رواية احببت عنادك... بقلمي/هاجر هشام الفصل المئة 107 - بقلم Hagar Hešhàm

في مكان مجهول
دخل جاسر وكانت شوق مربوطه في الكرسي ومتكتفه جامد
راح قعد ع الكرسي قصادها وحط رجل ع رجل
جاسر : لسه بردوا مش عايزه تقولي باقي الموضوع
شوق بخوف : موضوع اي ي بيه ،انا مفيش حاجه عندي غير انها هددتني
جاسر باستهزاء: عبيط انا عشان اصدق الكلام دا ،
اكمل بغضب تقدري تفهميني جبتي الفلوس الي معاك جوزك دي منين

شوق بخوف : فلوس اي ي بيه

جاسر بغضب : جوزك كشفك وهو بيصرف الفلوس ع الخمره والنسوان ،ثم اكمل ببرود. اصل انا استغربت اني خاطفك بقالي اسبوع ومحدش سال فيكي وساعتها عرفت ان جوزك سرق الفلوس وصايع بيها في الكباريهات ،عشان كدا انا خدت الاطفال حرام خليهم يتربوا كويس بدل ما يعيشوا مع عيله زباله زيكوا

شوق بدموع وخوف : بلاش ولادي ي بيه ،انا بعترف اني غلط وخدت فلوس ،هي فعلا مهددتنيش بعيالي ،بس وحياه اغلي حاجه عندك بلاش ولادي

جاسر : ولادك في الحفظ والصون وبيتعاملوا احسن معامله

شاور جاسر لحارس جنبوا وحط اكل قدامها وراح الحارس فك شوق

جاسر : تقدري تاكلي ومتخافيش مش حاطط سم ولا حاجه ،انا لو عايز اقتلك كنت قتلتك من ساعه ما خطفتك لكن انا مش وسخ زيك

كلت شوق بجوع شديد وبعد وقت خلصت وشال الحارس الاكل وجابلها مايه
وشاور جاسر للحارس ولقت شوق ولادها جايين ناحيتها وبيجروا ،جريت هي كمان عليهم وحضنتهم ووقعت ع الارض من التعب وهي حضناهم وبتعيط لحد ما هديت وقامت وقفت
شوق بدموع: انا مش عارفه اشكر حضرتك ازاي
طلع جاسر شيك وكتب فيه مبلغ
جاسر وهو يعطيها الشيك: الفلوس دي ليكي ولعيالك ،ياريت تبدأي ع نضيف واكلي عيالك بالحلال بدل ما كنتي هتأكليهم بالحرام

شوق مسكت ايده وباستها : توبه ي بيه خلاص ،مش هتكرر تاني و حضرتك مش هتشوف وشي تاني خالص ،

جاسر سحب ايده بسرعه واداها الشيك : الحارس هيوصلك انتي وعيالك

💖💖💖💖💖💖💖💖
في فيلا جاسر وجميله وصل جاسر وطلع اوضته وجميله كانت جوا وكانت بتتكلم في الفون واول ما دخل
جميله : طيب هبقي اكلمك بعدين
قفلت جميله الفون وقامت وقفت وراحت ناحيه جاسر
جاسر وهو يقلع جاكيت بدلته وبيفتح الدولاب: كنتي بتكلمي مين
جميله :دي واحده صاحبتي
جاسر بسخريه وهو بيطلع هدوم من الدولاب : دا ع الاساس انك بتكلمي واحد اهبل ،ومش عارف انك كل دا بتدوري ع مكان شوق
جميله بغضب راحت ناحيته : ولما انت عارف مش عايز تقولي ليه
جاسر بغضب لفلها : لان قولتلك ملكيش دعوه بالموضوع دا ،الموضوع دا يخصني انا
جميله بغضب: ويخصني انا كمان
جاسر اتنفس بغضب وسابها ودخل الحمام خد شاور وخرج وراح ناحيه السرير ونام وهو متجاهلها كل دا
وهي اتعصبت وراحت ناحيته وقعدت ع السرير قصاده
جميله : ي جاسر بقاا انا زهقت بجد من الموضوع دا انت ليه مش عايز تقولي ع مكانها
جاسر وهو مازال ع وضعه: لاني قولتلك قبل كدا وانتي روحتي من ورايا عشان تهربيها رغم اني قولتلك متدخليش في الموضوع
جميله بغضب: بس الموضوع زاد عن حده اووي ،انت ليه متمسك بيها اووي كدا ومش عايز تسيبها
جاسر بسخريه: اصل بحبها فا متمسك بيها
جميله بغضب: ع فكره انا مبهزرش
جاسر بغضب وقام قعد قصادها : ولا انا بهزر ،وكفايه بقاا كلام في الموضوع دا عشان زهقت
جميله بغضب: لا مش كفايه ،هفضل اتكلم في الموضوع لحد ما تقولي مكانها او تسيبها
جاسر بنرفزه : وانا هريحك ،انا سيبتها خلاص ارتاحتي كدا
جميله : ايوا ارتاحت
جاسر بغضب: ياريت بقاا تتخمدي عشان انا بردوا تعبان و عايز انام
جميله بغضب: خمده تخمدك
جاسر وهو يمسح وشه بغضب : اتخمدي. ي جميله وخلي الليله تعدي ع خير ،انا ماسك نفسي بالعافيه

جميله بغضب قامت وقفت : ماشي ي جاسر بس ع فكره انت بقيت بارد

جاسر وهو يقوم من ع السرير ورأيح ناحيتها:طيب انا هوريكي البارد دا هيعمل اي انتي الي جبتيه لنفسك

