رواية احببت عنادك... بقلمي/هاجر هشام الفصل الثاني وثمانون 82 - بقلم Hagar Hešhàm

عند اسر الشاب
طلع الدور الاخير وراح ل سكرتيره
اسر بجديه: دا مكتب اروي البهنساوي
السكرتيره: ايوا ي فندم بس هي لسه مجتش
اسر :عارف
السكرتيره: طب اول ما تيجي  اقولها مين حضرتك
اسر : مش هتحتاجي تقوليلها انا هستناها في المكتب
السكرتيره: بس مينفعش ي فندم
اتجاهلها اسر ودخل المكتب
بعد وقت وصلت اروي
السكرتيره :استاذه اروي
اروي : ايوا ي عفاف
السكرتيره: فيه واحد في مكتب حضرتك مستنيكي
اروي باستغراب: واحد مين وبعدين ازاي تدخليه المكتب من غير اذن
السكرتيره: انا قولتلوا مينفعش يدخل المكتب لكن هو اتجاهلني ودخل
اروي بغضب: اي قله الذوق دي يعني اي اتجاهلك ودخل هي زريبه
السكرتيره: والله ي فندم حاولت امنعوا لكن معرفتش هو كان طويل وعضلات وبصراحه خوفت
اروي بغضب: يعني اي خوفتي هو اي حد يجي قدامك يبقي طويل وضخم تخافي منو
السكرتيره: انا اسفه ي فندم
اروي بحده: ماشي ي عفاف ،لما اشوف الاستاذ الي دخل من غير اذن دا
دخلت اروي مكتبها بغضب ولقت اسر قاعد ع الكرسي وحاطط رجل ع رجل
اروي بغضب: هو انت ، انت بتعمل اي هنا
اسر بغضب: هو انتي اروي
اروي بغضب: ايوا. انا ،انت بتعمل اي هنا
اسر بغضب : يعني انا المفروض هحميكي انتي ،دا انتي شكلك يطفش العصابه اصلا
اروي بغضب وهي تقترب منه ووقفت قصاده: احترم نفسك ي زفت انت ، وبعدين انا مستحيل ارضي انك انت الي تحميني دا انا عندي اتقتل ولا ان واحد زيك يحميني

اسر بغضب: والله ياريت تتقتلي ع الاقل هخلص وبعدين انا نفسي الي رافض من قبل مااشوف وشك لكن للاسف دي اوامر

اروي بغضب: خلصت روحك ،وبعدين الاوامر دي عليك مش علياا

اسر بغضب: لا وعليكي كمان ،وبعدين انتي محسساني اني هموت واحميكي يعني دا انا مش طايق اشوفك ولا اشوف اي انا مش شايفك اصلا وانتي في الارض كدا مش باين قاعده ولا واقفه ،ماتقفي ع الكرسي عشان اعرف اتكلم معاكي

اروي بغضب: والله مش ذنبي انك زرافه وشايفني اوزعه

اسر باستفزاز: ولا انا ذنبي انك اوزعه ومش باينه اصلا

اروي بغضب:اطلع بره ،انا مش عايزه حمايه من حد

اسر ببرود: قولتلك دي اوامر وانا مستحيل انسحب من قضيه عشان خاطرك ،فا انا الي هتولي حمايتك

اروي بغضب: وانا مش عايزاك تحميني

اسر ببرود:مش بمزاجك

اروي بغضب: لا بمزاجي واتفضل اخرج بره

في اللحظه دي دخل مصطفي
مصطفي باستغراب : في اي ي اروي صوتك جايب لحد بره ،ومين الاستاذ دا

اسر : الرائد اسر انا الي هتولي حمايه الزفته دي. قصدي الاستاذه دي

اروي بغضب: زفته في عينك ي متخلف

اسر بغضب: لمي نفسك ي بت انتي

مصطفي : باااس خلاص في اي ،مالك ي اروي

اروي بغضب: انا مش عايزه الزفت دا

اسر بغضب: هو انا جاي اتقدملك انتي كمان ،دا انا هحميكي رغم ان المفروض احمي العصابه منك دا لو شافوكي هيجروا

اروي بغضب : انا الي لو شافوني هيجروا ولا انت الي لو شافوك هيهربوا او مش بعيد يسلموا نفسهم

اسر ببرود واستفزاز: طبيعي يسلموا نفسهم او يهربوا لاني ظابط ولازم يخافوا مني ، لكن انتي هيفتكروكي عفريت ويجروا ، او كوبايه ماشيه لوحدها

اروي بغضب وغيظ: انت بني ادم مستفز وبارد

مصطفي : اي لعب العيال دا ،انتوا المفروض تتعاونوا مع بعض لانكوا هتبقوا قصاد بعض كل يوم وطول اليوم

اروي بغضب: دا انا طايقاه بالعافيه دلوقتي تقولي اشوفوا كل يوم

اسر بغضب: ما تحترمي نفسك ي بت انتي دا ع الاساس اني ميت في دباديبك مثلا ،دا انا طايقك بالعافيه

مصطفي : لا مش هينفع كدا بجد ،يعني يزن وچوري يتخانقوا ودلوقتي انتوا

اروي باستغراب : چوري مين

اسر : چوري بتتخانق مع يزن ليه

مصطفي : زيكوا كدا اختلاف في وجهات النظر هو مش حابب بنت هي الي تحميه

اروي : خلاص احنا فيها انا چوري تحميني ودا يوم ل يزن

اسر بغضب: انتي بتوزعي جزم ،اي دا يروح ل يزن ،انا مش تحت امرك ي زفته انتي ،وانا هفضل في مكاني وهحميكي انتي عند فيكي بقاا

اروي جواه : ماشي انت الي جبتوا لنفسك انا هوريك الاوزعه دي هتعمل فيك اي ي حضره الظابط

اروي : ماشي

اسر استغرب استسلامها السريع ومصطفي عرف انها بتخطط ل حاجه

مصطفي جواه : ربنا يستر

مصطفي : طب الحمدلله اتحلت اهي ، يلا بقاا اسيبكوا انا عشان ورايا شغل وكمان اشوف يزن وچوري

