

جاسر : في المخزن الي ع الطريق الصحراوي

جميله بدهشه: خطفتها

جاسر : اه

جميله : ليه ي جاسر

جاسر بغضب: هو اي الي ليه ،انتي مش عارفه عملت اي

جميله بهدوء: عارفه بس دا محصلش وانا دلوقتي حامل وهي كمان اكيد عملت كدا تحت التهديد او خدت فلوس 

جاسر : حتي لو كان اي ،هي اه كان تحت التهديد بس كان ممكن تقولي كنت هحميها هي وعيالها ،انتي متخيله انها خافت من واحده زي دي ،

جميله بحنان : عشان خاطري ي حبيبي ،سيبها

جاسر : معلش ي جميله متدخليش ،انتي مش حاسه بالنار الي جوايا فا ياريت خليكي برا الموضوع

جميله برقه:انا حاسه بيك ي حبيبي ،بس بلاش تكون قاسي

جاسر بغضب وهو يبعدها عن حضنه وينظر لها : قاسي ،انا كدا قاسي والي حصل دا مش قسوه ،حاولت تقتلني ،وكانت هتقتلك وكانت هتحرمني من اني اكون اب ،كل دا وانا الي قاسي 
،لا ي جميله دي مش قسوه دا رد فعل ع الي حصل معايا
قام جاسر من ع السرير بغضب ولبس شورت ونزل خرج الجنينه وهو بيتنفس بغضب
قامت جميله لبست روب وقفلتوا باحكام ونزلت وراه ووقفت جنبوا
جاسر بحده: ادخلي جوا ي جميله
جميله : لا مش هدخل ي جاسر
جاسر بأمر للحراس الي كانوا واقفين بضهرهم : روحوا انتوا عند البوابه وحذاري حد يرفع عينو
الحراس : حاضر ي فندم
راحوا الحراس عند البوابه وهما باصين في الارض وجاسر واقف قصاد جميله ومديها ضهره
جميله راحت ووقفت قصادوا : مشيوا اهم ممكن نتكلم بقاا
جاسر بحده: عايزه تقولي اي تاني ،مش انا قاسي خلاص
جميله بهدوء : انا مش قصدي كدا بس انت عملت كدا عشان كنت فاكر اني مش هخلف لكن انا حامل دلوقتي ليه بقاا مش عايز تسيبها

جاسر بحده: انا لسه النار الي جوايا متطفتش ،انا سامحت مرات ابويا عشان حاولت تقتلني لكن لحد عندك ولا مستحيل اسامح او اسكت ،لكن حظها انها دلوقتي تعبانه وبين الحياه والموت لان لو مكنش كدا انا كنت خليتها تتمني الموت ومتطلهوش ،عشان كدا سبتها ،لكن دي بقاا مش هسيبها ،هخليها تندم الف مره انها عملت كدا وسمعت كلامها

جميله : بس كل دا كانت غلطتك من الاول ،انت الي سامحتها وخرجتها من السجن

جاسر بحده: عارف اني غلط من الاول عشان كدا هصلح غلطتي وبعد كدا مش هسامح اي حد يغلط معايا تاني ،مش هسامحوا ابدا

جميله كانت بصالوا وهي مستغربه اول مره تشوف الجانب دا من جاسر ،وهو فعلا اول مره

جميله : اول مره اشوف الجانب دا فيك ي جاسر انت مكنتش كدا

جاسر : انا فعلا مكنتش كدا بس هما الي  خلوني كدا ،الخدامه خافت من مرات ابوياا ومعملتش حساب غضبي وكانت بتحطلك حبوب في النسكافيه ،وانا الي يحاول يأذي حد تبعي عمري ماارحموا

جميله : بس انت بتنتقم من الشخص الغلط. دي مجرد عبدالمأمور

جاسر : والي امرها في المستشفي بين الحياه والموت ،لكن هي مش هرحمها

جميله برقه وهي تضع يدها ع صدره : حتي لو قولتلك عشان خاطري

جاسر : خاطرك غالي عندي ي جميله بس مش هينفع وياريت تقفلي الموضوع دا ،انا جاي تعبان من السفر وعايز ارتاح

جميله وهي تكتم غضبها : ماشي ي جاسر ارتاح بس بردوا هنتكلم

جاسر وهو يدخل :ان شاء الله
طلع جاسر اوضته ونام وراحت جميله نامت جنبوا ورفعت ايدو ونامت في حضنه لكن هو شال ايدو
جميله وهي تمسك ايدو وخليته يحضنها: انت وعدتني انك مش هتبعد مهما حصل
جاسر مردش وضمها لحضنه وهي ابتسمت وباسته برقه ونامت وهي تدفن راسها في صدره وهو ضمها لحضنه اكتر وابتسم بحب وباسها ع جبينها ونام
💖💖💖💖💖💖💖💖💖💖💖
عند ادهم واسيل
كانت نايمه في حضنه
اسيل بعبوس : ع فكره انا زعلانه منك
ادهم بدهشه: ليه ي حبيبتي
اسيل بطفوله : عشان انت بقالك كتير مش بتجبلي شيبسي وبيبسي
ادهم اتنفس براحه وضحك:ههههههههه يعني هي دي المشكله
اسيل بطفوله : اه
ادهم بحنان : مانا مرضتش اجيب عشان الحمل ي حبيبتي الحاجات دي مش مستحبه ليكي  انتي لازم تتغذي وتاكلي اكل صحي وبعدين انا الي هقولك الكلام دا ي دكتوره

اسيل ابتسمت بحب :لا في دي عندك حق ،غلبتني  بس يعني مفيش حاجه كدا خفيفه

ادهم بحب : عيوني احلي حاجه ليكي ي روحي ، بس حاجه بسيطه مش بالكميه الي كنتي بتاكليها دي

