في صباح يوم جديد صحيت جميله ع حركه في الاوضه فتحت عنيها لقت جاسر واقف وهو حاطط ايدو في جيبه وباصصلها ومبتسم
جميله بغضب : انت بتعمل اي هنا ودخلت ازاي
جاسر : دخلت من الباب عادي
جميله بغضب: وازاي سمحولك تدخل اوضتي
جاسر بابتسامه: عادي ماانا جوزك هو انا حد غريب
جميله بغضب : اطلع بره ي جاسر
اتجاهلها جاسر وراح قعد ع السرير
قامت جميله بغضب : انت بتعمل اي انا بقولك اخرج مش نام
جاسر وهو ينظر لها بابتسامه: تصدقي شكلك حلو وانتي لسه صاحيه
جميله بغيظ: انت مبتسمعش
جاسر بابتسامه: لا بسمع وبشوف بردوا
جميله بغضب : طب كويس اتفضل بقاا اخرج
جاسر : ي بنتي هو انتي علقتي ،انتي من اول ما صحيتي و مفيش ع لسانك غير اخرج
جميله بسخريه: دا ع الاساس انك خرجت مانت بارد وقاعد
شدها جاسر من ايديها ووقعت ع السرير حاولت تقوم لكن مسكها جاسر وكتفها
جاسر وهو ينظر ل عينيها:هو انتي مش بتعرفي تعدي يوم من غير ما تغلطي
جميله وهي تنظر له : لا بعرف بس فيه ناس هي الي بتضطرني اني اغلط
جاسر وهو يرفع حاجب : دا انا
جميله باستفزاز: والله الي ع راسه بطحه
جاسر وهو يعقد حاجبيه : بقاا كدا ،ماشي
قرب منها جاسر وهي فاكره انو هيبوسها وبتحاول تفلت منو ،قرب اكتر واكتر وهي غمضت عنيها جامد
واقترب من اذنها وبهمس
جاسر بهمس: انا هخرج هستناكي بره عشان نسافر
فتحت جميله عنيها وبصتلوا بغضب وهو بصلها بخبث وقام عشان يخرج لكن جميله مسكت المخده وحدفتها عليه بغضب
جميله بغيظ: اطلع بره
جاسر بضحك: ههههههههههه ع فكره انا كنت طالع
جميله بغضب: طب يلا اطلع
في اللحظه دي دخلت ناديه
ناديه بغيظ: كل دا بتصحيها
جميله بغضب : وانتي مالك وبعدين انتي ازاي تدخلي من غير ما تخبطي
ناديه بغضب: ما هو دخل من غير ما يخبط وكنتي نايمه
جميله بغضب : دا جوزي وانتي ملكيش دعوه يدخل زي ما هو عايز
ناديه بغيظ :دا كتب كتاب بس يعني مينفعش تبقوا لوحدكوا في الاوضه
جميله بغضب : مش هفضل اقولك ملكيش دعوه ولاخر مره بحذرك متدخليش بينا لاني مش كل مره هسكتلك ،انتي بنت عمه وبس
ناديه بغضب : ماشي
خرجت ناديه وقفلت الباب بغضب
جميله بغضب : حرقتوا دمي ع الصبح ،استغفر الله العظيم يارب
جاسر بمزاح: يلا اهو كسبنا فيكي ثواب وخليناكي تستغفري
جميله بغضب: اطلع بره ي جاسر
جاسر بدهشه: ي بت هو انتي عندك انفصام في الشخصيه هو مش انتي لسه قايله اني جوزك واقدر ادخل الاوضه براحتي
جميله بغضب : انا كنت برد عليها عشان متفكرش انها تدخل بينا ، وانا مش هفضل اسكت كتير عليها
جاسر بسخريه: وانتي كدا ساكته امال لو اتكلمتي هتعملي اي
جميله بغضب : كنت قتلتها بعد الي قالتوا بس سكت عشان انت رديت عليها
جاسر : طيب خلاص ادخلي خدي شاور والبسي عشان هنسافر
جميله : قصدك هسافر
جاسر وهو يعقد حاجبيه: يعني اي
جميله : يعني انا هسافر لوحدي
جاسر : ودا ليه بقاا ،مااحنا الاتنين رايحين نفس المكان
جميله : مانا اكيد مش هسيب عربيتي هنا
