رواية احفاد ال رحيم الفصل التاسع 9 - بقلم سـيـريـوس | Sirius ✨

,
,
,
,
"عَيْناكَ نَهْرٌ وَالجُفونُ ضِفَافْ
وَأنَا المُتَيَّمُ والهَوَى أَصْنَافْ

أَبْحَرْتُ في عَيْنَيْكِ دونَ درايَةٍ
كَيْفَ العَبْوَرُ وَخانَني المَجْدَفْ"
,
,
,
-------------------------------------
مقتدى كاعد بالسيارة واحس مخنوك وضيق بصدري احس اكو شي حيصير واحساسي ابد ميخيب انتبهلي مؤمل
مؤمل. شبيك خوية شو تغيرت عن قبل شوي اكو شي موتمن كلك شي
مقتدى. لا خوية ماكو شي بس احس اكو شي صار او راح يصير مادري
مؤمل. استهدي بالله خوية واطرد الافكار السلبيه من راسك ان شاالله ماكو شي
مقتدى. ان شاالله يخيب احساسي هلمرا

سيلين. هنودي حبيبي شبيك شو شارد ومو ع بعضك اذا تعبانه رجعنه ونطلع غير مرا
مهند. لا حبيبتي مو تعبان بس احس اكو شي او حيصير شي
هيام. شنو هاي مهند عمري شبيك لو لان طلعنه راح تمننه ومتخلينه فرحانين.
مهند. لا ماكو هيج شي قابل انا يا يوم مامطلعكم لو مان عليكم بالطلعه بس احس احساس مو حلو
سيلين. رجعنه خوية لان اعرف احساسك كلش زين رجعنه
مهند. لا ما ارجعكم راح اكمل
سيلين لا خوية فدوةرجعنه بغلات ماما عندك
هيام. يا شبيج سوسو شجاج خلينه طالعين
سيلين. ببجي لا فدوة رجعنه رجعنه اعرف احساسك عمره ماخاب
مهند. كافي حبيبتي سيلي ليش البجي من عيوني هسة نرجع وان شاالله غير يوم اطلعكم وعدة
هيام. اوف خربت طلعتنه هسة اله تحس

(هسة تكولون شدعوة شهلمبالغة بالحس وين اكو هيج شي هو مجرد احساس انا اكلكم لا اكو هيج ناس يحسون واحساسهم عمره ما خاب وهم متوارثين هذا الشي مقتدى ومهند ومومل ونور من بيبيتهم وعمرهم مخاب احساسهم) 

نور. كاعدين بالسيارة ومطلع مهيمن اغاني رومانسية وانا اعرف بيه يقصدني بيهن بس اسوي نفسي ما اعرف ودايرة وجهي للجامهة جان ينصي صوت الاغاني
مهيمن. نور شبيج اكو شي
نور. لا ماكو شي ليش
مهيمن. لا هيج اسال زين سوال ليش تحبين ترحين للشط
نور. دائما احب اروح للشط من اكون ضايجة او اكو شي اريد احجيه بس ما اريد احجي او هواي اشياء تخليني التجئله
مهيمن. ليش ما تفضفضين الشخص حتى ترتاحين هيج ما راح تلكين اليواسيج
نور. راح اكلك شغلة وخليها بينه انا بطبعي ما اثق باي شخص وما احب افضفض الشخص ولا احب احجي عن شي بداخلي الشخص صح تشوفوني اضحك واشاقة بس مو معناها انا كل حياتي هيج بس ضحك وهلسوالف انا ما احب احجي عن اي شي بداخلي لان مادري بمرور الوقت شراح يصير وهل الشخص الحجيتله جدير بان انا امنه ع سري او حياتي
مهيمن. تكدرين تحجيلي واوعدج وعد رجال ما اطلع حرف عنج بيوم
نور. لا تسلم بس انا هذا طبعي كتوم وما احب اشارك حياتي الخاصة وي احد حتى سيلي ما احجيلها وحتى مقتداي دشوفة شكد قريب علي صح مرات اعبرة او اكوله عن اليصير وياي بس مو كلشي لان احب اكون محتفضة بحياتي الي النفسي
مهيمن. اليريحج بس اذا بيوم ردتي شخص تفضفضيله انا ابن عمج موجود
نور. ان شاءالله يلا كوم خلنرجع لا نتاخر ويقلقون علينه
مهيمن. يلا
كمنه متوجهين للسيارة ركبنه بيها ودنمشي محسينة اله السيارة مدري شبيها
نور. مهيمن شبيك خفف سرعة
مهيمن. ولج السيارة مدري شبيها البريك ميشتغل والتايرات مبنجرات
نور. شنو منو سوه هيج تدري راح نسوي حادث
مهيمن. ما اعرف قبل شوي فولنه بانزين وشفتهم ما بيهن شي
نور. شوف وراك اكو سيارات دتلحكنه منو هذول
مهيمن. ما ادري بس لا جانو مترصدين مهند
نور. يمة همزين احنه مو هم جان راحو بيها شوف افتح الجكمجة خنشوف اكو سلاح وانت ادخل بطريق ما بيه ناس حتى خاف كلشي يصير مناذي احد
مهيمن. تمام بس شسوين بالسلاح انتي وين تعرفيله
نور. اعرفه مدربة عليه وعندي رخصة بس بسيارتي وخاف يعترضلنه احد ندافع بيه. فتحت ودورت بالسيارة ماكو. اي شي حتى هوياته ماخذهن. لا مامو كلشي ممخلي بيهن
مهيمن. نور هذا الطريق قليل بيه سيارات لان طريق بساتين  وذول جاي يرمون راح تنكلب بينه اتصلي باحد
نور. ماكو شبكة ماكو شنسوي بطريق البساتين
مهيمن حتى اي شي يصير مناذي احد
نور. تمام هذول كامو يرمون دربالك
مهيمن. نزلي راسج نزلي
جان تنكلب السيارة

