رواية احفاد ال رحيم الفصل السادس 6 - بقلم سـيـريـوس | Sirius ✨

,
,
,
‏هسه لو ضايع ادورك‏هاي سهلة
‏الصعبة گدامي وشبعدك
‏الصعبة عينك بين يوم ويوم تحلى
‏هو كلما يكبر بكلبي الحِزن ملگاك يغلى
,
,
,
-----------------
مهيمن ـ جنت احجي وي مومل ونام ثواني وسمعت حركة وواحد راح للحمام ورجع ضليت كاعد مجايني نوم لان مخلص النهار كل شوي انام حجيت بصوت خافت اي والله احبج يبنت عمي وعاشكج من وانتي صغيرة واغار عليج من اهلج وحتى من الهوة ودرت على مومل اسف يخوي جنت اسببلك كتلة كلما تروح وترجع من بيت عمي وكلما تلعب وياها وهسة كبرت وصرت اغار اكثر من تحجي وياك ومن مهند يتعامل وياها بس مضطر اضم هلشي لان واضح هية تكرهني من تصرفاتها وياي لذلك محجيت ولا شي حتى متكرهني زيادة اخ يا نار كلبي
محبوبي وي الهوة يصعد وينزل بيه
واخاف انا  ما ازفرة لا يطلع وميرد بيه

نور ـ ومخليت صوت يطلع مني تحجي بيني وبين نفسي  بعيدا عن كلامه وحبة الي بس ليش يعتقد انا اكرها وما احبه وحاقدة عليه بالعكس انا ما اكره احد حتى الياذيني اكول الله موجود هو ياخذ حقي منه وقررت قرار بعد ما اناكرة مو لان عرفت يحبني لا ابد لان انا باعدة موضوع الحب من بالي اكو اشياء احب اسويها واهداف اولى من الزواج والحب وبينما افكر نمت
في الصباح الساعة 9 صباحا كعدو الكل ما عدا نور لان اتاخرت يلا نامت وهم منامت عدل والكل اتريك واليوم جمعة وجمعت العائلة كلها
مقتدىـ نوارتي نوراي صباحو حبيبي يلا كعدي وقت علاجج
نور ـ صباح الحب والسعادة لاحلى اخو بالعالم 🫂
مقتدى ـ شلونج اليوم تحسين احسن حرارتج قليلة
نور ـ اي عمري احسن من امس بس دوخة قليلة عندي
مقتدى ـ يلا حبيبي للحمام غسل وبدلي  وتعالي حسويلج حليب وبسكوت حتى تنزلون جوة بالحديقة شوي تغيرون جو ويجن المساعدات ينظفن الغرفة ويهونها
نور ـ لا فدوة لتخلي المساعدات ينظفن انا هسة انضفها اخاف يشيلن شغلة واتيهن من ايدي
مقتدى ـ لا عمري ميصير تتحركين هواي ادوخين زيادة
نور ـ اوك صيحلي سيلين تنضفها لان تعرف نضامي
مقتدى ـ عيب اصيحلها انا ما اكدر
نور ـ صيحها كلها نور تريدج وانا اكولها
مقتدى ـ اوك بس كومي ووخرت الجدار
نور ـ صباح الخير شباب
مومل ومهيمن ـ صباح الخيرات
نور ـ رحت بدلت بالحمام وغسلت وفرشت اسناني وسويت شعري ورشي عطر كلش خفيف وطلعت
مقتدى ـ لك هلا بفراشتي هلا بوردتي هاي شطالعة تومتين
نورـ احم طالعة على اخوي المعذب قلوب الفتيات بس انت احلى
مقتدى ـ لك هو اكو بجمالج هذا وبستها من راسها وانطيتها الريوك تريكت ودخلت سيلين
سيلين ـ صباحو جميلة الجميلات
نور ـ صباح النور يا اجمل اخت على الارض