اروي بتحدي وهي تنظر ل اسر : ماشي

خرج مصطفي واتبقي اروي واسر وهما بيبصوا لبعض بتحدي

عند ادهم
راح السوبر ماركت جاب كل الي طلبتوا اسيل وراح الفيلا دخل كانت اسيل قاعده ع الكنبه بتتفرج ع التلفزيون وهي لابسه بجامه عليها رسمه تويتي وعامله شعرها ضفرتين وادهم اول ما شافها انفجر من الضحك
ادهم بضحك: ههههههههههه اي الي انتي عاملاه دا
اسيل باستغراب : عامله اي
ادهم بضحك: شكلك طفولي اوووي
اسيل : لو مضايقك اغيره
ادهم بابتسامه: لا بالعكس شكلك حلو جدا
اسيل بخجل : ميرسي
ادهم ابتسم ع خجلها : اهي الحاجات الي طلبتيها
اداها ادهم كل الي هي طلبته
اسيل بدهشه: انت جبتهم بجد
ادهم باستغراب: اه هو فيه حاجه غلط فيهم اغيرهالك
اسيل : لا بالعكس بس استغربت انك جبتهم انا كنت بهزر وفاكره انك مش هتجيب ،لان كنت بعمل كدا مع اسر اخوياا ومش بيجبلي
ادهم بابتسامه: لا مقدرش مجبلكيش
اسيل بابتسامه: شكرا
ادهم : ع فكره مفيش شكر بينا ،انتي مراتي
اسيل : طب مش هتاكل معايا ،انا اكيد مش هاكل كل دا لوحدي
ادهم بابتسامه: هاكل معاكي ،بس هطلع اخد شاور واغير
اسيل: ماشي اكون حضرت العشاء
ادهم : لا انا مش جعان كفايه ناكل دول بس عادي
اسيل: ماشي
طلع ادهم خد شاور ولبس بنطلون ترنج اسود وتي شيرت رمادي  ونزل وقعد ع الكنبه جنب اسيل وهي كانت مكسوفه ،شغل ادهم فيلم وقعدوا يتفرجوا
اسيل : عملت اي انهارده في الاداره
ادهم باستغراب : اشمعنا
اسيل : عادي بسال ،لو مش حابب ترد خلاص
ادهم : لا مش قصدي انا بس استغربت مش متعود حد يسالني او يهتم بشغلي
اسيل : انا اسفه مكنتش اقصد ادخل واسالك ع شغلك
ادهم بابتسامه: لا ع فكره انتي تدخلي براحتك وبعدين سؤالك مفيهوش تدخل ولا حاجه ،
الي حصل في الاجتماع انهارده ، ان بكره انتي لما تروحي تشوفي انسب وقت عشان نقدر ندخل المستشفي وندخل الاوضه دي من غير ما حد يحس

اسيل: ازاي من غير ما حد يحس دي مستشفي مش مخزن يعني فيها مرضي وممرضيين ودكاتره

ادهم : انا عارف دا بس بليل الرجل بتخف شويه يعني المرضي بيناموا الدكاتره مش بيتبقي الا القليل والممرضين بردوا  ،عشان كدا انا عندي خطه ،انا هفصل النور عن المستشفي لمده ثلاث دقايق تدخل فيها جميله وسلمي بسرعه واحنا هنكون واقفين عند باب الاوضه نراقب لو حد جيه نحذرهم ولما يخلصوا هفصلوا تاني ويخرجوا

اسيل : لا طبعا مينفعش انت عارف يعني اي تفصل النور من المستشفي يعني الاجهزه هتتقفل وممكن المرضي تموت الي في العنايه ولو كان فيه عمليه دا ممكن يقتل المريض لا مش هينفع الخطه دي خالص

ادهم : خلاص نعمل حاله هرج في المستشفي

اسيل باستغراب : ازاي

ادهم : يعني مثلا خناقه قدام المستشفي الكل هيخرج يشوف والامن هيدخل  فا كدا الكل هيبقي باصص ع الخناقه واحنا نقدر ندخل بسهوله

اسيل: فكره حلوه دي تمام وانا بقا هعمل اي

ادهم : انتي هتحطي جهاز التصنت في مكتب المدير ،ثم اكمل بتحذير واوعي تتكلمي مع رجاله
اسيل باستغراب :دي من ضمن المهمه مكلمش رجاله
ادهم بخبث : ايوا من ضمن المهمه عشان محدش يشك فيكي
اسيل : ماشي
ادهم واسيل كانوا بياكلوا ايس كريم
ادهم وهو يكتم ضحكته ع شكلها : فيه ايس كريم ع بوقك
اسيل وهي تتحسس بوقها : فين
ادهم وهو يشاور ع المكان : اهي
اسيل بزهق : طب امسحها
مسك ادهم المنديل واقترب منها وبرقه مسح اثار الايس كريم الي ع بوقها وكان قريب منها اووي  وهي اتكسفت من قربه
اسيل بخجل : احم خلاص
ادهم بابتسامه: اه خلاص
اسيل بخجل : طب انا هطلع انام ، عايز حاجه
ادهم باستغراب : بدري كدا
اسيل باستغراب : بدري اي انت عارف الساعه كام
ادهم باستغراب : كام
اسيل : الساعه ١
ادهم بدهشه: معقوله دا انا محستش بالوقت
اسيل بابتسامه: طب يلا قوم نام عشان شغلك انت كمان
ادهم بابتسامه: ماشي تصبحي ع خير
اسيل بابتسامه: وانت من اهله
طلعت اسيل وادهم كل واحد اوضته نام

💖💖💖💖💖💖💖💖💖
تاني يوم الصبح صحي ادهم ع صوت صراخ اسيل قام بسرعه وسمع صوتها في الاوضه خرج بسرعه وكان لابس شورت بس وعضلاتو باينه ودخل الاوضه
ادهم بقلق : في اي
اسيل بخوف : اقتلوا بسرعه
ادهم بقلق واستغراب : هو مين ،وفين
اسيل بخوف  وهي تشاور عليه: االصورصار
ادهم بدهشه: نعم
اسيل بخوف : اقتلوا ونبي بسرعه
ادهم باستغراب : يعني كل الصريخ دا عشان صورصار
اسيل بصرااخ :دا جااي عندي ،عاااااااااااااا
مسكت اسيل في ادهم بخوف وهو فرح 
اسيل بخوف : اقتلوا ونبي
ادهم بضحك: حاضر خلاص اهدي
قتلوا ادهم واسيل هديت وخدت بالها انها حاضنه  ادهم وبعدت عنو بسرعه
ادهم بضحك: معقوله طلعتي بتخافي من صورصار
اسيل بخجل وهي تنظر في الارض : اه شكلوا وحش
ادهم باستغراب: انتي باصه في الارض ليه
اسيل بخجل : اصل ..انت...يعني
ادهم استغرب وبص ع نفسه وخد باله انو بدون تيشيرت
ادهم بهزار : ي فضحتي ،ثواني هستر نفسي واجيلك
هرول ادهم مسرعا للغرفه واسيل انفجرت من الضحك عليه
وبعد وقت خرج ادهم بعد ماخد شاور ولبس ونزل كانت اسيل بردوا خدت شاور ولبست ونزلت
اسيل بابتسامه: انا جاهزه
ادهم بابتسامه: صباح الخير
اسيل بابتسامه:صباح النور ،ثم اكملت باحراج : انا اسفه اني خضيتك
ادهم بهزار : دا انا قطعت الخلف مش اتخضيت بس
اسيل بضحك: هههههههههههه معلش بقاا
ادهم بابتسامه: ماشي ولا يهمك ،ع فكره انا مش زعلان بالعكس انا الاول كنت عايش لوحدي وبكون حاسس بالوحده لكن لما صحيت انهارده وكمان لما كنا قاعدين مع بعض امبارح محستش بالوحده