اسيل ببرائه: حاضر

قام ادهم من جنبها ولبس هدومه وهي استغربت
اسيل باستغراب : انت رايح فين دلوقتي
ادهم وهو يغلق ازرار القميص : خمس دقايق ي حبيبتي مش هتاخر عليكي مشوار سريع وجاي
خرج ادهم واسيل مستغربه وفضلت مستنياه
بعد وقت صغير رجع ادهم وهو معاه شنطه فيها شيبسي وشكولاته
ابتسمت اسيل بحب وهو راح ناحيتها واداها الشنطه
ادهم بحب : مقدرتش استني لحد بكره وانتي نفسك في حاجه
اسيل بسعاده قامت حضنتوا بقوه وهي فرحانه وحبه الي بيزيد جواها كل يوم
اسيل وهي في حضنه : انا بحبك اووي
ادهم بعشق : وانا بموت فيكي ي حبيبتي
بعدت اسيل عن حضنوا وقعدوا كلوا الشيبسي لكن جيه عند الشوكلاته وكانت سايحه
ادهم بخبث :بصراحه انا حابب اكلك انتي بالشوكلاته
اسيل باستغراب : مش فاهمه
ادهم وهو يقترب منها :ههههههه انا هفهمك ي روحي
مسك ادهم الشوكلاته وحط حته ع بوقها وباسها برقه
،بعد وقت بعد عنها
ادهم بغمزه: كدا ي روحي
اسيل اتكسفت وهو ابتسم وخد حته تاني من الشوكلاته وحط ع عنقها وباسها فيه وحط ع عضمتين التركوه وباسها
وحط ع مكان قلبها الي كان بينبض بقوه ودقات سريعه من قربه وباسها برقه وحب  ودابت اسيل مع كل لمسه حنان منو وهو مكمل مهمته بعشق
💖💖💖💖💖💖💖💖
تاني يوم الصبح
في النادي عند جوري
كانوا متجمعين زمايلهم كلهم ويزن وجوري ع التربيزه وفجاه
يمني وهي بتدور في الشنطه باهمال وغضب : اي دا فين الانسيال بتاعي
جوري باستغراب : في اي ي يمني انسيال اي
يمني وهي بتدور في الشنطه:الانسيال بتاعي مش لقياه
جوري : طب افتكري انتي كنتي حطاه فين
يمني : هو  كان في الشنطه
عبير : شكلوا اتسرق
جوري : ومين الي هيسرقوا احنا كلنا زمايل مع بعض
يمني بغضب: لكن انتي مكنتيش صحبتنا ،انتا لسه عرفينك جديد ،والحكايه دي عمرها ما حصلت يعني مفيش غيرك
جوري بغضب: احترمي نفسك ي يمني وبعدين انسيال اي الي اسرقوا منك ،انا معايا فلوس تغرقك انتي واهلك كلهم 
يمني بسخريه: ما كلهم بيقولوا كدا
يزن بعصبيه:لا انتي زودتيها اوووي ،ما تتظبطي ي يمني واعرفي انتي بتكلمي مين
يمني بغضب: انا عارفه انا بكلم مين دي واحده حراميه ولو مش مصدقين ،هاتي شنطتك وخلينا نتاكد
يزن بغضب: مش هتاخدي شنطتها ولا هتشوفي حاجه ،روحي دوري ع حاجتك ي يمني بدل ماتتهمي وخلاص
هاني : اهدوا ي جماعه مش كدا النادي كلوا بيتفرج علينا
يمني بغضب: انا متاكده انو معاها  والا كانت اديتني الشنطه اشوف
جوري بحده ومسكت شنطتها وفضتها كلها  قدامهم وملقوش حاجه : ها اتاكدتي بنفسك ولا لسه ،تحبي اقولك الانسيال مع مين   ولا اقولك مش هقول  زي مااتهمتيني بالباطل انا مش هريحك واقولك فين الانسيال هسيبك تدوري عليه بنفسك ،

لمت جوري حاجاتها في الشنطه ويمني بصالها بغل وغضب ويزن باصصلها بغضب  ومشي هو وجوري

