رواية احفاد السيد : الثار ( بأجزائها الإثنين ) الفصل الثامن 8 - بقلم ​رُقَـيَّـةُ الْأَكْـبَـرُ

أحفاد السيد

بقلم الكاتبة ( رقية الاكبر )
لاتنسون التصويت ومتابعه للحساب

.
البارت 20

_ گد ما احبك من رحت
ماكتلك الله يعوض ،

****

الشيخ :: تقبلين الزوواج ..؟؟

غدير :: ........... .........

ـ تقبلين ؟؟

ـ ............

عبد الحسن :: غيمة جااوبي ليشش ساكته ؟؟

الشيخ :: لا تضغط عليه باية غدير الله انت موافقة ؟؟

غدير :: ماا اكدرر ....

عبد الحسن. :: شنوو متكدري ،؟؟

الشيخ :: اخوي اهدء شبيك معصب هيج راح اعتبر هذا جبر وما اعقد اللهم ميصير هيج اخوية انته

انمار :: غدير جااي تسمعيني اني انمار جااوبي على الشيخ وكافي سوالف الثكل ....

غدير :: خلوني اكمل كلامي ....

عبد الحسن :: شنيي كملي. ؟؟

الشيخ :: شنو بابة احجي ؟؟

ـ اني ما اكدر ما اوفق اكيد اقبل. !!

الشيخ :: تقبلين ؟؟

ـ هههههه اكييد اقبل

الشيخ :: ما اكو احد ضاغط عليج او متردين ؟؟

ـ لا شيخنا هذا انمار ابو روحي محد جابرني

ـ نعقد على الخير ؟؟

ـ ايي شيخنا. !!

"" راح الشيخ واخذ ايد السيد عبد الحسن وايد انمار وكمل العقد على خير ....

الشيخ :: الحمد الله الذي على نعمتة تتم الصالحات ..... مبارك الك يا ابني.

انمار :: الله يبارك بيك شيخنا

ـ باع وليدي الي نفس غدير الله هاي لازم تحطها بعيونك تعرف ليش ؟

ـ ليش ؟؟

ـ لان ببساطة محد بهاذا الوقت مقتدية بمولاتها فاطمة الزهراء هلكد وتطلب مرها بس زيارة لمعصومين .... ف مدام صارت الك ك فاطمة الزهراء انت صير الها مثل علي ابن ابي طالب ...

ـ ان شاء الله شيخنا لاتوصي هاي هسه مرتي وروحي وكلشي الي ....

ـ يالله نستودعكم وان شاء الله تعيشو سوة حد الممات

ـ امين ....

علي السجاد :: كل الهلا شيخنا ....

"" طلع الشيخ بعد ما كمل العقد وبارك الهم وصار الكل يحتفل لانمار ويهوسلة ومن ضمنهم البشير وبعدها طلعت غدير وشافها انمار اول مره من بعد مصارت مرتة ....

وبوجود علي السجاد وعلي الباقر وعبد الحسن تقدم انمار ولزم ايد غدير وحضنهاااا

ضل صافن عليهم علي الباقر وراد يروح يبسط انمار ....
ولزمه علي السجاد والمعتز بالله كذالك ما قبل واغتاض حيل ف لزمهم البشير وعلي السجاد وطلعوهم لطارمة .....

علي الباقر :: هذا شلون يريدني انعل خيرة اليوووم !!!!

علي السجاد :: هيي باقر شجاك كظ روحك. !!

ـ متشوفة شلون صار يباوع النا وراح حضن اختي

ـ شبيك ترى غيمة هسة مرته اذا متتحمل تشوفهم اطلع ....

ـ وعلي اروح اكتلة ....

ـ امششي كدااامي امششي لا تفضحنااا ....

،،
،،

المعتز بالله :: هااي شنووو هاايي

البشير :: المعتز شبيك ؟؟

ـ شننييي هذا كاعد يحضن اختي كدامنا. !!

