رواية أحبها فياليتني احصل على حبها الفصل الثاني عشر 12 - بقلم نور الشمس

الوو.الوو
الوو
احچي وماكو رد شمرت الفون واحس روحي راحت
ياربي فدوه شسوي
خابرت على شهم مشغول
هنا مگمت احس بشي اكو شي قلقني گلبي يوجعني واحس حمزه مو بخير
رجعت اتصلت بشهم مشغول
ياربي انت ويه منوو مشغول محتاجتك
دزيت رسائل
شهم فدوه الحگلي احس حمزه بي شي

شهم ..
طلعت من بيت عمي
ورجعت للبيت صعدت الغرفتي جاي ابدل ورن فوني
هذا حمزه يتصل
جاوبته
..الوو الووو ماكو جواب
رجعت اتصل يرن وماكو رد
عفت الفون شةيه واتصل عليه رقم غريب
الووو
..الوو انت اخوو الظابط حمزه
..اي نعم اني ابن عمه احچي اكوو شي
..حمزه مصاب وحالته خطره نقلناه البغداد
وهسه احنه بالطريق
..وين نقلتوو انروح الأي مستشفى
..المدينة الطب
خليت ايدي على راسي مامستوعب الي يصير حمزه مصاب وحالته خطره لايربي فدوه
نزلت الهشام صحته على جهه لأن علا يمه
..هشام تعال رايدك بموضوع
..شويه واجيك شهم
..لك هشام بسرعه تعال اني رايح يم ابوي هناك
..من صاحني هيج قلقني وحته علا حست اكو شي ضلت تباوع الي وترجع تباوع الشهم تركنه وراح
اجيت وراه بره بعدنه مواصلين يم ابوي شفت عيونه تلمع ومتجمع بيهن الدمع
..شهم احچي شكوو
..هشام حمزه مصاب وحالته خطره جايبيه بالطريق البغداد حضر نفسك نطلعله هسه
حاچي ابوي حته يروح يم عمي يگله اني مااگدر اگل العمي مااگدر شگله وحيدك بين الحياة والموت
بعده يحچي سمعنه صوت علا صاحت اندارينه عليها فقدت
شهم عافنه وطلع بعيد
بقيت اني اصبر بيها واجت امي وزهراء والبيت كله التم
..علا كافي ميصير هيج مو مييت مصاب يصير وين ان شاءالله صيري قويه اني رايح وي شهم راح نروحله وحاولي لتگلين الأمچ هسه

