عند جميله
يوسف : ما تقولي في اي ي جميله
مياده ببرود: ماتقوليلهم ي جميله في اي ،ليه منفعش يوسف
جميله بصتلها بغضب
جميله بغضب : ماشي مش انتي عايزاني اقول ،انا لاخر لحظه مكنتش عايزه اتكلم عشان مفضحكيش واقول انك واحده بزباله
اتوترت مياده لكن حاولت تخفي
مياده بغضب: انا مسمحلكيش تغلطي فياا ولولا انك في بيتي انا كنت رديت عليكي
جميله: هو دا الي انا كنت عايزه اوصله ،دا طلع بيتك انتي مش بيت صلاح
مياده بتوتر : صلاح اخويا و اكيد بيته هو بيتي
جميله ل يوسف : انت عايز تعرف الحقيقه
يوسف : ايوا عايز اعرف في اي
مياده بغضب وتوتر : حقيقه اي ،انتي هتكدبي اصلا
جميله ببرود: انا لسه متكلمتش عشان اكدب ولا انتي خايفه اتكلم
مياده بتوتر وغضب : وهخاف من اي ،انا مبخافش
جميله ببرود: طيب امال مش عايزاني اتكلم ليه
يوسف بغضب: ما تقولي في اي ي جميله
جميله : في ان صلاح مش اخو مياده ولا حاجه دا حبيبها وكمان مياده مش بنت
حازم ويوسف اتصدموا وصلاح ومياده اتوتره جامد
مياده بغضب: انتي كدابه ،معاكي دليل ع الي بتقوليه دا ولا بترمي اتهامات وخلاص
يوسف بغضب ل جميله : انتي ازاي تتهميها بحاجه زي كدا
جميله : دا مش اتهام دا حقيقه
يوسف بغضب: اي دليلك ع الي بتقوليه دا
حازم بحزم: اهدي ي يوسف خلينا نعرف في اي
يوسف بغضب: نعرف اي ي بابا انت مش سامع بتقول اي ،انا غلطان اصلا اني جبتها معاياا
حازم بحده: يوسف احترم نفسك دي جميله متنساش نفسك
يوسف بغضب: هي عشان جميله تقول اي حاجه وخلاص دي بتتهم واحده في شرفها ثم اكمل وهو يوجه حديثه ل جاسر : انت لو حد اتهم جميله في شرفها هتصدقوا
جاسر بغضب: لا طبعا لاني واثق في جميله و عارف انها مستحيل تعمل كدا ،لكن دي انت متعرفهاش عشان تثق فيها
يوسف بغضب: والله دي حاجه متخصكش اعرفها ولا معرفهاش
جميله بحده : خلاص ي يوسف انا قولت الي عندي وانت حر تصدق او متصدقش انت حر ،وانا غلطانه اني جيت فعلا
خرجت جميله من الشقه وحاول جاسر يلحقها لكن وقفه حازم
حازم بحزم: انا عايز اعرف كل حاجه ي جاسر انا عارف ان جميله عمرها مااتهمت حد من الفراغ و اكيد هي شافت حاجه
مياده بغضب وهي بتحاول تخفي توترها : حضرتك بتقول اي انا مش هسمح ان حد يتهمني في شرفي ابدا
لمح جاسر تليفون جميله وافتكر ان مياده بعتتلها الصور
جاسر ل يوسف : مش انت قولت عايز دليل ،انا هوريك الدليل دلوقتي
خد جاسر التليفون وفتحوا ومياده كانت خايفه وصلاح بردوا
فتح جاسر التليفون وجاب الصور
جاسر بحده وهو يعطي ل يوسف الفون : شوف بنفسك واتاكد ان جميله مكدبتش في اي حاجه ،جميله لاخر لحظه مكنتش عايزه تقول عشاني انا ،مكنتش عايزه تهز صورتي قدامكوا ،لكن انا مش هسمح ان حد يغلط فيها ،او يتكلم معاها نص كلمه
شاف يوسف وحازم الصور وهما مصدومين
ساب يوسف الفون وراح ناحيه مياده بغضب وضربها بالقلم بقوه من شده القلم وقعت في الارض وفضل يضربها قلم ورا التاني ورا التالت وصلاح كان رايح ناحيه الباب لكن لحقه جاسر
جاسر بغضب: انت بقاا انا لسه مخدتش حقي منك
صلاح بخوف : انا مليش دعوه ي جاسر هي الي قالتلي اعمل كدا
جاسر بغضب وهو يمسكه من لياقه قميصه : عشان وسخ بعت صاحبك عشان واحده زباله زيك
ضربه جاسر بغضب
حاول حازم يبعد،يوسف عن مياده وقدر فعلا سابها يوسف وخرج بره الشقه بغضب وراح ناحيه جاسر
حازم وهو يبعد جاسر عن صلاح: خلاص ي جاسر سيبوا هيموت
جاسر بغضب: يموت ولا يغور في ستين داهيه
حازم : ي بني خلاص سيبوا بقاا انا مصدقت بعدت يوسف عن مياده
جاسر بغضب: ماشي
جاسر ساب صلاح وهو متعصب وخرج هو كمان
حازم بغضب ل مياده: انتي اقسم بالله هندمك ع الي عملتيه في ابني دا
خرج حازم بره الشقه ونزل ركب العربيه ويوسف كان جنبوا وهو بيغلي من الغضب و اول ماركب حازم ساق يوسف ع طول
حازم بحده: روح الاداره
يوسف بغضب: ليه
حازم بحده: عشان تعتذر ل جميله ع الي قولتوا
يوسف بغضب: بابا بعد اذنك سيبني دلوقتي عشان انا مش طايق نفسي
حازم بحده: ماشي ي يوسف هسيبك عشان حاسس بيك بس بردوا هتعتذر ل جميله ع الي عملتوا
يوسف بغضب: اعتذر ل جميله ع اي ،هو حضرتك مشوفتش الصور ،مشوفتش ان جاسر هو الي كان نايم جنبها
حازم : لا شوفت بس اي الي هيخليه يورينا الصور الا لو كان فيه حاجه وغير كمان اي الي هيسكت جميله وتحفي حاجه زي كدا دي كانت اتطلقت منو لكن الموضوع وراه حاجه وانا لازم اعرفها
يوسف بغضب: وانا مش عايز اعرف حاجه انا راجع اسكندريه
حازم بحده: مش هترجع غير لما نعرف الحقيقه كامله