هاني : ع فكره انتي غلطي ي يمني مكنش ينفع تتهميها كدا  واهو طلعت في الاخر مش هي

يمني بغضب :دي كدابه اكيد مخبياه في مكان تاني ومش عايزه تقول

هاني بنفاذ صبر : لا انتي مينفعش الكلام معاكي انا قايم

قام هاني وعبير بردوا قامت واتبقي مهدي ويمني
مهدي بغمزه :اي حكايه الانسيال دا خدعه جديده
يمني بغيظ:لا ي اخويا مش خدعه الانسيال فعلا اتسرق فقولت استغل دا واتهمها هي وكنت فاكره انو معاها فعلا
مهدي بتفكير:اممممممممممم طب اي رايك نتعاون
يمني باستغراب : مش فاهمه
مهدي بخبث : هفهمك بس مش هينفع نتكلم هنا ،خلينا نتقابل في الشقه زي زمان
يمني بدلع:معنديش مانع بس يكون موضوع بجد مش عشان مزاجك وبس
مهدي بخبث وهو يغمزها : هو فيه احلي من المزاج ماانتي بردوا بتتبسطي معاياا ولا اي
يمني بدلع: هو انا اقدر اقول غير كدا
مهدي بخبث:طب يلا بينا
يمني بدلع: يلا
💖💖💖💖💖💖💖💖💖
عند هاجر نزلت من بيتها واتفجائت ب يوسف واقف عند عربيته ومربع ايدو وهو ساند ع العربيه
راحت هاجر ناحيته
هاجر بغضب: نعم انت بتعمل اي هنا
يوسف ببرود: مستني مراتي
هاجر بسخريه: ومستنيها ليه
يوسف بسخريه: اصل المفروض فرحنا فاضل عليه ٥ ايام ولسه مجبناش الفستان
هاجر بتحدي : ومين قالك ان فيه فرح اصلا
يوسف بتحدي: عندك حق انا بقول كدا بردوا اكمل بغمزه  بلاها فرح ونخليها دخله ع طول
هاجر بغضب: تبقي بتحلم لو فكرت انك تقربلي او تلمسني
يوسف: يبقي تسمعي الكلام وانتي ساكته يلا عشان نروح نجيب الفستان
هاجر بغموض :ماشي
يوسف بصلها بشك وحس انها بتخطط ل حاجه لكن معلقش وركب وهي بردوا ركبت
واتحركوا وبعد وقت وصلوا عند المول وطلعوا وهما بيتفرجوا ع الفساتين
واختارت هاجر فستان ومرديتش تقيسوا ونفذ يوسف طلبها وخدوا الفستان وهاجر استغلت انو بيدفع الحساب واستخبت ونزلت وقفت تاكسي وركبت لكن لقت يوسف وقف التاكسي وهو واقف قصادوا وراح ناحيه هاجر وسند ع الشباك وباصصلها بتوعد وهي اتخضت
يوسف وهو عينيه في عين هاجر وباصصلها بغضب: معلش ي اسطاا الانسه ركبت بالغلط   .اكمل وهو يحدث هاجر بحده وفتح باب العربيه : انزلي
نزلت هاجر ع مضض  ودفع يوسف فلوس للسواق ومسك هاجر من ايديها وشدها وركبها العربيه وركب هو كمان الناحيه التانيه واتحرك وهو ساكت وهي مش عارفه هو هيعمل اي وسكوته قلقها وفجاه وقف يوسف العربيه جامد وهي ارتدت لقدام وكانت هتخبط لكن سبقتها ايد يوسف الي منعتها
وبصتلوا وبصت حواليها وكان المكان فاضي ومفيش اي حد ماشي
هاجر وهي تنظر حواليها :انت جبتني هنا ليه
لفت هاجر وبصتلوا لكن اتفاجات بيوسف باسها بقوه وعنف وهو بيعاقبها ع الي عملتوا  وهي كانت مصدومه وبتحاول تبعد لكن كان ماسكها جامد وهو بيبوسها ،
بعد عنها يوسف وهي بتاخد نفسها بصعوبه
يوسف  :ياريت تكون الرساله وصلت ،كل مره هتعملي حاجه غلط هعاقبك

يوسف ملقاش رد منها ،بصلها لقاها بتعيط في صمت ودموعها نازله ع خدها ،اضايق من نفسوا جدا انو اتسبب في نزول دموعها
يوسف وهو يمسح دموعها بحنان:انا اسف ،انا مكنتش اعرف انك هتعيطي كدا  ،بس انا اتعصبت لما خرجت وملقتكيش  عشان خاطري خلاص كفايه عياط

هاجر بصوت ضعيف:بعد اذنك روحني

يوسف بحنان:حاضر هروحك بس كفايه عياط
هاجر سكتت وهو اتنفس بضيق وساق العربيه وهو مضايق من نفسوا انو خلاها تعيط بالشكل دا
وكان طول الطريق يبصلها ويرجع يبص لطريق تاني وشايفها وهي ساكته وباصه لشباك ،مسك ايديها بحنان وهو بيسوق وهي حاولت تشيل ايديها لكن كام ماسكها باحكام
هاجر بغضب:سيب ايدي
يوسف اتجاهل كلامها وكمل سواقه وهو ماسك ايديها  وهي اتعصبت وقربت من ايدو وعضتها
يوسف بالم شال ايدو وبصلها بغضب: ي بنت ال عضاضه
هاجر بتشفي:احسن
يوسف بغيظ ووقف العربيه :تصدقي انا غلطان عشان اضايقت لما شوفتك بتعيطي وقولت اهديكي
هاجر بسخريه:لا حنين اووي ،اذا كان انت السبب اصلا
يوسف بسخريه: اه اصل انا الي سيبتك وروحت ركبت تاكسي
هاجر بصتلوا بغيظ وسكتت وهو كمل سواقه
💖💖💖💖💖💖💖💖
في شقه مهدي كانت يمني نايمه في حضنوا وهو بيشرب سجاير جنبها وهي بتشرب معاه
يمني بدلع وهي تدخن سيجاره:مقولتليش بقاا هتعمل اي
مهدي بخبث وهو يدخن سيجارته وينفخ الدخان: اول حاجه لازم نعملها نخلي جوري تعتذرلك قدام كل النادي

يمني باستغراب : ودي هنعملها ازاي

مهدي بخبث :هقولك ،مش انتي بتقولي ان الانسيال اتسرق فعلا

يمني :اه

مهدي بخبث: واكيد الي سرقوا مش هيرجعوا والا مكنش سرقوا

يمني باستغراب: مظبوط ،بس فين الموضوع مش فاهمه

مهدي بخبث : مااحنا هنجيب اي انسيال من بتوعك ونحطوا في شنطه جوري  وهنهددها لو معتذرتش قدام الكل هنبلغ البوليس ونحبسها

يمني : بس مش كدا ممكن تخرج منها دي ظابط يعني ليها حبايب كتير يقدروا يخرجوها

مهدي : مااحنا مش هنبلغ بجد ،احنا هنهدد بس وانا متاكد انها هتنفذ ولو منفذتش ع الاقل هنبقي كسبنا انها هتنزل من نظر يزن وهيكرهها  فهمتي

يمني بشر : فهمت ، لا فعلا طلعت دماغ

مهدي بخبث : اي رايك بقاا ،الدماغ دي متستاهلش ليله كمان مع بعض

يمني بدلع : دي تستاهل ليالي مش ليله واحده  بس انت ليه بتعمل كل دا  اي مصلحتك يعني

مهدي بخبث : نفس مصلحتك انتي عايزه يزن وانا عايز جوري

يمني بضيق : انا مش عارفه كلكوا هتتجننوا عليها كدا ليه دا حتي انا احلي منها

مهدي بسخريه: احلي من مين  اكمل بشهوه ،دي البت تحل من ع حبل المشنقه ولا لون عينيها الي يجنن ،

