رواية احببتك انت الفصل الرابع عشر 14 - بقلم ESRA'

#احببتك_انت
#جيانا
.
.
- آلزلمة اليستر عليج أعتزي بي 💙💙-
.
.
11:11
بديت بهالفصل و جذبتني الساعه ❤
.
.
محمد :
محمد .«لو فرضا هسه طلبت منج تسلميني نفسج تنطيني؟؟ واحنه بهذا حالنه بس خطوبه»

شهالسوال؟؟؟ اصلا شون فكر بيه
سارة .«انت ترضاها عليه؟؟»
محمد .«عوفج مني ، تنطيني؟»
سارة .«انت مو تعرفني ! مفروض تعرف جوابي»
محمد ّ«يعني لا؟؟»
سارة .«هذا الشي منتهين منه»
محمد .«زين واذا جبرتج ، تنطيني ؟»

ركزت عينها بعيني و الدمعه مشكله بالحافه
بلحظه تنزل .. بقت تنظرلي لحد ما صدت نظرتها عني
اخذت نفس و كالتلي و هي تنظر بعيد عني

سارة .«شوف ، ثقتي بيك ثقه عميه
عندي احساس انه مستحيل تسويها و تطلب
بس حت لو صار و طلبتها
رح اكرهك كره مواصله بشر بهالكون كله
مراح امنع نفسي عنك لان اعرف اني زوجتك شرع و قانون بس بوقتها رح تخسرني كـ زوجه مُحبه الك»

محمد .«يعني!!!!! تسلميني روحج»
سارة .«اي اسلمك بس 😭
بس لا تكسر هاي الثقه اترجاك .. محمد لو مخطط لهالشي تراجع عنه
شوف من ابات عدكم ابقى يمك لان اعرفك انت تصوني حت من نفسك .. واجيت لهنا وياك رغم اعرف عمتك ما تحبني و ممكن انه تسمعني كلام بس ما خفت لأن اعرف بظهري رجال »

نزلت دموعها بعد ، سحبتها لحضني
شدت عليه هي هم 
بست راسها و بعدتها مسحت وجهه

محمد .«لا تخافين رويحتي ، مو اني اللي اطلب هالشي هسه ، صح اكولج مرتي بس هم اعرف حدودي ... سبب سؤالي هو اليوم نفتح موضوع عمتي سميه و امي من عرفت انتي تبقين عندي
كلتلها هسه تسلمه نفسها و محاسه
لهذا طفر براسي السؤال »

ضربتني على صدري وحجت بصوت ناصي
.«هو انت تبوسني اكوم ارجف شحال هالشي تريدة»
محمد .«ههه بعد وقت لهالكلام حت نسولف بيه ، هسه كومي طفي الضوة وتعاي حت ننام»

كامت طفته و اجت لحضني مددنه
محمد .«سارة سؤال ثاني»
سارة .«كول شنو»
محمد .«مرتاحه انتي وياي؟ مرتاحه بحبي»
سارة .«اكولك جمله وحدة بس هي 'لكيت نفسي بحبك'»
محمد .«خل نقدم العرس قبل غيداء»
سارة .«لا ، هي 3 اشهر اصبرها
هسه مو اني يمك بعد شكو يعني»
محمد .«نامي نامي »

ام بعد شكو شاعله ابويه انتي
اخذت شمه منها و نمنه بعد
صبحت الصبح نفس صبح البارحه
تتحرش و تكول بعد شكو

محمد .«وج ليش ما تكعدين راحه»
سارة .«صباح الخير حبيبي»
محمد .«احبج من تكوليلي حبيبي 💏خطف»

كمت بدلت و هي هم
طلعنه بعدهم نايمين 😂
نزلنه سوة و تلكتنه عمتي مليكه بصباحها
صبحت عليهم و على امي
كعدت يمهم و سارة حضرت الريوك و فرح كاعدة تساعدن سوة
نزلت اسماء ورانه هم سوت حليب لأمير

تريكنه و دكيت لمرتجى حت نطلع نروح لرزاق
لحد ما اجه سلمت و طلعت
اخذت سارة وياي للباب

عمتي مليكه .«ولك حميدان رجع البت»
محمد .«ههه صبري عمه خل احاجيها»
امي .«هاي اذا ما يحضنها ما يطلع»
عمتي سميه .«بت بغداد و عليج الحساب»
امي .«شدعوة سميه اني بت بغداد يعني قابل هم سحرته لقاسم اشو هو شافني بالجامعه و دك انگر اله اخطبها»

عمه سميه .«ايه الله العالم»
تركتهم و طلعت ، كل جيه يعيدن نفس الموال
سارة .«لا تبقى تحرجني»
محمد .«معليج بيهن .. شوفي سرو ، اليوم العرس فستان محجبات تلبسين ماريد بدله
و اذا تردين ترحين بالزفه دكيلي اجي اخذج انتي و غيداء ماشي»

سارة .«ليش ما كتلي لعد مجايبه وياي»
محمد .«هسه اشوفلج بدربي واخذلج
و ها مكياج هم مثل البارحه و لو اخف بعد احسن»

سارة ّ«دروح هسه و اشوف .. ترجع تبدل مو»
محمد .«اي اجيب الفستان و ابدل ، يلا 💏 سلام»

تركتها و طلعت لمرتجى
محمد .«ها نروح»
مرتجى .«محد كاعد منهم»
محمد .«بس مرتي و فرح»
مرتجى .«😩 يلا امشي»
محمد ّ«ترة فضيحه انت ، بارحه كلهم شافوك»
مرتجى .«احبها مو بيدي»

طلعنه رحنه لعباس و من عندة نروح لرزاق

___________ رنا تروي ___________

صبحت الصبح .. اليوم العرس
بقيت بفراشي واني افكر
يمه راضيه عليه هسه!!!
يابه راضي انت هم ؟؟؟؟
ليش ما زرتوني اليوم
محتاجتكم اليوم كلش

صعدت فرح تكعدني شافت كاعدة
كعدوا البنات هم
لمينه الفراش و نزلنه نتريك
سارة و اسماء كاعدات
كملنه اكل و تحضرنه اجه كرار اخذنه للصالون
بلسم رجعت وياه تجيبلي البدله و تجيب ملابسها
وياي اجت فرحه وصلنه و راحو

