احفاد عمران الفصل التاسع وثلاثون 39 - بقلم ضحى اليوسف

الكاتبه ضحى اليوسف

أحفاد عمران

بارت _38_

لا تنسون التصويت+التعليق بين الفقرات

‏''ذبلان''
''جسمي من الحزن''
''والدمع من كد ما نزل''
'' ما خله لون برمشي''
''محتار ب احلامي البقن''
''شو مارضن يتحققن''
''مثل اليشوف ابنه البچر''
''كبران بس ما يمشي''
''ماعندي كلشي بيا بخت''
''يردوني ارضه بكل شي''

•~•~•~•~•~•~•~•~•~•~

ريم.....

بالمطبخ وكاعده اسوي عشه عمتي
مخليه يمها زيد حتى مايجي عليه
بالمطبخ لأن صاير يمشي ويلحكني
وين مارحت واليأس بالدوام وعمو
طالع وبس احنه بالبيت صاحت
عليه عمتي

عمه إقبال:: ولهجج مريمه

ريم:: ها عمهههه جيت

غسلت أيدي ونشفتها رحت الها زيد
ماباجي ستغربت باوعت عليها

ريم:: ها عمه

عمه إقبال:: يمه هاذا صوت فوك
روحي شوفي شنو

ريم:: خاف صوت موبايلي

عمه إقبال:: ماعرف عمه روحي شوفي لا
صدك يطلع موبايلج واليأس داك عليج

ريم:: هسه اشوفه عمه

كبل رحت طفيت الطباخ وصعدت فوك
دخلت الغرفه موبايلي جان على الشحن
رحت عليه فتحته لكيت بالعشر مكالمات
من عمه فاطمه تفاجئت شعجب داكه
عليه رجعت اني دكيت عليها وهيه
خطيه بسرعه جاوبت

ريم:: هههه هلا عمه عاش من سمع صوتج

عمه فاطمه:: هلا عمه هلا

ريم:: شلونج عمه والله مادي بيج
داكه عليه جنت جوه داسوي عشه

عمه فاطمه:: هاا عمه شنو ماسمعتج

ريم:: اكلج شلونجج

عمه فاطمه:: الحمدلله يمه.... عمه ماتنطيني
فرح من يمج شو ادك عليها ماعدها نت

ريم بضحكه:: عمه فرح شسوي يمي

عمه فاطمه:: غير انتن مسويات جمعه
بنات يم بيت خالتج أم ليث

ستغربت من كلامها شنو جمعه بنات
نوب يم بيت خالتي أم ليث

ريم:: عمه هاي ياهو كلج

عمه فاطمه:: ياعمه شنو ياهو كلي غير
فريحه كالت البنات مجموعات واريد
اروح وحتى ليث اجه عليها.... يايمه
هيه انطيني ياها لو شنو انتِ مارايحه

ريم:: عمه إلياس جاي يدك عليه بس
ارد عليه واتصل بيج

سديته منها واني كلبي يرجف وخايفه
من حجي عمه فاطمه الموبايل بأيدي
اتصلت على إلياس بسرعه وهو جاوب

ريم:: الياسسس ليثثث طالععع من السجننن

إلياس:: أول شي لتصيحين وثاني شي أي
طالع صاله سبوع ونص عليش اسئلين أنتِ

ريم:: فرح ماموجوده ببيتهم وعساس
عود احنه مسويات جمعه يم بيت خالتي
أم ليث وفرح رايحه على هاذا الأساس
وجاي ليث ماخذها

إلياس:: أي وشنو يعني غير ابن عمتها
وإذا اخذها

ريم:: إلياس هاذا ليثثث ليثثث شنو
وإذا شنوو نسيت السوا

إلياس:: ريم لا تخبطين السوا باليان
بسبب أسمر فرح مادخلها بالهل شي

ريم:: ومنو دخله السجن مو أسمر وحمزههه

إلياس:: ريم على شنو جاي تلمحين

ريم:: إلياس سده سده خلي اتصل باسمر

•~•~•~•~•~•~•~•~•~

حمزه....

ليل والجو ساكت إلا من صوت الريح
الخفيفة كاعد بنص الحديقه ماحب
أطب البيت أحسه يخنكني فجأة
رن تلفوني محمد دك ظلينا نسولف
تقريبا ساعه وسده

كمت أتحرك حتى أطلع من البيت
اجا إشعار على جهازي فتحته
وضحكت لأن الرساله من فرح

_تعال اخذني بسرعه

ستغربت شبيها شنو تعال اخذني كتبت بسرعه

حمزه وين أجي أخذج

ماقريت ردها وطفيت التلفون وخليته
بجيبي طلعت برا الشارع ساكت الظلام
مغطي كلشي والهدوء يخوف بعد
خمس دقايق تقريبا

اجاني على جهازي بأكثر من إشعار
فتحته هم من فرح متفاجئ اليوم
من زمان ما راسلتني دخلت المحادثه
فيديو ومكتوب جوه

_سلامي إلك استاذ حمزاوي

_اذا تريدها تعال اخذها من
منطقه ........ شارع ........

