رواية احفاد ال رحيم الفصل الخمسون 50 - بقلم سـيـريـوس | Sirius ✨

تمَنيتك تحَبني بگـد مَحبتي
وَباچـي بكثر ماباچي بغُرفتي
منوِ مَثلي وصل وياكِ
ماخَاف التقاليد وحَچي الناس وسُمعتِي!
الماخذنِي كلي وكَلي ويا
المخرُب تفاصيلي وكَـشختي
تطبگ عَازِته وسَاعات الفَراگ
مَثل مَينطِبگ چَفي اعلى گِصتَي!

,,,,,,,,,,,, .

نور كعدت العصر سبحت نشفت شعري طلعت

ولبسته خليت حمرة خفيفة ومسكارة وطلعت جنطة وحذاء لبستهم وخليت عطري المفضل ولبست ساعة وعقد ال Ly الجابه مهند. اندك الباب

مقتدى. ادخل

ننور. هلا بيك
مقتدى. شلونج

نور. متوترة اول مرة اطلع وي شخص ما اعرفه

مقتدى خليج هادية وروحو مكان عام لا ترحون الغير مكان اعرفج سباعية

نور. حتى سلاحي وياي افا لا تخاف

مقتدى. ههههه ادري طالعة وي خطيبج لو رايحة تنفذين مهمة

نور. ماعرفه كلشي يصير

مقتدى براحتج وشنو تردين اتصلي علي ولج شطالعة هيج الينخطبون يحلون

نور. ان شاءالله حبيبي جمالك عاكس علي بعدين ماتخلينه نفرح بيك

مقتدى. ان شاءالله كم شهر بعد واكلج خطبيلي

نور. من عيوني

مفتدى. يلا حبيبي انا طالع للمركز عندي مراجعين اليوم

نور. والشباب مايرحون

مقتدى. مومل لا ومهيمن هم

نور. والبنات شلونهن صار اسبوع ماجايتكم

مقتدى. الحمدلله زينات تعودن شوية ع الوضع ويسلمن عليج

نور. الله يسلمك ان شاءالله باجر اطلع اجيب جم شغلة للدوام واعزمهن ع عشة خطية حتى بالخطبة ماعزمتهن

مقتدى براحتج بيباي حبيبتي

نور. الله وياك

اتصل علي جدو انزل نزلت الكل كاعدة ماعدا المشاكسين ماكو. السلام عليكم

الكل وعليكم السلام

الجد. تعاي بابا سلمي ع خطيبج

نور. ششلونك ابراهيم

ابراهيم. الحمدلله وانتي

نور. الحمدلله

الجد. كعدي بابا بصف خطيبج

نور. تمام ضيفوه وكام.

ابراهيم. احنه نترخص

ابو مقتدى. دربالك عليها كلش زين ولا تتاخرون

ابراهيم. بوسط عيوني يلا نور

طلعنه صعدت سيارة سيارته تاهو سودة وتلمع. قدملي بوكيه ورد

نور. شكرا ليش تعبت نفسك

ابراهيم هاي اول لقاء النه مايصير ايدي فارغة

نور. ابتسمتله

ابراهيم. وين تحبين نطلع

نور. اليعجبك

ابراهيم. احلى مكان تحبيه

نور. البصرة كلها تعجبني لان مدينه عريقة

ابراهيم. امم نتمشة ع الكورنيش

نور. اي حلو

ابراهيم تمام صفيت السيارة ونزلنه. نور عادي الزم ايدج

نور. امم اي لزم ايدي وحسيت بقشعريرة اول مرة الزم ايد احد غير اخواني ضلينه نمشي هادئين كعدنه بمكان يم الشط