بدت ام الصالون تشتغل شعري
سوته بسيط كلش و مفتوح بس برمته
سوت المكياج بين ما تجي البدله حت تثبت الطرحه و التاج
كملت و كعدت ع جهه انتظر و فرح سوت مكياج بس كالت تلبس حجاب
اجت فاطمه و بلسم
لبست البدله ثكيله كلش كلها شغل كرستال
خليت الطرحه ثبتتها بالتاج فاطمه كالت رزاق يجي نروح اول للمصور ناخذ صور وبعدين اروح للبيت

كملت و كملن البنات دكيت لرزاق
نص ساعه و اجه
دخل و مثل كل مرة ملابسه مرتبه بأناقة
قاط رسمي اسود و بالياخه شريط ابيض
قميص ابيض و رباط جوزي
رافع شعرة و مزين جديد
عطرة سابقه مترين 😒
يعشق العطر لازم يسبح بيه

اخذله صفنه عليه
فستان العرس تجادلنه عليه يلا اخذته
اشر لبلسم راحت يمه شاورها و طلعت
شوي و دخلت بيدها سترة بيضه فروو
تقدم عليه باس راسي و لبسني السترة

رزاق .«باردة برة لبسي هاي جوة الكبوس»
رنا .«همزين جبتها لان دا ارجف»
ضحك و لبستها جاب الكبوس مقبل يساعدوه بيه هو خلاه
شال الطرحه خلاها على وجهي و سد حبل الكبوس .  شاف الكل جاهز طلعنه

صعدت وياه بالسيارة مشفت منو يسوق
بس اغاني تطرش حت الما يسمع

وصلنه الأستوديو و فتحت الكبوس عدلت نفسي ... دخل و اخذنه صور اشكال الوضعيات و المصورة توثق كلشي
ختمها كال للمصورة اخذي هاي
و تقدم باسني 💏 لأول مرة يسويها
اني متفاجئه منه و الصورة ناخذت
بتعد و نصه عليه همسلي
.«صبرت و صمت عنهن لهالحظه هاي»

رزاق للمصورة .«الاخيرة سويها الكبيرة و اول صورتين هم»
المصورة ّ«ماشي تدلل»

طلع و البنات هم اخذن صور حلوة
صوري وي رزاق اللي رح تتكبر عدا اللي باسني بيها طبعا

خلصت جلسه التصوير و طلعنه و صلني لبيت جدي و راح لبيتهم يجي بزفه

دخلت هم تلكوني بالهلاهل
البنات كلهن لبسهن محتشم
احلى لبس سارة و اسماء
فستان محجبات و ابيض سارة و بنفسجي اسماء

___________ سارة تروي ___________

بعد ما راحت رنا و فرحه
كفينه البيت احنه كلنه تعاونه عليه
بنص ساعه كله ترتب
كل وحدة صعدت تجهز روحها
اسماء راحت لغرفه محمد نيمت امير حت هدوء
راحت للبنات جهزت روحها
كلهن جهزن واني انتظر محمد

ادك عليه و ما يجاوب
وين اختفيت يمعود 😡
بقيت كلشوي ادك و هو ماكو
لحد ما اجت اسماء كالت اسامه جوة يريدج
لبست حجابي بسرعه و نزلت

سارة .«هلا اسامه وين محمد»
اسامه .«رجلج تخبل علينه ، هذا انتي و أسماء
محمد يكول انتي الابيض و بالزفه لا تطلعون لحد ما يجي هو عليكم .. بلغي غيداء هم مو تصعد وي البنات»

سارة .«فهمني محمد وين»
اسامه .«اسماااء ، اسماااء .. يلا عاد»
اجت اسماء بيدها امير مغيرتله ملابسه
اخذه و طلع ولا جاوبني
بقيت الوب محمد وين اختفى
صعدت وي اسماء لغرفته بدلنه و ترتبنه
اسماء رغم مبدله بس بدلت من جديد و لبست اللي جابه اسامه
فستاني كلش حلو و فيكه
صار مرتين يجيبلي الي ابيض
احبه من يميزني عنهم
احب شكلي بعينه اكثر من اي شخص

سويت مكياج كلللش بسط
و اهدئ بعد من البارحه
سومه هم كملت و طلعنه للبنات
هم كعدنه و التهينه و غاب فكري شوي عن اللي ساكنه من الصبح و مدري وينه لحد الآن

غيداء خابرها اكرم و كاللها جاي للبصرة
ملتقي بالولد وهو يمهم بالزفه يجي ياخذها

نزلنه كلنه من اجت الناس
و طبيعي انه اني مكاني يم عمتي
اجت وحدة من كرايبهم سالت عمتي عليه
تريد تخطبتي عبالها بتها مو چنتها 😂
تفاجأت من عرفت و عتبت انه محمد تزوج
و ما عدهم علم بيه
صارت ساعه 5 اجت رنا من الصالون و استقبلناها بالهلاهل و الصلوات
حبيت بساطه شكلها
غيداء كلتلي فستانها من لندن اخذته من راحو
حلو و مبين غالي الكل نعجب بيه
هم شغلو اغاني و شتغل الركص المعدل

بلسم و فرح و مرام اخذن الوسطه
بدعن و هنه شون اجسام فدوة لاالله
شغلن ديسكو و طفن الضوة بقه ع الشموع
و الكل كام يركص .. كلش تونسنه
عمتي و أم رزاق يصلون على محمد و يقرون احراز خايفات على بناتهن و رنا

ب7 اجت الزفه و الأحلى انه مزايق دخلت للحديقه و صار الدك بفلس
بين ما لبسن حجاب دخل رزاق كعد يم رنا
فرحته مبينه على وجهه
غيروا الحلقات من ايد لايد و شرب ماي شوي تعب من الركص ابيتهم 😂

كام لبسها البرنص و السترة و سترها زين
دخل عمي و اخوة رزاق و محمد وياهم
بقت عيني عليه لحد ما انتبهلي و اجه يمي
غازلني بهمس ذوبني
حمدلله اللي مبيه شي
و مبدل زين ما اجه بملابسه الطلع بيها

صار انتباهنه وي عمي و رنا و عمتي
وصوا رزاق بيها و ما يزعلها
قهرني عمي بجه حسيت ودع غيداء مو رنا
تأثرت وياهم و نزلت دمعتي
صعب واحد يطلع من بيت عاش بيه حياته
و بحساب رنا أكثر من عشر سنوات هي ابيت عمي ، يعتبر بيتها اكيد

دخل إبراهيم و وصاه بيها من جديد
حضنته و دموعها تزخ الله يساعدها
هدئها و هو يوصيها ابيتها و زوجها
اجت بلسم و رونق عدلو مكياجها
دخلت الزفه للصاله و اخوان رزاق بدعو
فاجأني وجود كرار هنا!!!
شهالصدفه و هو اخوه طلع
شعندة يمنه ابغداد لعد !!