تجاهلت الرساله بالبدايه حاولت أكول
لنفسي يمكن جاي تشاقه هاي بس
الفضول غلبني ضغطت على الفيديو
أول ما اشتغل سمعت عيطتها صرختها
كلبي انقبض وطفيت التلفون بسرعه
وكفت بمكاني أحاول أسمع شي بس
ماكو غير صوت عيطتها باذاني

•~•~•~•~•~•~•~•~

أسمر..

عندي مراجعين هواي وكلت اليوم لازم
أجل منهم على باجر لأن لو تأخرت ليان
تسويها دراما تالي اليل خلصت اخر واحد واعتذرت من الباقي واجلتهم على باجر
طلعت من العياده وصعدت سيارتي
ونطلقت البيت

وصلت الباب البيت ونزلت من لسياره
ردت افتح الباب بس انتبهت على
حمزه واكف بباب بيتهم ويفتح
بالموبايل ويرجع يطفي ضحكت
عليه ومشيت باتجاهه

أسمر:: شنهي الناس تخبلت

باوع عليه وفرك راسه وبهل اثناء
دك تلفوني طلعته من جيبي باوعت
هاي ريم كبل جاوبتها

أسمر:: ها ريومه شلونج

ريم:: اسمر اسمر مصيبههه

عقدت حواجبي وباوعت على حمزه وكلت الريم

اسمر:: خير ياستار شكو

كالت إلي وصدمتني شنو ليث شوكت
طلع وحتى أنا جنت مادري بي شوكت
طالع حجيت الحمزه والي فاجئني كلام
حمزه هم وشوفني الرساله بس ماشوفني
الفديو ولا عرفت شنو بي ورا شويه
انرسل النه موقع وكبل اخذت حمزه
ورحنه على اساسه....

•~•~•~•~•~•~•~•~•~•~•

فرح.......

فتحت عيوني حسيت دموعي بعدها
بجفوني ثگال ودنيا كئيبه باوعت حواليا
نفس المكان نفس الخوف نفس الوجع
حاولت أكوم بس كل جسمي يوجعني
مو طبيعي الوجع قبل لا أفكر حتى
سمعت صوته صوته النذل

ليث برود:: كومي

اجه بتجاهي باوع عليه ودموعي على
خدي نظراته مقرفه نظراته توجع
كلشي بيه يخليني أرجف حاولت
أصيح عليه بس صوتي مو راضي
يطلع كأنه إنخنك

فرح بصوت مكسور:: يا حقيرر يا
نذلللل شسويت بيههههه

ضحك بخفه ضحكة جارحه وكعد كبالي
على بلوكه رجله تهتز بقوه ملامحه
متوترة ونظراته بيها حقد

ليث:: لتخافين آنا مو حقير حتى
أأذيج بهالطريقه آني بس ردت
أحرك كلبه عليج

كلامه نزل مثل السهم بكلبي جسمي
يرجف أنفاسي ثكيله

فرح بألم:: ليث فدوه كول كول ما
سويتلي شي احلفلي بكل غالي عندك

ليث:: ماسويت شي اطمئني

قرب مني لزم إيدي لمسته مو طبيعيه
مثل البرد مو طمأنينه حاول يوكفني
بهدوء وجسمي مو إلي حيل تعبان
ساندني لحد ما كعدت وعدل حجابي
إلي جنت ما منتبهه اله واني عدلت
ملابسي بسرعة ودموعي بعدها تنزل

ليث بهدوء:: هاي هيه آني رايح

فرح:: رجعني لامي فدوه

ليث::دزيت الموقع لحمزه هسه دقائق وتلكينه

باوعت حوالي غرفه مهجوره ظلمه
ريحة كئيبة وحس خوف مالي الدنيا

فرح بخوف:: الله يخليك لا تخليني
وحدي والله أخاف

ليث:: ما أگدر أضل وياج بس راح
أضل أراقبج من بعيد

دموعي تنزل واني أباوع عليه
صوتي مبحوح مكسور

فرح:: ليش سويت هيچ شنو تستفاد
من تصرفاتك هاي

ليث بحقد:: سنه كامله آنا بالسجن
بسببه ردته يحترك مثلي ردته ينقهر
يحس بالوجع إلي بيه بس اخخخ
منيييي منيييي ما گدرت

عيونه جانت تحجي أكثر من لسانه
مليانه وجع وكره وأني حسيت نفسي
متكسره فجأة سحبني من إيدي بقوه
جسمي طاح عليه رجليه مو شايله

فرح بصوت متفاجئ:: تخبلت

ليث:: امشي وياي بدون حچي

فرح:: و وين

ما جاوب بس سحبني وياه طلعني
برا الجو كله ظلمه مابي لا ضوه ولا
نفس لزم كتفي بقوه وأنا دفعت إيده
وانفاسي مخنوكه