في البيت
الجد. ها بوية شو اجيتو مو كلتو راح نطلع للسوك
مهند. جدي اجلناها غير مرة ان شاءالله
الجد. جا وين اخوتك ليش ماكو وياكم
مهند. مقتدى ومومل طلعو عدهم شغل وي موتمن بالمركز مالهم جاي يعدلون بقسم مقتدى. وعدهم صيانة ومهيمن ونور راجعين بس نور رادت كم شغلة من سنتر تجيبهم ويجون ميطولون ساعة بالاكثر
الجد تمام لوية روحو ارتاحو

رحنه نرتاح بس مادري ليش قلقان رحت صعدت نمت لان تعبان وراي خفر
ورا ساعتين اجت هيام كعدتني
هيام. مهند مهند اكعد جدي يريدك
مهند. ها خير ان شاءالله اكو شي
هيام. كال خلي ينزل بسرعة
بدلت ونزلت واشوف الوجوه مكلبه وعمتي ام مقتدى وامي يبجن
مهند. ها خير شبيكم الولد بيهم شي جدي رايدني اكو شي
الجد. بوية اتصل ع اخيك واخيتك ماكو اتصل عليهم
مهند. ان شاءالله جدي
اتصلت ع مهيمن ماكو وع نور ماكو هم. جدي مجاي يردون راح اتصل ع مقتدى خاف راحوله
الجد. اي بوية اتصل كلبي غادي نار وما مطمن بتاخيرهم
مهند. ان شاءالله جدي بس هدو فدوة خلي اشوفهم ان شاء الله وي الولد
اتصلت ع مقتدى الو مقتدى نور ومهيمن يمك
مقتدى. لا ليش هم كالو رايحين للشط
مهند. ماكو الهسة مارجعو واتصل ما يردون
مقتدى. هسة اتصل وارجعلك خبر
اتصل اتصلت وماكو خفت عليهم كلش طلعت ركض ورراي مومل ولحكنه موتمن
مومل. شكو شصاير احجي لتخوفني
مقتدى. ولك مهيمن ونور ماكو مارجعو صار 3 ساعات ونتصل ماكو
مومل. بس لا صار شي عليهم
مقتدى الله ليكولها امشي للبيت
مهند. ها مقتدى شو اجيتو حصلتوهم لا
مقتدى. لا ماكو وما يردون
ضلينه فوك الساعة نسال ونتصل وماكو
مؤمل. شلون نبقة هيج نكابل امهاتنن ونبجي وياهم انا رايح ادور عليهم
مقتدى. لا لحظا انا اتصلت بالمطاعم النكعد بيهن ماكو مارايحين.
اتذكرت مهند تعال وياي للسيارة
الجد. وين بوية رايحين غير تنطونه خبر
مقتدى.  جدي راح نتعقب سيارة مهند لان سيارتي وسيارته رابطيهن بجهاز تعقب
الجد. اي بوية عفية عليكم روحو وشفلي اخوتك وين بس لا اطلعون قبل لا تكولون
مقتدى. ان ساءالله جدي
مهند. وانا بلغت الشباب بالمركز وانطيتهم رقم سيارتي هم راح يراقبون وين
مقتدى يلا امشي

