رواية احببتك انت الفصل السادس والعشرون 26 - بقلم ESRA'

#احببتك_انت
#جيانا
.
.
- ‏و يحدث أن تقرأ شيء
فا يُذكّرك بكل شيء 🍃🌈
.
.
محمد :
كاعد أدرس بعد يوم متعب
ضايج و روحي فايگه كلش
مشتاق لابويه كلش
صار هواي و مدة ولا مجربها ابعد عنه
ابويه شخص مهم بحياتي
صح اخابرة يوميه
بس ممكفي ، روحي مفرفحه على شوفته
كاعد و كبالي الكتب و فكري يسخت منا و منا

عفتهن و كمت على التلفون
طلعت رقم ابويه اتصلت بيه
رن رن رن رن و ماكو جواب 😩
اكيد عندة جراحه هسه
اتصلت على امي ، هم رن رن يلا ردت بالنهايه

محمد .«وأخيرا احد رد»
امي .«هلا يمه شونك»
محمد .«حمدلله شونكم انتو»
امي .«على الله ، انت شونك شوكت ترجع»
محمد. «حمدلله ، والله ما اعرف يمه ، بعدلي شهرين»
امي .«انزل هالاسبوع يمه ، ميلاد ابوك»
محمد .«هو غير يعبرني اول حت اجي»
امي .«عندة خفر 4 ايام لهذا ما تحصله باجر يخلص انشالله»
محمد .«الله كريم ، اذا ما حصلت خط طيران لا تسوون الميلاد 😁»
امي. «ههه لا احنه كل سنه نحتفل حاول ترجع»
محمد .«اشوف شون تدبر»
امي .«محمد خابر مرتك خل تجي هم»
محمد .«لا عوفيها ماريد اشوفها»
امي. «لا تعاند شنو من رحت لحد الان ما شفتها»
محمد .«يمممه مرتي معليكم بيها ، يلا سلام»

غلقته منها واني متنرفز
ما تستاهل اوديها ألهم
خليها ابيت ابوها احسن مما اربيها بيدي
خليها بعيدة عني احسن الها

رجعت على كتبي كملت دراسه
و لفيت راسي و نمت حت ما رحت للمطار
حسيت على صوت إحسان يكعدني

محمد .«ها شتريد»
إحسان .«كوم ابوك على التلفون»
محمد .«كله نايم»
إحسان. «عصبي ، كومله»
محمد .«افففف مو مخمود شون بيك»

صحت بيه و كمت للصاله
محمد .«الو هلا يابه»
ابويه .«هلا ، شبيك تجعر»
محمد .«نايم جنت و كايل محد يكعدني»
ابويه .«اني وحد فهمت ، يلا بسرعه البس و اطلع منتظرك»
محمد .«شنو منتظر !! انت بلندن ؟؟؟»
أبويه. «بلا لغوة روح بدل»
غلقه بوجهي !!!!!

بدلت و غسلت وجهي و طلعت
اتصلت بيه .«انت وين فهمني»
ابويه .«بالمطار» و غلقه

لا اكيد اكو شي صاير اللي إجه
اخذت السيارة و طلعت للمطار
دخلت سألت عن الرحلات
ماكو طيران قادم من العراق !!!
وصلتني رساله ((اذا وصلت المطار بسرعه احجز للعراق))

لا إله إلا الله ، شهاللعب
مها ما تكعد اله توز قويسم عليه
اي غير اشيل فلوس حت احجز
هي گوترة قابل الحجز
استغفر الله
حت مبيه ارجع والله
اتصلت بإحسان يجيبلي فلوس يندلها هو

نص ساعه و إجه حجزنه
اخذتها مرجع بس 3 أيام
هو هم حجز وياي

مضى يومي بالدراسه
طلعنه للحديقه تغيير جو
إحسان كلش مكتئب واني طلعت وياه على الواهس

صبحنى الصبح و كل واحد تجهز
طلعنه للمطار و 5 ساعات وصلنه بغداد
استقبلونه علي و عقيل
واضح اسامه متصالح وي علي اللي عرف برجعتنه

عقيل .«واخيرا خلص شهر العسل»
محمد .«ما بيه اجاوبك»
علي .«ههه ما بيك مو»
عقيل .«عوفه عوفه مرته تعبانه»
إحسان .«سگط شسويلكم يعني»
محمد .«طنشهم دبسزيه»
عقيل .« حقك مشتاقلنه وتخجل تكول 😎»
علي .«وين تروح اول»
محمد .«بيتنه طبعا»
عقيل .«شعجب مو لمرتك»
إحسان .«يلا محمد امشي»

تقدمنه عنهم وهم وياهم الغراض
وصلوني بيت اهلي و راحو يوصلون إحسان
دخلت تلگاني اموري يهرج « امو امو »
كبران صاير رجال على عمه
شلته حضنته .«روح عمك انت وينه ابوك الخايب»

طلع اسامه يضحك .«اول دخلتك تگص بيه»
محمد .«هههه شسوي لعد ، شونك»
اسامه .«حمدلله وين هالغيبه يمعود خليتنه نشتاقلك وانت ما تستاهل»
محمد. «هههه حقير مو بيدك»
اسامه. «تعال ادخل نزله لأمير هستوك راجع تعبان»
محمد .«لا عوفه مشتاقله»

دخل كدامي اخذ طريق
دخلت وراه .«سلام عليكم»
امي .«وعليكم السلام ، واخيراً نور بيتي»
محمد .«نور بوجودج شمعتي»
امي .«فوت يمه هسه يجي ابوك»
محمد .«مو هنا هو ؟ مو يعرف راجع شكو يطلع»
اسامه .«ادخل ارتاح بين ما يجي»
محمد .«وين اسماء مشتاقلها»
اسامه .«عيب عليك رجلها كدامك»
محمد .«طير حباب ، سووومه .. اسمااء»
اسامه .«اصبر إله اغازل مرتك»

نزلت اسماء من فوك .«مو هو بكيفك»
محمد .«ههه اجاك الرد السريع»
اسماء .«هاي وين هيج غبت عنه ليش طولت»
محمد .«تعرفين دراسه ، شونج رجلج شونه وياج»
اسماء .«حمدلله نسأل عليك»
محمد .«اييي مو مبروووك ، بس اريدها بنيه هالمرة حت اصير عم لبنيه بعد»
اسامه .«ههه مو هي بيدنه»
محمد .«معليك انت»
اسماء. «صدك كلامه قابل بيدنه»
محمد .«ههه اشاقه ، مهم كومي بالسلامه»

اجت امي جابت مي
ميت عطش و إجه بوقته والله
شربته كله بزقه وحدى
تذكرت من جنت ابيت سارة مرة شربته هيج مرة وحدى وهي بقت مركزة وياي
اول مرة تركز بشي اسويه
اوووف اوف يا سارة