ابراهيم. نور احجيلي عن حياتج كلشي من وانتي طفلة الهسة

نور. ماكو شي واو انولدت بدولة غير دولتي وبسبب الاقامة عند بابا فجنست من الولادة هناك وعندي خال وعنده ولد وبنية هناك فعشت هناك عمري سنة ورجعت للعراق اجينه زيارة شهرين ورجعنه وضلينه بين فترة والثانية نرجع خلصت هناك ابتدائية ومتوسطة وعدادية وجنت متفوقة حيل انا من صغيرة احب الهندسة فدخلت الاختصاص الاحبة وهنا وصار 3 سنوات من رجعت

ابراهيم. بعد عن عائلتج وهيج شي

نور. اسال التريده وانا اجاوبك

ابراهيم. منو جاد ومنو مليسا ومنو جولي

نور. جاد ابن خالي وميليسا زوجته وجولي بنت خالي وعدهم طفل اسمه جوليان مرات نصيحله سام ومرات جيجي. ويصير جاد وجولي اخواني بالرضاعة لان من جنت صغيرة ماما تمرضت هناك وماعدنا اقارب هناك غير بيت خالة فاخذتني مرت خالي وي اطفالها الا ان تحسن وضع ماما

ابراهيم. حلو عندج اخوان بالرضاعة من الجهتين

نور. اي احلى شي حتى مااتقيد وياهم

ابراهيم زين ومهتدى وموتمن وامهم اصيحيلها عمة انا شفت الولد حالهم حال اخوانج وانتي ماعندج عمة هذول منين

نور. موتمن ومهتدى يصيرون ولد صديق بابا وعمامي بس هو الوحيد عايش هنا بسبب شغله. والشباب من كد ما ابوهم قريب ع العائلة همة هم جانو دائما وي اخواني هنا واحنه جنه بلندن ومن توفه ابوهم ضلو هنا ماقبلو ينتقلون يم بيت جدهم ومن طلعو طب بابا جابهم الندن يدرسون وجانو يضلون عدنا بالبيت لان بيتنه جبير كلش وقوت علاقتنه بيهم وجانو يعاملوني مثل معاملة مقتدى الي وانا معتبرتهم اخواني بس مااكعد وياهم ولا نحجي الا اذا كان احد من العائلة موجود وانا وموتمن مخلصيها عرايك لان هو طبيعته يحب يشاقي ويصنف ومرات اضوج من سوالفه فنتعارك عكس مهتدى هادئ ومن رجعنه صارو يجون هواي وامهم تحبني تكلي عندج قبول تنحبين بسرعة وحاسبتني مثل بنتها وانا بطبعي احب الاشخاص الكبار واحترمهم

ابراهيم. اممم حلو علاقة صداقة الطفولة

نور. اي

ابراهيم. نور امس شفت ابن عمج مهيمن مو ع بعضه وضايج وانا الاعرفه هو فرفوش ويحب الضحك

نور. اي صار اسبوع مريض لان هو مناعته قليلة فبسرعة يتمرض وامس جان متحاجي وي صديقة ومنا مريض فمو ع بعضه حتى اليوم وضعه مو تمام هم

ابراهيم. سلامته ان شاءالله

نور. الله يسلمك

ابراهيم. نروح نتعشة

نور. براحتك رحنه مطعم هدوء وراقي

ابراهيم. شنو تاكلين تحبين

نور. عادي اكل بس قليل دهون

ابراهيم. اطلب كباب وتشكيلة مشاوي

نور. م ما احب الكباب

ابراهيم. شوفي شنو يعجبج حتى اطلبلج

نور. عادي اكل بيتزا

ابراهيم. طلبت بيتزا دجاج وهمبركر وصاج دجاج  ولفات شاورما2وحدة لحم وحدة دجاج نور بيبسي لو عصير

نور. لا عصير رمان

ابراهيم. عصير رمان وبيبسي اخذو الطلب وراح. نور شعجب ماتحبين الكباب

نور. اي شي بيه لحم ماحبة كباب همبركر بيتزا صاج  بس الشاورما احبها باللحم رغم انا عادي اكل الحم

