رواية احببتك انت الفصل العاشر 10 - بقلم ESRA'

#احببتك_انت
#جيانا
#نريد_وطن

اللهم احفظ عراقنا بعينك التي لا تنام 🙏
.
.
محمد:

ابراهيم .«انت صدك طلكت مرتك»
محمد .«قابل كذبت عليكم»
اسامه ّ«انت تخربط بحياتك بكيفك»
محمد .«لا تناقشون رحمه لوالديكم»
رزاق .«حقك بس خطوتك غلط فكر مرتك شذنبها ، لو مفاصخ لان شون اول تالي اخذت رنا ورح ابعدها واللي ابالك ما يصير»
محمد .«رزاق رنا امانه عندك ، صح اني وياها مو صفه ، بس هي ربت وياي ومثل اختي ما اسمحلك بيوم تجرحها»
ابراهيم ّ«لا تخاف محمد لو ما اعرفه ما اسلمه اختي»
اسامه ّ«يلا كوم عاد تأخرت على البيت»

طلعت صحت غيداء
محمد ّ«وينها بت عمتج»
غيداء .«بالصاله تنتظركم»

وكفت بالباب .«اسامه يلا كوموا»
اشرتله هي بالصاله
سلمت عليهم و صعدت غرفتي
حضرتلي كم شغله اخذها وياي باجر و نمت
دكلي الصبح المنبه ب6 كوة افتح عيوني
هستوني غلقته اتصل إحسان

غلقته و رجع اتصل فتحته
.«لك مو غلقته ليش تلح بعد»
احسان .«كوم افتح الباب عاد صار ساعه انتظر»
محمد ّ«امشي طير ولك خل انام شويه»
احسان .«رح ادفر بابكم و اخبل اهلك»
محمد .«خرب بصحبتك الزفرة نازل اصبر»

غلقته و كمت غسلت و نزلتله
إحسان .«لو متأخر شوي جان خبلتك»
محمد .«ليش انت اجيت اليوم»
احسان .«ليش ما تريد اجي😒»
محمد ّ«لان تثولني مكدر ابدل مثل الاوادم»

تركته و صعدت بسرعه غيرت لبسي
اخذت مستمسكاتي و الجنطه و نزلت
احسان .«لو مذكرني اجيب غراضك»
محمد .«ما يحتاج ، هيج اسهل علينه »
احسان .«هم تروح لـمرتك»
محمد .«لا نطلع بوجهنا للمطار»
احسان .«زين لعد اخابر عقيل يلحكنه لهناك»

طلعنه للنجف والطريق ازدحام
لحد ما وصلنه و اجه عقيل هي صايرة الـ9
طارت الطيارة بينه و تنقلنه مثل كل مرة
ننزل اول بتركيا يلا نروح اللندن

وصلنه خلينه الغراض بالشقه و توجهنا للجامعه
اخذنا دروس و مشينه مادة
علي هم اجا ورانه
رجعنه هلكانين هم سفر و هم دراسه
نمنه كلنه بلا اكل و تغيير
سارة ما خابرتها اليوم أبد
نمت قريب ال5 ساعات كعدت الفجر
طلعت شفت عقيل هستوة كاعد

محمد .«صباح الخير»
عقيل .«هلا صباح النور »

توجهت للمطبخ اشوف شكو اكل
ماكو طبعا يعني كلنه راجعين شنو اكو مثلا
رحت للحمام غسلت و طلعت صليت
اجه علي ّ«محمد تطلع وياي»
محمد .«وين رايح»
علي ّ«اجيب اكل ميت جوع»
محمد ّ«اصبر هسه ابدل واجي»
علي ّ«لا تبدل بسرعه نرجع البس شي ثخين بس»

طلعت كوت طويل وشتائي
هنا الجو بارد كلش
نزلنه للماركت بعدة ممفتح 😥
محمد .«وين نروح هسه هذا مكاعد بعدة»
علي .«امشي ندك الباب على الجيران»
محمد ّ«لا بربك هذا حل»
علي .«ميت جوع»

تركته و تمشيت لكدام لكينه كشك
حجيت وياه و سلمت و طبعا إنكليزي لأن ما يعرفون عربي ذولي
كدرت اخذ منه طماطه و خبز 😀
علي .«ناوي توكلنه طماطه»
محمد .«اسكت بالله ، متعرف بس تتشكه»
علي .«اني رجال جوعان هسه ما اعرف شي»
محمد .«صوجي نزلت وياك😒»

رجعنه للسكن كاعدين كلهم
محمد .«احسان ماعدنه بيض»
إحسان .«لا شوف مؤيد عندة بشقته»
محمد .«علي روح اسأله»
علي .«ما اطلع بعد»

محمد .«اني شمكعدني وياكم ارد افهم» عصبت
احسان ّ«رايح اني بس لا تكلبها هسه»

راح يشوف بيض واني قطعت الطماطه و حمستها ، طبعا اعرف اطبخ 🔥

اجه كال ما عدهم
كمت طبخت الطماطه كلها
سويت طماطه بالدهن وياها كركم و بهارات شويه طلعت خنفشاريه

كعدنه اربعتنه نسفناهه بثواني
كل واحد راح غرفته يحضر نفسه
سبحت و بدلت لبست رسمي اليوم
قاط نيلي و كوت شتائي اسود طويل
اخذت صورة ورسلتها لسارة حرشه 😅

طلعنه اني و عقيل توجهنا للجامعة
عقيل .«محمد احتمال ااجل السنه»
محمد .«ليش ولك حرامات يروح تعبنه»
عقيل .«مملاحظ هالسنه شكد تبهذلنه لحد الان
اني العايش هنا صاير انزل لأهلي كليوم و انت هم تنزل كل الفترة و دتخلص الاجازة ، خايف لو كملنه سنه التجي ننحجز هنا»

محمد .«شون يعني ننحجز؟؟»
عقيل .«يعني تخلص الاجايز مالنه ، لحد الان باقيلي 46 يوم وهاي لازم منا لحد ما اخلص دراستي يعني بعد سنه كدامنه واقضيهن بهاي الايام»
محمد .«هاي شون هيج اول مرة اسمع بهذا الشي!!!»
عقيل .«بارحه البروف خبرني ، طلب نقلل اجايز لأن هذا سلبي على السنه التجي و ما تعرف شنو ممكن يصير»
محمد .«هسه اروح للمدير اتأكد ، لو صح هذا القرار اروح بيها لان تعرف شكد انزل لأهلي»

دخلنه وعندي محاضرة ، التهيت ونسيت الوقت
اجو عندي اشراف من دكاترة خبيرين
طبعا اني استاذ بالجامعه انطي دروس انكليزي
بس دراستي ماستر رياضيات ✌
صعب بس ممتع جدا