حاولت جميله تخرج برا الاوضه لكن لحقها جاسر وشالها
جاسر وهو يبتسم بخبث:بقاا انا بارد مش كدا
جميله ابتسمت ببرائه:مين قال كدا ي حبيبي
جاسر بسخريه وهو رايح ناحيه السرير وهو شايلها :دي ناس كدا لسانها طويل و عايز يتقص
جميله بغيظ:انا لساني طويل و عايز يتقص
جاسر بخبث وهو بينيمها ع السرير ونام جنبها :وهو انتي الي قولتي بارد ولا حاجه
جميله بغيظ : لا
جاسر بخبث وهو فوقيها : طيب امال واخده الكلام ع نفسك ليه
جميله بغيظ وهي بصالوا : عشان مفيش حد غيرنا في الاوضه
جاسر وهو يقترب من شفايفها ويغمزها : طب خليني اشوف كدا لسانك طويل ولا لا
💖💖💖💖💖💖💖💖💖💖
في فيلا حمزه وناديه
وصل حمزه واستغرب لما ملقاش ناديه وطلع اوضته لقاها بتصلي وبتعيط بحرقه .كان عايز يجري عليها ياخدها في حضنه ويطمنها وهو عارف سبب الدموع لكن سابها تصلي وتخرج كل الي في قلبها ،وقعد ع السرير مستنيها تخلص ،
خلصت ناديه صلي وقامت فكت الطرحه واتفرد شعرها وقلعت الاسدال وكانت لابسه تحتيه قميص نوم نبيتي قصير ،وهي كل دا مخدتش بالها من حمزه الي كان بيبلع ريقه بصعوبه وقام ناحيتها وهي اتفاجئت واتخضت وكانت هتصوت لكن لحقها حمزه والتهم شهقاتها بين شفتيه وهو بيبوسها برقه وشغف
حمزه وهو يقبلها ع خدها مكان دموعها برقه : ممكن اعرف سبب الدموع دي
ناديه. بخجل ودقات قلبها سريعه: مفيش دموع ولا حاجه
حمزه بضحك وهو يمسح دموعها : امال اي دي ،مايه مثلا
ناديه ابتسمت غصب عنها : لا بس يعني عشان زعلانه ع مرات عمي

حمزه وهو ياخدها في حضنه ويملس ع شعرها بحنان : ان شاء الله هتبقي كويسه ،جاسر مش مأثر معاها خالص ووداها اكبر مستشفي في القاهره وبيتابع حالتها اكبر دكاتره في مصر

ناديه بحزن بعدت عنو وبصتلوا : بس علاجها مش كيماوي وكل دا ،لازم جاسر يسامحها

حمزه اتنهد: صعب ي ناديه ،صعب انو يسامحها ع كل الي عملتوا فيه دا

ناديه بحزن: لا مش صعب ،ماانت سامحتني ع حاجه لا يمكن تتغفر ابدا ومع ذلك حبتني وسامحتني

حمزه بحنان وهو يحضن وجنتيها بين يديه: احنا مش قولنا ننسي كل الي حصل زمان ،،، دا في الماضي احنا دلوقتي في الحاضر ،انا بحبك وسامحتك ،لكن دي حاولت تقتله وكانت عايزه تحرمه من انو يكون اب ،وكمان كانت فاكره ان جميله حامل وكانت عايزه تسقطها ،تفتكري كل دا وعايزاه يسامحها ،احنا بشر ي ناديه اه بنغلط ،بس مش كدا ،وبعدين دي مندمتش غير لما حست خلاص انها قربت تموت

ناديه : كل الي قولتوا عندك حق فيه بس انت قولت احنا بشر مش ملاك والبشر بيغلط وبيسامح

حمزه : ربنا هو الي بيسامح مش احنا

ناديه بمحايله: طب عشان خاطري كلموا وخليه يسامحها يمكن دا يخفف عنها شويه وتتقبل العلاج ،الدكتور قال لازم نفسيتها تكون كويسه

حمزه بتنهيده: حاضر هحاول

ناديه باسته برقه ع خده وهو ابتسم
حمزه بخبث وهو يلف يده حوالين خصرها ويقربها لحضنه: لا انا مينفعش معايا البوسه السريعه دي ،انتي المفروض تعوضيني عن الايام الي كنتي بعيده عني فيها

ناديه برقه وبهمس: حبيبي انا كلي ملكك

حمزه اتجنن من رقتها وانوثتها وهي ابتسمت وراحت ناحيه اللاب بتاعه وشغلت اغنيه

(انا كلي ملكك شيرين عبدالوهاب )
ورجعت ل حمزه وبرقه لفت ايديها حوالين رقبته كل دا وهو مستغرب انها مش مكسوفه
ناديه برقه: ينفع تعلمني الرقص
حمزه لف ايده حوالين خصرها :ينفع طبعا ي روحي
ضمها حمزه لحضنه وهو يعلمها اولي خطواتها الراقصه ويقبلها برقه وهو يدفن راسه في عنقها وهي تايهه في حبه وعشقه في كل لمسه وكل تفصيله فيها وكانت الاغنيه بتوصف حالتها فعلا وكأن الكلمات هي الي بتغنيها
انااااااااااااااااا
حمزه بهمس وهو يقبلها من جنب اذنها : بحبك

انا كلي ملكك. انا كل حاجه حبيبي فيا بتناديك
انااااااااا. انا مش بحبك الحب كلمه قليله بالنسبه ليك

اناااااااا انا كلي ملكك. انا كل حاجه حبيبي فيا بتناديك
اناااااااا. انا مش بحبك الحب كلمه قليله بالنسبه ليك
ناديه بتوهان مع كل لمسه منو وبصت في عيونه : انا عديت مرحله الحب من زمان انا بقيت بعشقك ي حمزه ،عمري ما كنت متخيله اني هحب او هلاقي حد يحبني كدا
انت احن راجل شوفتوا في حياتي ،حبيت ضحكتك الي بتنور حياتي ،حبيت حنيتك عليا ، انا مهما قولت كلام مش هيوصف احساسي ناحيتك

انت فرحه جت لعندي بعد عمر من التعب
في السعاده الي بعيشها ي حبيبي انت السبب
ضحكتك عقلك جنونك والحنان الي في عيونك
اوصف اييييي .واحكيلك اييييي

حمزه بعشق وجنون من كلامها الي جننوا وقربها ليه :انا الي مهما قولت كلام مش هيوصف احساسي ،انتي الي نورتي حياتي ودنيتي ،بس انا مستغرب انك مش مكسوفه ولا خايفه

انااااااااااا. انا كلي ملكك انا كل حاجه حبيبي فيا بتناديك. انااااااا انا مش بحبك. الحب كلمه قليله بالنسبه ليك
ناديه بحب وهي في حضنه وبين ايديه ويتمايلوا ع نغمات الاغنيه:عمري مااخاف وانا بين ايديك انت الامان بالنسبالي ،ازاي اخاف وانا معاك ،انا عمري ما كنت سعيده وفرحانه كدا غير لما شوفتك ودخلت حياتي