جاسر : يعني هي دي المشكله ،خلاص بسيطه ،انتي هتركبي معاياا ولما نوصل هبعت اي حد يجبهالك
جميله: طب وليه اللفه دي مااسافر بيها وخلاص
جاسر : يعني رايحين نفس المكان وتروحي بعربيه وانا بعربيه ليه يعني ما تركبي معاياا
جميله : طب ما تركب انت معايا
جاسر : اي الي هيفرق
جميله : مش هيفرق بس انا مش هينفع اسيب عربيتي لاني بحتاجها
جاسر : ماشي مفيش مشكله. بس انا الي هسوق
جميله : ماشي
جاسر : تمام
جميله: اخرج بقاا
جاسر : ماشي
خرج جاسر بره ودخلت جميله الحمام خدت شاور ولبست
وخرجت بره الاوضه كان الكل بيفطر عيلتها وعيله جاسر
جميله بابتسامه: صباح الخير
الكل:صباح النور
قعدت جميله فطرت وبعد وقت خلصوا فطار وعبدالرحمن والعمده ومراته ورنا وناديه ركبوا العربيه واتحركوا
جاسر : يلا احنا بقاا
جميله: اه يلا
سلمت جميله ع باباها ومامتها وبعد كدا ركبت العربيه وجاسر هو الي ساق واتحركوا
عند ادهم واسيل
سلمت اسيل ع اهلها وودعتهم وهي بتعيط
مؤمن ل ادهم: خلي بالك منها ي ادهم
ادهم بابتسامه:متقلقش ي عمي اسيل في عينيا
اسيل وهي تسلم ع باباها بدموع: هتوحشني اووووي ي بابا
مؤمن بحنان وهو يحضنها : وانتي كمان هتوحشيني اوووي خلي بالك من نفسك
اسيل :حاضر
مشيت اسيل وادهم بعد ما سلموا ع الكل ونزلوا ركبوا العربيه واتحركوا
ادهم بحنان : ممكن كفايه دموع بقاا
اسيل بدموع: مش قادره اول مره ابعد عنهم
ادهم وهو يمسك يدها بحنان ورقه واليد الاخري بيسوق بيها : اوعدك لو جت فرصه هجيبك هنا تشوفيهم ونقضي اليوم معاهم كمان لو عايزه
اسيل : انت ليه بتتكلم وكأن الجواز مستمر ع طول ،احنا المفروض هنطلق بعد ما تخلص المهمه
ادهم بهدوء: ياريت متجبيش سيره الطلاق تاني ،انا عارف ان جوازنا عشان المهمه مش ناسي دا بس متقعديش كل شويه تقوليلي كدا
اسيل : ماشي مش هقول طب انت هتجبني هنا ازاي
ادهم : انا قصدي لو لقينا فرصه في وقت المهمه ممكن استغلها ونيجي هنا عادي ،فهمتي
اسيل: اه فهمت
عند اللواء اسر في المكتب كان مجتمع مع الفريق
(اسر واياد وجوري )
اللواء اسر : طبعا انتوا عرفتوا المهمه الجديده ،انت ي اسر هتتولي حمايه اروي ،واياد هتتولي حمايه كارما ،وانتي ي چوري هتتولي حمايه يزن ،تمام
اسر : ي فندم طب انا ممكن اتولي حمايه يزن ،عشان حضرتك عارف انا مش بحب حمايه البنات
اللواء بجديه: مفيش حاجه اسمها مش بحب ،انا مش بعزمك ع الاكل دي اوامر ي اسر ولازم تنفذها
اسر باحترام: تمام ي فندم
اللواء : اتفضلوا
الكل : تمام ي فندم
خرجوا الثلاثه وراحوا المكتب واسر كان متعصب جدا
چوري : هو انت ليه مش بتحب حمايه البنات
اسر بضيق: لانهم ممليين ،كل مشاويرهم الكوافير والشوبينج والهبل دا وغير طريقتهم المايعه في الكلام
چوري : ع فكره مش كل البنات زي بعضها مانا وجميله وسلمي مش بنهتم بالحاجات دي
اسر : لان انتوا ظباط مفيش وقت ليكوا للحااجات دي وتعاملكوا مع مجرمين وظباط اكيد مش هتكلموا بمياعه
