رواية احفاد ال رحيم الفصل التاسع وأربعون 49 - بقلم سـيـريـوس | Sirius ✨

البارحه اصعب ليله
مرت عَلى عيوني من الليالي
البارحه من الوجع كلبي
جان عوزه شويه ويبطل يدك
وهاي تاليته الغشيم
وهوه هذا الغمض عيونه
ومشه بدرب العشك
العمر بي ليلتين !
"ليلتين يمرن بكل
واحد يحب من صدك"
اليله الأولى البيها أول يوم حاب
وماينام من الفرح يخلص حجي.
والثانيه الينعاف بيها
وماينام من البجي.!

،،،،،،،،،

مهند. اميرتنه الحلوة الف مبروك

نور. الله يبارك بيك ابو الجود 🫂

مومل. الف مبروك توامي ان شاءالله السعادة

نور شكرا حياتي يوم اللك

سيلين. الف مبروك يروحي 🫂  هاي هدية من مهيمن رخت ملامحي ابتسمت

وهذا مني

مقتدى. الف مبروك بنيتي واميرتي وحياتي 🫂😢 الله يسعدج ويكتبلج الخير

وخرت ولزمت ايدها جاد يسلم عليج ويباركلج ويكلج الف مبروك ووعد جاي قريبا ودزلج هاذ

وهذا الوياه شباحية يعني كف وحجل

وهذا من مليسا

وهذا من جولي

اما هديتي فمرة وعدتج اغركج ذهب فتحت جنطة وطلعت بما انو انتي فراشة حياتنه وفراشتنه بالبيت وانتي تحبيها

وبما انو انتي تحبين السنبلة

وهاي هدية اخوج بخطبتج

نور. شكرا
طلعو كلهم واسمع تبسبس والناس فاتحة حلكها

ع مقتدى اخذت ماما الذهب كله وصعدته بغرفة مقتدى وقفلتها لان محد يصعدلها رجعو يركصون الا ان صارت تطلع المعازيم و طلعنه للتصوير صورنه هواي لقطات ورجعنه صعدت الغرفتي سبحت بدلت لبست بجامه مريحة ورطبت جسمي ووجهي وشفتي وردت انام اندك الباب

نور. اتفضل

مقتدى. عادي ادخل

نور. تعال

مقتدى. ليش مانزلتي تاكلين وانتي اصلا بلا غدة ع قطعة كيكة من الصبح الهسة

نور. الصراحة تعبانه ولبست بجامه مابيه اغير وانزل والاكثر من هذا استحي

مقتدى. اممم شرايج نطلب ويجي ناكل انا وياج

نور. براحتك

مقتدى. طلبت لزانيا وطلبت صاج دجاج

نور. مقتدى شكرا كلش هواي كلفت نفسك

مقتدى. لاتكولين هيج هذا اصلا قليل بحقج انتي تستاهلين اكثر

نور. تسلم خيو اكول وين تكك وتكي

مقتدى. اذا تقصدين مومل ومهند يم مهيمن

نور. شبيه

مقتدى. عنده صديقه كلش مقرب كلش فاليوم عازم مهيمن فمهيمن اعتذر كله عدنا خطوبة فذاك الجلب رايح يم جماعتهم ويكلهم ليش تمشون وي مهيمن هذا مو رجال عايش ع صدقة اخوه وابن عمه وابو بنات وهواي سوالف طلع ذاك صديقة طمعان وهذا مهيمن كلبه صافي مخليها ع مالت الله وهسة ضايج وكابة عنده فكاعدين يهدونه

نور. الله يريح باله وينسيه

اجه الطلب نزل مقتدى استلمه وصعد ناكل اكلنه واخذت علاجي وتمددت وطلع مقتدى يمهم

نور. دمعت عيوني ربي سامحني بس انا ابد ما مفكرة بيه والجاي يصير غصب عني وعن ارادتي ربي لا تشوفني بيه يوم واثناء ما افكر اجالي اتصال رقم غريب عرفته ابراهيم بس مارديت اتصل مرة ثانية هم مارديت اجتلي رسالة مكتوب

