رواية احببته وكرهني💔 الفصل الخامس وثلاثون 35 - بقلم عہٰ۪۫ہٰ۪۫صہٰ۪۫فہٰ۪۫ہٰ۪۫ورة

بارت 35

• وأرد تعبانةهَ من ححزني ، 👌✨'
• وأگلك شوفتگ تسوةَ ، 💛
_________
رؤيا. سمر حبيبي هلمره اعرف شدا اسوي

سمر. بعد براحتج

امي. بنتي مااخليج ترحين ويا بعد

رؤيا. ماما انتي هم ام وتعرفين شلون الطفل يحتاج ابو يمه اني بس علمود ترف راجعه ومن تكبر شويه اطلك لا تخافين

امي. ماعرف شكلج بنتي

رؤيا. ماما ميحتاج تكولين اي شي

حمزة. يله جيبي ترف وتعالي خلي نروح

رؤيا. روح غير اثاث البيت ياله ارجع

حمزة. ماشي هسه اخابر اصدقائهم همه بساعه وحده يخلصون كلشي

رؤيا. اوك

رؤيا. صعدت الترف لكيتهه هستوهه كاعده رحت شربتهه حليب ورجعت نامت اووف ليش كل شويه تنام اريد اشوفهه زين 😣

اندك الباب ودخل حمزة

حمزة. اكدر احجي وياج شويه

رؤيا. اممم

حمزة. اني اسف ع الي صار

رؤيا. اعتذارك مو مقبول

حمزة. للمره المليون اكلج والله متندم

رؤيا. ميهمني ندمك

حمزة. لا تقسين كلبج هيج

رؤيا. وكلبك الجان اقسه من الصخر شنو

حمزة. جانت غلطه

رؤيا. وغلطه من المستحيل اسامحك عليهه

حمزة. رؤيا اريد اشيل بنتي

رؤيا. عفوا صحح معلوماتك انته متريدهه يعني ع كولتك هاي مو بنتك😏😏😏

حمزة. رؤيا انطيني ياها

رؤيا. مراح اخليك تلمسهه ولو لثانيه وحده

حمزة. بس هاي بنتي واريد اشبع منهه

رؤيا. لعد من جانت ببطني مجانت بنتك

حمزة. انسي هذيج الايام

رؤيا. لو اموت ماانساها

حمزة. رؤيا....

رؤيا. اريد ارتاح هسه

حمزة. ماشي براحتج

رؤيا. يستاهل كرامتي صارت بالارض واني يمه عباله مجرد كلمه اسف راح انسه كلشي مستحيل يحلم بهذا الشي
صح احبه بس خلاني اخسر ابني مبقه بكلبي حب مثل قبل تجاها
حمزة. طلعت من يمهم رجعت غيرت اثاث البيت اني واصدقائي جبت غراض جديده غير هذني سويت غرفه الترف كلهه وردي ونازكه وحلوة

وضلينه نشتغل بالبيت لحد ب٣ الفجر بعدين نمنه اني واصدقائي بالبيت لان كلش تعبانين

كعدت ساعه ب١.٣٠ جانو اصدقائي رايحين سويتلي كل شلون مجان وطلعت رحت ع رؤيا

رؤيا. كعدت ب٥ الصبح ع صوت ترف هيه تبجي شربتهه حليب وغيرتلهه ملابسهه ورجعت نامت ونمت ع نومتهه وكعدت ب١٠ نزلت جوة يم اهلي ضلينه نحجي وسمر معافتني ولا دقيقه

وردت كعدت ترف ورحت شربتهه حليب وهزيتهه شويه مقبلت تنام اخذتهه ونزلت
خليتهه بحضن بابا لان ادري يحب الاطفال وهمه بهيج عمر ضل يلعبهه ويناغيلهه وهيه صافنه عليه لعد اني من الزمهه لو تبجي لو تنام عود ليش😑😒
صارت ب٢ اجه حمزة محجيت ويا حته سلام مرديت عليه اخذت ترف وصعدت فوك حته انومهه وره شويه اجه وراي