چوري : لا مفيش حاجه اسمها كدا الي عايز يعمل حاجه بيعملها وبعدين اروي بتشتغل في الشركه مع اخوها يعني اكيد جاده
اسر : بالعكس دي عشان بتشتغل في الشركه اكيد بقاا بتتكلم بمياعه مع العملاء عشان يوافقوا ع الصفقات
چوري : ع فكره حرام تتهم حد بالباطل وانت متعرفهوش لسه ولا اتعاملت معاه
اسر : مش محتاج اعرفها او اتعامل معاها لان كلهم كدا
چوري : ع فكره مش كلوا زي ميار
اسر بغضب وحده: چوري
اياد وهو يهدء اسر : خلاص ي اسر اهدي هي متقصدش
في اللحظه دي دخل اللواء اسر
اللواء بجديه: في اي. اي الزعيق دا
اياد باحترام: مفيش حاجه ي فندم
اللواء بجديه:بتزعق ليه ي اسر
اسر وهو يكتم غضبه: مفيش ي فندم
اللواء : طيب ،امال مرحتوش ليه كل واحد مهمته
اياد: رايحين ي فندم دلوقتي
اللواء بجديه: تمام وبعد كدا مش عايز اسمع زعيق تاني
الكل: حاضر ي فندم
خرج اللواء
واسر بص ل چوري بغضب وخرج
اياد: ع فكره انتي غلطانه اي الي خلاكي تفكريه ب ميار دلوقتي
چوري : هو مش عشان واحده خدعتوا يبقي كل البنات وحشين ،انا مبحبش حد يتهمنا كلنا بذنب واحده عملتوا
اياد: طب وانتي واخده الكلام ع نفسك ليه هو مجبش سيرتك وقال انكوا مش كدا
چوري : انا مش واخده الكلام ع نفسي انا برد بنيابه عن البنات المحترمه مش الي زي ميار
اياد: طيب خلاص خلينا نمشي قبل ما سياده اللواء يرجع تاني ويزعق
چوري : ماشي
خرج اياد وچوري وكل واحد ركب عربيته واتوجه لمكانه
عند اسر راح الشركه وسأل في الاستقبال
اسر بجديه: هو مكتب الانسه اروي البهنساوي فين
الموظفه وهي تنظر له بهيام : ليه
اسر بحده:نعم هو اي الي ليه
الموظفه بتوتر : انا اقصد حضرتك عايزها ليه
اسر بغضب: وانتي مالك ،انا بسالك ع مكتبها فين ،ملكيش دعوه عايزها ليه
الموظفه بتوتر : بس ي فندم لازم اعرف حضرتك مين عشان اقولها
اسر بجديه: ماشي قوللها الرائد اسر مؤمن
الموظفه بانبهار : حضرتك ظابط
اسر بجديه: اه ظابط فيها حاجه دي
الموظفه بتوتر : لا مفيش حاجه حالا هكلم انسه اروي واقولها
اسر بحده: انا لسه هستني اخلصي قولي فين مكتبها
الموظفه : ما هي ي فندم مش في مكتبها دلوقتي هي زمانها ع وصول ممكن حضرتك تطلع تستناها فوق في مكتبها
اسر بغضب: وفين مكتبها
الموظفه : اخر دور المكتب الي في الوش
اسر بغضب: طب ما تقولي من الصبح
الموظفه : اسفه ي فندم
سابها اسر ومشي ركب الاسانسير
الموظفه باعجاب: يخربيتك مزززز اووي وعصبي واوو
عند اسر ركب الاسانسير وكان لسه هيقفل لكن لقاا بنت جايه بسرعه ناحيه الاسانسير فا وقفوا اسر وهي دخلت بسرعه
البنت :شكرا
اسر : العفوا ،بس انتي بتعملي اي هنا
البنت باستغراب : نعم يعني اي بعمل اي هنا ،انا بشتغل هنا
اسر بدهشه: اي دا هما عاملين قسم للاطفال هنا
البنت بغضب: لا عاملين قسم للزرفات زيك كدا
اسر بغضب: لمي نفسك ي بت انتي ، مبقاش غير الاطفال كمان الي هتكلم
البنت بغضب: هي مين دي الي طفله ي متخلف انت ،انا عندي ٢٢ سنه
اسر بغضب: مين الي متخلف ي اوزعه انتي وبعدين ٢٢ سنه اي دا انتي اخرك ١٤ سنه دا انا حتي كدا كارمك