اسيل بمزاح: اي خدمه ،عد الجمايل بقاا

ادهم بضحك: هههههههههه ماشي

اسيل بابتسامه: مش هتوصلني ولا رجعت في كلامك

ادهم بابتسامه: لا مرجعتش بس ثانيه

اسيل باستغراب : رايح فين

ادهم : هجيب بس الجهازين
طلع ادهم اوضته وجاب جهاز التصنت وجهاز التتبع وكان عباره عن مسدس فيه شريحه بتتغرز في الكتف

ادهم  : دا جهاز التصنت ،عرفتي هتحطيه فين ،
اسيل : ايوا في مكتب المدير
ادهم : بالظبط ثم اكمل بحنان : دا بقا جهاز التتبع بس معلش هي هتوجعك شويه
اسيل بابتسامه: ماشي مش مشكله
مسك ادهم كتفها وصوب المسدس ع كتفها وضغط ع الزنات وانطلقت الشريحه في مكانها والجهاز اعطي اشاره بوجود الشريحه في مكانها الصحيح
شال ادهم المسدس ومرر يده برقه مكان الوجع
ادهم برقه وحنان: وجعتك
اسيل بخجل: لا
ادهم بابتسامه: طب يلا بينا
اسيل بخجل : يلا
خرج ادهم واسيل ركبوا العربيه واتحركوا ،بعد وقت وصلوا المستشفي
ادهم بحنان: خلي بالك من نفسك ولو في اي حاجه كلميني
اسيل بابتسامه: ماشي
ادهم وهو يعطيها سماعه: السماعه دي تحطيها في ودنك ع طول متشيليهاش ابدا  لان من خلالها نقدر نتواصل مع بعض ،هي صغيره خالص مش هتبان  ،وتقدري تشيليها لما نكون مع بعض عادي
اسيل: ماشي
خرجت اسيل من العربيه ودخلت المستشفي ومشي ادهم راح الاداره

عند جميله في الاداره دخل ادهم
ادهم بابتسامه: صباح الخير
جميله وسلمي : صباح النور
جميله : اسيل راحت انهارده المستشفي
ادهم : ايوا
جميله : طيب عرفتها هندخل ازاي
ادهم : انا قولتلها ع موضوع اننا نقطع النور في المستشفي لكن هي رفضت عشان حياه المرضي وهي بصراحه عندها حق احنا مش عشان ننقذ ناس نموت ناس تانيه ،

جميله : عندك حق امال اي الي اتفقت معاها فيه

ادهم: اتفقت معاها اننا هنعمل خناقه كبيره قدام المستشفي وطبعا الكل هيطلع يتفرج والامن هيتدخل في اللحظه دي هتدخلوا انتوا وانا واسيل هنبقي قدام الاوضه لو حد جيه فجاه ولا حاجه

جميله : تمام كويسه الخطه دي ،هتنفذ امتي

ادهم : ع بليل كأني رايح عشان اخد اسيل واقدر ادخل المستشفي بسهوله

جميله: تمام واديتها الجهازين

ادهم: ايوا وزمانها دلوقتي في مكتب المدير

جميله: طيب خلينا ندخل للواء عشان نسمع بيقولوا اي

ادهم : اوك
دخلوا الثلاثه مكتب اللواء وشغلوا التسجيل عشان يسمعوا الي بيحصل في مكتب المدير

عند اسيل
المدير : ازيك ي مدام اسيل
اسيل: الحمدلله ي دكتور
في اللحظه دي دخلت دكتوره
دكتوره : ايوا ي دكتور حضرتك بعتني
المدير : ايوا ي ايناس ، احب اعرفك دكتوره اسيل جديده هنا ،دكتوره نساا ،مكان الدكتوره الي مشيت
،عايزك بقاا تاخديها وتوريها مكتبها
ايناس: ماشي ي دكتور ،اتفضلي معاياا ي دكتوره اسيل
اسيل: اتفضلي
خرجت ايناس واسيل مع بعض ،بعد ما حطت اسيل الجهاز تحت المكتب من غير ما حد منهم ياخد بالو

في مكتب المدير دخل دكتور 
المدير : خير ي شريف
شريف : كنت جاي اسالك عملت اي في موضوع البنت الي كانت مع كمال
المدير : مش عارفين حاجه عنها البنت اختفت ولما سالنا في الكباريه اكدوا انها نفسها البنت الي انت شوفتها هنا بس مش عارفين هي مين
شريف : يمكن تكون ظابط ي دكتور
المدير : لو ظابط فعلا هي فين وليه اختفت
شريف : يمكن لما عرفت اننا شاكينا فيها قالت تختفي
المدير : مش عارف المهم من هنا لحد ما نعرف نوصل للبنت دي مفيش اي عمليه هتحصل فاهم
شريف : بس كدا ي دكتور دا هيأثر معانا ،احنا كدا ممكن نقعد كتير
المدير : مش مشكله نأجل شويه احسن ما يتقبض علينا
شريف : طب والدكتوره الجديده ،مش غريبه انها تظهر بعد ما تختفي البنت
المدير : لا مش غريبه دي لسه متجوزه ونقلت هنا عادي وكمان دي شكلها طيبه وغلبانه  يعني ملهاش دعوه بينا وكمان انا حطيت كاميرا في مكتبها يعني لو فيه اي حاجه هنعرف
شريف : ماشي ي دكتور الي تشوفوا
خرج شريف

في مكتب اللواء سيف
سيف : كدا هما فاكرين انك اختفيتي عشان كدا لما تروحي انتي وسلمي لازم ميبنش شكلك خالص

جميله : ماشي ي فندم بس فيه مشكله  ي فندم الخطه الي حطيناها مضمونه وكويسه بس محتاجين حد يعطل كاميرات المستشفي عشان نقدر ندخل ونخرج من غير ما حد ياخد بالو او يظهر دا في الكاميرات

سيف : دي هتبقي مهمتك ي ادهم  هتعطل الكاميرات وجميله وسلمي يدخلوا 

ادهم: تمام ي فندم

سيف : تمام احنا كدا ماشيين كويس واسيل مشكوش فيها عشان كدا مش عايز اسيل تقول اي حاجه في مكتبها عن المهمه

ادهم : متقلقش ي فندم انا قولتلها كدا فعلا

سيف : تمام تقدروا تتفضلوا وتجهزوا نفسكوا عشان المهمه

الكل : تمام ي فندم

خرجوا الثلاثه ودخلوا المكتب في اللحظه دي وصل ل جميله رساله ع الفون فتحتها ولقت صور ل جاسر وهو نايم وجنبه مياده مره وهي بتبوسه ومره وهي حضناه ،كانت بتقلب في الصور  وهي مصدومه
وفيه كلام من ضمن الرساله
: لسه واثقه فيه لحد دلوقتي بعد ما شوفتي خيانته بنفسك

بعتتلها جميله رساله : الصور دي متفبركه

: لا حقيقه ولو حابه تقدري تتاكدي من اي حد وهيقولك

سلمي باستغراب: في اي ي جميله
سابتهم جميله وخرجت نزلت ركبت عربيتها وساقت باقصي سرعه

