رواية احببتك انت الفصل الثالث عشر 13 - بقلم ESRA'

#احببتك_انت
#جيانا
.
.
رنا :
مرت يومين واني ملتهيه بالجهاز
اطلع و اطب وي مرت عمي نشتري
اخذت كل اللي بخاطري بس بالمعقول
و رزاق ولا قصر وياي أبد
حبيت مداراته الي
لأول مرة احس اكو احد يريد خاطري بس
من كتله يتمم العرس و هو فرحان
يروح الصبح للدوام يرجع العصر
ينام شويه و انوب يطلعنه

اليوم وحدنه طلعنه
كال نروح نختار الغرفه
فترينه شارع المعارض كله بس محبيت وحدة
وكأن كلهن بشعن بعيني ولا وحدة تعجبني
تالي كتله رجعني وتعال اخذ على ذوقك
اني احتار من اشوف هوايه
ضحك عليه و غيرنه الطريق نرجع
سفط على الشارع نزل جاب لفات برغر و كولا
و رحنه على الشط هناك نتعشى

كعدنه بجهه هادئه كلش
بس صوت الحشرات و الهوة و انفاسه
ناكل بهدوء و الصمت سيد الموقف

انتبهت اني مركز عليه و أكل
هو ولا صدلي أبد نظرة كله كدام مركزة
كملنه اكل و اخذ قواطي الكولا ذبهن واجه كعد
و بقه هذا الهدوء قائم قريب عشر دقايق

حسيت عليه ايديه لمست ايدي
وشابك اصابعنه سوة و نظرة ما وجهه الي
عيني بقت بين ملامحه و بين ايدينه

رزاق .«من توفه عمي و مرت عمي و شفتج بوفاتهم ، من وقتها كلت رنا تكون مسؤوله مني
اخذت عهد انه اكون سندج من بعد عمي
بيوم رجعت من الدوام لليت جدي و شفت خالج قاسم ماخذج عندة وي ابنه هنا عقل مبقه براسي
حجيت وعصبت و كتله لابويه اني اريدها
كال وصيه عمك هيج تكول
نقهرت لأن عهدي نكسر ، خذلت نفسي بأول عهد
كبرت و كبرتي ومرت سنين
بيوم شفتج ابيت اخوج و حسيت بمشاعري بعدها طلبتج منه ، و الفاجأني هو ابراهيم كال خبر خالي و اطلبها منهم أول
تمالكت نفسي و رحت ، اسمع منا ومنا عن بطولاتج ماشالله
و بيوم عقد بت خالج طلبتج منهم
محمد كال ابويه و جديتي كون يوافقون
عصبت حيل لان احنه اولى بيج منهم
احنه اهل ابوج وهم مالهم حق يعترضون
تحملت لحد ما ردلي انه موافقين وتعال بس تبقى الموافقه الأخيرة الج ..
تدرين بشنو فكرت رنا؟؟ كلت حت لو ما ترضين
مستعد اجبرج جبر بس مهم تكونين بإسمي »

جان يحجي و نظرة بين الشط و السمه
ولا صدلي ابد بس ايديه تشد على ايدي

رنا .«وهاي انت جبرتني و خليتني باسمك»
رزاق .«صح ، بيوم عقدنه خليتيني اقسي وياج غصب عني ومع هذا فرحتي ما نطيتها لأحد
لأن حصلت البنيه اللي شغلت عقلي 9سنوات
بقتلي خطوة وحدة وبس .. جبتج لهنا حت نصفي كلشي بينه »

دار عليه وتلاقت نظراتنه
لأول مرة اصد عينه و كلبي يخفق سريع
شكد تصدف اباوع بنص عيونه
بس ولا احس بهالشعور ابد
نزلت نظراتي ورجع شد انتباهي من جديد بكلامه الي و نبرته

رزاق .«من يوم اللي ملكتج وأني صاد روحي عنج ، انيمج بحضني و نترادد و نعاند بس ما حاولت افرض شخصيتي عليج من البدايه وانتي كارهتني هالكثر ..
رنا هسه رح يتم الزواج و كلشي يتغير
رح يصير بينه حقوق و واجبات
رح يصير بينه ثقه واجب تنصان مهما يكون
لو نكسرت الثقه بينه ، صدكي لو نعيش بعد مليون سنه يستحيل ترجع تترمم
اتمنى تفهمين كلامي هذا ، عندج شي نتناقشه يلا ننام ، نصفي كلشي
اريد اليوم نرد و باجر نبدي من الصفر
نحب بعضنه و نصون كلامنه لبعضنه
بعدج يمكن ما تعرفيني عدل
اني غيور رنا كلش أغار
احب يصير اهتمامج إلي بدون احد يشاركني
احب ارجع الكاج بالبسمه الحلوة بدون عصبيه
احب احبج براحتي ، وقت اللي اشتاق الكاج
لحد الان اني ممسوي اي شي من اللي يسووه اي مخطوبين او متزوجين بس حت تاخذين وقت ، بس ورة زواجنه هذا كله يتغير لان رح اطمع بحبج»

بقيت اسمع و ساعه الاصد عينه
وساعه الاركز بيها و انصت اله
مخططاته و احلامه وياي كبيرة
و ما اكدر احققهن كلهن هسه
و اخاف اكوله و ما يتفهمني

رزاق .«رح ابقى مثل كل مرة وحدي احجي !!
ما تشاركيني شي مرة باللي ترديه ابد؟؟»

فكرت اللي اريدة شنو !!!!
شنو اشاركه يعني مثلا ؟؟؟
رزاق بس الغبيه اللي ترفضه واحد يحجي الحق
بس اني اخاف لا يتحول علي و يشك بيه

رنا .«هواي عندي كلام ويمكن اكثر منك ، تمل حت من تسمعني وتندم لان طلبت احجي»
رزاق .«هههه لا كولي اسمعج اليوم اريد ارجع واني مصفي كلشي بيناتنه»

رنا .«نبدي من توفو اهلي!!!!!
خالو قاسم اخذني لان شاف محد جان بحالي
جدتي و عمامي انخبصوا بموت اخوهم
بس ما شفت احد كال نشوف ابنائه شوضعهم
إبراهيم جان يرجع ميت تعب و بجي
و جانت رونق بس وياه و تسندة
حت اخويه ما فكر بيه من توفه بابه
خلص العزة و ما شفت احد منكم كال رنا شلونها شلون حالها و شرح تسوي
جنت طفله رزاق و احتاج احد يحتويني
ما لكيت هذا الأحد !!
ورة السبعه اجه خالي و اخذني و هو الوحيد اللي فكر بيه لهذا جان من المستحيل ارفض روحتي الهم من غير انه اني قضيت اكثر من سنتين وي محمد و متعودة عليهم
رحت و مرت سنين وما اعرف عنكم طاري
بيوم و ليله انت انفرضت عليه
حنانك اللي عاملتني بيه طول هالشهرين هاي
جنت محتاجتهم طول الـ10 سنين واني يتيمه
مرايدتك صح بس نخلق شي بداخلي الك غصب عني ، غصب جيت و نبتت هالمشاعر هاي
ما اعرف وجهتها وين تروح
بس تعودي عليك هسه يخليني احب قربك
هذا سبب قبولي بالزواج
تحبني ؟؟ دليني لا تقسه عليه
تحبني ؟؟ احويني ولا تحسيني باليتم
خليني اكون بعينك كامله و هيج أني ارفعك لسابع سمه من اشوفك انت وياي
من اغلط فهمني لا تعاقب بتسرع
هاي اني رنا اللي كتلي حلمت تخليها باسمك
اوعدك اصون اسمك اذا قدرتني
من ينداسلي طرف أتحول و ما شوف كدامي
حت لو كان شخص احبه او عزيز
وانت ادرى شسويت ما يحتاج افهمك»