اطمح اكون استاذ معروف
يصيحولي الدكتور ، البروف محمد
اطمح انه انزل منهج بإسمي واني اكتبه
ان شاء اللة احقق حلمي مبقالي شي بس خطوتين

قضيت اول اسبوع بين دراستي و بين طلابي
الولد وياي هم نفس الشي
حت كلامه قليل
نتواجد بالبيت على كد الاكل و النوم
روحي مفرفحه على سارة ولا اتصلت
واني هم من اخر موقف بعد ما اتصلت ابد
اخذ اخبارها من اسماء مرتين رايحتلها
حابسه روحها بغرفتها
تطلع بس على كد الشغل و تاخذ طلاب ثنين دروس خصوصي

لازم هالمرة اقضي 3 اشهر كامله هنا
لمرة وحدة خل التزم بالفترة بدون اجازة
امي زعلان عليها و ابويه قاضيها خفر بالمستشفى

الوقت احسه كوة يمشي
عقيل زرع براسي اترك السنه اني هم
بس تعبت لحد ما وصلت لهنا
و مصاريف كومه
طبعا الي حصه من شغل زوج عمتي بالبستان
و الفلوس مشغلها لهذا كدرت اقدم دراسات
بس طبعا حصه رنا و إبراهيم توصل كامله

غلقت الكتاب وكمت
عليمن فاتحه واني عقلي يفتر منا و منا
كمت طلعت الملابس غسلتهن
نظفت الغرفه و طلعت للمطبخ اسوي اكل
نزل عليه الواهس و الندارة اشو

فتحت الثلاجه مبيها شي
شون يبقى و علي افندي موجود
رحت بدلت و نزلت للماركت اتسوك
اخذت معلبات و اجت عيني على الفول السوداني
والله مال نسوي مثرودة باگله بالدهن😍
اخذت 4قواطي و اخذت غراض بعد
حاسبت و رجعت

بسرعه حميته و حضرت الزلايط
طبعا هنا ما يعرفون شي اسمه طرشي 💔
من ارجع لازم اكول لأمي تسويلي حافظه اجيبها وياي

كملت و صحتهم
دخل احسان رافع خشمه
احسان .«ولك هاي شطابخ!!!!»
علي .«بوياااي شنو هالريحه»
عقيل .«هاي شمسوي ولك ، شنو هاي الاكله»
محمد .«هذا اكل اوادم مو اكلك»
عقيل .«لا بروح ابيك شنو هاي الاكله»
احسان .«صدك ما تعرفها»
عقيل .«لا والله ما ماكلها»
محمد .«عمرك خسارة ، علي كوم جيب الحامض على الكاونتر»

خليت حامض صارت توب
اكلناها وكل واحد يمدح شكل
حسيت ام بيت و طابخه اول مرة 😅😂

___________ سارة تروي _________

اعرف دختو من محمد اخذكم حاصل فاصل😒

بعد ما خبرني انه يسافر و طلع من عندي
رجعت غرفتي واني افكر بيه
معقول صدك نها عقد السيد
اول مرة اسمع يصير طلاك بس سيد بدون محكمه!!
اندكت الباب .«تفضل»
ابتهال .«راح رجلج»
سارة .«اي تعاي دخلي طلع»

دخلت وبيدها علاوي
اخذته منها و خليت خشمي بركبته اخذت شمه
سارة .«يمممه روح خالتك انت»
ابتهال .«ههه يلا عجلي زواجكم حت تجيبين جني صغير منه»
سارة .«وين اعجل ابتهال ، محمد دراسه واني اريد اكمل»
ابتهال .«دتشوفين شون دتصير مشاكل لان مطولين لحد الآن»
سارة .«تعرفين طلكني😢»
ابتهال .«😱 صدك تحجين و ابويه يعرف»
سارة .«اووف ابتهال ما ادري هو ساعه كال فصخت وساعه يكول انتي مرتي ويفقد عليه»

ابتهال ّ«محمد يحبج مستحيل يتركج»
سارة .«الحب مو مقياس للأسف»

اخذت علاوي من ايدي نام
ابتهال .«هسه أسال مصطفى يخابرة يشوف شنو الموضوع»
سارة ّ«ابد ديري بالج تسويها ، يجي وهو يحجي ماريد احد يدخل بعلاقتنا ابد»

اخذت علوش و راحت تنيمه بفراشه
صار اسبوع خطيه متهجوله وياي
نيمته و رجعت يمي مددت نسولف
اخذنه الوقت لحد ما صار الفجر
كمنه صلينه و راحت لغرفتها واني هم اتجهت لفراشي نمت
صار ثاني يوم و محمد ولا إتصل بيه
بقيت انتظر اتصاله و هو ماكو
كتلها لابتهال ترجع خطيه تعبت وياي واني هم تحسنت بعد ، اجه اخذها مصطفى

بقيت حابسه روحي بغرفتي
انزل من يجون طلابي اشرحلهم ساعه و اصعد
امي اجت من بيت جدي بس ما تحجي وياي
حت ما كالتلي شون صرتي 💔

اسماء خطيه تخابرني
هي هم مثل حالي كله ابيتها ما تروح لبيت عمي زعلانه من عمتي و اموري خطيه كاضيها صخونه لان ديطلعله سنون
تكول بس يبجي وهي محتارة بيه

اليوم نزلت امي و ابويه بالصاله و جعفر هم كاعد يقرة يمهم
كعدت يمهم بس على الصامت
مامه تكشر فاكهه لبابه
حت ما نظرتلي اصلا ، والله مشتاقتلها

ابويه .«ها باباتي محتاجه شي»
سارة .«لا بس اختنكت وحدي كاعدة كلت انزل يمكم شويه»
ابويه .«زين تسوين هلا بيج»
ابتسمتله اباوع على مامه ولا عبرتنه 😢

جعفر .«سارة تطلعين!»
سارة .«وين تروح»
جعفر .«نفتر احس مختنك من الدراسه»
سارة .«كيفك ، معندي شي»

امي .«ما تطلع عندك امتحان😡»
نترت بيه خطيه انقهر
سارة .«شو تعال اشرحلك حت نخلص نطلع»
جعفر .«لا اني اقرة»

قهرني شون نترت بيه فشلته
كمت للمطبخ اشتهيت كيك سويتها و خليتها بالفرن ، مرت نص الساعه و طلعتها تجنن

قطعتها و وطلعت مشاريب ورحت لجعفر
سارة ّ«حت لو تخرب الطلعه هاي سويت كيك تعال ناكل»