محمد .«رحمالله والديج يمه»
امي .«بالعافيه ، يلا كوم غرفتك بدل ارتاح»
محمد .«اي والله»
كمت وصلت الدرج و سمعت صوت ابويه دخل
يحجي وي احد عبالي يخابر
لحد ما دخلت وراه
صدمتها ما تقل عن صدمتي
مبين ما تعرف راجع اليوم 😒

رحت سلمت على ابويه و حضنته
ولا عبرتها ولا كتلها انتي منو
وهي واكفه متبسمرة بمكانها متحركت
محمد .«اصعد ابدل و ارجعلك»
ابويه .«ماشي بويه»

تركتها و صعدت ، تقصدت اتجاهلها
تستاهل اقسي عليها لأنها تعلمت اسامح
دخلت غرفتي طلعت ملابس و دخلت الحمام
المي حار احس رخه اعصابي كلها
يمكن طولت ساعه اكثر
المي يساعد على الاسترخاء هم

نشفت و طلعت شفتها كاعدة على سريرنا
فاتحه شالها و صافنه منتبهت عليه طلعت
رحت اخذت ملابسي و رديت للحمام لبست
طلعت وهي على گعدتها
كعدت يمها و اني انشف شعري
انتبهت عليه و بقت تنظرلي
عيني بعينها و ما حجيت شي
بس احس اعصابها توترت من نظراتي

محمد .«ما رح أسمع حمدلله على السلامه»
بقت على نظراتها و هدوئها ما تحركت
دا احجي و جان تطفر حضنتني
شكد مشتاق لحضنها
بس ما لازم ابين ضعفي هذا و شوقي إلها
لازم اعاقبها اول
حسيت جسمها يرجف بيدي !
محمد .«شبيج !! سارة شوي ابتعدي خل اشوف»

حركت راسها لا و بقت حاضنتني حيل
حسيتها تبجي وكل شوي تحرك راسها لا
تركتها لحد ما هدئت أعصابها
ابتعدت و رأسا كامت تطلع و سحبتها

محمد .«وين رايحه !! حسابنه مخلص»
درتها عليه و مثل متوقعت باچيه
محمد .«ليش الدموع هاي ، هيج ممتحمله شوفتي»
.
.
محمد .«مرح تحجين شي يعني !!»
سارة .«شحجي ! خل اشبع شوف منك لان اعرف رح ترجع و مرة ثانية تعاقبني بعدم شوفتك»
محمد .«ويعني انتي تردين تشوفيني»
سارة .«ليش عندك شك يعني!»
محمد .«لا مو شك بس الأعرفه احمد مكفي»
سارة .«انت رجلي واحمد زميل مو اكثر»
محمد .«سارة بعدج تحبيني مو»
سارة .«انت شنو تكول يعني»
محمد .«والله خبطت عليه للأسف ، تردين تثبتين حبج إلي .... تتركين دوامج»
سارة .«دوامي معليك بيه اطلب اي شي غيرة»
محمد .«هذا هو اخذت جوابي ، يلا طلعي بعد»

عفتها و رحت على جنطتي طلعت هديه ابويه
هي على وكفتها و تنظرلي بدون حركه
هذا اللي فالحه بيه بس تتبسمر بمكانها
لو موافقه تترك جان كتلها كملي
جان اكدتلي ما عدها شي يربطها بالدوام
بس خلص ، واضح جان قراري صح

محمد .«يلا ننزل»
سارة .«أصبر محمد»
التفتت عليها .«ماله داعي ، جاي لأهلي بس»
سارة .«واني مو من اهلك بعد مو»
محمد .«كل واحد يرجع لأهله افضل»
سارة .«المعنى !!!! فسرر محمد ؟»
محمد. «المعنى واضح كلش»

تركتها و نزلت .. سمعت لغجه جوة
اسماء دتدخل صحتها .«سومه»
اسماء .«ها عيني»
محمد .«منو إجه !!»
اسماء .«رنا و رجلها اجو»
محمد .«هاااا ، اكولج صعدي لسارة لا تبقى وحدها»
اسماء .«لا تكولي استفزيتها بشي»
محمد .«لا بس وضحت انه طريقنه بدة ينتهي»

تركتها و دخلت الصاله .«سلام عليكم»
رزاق .«يااا اهلا وعليكم السلام ، شوكت رجعت»
محمد .«قبل شي 3 ساعات شونكم رنا شونج»
رزاق .«بخير نشكر الله»
رنا .«حمدلله انت شونك»
محمد .«الحمدلله ، شو جيبي هاي المفعوصه»
رزاق .«ولك لا تقلد على زهرة»
محمد .«معليك خالها و بكيفي»
رنا .«هاك»

اخذتها و كعدت .. ملامحها هادئه
ماخذة شبه من امها و أبوها حمدلله 😂

كاعدين و نسولف مشتاقلهم
سمعت صياح سارة و اسماء فوك
طفرتلهم بسرعه صعدت
اعرف هاي من تصيح يعني شنو
شفتها هيج و اخذتها لحضني
هو هذا الحظ هيج يصير بيه

________ سارة تروي _________

صعدت غرفته
بالحمام ديسبح
كعدت على السرير فتحت الحجاب و افكر
شنو اللي رح اكوله لو سألني !
شنو سبب عنادي و دوامي و احمد !!!

حسيت عليه كعد يمي
مدري شوكت بس ممنتبها شحجه
محسيت غير انه حضنتة واشم بريحتة
اااااااه يا ريحتة ودفى حضنة ونبض كلبة
صار اكثر من ٦ اشهر محرومة منة اشبه بالضايعة بدونة والله

يحجي وياي و بالي مو وياه
حت مارضيت ارد عليه بشي
اريد اشبع منة بس حسيتة متغير وياية
وحتى كلامة جاف مو محمدي الأول

خبلني ، يسالني بعدني احبة او لا !!
طلب مني اترك دوامي ؛!
رفضت بس لان اريد يثق بية
اريد ارجع الثقة الي جانت
اريدة يعرف اني كلبي وعقلي وكلشي بية عايش علموده هو مو غيرة
اريدة يفهم مايحلى بعيني غيرة
اريد اثبتلة الف واحد مايهز مني شعرة ولا ياثرون بية
اريدة يطمن اني بعدني سارة حبيبتة بس هو فهمني خطا و تركني و راح فتح الجنطة مالتة ويطلع غراض ولا كان اني كاعدة ابد

بقيت واكفة اراقب تحركاتة ، راد ننزل وگفتة !
اريد احجي وياه شو حجة حجي مامفهوم .... طلبت منة تفسير كلي كل واحد يروح بطريقة !!
هيج هنت عليه بهالسهوله !!
عافني ونزل بقيت وحدي ولا أهتم إلي ابد

احس افترت الدنيا بية
تنميت اكون بحلم واصحة منة
انصدمت بكلامة ، شنو ننهي !!
شنو كلمن يروح بطريقة !!!!
ليش كل هذا يسويه ارد افهم ؟
هيجي بسهولة يبيعني ويتخلى عني ؟ !