يمني بضيق : خليهالك ي اخوياا  انا ميهمنيش اصلا

مهدي بخبث : لا اخوياا اي بعد الي حصل دا

يمني بضيق طفت السيجاره وحاولت تقوم : انا زهقت ،سديت نفسي

مهدي طفي السيجاره ومنعها انها تقوم :لا زهقتي اي دا احنا لسه الليله طويله و متقلقيش هفتح نفسك ع الاخر

يمني بتمثيل الزعل : ماانت عمال تتغذل فيها ومش معتبرني موجوده

مهدي بسخريه: احنا هنضحك ع بعض انتي اصلا لولا ان قولتلك عندي خطه مكنتيش جيتي ،فا خلينا مع بعض عشان مزاجنا وننفذ خطتنا وبس فا متقعديش تمثلي وتعملي نفسك غيرانه

يمني بضيق :ماشي ،

مهدي بخبث : ايوا اتظبطي كدا عشان نبقي حلوين مع بعض  ونتمزج واتبسط وانتي كمان تتبسطي

بس قوليلي صح لو يزن اتجوزك واكتشف انك مش بنت هيبقي اي الحوار

يمني بالامبالاه: ومين قال انو هيكتشف اني مش بنت

مهدي بخبث : هتعملي العمليه وترجعي بنت بنوت

يمني بدلع: ايوا

مهدي بغمزه: وبتقولي علياا انا دماغ دا انتي طلعتي اكبر دماغ ،دا انتي الشيطان يتعلم منك

يمني ضحكت بدلع:هههههههههههه عشان تعرف ان مش لوحدك الي بيفكر

مهدي بخبث وهو يقترب منها : عارف طبعا  بس حابب اتعلم اكتر
💖💖💖💖💖💖💖💖💖💖💖💖
في الشركه عند جاسر كان في المكتب هو وحمزه
حمزه بسعاده:حامل بجد
جاسر بابتسامه: اه طلعت حامل ،بجد مش قادر اصدق يعني انا هبقي اب
حمزه بابتسامه:الف مبروك ي صاحبي
جاسر بابتسامه: الله يبارك فيك
حمزه : كدا بقاا هتسيب شوق
جاسر : مين قال كدا
حمزه باستغراب : انت مش بتقول جميله حامل يعني خطتهم متنفذتش  يعني المفروض تسيبها
جاسر : خطتهم متنفذتش عشان ربنا عايز كدا لكن هما كانوا بيعملوا كدا وعايزينها فعلا متخلفش
حمزه : بس دا محصلش
جاسر وهو يقف وراح ناحيه الشباك ووقف وهو حاطط ايدو في جيبه : ميهمنيش حصل ولا محصلش  بس هما كان جواهم الدافع وبس  لكن حصل دي بتاعت ربنا
حمزه باستغراب :مالك ي جاسر انت مكنتش كدا ، فين جاسر الي كان بيسامح  ،انت سامحت مرات ابوك انها حاولت تقتلك
جاسر لف وبصلوا : اديك قولت حاولت تقتلني انا لكن عند جميله ولا مش هسامح ابدا ،وبعدين انت مستغرب ليه مانا بردوا چوسف لما حاول يعتدي ع جميله شوفت عملت فيه اي هو وزاياا وجورج

حمزه : ماشي بس دي خدامه يعني ضعيفه عملت كدا عشان خايفه ع عيالها

جاسر بغضب: وانا بردوا عملت كدا عشان احمي ابني الي لسه مشافش الدنياا ،واي حد هيفكر يأذي حد تبعي همحيه من ع وش الارض

حمزه بقله حيله: طيب خلاص اهدي

جاسر :لو خايف ي حمزه خرج نفسك برا الموضوع

حمزه بغضب:انت تعرف عني اني بخاف من حاجه ،انا مبخافش غير من الي خلقني ،وعمري ما هخاف من انس ولا جن حتي ،انا خايف عليك ي جاسر ،خايف النار الي جواك تأذي الي انت بتحميهم

