رواية احفاد ال رحيم الفصل الثامن 8 - بقلم سـيـريـوس | Sirius ✨

عليمن طالع تَجنن أنتَ اليوم ؟
وعيُونك كحِيله تنافس الغزلان

,
,
,
,
هيَ حظوظ والطيب يرد خسران
من ذيج الاحلام الچان بانيها

,
,
,

----*--------*------*-----*-----*-----

بعد مرور ايام تقريبا اسبوعين بين ضحك وسوالف وكلمات هيام ابمثل السم وساكتة وخليت الكل يسكت لان ابو طبع ميبدل طبعة

اليوم خميس وحاليا نهاية شهر السابع العصر كعدت من النوم كلي نشاط وعندي واهس ادخل مطبخ فلبست ملابس غير ملات النوم وطلعت لكيت خالة ام سامي بالمطبخ هي وبناتها سلمت عليهن
ام سامي. هلا حبيبة محتاجة شي يمة تردين شي
نور. لا خالة حبيبتي اريد اسوي كم نوع حلا عاجبني اسوي واليوم خميس وكعدتنه سوة لان باجر عطلة وتعرفين بعد
ام سامي. الله يحلي ايامج بنيتي طلبي شنو تردين وانا والبنيات نسوي ماريد تعبين ولا تعبين هلادينات الحلوات انا الاعرفج احلى لحظاتج العطل هههه
نور. فديتج خالتو لا اريد اسوي انا اريد ادلعهم واريد وحدة من البنات تساعدني
ام سامي. براحتج بنيتي تعالي ماما سمر ساعدي خيتج نوارة
سمر. اي يمة اجيت هلا نورايتي اذا ما اساعدها قابل اساعد منو هيام من تروح الف فدوة النورايتي
نور. يعمري سمورتي ترا ماقبل تحجين عليها لان احنه معلينه بيها كلمن وطبيعتها واخلاقها
سمر. صح اي عيني شراح تسوين اعرفج معدلة بهلسوالف
نور. هههههه حبي حسوي كيكة وبسبوسة وخلية نحل
سمر. اخ شهلاكلات الطيبة وراح تطلع اطيب اذا من ايدج
نور. يعمري يلا نسوي قبل ميكعدون
حظرنا المكونات مال كل شغل لوحد وصورتهم اريد اغور جان وجولي لان يموتون على حلوياتي وكعدنا نسوي اول مسوينا الكيكة وراها بسبوسة وراها خليه نحل وسوينه شيرة الحلويات (قطر)  وحليب مكثف لان احنه الخلية نحشي قسم نوتيلا وقسم جبن ويحبون قسم عليها شيرة وقسم حليب وسويت كهوة وجاي وخليتهم بالترمز ورحت رتبتهم بصالة الكعدة وصعدت الغرفتي بدلت ملابس ورحت كعدتهم وكلها نزلت واحد ورا الثاني
الجد. شنو هاي اليوم ام سامي مدلعتنا حلويات وكيك وكهوة عاشت ايدج
نزل الاب والام والاعمام ونسوانهم
الاب. اي والله وقتها هلحلويات عاشت ايدج خوية ام سامي
العم محمد ومحمود. سوة الله صار شكد مماكلين بسبوسة وخلية نحل
العمات سوة. اممم ليش متحجون ونسوي احنه لان نخاف ع صحت عمو منسوي لان ندري يحب واذا شاف ياكل
نزل مقتدى ومهند سوة الحلو بيهم من ينزلون يبوسوني براسي ويكرصون خدودي هذا روتين واذا مسوو احسهم زعلانين مني
وراها نزلن البنات وجان ينزلون المشاكسين
المشاكسين مومل ومهيمن. هلا هلا حلويات اليوم شعدكم منو راح يجينه
الجد. ليش ولك قابل بس من يجي احد نجيب حلويات
المشاكسين. لا جدي بس عدنا شويب بالبيت ونخاف علي
الجد. الله يطيح حظم تربية سزز منو الشويب وكام بالعوجية
المشاكسين. ويكول مو شويب وهو ما يمشي الا بعوجية
العم محمد. تعالو تعالو سرسرية بوسو راس جدكم وبطلو سخافتكم وعتذرو
المشاكسين. وهاي بوسة من راسك جدي بعد شتريد
الجد. عاشت ايدج ام سامي اي والله وقتها اليوم خميس وماكو دوام باجر وهيج لمة تحتاج ندلع ولدنا
الكل. عاشت ايدج ام سامي
ام سامي. تدلل حجي كل خميس نسوي هيج بس مو انا السويت نوارتنه هية السوت وحبت ادلعكم
الجد. ههه معدلة حبيبت جدها طالعة البيبيتها نحب هيج تسوي بالتجمعات
نور. صار ساعة عاشت ايدج ام سامي عفية ام سامي ومدري شنور هسة من عرفتو اني محد حجة
مقتدى. تعالي حبيبتي فديت هلايدين العسل الكلشي يطلع منه حلو
مهند. عاشت ايدج حبيبتي مبين من شكلهن يشهن
الاب والعمام. انتي شنو تسوين يطلع عسل يعسل
نور كافي خجلتوني
وانطلت الجدو وبابا وماما وعمامي كلمن شنو يريد واخواني
نور. جدو هاي كيكة سويتها ماصخة وخلية نحل بالجبن هم اكل متاثر
الجد. عاشت ايدج بوية اي والله انا دائما انحرم منهن لان حالي هسة هاي زين

