رواية احفاد ال رحيم الفصل السابع 7 - بقلم سـيـريـوس | Sirius ✨

,
,
,
,
بس المحَترك يفهم حجي الدخان
ويَعرف حرورته ويِـفهم سبب علته
الندى عمره مسافه ومن يَطيح يموت
وانه بـِعمر الندى وفجرك وصـِل وكته
اكدر بالضوه بس ما رهـُم وياك
على كد الشمس ملـِكاك فصلته .
,
,
,
,
----------_-------------_------------

مومل دخلت ركض وجان انصدم نور مخليلها جهاز الربو ومغذي ومقتدى قاعد يمها وهية نايمة
مومل ـ شبيها نور ستوها يمنه كلشي ما بيها
مقتدى ـ بعصبيه وصوت ناصي راح تموتني ولك تكابر حتى على المرض مختنكة. وكاعدة يمنه ولا كانو صاير شي ومن لزمتها كلش اشرتلي وتكلي خفيفة وخلتني اخليها تصعد الدرج ومن وصلنه اخر باية طاحت بين ادي اكلها شبيج تكلي جسمي ما اصيطر علي نحول ومختنكة النفس ميوصل ريتي وتنفسها اسمعه كد ما عالي اتصلت بموتمن يكول عادي من تشتم اروح يصير هيج لان حساسيتها قوية
مومل ـ هدي خوية هو احنه واحد اعند من الثاني وهية اعندنه ميصير ننهار يمها هيج
مقتدى ـ ان شاءالله اتصلت بموتمن وكال منطيك ابرة اذا صارت هيج حالة عدها نضربها وينها
مومل ـ هاي بثلاجتها خليتها لان اعرف اعنادها وسوالفها فستفسرت منه وانطانياها بس كال من تتازم كلش خل تاخذها
مقتدى ضربتها الابرة وزين استقر نفسها صار منتظم ورا ساعة كعدت وانا ومومل يمها
مقتدى ـ ها يروخي شلون صرتي بس بلا عناد
نور ـ سودة علي حبيب اختك خوفتكم علي والله بعد ما اعيدها لا احسن صرت اكو بس كلش خفيفة
مومل ـ تخوفينه عليج ومن تصحين تكولين بعد ما عيدها والهبطة الناكلها على ساعة ننجلط من وراج
مقتدى ـ خليها خليها هاي اخر مرة خلي مرة ثانية تسويها وتضر صحتها حتى ادورني بعد متلكاني وتدري بيه من ازعل اختفي من بلد كامل ومتسمع خبر عني
نور ـ اسفة اخر مرة والله بعد ما اعيدها بس شفتكم تضحكون ومتونسين محبيت اخربها وشبكته
مقتدى يلا عمري مصار شي بس اخر مرة هااا
نور. والله اخر مرة بعد التوبة
بعد اسبوع تقريبا في غرفة نور
الجد. صباح الخير حبايب جدهم
الكل. صباح العافية والسرور جدي
الجد. اي اليوم صحتكم تمام بس نوارتي كحة بعد بيج خفيفة بويه مهيمن ارجع الغرفتك انت واخيك خلو بنت عمكم تاخذ راحتها بعد ما ترجعون من الفحوصات
مهيمن. ان شاءالله جدي هو انا اريد اطلع انتو متخلوني ان شاءالله اليوم نتركلها الغرفة
الجد. عفية بوليدي اي جدي مقتدى اخذهم انت ومهند وسوولهم كافة تحاليل وهاي نويرة دربالكم عليها
مقتدى. صار جدو من عيوني
نور. لبست بنطرون كابوي وقميص اسود انا لبسي مستور صح بلا حجاب بس البس مستور
ومقتدى هم بنطرون كابوي وقميص اسود
اما مهيمن لبس بنطرون كابوي وتشيرت ابيض. ومهند بنطرون وقميص اسود وطلعنه بسيارة مقتدى ومهند وصلنا المجمع الطبي مال مقتدى خلاهم. يسوولنا تحاليل كاملة فيتامينات كلها حديد غدد سكر دهون وبعد مالات حساسية وهواي انواع زرفو ادينه ازرف
راح مقتدى جتبلنه عصير وصعدنا المكتبة وانتظرنا شوي لان دخت اخذو اربع مرات مني دم ورا نص ساعة اخذني سوالي سونار الجسمي واشعة الصدري وصدر مهيمن ودخلنه على دكتور موتمن لان ما عنده مراجعين شاف وضعنه كال زين وطلعو مهيمن ومهند راحو يشوفون التحاليل انا رخت اخذ ايكو وتخطيط القلبي حتى يرتاح مقتدى لان جان خايف علي من يوم اختنكت رجعنه للدكتور
موتمن. اهلا بالمهندسة نور توا ما نور المجمع اعتبريه مجمعج والعيادة عيادتج
مقتدى. طبعا مجمعها عندك غير كلام
موتمن لا عمي نسكت والسكته اولى هههه اي دكتور مومل بما انو انت صار سنه وياي تعال اقرا تقاريرها ةكلي شنو بيها
مومل. ههه دكتور احنه من بعدك ميصير خاف اكلها تخصص ويطلع غلط اله سنه كاملة تحشش علي
موتمن. هاا عرفت مو خاف غلط راح تقلد عليك حتى لو صح لان اعرفك شكد شاطر
الكل ههههه