عند جاسر
حمزه باستغراب : انت روحت عندها ازاي انا سيبتك عند صلاح
جاسر بضيق : ما دا الي هيجنني ، بس الي متاكد منو ان صلاح اكيد كان متفق معاها ع كدا واكيد الشقه الي كنا فيها دي بتاعت صلاح وهو سابهالها او بتاعتها هي اصلا وانا معرفش

حمزه : انا قولتلك صلاح دا مش برتاحلوا

جاسر : ياريتني كنت سمعت كلامك ومشيت معاك

حمزه : مش هيفرق في حاجه الندم دلوقتي

جاسر : عندك حق مش هيفرق في حاجه

حمزه : طب انت لمستها فعلا

جاسر بضيق : مش عارف

حمزه : يعني مش فاكر خالص

جاسر : مش فاكر اي حاجه ،انا كل الي فاكروا اني شربت العصير وبعدها حسيت بلغبطه وتوهان كنت شايف مياده بس مش قادر ابعد ،مش قادر اقاوم كنت زي المتكتف بالظبط بعد كدا مش فاكر حاجه ،مش عارف بقاا لمستها ولا لا

حمزه : يبقي اكيد لمستها طالما حاله توهان ومش قادر تبعد يبقي دي حبوب هلوسه بتخليك فايق بس مش قادر تتحكم في اعصابك ،بتبقي مسلوب الاراده

جاسر بضيق : انا مخنوق اوووي ،مش قادر اتخيل اني ممكن اكون لمست واحده غير جميله ،لا وكمان واحده قذره زي دي

حمزه : عشان كدا استعجلت في كتب الكتاب ،مكنتش عايزها تضيع من ايديك

جاسر : يمكن يكون دا سبب من ضمن الاسباب  بس انا بحبها بجد ومكنتش هقدر استحمل انها تبعد عني

حمزه: طب ما تحكيلها واشرحلها موقفك انت ضحيه زي ما هي بردوا كانت ضحيه وانت لحقتها  وجبتلها حقها

جاسر : كنت هقولها امبارح بس كانت تعبانه وكمان انهارده مشغوله عشان عندها مهمه وكمان حتي لو قولتلها عمري ما هقولها ع موضوع ان چوسف حاول يعتدي عليها واني كدبت عليها لما اغمي عليها وقولت انها تعبانه

حمزه : بلاش تقولها دا بس اشرحلها موقفك هي هتقدر انك قولتلها بنفسك بدل ما تعرف من مياده او تبعتلها الصور ساعتها هيبقي صعب تسامحك ،لانك خدعتها كدا

جاسر : خدعتها في اي

حمزه : ايوا هي مش هتفهم انك اتسرعت في كتب الكتاب عشان بتحبها ،لا هي هتفهم انك اتسرعت عشان تضمن وجودها جنبك وانها مستحيل تبعد

في اللحظه دي دخلت جميله
جميله بحده وجديه: ومين قالك اني  لما اعرف مش هبعد

جاسر قام وقف : جميله

حمزه : طب انا هسيبكوا عشان ورايا شغل
خرج حمزه  وقفل الباب وراه
جاسر : جميله اقعدي وانا هشرحلك كل حاجه

جميله بحده: مش محتاج تشرح حاجه كل حاجه واضحه ،ثم اكملت وهي تظهر له الصور ع الفون : الاستاذه بعتتلي كل حاجه وعرفتني والصور اتاكدت انها حقيقه ،يعني لاخر لحظه كنت بكدب نفسي وبقول عايزه توقع بينا لكن طلعت مخدوعه فيك ، لاول مره في حياتي اخسر في فهمي لشخص وهو انت ،انا بعترف اني غلط لما معرفتكش ع حقيقتك من اول ما بوستني غصب عني وانت بتمثل وتقولي انك كنت شايفني مياده ، وطلع مش تمثيل انت شوفتني مياده عشان لسه بتحبها لحد دلوقتي

جاسر : انا سيبتك تقولي كل الي جواكي ومعترضتش ع اي كلمه ودلوقتي من حقك تسمعيني

جميله بحده: اسمعك في اي ،هو لسه فيه كلام تاني بعد الصور دي

جاسر : اه فيه ، فيه اني مكنتش في وعي

جميله بسخريه: ليه شربتك حاجه اصفرا

جاسر : ايوا فعلا حطتلي ماده مخدره في العصير ودا الي خلاني مش واعي لاي حاجه بتحصل

جميله : واي الي وداك عندها

جاسر : مروحتش عندها ،انا كنت مع حمزه عند واحد صاحبي اسموا صلاح ،كنت مخنوق وحمزه اقترح علياا نخرج وقابلنا صاحبنا وهو اصر اننا نقعد معاه في شقته بس حمزه مشي لانو بيكره صلاح دا وانا قعدت معاه وتقريبا حطلي حاجه في العصير هي الي خلتني مش في وعي وبعدها هي ظهرت وصلاح اختفي

جميله : لمستها

جاسر  : مش عارف

جميله بسخريه: مش عارف لمستها ولا لا

جاسر : طبيعي معرفش بقولك مكنتش في وعي

جميله : وحصل امتي

جاسر : في اليوم الي سافرتي فيه اسكندريه كنت مضايق ومتعصب انك سافرتي من غير ما تقوليلي

جميله : عشان كدا قولت تكتب الكتاب بسرعه

جاسر : لا طبعا انا بحبك ي جميله وانا كنت بطلب منك من زمان اني اتقدملك لكن انتي كنتي بتقوليلي مش مستعده

جميله : فقولت تروح ليها ،اهي واحده مستعده وجاهزه وهتقدملك دا ع طبق من دهب مش كدا

جاسر : بردوا مصممه اني روحت بمزاجي ،طب لو روحت فعلا بمزاجي ليه اختارت اليوم الي سافرتي فيه ولا حتي ليه استنيت لحد ما تظهري في حياتي ما هي كانت موجوده قدامي من قبل مااشوفك ليه مقضيتش معاها ليالي مش ليله واحده وكمان كنت هبقي حر طالما شيفاني شخص شهواني ،مش بيهمه غير نفسه وبس

جميله : حتي لو كل دا حقيقي انت خدعتني ،كان ممكن تقولي قبل كتب الكتاب وتخليني اقرر لكن انت حطتني قدام الامر الواقع والمفروض اسلم بيه

جاسر : انا عارف اني غلط لما مقولتلكيش بس مكنتش عايزك تبعدي عني

جميله : ليه ابعد عنك وانت بتقول انك ضحيه ،دا كان غصب عنك

جاسر : يعني انتي مسمحاني

جميله: مين قال اني مسمحاك ، لا طبعا انت اه ملكش ذنب في  الي حصل لكن ليك ذنب انك مقولتليش

جاسر : انا كنت هقولك امبارح لكن انتي قولتي انك تعبانه

جميله : مش هتفرق انا في الحالتين عرفت بعد كتب الكتاب مش قبله

خرجت جميله وسابتوا وهو بينادي عليها

بليل في معاد المهمه عند ادهم وسلمي
كانت جميله لسه مرجعتش الاداره
العسكري : اللواء عايزكوا ي فندم دلوقتي في مكتبه
ادهم : طيب روح انت
العسكري : تمام ي فندم
خرج العسكري
ادهم : هنعمل اي دلوقتي جميله لسه مرجعتش وتليفونها مقفول واللواء لو عرف انها مش موجوده مش بعيد يوقفها عن العمل