معااااااااك بضحك وبفرح .مبقتش خايفه ازاي هخاف وانا بين ايديك
ساااعاااات بخيالي بسرح. قبل اما بحلم كل حاجه القيهاا فيك والسنين هتفوت وتمشي منك انت انا مش هاممني
حمزه بهمس وحب: اوعدك ي حبيبتي طول ماانتي معايا مش هتشوفي غير الفرح والسعاده وبس

ناديه وهي في حضنه وتتمايل معه في عشق بينهم: وانا اوعدك ي حبيبي عمري حبي ليك هيقل ابدا ،هفضل جنبك ع طول وعمري مااهقدر ابعد عنك ابدا

بوعدك ي حبيبي عمري. شوقي ليك ما في يوم يقل
هبقي فرحك وقت حزنك في التعب تلاقينيي حضنك كل يوم من عمري لييييك
انااااا كلي ملكك. انا كل حاجه حبيبي فيا بتناديك
انااااا انا مش بحبك الحب كلمه قليله بالنسبه ليك

حمزه شالها وغمزها وهو رايح ناحيه السرير : خلصنا درس الرقص ،نشوف النتيجه بقاا

ناديه ضحكت بدلع:ههههههههههه مش فيه امتحان الاول

حمزه بخبث وهو ينيمها ع السرير :لا امتحان اي ،احنا بتوع امتحانات بردوا احنا بنشوف النتايج ع طول

ناديه بدلع ورقه: اممممممم طب كدا هاخد كام

حمزه وهو يقلع جاكيت البدله ويغمزها : انا لسه مشوفتش بس مبدائيا كدا احب اقولك امتياااز ي روحي

💖💖💖💖💖💖💖💖💖💖💖💖
يوم فرح يوسف وهاجر
هاجر في البيوتي سنتر ومعاها جميله وجوري
وسلمي واسيل ورنا وناديه
فستان هاجر

فستان جميله

فستان اسيل

فستان سلمي

فستان جوري

فستان ناديه

فستان رنا

عند يوسف كان واقف مع جاسر وحمزه ويزن وعبدالرحمن و ادهم
بدله يوسف

بدله جاسر

بدله حمزه

بدله ادهم

بدله يزن

بدله عبدالرحمن

حمزه بمزاح وهو يضع يده ع كتف يوسف: اي ي عريس انت شويه و دماغك هتطلع فوق من كتر ال بص
يوسف ضحك:ههههههههه مانا مش عارف اي الي اخرها كل دا
جاسر بضحك:هههههه دا الطبيعي ي بني ،احنا بردوا في فرحنا استنينا اكتر منك كمان
يوسف اتنهد: انا مش عارف هما بيعملوا اي دانا مخدتش الوقت الي هما خدوه دا
حمزه بغمزه: ي بني اتقل شويه مش كدا اكمل بثقه خليك زينا كدا
جاسر بضحك وهو بيشاور ع حمزه :هههههههه اهو الي بيقول خليك زينا دا مش قادر يقعد من غيرها دلوقتي
حمزه بشوق وتنهيده: بصراحه اه وحشتني اووي ،انا مش عارف اي الي طلعها
كلهم ضحكوا ع حمزه
يوسف بسخريه وضحك:هههههههه واضح فعلا التقل ،يخربيتك فضحتنا
حمزه :ههههههههه الله يعني اكدب
قطع كلامهم صوت الزفه بدل ع نزول العروسه بصوا كلهم ويوسف كان سرحان في هاجر وجمالها بالفستان وهي كانت مكسوفه وهي نازله وحاطه ايديها في ايد باباها
حمزه بمزاح وصوت واطي ل جاسر : الواد تنح بص باصصلها ازاي
جاسر :ههههههههه ي بني سيبوا بقاا مش مراته وبعدين دي حب طفوله مش حب كام سنه
حمزه بابتسامه: عندك حق
راح يوسف ناحيه هاجر ولؤي سلمهالوا
لؤي بابتسامه وتحذير : خلي بالك منها ي يوسف انت واخد حته من قلبي ،اوعي تزعلها ابدا ،وحافظ عليها
يوسف بحب وهو ينظر ل هاجر الي كانت باصه في الارض: في عيني ي عمي ،عمري مااهقدر ازعلها ابدا

ابتسم لؤي وباس هاجر ع جبينها بحنان وسلمها ل يوسف الي مسك ايديها وباسها برقه ودق قلبه بفرحه وهو شايفها بالفستان الابيض ، وهو كان بيحلم باليوم دا من زمان ،حب طفوله وشباب ،هاجر الي حبها وعشقها من صغره ،لكن بسبب سوء تفاهم هو الي بعدهم عن بعض لكن خلاص رجعوا. ومش هيتفرقوا تاني

،هاجر بصتلوا باعجاب بوسامته ورجولته في بدله فرحهم ،وهي كانت بتحلم باليوم دا واتمنته من زمان زيوا بالظبط ويمكن اكتر ،كانت بتحلم باليوم الي تكون فيه مراته ،وهو فعلا زي ما وعدها قدر يعوضها عن كل وجع وجرح خلاها عاشتوا وهيبداو حياتهم من النهارده ،حياه مفيهاش وجع ولا جرح ،حياه هتستمر وتدوم بينهم

يوسف بابتسامه حب وعينيه في عينيها : خلاص من النهارده محدش هيقدر يبعدك عني تاني بقيتي ملكي خلاص ،بحبك ي هاجر. بحبك اووي
اتكسفت هاجر وبصت في الارض وهو ابتسم ع كسوفها ومسك ايديها ولف ايديها في ايدو ودخلوا القاعه

عند جاسر راح ناحيه جميله الي كانت واقفه لوحدها
جاسر من وراها : حبيبي واقف لوحدوا ليه
جميله لفت وبصتلوا وابتسمت: كنت بدور عليك
جاسر ضحك وهو حاطط ايدو في جيبه:هههههه ليه عيل صغير تايهه
جميله وهي تضع يدها ع يده : لا ي ظريف بس اكيد مش هدخل لوحدي
جاسر وهو يرفع حاجبه: ظريف ،ماشي شكل لسانك لسه زي ماهو متقصش
جميله وهي بتطلع لسانها: لا لسه متقصش
جاسر بغمزه : هقصوا ي حبيبتي انهارده متقلقيش
جميله ضحكت:هههههههه طب يلا ندخل
دخل جاسر وجميله القاعه

