رواية احببت عنادك... بقلمي/هاجر هشام الفصل المئة 108 - بقلم Hagar Hešhàm

في اكبر مستشفي في القاهره
دخل جاسر غرفه مرات ابوه ،وكانت نايمه ع السرير ومتعلقلها محاليل وشكلها. ضعيف
راح جاسر ناحيتها وهو حاطط ايدو في جيبه وبيتفحصها
دخلت الممرضه في اللحظه دي
الممرضه بابتسامه: ازي حضرتك ي جاسر بيه
جاسر وهو حاطط ايدو في جيبه وبصلها ورجع بص ل مرات ابوه : الحمدلله
راحت الممرضه ناحيه المحلول المتعلق للام وحطت حقنه فيها وبعد جاسر عشان تعرف تحطها
جاسر وهو باصص ل مرات ابوه :هي عامله اي
الممرضه : للاسف حالتها زي ما هي مفيش تحسن هو تقريبا العلاج الي بتاخدوا بيخلي حياتها تستمر شويه
جاسر وهو يتنفس بغضب : امال انتوا لازمتكوا اي ،وانا جايبها هنا ليه مش عشان تعالجوها
الممرضه بهدوء: ي فندم انا مليش دعوه حضرتك ممكن تتكلم مع الدكتور
جاسر بغضب : وفين الزفت
في اللحظه دي دخل الدكتور
الممرضه راحت ناحيه الدكتور
الممرضه: اهو الدكتور تقدر حضرتك تستفسر منو
خرجت الممرضه
جاسر اتنفس بغضب: تقدر تقولي ليه حالتها زي ما هي و مفيش تحسن
الدكتور بهدوء : ماشي بس ممكن حضرتك نتكلم برا عشان المريضه والصوت
جاسر : ماشي
خرج الدكتور وجاسر وراحوا المكتب وقعدوا
الدكتور بهدوء: دلوقتي حضرتك عايز تعرف اي

جاسر بعصببه: عايز اعرف ليه حالتها مش بتتحسن

الدكتور بهدوء:بص بصراحه انا مش هكدب ع حضرتك هو المفروض فيه عمليه بتتعمل ليها عشان نقدر نشيل الورم لكن هي رافضه العمليه نهائي ،حتي العلاج مش راضيه تتقبله ولازم مرحله العلاج تكون نفسيتها كويسه ،لان العامل النفسي بيفرق جدا في العلاج

جاسر : بس ليه نفسيتها مش كويسه وعيالها جنبها ومش بيسيبوها

الدكتور بحيره: الحقيقه انا معرفش اي السبب وحاولنا نسالها لكن مردتش

جاسر : يعني لو عملت العمليه هتخف

الدكتور : لا مش بشكل كلي بعد العمليه ساعتها هتستمر ع علاج لحد ما تخف بشكل كلي

جاسر : طيب لو وافقت هتتعمل امتي العمليه

الدكتور : لو وافقت ساعتها هنحضر للعمليه في اسرع وقت بس هنعملها الاول اشاعات عشان نعرف الورم انتشر ولا لا

جاسر قام وقف: تمام ،حضر للعمليه ومتشغلش بالك بموافقتها انا هخليها توافق

الدكتور :ماشي
خرج جاسر وراح اوضه مرات ابوه
وقعد ع الكرسي قصادها وهي فاقت وبصت جنبها وشافتوا وهو باصصلها بملامح جامده
الام بابتسامه ضعيفه: جاسر ،انت هنا ي بني
جاسر بجديه:انتي ليه مش عايزه تعملي العمليه
الام اتنهدت وحست بأمل انو ممكن يسامحها: كفايه ي بني انا عايزه اموت كفايه الي عملتوا في دنيتي ،انا تعبت
جاسر : مستعده تقابلي ربنا ب الذنوب دي
الام بتعب: ربنا غفور. رحيم ي بني
جاسر : وليه مفكرتيش في ربنا قبل ما تعملي الي عملتيه معايا
الام بندم: الطمع عمااني ي بني
جاسر اتنهد: ع العموم انا مش جاي افتح في الي فات ،انا جاي اقولك انك هتعملي العمليه ،لو مش عايزه تعمليها عشان نفسك اعمليها عشان عيالك
الام بتعب: بلاش ي بني تصرف فلوس ع الفاضي كفايه الي عملتوا معايا كتر خيرك ،انا مستاهلش كل دا
جاسر :هتعملي العمليه
الام بقله حيله: حاضر هعملها
جاسر وهو يقف ويضع يده في جيبه: تمام انا هبلغ الدكتور وان شاء الله تعمليها في اسرع وقت
الام بدموع : طب ينفع تسامحني انا ممكن في العمليات اموت ،ودا اخر طلب لياا في الحياه
جاسر :كان ممكن اسامحك لو كنتي حاولتي تقتليني بس لكن انتي حاولتي تقتلي مراتي وكمان كنتي عايزه تحرميني من الخلفه بس عشان ربنا كريم ،محرمنيش من الخلفه ومتفتكريش عشان جيت هنا وبعمل كل دا اني خلاص هتطلبي مني اسامحك وانا هسامحك عادي ،لا انا عملت كدا عشان انتي بردوا ربتيني وراعتيني ،يعني دي قصاد دي ،عن اذنك
خرج جاسر برا ولقا جميله في وشه بصلها ومن خلال تعابير وشها عرف انها سمعت ،
جاسر : انتي جايه هنا ليه
جميله : نفس السبب الي انت جيت عشانوا
جاسر وهو يشاور ع جوه الاوضه: تمام ادخلي لنفس السبب
سابها جاسر ومشي وهي بصت عليه وهو ماشي واتنهدت ودخلت
💖💖💖💖💖💖💖
عدي يومين وكان النهارده معاد العمليه
في المستشفي عند اوضه العمليات كان عبدالرحمن وسلمي ورنا وناديه وجميله والعمده واقفين مستنين وعبدالرحمن رايح جاي وهو قلقان وسلمي واقفه معاه وهي بتحاول تهديه ،ورنا بتعيط في حضن باباها وجميله وناديه معاها
العمده وهو يربت ع ضهرها بحنان: ي حبيبتي ماما هتبقي كويسه متقلقيش ،اهدي انتي بس وكفايه عياط
رنا بدموع: خايفه اوووي ي بابا ،خايفه اووي عليها
جميله وهي تربت ع كتفها : متخافيش ي رنا ان شاء الله هتخف وترجع احسن من الاول
رنا بدموع: يارب ي جميله يارب ،انا مش قادره اتخيل اني ممكن اعيش من غيرها.
ناديه بأمل: متقوليش كدا ي حبيبتي ان شاء الله العمليه تنجح وتخرج بالسلامه
رنا بدموع ورجاء: يارب
💖💖💖💖💖💖💖💖
في شركه جاسر في مكتبه
حمزه : ي بني النهارده العمليه وكان لازم تكون موجود مينفعش دي مهما كانت مرات ابوك وهي الي ربتك
جاسر : ايوا والمفروض اعمل اي اكتر من الي عملتوا
حمزه : تسامحها
جاسر قام وقف وراح ناحيه الشباك وهو حاطط ايدو في جيبه: مش هينفع ،انا لحد كدا ومش هقدر اعمل اكتر
حمزه قام وقف وراح ناحيته : لا تقدر انت عملت اكتر من كدا ،انك تخليها توافق تعمل العمليه بعد ما كانت رافضه وكمان وديتها اكبر مستشفي دا يدل انك مش هاين عليك تسيبها كدا لكن كبريائك مانعك تعترف ،انت مسامحها لكن بتعند

