رواية أهدتني عاراً الفصل الثاني 2 - بقلم نورا ناصر

اهدتني عاراً

ثالث يوم شهر رمضان الكريم الساعه سنة و١٥ دقيقة تقريبا قريب المغرب"
كنت منهمكة ومشغولة بالمطبخ جاي احضر اسوي عصير مشمش طبيعي..

كسرت الثلج الى مكعبات وطلعت النوه من المشمش وخليته بالخلاط وخليت فوكه ماي بارد وشكر ناعم وخلطتهم سوه.

وبقيت اباوع الهم وهم يختلطون مع بعض لحد مايصيرون خليط واحد وصوت الخلاط بأذني يرن وي دوخة الصيام والعطش بلعومي وحلكي كله يابس.

فتحت قبق الخلاط وشميت ريحة العصير امممم ريحتهم طيبه تجنن ومنعشة كوون اجرع عليه واشربه دفعة واحدة خوو شكلهم ارووع ...

والدنيا حر
واني صايمه ومييته عطش منظرهم فعلا لا يقاوم ابد
سيطرت على نفسي لا انوب انسى روحي صايمة ومن صدك افطر بيهم وبعده ما مأذن ...

فرغت العصير من الخلاط بالجك او القارورة .
سامر خطيبي يحب العصير هذا
وصيت امي لمن طلعت للسوك الصبح تجيب وياهه مشمش ممرود شويه واكو قوي بي حموضة يصير طعم العصير حامض حلوو

حتى اسوي منه عصير لان سامر معزوم عدنا على الفطور.واني كلش فرحانة بي ..وخابصة نفسي بجيته كل شوي اطلب منهم يجيبون حاجة هو يحبها ..

اليوم مرت 33 يوم على خطوبتنا.
أنا اسمي جنه عمري 20سنه. من البصرة ..

وصلت للثالث متوسط وكعدت بالبيت
متوسطة الطول ضعيفه بيضاء البشره يتدرج لون عيوني بين الاخضر والرمادي

ابوي متوفي من عمري خمس سنين الله يرحمه ويرحم كل الاموات. مااتذكر على تفاصيله هواي بس مرات المح طيفه بذاكرتي .. ضعيف وطويل ومن التعب ظهره مو مستقيم رغم جان شاب ومرات اشوف شكله بمحمد اخوي يشبه من اشوفه بالصور فعلا يشبهه

عندي اخوان اثنين واخوات اثنين
اخوي محمد متزوج من سنه وماعنده اطفال الحد الان شرطي يداوم بالبصره.
احمد مامتزوج طالب كلية اداره واقتصاد
من اخواتي بس علا متزوجه مها لا بعدها ...

سامر خطيبي يصير جيران عيال اختي وصارت القسمه. قبلها جانت اكو نظرات بيناتنا ... انعجبت بي وتمنيته الي هو من دون هواي من اقاربنا يباوعون بس انه مااهتميت لنظرات احد ...

احنه هم مانطلع هواي حدنا لبيت اختي علا ومانطلع همين بس بالمناسبات ...

وعندي اخت اكبر مني بسنتين مها مامتزوجه.
خطية مها تعرضت لحادث سيارة من سنين ادى الى تشوه بكعب رجلها وجعل من مشيتها مو صحيحه وبشكل واضح. وهالشي فقدها حتى ثقتها بنفسها رغم هي حلوة وماناقصها شي بس ماتطلع ابد كله بالبيت بسبب رجلها

اريد اخلي العصير بالثلاجه دخلت اختي مها
مها : امممم ه̷̷َـَْـُذآ شنوو ريحة العصير تجننن اريد افطر على هالريحه.

جاوبتها :تره ماسويت بس على گدنا انا وسامر تردون انتوا سوولكم مابيه يتعب اففف عطشت والله

مها :ايباااه اي كافي ه̷̷َـَْـُذآ عود نشرب وياكم قابل شكد راح نشرب هو كلاص كلاصين لاتصيرين فكرية

جنه :لٱ عيوني لٱ نكعد بوحده ناخذ راحتنه شعدكم كاعديين يمنا انه ماعولت يجي وانفرد وياه والله من رحنه لبيتهم العشيرة كلها التمت يمنه حتى ماسولفنه عدل

مها :هه اسم الله تاخذ راحتها وي ابو خشم شطوله.وبعدين ثكلي الثكل حلو انه شايفة الولد هو الي يريد ينفرد بخطيبته مو البنية تطلب الانفراد بنات اخر وكت

تقربت منها همست بأذنها لٱ أحد يسمع ...
كتلها بصوت اشبه بالهمس ولج تعيبين على سمورتي ع الاقل سامر احلى من حبيبج هذا الي اسمه اسد مدري نمر ...

مها :ننننن ماتضحك تره اسمه فهد
جنه :اي المهم حيوان تره مااختلفنا

مها (بأنزعاج وحزن):اوووف
انقهرت لاجرحت مشاعرها بس فعلا جنت اتشاقة كتلعا :شبيج ضجتي تره ااشاقه انت تدرين هذا شقاي وياج !!!

مها :ماضجت منج انت تدرين بيه واعرف خبالاتج بس خايفه من شي مضوجني ومأرقني وبس افكر

كتلها شبيج شنو متعاركين لو عافج ؟

جاوبت لا ولج احنه اسم الله علينا سمنة على عسل بس هو فتح وياي موضوع اول شي كال اريد اشوفج

بصدمة جاوبتها لا يا طايح الحظ بس لا طلب صورة لوو يريدج تطلعين وياااه ؟؟ بسرعة هسه تولين شسوووين بلووووك بلووووك بلووووك

دفعتني من كتفي وكالت اووووه نجبي وسمعي للاخير
بقيت استمع الها مصدومة

كالت هو كال اريد اشوفج من رفضت كال ميخالف واثق من وصفج وكال يريد يجي يخطبني يجيب اهله وعلى حسب الاصول يعني

جنه بصدمة اكبر :كولي والله
مها :اي بس انه شنو كتله لا أجلهه لورى رمضان

جنه :ليش ولج جان خليتي يجي هسه واذا رمضان عادي ورى الفطور

مها بحيرة وقلق وحزن :مو شنو جنة انه خايفه ماگتله على وضع رجلي وتشوهه والحادث الي صارلي وخايفة افتح وياه هذا الموضوع ...

جنه :اي مفروض تكليله مايصير تضمين عليه
باعي حبيبتي انت ماناقصج شي وهالشي الي عندج مو بيدج ونمر مدري ضبع

مها :اوووو وكت شقاااج هسه وكملت بحسرة وحزن
" اسمه فهد "

جنه :المهم اذا يحبج صدگ ماراح يهمه رجلج هو راح يعاشرج يعاشر اخلاقج روحج قلبج مو جسدج ..

مها :هو يحبني وحتى صوره ماطلب يشوفني بس وصفتله شكلي بس خاف مايتقبل الموضوع او اهله مايقبلون بيه ويضغطون عليه خايفة اذا اصر عليه هم يزوجونه وحدة هواي امور اتخيلها وافكر بيها حتى تعبت والله تدرين لورى السحور لوين وانه بقيت كاعدة يمكن للتسعة يله نمت ماتشوفين هسه يله كعدت ...

جنه :لعد هسه شون لازم يعرف واذا عرف ورفضج او اهله ضغطوا عليه خبي يولي زلمتيش هذا الي ينصاع لكلام اهله

مها :ولج جنة يبقون اهله وكلمتهم مسموعة وانه كلش متوتره وخايفه افتح وياه الموضوع
زين تكدرين تحجين ويا انتِ ؟؟تمهديله الموضوع ؟

جنه :بس سامر مايقبل احجي ويا غربه
مها :لا شوون بدون مايدري طبعا خو مو تروحين تكليله اختي عدها حبيب شبيج جنة

جنه :مااكدر هي خيانه مااكدر حتى لو من وراه وهو مايدري بس هو فهد لازم يسمع منج صيري قوية كدامه خليج واثقة من نفسج لا تصيرين انهزامية حتى لا يكول هاي ضعيفة شخصية كلفت اختها تنقلي هالكلام وماواجهتني شخصيا

مها غمضت عيونها وتنفست وكالت والله انا على كولتج هم لازم احاجي اذا فتح وياي الموضوع مره ثانيه وامري لأ •اللّـہ̣̥

جنه :ولج مها باعي اذا ماتقبل الموضوع اياج تنقهرين وتضوجين لأن مايسوه تره دمعه من عينج مايسوه والله يحبج الي كشفه كدامج و

مها :سكتي جنه الله لايكولها انه اعرف فهد كلش زين والله لو احساسي بس ينبأني هو يلعب عليه جان مستحيل استمر وياه كل هاي المدة ...بس هو خلقة واخلاق والله ههههه

جنه :هههههه يااعيني طايحة اختي ومحد مسمي عليج زين انه اروح اتحضر راح يجي سمورتي
مها :ولي انت وسمورتج ابو خشم
جنه :اي فديته وفديت خشمه واسمه ورسمه
مها :ننننننن
_ يوم اااالاج واوي يجي يتفطر عدنه وتكرصون ابحدكم انت وياه بالغرفة
_ هسه مو جاي تحجين عدل اله تجفصين باسمه مو غثيتيني كلبي يعورني مايهون عليه اسمه ينكلب

فريت ايدي وانه اضحك وكلتلها اوووي عشتووو ..

رحت للغرفه حضرتلي تراك وردي ورصاصي مخطط ورحت سبحت لان انسلكت سلك بالمطبخ من الحراره صرت بيضه مسلوگه.
كومه جدور ع الطباخ مشعوله الدولمه والتشريب والشوربه والتمن .
الفرن مشعول وبي دجاجه تنشوي
الطباخ اربع عيون لو بي عين خامسه جان هم انشعلت وخلينه عليها شي.
ولو عنده لسان هم جان حجه وكال رحموني زين منه ماينفجر.
هذا الحال برمضان اخواني الولد اذا ماشافوا كذا اكله ع الفطور يظلون يحجون.
واذا طبخنا هوايه مياكلون كلها لكمتين من كل اكله والباقي كله مي وعصير ولبن يملون معدتهم.
خلصت سباحه وبدلت نشفت شعري ورحت للمطبخ امي دتجيك الاكل ومها يمها.
ماما صبي النه اني و سامر وحدنه نگعد ناكل.
الام :لا يمه عيب اخوتج موجودين ونكعد كلنا سوه.
مها :أثگلي شويه ثگلي عييب خزيتينه اليكول بس انتِ مخطووبه.
جنه :شصار هسه بطلت مااراح اكعد ويا وحدنا.
الام :بنيتي وره الفطور اذا كاموا اخوانج كعدي ويا شويه لوحدكم.
جنه :اي خووش (بتذمر)
مها :اي ثگلي يابنيه الثگل زينه
جنه :خنشووفج تثگليين (تغمز لها )
مها :نجبي
جنه :انت نجبي
مها :لا. انت
الام :هي شنووو ولجن تخبلتن كدامي تتعاركن تالي الله يعاقبكم كل وحده تزوج مكان وتصير حسره عليهه شوفت اختها.
جنه : خوش رزاله من نبع الحنان
اني رايحه اشوف سامر.
طلعت بره بالكراج الجو حار كلش بيدي تليفوني اتصلت بي ميجاوب يمكن ع الدراجه خلي لااقلقه لايسوي حادث.