فرح:: لا تلمسني مره ثانيه

ليث:: راح أروح هناك أراقبج إنتِ
ابقي هنانا لا تتحركين

هزيت براسي بأي وأنا عيوني تراقبه
وهو يروح بعيد اختفه بهالليل الثكيل
بقيت على وكفتي رجليه مو عاد تتحملني
رحت كعدت على بلوكه بالكاع

كل شي ساكت إلا صوت دكات كلبي
خوفي مثل الغيم مغطي صدري كل إلي
أريده بهاللحظه أشوف وجه حمزه يركض
نحوي حتى لو من بعيد حتى لو حلم

مرت عشر دقائق بس وصار ضوء بالمكان
باوعت على الشارع جانت سياره تتقرب
عليه ضحكت من انتبهت السياره أكيد
الحمزه هاي

وكفت على حيلي واني الضحكه
مرسومه على وجهي توقفت السياره
ونزل منها واني شفته وتخبلت كبل
ركضت عليه وحضنته بقوه ودموعي
تنزل على خدي وخرني من حضنه
ولزم وجهي بثنين اديه وهو
يحاجيني يلهث

حمزه:: منوو هاذا شجابج اهنااا

نهاريت وضليت ابجي ماكدرت احجي
أي شي اله بس كلت بصوت ناصي

فرح:: ل..يث

صفن بوجهي ورجع سئلني

حمزه:: وينههه النكس..... سؤالج شييي
احجيييي وينههههه

من بين دموعي هزيت راسي بلا واني احجي

فرح:: راح راح

صار يلوف براسه ويدور بالمكان
ورجع ضمني الصدره ويبوس براسي

أسمر:: حمزه احترم الموجودين....يله
امشو مانكدر نضل بهل مكان وبهاذا الوقت
والجلب نلكه نلكه امشو

ماجنت اعرف اسمر موجود أساسا
حمزه مشه بيه السياره وهوه حاضني
صعدنه بالسياره اني وحمزه ليورا واسمر
يسوق واني مجلبه بحمزه وهو حاضني
بكل قوته بنص الطريق وحمزه كال لاسمر

حمزه:: وين مودينه

اسمر:: البيت المره

حمزه:: لا مانروح لهناك ودينه البيت لاحمر

اسمر:: شعندك اهناك

حمزه:: هسه دمشي ياعيني

ستغربت شنو البيت لاحمر شنو رايحين
اله وخرت من حضن حمزه وباوعت اله

فرح:: اريد ارجع الاهلي
حمزه:: ماكو هسه رجعه

فرح:: ماريدد ويننن ماخذنييني أنتو
الاثنين اريدد ارجععع هس اميي قلقانه عليه

اسمر:: فرح صوتج لا يعلى مو جهال
كدامج احنه

عفتهم ماحاجيتهم ووخرت بعيد عن
حمزه خليت راسي على جامه السياره
وضلت دموعي تنزل بدون حس

حمزه:: فرح.... فريحه باعيلي

انداريت اله ودموعي على خدي
وهو يباوع عليه وكان يدرسني

حمزه:: امج ماتدري بشي وبالها كله
انتِ هسه يم البنات مجموعه

فرح:: ولهاذا السبب إني أريد ارجع

حمزه:: فكري فرح لو رجعتي لامج بهاي
الحاله شنو راح تفكر وثاني شي بعدنه
ترا ماحاجين بشي ويحتاج نحجي

فرح:: واهلي

حمزه:: أنا ادبرها أنتِ بس وافقي

هزيت راسي بأي وهو رجع حاجه
أسمر يروح البيت الكاله اله ورجع
ضمني الصدره الحد ماوصلنا البيت
جان بشارع كلش راقي وبيوت اليمه
كلها بيوت صغار باوعت حمزه راح
وطلع مفتاح من داخل السندانه مال
الورد الجانت بصف الباب ضليت إني
صافنه شلون فتحه ودخل باوع عليه وكال

حمزه:: مدخلين شنو ناويه تضلين بالشارع

أسمر:: دعوفها بالشارع عاجبها جنه

اجه حمزه وسحبني من أيدي ودخلني
البيت وإني اباوع للبيت متفاجئه بي
هاذا المن وشلون حمزه يندل مفتاحه

حمزه:: أسمر جيب ليان وريم اهنا

أسمر بستغراب:: شسوي بيهن

حمزه:: خلي نحل هاي السالفه باسرع
وقت رحمه الوالديك روح جيبهن

أسمر:: خوش أنا اجيب ليان سهله بس
ريم شلون اجيبها

حمزه:: كول هم البنات مجموعات وفضت

راح أسمر طلع وإني وحمزه واحد
يباوع بوجه الخ

فرح:: المن هاذا البيت

حمزه:: مو وكتج هسه امشي دخلي

تجاهلته ومشيت داريد افتح الباب
الداخلي مايفتح التفتت عليه هو اجه
وفتحه بالمفاتيح إلي عنده أول مافتح
الباب انصدمت واني اشوف البيت بي
اثاث دخلت المطبخ واني اشوفه كامل
بي كاونتر وطباخ وحتى مواعين مصفطه
موجوده هاي شنو دخلنا الصاله جان بيها
تخم كامل وعلى طول الصاله رجعت
باوعت لحمزه