رحنه شغلت السيارة وشغلت الجهاز ظل يرن ويحدد موقع واحد البساتين ووكفت بعد ضلينه واحد يباوع بوجه الثاني شنو بساتين نزلنه وخلنه جوة
ابو مقتدى. ها بوية شو وجهكم ما يتفسر شنو صار لكيتوهم
مقتدى. والله يايابة السيارة واكفة اخر شي بساتين بس ماندري اذا تحركت او لا
مهند. دقيقة خل ارد اتصال من المركز
ها علي شنو وين المكان وهسة وين متاكدين انتم لو لا تمام روحو انتم وانا جاي ما اطول
الجد ها بوية بشر جدي منتظر اتصال يتاكدون من ااموقع
مهند. صعدت ع السريع بدلت زي مالتي وانا انزل رجع اتصل ها علي وصعقني بالخبر وكلها تريدني احجي سديت منه الاتصال
مقتدى. ها مهند شبيك احجي
مهند. احم نفس الموقع الحددناه حددو بيه السيارة وو
مقتدى. اي كمل شنو
مهند. وبنفس المكان اكو صاير حادث واحتمال هم وما نعرف بيهم شنو الصاير لازم اروح واتاكد
تخربط الجد وام مقتدى صعد عدها السكر
مقتدى مومل ابقة وياهم وانا رايح وي مهند ومن اتاكد اتصل بيكم
مهند. يلا بسرعة طلعنه ورحننة المكان لكينه سيارتي مكلوبة وتحترك رحنه حققنه وي اهل المنطقة وكالو اجت اسعاف واخذت اثنين جانو بالسيارة رحنه ع السريع للمستشفى نفس الاداوم بيها بعدني باب المستشفى واتصل علي موتمن
موتمن مقتدى انت وين
مقتدى. باب المستشفى ليش
موتمن. تعال بسرعة ادخل انا بالاستعلامات
مقتدى. هاا موتمن شكو
موتمن. احم جابو نور ومهيمن مسوين حادث
مقتدى. اي وشنو حالتهم اكو واحد صار علي شي احجي
موتمن. شوف صيطر ع نفسك. مهيمن عنده كسر بايد ورجله وراسه بيه ضربة واكو قطعة كزاز داخلة شوي بطنه  اما نور
مقتدى ومهند. احجي مو موتتنه شبيها نور
موتمن. نور حالتها كلش خطرة عدها كسر باي ورجل وضربه براسها مسويتلها فطر واكو طلقة قريبة ع قلبه ومن مكلوبه السياره اكو بقايا كزاز الجام داخل باماكن بجسمها واكو وحده جبيرة داخلة بطنها
مقتدى. احس حيلي انهد وبالكوة متمسك نفسي اي وهسة وين
موتمن.  جاي يهزوها للعملية وراح ادخل انا ووياي لازم دكتور جراحة وماكو احد مداوم تدخل انت لو اشوف دكتور
مقتدى. لا انا ادخل رايح اجهز نفسي وانت تعال مهند اتصل بمومل وخلي يجيبهم بس لا يكلهم بحالت نور كله بس كسر بايدها واكو كزاز داخل جاي ينضفوها
مقتدى. دخلت انا وموتمن وجان يدخل  وياي دكتور مهتدى   منو اتصله
موتمن. انا لان لازم نشتغلها بسرعة لان هواي فاقده دم مقتدى هدي نفسك هسة انت رئيسنه هنا امرنه خلي نشتغل
مقتدى. مهيمن منو يمه
موتمن. دكتور جواد اختصاص الكسور ودكتور ابراهيم الجراح
مقتدى. اخذت نفس بعمق شفت الاجهزة يا دكتورة  طيبة وياي  دكتور علي البنج ممرضة ضحى راقبي  الاجهزة
ممرضة سجى حضريلي اربع اكياس دم واتجين ويانه  ممرضة مريم وي دكتور مهتدى ممرضة زينب وي دكتور موتمن. بسم الله يلا نبدا 