💖💖💖💖💖💖💖💖💖💖
في القاعه شغل الدي جي اغنيه للعروسين
اخد يوسف هاجر عشان يرقصوا
(اجمل احساس في الكون اليسا)
يوسف حط ايدو ع خصرها وهاجر لفت ايديها حوالين رقبته وبيرقصوا وهما مركزين في عين بعض وعينيهم بتقول كتير ،وهما جواااهم حب وعشق يكفي الكون بحاله ،وهي بتفتكر ايامهم مع بعض وهو بيعوضها عن كل جرح ووجع اتسبب فيه بتفتكر اجمل ايام عاشتهم ولسه هتعيشهم زي ما وعدها
يوسف اتنهد بشوق : ياااه ي هاجر مش قادر اصدق انك خلاص بقيتي مراتي ،،انتي حب طفوله وشباب ولحد ما اموت هفضل احبك ،عمر حبك ما هيقل ابدا بالعكس دا هيزيد زي ما كان بيزيد دايما ،حتي وانتي كنتي بعيده كنت بشتاق ليكي ،كنت بتعذب وانتي بعيده عني ،وكنت خايف لتحبي حد غيري وانتي في امريكا

أجمل أحساااس ف الكون أنك تعشاااق بجنون
و ده حالي معااك .. خلتني أعيش أيام
مليانه بشوق و غرام دوبني هوااااك
اجمل احسااااس في الكون انك تعشق بجنون
وده حالي معاك خلتني اعيش اياام مليانه بشوق وغرام

هاجر بحب : وانا بحبك اووي ي يوسف ، عمر ما فيه ملي عيني وقلبي غيرك ،حتي وانا في امريكا كنت محافظه ع نفسي ليك مش لحد تاني ،كنت بتعامل بحدود مع الكل ،ومش بدي لحد فرصه ابدا

عاشقاك بجنون روحي أنا قلبي المكتوم
كله مناك وياك بعيش أحلى هنا حبيبي أنا يا روحي أنا
عاشقااك بجنون روحي انا قلبي المكتوم
كله منااك ويااك بيعيش احلي هنا حبيبي انا يا روحي انا
يوسف بعشق وهو يضمها لحضنه: وانا واثق فيكي من غير ما تقولي ، .اكمل اقولك ع سر

هاجر بحب: قول
يا ويلي يا ناري قلي أزاي اداري بشوقي و لهفة
قلبي بقربك حتى و أحنا سوى تتنور سنيني
و بيكبر حنيني قرب مني تعال في حضني و أملي حياتي هوى

يوسف اتنهد بشوق : تعرفي حتي وانتي في امريكا كنت عارف عنك كل حاجه ،انا الي كنت بساعدك وانت هناك ،والمشكله الي حصلتلك هناك لما اتسرقت منك الشنطه ،انا الي كلمت ناس تبعي هناك وهما الي جابوهالك ،يعني عمري ما نسيتك ولا كرهتك ،ازاي اكرهك وانتي حبك بيجري في دمي

ياويلي يا ناري قلي ازاي اداري بشوقي ولهفه قلبي بقربك حتي و احنا سوي تنور سنينيي وبيكبر حنيني قرب مني تعال في حضني واملي حياتي هوي

هاجر كانت بتسمعوا وهي مش قادره تصدق ان هو الي كان بيساعدها وهي هناك ،وهي الي كانت مستغربه مين الي بيعمل معاها كدا ودلوقتي عرفت الاجابه

عاشقااك بجنون روحي أنا قلبي المكتوم
كله مناك وياك بعيش أحلى هنا حبيبي أنا يا روحي أنا

عند ادهم واسيل
اسيل كانت بصالهم باعجاب :شايف بيحبوا بعض ازاي ،،الله شكلهم حلو اوووي
ادهم ابتسم ع طفلته ولف ايدو ع كتفها وضمها لحضنه من الجنب وتحدث وهو يمثل الزعل :يعني انا مش بحبك
اسيل بقلق : لا ي حبيبي انا مش قصدي
ادهم بابتسامه: انا عارف ،انا بهزر ي حبيبتي
اسيل بعبوس : كدا خضتني
ادهم بحنان وهو بيبوس راسها: اسف ي روحي اكمل بغمزه : المهم مقولتليش انتي ازاي بتحلوي كدا
اسيل ابتسمت غصب عنها : كدا بحلو انت مش شايف بطني
ادهم بخبث وغمزه: المصيبه اني شايفها ،مااهي الي محلياكي اكتر ،وبصراحه مش قادر استني اكتر من كدا وشكلي هفكس للفرح ونطلع نحجز جناح هنا
اسيل بخجل : ادهم عيب كدا
ادهم بضحك: عيب اي ي حبيبتي احنا لو اختفينا محدش هياخد بالو
اسيل بخجل يقتل : ادهم والله هسيبك واروح اقف مع بابا
ادهم بضحك وضمها لحضنه اكتر : هههههههه تروحي فين ي ماما ،والله ابدا ما تتحركي من جنبي
اسيل بخجل: خلاص يبقي احترم نفسك
ادهم وهو يرفع حاجبه: احترم نفسي ،اكمل بغمزه. انتي قد الكلمه دي
اسيل بخجل : لا بصراحه

غيرني بثواني أحساسي اللي جاني أول مرة أحس بدنيا
حلوة في عيني كدا أيه أتمنى تاني فيه كل الأماني
دنته مليت الدنيا عليي بالأشواق و الهنا

عند جوري ويزن
يزن وهو ينظر ل يوسف وهاجر : بصراحه اخوكي دا طلع برنس ،محدش يصدق انو يطلع بالرومانسيه دي

جوري ضحكت بصتلوا ورجعت بصت ل يوسف وهاجر : هههههه هو يوسف كدا مش بيبين لحد مشاعره بس مع هاجر بيبقي مختلف ،بيبقي انسان تاني خالص ،وبعدين يوسف بيحب هاجر من وهما صغيرين بس انا استغربت انو راح يخطب واحده تاني بس الحمدلله رجعوا لبعض تاني