فرح:: هاي شنو المن البيت شنو بايكينه

حمزه:: اي مو شايفتنه حراميه....دمشي
امشي كعدي

باوعت لملابسي كلها وصخ شلون
اروح اكعد على التخم

فرح:: اااءءء اني أريد اسبح

حمزه:: ليش سبحين شكو

فرح:: باوع ملابسي

حمزه:: مابيهن شي يله روحي كعدي

فرح بتسائل:: اكو ملابس اهنا

عكد حواجبه مستغرب من سؤالي هاذا

حمزه:: اي اكو ملابسي اهنا ليش هاذا السؤال

فرح:: أريد ملابس ادخل اسبح

حمزه:: عوفي السبح وامشي كعدي خلي
اجيبلج مي ونكعد نحجي

فرح:: حمزههه كتلكك أريد اسبح ليشش ماتفتهمني

حمزه:: خلاص يله روحي دخلي الحمام وانا اجيبلج ملابس

هزيت راسي بمعنى أي وردت اروح
الحمام بس ماندل وين هوه

فرح:: هو وينه

حمزه:: شنوه

فرح:: الحمام وينه

حمزه:: ها ماكو حمام بالبيت بس بالغرفه

ستغربت شنو هاذا البيت المابي حمام
غير للغرفه عفته ومشيت دخلت الغرفه
جان اكو بالغرفه دوشك واحد مرمي
بالأرض وفوكه مخده وبطانيه و جان
اكو كنتور أبو باب وماكو بعد أي شي
بالغرفه رجعت فتحت باب الحمام واول
مافتحته اخترقت وصحت بصوت

فرح:: يمههه كلبيي

حمزه كبل اجه عليه وهو يريد يفتهم
شبيه وليش صحت اشرت اله على
المرايه الي جانت بالحمام واني اباوع
على شكلي شلون صاير ولا بالك اني
بالك وحده مجديه وداخله هاذا البيت
نزلت دموعي وإني احجي

فرح:: ليش هيج صاير بيه

حمزه:: شبيج فرح كل شي مابيج امشي
دخلي الحمام واسبحي وأنا راح اشوفلج
ملابس من عندي

دخلت الحمام واني ابجي سديت الباب
وذبيت شالي وضليت اباوع لوجهي وسبحت ............ فتحت الباب
شويه وإني اصيح على حمزه

فرح:: وين الملابسسس

حمزه:: جيت جيت

شويه يله اجه انطاني ملابس سديت
الباب ضليت اكلب بيهن شنو هاي كبار
عليه رجعت فتحت الباب وإني اصيح عليه

فرح:: اريددد بجامهه صغيرههه

حمزه:: شنهي منين اجيبلج صغيره
مشي نفسج بهاي

سديت الباب ورجعت غصب عني
لبستهن شلون ماجان وطلعت اله
هو شافني راد يضحك ويطلع
ضحكته بس كتمها وراح جاب
خاولي انطاني يا

حمزه:: نشفي شعرج

اخذته منه ماحبيت ارجعه بيده
ونشفت اطراف شعري ونطيته اله

حمزه:: شنو هاي

فرح:: اخذه

حمزه:: نشفي شعرج

فرح:: نشفته

حمزه:: بس بعده ينقط مي

فرح:: هو هاذا إني هيج انشف

حمزه:: دتعاي تعالي هيج تنشف حتى تتمرض

سحبني من أيدي وكعدي على
الدوشك الموجود وهو راح الكنتور
طلع مشط واجه وراي

حمزه:: ماكو شسوار أهنا جان بسرعه
نشفت شعرج

ماحجيت بقيت ساكته وهو ورايه سحب
الخاولي من أيدي وخلاه على كتوفي
وطلع شعري خلا عليه وصار يمشطلي

حمزه:: شعرج حلو.... شنو تستخدميله

وخرت من يمه والتفتت اله

فرح:: انطيني المشط إني امشط

حمزه:: دوري فرح دوري

رجعت درت ونطيته ظهري وهو يمشط
بشعري ويسولف بس إني اكتفيت
بالسكوت وماحجيت ويا ولا رديت
نَعم شعري ورفع الخاولي وصار
ينشف وينشف بي

بقيت إني جوه ايده وهو يحرك بشعري
عادي جان بس بحرگه سريعه وخر شعري
صفحه وقرب راسه على ركبتي باسني وإني بسرعه نزيت وبعدت عليه اباوعله بصدمه

فرح:: شجاي تسوي أنتَ

حمزه:: شمسوي أنا

فرح:: شنو هاي السؤالف متستحي

حمزه:: وليش استحي ليش أنا سويت
شي غلط

فرح:: تقربت عليه وبستني ملاحظ
نفسك شسويت

حمزه:: وهاذا تعتبرينه غلط

فرح:: أي وأكبر غلط

عفته بسرعه وكمت من يمه وإني الم بشعري ليفوك طلعت الصاله وكعدت على القنفه

فرح:: الجلب الحقير

حمزه:: سمعتجج

انداريت اله واكف بالباب مال الغرفه
ومكتف اديه الصدره ويباوعلي بخزره
رجعت درت وجهي منه وهو اجه عليه
تقرب وكعد يمي

حمزه:: فرح

_نعم

حمزه:: ليش هيج جاي تسوين

_شمسويه إني

حمزه:: فرح ملاحظه نفسج جاي
تبعديني عليج

_هو هاذا إلي لازم يصير........