ابراهيم. السلام عليكم نور انا ابراهيم عادي تفتحين خط احاجيج شوية

نور. وانا اقرا دك فتحت خط

ابراهيم. السلام عليكم

نور. بصوت مبحوح وعليكم السلام

ابراهيم. ليش مارديتي ع اتصالي بالاول

نور. لان بس رقم وانا بالعادة مافتحهم الا واحد من اخواني يكون موجود

ابراهيم. اي احسن شلونج شبيه صوتج

نور. الحمدلله بس لان تعب اليوم

ابراهيم. سلامتج من التعب عادي اسال سوال

نور. اي تفضل

ابراهيم. شكلج جان مامرتاحة اكو شي اليوم حتى تعاملج ويانة

نور. لا ابد ماصاير شي بس انا من النوع مااتاقلم وي الاشخاص الما اعرفهم الا بعد فترة طويلة لذلك انا خليت فترة الخطوبة اكثر من سنة هم مخلصة دراستي وهم متعرفين ع بعض اكثر

ابراهيم. حلو هيج احسن من الثقة السريعة زين نور عادي اجي باجر نطلع المكان نسولف ونتعرف ع بعض

نور. مادري اسال جدو وبابا بالاول اخذ منهم اذن لان انا ماطلع الا بعلمهم

ابراهيم تمام الصبح اتصل عليهم واخليهم يبلغوج

نور. تمام. سديته منه ونمت

مقتدى. مهيمن بس هدي شتريد نسوي بس لا تضوج انت اصلا بعدك مريض لا ترجع تصخن من جديد

مهند. تريد تشتكي عليه العبلك بيه جولة واطيح حظه تريد ندكه الك دكة معدلة

مهيمن. لا خلوه يولي

مومل. عوفوه يولي اصلا منو راح ياخذ بكلامه هلخايس

مهند. جا ليش مقهور وضايج

مهيمن ضايج ع سنيني الخلصتها وياه وضايج ع كل ضرف عشته وياه حزن لو فرح

مقتدى. لا تحاول تتمسك بشي مو الك اخذها نصيحة والكاتبه ربك يصير لو بعد 20 سنة

مهيمن. ان شاءالله تصبحون ع خير

الكل وانت بخير

مومل. راح تنام بغرفتك

مهيمن اي

مومل. تعال اليوم يمي

مهيمن لا اريد بغرفتي وصعد ت

المايعرف جدو انطه المخزن الجبير المهيمن ومهيمن صبغة وعدله واثثه وكعد بيه ومومل ضل وحدة ع مانسوي الطابق الثالث

مقتدى. يلا شباب انا صاعد باجر عندي دوام بالمستشفى تصبحون ع خير

الشباب وانت بخير

مومل. جا احنه هم امشينه نام

الكل نام ثاني يوم الظهر كاعدين نتغدة خلصنه

الجد. بابا مهيمن شبيك زعلان

مهيمن. لا جدو مابيه شي

الجد. ماعرفكم قابل انا

مهيمن. تحاجيت وي صديقي وضايج

الجد. الله يهديكم. نور جدو

نور. هلا جدو

الجد. اتصل علي ابراهيم يريد اطلعون انتي وياه عازمج ع عشة شنو رايج

ابو مقتدى. انا هم اتصل بيه واستاذن مني

مقتدى. انا هم

نور. بكيفكم

الجد. مو بكيفنه هذا صار زوجج شرعا منا وهيج انضاف شخص القائمة المسوولين عنج يعني مثل ما قبل من تردين اطلعين تستاذنين من عدنا هسة لازم هم تستاذنين منه وتاخذين رايه بالتسويه

نور. تمام جدو.

الجد. جا حظري روحج العصر يجيج

نور. تمام

مقتدى. كومي اخذي علاجج احنه نترخص

الكل. براحتكم

مهند. اشوف مهيمن من حجو بخطيب نور ضاج ومومل يباوعله باسف . احم مهيمن تعال اريدك بشغلة

مهيمن. تمام

الجد وين بابا

مهند. جدو شغلة اخلصها وارجع قبل لا انام لان اليوم كلش تعبت بالمركز

الجد براحتكم

مهند. صعدنه بالسيارة بعدنه عن البيت شوية ووكفت السيارة جوة اشجار. اي مهيمن احجي كلشي صاير وياك ولا تضم حرف واخد

