رواية احفاد ال رحيم الفصل السادس وخمسون 56 - بقلم سـيـريـوس | Sirius ✨

أمشيلك شواطي الليل ،
و أنتَ نجوم تبرالي ،
كُل روجة بجُرفها تنام
وأنت تضل گُمر عالي
انا بلياك حالي يخاف من حالي
و انا بلياك حالي يحِن علىٰ حالي..

,,,,,,,,,,,,,

لبست

جان مكياجي وشعري والبدلة نفس بالصورة لبست تكرمون حذائي ولبست اكسسوارات وخليت عطر وقفلت الغرفة ونزلت كلها تصلي ع النبي

العمة. اللهم صل ع محمد وال محمد قل اعوذ برب الفلق الله يحميج من العين

نور. صليتي ع نبيج عمة

اتصلو بيه راح يعقد السيد رحت السيلين

نور. سوسو كومي راح يعقدلكم اخذتها للغرفة الراح يعقدون بيها مسويها ومزينيهاودخلت ماما وعمتي ام مهند وعمة والمصورة خلينه شال العقد عليها ورجليها بمي ورد والقران مفتوح وايديها عليه طلعت ودخل السيد ومقتدى وبابا وجدو وعمو ومهند شوية واشتعلت الهلاهل طلع السيد دخلت براكتلهم وطلعت محظرتلهم اغنية وهي

يا سامـع الصوت صل على النبــي)

(أول محـمـد وابـن عـمــه عـلـــي)

كلللللللللللوش* * *

يا سامـع الصوت ما ندري اشنكول

أَوّل ما نبدي ابصلاة اعلى الرسول

وحيدر الكرار علـي زوج البتـــول

بحمـاك بحمـاك حيــدر يا علـي

كلللللللللللللوش* * *

يا سامــع الصوت اتفـضّـل للعشـه

عشانـه مجبوس وحلاوه امنكـشه

الليــله سهـره اوّناســه وفرفشـه

ياليــلة الخيـــر علينـــه طـوّلـي

كلللللللللوش* * *

يا سامع الصوت شـارك بـالحفــل

البـاب مفـتـوح او مـاعليـه كـفــل

هنـّوا المعاريـس ابتلبيـس الدِّبَــل

هنـّاهــم اللـه و محـمـد و عـلـــي

كلللللللللوش* * *

يا سامـع الصـوت ليــله بالعـمــر

ليــلة الأفـراح دايـــم تـنـذكــــر

زفّـوا المـعـاريـس على نـور الكـمر

حـافـظـهـم الـله و محمـد وعلـي

كللللللللللوش* * *

يـا امعيـريـس عـيـن الـله تـــراك

والعطــر والــورد مــاشـــي وراك

مبـروك مبـروك يـا زيـن وعـسـاك

محـروس بالـله و محمــد و علـي

كلللللللوش* * *

يـا سامـع الصــوت حيـّاك وتعـال

هـاللّيـله حلـوه ومن أحلى اللّيـال

زرعنـه مشـمـوم ويـاس وبرتـقـال

حصـدنـه ليـلو يا حـلـوه اتـدلّلي

كللللللللللللللوش* * *

أكبلـت تمـشـي وريحتــهـا عِـطِـر

والعيــن نجمـه وبسمتـهـا قـمـر

والعنبـر ايفـوح علينـه مـن عصـر

يا نجمـة اسهيـل تعالـي وحوّلـي

كللللللللوش* * *

زرعنـه ريحـان ابـدرب السـكّــه

حصدنـه ياقـوت العـرس الملـكـه

أصيـر صـايــغ واصـوغ الشـبـكّــه

واصيـر خيّـاط وبـس كولـي بَـلِـي

كلللللللوش* * *

لا أصيـر خيـّـاط أخيّـط لـج بِــدَل

وأصيـر دكتـور يشافـي كـل علل

ترىاحنه ناوين على شهر العسل

يالله يحلــوه يعـيـنـي اتفضّـلـي

كلللللللوش* * * 

ع طول الطريق مشتغلة ومسوين ممر من غرفة العقد للصالة ومخلين سجادة حمرة ومنا ومنا الاهل والمعازيم ونرش ورد وصلها المكانها وراهم الناس باسها براسها وطلع