ماخلاني احجي سحبني بقوه وباسني
من خدي وضل يطبع بوساته بوجهي
وإني متصنمه بمكاني متفاجئه بي...

•~•~•~•~•~•~•~•~•

ليان....

كاعده إني والجهال بالغرفه ودايره
التلفزيون على كارتون الجمانه ومطيتها
جبس حتى تكعد وجود جاي اغير
بملابسه وهو يبجي

ليان:: اصبرر ياماما خلصتلك

يبجي ويشبني لحد ماخلصتله يله
سكت اسمر بعده ماجاي والغرفه
مكركبه تكركب وإني اتاني انومهم
يله اعزلها سويت ممه الجود لأن
صرت انطي مميات حته بعد يتغذى
وينشنش

طبعا هاذا كلام عمتي وامي أبدا مارضت
بس شسوي لازم اسمع كلام عمتي لأن
لو اخذت من أمي ومااخذت منها تشد
وياي فااني اخذت منها مالي خلك
مصايب البيه مكفيني

نومت جود ورحت الجمانه ردتها بس
تنام بس مارضت أبد وضلت تبجي إلا
تضل كاعده على التلفزيون وإني هم
عفتها كلت خليها ماطولها كاعده
وضليت اعزل بالغرفه وألم بملاعيبها
وجان يفززني اسمر وهو يدخل الغرفه
لزمت كلبي وإني اكول

ليان:: اخخ يمه كلبي شبيك هيج تدخل

ماحاجاني وراح الكنتور طلع صايتي
وشال واجه عليه حجه على السريع

اسمر:: لبسي وبسرعه تنزلين الجهال
يم أمي وشنو احجي تردين أي

ليان:: شنو ترا كل شي مافهمت

اسمر:: لياننن مو وقتجج هسه

ليان:: شنو شبيك وين نروح بهل ليل شكووو

اسمر:: هسه سوي مثل ماكتلج وانتِ
تعرفين شكو يله بسرعه

وصدك بسرعه بسرعه لبست الصايه
وحتى ماعرف إذا جنت لابستها بالمكلوب
بس المهم اريد البسها بسرعه وخليت
الشال على راسي واسمر شال جمانه
وإني على كيفي اخذت جود من كركوته
ونزلنه جوه

ليان:: اسمر احجيلي شكووو بهل وقت

اسمر:: امشي واسكتي

راح دك الباب على عمه سناء وضل
يحجي وياها إني يم الدرج وبيدي
جود ماسمعهم بس شو عمه سناء
باوعت عليه وحجت بصوت عالي
من ورا خشمها

عمه سناء:: وشبيها الخاتون تالي اليل

اسمر:: ياأمي غير اكلج رحاتها ماذيتها
وانا راح اخذها العياده اسويلها حشوه

عمه سناء:: خو عوفها على باجر
مجبور هسه تاخذها

اسمر:: هاي تضل صارعتني اليل كله
وماتخليني انام إذا ماسويت الها
وخلصت.... دخل اسويها الها وانتِ
بس ديري بالج على الجهال بين مانرجع

عمه سناء:: أي جيبي جود

اسمر:: وجمانه!!

عمه سناء:: ماكدر انتبه على الاثنين
وجود صغير اخذو جمانه وياكم

باوعت لاسمر جان عندي عنده بس
اني من جوه انقهرت حيل معقوله
عمتي راح تبقى على هاي التفرقه
وماراح تتغير رحت انطيت جود
الها واسمر نزل جمانه من ايده لزمته
اني ومشيتها وياي البرا طلع وراي
اسمر وهو يسد باب المطبخ

ليان:: هااا شفتها لامك شلون تفرق
بين الجهال

اسمر:: امشي لسياره ليان بدون حجي

ماهتميت الحجي الكاله وضليت
اني احجي واحجي وتمادى بالكلام
بدون ماحس على نفسي

ليان:: تذكر لمن اكلك امك تفرق
بين الجهال وأنتَ ماتصدك أبد بيه
هسه شفتها لامك شلون تفرق بينهم
ولا حاسبه ذول ثينهم احفادها روح
شوف أمي شلون تحبهم ثينهم نفس
المحبه مو مثلها لامكك

اسمر بصياح:: لياااانننننننن

استوعبت شنو كلت وشنو حجيت
وشلون حجيت على عمه سناء كدام
اسمر وهاذا جان اكبر غلط بس هو
ماحاجاني وكال