البنت بغضب : هي مين دي الي اوزعه ي زرافه انت ،واحد متخلف
اسر بغضب : انا متخلف ،طيب انا هوريكي بقاا المتخلف دا
مسكها اسر من كتافها ورفعها
اسر بغضب : اهو كدا اعرف اتكلم معاكي بدل ما رقبتي وجعتني من البص في الارض
البنت بغضب : نزلني ي بارد
اسر ببرود: اعتذري الاول
البنت بغضب: اعتذر منك انت لا طبعا دا انت لو اخر واحد في العالم مش هعتذر
اسر ببرود: خلاص خليكي كدا
ضربتوا برجليها في رجله لكن ولا اتأثر
اسر باستفزاز: طفله فعلا ، تفتكري الضربه دي هتأثر
البنت بغضب: اخلص نزلني انا مش فضيالك
اسر باستفزاز: وراكي مدرسه ولا اي
البنت بغضب : ملكش دعوه ،نزلني
اسر ببرود: وانا قولت مش هنزل غير لما تعتذري
البنت بغيظ: وانا مش هعتذر
اسر ببرود: خلاص مش هنزلك
البنت بغضب: هو احنا بنلعب اخلص انا مش فاضيه ورايا شغل
اسر ببرود: انا قولت الي عندي هتعتذري هنزلك مش هتعتذري مش هنزلك
في اللحظه دي الاسانسير اتفتح ضربتوا البنت وخرجت بسرعه كان هيجري وراها بس ملحقهاش والاسانسير اتقفل
اسر بغضب: والله لوريكي لو شوفتك تاني ي اوزعه
وصل اسر الدور الاخير
عند چوري راحت المستشفي ل يزن دخلت الاوضه كان مصطفي معاه
چوري بابتسامه:صباح الخير
مصطفي ويزن: صباح النور
چوري : انا چوري وانا المسئوله عن حمايه استاذ يزن يزن : نعم ازاي يعني الي هتحميني بنت
چوري بحده: مالها البنت ان شاء الله
يزن: مش هتقدر ،انا كان بيحرسني بودي جارد اتنين رجاله واتقتلوا ،انتي بقاا الي هتقدري
چوري : اه هقدر وبعدين الموت بتاع ربنا
يزن : ونعمه بالله وعشان كدا انا مش عايز حد يحميني
چوري : مينفعش تقف قصاد النار وتقول انا هدخل ولو ربنا كاتبلي اعيش هعيش
مصطفي : عندك حق فعلا ي انسه چوري ، ثم اكمل وهو يحدث يزن :ياريت تكون اقتنعت وتوافق
يزن : ماشي موافق
چوري : تمام
في اللحظه دي دخل الدكتور وفحص يزن
چوري: هو هيخرج امتي ي دكتور
الدكتور : هو بقاا كويس ويقدر يخرج دلوقتي
چوري : تمام شكرا ي دكتور
الدكتور : العفوا عن اذنكوا
خرج الدكتور
چوري : انا هستني بره تكون جهزت
خرجت چوري من غير ما تسمع رده
يزن بدهشه: اي البت دي ، دا كأني شغال عندها
مصطفي بضحك: ههههههههههه بجد شكلك مسخره وهي بتأمرك كدا
يزن بغضب: هي مين دي الي تأمرني ،انا محدش يأمرني ابدا دي حياله حارس شخصي لياا
مصطفي : طب يلا قوم عشان تجهز وانا همشي اروح الشركه وانت هتروح البيت ترتاح
يزن : ماشي
ساعده مصطفي في اللبس وبعد كدا خرج وسابوا
مصطفي ل چوري : هو هيروح البيت يرتاح وانا همشي دلوقتي
چوري : ماشي
مشي مصطفي وفضلت چوري مستنيه يزن يخرج بس هو اتاخر دخلت الاوضه لقتوا قاعد ع الكرسي ببرود
چوري : دا اي دا ان شاء الله هو مش انت لبست مخرجتش ليه عشان نمشي
يزن : انتي متؤمرنيش اعمل اي ومعملش اي ،انتي حارس شخصي يعني تمشي ورايا مش انا الي امشي وراكي
چوري : اي شغل العيال الصغيره دا ع فكره انا مش جايه العب اتفضل حضرتك عشان تروح