شوية و اجتني اسماء
اعرف صعدت بطلب منه لأن هي متحجي وياي
كلهم تغيروا بهاي الاشهر الفاتت
كلشي تغير و ما بقه على حاله 💔

اسماء : شبيج سارة ؟
سارة : اسماء تخيلي محمد يريد ننهي كلشي بيناتنة ( احجي وابجي )

اسماء : شكد حجيت وياج وفهمتج اكسبيه محمد مايتعوض لا تاذي وترخصي يكفي الي بي هو لا تزيدي مافاد بيج تستاهلين عنادج خلي يفيدج شستفاديتي هس..

سارة : اسمااااء لاتزيديني شسويتلة اني ماغلطت وياه احبة واريدة وهو تركني هو باعني ماغلطت وياه بس هو مايثق بية ماسويتلة شي

بسبب العصبية والبجي والصدمة زاد وجع راسي
صار ماينحمل وعيني هم كامت تاذيني وتغوش
ذاتا صار وقت عمليتي الثانيه ومحمد مموجود
عمي دائما يحذرني ابجي لان مو زين

كعدت بالكاع يم السرير وابجي ولازمة راسي واصيح ( ماغلطت وياه )

اسماء تحاول تهديني ماهديت بالعكس كمت ازيد ؛
حسيت كلهم دخلو للغرفة ومحمد راسا اجة يمي لزمني كتفني بيدة وحضني يريد يهديني بس حالي حال جان بوقتها لان فقدت ولزمني الوجع فحالتي تأزمت عيني طفت اشوف سواد بس

ورة شوية طلعو كلهم بقى بس محمد حاضني واني بديت اهدىء شوية شوية بس ماسكتت بقيت اردد كلمة ( ماغلطت وياه بشي )
محمد : هدئتي !
سارة : ندت براسي يعني اي
محمد .كومي وياي خل نغسل

هزيت راسي لا ، ماريدة يتركني
اعرفه هو يمي بس حت ما ارجع لحالتي
گلبي جان حاسني اول ما خابرت عمتي
اذا اجي رح يصير شي وهاي ما خاب إحساسي
وگفنه ديوخر كمشت ايدة حيل

محمد .«خل اسد الباب و اجيج»
سارة .«لا تبعد»
محمد .«كعدي هنا جاي»
راح على الباب واني باقيه بمكاني
بكل جديه اللي دا اعيشه حلم
يستحيل احد يستحمل والله محد يستحمل

محمد .«كعدي ليش واكفه»
سارة .«محمد مدا اشوف وجع راسي فضيع»
محمد .«شنو مدشوفين !!! شسويتي»
سارة .«هاي من انهار هيج يصير ، من ابجي تروح عندي الرؤيه»
محمد .«شوكت صارت بيج قبل»

مجاوبت .. لان من صارت اول مرة
جنت متعاركه وي أحمد
محمد .«اوف منج سارة ، شيبتيني»
سارة .«رح ترتاح مني ، خلص بعد ما اجبرك بيه»
محمد .«هو انتي شاطرة بس باللسان»
سارة .«انت الكلت ترة»
محمد .«عفتج مبيج شي ، سارة كافي سوالف جهال»
سارة .«شتريد !! تطلگ! مرح امنعك»
محمد .«ههه هههه هههههاي حلوة النكته والله»
سارة .«محمد اخذني وياك»
محمد .«و دوامج ؟ و دوامي ؟»
سارة .«أبطل ، مهم ما تغيب عني هالمدة»
محمد .«ههه لا احمد ما يقبل خطيه 😏»
سارة .«انت رجلي افهمني ، محمد وغلاتك عندي ماكو شي بيني و بين أحمد وحق جدك»

محمد .«اووف اوف ، سارة تعبت من هالموضوع ، كرهت الشك ، كرهت انه طول هاي المدة تجي رسائل من احمد بيها تفاصيل يومكم ، تعبت من التفكير ارحميني»

سارة .«اخذني وياك ، رح ترتاح من هذا المريت بيه»
محمد .«لا خليني اخلص ، شيصير مثلا ، ياخذج !! خال هذا الاحتمال براسي»

سارة .«هيج رخيصه بعينك صرت!!»
محمد .«هذا اللي عيشتيني بيه 6 اشهر»
سارة .«خلص بعد ، سوي اللي تريدة»
گمت و جرني كعدني. «وين موليه مو دنلغي»
سارة. «اروح حت ترتاح مني»
محمد .«ههه حلوة هاي ، مرض انتي مرض»

مجاوبته ، شحجي مثلا ؛
اذا اني مرض بالنسبه إلك
لعد انت شنو ، حالك حال مهدئاتي
إدماني صرت و تعاقبني بغيابك عني
النفس بقربك روح ، وانت احسب شنو لو غبت
احبك انت و بس
و خايفه لا تكون مشاعرك بعد عاكست مشاعري

سارة .«أحبك»
همست بيها ، رفعت عيني بعينه
ارد اشوف شنو ردة فعله !
ليش هادئ بعدة ؟؟ معقول تخطاني
معقول حبي بداخله انتهى !!!
محمد .«عيديها»
مدري ختنگت مدري احتريت
بس احس اكو خناق على انفاسي
اخذتني العبرة خنگ
سارة .«أحبك 😭»
محمد .«وليش البجي»
سارة .«لان اعرف خلصت مشاعـ💏»
قصدت مشاعرك ، وقاطعني
احس احتييت ، مشتاقتله كلش
بتعد عني حضنته حيل
نجهي برگبته املي رئتي من عطرة

محمد .«سارة تتركين دوامج»
ندت براسي اي ، ماريد شي غيرة
ماريد حت شهادتي ، مهم هو يمي
وجودة يغنيني عن الدنيا كلها
محمد .«واحمد مالج وياه حرف واحد»
هم كتله أي ، وكأني رح أرفض
احمد صديق و هو دنيتي كلها

محمد .«وعرسنه هالاسبوع»
طفرت !! هستوك رفضت شهالتناقض
محمد .«ها ما تردين»
سارة .«لا خلص على راحتك ، كول لأهلي»
محمد .«اليوم ارجعج و اكول لعمي»
سارة .«اجازتك شكد !!!»
محمد .«3 ايام»
سارة .«شون لعد !!»
محمد .«اشوف شون ارتبها»
سارة .«كوم ننزل بعد»
محمد .«تكدرين تكومين !»
سارة .«اي عادي يلا»