جاسر مردش لان كل كلمه قالها حمزه صح هو بيحاول يقنع نفسوا ان دا عشان هي الي ربته

حمزه : مردتش يعني كل كلمه قولتها صح
جاسر اتنهد: انت عايز اي ي حمزه
حمزه وقف قصادوا : عايزك تروح تقف معاهم اخواتك لوحدهم ،خليك جنبهم
جاسر : اخواتي مش لوحدهم بابا معاهم وغير جميله وناديه
حمزه : باباك كبير مش هيقدر يكون جنبهم وبعدين ناديه مع رنا ،طب وعبدالرحمن
جاسر : عبدالرحمن راجل وكبير مش صغير
حمزه : بس هو دلوقتي مامتوا بين الحياه والموت ،مفيش حاجه اسمها كبير ولا صغير
جاسر : ريح نفسك ي حمزه انا مش هروح في مكان
💖💖💖💖💖💖💖💖💖
في المستشفي
خرج الدكتور من غرفه العمليات وهو بينهج ويتصبب عرقاا راح الكل ناحيته بخوف وقلق
عبدالرحمن بقلق : طمني ونبي ي دكتور ،ماما اخبارها اي
الدكتور بتعب: الحمدلله العمليه نجحت
الكل فرح واتنفسوا ب راحه كبيره وهما بيحمدوا ربنا
عبدالرحمن بفرح: طب احنا نقدر نشوفها
الدكتور : ماشي بس لما تفوق هي لسه تحت تاثير البنج وكمان احنا نقلناها الرعايه هتفضل كام يوم تحت الملاحظه
عبدالرحمن : ماشي ي دكتور ،شكرا لحضرتك
الدكتور : العفوا عن اذنكوا
مشي الدكتور ورنا حضنت باباها جامد وهي فرحانه
بعد وقت كبييييير
فاقت الام والكل حواليها وهي عينيها بتلف ع الموجودين عشان تشوف جاسر واتنهدت بيأس لما ملقتهوش وجميله خدت بالها وقربت منها
جميله بابتسامه خفيفه: حمدلله ع السلامه
الام بصتلها وهي جواها ندم رهييب ،وعينيها بتطلب منها السماح وجميله عرفت من نظره عينيها عايزه تقول اي
جميله بابتسامه : يلا شدي حيلك بقاا عشان تنوري بيتنا
الكل بصلها باستغراب والام بردوا وهما مش فاهمين حاجه
وكملت جميله : جاسر هو الي طلب كدا ،عايزك تعيشي معانا ،دا طبعا بعد اذن حضره العمده

عبدالرحمن وهو يربع ايدو: والله وازاي جاسر طلب كدا وهو اصلا مفكرش يجي يزورها

الام بتعب : مين قال انو مجاش زارني ،جاسر هو الي اصر اني اعمل العمليه

كلهم اندهشوا ماعدا جميله وناديه لانهم عارفين
عبدالرحمن بدهشه: جاسر هو الي خلاكي تعملي العمليه ،امتي الكلام دا
الام : من يومين
عبدالرحمن : عشان كدا انا استغربت بردوا انك وافقتي تعملي العمليه بعد ما كنتي رافضه نهائي
جميله : ها قولتي اي ي طنط
الام بندم: بلاش ي بنتي ،انا مش عايزه اتقل ع حد
قاطعتها جميله
جميله : احنا مش حد احنا كلنا عيالك ،يعني مش حد غريب وانا بصراحه مش هقبل بأي اعتذارات

العمده : بس انتي مش هتكوني فاضيه ي جميله وجاسر بردوا هيكون مشغول في شركته

جميله : لا حضرتك انا دلوقتي شغلي بسيط عشان الحمل يعني ممكن ساعتين وارجع وممكن في ال ساعتين دول رنا تقعد معاها ولما ارجع تروح شغلها

الام : لا ليه التعب دا انا هرجع الصعيد مش عايزه اكون حمل ع حد

جميله بصتلها بعتاب: بردوا بتقولي حد ،وبعدين انا معترضتش انك ترجعي الصعيد حضرتك تقدري ترجعي بس بعد ما تخفي كلياا ومن هنا لحد ما تخفي هتيجي معايا الفيلا

عبدالرحمن باعتراض : لا امي هتيجي معايا

جميله : وانت هتكون فاضي انت هتروح الشركه وكمان سلمي حامل وتعبانه

عبدالرحمن : ماانتي بردوا حامل ولسه في الشهور الاولي يعني تعب

جميله : لا متخافش هقدر اعتني بمامتك كويس

لسه عبدالرحمن هيرد قاطعه
الام : خلاص ي عبدالرحمن انا هروح اعيش مع جميله
عبدالرحمن بقله حيله: الي تشوفيه ي ماما
جميله للعمده: و حضرتك بردوا هتيجي تقعد معانا
العمده : لا ي بنتي انا مينفعش اسيب البلد لحالها
جميله : ماشي مجتش من كام يوم حضرتك تقعد معانا فيها
رنا بمحايله: اه عشان خاطري ي بابا خليك قاعد معانا
العمده بحنان :حاضر ي حبيبتي
💖💖💖💖💖💖💖
عند يوسف وهاجر الصغيره قضوا اجمل يومين في حياتهم وهما مستمتعيش بشهر العسل في سيلانجور وهي تعد واحده من اهم المناطق السياحيه في ماليزيا و اجمل المدن خصوصا ب مدينه بوت ديكسون