يزن ببرود: بس انا مش هروح
چوري : امال رايح فين
يزن : رايح الشركه
چوري :ماشي اتفضل عشان نروح الشركه
يزن :لا اتفضلي انتي ورايا
خرج يزن وهي جنبه وركب عربيه چوري واتحركوا لشركه
عند ادهم واسيل وصلوا القاهره وبعد وقت وصلوا البيت ودخلوا وكانت فيلا كبيره
اسيل وهي تنظر للفيلا: انت ساكن هنا لوحدك
ادهم : ايوا
اسيل باستغراب :بس مش غريبه تسكن لوحدك في فيلا
ادهم : الفيلا دي بتاعت بابا الله يرحمه
اسيل : الله يرحمه انت مكلمتنيش صح عن عيلتك
ادهم : انا مليش عيله ،بابا وماما واختي اتوفوا في حادث كنت ساعتها انا في كليه الشرطه
اسيل بحزن: انا اسفه اني فكرتك
ادهم بحزن: انا منستش عشان تفكريني ثم اكمل وهو يحاول يخفي حزنه : المهم دلوقتي اي رايك في الفيلا
اسيل عرفت انو ببحاول يخفي حزنه : جميله جدا
ادهم بابتسامه : طيب بصي الدور الي فوق فيه اوض كتير اختاري منهم الاوضه الي تعجبك
اسيل : ماشي
طلعت اسيل فوق وفتحت اوضه ومن خلال الصور وكمان لون الاوضه البينك عرفت ان دي اوضه اخته الله يرحمها حزنت جدا ودخلت مسكت الصوره واتصدمت
ادهم من وراها : دي ماياا اختي
اسيل بذهول : مش معقول
ادهم باستغراب : مش معقول اي
اسيل بدهشه: انت متاكد انها ماتت
ادهم باستغراب: يعني اي متاكد انها ماتت ،انا مش فاهم حاجه
اسيل : هو انت تعرف عدي من امتي
ادهم باستغراب: اي الي دخل عدي في الموضوع
اسيل: جاوب بس ع السؤال
ادهم : ماشي ، انا وعدي اتصاحبنا لما كان عندي مهمه في اسكندريه وواحد صاحبي كان متصاب وبعد كدا انا اتصابت فا بقينا اصحاب
اسيل : انت تعرف اي حاجه عنو
ادهم باستغراب : انتي مال اسئلتك في اي ،ليه الاسئله دي كلها
اسيل بتوتر: لا مفيش انا بسال عادي
ادهم : طيب خلينا نخرج نتغداء براا
اسيل : وليه نتغداء براا ما نتغداء هنا
ادهم : انتي بتعرفي تطبخي
اسيل : يعني مش اووي ،بس انت ازاي مش بتعرف تطبخ امال بتاكل ازاي
ادهم : انا بعرف اطبخ بس قولت يمكن متحبيش اكلي فا ناكل برا احسن
اسيل بابتسامه: طب انت دوقتهوني عشان احبوا ولا محبوش
ادهم بابتسامه: خلاص هدوقهولك بس لو اتريقتي عليه هاخدوا وهخليكي تطبخي انتي لنفسك
اسيل بضحك: هههههههههههه لا متقلقش مش هتريق
ادهم بابتسامه: خلاص شوفي الاوضه الي تعجبك وخدي شاور اكون جهزت الغداء
اسيل بابتسامه: ماشي
خرج ادهم نزل تحت واسيل اختارت اوضه ودخلت خدت شاور ولبست ترينج مكون من بنطلون برمودا وتي شيرت ونزلت دخلت المطبخ
اسيل بابتسامه: شكلها بدايه مبشره ريحه الاكل حلوه
ادهم بمزاح: لا وطعموا هيبقي احلي
اسيل بضحك: لما نشوف
ادهم بمزاح: طب يلا بطلي رغي وحطي الاطباق دي ع السفره
اسيل وهي تعمل تحيه الظباط : تمام ي فندم
ادهم بضحك:هههههههههههه تصدقي ينفع تبقي ظابط
اسيل بمزاح: عارفه ع فكره انا اصلا كان نفسي اكون ظابط بس اسر مرضيش
ادهم جواه: دا احلي حاجه انو مرضيش عشان نتجوز
ادهم : وليه مرضيش
اسيل : كان خايف علياا