كملت كلامي يلا رفعتله عيني
ابساطه حجيت اللي بداخلي
لاول مرة اكون بهالوضوح وي احد

تمسك بيدي و شد عليها حيل
رزاق .«تركيلي مجال ادليها لمشاعرج اتجاهه»
رنا ّ«كومه حجيت ركزت على مشاعري!!!»
رزاق .«لا طبعا ، كل كلامج سمعته بس هذا اهمشي إلي »

مجنون اشهد بالله هالانسان مو صاحي
كام نكث ملابسه و كال يلا نمشي

ركبنه السيارة ورجع على شارع المعارض من جديد ، دخلنه و طلعنه و دخلنه و طلعنه
تالي اختارينه غرفه بيض و وبنفسجي
ورزاق اختار وياها طخم قنفات هم بنفسجي بس تونه افتح

حجزناهن و رجعنه
جانوا بادين يعزلون بدت العالم تروح لبيوتها
وصلنه البيت و الهدوء سيد المكان
كلهم داخلين غرفهم ينامون
صعدنه احنه هم للغرفه
دخل رزاق للحمام يسبح واني بدلت بسرعه
خليت حجابي بالكنتور ورحت مددت
اليوم تعبت كلش هم فرارة سوك وهم نزله للمعارض ، والله يساعدة هو دوام و وصلنه للسوك و فرفر وياي المعارض

طلع ينشف شعرة راح للمرايه مشط و مدد يمي
من يوم اللي اجيت هنا
بس اول ليله بتتها بغرفه بلسم
و الباقي كله عندة هنا بالغرفه
مرت عمي تسمع كلام و هو يردها

سحبني لحظنه و نام واني هم غفيت
ثنينه تعودنه على هالنومه بعد
ما أنكر انه ما اكدر انام اذا ما اكون يمه

مضى اسبوع واني كملت كلشي بعد
وصلت الغرفه و شدها هو و اياد و كرار
رتبت الغراض على اللي يريحني
كنتورنه منفصل بس ملابس الطلعه سوة
ميز المرايه جهه اني و جهه هو بس اني الاكبر طبعا لان هو بس عطور حاط

شاف كلشي جاهز و بدة يلح يلا كمل و بقه العرس و يلا هيج و هيج ويلح
طفرني لربي غير يفهم يا بني آدم ما جاهزة ولا يفهمني ابد وهو ع طابه و طالعه يكول خل نحضر للعرس بعد كملنه كلشي
تالي انفجرت بيه كمت اصيج

رنا .«رزاق افهم اصبر كم يوم بس كم يوم لبين ما اخلص يعني اله اكولك منظيفه يلا تكف عن العرس ... صار شكم مرة اكولك ما جاهزة اصبر شوي😬 »

بقه صافن بوجهي و راح للحمام غسل وجهه ورجع كعد مقابيلي .«اصبر بس كم يوم بقالج»
رنا .«اسبوعين 😡»
رزاق .«وين اكو هلكد يطول ولج»
رنا .«عززة انت شكو تسأل شمعرفك😨»
رزاق .«شايفتني جاهل يا بويه هم دارس وقاري واعرف شيصير .. هسه فهميني شكد بقه»
رنا .«4 ايام بعد»

كعد يحسب و يفكر و حجه ّ«اخذيها 9 ايام لبين ما اكمل اجازتي حت انتي هم تحجزين صالون و ترتبين امورج ماشي»
رنا ّ«كتلت روحك علمود هاي!!»
رزاق .«غير اعرف حت اشوف شوكت اطلب الاجازة ولج قابل عريس واروح اداوم»

نزل لمرت عمي كاللها ع الوقت و شتغلاظت الهلاهل و الهو صوته مله البيت
لهالدرجه منتظر العرس يعني !!!!!!

__________ سارة تروي __________

وصلني محمد للبيت دخلت و راح
توجهت على باب الاستقبال ما تنفتح مقفوله😨
اتصلت على جعفر طول يلا فتحه
شسالفه هستوها ال11 معقول نايمين يعني!!!
احجي وياه بهمس حت امي ما تحس

سارة .«جعفر انزل افتحلي الباب»
جعفر .«انتي وين ولج»
سارة .«بالطرمه وحدي تعال رح اجمد»
جعفر .«نازل نازل»

سداه شوي وسمعت خرخشه ورة الباب
بس ما نفتح بعدة
رجع دكلي جعفر .«سارة المفاتيح امي شايلته جربت الموجودات ميفتحن»
سارة .«عزززة وين اروح جعفر حاول فدوة»
جعفر .«والله ولا واحد ديفتح شنو اسوي فهميني ، و القفل صعب ينكسر و امي تكعد»

خنكتني العبرة ، يعني ليش هيج سوت
يا ام توصل هاي درجه الحقارة
جعفر .«سارة دكي على رجلج خل يرجع»
سارة .«هسه اكيد وصل 😭»

ابجي و اسمع جعفر يحجي
ركزت عرفت وي محمد ديخابر
انتظرت ربع ساعه و جعفر موجود ورة الباب ما عافني لحد ما اجه محمد كتله روح نام
طلعت لمحمد و دمعتي كوة مسيطرة عليها
نزل من السيارة و طفرت عليه حضنته حيل

سارة .«أخذني منا بعد ماريد ارجع»
محمد .«امشي باباتي خل نروح البيت و نحجي عود هسه تعاي وياي»

صعدنه و ساق طريقه بسكوت تام
وصل ديطفي لزمت ايدة .«محمد شون اذا سألوا ليش رجعت!!»
محمد .«لا تخافين اكوللهم مرجعتها مشتاقلها وهيج محد يسالج ماشي»

ندت براسي اي و دخلنه البيت
عمتي بغرفتها و غيداء بالصاله تقرة
دخل محمد يمها و دخلت وراه بقت تباوع لان رجعت و اني ، طلعت عود راجعه لأهلي 💔

غيداء .«شو رجعتي😐»
محمد .«ما ترديها يعني»
غيداء .«لا هلا بيها بس كالت راجعه»
محمد .«خلي عيونج بالكتاب حبابه واقري معليج»
التفت عليه .«يلا سرو نصعد»