يزن بصلها : طب وانتي

جوري باستغراب بصتلوا : وانا اي

يزن وهو باصص في عينيها : بتحبيني زي ما بحبك

جوري باستغراب : اي سبب السؤال ما انت عارف

يزن وهو يمسك اييدها برقه: عارف بس حابب اسمعها منك انتي مقولتيهاش غير لما اعترفتلك بحبي ليكي

جوري كانت لسه هتتكلم وتقولها لكن جيه حازم ومسك جوري
حازم : اي ي عم الرومانسي سيب ايد البت مش عشان مخطوبين هسيبهالك ،لسه لما تكتبوا الكتاب
يزن ابتسم لكن جواه كان هيموت من الغيظ وهي خلاص كانت هتقولها لكن حمدت ربها ان باباها لحقها وابتسمت وحضنت باباها من الجنب
يزن اتنهد: طب مانا قولت لحضرتك نعمل فرح مع يوسف ع طول بس حضرتك رفضت كان زماني دلوقتي ماسك اييديها براحتي
حازم : ههههههههههه وانت عايز تتجوزها عشان تمسك ايديها بس
جوري بخجل :باابااا
حازم : ههههههههههه خلاص بهزر يلا انا هسيبكوا واروح اشوف مراتي حبيبتي
يزن بتنهيده: عقبالنا
حازم بغمزه: مستعجل ع اي ي اخوياا بكره تقول ياريتني ارجع اعزب تاني
جوري : بقاا كدا ي سي بابا ماشي انا هقول ل ماما
مي من وراهم : مش محتاجه تقولي ي حبيبتي انا سمعت خلاص
حازم ضم مي لحضنه: حبيبتي انتي مصدقاها دي عايزه توقع بينا
مي وهي ترفع حاجبها : لا والله يعني مش انت الي لسه قايل كدا
حازم ببرائه: ابدا ي روحي اكمل بغمزه: هو انا اقدر استغني عنك
يزن بغمزه: ايوا بقاا ي حمايا ي جامد
حازم بغمزه: اي رايك ،اتعلم مني مش تقولي امسك ايديها ، جاتك وكسه سؤات سمعتنا ،اكمل وهو يشاور ع يوسف وهاجر ،شايف ابني الي كنت بقول عليه دبش وقفل في الكلام طلع مدردح عنك ورومانسي ازاي

يزن :احم خلاص ي حمايا متكسفنيش بقاا اوعدك هجيلك اتعلم منك

حازم :هههههههه ماشي
مي وهي بتشده: ملكش دعوه بالواد سيبه بلاش تفسده
حازم ببرائه: دانا هعلموا
مي :لا متعلموش
حازم وهو يمشي مع مي وغمز ل يزن: متخافش هعلمك
يزن ضحك:هههههه ابوكي دا مسخره
جوري :هههههه هو دا بابا عمروا ما هيتغير

عاشقاك بجنون روحي أنا قلبي المكتوم
كله مناك وياك بعيش أحلى هنا حبيبي أنا يا روحي أنا

خلصت الاغنيه ورجع يوسف وهاجر وقعدوا في الكوشه وراح جاسر وجميله سلموا عليهم
جاسر بابتسامه وهو يسلم عليه وحضنه: مبروك ي عريس
يوسف بابتسامه: الله يبارك فيك ي جاسر
جاسر بغمزه: طب ما انت حلو اهو وطلعت حبيب كمان وليك حب طفوله اهو
يوسف بابتسامه وبص ل هاجر ورجع بص ل جاسر : ماهو كان سوء تفاهم وراح لحالوا خلاص
جاسر بابتسامه: ربنا يسعدك ي صاحبي
يوسف بابتسامه: تسلم ي جاسر

جميله وهي تحضن هاجر : مبروك ي جوجو
هاجر وهي تحضنها : الله يبارك فيكي ي قلبي
يوسف بابتسامه: بقولك اي ي جميله
جميله بابتسامه: قول ي اخوياا
يوسف بغمزه: ما تسمعينا صوتك كدا
جميله باستغراب : هو انا خارصه مانا بتكلم اهو
هاجر ضحكت:هههههههههه لا هو قصدوا تغني
يوسف بابتسامه حب: حبيبتي دايما فهماني
جميله بغمزه: ايوا ي عم الله يسهلك
يوسف بمزاح: لا ونبي بلاش قر النهارده خلي الليله تكمل ع خير
جميله بغيظ : بقاا انا بحسدك ي يوسف ماشي
جاسر وهو يحضن جميله من الجنب: ماتلم نفسك ي زفت ومتقولش كدا ع مراتي ،انا حبيبتي مش بتحسد
جميله طلعت لسانها ل يوسف: ي لهوي ع كسفتك
يوسف بضحك : ما هو جوزك لازم يشهدلك
هاجر بضحك: متاخديش ع كلاموا ي حبيبتي انتي عسل
جميله وهي تبوسها: انتي الي عسل ي روحي
هاجر بابتسامه: غني بقاا ي جوجو عشان خاطري
جميله بابتسامه: حاضر عشان خاطرك ي روحي هغني
نزل جاسر وجميله وراحت جميله ناحيه الاستيدج ووشووشته وخدت المايكروفون وراحت ليوسف وهاجر وشدتهم عشان يرقصوا وغمزت لادهم وهو خد اسيل عشان يرقصوا
(حلم سنين تامر حسني )

حلم سنيييييين
يزن مداش فرصه ل جوري وشدها للرقص
وغمز ل حازم
حازم بضحك: هههههه الواد دا شكلوا بيتعلم بسرعه
مي ابتسمت غصب عنها وبصتلوا : انت غريب اووي انت المفروض تغير ع بنتك
حازم وهو يشدها لحضنه: واغير عليها ليه دا بيحبها وهيبقي جوزها وبعدين حب الاب غير حب الزوج دا مختلف ،دا حب. ودا حب ،اكمل بغمزه خصوصا حب الزوج ،ماتيجي اقولك الفرق بينهم