يوسف بغضب:وانا قولت لحضرتك مش عايز اعرف حاجه انا مش هستفاد حاجه لما اعرف
حازم بغضب: بس انا هستفاد ،ع الاقل اعرف الحقيقه كلها ،وبعدين انت هتعارضني ولا اي ،انا قولتلك روح الاداره يعني روح الاداره
يوسف بغضب: ماشي ي بابا بس مش هطلع حضرتك عايز تعرف الحقيقه اعرفها براحتك انا مليش دعوه
حازم : براحتك
عند جاسر راح الاداره وكانت جميله هناك
جاسر وهو يعطيها الفون : نسيتي تليفونك
جميله: شكرا
خدت منو الفون وسكتت وهو قعد ع الكرسي قصادها
جاسر : ع فكره يوسف شاف الصور
جميله : ورتهالوا ليه
جاسر باستغراب : عرفتي منين ان انا الي ورتهالوا
جميله: مش محتاجه ذكاء انا وانت الوحيدين الي عارفين وكمان الفون نسيته يبقي اكيد انت الي ورتهالوا
جاسر : عندك حق ،ايوا فعلا انا الي ورتهالوا لاني مكنتش هسمح انو يغلط فيكي ،احمدي ربنا اني سكت وقدرت انو ابن خالك وكمان قدرت انو مخدوع فيها
جميله: ماشي
جاسر باستغراب : مالك ي جميله
جميله : انت لمست مياده ي جاسر
جاسر باستغراب : اشعرفك اني لمستها ،انا نفسي معرفش
جميله : انا سالتها وعرفت انك لمستها فعلا
جاسر : انتي لما سالتيني كنت صريح معاكي وقولتلك اني معرفش لمستها ولا لا
جميله : و دلوقتي طلعت لمستها فعلا
جاسر : مش فاهمك انتي عايزه توصلي لاي
جميله : مش عايزه اوصل ل حاجه
جاسر : امال ليه بتقولي كدا
جميله : يعني انت شايفها حاجه سهله
جاسر : لا مش شايفها حاجه سهله بس انتي عارفه اني مليش ذنب
جميله : عارفه ،خلاص خلينا نقفل الموضوع دا
جاسر : يبقي احسن والله انا زهقت من سيرتها اصلا
في اللحظه دي دخل حازم
حازم ل جاسر : انا معرفتش اتكلم معاك و احنا هناك بسبب الي حصل عشان كدا جيت هنا وانا متاكد اني هلاقيك
جاسر : انا عارف حضرتك عايز تقول اي
حازم : طيب كويس وفرت عليا الكلام ،ياريت تقولي بقاا
جاسر : ماشي ،اتفضل اقعد عشان نتكلم
قعد حازم ع الكرسي قصاد جاسر
جاسر : طبعا حضرتك عايز تعرف ازاي انا الي كنت نايم جنب مياده ،وازاي جميله قبلت دا ومطلبتش الطلاق
حازم : ايوا بالظبط
جاسر : دا عشان انا كنت متخدر ،مكنتش في وعي ساعتها
حكالوا جاسر ع كل حاجه
حازم بغضب: يعني صلاح ومياده مش اخوات
جاسر : لا مش اخوات
💖💖💖💖💖💖
عند مياده وصلاح
قامت مياده وسندت صلاح وهو بينزف من كتر الضرب
صلاح بالم : اه براحه مش قادر اتحرك
مياده بغل: والله العظيم ما هسيبهم هندمهم ع الي عملوه دا
صلاح بالم : كفايه انا تعبت مش حمل ضرب تاني ،قولتلك جاسر مش سهل ولو عرف مش بعيد يقتلنا ،واديني اتبهدلت
مياده بغضب: لا مش كفايه انا لازم احد حقي ،وانت لازم تساعدني ثم اكمل بدلع انت عارف اني بحبك وبعدين انت مش بتحبني ولا اي
صلاح بالم : بحبك بس جاسر
مياده بغضب: ملكش دعوه ب جاسر انا هاخدلك حقك
صلاح بالم: ازاي
مياده بشر: تعالي معايا
صلاح بالم : اجي فين انتي مش شايفه
مياده بغضب: هتيجي معاياا المستشفي وهناك هنبلغ باللي حصل وهيشوفوا التقرير بتاعك طبعا بعد مااخلي الدكتور يزود حاجات ويقول ان حالتك خطيره والضرب اثر عليك وهنحبس جاسر ويوسف كمان
صلاح بالم: هيقدر يطلع منها انتي ناسيه مين جاسر الحديدي ،وغير جميله ظابط وهتقدر تخرجوا وباباها لواء كمان يعني مش هنستفاد غير ان جاسر مش هيسبنا في حالنا
مياده بشر : لا متقلقش البلد فيها قانون وانا مش هسكت عن حقك وحقي ابدا
سندتوا مياده وراحوا المستشفي وايديت الدكتور رشوه وكتب تقرير مزور
وبلغت مياده
عند جاسر وجميله وحازم
جميله : امال يوسف فين ي خالي
جاسر بغضب: وانتي بتسالي عليه ليه مش دا الي زعقلك ومصدقكيش
جميله : دا ابن خالي ي جاسر وبعدين انا لو هزعل منو عشان مصدقنيش فا كنت زعلت منك من زمان لانك مصدقتنيش بردوا في الاول
جاسر : انا في الاول مكنتش اعرفك ي جميله وانتي بنفسك بردوا مصدقتنيش لكن دا ابن خالك يعني متربين مع بعض وعارفين بعض
حازم: جاسر عندو حق ي جميله بس بردوا انتوا لازم تعذروه مش سهل بردوا الي عرفوا
جميله: طب هو فين ي خالو
دخل يوسف في اللحظه دي
يوسف : انا عرفت كل حاجه ، ثم اكمل بندم انا اسف ي جميله اني زعقتلك او غلط فيكي
جميله : ولا يهمك ي يوسف انت اخوياا و عمري ماازعل منك
يوسف : شكرا ي جميله
في اللحظه دي دخل ظابط ومعاه عساكر
الظابط: فين جاسر الحديدي ويوسف حازم
جاسر باستغراب : انا جاسر
يوسف باستغراب : وانا يوسف
الظابط : انتوا الاتنين مطلوب القبض عليكم هاتوهم
جميله بغضب: تاخدوا مين ،انت عارف انت فين
الظابط بجديه: انا عارف انا فين بس انتي متعرفيش اني معايا اذن من النيابه بالقبض عليهم يعني ميهمنيش انا فين