اسمر:: ايصير خير ليان ايصير خير...
امشييي بسرعههه كدامييي

بلعت ريكي بصعوبه واني اباوع عليه
شلون شايط من العصبيه رحت بسرعه
امشي الشارع واني لازمه جمانه إلي
صافنه وخايفه من صيحه ابوها ضليت
واكفه بالشارع اريد اشوف وين رايحين
طلع هو وبقه صافن علينه

اسمر:: ماتصعدين

ليان:: وين

اسمر:: استغفرالله شلون تخليني هسه
ادكها بكتله ورجعها الغرفتها

افتهمت قصده ورحت كبل السياره
صعدت وخليت جمانه بحضني وهو
اجه صعد يستغفر بالك شو شنو حجيت

طول الطريق ماحجه ولا اني حجيت
بس جمانه تضحك وتصفك فرحانه
وكف السياره يم بيت اول مره اشوفه
وماشايفته من قبل نزلنا من السياره
واسمر فتح الباب ولا دكه

ليان:: اسمر صاير ماتستحي تفوت على
بيوت الناس بدون استاذاً

خزرني واشر إلي ادخل واني دخلت
ورا بسرعه باوعت بالطارمه حديقه
صغيره وبيها ورد والطارمه صغيره هواي

ليان:: المن هالبيت

اسمر:: اللهم الصبر الصبررر..... فوتي
وشوفي

وكفت بمكاني واني اباوع على اسمر
واني اتذكره يتاخر صاير وعساس كله
بالعياده وصاير يروح من الصبح التالي
اليل وهو ماجان هيج قبل انتبه إلي
واكفه ووكف يباوعلي حجيت
واني اكتم غصتي

ليان:: جايبني اشوف ضرتي اهنا

اسمر:: ليان بدون تمسلت امشي دخلي

مشيت وجمانه كبالي تمشي فتحت
الباب على كيفي ونصدمت واني
عيوني راحت الصاله جانو حمزه
وفرح وحمزه متقرب عليها ويبوس
بوجهه

انصدمت بيهم وتفاجئت ذول شيسون
اهنا جمانه دخلت بسرعه وطلعت صوت
وهي تصفك وهمه ثنينهم كمزو من
بكانهم يعدلون بملابسهم وانتبهت
فرح لابسه ملابس حمزه ماهتميت
دخلت واني احجي

ليان:: إنتو شسون اهنا

حمزه:: ادخلي وسكتي شكد تحجين

ليان:: حمزهه

دخل اسمر واول مانتبه على فرح دنك
راسه وهيه بسرعه ركضت الغرفه
لبست حجابها وجتي

ليان:: شديصير اهنا أحد يفهمني

ماجاوبوني كلهم حجه حمزه وهو
موجه الحجي لاسمر

حمزه:: ريم وينها

ليان:: ريممم شسوي تجيي شبيكم

حمزه:: ليان اكعدي وهسه تفتهمين

اسمر:: إلياس راح يجيبها أنا
خابرته.... شعرفت على الصار

حمزه بستغراب:: شعرفت

اسمر:: تقشم نفسك أنا جاي اسئلك
شنو عرفت

حمزه:: ماعرفت شي بعدني ماسائلها

اسمر:: لعد ساعه كامله شنو جنت تسوي

حمزه:: مامسوي كاعد

هوه حجه وفرح بسرعه باوعت عليه
متفاجئه من حجيه واني افتهمت ليش
هيج باوعتله ضلينه احنه كاعدين واني
كل شويه أريد اسئل ويكولون خلي
تجي ريم لحد ما هم دخلو إلياس
وريم وريمه مثلي واكثر جانت مصدومه

كعدو وحجونه كل شي وفرح صدمتنه
بالشي الكالته وشلون الحيه مراسلتها
وملوفتها عليها كام حمزه يصيح عليها

حمزه:: وراسلتججج وكالتلججج ماكلتيييي اسئلللل وحدههه من البنااتتت

اسمر:: دكعد اكعد نادرلي هسه تصيح
وصوتك سمعو الجيران وين جنت قبل
ساعه من عفتك يمها

باوعت على فرح وضليت صافنه بيها

ريم:: شبيج ليان تباوعين بوجه البنيه

باوعت عليهم كلهم وهمه يباوعولي
رفعت ايدي واني اشر على فرح

ليان:: انتو متأكدين هاي انت مخطوفه

اسمر:: شنو هاذا الحجي ليان

حمزه:: باع هاي شتحجي

ريم:: اي والله واني اوافقج الرئي

اليأس:: ريمم

ريم:: شنو ريم دباوع عليها بالك
موديها لالعاب وجايبيها

حمزه:: استغفرالله امشن انتن اطلعن

ليان:: حمزهه انتبه طرداتك صايره
هواي

اسمر:: شحده ليطردج غيرخ انعل وا.....