عند هاجر كانت واقفه عند البحر وهي لابسه شورت جينز قصير وتيشيرت بينك وكانت سرحانه واتفاجئت بيوسف بيحضنها من الخلف وشالها وهي ابتسمت بحب
يوسف بغمزه: كنتي سرحانه في اي بقاا
هاجر بحب : سرحانه فيك ي حبيبي
يوسف بحب : هو انا قولتلك اني بحبك
هاجر برقه:اه
يوسف بحب وهو ينحني براسه ويقبلها : واديني بقولهالك تاني ي روحي. بحبك
باسها يوسف برقه وشغف وهي بادلتوا البوسه برقه وحب
💖💖💖💖💖💖💖💖💖
في الليل في المستشفي في الرعايه
كان الكل مشي ووقت الزياره خلص
دخل جاسر الاوضه ومحدش قدر يمنعه لانهم عارفين مين هو جاسر الحديدي ،
كان قريب من السرير وواقف وهو حاطط ايدو في جيبه وبيراقبها في صمت وهو جواااه حاجز عايز يسامحها لكن مش عارف ،ازاي يسامحها وهي كانت عايزه تحرمه من الخلفه
في اللحظه دي دخلت جميله
جميله وهي داخله الرعايه: كنت عارفه اني هلاقيك هنا
جاسر بصلها ورجع بص ل مرات ابوه وبصوت اشبه بالهمس: دخلتي ازاي ،المفروض مينفعش الزياره دلوقتي
جميله : طب وانت دخلت ازاي
جاسر : انا محدش يقدر يمنعني
جميله : امممممم ماشي وانا دخلت من غير ما حد ياخد باله ،انا دخلت في وقت تسليم الورديه بتاعت الامن
جاسر : جايه ليه
جميله وهي تربع ايديها : والله السؤال دا المفروض اسالهولك انا ،انت الي جاي ليه
جاسر : عادي بزور مرات ابوياا
جميله : ومزورتهاش ليه الصبح بدل ما تزورها بليل وهي نايمه
جاسر وهو يخرج برا الرعايه : ملكيش دعوه
اتعصبت جميله وخرجت وراه
جميله بغضب وهي ماشيه وراه: ع فكره انا بكلمك
جاسر وهو ماشي. : خلينا نتكلم في البيت احنا دلوقتي في المستشفي والمرضي نايمين
جميله بغيظ منو ومن بروده: ماشي
خرجوا وركبوا العربيه واتحركوا
💖💖💖💖💖💖💖💖💖
في فيلا جاسر وجميله
وصلوا وكان العمده نايم ورنا في اوضتها نايمه
طلعوا جاسر وجميله اوضتهم ودخلوا
جميله :ممكن تقولي بقاا في اي ،انت مالك في اي
جاسر بزهق : عارفه انتي سالتي السؤال دا كام مره
جميله بغضب: وهفضل اسالوا لحد ما ترد
جاسر بغضب: ارد ع اي ،انتي مالك ازور مرات ابوياا ولا لا انا حر
جميله بغضب: ازاي وانا مالي ،انا مراتك وبعدين الي انت بتعملوا دا غلط ،فيها اي لما تزورها الصبح قدام الكل ولا كبريائك مانعك انك تقولها انك سامحتها
جاسر بغضب : ومين قالك اني سامحتها ،انا مسامحتهاش
جميله بغضب: لا سامحتها باين من تصرفاتك كلها ،من اول ما دخلتها المستشفي وكمان لما كنت بتزورها كل يوم بليل تطمن عليها ولما خليتها تعمل العمليه

جاسر بغضب: وانتي بتراقبيني ولا اي مش فاهم

جميله بغضب: لا مش براقبك بس الممرضه هي الي قالتلي وهي الي كانت بتشوفك دايما وكمان لما سمعتك وانت بتقنعها توافق تعمل العمليه

جاسر اتنهد بغضب : جميله ياريت متدخليش بيني وبين مرات ابوياا ،كفايه انك طلبتي منها تعيش معانا وانا معترضتش

جميله باستغراب : وانت عرفت منين اني طلبت منها تعيش معانا

جاسر : مش مهم تعرفي ،المهم اني متكلمتش ومعترضتش انها تعيش معانا ومتطلبيش مني اعمل اكتر من كدا

جميله اتنهدت بزهق : ماشي ي جاسر براحتك دي حاجه ترجعلك

دخلت جميله الحمام خدت شاور وخرجت وهو بردوا دخل خد شاور وخرج نام
💖💖💖💖💖💖💖💖💖💙
عدي ايام واتعافت الام وجميله خدتها الفيلا تعيش معاها والعمده رجع الصعيد ورنا وجميله جنبها دايما لحد ما قدرت تتعافي بشكل كبير وبقت كويسه
💖💖💖💖💖💖💖
في صباح يوم جديد في فيلا جاسر وجميله
كانت جميله في المطبخ هي ورنا ومامت رنا كانوا بيحضروا الفطار وسط مزاح وضحك بينهم وخلصوا وطلعوا الاكل ع السفره ونزل جاسر وقعدوا فطروا وجاسر كان لسه زي ما هو مش بيكلم مرات ابوه

الام وهي تنظر ل جاسر : احم ،انا هرجع الصعيد انهارده
رنا وجميله باصولها ماعدا جاسر الي كان مكمل فطار عادي
جميله باستغراب : ليه هو احنا ضايقناكي في حاجه
الام بامتنان: لا ي بنتي ابدا بالعكس انتي كنتي شيلاني من ع الارض شيل بس انا بقول كفايه كدا ،انا خلاص خفيت وبقيت كويسه ومش عايزه اتقل عليكوا اكتر من كدا
جميله بصتلها بابتسامه : لا ع فكره انتي مش متقله ابدا بالعكس انتي منورانا ،وبعدين انتي مش عايزه تقعدي مع بناتك ولا اي
الام بصتلها وهي جوااها ندم رهييب انها فكرت في يوم تأذيها ،ورغم انها كانت هتحرمها من الخلفه وحاولت تقتلها الا انها بعد كل دا سامحتها ،لكن استغربت كلمه بناتك