باوعلي ضحك ، كعد ياكل و يقرة
عندة امتحان كيميه همزين ما قبل ادرسه جان تفشلت وياه كلش أكرها واني مو هلكد وياها 😅

صار المغرب فاجأني اتصال اسماء
الصبح جان تحجي وياي
فتحته .«الو»
اسماء .«اصبر ولك ، سورة نزلي بسرعه فتحي الباب»
سارة ّ«عزة انتي عدنه»
اسماء .«وج نزلي هذا خبلني»

نزلت بسرعه فتحت الباب
همزين لبست عبايه راس اسامه صار كدامي
دخلتهم للصاله باردة برة
اسامه .«اخابر رجلج اكوله مرتك وكفتنه بالباب»

سارة .«ههه بين ما نزلت غير»
اسماء .«شونج حب»
سارة .«هلا سومه بخير يروحي انتي شونج»
اسماء .«حمدلله مشتاقتلج كتله لاسامه وجابني»

سارة ّ«مشكور اسامه»
اسامه .«تدللين خويه ، يلا اروح ساعه واجي عليج ماشي»
اسماء .«ماشي الله وياك»
سارة .«لا لحظه شنو ساعه ما اقبل»
اسامه .«لا سارة امير خطيه يبهذلها»
سارة ّ«ما والله ، روح وتعال بعد ساعه حت تتعشون عدنه ما تقبل تتعشه ارجع بعد فد ساعتين😀»

اسامه .«هههاي خوش كلاوات ، يلا رايح اشوف شون واخابرها عود»

طلع و اخذتها صعدت لغرفتي
طبعا اكيد انه امي ما تطلع و تسلم عليها
وبابه طالع هم

دخلت وراي .«وج بذاته مشتاقتلج»
سارة ّ«اني اكثر والله زين اللي اجيتي»
اسماء .«جيت ارد اعرف شنو سالفه رجلج»
سارة .«اذا عرفتي عود كوليلي»
اسماء .«من اجاج شحجه»

سارة .«حماج جنني و طفر
مرة طلكتج و مرة بعدج مرتي ومرة تطلكين من اترس بطنج و مرة انتي مرتي بس قانون
هي براسي خيطين و حضرته ناوي يكطعهن»

اسماء .«خبال اي والله انتي وياه »
سارة ّ«من سافر لحد الان ولا خابرني»
اسماء ّ«اعرف ، ياخذ اخبارج مني
يكولي فقدت عليها و تجرئت اخاف تصدني»

سارة .«بجاني والله كل ما اذكر اكره روحي»
اسماء ّ«شسوالج ولج!!»
سارة .«فقد عليه ابوسته و تجرئ نزل على صدري .. محد لازمني من صدري ابد وهو تجرئ😭😭 كرهته لان يشوفني بس جسد»

اسماء .«دنجبي بالله عبالي شي افضع
ترة محمد مؤدب بالنسبه لاسامه بعدين حقه مخطا وياج بشي انتي زوجته فهمي هالشي»

سارة .«اعرف مرته بس اسماء صعب عليه»
اسماء .«هاي كلها اعذار منج حت ترضين نفسج لان انتي هم استسلمتي اله و لا تنكرين ما تجاوبتي وياه اللي فقد عليج»

سارة .«جايه تدافعيله انتي😒»
اسماء .«لا والله بس اعرفه شكد مشتاقلج
جيت حت اكول لجلالتج خابريه لان يحس بالذنب لهذا ما يتصل»
سارة .«ما عوفيه هيج»

هه ، خل يحس حت ما يعيدها
نزلنه للمطبخ احضر عشه وهي وياي
خابرت بابه وصيته يجيب مشاريب ويرجع اوكت
حضرت كباب طاوة و بيذنجان مكلي
نحضر و نسولف وامي ولا طلعت ابد كأنما مموجودة
كملنه نصبنه السفرة خابرت اسامه حت يجي يلحك
انتظرناهم بابه هم تاخر
لحد ما اجو ثنينهم يمكن ملتقين بالطريق
صعدت لبست حجاب مريح و نزلت تعشينه
سوالف و ضحك كلنه كاعدين حت جعفر

تذكرت لمه بيت عمي من رحت عدهم
هم جانت كعدة حلوة ، ناقصنه محمد
بقيت افكر بيه و صفنت نكزتني اسماء
باوعت عليها ابتسمت
هاي البت تعرف شفكر

كملنه و كفيت السفرة
خلصنه اخذت جاي و كلنه كعدنه بالصاله
اسامه اخذ صورة جماعيه و رسلها لمحمد غورة
ضحكني وحبيت طبيعه اسامه شون اخذ على الوضع ، مصطفى حت من تزوج ابتهال بقى يخجل من نكعد سوة بس اسامه اخذ ميانه😂

صارت الـ10 ونص كاموا يرحون
تشكرته لان جابها وغير عليه الجو
بالباب دنتسالم اجه خالو جميل
وياه احمد 😥
اسماء رأسا باوعت لاسامه اللي كلب خلقته
عرفت من تصرفاته يعرف احمد شنو و منو

سلمت على خالي و تجاهلت احمد
بابه دخلهم جوة بقيت اني برة
اسامه .«سارة تدخلين رأسا لغرفتج رجاءا»
سارة .«لا تخاف ما ادخل اني يمهم»
اسماء .«يلا اسامه»
اسامه .«صبري ، سارة اعتبري كلام محمد هذا و لا تدخلين ابد»
سارة .«ترة اعرف حدودي اسامه ، حت لو محمد مموجود اعرف شون اصون كلمته»

اسماء .«يعرف حبيبتي بس محمد لو يدري اجه يكلب الدنيا لان هو هناك»
سارة .«ترة هذا الاسبوع هو يوميه يجي
حت خالو سأل عباله اني مهنا لان ما انزل أبدا»

اسامه ّ«ماشي و هسه هم لا تنزلين ، يلا نروح
اي شي تحتاجين خابري اسماء لا تستحين»
سارة ّ«تسلم خويه رحمالله والديك»
اسماء .«يلا حبيبه تصبحين على خير»
سارة .«وانتي بخير عمري شكرا على الزيارة الحلوة هاي كرريها سومه»

ودعتهم و دخلت من المطبخ وصعدت
مانزلت بعد لثاني يوم
مضى اسبوع ثاني ومحمد ماكو
اشتاقيتله كلش
قبل لا اعترفله جان حت من نتعارك يخابر
هسه مجافيني حت برساله 💔

مضت ايامي بروتين عادي ممل
ولا طلعت من البيت
اسماء اجتني مرة ثانيه
ابتهال عدنه جمعه و سبت