دخلت للمطبخ ومها تخزرني واني امد لساني الها
ثواني ودخلت مرت اخويه عذراء توها كاعده من النوم وتتثاوب يادوب بس غاسله وجهه.
عذراء :خاله اساعدكم بشي ؟؟
الام :لا حبيبيه مخلصين
جنه :عذوره حبيببه مشكوره كل شي مخلصين بس باقي الاذان اذا تردين اذني حتى نفطر.
عذراء :هه تره ماتضحك
جنه :هو اني كايلتلج ضحكي ؟
كامت عذراء تكشف بالكدوره اخر شي وصلت للزلاطه كالت
عذراء :هي شنو اكو واحد يخلي زلاطه وي طرشي.
جنه :اي سامر يحبه هيج وسويته معاجبج لتاكلين منه.
عذراء : ايييه سامر اليوم هنا ؟؟
جنه :اي حبيبتي هنا يتفطر ويانه
عذراء :لعد اني اكل بغرفتي لان استحي وانتم تاكلون كلكم سوه
الام :على راحتج يمه
جنه :اي مو هو راح ياكلج
الام :كافي جنه شكد تلحين.
عذراء :اني رايحه يمكن احمد يصيحلي.
جنه :
طلعت عذراء من المطبخ وماما ومها استلموني
على كيفج راح تاكليهه شجاج
كتلهم لان ادري فوتتها للمطبخ مو هالله بالله بس تعيب اصلا هي ماتريد تاكل ويانه امها دازتلها فطور.
الام :وانت شعليج بيها مو هم وراج عيال تره يسكمونج سكم
جنه :اني مو مثلها نهار كله حاطه رجل على رجل وتتأمر.
مها :وانت شسويتي عيني زلاطه وعصير مشمش
جنه :والتنضيف منو ينضف مو كله عليه وانتن كاعدات وساكتات
مها :انت تدرين مابيه انضف من رجلي اني
جنه :اي اعرف حبيبتي بس قصدي على ست الحسن والجمال
اني اروح اخابر سامر تاخر هوايه.
احس راح اجفص واجرح مها وماريد يصير هيج.
الام :كافي كل شويه تدكين عليه يمكن عنده شغل وتاخر
جنه :ماما هو برمضان شغله بالليل بس گلبي عليه مايرد ماادري شبي
الام :اي ياامي يمكن بالطريق اصبري شويه.
جنه :طلعت من المطبخ وسمعت الاذان اذن
واخواني كلهم توضوا وراحوا يصلون
امي ومها ديحضرون السفره واني بيدي التليفون وعيني واذني ع الباب كل شوي اكول هسه يجي وصارت سبعه وربع واني حتى مافطرت.
الكل تجمع على السفره وصاحولي تعالي افطري يمكن صار عنده شغل وميجي.
تجاهلتهم وطلعت رقم ام سامر اتصلت بيها متجاوب
گلبي ظل يلعب اكيد صاير شي.
رحت اكلت كم لگمه وكمت ع السريع توضيت وصليت.
وبقيت بالغرفه ماطلعت منها والتليفون بأيدي كل شويه ابوعله بس مااتصل لان كلما اتصل ماالاگي الجواب ايست.
لحد ماسمعت صوت صريخ امي متت احس قطرة دم مبقت بجسمي طلعت اركض ادور امي وين ورحت يمها
مها كاعده بصفها وتبجي وعذراء هم مدنكه ومقهوره
رحت لامي اجرجر بملابسها خير ماما اكو شي
متسمعني ومنهاره بالبجي توقعت واحد من اخوتي بي شي لان هم وره الفطور يطلعون.
بقيت اتوسل بامي تحجيلي شبيها وهي منهاره وتبجي واني قلبي نار ومااعرف شسوي ومااعرف امي شبيهاا لحد ماكلتلي اختج علا خابرت وتكول سامر مات !!!

وكع الخبر عليه مثل الصاعقه الي توكع على اي شي وتحرگه اني حرگت روحي وقلبي ومصدكت لا شنو يموت مستحيل يصير هيج
بلحظه فقدت ايماني ونسيت ان الموت حق
يمه تشاقين  وياي
اباوعلها تبجي
درت على مها كولي شسالفه كولي مها عفيه
مها :علا خابرت كالت مدعوم بالدراجه.
جنه :يعني مات لو بعده بي روح گووولي
مها :مات جنه مااات. 
صرخت يمه وظليت املخ بروحي وشمرت نفسي على امي اجرجر بملابسها كتلهه يمه حبوبه لاتكولين ميت كولي انشل كولي تعوق ارضى بي ومااعوفه بس لاتگوليلي مات  الله يرضى عليج يمه.
امي حضنتني وخلت راسي بحضنها وتبجي ومنهاره مثلي واكثر هي كلش تعز سامر وتحبه
بقينه على نار كل شويه اريد اكوم اطلع من البيت للشارع واروح لبيتهم وحدي وهم يلزموني.
واصرخ اكولهم ودوني اله وينه هو هسه وبيا حال وشلون مات حتى مااعرف شلون مات
امي كالت حادث بالدراجه مالته
كله مني اني هو جاي الي اني تسببت بموته 
بعدها كلت لايمكن جذب يجذبون عليه يمكن بعده بي روح ممعقوله يموت بهالسرعه.
بهالاثناء ااجه اخوي احمد شافنه بهالحاله
كتله احمد كلي ماميت سامر عفيه گلي
احمد :هذا حضج جنه بعد شسوين
جنه :وديني احمد فدوه وديني هسه لبيتهم
احمد :يلا اروح اجيب تكسي يوصلنه
مها جابتلي دشداشه سوده ولبستني وانطتني عباية راس لفيت روحي.
اجه  احمد وكال يلا  التكسي بالباب  طلعنه من البيت وصعدنه بالسياره مكدرت اكتم شهگاتي ووبجيي
طول الطريق ممصدكه اوصل واتاكد منه صدك ميت  مستحيل يمكن بي شي مبتوره رجله ايده يبعد ايدي بس كون ما ميت كافي نفسه بالدنيا.
اول ماوصلنه البيتهم جانوا استوهم جايبين التابوت اني هنا انهاريت ومابقت قوه بيه من شفتهم ينزلونه من السياره.
ولهسه الامل بداخلي اكول يمكن مو اله هذا التابوت لجيرانهم احد مو اله مااكدر اصدك.
بس شفتهم فوتوا للبيتهم نزلت بسرعه من السياره وعفت امي و رحت امشي وحدي اتعثر بمشيتي وابجي واتكى ع السياج مابيه امشي
لحد موصلت للبيت شفت الناس كلها ملتمه وتبجي صوت الصريخ والبجي صم اذني.
الناس هوايه واني اريد اشوفه واودعه الوداع الاخير بس مگدرت الناس ملتمين على تابوته.
وظلن النسوان يردن يفتحنه فشالو بسرعه
شفت عمتي ام سسامر  تريد تطلع وره التابوت شمرت روحي عليها وظليت اصرخ
وهي هم حضنتني وظلينه اثنينه نصرخ واللتموا النسوان علينه ووكعنه بالكاع.
حضنتني وتبجي وتحجي
هاا يعزيزة سامر ها ياحبيبة سامر راح يمه راح
راح منج ومني شكد يحبج شكد يحجي بيج
راح بعد مااشوفه ولا انت تشوفينه.
جانت كلماتها وخاصة من كالت بعد متشوفينه تقطع روحي تمنيت اروح ويا بالتابوت ولااعيش بدونه.
اجوي بناتها الها كلولها يله يمه تره راح يرحون يدفنونه لحكي 
كامت وهي تحجي وتبجي وعبايتها كلها تراب
تمسكت بيها اله اروح وياهه شافتني امي
كالت وين ترحين ييمه
يمه اريد اودعه اني ماشفته الي حق اشوفه
همست الي ولج خوانج مايقبلون ابقي هنا يمه راح بعد مايرجع.
عاندت اله اروح
عمتي سحبتني من شافت رفض امي وكالت خلي يشوفها اخر مره هو يحبها خلي يرتاح بشوفتها
رحت وره عمتي وصعدنا بسياره ستاركس
بيها اخو وخاله وولد عمه.
صوت الانين والبجي ملئ اذني ودموعي شلال وحراره بجوفي تخليني احس انه اني بجحيم
الطريق طويل من البصره للنجف البجي بالسياره ماوكف وحجي عمتي يبجي الصخر وهي تنعاله
كل الي جان يشغل فكري شون راح اعيش بدونه شون ابدي من غيره.
مر شريط ذكرياتي ويا من جنت اروح ويا امي لبيت علا واشوفه يبقى اباب بيتهم من نفوت لحد مانطلع جان يكول لرجل علا بس اشتغل واجمع كم فلس اخطبها وتجي علا تكولي واني افرح من صدك حبيته
مها تكولي ولج حييل اسمر راح تصيرين انت ويا حليب وككو.
اكول الها ميخالف اريده بس ضحكته تخبل.
اجه خطبني ماطلبنا مهر هواي ولاتشرطنه عليهم قبلت بكل شي ومهتميت لشغله الي ميحصل منه هوايه ولافكرت ماعنده سياره بس دراجه يروح بيها لرزقه وبشغله بالسقوف الثانويه.
من يجي يجيبلي جبس ونستله افرح ونكعد ناكل اني ويا عندي بالدنيا وشكد افرح ماردت بس اعيش ويا بسعاده مجنت اشوفه اجمل مابالدنيا لا بل جنت اشوفه دنيا بحالها وكل الي بيها حلو خاصة هو جان طيب ويحترمني يخاف عليه ويقدرني هوايه.
ابد مافد يوم تصرف وياي تصرف محلو
كل يوم جان يكبر بعيني بس مامقسوملي وراح من ايدي وهو بطريقه الي.
وصلنا للنجف قبل الفجر بشويه.  وهو سوده عليه بعده ينزف نزلنه بالمغيسل ومره ثانيه غسلوا.
امه صممت اله تشوفه دخلونا اني وهي واخو لازمها ويمشيهه واني اجر روحي جر كوه امشي.
فتنه جوه دخلت وكانه هنا انسلبت روحي جانوا مخلينه على الدچه ومكفنينه لافين كصته بوصله بيضه باوعتله معبالك ميت لا  وكانما نايم بسلام.
صعب تشوف الي تحبه وهو بهالحاله مابي نفس ميت وهيج موته مؤلمه وجهه مجرح بس ملامحه مبينه. كانه مبتسم.
امه حاجته وبعدها اني خاني التعبير مكدرت انطق بشي غير العتاب
سامر اروح فدوه لسمارك ليش تعوفني نص الطريق مو ع اساس نكمل سوه نعيش سوه ونموت سوه
ليش سامر شللون راح اعيش بدونك اني.
‏تبقى بـ قلبّي مهما خذاك البعد
جانت اسوء لحظات حياتي احساسي مثل الي صعدت على صدره شاحنه كبيره وبقت جاثمه ومتتحرك
واندفن سامر جوه التراب اندفن شاب بعمر 25سنه مشاف من حياته شي خلاني وخله امه وراه ام ثكلى وحبيبه مجروحه ويائسه.
ورجعنه للسياره وطول طريق متعب وطلع اول صبح   واني وسامر مو سوه.
وصلنه وقت الضحى  للبصره ولبيت اهل سامر واحنا منهاريين.
جان البيت بي ناس اخذتلي ركن وكعدت بي
واسمع نسوان قريبين مني يحجون
يكولون يا هي خطيبته شكد حلوه وبعدها زغيره
وحده تكول اي حلوه وبعدها زغيره هسه بسرعه تزوج وراه.
جنت بقوى منهكه بس حييل تأثرت بكلامهم تمنيت اردهم بس ماابيه اني بيا حال وهم يحجون هيج
ليش يشمرون حجي قبل لايتاكدون منه يجرح او لا.
بعد ساعه اجت علا اختي وكعدت يمي واني مثل صنم وبس دموعي تنزل على خدي مثل حنفيه مفتوحه عمري مابجيت هالكد.لزمت ايدي وكالت
علـاـ : جنه حياتي كومي بدلي مللـ بسج.
جنه : مارديت عليها
علا :يله حياتي فدوه العمرج كومي اخذج البيتنا انطيج ملابس مني بدلي ورجعي.
جنه :مااريد علا وخري عني.
علا :اووف سوده عليه عمري جنه لتسوين بنفسج هيج.
جنه :بقيت بس اباوع بعيوني وساكته والدموع تنزل.
اجت امي ومها وعذراء وكعدوا يمي وهم يبجون
علا :يمه قنعيها خليها تكوم تبدل شوفي ملابسها كلها تراب
الام :يمه جناوي كومي بدلي ملابسج كلها تراب مقبره موزين تبقبن بيهم يلا حبيبتي.
جنه :كوه قنعوني واخذتني علا لبيتهم بدلت بغرفتها ورجعت لبيت سامر
وكعدت يم امه ابجي واسمع صوت امه وهي تنعى وخواته وبواجيهم حسيت مو بس اني فقدته سامر جان طيب ومحبوب.
مرت 3ايام الفاتحه جنت احس بفراغ جبير ومتعب بكل لحظه جنت اشتاقله.
بيوم الثالث سوو اله صينيه بيها شموع وحلويات وخلوا صورته بيها وقروا عليها سورة ياسين وحديث الكساء.
جنت اباوع للصوره بس ممصدگه ميت احس الصوره تحاجيني تضحكلي بس مو ميت.
خلصت الفاتحه ورجعنه للبيت مريت بايام صعبه نفسيتي تدمرت كلش تجيني حالات ابجي بصراخ يوصل صوتي للجيران حتى ابوهم ينقهر عليه ويدز بناته يمي يواسوني.
احس اعتزلت الحياة والدنيا كلها ومالي واهس حتى اتنفس.
فد يوم جتي امي الي واني بالغرفه كالت هذا ثامر(اخو سامر) يريد يحجي وياج.
اخذت التليفون من امي وحاجيته
الوو
ثامر :الو هلو جنه شلونج
جنه :على الله
ثامر :جنه انت عزيزة سامر وسمعت بيج تعبانه على فراقه خابرت حتى اطمأن عليج.
جنه : الحمدلله على كل حال
ثامر :الحمدلله هذا امر الله شنسوي كلنا خسرنا بس انت ديري بالج على نفسج.
جنه :الله كريم
ثامر :اذا محتاجه شي كولي اني بخدمتج
جنه :ماتقصر ثامر الله وياك
ثامر :الله وياج.
جنه: مرت يومين على اتصال ثامر جنت كاعده بالغرفه ونفس حالتي رن تليفوني شفته رقم ام سامر فتحت خط
الو شلونج عمه شون صحتج
ام سامر : ولج انت بيا عين تخابرين ثامر وتحاجينه موتي سامر ظليتي ادكدكين على ثاني تردين تموتينه يالبومه يالفكر لو ماانت السبب بموتت سامر جان كاعد يمنه وكل ساعه تخابرينه يلا تعال ويلا تعال لحد مااجاج واندعم والله اذا سمعت بيج مخابره على ثامر بعد لااجيج للبيت اجرج من شعرج اسحلج سحل افتهمتي.
جنه : انت لأن ام سامر مراح ارد عليج بس ابنج هو الي اتصل عليه مو اني.
وسدته ماانطتني فرصه احجي  اخذتني حاصل فاصل.
موتتني فوك مااني ميته ظليت بمكاني اصرخ وابجي
اجو امي ومها وعذراء يركضون الي نمت بحضن امي واشهك كتلها يمه ليش يصير بيه هيج اني ليش.
ظلت تمسح على شعري بحنيه
الام : ييمه انت لااول وحده ولااخر وحده يموت خطيبها بعدج زغيره والايام كدامج اصبري الله مع الصابرين ليش سوين بنفسج هيج.
جنه :كمت من حظنها كتلها يمه بس اني غير اني سبب بموتة سامر جان جاي الي.
مها :ليش تكولين هيج جنه حبيبتي هذا قضاء الله وقدره موزين تكولين هيج هذا اعتراض على ارادة رب العالمين.
الام :يمه كومي غسلي وجهج وارتاحي حتى نطلع شنو رايج اخذجن نتونس المكان الي جنه تريده ؟
جنه :مااريد يمه اريد انام عوفوني لوحدي.
مها :احنه راح نطلع انت كومي توضي صلي ركعتين واهديها لسامر حتى هو يرتاح وانت هم ترتاحين.
جنه :هزيت براسي وكمت توضيت ورجعت للغرفه فرشت سجادة الصلاة وكعدت اصلي واقرا قران واهديها لروح سامر.
بقى كلام امه يرن باذني يعذبني
مرت 40يوم على وفاته بيوم الاربعين سووله ثواب بس اني مكدرت اروح بسبب كلام امه الي اخر مره.
خابرت علا وحاجيتهه
علا رحتي لاربعين سامر
علا :لا مارحت والله بس عمتي راحت
جنه : اي ماسمعت شي ماحجت شي ؟؟
علا :لا بس خواته كالن محاجيات امه ومعاتباتهه شون حاجيه وياج هيجي.
جنه :اني صح مارحت للاربعين مالته بس نصبتله مأتم بروحي وبقلبي وماراح انسى للموت.
علا :حياتي الله يعوضج ان شاءالله
جنه :مااريد تعويض اريد الله يصبرني على فراگه.
علا :ونعم بالله. شنو رايج نسوي سفره نروح لخطوة الامام علي ناخذ عشانه ونصلي هناك حتى ترتاح نفسيتج
جنه :اني اريد اروح ازور قبر سامر بلكي ارتاح هم
علا :اي حبيبتي بس خلي يرجعون هم مو االبارحه طلعوا زياره اله
جنه :من يرجعون كليلي حتى اروح اني
علا :ان شاءالله حضروا نفسكم اليوم اروح للخطوه العصر ماشي.
جنه :زين.
ختمتها وياهه ورحت قنعت امي تاخذني للنجف ازور قبر سامر
كالت ميخالف بس خلي يرجعون اهله.
دخلت للغرفه ولزمت تليفوني شفت مسجات من ثامر
هلو جنه ليش مااجيتي لثواب الاربعين مالت سامر انت تدرين امي گلبها محروك وحيل متأثره حجت هالحجي مو من كل قلبها جان جيتي لخاطر سامر.