الام باستغراب : بناتك

جميله بابتسامه : انتي مش معتبراني بنتك ولا اي
الام بسعاده وفرحه انها سامحتها واعتبراتها كمان امها :دا انا اتمني ،تكوني بنتي
جميله بابتسامه: يبقي هتقعدي معانا مش هتمشي
الام بصت ل جاسر وبعدين بصت ل جميله : بلاش ي بنتي عشان خاطري
جاسر وهو يقف : لا تقدري تقعدي براحتك وع طول كمان اكمل وهو يوجه كلامه ل رنا ،لما تخلصي فطار انا مستنيكي في العربيه
خرج جاسر
جميله وهي تضع يدها ع كتف الام وابتسمت بحنان : متزعليش من جاسر هو بس محتاج يهدي شويه وهيرجع زي الاول
الام ابتسمت بحزن: يارب ي بنتي
رنا بحب : متقلقيش ي ماما جاسر طيب وهيسامحك ،انا متاكده
الام : ان شاء الله ي بنتي المهم روحي عشان هو مستنيكي دلوقتي
رنا بابتسامه:حاضر
خرجت رنا ومشيت هي وجاسر
جميله ابتسمت وهي تقف :وانا هروح بردوا الاداره ،مش هتاخر
الام بحنان: ماشي ي بنتي
ابتسمت جميله وخرجت ركبت عربيتها واتحركت
عند الام لمت الفطار وطلعت اوضتها
💖💖💖💖💖💖💖💖💖💖
في شركه جاسر
دخل صلاح مكتب جاسر
جاسر وهو يشاور ع الكرسي : اقعد ي صلاح
قعد صلاح
جاسر وهو ينظر له : كنت عايز اي بقاا
صلاح باحراج : احم بصراحه انا طالب ايد الانسه رنا
جاسر باستغراب : رنا اختي
صلاح :اه
جاسر :امممممم و رنا تعرف
صلاح : الحقيقة لا انا مقولتلهاش ع حاجه ولا كلمتها في حاجه زي كدا ،ووقولت ادخل البيت من بابه احسن
جاسر ابتسم وقام قعد قصاده:وانا معنديش مانع ،بس لازم اعرف رايها الاول
صلاح ابتسم واتنفس ب راحه : ماشي وانا هستني ردك ب فارغ الصبر
جاسر بغمزه: انت مستعجل بقاا
صلاح ابتسم بحب وتحدث بشوق : بصراحه جداا
جاسر بابتسامه: بتحبها
صلاح بصدق وحب : هتصدقني لو قولتلك بحبها من اول يوم شوفتها فيه وانا اتعلقت بيها ،بس مكنش ينفع عشان كانت مخطوبه وكمان مكنتش عايز اتعلق بيها اكتر ،لاني مكنتش هقدر اتقدملها وانت عارف الماضي بتاعي بس مقدرتش استحمل اكتر من كدا وقولت اطلب ايديها والي يحصل يحصل

جاسر : بس انت قولت بنفسك ماضي بتاعك ،وكل واحد ليه ماضي وبعدين انت مكنش بايديك ،انت كنت ضحيه وخلاص اتعالجت واشتغلت كمان

صلاح بأمل: افهم من كدا انك موافق

جاسر بابتسامه: انا قولتلك اني موافق بس بردوا الرأي الاول والاخير ليها هي

صلاح بابتسامه: ماشي اكمل باحراج،بس الحقيقه يعني انا مش هقدر اعيشها في المستوي الي هي عيشاه دلوقتي ،انا عندي شقه كبيره وحلوه اه بس مش هقدر اعيشها في فيلا

جاسر:اول حاجه مفيش حاجه اسمها مستوي الي هي عايشاه انا ميهمنيش غير انك تحافظ ع اختي وتحطها في عينيك ،اما الشقه و انك مش هتقدر تجيبلها فيلا دا قرارها هي مش انا ،هي الي هتتجوز وهي الي هتعيش فيها

صلاح بصدق : وانا اوعدك هحطها جوا عيني وهحافظ عليها و عمري مااهأذيها ابدا

جاسر : وانا مش عايز غير كدا

صلاح قام وقف :وانا اوعدك مش هيحصل غير كدا اكمل استاذن انا اروح اشوف شغلي

جاسر وقف : ماشي
خرج صلاح راح شغله وجاسر كمل شغل
💖💖💖💖💖💖💖💖
في فيلا جاسر وجميله
عند الام كانت قاعده ع السرير حست بحركه في البلكونه قامت بحذر وراحت ناحيه البلكونه لكن اتفاجئت بحد كتم بوقها
الام بخوف :اممممممممممم
شخص بصوت واطي : شششش انا هشيل ايدي لكن اي صوت مش هتحلقي تطلعيه
الام هزت راسها بخوف
شال الشخص ايدو وهي لفتلوا بخوف وهي بتبعد لاخر ركن في الاوضه
الام بخوف: انت بتعمل اي هنا ،واي الي جابك ورااياا
الشخص باستهزاء : اصل الحقيقه كنت فاكر انك هتموتي خلاص لكن لسه ليكي عمر عشان كدا انا جاي نكمل الي بدأناه سواء وكمان انا لياا فلوس

الام : انا مش هكمل حاجه خلاص انا توبت ورجعت ل ربنا ومستحيل ااذي حد تاني

الشخص باستهزاء : ت ي اختي توبتي ،لاااا انا الحوار دا مليش دعوه بيه انا ليا فلوس وكمان الي اتفقتي فيه مع المعلم بتاعي ان مراتو متحملش واحنا عرفنا انها حامل يعني لازم نسقطها

الام بغضب ورعب جواها ع جميله والي في بطنها : اوعي تفكر تلمسها او تلمس الي في بطنها ،واعتبر الاتفاق الي بينا اتلغي ،انا مش هقتل حد تاني خلاص وانا زي ما قولتلك توبت

الشخص بغضب وهو يقترب منها ويهددها بالسكينه : لااا الكلام دا ميخصنيش توبتي ولا عملتي دا مليش دعوه بيه ،انا لياا حقي وحق المعلم بتاعي واخلص الاتفاق الي بينا

الام بخوف ع جميله : بس انا مش معاياا فلوس دلوقتي والمبلغ الي انت عايزو كبير ،انا كنت متفقه ع المبلغ ع الاساس لما تبقي فلوس جاسر تتحول لابني ،لكن انا دلوقتي مش عايزه ااذي حد ولا عايزه فلوس

الشخص وهو يهددها بالسكينه: انا كل دا ميهمنيش ،انا عايز حقي كامل مينقصش جنيه والا هكمل الاتفاق

الام بحيره وخوف جواها وهي مش عارفه تتصرف ازاي : طب اديني فرصه احاول اجمعلك المبلغ ،انا هبيع الارض الي ليا في الصعيد وهدفعهملك

الشخص بلامبالاه: ميهمنيش تبيعي ،تشتري انا اهم حاجه الفلوس

اتفتح الباب فجاه وكانت جميله وهي ماسكه المسدس وموجهه ناحيته
جميله بحده: حضرتك مش هتبيعي حاجه ولا هو هياخد حاجه ،عايز تاخد فلوس ع جريمه ي زباله