نور. الف مبروك مرت اخي تعاي بدلي يلا عمري

اخذتها وصعدنا لبست

ومن نزلت نزلت كلها تهلهل كعدتها بمكانها دخل مقتدى شايل باقة ورد

مقتدى الف مبروك حبيبتي الله يقدرني واسعدج

سيلين الله يبارك بينا
كعد واجت ماما

ام نور. يلا ماماتي لبسها الحلقات

لبسها مقتدى
حلقة مقتدى

لبسو الحلقات وراه لبسها

و

و

و

الف مبروك

كملو مراسم الحفلة كلها وصلو للكيكة

كطعوها وكلو بعض وصلو الفقرة الهدايا

ام مقتدى. الف مبروك ماما الله يسعدكم ويهنيكم

مقتدى وسيلين. الله يبارك بيج ماما وباسوها من ايدها

ام مهند. الف مبروك ماما الله يسعدكم ويوفقكم

مقتدى وسيلين. الله يبارك بيج ماما

ام مومل. الف مبروك ماما الله يهنيكم ويتمملكم

مقتدى وسيلين. الله يبارك بيج عمة

هيام. الف مبروك الله يهنيكم

مقتدى وسيلين. الله يبارك بيج

مرت الخال الف مبروك عمري الله يحفظكم

مقتدى وسيلين. الله يبارك بيج خالة
مليسا  الف مبروك ان شاءالله بداية خير

مقتدى وسيلين. الله يبارك بيج

ام ابراهيم. الف مبروك خالة الله يحميكم

الله يبارك بيج

جولي. الف مبروك خوية الف مبروك سوسو

الله يبارك بيج

رسل الف مبروك خوية الف مبروك حبيبتي

مقتدى وسيلين الله يبارك بيج خوية

ام رسل الف مبروك يمة الله يحفظكم

مقتدى الله يبارك بيج ليش مكلفة ع نفسج يمة

نور. الف مبروك خياي ربي يكتبلكم بس السعادة والفرح ويتمملكم بخير 🫂

هاي هدية جدو

وهذا من مهيمن
وهذا من مومل ومن ابراهيم وموتمن وهديتي
راح اخليهم بالبارت القادم

كملنه الهدايا رقصو سلو بعدها طلع مقتدى وكملنه ركص ووزعنا توزيعات المهر للمعازيم وبلشو يطلعون بقينة بس احنه مقتدى اخذ سيلين للمصور ورحت وياهم انا وابراهيم ومهتدى ورسل صورنه وصورنة جماعية وصورنا كل كبل سوة ورجعنا كلمن صعد الغرفته بدلت ونمت ومشت الايام وبدة الدوام والروتين وسافرو بيت خالو

بعد مرور اشهر

نور. رجعنا من الدوام هلكانين السلام عليكم

ام نور. هلايمة وعليكم السلام شبيج نويرة

نور. يمة من الحر تعبت ولا جنه نهاية شهر 4 ليكول بشهر ال7 حر موت

ام نور. هاي البصرة بعد روحي صعدي سبحي هسة ترتاحين

نور. تمام صعدنه صعدت سبحت ولبست ملابس بيت ونزلت البيت بارد افيش يالبرودة

ام نور. هههه ماتتحملين بعد يومين شلون تتحملين وانتي شغلج بالحر

نور. الله كريم اجو الكل وكعدنه نتغدة

مقتدى. شبيج نونايتي

نور. ماكو شي تعبنه اليوم بالدوام وحارة

مقتدى. هانت اذا ماعدكم شي بعد لا ترحين

نور. اصلا عدنا عطلة 3 اسابيع للامتحان

مومل. اي احنه هم انتي زين بس هلسنه احنه السنة الجاية اخيرة ووبعدلنا اختصاص

نور. الله كريم كملنه وكلمن صعد الغرفتة ثاني يوم جمعة ويصادف اليوم دورة سنة بيبي جدو مسوي ثواب وعازمها كلها وعازم بيت عيالي وبيت ام ازهار وام سمارا وام حمزة وام رسل ومن الصبح هوسة بس همزين الطبخ طباخ خلصنه شغل صعدنه بدلنه ونزلنه بدت الناس تجي وخطار هواي اذن وصلينا بدو يصبون بالاول للزلم صبو بعدين للنسوان واحنه ننكل الهم خلصو ونقلنه المواعين للبرا جايبين عمال يغسلون وبعدها حلويات وجاي صارت ب3 بدت الناس تروح بقو بس بيت عيالي وعمتي وبيت ام رسل وسمارا وام ازهار وام حمزة

نور. كاعدة بصف ابراهيم وكدامي موتمن وجدو ويحجون بهمس

ابراهيم. ليش تباوعين عليهم

نور. اممم اكو سالفة جاي تصير

ابراهيم سالفتيش يجوز عنده شي

نور. اصبر وشوف اعرف هلسوالف

ابراهيم ههه يمكن سوالفج هذن

نور. ايي جنت من اكعد بصف مقتدة اذا اريد شي مخلصها هيج هسة مقتدى مخلصها وي سوسو

ابراهيم وانتي وياي هههه
نور. هههه

الجد بعد اذن الحاضرين

الكل سكت

الجد. الشي الراح اكوله المفروض نتعنه ونروح بس ان شاءالله احنه اهل وماكو فرق بيناتنة

الكل والنعم منك

الجد. يابة ابو ازهار احنه طالبين القرب منكم ونريد زهرتكم لابنه موتمن وانتم تعرفونه بعد

ابو ازهار. والنعم منك حجي البنية بنيتكم بس لازم نسالها انا من ناحيتي ماعندي مانع وماراح احصل احسن من موتمن لبنيتي لان اعرفه تربيتك