مهيمن. شاحجي شبيك

مهند. والله وداعت جود اذا ما حجيت تنساني من حياتك

مهيمن. ما اعرف شنو اكول بس

مهند. تمام انا اساله وانت جاوب

مهيمن. تمام

مهند. انت تحب

مهيمن. 😔 اي

مهند. معناتها انت تحب نور وهاي الخبصة كلها عليها

مهيمن. اي

مهند من شوكت وليش ماحجيت كلت هاااا

مهيمن. من جابتها امها من جانت تلعب وي سيلين ومومل وماتلعب وياي من سافرو وعافتني انا اكثر شخص اتاذيت من جان يروح مومل وانا متاذي وساكت من تتمرض اموت الف موته من يصيرلها شي اتحطم الف وصلة اصير شتريد تسمع شنو تريد تعرف مهند هذا اخوك مجروح من سنين وساكت ليلي ما انامه من تفكيري بيها ولك اغار واموت من اشوفكم يمها وتخاجونها وتكعدون يمها وانا لا وصلت حد اتمنيت لو راضع وياها ولا هذا شلعان الكلب تدري بالحادث الصار ردت باي طريقة انقذها في سبيل مايصيرلها شي وخليت الضربة بجهتي واتمنيت اموت ولا هية يصيرلها شي 😢مهند اخوك متحطم ومجروح واخر انهياراته ياخذون تعب سنينه وسهر لياليه منه تدري انا دخلت الطب علمودها لان مرة سمعتها تحجي وي سيلين وانا بالسادس اتكلها احب الطب وانت تدري جنت انا شلون مستواي دفع مخلصها صار عندي طموح وهدف قوي ودرست وطلعته تدري جنت امشي وي اسقط خلق الله ومن مرة سمعتها تحجي وي سيلين ومومل وتنبهم عفتها كلها وضليت وي مومل بس هاي نور مو بس بنت عمي هاي بنت كلبي وروحي وحبيبتي وهاي نور حياتي خلتني حتى التزم بدون ما توجهلي كلام مباشر

مهند. الله يصبرك يخوي 🫂 مصيبتك مصيبة ليش ماحجيت انت

مهيمن. لان نور تكرهني وماتحبني

مهند. شمدريك

مهيمن. مبين من تصرفاتها وياي

مهند. ياغبي نور بعمرها ماكرهت احد ولك هيام شكد لعبت بيها لعب تكلي ميخالف وسايرها ولا تزعلها علمودي وبين فترة وثانية جيبلها هدية تدري بيوم عيدميلاد هيام اخذتها اجيب هدية هيام توسلت تاخذ شي بمناسبة سلامتها  ماقبلت تعرف ليش بس حتى هيام لا تتحسس ولك كلب مثل كلبها شلون يضوج لو يحقد لو يزعل ولك هية شافت طفل بالشارع سوت شغلات حتى ماتخليه يشتغل

مهيمن. يعني ماتكرهني

مهند. لا مهيمن شبيك ترجف

مهيمن مابيه شي

مهند. ولك انت مصخن رجعت الحالتك الخايسة اصبر انزل للمحل واجي. رحت جبتله ماي وغسل وشرب

مهيمن. مهند اخذني للبيت وبوجهك الغرفتي ماريد احد يدري

مهند. تمام سقت ورجعت صعدته الدرج دخل للغرفة ورحت المقتدى

مقتدى تفضل

مهند. خوية مهيمن هم رجع صخن

مقتدى جاي. غسلت واخذت جنطتي ورحتله
فحصته ضربته ابرة خافض حرارة وخليناله كمادات ونام. شبيه مهند

مهند. ماتعرفه من يضوج يصخن

مقتدى. غير حالة هاي الله يساعده انا اروح الغرفتي دربالك عليه

مهند. تمام طلع ودخل مومل.

مومل. شبيه

مهند ارتفعت حرارته

مومل. خرب بالحظ اثول لو حاجي

مهند انت تعرف شنو بيه

مومل. هااا لا وين اعرف

مهند. لا تضم علي لان انا اعرف حجالي

مومل. شلون

مهند. معليك انت من شوكت تعرف وهو حاجيلك ع نور

مومل. لا انا جنت شاك ومن صارت واتهمتني هيام وي نور بوقتها ضاج وصخن ونظراته ومرة مصخن وجان يهلوس باسمها

مهند. ليش ماحجيت

مومل. مو من حقي هذا شي يخصه ليش ماحجة هو

مهند. هو اثول جان مفتهم نور غلط الغبي

مومل. ان شاءالله ينساها والله يكتب غيرها من نصيبه روح خوية ارتاح انا اظل هنا لان ماعندي شغل اليوم

مهند. تمام دربالك عليه

مومل. بوسط عيوني

،،،،،،،،،

انتظرونا