ـ مرته صاارت شبيك

ـ هي شنييي مرتةة خلي يصبر لزفةةة شهل هيلكي هذاا

ـ معتز اسكتت هذا ابوها واكف يمها وما حجة شي

ـ هووة شنو مدوخنا غيرر عمييي لا اله الا الله

ـ شووف علي السجاد طلع علي الباقر امششي انت هم كدامي راح تسوولنا كوارث ....

"" وبعد ما طلع البشير و المعتز بالله و علي الباقر و علي السجاد صارو علي الباقر والمعتز بالله يمشون و يرجعون و علي السجاد و البشير يباوعون الهم. ....

علي السجاد :: هسة انتم على شنو معصبين .؟

المعتز بالله :: صددك عوود عدكم عاادي ما محترك كلبكم ماا دمكم فاير ؟؟؟

البشير :: انتم شفتو الرجال من حضنها بس ما شفتو الشيخ من عقد الهم وكاللهم العلنكم زوجان وتكدر تدخل عليه. ؟؟؟

علي الباقر :: وكككتت وعليي وكتت ذاكك المهتلف يحضن اختييي كدداميييي ....

علي السجاد :: واني مووو حاضن اختتة وحامل هسة شنوو معصب مثلكم يولييي ززواجج كبروو عقولكم ادري تحبو اختكم وادري تغارو عليها بس مو لهاي الدرجة خلص انمار صاار زوج غدير لو هسة يلبسها عبايتها ويروح محد يحجي وياه ولا يكله هاي عينك وهاذا حاجبك. !!!

البشير :: كلام علي السجاد صحيح اسمعوو وكبرو عقلكم

علي الباقر :: واني ماريد اكبر عقلي واذا الزم ذاك الا اكسر ظهرة الله وكيلكم

علي السجاد :: نضل هسة احناا هيجي ؟؟؟

المعتز بالله :: اني رايح اذا ابقى هنااا لو اكتلة لو يكتلني ...

علي الباقر :: واني رايح وياك خوية. وانت علي السجاد عووود من يطلع ويروح اتصل عليه ارجع ....

علي السجاد :: الله وياكم مخااابيل ....

البشير :: ههههههه بس تعرف ترى حقهم

ـ اي والله حت اني ضجت بس مرتة هاي هيه

ـ ههههههه اتخيل اذا تزوجت وهج الطف !!

ـ عوفك بله انت هياك تكدر تلزم روحك كوول اذا تزوجت رحمة الزهراء لو طيبة الزهراء اخوات المعتز بالله شلوون بي. ؟؟؟

ـ هههههههههه وعلي بس تجي وحده منهن وتكلة انت راح تصير خال يتكلها هي وزوجها

ـ والحمزه يسويهاا هذا المخبل ميقبلها على نفسة ههههه

ـ جا متشوفة لهسة رحمة راح تكمل الـ 27 سنه ولهسة ممزوجها وميقبل يزوجها

ـ بس تاليته يطخ اكيد ميخلي اخته بدون زواج بعد ثلاث اسنين اصير ثلاثينيه شسالفة

ـ اني سمعت خاطبها واحد

ـ منو. مسمعت اني ؟؟

ـ ايي لان قبل يومين اجة وخطب ولان المعتز بعدة يريد يسال ويتاكد من يثبت يالله يوصل النا خبر

ـ ومنو هذا ؟؟

ـ صديق حامد اسمه زُبير نقيب هوة

ـ اهاا الله يقدم الي بي الخير

ـ اي والله

ـ صدك شلونهم شبر وشبير ؟؟

ـ والله بخير بعد روحي روحهم عوضوني كلش هوواي

ـ ههه والله يا قزح عيني صدك للحظة حسيت ان هاي عوض من الله هيجي ولا شنو تموت روحك بعد موت تحرير ترجعلك مرتك من بعد 17 سنه وتطيك اولادك الي هم بعمر اخيك ...

ـ صحيح بس يبقى مكان تحرير فارغ والله

ـ الله يرحمهم برحمتة اعذرني يخووية قبل 10 ايام الاربعيين وهسة جاي نعرس اختي

ـ شسالفة عضيدي غديرة اختي مثل ماهي اختكم وفرحتها تهمني وبعدين ماندري باجر شيصير ف خلينه نخلص من هسة احسن ....