ادهم : بصراحه عندو حق احنا شغلنا خطر ومش سهل
اسيل بحماس: عارفه ، بس انا فرحت جدا بالمهمه دي ع الاقل هعيش الاكشن وجو العصابات دا حلو اوووي
ادهم جواه : دا انا الي فرحت جدا بالمهمه دي
ادهم بضحك:ههههههههههههههههه انتي ليه محسساني انك طالعه هجوم
اسيل : اي دا هو انا مش هبقي معاكوا وانتوا بتقبضوا عليهم
ادهم باستغراب: معانا فين ،لا طبعا انتي يدوب تقوليلنا ع المعلومات واحنا الي هنعمل الباقي
اسيل : طيب مش هناكل ولا اي انا جوعت
ادهم بتذكر :اه صح انا نسيت طب حطي الاطباق ع السفره
اسيل : اوك
حطت اسيل الاطباق ع السفره وادهم ساعدها وقعدوا كلوا
ادهم: هتروحي بكره المستشفي
اسيل:ايوا
ادهم : تمام وانا هبقي اوصلك وبعد كدا اروح الاداره
اسيل: بس مش هينفع عشان لو حد شافك المهمه هتبوظ
ادهم: لا متقلقيش انا هوصلك وهمشي ع طول ولو حد شافني عادي انا جوزك محدش هيعرف اني ظابط
اسيل : ولو حد عرف
ادهم : محدش هيعرف متقلقيش انا لازم اوصلك عشان ابقي مطمن اكتر
اسيل : تطمن ع اي
ادهم : اطمن عليكي انتي في حمايتي
اسيل: ماشي
ادهم : مقولتليش صح اي رايك في الاكل
اسيل : عايز الصراحه
ادهم : خلاص عرفت وحش مش كدا كنت عارف انو مش هيعجبك انا قولتلك ناكل بره احسن
اسيل بضحك: باااس انت بالع راديو انا لسه مقولتش حاجه ع فكره ، انا كنت لسه هقول الصراحه الاكل تحفه جدا
ادهم وهو يرفع حاجبه: انا بالع راديو
اسيل بضحك: يعني انت سيبت كل الكلام ومسكت في دي ،
ادهم بمزاح: مانا لسه هرد ع باقي الكلام
اسيل بمزاح: وهترد تقول اي بقاا
ادهم بمزاح: مش هقول حاجه
اسيل بضحك: امال اي هرد ع باقي الكلام دا
ادهم بضحك:ههههههههههه بهزر
اسيل بابتسامه: ماشي
خلصوا اكل ولمت اسيل الاطباق وادهم ساعدها وبعد كدا طلع خد شاور ولبس ونزل
اسيل باستغراب: انت رايح فين
ادهم : رايح الاداره فيه اجتماع عشان القضيه هما ساعتين بس مش هتاخر
اسيل : ماشي
ادهم بابتسامه: عايزه حاجه اجبهالك وانا جاي
اسيل بابتسامه : عايزه ايس كريم
ادهم بضحك:هههههههه ماشي هجبلك ايس كريم عايزه حاجه تاني
اسيل وهي تعد ع صوابعها : وشوكلاته وغزل بنات وشيبسي وشيتوس واندومي ،بس كدا كفايه
ادهم بدهشه: كل دا وكفايه ،هو فيه حاجه تاني غير دول دا انا هجيب السوبر ماركت
اسيل بضحك:هههههههههههههه لا مش لدرجه بس اهم حاجه شوكلاته تكون بابلي
ادهم بضحك: والله انا قولت متجوز طفله محدش صدقني ، ماشي ي اختي ،فيه حاجه تاني ولا خلاص
اسيل بابتسامه: لا خلاص كفايه
ادهم بابتسامه: طيب سلام
اسيل بابتسامه: سلام
عند جاسر وجميله
وصل جاسر الشركه وطلع وجميله راحت الاداره
ودخلت المكتب
جميله بابتسامه: سلام عليكم
سلمي بابتسامه: وعليكم السلام ورحمه الله وبركاته
جميله : سياده اللواء جوه
سلمي : ايوا هو قالك ع الاجتماع
جميله :اه ،امال فين ادهم
ادهم من وراهم : انا سمعت اسمي بتجيبوا في سيرتي ليه
جميله بضحك: احنا بنسال عليك ، اخبار الجواز اي