حمزة. غيرت اثاث البيت وصبغته كله وسويت غرفه الترف بقه بس ترجعون للبيت

رؤيا. مممم

حمزة. شنو اممم العصر نرجع سوه

رؤيا. ماشي

رؤيا. ضل واكف بالغرفه خليت ترف وره ما نامت وغطيتهه وردت انزل فتت من يمه لزم ايدي

حمزة. مراح تسامحيني

رؤيا. رجعلي ابني اسامحك

حمزة. بس مو بيدي شي ولا تنسين هوه ابني هم

رؤيا. ضحكتني يله مو مهم خلي ننزل لا تكعد ترف

حمزة. اوك

حمزة. ماكدر اتجادل وياها هواي حته لا افقد اعصابي بس لو ابطل هلعصبيه كلشي ينحل
نزلنه جوة طبعا عمي وعمتي وسمر ميحجون وياي
صار العصر اخذت رؤيا وترف ورجعنه للبيت
رؤيا. نزلنه جوة ضلينه كاعدين نسولف وصار العصر رجعنه للبيت اول مدخلت عبالك البيت غيره صح نفس التصميم بس الاثاث ولون الحيطان كلش حلوة مغيره جذريا ابتسمت لا ارديا
بس من سألني بدلت ملامحي للبرود وجاوبته
حمزة. عجبج

رؤيا. مو مهم

حمزة. راح نبقه هيج

رؤيا. ع كولتك مادري😏😏😏

حمزة. اخذت ترف وصعدت للغرفه واني بعد مااكدر اتحمل اذا اضل اكثر راح اسويلي عركه ومالي خلك
رحت ضليت افتر ورحت ع جماعتي شربت نركيله طبعا من تزوجت رؤيا كمت اشربهه جنت اتخبل منهه بس احسهه مهربي الوحيد يعني بشنو راح تضرني لو تفيدني بس اهم شي اسوي شي
رجعت بليل للبيت جان اضلم ومابي صوت صعدت ع غرفه رؤيا فتحت الباب جانت نايمه ويمهه ترف

رحت ع ترف شلتهه وتمددت بصف رؤيا وخليتهه ع صدري
ماعرف ليش من اشوف ترف احس بشي مثل الراحه النفسيه الي ماعرف اوصفهه بس تنسيني كلشي اتمنه ابقه هيج حاضنهه واشتم عطرهه
بس ابقه بالنهايه اني الي ردت الروحي هيج

رؤيا. مثل مجنت قبل انتضره حته يجي بس كلعاده مرجع للبيت شربت ترف حليب ونامت واني هم نمت
كعدت بليل عطشانه
لكيت حمزة يمي وع صدره ترف منضره وبنته ع صدره يجنن اووف ليش سويت هيج بيه شلون ماكدر اذا مااسامحك بس اباوع عليك انسه الدنيه ومابيهه شلون راح اتحمل اتعامل وياك ببرود
شلت ترف من عده جنت مااتمنه اكعده بس مستحيل اتخله عن كرامتي مره ثانيه

رؤيا. حمزة كوم

حمزة. 😴😴😴

رؤيا. حمزة كوم عاد

حمزة. همممم

رؤيا. دا اكلك كوم

حمزة. ترف ترف بيهه شي 😲😲

رؤيا. لا مابيهه بس شو عبالك نسيت الاتفاق مالتنه روح نام بغرفتك

حمزة. بس هاي غرفتي 😴

رؤيا. حمزة كوم بلا لعب جهال

حمزة. خليني نعسان من باجر نبدي نطبق الاتفاق

رؤيا. ماكو كتلك من اول ماادخل للبيت وهذا الاتفاق

حمزة. حبابه رؤيا بس اليوم والله حيل تعبان

رؤيا. ماكو يله كوم الغرفتك

حمزة. اهووو دروحي😴

رؤيا. اووووف عافني ورجع نام اخذت ترف وطلعت رحت الغرفته نمت بيهه

كعدت الصبح ع صوت ترف دا تبجي شربتهه حليب
وضلت تباوع شويه 😂 رجعت نامت
نزلت جوة لكيته بالمطبخ دا يسوي اكل