سلمي:انا بردوا مش عارفه ،طب ما تكلم جاسر صح يمكن عندو

ادهم : ايوا صح ممكن تكون عندو
كلموا ادهم
جاسر :ايوا ي ادهم
ادهم : ايوا ي جاسر بقولك هي جميله عندك
جاسر باستغراب: لا مش عندي ،هي كانت هنا الصبح ومشيت انا افتكرت انها رجعت الاداره
ادهم: لا مرجعتش وبرن ع تليفونها مقفول ،وكمان سياده اللواء طالبنا ولو عرف انها مش موجوده ممكن تتوقف عن العمل خصوصا ان دلوقتي فيه مهمه
جاسر : اي ،تتوقف عن العمل ازاي ،لا طبعا انا هحاول اوصلها وهبلغك
ادهم : ماشي بس بسرعه وانا هحاول الهيه او اقوله انها راحت المهمه
جاسر : ماشي  سلام
ادهم: سلام
قفل المكالمه
سلمي : طب احنا هنقوله اي دلوقتي
ادهم : هنقوله راحت المهمه

:هي مين الي راحت المهمه
ادهم :جميله انتي كنتي فين دا احنا قالبين الدنيا عليكي
جميله:كنت بشم شويه هواء
سلمي:طب اي الي خلاكي مشيتي بسرعه كدا الصبح
جميله :مفيش حاجه
ادهم:طيب خلينا ندخل لسياده اللواء الاول وبعد كدا نبقي نتكلم
سلمي: ماشي
دخلوا الثلاثه ل سياده اللواء
الكل : تمام ي فندم
سيف : جاهزين ي شباب
الكل : ايوا ي فندم جاهزين
سيف : تمام كل واحد عارف هيعمل اي
الكل : ايوا ي فندم
سيف : انت ي ادهم  هتعطل كاميرات المراقبه
ادهم: تمام ي فندم
سيف : وانتي ي جميله هتدخلوا الاوضه وتحطوا الكاميرا
سلمي :تمام ي فندم
سيف باستغراب : جميله
مفيش رد
سيف بحزم: جميله
فاقت جميله من سرحانها
جميله : ايوا ي فندم
سيف بحده: ايوا اي انا عمال انادي عليكي وانتي مش هنا خالص ،من امتي واحنا بنسرح في الشغل
جميله : مسرحتش ي فندم
سيف بحده: تمام تقدري تقوليلي انا كنت بقول اي
جميله : كنت  بتقول لادهم يعطل كاميرات المراقبه
سيف بحده: انا قولت كلام تاني بعد دا بس اظاهر انك مش فايقالنا
جميله بجديه: فايقه ي فندم
سيف بغضب: ماشي ي جميله بعد ما تخلص المهمه نبقي نتكلم دلوقتي هتروحوا المستشفي وتنفذوا الي قولناه بالحرف
الكل : تمام ي فندم
سيف : اتفضلوا 
خرجوا الثلاثه من مكتب اللواء ودخلت جميله الحمام غيرت هدومها ولبست كاب اسود ونظاره سوداء وجاكيت رمادي وبنطلون اسود بحيث تخفي نفسها وخرجت
ادهم : مالك بقاا ي جميله انتي خرجتي انهارده بسرعه ومرجعتيش غير دلوقتي وكمان كنتي سرحانه في اي

جميله: مفيش حاجه ، ثم اكملت يلا بينا بقاا عشان منتاخرش
ادهم :ماشي ثانيه اكلم جاسر عشان هو قلقان عليكي لاني كلمتوا لما مكنتيش موجوده
جميله:متكلمش حد احنا متاخرين ، خلينا نمشي
سلمي:بس هو قلقان عليكي وبعدين دا جوزك
جميله:عارفه انو جوزي وانا دلوقتي رايحه مهمه واكيد مش كل مكان هروحوا هقولوا عليه ،خلينا نمشي يلا عشان منتاخرش
ادهم وسلمي: ماشي 
نزلوا الثلاثه ركب ادهم عربيته واتحرك وجميله وسلمي ركبوا بردوا العربيه واتحركوا وراه بخمس دقايق

بعد وقت وصل ادهم المستشفي ونزل دخل المستشفي وراح الاستقبال وسال ع اسيل وطلع مكتبها واول ما دخل
ادهم بابتسامه: وحشتيني
اسيل بدهشه: نعم
ادهم اقترب منها وحضنها وهي مصدومه
ادهم بهمس: انا عارف انك مصدومه بس لازم اعمل كدا عشان فيه كاميرات ومش عايز حد يسمعنا ،خلال دقيتين هتحصل خناقه واحنا هنأمن دخول جميله وسلمي ،بس عايزك تقوليلي فين اوضه كاميرات المراقبه

اسيل بخجل وهمس: الدور الثاني بس هتدخل ازاي دا فيه واحد

ادهم بهمس: هو هيطلع بعد ما يسمع الخناقه

اسيل بخجل : طب ممكن تبعد

ادهم بابتسامه خبث: ليه ما كدا حلو

اسيل بخجل : ابعد ي ادهم عيب

ادهم بضحك وهو يهمس  : ههههههههه عيب اي انتي مراتي

اسيل بخجل وهي تهمس له : دا صوري ي ادهم

في اللحظه دي دخلت دكتوره ايناس وشافتهم وهما حاضنين بعض ،بعدت اسيل عن ادهم بسرعه وهي محرجه وادهم اتغاظ من دخولها

ايناس باحراج: انا اسفه مكنتش اعرف ان فيه حد معاكي
ادهم : انا جوزها
ايناس بترحاب : اه اهلا بحضرتك ،انا اسفه اني دخلت من غير اذن بس مكنتش اعرف ان حضرتك موجود
ادهم بابتسامه: لا عادي ولا يهمك ،محصلش حاجه

حست اسيل بالضيق وهي شايفه ادهم بيسلم ع ايناس ومبتسم وهي بردوا بصالوا باعجاب

اسيل باستغراب جواه: هو انا ليه مضايقه انو بيسلم عليها ،فيها اي ،

ايناس بابتسامه وهي تنظر لادهم : طب اسيبكوا انا بقاا

اسيل باستغراب: انتي مقولتيش جايه ليه

ايناس : انا جيت اسلم عليكي قبل ماامشي يلا عايزه حاجه

اسيل بابتسامه: لا ي قلبي عايزه سلامتك

ايناس بابتسامه لادهم: مع ااسلامه ي استاذ ادهم ،اتشرفت بمعرفتك جدا والف مبروك ع الجواز