باوع على حمزه الي جان صافن بي
ويتاني يكمل كلامه وسكت رجعنه
نحجي اني وريمح بجديه وعفنه
التمسلت مالتنه

ريم:: فرح ليش ماراسلتيني غير تتأكدين

فرح:: ماعرف اني فكرت صدك وانتن
رايحات وردت اراسل ليان وذكرت
ماعدها موبايل

حمزه بستغراب:: ليش ماعدها أنا مو
شتريت الها.....شنو ليان لحد لأن مافاتحته

تلبكت وماعرفت شنو احجي وهو
سئلني كدام الكل باوعت لاسمر
يباوعلي ورافع حاجبه يتانيني
انطي جواب واني مالكيت غير كلت

ليان:: جنت انضف ومطيه الموبايل
بيد جمانه حتى تكعد ومادري بوكته
شلون طالعه ولما لحكتها لكيتها
شامرته من فوك

حمزه:: سباعيه والله

اسمر:: عوف سالفه الموبايلات وخلي
نشوف الحل لهل سالفه

ضلينه كاعدين ونحجي على السالفه
واخير شي كال حمزه

حمزه:: من سوالفجن نسيتني

ليان:: شنو

ريم:: شنسيت

حمزه:: ريم جايبه موبايلج

ريم:: اي جايبته

حمزه:: خوش دكي على ام فرح
واحجي وياها وقنعيها اليوم فرح
تبات وياجنن بالجمعه

ريم بستغراب:: ياجمعه وفرح شسوي
بايته شعدها

حمزه:: هسه دسون مثل ماكتلجن

ليان:: دكي دكي خل نشوف ذوله شراح يسون

وصدك دكينه على على عمه فاطمه
وسلمنه عليها وصرنه نحجي

عمه فاطمه:: وين فرح ليش لحد لأن ماجتي

ليان:: عمه خليها تبات اليوم

عمه فاطمه:: لا ماكدر اخليها

ريم:: عمه خليها يم اهلي اليوم تبات
واني هم وياهن

ليان:: أي عمه خليها متونسين وياها

عمه فاطمه:: ياعمه وين اخليها خلي
واحد يرجعها

باوعت لليان اتاشر إلي واسمر ياشر إلي
واني ماعرفه شنو احجي غير كبل كتلها

ريم:: والله العظيم عمه إذا ماخليتي
فرح تبات اليوم بيتكم بعد طبه

فاطمه:: عمه عوفي هاي السؤالف
وخلي واحد يرجعها

ليان:: عمه فدوه اروحلج الخاطري
تخلين فرح يمنه اليوم

عمه فاطمه:: هاي هيه الخاطرج خلي تبقه

سدته عمه فاطمه وريم ضلت صافنه بوجوهنه ورجعت باوعت على فرح وكالت الها

ريم:: فلا اطب بيتكم بعد

فرح:: ريم لا شنو هاذا الحجي

ريم:: يااا ماسمعتي احجي وياها
وتكول لليان الخاطرج خليها

جمانه صارت كل ساعه بحضن واحد
وضلت من حضن الحضن اخير شي
نامت بحضن اسمر وهو كال

اسمر:: يله ليان ماضل وكت

ليان:: بس شون نروح واحنه ماحالين
هاي السالفه

اليأس:: وانتن شنو دخلجن بالسالفه سويتن العليجن وزياده ويله هسه كلمن لبيتها

ليان:: يالله يله فرح كومي

فرح:: وين

ليان:: ويانه

حمزه:: شسوي رايحه وياج

ريم:: شي اكيد ماضل بهل بيت لو
تروح يم اهلي لو يمنه

حمزه:: لا أهنأ ولا أهنأ تردن تجيبن
الشكوك عليها

ليان:: ووين لعد اضل

اليأس:: هاذا البيت شكبره شكده
وتكولين وين اضل

ريم:: ومنو يضل يمها

حمزه:: اني

ليان+ فرح+ ريم:: انتهههههه

حمزه:: ووجعع كومن كل وحده تروح
وي رجلها

ليان:: وليشش الا انت تبقى وثاني
شي ترا اني ما أمن فرح يمك

ريم:: ولا اني أمن بنت خالي يمك

حمزه:: اسمر اليأس اخذوهن من يمي

اليأس:: يله كومن امشن شكو بعد الضلجن

ليان:: اسمر أخذ جمانه وياك اني ضاله
يم حمزه

اسمر:: وجود

ليان:: عود جيبه إلي من يكعد

ريم:: ليان من كل عقلج تحجين

ليان:: أي....... وبعديننن تعالووو المن
هاذا البيت

صارو واحد يباوع بوجه الثاني
محد جاوب وفرح كالت

فرح:: لخوج

ريم:: لا أكيد هاذا الرجلي يجيب نسوان اهنا

ليان:: خوب كولن لاسمر يوميه تالي
اليل يله جاي وين يروح اكيد اهنا

ريم:: اسمررررر

اسمر:: أنا كم مره مانعجن من صوجن العالي

ريم:: أنا مادخلني عدي رجال يحاسبني
على صوتي العالي

باوع إلياس على اسمر وكال

إلياس:: اسمر إذا لكيت اختك اليوم
مكتوله لتجيني وتصيح

اسمر:: لا ليش اصيح دكها دكه بكتله
معدله.... حمزه إذا خابرتك اختك
وكلتلك اسمر كتلني لتستقبلها

حمزه:: استقبلها شنوو يابه كتله
كون بالصونده زينه

باوعت عليهم وإني دموعي صارت
تنزل وتحرك خدي

ليان:: لو جان عمر موجود مايخليكم
تحجون عليه هيج

•~•~•~•~•~•~•~•~•

فرح......