جميله بغضب: واي التهمه بالظبط
الظابط وهو يشاور ع جاسر : الاستاذ متهم بضرب صلاح كامل المحمدي ومحاوله قتله ثم اكمل وهو يشاور ع يوسف : والاستاذ ضرب مياده واتهجم عليها في بيتها ومحاوله اغتصاب
جاسر بغضب: انا محاولتش اقتلوا ،انا ضربتوا بس وبعدين الضرب مش مستاهل انو يوصل للقتل
يوسف بغضب: وانا محاولتش اغتصبها ،انا ملمستهاش اصلا
جميله بغضب ل ظابط : وهو هيحاول يغتصبها ازاي و احنا كنا موجودين اي جايبنا نتفرج عليه مثلا،قبل ما تيجي تقبض ع حد اتاكد من معلوماتك الاول ي حضره الظابط
الظابط : انا متاكد من معلوماتي ومعايا تقرير المستشفي كمان الي ياكد حاله مياده وانها محاوله اغتصاب ،وكمان تقرير بياكد حاله صلاح كامل
جميله بغضب: تقرير المستشفي مزور ،احنا عمرنا مااعتمدنا ع تقرير مستشفي ،هي اتعرضت ع الطبيب الشرعي
الظابط : لا
جميله بغضب: يبقي مش من حقك تقبض عليه غير لما تتعرض مياده ع الطبيب الشرعي
الظابط : لا من حقي اقبض عليه لحد ما تتعرض ويطلع التقرير كمان
جيه اللواء سيف ع صوت الزعيق
سيف بغضب: في اي ،اي الزعيق دا
الظابط : ي فندم انا معايا اذن من النيابه بالقبض ع جاسر ويوسف لكن الاستاذه معطلاني
سيف : تقبض عليهم ليه
الظابط: استاذ جاسر ضرب صلاح كامل والضربه خطيره ، واستاذ يوسف محاوله اغتصاب
جميله بغضب: انت متخلف ما بقولك محاولش يغتصبها احنا كلنا كنا موجودين
الظابط : الكلام دا يتقال في النيابه لكن انا دلوقتي مهمتي اقبض عليهم
سيف : فين اذن النيابه
الظابط وهو يعطيه الورقه: اتفضل ي فندم
شاف سيف اذن النيابه واتاكد فعلا
سيف : للاسف ي جميله اذن النيابه صح ولازم يتقبض عليهم
جميله بغضب: بس ي فندم
سيف : متقلقيش ي جميله انا هتصرف بس لازم يتقبض عليهم و احنا هنقدر نثبت برائتهم ونخرجهم
جاسر : خلاص ي جميله سياده اللواء عندو حق
يوسف :ايوا ي جميله وانا متاكد ان فيه حاجه غلط
جميله بغضب: ماشي
الظابط قبض عليهم وقدر سيف يخليهم يترحلوا لنيابه ع طول وجميله وحازم كانوا معاهم
في النيابه جوه كانت جميله موجوده وجاسر ويوسف وسيف
وكيل النيابه : استاذ يوسف اي هي اقولك في اتهام الاستاذه مياده انك حاولت تغتصبها
يوسف : كدب ي فندم انا ملمستهاش وبعدين زي ما قالت جميله كلهم كانوا موجودين تحاول اغتصبها ازاي وبعدين فيه شهود بابا وجاسر يأكدوا اني ملمستهاش انا ضربتها بس
وكيل النيابه : وليه ضربتها
مردش يوسف
جميله : تسمحلي ارد انا ي فندم
وكيل النيابه : اتفضلي
طلعت جميله الصور بعد ما ركبت صوره صلاح بدل جاسر
جميله وهي تعطيه الصور : يوسف ضرب مياده عشان هو كان خطيبها وحد بعتلوا الصور دي وطبيعي اي راجل هيشوف صور زي كدا هيقتلها مش يضربها ،وكمان مياده متعرضتش ع طبيب شرعي عشان يأكد انها محاوله اغتصاب ولا لا
وكيل النيابه : وبالنسبه لاستاذ جاسر ضرب صلاح ليه
جميله: حضرتك عرفت ان مياده وصلاح كانوا مع بعض في الشقه دا مجذبش انتباه حضراتكوا خالص وهما مش اخوات ولا قرايب ولا متجوزين حتي ،يعني دي قضيه زنا
وكيل النيابه : حضرتك واخده بالك من سؤالي ،انا مش في قضيه الزنا دلوقتي ،لان دي تقدر تخرج منها بسهوله خصوصا انهم مش ممسوكين متلبسين ،انا بسال استاذ جاسر ضرب صلاح ليه
جاسر : مفيش سبب
وكيل النيابه: يعني ضربتوا كدا من غير سبب
جاسر : لا اكيد مش همجي انا عشان اضرب واحد من غير سبب
وكيل النيابه: طب امال اي
جاسر : اسمحلي مش هقول السبب
وكيل النيابه : يعني اي مش هتقول السبب انت هتتحبس
جاسر : عارف
وكيل النيابه : ماشي براحتك
جميله: طب ممكن حضرتك تديني يوم واحد وانا هقدر اثبت لحضرتك ان التقرير غلط
وكيل النيابه : ماشي
وكيل النيابه : قررنا حبس جاسر الحديدي ٤ ايام ع ذمه التحقيق وحبس يوسف حازم الي حين ظهور تقرير الطبيب الشرعي
خرجت جميله وجاسر ويوسف وراح حازم ناحيتهم
حازم بسرعه: عملتوا اي
جميله : للاسف اتحبسوا بردوا بس يوسف ان شاء الله هيقدر يخرج بسهوله لكن موضوع جاسر متعقد شويه
حازم : متعقد ازاي
جميله : مش لاقيين سبب مقنع الي خلي جاسر يضرب صلاح ،مش هينفع نقول انو كان بياخد حقو ع حاجه احنا مش عايزين نظهرها اصلا بس انا توصل لصلاح دا وكمان الدكتور الي عمل التقرير اكيد فيه حاجه غلط
جاسر بغيره: ملكيش دعوه ب صلاح
جميله : مش وقت غيره ي جاسر ،وبعدين انا مش رايحه اقعد معاه انا رايحه اظهر الحقيقه ،عشان تخرج
جاسر بغيره: مش مهم اخرج
جميله : لا مهم تخرج
حازم : خلاص مش وقت عناد خالص
العسكري : مش هينفع الوقفه دي انا لازم اخدهم