تذكرت غيداء بعد معرفت اخبارهم
كمت راسلتها اشوف شلونها

_________ غيداء تروي ___________

قضت الايام ممله كلش
اكرم نازل للناصريه لبيت جدة
محمد مسافر
اسامه يجي وحدة بدون مرته
رنا راحت لبيت اخوها بعد ما شفتها

مرتين حاجيتها تجاوب بنشافه
امي مقهورة من محمد و سارة هم لان ولا اتصلت ويانه من يوم مهري ما شفتها
وامي مشافتها من يوم ما طلعت من المستشفى

اليوم نزلت من وقت
نظفت البيت كله سويته يلمع
خلصت و كعدت اقرة
طبعا عدنه عطله مال امتحانات بكلوريه

كاعدة على كتابي اقرة و اجه اشعار واتساب
فتحته شفت سارة ، هه شذكرها

(داخل المحادثه) :
سارة ّ«دودي موجودة!!!»
غيداء .«اي حب هياتني»
سارة .«شلونج ولج مشتاقتلج»
غيداء .«بخير حمدلله انتي شونج ليش كاطعه»
سارة .«ملتهيه والله بين بيت اختي وبين النوم و الشغل»
غيداء .«ما تجينه ولج حت امي زعلانه»
سارة .«من يرجع محمد اجي»
غيداء .«وج مطوله يعني»
سارة .«ما اعرف حسب رجعه اخوج»
غيداء .«افف ملل والله حت هم اسامه مموجود حت اكدر اجيج و رنا ابيت اخوها»
سارة .«شعجب رجعت رنا»
غيداء .«ليش ما تدرين رنا عقدت»
سارة ّ«شنو؟؟ منو اخذها !! محمد😨»
غيداء .«لا ولج محمد شكو ، رزاق ابن عمها»

طولت يلا ردت
سارة .«ها بلخير عليها الله يتمم انشالله»
غيداء .«ليش ما تدرين انتي ، بيوم العقد عرفت محمد جان عدكم !؟»
سارة .«يمكن كالي واني ممنتبها ، تعرفين جنت تعبانه من العمليه»
غيداء .«شون صرتي»
سارة .«بخير حياتي ، يلا اترخص وانتي كملي دراسه مبقه شي وترتاحين»
غيداء .«انشالله ، اخذي راحتج سورة»

عزة معقول محمد مرادها تعرف واني خربت
حت هم ما سئلت طلكها لو لا!!!
لا ما اعتقد كالت تجي من يرجع
محمد يطول هالمرة يمكن
مسمعت لحد الان رح يرجع
خرب راح واهسي من التفكير

رحت لأمي .«يمه كومي نطلع فدوة مليت»
امي .«كعدي اقري بلا كسل»
غيداء .«عفيه حبابه والله كتئبت»
امي .«اقري هسه والمغرب نروح بيت اخوج نشوف امير شلون صار»
غيداء .«خل نمر لسارة هم »
امي .«لا من يرجع اخوج شوفيها»

اففففف ، بالله شكول وحدة متزوجه اني
لا اهلي موجودين و لا رجلي موجود
قبل لا اعقد ولا يعوفني عدا الايام الي اخذ بيها محمد التلفون جان كلشوي يخابر
شجاهم هيج يتغيرون من يضمنونه 

صعدت سبحت و كعدت اقرة للـ8 يلا عفت الكتاب متت نعاس ، لفيت راسي ونمت وحت طلعه ما طلعت

________ رنا تروي _________

رحت لبيت اخويه وي رزاق و إبراهيم
للصبح يلا وصلنه لان طلعنه بالليل للبصرة
طول الطريق ساكته ومانطقت حرف واحد
رزاق يحجي وي إبراهيم يلهيه حت ما يغفي
4 ساعات و وصلنه
رزاق كال اروح لبيت جدي الليله
هه هو صبح هسه يا ليل بالله
هم ما حجيت وياه و ولا اعترضت
وصلنه ابراهيم و راح البيته اللي يبعد مسافه قليله عن بيت جدي
دخلت و البيت هادئ الكل نايم
جانت ساعه 3وشويه
بعدة الضوة مطالع ، صعد كدامي فوك
اندار عليه كال تعاي صعدي
صعدت وراه ع الساكت
هاي اول مرة ابات هنا ولا ابقى عدهم أني
دخل غرفته واني بقيت بهول الفوك
طلع مبدل ، توجه لغرفه فتح الباب ودخل
بقيت بمكاني هم ما تحركت
طلع كال تعاي رنا بلسم كعدت
طلعت وراه بنيه عمرها مبين قريب الي اذا مو اصغر مني شوي
حلو شكلها جان تقدمت عليه كالت تعاي تفضلي
دخلت لغرفتها شفتها حلوة مرتبه

رزاق «اخذي راحتج هنا ، نامي والصبح اخبرهم انتي اجيتي وياي»
رنا .«خلي ابالك تريد ابقى بالبصرة ترجعني بيت اخوي ، هنا ابيتك ما ابقى»

رديت عليه بحديه عصب
تقدم سحب ايدي قوي .«بدينا بالعناد»
رنا .«اترك ايدي اذيتني»

فلتها و دار وجهه .«بلسم شوفي مرت اخوج شتريد و تعاي لغرفتي شوي»

تركنه وطلع غرفته
حقير شكو جابني لها هسه ناقصتهم اني
ابتسمت بوجهي وكالت اخذي راحتج
اني هم ما جاملتها
خليت غراضي و فتحت الحجاب غيرت ملابسي
طبعا اني متعودة ملابسي مال النوم تختلف عن البيت ، طلعت تراك بجامه و بدي تعلاكه و قميص

بدلت و بلسم عيونها عليه
حسسنني كائن فضائي
استمريت بتجاهلها و كملت
فتحت شعري و انداريت عليها
رنا .«هنا انام ؟؟»
بلسم .«اي هسه اجيب فراش من غرفه رزاق»

اشرتلها اي و طلعت
رحت على القنفه يم الشباك كعدت
باوعت من الشباك بدة خيط الفجر يبين
شبسرعه رح يطلع الضوة
بقيت افكر لحد ما نمت
حسيت اجه رزاق شالني للفراش بس ما بديت حركه انه حسيت عليه
غطاني و طلع متيبسه بمكاني
ملابسي و شعري فاتحته هاي اول مرة يشوفني هيج
غطيت بنومتي بعد ما حسيت على احد
كعدت الضوة ضارب بوجهي
متعودة انام بغرفه ظلمه هندس
غطيت راسي ارد اكمل نومي سمعت الباب انفتح وصوت خطوات
شوي و توخر الغطه بقيت مغمضه