ضحك وسوالف وشقة
ام سامي. اعتذر قاطعتكم شنو تحبون تاكلون ع العشة
نور. جدو خلي نسوي مشويات والولد يشوون بالحديقة
الجد. هذا هو الترديه يجرالج
مهيمن شنو احنه نشوي حا انتن مو نسوان شنو شغلجن
نور. طنشته خالة فدوة ولو اتعبج طلعن الحم وصدر الدجات والاجنحة وانا هسة اجي اسوي التتبيلة ونطلع الغراض برا بس نصلي واجيج
ام سامي. ان شاءالله نورايتي
صلينة وخلصنه ونزلت سويت صوص للاجنحة وتبلتهم بيه وقطعت صدر الدجاج وتبلته اسوي تكة وثرمت لحم سويت قسم كباب وقسم هبركر وسلفنت كلمن بطاسته وبدينه ننقل بالحديقة اجتمعو الولد ومهند ومقتدى شعلو الشواية واحد يشوي تكة واجنه والكباب واحد ع الهبركر وانا وسيلين نشيش وننطي المهيمن ومومل ياخذون منه وينطونهم وماما وعماتي يسوون مقبلات بانواعها وهيام والبنات يحظرن عصاير طبيعية ومشروبات غازية ولبن خلصنه تشيش كمت غسلت وشيشت طماطة وفلفل وبصل وانطيتهم ورحت يم مقتدى كاعد يشوي ومن تستوي التكة يوكلني ومهمين ومومل كل شوي مودينهم ع شغلة ورحنه حظرنا الطاولة للاكل وكعدنه ناكل
مومل. اليوم نور ساعة حلويات وسكريات وساعة اكل صحي حيرت الجسم
نور. مو احسن ما كله غير صحي وتتمرضون

الكل. خههههههه
وخلصنه وراها جاي وودخلنه جوة وكعدنه جدو وبابا يلعبون طاولي وعمامي يلعبون شطرنج والولد دومنه واحنه كاعدات كل وحدة يم اخوها وانا اسوي روحي ابحث بالموبايل وجذب اصور صايات مهيمن واشوفهن المقتدى وهو ومهند يخسرونهم وذولة بس يصيحون متنه ضحك وراها كلمن راح نام
كعدنه الصبح ريوك وراحو مقتدى ومهند اخذو ماما وعماتي للسوك يسوكن شنو ناقص للبيت وجدو والعمام بالحديقة يشمسون وانا وسيلين كلمن رتبت غرفتها وسوينه تنظيفتنه الاسبوعية وراها طلعنه بنفس الوقت انا رحت انظف غرفة مقتدى وهية راح للمشاكسين تنظف غرفتهم لان هم بعدهم نايمين راحت تكعدهم
ورجعت ماما وعماتي من السوك رحت جبتلهم ماي وشلنه المسواك وديناه للمطبخ وصبينه غدا ورا الغد
نور احم شباب عل الوعد اليوم نطلع مثل كل مرا
مقتدى اي حبيبتي
ب4 نطلع
نور تمام.
شوي وكمنه بدلنه رحت انا ومقتدى بسيارته ومومل ومهيمن بحيارة مومل
ومهند وعائلته وسيلين بسيارته رحنه متنزه عائلي ساعتين ومهند اخذ عائلته وسيلين يشتريلهم حاجات ويعشيهم ومقتدى اجاه اتصال موتمن يريدهم هو ومومل
مقتدى. مهيمن هاك اخذ سيارتي رجع بيها نور ع البيت وانا اروح بسيارة مومل
نور. مقتدى اريد اروح اكعد ع الشط نص ساعة وارجع عادي
مقتدى. تمام حبيبتي ما اوصيك بيها بعد اخوك مهيمن دربالك عليها وشنو تريد اخذلها
مهيمن صار من عيوني
مهند. مقتدى عادي انا اخذ سيارتك وخلي مهيمن يروح بسيارتي لان ما بيها بانزين خلي يفولها ما اكدر ادخل اعبي لان جود يتحسس
مقتدى. اي عادي خوية وانطيته مفتاح سيارتي ومفتاح سيارة مهند اخذه مهيمن
مهيمن بينه وبين نفسة. فرحان لان وي حبه راح يكونون سوة

انت بالي احسك وين ما اروح
واذا وياي تمشي شلون تبعد

طلعو كلمن راح للمكان اليريدة
اي سيدي شفناهم طلعو اي عرفنه رقم السيارة تمام اعتبر المهمة تمت حاظر سيدي اليوم نخلص منه

------------------------
الى هنا ينتهي البارت ياترى شنو راح يصير بالبارت الجاي وهذول منو ومنو متقصدين
،
،
،
ننتظركم بالبارت القادم.
NOORAT2002