جميله : ماشي
جاسر بغيره: متروحيش ل صلاح ي جميله ،ملكيش دعوه بيه
جميله : هروح ي جاسر
بصلها جاسر بغضب وراح مع العسكري ويوسف كمان
جميله : معلش ي خالي ممكن تستني هنا بس وانا مش هتاخر
حازم : ماشي ي جميله
خرجت جميله وركبت العربيه وراحت المستشفي وسالت ع غرفه صلاح وقالتلها الموظفه وراحت الاوضه ودخلت كان موجود صلاح بس وكان مغمض عينو
جميله : فين بقاا الاصابات الخطيره الي بتقولوا عليها وانو كان هيقتلك
فتح صلاح عينو وشاف جميله واتوتر
صلاح بتوتر : مانا خفيت
جميله بسخريه: ماشاء الله خفيت بسرعه اوووي كدا
صلاح بتوتر : انتي عايزه اي
جميله باستغراب : انت بتعمل كدا ليه
صلاح بتوتر : تعبان عايزاني اعمل اي يعني
جميله ببرود: اممممممممم تمام ،انا عندي عرض ليك
صلاح باستغراب : عرض اي
جميله : تتنازل عن القضيه احسن ،جاسر كدا كدا خارج انا اقدر اعرضك ع الطبيب وساعتها هيطلع فيه تزوير في التقرير ودا هيوديك في داهيه ،انا بعرض عليك تخرج بره الموضوع لان مياده كدا كدا هتتحبس لان الطبيب الشرعي هيثبت ان يوسف ملمسهاش
صلاح بتوتر : وانا اي الي يثبتلي اني اخرج بره الموضوع ومتنتقميش
جميله: انا مفيش بيني وبينك حاجه عشان انتقم منك ،وكمان انا اقدر اثبت بسهوله انك بتتعاطي مخدرات ودا تهمه تاني لان واضح من توترك ولغبطتك فا دا هيبان بسهوله ،لكن انا مش عايزه كل دا
صلاح بتوتر : موافق
جميله : كدا اتفقنا ،انا هفضل موجوده لحد بكره معاك تكون خفيت وهاخدك عشان تتنازل لاني مضمنش بصراحه مياده ممكن تعمل اي
صلاح بتوتر : براحتك خليكي
في اللحظه دي دخل الدكتور وفحص صلاح
جميله : هو عامل اي ي دكتور
الدكتور : هو حالته حرجه الاصابات كتير وغير كسر في الانف بسبب الضرب
جميله ببرود: اممممممم واي كمان ي دكتور
صلاح بتوتر : لا ي دكتور انا كويس
جميله بحده: مين الي حفظك الكلام دا ي دكتور
الدكتور بتوتر : انا مفيش حد حفظني حاجه انا دا الي شوفتوا في الكشف
جميله ببرود: يعني لو جبت دكتور تاني هيقول نفس الكلام
الدكتور بتوتر : اكيد
جميله بحده: تمام انا هجيب دكتور تاني بس لو قال كلام غير كلامك ساعتها هحبسك
الدكتور بقلق : لا خلاص انا هقول ،هو كويس هي اصابات خفيفه هو الضرب كان عنيف بس مفيش كسور ولا اي حاجه
جميله : ومين الي قالك تقول الكلام دا
الدكتور بقلق: واحده كانت معاه هي الي قالتلي اكتب تقرير بيثبت انو الضرب كان هيسبب الموت
جميله بحده:تمام اتفضل ي دكتور
خرج الدكتور بسرعه
جميله : انت هتيجي معاياا دلوقتي حالا
صلاح بتوتر : بس انا لسه تعبان
جميله بحده: هتيجي ولا انفذ تهديدي
صلاح بقلق : خلاص هاجي
خرج صلاح مع جميله وهي سنداه ونزلوا ركبوا العربيه واتحركوا وصلوا النيابه ودخلوا
وكيل النيابه : مين دا
جميله : دا صلاح ي فندم الي المفروض جاسر متهم في ضربه ومحاوله قتله ،اهو قدامك سليم و كويس ،وهو جاي عشان يتنازل والي زور التقرير مياده مش هو
وكيل النيابه ل صلاح: الكلام دا حقيقي
صلاح : ايوا ي فندم حقيقي
وكيل النيابه : يعني انت هتتنازل من غير اي ضغط او اي تهديد
صلاح : لا ي فندم مفيش تهديد ولا ضغط ،انا كويس وجاسر صاحبي و احنا كنا بنهزر مع بعض بس مياده راحت من ورايا وزورت التقرير وكمان هي الي اتهمت يوسف في محاوله اغتصابها لكن هو ملمسهاش هو ضربها بعد ما شافها معايا في البيت وكمان جاسر واستاذ حازم كان موجود
وكيل النيابه : يعني انت بتعترف انك ع علاقه ب مياده
صلاح: احنا علاقه صداقه ي فندم
وكيل النيابه : يعني اي صداقه ،انت كنت في شقتها
صلاح : ايوا ي فندم لان هي بتعتبرني اخوها وكنا بنتغداء عادي
وكيل النيابه: تمام ، قررنا نحن اخلاء سبيل كلا من جاسر الحديدي ويوسف حازم والقبض ع مياده طه بتهمه التزوير والاتهام الزور
خرجت جميله وتم اخلاء سبيل جاسر ويوسف وركب يوسف مع حازم واتحركوا وجاسر مع جميله واتحركوا
جاسر بغضب: بردوا عملتي الي في دماغك وروحتيلوا
جميله بغضب: امال كنت عايزني اعمل اي ،اسيبك محبوس يعني ،مكنتش هعرف اخرجك غير بالطريقه دي ،خصوصا ان انت الي غلطان
جاسر بغضب: انا مش عيل صغير عشان تقوليلي غلطان ولا لا ، انا كنت باخد حقي
جميله بغضب: وانت كدا خدت حقك ، بالضرب دا اسموا همجيه
جاسر بغضب: همجيه ،ماشي ي جميله انا شخص همجي ،وقفي العربيه
جميله : اوقف العربيه ليه
جاسر بغضب: عشان متقعديش مش شخص همجي
جميله : بلاش شغل العيال الصغيره دا
جاسر بغضب: انا عيل صغير وقفي العربيه ي جميله
جميله بغضب وعند: مش هوقف
جاسر بغضب: تمام يبقي هنزل وهي ماشيه