ادهم :جواز اي ي اختي ماانتوا عارفين انو صوري ،للاسف ادبست وخلينا صوري
جميله بغمزه: كان نفسك يبقي حقيقي
ادهم بهيام:جداا
جميله بضحك: ههههههههههه يخرب عقلك انت اي الي غيرك كدا هي مش دي الي مكنتش طايقها
ادهم بابتسامه: لاني مكنتش اعرفها لكن دلوقتي عرفتها وكمان هي نفسها الي كنت هتقدملها اصلا لما اخلص المهمه بس يشاء القدر اني اتجوزها وعشان المهمه دي
جميله باستغراب: انا مش فاهمه حاجه
ادهم بابتسامه: هحكيلك بس خلينا ندخل لسياده اللواء قبل ما نتعلق
جميله بضحك:هههههههه ماشي يلا
ادهم : يلا
دخلوا الثلاثه مكتب اللواء سيف وادوا التحيه العسكريه وقعدوا
سيف بجديه: كدا كل حاجه جاهزه فاضل التنفيذ انت ي ادهم اسيل هتنزل المستشفي من بكره ،هتديها جهاز التصنت دا تحطه في مكتب مدير المستشفي ،وجهاز تصنت تاني تخليه معاها لو شكت في اي حد تحطه في مكتبه وجهاز التتبع يبقي معاها احتياطي بس جهاز التتبع دا صعب شويه وحديث
ادهم : ازاي ي فندم
سيف : جهاز التتبع هيتغرز في كتفها هو عباره عن شريحه بتتركب في الكتف بحيث ميبانش خالص وكمان حتي لو اتشاف وشالوه هنعرف وهنعرف اتحط فين فهمت
ادهم : فهمت ي فندم
سيف : تمام وانتي ي جميله فيه مهمه بس خطر شويه بس انا عارف انك قدها وكمان هتعمليها انتي وسلمي واسيل هتساعدكوا
جميله : مهمه اي ي فندم
سيف : الاوضه الي في المستشفي الي انتي شوفتيها ،عايزك تدخليها انتي وسلمي وتحطي كاميرا نصور كل الي بيحصل صوت وصوره بس دا هيكون ع اتفاق مع اسيل عشان لازم نتاكد ان مفيش حد جوه في الاوضه هتقدري تعملي دا
جميله : هقدر ي فندم وانا سبق وكنت هدخل الاوضه عادي فا مفيش مشكله
سيف : بس انتي هتخفي وشك خالص لان لو شافوكي تاني منضمنش اي الي ممكن يحصل
جميله : ماشي ي فندم
ادهم : انا ممكن اكون معاهم ع الاقل لو دخلت المستشفي هيبقي عادي انا جوز اسيل
سيف : ممكن فعلا خلاص مفيش مشكله بس الاول لازم نعرف لو الاوضه دي ليها شبابيك مثلا تقدروا تدخلوا منها ولو مفيش يبقي تدخلوا عادي واسيل وادهم يقفوا بره لو حد دخل
جميله : مظنش ي فندم ان فيه شبابيك لان طالما الباب معمول بنفس لون الحيطه يعني معناها الاوضه مختفيه عن الانظار
سيف : خلاص يبقي تدخلوا عادي من الباب وادهم واسيل هيقفوا بره لو حد جيه يعرفوكوا ويحاولوا يلهوه
جميله : تمام ي فندم وهنفذ دا امتي
سيف : بكره هتكون اسيل استلمت الشغل ولما تلاقي الجو هادي في المستشفي ومفيش حد كتير هتدخلوا انتوا ،احنا عايزين نخلص المهمه دي بسرعه
الكل : تمام ي فندم
سيف : تمام تقدروا تتفضلوا
خرجوا الثلاثه بعد ماادوا التحيه العسكريه وعدي اليوم وراحت جميله ل جاسر الشركه
عند جاسر في مكتبه كان بيشتغل وخبط الباب
جاسر وهو ينظر في الملف : ادخل
دخل الشخص وجاسر مازال ينظر في الملف
جاسر وهو ينظر في الملف : في حاجه ي هدي
: انا مش هدي
بص جاسر للي دخل واتعصب جامد
جاسر بغضب: انتي اي الي جايبك هنا تاني وازاي تدخلي من غير اذن