حجت ليان هيج وكلنا التفتنه عليها
وشلون خلت اديها على وجه وصارت
تبجي بحرگه كلب راح عليها أسمر
وحضنها

حمزه:: ليان جنت اشاقه ولج

أسمر:: ليان صدك تحجين

ليان ببجي:: اشتاقيتله

هي كالت هيج واحنه دموعنه نزلت
على خدنه حمزه حاضنه ورفع ايده
مسح دمعته النزلت واسمر انطه
جمانه الريم وتقرب عليها سحبها
من حضن حمزه وهو يحاجيها

أسمر:: مو من تشتاقيله اوديج اله
ها ليش تبجين عمر لو جان موجود
جان يرضه دموعج تنزل ها احجي

دموعها تنزل وهي تهز براسها لا
رجع حمزه حضنها

حمزه:: ليان لا تبجين تحرگين كلبي
بدموعج هاي

ليان:: شتاقيتله هواي وماجاي يطوف
إلي بالحلم

حمزه:: اشش كل احنه اشتاقيناله بس
شنو نسوي هاي هيه هاي الحياة
ماتعرفين شنو ضامتلنه والي كاتبه
الله النه يصير وماتعرفين الإنسان
شوكت يفقد حياته يجوز أنا هسه
بينكم باجر ماموج.....

وخرت منه وكبل خلت ايدها على
حلكه مانعته يكمل حجيه وكالت

ليان:: حمزه:: إذا تحبني لا تحجي هيج
كافي عليه خساره عمر كافي عليه
فقدت أخ كافي عليه لا تزيدها بحجيك

رجع ضمها الصدره وكال

حمزه:: اششش أنتِ هم بعد لا تبجين
عمر ميحب يشوف دموعج

ضلو حمزه وليان واحد شابك الخ
بس ثينهم دموعهم تنزل دك موبايل
أسمر وجاوب وهو بس كال جاين
وسده رجع باوع على ليان وكال

اسمر:: ليان جود كالب البيت بصريخه
أمشي نرجع

وخرت من حضن حمزه ومسحت دمعها
وهي تهز براسها أي وصددك راحو وكلها
راحت والبيت فرغ وضلينه بس إني
وحمزه سوه كعد حمزه على التخم
ورحت كعدت إني يمه

فرح:: بشنو تفكر

حمزه:: ماعرف

فرح:: شلون ماتعرف

حمزه:: أنا نفسي ماعرفها

فرح:: حمزه

باوع عليه وصفن وقبل ماحجي مد
ايده جوه التشيرت وطلع زنجيل بس
إلي صدمني وي الزنجيل حلقتي بيها

فرح:: هاي حلقتي!!

حمزه:: أي

فرح:: ليش لابسها

حمزه:: حتى تبقه يمي وقريبه عليه

فرح:: بس حمزه إني مامتراجعه بقراري

تقرب ولزم اديه وهو يحجي

حمزه:: فرح أنا اسف أنا اعتذر منج على
كل حرف طلع مني وقهرج بهذاك اليوم
فرح انا مادري بنفسي شنو حجيت بس
إلي اعرفه أنا مستحيل اتخلى عليج

فرح:: حمزه مستحيل نكون بعد سوه
والي كلته إلي لا تخاف ماناسيته ولا
راح انسه طول عمري

حمزه:: فرح أنا احبجج ومستحيل اتخلى
عليج ولو اتحليتي عليه بس أنا مستحيل

فرح:: هاي وجهه نضرك أنت مو إني

عفته وكمت رحت الغرفه سديت الباب
وتمددت على الفراش تغطيت وردت
انام بس انفتح الباب ودخل حمزه اجه

فرح:: شكو

حمزه:: أريد أنام

فرح:: أي نام روح

حمزه:: وين اروح غير أنتِ نايمه بفراشي

فرح:: خوش أنا كايمه وأنتَ نام

حمزه:: لا لا نامي أنا طالع

عفته ماحاجيته وطلعت من الغرفه
وتمددت على القنفه نمت عليها وهو
خليته ينام بالغرفه ويسد الباب
يلا آمنت ونمت

الصبح اسمع دكات الباب وهو
يندك بقوه كمت من بكاني واخذت
الشال جان يم على القنفه خليته
على راسي ورحت أريد افتح الباب
وكل بالي وحده من البنات جتي
الصبح بس إني فتحت الباب
ونصدمت

صارت مقابيلي أمي تقدمت
ردت احضنها بس هيه بسرعه
ضربتني راجدي......

يتبعععع....

تصويتتت...
•~•~•~•~•~•~•~•~•~•~

الكاتبه ضحى اليوسف

ادخلو الحسابي
وصوتو القصه الجديدة
"" عوض من رماد الحرب""

تابعوني انستا وانضمو القناة