فتح جاسر باب العربيه ووقفت جميله العربيه بسرعه وهو خرج من العربيه بغضب وهي خرجت وراه
جميله بغضب: انت رايح فين
جاسر بغضب: ملكيش دعوه واتفضلي اركبي عربيتك وروحي ،مينفعش تقفي مع واحد همجي
جميله بغضب: انا مغلطتش لما قولت الكلمه ،مكنش ينفع تاخد حقك بالطريقه دي كان فيه الف طريقه تقدر تاخد بيها حقك ،انا كنت هجبلك حقك لكن انت بوظت كل حاجه
جاسر بغضب: جميله متنسيش نفسك ،ووطي صوتك وانتي بتتكلمي معايا ،وبعدين انتي بتكلمي كانك بتزعقي لابنك كدا ليه متنسيش اني جوزك وبعدين انا مش عيل صغير عشان تجبيلوا حقوا انا اقدر اجيب حقي كويس
جميله بغضب: وانت بالطريقه دي جبت حقك
جاسر بغضب: اه
جميله بغضب: ماشي براحتك ،اتفضل بقاا عشان نروح
جاسر بغضب: لا مش رايح في مكان روحي انتي اركبي وروحي انا هتمشي
جميله بغضب: اوووف بطل عند بقاا
جاسر بغضب: انا بعند ملكيش دعوه
جميله بغضب: ماشي ي جاسر انت حر وانا بردوا حره
جاسر بغضب: يعني اي
جميله بغضب: يعني انا مش هروح ولا هركب وهتمشي
جاسر بغضب: بس انا عايز اتمشي لوحدي
جميله ببرود: ومين قالك اني هتمشي معاك ،انا بردوا هتمشي لوحدي
جاسر بغضب: ماشي ي جميله
قفلت جميله عربيتها ومشيت في الناحيه التانيه من الطريق وهو الناحيه الاخري و ماشي وهو متابعها بعينيه و ماشي وهو متعصب
وهي ماشيه ظهر ثلاث شباب
شاب ١ بخبث : اي ي حلوه ماشيه لوحدك ليه
جميله بغضب: وانت مالك
شاب ١ بخبث وهو يمسك يدها : انا كويس الحمدلله
جاسر بغضب وهو يمسك يده بقوه ولواها ورا ضهره : لو مخدتش الاتنين الي معاك وغورتوا من هنا مش هتبقي كويس خالص
خافوا الثلاثه من شكل جاسر وجريوا ع طول
مسك جاسر ايد جميله بغضب وهو يشدها ويمشي ناحيه العربيه
جميله بغضب: سيب ايدي
جاسر بغضب: لا مش هسيبك غير لما تركبي عربيتك وتمشي حالا
جميله بغضب: وانا قولتلك مش همشي ملكش دعوه بياا
جاسر بغضب: يعني اي مليش دعوه بيكي ،انتي مراتي
جميله بغضب: كويس انك عارف اني مراتك يعني المفروض تركب معاياا مش تسبني وتقول عايز تتمشي لوحدك
جاسر بغضب: والله انتي عارفه انا عملت كدا ليه
جميله بغضب: خلاص مكنتش كلمه قولتها في وقت عصبيه
جاسر بغضب: مش كل مره تغلطي و تقولي كلمه قولتها في وقت عصبيه ،انا مش هسمحلك ابدا انك تغلطي او تعلي صوتك ،مش معني اني بسكت وبعدي انك هتتمادي فيها
جميله: انا مغلطش
جاسر بغضب: بردوا بتعندي وبتقولي مغلطيش
جميله بزهق: اوووف انا زهقت بجد من كتر الخناق
جاسر : دا ع الاساس اني فرحان و احنا بنتخانق ، انا نفسي نتكلم براحه ،نفسي اسمع منك كلام حلو ،انا بحاول ع قد ما اقدر اعبرلك عن حبي لكن انتي دايما بتسكتي ،لدرجه اني حاسس انك مش بتحبيني
جميله :عمر الحب ما كان بالكلام الرومانسي ،انا مش بعرف اذوق في الكلام عشان اخليه حلو ،مش بعرف اقول كلام رومانسي ،انا ظابط ي جاسر وتعاملاتي مع رجاله ومجرمين فا اتعودت عشان كدا مكنتش عايزه نتجوز لاني كنت عارفه ان هيجي اليوم وتزهق مني ،احنا لسه ع البر ي جاسر انا كدا و عمري ما هتغير لان دي شخصيتي ومش هعرف اتغير فا انت تقدر تطلقني وتتجوز ناديه بنت عمك اهي بتحبك وتقدر تقولك كلام رومانسي ولو اتقدمتلها هتوافق ويمكن تتجوزوا بسرعه ساعتها مش هتستني
جاسر : بس انا مطلبتش منك تذوقي الكلام او تقولي كلام رومانسي بالعكس انا عايزك تقولي الي في قلبك وبعدين انا لو عايز ناديه بنت عمي ما هي كانت قدامي ع طول ما كنت اتجوزتها ،انا عايزك انتي ي جميله ،بحبك ومش عايز حد غيرك وعمري ما زهقت ولا هزهق منك ابدا
جميله : يعني مش هتيجي بعدين تقولي انك زهقت
جاسر بابتسامه حب : لا مش هقول
جميله بابتسامه: طيب خلينا نركب بقا ونمشي
جاسر بابتسامه: ماشي
ركب جاسر وجميله العربيه واتحركوا وروحوا البيت
جاسر باستغراب : انتي مش طالعه ولا اي
جميله : لا لازم اروح الاداره ورايا اجتماع
جاسر : طيب اجي معاكي واستناكي ونروح سوا
جميله : لا مش مستاهله كل دا انا هخلص الاجتماع واجي ع طول مش هتاخر
جاسر بابتسامه : ماشي وخلي بالك من نفسك
جميله بابتسامه:ماشي
طلع جاسر شقته وجميله راحت الاداره كان موجود ادهم وسلمي
ادهم بسرعه: عملتي اي ي جميله
جميله : خرجوا خلاص
سلمي : بجد وقدرتي تخرجيهم بسهوله دي
جميله : مش بالظبط انا خليت صلاح يتنازل عن القضيه
ادهم باستغراب : وازاي قدرتي تخليه يتنازل
جميله: مش مهم دلوقتي ،المهم انهم خرجوا وخلاص
ادهم : طيب يلا عشان سياده اللواء مستنيكي وكمان عشان القضيه
جميله: ماشي يلا
دخلواالثلاثه لسياده اللوا