رزاق .«هه وتريد اعوفها واني كوة محتمل»
سمعته وهو يدردم وي روحه عليه 😒
رزاق .«رنا ، كومي يلا صار الظهر .. رنااا ، وج كومي رح تصعد امي ، خبال كومي»

فتحت عيني على كيف شفته عصب
كمت لميت نفسي و سحبت القميص لبسته بهدوء حت ما اظهر خجلي كدامه
مسح وجهه و حجه .«لا تنامين هيج بعد يروح يدخل واحد من الولد بدون ما ينتبهون»
رنا .«معليك لتتدخل»
رزاق .«مرتي واتدخل غصب عنج ، يلا كومي بدلي دننزل»

عفته و كمت دا اطلع جر ايدي
رزاق .«وين موليه هيج»
رنا .«ترة لعبت نفسي ، رايحه لجهنم شعليك»
رزاق ّ«بلا خبال اخواني هنا ستري نفسج و طلعي😡»

افف هسه صار شريف براسي
بعدت ايدة ورحت لبست صايتي و الشال و طلعت هو بقه يسب و يلعن

غسلت و رجعت بعدة بالغرفة
رنا .«رجاءا اطلع برة ارد ابدل»
رزاق .«بدلي منو يمج ، طلعه ما اطلع»
رنا .«ترة مليت فارض روحك كوة بحياتي افهم ما اريدك ما عندك كرامه انت»

كتله هيج لو علن موتي
كام ضربني راشدي فرة لوجهي
حتقنت الدمعه بعيني بس حاولت ما نزلها كدامه سحب شعري حسيته تكطع بيدة
رزاق .«اراويج الكرامه شون تصير»
يحجي بعصبيه و صوت ناصي حت محد يسمع

رنا .«لو عندكياها ما تبقيني دقيقه على ذمتك»
رزاق .«صح المفروض اقتلج من البدايه»
رنا .«رح اكون الممنونه لو تنفذ هالشي»

ديرد و دخلت بلسم ، ترك راسي وكام
رزاق .«كومي بسرعه تجهزي ، بلسم بس تخلص صيحيلي»
بلسم .«ماشي»

طلع و بقت بلسم بالغرفه
كمت مسحت دموعي و بدلت ملابسي
حقدت على محمد و خالي قاسم
هم السبب باللي اني بيه ، حت إبراهيم شريكهم

كملت طلعت صار بوجهي
جر ايدي و نزلنه تفاجأوا بيه هنا
الله لا ينطيك على هذا الموقف
سلمت على جدتي و جدي و مرت عمي
سلمت عليه ابرود متفاجئه وجودي

رزاق .«جدي شني ما بلغتهم»
جدو ّ«لا والله ردت انت تبلغهم و تفرحهم»
عمرت عمي .«شسالفه رزاق»
رزاق .«يمه بارحه عقدت على رنا وصارت مرتي»

جدتي .«شنو ولك عقدت ، مظفر ليش ما بلغتني»
جدو .«رحنه مشيه زلم ، انتي شكو ابلغج»
رزاق .«جدة هسه عرفتي مو مشكله»
جدتي .«يمه رنا انتي قابله»

مرديت عليها ، ما بيه حيل يتخبل عليه هذا
تركتهم و دخلت للمطبخ
بلسم .«محتاجه شي رنو»
رنا .«اريد ملح احس ضغطي ديهبط»

جابتلي اكلت شويه
للعصر بقيت عدهم
جدتي تعاركت وي رزاق لان ممخبرهم
اني كاعدة على الصامت اسمعهم يتصايحون
اجه ابراهيم وهم اكل رزاله معدله من جدتي
كلهم يستاهلون حيل بيهم

طلعت وياه اروح بيتهم
صاحلي تاففت .«شكو شتريد بعد»
رزاق .«انتي ما تعرفين تحجين عدل مو»
رنا .«صحت حت تسأل هذا السؤال»
رزاق .«لا طبعا ، تحضري نطلع باجر نشتري الذهب .. نبدي نحضر حت نعرس بسرعه»
رنا .«لا اطلع و لا اوصل ، مرى الك ما اكون»

تركته و طلعت صعدت وي ابراهيم
طلع وراي شايط من العصبيه

مضه شهر واحنه حالنه أسوء
بس صياح و عراك اني وياه
اطلع حت نجهز عود بس اسويها عليه مصيبه
دائما يعصب يرجعني بالسيارة يقفلها ويروح هو يشتري و يجي
ما أنكر مرات انقهر عليه بس شذنبي أني
كاعدة افكر وطفرت براسي فكرة 😈

صعدت لغرفته انتظر يجي
شوي وصعد شافني بالغرفه تفاجأ
هه شحدك ترفض طلبي

رزاق .«شو هنا محتاجه شي»
رنا ّ«وذا جيت مو غرفه رجلي»
رزاق .«اعرف عندج شي احجي شكو»
رنا .«عندي شرط من غيرة ما اتزوج»
رزاق .«تحفينا ست رنا شنو الشرط»
رنا .«اخذني اللندن اريد اختار منهناك ثوب عرسي»
رزاق .«طلبي اي مكان غير لندن اوديج»
رنا .«هذا طلبي ما يعجبك انسى العرس»

تركته و طلعت واني اتوعدلهم بمصيبه
اعرفه رح يقبل اذا مو اليوم باجر
اعرفه ميت على العرس بس مهما يصير ما ينولني ابد
رحت غرفتي اللي صارت مقابيل غرفه بلسم
انتظرت عبرت ساعه و ما اجه
معقول مرح ينفذ طلبي!!!!!!!!!!!!

بقيت افكر و نمت
كعدت الصبح تذكرت هنا نمت عدهم مرجعت بيت إبراهيم

رحت الحمام غسلت وجهي و طلعت صار كدامي
شحت عنا دا افوت جرني لطشني بيه
حجه بهدوء وياي .«وين صباح الخير»
رنا .«صباح الخير ، وخر يلا😏»
رزاق على نفس الهدوء .«طلعي جيبيلي جوازج حت اخذج ونسافر»

رنا .«هه كتلك ميت»
فلتت نفسي و طلعت رحت لغرفتي اخذت الجواز وديتياله
اخذة و طلع راح يسويه
واني بقيت احوك بخطتي اللي رح انتقم بيها
ايام قليله تفصلني عن تحقيق انتقامي
وروح ابوي ما خليكم تتهنون

رجع رزاق العصر كال حجزت
هيج بقه بس التنفيذ و هذا سهل
صار الصبح طارت بينه الطيارة
دخت شلون اطلب منه ننزل بشقه محمد!!!!!