ـ يااخي شنوو انتم هيجي رززق من الله

ـ اروحلك فددوة اني يلا فوت لاخيتك لا تشوف محد من اخوانها

ـ تمام يا قزح عيني

ـ يلا اني رايح

علي السجاد :: هاا رايح ؟؟

البشير :: اي والله. رايح اشوف الولد ...

ـ اها تماام سلملي عليهم وبوسهم الي هوواي ..

ـ صار عضيدي ...

ـ يلة ثيماالله

ـ الله وياك. ...

"" طلعت من الحفلة مال العقد وتوجهت لبيت جميلة دكيت الباب طلعتلي بعد ما دخلت وكعدت بصالة رادت تصعدت تصيحهم الي بس لان كالتلي هم نايمين انا رفضت تكعدهم

جميلـة :: كل الهلا بيك تفضل ...

البشيـر :: زاد فضلج جاي علمود الولد

ـ والله بالغرفة فووك نايمين اصعد اكعدهم الك

ـ لااا اتركيهم اذا نايمين لا تكعديهم

ـ والله اني معودتهم ما يسهروون يعني هااي خلصنا عشة ب 9 ضليت العب وياهم ساعه وهاي ب11 صعدتهم ينامون....

ـ زين تسووين

ـ ايي

ـ دام الولد نايمين خلينـي احجي وياج بموضوع اليوم لازم نلكي له حل

ـ خير ان شاءالله صاير شي

ـ الموضوع يخص شبر وشبير

ـ شبيهم ؟؟؟؟

ـ اني كتلج ما دام الولد شايلي اسمنا لازم يبقون ويانه وهااي حتـى لمن اني درت يبقون وياج ما كددرت لان عمي عبد الحسـن اذا ما اني اخذتهم منج هم راح ياخذوهم.

ـ شنوو ؟؟؟ علـى اااييي اساااس عمك ياخذ اولادددي ؟؟؟

ـ صصووتج لا يعلـى عليه جميلـة

ـ انت خليت بيه صصوت ادري شنوو ماعندك كلمه انت جااي تكلي اذا اني ما اخذهم هو ياخذهم

ـ عمـي هوة جبيرنا وهوة يتحكم بينا

ـ بشيـر انت واعدتني اولادددي ما يبتعدون عني

ـ واني كد وعدي الج شبـر وشبيـر يبقون وياج بشي واحد بس

ـ شنوو ؟

ـ نرجع نتزوج

ـ !!!!!!!!!

ـ اني ماريد هلشي بس عمي خيرني يا اما اخذهم منج يا تجين وياهم يعني بالحالتين شبر وشبير لازم يكبرون باقي عمرهم ابيت جدهم صفاء الحسن. ... .

ـ بشير متكدر هيج تخيرني حررام عليك والله

ـ مو بيدي

ـ بشير بيدك بيدك تسووي كلشي كاافي من عمرنا وعمك يدخل موو كافي علاقتنا خربت ورراه وخلاك تطلكني !!!!
وهسة يريد اولادي لااا مو بمزاجةة ابد والله

ـ جملـة لا تعاندين وياي

ـ بشير مااريد منك شي بس خليك كد كلمتك لوو لمرة وحدة والله حمووت من وراك يا ابن الناس

ـ ماكو حيله غير الخيارين الكلتهم الج

ـ من تحجي حط عينك بعيني

ـ ...... ......... .........

ـ بشيرر تسمعني ابوية انته حط اعيونك بعيوني. ...

ـ جمـلـة العندي حجيته الج منا لباجر فكرري ورجعيلي خبر

ـ ينطيك كلبك ترجعني بعد السويته بيه ؟؟
تريد تعيشني نفس الشعوور
ولك اني لهسة ادااوي اجروحك تريدني ارجعلج لتزيدهن وتحطلهن ملح !!!؟؟

ـ رايح اني

ـ وين تريد جاي احجي وياك ليش متحجي وياي ولا تحط عيونك بعيني هاا لييش ؟؟؟

ـ خللص العنددي حجيته الج مااعندي شي ثاني

ـ سالتك سؤال جااوبني علي بشير

ـ شنوو ؟؟

ـ تريدني ارجع !!