مي ضحكت:هههههههه عمرك ما هتتغير بزمتك دا كلام يقولوا واحد ابنوا بيتجوز النهارده
حازم بخبث : ومالوا انا لسه بصحتي معجزتش وبعدين ابنك خلاص اتجوز ومبقاش يتخاف عليه وجوري مع خطيبها ،اكمل بغمزه يعني مفاضلش غيرنا
مي بعدت عن حضني: احنا في الفرح ي حازم ميصحش
حازم بغمزه: مانا بقول من بدري سيبنا من الفرح
اللواء اسر حط ايدو ع كتف حازم : ما تخف ي اخوياا وركز في فرح ابنك
حازم بلامبالاه: طب وانا اركز ليه هو فرحي انا وبعدين متقلقش هو يوسف اصلا عايز الفرح يخلص دلوقتي وياخد هاجر ويطير يعني مش هيركز
اسر بضحك: هههههه طول عمرك فاضحنا
حازم بغمزه : طب بذمتك انت مش عايز تاخد هاجر وتطيروا دلوقتي
اسر بص ل هاجر جنبوا وابتسم بحب ورجع بص ل حازم : بصراحه نفسي ،بس اعمل اي مضطر استني عشانها ،مش عايزه تسيب الفرح وتمشي ،تقولش فرحها
ضحك حازم ومي وهاجر ضربته ع كتفه
اسر بضحك: طب بصي اخوكي بنفسوا الي هو المفروض دا فرح ابنوا وعايز ياخد مراتو ويطير ،انتي بقاا عايزه تقعدي ليه
هاجر وهي بتغيظه : عشان يوسف حبيبي
اسر بغيره: هو مين دا الي حبيبك ي زفته ،متخلنيش اروح اقتل الواد
حازم وهو بيخبط ع كتفه: تقتل مين ي بابا انت مش واخد بالك ان ابوه واقف ولا اي
اسر بغيره بصلوا ورجع بص ل هاجر : يعني انت مش شايف اختك بتقول اي
هاجر ضحكت:هههههههه يوسف ابني ي اسر في اي ،هتغير من ابني
اسر بغيره: واغير من ابويا ،فا لمي نفسك وخلي الليله تعدي ع خير 
حازم :ع فكره دي اختي الي انت بتكلمها دي
اسر : ي عم روح شوف انت كنت بتعمل اي وسبني مع اختك
حازم :ههههههههههه انت لو بتشقط واحده مني كنت طلبتها باسلوب احسن من كدا.   اي سيبني مع اختك دي انت شاقطها
اسر بص ل مي : مي خدي جوزك ونبي عشان مقتلهوش هو وابنوا
حازم وهو بيشاور ع جميله. جاسر وغمز لاسر : طب ما تركز مع بنتك شوف ،قمر ازاي وهي بتغني ومجمعه الكل
اسر بغيره لكن جواه مبسوط ان بنته فرحانه وهي مع جاسر وفعلا زي ماوعده عمره ما هيزعلها ابدا : انت هتعاكس بنتي كمان
حازم ضحك ومسك مي وهو ماشي  :ههههههههه لا بجد انت فظيع انا ماشي بدل ما تقتلني
جميله راحت ل جاسر وهي بتغني وعينيها في عينيه وهو ابتسم بحب ورقصوا
الاتنين كانت بتوصف احساس يوسف وهو بيقولها الكلمات بقلبه وضمها لحضنه
حلم سنيييييين
عشنا وشفناه اليوم اللي اشتاقناله احضني قصاد الناس يا حبيبي وماله
مابقينا لبعض خلااااص
جميله وهي بتغمز ل يوسف
زادو العشاق اتنين اكتب أسامينا
كان حلم سنيين وسنيين نبقي لبعضينا
الله على دا الاحسااااااس
جميله كانت بتغني وهي بتتمايل في حضن جاسر وبيرقصوا وجاسر غمز ل حمزه
وحمزه اخد ناديه عشان يرقصوا
ناديه بخجل : بس ي حمزه انا مش بعرف ارقص
حمزه بغمزه وهي بيخليها ترقص معاه : امال درس الرقص الي خدتيه دا اي ،دا انتي خدتي امتياز ي روحي
ناديه بخجل يقتل : بس
حمزه بابتسامه: مبسش ي حبيبتي سيبي نفسك خالص وركزي معايا ،بصي انسي اي حد حواليكي وركزي في عيوني ومتبصيش لحد
ناديه نفذت الي هو قالوا فعلا وسرحت في عيونه الي خطفتها من اول نظره وقلبها دق ليه
وهو بردوا سرح في عيونها الي زي البحر وكان غريق فيهم

عبدالرحمن كان مضايق عشان مامته لكن سلمي مسكت ايده كانت عايزه تخرجه من موده وبصتلوا وعينيها كانت بتطلب قبل شفايفها
سلمي برقه:يلا نرقص
عبدالرحمن محبش يضايقها وابتسم وخدها يرقصوا

ليلة وانت جنبي ليلة
تسوي عمري ليلة بألف ليلة معااااااك
ليلة وانت جنبي ليلة. .تسوي عمري ليلة
بألف ليييلة معاااااااك
يوسف ضمها لحضنه اكتر وهي سندت ع صدره وهي بتسمع صوت دقات قلبه
اسر الصغير مسك ايد اروي وراح يرقصوا وهي ابتسمت ورقصت معاه
حلم سنييييين
أنا قلبى خلاص هتنام علي صوت دقاته
هيعيش وياك على طول اجمل أوقاته
حبك ولا يوم هنسااااااه
اياد بص ل كارما وهو جواه احساس غريب محسوش مع رنا قبل كدا ،لكن مش عارف يوصف احساسه او يحلله ،لكن لقاا نفسوا لا ارادياا راح ناحيتها. وهو بيطلب منها ترقص معاه كأن فيه مغناطيس بيشدو ليها ،وهي فرحت ووافقت
أنا قد القول ومعاك وفيت بوعودي
وانت استنيت وبقيت محتاج لوجودي
واهو ربنا جمعنااااااا
ليلة وانت جنبي ليلة تسوي عمري ليلة
بألف ليلة معاك
ليلة وانت جنبي ليلة ..تسوي عمري ليلة
بألف ليلة معااااااااك
هاجر كانت باصه في عيونه وهي كان نفسها كان موجود معاها دايما ومكنتش بعدت عنو ولا سافرت وهي بتقوله بعيونها ع الايام الي عاشتها من غيره
يوسف بحب : تعرفي كل يوم مكنتيش بتغيبي عن بالي ابدا ،كنت كل يوم باشتاق ليكي ،الي كان بيصبرني صورتك الي كانت معايا