الجد. والنعم منك ومن اصلك

ابو ازهار ها بابا زهورة شتكولين

ازهار بكيفك بابا التشوفه

ابو ازهار. اذن ع بركة الله

موتمن. كمت سلمت عليه مشكور عمي ماقصرت

الكل باركلهم

الجد. جا الاثنين الخطبة والحاظر والغايب حالها حال البنات 50 ب50

الكل. ان شاءالله

العمة. جا حجي حدد عرس مهتدى هم مادامنه كاعدين

الجد. الجمعة زين

العمة اي حجي رحم الله والديك

شتكولين ام رسل

ام رسل. التشوفوه

وبدت التحضيرات للعرس والخطبة سوينه الخطبة بالقاعة حتى نجهز البيت للعرس لان ماكو فترة قريبة كلش بيناتهم التهينه حجز صالون وبدلات حجزنهة سوة للاثنين حتى الايام الورة الخطبة تجهز رسل نفسها وغراضها  وانا التهيت بين عمتي وبين البنات الولد طلعو حجزو بدلات واشترو غرفة جديدة لمهتدى ويجيبون غراض للبيت وحجزوا فرقة للحنه واحنه حجزنا حمام مغربي وصالون والبدلات اجه يوم الاثنين اخذت البنات وامي للصالون بدت بازهار سوت شعرها وومكياج طلعت لعابة النسوان الويانه ضلن فاتحات حلكهن امي خلصتها تقرا ايات قرانية وادعية وكلساعة منطيتنه شي بعدين بدت بيه وبرسل وسيلين وهيام طلعنه نموت انا مثل طبعي ما البس بالصالون من ارجع يلا لان اسوق بس البس شال وجبة فوك ملابسي ونظارات كبار وصلنه ازهار نزلت وياها عدلنة مكياجها من الحر وتسريحتها ورسل اخذناها ويانه لان تجي وي بيت عمة ووصلت البيتنه لبست ملابسي وفوكهم بشت عريض وشال  ودخلت من الباب الداخلي البيت عمتي (بيت ام مهتدى يصير ورانا كلش)  التمينة كلنه بعدها طلعنه البيت ام ازهار عقدلهم السيد دخل موتمن باركناله

العمة هاك ماما لبسها الحلقة

موتمن. صار لبسها الحلقة ولبسته بعدها كامت ساعدناها تبدل وراها طلعنه للقاعة سوينالها دخولية دخلو ولبسها الذهب وقطعو الكيك وقدمنا الهدايا  وراها ركصو وحدهم طلع وبدت حفلتنه ركص وفرح وتونسنه حيل وراها رجعنه للبيت من التعب كبل نمنه وراها كملنه تجهيز للعرس وانا التهيت وي رسل نكمل تجهيزها صار يوم الاربعاء اخذنا جهازها انا وريان وليان وسيلين رتبنا اغراضها ثاني يوم الحنه لبسنه كلنه احمر ولبست بدلتين الاولى حمرة والثانية خضرة وسوينه الحنه بالقاعة احسن والولد بالبيت بالحديقة خلصنه وصلت البنات للبيت ورجعنه البيتنه ثاني يوم العرس اخذنا مقتدى  للصالون ويانه عمتي ام مومل بدت برسل بعدها بينه وحدة ورا الثانية خلصنه  اتصلت بمقتدى كال تحضرن كلوحدة راح تصعد وي رجلها اجو الولد مطقمين انا وي ابراهيم وسيلين وي مقتدى ورسل وي مهتدى وموتمن وي ازهار ومومل اجه اخذ عمة للبيت احنه رحنة للتصوير  صورنة جماعية احنا البنات لبسنه بركع عرايس لان بدلاتنة مستورات وكلمن وي زوجته صور وحده بعدها رجعنا رسل البيتهم واحنه رحنه البيت عمة شوية ورحنه البيت العروس دخلنه بهوسات قبل

،العين الحارة الحمزة يطفيها والعين الباردة كل الهلا بيها

،اخونه خوش اخو يستاهل الهوسة

،يهل القوط ذبو القوط مهداوي لبس قاطة

،خدها طماطة ولا تمول محمرة
،،
،
،
،
وغيرها من الهوسات

طلعو وجان الوقف صعب رسل تبحي وامها وخواتها ركبنا السيارات وتوجهنة للبيت

دخلو المعاريس جانت دخلتهم ولا بالاحلام الحب مبين بكل مكان كعدها والخجل باين عليهم لبسها عقد الماس من عاداتنه احنه بالعائلة الهدايا بالخطوبة والزوج لازم يهدي مرته هدية ثمينه بالعرس  شوية وطلع بقينه احنه نركص وكومنه رسل ركصت شوية وكعدت بعدها صبو العشة خلصنه وبدت المعازيم تطلع صعدنه رسل الغرفتها ورا شوية زفو العريس رحنه بدلنه بغرفة عمة ولملمنه البيت وبعدها طلعنه البيتنه نمنه راسا بدت فترة الامتحانات وجانت اصعب شي هية واليوم اخر يوم وهي مناقشة المشروع التخرج لبسنه انا وسيلين رسمي واخذنا حاجاتنه الخاصة بالمشروع لان مشروعنه اثنينه سوة وطلعنه الحمدلله ناقشناه وجان ناجح الدرجة فاز الاول ع المشاريع دخلنه للبيت جان نشوف

،،،،،،،

انتظرونا