مارديت عليه وانطيته حضر لا تصير سالفه ثانيه اكبر
العصر اجت علا وزوجها دياخذونه للخطوه
عذراء ظلت تتوسل بامي حتى تقنع محمد تروح ويانه.
هي حامل وحملهه مهدد بالاسقاط وهو مايقبل تطلع يخاف على ابنه.
كاعدين بالمطبخ اني ومها وامي جاي نحضر العشا للروحه
وهي لازمه امي وتتوسل بيها
خاله فدوه كليله خلي يخليني اروح
محمد :كضي كاعج عذراء الطريق طويل لايصير بالطفل شي
عذراء :اي هي كلها سوالفك انت ماتصبر وتسوي حركات عنيفه من تتقرب احسن الك هيج شنو اني احرم روحي من الطلعه.
محمد :اششش عيب شهالحجي كدام البنات بعدهن مامتزوجات .
امشي كدامي يالله امشي.
جنه ومها يتبادلون النظرات ويضحكون
الام :يمه محمد خلي ناخذهه مكان بي بركه بلكي الله يثبت حملهه.
عذراء :اي والله صدك اروح ادعي هناك الله يثبت حملي بجاه الامير.
محمد :يمه اخذيهه بس على مسؤؤليتج صارلي سنتين انتظر هذا الطفل مااريد يصير بي شي.
الام :اي يمه اطمأن الله يحمي ان شاءالله
محمد اللتفت لعذراء عض اصبع الشهاده وكللهه اخخخ منج زعطوطه ولاتكبرين.
وطلع من المطبخ.
الام :يلا عذوره روحي بدلي ولاتلبسين كعب عالي وعلى كيفج امشي
عذراء :صار خاله.
كملنا تحضير وطلعنا
علا :فدوه جنونه شهالجمال تخبلين صايره احلى من قبل وراجع الماي وجهج
جنه :اي اكلي بعقلي حلاوه.
علا : لا ولج صدك مو جذب.
رحنه للخطوه ودخلنه للجامع صلينه وطلعنه تعشينه ورجعنه للبيت.
شويه تغيرت نفسيتي بعدها بايام اخذنه احمد اني وامي للنجف وزرت قبر سامر كعدت يمه وبجيت كتله اذا اني السبب بموتك سامحني گلبي مامرتاح.
ورجعنه للبصره.
بعدهه بكم يوم دخلت للمطبخ مها جاي تخابر ووجها يضحك سدته وكالت
مها :اريد اكلج شي يفرحج
جنه :كولي ياالله شنو هو محتاجين فرحه
مها :فهد راح يجي يخطبني
جنه :صدك بعد عمري الف مبروك
مها :اي قبل بيه يكولي احبج ميهمني بس روحج.
جنه :انت نيتج صافيه والله يحبج انطاج على كد نيتج.
مها :الحمدلله باجر راح تجي امه
جنه :الحمدلله الله يهنيكم.
يوم الثاني اجت امه وشافتها اني ماطلعت الهم مها تكول مبين موعاجبها وضع رجلي بس فهد كايللها معليج بامي احنا راح نسكن بيت وحدنه.
وتمت الخطبه وكل شي تمام
بيوم الحفله لبست بدله سوده بينصل  كلها تلمع
من جنت اقدم الماي للمعازيم سمعت اهل فهد يكولون هي اختها احلى منها شبي فهد يحضي لو خاطب هي مو احسن من ذيج ماتمشي زين.
باوعتلهم ورفعت حاجبي كالهم الحب اعمى يحضي ضحكوا وداروا وجههم.
مها حلوه حنطاويه وعيونها كبار ملامحها كلها حلوه شعرها وجسمها وكلها نازكه وبالحفله طلعت تجنن بفستان لونه وردي على بصلي.  فهد مو كلش حلو بس شكله مقبول.
وهي مرت سنه ونص على حادثة سامر
تقدمولي هوايه بس رفضت وخاصة حماهه لمها بس رفضت
ثامر شايف اختي وهم محاجيهه عليه كايل الها اذا اخطبها توافق اني كتلها ابد مستحيل الغربه مااقبل بيهم بعد مو اخو سامر.
عذراء ومها ولدو وصار عدهم ولد.
واني بقيت عازفه عن الزواج وماافكر بي ابد خايفه خاصة هوايه سمعت حجي من ام سامر
تجي لبيت اختي علا وتحجي وعلا فطيره كلشي تحجي كدامي او اني اسمعها تحجي لامي
تكول حضنه هذا ابنه مات ومن هالحجي
فبقيت متخوفه.
فد يوم كاعدين بالهول كلنه جان بحضني يوسف ابن محمد جاي العبه متعلقه بي وهو هم يحبني ويا انسى همي.
محمد :هله باختي جنونه ولج شون جايبلج عريس تعاي نزلي كعدي جوه خلي اسولفلج.
جنه : محمد  مااريد اتزوج منو كلك اريد عريس اني بالله سد الموضوع دخيلك.
محمد :وليش ماتردين تتزوجين بالله شتنتظرين سامر يرجع ماراح يرجع سامر من گبره تره.
جنه :محمد لاتجرحني كتلك مااريد ازووج
نزلت يوسف من حضني ورحت اركض للغرفه واسمعه يكول
موبكيفج افتهمتي لو لا.
ظليت ادردم واني امشي بالممر اريد اروح للغرفه
دروح والله ولا اوافق يريد بس يخلص مني عبالك  كاعده على كلبه

رحت لغرفتي واني امشي وادردم على محمد اخوي ضوجني من كال سامر بعد مايرجع يعني مايعرف يحجي وياي بأسلوب بدون مايجرحني كلمة تطيب خاطري حنية منه تنسيني شويه من حزني.

دخلت للغرفة وسديت الباب وقفلته قفل بالمفتاح حبست على نفسي كم ساعه بالغرفه. بدون مااطلع ولااشوفهم وجهي فجاة ضجت من كل الي بالبيت

انوب صار ملل وضوجه وخنگه وماكو شي يسلي
جانت مها ويايه ونكعد نسولف ونتعارك ونتكافش هسه كله وحيده.حتى مرة محمد مو هلكد علاقتي بيهه زينة انه وياها مانتوالم

بس من يكعد يوسف العب ويا. هذا شويه منسيني همي والحزن ..

ومرات علا تحن علينه وتطلعنه وياهه كل كم شهر مره
انوب لا دوام مدرسة لا طركاعة سودة اتلهى بيها ماكو شي حياة بائسة يله نكول الحمدلله والشكر والعوض على الله انتظر واشوف رحمة ربي وشنو مكتوبلي بالايام الجاية.