صعد فوك و صعدت وراه
شما يكون تبقى جيتي هنا ثگيله
طلعت و ودعتهم على اني راجعه
ربي رحمتك شذنبي هيج اتبهذل والله حرام
دخلت الغرفه ع الصامت طلعلي لبس وطلع
بدلت ملابسي و علكت الحجاب
كعدت على السرير دخل بيدة بطل مي خلاه بثلاجته الصغيرة
راح للحمام بدل ملابسه و اجه يمي كعد

محمد .«ليش خابر جعفر كال تعال اخذ سارة!!
شنو صار من رحت؟؟ عمتي حجت عليج؟؟»

سارة .«امي اصلا ما شفتها 😢»
محمد .«زين لعد شصار فهميني؟؟»
سارة .«مامه قافله الباب وضامه المفتاح حت ما ادخل 😭»
محمد .«زين جعفر مة بالبيت ما كدر يفتحه»
سارة .«قافله باب الاستقبال و باب المطبخ»
محمد .«ماشي أهدي ، احسن هيج حت اشبع منج الليله و ما اشتاقلج اكثر
شوفي نروح بيت جدي سبوع و ارجعج لهنا
تحضروا لمهر غيداء لبين ما اكمل اني شغلي هناك .. يخلص مهر غيداء نعلن انه نسوي عرسنه و نبدي نحضر ماريد اسافر و بالي عندج»

سارة .«اللي تريدة سويه محمد»
محمد .«مو اللي اريدة ، هسه احنه دنتناقش»
سارة .«امشي ننام حباب تعبانه»
محمد .«دمددي اني هسه جاي»

باس راسي و طلع من الغرفه مرة ثانيه
دخلت جوة الفراش و بقيت افكر
شكد غبيه اني اللي كرهته
و هسه الوحيد اللي ارتاح يمه
من موجود احس بروحي عايشه
احس انه اريد ادلل بحبه و حنانه
محمد هو الشخص اللي جنت اتمناه
الله يقدرني اني اسعدة
ياربي انطيني القوة انه انطيه الحب اللي يستحقه لانه انسان رائع

غفيت بعد ما حسيت و النومه نومه للصبح

___________ محمد يروي _________

وصلتها و حاس انه ما تمر بسلام
و مثل ما توقعت خابرني جعفر
طلب اروح اخذ سارة اليوم
ما طولتها وياه و كتله ماشي و رجعت طريقي الها
كمزت لحظني تبجي
شكد اكره نفسي من اشوف دمعتها
طول الطريق واني احسب و افكر
لحد ما رسيت على قرار نهائي
ورة مهر غيداء يصادف محرم
محرم و صفر و فرحه الزهرة اخذها بعد
احاول اكمل اوراقها هم و اخذها وياي تدرس
سارة هنا وجودها ميخليني ارتاح

دخلنه للبيت وصعدنه فوك
طلعتلها ملابس و اني مدقق وياها
هادئه ولا حجت
نزلت حت تبدل و دكيت الباب على امي

امي .«تفضل ماما»
دخلت شفتها .«ها اليوم وحدج وين قويسم عنج»
امي .«هه ولي ولك شوكت تحل عني»
محمد .«صبري اعرس و احل عنج»
امي ّ«انت و همتك بعد»
محمد .«ههه لا تنامين اصعد ابدل و اجي عندي شغله وياج ضروريه»
امي .«منتظرتك حبيبي»

طلعت من عدها اخذت بطل مي و صعدت
حطيته بثلاجتي و كعدت وي سارتي كتلها
اعرف من قهرها سلمت كلشي بيدي
بس اريدها ترجع ذيج سارة اللي تلاسني على كلشي اكوله تعاندة

بدلت و نزلت لأمي
محمد .«ها كاعدة »
نهضت نفسها .«يي يمه تعال»

كعدت مقابيلها .«يمه سارة رجعتها وياي»
أمي .«محمد ما يصير تبات عندك هلكد وانتو بس خطوبه العالم لو تلاحظ تاكل راسنه يمه»
محمد .«مامه فهميني ، سارة عمتي مدخلتها للبيت ، رجعتها اني بس خابر اخوها كال تعال اخذها لسارة احسن مما تبقى برة»

امي .«محمد عمتك شايفه عليك شي اللي هيج كالبه على بتها»
محمد .«شتشوف يمه ، من جنت اروح بيت اهلها غير حضن ما قربلها و مرتين بستها جانت بغرفتها .. سارة غير هنا ابيتي مكدر اطوخ وياها وهم بحذر لان اعرفها تخاف
يمه اني اعرف شون اتصرف بس هي عمتي تكره سارة أول خطوبتنه واني ملاحظها»

امي .«زين شنو رح تسوي»
محمد ّ«ابقيها عندي طبعا
الثلاثاء الفجر اخذها و ننزل للبصرة
ارجعها الاحد اجيبها هنا عندج مو لأهلها
و هسه هم كتلها و فهمتها يمه
يخلص مهر غيداء و محرم و صفر و على فرحه الزهرة نسوي العرس
انتي اخذي حساباتج وياها و اتفقوا
خل نتزوج حت ترتاح والله خايف عليها»

امي .«ماشي بس انطي خبر ولو لابوها حت محد يحجي عليك»
محمد .«هو الصبح اخابر عمي .. يمه اللي صار هذا ماريد لا سارة تعرف انه كتلج و ولا غيداء
ماريدها تنحرج»
امي .«تدلل ، روح اصعد نام بين ما فكر»
محمد .«ديالله عمري تصبحين على خير»

و هاي اول خطوة خلصت
بقت عمي وهم يقنع غصب عنه
دا اصعد و سمعت غيداء بالصالة
مديت راسي .«ساعه وحدة و كتلج حدج للـ9»
غيداء .«محمد ترة سارة فوك روحلها حباب»
محمد .«غيدااااء »
غيداء .«شبيك هاي و بس كلام بينه هو عد اهله واني عد اهلي قابل ماخذني بيتهم مثلك»

ايا حقيرة شهاللسان 😨
محمد .«عايزة ترحين بيته ولج»
غيداء .«بربك محمد روح عليك الله 😁»
محمد .«الصبح اراويج مبيه هسه»

تركتها و صعدت ، مدري غرت عليها
دخلت غرفتي سارتي نايمه
طفيت الضوة ورحت مددت يمها و سحبتها لحظني
اسكر على ريحتها و نعومتها
لأول مرة تجي براسي فكرة و حبيت اسويها
دنكت على ركبتها بستها و سويتلها اثر 🔥

وخرت ضحكت عليها لان محست
حضنتها اكثر و نمت

صبحت الصبح على وجه ملاكي
الشي الوحيد المستفاد بيه من عركه عمتي
هو سارة يمي تبقى
حمدلله اللي اني هنا ممسافر

كمت للحمام غسلت و بدلت و نزلت تركتها نايمه
صبحت على اهلي
امي .«اصبلك جاي يمه»
محمد .«لا لا طالع»
اخذت زيتونه و طلعت من البيت رحت لخالي
عندة عرف بالوزارة اريد أسال اذا اكدر رأسا اخذ سارة دراسه للخارج