جاسر بابتسامه وهو يربت ع كتفه : متخافش علياا ي صاحبي ،انا عارف انا بعمل اي كويس

حمزه بقله حيله: اتمني دا فعلا
💖💖💖💖💖💖💖💖💖
في الصعيد في المستشفي
كانت رنا وناديه وعبدالرحمن وسلمي  في اوضه مامتهم
عبدالرحمن بحزن : انا هطلع اسال الدكتور عن حالتها
سلمي بحزن :ماشي
رنا كانت ماسكه ايد مامتها وبتعيط وناديه جنبها بتواسيها وهي بتحاول تمسك نفسها من العياط
ناديه وهي تربت ع كتفها : ي حبيبتي مينفعش كدا انتي ولا بتاكلي ولا بتشربي وعماله تعيطي  انتي كدا هتتعبي
رنا بدموع : مش قادره اشوفها كدا ي ناديه وانا مش عارفه اعملها حاجه
ناديه بحنان: لا تقدري ،تقدري تدعيلها ان ربنا يرحمها  برحمته ويخفف عنها الالم  قومي ي حبيبتي صلي وادعيلها وكمان مينفعش قعدتنا كدا احنا كدا بنتعبها ، اكملت وهي تسندها. قومي معاياا خلينا نروح انتي لازم ترتاحي انتي هنا من امبارح منمتيش خالص
رنا بدموع وهي تمنعها :لا مش عايزه اروح عايزه افضل هنا جنبها مش هقدر اسيبها وامشي
💖💖💖💖💖💖💖💖
في الشركه عند جاسر دخلت جميله المكتب وكان جاسر قاعد ع المكتب بيشتغل
جاسر باستغراب : جايه ليه
جميله وهي تقعد ع الكرسي : جايه نتكلم انت امبارح مكنتش عايز تتكلم وانا سيبتك براحتك وصحيت الصبح مشيت ع طول فا كان لازم اجيلك هنا بدل ما تيجي بليل وتقولي تعبان وعايز تنام ومش قادر تتكلم
جاسر رجع بص للملف : عارف هتقولي اي ، بس وفري ع نفسك لاني مش هسيبها
جميله بزهق : ليه بقاا.   ي جاسر خلاص بقاا كفايه
جاسر وهو ينظر لها : لا مش كفايه وبعدين انتي مش وراكي شغل
جميله :ايوا ورايا
جاسر : خلاص روحي شوفي شغلك وخلي بالك من نفسك ومن البيبي وبلاش حركه كتير
جميله قامت من ع الكرسي وراحت ناحيته وقعدت ع طرف الكرسي بتاعه ولفت ايديها ع كتفه برقه : حاضر بس عشان خاطر البيبي سامحها بقاا
جاسر سحبها ونيمها ع رجله وبصلها وابتسم بحب : ما تسيبك من الموضوع دا عشان انا زهقت وركزي معايا انا
جميله بابتسامه ورقه: مانا معاك ي حبيبي
جاسر وهو يعقد حاجبيه: مش ملاحظ دا
جميله برقه: طب اعمل اي عشان تلاحظ
جاسر شالها وقام وغمزها :انا هقولك تعملي اي ي حبيبتي
جميله :ههههههه جاسر احنا في الشركه مينفعش
جاسر بخبث : لا ينفع ي روحي
نزلها جاسر وراح ناحيه الباب وقفله بالمفتاح وبلغ السكرتيره متدخلش حد ابدا مهما كان ورجع ل جميله
جاسر بخبث  وهو يفك ازرار البلوزه : كدا ملكيش حجه مفيش مخلوق يقدر يدخل
جميله بضحك:ههههه مش عارفه اغلبك ابدا
جاسر بخبث :ولا هتقدري ي روحي  انا محترف
💖💖💖💖💖💖💖💖💖
في فيلا ادهم
حضرت اسيل ومايا الغداء وحطوه ع السفره كان وصل ادهم وعدي وقعدوا اتغدوا
ادهم بحنان وباسها ع دماغها: الف مبروك ي حبيبتي
مايا بابتسامه : الله يبارك فيك ي حبيبي
طلع ادهم خاتم الماس رقيق ولبسهولها
مايا باعجاب وهي تنظر للخاتم في ايديها وحضنتوا : الله روعه اووي ي حبيبي ربنا يخليك لياا
ادهم بحب وهو يحضنها : ويخليكي لياا ي حبيبتي
عدي بمزاح: اي ي عم خف شويه دي مراتي بردوا
ادهم بضحك:واختي ي خفيف يعني براحتي
عدي بمزاح : اي ي اسيل ما تلمي جوزك شويه
اسيل بابتسامه وهي تنظر لادهم : ههههههه حبيبي يعمل الي هو عايزوا
عدي بغمزه لادهم: ايوا ي عم الله يسهلك
ادهم ابتسم وقعدوا يضحكوا ويهزروا
خلصوا غداء ولمت اسيل ومايا الاكل وطلع واحد اوضته هو ومراته

عند ادهم واسيل
طلع ادهم خاتم الماس تاني بشكل رائع ولبسه لاسيل وباس ايديها
ادهم بحب : معلش ي حبيبتي هو متاخر شويه
اسيل بحب : انا مش عايزه حاجه غيرك ي حبيبي
ادهم بغمزه : وحبيبك عايز ياكلك بالشوكلاته تاني
اسيل بخجل : بس مفيش شوكلاته خلصت خلاص
ادهم بخبث : مين قال كدا ،تفتكري معقوله هنسي حاجه زي كدا
💖💖💖💖💖💖💖💖
في فيلا جاسر وجميله
في اوضتهم
جميله وهي تضع يدها ع صدره برقه : حبيبي ممكن اطلب منك طلب
جاسر : لو هتقوليلي ع موضوع شوق تاني يبقي لا
جميله بهدوء : لا طلب تاني
جاسر : ماشي قولي
جميله بهدوء وهي تراقب تعابير وجهه: عدي ابن خالي ،قالي ع دكتور كويس يقدر يتابع حاله مرات باباك بس لازم تيجي هنا
جاسر بجمود: والمطلوب مني
جميله : يعني ننقلها مستشفي هنا مع الدكتور دا يمكن يقدر يساعدها ،عشان خاطر رنا وعبدالرحمن
جاسر بجمود: ماشي
جميله بابتسامه وباسته برقه: كنت عارفه ان حبيبي طيب
جاسر: دي مش طيبه ،انا بعمل كدا عشان خاطر رنا وعبدالرحمن  دي مامتهم  وزي ما خرجتها من السجن عشانهم ،هعمل كدا بردوا عشانهم
جميله بهدوء : طب وشوق
جاسر بحده: متجبيش سيرتها
جميله بهدوء : ي حبيبي انت سامحت الي عملت كدا اصلا ،مش عايز تسيب دي
جاسر بحده: جميله مش هنفضل نتخانق كل شويه بسبب الموضوع دا ،ياريت متدخليش
جميله وهي تكتم غضبها : ماشي ي جاسر براحتك
💖💖💖💖💖💖💖💖💖💖
في صباح يوم جديد  عند جوري ويزن في النادي
كانوا قاعدين ع التربيزه جنب البيسين وزمايلهم كلهم موجودين ولقوا يمني جايه ناحيتهم وباين العصبيه
وشافتها جوري وقامت عشان تمشي لكن وقفتها يمني
يمني بغضب وهي تمسك ايديها السليمه: استني ،انتي رايحه فين
جوري بغضب وهي تزق ايديها : انتي عبيطه ،انتي ازاي تمسكيني كدا وبعدين انتي مالك اروح مكان مااروح ،هو انتي ولي امري
يمني بغضب: لا مش ولي امرك لكن انا دلوقتي متاكده انك انتي الي خدتي الانسيال
يزن بغضب قام وقف : هو احنا مش هنخلص من ام الموضوع دا بقاا ،
يمني بغضب: لا مش هنخلص لان عندي شهود شافوها وهي بتاخده ولو مش مصدقين شوفوا شنطتها
جوري بغضب: محديش هيشوف شنطتي ،انا وريتهالك قبل كدا مش حكايه هي كل شويه تشوفيها
يمني بغضب: وانتي خايفه اشوفها ليه والا اذا انتي الي واخده الانسيال فعلا
جوري بغضب: قولت مخدتش حاجه وانتي مش عايزه تصدقي براحتك دي حاجه ترجعلك انا مليش دعوه
يمني شدت منها الشنطه وجوري كانت بتشدها منها وزمايلهم بيحاولوا يبعدوهم عن بعض وضربتها جوري برجليها ف بطنها  ووقعت يمني ع الارض
والشنطه وقعت واتفتحت ووقع منها كل حاجه والانسيال بردوا والكل اتصدم وجوري بردوا ويمني ابتسمت بخبث
يمني بسخريه وهي تمسك الانسيال وقامت وقفت : ها اي دا ي حضره الظابط ،ي الي المفروض تحمينا  مش تسرقينا