الكل : تمام ي فندم
سيف : انتي ازاي قدرتي تخليه يتنازل عن القضيه
جميله باستغراب : هي الاخبار وصلت لحضرتك بسرعه اوووي كدا
سيف : ايوا طبعا وبعدين كويس انك قدرتي تخليه يخرج بسرعه لان الموضوع لو كان انتشر دا كان هيسوء سمعه جاسر وشركته كمان وكان هيخسر
جميله : ما دا الي انا عملت حسابوا عشان كدا مردتش استني لبكره وخليت صلاح يتنازل ع طول وحولت القضيه من محاوله اغتصاب لدفاع عن الشرف
سيف : بس هو مش جوزها عشان يضربها يعني دا قصاد القانون جريمه بردوا انو ضربها وهو ملهوش حق
جميله : عارفه دا ي فندم بس هي عملت كدا عشان تحبسهم وتسوء سمعتهم فا انا عملت العكس سوءت سمعتها هي وحبستها
،هي الي بدات انا مكنتش عايزاها توصل لكدا لكن هي الي اضطرتني اعمل كدا
سيف : بس هتقدر تخرج منها بسهوله زي ما انتي قدرتي تخلي صلاح يتنازل هي بردوا هتخليه يقول العكس
جميله : لا دي محلوله ،انا عامله حسابي
سيف : ازاي
جميله : هقول لحضرتك بس بلاش تتكلم معاياا ع اساس ان حضرتك لواء واتكلم ع الاساس مواطن عادي
ادهم وسلمي بصولها بدهشه انها بتتكلم كدا مع سياده اللواء
سيف بضحك: هههههه ماشي هتكلم ع الاساس اني مواطن عادي اتفضلي
جميله : صلاح كان ماشي ورا مياده وهو تحت تأثير المخدرات ،مياده فضلت وراه لحد ما بقاا مدمن وبقاا تحت سيطرتها ،فا انا هساعده عشان يتعالج
سيف :وجاسر
جميله : هقولوا اكيد بس مش دلوقتي لازم اتكلم مع صلاح واقنعه انو يوافق يتعالج الاول
سيف : بس لو جاسر عرف هيخرب الدنيا
جميله : انا مبخافش من حد ، وكمان انا بقول لحضرتك اني هقولوا اكيد مش هخبي يعني لاني مش بعمل حاجه غلط
سيف : ماشي ثم اكمل بجديه ،عملتوا اي بقاا في المهمه ،قدرتوا تركبوا الكاميرا
جميله : ايوا ي فندم قدرنا ولقينا كمان باب صغير في الارض ونزلنا لقينا ثلاجات فيها اعضاء
سيف : صورتوها
سلمي : ايوا ي فندم صورنا كل حاجه
جميله : احنا كدا معانا ادله كتير ضدهم بس محتاجين نعرف الاطراف وهما دلوقتي مانعين اي عمليه تحصل لحد مانا اظهر فا انا عندي فكره
سيف : عارف هتقولي اي بس فكرتك مرفوضه
جميله : ي فندم اسمعني بس ،انا لازم اظهر ليهم عشان نقدر نقبض عليهم
سيف : وانتي فاكره لما تظهري هما هيقفوا كلهم قصادك ويقتلوكي ،لا طبعا زي ما بعتوا الي يقتل كمال هيبعتوا الي يقتلك وساعتها مش هنستفاد حاجه غير اننا خسرناكي
جميله : ما هو مفيش غير الطريقه دي انا في الحالتين هيعرفوا مكاني لان الدكتور شافني هو ممكن يكون لسه مفتكرنيش لكن اكيد هيجي وقت ويفتكر
سيف : لا ي جميله انا مستحيل اوافق ع حاجه زي كدا
جميله : طب انا عندي فكره انا كدا كدا معايا جهاز تتبع لو اتخطفت تقدروا تعرفوا مكاني
سيف : ولو مخطفوكيش
جميله : اسمعني حضرتك انا هدخل المستشفي عادي وساعتها الدكتور هيشوفني وهيتاكد ان انا البنت ، فا هو اكيد مش هيقدر يعمل حاجه وانا في المستشفي وهيكلم حد يحاول يخطفني من قدام المستشفي
سيف : كل الي قولتيه دا مش هيفيد بحاجه حتي لو خطفوكي هيقتلوكي ع طول مش هيستنوا ،وهنبقي معرفناش بردوا مين الاطراف
جميله: بالعكس هنبقا عرفنا لانهم فعلا هيقتلوني ودا الي انا عايزاه لان لو قتلوني هيبقوا مطمنين خلاص ان مفيش اي حد هيفتش وراهم لانهم هيبقوا خلصوا مني
سيف بغضب:انتي اتجننتي ولا اي ي جميله يعني اي عايزاهم يقتلوكي
جميله : ي فندم انا هكون لابسه واقي من الرصاص يعني مش هتأذي
سيف : لا ي جميله خطتك متنفعش خالص لانها مش مضمونه ابدا ،بالعكس انتي لو اختفيتي فتره هما هيطمنوا ويرجعوا تاني وساعتها هنقبض عليهم
جميله : اختفي ازاي ي فندم
سيف : تسافري
جميله باستغراب : اسافر ليه ،هو المفروض مين الي يهرب من مين ،انا متعودتش اني اهرب ي فندم
سيف : بس خلاص احنا مش محتاجين اي حاجه تاني غير اننا نمسكهم متلبسين
سلمي : طب انا عندي فكره
سيف : فكره اي
سلمي : طالما جميله معروفه ،انا هروح ع الاساس اني عايزه اتبرع وساعتها نقدر نمسكهم متلبسين
سيف بغضب: انتوا شكلكوا اتجننتوا انتوا الاتنين
جميله : ي فندم دا مش جنان سلمي عندها حق بس لو حضرتك خايف عليها فا ممكن انا الي اروح
سيف بغضب: يعني انا خايف عليها هي ومش هخاف عليكي انتي ،انتوا الاتنين بناتي
سلمي : ي فندم بس دا اسرع واسهل حل
سيف : لا دا خطر مش سهل دا
جميله : ما احنا هنكون متابعين وراها وهنفضل معاها ع طول وكل حاجه هتكون متصوره وهنقبض عليهم كلهم وسلمي مش هيحصلها حاجه
سلمي : ايوا ي فندم وكمان احنا دخلنا الاوضه والي المفروض كانت اخطر
