أحببتُ ذلك الغريب الفصل الثاني وسبعون 72 - بقلم وأهملها القارئ

من جنت اكتب جذبني بنية دخلتلي خاص حجتلي معاناتها ، واللي هي ، مدمنة ، مثلية ، عندها علاقات كلش هواي ، ابوها تارك امها لان من غير بلد وسكنت ببيت جدها ، دزتلي صور منت حرة كاصه اوردتها اكثر من مرة...

وتكول جنت كلش شاطرة واطلع الاولى بس من سمع بيه خالي عندي هيج سوالف كل يوم يضربني وبسببه ادمنت و من انت حرت ٣ مرات خالها كال لامها اذا ربيتيها وعافت الادمان وباقي سوالفها راح اخليها تعيش مثل الاوادم..

الام حارت وياها شلون ترضيها وخافت عليها كلش هواي صارت بيها حالة نفسية مثل اللي تخبلت..

اخر شي نطتها موبايل كلتلها هذا موبايلي استخدميه بشكل صحيح وخالج ما راح يعرف بس اذا خليتي رمز لو شفتج مسوية شي خطأ اخذه منج ..

تكول اخذته وسويت فيس اول شي طلعلي كروبات بنات دخلت وسابقا جنت اعرف كم كروب ، من شغلة لشغلة وصلت لرواية جذبني قرتها ، بس ما اكتفت دورت علية جانت حساباتي بوقتها ضعيفة مو الكل يعرفها..

راسلتني الف مرة قليل ع الواتباد..

صدفة فتت على الرسائل قريت رسالتها ونطيتها حسابي الانستا دزتلي صورها كلها وشلون شكلها جان قبل الادما ن وبعده..

تدرون شنو سويت تفرغت الها تفرغ كامل وبس استمع ، واحجي وياها ماسويت شي غير بس احجي..

بفضل الله وما اريد اكول بفضلي..

تركت كل شي سيء جانت تسويه رجعت للمدرسة وتفوقت على دفعتها ، وبشرتني طلعت صيدلة ..

المغزى من اللي كتبته كله..

مرات نشوف انسان ما باقي بيه غير بقايا انسان ورب العالمين يخلينا بطريقه حتى نقوم سلوكه ونساعده نرشده للطريق الصحيح حتى وان كان عندنا اخطاء مو شرط نكون شيوخ لو سادة يلا نساعد..

لهذا لو لا اسمر جان بسيل ضاعت فوك هذا الضياع ، او انت حرت..

دائما خلوا ببالكم الشخص السيء اللي يجي بطريقكم وينصلح ع ايديكم هذا رب العالمين دزكم اله رحمة..

وبالنهاية كلنا جنود بهاي الارض كل واحد يأدي وظيفته..

لهذا خلونا نسمع بسيل للنهاية ، حتى لو ما حبيتوها ولا تقبلتوها بس تبقى انسانة وحبت تعيش حياتها صح...

طولت عليكم ..