رؤيا. صباح الخير

حمزة. صباحج اني

رؤيا. عود شنو هلثقه

حمزة. فديتني

رؤيا. شدا تسوي حضرتك

حمزة. دا اسوي اكل شدا اسوي

رؤيا. تره اشوف المن الاكل

حمزة. الي والمرتي

رؤيا. اهاا جيد

حمزة. بس ماسويلج الج دا اسوي اامرتي بس

رؤيا. اي تتهنه انته ومرتك

حمزة. اي فديتهه ام بنتي

رؤيا. ننننننههه😏😏😏

حمزة. لا تقلدين عليهه

رؤيا. اي احجيلك وياها

حمزة. رؤيا لا تحجين وياي بهلبرود والله اضوج

رؤيا. لا تعال اخذك بالاحضان

حمزة. رؤيا والله تغيرت بس لا تسوين هيج ولا تعصبيني تره والله من افقد اعصابي ماعرف شسوي

رؤيا. يله فهمني شسوي اسامحك وادوس ع كرامتي ليش مو بشر مو عدي كرامه تنازلت عليهه ع حجايتك الحب مابي كرامه وشفت شسويت هلمرة مستحيل

حمزة. صحيح بس والله وللمليون اكلج جانت غلطه ومجنت اعرف بروحي شدا اسوي وخلي نفسج مكاني وانتي حكمي

رؤيا. اي صحيح جنت راح اسوي مثلك بس مجنت راح اتبره من اطفالي ومااموت ابني بأيدي

حمزة. اووووووف وبعدين شوكت تنسين

رؤيا. ماعرف

حمزة. رؤيا صدكيني متندم

رؤيا. مااكدر اصدك بيك

حمزة. بعد ماعرف شكلج

رؤيا. لا تكول😏

حمزة. وربي عذاب الضمير موتني اريد اخلص اريد ارتاح اريد اعيش براحه اريد استقر بس شلون ياربي
شوكت يتصلح كلشي تعبت
غلطت صحيح بس ابقه هيج اتعاقب ع غلطتي وهم صحيح اني استاهل بس ماعرف شسوي بعد صارت😢
طلعت من البيت حته اكل مااكلت رحت ع اهلي جنت حيل محتاج ارتاح

حمزة. يمه تعالي شويه

امي. شبيك

حمزة. تعالي اريد احجي وياج

امي. يله

حمزة. كعدت امي خليت راسي بحضنهه

حمزة. يمه لعبي بشعري

امي. احجي شصار

حمزة. يمه تعبان اريد ارتاح

امي. من شنو شو انته الي عذبت البنيه مو هيه

حمزة. فدوة يمه لا تصيرين ضدي مثلهم

امي. مو الي سويته يمه مو قليل

حمزة. يمه تعبان اريد هذا الحمل الي ع كلبي يروح يمه رؤيا مدا تفهمني دا تتعامل وياي ببرود واني ممتعود عليهه هيج

امي. حبيبي مو سهله عليهه خسرت ابنهه

حمزة. ولج يمه هذا ابني هم ابني مو ابن الجوارين

امي. يا يمه تحملهه شسوي هيه تحملتك اكثر

حمزة. شسوي راح اتحمل بس يمه صبري مو مثل صبرهه ودا اصير عصبي اضطر اطلع من البيت حته لا اسوي شي اندم عليه

امي. اي لا تأذيهه حرام عليك بلا شي هيه نفسيتهه تعبانه من الولاده ومن موت ابنهه تحملهه شويه

حمزة. اووووف يا يمه يعني ميصير انام اني بالي مرتاح

امي. حبيبي اكعد واتفاهم وياها غير معاملتك الهه خليهه تحبك من جديد خليهه تتعلق بيك من جديد

حمزة. اوووف اوووف شو هيه حته ع بنتي متخليني اشيلهه البارحه نمت يمهه ع السرير اخذت ترف وراحت الغير غرفه 1

امي. ميخالف بعدهه جرحهه هستوه

حمزة. ماشي راح احاول شكد مااكدر

امي. اي يمه بس فدوة اروحلك لا تأذيهه

حمزة. لا يمه مكافي الي صار شنو مرايد روحي

امي. هههه اي يمه ع كيفك ويه البنيه

حمزة. ماشي يمه اني رايح هسه

امي. يمه وين رايح

حمزة. مادري اشوف يمكن اروح الجماعتي وارجع للبيت ماعرف راح ارجع للبيت بعدني مادري

امي. الله وياك يمه لا تضوج روحك

حمزة. انشالله يوم ديري بالج ع روحج مع السلامه

امي. الله وياك

__________

- لا تحطين بوجه نظراتي عثرة ؛
- انه اشوفن هندسچ بعيوني گمره ،💛 !