المغرب طلعت من الغرفه محمد ماكو وامي جانت يم علا بس اني وعذراء بالبيت.
رحت يمها جانت دتغسل الممه مالته كتلها
ها وين يوسف ؟
نايم يوسف تعاي خلنحجي شويه.
شنو عندج ؟
كالت اكلج انت ليش ماتقبلين تزوجين ؟
رديت بانزعاج اهووو نفس السيره انت ورجلج. ادري ماعدكم غيري شنو هي كوة اتزوج شمالكم

بهالاثناء طب محمد شفته باوعلي بعتب ونفس الوقت عدم رضا درت وجهي وتنهدت اريد اطلع من المطبخ مد ايده لزمني من معصم ايدي واجاني صوته وهو يكول بحزم تعاي جنة اريد احجي وياج.
ماحجيت شي بقيت ساكتة وافكر ياربي ومحتارة حيرة جبيرة

واخذني للصاله وكعد ع القنفه وكعدت بصفه. انه ومدنكة مرة اعضعض باظافري مرة اعصر باصابعي

محمد باوعلي وكال :شوفي جنه الولد خوش زلمه ملازم اول واهله شبعانين وخوش ناس من رحت البغداد كبل سنه رحت لبيتهم واعرفه كلش زين وخابرني يريد يجي يشوفج ورفضج مو مبرر انت شوفي وبعدين حكمي

سكتت وابوعله مقندبة هو لزم خشمي وكال
شبيج بحبحيها وبس شوفي تره والله يخبل يشبه عمار كوسوفي.

جنه .بقهر جاوبته.: يعني شنو محمد تجبرني ؟
محمد :مااجبرج يااختي يااخويه ياابنيتي انه بس اريد مصلحتج وانت زغيره وطالعه من ازمه انه اشوف هالشي اصلح الج والفرصه تجي مره وحده بالعمر وهي فرصتج استغليها

جنه :صفنت بس مامقتنعه
محمد : هاشگلتي ؟؟
جنه :بعدين اريد اروح للغرفه اريد اصلي المغرب.
محمد : هم شردت هم شردت روحي وفكري زين وصلي استخارة .

جنه :والنعم بالله خليت ورحت توضيت بالمغسلة يمكن كوومة بقيت واكفة صافنة والماي يجري باقي مفتوح

مااقتنعت بكلام محمد خايفه اظلم الولد وياي لان احس سامر لهسه بقلبي حتى لو ميت ومااريد احد ياخذ مكانه.

لليل اجت امي وهم نفس السؤال ليش ماتزوجين وهذا جم واحد رفضتي مايصير يابنتي انت تعرفين مجتمعنا وهسه الناس شيكولون ليش ماتزوج بينها وبين المرحوم شي.

جنه انصدمت من حجي امي جاوبتها :يمه شسالفه سامر ايدي مالزمها بس من لبسني الحلقه بعد يصير بينه شي. ؟؟ انت ماتعرفيني قابل حتى انتي يايمه

حسيت امي تندمت على كلامها خصوصا من شافت الدمعة تلالي بعيوني كالت وهي تحاول تغير الموضوع:اخوج يكول هذا خوش ولد وهو رايح لبيتهم ابغداد وشايف اهله خوش ناس.

جنه :يعني تنطيني لبغداد يمه تردين ابتعد عنج ينطيج قلبج هي بغداد هنا هنا حتى تشمروني هالشمرة هاي بعيدة عنكم ليش يمه ليش ؟

الام :يايمه انت وصله من قلبي وهي مصلحتج خوش ولد تاخذيلج واحد مهتلف وحافي هذا ع الاقل ابن خير يدللج

جنه :لا هذا مو حجيج محمد كلج تقنعيني مو هيج انا ثگيله عليكم ومتعاجزين من لگمتي. انت ماتكدرين ترفضين لمحمد طلب حتى لو على حسابي انه

الام :صدك جذب يمه هي السنين كلها ربيناج وتعبنه هسنه نتعاجز من لكمتج بس انت فكري انه كايمه انام تعبت كلش اليوم ويا علا عند الدكتوره.

جنه :طلعت امي وانا قافله مااقتنعت بحجيها
رحت اريد اشرب ماي

البراد مال ماي بالهول مخلينه كاعدين عذراء ومحمد واحمد جاي يشوفون تلفزيون.

احمد :ها جنون يكولون جايييلج خطابه اي علواه تعرسين اريد غرفتج استقر بيها ظال مهجر بالهول لو بالديوانيه تره مايصير اريد ازوج وين ازوج انه حسي بيه انه العبد الفقير المسكين.

جنه شركت بالماي وظليت اكح وبعدين جاوبته والكحة مجلبة ابلعومي
:ايبااه هيج انه صايره ثكيله عليكم يابه اخذ الغرفه وانه انام بالهول بس مااريد اتزوج.

درت اريد ارجع لغرفتي صاح عليه احمد
ولج جنه العريس من بغداد انت مو تردين تزورين بغداد ومخبلتنه ودوني ازورها وماشايفتها بعد شتردين الله استجاب دعائج وراح تستقرين هناك.

محمد :حضري روحج الاسبوع الجاي يجي يشوفج ولاصيرين عنيده وراسج يابس ترى تعبنا من وراج واحنه نقنع بيج.

عذراء : هييييه راح يصير عدنه عرس هيييه والله من زمان ماكو اعراس

جنه باوعتلها مخنزرة وهي دارت وجهه وطكتهه ضحكة

:رحت للغرفه ومامهتمه
بالليل نمت وظليت اتقلب بالفراش كلش تحسست من كلام اهلي كلت معقوله يردون يخلصون مني معقوله اني عاله عليهم او انا فكر وخايفين مني.

اخر شي كعدت بجيت كلش هواي واحس عيوني شوي وتطلع من مكانها بجيت وبجيت حد ما نمت.

كعدت الصبح على صوت الجهال علا اطفالهه ثلاثه واحد ولد وبنات اثنين ومها ابنها ويوسف هم يدبج وياهم كلهم مسوين حفله يم راسي وانه بالليل صار عندي ارق وماكدرت انام ومنا بجي عيوني حمر ومورمات.

تسحبت من الفراش كوه وهم اللتموا عليه بوستهم ورحت للحمام غسلت وطلعت شفت مها وعلا سلمت عليهم

هاا اشو ماكلتوا راح تجون ؟
مها :شنو نرجع
علا :اشو تطرد هي ؟
جنه : لا ولجن بس جاي اسال
علا :اكو غيرج جايين على مودج
جنه :اوووو هم وصللكم الخبر وانتوا همينه عليه الله اكبر شكلي ماراح اخلص من هالسالفة ..

عفتهم ورحت للغرفه الجهال مامخلين شي مامنزلين بالكاع وموكعين الفون وهو جاي يشحن.

اجو وراي مها وعلا
علا : اششش هي شمسوين يلا طلعوا روحوا يم بيبي
طلعت الجهال واجت كعدت يمي على السرير.

مها واكفه بصف الدولاب ومنتجيه عليه واثنينهم عيونهم عليه.
هاا خير شبيكم لو انتوا هم متضايقين مني وتردوني اتزوج حتى تخلصون مني
علا : ولج محمد يكول خوش ولد
جنه :الله يخلي لامه خوش ولد شسويله خاف افگره وهم يروح مثل سامر خلي الله ساتر عليه لامه ولاهله

مها :ولج هذا كفر مايصير تكولين هيج سامر وفاته جانت قضاء وقدر لازم تؤمنين بهالشي وتبدين من جديد انت مالج دخل بموته الله اخذ امانته وهذا حد يومه.

جنه :امنت بالله بس مااريد اتزوج انخطبت واكتفيت وخلص يعني ماكو شي اسوي غير الزواج اريد اكمل دراسة ارتاحيتوا بعدني صغيرة واريد ارجع ادرس

علا :تره حرام تسوين هيج سامر مات هذا حد يومه والموت حق وكلنه نموت وبعدين لاتفوتين هاي الفرصة تزوجي وكليله اريد ادرس هو مبين مثقف مايكول شي ولا يعارض

جنه :مو علمود شي بس حظي واعرفه ماراح يكعد.
مها :مو يمكن هذا قسمتج وسعادتج ويا ارضي بقسمتج ياعيني.

جنه بيأس واستسلام بعد جواات زن ورن : اي هذا هو خلص خلي يجي والله كريم.
علا :هذا هو يعني نكول لمحمد انت موافقه
جنه :اذا محمد كلكم هادكم عليه مسوي حملة شعبية
كالت مها بهدوء : يريد مصلحتج

اي كلوله والله كريم.
وتحدد موعد الخميس يجي يشوفني.
_____________

*جهاد
جنت نايم بغرفتي ومطفي لضوء وحاط المخده فوك راسي واني متضايق واعاصير تجتاح روحي اضطرابات قويه وعدم استقرار بداخلي افكر بكلامي ويه محمد وقبولي بااخته بس حتئ ماالاقي مضايقات من اهلي تحدد اشوفها الخميس والله يستر من هالشوفة

وانا على هالحال حسيت الضوء اشتغل صرخت بعصبيه منووو شغل الضوه اطلعوا بره مالي خلك احد.

سمعت صوتها الغثيث وعرفته بدون ماارفع راسي كالت اني جهاد اني عمتك كواكب
غطيت وجهي بالمخده وشديت عليها
جاوبتها اطلعي بره
حسيت تغيرت نبرتها وصارت بيها عصبيه وهي تجاوبني... ولك جهاد احترم نفسك
كعدت علئ حيلي واني اتنهد واني اخلي ايدي على راسي .. واعدل بشعري بعبث
...خير رايده شي

كالت اي اريد اعرف صدووك راح تخطب
جاوبتها : وانت شعليج شنو هذا الفضوول
جاوبت بعصبيه
... انت واحد الله مطيح حضك ولك ليش تكرهني هسه اني حاجيه كايله

...والله لو انطيج مجال تنشريهه بالجرايد
.....ولك والله ماحاجيه
... ولج ياماحاجيه شوو انتي ماخليتي واحد ماكلتيله مرت جهاد انهزمت لا جيران لا خالات ولج بابا لمره الهه تلث كلمات شلونك شلون صحه وكافي
مو انتي لوك لوك لوك.. لو انطيج مجال جان سويتي فلك

بس اني وياج وياج وين مجان اكدرلج وهسه يالله اطلعي باجر وراي دوام

... بس،صدوك جهاد راح تخطب؟؟
... مو كتلج فضوليه وتحبين تنقلين كلام...اي راح اخطب ارتاحيتي اطلعي وسدي الباب

شفتها تعصبت وركعت لباب بكل قوتها وراحت.
ومرض هاي عمه لو غضب

ورجعت اريد انام مااكدر صرت احسد الي ينام بدون هم بدون ماكو شي يضوجه ويفكر بي.

سحبت باكيت الجكاير وتسحبت من السرير بيأس كعدت على كرسي مقابيل السرير وبصف الشباك باوعت للجربايه وتذكرت فد مره جيت من البصره بغير موعدي المحدد. ومجنت مبلغ لرؤى بجيتي

فتحت الباب دخلت للغرفه شفتها على السرير وبيدها الموبايل موجهته لوجهه مثل الي فاتح كام
شافتني توترت وانصدمت غلقت التليفون بسرعه وكامت تمشي باتجاهي
جان عطرها يفح ولابسه كيمونه سوده وبيها نقشه فضيه على الصدر بنت لابسه قبعه.
وشورت كاوبوي.

...هااا حبيبي اجيت عبالي تتاخر ؟
تفحصتها ابتسمت واني اسرح بملامحها الجميله
...لا حبيتي مااكدر أتأخر عليج مشتاقلج أصلا متضايق من شغلي لان 15يوم بـ15 احس مقصر بحقج.
جاوبت بسرعه

..... لا بالعكس كوولش حلووو
استغربت من ردة فعلها رفعت حاجبي بااستنكار
...عاجبج؟؟
حسيتها ارتبكت..
..اءء لا حبيبي مو قصدي بس متعرف شكد اشتاق الك بهاي الايام واحس بقيمتك

تركتها واني اجلس على السرير ا اجتني صارت ورايه وحضنتني من وره
مااهتميت الها شفت موبايلها اشتغل ضوة دليل على وصول رساله...

رفعت موبايلها لكن خطفت الموبايل بمهارة وسرعه كبيرة
سألتها ليش

كالت هاي اختي زهور عوفها اني اريد اقفله واراضيك حسيتك زعلت
قفلته وهي تقبلني بجرائه واحترافيه.
ضعفت كدام جمالها واخذتها بحضني .... ......

نومتها على السرير وصرت عليها اباوع لعيونها الزمرديه الي ماشفت بجمالها شميتها من رقبتها تنفست عطرها. ليش هيج اني احبج ليش هيج انت حلوه ضحكت ولمعت عيونها ولفت ايديهه حول رقبتي. ....وهمست احبك ... وهي تشد باديها عليه واني ابادلها نفس الشي ..