شهم ..
اتصلت على عمي وسام گتله واتصلت على باقي اولاد عمي اشوف ريحانه تتصل مااجاوبها مااعرف شگلها
من قريت الرساله كاتبه..
شهم فدوه الحگلي احس حمزه بي شي
هنا صدگ انهاريت والدموع الي احاول اخفيها نزلت غصبا عني
ياربي نجي ياالهي
عمي ابوي گله اجانه وحته مااگدر ارفع عيني بعينه
مااعرف شلون اواسي واني اريد واحد يواسيني
طلعنه بسياراتنه اني وهشام وعمتي ام حمزه بسيارتي وعمي وابوي بسيارة عمي وسام
طلعت وبالي متشتت بين ريحانه وبين حمزه شصار بيها من عرفت حمزه اني شوصيتك شگتلك
الطريق خلصناع بألف ياعلي
عرفنه هوه مصاب
رصاصه مخترقه الكبد ويحتاج يطلعوها ويشيلون الجزء المصاب
وباقي الرصاص بجسمه
اكو طلقه قريبه للعمود الفقري الأطباء گالو احتمال ميگدر يمشي وتأثر ع العلاقه الزوجيه واحتمال يصير عاجز  همه انطو اسوء الحالات اذا عده الخطر حاليا وضعه ميطمن وتحت المراقبه
هذا غير الطلق الي برجله اصلا الأطباء متناقشوو بيها لأن حالته كلش صعبه چانت
بقينه نراقب كل نبضه منه وماعدنه غير الدعاء
اصعب شي من تشوف شخص غالي عليك يصارع الموت تتمناله الحياة وتعرف هذي الحياة صعبه اله يعني حمزه يعيش مشلول وعاجز صعبه
ندعي من ربنه يعيش ويرجع مثل الأول واحسن
دخلوو الغرفة العمليات يطلعون الرصاصه الي بالكبد ويستأصلون جزء منه
عشنه بقلق وخوف
عمتي منشفن دموعها ومنگدر نواسيها بشي ولانصبر عليها
شتسوي حقها وحيدها وعريس جديد صعب كلش ثعب تشوفه عايش ع الأجهزه الطبيه
فتره وطلع الطبيب بلغنه نجحت العمليه
ارتاحينه وبقت العمليه الأصعب
الي هيه يطلعون الطلقه الي قريبه للعمود الفقري
ينتضرون توقيع من عمي
اشوف الحيره بوجه عمي
صعب يوقع على شلل ابنه وعجزه لو على موته اذا بقه هيچ
بعد تفكير طويل وحيره قرر يوقع
ولازم بعد يومين يدخلوه
الى ان يستقر وضعه
بقينه هاليومين بقلق
خابرت رضا اساله على ريحانه
گلي أمي يمها واني مشفتها تعرف هيه والبنات مو مال ادخل كل شويه
بس امي تبچي عليها لأن حالتها صعبه ومنهاره تريد تشوفه
گتله جيبها وتعال
..شهم شلون اجيبها منو يگول ابوي عمامي يقبلون
..رضا جيبها مالك علاقه اني اتصرف انت جيبها وشوف حمزه وارجع اخاف يحتاجون هناك شي

ريحانه ..
بعدني بخوفي والقلق مسيطر عليه نزلت جوه اباوع بالوجوه احتار شنو اگلهم بس مبيين عليه
عمتي گالت شبيچ ريحانه گتلها عمه خايفه گلبي يوجعني وحمزه ميرد
..اسم الله عمه ان شاءالله ماكو شي
..بعدنه نحچي ودخلت علا من دخلتها مستعجله اكو اثر ضرب على وجهه ودخلت علينه تبچي كلهم سألوها شكوو اني متأكده اكوو شي بس نطقت
..حمزه موو هزت راسها اي
دخلت امي وراها گالت مصوب والله مصوب مابي شي يمه بدينه نصيح ونبچي
گتلهم امشي واهم مقبلوو عمتي اخذت عبايتها وطلعت صحت وراهم دخلني امي والبنات ومحد بيهم سأل عني واخذني صدگ بقه ابالي عليهم
وضليت بحيره لا الدموع تريحني ولا اللطم يريح ولااگدر اسوي شي
بقينه ع الأتصال وگالوو دخلو اول عمليه
بقيت اصلي وادعي ربي يطلع سالم الحد مااجت امي گالت طلع من العمليه وناجحه بقت عمليه اله بعد يومين بس ندعي تستقر حالته
اني مثل الطير المذبوح روحي تلوب ياربي بس ارد اشوفه اتخيل طوله صدره وين اليوجعك ياروحي انت
شويه واجت امي گالت اخوج رضا يريدچ
من شفته حضنته وبقيت ابچي بصوت عالي
هوه هم بچه وياي وگلي ادعيله البچي ميفيد
ريحانه حضري نفسچ نطلع الفجر
..وين
..شهم گلي جيبها تجي هنا يم حمزه ترحين للمستشفى يعني
..طرت من الفرح راح اشوفه لزمت ايده بوستهن فدوه اروحلكم بدونكم مااسوه شي عبالي محد مفكر بيه ابالي نسيتوني
بوسني وطلع
حضرت نفسي وانتضرت الفجر ساعه ساعه
طلعنه الطريق شويه طويل وصلنه الهم الصبح من وكت
اول ماشفت عمتي حضنتها وبچيت
اجاني شهم من بعيد باسني براسي ودموعه بدت تنزل گلي صيري قويه لاتخليني اتندم لأن جبتچ
ردتچ ترتاحين من تحسين انتي يمه بست راسها وراحت گعدت يم عمتي

