رواية أحببته كما هو الفصل الثاني عشر 12 - بقلم رسل طالب

أحدهمْ يحفظ كلماتُك الّتي تظن أنها ليستْ مهمّة ،

ويحب صوتك الذي لاتُحبه .. 💙

*********&&&&&&&&*********

ماما .. يمه

لج شبيج تخبلتي من الصبح تصيحين !

عفيه دادور على الشال الاسود مالكيته؛ شوفي شهد وين مخليته؟

البسي أي شال هسه الا الاسود ياستار شعندج .

خرب ..يمه الدزاين تريدي يخرب !!

هسه اشوف اختج وين مخليه ملابسها.

طبعا لبست سترة بيضة وبيها ورد اصفر وجواها قميص فضفاض اصفر جرجيت وبنطرون اسود والحذاء ابيض بأسود والشال قررت اسود حتى تبين تفاصيل السترة .

رنا ؛يمه رنا هاج هاي الشيله مالت اختج .

اي عاشت ايدج يمه .. الله لا يحرمني منج 😘

كملت ونزلت .. امي شافتني انصدمت شو كاشخه مو عوايدج .

ليش يمه اني يوميه اطلع قرده 🤔

لا يمه حلوة بس اليوم احلى .

مو الاستاذ طلب انطي محاضرة لمجموعتي فعيب اطلع كدامهم مثل لبس كل يوم .. اليوم شويه اهتميت 😉

زين يمه الله يوفقج 😊

تسلميلي يا اطيب واحلى ام .. بست راسها وطلعت للدوام .

اي عيني شنو هالكيك اليوم ما عرفتج 😉

خرب ببليسج اسو والنبي راح امشي واعثر من وراج اليوم😂

لا عيني باردة .. بس ما توقعت هنودي هيج راح يأثر 😉

عابت يا هنودي يا بطيخ ولج عيب منظري اصعد واشرح كدامكم.

تشرحين شنو ؟

المحاضرة.. ليش ما كتلج اني اليوم راح اشرح وياه المحاضرة؟

لا خانم ما كلتي 😑 ولج من شوكت صرتي استاذه علينه ها 🤔

عابتلج ؛ هاي بدل متشجعيني.😔

انجبي تدرين اشاقة بس شراح يخلصج من الطلاب راح يشتغلوج اكس ومربع خخخخخ.

اي والله شايله هم لذولة 😅

امشي اول محاضرة ماراح نفوت .

ليش اسو منفوت ؟

هيج معاجبني نفوت الها .

اني استغربت مو من عوايدها تضرب محاضرة اصلا : اكولج انتِ مصخنه لو متعاركه ويه احمد؟

عابتلج لا هاي ولا ذيج ولو احمد البارحه وداني لبيت اهلي وكالي من تخلصين امتحاناتج الشهرية خابريني ارجعج انتِ والجهال 😔

يا عيني عليه ابو الكلفات حيل شايل همج 😂

ولج لتقلدين عليه ، شسويله هو مو مال مسؤولية 😯

يله لتضوجين تعالي اعزمج على كهوة وعلى حسابي😘

خرب الي يسمعج عازمتني على قوزي هههههه.

مشينه للنادي واحنه خربانين ضحك مثل المخبلات ساعة نضحك وساعة نحزن.

امشي اكعدي اني اجيب الكهوة اليوم ، باعتبارج متضررة من رجلج خخخخ .

يسلموو قلبي رنوشتي 😍😘

رحت للكاشير وكصيت وصل: اثنين كهوة بلا زحمه.

اوك صار .

ظليت واكفه دانتظر يكمل طلبي لان هوايه كدامي ..

صباح الخير ..

صباح الخير ..

شونج رنا ؟

الحمد لله .

اني هم الحمد لله اذا يهمج تعرفين!

(بداخلي اووف انته كل شيء بيك يهمني) بس جاوبته : الله يجعلك اخي

اخي!! ترى مو حلوة بحلكج .. ممكن تبطلين هذا الخبال.

فوكاها! يعني اني مخبله ؟؟ اوك استاذ حسام ما مجبور تحجي ويه المخبلة .