الشخص بغضب وهو يمسك الام ويضع السكينه تحت رقبتها : لمي لسانك ي بت انتي بدل مااخليكي تترحمي عليها

جميله بحده وهي توجه السلاح ناحيته : نزل السكينه

الشخص بغضب: نزلي انتي سلاحك بدل مااقتلها

جميله ببرود: طب ما تقتلها ،تفتكر ممكن احمي واحده حاولت تقتل ابني وجوزي

الام اتصدمت وهو بردوا استغرب انها مش هاممها

جميله استغلت صدمته وضربته بالنار في ايدو ووقعت السكينه منو وبعدت الام عنو بسرعه
الشخص بالم وغضب وهو يمسك ايدو : هقتلك
جري الشخص من البلكونه وحاولت جميله تلحقه لكن معرفتش. لكن الحراسه مسكتوا ،رجعت جميله للام
جميله وهي تفحصها : انتي كويسه
الام بخوف ودموع : اه كويسه ،شكرا ي بنتي
جميله اتنفست ب راحه: مفيش شكر ولا حاجه اهم حاجه انك كويسه
الام استغربت منين بتطمن عليها ومنين كانت عايزاه يقتلها من شويه
الام باستغراب : انتي ازاي بتطمني علياا وانتي من شويه بتقوليلوا اقتلها
جميله : كان لازم اقول كدا عشان استغل اي حركه تشتت منو واقدر انقذك
الام : يعني انتي مش عايزه تخلصي مني
جميله ابتسمت : لا مش عايزه انا اعتبرتك امي التانيه تفتكري هعوز اقتلك
الام حضنتها بحب وندم اكبر ع كل شئ عملتوا ،كل مره ندمها بيزيد لما بتشوف حنيتها وطيبتها وتسامحها وجميله بادلتها الحضن
بعدت جميله عنها
جميله بابتسامه: انا هنزل اشوف الراجل الي مسكوا
عشان نحبسه
الام بخوف : بس كدا هيعترف علياا
جميله بحيره وهي فعلا نسيت انها لو بلغت الام كمان هتتحبس :خلاص مش هبلغ

الام بخوف جواها : بس كدا هيحاول يأذيكي ،انتي مسمعتيش وهو بيقول هقتلك

جميله بلامبالاه: دا تهديد بس بنسمعوا كتير

الام بخوف : لا ي بنتي مش تهديد انا عارفهم ،وبعدين لو مش خايفه ع نفسك خافي ع الي في بطنك

جميله كان جواها حيره هي مش خايفه ع نفسها لكن فعلا اول مره في حياتها تخاف ،هي خايفه ع ابنها او بنتها لكن مش عارفه تعمل اي ،تحبس الراجل وساعتها هيعترف ع الام ولا تسيبوا وبكدا ممكن يأذي ابنها او بنتها

جميله اتنهدت :خلاص هيفضل محبوس هنا بحيث ولا هيعترف عليكي ولا هيحاول يأذي الي في بطني

الام باطمئنان نوعا ما : ماشي

جميله بهدوء: ومتجبيش سيره ل جاسر ع حاجه

الام : حاضر
خرجت جميله ونزلت تحت للراجل الي كانوا الحراس ماسكينوا ومكتفينوا
جميله بحده: حطوه في البدروم وكتفوا كويس جدا

الحارس : بس ي هانم المفروض نبلغ البوليس

جميله بحده: ياريت متعارضنيش انا قولت حطو في البدروم يبقي تحطوا من غير كلام وبعدين انا لو بلغت البوليس جاسر هيعرف باللي حصل وطبعا مش هيرحمكوا لانكوا مقدرتوش تحموا الفيلا واللي فيها

الحراس خافوا فعلا من رد فعل جاسر لو عرف

الحارس : احنا كنا بنحمي الفيلا ي هانم بس لقينا ثعبان فا كنا بنقتله وهو اكيد استغل دا وطلع

جميله بعصبيه: كلكوا كنتوا ع ثعبان اي التخلف دا ،ومفكرتوش انها ممكن تكون خدعه ،

الحارس : احنا اسفين ي هانم

جميله اتنهدت بغضب : ماشي ،يلا اتفضلوا اعملوا الي قولتلكوا عليه

الشخص بغضب وهو يحاول الافلات منهم : لا طبعا هي سايبه انا مش هسكت وهبلغ البوليس

جميله ببرود وهي تطلع هاتفها : تاخد تكلموا ولا اكلمهولك انا عشان الاصابه بس ،انت عارف كويس انك لو بلغت هتتحبس انا عن نفسي مش هتحبس ابدا انا اقدر اقتلك حالا ومش هاخد ساعه سجن لان انت في بيتي

الشخص بخبث : بس مرات ابو جوزك هي الي هتتحبس بردوا انا مش هتحبس لوحدي

جميله ببرود: تؤتؤتؤ انا اقدر اخرجها بسهوله

الشخص بغضب: مش هتقدري دي محاوله قتل

جميله ببرود: تحب تشوف هقدر ولا لا

الشخص خاف انها فعلا ممكن تقدر تخرجها وساعتها هو الي هيتحبس بس

جميله بأمر : خدوه
الحراس خدوه ونزلوا البدروم وكتفوه جامد بسلاسل حديد وكلبشات وحطو لازقه ع بوقه
وجميله دخلت الفيلا وطلعت فوق اوضه الام
الام بخوف : عملتي اي
جميله وهي تقعد ع السرير : حبستوا في البدروم
و كدا مش هيقدر يخرج
الام : بس هيفضل كدا لحد امتي وبعدين كدا جاسر هيعرف

: هيعرف اي

جميله والام بصوا لمصدر الصوت وكان جاسر واقف عند الباب ،
الام اتوترت وجميله قامت وقفت وبصتلها بمعني متقولش حاجه وبصت ل جاسر
جميله وهي تقترب منه:مفيش حاجه ي حبيبي متشغلش بالك
جاسر بتحفز : في اي ي جميله
جميله :مفيش حاجه
جاسر : امال اي الي كنتوا بتتكلموا فيه ومش عايزني اعرفوا
جميله وهي بتحاول تغير الموضوع : هو انت جيت بدري ليه النهارده
جاسر رفع حاجبه وهو عارف انها بتغير الموضوع : مفيش نسيت ملف هنا وجيت عشان اجيبوا. بس انتي بردوا مردتيش علياا اي الي انتوا مش عايزني اعرفوا

الام بتماسك وخوف جواها من رد فعله ،لكن كان لازم تقول ،هي غلطت ولازم تتحمل نتيجه غلطتها : انا هقولك ي بني

بصتلها جميله وهي بتهز راسها بمعني لا. بلاش
وجاسر بص ل جميله ورجع بص لمرات ابوه
جاسر : هتقولي اي