سيف : بس محصلش حاجه لكن المرادي الله واعلم اي الي ممكن يحصل
جميله : اديك قولت حضرتك الله واعلم يعني دا في علم الغيب وبعدين احنا هنلحقها قبل ما تتخدر حتي
سيف : انتوا بتتكلموا ع الاساس انهم محتاجين متبرع ليه
جميله : ما هو دا الي هيحصل فعلا
سيف باستغراب : مش فاهم
جميله : عبدالرحمن هيروح ع الاساس انو محتاج متبرع وطبعا هياخد حد هيكون فعلا محتاج عشان لو عملوا التحاليل يتاكدوا وهيغريهم بالفلوس ،ساعتها هتروح سلمي عشان تتبرع ، و احنا نقبض عليهم متلبسين كلهم
سيف : ماشي ي جميله وانا هبقا معاكوا
جميله : مش مستاهله ي فندم
سيف : لا مستاهله القضيه خطيره ودي تجاره اعضاء ولازم نتاكد ان الكل هيتقبض عليهم
جميله : ماشي ي فندم ،طب وبالنسبه لاسيل
سيف : هتفضل زي ما هي عادي عشان محدش يشك بس بردوا خليك معاها ي ادهم لان الفتره الي جايه هتبقي صعبه وهيشكوا في اي حد والاحسن متروحلهاش المستشفي
ادهم : انا بستناها بره ي فندم وبنروح ع طول مش بطلع يعني
سيف : ماشي كدا اتفقنا ع كل حاجه استنوا يومين بس عشان مينفعش ع طول بعد الخناقه الي حصلت كدا هيشكوا فا نستني شويه
الكل : ماشي ي فندم
سيف : تمام تقدروا تتفضلوا
الكل : تمام ي فندم
خرجوا الثلاثه ونزلت جميله ركبت عربيتها واتحركت
وادهم بردوا ركب عربيته وراح المستشفي ل اسيل وبعد وقت وصل وهي نزلت ركبت جنبوا واتحركوا
ادهم بابتسامه: اي اخبار يومك النهارده
اسيل بابتسامه: كان عادي محصلش اي حاجه غريبه في المستشفي
ادهم بابتسامه: انا مش بسالك ع المهمه ،انا بسالك ع يومك انتي
اسيل بحماس : كان عندي عمليتين ولاده
ادهم بضحك: طب ومالك بتقوليها بحماس كدا ليه هو اول مره تعملي عمليه
اسيل بسعاده: لا مش اول مره بس كل مره بعمل عمليه بفرح جدا وانا بشوف طفل وهو بيتولد ع ايدي بيبقي احساس جميل اووي ،وانهارده كانوا تؤام ماشاء الله حلوين اوووي
ادهم كان فرحان وهي بتتكلم ومبسوطه واحساسها بالفرحه لما بتشوف الاطفال وكان نفسوا يقولها بحبك بس خاف انها تكون مش بتحبوا
اسيل باستغراب : انت ساكت ليه
ادهم بابتسامه: بسمعك
اسيل بابتسامه: وانا خلصت
وقف ادهم العربيه ع جنب
اسيل باستغراب : انت وقفت ليه
ادهم : هجيب حاجه من السوبر ماركت خليكي هنا مش هتاخر
اسيل: ماشي
دخل ادهم السوبر ماركت وجابلها شوكلاته بابلي كتير وشيبسي وبيبسي وشيتوس وايس كريم وخرج اداها الاكياس وركب العربيه
اسيل باستغراب : بس انا مطلبتش حاجه
ادهم بابتسامه: مش لازم تطلبي عشان اجبلك وبعدين دي حاجات خفيفه
اسيل بابتسامه: شكرا
ادهم بابتسامه: قولتلك مفيش شكر بينا انتي مراتي
حست باحساس غريب اول ما قال مراتي ،كأنها بتسمعها لاول مره ولقت نفسها بتقارن بينو و بين عدي الي محسش بيها ولا بحبها ليه ولا ادهم الي بيهتم بأقل حاجه وبيكون عايزها مبسوطه دايما
اسيل جواها : انتي بتقولي اي ي اسيل ،لا طبعا متنسيش ان دا جواز صوري مينفعش تحبيه ،وبعدين نسيتي ،نسيتي لما حبيتي اتجرحتي ازاي عايزه تتجرخي تاني ويطلع هو كمان مش بيحبك
:بس هو بيهتم بياا وعايزني دايما مبسوطه
: دا عشان المهمه
: بس هو مش مجبر يهتم بياا المهمه ملهاش دعوه
: معرفش بقاا
ادهم باستغراب : انتي سرحتي في اي
اسيل فاقت من سرحانها : هااا مسرحتش ولا حاجه
ادهم : طب مخدتيش بالك اننا وصلنا
اسيل وهي تنظر للفيلا : اي دا صح طب مش هننزل ولا اي
ادهم بضحك:ههههههههههه مانا عمال انادي عليكي عشان ننزل وانتي سرحانه تقريبا عجبتك العربيه
اسيل بضحك: لا مش حكايه كدا لا بس سرحت شويه معلش
ادهم بابتسامه: ولا يهمك
نزلوا الاتنين ودخلوا الفيلا طلعت اسيل خدت شاور ولبست بيجامه ونزلت كان ادهم بردوا خد شاور ولبس ونزل اتعشوا وكلوا الايس كريم والحاجات الي جابها وهما بيضحكوا ويهزروا
💖💖💖💖💖💖💖💖
عند جميله راحت ل صلاح كان في شقته خبطت وفتحلها وهو تعبان
صلاح باستغراب :انتي جايه تاني ليه مش جاسر خرج
جميله : ايوا جاسر خرج ،انا جيالك انت
صلاح باستغراب : جيالي انا ليه
جميله : طب هتكلم ع ال باب
صلاح : لا طبعا اتفضلي بس انا عايش لوحدي
جميله: مانا عارفه ،وعارفه انك مش هتقدر تقربلي
صلاح : طب اتفضلي
دخلت جميله وقفل صلاح الباب
صلاح باستغراب: انتي عرفتي بيتي ازاي
جميله : عيب لما تسال سؤال زي دا انا ظابط وممكن اقولك كمان مامتك اسمها اي
صلاح: طب انتي عايزه اي
جميله: انا جايه اساعدك
صلاح باستغراب : تساعديني في اي
جميله : انك تبطل مخدرات ،انا عارفه ان مياده خليتك تبقي مدمن عشان تقدر تسيطر عليك
صلاح بتعب: ومين قالك اني عايز اتعالج