اخخخ صرفت هالذكريات السيئه عني جانت بوقتها حلوه بس هسه شكد تأذيني شكد توجعني وتقطع روحي الى اشلاء من الالم.

بس عيونها ماجاي تروح من بالي لدرجة كرهت شكو وحده عيونها خضر واللون الاخضر كله.

الي مضوجني وخلاني اكره نفسي شون ماانتبهت عليها وهي تتلون مثل الحرباء بالخبث والغدر والخيانه جنت اشوفها احلى شي بالدنيا صعدتني للسما وبلحظه نزلتني للارض.

طفيت الجكاره الي مااعرف شكد دخنت كم جكاره من كعدت لهسه.

اندكت عليه الباب وصاحوني على العشاا
كتلهم مااريد اريد اطلع احس مخنوك

بدلت ملابسي ونزلت جوه صعدت بالسياره وسقتها ماادري وين اروح فكري مشغول متوتر ممرتاح احس صخره وجاثمه على صدري ليش ليش اني هيج يصير بيه ليش.

شوكت انسى شوكت ارتاح حييل متضايق وممرتاح للخطوه الي راح اخطيها خاف اظلم بنت الناس ويايه. توكلت على الله ورجعت للبيت.

جانت الساعه 12 الكل نايمين
تسللت لغرفتي خليت مفاتيح السياره وباكيت الجكاير والتليفون ع الميز.

بدلت ملابسي وطلعت جنطتي مال السفر تذكرت من رؤى جانت تحضر الجنطه الي بفرح مجنت منتبه ع السبب الى بعد فوات الاوان.

دخلت الشغلات الي اريد اخذها وياي وكترتها على جهه.
تمددت على السرير عيون رؤى متفارك خيالي
غمضت تنهدت فركت عيوني
حاولت افكر بأخت محمد وبشكلها مايجي ابالي غير شكلها تشبه محمد هو وشواربه الثخينه الي ميقبل يخففهن.

اي يمكن تشبهه بس شواربه مكان حواجبها
ضحكت على تفكيري وتأملت مدام من هسه واني افكر بيها ضحكتني يمكن بعدين ارتاح وياهه.

بقيت اتقلب بالفراش ومانمت غير بس كم ساعه
صحيت على صوت امي وهي تصحيني
.....جهاد جهاد يمه مو ع اساس تروح للبصره اليوم.

جهاد ... اي يمه هسه راح اكوم.
تسحبت من السرير بعجز وملل وبرود
رحت سبحت وبدلت ملابسي ونزلت جوه للمطبخ امي محضره الريوك.
تريكت
سمعت صوت امي ورايه

...يمه جهاد جان صليت الفجر مدام توه اذن
تنهدت شون اصلي واني ... وهم صار فتره كاطع صلاتي
..جاوبتها ..ان شاءالله يمه

كملت ريوك وصعدت الفوك جيكت كل شي
واخذت جنطتي ونزلت
سلمت على امي بوستها ورحت لابوي هم سلمت عليه وطلعت.

وصلت للبصره اليوم ثلاثاء بعد يومين على موعد لقائي بالعروس.

احس كل شي واكف الايام والليالي كلها ماجاي تغير مني شي لا جاي اكدر انسى ولا جاي اكدر اتناسى ...

*جنه

باليوم الي يريد يجي بي الولد يشوفني
جانوا خواتي عدنا محمد كال الهم تعالوا لان جنت مامقتنعه لهسه

حتى يكونون هم ورقة ضغط عليه.
انا جنت لابسه اسود على سامر ومانزعته طول سنه ونص.
بعد الغدا اريد اغسل المواعين اريد اتهرب من كل شي بس هم ماقبلوا وخلوني رحت للغرفة وهم غسلوهن

واجو يمي علا ومها وعذراء حتى يجهزوني.

انا كاعده على السرير وهم جاي يطلعون الي ملابس بدلات وفساتين حتى يشوفون المناسب واللبسه اما انا ماالي اي قرار وكاعده متكتفه كأني صنم او مثل اللعابة هم يحركوها يجيبوها منا يودوها منا .

اخر شي طلعولي فستان احمر فاقع. رفضت اللبسه رفضا قاطعا. شنوو هذا اللون شبيكم شراح يكولون عليه معرسة !!! هو رؤية شرعية مو عرس

وانتفضت من مكاني شوو وخروا عني انا اختار ومديت ايدي وطلعت الي فستان نيلي بينصل
ووياه وعلى الصدر صدريه مشجره بالوان رصاصي وماروني وبيهه شريط طويل ينربط وعلى المعصم هم نفس قماش الصدريه.
ورهمت وياه شال ماروني وحذاء ماروني.
ظلوا وحده تباوع للثانيه.
علا :مو جنه حييل طوخ ماتغيرينه ؟
جنه :لا انا مرتاحه بي وخلص وارتاخوا انتوا همين.
علا :اوكي كيفج علمودج احنه ..تدرين جاي يشوفج

دخلت امي شافتني مبدله
.. يمه فدوه شهالجمال هسه العريس ينبهر بيج
.. هه على كيفج يمه خاف مايرضى بيه مو ينبهر

.. هو بس خلي يشوف عيونج الخضر الحلوه گبل يوافق.

.. علا ..: يمه عود ليش بس جنه خلفتيهه عيونها خضر احنه ليش ماسويتينه مثلهه

...الام..: هههه غير خلقة الله انه شبيدي.
...مها : يلا تعالوا ننتظره بالهول حتى بس يدخل نباوعله من الشباك مانكدر ندخل نكعد يمه.
طلعنه من الغرفه
وكعدنه بالهول ننتظر العريس
محمد راح يجيبه لأن مايندل بيتنه.

*جهاد

جنت بالشقه الي ساكن بيهه انتظر محمد يجي عليه حتى اروح اشوف اخته.
دك تليفوني شفت المتصل اخويه فؤاد رفعته
.. هاا جهاد شلونك شخبارك
... زين الحمدلله انتوا شخباركم
.. بخير اسمع خل اكولك رياض اخو رؤى
رديت بعد تنهيدة وببرود اي شبي اخو صخام

اسمع خل اكمل هو اجه كالي بانو راح لمطار بغداد وعرض اسم رؤى وعامر على الموضف المسؤؤل بالمطار.

... اي والله سبع جان كتله بعد وكت مو صار ست اشهر على اختفائهم وصخام وجههم والله كلف روحه رياض افندي

...لك جهاد الحجي هذا قبل فتره مو هسه انت اسمع شطلع ويا و اخخخ يابرودك ياخويه ...

باوعت لساعتي وجاوبته بجمود
... اي بالله بشر وشطلع ويا حمامه غراب ؟؟؟

فؤاد ...: مامسافرين يعني بعدهم بالعراق.
جهاد . ... :والمطلوب مني شنو
فؤاد ... :ندور عليهم ياخويه تره الناس كلت وجهنه عيب بس اهلها يدورون وهي محسوبه علينه وجانت ابيتنه.
جهاد ... :ماادور على عار اني ويله ابو حسوني لاتعكر مزاجي اريد اروح اشوف المره.
فؤاد ..: يابرودك يااخي ولك والله  لو غيرك يحفر الكاع ويطلعها جهاد مجنت هيجي شغيرك انت هسه نسيت من امي كلتلك عدها ميانه ويا عامر شسويت مو كلبت الدنيه وكسرت الغرفه على راسها ووديتها لاهلها هسه شبيك متكولي انت شنو ليش هيج متغير ؟؟
جهاد ... : كتلك مادور على عار خلي اهلها يدوروها
فؤاد ..: اهلها مبقو مكان بغداد حفروها حفر حتى محافضات هم دورو ماكو فص ملح وذاب.
جهاد ... : للجير .. 
فؤاد ... : اخخخ اني محترك دمي وانت ابرد مايكوون
جهاد ... : يلا لاتاخرني اريد اروح اشوف المره
فؤاد .. : انت ليش ماكلت راح تخطب حتى نجي وياك
جهاد ...: ماكو شي رسمي يمكن باي لحظه اغير راي واكول مااريد بس هيج رايح اشوفها
فؤاد ... : والله انت مستعجل  دنلگي رؤى بلاول
جهاد .. : واذا لكيتها قابل راح ارجعها
فؤاد ..: لا مو هيج بس الاحسن نلكاهه الاول ولاتنسه الي نهزمت ويا ابن عمك
جهاد .. : اي عود يصير خير لم ما تلكوهم   انتوا
فؤاد .. : داحجي وي قالب ثلج لو اعرف شبيك جهاد شبيك ولك انت مو رجال عرضك نايم بغير حضنك وانت ولاابالي اني مهتم اكثر منك
جهاد ..:  اني ممهتم اي ممهتم محد يعرف بيه شضام بصدري فقدت اعصابي عليت صوتي سديته بوجهه ميعرف الي بداخلي من نيران مشتعله لشوكت الناس تحملني الي صار الي مثلي بهاليوم يفرح رايح يشوف اله مره اني اعاصير وهايجه بروحي من قلق وخوف من تكرار الخيانه والغدر
دقايق واتصل بيه محمد اخذت التليفون وركعته بالحايط تكسر ووكع
روووح انت الثاني بطرانين انت واختك.
اريد ابرد ماكو كدامي بلازما ويمها تحفيات ومزهريات سحبتهه ووكعتها تطشرت كلها وصارت فتات.
احس نار واشتعلت بيه اندكت باب الشقه عرفته محمد ماافتحته بقيت اجر نفس اريد ارتاح احس اختنكت
استمر يدكدك ع الباب
تنهدت وكفت كبال المرايه عدلت ملابسي وشعري وفتحتله.
دخل ظل يباوع للشقه مهوسه وفتات االزجاج كله بالكاع
محمد متفاجأ .. : خير سيدي صاير شي.
... ماكو شي محمد ليظل بالك
... بس سيدي
... ماكو شي محمد لاتلح بعصبيه
رجعت تنهدت كملت كلامي ماكو شي بس تعاركت ويا الضابط.
... ماتسوى سيدي كل هالعصبيه
... شون ماتسوى  الضابط نرفزني  والله تعبان يعني متعرف شلون الطريق صعب والجو حار ودوخة المركز خلي ارتاح من الطريق واني،اصير يوميه خفر مو اول مااجي يردوني خفر واني اليوم خفر يعني ميصير هسه بس اني ملازم
محمد بتلعثم .... زين سيدي اكعد او ارتاح
...جهاد :لا ميحتاج خلينه نطلع هسه.
  نزلنا اني ويا وصعدنه بسيارتي وورحنه على بيتهم.
مبين زغير وشويه قديم وبسيط كلش بس نضيف حييل.
استقبلنا اخو الثاني وعرفني عليه كلي هذا اخويه احمد.
سلمت عليه ورحبوا بيه ودخلوني جوه بالاستقبال
كعدت شويه سولفنا
ترخص محمد وكال راح اصيحلهم واجي
بعد اكثر من عشر دقايق دخلت ام محمد سلمت وجانت وراهه لبنيه تمشي وهي مدنگه.

*جنه
صارت ساعه 5ونص العصر كال احمد وصلوا
طلع لحتى يستقبلهم.
خواتي وعذراء لزموا الشباك وظلو يطلطلون وحتى امي والجهال وياهم كلمن خذاله فجه وظل يباوع
واسمعهم يتهامسون
اي والله حلو صدك يشبه عمار كوسوفي ياعيني شون مرتب.
شوقوني اشوفه بس بقيت كاعده كبريائي منعني  مااريد ابين الهم اني مستقتله عليه.
ظليت بمكاني احوس.
دخلوا وره دقايق اجه محمد صاحني اني وامي
لحتى ندخل تقدمت امي كدامي واني وراها وعيوني ع الگاع مارفعتها استحيت كلش.
كعدت مقابيله اني وامي وظلوا يحجون اول 20دقيقه اني مارفعت راسي كلش ولاشفت وجهه ابد.
بعدهه تشوقت اشوفه رفعت نظري شويه وظليت استرق النظرات وابصبص كاعد منتجي على القنفه باريحيه .
مجان يباوعلي ابد ملتهي يسولف ويصغي الهم
انتبهت عليه لابس قميص جوزي بنطرون بيجي ساعه ذهبيه.
انيق جدا.
استمرت نظراتي بإتجاهه اباوعله شويه وادنك بس ولامره اللتقت عيوني بعيونه.
مبين ثكييل حييل وبارد ممهتم اصلا لوجودي ولا كانما جاي يشوفني.
كل شويه يباوع لساعته ويشوف الوقت ويرجع يعدلها ويعوفها ايدينه  بيض بس وجهه حنطاوي يمكن من شمس البصره تغيرت بشرته  لحيه خفيفه مرتبه وبشرته نظيفه صافيه شكد نضيف يلك من النظافه عبالك غاسلينه بقاصر. شعره مرفوع ليفوك و يلمع لمعه مثل السلڤر.
كصيته كص بنظراتي مبقى شي بس هو لحد اخر لحظه ماباوع الي.
استغربت !!!
بعدها ترخص وطلع وطلعوا ويا اخواني.