ادهم بابتسامه : الله يبارك فيكي وانا الي اتشرفت بمعرفتك فرصه سعيده

ايناس بابتسامه: انا اسعد ، عن اذنكوا
ادهم واسيل : اتفضلي
خرجت ايناس وادهم بص لاسيل وسمعوا صوت زعيق جامد وحاله هرج
ادهم : تعالي نشوف في اي
خرجوا الاتنين وادهم كان عارف ان دي الخناقه بس قال كدا عشان الكاميرات واسيل فهمت وخرجت معاه وراحوا غرفه المراقبه وكانت فاضيه بعد ما خرج المهندس دخل ادهم بسرعه وعطل الكاميرات واسيل كانت واقفه برا لو حد جيه
بعد ما خلص ادهم اتصل ب جميله وسلمي وهما دخلوا بهدوء وسرعه في نفس الوقت بس لمحتهم ممرضه وكانت ماشيه وراهم لكن جميله وسلمي اختفوا
وادهم اسيل راحوا عند الاوضه ووقفوا وجميله وسلمي جم ودخلوا الاوضه ع طول وشافوا الي جوه
كانت  ادوات عمليات وسرير ،كانت غرفه عمليات فعلا
راحت جميله تحط  الكاميرا  وسلمي كانت بتصور كل حاجه وبيدرسوا الاوضه لكن كانت مفيهاش شبابيك ابدا ولمحت سلمي باب صغير في الارض
سلمي : جميله الحقي
جميله : في اي
سلمي : بصي فيه باب صغير هنا ممكن يكون دا الي بيخزنوا فيه الاعضاء
جميله : ممكن فعلا ثانيه بس هحط الكاميرا وننزل نشوف
سلمي : بس بسرعه عشان مفيش وقت
جميله : ماشي

عند ادهم واسيل برا كانوا واقفين واسيل قلقانه لاحد يجي
ادهم : ي بنتي اهدي وترتيني في اي
اسيل : خايفه حد يجي وننكشف
ادهم : لا متقلقيش كلهم منتبهين للخناقه دلوقتي
اسيل : طب والخناقه المفروض هتخلص امتي
ادهم : اول ما نخلص الي جايين هنديهم الاشاره وهتتفض الخناقه
اسيل : طب افرض حد شك
ادهم : لا محدش هيشك
لمح ادهم ممرضه ماشيه في الممر ،قرب من اسيل بسرعه وباسها بوسه طويله  وهي اتصدمت  والممرضه اتحرجت ومشيت بسرعه ، اول ما اختفت الممرضه بعد ادهم عن اسيل وهي مصدومه ووشها بقاا احمر من كتر الكسوف
اسيل بخجل ولمعت الدموع في عنيها : اي الي انت عملتوا دا

ادهم : انا اسف اني خالفت بوعدي وبوستك بس عشان كان فيه ممرضه جايه وهتفضل تسال بنعمل اي فا بوستك وهي اتحرجت ومشيت

سكتت اسيل وهي مكسوفه جدا وهو ابتسم ع كسوفها وكان جواه فرحان انو باسها

عند جميله وسلمي جوه حطت جميله الكاميرا وبعد كدا دخلوا من الباب الي متركب في الارض كان فيه سلالم نزلوا عليها وهما فاتحين الكشاف وكانت الريحه وحشه حطوا مناديل ع انفهم ونزلوا وشافوا ثلاجات كتير جدا فيها اعضاء بشريه وحقن ودم متجلط في الارض ،صوروا كل حاجه بسرعه وخرجوا وهما مش طايقين الريحه ورجعوا كل حاجه مكانها وخرجوا بره الاوضه خالص وكانوا واقفين ادهم واسيل
ادهم : خلصتوا
جميله : ايوا ،خلينا نمشي بسرعه قبل ما حد يجي
ادهم : ماشي اخرجوا انتوا وانا هرجع تشغيل الكاميرات وهمشي انا واسيل
جميله : ماشي
مشيت جميله وسلمي بنفس الطريقه الي دخلوا بيها بس خبطت جميله في شخص وهي ماشيه
شريف:انا اسف مخدتش بالي
جميله شافتوا وعرفت انو نفس الدكتور الي شافها

جميله وهي تنظر للارض حتي لا يري وجهها:ولا يهمك محصلش حاجه

مشيت جميله وسلمي بسرعه قبل ما يسمعوا رده
شريف باستغراب:انا شوفت البنت دي فين قبل كدا ،وكمان صوتها حاسس اني سمعتوا قبل كدا

حاول شريف انو يتذكر لكن معرفش
خرجت جميله وسلمي وادوا اشاره لناس والخناقه اتفضت
عند ادهم واسيل
دخل ادهم غرفه المراقبه عشان يرجع تشغيل الكاميرات واسيل واقفه بره ،ولمحت المهندس جاي من بعيد فا دخلت بسرعه الاوضه
اسيل : ادهم المهندس جاي حاول تخلص بسرعه
ادهم بسرعه: ماشي بحاول اهو فاضل عشر دقايق
اسيل : طيب انا هحاول اعطلوا
ادهم: ماشي
خرجت اسيل وراحت ناحيه المهندس وهي بتحاول تكون طبيعيه
المهندس بابتسامه: ازيك ي مدام اسيل
اسيل بابتسامه متوتره: الحمدلله ي علي وانت عامل اي
علي بابتسامه: الحمدلله ،ثم اكمل باستغراب امال انتي بتعمل اي هنا
اسيل بتوتر خفيف لم يلاحظه علي: انا كنت جايه اسالك ع حاجه وبالمره نشرب نسكافيه مع بعض ،
علي بابتسامه: طيب خلينا نروح الكافيتريا نشرب نسكافيه وتقوليلي ع الحاجه

اسيل : ماشي
مشيت اسيل مع علي وهي بتحاول تبعدوا عن الاوضه عشان ادهم ونزلوا الكافيتريا

عند ادهم كان بيغلي من الغيره وهو سامع كل الي حصل وبيحاول يخلص تشغيل الكاميرات بسرعه عشان يروحلها ،وبعد وقت خلص وخرج مكنش فيه حد في الدور ،نزل  الكافيتريا وشاف اسيل قاعده مع علي وهي بتضحك راح ناحيتها بغيره واسيل شافتوا وحمدت ربها انو جيه عشان ياخدها

ادهم بغيره: انتي بتعملي اي هنا
علي باستغراب : انت مين اصلا عشان تقولها بتعمل اي
ادهم بغضب: انا جوزها ي روح امك
اسيل وهي تهديه: خلاص ي ادهم محصلش حاجه انا كنت بشرب نسكافيه عادي وبعدين استاذ علي زميلي
ادهم بحده: ماشي اتفضلي قدامي
مشيت اسيل وادهم بص ل علي بغضب ومشي
خرجوا بره المستشفي وركبوا العربيه
اسيل : تعرف لولا اني عارفه انك بتمثل كنت اقتنعت انك غيرت عليا فعلا

ادهم جواه : انا فعلا غيرت عليكي مكنتش بمثل

ادهم : انا هعدي الي حصل دا عشان عارف انك عملتي كدا عشان تبعديه عن الغرفه لكن بعد كدا متكلميش رجاله او تقعدي معاهم