قضه اليوم و حليت اموري ومريت لاسامه
كتله على سالفه جدتي و تناقشنه شون نحلها
بقه يومي هادئ واني مطمن على مريتي ابيتي موجودة محد يغثها بحجايه

رحنه على اسماء اخذناها و رجعنه للبيت
محلاها وهي هنا ، اف ربي عاشكها والله

دخلت قبلهم حت انبها تصعد تلبس حجابها
صعدت وراها للغرفه
محمد .«شلونه الحب مالي اليوم»
سارة .«زين 😊 ليش ما كعدتني من طلعت»
محمد .«محبيت اخرب نومتج رويحتي»
سارة .«لو مكعدني جان سويتلك عزة على اللي مسويه بيه بارحه»
محمد .«ههه شفتيها 😂»
سارة .«مكروه نحرجت من عمتي»

محمد .«لا تنحرجين كوليلها هاي علامات الحب»
سارة .«يي وشون جريئه اني احجي هيج»
محمد .«بربج مو حلوة»
سارة .«ما تقنع انت ، وين رحت من الصبح»
محمد .«هااا صح تذكرت
كملت شغلتج ، نعرس انشالله واخذج وياي
ندرس سوة بلندن انتي طالبه و اني الأستاذ🔥»

سارة .«ومنو كال يصير ، شهادتي تقرة اعداديه بس لأني ممكمله الدبلوم»
محمد .«اعرف حبيبي ترحين وياي و ناخذ البكلوريوس بدل الدبلوم»
سارة .«منا لحد ما نعرس الله كريم»
محمد .«اكولج سارتي ، جهزي هسه غراضنه حت باجر نروح للبصرة على اساس الثلاثاء بس الاثنين عرس رنا و جدتي كالت تعال من وقت»

سارة .«كون اروح لبيت اهلي حت اخذ لبس
هنا عندي بس فستان حنه غيداء ماريد البسه»
محمد .«لا ماخذلج اني من لندن»
سارة .«اول تالي لازم اروح اخذ لبس بيت و شغلات لازم اخذهن »
محمد .« شوفي ما اخذج لاهلج انتهى و عمي هم مموجود مالج رجعه ، لبس بست هنا عندج ، كلشي ما خذلج ترة حت داخليات .. عندج شي محتاجته ننزل نشريه وخلص»

تركتها و نزلت حت ما تناقش
وهيج قضينه اليوم وي اهلي
اسامه يجي بيوم العرس ميكدر ياخذ اجازة
اني و سارة و غيداء نروح من باجر
قويسم و امي مدري شوكت يجون
حضروا العشه كلهن و امي كاعدة ملكه
رجع ابويه و كملت عائلتنه السعيدة

ضحك و سوالف و شقه
الجو جان يجنن
كتله لابوبه على عرسنه وكيف انه قدمناه
هو يحبها لسارة كلش
حمدلله

نتهى اليوم هم براحه
تعودت صار 4 ايام سارة بحضني تنام
راحتها وياي وتقبلها الي مطيرتني للسما
اضغط عليها شوي شوي بالجرئهمرات تصد ومرات تتركني على راحتي من هي هم تذوب

صار الصبح و كملت هي لأغراض كلهن شدتهن
جنطه وحدة لبسنه ثنينه
خليت فستانها و ما رضيت تشوفه هسه
تريكنه و توكلنه للطريق
صلوا على محمد 3 و استلمنه الطريق بعد

_____________ رنا تروي ____________

مضى اسبوع و بقه يومين للحنه
رزاق حسبلي يوم يوم لحد ما كملت يلا ارتاح
مداريني برموشه و محافظ عليه

كاعدين ع الأكل نتعشى و اجو بيت اياد
سلمنه على فاطمه و فرحتنه بخبر حملها
مرت عمي كلش تحبها و تريد خاطرها
علي نصب عليها من بجت
علي كارثه كارثه ميبقي واحد ما ينصب عليه
عكس كرار ثكيل و رزن
علي طالب كليه وي رزاق و وياي هم لان داومت هنا بس الفاينل لان هي نهايه سنه

كفينه السفرة اني و فاطمه و بلسم
تعودت عليهم لأن كليومين و فاطمه عدنه
و بلسم نهاري كله وياها
شربوا جاي و عمتي كالت خلو فاكهه
هم جان الجو حلو شوي

اني كملت شغلي و صعدت بعد
ظهري اليوم اذاني شوي كله ركض بركض
نظفنه البيت اني و بلسم للحفله
هي هم تعبت خطيه بس فرحانه تكول لعيون اخوي اشيل جبل و ما اشكي

دخلت غرفتي مددت
شريط حياتي مشى كدامي
وين جنت و وين صرت
منو جان يصدك رنا رح ترضى يوم برزاق
جنت اكرها خصه من رونق كلتلي خطبج
و هسه هو شخص مهم بحياتي
و بعد يومين رح يصير الشخص الوحيد اللي يكون امري بيدة

انتظرت يصعد اكو شغله لازم اكولياله
يستحيل اقبل يمر العرس بدونها
لحظه شغلتين هن ، اي ثنينهن مهمات
حضرت ملابس و دخلت سبحت
حسيت نص التعب انزاح عني
طلعت شسورت شعري و دخل للغرفه

رزاق .«نعيما»
رنا .«ينعم الله عليك»

شمر روحه ع السرير
دوم هيج يذب روحه و يفطسني ضحك
يكول متعتي هيج من اشوفه يصعد و ينزل
عندة اشياء يسويها بعفوية
بس هي مال اطفال
ولا كأن عمرة 29 سنه ابد

كملت شعري و كمت يمه
هو امدد على ظهرة و يباوع ع السكف
مددت على بطني قريبه منه

رنا .«رزاق اكو شي اريد اطلبه وشي اريد اسمعه»
رزاق .«يي يلا كولي اسمعج»

نقلب على صفحته صار كلش قريب مني وترني
دا اكوم سحبني .«ابقي قريبه هيج»
بلعت ريگي و نزلت عيوني
يا ربي اخجل هذا شنو ما يفكر بيه

رزاق .«يلا رنو ، شنو ردتي»
رنا .«خل ابتعد اول حباب»
رزاق .«بعد يومين تقربين اكثر من هيج عليمن الخجل هسه»
رنا .«رزاق شبيك»
رزاق .«ماشي يلا المهم خل افهم شنو»

كعدت و هو هم نهض كعد كدامي
رنا .«تذكر من كتلي انت مراضي عليه!!!»
رزاق .«اي اتذكر»
رنا .«بعدك مراضي لحد الان؟؟»
رزاق  .«اكو اشياء راضي و اشياء لا طبعا»
رنا .«يعني بعدني ملعونه مو 😐»
رزاق .«شنو ملعونه!!!؟ مفهمت»
رنا .«انت كلت المرة اللي ميرضه عليها زوجها تبقى ملعونه لحد ما يرضى عليها»

ابتسم و تقرب مني
اخذ ايدي بيدة و نظر بعيوني
رزاق .«فهمتج ، راضي لأن تقبلتي اني زوجج
راضي لأن عيونج هسه بس الي تشوف
بس اكوليالج حت تعرفين من البدايه
مراضي على هذا البعد بينه و البرود
ما تتقبلين قربي بعدج ، جوة شكل و بينه شكل
تدرين شكد بنفسي ابوسج ، احضنج ، اشمج ، انيمج على ايدي وانتي مرتاحه مو متفاجئه
رنا ذني كلهن انتي مانعتني منهن»

نزلت عيوني لان صدك كلهن ما اسمحله بيهن
بعد يومين عرسي و هذا الخوف الأكبر
لازم انطيه حقه و اني من قربه البسيط كلبي يرعد عاد اسلمه نفسي
وكأنه قرة افكاري و رفع راسي

رزاق .«هذا كله مهم عدنه تعرفين انتي
رنا شنو عندج شي تخافيه كوليلي عنه
ماريد اتفاجئ بيوم العرس و بعدين يكولون مكدر على مرته وتعرفين الواحد شيصير بيه من يسمع هيج!!!»