بس طلع اجوي خواتي وعذراء
يسألون هاا شونه شنو رأيج بي
كتلهم زين  ينطلع بي الراس الشارع
علا : ولج حلو مرتب شحلاته صاااك
مها :سكتي لايسمعج ماجد رجلج يجي يصكطج والله
عذراء : تذكرون من اجه المرحوم سامر بيوم خطوبتها  ببدي احمر يدخلون ويا اثنين من كد ماعريض واحنه نعيب عليه وهي ماتقبل.
هسه هذا شون كاعده عليه الملابس وماعاجبهه
جنه : سمعت عذراء وكمت دخلت بالغرفه وسديت الباب.
تذكرت سامر من اجه يشوفني وظلوا يعيبون عليه استخطيته وشفقت عليه وانقهرت وعاركتهم.
ذكريات حزينه انقهرت.
بقيت بالغرفه دقايق ودكوا عليه الباب تعاي محمد يريدج.
نزعت شالي والفستان حار لبست دشداشه قماش كشمير بارد ردانتها كلوش لونهه سمائي شلت شعري ليفوك وطلعت كعدت ع القنفه بين امي وعلا
محمد ... هاا جنه شنو رايج
جنه .. سكتت ومدنكه بين عدم الاهتمام وبين موافقه وبين وبين مشاعري مشتته وصارت خليط.
الام :ييمه مو جبير عليها عمره 33اكبر منها ب13سنه ونوب جان متزوج ومرته ميته !!!
محمد بعصبيه ...;  لعد تردين تزوجيها لزعطوط يومين ويذبها عليج لو لواحد طايش الله شايله وفاشه وين ميجي يشمر روحه ارعن. واذا مرته ميته بتج هم خطيبها ميت ومو عيب هالشي.
جنه .. : خلص يمه انه موافقه مدام ابنج يريد يرتاح مني موافقه   مااريد اكعد على گلوبكم.
وعفتهم ورحت للغرفه.
______
*جهاد
من دخلت البنيه مدنكه راسها ماانتبهت الملامحها بس شفت هيئتها وايديها.
جان فكري مشغول وي كلام فؤاد والي صار قبل لااجي.
بقيت  كلما اباوعلها مدنكه وعبالك صنم ومتتحرك وصرت اقارن بينها وبين رؤى. جانت ذيج هواي تتحرك ومن رحت شفتها كل شوي ترفع راسها تباوعلي وتضحك كلش خفيفه.
ارتاحيت شويه ياريت تختلف عن رؤى وتطلع متربايه وماتنزل راسي.
طلعت من يمهم بعد ما كتلهم انتظر ردكم.
سقت السياره واني بالي مشغول.
وره يومين
محمد ردلي خبر كال موافقين كتله هالاسبوع يجون اهلي والبعده نعقد محكمه والبعده نتزوج مراح نطول بالخطوبه
محمد .. : بعد هي راح اصير الك وانت بكيفك.
جهاد..: يصير خير ان شاءالله.

اخذت اجازه وسافرت اتفقت ويا اهلي ورجعت للبصره واني ويايه ابوي واخوي وخالي
وبيوم العقد اخذت الضابط ويانه وسيد يعقد النه  ورحنه لبيت محمد.

اتفقنه على كل شي ناس بسطاء وطلباتهم مثلهم
بعدها اخذني محمد ويه السيد بغرفه ودخلت البنيه مغطيه وجهه وكلشي منهه ميبين  وعقد النه.
لللعقد يلا عرفت اسمها جنه بقلبي تسائلت  ياترى ياجنه راح تكونين الي جنه ؟ ياخوفي اكون الج نار.
سمعت صوتها حسيتها ترجف متوتره وخجلانه
وجر الحجي جر.
مشاعري مخربطه مااعرف شجاي اسوي
ندم على خوف من مجهول احس تورطت وورطتها وياي اني مو مال زواج بس شسوي نجبرت.
هذا الي صار بيوم العقد ماشفتها ابد.
بعدها طلعنه من يمهم اهلي طلعوا البغداد واني بقيت عندي دوام.
بنفس الاسبوع اتفقت وي محمد وكتله حتى نعقد محكمه هنا والاسبوع الي وراه اخذهه.
طلعت الصبح ورحت لبيتهم اخذتهم هي وامها.
جانت لابسه عباية راس ولافتها بحشمه
وعيونها كله ع الارض
الشكوك اللعينه الي بداخلي متخليني بحالي
ظليت متسائل ياترى هذا تصنع لو فعلا هي ملتزمه
الجانب الملائكي الي بداخلي يكول هي وين تعرف الي صار وياك من خيانه حتى تصنع كدامك
الجانب الشيطاني يكولي احذر كيد وخيانة النساء.
وبين هالاثنين اني احس تورطت خلص وميفيد التراجع هسه.
خلصنه العقد خلال الاسبوع.
بلغتهم بالموعد الي راح نطلع بي لبغداد وكل شي.
يوم الاحد طلعت لبغداد وصلت المغرب تلكتني امي
بوستني وحضنتها.
سألتني شلونها مرتك حلوه
.. يمه مو مهم الجمال اهم شي تصوني وتحافظ على شرفي.
..الله كريم ييمه الله يستر عليكم ويهنيكم ويسعدكم
بس وصفلي شكلهه شلونه بالله ؟؟
.. بقلبي هو اني شفت منها شي
كتلها يمه بيضه لاطويله ولا قصيره وضعيفه.
.... هاا بيضه عبالي سمره مو اهل البصره كلهم سمر.
... لا منو كلج قابل شايفينهم كلهم بيهم السمر والبيض والشكر وكل شي.
... تعبان ادري بيك وجوعان انتظرتك على الغدا وسويت الك شون بانيه ماخليت لااختك ولا مرت اخوك يطبخوها طبختها بيدي.
.... ميخالف ولا يهمج اكلها مدام من ايدج
... يله ارتاح حتى اصبلك.
... يلا راح اصعد اسبح وارتاح
.. ولاتنسه الصلاه اذن المغرب
... الله كريم يمه.
صعدت لغرفتي بقيت اباوع الها اريد اغير كل شي بيها.
سبحت وكعدت ارتاح اندكت الباب ودخلت امي تحجي وهي مبتسمه  عرفت سر ابتسامتها لان راح اتزوج.
يلا يمه جهاد حضرت الك الاكل بالمطبخ.
صار يمه هسه انزل.
خلص الليل يوم الثاني من الصبح
كعدت اشتغل بالغرفه وبمساعدة اخواني
عندي اخوان 3 امجد الكبير عازل عنا ببيت وحده بنفس الفرع مالنه.
وفؤاد وعماد الصغير.
طلعنه الاثاث كله بره ونزلنه السقف ثانوي
خلال يومين صارت الغرفه جاهزه اشتريت غرفه اخشاب جديده وغيرت ديكور السقف والثريات وصبغ اختي حوراء جانت عدنا.

بينما جنت دشتغل بالغرفه ومنهمك
دخلت جابتلي مي.
وكعدت يمي
حوراء : ليش سوده الاخشاب مال الغرفه
جهاد : هيج عجبتني
حوراء :اخذت راي العروسه بالتغيير هذا.
جهاد :بصراحه لا خلي تجي وتنصدم
حوراء : شلونها حلوه ماعندك صوره الها ؟؟
جهاد : ماعرف ليش مهتمين لجمالها مو تزوجت الحلوه وخانتتي.
حورأء :حبيبي اخويه ان شاءالله هي الي تصونك وتحافظ عليك.
جهاد :تنهدت وكتلها ااالله كريم.
بعد العشاء يوم الثلاثاء  اتجمعنا كلنه بجلسه عائليه ابويه وامي.
اخواني وزوجاتهم واخواتي وعمتي.
كعدت بصف ابويه كتلهم الكل يسمعني تره اني مكايل اي شي للعروسه على الي صار ويا رؤى وانتم هم مراح تحجون اي شي والله والله الي يفك حلكه ويحجي وباوعت بخزر لعمتي كواكب ميلوم اله نفسه
الجناين طلاكهن على ايدي التحجي منهم .وخواتي اتبرى منهم وانت ياعمه تعرفين الباقي محاجه اكول.
الكل هزو براسهم اي وان شاءالله
اما كواكب تباوعلي بخزر واني هم.
وابويه القى عليهم محاضره
لازم ننسى الي راح ونبدي من جديد وجهاد مر بازمه والحمدلله الي طلع منها.
لازم تاخذون الكلام ومتحجون شي كدام البنيه ونسد هالسيره.
جهاد ... سالوني شنو اسمها ضحكت كتلهم جنه
وبقلبي كلت واني جهنم.
يوم ثاني الاربعاء  الصبح طلعنه اني وامي وابويه وامجد اخوي وخالي للبصره دروح نجيبها.
اخذناهه وطلعنه البغداد وصلنه المغرب هي راح تبقى ابيت اخوي ويوم ثاني الي هو الخميس راح يكون العرس.
*جنه
من رحنه نعقد محكمه اباوعله شلون شخصيه بس كلش ثكيل كلمه مانطق ويايه ولايباوعلي استغربت هواي ليش هيج يتصرف.
لابس نظارات شمسيه نيلي والقميص هم نيلي وبنطرون بيجي. الملابس كاعده على جسمه كلش مرتب وعطره يفح.
بس ضوجني بروده وحتى امي انتبهت. تالي كلت يوو تروح فدوه لسامر شلون جان دمه خفيف اني شعليه بي ليش مهتمه لتصرفاته.

قبل ليجون ياخذوني سويت حنه وعزمت صديقاتي ظلن يسالن يردن صوره اله كتلهم ماعندي تفاجئو
علا : تردون تشوفونه شوفوا عمار كوسوفي بي شبه منه.
خلصت الحنه واني كاضيتها بس بجي خوف على عدم ارتياح وحتى امي بس تبجي.
صاحلي محمد وامي وكعدوني بنصهم وظلوا ينصحوني.
محمد ؛جنه اريدج ترفعين راسي لسانج الطويل تكصرينه وتحترمين رجلج واهله خوش.
الام :يايمه انسي الراح وديري بالج تجيبين سيرة الماضي ويا وتحجين بخطيبج خوش انسي وابدي من جديد.
جنه :
كتلهم صار ورحت حضرت اغراضي بالدموع
رايحه لمكان لااعرفه ولاشايفته من قبل ولااعرف احد هناك ورايحه وحدي.
يوم الاربعاء اجو الظهر اول مشافتني امه صفنت بوجهي تالي صلت على النبي وكالت
جنج ملاك يمه تخبلين الله يستر عليج ويسعدج.
اخذوا اغراضي خلوهم بالسيارات.
ودعت اخواني ومها وكلهم يدعولي الله يسعدج.
بس قلبي مقموت وممرتاحه.
حضنت مها وبجيت بجي مصاير
طلعنا وياهم.ويايه امي علا وعذراء كعدت بصف امه وظلت تسولف وياي
وصلنه المغرب كالت امه راح نوديكم لبيت ابني امجد واني راح ابات وياج وباجر الصبح البنات يودوج للصالون.
نزلنا لبيت اخو وهو راح مانزل ويانه
استقبلونه مرته وبناته كبار تجي اعمارهن ب16او 17
بقينه الليل عدهم.
صبوا العشا مكدرت اكل ولا لكمه نفسيتي مسدوده شكد توسلوا بيه كتلهم مااشتهي.
صار الليل كلهم نامو.
بس اني اتكلب بالفراش وماايجيني نوم افكر بامي وافكر بجهاد شلون واني مااعرفه وممتأقلمه ويا حتى شون راح اصير اله زوجه وهو حتى كلمه محاجي ويايه.
معقوله مريض نفسي لان مرته ميته
بقت الافكار ابالي تجيبني وتوديني.
للصبح كعدت عيوني مورمه.
بنت اخو اسمها ياسمين علمتني ادلك جوه عيوني يروح الورم.
سوولنه ريوك اكلت لكمه وكمت
واجت اخته حوراء اول مره اشوفها ظلت تباوعلي باستغراب
شبيهم هيج يباوعولي
سالتني عيونج هي لو عدسات كتلها لا عيوني
كالت هممم وطلعنا للصالون.
كل شي هي اختارته ماانكر ذوقها جان كلش حلو
البدله والمكياج والتسريحه كله هي.
ويانا بنات امجد  وعلا
امي وعذراء بقوا بالبيت
بعد مالبست البدله وكملت تسريحه وكل شي
وكعدنا ننتظرهم يجون علينا
واني كاعده اباوع فراشه تطير يمي تحط على بدلتي على الاكليل وكتفي.
شافتها وحده بالصالون جان تكول هي نسميها رويحه !!! اني انقمت قلبي انقهرت حسيت هي روح سامر مرافقتني بهذا يومي الدموع ظلت تنزل من عيوني
تخبلت بساعتها اريد اشهك واصرخ
مكدرت حتى اسيطر على نفسي ظلو يسكتون بيه مااكدر اسكت.
اجوي علينه ودونا لبيت جهاد واني كاعده الفراشه ممفاركتني تخبلت بالزايد.
والمكياج كله خرب وسال.
ظليت اباوع للفراشه متعوفني
صرت احاجيها بقلبي