___________ محمد يروي ________

.
.
مرت اسبوعين ثانيه وهم نفس الروتين
صار شهر و اسبوع احنه هنا
اليوم احسان ينزل لأهله
إيلاف محترگه بمي الحار و حالها مخطر شوي
ردت ارجع وياه ما رضى
تالي نزل وياه علي
بقيت اني و عقيل وهم كملنه كأنما هم بعدهم
شغل و دراسه تعب
مرا انقهر على عقلي خطيه بس لازم اوصل

طلعت الصبح للجامعة
هالمرة صدك كرهت الدوام
مشتاق لسارة بكد زحمه الحسين
وهي ولا خابرت ابد
تواصلت وي غيداء حالها هم من الملل طاك
كتلها تكول لاكرم يتصل عليه
بنص المحاضرة و دگ 😒
استاذنت منهم دقيقه و فتحته
.«يا هلا بالنسيب»
اكرم .«هلا بيك حمودي شلونك»
محمد .«هاي وين مختفي»
اكرم .«والله نزلت للناصريه عمي تعبان شوي»
محمد .«هاا سلامته ، عود كلت نشوفك»
اكرم .«ليش نزلت بغداد»
محمد .«لا والله بعدني حت هسه بنص المحاضرة و الوادم جاي تبسبس عليه😄»
اكرم .«ههههه مو غيداء كالت خابر محمد يريدك ضروري»
محمد .«اي صح ، بس هسه عمك خطيه ناجل السالفة»
اكرم .«كول شنو»
محمد .«تعرف قربت امتحانات غيداء كلت تجون لندن شوي تغير جو بالبيت ملل تكول»
اكرم .«بربك شايف طالب سادس يطلع يسافر»
محمد .«اي هاي اختي 😂»
اكرم .«خل اشوف عمي منا لليل اردلك خبر»

سلمت و غلقته والقاعه صايرة حمام
هدئوا و كملنه الدرس بألف ياعلي
الواحد هم يمل يوميه نفس الشي
بالليل خابر كال جايين
رزاق خابر نفس اليوم كال رنا طلبت تجي لندن
كتله تعالوا وي بيت اختي

عقيل عرف اهلي جايين كال يروح لبيت مؤيد
يومين و اجو واكيد استقبلتهم
اخذتهم للشقه همزين نظفنه
دخلوا الشقه ارتاحوا

حسيت رزاق متضايق من الوضع
للعصر اخذت غيداء فريتها و ما كلت لرنا
رجلها موجود مو لازم اخذها
اكرم هم اجه ويانه
تونسنه خوش ونسه وهو حلو بالسفر خفيف

وتعرفون شغل النسوان كلشوي داخله شكل محل ، ما منعناها خطيه فرحانه
هم اخذت منا فساتين لحفلتها
اخذت فستان لسارة تحفه خيلت عليه

هم مو رخيص فلوسه هم تحجي
فرحت بيه تخيلته عليها يجنن
لو تلبسه اسوي بيها طركاعه واعرس رأسا
اكرم خطيه تعب و هاي المفعوصه ولا يمها
رجعنه اني و اكرم منتهين وهي ابد

رنا هم طلع ماخذها رزاق ورانه و طالعين
ماخذلها فستان العرس ، رجعنه جانت دتضمه يالجنطه
محمد .«ها رجعتوا»
رزاق .«اي بس اخذنه ثوب العرس و تعشينه وجينه»
اكرم .«لو منتظرين جان تعشينه كلنه»
رزاق .«كلت محمد وياكم اكيد ما يرجعكم هيج😄»
محمد .«ردت اعشيهم والله ، غيداء كالت رنا وحدها خطيه ف رجعنه»
اكرم .«يلا عادي امشي نروح نجيب ونجي»
رزاق .«امشي اطلع وياكم»

تركنه البنات بالشقه و طلعنه بعد ما وصيناهم ما يطلعون ابد

مضت اول ليلتين عادي
حت رنا تحجي عادي وياي و تعاملها وي رزاق زين .. بالليل كاعدين خابرت سارة!!!!

تفاجئت شعجب تنازلت و خابرت
صار قريب الشهرين وهي ماكو
فتحت الاتصال و دخلت غرفتي
محمد .«يا هلا بمريتي»
سارة .«ههه هسه عرفت مرتك مو؟»
محمد .«اذا مخابرة تتعاركين كولي حت اهيئ نفسي من البدايه»
سارة .«اي اريد اتعارك ، فهمني شنو هذا الشي السخيف اللي وصلي هسه؟؟؟»
محمد .«واني شمعرفني شنو و صلج 😒»

سارة .«روح افتح واتساب دزيتلك
تريد تلعب العب براحتك بس اول انهي زواجنه»

غلقته؟؟؟؟؟؟ هيج بس!!!!!.
فتحت واتساب صورة اني و رنا😨
و محادثه لغيداء و رنا وي سارة ؟؟

شسالفه ؟!
             (داخل المحادثه رنا و سارة)
رنا .«سلام سارة اني رنا اكيد تعرفيني
دخلتلج حت ابشرح رجلج صار الي و ملكته
هسه دورج ادا عندج كرامه انفصلي عنه افضل
لا تتوقعين اتركه الج بشي يوم
سارة .«لا تجذبين ، محمد مستحيل يأخذج و يسويها اعرف بيج تزوجتي لا تلعبين عليه»
رنا . رسلت صزرة وهي بغرفه محمد و محمد نايم على سريرة صورة هي وهو 😐
.«هذا هو ، وبعد بكيفج تصدكين او لا😉»
                    (انتهت المحادثه)

محمد:
بقيت صافن شنو هذا الحجي شنو الصورة
بارحه رنا و غيداء نامن بغرفه علي و رزاق و اكرم بغرفه إحسان
واني بغرفتي وحدي محد دخل شوكت اجت هاي للغرفه!!!!
طلعت من الصور فتحت صورة محادثه غيداء

               (داخل المحادثه)
غيداء ..«هلو سارة ، اسفه على هذا كلامي
بس احنه صار يومين بلندن و تزوجوا رنا و محمد ، لهذا ارجوج انفصلي عن محمد بعد خل يعيشون حياتهم بهدوء لاحظي من دخلتي عائلتنه وهي تحولت جحيم ، طلعي منها بهدوء لان هالمرة اني اللي اوكف بوجهج»
سارة .«شبيكم اليوم وياي!!! غيداء لا تلعبون هيج و تدمروني ، اثق بمحمد ما يسويها»
غيداء .«مكفت الصورة من رنا تردين ثانيه»
سارة .«شي واحد اكوله ، الله ينتقم منكم»

                ( انتهت المحادثه )