استلمها رزاق و طلعوا للسيارات
صعدنه وي محمد اني و عمتي
اسامه اخذ مرته و إبنه
و اكرم اخذ غيداء بعد ما محمد كاله
بس تخلص الزفه ترجعها

حمدلله زفوهم للبيت و رجع كلمن لبيته
ب10 دخلنه البيت اكرم جاي قبلنه

اكرم .«هاا خو رجعت مرتي وانت ماخذ مرتك»
محمد .«هههه اي هاي مرتي هذي خطيبتك»
اكرم .«😒علينه ، تعرف صار دهر مشايفها اله تعذبني ما تكدر»
محمد .«ههه احمد ربك اللي سمحتلك تجي»
اكرم .«لو ما اني بالناصريه ولا اجي»
غيداء .«يعني مجيت علمودي لان قريب 😒»
اكرم .«اي غير اجيت اشوف اخوج .. بعد شهر عرسنه و عندي كومه شغل»
محمد .«تخلص امتحانات اول ، لو طولت يطول عرسكم»

تركتهم يسولفون و صعدت لغرفته
طلعت تبديل الي و لمحمد هم
يروح يجي و هم يهجولي الغراض
اذبحه والله لو خرب ترتيب الملابس مرة ثانية
دخلت سبحت بسرعه و طلعت
شوي و صعدلي هو هم اخذ ملابس و راح يسبح

____________ رنا تروي ____________

حبيت زفتي و اجوائها
حمدلله احلى ليله بعمري صارت مثاليه
بهالليله حسيت خالي قاسم فعلا بمكان بابه
يمكن ابويه مرح يوصي عليه بكدة
ودعتهم و طلعت ايدي بأيد رزاق
اخذتنه الزفه لبيت عمي اهل رزاق
دخلنه و هم اخذولهم شوط و انوب كالو يلا

هنا بدى الفلم الرعب بداخلي
خوف على توتر على قرار انسحاب مفاجأ
اي للحظه قررت اخرب العرس بس هو بعد صار
صعدت غرفتنه و بهرتني الزينه
جان مسويها جو هادئ و زينه ع الارض و السرير ، موزع شموع على الطبلات و ميز المرايه
كلش حلوة مسويها
شغلت الضوة تمعنت بيها اكثر
خلص بعد هذي غرفتي و هذا بيتي و هذا زوجي و انتهى وقت التراجع

اجت فاطمه يمي
توصيني و تحجي وووو گرشت على راسي
لحد ما صعدلي رزاق يلا طلعت
دخل سد الباب و بقه بمكانه واكف ينظرلي
ما اعرف ليش هلكد يحبني بس اتمنى انه الله يقدرني اسعدة و ما قصر وياه

تذكرت انه بزواج اسامه
عمتي اول شي كالته لاسماء انه تصلي وياه
لهذا تقدمت على المرايه و فتحت الطرحه
يعني مفروض يجي بس شو هو تصنم بوكفته
شلت المشبك مال الشعر و هو بعدة يراقب افعالي بهدوء وترني اكثر من اول

خليت الطرحه على السرير و التفتت عليه
رنا .«رح تبقى واكف بعيد؟؟»
رزاق .«اذا اتقدم و تمنعيني اجرم بيج
خليني هنا بعيد افضل»

رنا .«ههه ، دتعال افتحلي الفستان
خل نبدل حت نصلي .. نبدي حياتنه بالصلاة»
رزاق .«رنا...»
رنا .«ما منعك بس خل اصلي اول ترة لا ظهر و لا مغرب مصليه»
رزاق .«اي يلا هيج تمام»

مجنون ، اول واحد اشوف هيج يفكر
صح ماريد هاي العلاقه
بس حرام امنعه 💔

تقدم فتحلي السحاب و هو يسحب نفس من شعري .. مرر ايدة على طول ظهري وي السحاب رجف جسمي بيديه
انتبه عليه بتعد فرك وجهه و راح على الكنتور
طلع اله لبس و طلع يبدل و يتوضى
رحت اني هم طلعت السيت الابيض
حمدلله ماخذته مو مشلح
اخذته و رحت للحمام
سبحت بسرعه و طلعت هو امدد على السرير
شسورت شعري و تعطرت و رحت طلعت المصلايه الي و اله

لبست الحرام و هو هم اجه وكف وكبرنه الصلاة
حبيت هذي الدقايق كلش
من اول ما صار زوجي و اني احس مجبورة
اله هسه هاي دقائق صلاتنه
راحه سكنت داخلي واني اسمع دعائه
و شحلاة دعائه من طلب من ربي يوفقه بسعادتي و ما يقصر بيه يوم

كمل صلاته و كعد قرة قرآن شوي بين ما كملت فروضي مال اليوم كلهن
كملت و رفعت ايدي ادعي من ربي يدليني طريق سعادتي و يزرع الحب بداخلي لإنسان همه بس سعادتي

شلت المصلايات و بقينه ثنينه متوترين
رحت ع المرايه خليت كحله واني اترقب حركاته .. توترة اضعاف اضعاف توتري

نظرت اله .«رزاق»
.«هممممم»
ما نطقت بشي بعد بقيت بس انظرله
تقدم علي قرب كلش و خله خشمه على شعري
اخذ نفس و حظني من ورى شد بحضنته
ساكته و مغمضه و خايفه كلهن
دارني عليه و خله عينه بعيوني