كمت وياه ، رجع نظري بس مغوش
عادي ماربد ابينله ، تصير دائما هيج و تمضي

لفيت حجابي و نزلنه ثنينه
مفتقدة نزلتنه هاي من سوة ننزل
عمي .«ها سورة شون صرتي بابه»
سارة .«حمدلله عمو ، هو بس شوي زاد الوجع و اخذت علاجي»
محمد .«اييه علاج نوع جديد😂»

ايا سخيف هي هاي هم حجايه 😂
عمتي .«يلا بنات تعالن وياي»
محمد .«عوفي سارة يمي»
عمتي .«هي باقيه عدنه لا تخاف»
سارة .«لا عمه ما ناطيه خبر لأهلي»
عمي .«اني خابرته لابوج وكتله باقيه عدنه»
سارة .«لا عمو عندي دوام»
محمد .«اني اوديج 😒»
عمتي .«يلا كومن يمي ، رنا اسماء و سارة هم»
محمد .«يمه خليها اريدها»
عمتي. «بعدين حمادة ، خل اكمل»
محمد .«اف من عنادجن»
عمي .«لا تبقى تنقنق»

عفتهم و رحت وي عمتي
دخلنه المطبخ و سدت الباب
عمتي .«ساعه وحدة بس ، نسوي الميز كامل»
سارة .«عمه جان سويتو الاحتفال برة احلى»
رنا .«اي والله حت رأيي هذا»
اسماء .«لا عمي تعبان صارله 4 ايام خفر مو مال هم يطلع»
سارة .«الطلعه وي العائله ما اتعب»
رنا .«خاله غيداء ما تجي!!»
عمتي .«تجي تجي ، بعد فد ساعه توصل»
سارة .«هم اجت ورة عرسها»
اسماء. «اي مرتين»
رنا .«خل نشوف شمسوي بيها الزواج»
عمتي .«رح يبقون هنا ، دوامها متكدر تروح و تجي»
سارة .«تبقى تبقى لو تروح و تجي»
عمتي. «ياخذها خميس ايرجعها السبت»
اسماء .«والله ضايجه عليها شنو هيج تتهجول»
سارة .«اي صح ، الواحد يرتاح بمكانه»
عمتي .«لا قاسم رح ينطيها شقه ما يعوف بنته هيج تتهجول»
رنا .«زين يسوي خالو ، خطيه والله»
سارة .«عمه وين الككو»
عمتي .«بالكومدي الأول تلكينه ، أسماء المي فار»
رنا .«نطوني شغله»
عمتي .«حضري وي سارة الترايفل»
رنا .«اي يلا»

وكفنه نشتغل
رنا قطعت الكيك و خلته بقعر البايركس
خليت فوكاه المحلبي و الفاكهه
التهينه بالترايفل و اسماء سوت الحلاوة
عمتي جهزت الكيك
شعجب ما سووه جاهز !!!!
حت الكيكه كبيرة و طابقين ، خو يطلبوها اسهل
خليناه بالثلاجه يبرد و كفينه الغراض اللي استخدمناها ، زهرا كامت تبجي و راحت عليها رنا ... كملت تلملم و كعدت

عمتي .«سارة عمه محمد كالج شي»
سارة. «على شنو عمه!»
عمتي .«يعني ! عرسكم ، شغله وي ابوه ، دراسته»
سارة .«لا عمه ما حجه بس كال عرسنه يريد هالاسبوع»
عمتي .«اوف منه ولا يسمع»
اسماء .«عمه محمد كل ما يتأخر عرسه كلما يتأذه اكثر»

نظرتلي صفح و حجت 💔
ما الومها و اعترف انه اذيته هواي
بس ما اكدر ابعد عنه بعد ، روحي بيه
دخل للمطبخ .«ها وين وصلتو»
عمتي .«رح نكمل»
محمد .«لو كايله اجيبه من برة»
عمتي .«لا ابوك يحب اني اسويه»
محمد .«يمه شنو الموضوع ، اني جيت و رنا ورجلها؟»
عمتي .«نكمل احتفال و تعرف»
محمد .«يمه رحمه لجدي اذا مصيبه عدكم كوليلي حت هسه ارجع والله ما بيه حيل مصايب جديدة على راسي»

عمتي .«شبيك مامه كول يا الله ماكو شي»
محمد .«تعودت شسوي لازم مل نزله شغله»
عمتي .«كافي تلح»
محمد .«ما ، كومي سارة اريدج فوك»
عمتي .«عوفها احتاجها»
محمد .«اريدها يمه ، هسه تجي»
سارة .«هسه ارجع عمه»

صعدنه غرفته دخل و سد الباب
محمد .«نسيت اسأل ، منو يوديج الدوام؟»
سارة .«ليش يعني تسال»
محمد .«جاوبي سارة ، اكره تردين بسؤال ثاني»
سارة .«جعفر يوصلني»
محمد .«يعني مو احمد»
سارة. «اهووو ، الله ياخذني ساعه اللي عرفته بيها زين هيج»
محمد .«لا ، ردي و بعدين خل ياخذج»
سارة. «شبيك وياي محمد ، ليش ما تثق بيه»
محمد .«من ايدج ، انتي ما تتركيلي مجال اثق بيج»

مدري شطلع بالتليفون و مدة كدامي
صورة ! دا اصعد السيارة وي احمد
محمد .«هذا جعفر؟؟؟»
سارة .«لا هذا احمد»
محمد .«عليج علي ! صدك والله»
سارة .«مبين أحمد ترة»
محمد .«هااا عبالي شفت غلط 😒»

راح كعد على السرير .. «اي فسري»
سارة .«رغم كلت ما تثق بيه ، بس رح اتجاوزها هنا طلعنه للمكتبه اخذنه استنساخ و رجعنه الكليه»
محمد .«وماكو غير احمد»
سارة .«لا اكو طبعا ، بس احمد اعرفه و اثق بيه من بين الموجودين»
محمد .«اي صح حقج ، احمد تثقين بيه»
سارة .«محمد ، خلص دوامي و تركته كتلك لا تدقق اكثر و تجرحني بكلامك»
محمد .«ههه هههه ههههه»

رنات ضحكته ، ملامح ضحكته
طريقه اللي مدد بيها و ضحك
ايدة إلي غطت عيونه من الضحك
غبت عن الموضوع و دققت بتفاصيله
رحت كعدت يمه بمسافه لا شيء

دائما اسأل نفسي هذا السؤال 
مو جنت احب احمد
و مقررة ما اقترب او احب هذا الإنسان اللي كدامي !
زين شون وصلت لهالمرحله من الحب إله
حت العشق قليل بحقه
اكو شي اكبر و اعمق من العشق غصت بيه
خليت راسي على كتفه و هو شوي شوي هدء من نوبته الضحكيه