مياده ببرود: انا قولت اجي اباركلك ع كتب الكتاب ،رغم انك مقولتليش بس مش مشكله انا اصيله بردوا وقولت اجي ابارك
جاسر بغضب : اقسم بالله ي مياده لو مخرجتيش حالا لكون منادي ع الامن يرميكي بره
مياده وهي تقترب منه بدلع : يعني تهون عليك مياده حبيبتك تطردها كدا دا حتي عيب ع الليله الي قضيناها سوا
جاسر بغضب: انتي مصدقه نفسك انا متاكد اني ملمستكيش ،ومعرفش ازاي جيت عندك اصلا
مياده بدلع وهي تمرر يدها ع صدره : كل دا ميهمنيش انا الي يهمني شكل حبيبه القلب لما تشوف صورتك وانت جنبي وفي حضني ،وكمان اقولها انك كنت عندي في نفس اليوم الي هي سافرت فيه اسكندريه يعني ي حرام استغليت غيابها ونمت معاياا وكمان قولت تكتب الكتاب بسرعه عشان ي حرام مبتعدش عنك بعد ما تعرف
جاسر بغضب وكره: انتي اي شيطانه ،انا بكره اليوم الي عرفتك فيه وبكره قلبي الي فكر في يوم ان يحب واحده زيك وسخه
مياده ببرود: كل دا مش هيفرق في حاجه ثم اكملت وهي تقترب منه بدلع انا بحبك ي جاسر
في اللحظه دي دخلت جميله
جميله :خلصت
قطعت كلمتها لما شافت مياده وكانت قريبه من جاسر جدا
جميله بغضب: انتي بتعملي اي هنا
مياده وهي تهندم ملابسها بتمثيل وترتب شعرها وتمثل التوتر : مش بعمل حاجه انا كنت بباركله بس عادي يعني ثم اكملت بخبث وبعدين مش عيب تدخلي من غير ما تخبطي
جميله ببرود: هو مش انتي جايه تباركيله معرفتيش اني مراته ولا اي يعني ادخل براحتي من غير مااخبط
مياده بخبث : اصل يعني عيب تشوفينا في وضع كدا يعني
جميله ببرود: متحاوليش توصليلي حاجه محصلتش انا واثقه في جاسر وعارفه انو مستحيل يفكر انو يقربلك مش يبوسك زي ماانتي بتحاولي توصليلي ودلوقتي اتفضلي من غير مطرود
مياده بغيظ: همشي بس هرجع تاني وهنشوف لحد امتي هتثقي فيه
جميله ببرود:لحد اخر يوم في عمري هفضل واثقه فيه
مياده بخبث: هنشوف يلا باااي
خرجت مياده وقفلت الباب وراها
جاسر بترقب : انتي فعلا واثقه فياا ولا مجرد كلام قولتيه قدامها
جميله : لا مش مجرد كلام انا فعلا واثقه فيك ،انا قولتلك قبل كدا الثقه لازم تيجي قبل الحب وانا وثقت فيك قبل مااحبك لان الحب من غير ثقه ملهوش لازمه ومش بيدوم ،انا اتعلمت كتير من تجارب بابا وماما عشان كدا مش عايزه يحصل معايا نفس الي حصل معاهم واتمني انت كمان تثق فياا زي ماابثق فيك وتكون قد الثقه دي ومستستغلش اني بثق فيك وتخوني
جاسر بحب وهو يقترب منها : انا حقيقي محظوظ ان ربنا رزقني بيكي ،وانا عمري ما هستغل ثقتك فياا واخونك ابدا ،وزي ماانتي واثقه فياا انا بردوا بثق فيكي وبحبك ،انتي حبك زاد في قلبي اكتر وعليتي في نظري اووي
جميله بابتسامه: طيب مش هنروح ولا اي
جاسر : هنروح بس كنت عايزك في موضوع
جميله : طيب هو الموضوع مينفعش يتاجل لبعدين لاني تعبانه جدا وكمان عندي مهمه بكره
جاسر :ماشي
جميله بابتسامه:طيب يلا
جاسر : ماشي يلا
خد جاسر حاجته وقفل المكتب ونزل هو وجميله
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!