جميله : اكيد مش هتكون عايز واحده تسيطر عليك وتمسك عليك ذله واكيد عايز تبقي حر
صلاح : واشمعنا عايزه تساعديني رغم اني وقعت بينك انتي وجاسر
جميله :انا عارفه انك ملكش ذنب و انك عملت كدا تحت تأثير المخدرات وكمان انا وجاسر محصلش بينا حاجه والي عملت كدا خدت جزائها
صلاح: بس مياده هتقدر تطلع منها او ع الاقل هتاخد ثلاث سنين وهتخرج تاني
جميله: احنا ملناش دعوه ب مياده دلوقتي ،احنا فيك موافق انك تتعالج ومتقلقش هيبقي في سريه تامه ومحدش هيعرف
صلاح: موافق بس جاسر بردوا ميعرفش كفايه الي حصل مش عايزة يعرف اني مدمن
جميله: موافقه
صلاح: تمام
جميله : تمام ادخل جهز نفسك عشان نروح دلوقتي ،لان واضح انك تعبان جدا
صلاح: ماشي
دخل صلاح اوضته يغير
وجميله بره لقت بودره ف طبق ع التربيزه خدتها ورمتها في الحمام وهو خرج وكان بيدور عليها
جميله : انا رمتها
صلاح بتوتر : مانا كنت بدور عليها عشان ارميها
جميله : طيب خلينا نمشي
صلاح بتوتر : ماشي
نزلت جميله وصلاح معاها ركبوا العربيه وراحت المصحه لمعالجه الادمان وملت الاستماره وخدوا صلاح الغرفه
جميله ل دكتور : هو هياخد وقت قد اي ي دكتور ع ما يخف
الدكتور : احنا لسه هنعملوا التحاليل عشان نعرف الادمان من فتره ولا لسه ومن خلالها هنحدد هياخد وقت قد اي
جميله: طيب ي دكتور انا كنت عايزه الموضوع في سريه يعني لو حد سال عليه هو مش موجود خالص
الدكتور : متقلقيش حضرتك احنا هنا اهم حاجه السريع ومحدش بيعرف حاجه
جميله : ماشي ،وانا بس الي هاجي ازوره ،محدش يدخلوا خالص
الدكتور : ماشي
جميله : طيب عن اذنك هشوفوا
الدكتور : اتفضلي
راحت جميله لاوضه صلاح
جميله : اتمني يكون عندك اراده انك تخف فعلا
صلاح: طالما جيت معاكي يبقي عندي اراده والا مكنتش جيت
جميله : ماشي انا همشي دلوقتي وهجيلك بكره وهزورك كتير اجبلك الي محتاجوا
صلاح : انا مش عارف اشكرك ازاي بجد دا انا ابوياا معملش معايا الي انتي عملتيه دا
جميله : مفيش شكر ولا حاجه انا واجبي اني لو شوفت حد محتاج مساعده اقف جنبوا
صلاح: طب ومياده
جميله: مياده اتحبست خلاص وهي مش محتاجه مساعده لان هي الي وصلت نفسها للي هي فيه ،
انا همشي دلوقتي ولو احتاجت حاجه دا تليفون جديد مسجله فيه رقمي بس ،عشان انت عايز الموضوع سري فا كدا امان عشان محدش يعرف يوصلك او يعرف مكانك وانا هعمل تمويه هكتب اسمك في الي مسافرين لندن بحيث لما تخف وترجع محدش يعرف انك كنت بتتعالج
صلاح: وجاسر
جميله : اطمن مش هيعرف
صلاح: ماشي
جميله : ماشي سلام
صلاح: سلام
خرجت جميله من الاوضه ومن المستشفي كلها ركبت عربيتها وروحت البيت دخلت خدت شاور ولبست بيجامه مريحه ونامت
💖💖💖💖💖💖💖💖💖💖💖
تاني يوم الصبح عند ادهم واسيل
دخل ادهم اوضه اسيل وهو بيتسحب وشافها وهي نايمه وشعرها الي مغطي وشها وشكلها الطفولي وخدودها الحمراء ،
فاق من سرحانه وراح ناحيتها وحط ثعبان لعبه جنبها وقرب من اذنها وبصوت عالي : اسيل الحقي ثعبان
قامت اسيل مفزوعه ولقت الثعبان جنبها نطت من ع السرير وبعدت بسرعه لقت ادهم انفجر ع نفسوا من الضحك وعرفت انو مقلب جريت وراه بغيظ وهو جري وهو بيضحك
ادهم وهو واقف عند السرير من الناحيه الثانيه بمزاح : مش انتي الي بداتي ،واحده بواحده بقاا
اسيل بغيظ: انا حطيتلك ثعبان
ادهم بمزاح: لا دا كانت انيل انتي صحتيني ع حريق
اسيل بغيظ : ماشي ي ادهم
ادهم بهزار : انتي الي بداتي ي حبيبتي والبادي اظلم
خرج ادهم من الاوضه وهو بيضحك عليها وهي ابتسمت لما قال حبيبتي لكن فاقت بسرعه وهي تبتسم بخبث وهي تنوي فعل شئ
💖💖💖💖💖💖💖💖
عند جميله صحيت خدت شاور ولبست ونزلت راحت مول اشترت هدوم رجالي وراحت المصحه ودخلت ل صلاح كان شكلوا تعبان جدا وتحت عنيه اسود وايديه زرقاء
جميله بابتسامه: صباح الخير
صلاح بابتسامه وسط تعبه: صباح النور
جميله بابتسامه: اخبارك اي النهارده
صلاح بتعب: تعبان اوووي ،وحاسس اني مخنوق
جميله بابتسامه: دا طبيعي يحصل في الاول لكن بعد كدا هتتعود لحد ما تخف وتبقي كويس ،ثم اكملت وهي تضع الملابس ع السرير: انا جبتلك هدوم وكمان الدكتور قالي ان المرحله الاولي بس تعدي وبعد كدا تقدر تخرج من الاوضه وتقعد في الجنينه وتشم شويه هواء وانا هجيلك ع طول اطمن عليك
صلاح بابتسامه خفيفه: شكرا ،انك واقفه جنبي
جميله بابتسامه: مفيش شكر ولا حاجه ، انا تمشي بقاا عشان اتاخرت وهبقي اجيلك تاني
صلاح بابتسامه: ماشي
خرجت جميله وركبت عربيتها وراحت الاداره
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!