هي قسمه وانت ما مقسوم لي ذيج دامت حتى هاي تدوم لي يل خذوك ادعيلي برويحت حلال الله يستر باجر شمضموم لي
وماادري شمضموم الي يمكن سامر مات وبقت نفسه بيه.

واجو يردون يزفونه للغرفه اخته خلت ايدي بيده هو بارد واني مثل الصنم الي يحركون بي وماادري
شون راح تخلص هي الليله. صعدنا الدرج واحس ايده تجويني.

اول مادخلنا للغرفه وانسدت الباب علينه. وبقينه وحدنا
هو ترك ايدي وراح يم ميز التواليت
بقيت واكفه يم الباب مال الفرفه وهي مسدوده
بدخلتي قلبي انقمت اكثر وقشعريره سيطرت على جسمي
خوفتني الغرفه كلش فكرت شنو الي صار بهي الغرفه يمكن مرته ماتت بيها وهيج اني انقمتت
احس رجليه بعد مااتكدر تشيلني
من الخوف والربكه حسيت مااكدر اتنفس ضلن اديه يرجفن وبلعت غصتي واشهك شهكات متتاليه شفته تقرب مني من شفته صار كوولش قريب وطيت راسي اكثر حسيت بااطراف اصابعه البارده تحت حنكي يرفع وجهي
فتحت عيوني ببطئ شديد واني شفايفي ترجف اول ماالتقت عيوني بعيونه حسيته تغيرت ملامحه شويه شويه وصار تنفسه سريع ركز بعيوني بقوة سألني عيونج لو شنوو؟؟
گلت بقلبي عفيه سؤال كلساع سائلينه
جاوبت بكلمات متقطعه وصوت رايح من البكاء..عيوني... شفته زم شفايفه ودفعني من كتفي دفعه خفيفه وابتعد عني وطلع بالبلكونه. 

جهاد*
يا لصدمتي يا لانكساري تلك الصغيرة بعينان خضراوتان ..اصبحت ك الاسد المجروح عند رؤية عينيها فهي تزيدني الما وتقتل قلبي وتفتك به.. جعلتني احكم  عليها بالقسوة ،بالكره  واالبستها  تهمة التشابه فهي تشبه عيون من اهدتني عاراً  

جهاد*
سحبت باكيت الجكاير وطلعت بالبلكون انصدمت من شفت عيونها اني شون ماباوعتلهه عدل لمن رحت خطبتها لو لمن رحنه عقدنه محكمة شلون مااجه على بالي هذا الشي شلون مافكرت بعيونها

هي راح تصير عليه نقمه كلما اباوع الها اتذكرني برؤى.
نزعت الستره ورخيت الربطه وشعلت الجكاره وبديت ادخن ...

اريد ارتاح مجاي ارتاح معقوله الهالدرجه اني حظي عاثر و ردي زين شون راح اعيش وياها واني كل نظره من نظراتها راح اتذكرني بذيج يعني راح ابقى طول عمري ضايع وممرتاح.

زين هم يجي يوم انسى واتقبل الموضوع شلون هاي سالفة طلعتلي صفح لا عالبال ولا عالخاطر ..

تفكير يجيبني ويوديني احس متشرد ومهجول انتبهت على صوت الباب تندك لا مره ولا مرتين

دخلت للغرفه شفتها ممده نص جسمها ع السرير ورجليها منزلتهم منه هي والبدله مطفيه ونايمه
ثواني تأملت ملامحها مغمضه عيونها ومخليه ايدهه جوه خدهه اريد اشوف رؤى بيهه بس متشبها ابد
رؤى وجهه سمين وعدهه خدود

هاي ضعيفه
ذيج شعرها اسود ومتغير لونه دائما تكول حتى يبرز لون عيوني اكثر جانت مغروره ودائما تتباهى بلون عيونها.

شفتهه فتحت عيونها ببطئ وهي نعسانه صرفت نظري منها عالسريع
واتجهت للباب.

فتحته شفت كواكب كبالي
سألتها بانزعاج :- هاا شجابج ؟؟
كواكب بارتباك. ..مبروك عيني جهاد .مبروك منك المال ومنها العيال
جهاد بملل... شكرا يوم الالج
خير جايه مناك ليجاي بس تباركين؟؟
كواكب .. ..لا ابوك كال شوفوا جهاد شوو طول مااريده يصير اغم.

جهاد بعصبيه..هييي شنوو اغم
كواكب بعصبيه.. اني شعليه ابوك كال شوفي جهاد خلص شغلته لا

جهاد بهدوء..ولج والله اعرف مو ابويه دزاج انتي عندج الفضول قاتل

كواكب ..لا ابوك كال شوفوا جهاد شوو طول مااريده يصير اغم
جهاد ... اوك هسه اخابره
كواكب بخووف..لا لا لاتخابره عليمن متسوه هسه اني اكل لامك بعده

جهاد..شوفي ادري بي مكايل بس هلمره سماح وبعد لا تجين مفهوم ورجاءا شيلي الحمار المدد براسج تره خبلتيني اعيد وماتفتهمين لج الئ متئ اضلين هييج راح تخبليني انتي ويامن راضعه شنوو الفضول هذا.

كواكب ... اووي شعليه اني درووح ولاعندك احترام طيح الله حظك وصبغك .

جهاد *
طبكت الباب ورجعت للغرفه باوعتلها بعدها نايمه
العروس مطفيه وبسابع نومه وكواكب تريد نيشان تهي بهي.

رحت بدلت ملابسي وخابرت اختي تجيب عشا
كلش جوعاان.
كالت دقايق والعشا يمك.
سديته منها ...

وكفت قريب من هاي واني اباوع الها نايمه جنها طفله.
تقربت خليت اطراف اصابعي على زندها وضغطت اريد اصحيها تكوم تبدل.

ماكو ماكعدت طالعه كبل ورايحه بسابع نومه ومبين نومها كلش ثكيل.

كعدت بصفها وشلتهه من اكتافها واني اصحي بيها
كعدت مرعوبه.

* جنه
بعد ماتركني وطلع استغربت ردة فعله شبي هذا
اذا هي البدايه هيج يتعامل ويايه شلون بعدين!!!
امممم يلا خفه وراحه هم زين طلع حتى انزع البدله
حاولت افتحها مكدرت مالوحها القيطان بظهري
واني كلش تعبانه شفته طول بره
رحت ذبيت روحي ع الجربايه ونمت بسرعة ومااحسيت اله
هو يكعد بيه.

جنه ... يممممه
جهاد ...بس صارت عيوني بعيونها خزرتها شبيج شايفه جني ؟؟

جنه ... ليش تخزرني تره عيونك تخوووف
جهاد. .. كمت من يمها كتلهه يلا كومي بدلي راح يجيبون العشا وتعلمي لا تراددين خوش.
جنه ... سكتت عنه هذا شبي اووي هسه انه بشنو رديت

شون راح انزع البدله انه سامعه العريس يساعد العروس تنزعها بس لو اموت مااكله ينزعنياهه اووي ماناقصة بس اكله ينزعني البدلة هسه شيكول عني

وكفت يم ميز التواليت اريد انزعها مااكدر
هو كاعد ع السرير ويباوع الي بخزر اي هسه ليش تخزر شمسويتلك ماكله عشاك بايكتك لاحول ولا قوة الا بالله العلي العظيم.

حتى ظليت اخاف ارفع عيوني بعيونه.
اندكت الباب واني بصف الباب جيت افتحها
اجه بسرعه لزمني من ايدي گال
هيييه شنو تردين تفتحين الباب هيج وانت عريانه بالله احد يشوفج هيج

سحبت ايدي منه
كال روحي مناك يلله ويأشر بيده على مكان بالغرفة بصف الميزز ...

عوجت حلكي ورحت بعيد عن الباب
فتح الباب دخلت اخته بيدها صينية الاكل
كللها فوتي ضمياء

دخلت تباوعلي مبتسمه خلت صينية الاكل واجت بتجاهي كالت
حبيبتي الف مبروك اني ضمياء اخت جهاد الصغيره
مساع اجيت يمج ملتهيه جنت
جنه .. هلا بيج عمري وبوستها
همست الها ممكن تفتحين الي قيطان البدله
ضمياء باوعت لجهاد نظرة خاطفة ورجعت باوعتلي وكالت ...هاا تدللين هسه افتحهم ...

وفتحت الي قياطين البدله وكالت وهاي فتحتهم تحتاجين بعد شي

جاوبتها سلامتج مشكورة عمري

خلت وطلعت همزين فتحتهم سهلت امري حيل جنت محتارة بيهم

كوه امشي بيها بالغرفه اخذت ملابس ودخلت للحمام
نزعتها وفتحت التسريحه ومسحت المكياج ...

اصلا من البجي سايح على خدي
الجو حار فتحت المي وسبحت كلي فد نوب
لبست بجامه ورديه لفيت شعري بالخاولي وطلعت

باوعت شفته نايم على ظهره ومخلي اثنين ادي جوه راسه لابس كيمونه سوده مبينه كل تقاسيم جسمه رياضي بامتياز.

و تراكسوت اسود حتى بنومته ثگيل.
مبين راح نكضيها الليله واحد ينام والثاني يكعد.

باوعت صينية الاكل وانه ميته جووع
بس استحي اكل
يلا مدام هو نايم خلي اسحك شكو بيها

تشكلت وكعدت اكل انواع المشاوي وسحك سحك
اخلي لكمه بحلكي واباوعله خاف يكعد ويشوفني
خلصت بس شون اطلع الصينيه استحي
خليتهه على جهه ورحت غسلت.

نعسانه وين انام اباوع الجربايه جبيره خلي انام بطرفها هو نايم وممتغطي واني متعوده اتغطى والغرفه كولشي مااندل بيها
يله خلي انام شلون ماجان هيه ليلة وبلكي باجر تصفى.

نمت بطرف السرير وانطيته ظهري.
بسرعه غفيت.
وكعدت الصبح مالكيته يمي.

دخلت للحمام غسلت وطلعت بس بعد نعسانه تمددت ع السرير.

اندكت الباب ودخلوا امي وام جهاد وعلا وعذراء باركولي وبوسوني. وام جهاد تهلهل وتسوي هوسات

بعدها طلعت امه وبقينه بس احنه
تقربت مني امي وظلت تهمس بأذني
هاا شنو صار البارحه

جاوبتهه بخجل وانه مدنكة ماصار شي يمه
شنو يعني ولج ...!!