الطبيب دخل وگال حالته استقرت وراح ندخله عمليه نطلع الطلقه الي بضهره
هذي اصعب عمليه اعصابنه مشدوده ومتوترين وماعدنه غير الدعاء
ريحانه احسها ذبلت ابد مو طبيعيه هيه يراد الها طبيب بس مو فارغ الها چنت اريد بس حمزه يطلع منها سلامات
طول بصالة العمليات ٣ساعات تقريبا
طلع الطبيب گال العمليه نجحت بس يعتمد علي من يصحا راح نعرف اكوو ضرر لو لا يحس بشي لو ينشل بعد ماتعرف
..دكتور يعني اذا يحس بجسمه يگدر يمشي يعيش حياته اعتيادي
..حاليا بعد منعرف لتنسه وضع رجلينه احتمال يرادله بلاتين واعتقد علاج فيزيائي بعد گدامه مشوار طويل يراد تعاون منكم انتوو اهله
..كلامه ابد مريحني اني اصلا ناسي وضع رجلينه يعني شغلته حيل معقده ويرادلها وقت طويل
بقينه ننتضره وره ساعات صحا من البنچ وقبلها همه ينطوه منوم ومسكن ألام وميخلوه يگعد اصلا لأن اكيد الألم مينحمل

ريحانه..
اجه شهم بلغ امي حمزه صحا من البنچ
راحنه كلنه الطبيب مقبل كلنه ندخل دخلت عمتي وعمي اباوع من بعيد گوه يفتح عيونه الهم بس مبتسم يحاول يهديهم
شويه وطلعوو شهم گلي تعالي ندخل
شهم باس راسه وتحمدله ع السلامه وطلع بفيت بس اني وياه
چنت مااشوف شي من دموعي
حاچاني بصوت تعبان نطق اسمي ومگدر يكمله احس صوته رايح وتعبان
اشرلي براسه رحت يمه بوسته بوجهه  كله وايده انهاريت العبره الي بصدري كلها طلعتها
..ريحانه حبيبتي لتخافين اني زين الحمدلله شجابچ يعمري ليش اجيتي
..حمزه ماگدرت اريد اشوفك اشتاقيتلك ..يوجعك شي متأذي
..لتخافين ماكو شي منطيني مسكن ألام اعتقد شويه اجه الطبيب
عدلت گعدتي وبقيت يمه شهم دخل ويانه
من دخل الطبيب لزم ايدي بقه متمسك بيها
شافه الطبيب ابتسم گله ايدك تحركها عادي
اشوفك لازم ايدها تگدر تجيب ايدها عليك جر ايدي خلاها قريب الصدر
اكو بيده شي ضرب رجله اكثر من مكان جان يجك رجله اني وشهم عين على حمزه وعين ع الطبيب
كل ميچكه يفز
الطبيب ابتسم گله الأحتمال الأكثر خطوره عده الحمدلله چنه خايفين تنشل بس الحمدلله مفقدت القدره بالأحساس
باقي بس رجلينك حاليا متگدر تمشي الا نخليلك بلاتين
وبعدها تتعالج علاج فيزيائي وكلشي يصير تمام
احنه كلام الطبيب فرحنه بس حمزه حسيته ضاج
لأن هوه ميهرف چنه متوقعين الأصعب
خليناه يرتاح وطلعنه بس بقيت اني قريبه عليه
شنو يحتاج
ولأن مستشفى خاص
عادي ندخل لو عام ردهة الرجال مااگدر ادخل الها بس وقت الزياره
عمتي رجعت للبيت عمي مقبل تبقه اكثر لأن تعبت وعمي هم رجع بقينه بس اني وشهم
هذي بعد اسبوع من الأصابه
رحت دخلت اشوفه حسيته كلش متألم وشكله گوه كاتم الألم
..حبيبي يوجعك شي