رزاق .«ما الي مكان ولو صغير نخلق بمكانه الصحيح لو بعدج متعرفين»
رنا .«نخلق»
رزاق .«الي حق اكبرة و نربيه»
رنا .«الك بس انتبه عليه بعدة صغير»
رزاق .«مشاعرنه من تتحد تكبر شوي شوي»

اخذ شفايفي بوسه هادئه و رقيقه
تحمل بس مشاعر الحب
بدون اي طمع او تملك
و كأنه حسيت يكولي اريد بس حبج
فصلها بعد ما احتاجينه ثنينه انفاسنه
برفق اخذني للسرير نمنه و اخذني لحظنه بس
نمنه مثل كل ليله بريئه مرت علينه قبل

زرع بداخلي الامان
يمكن هالشي صعب عليه
و هو وضحلي بعد الزواج كلشي يتغير
واني هم اريد اتغير
اتمنى انه احب هذا الانسان حب عميق
لأول مرة الف ايدي عليه ابادله الحضن و انام

___________ محمد يروي ____________

طلعت بنيتي اروح لرزاق
خابر عباس كال لزمت واحد بالارض مالنه
غيرت طريقي ورحتله وي مرتجى
وصلنه و شفته ولد يطلع ابن 17 سنه
بعدة شاب ، شهالطريق اللي لازمه

محمد .«سلام عليكم»
الشاب دار وجهه عني و مرد السلام
عباس دفرة بظهرة بعصبيه رزلته
يبقى ولد بعدة ولازم ننصحه مو نذله

محمد .«مرتجى روح صيحلي جدي»
مرتجى ّ«خابر اسامه وياه طلع»
محمد .«عباس دك لاسامه و ارجع»
عباس .«محمد لا تتدخل خليني اربي هذا الكلب»
محمد .«عباااس من احجي ما تعاند .. مرتجى اخذ عباس و ارجع لرزاق اني اتصرف وي الولد»

تركتهم و ابتعدت عصبي
اتصلت باسامه و طلبت جدي يجي
مرتجى اخذ عباس و راحوا
بقيت واني و ابو ملاك الحارس و الشاب
سندته كومته غسل وجهه
و كعدنه جوة النخله حت ظل فوگنه

محمد .«انت شسمك ، عمرك ، من وين؟؟»
الشاب .«منتظر عمري 19 من الگرمه»
محمد .«حلو ، زين منتظر ليش جيت لهنا واتبعت هذا الطريق .. انت شاب بعدك اول عمرك ادرس و اتعب على نفسك و خليلك مكان و بصمه بالمجتمع ليش اختاريت طريق الله ما يوفقك بيه»

منتظر .«يا دراسه وانه مسؤول عن امي و اخواني الأيتام .. جنت اشتغل و ماكو هسه
لازم اعيشهم و ما موتهم جوع ، اعرف هذا الطريق حرام بس مر اسبوع و اهلي مماكلين
مريت منهنا صدفه و شفت نعمه الله و محد اكو
اخذت من الارض بس يشهد ربي تركت بمكانهن حقهن .. صح اعرف المبلغ لا شيء
بس جان هذا مصروفي بس
صح اتبعت طريق حرام بس شفت فرحه اهلي
راحه اخواني من شافو الاكل و دعاء امي
ما كررتها بس مرة وحدة سويتها ، جيت اليوم حت اكمل ثمن كلشي اخذته بس الولد ما نطاني فرصه اوضح»

محمد .«انت ليا سنه و تارك دراستك»
منتظر .«للـثالث متوسط و بعد ما كملت»
محمد .«شوف منتظر ، الله فوك وهو يعرف بالنيه .. من شفتك واني حسيت انه انت مو من يتبع هيج طريق مُذل و حرام .. دراستك ترجعلها ، شغل !! هنا تشتغل وهم عندك وقت تدرس .. اني ابن هاي الكاع
و الكاع عدنه الها حكها علينه لانها مثل العرض
واني رح اسلمك عرضي اريدك تصونها
كل اسبوع تاخذ لأهلك من هنا و تكول لابو ملاك محمد هو اللي كال اخذ »

منتظر .«خويه اني ماريد شي بس ارجع ثمن الماخذة حت لا ابقى بنظركم حرامي»

محمد .«لا حشاك .. هاي اجه جدي ابو قاسم
و انتهى انت بعد هنا شغلك و تكسب رزقك
تروح تفرح الوالدة خل تدعيلك الله يسهل طريقك حت الله يوفقك»

دمعت عيونه و نصه راسه
اجه جدي كتله على قراري
اسامه طفر ما قبل و اله تطردة
عصبت عليه و جدي طبك وياي
رحت لأبو ملاك و وصيته يشد 4 صناديك مشكل خضرة و فاكهه يرسلها وي منتظر للبيت

طلعت على عجل و اسامه اجه وياي على الصامت
شفت الساعه ب2 ونص
فتحت التلفون سارة متصله 37 مرة
نزلت للمدينه رحت للمول
دخلت شوي و لحكني اسامه
رحت بسرعه اخذت الي قاط بدلت و طلعت
دفعت سعرة و توجهت لمحل نسائي

دورت دورت لحد ما لكيت اللي اريدة
وردتي لازم تكون دائما بيضه بحبها و روحها
اخذت قياسها و اسامه طلب البنفسجي لمرته
عندة كل الالوان بنفسجي
دائما ياخذلها هاللون
سودنتونه بت يعرب والله 😂

اخذناهن و طلعنه رحنه لرزاق وصلت و اخذ هو السيارة و رجع لبيت جدي حت ياخذلهم الملابس

مرت الزفه بسلام و فرحه
و الاحلى مريتي يمي بفستان ابيض
مال اخذها و ارد اعرس بيها

رجعنه تعبانين 😂😂
شوي و صدتلها اخذت ملابسي و طلعت للحمام سبحت و بدلت حت هي هم تاخذ راحتها بالتبديل

طلعت من الحمام اجت مرام بسرعه .«محمد انزل بسرعه خاله سميه اجت ومدري شسامعه على سارة تريد تتعارك ، انزل لا تروح تسمع سارة عيب منها»

محمد .«شنو سمعت يعني!! هاي عمتج ما تجوز عني»
رحت لغرفتي خليت المنشفه و طلعت حت سارة ما حاجيتها