خارج غرفة العمليات
مهند. اجو الاهل كلهم بس هيام مخليها يم جود
الكل. هاا وينهم
مهند. هدو ماكو شي بس كسر بايدهم ورجلهم وكزاز من السيارة دداخل بيهم جاي ينظفون
الجد. بس هيج.
مهند اي جدي كعدو وادعولهم وادعو النور لان ما عدها مناعة اخاف تتخربط عليهم لان لكو فقر دم حاد عدها حتى دم خلولها
ام مقتدى. فدوة اروحلك وليدي نور بيها شي
مهند. لا عمة ما بيها شي
ام مقتدى. جا مقتدى وينه
مهند. يمهم بالعمليات جاي ينضفونهم تتوقعين مقتدى نور بيها شي وهو يدخللها
ام مقتدى. يمة هية هلوحدة هاي وتمرمرت وتعذبت يومية مرض طالعلها
مهند. هدي يمة هدي عمة هاي شنو بدل ما تصيرون اقوياء هيج تصيرون
مؤمل. مهند خوية تعال يردوك برا امشي
مهند. اي يلا اجيت طلعنا من يمهم مومل وين منو يريدني
مؤمل.  جذب ماكو احد كلي شاكو اكو شي وضامه علي والا ما كلت ادعو النور
مهند. اي اكو بس لتخبر احد لان جدي وعمتي يموتون
مؤمل ا. احجي شبيهم
مهند. مهيمن كسر بايده ورجله اليسره واكو قطعه كزاز داخلة شوي بطنه واكو كم قطعة صغيرة وبالعمليات يمه دكتور جواد ودكتور ابراهيم الجراح بس نور
مؤمل. احجي شبيها نور
مهند. نور حالتها خطرة لا كسر برجلها وايدها اليمنه واكو جرح براسها مسبب فطر عدها واكو قطعة كزاز داخلة البطنها من صفحة الكلة اليمنه واكو طلقة مرمية قريب القلب واكو كم كزازة هم حتى بوجهة جروح وفقدت دم هواي
مومل كعدت ع حيلي. لان بعد ما اكدر اتحمل الخبر ومنو يمها بالعمليات
مهند. دكتور مقتدى وعلي وموتمن ومهتدى ودكتورة طيبة  وممرضة ضحى وسجى ومريم وزينب
مومل. هلكد خطرة كلش بحيث اقوى كادر وياها انت شبيك محتار
مهند روح صيح ابوي وتعال
مومل. اكو شي احجي
مهند. اريد اكلكم شي بس من تصيح ابوي كله تعال يردوك توقع دخولية مهيمن ونور وقعها مقتدى
مومل. صار رحت صحت عمي واجيت
ابو مهند. ها يابة شبيك اكو شي
مهند. كتله نفس كلام الكلته المومل
ابو مهند. وهسة شتسوي بس دقيقة الطلقة منين اجتها
مهند ما اعرف اريد اروح للمركز بس منتظر مقتدى يطلع لان كلي لا تروح ع ما اطلع ومسلم القضية الملازم علي
ابو مهند زين سويت امشي نروح يمهم
مهند. ورا 3 ساعات طلعو مهيمن ودوع للعناية المركزة يراقبون حالته ومنتظرين نور تطلع مرت 5 ساعات وطلعت ممرضة سجى صاحت المومل وطلعو
ممرضة سجى . دكتور مؤمل دكتور موتمن محتاجك جوة لان ما عدنا دكتور قلب ثاني وحالت المريضة كلش خطرة ع بعد شعرة من ان نفقدها يكلك دكتور مقتدى ادخل الغرفتي البس وتعال من الباب الثاني مال العمليات وراح اعطيك كم كيس دم وانا راح اخذ كم دوا وسيروم وادخل تمام
مومل. تمام يلا امشي
مومل رحت غرفت مقتدى لبست وعقمت ورحت
مهند. ممرضة سجى شلون وضع نور ومومل وين راح
ممرضة سجى المريضة حاليا مستقر وضعها ودكتور مومل راح يجيب كم علاج محتاجيه ماكو هنا عن اذنكم