..ريحانه الألم ذبحني مااگدر بعد مااتحمل تعبت
..من شفته مابيدي اسويله شي دموعي گمت مااسيطر عليهن اني اشوفه وتعلانه الله يساعده هوه كل مكان بجسمه بي الم عمليتين والثالثه بعد ممسويها باقي يومين ويسووها اله كتله اصيح الطبيب الك
..مو انتي تصيحين صيحيلي شهم
..شهم راح يجيب نتيجة التحاليل هسه يجي
..أبقي يمي لتطلعين
..بس اصيح الطبيب يشوفك
..ضغطت على اسناني من الألم لا مو انتي گتلچ انتضر معليج بيه
..عرفته ضاج بس مو وقت الغيره هسه ماحبيت اكسر كلمته حسيته يتحسس من گله الطبيب متمشي حاليا الا بعد عملية زرع البلاتين وعلاج فيزيائي حسيته حيل عصبي وحقه هم الوجع مينحمل
اشوفه يبأيده يضغط ع السديه بقوه لزمت ايده ربقيت افركها اله
..ريحانه تعبتچ وانتي كلشي مشفتي مني
..حبيبي شسويتلك اني
..سمعتي الطبيب شگال
..اي اعرف
..وتتحملين هالشي ممجبوره تگدرين اتركيني الي عرفته احتمال ميصير عندي جهال
..بچيت حبيبي اني قابله بكلشي اهم شي وجودك يمي مجاوب شي بس حسيته وصل مرحله بعد ميسيطر على نفسه وميگدر يكابر اكثر بده صوته يعله أخ جسمي الألم موتني اريد اي شي يسكن هالوجع أخ ردت اگوم من يمه اصيح طبيب لزم ايدي بقوه
معليچ انتي اصبري
شويه واجه شهم لگاني ابچي وحمزه انينه عالي ايد ضاغطه على ايدي بقوه وايد لازم بيها السديه
گلت الشهم فدوه صيح الطبيب صار هواي يتعذب هيچ
راح صاحه ع السريع اجه الطبيب انطوه مسكن اشويه ونام
ضليت اشكي وابجي الشهم
هوه هم تعب خطيه وتأذه حيل
گلي
ريحانه تحبي لو بس لأن زوجج
..قبل ماچنت احبه ولا اكرها بس بعد العقد روحي صارت اله مو بس احبه جاي اتعذب واحس روحي تنسلب مني كل مااشوفه هيچ يتأذه والله اتمنه الي بي بيه
..الله كريم الله يصبرچ ويشافي ويقوي مو سهله ابد اكيد جاي يكابر حمزه
اني شفت هواي غيره بغير غرف نفس حالته الليل كله يصرخون وبيهم حته بچي يبچون هالشي طبيعي بس هوه ميريد يأذيج علمودچ جاي يكابر
..الله كريم ..شفت شهم مهتم للكل بس محد مهتمله منه سألته شهم انت شلونك
..اني شبيه مابيه شي زين
..شهم اني اعرف بيك وحاسه بيك انت تحبها وهيه هم بدت تحبك
تعرف من اجيتنه ذاك اليوم جانت متحضرتلك عبالها تصيحها حته تشوفها ومن طلعت لگيتها تبجي ومطشره غرفتها زمبيين عليها الزعل معناها مهتمتلك
..اني اريد انطيها وقت تعرف اني اعرف البيه واعرف مااگدر بدونعا بس اريدها هيه تعرف
خلينه من كل هذا هسه انتي گومي ارتاحي وجهچ اصفر وتعبانه حيل ليش هيچ لونچ شاحب تحسين بشي مريضه انتي
..لا مابيه شي بس تعبانه
..ارتاحي الله كريم

يتبع ..

البارت بدون مراجعه عذروني
مجاي الحگ ادقق ومااريد اتأخر عليكم حبايبي