نزلت و اسمع عمتي تلعلع
.«سمعي مها تبقوها چنتكم ما تدوس هذا البيت ، ماريد الرخاص يدنسون بيتنه»
امي .«سميه البنيه مالها ذنب عيب عليج هالكلام ما اسمحلج تحجين على چنتي هيج»

سميه .«كلت لعندي و روحي كولي لابنج الملفيها هم خل يطلعها منا»

دخلتلهم سكتو .«اي عمه شبيها مرتي»
عمتي مليكه .«ما بيها شي بعد عمتك ، سميه تحجي بكيفها ما عليك منها»

عمتي سميه .«لا مو بكيفي ، مرتك اللي ذايب بيها الف واحد متدنيها و اخرهم هو حما بت بلقيس»

محمد .«عممممه 😠 ما اسمحلج تطعنين باخلاق مرتي هاي أولا ، ثانيا شدخلهم اخوان رزاق و هم اصلا ما يعرفوها»
سميه .«والله روح اسمع اللي ينحجى عنها و تعال احجي عن اخلاقها ، روح أسال كرار سارة منو»

جدتي صاحت بيها .«سمميه بسج عاد ، تضيفين شي لسانج اكصه .. البت عدنه صار لها مدة ما شفنه منها الزله ليش تردين تخربين بيت الولد»

اشرتلي امي اطلع
تركتهم و صعدت
ارد افهم شنو كرار يعني
حاجي عليها لو شنو الموضوع!!!!

دخلت الغرفه شفت سارة امددة دتنام
رحت يمها سحبتها لحضني شميتها
عبالك اطمن نفسي بقربها يمي من اشمها
ردتلي هي هم الحضن

سارة .«وين جنت اليوم قلقتني»
محمد .«تزوجت عليج غير»
سارة .«شنوووو»
محمد .«اي تزوجت مرتي و حارمتني اتزوج احسنلي»
سارة .«محمد بغلاتي صدك تزوجت»

بويه من تتجمع دموعها تجذبني اكثر
محمد .«ههه هو اكدر اشوف غيرج حت اتزوج»
سارة .«محمد هو بس انت باقي الي ، لا تكسرني وتتركني و تعرف ما عندي غيرك .. بغلات حبنا تشاقه بغير موضوع بعيد عن الزواج 😭»

محمد .«هههه وج شبيج تعرفين شقه
عشكتج سنين اجي هسه اخذ غيرج مجنونه»

خلت راسها بركبتي و حضنتني .«احبك»
محمد .«واني اموت بيج بس كعدي راحه من اتواكح دكيها مناحه عود»
سارة .«لا لا بتعدت😁»

بقيت حاضنها و افكر نأكل عقلي اكل
محمد .«سارتي»
.«همممم»
محمد .«أسال سؤال واريد جواب صادق»
سارة .«كول تعرف ما اضم عليك»
محمد .«منين تعرفين كرار»
سارة .«شدراك اعرفه !!!!»
محمد .«سارة جاوبي لا تخبليني»
سارة .«اهدئ ،جان ابو الخط مالتي من جنت اداوم .. بس ما اعرف بيه هو منا اليوم من شفته تفاجأت بيه»

محمد .«زين هو اليوم شافج»
سارة .«اي و سلم سأل شعندي هنا كتله بيت اهل زوجي ، من عرف انت رجلي حمد بيك و كالي اخذتي زلمه معدل»
محمد .«همم»
سارة .«صار شي؟؟»
محمد .«لا رويحتي مصار ، يلا ننام»

زين شنو اللي سمعته عمتي !!
صار الصبح و تحضروا نروح لبيت رزاق

_____________ رنا تروي ____________

صبح الصبح علينه
اول صبح يمر و أني ملكه
اول صبح يمر و امري اقترن بيد هذا الشخص اللي يمي .
فتحت عيوني ضوة خافت داخل للغرفه
انداريت عليه شفته كاعد و ينظر للسكف
تجرأت و رفعت نفسي خليت راسي على صدرة
لف ايدة على خصري و الصمت سيد المكان

بقينه بهالحال ع الساكت
لحد ما تحرك و نيمني على ظهري
تدنى يمي و عينه بعيوني مركزها

رزاق .«نمتي مرتاحة»
ندت براسي اي بدون ما احجي
رزاق .«امي دكت الباب الفجر رادت النيشان منتظريه ، كتلها بعدين من نكعد!!!»

نزلت عيني و خفت
معقول هسه يريدة يعني
نفخ بوجهي حت ارجع اركز وياه

رزاق .«اريد املكج كلج مو بس جسد»
رنا .«اعرف حقك بس خايفه رزاق ساعدني»

دمعت عيني احس اكو حرب داخليه دا اخوضها بداخلي هسه و كوة مسيطرة لا تشن الجيوش الحرب بعد و صعب النصر بيها

رزاق .«تعرفين لازم هالشي لانه هاي سنه الحياة .. اوثقي بيه انه ما رح ااذيج ماريد احد يحجي عليج او عليه بالذات اليوم»

مدري اداري خجلي لو خوفي و رعبي
نصه على شايفي بقبله رقيقه بس اني ارجف
لاحظ عليه و فصلها
حضني و همسلي بكلماته كلها حب و حنان و امان .. هذا زوجي و ما لازم اعارضه
بس يبقى هالشي يخوف مو بيدي

غمرني بعشقه و كلماته لحد ما ملكني
رغم حذرة بس تاذيت بسبب خوفي
باس راسي و باركلي الزواج
خليت راسي بصدرة و لفيت نفسي و اخذتني غفيه خفيفه حسيت على دكه الباب

كام رزاق بعدني بحذر حت لا اكعد
لبس ملابسه و فتح الباب و طلع
اخذت صفنه ع اللي وصلته
4 اشهر بس و صرت هسه مرة متزوجه
كمت على كيف اخذت البرنص و دخلت الحمام سبحت بمي دافي يرخي اعصابي شوي
طلعت نشفت شعري و بدلت الفرشه مال السرير

طلعت ثوب اوفوايت حضرته
و شسورت شعري و سويت المكياج
مدري بوجهي صايرة نصعه عروس
لو اني اللي اتخيل هيج مو اكثر
دخل رزاق ضحكته بوجهه مرسومه
اجه يمي باس راسي و راح للحمام يسبح
رحت اخذتله ملابس و دكيت الباب اخذهن
لبست الثوب و عدلت روحي هو طلع
ينشف شعره و مبتسم هو وينظرلي