محمد :
بقيت صافن!!
حقها تصدك يعني اذا اختي هم هيج
حاولت اسيطر على اعصابي و طلعتلهم هم بالصاله
محمد .«رزاق مدام باجر ترجعون اخذهم و فتروا خطيه اخر مرة»
رزاق .«اي ليش لا ، يلا كوموا تحضروا»
غيداء .«لا عفيه شو اليوم ظهري ياذيني بارحه فترينه هواي محسيت اليوم هاج عليه»
محمد .«ابقي غيداء حت تكويلي ملابس قبل لا ترجعون😄»
اكرم .«ههه اشبع بدلال مرتي لآخر مرة»
رنا .«اني هم مبيه اطلع»
محمد .«لا ليش روحي فتري شوي»
رزاق .«يلا رنا كومي تحضري ، اكرم هم تجي ويانه»
اكرم .«مرتي و ما تروح ليش اجي ، اخذوا راحتكم»

وهيج طلعت رنا من الشقه
اكدر انفرد بغيداء
الله يحبها لو تحجي الصدوك
لان ناوي اجنزها لو الرساله حقيقيه

طلع رزاق و رنا راحت مجبورة
اكرم كاعد بالصاله و غيداء يمه
رحت قفلت باب الشقه و رجعت كعدت مقابلها

محمد .«غيداء اني شنو بالنسبه الج»
غيداء .«ههه شبيك تسأل»
اكرم بقه صافن مركز وياي
محمد .«رديلي حت اكولج شنو السبب»
غيداء .«انت اخويه و ابويه تعرف غلاتك»
محمد .«زين ، اراويج شي هسه
اذا نكرتي او ما تحجين الصدوك مستعد اموتج بصفتي ابوج و محد يشفعلج»

اكرم .«وترتني الي النوب ، شنو غيداء مسويه شي اللي هيج معصب»
محمد .«اصبر اكرم ، لا تتدخل»
غيداء .«اي مستعدة اكول اذا اعرف ، تعرف انت ما اكذب عليك وحت من حبيت اكرم كتلك»

طلعت التلفون و راويتها المحادثه
محمد .«فسري غيداء لان على شعرة من الجنون هسه اني»

اخذته تقرة الحجي مبينه متفاجئه
اخذت جوابي من البدايه مبين متعرف

غيداء .«محمد مستحيل اوصل هالدرجه وياها
والله هذا كذب و اذا ما تصدك شوف تلفوني»

مدتلي تلفونها اخذة أكرم
اكرم .«صبري غيداء ، محمد اني اضمنها مو هي»
محمد .«هذا اسمها اكرم»
اكرم .«بارحه اجاني اشعار تسجيل دخول للتلكرام من جهاز جديد لان حساب غيداء عندي مفتوح ، السالفه لعبه»

غيداء ّ«محمد احلف بستري و عافيتي مو اني
حتى مالي غايه اسوي هيج ، اعرف سارة تحبك بعد ليش ابعدكم من بعضكم»

اكرم .«شوف ماريد اتدخل بس متأكد السالفه من بت عمتك هي مسويتهن وخاله غيداء بالنص حت تشك بيها و تسألها لان تعرف طالما رزاق هنا مرح تحجي وياها انت»

فكرت بكلامه صحيح
غيداء .«لا تدوخ ، بس ترجع اني اشوف بتلفونها»
محمد .«غيداء الصورة سارة دازتهن ، بالي عدها تعرفيها من تفقد تاذي روحها»

اكرم .«شوف ، اعرف هي بعدها مرتك
بس خل تجي رنا و نحجي كدامها عن سارة
و انت كول طلكتها بعد وكل واحد طريق
خل نشوف شنو رح تسوي »
غيداء .«اي محمد تعرف رنا متضبط مصايبها»

اخذت التلفون و دخلت لغرفتي تركتهم وحدهم
اعرف اكرم يريد يسألها هم
اخ رنا شسوي حت اخلص منج
تزوجتي و ما كفت مشاكلج عني

ساعتين و رجعوا
رزاق جايب وياه عشه
كعدنه بالمطبخ كلنه سوة نتعشه

محمد .«ليش جبت وياك ، كلت اطبخلكم اخر يوم ادللكم شوي»
رزاق ّ«هههه تعلمت على الشغل»
محمد .«رجال اعزب وبنص زلم لازم اتعلم»
غيداء .«تزوج بسرعه حت تجي سروش تطبخلك و تداريك»

محمد .«ليش ما تعرفين انفصلنه »
غيداء .«هئئئ شنو 😱»
ههههه ضابطتها .«اي قبل لا اسافر طلكتها»
رزاق .«يعني جنت جدي من حجيت يوم العقد»
محمد .«شبيك انت و اسامه عبالكم لعبه»
رزاق .«لا بس هدوئك وهمنه»
رنا .«اي اكيد يريد يرتاح ، متعرف مرته شنو»
محمد .«شبيها مرتي ست رنا»
رنا .«هه مبيها بس يكفي خربت حياتي»
رزاق .«شدخلها البت ، شفتج و خطبتج هي شكو بالله»

رنا ّ«ماشي ، محمد طالما سارة مموجودة اني ابقى حت اداريك»
رزاق .«وانتي شكو 😡»

صاح بيها ، وضحت هي اللي مسويتها
رزاق رزلها و طردها للغرفه
اكرم اشرلي ما احجيله
وكأني رح اسويها يعني
غيداء كترت الماعين ورة ما غسلتهن
و راحت تلم غراضهم الصبح الطيران
دخلتلها للغرفه و رنا امددة بفراشها
محمد .«غيداء هذا الفساتين اخذيها وياج»
غيداء .«شسوي بيها😨»
محمد .«اخذتهن لسارة عجبني اشوفهن عليها»

رنا ّ«مو طلكتها بعد شعندك تاخذلها»
محمد ّ«انتي غبيه فعلا ، اطلكها و اني عاشگها 7سنين 😏»
رنا .«هه تحبها وهي تحب غيرك وين رجولتك»

فورت دمي رحت عليها ضربتها
غيداء تبعدني عنها واني ارجعلها ما رحمتها
محمد .«دبسز ، عبالج ما اعرف سوالفج شمسويه وياها ، عبالج تعبر عليه حقيرة»

دخل رزاق جرها من ايدي و اكرم بعدني
طلعت من الغرفه افور منها
محمد ّ«اني اربيج عدل والله اموتج»
صحت عالي و سمعتني
هدئت شوي بس بقه فكري عند سارة و حالها
دخلت غرفتي و بعد ما طلعت
من التفكير صار عندي صداع حاد

نمت بالف يا علي كعدت غيداء تصيحلي
كمت غسلت صليت بدلت و طلعت وصلتهم
و حرف واحد ما نطقت وي احد