ـ ......... ........ ... .

ـ احجي عااااد فتتيت كلبي انت تريدني مووو كولها كول ان عمك جبرك تتركني بذاك اليوم وان انت ما حبيت غيريي كولي ان ماعندك غيري اني زوجتك وام اولادك كوولي !!!

ـ جميلـة لا تبجيين

ـ ماا ابجي هاي هيج نزلن عوفك من دمووعي واحجيلي هسة يلا احجيلي يمااي اعيوني انته كوول شيي انت تريدني ارجع واستغليت سالفة. الاولاد

ـ مو بالي اصلن و لو ما عمي ضغط عليه علمود ارجع الولد جان مفكرت هيج اجي واحجي وياج

ـ اهااا

ـ اي فكري منا لباجر وكليلي رئيج وحدة من الاثنين يا ترجعين على ذمتي وتعيشين وي الولد او اعذيني ماكدر ابقيهم هنا

ـ اكتل روحي اذا اخذتهم

ـ تعاي وياهم ماكو مشكلة وهسة اني طالع مع السلامة

ـ البشير

"" تركتها وطلعت !! وجانت دموعي تخط بخدودي ماعرف شلون كضيت روحي يمها ولهذا مجنت اباوع الها لان ادري بروحي اذا شفت اعيونها اضييع واحجي شي اني ماريدة يطلع مني ...

ولمن وصلت للبيت لكيت المصطفى والمرتضى والفاروق كاعديين بالصالة يلعبون ورق ماحجيت شي بس سلمت وصعدت للغرفة وسنحت وضليت افكر تفصلني عن باجر لحظاات قليله

حتوافق وترجعلي ؟؟ ما اظن بعد الصاار ويانه بعمرها مراح تسامحني بس مو ذنبي اني هم تاذيت بهاذا الفراك حالي حالها

هية متكدر تعووف الولد لان حييل متعلقة بيهم

ف جان احتماال 100% تختار اخذ الاولاد وارجع اتزوجها لتعيشش ويانه....

المهم نمت واني لمحاات طمئنينه بية

وصرت احلم شلون راح ارجع ايامي وياهاا ااخخ الدنيا خلت اخبارج تصير عني بعيدة بس هاي هي الدنيا رجعتج الي

ورجعت وياج. اولادي وراح ترجع كلشي وعيونج النزلن دمع عليه واكدلي بعدج جميلة تربيتي الي اني علمتها على كلشي الي كبرت على ايدي... .

وانا هم نفسة البشير قيصر الي حبيتي وتزوجتي وما فكرتي بعمرج الصغير...

كطعت وعد على روحي من ذيج.الليلة اني رااح اعوضها عن كلشي وراح ابرد كلبها اليي جمر هوواي من عندي

« مَــشــهِـــد »

غدير :: بعد ما عقد النا الشيخ طلعت وشفت انمار وجانت اول مرة يشوفني واني زوجته !!!

منو جان متخيل انمار مصالي اعرفة بس 7 شهرر هسة هوة زوجي ولبسني اللحلقة !!

بعدها اول مطلعت تقدم الي وبوجود ابوي واخواني
ولزم ايدية انمارر وحضني حييل حييل ضمني حسيته كسر اضلوعي والله من قوة حضنته طبك بصدري ضلع على ضلع

للحظة عشت احسساس اوول مررة احس بيي ماادري شبية جسمي كلة كزبر من وراه. !!!

حضنته جانت اليشوفه واليحس بيها يكوول جان منتضرني عمر كامل وتعب وهسة يالله حصل عليه ويريد يطلع التعب.

حضنته جانت تكوول واخييرا صرتي الي
واخيرا خلصصت وهاي هيه صرتي مررتي. !!

هية حضنه صح بس جانت مليانه سوالف.