جميله لحقتها قبل ما تتكلم : انا تعبت انهارده في الشغل ومكنتش عايزه اقولك عشان متقلقش

جاسر بصلها بقلق : تعبتي ازاي ،طب جرالك حاجه ،في اي حاجه حصلت طمنيني

جميله اتنفست ب راحه : لا مفيش دا تعب بسيط وطبيعي عشان الحمل ومكنتش عايزه اقلقك

جاسر ضمها لحضنه : يعني انتي كويسه
جميله بحب : اه كويسه

الام كانت بصلهم باعجاب ع حبهم وخوف جاسر عليها من اقل حاجه وندمت انها حاولت تفرق بينهم

خرج جاسر وجميله مع بعض ،وجميله بصت ل الام وابتسمت وهي كمان ابتسمت
💖💖💖💖💖💖💖💖
في اوضه جاسر وجميله
قرب منها جاسر وبص في عينيها
جاسر:ع فكره انا مش مصدق الي قولتيه وواثق ان فيه حاجه تاني مش عايزاني اعرفها. لاني قولتلك انا بحس بيكي من قبل ما تتكلمي وبعرف من نظره عينيكي اذا كنت بتكدبي ولا لا وانا متاكد ان فيه حاجه كبيره

جميله مقدرتش تبص في عينيه وهي بتكدب وبصت بعيد وبعدت عنو :انا قولتلك مفيش حاجه هو تعبت بس ومكنتش عايزه اقولك عشان متقلقش

جاسر قرب تاني ومسك دقنها ورفع وجهها لوجهه :امال ليه مش عايزه تبصي في عيني وكانك مخبيه حاجه وخايفه تقوليهالي

جميله وهي بتبعد ولفت وهي مدياه ضهرها:قولتلك مفيش حاجه ي جاسر

جاسر:امممممم ماشي ي جميله سلام
خرج جاسر برا الاوضه ونزل اوضه المكتب خد الملف وخرج ركب عربيته ومشي
💙💙💙💙💙💙💙💙💙💙
في الليل وصل جاسر ورنا ،كانت جميله والام حضروا العشاء وقعدوا يتعشوا كلهم
جاسر وهو يقطع الطعام بالشوكه والسكينه: صح ي رورو ،جايلك عريس
الام بفرحه : بجد
رنا باستغراب : عريس لياا انا
جاسر : اه ي حبيبتي مالك مستغربه ليه هو انتي وحشه ولا حاجه
رنا :لا مش قصدي بس يعني انا نسيت الموضوع دا خالص
جاسر : ليه ماانتي جميله والف واحد يتمناكي
جميله باستغراب : مين العريس دا ي جاسر
جاسر : صلاح
رنا بتفاجي: صلاح
جاسر : اه ي حبيبتي اي رايك فيه
جميله : وانت قولتلوا اي ي جاسر
جاسر :انا قولتلوا اعرف رائيها الاول هي الي هتتجوز مش انا
رنا كانت ساكته ومكسوفه ،هي فعلا ارتاحتله جدا وحبته لكن مكسوفه تقول
جاسر : مقولتليش ي رنا رايك اي
رنا بخجل : مش عارفه
جاسر بخبث : افهم من كدا انك رافضه ،خلاص ماشي انا هقوله كل شي قسمه و نصيب
رنا بتسرع : لا لا انا موافقه
جميله وجاسر ضحكوا وهي اتكسفت والام فرحت جدا وحضنتها
الام بسعاده: الف مبروك ي حبيبتي
رنا بخجل : الله يبارك فيكي ي ماما
جاسر بابتسامه حب :الف مبروك ي رورو
رنا بخجل : الله يبارك فيك ي جاسر
جميله بابتسامه وهي تقرصها من وجنتيها : الف مبروك ي رورو اكملت بتمثيل الزعل بس كدا مش هلاقي حد ارخم عليه
رنا ضحكت:ههههههههههه رخمي ع جاسر اهو
جاسر : لا ي اختي خليكي احسن انا هقول ل صلاح انا مش موافق عشان حبيبتي مش هتقدر تستغني عن رورو
جميله بضحك:ههههههههههه مين قال كدا ،هي رائيها صح انا هرخم عليك انت
جاسر بمزاح: لا يبقي خلاص خليها قاعده احنا معندناش بنات للجواز
جميله بصت ل رنا : رورو انتي مش عايزه تتجوزي
اتكسفت رنا ومردتش
جاسر بتحدي وهو بيغيظها : شوفتي
جميله بتحدي: السكوت علامه الرضاا
جاسر بتحدي: لا الرفض
جميله بتحدي وهي بتغيظه: خلاص هتجوزه انا
جاسر بغيره ومسك ايديها : تتجوزي مين ي اختي
الام بخوف : هي بتهزر ي جاسر
جميله كانت كاتمه ضحكتها ع غيرته الي باينه في عيونه وكأنو هيقتلها وبصلها جاسر بغضب لكن خد بالو انها بتغيظه وقرر ينتقم

جاسر وهو يرسم ملامح الغضب ببراعه قام من ع الاكل وطلع اوضته

الام بصوت واطي : زودتيها اووي ي جميله ،اطلعي صالحيه

جميله اتنهدت بمزاح:حاضر وربنا يستر شكلي هولد بدري بسببه

الام ورنا ضحكوا وردت الام :هههههههههههههههه تولدي بدري اي دا انتي لسه في الشهور الاولي

جميله:ههههههههههه تصدقي عندك حق ،طب انا هطلع اشوفوا

طلعت جميله ودخلت الاوضه لكن اتفاجئت ب جاسر بيشدها لحضنه وكان ماسكها بتملك

جاسر بوعيد: كنتي بتقولي اي بقاا لما كنا تحت

جميله ببرائه ورقه : كنت بقول وحشتني

جاسر ابتسم بسخريه:لا ي شيخه

جميله هزت راسها ببرائه وهو قرب اكثر وباسها بقوه وهو بيعاقبها ع الي قالتوا وسرعان ما تحولت البوسه لرقه وهدوء وشغف