اسيل باستغراب: هو انا ليه حاسه ان دا كلامك انت مش المهمه يعني اني مكلمش رجاله

ادهم بكدب :لا دي المهمه فعلا عشان هما شاكين فيكي وهيفضلوا وراكي

اسيل : ماشي
اتحرك ادهم بالعربيه وراح الفيلا

عند جميله وصلت سلمي وراحت البيت وهي طالعه قابلت جاسر
جاسر بغضب: انتي كنتي فين
اتجاهلتوا وراحت ناحيه شقتها لكن هو مسكها من ايديها بحده وغضب
جاسر بغضب: انا مش بكلمك ،بقولك كنتي فين
جميله بغضب: دا شئ ميخصكش وانت مالك كنت فين
جاسر بغضب: انا جوزك ومن حقي اعرف انتي كنتي فين ومش معني اننا متخانقين انك هتنسي اني جوزك وتتجاهليني وتمشي
جميله بغضب: احنا سواء متخانقين او لا دا مش هيغير اني اقولك كنت فين وبعدين انت مسمي دا خناق ،انت خدعتني وكدبت عليا
جاسر بغضب: انا مكدبتش عليكي ي جميله ،انا خبيت عنك وفيه فرق بين اني اخبي واكدب ،خبيت عنك عشان بحبك ومش عايزك تبعدي عني بعد ما تعرفي

جميله : كل دا مش هيغير حاجه انت خبيت عني رغم اني قولتلك بكره  ان حد يخبي حاجه عني  ا ،انا اي حاجه بتحصل بقولك ،ومش بخاف لاني مش بعمل حاجه غلط لكن انت خبيت رغم انك المفروض معملتش حاجه غلط

جاسر : جميله بلاش تدي فرصه لواحده زي دي توقع بينا ،انتي قولتي انك بتثقي فياا

جميله : انت الي اديتها الفرصه مش انا ،انا فعلا بثق فيك لكن مش مسمحاك ،محطتش في بالك انك ممكن تكون لمستها فعلا وتيجي وتقولك انا حامل منك ساعتها هيبقي اي الوضع

جاسر : بلاش نفترض حاجه محصلتش ،لان الموضوع لو حصل فعلا فا انا مكنتش في وعي يعني مليش ذنب

جميله :وانا بردوا مليش ذنب عن اذنك
دخلت جميله شقتها وقفلت الباب وهو بردوا دخل شقته وهو متعصب

تاني يوم الصبح صحيت جميله خدت شاور ولبست
وخرجت كان جاسر بردوا لسه خارج من الشقه اتجاهلتوا جميله ونزلت ركبت عربيتها ومشيت حاول يلحقها جاسر لكن ملحقش ،وركب عربيته هو كمان ومشي

عند ادهم واسيل
دخلت اسيل اوضه ادهم وهي بتتسحب براحه ناحيه ادهم وقربت من اذنه وصرخت
اسيل : ادهم الحق البيت بيولع
قام ادهم بفزع وخرج بسرعه بيشوف الحريق لكن وقف لما سمع صوت ضحك اسيل  ساعتها عرف ان دا مقلب ،راح ناحيتها وهو يمثل الغضب ببراعه واقترب منها وهي كانت بتضحك لكن توقفت عن الضحك لما لقتوا بيقرب ناحيتها وهو متعصب ،خافت ورجعت لورا لكن هو مسكها وحاصرها بين يديه
اسيل ولمعت الدموع في عينيها وقالت بصوت اشبه البكاء : انا اسفه،انا كنت بهزر ،قولت اعمل جو عشان متحسش بالوحده ولا الملل
رفع ادهم يده وهي افتكرت انو هيضربها وغمضت عينيها بشده وخوف وبصت الناحيه التانيه

لكنها تفاجئت بيه يقرصها من وجنتيها وهو يضحك: دا عشان قومتيني مخضوض وانا زي الاهبل بدور ع الحريق

اسيل ضربته ع صدره بغيظ : انت بارد خضتني

ادهم بضحك: ههههههههههه امال انتي عملتي اي ،دا انا قطعت الخلف رسمي المرادي ،دي تاني مره اصحي مخضوض كدا

اسيل بضحك: ههههههههههههههه بس المره الي فاتت كان غصب عني ،كان فيه صورصار

ادهم بضحك: طب مش عيب ونبي تخافي من صورصار

اسيل بضحك: لا مش عيب بصراحه دا يرعب

ادهم بدهشه: الصورصار

اسيل : اه

ادهم بابتسامه: طب يلا ي اختي روحي البسي وانا كمان البس عشان اوصلك

اسيل باستغراب: مانا لابسه

ادهم بغيره وهو ينظر لملابسها الي كانت عباره عن فستان قصير فوق الركبه لونه نبيتي وبدون اكمام : انتي هتنزلي معايا كدا

اسيل باستغراب : مالوا. كدا

ادهم وهو يحاول اخفاء غيرته: مش حلو شكلوا وحش

اسيل : بجد شكلوا وحش

ادهم : اه

اسيل : خلاص هغيره

راحت اسيل اوضتها غيرت الفستان ولبست بنطلون چينز اسود وبلوزه بيضاء واسعه وقصيره ،خرجت ونزلت حضرت الفطار وحطت الاطباق ع السفره في اللحظه دي نزل ادهم وقعد ع السفره
ادهم بابتسامه: حلو اللبس دا
اسيل بابتسامه: ميرسي
قعدوا فطروا
اسيل : هو كدا هنعمل اي بعد كدا
ادهم :لسه تعرف النهارده ، عندنا اجتماع وهنعرف اي الي هنعمله بعد كدا ، بس انتي هيبقي كل حاجه طبيعي متخليش حد يحس بحاجه

اسيل : ماشي

ادهم : وعلي ملكيش دعوه بيه

اسيل : ماشي ،في اي اوامر تاني

ادهم بضحك:هههههه لا مفيش

اسيل بابتسامه: طب الحمدلله كل بقاا عشان نمشي ،عشان منتاخرش

ادهم بابتسامه: ماشي
بعد وقت خلصوا فطار ولمت اسيل الاطباق وخرجت ركبوا الاتنين العربيه واتحركوا