هاجر بحب : ولا انت كمان كنت بتغيب عن بالي ،انا لو حكيتلك عن حالي وانا في الغربه ونفسي ارجع واحس بالامان وانا جنبك بس لما كنت بفتكر ان انت مكنتش معترض ع سفري قولت انك مش بتحبني عشان كدا كنت بعند واكمل
يا ليالي
يا ليااااالي
يا ليااالي احكيله علي حالي
كنت فين
آه كنت فين
يا حبيبي ده انت
حلم سنييييييييييين
يوسف بحنان: اسف ي روحي ،اوعدك مش هبعدك عن حضني ابدا وهعوضك عن كل حاجه
اتنهدت هاجر بحب وهو ضمها لحضنه اكتر وكملوا رقص
ليلة وانت جنبي ليلة تسوي عمري ليلة
بألف ليلة معاااك
ليلة وانت جنبي ليلة. تسوي عمري ليلة
بألف ليلة معاااااااااااااك
حلم سنيييييييين
حلم سنييييييييين
خلصت الاغنيه ويوسف شال هاجر ولف بيها وهو بيصرخ بصوت عالي : بحبببببببببببببك
هاجر كانت مكسوفه لكن فرحانه ومتمسكه بيه وكلهم صقفوا وهما فرحانين لفرحتهم
💖💖💖💖💖💖💖💖💖💖
في شقه يوسف وهاجر
دخل يوسف وهو شايل هاجر ودخلوا الشقه
يوسف بشوق وهو شايلها : اخيرااا بقيتي مراتي واتقفل علينا باب واحد
هاجر بخجل : اه نزلني بقاا
يوسف بابتسامه حب : حاضر ي حبيبتي
نزلها يوسف وهي جريت ع الاوضه وقفلت الباب وهو انفجر من الضحك عليها
دخلت هاجر غيرت الفستان ودخلت خدت شاور ولبست بيجامه ونامت من التعب والخوف وهي مكسوفه
بعد ساعه
يوسف بزهق وهو بيخبط ع باب الاوضه : اي ي هاجر كل دا بتغيري حرام عليكي دا انتي لو بتلبسي الدولاب كنتي خلصتي
استغرب يوسف لما مسمعش اي رد وخبط تاني
يوسف باستغراب : هاااجر
ملقاش رد وجيه يفتح الباب لقاه مقفول بالمفتاح
يوسف بغيظ : ماشي ي هاجر
راح يوسف ناحيه الكنبه ونام وهو هيموت من الغيظ
💖💖💖💖💖💖💖💖
في جناح جاسر وجميله
جاسر بخبث وهو يشد جميله لحضنه : قولتيلي بقاا لسه لسانك متقصش
جميله ضحكت وبتحذير :ههههههه جاسر انا حامل ي حبيبي
جاسر ضحك بسخريه: تصدقي كنت ناسي
جميله وهي تلف يدها حوالين رقبته: طب كويس انك فاكر يعني خلي بالك واوعي تتهور
جاسر ببرائه: متخافيش مش هتهور ،هبقي رقيق وحنين  معاكي
جميله بعدم تصديق : مش عارفه مش مرتاحه لنظرتك دي
جاسر ضحك وشالها وهو يغمزها : ههههههههههه متخافيش ي حبيبتي ،انتي عارفاني
جميله بسخريه: ما المصيبه اني عرفااك
جاسر وهو يرفع حاجبه وابتسم : بقاا كدا   ،ماشي
💖💖💖💖💖💖💖💖💖
في جناح ادهم واسيل
ادهم بغمزه وهو يحملها : اهم حاجه واخده العلاج  بتاعك  
اسيل بخجل : اه واخداه
ادهم بغمزه : يعني براحتي
اسيل بخجل يقتل : ادهم متخوفنيش منك
ادهم ضحك وباسها بحنان وهو رايح ناحيه السرير : متخافيش ي حبيبتي انا عمري ما اقدر اذيكي ابدا ،انتي روحي في حد بيأذي روحه
اكمل بغمزه: وبعدين انا عايز فراولتي
اسيل باستغراب : هي مش شوكلاته
ادهم بخبث ونيمها ع السرير ونام جنبها وهو فوقيها  : بس مفيش شوكلاته دلوقتي فيه فراوله وانا لازم اكلك ي حبيبتي
اسيل بخجل: كدا ومش هتخوفني
ادهم بضحك:هههههههه خلاص اهو مش هتكلم  اكمل بغمزه وهو يقترب من شفايفها ، هعمل ع طول
💖💖💖💖💖💖💖💖💖
في جناح حمزه وناديه
ناديه بخجل : يعني ينفع الي عملتوا دا
حمزه بخبث وهو رايح ناحيتها : عملت اي ي حبيبتي
ناديه بخجل : انت اصريت اني ارقص وانا كنت مكسوفه اوووي
حمزه ابتسم وبص في عيونها وفك حجابها وهو بيكلمها : ي حبيبتي قولتلك ركزي معايا ومتبصيش لحد وانتي مش هتكسفي
ناديه كانت سرحانه في عيونه ومخدتش بالها انو فك حجابها وهو ابتسم ومكمل مهمته وهو يضمها لحضنه بهدوء ويقبلها من رقبتها بشغف وهي كانت في حاله توهاان رهييبه وهو بيفك سحاب الفستان وبيوزع قبلاته ع عنقها ،واتفك الفستان ورماه وهي اتفاجئت وشهقت بخجل لكن التهم شهقتها بين شفتيه برقه وشغف وهو يحملها
💖💖💖💖💖💖💖💖💖
في جناح عبدالرحمن وسلمي
سلمي برقه قربت منو وباسته ع خده وهو ابتسم وهي ابتسمت وباسته ع خده التاني
عبدالرحمن بغمزه: طب مفيش في النص ولا اي
سلمي بخجل : لا كفايه كدا
عبدالرحمن وهو يقترب من شفايفها : لا كفايه اي احنا لسه عملنا حاجه
باسها عبدالرحمن برقه وشغف ونسي حزنه ،مبقاش مركز غير معاها هي الي بتقدر تبعده عن الدنيا بحالها وهي معاه ،وهي بادلته نفس المشاعر ،هو كان واحشها   بسبب مرض مامته وهو بعيد عنها وحزين دايما وكانت بتحاول ع قد ما تقدر تخرجه من حزنه وتقف جنبوا وقدرت حزنه وخوفه ع مامته
بعد عبدالرحمن عنها لكن لسه قريب
عبدالرحمن :انا عارف ي حبيبتي انك استحملتي كتير معاياا  بس غصب عني ،فعلا مرض ماما مأثر فياا ومخليني مش طايق الدنيا ،هي اه غلطت بس هي في الاول وفي الاخر امي
سلمي بحب ورقه وهي تضع يدها ع خده: انا مش زعلانه ي حبيبي ،انا حاسه بيك و عارفه شعورك  بس خليك واثق في ربنا وادعيلها تقوم بالسلامه
عبدالرحمن بهدوء: ان شاء الله ي حبيبتي ،يارب تقوم بالسلامه  اكمل بغمزه خلينا دلوقتي في حبيبي الي زعلان ووحشني ،انا لازم اعوضك
سلمي بخجل : انا مش زعلانه
عبدالرحمن وهو يحملها ويمشي لسرير : لا انا متاكد انك زعلانه وانا لازم اصالحك