💖💖💖💖💖💖💖💖💖💖
تاني يوم الصبح
صحي جاسر خد شاور ولبس

واستغرب ان جميله نايمه كل دا لكن قرر يسيبها ترتاح وخرج نزل تحت كانت الام حضرت الفطار. وحطتوا ع السفره ورنا ساعدتها
رنا باستغراب: امال فين جميله ي جاسر
جاسر : نايمه
رنا باستغراب: غريبه اول مره جميله تنام لحد دلوقتي
الام بتفهم: لا مش غريبه هي حامل ودا طبيعي النوم الكتير
رنا : بس كدا هتتاخر ع الشغل
جاسر : مش مهم الشغل اهم حاجه ترتاح وتخلي بالها من نفسها
كمل جاسر فطار ورنا والام ابتسموا ع خوفه وحبه ل جميله وحرصه ع راحتها
،بعد وقت صغير نزلت جميله وقعدت ع السفره معاهم
جميله بابتسامه: صباح الخير
الكل : صباح النور
جاسر : مكملتيش نوم ليه ،شكلك كان تعبان ،كنتي ارتاحتي النهارده
جميله : لا انا ك
ملحقتش جميله تكمل الكلمه وقامت بسرعه وهي ماسكه بطنها ودخلت الحمام وقام جاسر وهو قلقان
جاسر بقلق وهو بيخبط ع باب الحمام : جميله ،انتي كويسه
الام بحنان: متخافش ي بني دا طبيعي
جاسر بقلق : طبيعي ازاي
جاسر من قلقه ع جميله نسي انو بيكلم مرات ابوه عادي وهو الاول مكنش بيكلمها ولا بيبصلها
الام فرحت انو بيتكلم معاها من غير ما يزعق ولا يضايق
الام : هي الشهور الاولي في الحمل بتبقي تعب الي هو النوم الكتير وكمان غممان النفس والاستفراغ
دا طبيعي
خرجت جميله في اللحظه دي وكان وشها اصفر وباين عليها التعب
جاسر كان قريب منها سندها وهو قلقان عليها
جاسر بقلق : تحبي اطلبلك الدكتور
جميله بتعب : لا مش مستاهله انا شويه وهبقي كويسه
جاسر : طيب تعالي اطلعك فوق
شالها جاسر وطلع اوضته ورنا والام معاه ونيمها ع السرير وقعد جنبها
جميله بتعب : روح انت ي جاسر الشركه عشان متتاخرش
جاسر : تولع الشركه اهم حاجه انتي
جميله : انا كويسه ي حبيبي وكمان ماما جنبي روح انت ورنا عشان متتاخروش
الام بحنان وهي تقعد جنب جميله من الناحيه التانيه: ايوا روح انت لشغلك ي بني وانا هفضل معاها
جاسر اتنهد : ماشي ولو حصل اي حاجه كلميني
الام : حاضر
باسها جاسر ع جبينها بحنان : خلي بالك ع نفسك
جميله ابتسمت بحب : حاضر
خرج جاسر ورنا وفضلت الام جنب جميله
💖💖💖💖💖💖💖💖
قدام باب الجامعه
وصل حمزه وناديه وكانوا في العربيه
حمزه كان لسه هيتكلم قاطعته ناديه
ناديه اتنهدت بزهق: خلاص والله حفظت ،مش هكلم ولاد ولا هقف معاهم وهخلص وارن عليك صح ولا ،في حاجه نسيتها
حمزه ضحك :ههههههههههه. صح ي لمضه
ناديه بابتسامه: ينفع انزل بقا
حمزه بابتسامه: ينفع بس مش قبل مااخد البوسه بتاعتي
ناديه بخجل : حمزه عيب احنا في الشارع
حمزه بلامبالاه وهو يقترب منها : انا ميهمنيش حد
ناديه بخجل يقتل :حمزه وحياتي خلاص خلينا لما نروح
حمزه بابتسامه وهو يرجع مكانه ويغمزها: ماشي بس كدا هتزيد مش هتبقي بوسه بس دا هيبقي حاجات تانيه
ناديه بخجل : انت قليل الادب وانا هنزل
حاولت ناديه تخرج لكن مسكها حمزه
حمزه :ههههههههههه انا قليل الادب شكلك خدتي عليا اووي ،اكمل بغمزه وانا لسانك دا هقطعهولك
ناديه بخجل : لا خلاص انا اسفه
حمزه بخبث :تؤتؤ مش بسهوله دي ي روحي انا لازم اعاقبك ع لسانك الطويل
ناديه بخجل : طيب ينفع انزل بقاا
حمزه وهو كاتم ضحكته:اه ينفع تنزلي
نزلت ناديه وهي مكسوفه ودخلت الجامعه وهي بتسرع في خطواتها وهي ضحك ع كسوفها وفضل باصصلها لحد ما دخلت وبعد كدا مشي
💙💙💙💙💙💙💙💙💙
في شركه جاسر
كان قاعد هو وصلاح
صلاح بلهفه: ها قالتلك اي ،رائيها اي
جاسر كتم ضحكته ع لهفته ورسم ملامح الجديه :بصراحه يعني ي صلاح انا مش عارف اقولك اي
صلاح عرف انها رفضت وحزن : خلاص مش محتاج تكمل انا عرفت ،كنت عارف انها هترفض هي عندها حق هي تستاهل واحد احسن مني.

جاسر : امممم خلصت كلامك

صلاح بحزن: اه خلصت وانا اسف اني ضيعت وقتك

جاسر : ي بني انت اهبل ،انا لسه متكلمتش ولا قولت اي حاجه

صلاح :هتقول اي يعني ما الكلام باين

جاسر : لا مش باين ،انا لسه مقولتش حاجه ،انا كنت لسه هقولك رنا موافقه

صلاح بسعاده وهو يقف :بجد وافقت

جاسر بابتسامه: اه ي اخوياا وافقت الف مبروك

صلاح بسعاده:الله يبارك فيك ،طب كدا اقدر اجي اتقدملها امتي

جاسر : بص انا كدا كدا مسافر بعد اسبوع الصعيد ممكن تيجي معايا لان لازم تطلبها من باباها

صلاح : اه طبعا ماشي هسافر معاك واطلب ايديها بس ينفع يبقي كتب كتاب عشان يعني اقدر اتكلم معاها ع راحتي من غير قيود

جاسر : اممممم بص مش عارف بس هي ممكن ترفض لان اياد بردوا طلب كدا وهي رفضت بس بردوا هقولها واشوف