لف ايدة على خصري و جرني إله
غمضت و اني استنشق عطرة
الحب شي حلو من يكون الشخص اللي نحبه
هو الأمان بالنسبه النه يكون العائله
يكون الحب بكل حالاته
اعرف آنه كلشي ممكن يكدر يسوي
بس كثر ما عاشقته ، صرت اعرف ما يأذيني

محمد .«ما رح تتركين طبعا ، لان هو شهر و ارجع بعد بس اناقش»
سارة. «بس ما ريد اكمل ، محمد الدوام اذا يسبب المشاكل بينه ماريدة»
محمد .«اني اريدة ، اعتبريه اختبار الج»
سارة .«محمد شصاير هنا ؟ ليش عمه سألت اذا صاير شي او سائلني عن زواجنه»

محمد .«اهووو مها بدت تشمر الحجي»
سارة .«فهمني شقصدت عمه»
محمد .«تريد اجيب مرتي واني معاند»
سارة .«يا مرة هاي تقصد !!»
محمد .«مرتي بلندن غير»

احس مي حار و اندار عليه
سارة .«يعني  انت.   متزوج محمد؟؟؟»
محمد .«اي طبعا ، صار شكد هناك تردين انتظرج»
سارة .«لحظه شوف خل نحجي جد ، صدك متزوج»
محمد .«اي والله»
سارة .«احلف متزوج 😭😭»
محمد .«وحق هو علي متزوج»

حلف ، حلف بدون تردد
حلف بالإمام علي و ما خاف لان جذب
يعني صدك متزوج
يا ربي هدا الاختبار صعب والله
ليش حبيته و هو مو إلي 😭
سارة .«حرام عليك ، والله حرام محمد .. ثق ما رح اسامحك حياتي كلها»
محمد .«عادي ، اول تالي تزوجت » !!😒
سارة .«ماشي ، متهني .. طلكني بعد»
محمد .«اي بس انتظري اول خل اترس بطينج وليد ما يصير تطلكين بدون طفل»

سارة .«محمد احجي صدك ، شوف نطيني الاريدة بهدوء ماريد تطگ فيوزاتي .. هسه ننزل و احجي لاهلك و ننفصل ، وعد ما احجي عليك و اكوللهم راضيه بس ثق ما اتحمل اشوف وحدى بمكاني 😭 شون نطاك گلبك فهمني ؟ مو على اساس تحبني من قبل مدري شكد شنو وين راح حبك 😭 احجي لا تبقى سااااكت»

محمد .«صوتج بلا صياح»
سارة .«هذا الفالح بيه بس صوتج و صوتج»
محمد .«سالتي و جاوبت ترة هاي دراما زايدة»
سارة. «انت ما تفهم شنو يعني احبك ، ما تعرف شنو يعني اموت لو شفت احد شاغل مكاني»
محمد .«ليش تموتين ! هاي اني عشت 6 اشهر وي احداث يومج وي احمد و صوركم و ضحكم !
متت ؟؟ لا هياتني كدامج عايش و مكمل حياتي»
سارة .«محمد الله يخليك لا تخليني افكر زايد ، والله ما اتحمل وجع راسي .. فدوة اروحلك كلامك صدك!!! الله يخليك ريحني 😭»

كام تقرب يمي .«ليش عبالج جذب ، مو متزوجين احنه»
سارة .«يي بس انت متزوج غيري هم»
محمد .«ذكرت إسم ثاني !!»
سارة .«لا بس انت حلفت بالإمام علي»
محمد .«يي ما كذبت متزوج»
سارة .«لاا تلعب باعصااابي 😭»
محمد .«هههه مشتاق اعصبج يولو ، شو تعاي لحضني مشتاق اشمج املي ريتي»
سارة .«ما ، تقبل اكذب عليك و اكولك تزوجت»
محمد .«حت اكسر راسج غير»
سارة .«اي مو ربك يختلف عني مو»
محمد .«شوفي رح تسويها عركه واني قررت ما احجي وياج بس مشتاقلج مكدرت لهذا خل ننزل قبل لا تشوفين وجه ثاني»
سارة .«أخذني لأهلي ماريدك بعد»
محمد .«عيديها مرة ثانيه وشوفي 😠»

طلع و رگع الباب فززني
قابل غلطت بشي ، بس فالح يفرفحني
ومن اسويها بيه يزعل

نزلت وراه كملت وي عمتي الميز
عمي دخل يصلي و محمد بغرفه أسامه
اسماء و رنا هم ديجهزون

اسماء .«شبيكم تعاركتو»
سارة .«لا ليش»
اسماء .«صوتكم عالي ، عمتي راحت على عمو حالت محمد»
سارة .«لا ماكو شي شقه بينه جان»
رنا .«سارة اخذي الحليب لرزاق خل ينطيه لزهرة»
سارة .«اي ثوان»

كملت تحضير الفاكهه و اخذت الحليب
طلعت من المطبخ و رنا حجت بخفوت
رنا .«مبين تعاركو بس ما تحجي»
اسماء .«هي ما تحيذب احد يتدخل»
رنا .«شعجب محمد يتعارك مو خبلني يحبها و رفضني»
اسماء .«رنااا ، انسي محمد بعد ترة عندج طفله بعد .. اهتمي ابيتج و رجلج و بس»
رنا .«ما عندي شي وي محمد ، ورجلي مالي عيني لا تخافين .. بس شوفي محمد ولا مرتاح لأن ضلمني وجبرني على زواجي»

عفتهم و رحت للصاله
عجيب البشر تتشمت و متفكر انه ممكن الله يسوي بيهم الشي اللي تشمتوا عليه

سارة .«سلام عليكم»
رزاق .«اهلا ، هلا بيج خويه»
سارة .«بيك اكثر ، هاي حليب رنا دزته لزهرة»
رزاق .«اي.مشكورة ، وين محمد»
سارة .«هسه اصيحله»

طلعت دكيت الباب عليهم
اسامه .«ادخل»
دخلت يمهم .. محاوطين امير و يلعبون وياه  .«محمد رزاق سأل عليك»
محمد .«وشكو تدخلين يمه😠»
سارة .«معليك بيه»
محمد .«ساااارة »
اسامه .«اهدئ لا على كل شي تعصب ، روحي سارة هسه نروح»
سارة .«ماشي 😒»

والله بيه حظ يعصب
يعني رحت وذااااا كفرت قابل

عمتي .«يلا سورة صعدي تجهزي حت غيداء وصلت»
سارة .«لا عمه ابقي بملابسي هاي مبيه لسان محمد»
عمتي .«معليج عمج هسه يحجي عليه»
سارة .«لا عمه لا تحجون شي ، الشغله بينه احنه نحلها»
عمتي .«دصعدي هسه بعدين نتفاهم»
سارة .«اشوف غيداء و اصعد»
طلع محمد .«دخلي جوة»
سارة .« 😒 معليك»
محمد .«اطلع لساني»
عمتي .«عوفها تشوف اختك و تصعد»
محمد .«لا تعاندوني»
سارة .«خل ابالك لو صعدت يعني ارجع لأهلي وبعد ما اجي وتعرف شنو اقصد»
محمد .«مو اعاند و انفد ترة»