💖💖💖💖💖💖💖💖💖💖💖💖
في شقه اللواء اسر وهاجر
اسر وهو يقترب منها بخبث ووعيد: قولتيلي بقاا مين حبيبك
هاجر بدلع ورقه : انت طبعا ي حبيبي
اسر وهو يرفع حاجبه : لا ي شيخه امال اي الكلام الي كان في الفرح دا
هاجر بتمثيل النسيان: كلام اي
اسر وهو يعقد حاجبيه: لا والله مش عارفه كلام اي كمان.  اكمل وهو يحملها ويغمز : انا بقاا ي حبيبتي هفكرك كلام اي هخليكي تفتكري كل حاجه عشان تحرمي تتغذلي في حد وانا واقف

هاجر كتمت ضحكتها : لا خلاص افتكرت
اسر بخبث وهو ينيمها ع السرير ويغمزها : انا بقاا لسه مفتكرتش

💖💖💖💖💖💖
في الليل صحيت هاجر لما شعرت بالجوع الشديد وقامت خرجت برا الاوضه واتفاجيت بيوسف نايم ع الكنبه والاكل كان ع السفره   راحت هاجر بهدوء وحذر وقعدت كلت وهي بتحاول متعملش صوت عشان يوسف
يوسف بغيظ من وراها : وكمان ليكي نفس تاكلي
اتفزعت هاجر ونطت ع السفره
هاجر بخوف : استني بس هفهمك
يوسف بغيظ وهو يحاول امساكها : تفهميني دانا اللي هفهمك ي حبيبتي
هاجر بخوف  : يوسف وحياتي خلاص انا اسفه
يوسف : تؤتؤتؤ لازم اخد حقي دا انا مستني اللحظه دي من زمان ويوم ما تيجي حضرتك تتخمدي وتسيبيني برا
هاجر بخوف : ي يوسف ماانا كنت خايفه
يوسف بغضب: هو انا هاكلك
هاجر : مش قصدي بس انت لازم تقدر حالتي ،انا اول مره اتجوز
يوسف بسخريه: لا والله دا ع الاساس اني متجوز ١٥ مره ولا اي مش فاهم
هاجر ضحكت غصب عنها برغم خوفها : لا  بس انت راجل هتخاف ازاي وانت بالنسبالك عادي لكن انا مكسوفه
يوسف بغيظ : انزلي ي هاجر بدل مااطلع اشيلك انا
هاجر : حاضر هنزل بس اوعدني مش هتلمسني
يوسف بغيظ : ي بت انتي عبيطه ،احنا النهارده دخلتنا مش هلمسك ازاي
هاجر وهي بتدب ع السفره بطفوله : خلاص مش هنزل
يوسف بغيظ وهو يقف ع الكرسي : خلاص هطلعلك انا
هاجر :عاااااا لا خلاص هنزل
هاجر نطت من ع السفره وجريت ع الاوضه وحاولت تقفل الباب لكن يوسف كان اسرع منها
يوسف وهو يحملها بتوعد: انتي الي جبتيه لنفسك ي حبيبتي
هاجر بخجل وخوف : يوسف  والله هصوت
يوسف بخبث : انا عايزك تصوتي ي حبيبتي
هاجر بخجل : طب استني هاكل انا جعانه
يوسف بخبث ووعيد: لا ي حبيبتي عقابا ليكي مش هتاكلي انا الي لازم اكل وهاكلك انتي ي روحي
💖💖💖💖💖💖💖💖
في الصباح صحي يوسف وبص ل هاجر الي كانت نايمه في حضنه واتنهد بحب  انها خلاص بقت مراته شرعا وقانونا ،بعد حب طفوله مش حب دام سنه ولا سنتين لا دا حب دام سنين من صغرهم  ،من صغره وهو بيحبها ويعشقها بجنون ،كان بيغير عليها ومازال
  صحيت هاجر وشافتوا وهو باصصلها ومبتسم وهي ابتسمت بخجل
هاجر بخجل : ممكن اعرف باصصلي كدا ليه
يوسف بخبث : بصراحه بفكر اعاقبك ازاي ع الي عملتيه امبارح
هاجر بخجل : ما خلاص بقاا خلي قلبك ابيض ،وبعدين ما انت خدت حقك
يوسف بخبث : لا دا مكنش حقي ،دا كان شي طبيعي لازم يحصل لكن حقي لسه مخدتوش وانا لازم اعيد من الاول ،انا امبارح متمزجتش عشان كنت متغاظ منك
هاجر بخجل ضربته ع صدره وحاولت تقوم:مليش دعوه انت مخدتش حقك امبارح وخلاص امبارح خلص يعني ملكش حق

يوسف مسكها وغمزها:عندك حق امبارح خلص احنا في النهارده وانا لازم ابدا من الاول

💖💖💖💖💖💖💖💖💖💖