رنا .«وخر شوي ارد انام 😢»
رزاق .«خل نكمل كلامنه اول»
رنا .«تركني افكر الله يخليك😭»
رزاق ّ«عليمن الدموع حبيبي ، شو تعاي نامي بحضني .. اعرف انه افاجئج من اسحبج الي بس اعرف تعودتي مثلي»

مدد و مددت بصفه راسي على صدرة
و ايدة محاوطه خصري
بقه هو ساكت ما حجه و اني افكر و افكر
تالي سلمت الموضوع بيد الله
منا ليومين الف حلال يحلها

رنا .«رزاق »
.«همممم»
رنا .«خل اطلع من بيت جدي ، اريد من البيت البيه ريحه امي و ابويه»
.«رنا هناك بيت جدج كلهم»
رنا .«نفتح بيتنه ، المفتاح عندي .. ما ادخل بيت جدي بس لبيتنه»
رزاق .«اشوف منا لباجر و لا تنسين ترة هنا هم ابوج ريحته موجودة هنا عاش لحد ما تزوج»

ما رديت ، اريد اطلع من بيتنه و هذا حقي
اريد ريحه امي الصار عشر سنوات مشامتها
غفينه على نومتنه و صبحنه الصبح
ب8 خاله منبه حت اتحضر نروح للصالون
كعد وياي صلى و نزل
جهزت اني نفسي و غراضي
اجت بلسم لفت حجابها يمي
انتظرنه فاطمه تجي و نروح للصالون سوة

صارت العشرة طلعنه وصلنه علي و راح
دخلنه بالصالون غسل و تشحين من جديد
لحد ما طلعت ابرج على كولتهم
كعدت ام الصالون شتغلتني سوتلي المكياج
حلو و هادئ بسيط بس برز جمالي
اجت الثانيه سوتلي شعري
رفعته بطريقه راقيه كلش حلو
حطتلي پوك هرش ورد على الصفح بدل التاج
هم كلش جميل طلع و نازك

كملت و كملت بلسم اجت وياي حت البس الفستان

فستان رنا

جهزنه كلنه و اجه علينه كرار و وياه عباس ابن خالي جواد !! تفاجأت شعجب جا
وصلنه و اشوف شو اخذوني لبيت جدي!!!!
معقول قبل رزاق اطلع من بيت اهلي؟؟
ليش مكالي حت اجهزة !!! 😐

دخلنه و تفاجأت انه الحفله هنا و الكل موجود
خلاتي و خوالي و بيت عمومتي هم
اجت خاله مها تلكتني و وراها سارة و غيداء هم تلگوني بالهلاهل شالن البيت
حسيت انه امي اللي استقبلتني مو مرت خالي 😭

سلمت عليهم و دخلت جوة
مرتبين الكعدة و الصاله كلها مزينه بنزاكه
دمعت عيوني واني اشوف المفاجاة

____________ سارة تروي ____________

جهزت ملابس من اللي ماخذيالي محمد
وهو هم جهزتله لبس للبيت و للعرس
كملت الغراض و نمت بحضنه مثل كل ليله
الصبحيه طلعنه لبيت جدة و غيداء ويانه
الطريق طويل و هو ما يمشي كلش سريع
لان غيداء تصير عدها دوخه
من تغفه يدوس سرعه و من تحس يخفف
لحد ما وصلنه تلكونه ولد ثنين براس الفرع
نزل سلم عليهم و صعد كملنه الطريق للبيت

نزلنه و هو نزل الغراض من الصندوگ
دخلنه البيت و ايدي بيدة
من المطبخ دخلنه و تلكتنه عمته مليكه
رحبت بينه بسلام حار
دخل محمد لغرفه جدته و هو گايد ايدي
هم سلم عليها و صاحتلي اسلم عليها
غيداء اجت حضنتها و شاقتها ضحكتنه

شوي و طلع محمد بعد ما وصه عمته مليكه عليه 😅 عبالك رح ياكلوني يعني
مرام و فرح و رقيه نزلن من فوك يركضن
هم سلمن و اخذونه فوك بغرفتهن
رقيه اخذت جنطتنه بغير غرفه ما سألتها هسه

كاعدين سوالف و ضحك دخلت سميه
سلمت منورة خشمها شون ما كان
شبيها هيج وياي حت البنات باوعن علي
حاولت ابتسم و ما ابينلهم
طلعت و البنات غيرن السيرة رأسا

ذبيت الحجاب و كعدنه نسولف فوك و اخذنه الوقت بالحجي بدون ما نحس
كل وحدة تحجي سالفه واني اسمع بس
رمشلي محمد انتبهت فرحه ضحكت

سارة .«شوي و اجيكم بنات»
غيداء .«وين ترحين»
فرحه .«نداء خاص من الجهات العليا😂»
البنات .«هاااااااا روحي روحي»
سارة .«ما تسكتين اله تفضحيني 😅»

تركتهن و طلعت هو بالهول الفوك
شافني و كام على حيله

محمد .«تعاي اشمج ولج اريد شحن»
سارة .«عليك علي صحتلي علمود شمه»
محمد .«ههه لا بس هاي هسه اهم»

رحت يمه حضني و اخذ نفس من ركبتي
كاد ايدي و جرني وراه
محمد .«تعاي اراويج الغرفه مالتي»

فتح باب الغرفه و دخلنه
تمعنت بيها حلوة مرتبه ومبينه مال شاب
ميز دراسه يم الشباك و السرير بالنص
مقابيله الكنتور و على الجهه المرايه و المجرات
سارة .«حلوة مرتبه»
انتبهت جنطتنه هنا حاطيها
فتحها طلع ملابس اله و طلع إلي هم بدربه
تركلي الغرفه ابدل و هو بقه برة لبين ما اكمل
خلصت صحته دخل بدل و طلعت

رحتلهم وي ما كعدت جدة صاحت الكل ينزل
نزلت و محمد وراي نزل
كلنه تجمعنه بغرفتها حت عمات محمد
عود نسوان عمامه ماكو !!
المهم كلنه تجمعنه حت محمد يمنه كعد «يمي»