عمتي .«صلو على محمد شبيكم .. اخذ مرتك و اصعد ما تنزلون ثنينكم»
محمد .«اي مو خليتوني ارجع حت انحبس»
سارة .«صاعدة اني ، عمه تعذري من عمي لأني رح ارجع»
محمد .«و محمد اكسر رجلج لو صعدتي»
سارة .«ترة خبلتني انت»

طلعت رنا من الصاله .«شبيكم صوتكم عالي»
سارة .«ولا شي ماكو شي »

خليت و صعدت غرفته
اكره أحد يامرني بهيج طريقه
شبيه كل شوي شكل مزاج
شذنبي يعني ، شنو اللي غلطت بيه حت اصعد
كعدت ابجي كل عقلي ، والله هضمني
و فوكاها كدام اهله
لو بينه ممكن اسكت بس ليش كدامهم 😭

مضت ساعه و اني على طنگورتي
ولا نزلت و ولا بدلت هم
دك التلفون أحمد .. دخل محمد الغرفه
طنشته و رديت
سارة .«الو هلو أحمد ، محتاج شي»

تقصدت اذكر إسمه عناد بيه
مثل ما يقهرني اقهرة والله

احمد .«هلا سرو لا بس جبت الملازم و جعفر طلعلي كال انتي مموجودة»
سارة .«اي ابيت عيالي محمد جاي ورحت»
احمد .«هااا رجع يعني»
سارة .«اي طبعا ، كتلك يرجع»
احمد .«هه اي صح اذكر 😏 المهم شوكت ترجعين»

محمد اشر افتح سبيكر 😒
يطلعله يتآمر والله  ، فتحته

سارة .«ما اعرف ، على وقته غير احتمال ابقى عدهم»
احمد .«ما يصير تبقين»
سارة .«بيت رجلي هذا ترة + انت شكو»
احمد .«هااا لا هيج دا اسأل»
سارة .«اي ، و الملازم وين هسه!»
احمد .«اخذهن جعفر»
سارة .«ماشي مشكور أحمد»
احمد .«ولو تدللين عمري»
سارة .«رجاءا»
احمد .«يلا اروح عود اراسلج بعدين» .. غلقه

محمد .«محادثه شيقه .. عمري والله يعلم شنو قبلها»
سارة .«كيفي»
محمد .«تردين تموتين ، كوليلي حت اعجلج»
سارة .«تسوي فضل لو تخلصني»
محمد .«شوكت رح ارتاح منه سارة»
سارة .«من تثق انه بس انت اللي احبك ، وكلهم ما يملون عيني غيرك»
محمد .«يصير خير ، يلا ننزل»
سارة .«ما انزل»
محمد .«كومي وياي»
سارة .«ليش رنا هم إجت»
محمد .«اففف لان ابويه دينطيها حصتها بعد»
سارة .«حصتها مو باسمك»
محمد .«لا باسم ابويه بس كايلين باسمي حت عمتي سميه ما تعترض»
سارة .«محمد احمد اتصل علمود الملازم بس»
محمد .«ماشي يلا ننزل»

كمت وياه و نزلنه جوة
سلمت على غيداء ، من العرس مشايفتها بعد
سمنانه شوي و حليانه
هيج الزواج يغير يعني !!!!

احتفلنه بميلاد عمي و نطوه الهدايا
محمد ماخذ بإسمي و إسمه
زين سوة لان مماخذة مجنت أدري
كمل الاحتفال و الكل الضحكه ما فارگت وجهه
عمي كزكز على عمتي و باسها كدامنه
خطيه خجلت بس هو سواها عادي 

حلو تونسنه حت محمد غير المود وكام يضحك
رزاق و أكرم و أسامه اتفقوا نطلع بالليل كلنه
محمد ما قبل كال احنه وحد عنهم نطلع
شلنه الماعين و كفينه الميز
ساعه 5 صارت اندكت الباب
اجه إبراهيم و مرته و بنته
كعدنه بالصاله و الزلم بالاستقبال راحو
وعد اخذت زهرة تلعبها و امير وياهم
واحنه كلنه كاعدين سوة
غيداء قدمتلها ضيافه هم

رونق .«خاله شنو سبب الجمعه هاي ، حت إبراهيم تفاجأ»
عمتي .«رنا بعد وصلت ال25 سنه ولازم أنفذ وصيه بلقيس و رضا الله يرحمهم .. لهذا اليوم عمج رح ينطي كلشي لإبراهيم و رنا»

رنا .«خاله اني بعدني ، و هم ماريد شي رزاق موجود»
عمتي .«يمه هذي وصيه لازم يعني»
اسماء .«انتي مو ردتي حصتج من البدايه»
رنا .«ردتها لسبب وهسه تراجعت»
اسماء .«اي صح بزواجج فلستي من محمد»
سارة .«كافي سومه»
غيداء .«ما حجت شي غلط ، هذا هو جان الواقع»
رنا .«ما رح انكر ، بس الوضع تغير بعد .. و ثنينه تزوجنه وانتهى كلشي»
رونق .«خاله مها ، إبراهيم مرح يقبل شي ، والله يخليج كولي لعمو لا يلح عليه لان إبراهيم تعب من هالسالفه»
عمتي .«مالي حق اتدخل ، هاي وصيه امه و ابوه»

سمعنه صوتهم عله و إبراهيم يكول
.«لا خالي ما اقبل بشي اني ، تريد انطيه ثواب لروحهم بس اني كونت نفسي والحمد لله»
رزاق .«حت اني عمي ، رنا ممحتاجه»

كامو رنا و عمتي يمهم
ربع ساعه و طلع محمد موجر
محمد. «يلا سارة نطلع»
سارة .«اي ماشي»
محمد .«بسرعه»

صعد فوك يجيب سويج السيارة
مدري شصار من دخلوا
سارة .«يلا حبايب ، مع السلامه»
رونق .«الله وياج حبي»
غيداء .«هدئيه فدوة لا تخليه يسوق عصبي»
سارة .«ماشي»

صعدت غرفته كاعد على السرير ينتظر
تأكدت حجابي عدل و شلت جنطتي
رحت كرفصت كدامه
وخر ايدة من على وجهه
بسته بخدة .«يلا نطلع جهزت»
محمد .«اي يلا»