استلمت الطلب ورحت ؛امشي بسرعة .

شبيج يولي شو عصبتي ؛ شكالج؟

يكولي مخبلة.

هههههه ما جذب ( خزرتها بعيني ) بس ميصير يحجيها بوجهج .

شوف ياربي انوب انتِ عليه 😒

حبي على كيفج وياه الكلام اخذ وعطا ..

اها اخذ وعطا ، هاي منو يحجي؟؟ مو البارحه رزلتيني وكلتيلي انسي هذا مو قسمتج؟؟ 🤔

صفنت عليها شحجي وياها واني اذكر الي صار البارحة ( وره ما رجعت للبيت وغديت الجهال ونمت من كعدت العصر لكيت رقم متصل عليه ، تركته ما خابرته وراها بساعه رجع اتصل من جديد ،فتحت الخط وسكتت : الوو .. اسراء .. الو تسمعيني؟

ترددت اجاوب بس ردت اعرف منو : منو حضرتك؟

اني حسام.

انصدمت منين جاب رقمي! : شتريد مني ومنين اخذت رقمي؟

ممكن اخذ من وقتج واعتبريني اخوج واجيتج بنخوة.

اوك كول داسمعك ( بده يحجيلي الي صار وياه كل الاحداث وبتفاصيلها ؛ الصدك بجاني وحيل انقهرت عليه ، وتاذيت اكثر من بجه وكالي : اني اموت من دونها ؛ هي السبب الوحيد الي يخليني عايش .

زين حسام شنو اسوي الك؟

بس حنني قلبها عليه لتحاولين تكرهيها بيه ؛ هي تسمع حجيج وتتأثر بي واريدج تبعديها عن استاذها فدوة .

اوك راح احاول بس انته لازم تحاجيها وتحجيلها الي حجيته اليه ..

اني حاولت البارحه بس ما انطتني مجال واريدج ساعديني باجر .

اوك شنو اسوي باجر؟

اضربي اول محاضرة اريد احجي وياها بالنادي واذا ما قبلت ورجعتلج اخذيها واطلعي من الكلية لأي مطعم واني اجي وراكم.

زين ليش بره الكلية؟

بره الكلية راح تنجبر تسمعني مو مثل بالكلية متنطيني مجال رأسا تعوفني .

اوك احاول باجر والله كريم.

تسلمين ربي يحفظج واسف على الازعاج.

الوو اسوو وين رحتي نحنُ هنا😑 شو صفنتج طولت حبي؟

ها حبي اسفة والله دايخه اليوم .. اكولج خلي نطلع نروح لمطعم .

شبيج اليوم؟ ولج يا مطعم بعد نص ساعه محاضرة ويه مهند.

يمعوده عوفي وخلي نطلع.

لا حبي مستحيل اطلع انسي هالشي ويله امشي نرجع للقسم احسن.

رجعنه للقسم وصلتني رسالة :شو ما طلعتيها للمطعم؟

كتبتله: متقبل دكول عدها محاضرة مهمه.

اني شكيت بيها تقصد محاضرة الاستاذ الي شفتها كاعدة وياه البارحه ؛ كمت من مكاني ورحت وراهم للقسم .

اول ما دخلت شفت استاذ مهند واكف ويه طلاب هو بس شافني ابتسم ورمقني بنظرة من فوك ليجوه ، حسيته انعجب بستايلي.

عاف الطلاب وتقدم بأتجاهنه ؛ اني حيل ارتبكت من شفته اقترب.

صباح الخير بنات شونكم؟

جاوبناه اثنينه : صباح الخير .. الحمد لله.

ها رنا مستعده اليوم؟

ان شاء الله بس عندي كم سؤال لان ما فهمت كم فقرة بالمادة.

اي تعالي ويايه خلي افهمج مدام بعد وقت عدنه ..

اوك.. يله اسو تعالي ويايه .

لا حبي انتِ روحي اني راح ابقى هنا .

اوك حب براحتج ( بس بداخلي حسيت اكو شي بأسراء مو سالفة بسبب زوجها ، تصرفاتها حيل غريبة )

اني بقيت انتظر حسام لان عرفته راح يلحكنه للقسم وما ردته يتصادم ويه مهند اذا شاف رنا واكفه وياه ، وفعلا شويه وحسام اجاني.