داخل العمليات
مقتدى انطيناها مخدر وبدينه نشتغل كملت راسها وخيطته ولفيته الها  وضغطها نخفض وتنفسها بطيئ استلمها موتمن وانا استلمت موضوع طلقة لان خطرة ويم قلبها ومهتدى ينظف بطنها وطول اكثر من 3 ساعات لان داخل جزء منها بالكله اليمنه وخلصها ونظف كل جسمها واجه وياي لان مكان الطلقة كلش خطر واحنه ننظف المكان نزل نبضها واحتاجينه بعد دكتور يساعد موتمن ومجان اكو احد واذا نطلب لازم بعد ساعة
موتمن. ممرضة سجى صيحي دكتور مومل بس اخذيه ع صفحة وكليلة يجي يدخل ويجيب وياه اكياس دم
مقتدى. خلي يروح الغرفتي يتجهز وكليله يدخل من الباب الخلفي وانتي جيبي، ،،،،،
يلا نكمل دخل مومل واستلم موضوع الاوكسجين والتنفس وموتمن استلم موضوع فعاليات القلب ومهتدى فاتح مكان الطلقة وانا ايدي ترجف راح اطلع الطلقة
موتمن يلا مقتدى ما بقة شي خلص حتى انت و  دكتورة طيبة تجبر الكسور
مقتدى. بسم الله يا الله يا علي ودخلت الملقط ولزمت الطلقة وطلعتها بكل هدوء اول ما طلعتها نخفض دقات قلبها كلش
موتمن. كمل خيطها معليك يلا مانريد تفقد دم اكثر لان راح تدخل غيبوبة
مقتدى.  كملت وخيطتهن ودقات قلبها منتظمن كملنا كل الجروح وجان يوكف كلبها وتنفسها ينزل وضغطها ينزل  بديت اسوي مساج القلبها. ومومل ضربها ابرة للتنفس ومهتدى ركب سيروم وموتمن ضربها ابرة بقلبها وبعدني ضربها صدمات كهربائية انا ابتعدت وكعدت ع الارض مهدود حيلي واسودت الدنيا بعيني ونزف خشمي دم موتمن ضل يضربها صدمات 5 واشتغل قلبها بس وضعها كلش خطر ومنتظرين تكعد حتى نطمن من ناحية راسها وكليتها التفتلي موتمن وبشرني اشتغل قلبها وعادت جنت مخلي راسي بين ادية رفع اديه
موتمن. هاي شبيك مقتدى صدك تحجي منين هذا الدم ولك صعد ضغطك ها
مقتدى. ما بيه شي انطيني شاش انضف خشمي شلون صارت نور
موتمن. الحمدلله الباقي يم الله 2ايام اذا ما كعدت معناها تدخل غيبوبة ومنترين تكعد ونشوف كليتها وراسها انت كوم غسل حتى تطلع الاهلك وانت مومل عفية عليك بس شبيك وجهكم اصفر صار هاي انت الاقوياء كومو اهلكم منتظريكم برا صار 10 ساعات احنه هنا
مومل.   تعال خوية. غسل خلنطلع نطمنهم هسة عمتي تلكاها منتهية يلا خوية خل نطمنهم ونمشي الغرفتك
مقتدى. تمام موتمن خلي يحولوها من الباب الخلفي ويودوها للعناية بصف غرفة مهيمن وانا بس اطمن الاهل اروح للغرفة نبدل يلا نطلع كلنا سوة غسلنا وطلعنه

خارج الغرفة
الجد.  بوية مهند شوفلنه شصار صار 10 ساعات جوة
مهند. صار جدي هسة جاي اروح ونفتح باب العمليات وطلعو مقتدى وموتمن وطيبة ومهتدى ومومل وسجى ومريم وضحى وزينب

الجد. شنو هاي كلكم جنتو جوة شبيكم ليش وجوهكم هيج مقتدى ليش وجهك اصفر انت واخيك احجو شبيكم
مقتدى. التفتو الي لزمني من جهة مومل ومن جهة موتمن.......

__________________

انتظروني بالبارت القادم