رنا .«هه شبيك لا تركز بيه هيج»
رزاق .«فرحان بيج ، هسه محد يحجي بعد»
رنا .«كولي منو يحجي عليه»

خله المنشفه على المنشر و اجه حاوط خصري
رزاق .«مو مهم ، ناس غيرانه مو اكثر»
رنا .«بنات خالك مراد مو؟؟»
رزاق .«شحدهن يحجن»
رنا .«ترة هسه انت رجال متزوج خل يكفن عيونهن عنك شوي يكفي بنات الجامعه عاد ذني انوب 😒»

رزاق ّ«ههههههاي لا لا هسه تطمنت
طالما تغارين يعني دليت مشاعرج لمكانها الصحيح 😉»

ضربته على صدرة و دفعته .«روح اشو يلا خل اكمل قبل لا يجون اهلي»
رزاق .«اريد تصبيرة اليوم وين اشوفج بعد»
رنا .«هي شبع كلشويه»
رزاق .«معليه ما تقبلين ما ننزل لعد»
رنا .«يااا رزاق شبيـ....»
قاطعني بهجوم مفاجئ 💏 و تفنن
شبع زين و بتعد اله شفايفي صايرة خريطه
رنا .«بربك هو هيج» دموعي بعيني لان تبين رأسا شمسوي
رزاق .«هه اسف خلي شوي مكياج ، بعدين عرسان الكل يعرف ترة شيصير»
رنا .«امشي بدل اشو و عوفني يلا»

رحت للمرايه عدلت شكولي و لفيت الحجاب
اكيد حمويني هنا قابل يرحون
اجه ترس روحه عطر و ترسني وياه
كملنه كلشي و دقق هو لبسي و حجابي سوالي 👌 يعني عجبه
طلع التلفون اخذنه سيلفي و نزلنه جوة

تلكتنه الهلال من نسوان عمي
إجت فاطمه و وراها بلسم هم هلهلن
بوسني و باركولي
رزاق راح لأمه شاورها و طكت الهلهوله العاليه
دخلوا اياد و كرار باركولنه
كاعدين وبدت ناس تجي للمباركه

اجو اهلي خالاتي و مرت خالي قاسم و جواد
هم بطبتهن هلهلن و البنات باركولي
خاله مها تعذرت لان مكدرت تجي الصبح تجيب الريوك منورة الازدحامات
كعدوا ساعه و راحوا كالت خاله مها يرجعون للبيت وراهم طلعه لبغداد

استمر الوضع للعصر اني جوة والناس تجي مباركه حتى تعبت منهن
وحدة تزرع خشمها بالخصوصيات و وحدة تزرعه بتكاليف العرس وووو ما يشبعن ذني

صار المغرب كمت .«عمه فدوة سدوا الباب لليوم كولولهم باجر خلصت زيارات اليوم»

فاطمه .«ههههه البت انتهت بعد»
بلسم .«والله اني هم تعبت من الضيافه»
عمتي .«يااا فلك طرجن و لكم عيب نسدها»
رنا .«عمه زين ساعه اريد أكل والله رح اموت»
فاطمه .«تعاي حبيبه كومي اخليلج اكل و اصيح خيّالج هم ياكل لانه مثل حالج»

بلسم .«اكول لحظه وج رنا مو لازم تخجلين شو انتي رأسا صحتي جعت»
ضربت راسها خفيف .«وي بطني ما اخجل اني»

كمت وي فاطمه للمطبخ
حمت الصاج بالفرن
و حضرت الصينيه زين كله من برة
دكت لاياد كلتله خل يجي رزاق من المطبخ
واكفه اسوي جاي و دخل هم تعبان 😂
اشرتله فاطمه و طلعت تركتنا وحدنه

رزاق .«خو عفتهم يشبعون منج»
رنا .«اسكت متت جوع والله»
رزاق ّ«هههه اني هم ، يلا تعاي قبل لا يرجعون»

كعدنه ناكل اني وياه بهدوء
كام جاب كولا و رجع كمل اكل
خلصنه شلت الماعين كفيتهن
صبيتله جاي شربه
شوي دك التلفون يرجعلهم للديوان

رنا .«شوف انت تطلع منا اني اصعد انام منا والله ولا انزل تعبت من الصبح»
رزاق .«هههه صعدي عود اذا اجو عالم ينزلوج»
رنا .«يحلمون انزل ، يلا روح تصبح على خير»
رزاق .«ما تنامين شوي و راجعلج 😉»

طلع و اني بصفنتي
ترة مو كل مرة يريدني لازم
طنشته و صعدت بدلت و دخلت الفراش نمت
محسيت على احد بعد
4 ساعات نايمه محد اجه
فتحت عيني قريب الساعه 11 رح تصير
حمدلله محد اجه بعد
عدلت نومتي و دا ارجع اغفه شفته دخل الغرفه
رأسا غمضت حت ما يكشفني
بدل و هو يدردم عليه لأن نمت
اجه يمي مدد و سحبني لحظته نمنه ثنينه سوة

_____________ سارة تروي ___________

صبحنه الصبح و نزلنه عمتي و عمات محمد و جدته متحضرين حت يرحون لرنا يودون ريوگ العروس .. اني ماروح طبعا لان مبيه و غيداء وياي همين متروح تعبانه
اسماء هم بقت اسامه مقبل
فرح و مرام بقن بس رقيه راحت وي امها

اخذهم محمد و راحوا
البنات كامن عزلن البيت و رجعوا الأثاث لمكانه
كملوا و فرحه و مرام بدن يحضرن الغدة
كلنه نجمعنه يمهن بالمطبخ
سوالف و ضحك متنه
فرحه تقلد من دخل رزاق و مرام عود رنا
مزقن الحفله 😂

غيداء .«احم ، بس رغم هذا جانت اكو عيون مسبيه متعرف شون تركص»

خنست فرح و دارت ع الجدر تگلبه
سارة .«ههه وج عوفي البت خجلت»
مرام .«والله كرار اكلها اكل بعيونه»
اسماء .«يلا فروحه شدي الهمه نريد عرس ثاني»
فرح .«عليكم الله لا تقلدن»
سارة .«وج فروحه والله كرار ذهب اني اضمنلجيا»