صلاح : ماشي
💖💖💖💖💖💖💖💖
عند جاسر ورنا في العربيه وهما في طريقهم للبيت
جاسر بصلها ورجع بص للطريق : انا بلغت صلاح بموافقتك وطالب كتب كتاب ع طول
رنا بخجل : وانت قولتلوا اي
جاسر ضحك: ههههه انتي ليه محسساني ان انا الي هتجوزه ،اي ي بنتي هو كل حاجه انا الي هقول ،انتي رايك اي
رنا بخجل وتوتر: مانا بصراحه مش عارفه هو صاحبك و اكيد عارفوا اكتر مني
جاسر : بس انتي الي هتتجوزيه ولازم تعرفين وبعدين انتوا قاعدين مع بعض في المكتب معقوله معرفتوش بعض ولا اتكلمتوا
رنا : لا اتكلمنا بس كلامنا كان عادي
جاسر : انتي بتحبيه
رنا كانت مكسوفه ترد
جاسر ابتسم بحنان ومسك ايديها : قولي عادي متتكسفيش ،انا مش هعملك حاجه ،الحب مش حرام ولا عيب عشان تتكسفي تقولي
رنا بخجل : بصراحه اه ،هو الوحيد الي حسيت ناحيته باحساس عمري ما حسيتوا مع اياد ،هو جدع و كويس جدا ،لما انت سافرت مسابنيش غير لما انت جيت وكمان لما ماما تعبت وقف جنبي وكان بيجي المستشفي ويهديني بس عمروا ملمسني ابدا ،حتي واحنا في المكتب مع بعض ساعدني كتير في الشغل وهو الي كان بيرجع ثقتي لنفسي وبيشجعني وحافظ علياا من نفسوا ،وكبر في نظري اكتر

جاسر كان بيسمعها وهو فرحان ومبسوط عشان صاحبه الي كل يوم بيثبت انو اتغير فعلا وكمان عشان اخته الي حبت لاول مره تتكلم ع شخص بالشكل دا وعرف ان هو دا الي هيقدر يسعدها فعلا ويحافظ عليها

جاسر بحنان: يعني موافقه ع كتب الكتاب

رنا بخجل : الي تشوفوا ي جاسر

جاسر بحنان: انا عن نفسي شايف ان الاحسن تكتبوا الكتاب انتوا كدا عارفين بعض كويس وهو عايز يتكلم معاكي ع راحتوا من غير قيود

رنا بخجل :ماشي
💖💖💖💖💖💖💖💖💖💖
في فيلا جاسر وجميله
وصل جاسر ورنا وطلعت رنا وجاسر ركن العربيه في الجراچ وهو طالع وقفوا الحارس
الحارس بخوف من رده فعله :الحقيقه ي فندم احنا بنعتذر عن الي حصل امبارح ،احنا اتلهينا مع الثعبان ومخدناش بالنا من الي دخل

جاسر مكنش فاهم هو بيقول اي لكن كان عايز يعرف للاخر: امممممم وعملتوا اي في حد حصلوا حاجه

الحراس اتنفس ب راحه ان جاسر متعصبش : لا ي فندم محدش حصلوا حاجه وكمان احنا حبسنا الراجل في البدروم لان مدام جميله رفضت انها تبلغوا وطلبت مننا نحبسوا في البدروم

جاسر باستغراب : في بدروم الفيلا

الحارس : اه ي فندم

جاسر افتكر ان جميله مكنتش عايزه تقوله حاجه و دلوقتي جمع الاحداث وعرف انها خبت عنو الموضوع دا بس ليه هو مش عارف

جاسر : وليه جميله مكنتش عايزه تبلغ

الحارس : الحقيقه ي فندم معرفش بس من كلامها مع الراجل عرفت انها لو بلغت ،هو هيقول ع مامت حضرتك وهيحبسها معاه

جاسر مكنش فاهم حاجه هو ليه هيحبس مرات ابوه ،كان فيه جزء مفقود في الحكايه

جاسر : تعالي ورايا
راح جاسر البدروم هو والحارس ودخلوا
وشاف جاسر الشخص وهو مربوط بسلاسل حديد ع الكرسي وكان نايم وهو موطي راسوا
جاسر بجمود: صحيه
الحارس : حاضر ي فندم
راح الحارس مسك جردل مايه وراح ناحيه الشخص ودلق المايه عليه والشخص شهق بغضب وهو بيفوق وبيبص حواليه وشاف جاسر وهو واقف وحاطط ايدو في جيبه وباصصلوا بملامح جاده وشاف الحارس
جاسر بحده: انت مين
الشخص بتعب : انا اسمي عزام
جاسر : واي الي جابك هنا وجاي ليه
الشخص بتعب : هقول ع كل حاجه بس ارجوك عايز اشرب ،عطشان
جاسر بص للحارس : هو كل من امبارح او شرب
الحارس : كنا بنشربوا بس ي فندم
جاسر بحده: طيب شربوا وهاتلوا ياكل
الحارس : حاضر ي فندم
جاب الحارس مايه واكل وشرب عزام وفكوا عشان ياكل وخلص اكل وربطوا تاني الحارس بسلاسل الحديد
جاسر وهو يقعد ع الكرسي ويضع رجل فوق الاخري : يلا قول اي الي جابك هنا
عزام بتعب : حاضر هحكيلك
،حكالوا عزام ع كل حاجه وجاسر كان بيسمع لحد مااوصل عند انه عايز يخلص من جميله والي في بطنها وقام عليه وضربوا بالبوكس بقوه
جاسر بغضب جامح: يعني انت ي وسخ جاي لحد هنا عشان تقتل مراتي ،دا انت ليله اهلك سوداء
عزام بخوف : ي بيه انا قولتلها لو اديتني الفلوس مش هعمل حاجه
جاسر بعصبيه وهو يضربه بالبوكس مره اخري لكن اقوي واعنف : وانا هستني لما تعمل ي وسخ ،يعني انت عايز تاخد فلوس كمان عشان تقتل مراتي وابني

عزام كان خايف من شكل جاسر الغاضب وجاسر مقدرش يسيطر ع غضبه وضربه بوكس ورا التاني ورا التالت وعزام متكتف مش عارف يدافع او يعمل اي حاجه

جاسر بغضب : انا لو اعرف كل دا مكنتش خليتك تشرب ولا تطفح كنت سيبتك لحد ما تموت ،بس ملحوقه وحظك الاسود ان جميله مبلغتش لانك هتتمني انها كانت بلغت ،انا هخليك تتمني الموت ومتطلهوش

اكمل وهو يحدث الحارس
الكلب دا ميدخلوش ولا اكل ولا شرب يفضل كدا وعايزكوا تروقوه

الحارس: حاضر ي فندم
بصلوا جاسر بغضب وخرج والحارس خرج وراه وقفل البدروم بالقفل
💖💖💖💖💖💖💖💖💖💖💖
اسفه جدااااااااا ع التاخير بس كنت بحضر لامتحاناتي لان فاضل عليها اسبوع ومعرفتش انزل انا اسفه بجد ،انا قريت الكومنتات وبجد شكرا للناس الي سالت عليا وكانت عايزه تطمن ،تسلمولي يارب 😍😘