ها اسراء .. راحت للاستاذ مو؟

حسام بس اصبر خلي افهمك.

شنو اصبر اكولج داموت والله داحترك هيج ما عندي غيره ولج هاي حلالي شون توكف ويه غيري؟

اولا بعدها مو حلالك فميصير تحجي هيج.. وثانيا رنا عنوديه اذا تصرفت وياها بهالطريقة راح تعاند بالاكثر وياك فتعال الها بالهداوة.

شنو تعاند والله اكسر راسها ..

من كل عقلك انته!! الزم الهدوء ومن نخلص محاضرات راح اخذها للمدرج تجينه هناك واني موجوده وحاجيها واني هم اساعدك .. متفقين ؟

زين ( طبعا كالها وهو ينفخ نار عبالك )

يله اترخص منك اروح لرنا .

روحي واخذيها من يم هذا الاستاذ لا بالقرأن ارتكب جريمه بيهم اثنينهم.

صدك رحت ركض طبيت لكيتها كاعده وهو ديشرحلها كتلها لازم نروح هسه رنا للمحاضرة ما بقى شي.

اوك رنا اخذي راحتج هسه وشويه واني اجيكم.

شبيج اسو شو احسج مو على بعضج ؟

حبي ممكن تبتعدين عن مهند ..

اسو لا اليوم صدك وضعج غير شكل !! البارحه شجعتيني عليه وذميتي حسام واليوم بالعكس.. صاير شي؟

ماكو شي بس افضل متشرحين المحاضرة ويه مهند .. ما اريد تجيج حجايه والطلاب يشكون عندج شي وياه.

ولج انتي مخبله من كل عقلج ؟ حضرت المحاضرة وخلصت وتريديني انسحب !!

اوك براحتج ( بداخلي .. ربي استرها علينه)

بدت المحاضرة واول ما بلش شرح طلب مهند من رنا تصعد على الستيج وعرفها كدام الطلاب على ان هي استاذه مساعده اله اليوم بالمحاضرة ولازم نتفاعل وياه ويه رنا .

بلشت المحاضرة تقريبا ربع ساعة والشرح جان حلو وممتع واستاذ مهند كان حيل مندمج وفرحان عكس اول يوم ، حسيته صدك يميل لرنا ؛ لان ما نزل عينه من عليها من تحجي ، جان يباوع عليها اكثر مما يباوع للطلاب.

تقريبا عبرت 25 دقيقة واني على نار يارب شوكت تخلص هالمحاضرة اليوم .. شويه واشوف حسام واكف باب القاعة وجهه صاير دم ويباوع على الستيج .. وكفت على حيلي لا ارادي ؛ هو شافني من وكفت فتقدم بسرعة وصعد الستيج ومهند صافن من الصدمة ما حجه شي .. والمسكين ميشوف غير بوكس بنص وجهه اجاه ؛ وكع مهند وتمدد بالكاع.

رنا باوعت لحسام وصاحت بي : تخبلت هاي شسويت ؟ وركضت على مهند
استاذ مهند .. استاذ انته بخير ؟؟

رفع راسه وباوعلها :ليضل بالج مصار شي ( وهو الدم بده ينزل من حلكه) طبعا الطلاب التموا عليه يريدون يكوموا من الكاع وحسام واكف ينفخ نار عليهم .

وكف مهند على رجليه وباوع لحسام : اني ما ارده الك لان مو اخلاقي ولا المكان يسمح بس اعرف شون ارجعها الك.

هد حسام وراد يرجع يضربه لان فهم قصده شون راح يرجعها ،بس الطلاب لزموا وطلعوا بره القاعة.

ظلت رنا ويه مهند طلعت كلينكس ومسحت وجهه وتعذرت منه ، مصار شي لتعتذرين .

تسمحلي استاذ اطلع من المحاضرة؟

لا متطلعين ؛ او خلي نطلع اثنينه من القاعة.. طلاب اخذوا راحتكم خلصت محاضرة اليوم وتكدرون تاخذوها من المكتبة .. يله امشي ويايه .