مرام .«وين تعرفيه سورة»
سارة .«هو نفسه ابو الخط مالي من جنت ادرس .. من شافني تفاجأ و كيف من درى مرت محمد»
اسماء .«ايي صح اذكر مرة كلتي كرار ابو الخط»

غيداء .«ها اها العريس و ضمناه يلا شدو الهمه ورة عرسي»
اسماء .«لا ولج ورة عرسج عرس سارة و هم وراهم هيج لحد ما يجهزون»
فرح .«واو سارة صدك رح تعرسون»

سارة .«بعد لحد الان بفرحه الزهرة نشوف اهلي و الترتيبات شون تصير و نثبت الموعد»
مرام .«الله يتمملكم على خير و نفرح بيكم»

خلصن شغل و صعدت للغرفه لميت غراضنه
جهزت كلشي حت العصر نطلع
رحت يم البنات كعدنه سوة
فرح كالت تروح ويانه حت تساعد غيداء بتحضيرات الحنه مبقالها شي

توترت شون ، محمد كال ابقى و هو يسافر
خفت شون اذا عرفت فرح
ليش هيج دائما يصير بيه يعني
ياربي شنو اللي غلطت بيه و هيج دتعاقبني
عفتهم و رجعت لغرفه محمد
و كفت صليت و دعيت ربي
كملت و مددت على فراشه
مرت الساعات و فتح الباب و دخل
تلاقت تظراتنه ، هو بابتسامه
و اني بتشتت و قلق و تعب
اجه مدد يمي بدون ما انطق حرف
دفنت وجهي بصدرة و حضنته حيل
هو هم بادلني الحضن بهدوء

غفيت على ريحته و دفو جسمه
و كعدت على همساته بإسمي
شفت الساعه بـ6 و لازم نرجع بعد

سارة .«محمد خل اجي وياك اللندن؟»
محمد .«مبقه شي و تكونين وياي وين ما اروح»
سارة .«لا تسافر فدوة ، ابقى يمي»
محمد .«باقي لورة عرس غيداء اروح ، يلا كومي تحضري حت نطلع قبل لا تظلم كلش»

بسته بخدة و كمت بدلت ملابسي
ما طلبت يطلع و ولا رحت اختل
بدلت بس نطيته ظهري و بسرعه بسرعه
حت هم اشك ما رفع راسه من التلفون اصلا
رحت للمرايه رفعت شعري كبايه و لفيت شالي
هو هم غير قميصه و قفل كنتورة واجه يمي
عدل شعرة و خله عطر
شافني خطيت الكحله ما حجه
بس نظرته تكفي انه ما اطوخها حيل

محمد .«شنو رايج لو تلبسين كله عبايه»
سارة .«ما عندي مشكله و احبها اني العبايه بس تسويلي وجع راس لأن عباتي ثكيله كلش»

تقدم همسلي .«حت من سترج أغار ، وين اضمج من العالم انتي و كحلتج هاي»

شمحلاها العبايه تاج على الراس ، والتلبس عبايه هواي اقدرها
ستر عفه وشرف مو قطعة اقماش ، وبكل احترام الناس تنظرها🌸😻

ابتسمت و لفيت ايدي على خصرة
رفعت راسي اله .«احب اشوف نفسي بعينك ، احبنك و حگ جدك رسول الله»

ابتسم ابتسامه تذوب الروح مو الگلب
محمد .«تعلمتي جنوبي»
سارة .«ههه لا اعرفها من قبل لا اجي وياك»
محمد .«دمشي نطلع لا اردلج بطريقتي و ما تتحمليها انوب شيسكت دموعج»

😂😂😂😂
طلعنه و البنات ويانه
اسامه راح اول ما رجعوا واخذ عمتي و عمي
اسماء و اموري ويانه عافهم
سلمنه عليهم وجدة بجت و وصت محمد يرجع
تالي كاللها يجيها سبوع اليجي حت ياخذها علمود عرس غيداء بلا سكتت

عماته هم سلموا عليه
عمه مليكه حضنتني و وصتني بمحمد
وكأنه راح اكله 😂
طلعنه و عمو جواد شبع محمد توصيه على فروحه لان جت ويانه بدون امها

صلينه على محمد 3 واستلمنه الطريق
جد احلى اسبوع بعيد عن المشاكل عشته
بين ايدين شخص هو كل حياتي
و هسه رح ارجع للقلق و التوتر
الطريق كله نسولف و نضحك
اخذلنه عشه تعشينه و هو خطيه ما اكل
كمل سياقه حت نوصل بسرعه
كمت اسويله لگمات من لفتي هم يراد شي يسندة بهالطريق

فرح .«وج خايبه مو هنا الرومانسيه بغرفتكم»
سارة .«عود لرجلج لا تسويله»
غيداء .«عوفيها فروح خل اتعلم 😂»
محمد .«اي هاهيه قيمنه والله»
اسماء .«انت التهي بمريتك و اتركهن غيرانات»
سارة .«شعجب اسامه قبل تبقين»
اسماء .«زعل لان كتله اريد اروح لاهلك مو لبيتنه حت ابقى يم البنات تعارك و اخذ عمي و عمتي وراح»

محمد .«لو رايحه وياه جان عرفتي شكو»
سارة ّ«كوللنه شكو»
محمد .«وانتي شكو تعرفين»
سارة .«ياااا غير حت اقنعها»
اسماء ّ«ميحتاج اقنع اعرف شكو»
فرح ّ«هو شكو 😂»
غيداء .«اليوم ذكرى يوم حنتهم و باجر عيد زواجهم .. وج سومه لا تعذبين اخويه»

محمد .«لا تتدخلين انتي»
سارة .«اسماء روحي اليوم و تعاي عگب باجر خطيه تكسرين بيه يمكن مسويلج مفاجئه
احتفلوا على راحتكم و تعاي ترة حت اني باقيه عدكم يعني كلنه موجودين»

فرح .«سارون ما ترجعين لاهلج»
محمد .«لا تبقى يمنا اهلها بسامرة»
فرح .«يي همزين فرصه نبقى سوة»