نورـ صغرت عيوني واباوع عليهم هاي انتم تحجون هيج حتى اجاملون وتجذبون علي حتى اكل واشرب علاجي شايفيني صغيرة كدامكم وهيج تحجون وياي يلا وخر ما اريدكم ولا اريد اكلكم
مقتدى وسيلين ـ لا والله من حبنه الج والتفتو واحد على الثاني
نورـ كلنا ضحكنه ضلو يباعون علي بزعل عرفوني اشاقيهم مثل كلمرا وضاجو شوي وبوست مقتدى وجريت سيلين اكعدها يمي واحضنها واشاقيها حتى متضوج سيليني حبيبي ولو راح اتعبج بس فدوة ما اكدر اخلي اي احد ينظف الغرفة تعرفين طبعي بلا زحمة عليج ممكن تنظفيها وتهوينها
سيلين ـ متنجبين شنو هلحجي طبعا من عيوني شنو تردين اسوي
نور ـ حظنتتها الله ليحرمني منج عمري
مقتدى ـ يلا حبيبي كومي ننزل جوة خلي تروح منكم هاي ما احب كعدتكم هيج يلا خوية مومل ساعد مهيمن ينزل ونزلنه جوة جدو والاهل كاعدين برا بمكان الكعدة
الجد ـ هلا بولدي وعكازتي هلا ببنيتي وشمعت بيتي تعالي بحظن جدج يا بعد جدج وروحه نور ـ بوست راس جدو صباح الخير جدو حبيبي شلونك خاف اعديك
الجد ـ صباحج عافية يبعد عافيتي انا زين تعالي تعالي ميصيرلي شي وكعدتها يمي وحضنتها
مهيمن ـ شنو هاي جدي شو الكلام الحلو كله النور وشبك وكعدتها يمك جا انا مو هم مريض ووليدك واحبك هيج صارت لو الدلال كله الست نور
الجد ـ كلكم ولدي واحبك بس نور معزتها بكلبي غير لان نحرمت من شوفتها هواي وهم تشبه جدتكم الله يرحمها
نور ـ تعال مهيمن اكعد مكاني انا اروح يم بابا ومقتدى اكعد
مهيمن ـ لا شبيكم اشاقة وياكم حبيت الطف جو شبيكم كلبتوها
الجد ـ متبطل من سوالفك حتى بمرضك
ضحكو الكل وسوالف وضحك
نور ـ جدو حبيبي عن اذنك انت وبابا وماما وعمامي اريد اكوم اتمشة شوي لان الكعدة راح تاذيني صار يومين نايمة
الجد ـ بوية خاف ادوخين لتروحين وحدج
نور لا اخذ سيلين وياي
نور ـ نتمشة انا وسيلين سوسي اسالج سوال عادي
سيلين ـ اي حبيبي سالي
نور ـ شنور رايج بمقتدى سالتها حبيت اشوف ردت فعلها لان احسهم لايكين البعض ونفس الافكار والاطباع اثنينهم. ولايكين البعض.
سيلين ـ شنو قصدج نور مفهمت؟
نور ـ قصدي كشاب
سيلين. شبيه حلو ودكتور ومحترم وخلوق
نور ـ شلون تحسين البنية التناسبة تكون
سيلين ـ مومهم الشكل المهم تتوافق افكارهم ويتفاهمون بينهم ويحبون بعض بكل وقت بعيدا عن الطمع وهلسوالف لان اخوج الف بنية تتمناه بس مو الف اليستاهلهة
نور ـ صح كلامج
سيلين ـ ليش سالتيني
نور ـ لان افكر اقنعه يزوج صديقتي من لندن احسهم متوالمين
سيلين ـ الله يكتبله البيه خير ان شاءالله
نورـ بقلبي امم والله مبين حبج بنت عمي وضلينا ندردش شوي واجو الشباب وضحك وسوالف ورجعنا يمهم على الغدا بابا وعمامي يشوون السمج وماما وعماتي يحظرن يصبن الاكل والمقبلات وكعدنه واللمه الحلوة دعيت ربي ميحرمنا منها ورا الغداء كاعدين وضحك وسوالف وانا كاعدة حسيت بضيق نفس فما اهتميت ورا شوي حسيته قوة وبدة عندي كحة بس مو مستمرة اشرت المقتدى نصعد لان حسيت حيصير شي بدت علامات قلق عليه استاذنه وكمنا
مقتدى ـ شبيج يروحي ليش كمتي واحس وجهج بيه شي
نور ـ حسيت خنكة وضيق بصدري
مقتدى ـ اشيلج لو تمشين
نور ـ لا امشي وانا كلما اصعد الدرج اكثر احس بخنكة اقوة وانا من النوع من يصير ضيق يصير تنفسي سريع ومسموع فعلى اخر باية قوت عندي لزمت مقتدى حيل وحسيت جسمي بعد ما اصيطر علي وتنفسي عالي ومختنكة وبس ادمع عيوني
مقتدى ـ نور نور حبيبتي شبيج شصاير وياج ليش تبجين
نورـ م ما مادري (تنفس عالي) ج جس جسمي ما اص اصيطر عل عليه و وم ومختنكة واشر لان صعب كلامي
مقتدى ـ اش اش سكتي هدي حبيبي مصار شي
نورـ شالني وداني للغرفة وراح جاب جنطته وقاس نبضي وتنفسي وطلع تلفونه واتصل بموتمن صديقة استفسر وسده منه واتصل مرة ثانية
على الاتصال
مومل ـ الو ها خيو ليش متصل مشتاقلي قبل شوي جنت يمك ههههه
مقتدى ـ نصي صوتك واسمعني زين ولتخلي اليمك يحسونن على شي وقسما بالله لو سمعت صوت لو حسيت احد حيعرف شنو حجيت وياك تشوف شي ميعجبك
مومل ـ احم اسمعك
مقتدى تجي مثل الحباب تصعدلي الغرفة نور بسرعة بلا ما احد يحس ومن يسالوك ليش كمت كلهم شلت العلاج ضميته وراح انطيه الهم او اي حجة اهم شي ميسمعون شي ولا يحسون على شي
مومل ـ اوك جاي
كمت كلها دارت علي
الجد ها بوية وين وليش مقتدى اتصلك
مومل ـ لا جدي مو مقتدى هذا هذا دكتور موتمن اكو اوراق مال اسماء مراجعين بالغرفة يريد اصورهم وادزهن اله
الجد هاا وليدي الله وياك ويوفقك ان شاءالله
مهيمن ـ ليش جذبت مقتدى التصل
مومل ـ اي مو ضميت جنطته بدل ما اخليها بغرفته خليتها بغرفتنا جوة الجرباية مالتك الوصخة ومكلت الجدي حتى ما اترزل مرتين
مهيمن ـ لا يالوصخ انا اعلمك جيب وياك علاجي استحي اروح الغرفتها هسة خاف تبدل
مومل ـ اوكي
وطكيته ركض الغرفة نور لان ميت خوف صوت مقتدى ميطمن و دخلت جان اشوف .........

-------------------_--------------
الى هنا ينتهي البارت
اشوفكم بالبارت القادم
باترى شنو شاف مومل وانصدم منه
وشبيها نور.
كل هاي الاحداث راح نشوفها بالبارتات القادمة

الكاتبة NOORAT2002