جدة .«سمعن يمه ، اريد تطشن بالبيت و تزيننه من بابه لمحرابه و تجهزنه بـ ساعه وحدة»

مرام .«جدة تردين تعرسين»
جدة .«ول يالما تستحين ارد اطلع بنيتي من بيتها كومي من كدامي لا بارك الله بيج»
مرام .«هههه جدة جان فرحتلج والله»
رقيه .«سكتي اله ترزلج اقوى»
محمد .«لازم تاكل رزاله يالله تجوز»

😒 شكو تدخل بكلامهن انت 😬
نظرتله و درت عيني عنه
جدة .«وانت يمه حمادة ، روح لعند الزلم خل البنوات يشتغلن .. روح وارتاح مريتك بالحفظ و الصون لا تخاف عليها»
محمد .«هههه تدللين»

الكل طلع و توزع على شغله شكل واني اتفرج
اجاني محمد من ورايه .«لا تعبين كلش تذكري عمليتج ماريدج تتاذين»

سارة .«هو شفتني كامشه شي»
محمد .«اعرف حبيبي بس دا اوصيج»
سارة .«ماشي يلا روح»
اخذ بوسه خطف و طلع تحت انظار الفيلق كله
خجلني المكروه 😂

بلشت وياهن احط الزينه بعد ما كملن تنظيف
عمه مليكه بقت وهي صارت الحكم
من نزين جهه هي تشوف حلو او لا
كملنه كلشي بعد شغل اربع ساعات
جدة نايمه حمدلله
البنات صعدن كل وحدة غرفتها
غيداء و فرحه سوة
و مرام و رقيه سوة
اني هم دخلت غرفه محمد مددت على فراشه غفيت من التعب نمت
حسيت عليه حضني و نمت بعد محسيت
للصبح جرينه النومه حسيت على انفاسه
فتحت عيني وجهي بوجهه
اخذتلي صفنه عليه
ملامحه شكد حلوة
ترتيبه شواربه و خف لحيته و ترتيبها
خطه حاجبه و طول رموشه و ثخنهن
محمد شوكت صار بهالجمال هذا

مشيت اصابعي على رموشه ناعمات
مشيتها على شواربه و لحيته
ركزت بشفايفه وانتبهت اني ولا مرة بايسته
كله هو يهجم و يذوبني
تقدمت خليت شايفي عليها بسته بهدوء
و ابتعدت هو محس عليه همزين
همستله .«احبك»
دا ارجع اكررها فتح عيونه 😐

محمد .«اني احبج اكثر 💏»
اخذني لعالمه و صار يتفنن بيها
نزل لركبتي هم و واضح سوة خريطه لان عاجبته السالفة كلش

بتعد عني و ضحك .«لا تتحرشين من الصبح»
ببكاء .«روح بعد ولا ابوسك»
محمد .«حت اموتج غير»
سارة .«اذا شفت مسوي زراك ازوركك والله»
محمد .«هههاي سويت لا تخافين
و لا تضميها بالمكياج خل تشوفها عمتي سميه و تموت بنارها 😉»

سارة .«عزة والله عيب»
محمد .«دكومي رويحتي حت بعد ما تتحرشين»

نهضت و هو هم
رحنه للحمام غسلت وجهي و هو واكفلي
نطاني الخاولي انشف و دخل هو غسل وجهه
اجت عمه سميه تركض ركض
.«شني عمه حت بالحمام ترافقها شايفنه ناكل اوادم»

وانتي شدخلج غيورا 😒
محمد .«غير اشبع منها عميمه ، فدشوي اطلع لليل يلا اشوفها بعد»
سميه .«سودننك بنات بغداد😏»
محمد .«ذوبني بعشكهن والله مو سودنني😉»

فديت اللي يقصف اي والله
عوجت حلكها وراحت نزلت
رجعنه للغرفه حت نتحضر
سارة .«ليش ما تحبني عمتك»
محمد .«تغار لان احبج »
سارة .«مفروض تفرح لان ابن اخوها مرتاح»
محمد .«لا تهتميلها سرو ، يلا اشو شلبس»

رحت طلعتله لبس كلاسك بنطرون و قميص سمائي و ساعه و جواريب
سارة .«قبل الحفله بشي ساعه تعال بدل حرامات يندمر ألقاط من هسه»
محمد .«ماشي»

طلعت حت يبدل رحت لغرفه البنات
دكيتها و دخلت لكيتهم هستوهم كاعدين
صبحت عليهم و بقيت كاعدة لحد ما صاحني محمد كمت رحتله

سارة .«ها»
محمد .«طالع أني ، لبسي حجابج من تنزلين خاف يجون الولد على شي .. قريب الحفله عود بدلي ماشي»
سارة .«صار مثل متريد»

تقدم حضني و اخذ بوسته و نزل
رجعت يم البنات كلهن كعدن
تريكنه و چيكنه المكان مرة لخ ميحتاج شي
صارت الوحدة صعدنه كل وحدة بغرفتها تعدل

دخلت سبحت بسرعه و شسورت شعري
بديت اسوي التسريحه بسيطه
شلته كله كبايه و حشيتها
نزلت منهن خصل تنزل على الظهر
سويت الكدام پاف
مكياجي هم خليته هادئ مو طوخ
حت من يدهل العريس ما اضطر اغسله

كملت و جهزت نفسي و كمت ع الفستان
لحد الان مشايفه موديله
طلعته و بهرني جماله
صدك محمد ذوقه حلو
يعني لا كلش مخبوص و لا بسيط كلش
مناسب للحفله

بلست ستريج و بدي بلا ردن ثنينهن كبس ع الجسم حت ما يدخلي هوة و ابرد 😁
توجهت عليه دا البسه و دخل محمد تبسمرت

بقه صافن عليه .«شجابك هسه؟»
محمد .«ههه گلبي علمني انه دتبدلين»
سارة .«اي لعد غير تدك الباب»
محمد .«مرتي جوة ليش ادك الباب واجذب انتباهم يعني»
سارة .«محمد ...»
محمد .«كتلج جايبج هنا زوجتي مو خطيبتي
و بعدين قابل واكفه كدامي مصلخه
هاي و لابسه عليمن هالحجي بعد 😡»

سارة .«لتصيح اشو »
نداريت دخلت جوة الفستان لبسته
رحت كدام المرايه ارد اسد السحاب اجه سداه
بقه صافن عليه و عيونه تنزل على طولي
الفستان بيه فتحه الصدر شوي نازله
رفعت ايدي اغطيها سحبها مقبل

دارني عليه بـ💏💏
تفنن بشفايفي بس بهدوء ذوبني
حسيت انه اول مرة ابادله
كل مرة اخليه بس هو
مدري شصارلي هسه و بادلته و خفت يفقد
شوي و ابتعد كام يفرك بوجهه و يستغفر
شدهني شبيه شسويت يعني؟؟؟

راح طلع القاط مالته ديبدل انداريت
عدلت مكياجي من جديد لحد ما كمل
اجه يمي حط العطر و غسلها لروحه بيها 😒