موتمن. احم اي ست نور فقر دم نقص حديد قيتامينات مصفرة زنك ماكو خمول يالغدد سكرر طبيعي دهون طبيعية ومع الاسف عندج حساسية كلش قوية بالرئتين اقوى من الربو فابتعدي عن الروائح القوية وهذا علاج راح تلتزمين بيه  وهاي حباية من تخنكين كلش كلش تاخذين وحدة ورا نص ساعة متصيرين زينه يشكلولج جهاز ربو وعندج خفقان بس قليل انتبهي الصحتج ارجع موتمن صديق العائلة شبيج نور ال رحيم انتبهي شهل الاهمال دربالج ع نفسج ميصير هيج لو يصير بيج شي مو تخوفين اهلج عليج ليش تحبين تضوجيهم لو تحبين تدللين عليهم
مقتدى. لتحجي وياهم هيج اذا متدلل علينه على منو يدلل لا ان شاءالله تهتم بنفسها لا تعرف اذا مهتمت شنو اسوي
نور. شبيكم محسسيني بيه مدري شنو من مرض هو فيتامينات على حديد وبالنسبة للحساسية مو جديدة من الصغر وياي هدي حبيبي مقتدى
موتمن. اوي عمري كمت اغار راح اروح لامي اكلها ليش مجبتيلي اخت
نور. اختك خياي
موتمن تسلمين مهندستنا
مقتدى يلا حبيبي كومي لا نتاخر ونلكه امي وعماتي مسويات عزا
اخذنه علاجات من الصيدلية علاجات على ابر فيتامينات على مغذيات شفتهم حتى نسدت نفسي اما مهيمن فطلع كلشي زين بس نسب قليلة نازلة الفيتامينات هم انطاه علاج بس خفيف مو مثلي وطلعنا متوجهين للبيت
نور. مقتدى ممكن تودينا يم الشط شوي حباب
مقتدى. من عيوني ليش تتوسلين بس خلي اتصل بمهند اكله
نور. كله رايحين نجيب كم شغلة النور ارجعو انتم واحنه ساعة ونجي
مقتدى. ان شاءالله
وصلنا للشط كعدنا ولفني بحضنه خليت راسي على صدره وبجيت شال راسي متفاجئ
مقتدى. شبيج حبيبتي يوجعج شي بيج شي احجي
نور. اشرتله براسي لا
مقتدى. جا شبيج اذا من كلام الدكتور ترا امراض عادية وتروح بعلاج
نور. لا ميهمني مرض بس انا جاي اتعبكم واقهر بابا وماما وجاي احسكم ضايجين واشلع كلبكم انا اسفة الله ياخذني حتى اريحكم
مقتدى. لا عمري اذا منهتملج نهتم المنو واذا عدتي كلام الله ياخذني ان شاء الله بس تكوليها ياخظني قبل لياخذج تمام
نور. هدي اوك بعد ماكولها
مقتدى. يلا مسحي هلدموع وكومي تحبين اخذج العاب او مكان ترحيلة
نور لا خلينه شوي هنا
مقتدى. اوك عمري براحتج نص ساعة وكمتها جبت بطل عمي غسلت
نور. وين ماخذني هذا مو طريق البيت
مقتدى. اي عمري راح اروح المكان حلو
اخذتها سنتر مال العاب
مقتدى. غمضي عيونج
نور.  غمضت كلي فتحي فتحت واندهشت بدبدوبة  بطولي وردي وازرق يجنن حضنت مقتدى وتشكرته كلي اخذ شي ثاني بعد تردين باربي او شي افتريت شفت لعبة بنية مهندسة وياها اغراض اشتريت اثنين ووحدة مهنتي الاحبها بس خليتهم يغلفوها حتى محد يشوفها واخذت طفل بيبي ولد الجود مهندس وطلعنه اخذني سنتر اشترالي سيت حليب سائل للابر وعلاكتين كرزات وفواكة مجففة واشياء ترفع الدم والفيتامينات وحدة الي وحدة المهيمن. ورجعنه للبيت
الجد. هلا ولدي شو تاخرتو شكلج الدكتور بنيتي
نور. هلا بيك جدو نقص دم وفيتامينات وحديد وانطاني علاج
الجد. ان شاءالله ماعندج غير العافية سمعوني كلكم ادربالكم عليهم واهم شي نور وتسوون عصاير ماكولات ترفعهن وانتي بنيتي اريدج تمشي وتاكلين حتى يصعدن بساع ومال ما اشتهي بطليها
نور.  ان شاءالله جدي
مقتدى. مومل خوية بلا زحمة عليك اكو غراض بالسيارة دخلهن انت وابو حمزة
مومل. صار حبي
دخل مومل ودخل الغراض وياه وجابهم يمي ويم مقتدى
مقتدى. هاك مهيمن هاي لازم تاكلهم حتى يرتفع اسرع عندك
مهيمن. شكرا مقتدى
نور. سيلين هاي الج
سيلين. شكرا حبيبتي ليش كلفتي نفسج الجبتيهم بعدهم مخلصو
نور. لا عمري مو حبشكلات هههه
سيلين. فتحت العلاكة يااا شكرا حبيبي نور
نور. تدللين سيلي
هنودي وهاي الجودي حبيب عمته
مهند. شكرا نوري
نور. من رخصتكم اصعد فوك
الكل. براحتج
صعدت رتبت كلشي بمكانه وبدلت الى تراك بيت عريض وضليت بالغرفة اذن وصليت وكعدت على الجرباية ردت اخذ قيلولة بس صعدت سيلين
تصيحلي للعشة نزلنه وتعشينه وضحك وسوالف ورا العشة وراها كلمن صعد ينام الله اليوم مو يمي احد فلبست لبس نوم وسديت الباب وشربت علاجي ونمت .....

--------------------------