_____________ رنا تروي ____________

صار اللي ردته
و رحت لندن و نزلنه بشقه محمد
جنت خايفه من اللي رح اسويه
بس تشجعت انه لازم انتقم
اعرف لو مهما كان رزاق بعد ما يتركني
ارد انتقم من واحد واحد منهم
ما ابدي حياتي واني مفرفحه روحي

اول يومين قضيتها بهدوء لحد ما دبرت رقم غيداء و كدرت افتحه وهاي اول شغله سهله
بقه عندي الصورة
العصر طلعت وي رزاق اخذت فستان عرسي
اكذب لو كلت ما عجبني
اخذة رغم غالي بس ما كالي لا ابد
هو هم اخذ قميص تركواز مقفل
ساحت روحي عليه كلش لطيف
لو اكو نسائي جان اخذت
و بما انه لازم ادك ناعم وياه
اختاريتله قميص سمائي هم حلوة مال قاط
كال يلبسه بالعرس ، مهتميت عادي

بقينه نفتر و تونست كلش هالطلعه
ولا عصب عليه او سمعني كلام يغث
تعشينه و رجعنه محمد جان نايم
استغليتها للفرصه و دخلت لغرفته بالتسحب
حان امدد بفراشي و اني كعدت يمه
اخذ صورة وهو مبين وراي
رأسا طلعت خفت انكشف و اروح بيها
رحت غرفتنه و راسلت سارة
متت من بقت واثقه منه انه ما يسويها
لحد ما قنعتها راحت طاقتي
حولت على رقم غيداء هم راسلتها و حذفتهن بسرعه و غلقت الحساب

اول ليله انامها مرتاحه
و ممتخيله الوراها رح تكون جحيم
ولا متوقعه سارة تتجرئ و تخبرة
ضربني محمد و غيداء تبعدني عنه و ما تكدرله
دخل رزاق جرني راسا خليت راسي بصدره

بقيت هيج لحد ما هدئت
و محمد هم سكت برة
ابتعدت عنه و عدلت نفسي
بقه ساكت و ما حجه شي هو
منتظرة هو هم يعارك ما سوة شي

رنا .«بس ردت انتقم منه ، يمكن تتعجب من الطريقه بس مكدرت .. هاي اني هسه تكدر تتعارك مدام بعدة الجو يساعد و حالي هم»
.........
رنا .«لا تبقى ساكت رزاق ، احجي و صيح عليه اعرف استحق بس ردت ارتاح»
.........
صعدت عندي كمت اصيح ّ«كافي تلعب باعصابي و تبقى ساكت ، ارجع رزاق اللي بكلشي ما يعجبه يضرب هذا انتو هيج لا تتغيرون بعد ما خليتوني هيج أصير»

رفع عينه بعيني .«صوتج ما سمعه ، خلصي غراضج باجر ورانه طريق طويل ، تصبحين على خير»

طلع!!!!! بس هيج؟؟؟؟
مو مهم ، مو مهم ابدا
رنا انتي سويتي الصح ، وانتقمتي
خلص مو مهم الباقي
حذرته ادمر مرته و نفذت وهذا هو انتهى
لميت الجنط و نمت بدون صوت

الصبح تحضرنه و رحنه للمطار
الطيارة ساعه 11 واحنه من 7 طالعين وبدون أكل ، حسيت ضغطي هبط
اتكيت على رزاق .«لا تهدني رح اوكع»
حاوطني بيدة وما حجه وياي
كعدت يم غيداء و راح بعيد
شوي واجه بيدة عصير برتقال

رزاق .«هاج شربي و بالطيارة اكلي عود مبقت بس نص ساعه مالحك اطلع اشتري شي»
رنا .«شكرا»

اخذته اشربه و اباوعله خطف
احس هدوئه وراه كارثه ، اعرفه يغار
صار الوقت و سلموا على محمد و طلعنه
هو رجع ، صعدنه الطيارة و طارت بينه
نزلنه بطار البصرة و غيداء رجعت لبغداد وي اكرم اللي تفاجئت بيها متزوجه و اني ما ادري

دخلت لبيت جدي دا ادخل الاستقبال جرني رزاق من ايدي حيل و مشه كدامي
مرت عمو و جدتي سلموا عليه و ما ترك ايدي
بقه يضغط عليها و عرفت رح يحاسبني هسه

سلم على اخوته و صعد واني وراه ساحلني
ايدي اذتني جوة ايدة
دخل غرفته و شمرني داخلها
قفل الباب و كعد مقابيلي
نظرته مو خير ابدا
رزاق ّ«اي ست رنا .....

___________ سارة تروي _________

ما اعرف شون قضيت الوقت و ما جنيت
معقول محمد يخوني
لا مستحيل يسويها واثقه هاي لعبه
شنو نايم وهي يمه ، شنو ملكته ، شنو طلعي من حياته .. ياربي لا تختبرني هيج
والله اصعب شي هو الخيانه
مو احترمت حبه الي و ابتعدت عن أحمد نهائي و قسمتله ما احجي وياه
معقول هو مستصغر حبي و ما يكدر

الشك و الغيرة اكلت راسي
خابرته و تعاركت و رسلتهن وهم احس بعد
قهر بداخلي يغلي
صار شهرين ما رفع تلفون و كال شلونج
تالي اشوفه بهالمنظر السخيف

راسلتني إيلاف و سألت عنها شون صارت
تطرقنه بالموضوع لاخوها وعرفت صارله اسبوع هنا بالعراق !!!!!!
يعني صدوك رنا وي محمد وحدهم 😭
سئلتها اتأكد هو هنا منشوكت وكالت 6 ايام
يعني بيتهم هناك فارغ لهذا هو ماخذ راحته!؛
لا خلص بعد ، إنتهى جديا
لازم احط حد نهائي ما بيه طاقه ولله

حاولت يومين اكون اهدى ما عندي
كل ما يجي براسي اطردة بأي طريقه
الأربعاء كاعدة بالحديقه و منزله الحاسبه العب
ندكت الباب تفاجئت منو يجي هيج وقت
كمت فتحتها طلعت أسماء و غيداء!!!!!!!!

سلمت على سماء بس
غيداء .«يمه سورة زعلانه مني!»
سارة .«تفضلي سومه هلا بيج»
غيداء .«بس هي سارة؟؟»
باوعتلها و سكتت ، دخلت للحديقه و هم هم
اسماء .«ليش هنا كاعدة الجو بدة يبرد»
سارة ّ«مو مهم ، يكفي روحي دتحترك»
اسماء .«شصاير ولج!»
نداريت على غيداء .«شصاير!!! ليش غيداء مكالتلج خبر زواج رجلي............

انتهى ......

الكاتبه :اسراء الخزرجي
GEEAANA ❤

👇 فوت حلويني