يزن بغضب: دي اكيد لعبه وسخه منك عشان توقعيها

يمني بغضب: ايوا حاميلها انت ،انا ميهمنيش كل دا انا هبلغ البوليس

مهدي بتمثيل القلق : لا بوليس اي ي يمني احنا صحاب بلاش تكبري الموضوع ،انتي خدتي الانسيال خلاص

يمني بغضب: لا طبعا انا لو سكت هتسرقنا كلنا  اكملت بخبث
بس انا ممكن اسامح بس ع  شرط واحد

مهدي بخبث: الي هو اي

يمني بخبث : تعتذرلي وقدام النادي كلوا

يزن بغضب : تبقي عبيطه لو فاكره انها ممكن تعتذرلك

جوري :  موافقه
كلهم بصولها بصدمه وهما مستغربين ويزن بردوا
ومهدي ويمني بصولها بخبث وانتصار

اتجمع النادي كلوا ع صوتهم واتصدموا ان جوري هتعتذر
يمني بصوت عالي : صوروا ي جماعه اللحظه دي وشوفوا وهي بتعتذرلي قدامكوا كلكوا

يزن راح ل جوري وبصوت واطي : انتي اي الي هتعمليه  دا ،انا عارف انك مسرقتيش ليه عايزه تعتذري

جوري : لاني هتحبس محدش يعرف اني مسرقتش يعني مفيش دليل يخرجني وكدا ممكن اترفد

يزن بغضب: يولع الشغل انتي مش هتعتذري

جوري : لا هعتذر ملكش دعوه
سابتوا جوري وراحت ناحيه يمني والكل كان واقف بيصور ومستنين يشوفوا جوري وهي بتعتذر
قربت جوري منها ومسكت راسها عشان تبوسه
جوري بهمس : عملتي كدا عشان تكسفيني وتفضحيني قدام الكل وانا هعمل كدا عشان اكسفك وافضحك قدام الكل بس الفرق انك هتتصوري وهينزل ع النت ،تعيشي وتاخدي غيرها ي يويو

استغربت يمني كلامها بس ملحقتش تعلق لان جوري ضربتها ع دماغها بدماغها ووقعت يمني في البيسين
والكل انفجر من الضحك وكانوا بيصوروا وصقفوا ل جوري وهي ابتسمت بانتصار وخدت شنطتها ومشيت ويزن ضحك ع يمني ومشي مع جوري

يزن ضحك بقوه وهو ماشي مع جوري  :هههههههههههههه يخرب عقلك ي جوري وانا بقول بردوا ازاي توافقي انك تعتذري ، لا بس حركه جامده

جوري بثقه: عشان تعرف بعد كدا هي بتتعامل مع مين ،هي فاكره ان الموضوع الاهبل دا هيحبسني ،لا طبعا انا مش هاخد ساعه سجن فيه

يزن : مانا عشان كدا استغربت انك وافقتي تعتذري
💖💖💖💖💖💖💖💖💖💖
عند يوسف راح مكتب هاجر وقبل ما يدخل سمعها وهي بتضحك فقرر يسمعها ويعرف هي بتتكلم مع مين
هاجر من جوا: هههههههههه عندك حق والله ي حبيبي انا بردوا بفكر اعمل كدا

يوسف حس بالغيره لما قالت حبيبي وهو بيحاول يمسك اعصابه عشان يعرف هي بتكلم مين

هاجر :ههههههه ي حبيبي انا عارفه بس بردوا مش هستسلم بسهوله

يوسف مقدرش يمسك نفسوا من الغيره ودخل المكتب ورزع الباب بغضب
يوسف بغضب وغيره: بتكلمي مين
هاجر اتجاهلتوا وكملت : طب ي حبيبي انا قفل واسيبك تشوف شغلك
قفلت هاجر المكالمه وبصت ليوسف
هاجر بغضب: فيه حد بيدخل كدا مش تخبط
يوسف بعصبيه وهو رايح ناحيتها: والله انا داخل مكتب مراتي مش حد غريب عشان اخبط ثم دي شركتي يعني ادخل المكان الي يعجبني
هاجر بغضب: دي مش شركتك دي شركه اونكل حازم
يوسف بعصبيه:احنا مش هنسيب الموضوع الاساسي ونمسك في شركه مين ،بقولك كنتي بتكلمي مين وعماله تضحكي وتقوليلوا ي حبيبي

هاجر ببرود: وانت مالك

يوسف بعصبيه: هاجر متعصبنيش بقولك كنتي بتكلمي مين

هاجر ببرود: ملكش دعوه

يوسف اتعصب وراح ناحيتها ومسك ايديها بقوه وهو يضغط عليها : لاخر مره هسالك كنتي بتكلمي مين