ا....ي ماكو هو نام شسويله اني قابل اوعي اكعد اخذني.
الام ...ششش سكتي ولج لاتسمع عذراء اذا سالت كليلهه كل شي تمام.
جنه ... خوش خوش يمه

الام .. اكلج يعني مو انت ماخليتي هو مااراد
جنه .. اي والله يمه طلعت من الحمام هو شفته نايم.

بعدها طلعولي ملابس لبست كلبيه بيضه وبيهه نقشه كرستال ابيض وذهبي ع الصدر.

ورتبوني وعذراء خلتلي مكياج.
طلعوا بقيت اعدل ع المكياج ودخلت وحده يمي
مبين عمرها بنص الاربعينات او نهايتها ضعيفه كلش وسمرا ولابسه كلبيه عريضه يدخلون وياهه اثنين من العرض.

كواكب ... مبتسمه بمكر ... اني كواكب عمته الجهاد
جنه ... ضحكتلهه هلا بيج
وكفت يمي
كالت اي شلونكم البارحه
ظليت اباوع عليها مستغربه ضحكت كتلهه زينين
كالت جهاد يحبج ؟؟
حرجتني بسؤالها هو هذا هم سؤال واني هم مااعرفت ارد عليها شي.
توترت كلش.

دخل جهاد نقذ الموقف وهي توترت اشو هذا يخزر بيها مدري بيه امره عجيب كلش.

طلعت بسرعه وبقينه وحدنه.
اجه تقرب يمي سويت نفسي اعدل بشعري.
كال شنو جنتوا تحجون انت وياها؟؟

ابتسمت بوجهه بس هو عاكد حواجبه
كتله ماجنه نحجي شي ...

متقنعيني كتلج شنو جاي تحجون احجي يله

على. بالي ينقذن الموقف اثاري صخمه تلاشت ابتسامتي
شون راح اكوله على اسالتها استحيت وخفت كتله ....ماكو شي مهم سالتني على عمري وشمخلصه مدرسه.

...همممم باعي خل اكولج شي يفيدج مااريدج تضمين عليه شي ماحب التضمضم وثنين هي بالذات اريدج تبتعدين عنها وماتخالطينها.يحجي وياشر ع الباب.

سألته...ليش
رد ....احسن مو صاحيه
وعافني ودار ظهره
....يعني انت الصاحي وحركت شفايفي ..

اللتفت كال
....كلتي شي !!!

متت خوف ياعزا سمعني
هزيت راسي بمعنى لٱ
كال
.....جييد
وطلع من الغرفه.

جريت نفس كلت شبيهم ذووول كلهم مو صاحيين يعني.!!! عجيب امور غريب قضية ...

احس ممرتاحه كللش اختنكت سحبت التليفون ورمشت لعلا تجي يمي.

دقايق واجت
دخلتها وطبكت الباب

.... علا شوكت تروحون ؟؟
... بعد شويه يوصلونه ليش ؟؟

... ولج اروح وياكم هذا مااريده يخووف.
... شبيج جنه انت مو جاهله.

... ولج يعاملني عبالك .. عبالك اني شرطي وهو ضابط ميعاملني زين ماابقى هنا انه اروح ارجع وياكم ..

... سكتي جنه تردين الناس تحجي علينه تكول ذاك موتي وهذا انهزمتي منه اكعدي وصيري ادميه ولاتحجين هالحجي كدام امي تظل قلقه عليج مابي شي رجلج جنه العافيه هي لان بالبدايه بعدين يصير محبس بايدج بس انت تصرفي عدل.

*جهاد
كعدت الصبح باوعتلها نايمه رحت نزلت جوه شافتني امي باركتلي وابويه.

طلعت من يمهم صاروا گبالي امجد و فؤاد باركلي بس ببرود.

كالوا تعال عدنه حجي وياك.
ياستار استر
طلعنه بالحديقه

امجد ... ليش ماعزمت بيت عمي ابو عمار بالعرس تره فشلنه كدامهم.
جهاد ... مااشتهيهم شلع قلع وماعندي بيت عم بهذا الاسم

امجد .. جهاد لصير حاقد احنه لهسه ممتاكدين رؤى انهزمت وي عامر

جهاد ... متاكدين ممتاكدين ميهمني هذا الموضوع خلاص. ... سدوه وانتجيت على الكرسي

فؤاد .... بالنسبه لعمك ابو زوجتك تره خابر ظل يحجي.

جهاد ... ياعم ماعندي عم زوجتي يتيمه ابوها ميت.
فؤاد ... اقصد ابو رؤى جهاد شبيك

جهاد .. مو زوجتي نهيت ارتباطي بيها من اشهر وخلاص

فؤاد ... المهم تره ماقابلين على زواجك ويكولون احنا ممتاكدين بنتنا وين خلي جهاد يبرر موقفه ويانه ليش ماجاي يدور عليها

جهاد ... ها من شوكت هالحجي مو ابوها اجه هنا وذب عكاله لعد اشو هسه مامتاكدين ؟؟

امجد .. اي صح كلامهم ليش ماجاي تدور ويانه عليهم وتكترت على جهة بالله شنو جوابك

جهاد .... وشمدريكم اني مادورت انطيت اسمها واسم ذاك المفلوك لمراكز شرطه وضباط بعد شسوي يعني اكثر من هيج.

بهالاثناء اجه ابويه.
الاب ... شسالفتكم وكتها هسه عالي صوتكم احنا شحجينه ليسمعوكم اهل البنيه خلي يروحون وبعدين تناقشوا.

جهاد ... حاجي ولدك يابه احنه مو اتفقنه مانجيب طاري للموضوع

فؤاد ... لا نجيب طاري وزواجك هسه كلش مو وكته راح تظلم حتى بت العالم وياك وقضية رؤى مراح تنسد اله نلكالهه اثر

جهاد ... متخصني كتلك هسه هي بمسؤولية اهلها هم خلي يتعبون نفسهم ويدوروها ويجنون ثمار تربيتهم الطايح حظها.
عفتهم وفتت جوه.

اجت على بالي كواكب ووحجيهه ويا جنه طبيت ادور عليها شفتها بالمطبخ واكفه تلغي صحت عليها
بحديه تعاي عندي حجي وياج

اجت تمشي على كيفها
كتلها تعاي ورايه
مشيت لغرفة امي وابويه جوه فارغه بوقتها
كتلهه فوتي

فاتت وفتت وراها وسديت الباب
... شنو حجيتي وي جنه ؟؟
... ياعلمود هي جايبني عبالي شي شياتين

... اي علمود هاي وهسه احجي يله

...سالتهه عن ليلة دخلتكم اريد اطمئن على ابن اخوي خو مافقد مهاراته بعد الي صار وسالتهه جهاد يحبج مالحكت تجاوب انت دخلت علينه مثل الوحش.

... ماتجوزين من فضولج هذا متاكده بس هذا الي حجيتي ؟

...اي عيني جهاد لايكون خايف مني ؟؟
... انت تدرين بيه مااخاف وقلبي لزمته وخلعته

وشمرته همين مثل الجندي الي يخلع درعه لذلك لاتتورطين وياي وخليج بعيده عن جنه احسلج مفهووم.

... خاب دكم تخوفني شووو وخرررر
طلعت وطبكت الباب.

صعدت فوك لغرفتي
شفت جنه كاعده على السرير وعيونها الي اكرها مدمعه كلما اباوعلها اتذكر ذيج واكرها واكره نفسي
تقربت منها كتلها

... تره اكره الجذب اني لذلك لاتحاولين لان اكشفج اكشفج وعقابج يصير عسير اذا جذبتي عليه مره ثانيه.

رفعت راسها ونزلت الدموع
ظلت تحجي بخوف
... ليش شنو جذبت عليك انه؟؟
... انت تعرفين نفسج شنو جذبتي كتلج لاتحاولين خوش.

تركتها وكعدت على الطرف الثاني من السرير
كامت وراحت تركض للحمام وهي تشهك وتبجي
اعرف مالها ذنب بالصار بس اني ما أشبه الشخص الي جنت عليه قبل ، ولا أعرف شلون طلع مني الشخص الي أني عليه هسه ..

والمصيبه كلما اباوع لعيونها مااسيطر على الكره الي بيه اتجاه هالعيون بالذات.

فركت وحتى احس بداخلي شخص مجهول .... ماايعرف شنو يريد وشلون يوجهني ...
احس د افقد نفسي

دائما احاول اتذكر نَفسي القديمه بس ارجع افشل،
د ابّحث عن حياتي ، و ابحث عن الجزء السعيد بيها ، كل الي دالكاه تعاسه والم وحظ عاثر ومبتلي. .

اندكت باب الغرفه رحت فتحتها.
شفت اهلها بالباب يردون يودعوها.
رحت الها للحمام ودكيتها عليها
صحت جنه يلا اهلج راح يروحون تعالي ودعيهم

طلعت تمسح دموعها
راحت تركض لامها وحضنتها.

*جنه

حضنت امي واشهك وابجي وهي تبجي وياي
بوست عذراء واخر شي علا
شاورتها باذنها
ولج راح اموت ماتحمل ابقى ويا

علا .. تحملي حبيبتي ولج الناس شتكول علينه
باعي بس اسبوعين عدنا زياره لنجف وكربلا واذا جينه نزور الكاظم نمرلكم.

جنه .. امانه امانه روحي زوري قبر سامر سلميني عليه وكليله رويحتك وصلت يالغالي.
وادعيلي الله يخلصني

علا ... ولج اش اش لايسمعج هسه يكول منو سامر
جنه ... طلعوا طلعت وراهم بس احس راح اوكع انه ابجي وهم يبجون توسلت بيهم بس اروح ازور وياهم الكاظم ع ماقبلو.

طلعت وراهم بالشارع اودعهم وراحوا عيون امي وهي تبجي مفاركتني. درت اشوفه وراي واكف جبل الجليد

جهاد *
طلعت وراها بالشارع وشعرها طالع من الحجاب طخت الشمس بعيونها وهي تبجي صارن عيونها صفار على خضار مرهمه ويه لون شعرها

كتلها هي شنو شعرج طالع بنص الشارع
هناك بالبصره هم طلعين هيج ؟؟

هزت راسها لا
لعد منو كلج بغداد مثل اسطنبول يلا فوتي
دخلت تجر روحها جر
لزمتها من ايدها وصعدنا فوك.

كعدتها على السرير وهي تبجي
كتلها بنتر... يلا سكتي سكتي.

رفعت راسها تتعمد تباوعلي حتى تشوفني عيونها ليزيد كرهي
مااعرف تصرفها طبيعي واني الي موطبيعي.

كتلهه اسمعي عندي تلث اخوان مااريد يجي يوم واشوفج كاعده او واكفه وي واحد وتضحكين وسولفين

بينكم بس السلام وبس ميانه وي اي واحد مااريد اي خطار وياهم زلم مطلعين من الغرفه ع السطح ممنوع الصعود والحجاب مينذب بره هي الغرفه ولبس حصر وكصيف مااكو خووش.

*جنه
اباوعله ومالي خلك احس هلكانه بس لو بغير حاله جان رديت عليه وشرد وهو اخويه انطاني اله مثل الحاجه التنطي وماخلالي قيمه شون راح اخذ حقي انه.

جان تليفوني ع الميز كام سحبه واخذه كال هذا شنو تليفونج بقيت اباوعله هزيت راسي اي

فتح القبق مالته طلع السيم كارد وكسرها بيده وشمرها بالسطل مال الزبل واخذ الفون وهو يحجي ماتنطن وجه . هنا ماكدرت اسكتله.

جنه بنبرة بجي وعصبية جاوبته... انت باأاي حق تكسر السيم كارت؟؟

جهاد بهدوء..بحق اني زوجج وانتي ملك يميني.

جنه بعصبيه...مو زوجتك ولا ملكك فاهم
وهسه اخابر اهلي وارجع مدام مصار شئ بينه
جهاد بخبث..مصار شئ..يصير هسه ليش لا..ء

دفعها على السرير انرعبت وهو يتقرب منها ويحاول يقبلها
وسط مقاوماتها اليائسه وهي تضرب على صدره بايديها للخلاص منه.

وبهالاثناء اندكت الباب
كام جهاد ... منوووووو
من خلف الباب
اني كواكب
جهاد ... بغضبه اووووو... لا اله الا الله.
للحكايه بقية