سارة .«بعد ما تريد تطب تسبح بيه»
محمد ّ«بشنو !؟»
سارة ّ«بالعطر غسلتها لروحك غسل»
محمد .«هممم حبيبي غار من العطر ، تعاي اشو اسبحج وياي حت يعرفون من عطرج ملكي»
سارة .«ماري... كافي وخر حتكتني كح كح كافي محمد رح اختنك»

محمد .«يلا هسه كافي»
سارة .«والله هسه انزع الفستان و ما انزل»
محمد .«ديلا حت ابقى وياج»
سارة .«محمممممد😬»
محمد .«ههههه يلا نازل تاخرت ع الولد
ها صح ، الثوب بيه جاكيت و شال هم ماخذلج وياه .. تلبسيهن و تنزلين»

سارة .«ترة حفله ليش البس حجاب»
محمد .«يرحون يدخلون ، والمطبخ لا تقربيله»
سارة .«شو اطلع يلا »

ضحك عليه و نزل ، رحت للبنات هم كملن
حبوا فستاني و عجبهم
غيداء كلتلهم من لندن محمد ماخذة
خابرت اسماء جايين بالطريق وي عمتي و عمي

صارت الـ3 اجو
سومه مبدله بس مكياجها سوته
كملنه كلنه و نزلنه كل وحدة حصلت مدح شكل لجمالها و فستانها
حبيت كلام عمه مليكه حسيتها غورت عمه سميه .. عبالك بينهن حرب وما ادري

رحت يم عمتي كعدت كالت محمد كال لا تتحرك هواي و تتعب
بـ4 ونص اجت رنا وي مرت حماها و حماتها
و طبعا البيت انملى عالم لان جدتهم عازمه
دخلت رنا و عمتي مها ستقبلتها
اني و غيداء هلهلنالها لان محد هلهل خطيه
نظرتلنه بنظرة رضا لأن مفشلناها

دخلت عدلت نفسها و طبت للصاله
البنات هم ذبن حجاباتهن و دخلن وياها
حلوة الحفله حيوها بالاغاني و الركص
ب6 اجنظت ملايه سوولها جلوة هم حلوة عاداتهم وهي مبينه فرحانه بيهم

شوي و ام رزاق كالت لبسن حجاباتكم حت يدخل العريس
اني لبست السترة و الشال خليته على راسي
لحد ما لبسن دخل
والله حلو شبيها جانت مرايدته
حت هم احلى منها.
صدك الله نطاياها رزق 😂

دخل شافها و تبسمر كدامها و يبتسم
فدوة ترة كزكزت شوكت اعرس اريدة هيج ينظرلي كدام الكل بدون ما يحسبلهم حساب

تقدم و كعد يمها همسلها شي
هي رأسا خجلت و نزلت راسها
اول مرة اشوف خجلها جديا
فدوة الله يهنيهم و يجعلها زواجه الدهر

____________ رنا تروي ____________

حبيت الإستقبال و الحفله كلش
جد الكل فرحانلي
حت سارة ضحكتها و لا اختفت
اعرفها بسيطه هالبنيه بس تبقى غيرة المرة هي اللي تتحكم بيها مو بيدي هالشي

سوو فقرات و سوو جلوة واني متفاجئه
كل هذا شوكت حضروه
واني العبالي حفله بيناتنه بس طلعت امه محمد كلها هنا جايه

عمتي كالت رزاق رح يدخل
لبسن البنات و اني خجلت شوي لان فستاني فتحته كبيرة و اول مرة هيج البس كدامه

دخل واخذله صفنه خجلني
و اسمع الحضور يتغزلن بيه ضجت
ترة عروسته كاعدة عليمن هالزحف يعني 😡
تقدم يمي و قرب همسلي ّ«فينوس»
عدل كعدته و اني افكر شقصدة!!!!؟؟

عمه جابت الحنه و بدت المله تعدد بكلامها
حنالي ايدي و حنيت اصبعه
خالاتي نطوه هداياهم كلايد ذهب
تقرب يلبسني حسيت انه سحت خجل
ايدة طخت جسمي نزيت انتبه و ضحك

رزاق .«وج لا تخجلين وانوب اعرس اليوم و الغي عرس باجر»
يبوووووو وين اضم روحي
كسرنه الكيكه و اكلنه و شربت هم شربنا سوة

بيبي محضرته مهر و حنه سوة لان مسويت مهر
كمل و صاح بلسم طلب الصور كلها ترسلها اله بالليل
رنا .«شعجب ترسلها خو من نرجع ناخذهن»
رزاق .«لا رنو انتي اليوم باقيه هنا»
رنا .«ليش »
رزاق .«حت تطلع عروستي من بيتها»

دمعت و فرحت لان حقق رغبتي هاي
كام باس راسي و هم صفگو
ضحك عليهن .«ها اخذها و اروح»
ضربت جتفه ولا يخجل
سلم على امه و طلع

كملوا البنات الحفله و كمت وياهن ركصت
كلشي بنفسي تركته هالليله
اريد اعيشها بكل تفاصيلها لان بعد ما تنعاد
تبقى ليله وحدة بالعمر

صارت ساعه 8 كلنه تعبته
العالم راحت و بقوا بس الاهليه
اهلي من جهه ابويه هم سلموا و طلعوا راحوا بيت جدي
وهنا بقوا خالاتي و نسوان خوالي و بناتهم
بلسم خليتها تبقى ويانه و فاطمه كالت اياد ما يرضه ف رجعت

لملمن البنات الإستقبال و رتبن كلشي
بس خاله مها مخلت سارة تكوم وياهن
عمه مليكه سالتها شبيها
كلتلها عمليتها بعدها خضرة!!
تفاجأت عمليه شنو مسويه سارة؟؟؟

خلصن و وكفت كدامي يلا نصعد
صعدنه كلنه فيلق كامل
فرشنه بهول الفوك احنه و لبسنه
البنات صعدن كيك و مشروبات
الله جابهن ميته جوع
اكلت 3 قطع واني محاسه على روحي

كاعدين سوالف و ضحك دك تلفون سارة كامت
شوي و اجت كالت محمد يريد يصعد ، هو غرفته مقابيل الدرج
مرام .«خل يصعد عجل و كبل للغرفه حباب مو مال نكوم ترة»
سارة .«ههه ماشي هسه اكوله»

راحت واني ضجت
يعني محمد جاي ، هم رح يباركلي لو يتجاهلني
اصلا شكو يباركلي هو سبب هالزواج

واني صافنه و افكر شفناه خطف لغرفته دخل
و سارة وياه دخلت و سدت الباب

رنا .«اييه وين ابدل»
فرحه .«كيفج كلبي غرفتي و غرفه مرام موجودات ، وغرفه خاله الله يرحمها هم موجودة وين تردين دخلي»
مرام ّ«لا شنو شوفي ، بدلي بأي غرفه
بس بالليل كلنه هنا ننام ننجمع كليتنه»