هاجر بالم من ضغطه ع ايديها : يوسف سيب ايدي بتوجعني

يوسف بغيره :كنتي بتكلمي مين

هاجر بزعيق : كنت بكلم بابا ارتحت كدا

يوسف ساب ايديها وهو بيتنفس بغضب وبيحاول يهدي نفسه وأنب نفسه انو ظلمها ،بس غصب عنه لما سمعها بتقول حبيبي حس بالغيره

شافها وهي بتدلك ايديها ودموعها نازله  دخل الحمام الي في مكتبها وجاب علبه الاسعافات وراح ناحيتها قعدها ع الكرسي وفتح علبه الاسعافات وطلع مرهم ومسك ايديها وحط ع مكان الضغطه وهو بيدلكها برقه

يوسف بحنان ومسح دموعها  : احسن دلوقتي
هاجر كانت بصالوا ومستغربه ،مش عارفه تحدد شخصيته ،من شويه كان بيزعق ودلوقتي رقيق جدا معاها وحنين

هاجر باستغراب : هو انت عندك انفصام في الشخصيه

يوسف بابتسامه: هههههه لا مش عندي انفصام في الشخصيه بس مقدرش اشوف دموعك

هاجر بسخريه: ماانت السبب

يوسف بحنان : عندك حق ،وانا اسف  بس انا غيرت عليكي لما سمعتك بتقولي حبيبي ،اضايقت لما  اسمعك بتقوليها لحد وانا لا ،لما تردي ع حد وانا مترديش تردي علياا لما ارن عليكي

هاجر اتنهدت: انت الي بدات ،انت الي عملت فيااا كدا كنت بردوا مش بترد ع مكالماتي

يوسف بحب: واعتذرت وقولتلك هعوضك لكن انتي مش مدياني فرصه

هاجر ونزلت دمعه منها : ماانت بردوا مدتنيش فرصه كنت بحاول اقرب منك ،لكن انت كنت بتصدني ،حسستني اني فارضه نفسي عليك حتي لما كنت عايزه اعرف سر معاملتك معايا كدا مردتش تفهمني ،سبتني زي العبيطه عايزه اعرف السبب لحد ما عرفتوا بالصدفه

يوسف بحنان مسح الدمعه الي نزلت منها : عشان عبيط ،ازاي اصد القمر دا ،

هاجر كتمت ابتسامتها : ايوا فعلا عبيط

يوسف ضحك:هههههههه ماشي ي ستي مقبوله منك ،
💖💖💖💖💖💖💖💖💖
في المخزن كانت لسه شوق مربوطه في مكانها  لكن فجاه لقت حد بيحاول يفكها
شوق بخوف : مين
شخص : شششششش وطي صوتك حد يسمعك
شوق باستغراب : دا صوت مدام جميله
جميله بصوت واطي : ايوا انا وطي صوتك بقاا عشان محدش ياخد بالو

من بعيد واحد من الحراس لمح جميله وهي بتحاول تفك شوق
جري علهيا وصاحبه وراه ولحقوها ومسكوها وهما ميعرفوش انها مرات جاسر
الحارس بغضب: انتي مين ي بت انتي وازاي دخلتي هنا
جميله بغضب:بت اما تبتك انت مش عارف انا مين ،انا مرات جاسر ي متخلف ،
الحارس بسخريه: وهو اي حد يقولنا كدا هنصدقوا
حارس اخر :كتفها ي بني لحد ما نقول ل جاسر بيه يجي يشوفها
كتفوها وربطوها في الكرسي
وراح الحراس كلم جاسر
💖💖💖💖💖💖💖
في الشركه عند جاسر كان بيشتغل وحمزه معاه في المكتب وجاتلوا مكالمه
جاسر باستغراب : دا الحارس الي في المخزن الي بيحرس شوق
حمزه باستغراب:طب رد شوف في اي ليكون حصلها حاجه
جاسر بغضب: ماتولع
حمزه : رد بس ي جاسر خلينا نشوف في اي
رد جاسر
جاسر : الو
الحارس :ايوا ي بيه فيه واحده دخلت المخزن وحاولت تهرب البنت الي خاطفينها
جاسر بغضب وهو يقف : واحده مين
الحارس : معرفش ي بيه بس هي بتقول انها المدام بتاعت حضرتك بس احنا مش مصدقين
جاسر بغضب ووعيد : طيب انا جاي حالا
قفل جاسر وخد مفاتيح عربيته
حمزه باستغراب : في اي ي جاسر
جاسر بغضب: جميله راحت عشان تهرب شوق
حمزه باستغراب : وهي عرفت المكان منين
جاسر بغضب: للاسف انا الي قولتلها بس مكنتش اعرف انها هتعمل كدا
حمزه بسرعه: طيب خلينا نروح نشوفها
خرج جاسر وحمزه ونزلوا ركب كل واحد عربيته واتحركوا

في المخزن وصل جاسر وحمزه ودخلوا وشاف جميله وهي مربوطه
جاسر بغضب للحراس : مين الي عمل كدا
الحارس :انا ي فندم عشان متهربش
الحارس كان فاكر بالي قالوا ان جاسر هيكافئوا لكن اتفاجئ بجاسر ضربوا بالبوكس وضربوا بوكس ورا التاني ورا التالت ،لحقوا حمزه وبعدوا عنه
حمزه : خلاص ي جاسر هو ميعرفش
جاسر بغضب وهو يشاور ع الحارس : الزفت دا مشوفش وشه تاني 
حمزه : ماشي
جاسر بص للحارس الي كان مرمي ع الارض وبينزف   بغضب وراح ل جميله فكها وشدها من ايديها وخرج ركبها بغضب وركب هو الناحيه التانيه وساق بسرعه جنونيه وهو متعصب وساكت وجميله بردوا ساكته
،وقف جاسر العربيه فجاه ولحقها قبل ما ترتد لقدام وبصلها بغضب
جاسر بحده: ممكن اعرف اي الي وداكي هناك
جميله : انا طلبت منك تسيبها وانت مرضتش
جاسر بغضب: تروحي تفكيها انتي
جميله : اه
جاسر بعصبيه: انا قولتلك متدخليش ،ملكيش دعوه بالموضوع دا ي جميله
جميله : ي جاسر حرام عليك البت هتموت كدا
جاسر بغضب: ما تغور في ستين داهيه انتي مالك
جميله بغضب: انا مالي ازاي ،دي بني ادمه زينا ،اه غلطت بس خلاص كلنا بنغلط
جاسر بغضب: لاخر مره بحذرك ي جميله ملكيش دعوه بالموضوع دا ،ركزي في حملك وبس،قولتلك خلي بالك من نفسك ،انتي انهارده كنتي هتعرضي حياه ابني للخطر بسبب عندك دا ،افرضي كانوا عملوا فيكي حاجه وهما ميعرفوش انك مراتي ،