ابراهيم. يعني قصدج لان من برا

نور. لا حتى بالبيت حاولو وياي ماما سوتلي وعماتي والمساعدة ما اكلت

ابراهيم حلو شنو بعد تحبين

نور. ضلينه نحجي ع اشياء نحبها واشياء نكرها وهيج سوالف خلصنه اكل

ابراهيم. اطلبلج شي حلو تاكليه

نور. لا موزين علي السكريات والجاي والكهوة

ابراهيم. هم صح وين اكو حلو ياكل حلو

نور. خجلت ودنكت. احم اتاخرنه عادي نرجع

ابراهيم. تمام امشي

صعدنه بالسيارة بالطريق

ابراهيم. نور تعرفين تسوقين

نور. ايي وعندي شهادة هم

ابراهيم. جا شعجب ماعندج سيارة

نور. لان احب اقضي وقت وي اخواني واحب اطلع وياهة فحتى من اطلع وياهم

ابراهيم. الله يحفظكم. انا ملاحظ علاقتج وياهم كلش قوية.

نور. اي

ابراهيم. شنو الاشياء التفرحج مثلا هدايا

نور. كلشي بسيط يفرحني حتى لو كلمه وما اهتم للهدايا الغالية احب الاشياء البسيطة عسى ما نفاخة تفرحني

ابراهيم. هذا عقدج ذهب

نور. اي مهند جابه قبل اربعة ايام مال سلامتي رغم رفضت وطلعت من المحل رجع وجابه

ابراهيم. الله يخليه الج

نور. صح اريد اخذ اذنك بشغلة

ابراهيم. اي كولي

نور. باجر اريد اطلع انا وسيلين نشتري كم شغلة للدوام وعازمة صديقاتي ع العشة

ابراهيم. اي عادي روحو تردين اجي انا اخذج نشتري سوة

نور. لا انا وسيلين حتى براحتنه نشتري واحتمال وحدة ويانة اما ماما او عمة ونروح بسيارة سيلين

ابراهيم. براحتكم وصلنه للباب

نور. انا انزل انزل ادخل

ابراهيم. لا هم يلا ارجع غير مرة ان شاءالله

نور. تمام تصبح ع خير مع السلامة

ابراهيم. وانتي بخير لحظا نور

نور. اتفضل

ابراهيم. هاي فلوس خليهن الج مصرف وخاف تشترين شي

نور. لا تسلم ماتقصر عندي مامحتاجة واهلي هم مايقصرون

ابراهيم. لا تخليني ازعل من البداية انتي هسة مسوولة مني

نور. تمام اخذتهم. شكرا

ابراهيم. تدلل نونو

نور. سديت السيارة ودخلت بيدي باقة الورد.  سلام عليكم

الكل وعليكم السلام

الجد. شلونج بابا

نور. الحمدلله استاذن اصعد ابدل

الكل براحتج

صعدت بدلت وخليت الورد بمزهرية وخليتلهم ماي اندك الباب

نور. ادخل

مقتدى. شلونها ام النون

نور. الحمدلله

مقتدى. ها شلونها الطلعة

نور. عادية

مقتدى. شبيج

نور. مادري ماارتاح جاي احس اكو شي غلط

مقتدى. تتوهمين

نور. مادري كمت شربت علاجي

مقتدى. حاجيتي البنات

نور. هسة احاجيهن حتى استاذنت من ابراهيم وكال عادي وو

مقتدى. وشنو

نور. انطاني فلوس يكلي انتي مسولة مني بعد شنو تحتاجين كوليلي

مقتدى. اي هنا هيج العادة

نور. بس انا مامحتاجتهم فراح اخليهم بالخزنه كلشي ينطينياه ما استعمله

مقتدى. هذا الشي براحتج. اندك الباب

نور. ادخل

سيلين. العفو حسبالي وحدج بعدين اجي

مقتدى. لا تعاي اصلا انا جنت طالع تصبحن ع خير

نور. وانت بخير حبيبي

سيلين. اسفة قطعت كلامكم

نور. لا اصلا جان ديطلع

سيلين. اي شلونج شلون الطلعة

نور. عادية بعدني مامتاقلمة ع الوضع

سيلين. ان شاءالله خير

نور. باجر نطلع العصر نشتري احتياجات الدوام وراها نمر للمجمع ناخذ البنات ويجن باقي البنات عازمتكم ع عشة وهم تتعرفين عليهن عن قرب