بلسم .«وااااو وج الجو يجنن يصير»
رقيه .«يي وين تنعاد بعد و ننجمع»
فرح .«بعرسي اجمعكم تدللون»
رنا .«ددوري العريس اول وبعدين عزمي»
غيداء ّ«موجود رنو ننتظر لحد ما يخلص شغله»

فرحه غزرتها راسا سكتت
غلسن البنات و كمنه دخلنه نبدل
كملنه و لبسنه حجاباتنه و نزلنه جوة يم خالاتي
شفنه محمد و سارة نازلين
و خاله مليكه و سميه كاعدات هم
خالتي مها و خاله نرجس نسوان خوالي هم
عباس و مرتجى و جدتي

العائله كلها عدا خوالي كلهم كاعدين
كعدنه كلنه سوة
مرتجى باركلي و كعدوا يتشاقون نصبوا عليه
انتبهت بلسم ساكته حرف ما نطقت
مرتجى عين ويانه و عين عليها
نظرت لمحمد هم منتبه عليهم
شكله وكع مرتجى ومحد حاس بيه

رنا .«اكوللكم اني مو عروس ، وين الضيافه»
مرتجى .«طول عمرج تجين و تدورين ضيافه»
رنا .«اخر مرة اكل ابيت اهلي خل ادورها براحتي انت شكو😂»
مرام .«شنو تردين موجود طلبي و دللي»
رقيه .«اليوم يومج صبري نعرس و نطلعهن»
رنا .«ههه اكول لرجلي عليكم»

ضحكن عليه ، اول مرة استخدم هالكلمه كدام احد
حسيت بخجل شوي
غلست و كامن البنات يحضرن شي ويجن

فرحه ّ«كومي بلسم ويانه»
بلسم ّ«ماشي»

راحت و عيون مرتجى راحت وياها
اخذ نفس و محمد ضربه على كتفه
باوع عليه و ضحك
شوي و طلعوا الولد بقينه وحدنه
اشتغل موال خاله مليكه وهي توصيني
صوني بيتج و احمي زوجج و دلليه و لا تصيحين و لا تعاندين وووووووووو

كومه حجي تعيد و تسقل
خاله مها نكزت سارة كلتلها هذا الكلام الج هم
ماتت خجل الفطيرة
اجو البنات مسويات تشكيله اكل و فاكها
للـ1 يلا كمنه لغرفنه
عندي كعدة من 7 احضر و اروح صالون

فرشن البنات بالهول و اجتمعنه
تلفون سارة كلشوي يدك
فرح صاحت بيها .«روحيله اي مو راح يموت»
ضحكن عليها و هي خطيه ماتت خجل
كامت راحت لغرفته
بقينه وحدنه
كل وحدة شالت تلفونها
فرح و غيداء يخابرن
مرام و رقيه يراسلن
بلسم تباوع بالتلفون و تبتسم
طلعت تلفوني هم عندي رسائل من رزاق
تركتهن و خليت راسي و نمت

______________ سارة تروي ___________

اكذب لو كلت ما فرحتلها و
اكذب لو كلت ما غرت منها و
اكذب لو كلت ما تمنيت مكانها

اهلها داير مدايرها
صح فقدت امها و ابوها و اخوها هم ما اجه اليوم
بس عائلتها كامله بالحب و الحنان
الكل قدمه الها بدون ما يبخل
الله يهنيها و يرزقها بسبع سعادات

خلصت الحفله و صعد محمد بدل ملابسه
بقه يتواكح بس ما سمحتله كلش حت ما يلاحظن و اروح بيها
نزلنه و الكل كاعد و البنات هم نزلن
شفت نظرات مرتجى لبلسم و خجلها
سألت محمد كال يحبها 😂
فاضح نفسه بنفسه
مضى الوقت واني اسمع توصيات عمه مليكه
اخذتها فرصه اسمع هالنصائح
اعرفى امي مو من الامهات اللي تدلي بناتها

عمتي حرجتني من كالت ذني الج هم
محبيت انه تكول كدامهم
يعني اكيد رح يسألون وين اهلها لعد
تعللنه سوة و صعدنه فوك
كعدت وي البنات لحد ما بزعني محمد باتصالاته
رحت يمه منثر الجنطه كلها حت يدور لبس

سارة .«هاي شمسوي😧»
محمد .«تعاي ولج كم قاط مال بيت جايبه»
سارة .«بس ثنين شعندك»
محمد .«شوف حظي شلبس هسه»
سارة .«ارجع عليهن شبيك»

تافف وراح يبدل
ضجت شون ناكث الغراض بالكاع
شبيه عصبي هيج
بدل و كعد ع السرير
لميتهن و طلعت لبس الي
و كفت كدامه .«هسه شون ابدل»
محمد .«بدلي كامشج»
سارة .«اطلع ارد ابدل اشو»
محمد .«😒 غرفتي و ومرتي شكو اطلع»
سارة .«محمد الله عليك»

رفع كتوفه يعني ما
بقيت افكر شون ابدل
لحد ما رحت ع الكنتور فتحت البيبان و وكفت بينهن ، ابين مو ما ابين بس مو كلشي ينشاف

رحتله فتحلي الفستان و رجعت ذبيته و لبست البدي .. طلعت كعدت ع السرير نطيته ظهري و بدلت الستريج لبست بجامه

علكت فستاني ورحت مقابيله
سارة .«محمد ... شو باوعلي»
محمد .«شتردين»
سارة .«فهمني شبيك ، شسويت؟»
محمد .«مسويتي شي»
سارة .«كولي شنو صار»

اخذله صفنه و مد ايدة على شعري يفتح التسريحه و الماشات يخليها بحضني

بقه ساكت لحد ما فتحه كامل
محمد .«شوفي أسال سؤال ، مقصدي انفذة بس اريد اعرفه »
سارة .«همم ، شنو سببه اول»
محمد ّ«اسمع جوابج و اكولج السبب»

تربعت كدامه .«ماشي ، كول»

بلع ريكه و بعد عينه عني
محمد .«لو فرضا هسه طلبت منج تسلميني نفسج تنطيني؟؟ واحنه بهذا حالنه بس خطوبه»

شهالسوال؟؟؟ اصلا شون فكر بيه
سارة .«انت ترضاها عليه؟؟»
محمد .«عوفج مني ، تنطيني؟»
سارة .«انت مو تعرفني ! مفروض تعرف جوابي»
محمد ّ«يعني لا؟؟»
سارة .«هذا الشي منتهين منه»
محمد .«زين واذا جبرتج ........

انتهى الفصل
طويل 6255 كلمه 🔥

.
.
تعاي حبيبه NoorNoor546 😀
.
.
طبعا البارت كامل من يومين ..
تأخرت لحد ما عبرت مشاهدات السابق 50
الروايه بدايتها و اول وحدة إلي
لهذا حت قرائي قليلين
اتمنى انه تنشروها و تساعدوني
بارت الجاي هم مبقه شي و اكمله بس هم انزله بنفس الطريقه لحد ما يرتفع شوي هالبارت

قراءة ممتعه 😉
.
.

الكاتبه : اسراء الخزرجي
GEEAANA ❤

⭐👇