جميله بغضب: ع فكره دا ابني بردوا ،يعني خايفه عليه زيك ويمكن اكتر كمان

جاسر بغضب:مش واضح دا ،خايفه عليه ازاي وانتي عرضتي حياتك للخطر ،تقدري تقوليلي دخلتي المخزن ازاي

جميله :دخلت من الشباك

جاسر بغضب: يعني نطيتي ،يعني كان ممكن ابني يتأذي

جميله بزهق وغضب: ابنك.  ،ابنك ،انا زهقت دا ابني بردوا واكيد خايفه عليه وكنت حذره جدا في كل حاجه ،انا مش عيله صغيره

جاسر بغضب : مش عيله صغيره ،بس دماغك ناشفه وعايزه تتكسر ،انتي بسببك كنت هقتل الحارس انهارده عشان لمسك وربطك كدا لولا حمزه منعني عنو

جميله بغضب: وانا مقولتلكش اضربوا كدا

جاسر بعصبيه: كنتي عايزاني اعمل اي لما اشوفك مربوطه كدا وهو الي ربطك

جميله بتأفف: اوووفف انا زهقت بجد

جاسر بغضب: وانا اتخنقت من عندك دا

جميله بغضب: اتخنقت مني ي جاسر

جاسر بغضب: انا قولت اتخنقت من عندك مش منك

جميله بغضب: دا مش عند  اي  حد مكاني هيعمل كدا انا قولتلك كتير تسيبها وانت مش راضي

جاسر بغضب:ماشي ي جميله ،،عند ب عند  انا مش هسيبها والمكان هغيره ومش هخليكي تعرفي مكانها ،حتي لو عملتي اي ،وانا غلطان اني قولتلك مكانها من الاول

جميله بتحدي : هعرفوا بردوا ي جاسر

جاسر بتحدي : لما نشوف هتعرفيه ولا لا
سكتت جميله وهو بردوا سكت وشغل العربيه واتحرك وهما الاتنين ساكتين
💖💖💖💖💖💖💖💖💖
في فيلا جاسر وجميله
وصل جاسر وجميله
جميله : مش هتطلع
جاسر بجمود: لا انا رايح الشركه
جميله :ماشي
خرجت جميله من العربيه ودخلت الفيلا وجاسر راح الشركه
💖💖💖💖💖💖💖
عدت ايام وجميله حاولت كتير تعرف مكان شوق لكن مقدرتش تعرف وكانت علاقتها هي وجاسر عادي بينهم شد وجذب لكن زي ما وعدوا بعض عمر الخناق ما هيبعدهم عن بعض وعمر المشاكل ما هتفرقهم ،كانوا يتخانقوا عادي لكن يوم ما يتجمعوا في الاوضه كانت جميله تدفن راسها في صدره وتنام في حضنه الي بتحس فيه بالامان وهو بردوا كان بيضمها لحضنه ،

جوري ويزن علاقتهم ببعض بتزيد وكانت ايديها خفت وبقت كويسه وراح يزن اتقدملها وعملوا خطوبه واتفقوا ع كتب الكتاب وفرح ع طول بعد اسبوعين  ويمني من ساعه الي حصل وهي تتوعد لها خصوصا بعد الفيديوهات الي نزلت ع جروب النادي الي كانت فيها جوري بترمي يمني في البيسين   ،ومهدي زاد رغبته وشده تملكه لجوري بعد الي حصل

جاسر نقل مرات باباه اكبر مستشفي في القاهره وبيتابعها اكبر الدكاتره وعدي بردوا كلم الدكتور صاحبه يتابع حالتها  لكن حالتها لسه مفيش تحسن ورنا وعبدالرحمن وسلمي وناديه بيزوروها ع طول وباستمرار  والعمده بردوا كان بيشوفها كل كام يوم ويرجع الصعيد تاني ،وجاسر بلغ اياد برغبه رنا في فسخ الخطوبه وهو اضايق لكن اتقبل دا واحترم رغبتها  خصوصا انو كان حاسس انها مش بتحبوا فعلا وبدات الصدف تجمعوا ب كارما وبقوا بيتقابلوا

صلاح كان دايما جنب رنا وبيواسيها ويساعدها وساعات يعمل شغل مكانها لما بتروح لمامتها وكمان كان بيروح معاها لمامتها ،

يوسف وهاجر بدات علاقتهم تتحسن لكن لسه فيه شد وجذب بينهم وهاجر بدات تصفي وتسامح وهو كان بيستغل كل فرصه عشان يعبرلها عن حبه ليها  وخلاص كان فاضل ع فرحهم يوم

عبدالرحمن وسلمي حبهم بيزيد لبعض خصوصا لما سلمي وقفت جنبوا وهي معاه ع طول مع مامته وبتهتم بيها لما بيكون هو في الشركه

عدي ومايا رجعوا اسكندريه ورجع عدي ل شغله وكان بيهتم ب مايا وحملها وجنبها دايما في تعبها

ادهم واسيل حبهم لبعض بيزيد مع مرور الايام ،رغم حمل اسيل وبطنها الي كبرت لكن لسه قصاد عينيه طفلته وحبيبته الي بيعشقها وبيحبها بجنون 
💖💖💖💖💖💖💖💖💖