نظرتله بامتنان و هو غمزلي
كمل الطريق و دخلنه بغداد
قريب ما نوصل البيت اسماء كالت تروح لبيتها
حول محمد طريقه لبيتهم
وصلها و نزلنه شوي يمهم
اسامه من شافها فرح بس سوة روحه زعلان
محمد دخل للحمام و غسل وجهه و انوب طلعنه لبيتهم

دخلنه عمي طالع بس عمه موجودة
رحبت بفرح متدري جايه ويانه
غيداء اخذتها لغرفتها
واني و محمد صعدنه لغرفتنه

فتحت حجابي خليته ع السرير
بدلنه و رحت للفراش مددت
شكد صايرة انام كلش هواي
ابيت اهلي اذا ما اخد فاليوم متغمض عيني وهنا ولا كأن اصلا يمكن حت لو واكفه اغفه

____________ محمد يروي ___________

من رحنه لبيت رزاق و اخذت اهلي
اول شي سويته هو حجيت وي كرار
ارد اعرف شنو حاجي اللي عمتي سامعته

محمد .«اي كرار ، احجي عاد»
كرار .«فهمني شسامع»
محمد .«صعب احجي اللي سمعته ، بس فهمني»
كرار .«منو اللي حجالك ، ام عباس»
محمد .«اي عمتي ام عباس»
كرار .«فهمت .. شوف رح اكولك شي وممكن نتخارب لان ماكو واحد يقبلها واعرف بس مو بيدي روحي بيها مكدر والله»

محمد .«احجي عاد لا توترني »
كرار .«اني احب فرح و هي هم نفس مشاعري
صار قريب السنتين .. فرح جانت تعرف من احجيلها على سارة من جنت اخذها بس متعرف هاي سارة نفسها مرتك .. و حاجيلها انه اكو ولد دائما وياها و يحميها اللي هو احمد
الظاهر واصل كلام للبيت اللي عمتك رابطه الامور ، و شافتني من سلمت على سارة وهي تخبلت اشو حت فرح دزيت عليها اريد اشوفها مكدرت لان عمتك جانت تيزاب من العصبيه»

كوة كامش اعصابي
هم حجه عن فرح و هم سارة و هم احمد

محمد ّ«شحاجي عن احمد»
كرار .«مذاكرة هواي غير انه الولد اللي يحب سارة و هم جنت احجي لفرح و محد يمنه»
محمد .«كرار ابعد عن فرح لانه محجي بامرها
واحد غيري ينسفك لان تبقى عرضي هي
بس اعرف الحب شنو لهذا ابتعد قبل لا تتعمق اكثر»

كرار .«انت من كل عقلك تحجي ، محمد فرح انفاسي من صغري .. لو تعرف الحب جان عرفت شنو سنتين مضت و احنه مشاعرنه متبادلة
محجي بامرها مستعد اخذها اعقد عليها و اشوف ابن امه يعترض ويحجي حرف»

محمد .«اهدئ اكلتني أكل ، ذاك عمي و روحله شكو تاخذها سكوتي و تصخم وجهك
المهم عندي ، ماريد طير بشر يعرف انه انت تعرف مرتي و عمتي اني اسكتها»

كرار .«اصبر ، طالما انت عرفت هسه
اني فرح احبها و اذا صارت قسمتها خطيتي بركبتك ، مكدر اروح هسه اخطبها لاني ارد اكمل بناء البيت اول و مبقه شي بيه و اخلصه»

محمد .«روح اخذ كلمه من عمي جواد .. لا تتوقع اتدخل وانت سنتين وياها و مشاعركم متبادلة بس عاجبتكم سالفه الختلات»

تركته و دخلت للولد جوة لحد ما اتصلت امي كالت يلا نروح طلعت
وصلتهم و صعدت لمريتي
بقيت يمها غفت بحضني بهدوء
بقيت اتاملها بنومتها
مشيت ايدي على طولها
شوكت اشبع منها يعني مرتي و ما اكدر خرب

كعدتها و تحضرت نزلنه لبغداد بعد نرجع
هم وصلنه الدنيا ليل رأسا بدلت و مددت تنام
اشايف منج اني ما تفهميني

ضجت حيل بدلت و نزلت جوة
طلعت للحديقه ادخن و الجو هم حلو
باجر كون اروح لاهلها يكون و مالي نفس اشوفهم
اتصلت باخوها جعفر ميرد
خابرت احسان رنتين و الثالثه جاوب

احسان .«يا هلا بالبذات»
اخذت نفس قوي بتعب .«هلا بيك »
احسان .«شبيك صاير شي وياك»
محمد .«بربك ما تكدر تنزل اجازة»
احسان .«اقدم باجر طلب تدلل ، شصار»
محمد .«طريقي ما ديخلص مبيه بعد طاقه»
احسان .«مرتك عندك موجودة»
محمد .«صار اسبوع هي يمي»
احسان .«كافي تزوج و فضها لا تبقى هيج»
محمد .«شكلي رح اتزوج و اجيبها و اجي لا انتظر و لا شي»
احسان .«اخذها بالهداوة لا تتعصب و تطير كلشي من ايدك»
محمد .«احسان ارد انهي احمد من حياتها»
إحسان .«كل مشاكلك منوراه»
محمد .«انت مو صديقي شكو ممنعتني انه احبها»
إحسان .«لا تخليني هسه اجي اموتك عدل ، حجيت لمن تعبت بس انت قافل عليها شوي بعد»
محمد .«اوف اوف ، حب و اعرف شديصير بيه»

بقه يحجي و ينصح بس فكري شون ابرئ صورتها من عيون عمتي بدون ما يوصللها خبر
يعني حبيتها اني بطهر
سنين عشكها كلها ممقرب منها
لحد مصارت بإسمي
اي ليش هسه ممرتاح
يارب وين غلطت و دتعاقبني بيها
كوة كامش نفسي عنها
اريد كلشي بالحلال رغم هي حلالي هسه

كاره الدنيا و كاعد وحدي
حسيت على خطوات وراي
التفتت شفتها هي اجت و عيونها قلقه
مديتلها ايدي تجي يمي
سحبتها لحضني و شميتها

محمد .«سارتي .....

الكاتبه : اسراء الخزرجي
Geeaana ❤