نزلنه وما حجه وي عمي او إبراهيم
جانو بالحديقه واكفين
صعدنه بالسيارة و طلعنه

سارة. «وين نروح»
محمد .«ما اعرف ، نفتر»
سارة. «اخذنه لدجله»
محمد .«لا باردة وملابسج قليله»
سارة .«من ابرد نرجع»
محمد .«اكيد»
سارة. «يي حياتي»

حول الطريق و راح ع الاعظميه
الطريق هادئ و فارغ تقريبا
بس من دخلنه الاعظميه بدة الازدحام
وصلنه و نزلنه جوة للمنتزه
اخذنالنه مكان و كعدنه

سارة .«شبيك حبيبي ، ليش طلعت عصبي»
محمد .«ما بيه ، لا تهتمين»
سارة .«اهتم مو رجلي انت»
محمد .«ههه سارة تذكرين اول مرة بستج»
سارة .«اي بغرفتي»
محمد .«مدري ليش هسه تذكرتها 😂»
سارة .«بوسني 😀»
محمد .«لا ولج فشله هنا كدام العالم»
سارة .«عادي والله»
محمد .«سارة باجر اني اوصلج للدوام ، اخذي محاضرة وحدة و نطلع»
سارة. «مآشي»
محمد .«نروح نتعشى»
سارة .«اكولك شي نسويه قبل العشه ، اذا ما تقبل بس كول لا مو تسطر كومه حجي»
محمد .«ماشي كولي»
سارة .«خل نلعب 😍»
محمد .«وين !!»
سارة .«نركب ذاك الدولاب و نصعد لأعلى شي»
محمد .«كومي يلا»
سارة .«صدك !!!»
محمد. «اي والله»
سارة .«فدوة لروحك 😘»
محمد .«ههه مطلع طفله وياي»
سارة .«امنيتي اركب بيهن»
محمد .«ديلا نركب»

رحنه على دولاب الهوى ركبنه
من صرنه بالقمه ... وكفت و صحت أعلى صوتي
(أحبك محمد)
هو هم كام حضني من ورة
ايدة على بطني و ايدي هم حضنته بيها
محمد .«اخذج هسه ونروح نعرس»
سارة .«لا ننتظر العرس»
محمد .«شو ولا ترفضين انتي»
سارة .«ههه اعرفك ما تسويها 😂»
محمد .«منو يكول»
سارة .«لان تحبني اكثر حت من ابويه»
محمد .«هو شطيح حظي غير حبج»
سارة .«هاات يعني هسه طايح حظك»
محمد .«هاي عليمن ولج»
سارة .«انت كلت مو اني»
محمد .«ههه ما تغلبيني يلا اعتذري لو انزل واعوفج هنا»
سارة .«ويجون حلوين ياخذوني وانت تخسر»
محمد .« 😒😒😒 »
سارة .« احبك 😁 »
محمد .«صبري خل يصعد الدولاب اسويلج شي»
سارة .«اووكي»

بقينه صافنين على المنظر لحد
ما رجع ارتفع الدولاب و رجعنه للقمه
صرنه بعيدين عن عيون العالم
باغتني و اخذ شفايفي ابوسه سريعه
لفيت ايدي على خصرة وحضنته

محمد .«لا تخبليني»
سارة .«تدري شكد اشتاقيتلك بهاي الـ6 اشهر»
محمد. «لا تذكريني بهاي المدة»
سارة .«ما تعرف شصار بيه»
محمد .«اعرف ، عمي كالي ورة ما كملج تقديم الدوام انه انتي جابرته»
سارة. «خفت انه ااذي نفسي وانت محلفني واني من الضغط حسيت انه رح إجن»
محمد .«مجنونه ، اتصلي بيه لو اله احمد»
سارة .«تصدك مرات اخاف منك من ورة احمد»
محمد .«سارة من تصارحيني افضل مما تضمين واعرف من الغريب»
سارة .«انت ما تتفاهم من الموضوع يكون بيه احمد»
محمد .«مو اني ، وانما الكل هيج»
سارة .«ما اوعدك انه ما احجي وياه ، بس وعد انه انت الوحيد اللي گلبي ينبضله»
محمد .«وهو ، ما رح يستغل غيابي»
سارة .«المهم انت وياي حاضر حت بغيابك»
محمد .«شو تعاي 💏»

قضينه ساعتين و طلعنه من المنتزه
تعشينه و رجعنه .. وطبعا رجعت وياه مو لأهلي
دخلنه للبيت هو صف السيارة و نزل
عمتي فتحت الباب .«تأخرت يمه»
محمد .«فترينه شوي ورجعنه»
عمتي .«ابوك جوة ينتظرك»
محمد .«راحت بت حماتج»
عمتي .«محمد !! شجاك .. يي راحو»
محمد .«لا محمد و لا بطيخ بعد ، رنا إنتهت مو بت عمتي و لا اعرفها كافي تذبون براسي مصايب»

عصب و صعد 💔
عود كيفت انه تغير مزاجه 😩
عمتي .«روحي وراه عمه خل ينزل عمج ينتظرة»
سارة .«صار عمه»

صعدت وراه صارت كدامي أسماء
.«ها شصار وياكم»
سارة .«ما صار فترينه بس رجع عصب من عمه»
اسماء .«حقه ، شيسوي حقه والله»
سارة .«اشوفه و اجيج»
اسماء .«ماشي اني جوة»

دخلت الغرفه مموجود
داخل للحمام يغير ملابسه
فتحت حجابي و كترته
فتحت التلفون ايلاف و احمد و مرتضى حاجين
ما رديت عليهم عفتهم
شوي و طلع محمد سابح
سارة .«نعيما»
محمد .«ينعم الله عليج»
سارة .«انزل لعمو حبيبي ، كال صيحيه»
محمد .«باجر ما بيه حيل»
سارة .«روح خطيه باقي علمودك»
محمد. «كومي بدلي ، هسه اجي»
سارة .«تمام»

نزل و كمت طلعت ملابس بدلت
كعدت انتظر يصعد

___________ محمد يروي ___________

نزلت و أني متحضر اذا نفتح الموضوع
رأسا اصعد اجمع غراضي واطلع
ما ارجع بعد اذا ما اخلص كل دراستي
و اللي يصير خل يصير
تعبت يوميه رنا رنا رنا رنا
كافي لهنا و إنتهى

[ذكرياااات Flash Back]

خلص الميلاد و كلنه كعدنه
ابويه فتح موضوع ورث بيت عمتي بلقيس
ابراهيم .«شوف خالي ، كلامك على راسي
بس ابويه من توفه الله يرحمه .. اني شلت نفسي و اشتغلت و درست و كله وحدي واللي وكف وياي بس رونق وحمدلله اخذتها إلي
ورث ابويه و وصيته على راسي بس اني ما اريد شي منه .. انطي حصه رنا و محمد و أني متنازل الهم ، ما رضوا اتبرع بيها للايتام»