سيلين تمام

دزيت للبنات باجر نلتقي ورا دوام

نمنه ثاني يوم العصر بدلت لبست

لبست هذا وخليت مكياج خفيف واخذت فلوس مني وجنطتي وخليت عطر اتصل ابراهيم

ابراهيم. هلاو نور شلونج

نور. اهلا بيك الحمدلله وانت

ابراهيم زين ها طلعتو لو بعد

نور. هسة راح نطلع

ابراهيم منو يروح وياكم ومنو ياخذكم

نور. ماما وانا راح اسوق بسيارة سيلين الجي

ابراهيم تمام دربالج ع نفسج

نور. تمام سديته  ورحت السيلين.

سيلين. لبست

وشال ابيض اثنينه لبسنه وخليت بس مرطب شفة واخذت جنطتي ونزلت

الجد. ما شاءالله شنو هلجمال اميراتي

سيلين ونور. حبيبي جدو طالعين عليك

ام مقتدى. يلا ماما امشن حتى نرجع من وكت

نور. تمام وطلعت صعدنه مشينه شوية

ام مقتدى. شبيج ماما

نور. ماكو شي بس مامتعوده ع حياتي الجديدة واكو شخص يدخل بيها غيركم

ام مقتدى. ليش مضوجج بشي ابراهيم

نور. لا بس انا بلغته امس رجع اليوم يتصل ولا تمشين سريع ومنو يجي وياكم ما متعوده

ام مقتدى. تتعودين بمرور الوقت

وصلنه نزلنه اشترينه فساتين وتنانير وقمصان وبنطرون كيلوت وستر ويلكات دخلنه محل جنط واحذية انا ما اشتريت لان جبت وياي من السفر اخذت كعب سيلين وطلعنه فتنه محل اكسسوارات وبروشات

ام مقتدى. نور لا تشترين عندج هواي

نور. تدرين بيه ما البس ذهب من اطلع للدوام اخذت كم قطعة اكسسوارات واخذت موديلات حلقات هم وطلعنه فتنن القسم القرطاسية اشترينه لوازم نحتاجها وادوات رسم هندسي لان نحتاجه واوراق وبوردات ودفاتر اقلام وانا كلش احب قسم الاقلام منو يعجبني اخذه كملنه وطلعنه

ام مقتدى. امشي نكعد نشرب عصير شوفي شصار بيج تعبتي

نور. اي اخذنه عصاير شربنه وطلعنه وي طلعتنه دخلو ابراهيم جايب هاجر اخته

ابراهيم. السلام عليكم شلونكم

نور وامها وسيلين. وعليكم السلام الحمدلله

ابراهيم. شلون صدفه حلو شنو خلصتو

ام نور. اي عمة خلصنه وهسة طالعين

ابراهيم نحتاجون مساعدة

ام نور لا تسلم يمة

ابراهيم. طلعتي لو بعدج وي البنات

نور. لا بعدني هسة اوصل ماما والغراض للبيت واروحلهن

ابراهيم تمام دربالج ع نفسج

نور وانت هم. طلعنن صعدت الغراض ورحنه للبيت وصلت ماما ونزلت الغراض صعدتهن للغرفة وطلعنه اتوجهنة للمجمع دخلنه وتفاجئنه

،،،.،،،،،،،،.،،،،،،،.

انتظرونا