نزلت اني وياه واسراء نمشي ؛ طبعا تلكوه الاساتذة شنو صار منو هذا الي ضربك؟

كاللهم: ماكو شي خلاف شخصي وياه مو اكثر .

خلي نصيح الأمن مال الكلية؟

لا ميحتاج .. راح بعد .

طلعت اني وياه واسراء خارج الكلية ؛ خاف عليه كالي منبقى هنا خلي نطلع بره احسن عازمكم على الغده .

استاذ ممنونه منك بس لازم ارجع للبيت تأخرت على جهالي ..

وين عايفتنه مو كتلج عازمكم اثنينكم.

اعتبرها واصله استاذ ممنونه منك ..

وصلنه اسو لمكان قريب حتى تصعد لبيت اهلها ؛ واني وياه طلعنه لمطعم بالمنصور .

كعدنه بمطعم راقي كولش ومرتب ؛ ردت احجي وياه بخصوص الي صار .. بس قاطعني : خلي نطلب بالاول وبعدين نتفاهم.

اني ما الي نفس بس جبرني اطلب اكل فطلبت شغلات خفيفه وهو هم ما اله واهس حسيته بس يكابر كدامي.

اي رنا هذا حبيبج السابق؟

اني انصدمت من حجايته وضجت بنفس الوقت: اي نعم ( ما ردت انكر ولا اصغر روحي كدامه اذا معجب بيه راح يتقبلني مثل ما اني بأخطائي وبسيئاتي وبالماضي مالتي) بس شون عرفت حبيبي؟

من اجه عليج وطلعج من النادي وكالي ان هو ابن خالج صراحة شكيت بكلامه ، طلعت وراكم وشفتج معصبه عليه وتحجين بضوجه وراها عفتي ورحتي ؛ فتأكدت ان هو مو ابن خالج ولا تربطج بي صلة قرابة .

صحيح متربطني بي صلة قرابه بس الحب الي بيني وبينه كان اعظم من اي صلة قرابة ، ( حسيته تفاجئ من كلامي )

لعد ليش افترقتوا ؟

مشاكل صارت و... هنا سكتت ما كملت ؛ لان ما اعرف ليش افترقنه وشنو السبب اصلا .

اوك اني مداحاسبج ؛ جبتج هنا حتى ترتاحين وتغيرين جو مو اكثر  ؛ ما انكر اني انعجبت بيج بس مدام اعترفتي بحبكم لبعض وما نكرتي معناها انتِ لسه تحبي وبالج يمه رغم تصرفاتج دكول غير شي.

اني ضليت ساكته واباوعله من يحجي ؛ بداخلي حسيت بشعور غريب ردت اعوفه واروح ادور على حسام ؛ فعلا اني احبه ولسه قلبي يمه واخاف انكر حبه كدام حتى المعجبين بيه ، اصلا مداكدر اشوف غيره.

رجعت للبيت واني خايفه عليهم ليلحكهم حسام وانوب تصير مشكلة بالمطعم .. دك تلفوني وهذا نفس رقم البارحه ، فتحت الخط ركض : ها حسام.

الو .. ليش هيج تسوي بيه مو حرام والله الي شفته من وراها مو شويه ( يحجي والعبرة كوه خانكها مدري هي الي خانكته ، صدك تاذيت من سمعت صوته ) شوف حسام ترى رنا تحبك ومدتكدر تنساك وصدكني ما عدها شي ويه هذا الاستاذ لا من قريب ولا بعيد واني راح اخابرها المغرب واسوي مكالمة جماعية وانته احجيلها الي صار ومتأكدة هالمرة راح تسمعك..

شون تسمعني واني ضربة حبيب الكلب الجديد؟

ثق بالله ما عدها شي وياه بس لتتسرع لان راح تخسرها وهالمرة للابد .

اوك انتظرج.. مع السلامة .

**********&&&&&&&**********
مساء الخير على الجميع اعتذر على التأخير .. ان شاء الله يعجبكم البارت ..  يتبع
التفاعل ابد ميشجع اعتذر اذا تأخرت بس اتمنى تقدرون تعبي وابسط شيء هو التصويت والمشاركة