محمد .«لحظه إبراهيم اني مالي عدكم شي ، الحصه اللي اخذها هو من شغل البستان مال عمتي بس بهذا الي جزء والباقي مو حقي»

ابراهيم .«انت درتهن و اهتميت بيهن كلهن واني انطيك نسبه حت لو كلها هذا حقك والله فوگنه موجود»

رزاق .«اسمحولي هم انطي رأيي ، رنا ممحتاجه حصتها لأن اني موجود و خير الله موجود ، لهذا اذا لا ابراهيم و لا محمد يرضون ياخذون بوصيه ابو إبراهيم افضل انه يمشي الشغل مثل ما كان»

دخلت رنا و أمي ويانه كعدوا
امي .«صوتكم البنات ما يدرن شي»
رنا .«اي خالي أسمي نذكر شنو الفلم»
رزاق .«لا تدخلين اني احلها»
رنا .«لا ليش هاي اني موجودة»
ابراهيم .«شوفي رنا .. خالي يريد ينفذ وصيه ابونه واحنه الله رازقنه و انتي هم تزوجتي ، من جهتي يا حصتي تروح للأيتام يا إما تبقى بإدارة خالي و محمد»

رنا .«لا إبراهيم ، اريد كلشي إلي .. محمد اريد كلشي وانت تعرف شنو حقي»
محمد .«تردين احجي لان الموجودين ما يعرفون»
رزاق .«اي احجي اريد افهم»
رنا .«لا رزاق خليها بينه هو يعرف»
خالي .«احجي رنا شنو الترديه ، اليوم جامعكم حت نصفي»
رنا .«هاا لا خالو هو محمد يعرف»
محمد .«يعني بعد كل الاحداث هاي تردين !»

صفنت علية و كالت أي
محمد .«اي زين لعد ، اذا رجلج قبل ما عندي اشكال»
رنا .«لا تدخل رزاق بالسالفه»
محمد .«لللج ادبسزز لعد شايفتني كواد حت اسوي الترديه بسكوت»
رزاق صاح .«محمد 😠 لسانك وي مرتي»

محمد .«روح علمها المرتك لعد وربيها ، وج ثنينه متزوجين ، لج مرتي جوة خجلي ، عوفج منها مو هذا رجلج وبتج نايمه .. ارد افهم عمتي لو عايشه و تسمع شسوي بيج»

رزاق .«شتحجي انت احترم نفسك محمد»
محمد .«محترم اني بس روح ربي مرتك ، اني طالع ارجع ما شوف خلقتج»

حجه عليها ابراهيم .. تركتهم و طلعت
كاره حت المكان اللي متواجدة بيه
كلبه وج متزوجه و تدورين
اخذت سارة و طلعت
ولا سألت شنو الموضوع و هذا ريحني
افترينه و غيرت نفسيتي
4ساعات و رجعنه ...... End Back ....

نزلت ابويه منتظر بالصاله و امي يمه
محمد. «سلام»
ابويه .«هلا بويه ، تعال اكعد»
محمد .«ايه ، يمه گشري التفاحه حبابه»
امي .«صيح مرتك مو موجودة»
محمد .«خلص ماريد»
ابويه .«اي يابه شوكت رح تعرس عاد»
محمد .«اي بويه ، انشالله الشهر الجاي انزل .. انتو سوو اموركم حت اني اضبط هناك اجازتي ، ما اكدر اطول ترة لان مناقشتي قريبه .. انزل نسوي العرس واخذها و ارجع»

ابويه .«هذا رأيي هم تاخذها وياك»
امي .«لحظه سارة مو عدها دوام»
محمد .«اي بس اوراقها دتمشي هناك قدمتلها»
ابويه .«زين تسوي بابه ، و هسه فهمني على بت  عمتك شنو السالفه ترة ما فهمت شي»

دخل اسامه .«اني هم اريد اعرف»
محمد .«وين جنت ليهسه»
اسامه .«جبت انتبيرول و ساملين لأمير»
محمد .«خل ابوك يشوفه ليش جبتله»
ابويه .«هو اني كتله»
اسامه .«يلا غرد حباب ارد اروح اشوفه»
محمد .«ماكو شي لحد يتدخل»
ابويه .«شون ماكو رزاق رح يتخبل يريد يعرف شنو السالفه»
محمد .«رزاق يعرف كلشي»
امي .«شون يعني»
محمد .«رزاق كلشي حجيتله يوم اللي عقد عليها»
اسامه .«من اخذته و طلعتوا عود تنتظرون الشيخ»
محمد .«بالضبط»
ابويه .«محمد ليش ما ردت بت عمتك من البدايه»
محمد .«بويه احب مرتي شسالفه الكل يعرف ترة»
ابويه .«اهدئ شبيك على كلشي مصيح خل نتفاهم بالهدوء»
محمد. «ارجوكم لحد يجيب سيرتها بعد»
اسامه. «نفس رأيي»
امي .«انت بكلشي صيح نفس رأيي»
اسامه .«😂😂 غير اساند اخوي»
محمد .«ههه كوم لابنك يلا»
امي .«باجر نروح لبيت عمك حت نتفق»
محمد .«ماشي يمه ، يلا تصبحون على خير»
ابويه و امي .«وانت من اهله»

صعدت غرفتي سارة دتنام
محمد .«وج شنو نايمه كومي»
سارة .«نعست وانت طولت جوة»
محمد .«غير تنتظرين»
سارة .«ههه يلا بسرعه رح اغفه»

اخذت الشاحنه و رحت يمها
مددت و اخذتها لحضني
محمد. «شهر اليجي العرس ثبت بعد»
سارة .«كول والله»
محمد .«باجر نروح لاهلج نتفق»
سارة. «واجي وياك»
محمد .«اي طبعا»
سارة .«أحبك باباتي»
محمد .«يلا نامي»
سارة .«تصبح على خير»
محمد .«وانتي الخير كله»

خلص البارت 🔥
ما اعرف شلون كمل اليوم
لان امتحان صيانه دا اقرة
و بالاستراحه افتح اكتب شوي
فجأة بق انتهى 😂
والبارت بدون تدقيق لان هسه انتهى ونشرته مباشرة 😅

المهم ... اكو بدت امتحاناتهم .. موفقين جميعا
و اكو اللي هم مثلي بدت الفصليات
الله يكون بعونه و هم موفقين حبايب

القصه تأخرت بيها لأن نعرفت
و الأشخاص اللي عرفوها موجودين
لهذا رجاءا لحد يكشف او يكول شي عن الأبطال
محمد كلي اي احد يكشف رأسا احذفها
و هاي اول روايه الي
ماريد تفشل 💔😭

قراءه ممتعه 💜
لا تنسون الفوت 👇
الكاتبه : اسراء الخزرجي 😊