عند جميله كانت قاعده في المكتب هي وسلمي فجاه لقت بوكيه ورد اتحط ع مكتبها رفعت راسها لقت جاسر باصصلها ومبتسم
جاسر بابتسامه:عارف اني غلط ،بس المسامح كريم
جميله : تفتكر بوكيه الورد هو الي هيخليني اسامحك ، انت لو عارفني فعلا ،هتعرف ان الحاجات دي مش بتأثر معاياا
جاسر : طب اعمل اي عشان تسامحيني
جميله : تسبني اكمل شغل وتتفضل
جاسر بغضب : ماشي ي جميله
رجعت جميله كملت شغلها  وهي فاكره انو خرج وسلمي مرديتش تدخل بينهم وخرجت
قعد جاسر ع الكرسي قصادها ومسكها من دقنها ورفع وشها ليه
جاسر بابتسامه حب : مش هتسامحيني بقاا
حاولت تخفي ابتسامتها لكن مقدرتش
جاسر بابتسامه: كنت عارف اني مش ههون عليكي ، ثم اكمل برقه : بحبك
جميله : مش قادره اعدي الموضوع عادي ،الموضوع صعب ي جاسر
جاسر بحنان : عارف انو صعب ي روح جاسر بس والله انا مكنتش في وعي ، انتي عارفه اني لو كنت في وعي مكنتش لمستها ولا اديتيها فرصه انها تقرب مني
جميله :  عارفه انك مكنتش هتلمسها وانت فايق عشان كدا هي حطتلك مخدر
جاسر : طب امال اي بقاا
جميله : بس انت خبيت عني مقولتليش الحقيقه
جاسر بحنان : عارف اني غلط لما خبيت بس دا كان بدافع الحب مكنتش عايزك تبعدي عني
جميله : مينفعش تخبي عني حاجه و تقولي مكنتش عايزك تبعدي ،بالعكس انا ممكن ابعد لو خبيت عني ،لكن لو قولتلي كل حاجه بصراحه هقف جنبك ومش هسيبك
جاسر : حاضر اوعدك مش هخبي حاجه تاني وهنبقي صرحاه مع بعض ونقول لبعض كل حاجه
جميله : ماشي بس شيل بوكيه الورد انا مش بحب الورد
جاسر مسك بوكيه الورد ورماه : ولا كأني جبت ورد
ضحكت جميله
جاسر بابتسامه: يعني خلاص سامحتيني
جميله : اه سامحتك
جاسر بتنهيده: اخيراا ، دا انتي  طلعتي عيني
جميله : احسن عشان متفكرش تخبي حاجه عني تاني
جاسر بضحك: لا خلاص حرمت
في اللحظه دي دخل يوسف ابن خال جميله هو وحازم
جميله باستغراب :خالي ويوسف
سلموا الاتنين ع جميله وجاسر
يوسف : اي ي بنتي انتي نسيتي ان رايح النهارده اخطب البنت الي قولتلك عليها 
جميله : اه صح معلش نسيت ي يوسف
يوسف: ماشي ولا يهمك هتيجي معايا بقاا ولا اي
جميله : اه اكيد هاجي تدخل بس استاذن واجي معاك
يوسف : وانت ي جاسر بردوا هتيجي معايا
جاسر : ماشي
دخلت جميله استاذنت من اللواء وسمح لها ودخل حازم سلم ع سيف وبعد كدا خرج وخرجت جميله بردوا ونزلوا كلهم ركبوا العربيه وراحوا بيت البنت ونزلوا من العربيه وجاسر اتصدم من العنوان لكن قال ان ممكن يكون بيت تاني طلعوا الشقه  وجاسر اتاكد ان هو البيت ،خبطوا وفتحلهم شاب ورحب بيهم ودخلوا وكان بيبص ل جاسر بخبث  وجاسر بيبصلوا بغضب وكان هيضربوا لكن مسك نفسوا عشان حازم ويوسف ،،وجميله خدت بالها من نظراتوا
دخلوا قعدوا في الصالون ودخلت البنت وهي ماسكه صينيه العصير وباصه في الارض بكسوف ،شافتها جميله واتصدمت وسرعان ما تحولت الصدمه لغضب
جميله بغضب: هو انتي العروسه
يوسف باستغراب :ايوا هي مالك ي جميله
جميله وهي تكتم غضبها: مفيش
بصتلها البنت بخبث لكن اتحولت لغضب لما لقت جاسر وجميله جنب بعض وكأن مفيش حاجه حصلت
جميله : معلش ي يوسف ممكن بس اتكلم مع مياده في كلمتين احنا هنبقاا اصدقاء بقاا
يوسف : ماشي مفيش مشكله
قامت جميله ومياده دخلوا الاوضه وسط استغراب جاسر وهو مش عارف جميله هتقولها اي

عند جميله ومياده
مياده ببرود: نعم عايزه تقولي اي
جميله ببرود: عايزه اقول ان الصور الي بعتيها وانتي فاكره انها هتوقع بيني انا وجاسر ، هي نفسها الي هتخلي يوسف حالا يمشي ويسيبك ويكرهك
مياده : تفتكري اني ممكن اخاف من ابن خالك دا لا طبعا ،انا ميهمنيش اصلا
جميله : ولما هو ميهمكيش بتمثلي عليه ليه
مياده :ملكيش دعوه
جميله : وهتقوليلوا اي بقاا لما يعرف انك مش بنت
مياده : مين قال اني مش بنت
جميله : هو مش انتي بتقولي جاسر نام معاكي
مياده : ايوا نام معاياا بس عمليه بسيطه هترجعني بنت بنوت
جميله بغضب: انا مشوفتش واحده بقذارتك دي وانا حالا هخرج اقول ليوسف ع كل حاجه
مياده ببرود:قوليلوا مش هيفرق معايا هو اصلا الي بيحبني وهيموت علياا
جميله : مهما كان بيحبك مفيش راجل هيعرف حاجه زي كدا وهيستمر
مياده: انا عارفه ومتاكده انك مش هتقولي حاجه زي كدا وتفضحي جاسر وتقولي ي حرام انو اتخدع وشرب حاجه اصفراا
جميله ببرود: انا ممكن مقولهوش حاجه زي كدا بس هكشفك قداموا بأي طريقه وهتشوفي

خرجت جميله وقعدت وخرجت مياده بعديها
جاسر بهمس: انتي قولتلها اي
جميله بهمس : بعدين ،ثم اكملت وهي تشاور ع الشاب  بس مين دا
جاسر وهو يكتم غضبه وبهمس : دا صلاح
جميله : ازاي معاها كدا عادي قدام الكل
جاسر بهمس: ما هو قايل انو اخوها
جميله:فهمت
جميله ل صلاح: هو حضرتك تبقي اخوها
صلاح :ايوا اخوها
جميله : ممكن اعرف اسمك
صلاح باستغراب : اشمعنا
جميله : عادي من باب العلم بشئ
حازم باستغراب : في حاجه ي جميله
جميله : لا مفيش ي خالي ،انا بسال عادي
صلاح: ماشي ،انا اسمي صلاح كامل  المحمدي
جميله : ومياده اسمها مياده كامل المحمدي بردوا ؟
صلاح: لا مياده اختي من الام مش من الاب
جميله : وانت تعرف كل حاجه عن اختك
حازم باستغراب : في اي ي جميله ليه كل الاسئله دي
جميله : عادي ي خالي
حازم باستغراب : لا انا حاسس ان فيه حاجه ،انا عارفك ي جميله
جميله بصت ل جاسر وشاورلها بمعني قولي
جميله : مش هقدر اقول غير ان مياده متنفعكش ي يوسف
مياده وصلاح بصوا لبعض واتوتره
يوسف : ليه متنفعنيش ي جميله ،انا مش فاهم حاجه
جاسر : انا هقولك ي يوسف
جميله : لا ي جاسر ،ثم اكملت وهي تحدث يوسف : خلاص ي يوسف مفيش حاجه اعتبر اني مقولتش حاجه