بعدها بعدته عني واجة ابوي لزم ادياتي وصارر يحجي وي انمار للحظة ردت اببجييي واككلهم بطللت مااريد اتزووج واريد ابقى يمكم

خلص راح يروح دلال علي السجاد وراح يروح حب علي الباقر صح اكثركم راح تكولون شسالفة وانت بس تزوجتي بس الحقيقة هية بزواجي ...
الي باكني حيل من اهلي وين ما جنت 24س يمهم وبحضن علي الباقر وو وين هسة الي راح اكون بس ابيتي ومكابلة انماار !!!!

يعني الله يقبلها من حضن علي الباقر الدافي الحنين لحضن انماارر !!!!
ماايريد غير ان الله ينطيني الصبر ويياه لان مااعرف شنو راح يصير اذا طكن. فيوزاتي علي....

عبد الحسن :: مبارك الكم ان شاءالله وهاي هية وليدي هايي بنتي غدير الله هسة طلعت من ذمتي هاي بعد يومين تلبسها عبايتها وتاخذها ماكدر احجي وياك شي بعد

شوف ابنـي انمار
الله منطاني من الحوريات بس اثنين هن هاي بنيتي فدير الله واريج الله
اباوع لله وصرت اباوع الهن اريد ياخذهن اليستاهل ويستر عليهن

بنيتي مثل ما عايشة هنا لازم تعيش هناك ومثل مشايف هي صغيرة واني اكلك واخذها مني السانها متبري منهاا وانا عمك

بس تبقى انت الجبير والواعي ولازم تتفهم علاقتكم وتتفهم وضع غدير ومرضها ماريدنك تعصب عليها ولا ترفع صوتك حاول من تعصب تطلع حركتك بعيد عنها وترجع الها هادئ

انمار ::شسالفة عمي توصينـي على روحي والله احطها بجفن عيني

ـ ماا اوصي بعدد هاا ؟؟

ـ لا توصي ولا تتعب روحك

ـ وانت غيمة !!؟ هااا هي شبيج ؟؟

"" مكدرت الزم روحي من بعد كلام حطيت راسي على جتفة وصرت ابجي راح اعوفهم خللص الليلة ليلتي الاخيرة

انمار :: تبجي لان راح تعوفكم

عبد الحسن :: بابة غيمة ؟؟؟

ـ ها بوية ؟؟

ـ شبيج باباتي المكسارة رااح تسيل ولج

ـ شلون رااح اتعود هيج بدونكم بعدني ما شبعاانه منكم

ـ هاي الحياة ابوية. انتي اليوم زواجج باجر رحمة وراه اريج انتن هيج مو لهلجن

ـ لييش ما نخلقت ولد ؟؟

انمار :: جا اني منو اتزووج ؟؟

ـ حتى وانا ولد مرريد اخلص منك

عبد الحسن :: ديري بالج على بيتج وزوجج هاا باباتي لا تفشلينا وي الرجال

ـ ان شاءالله بوية

ـ حافضج الله ...

"" تقدمت ووكفت يم علي السجاد الجان دموعة بطرف عينه واول ما حضنته بجاهن !!

غدير ::لازمة روحي بالكووة والحسسن

علي السجاد ::كبرتي وصرتي عرروس

ـ مثل ما انت كبرت وراح تصير ابو

ـ انتبهي لنفسج يا نفسي انتتيي واني كل يوم اتصل عليج هااي اذا ما اجاج علي الباقر

- ان شاءالله يروحي

ـ قزح عيني تعاااااييي اضمج بررروحييي يااروحيي

ـ حييل احبك اخوي انته

ـ شلون راح ارتاح ادورة بالبيت وماكوو ضحكتج ماكو صوتج وسوالفج البيت عجة وعلي

ـ ابطل ما ارووح ؟؟؟

ـ ييارريت بس لاا بالج لنفسج ولزوجج واخذي ادويتج بالاوقات واذا تحتاجي اي شي ايدج وتتصلي علية....

ـ ان شاءالله يارروحي

ـ غير قزح عيرني انتي. ............... . وانت انمار

انمار :: هلا.... .

ـ ابوي وصاك وارجع اني اوصيك دير بالك تزعل هااي العلوية وخلي كدام عيونك ترى مو لوحدها وراها 11كافل فحل اذا بس تزعل عيونها يطلعون روحك من عيونكك

ـ ما يصير خاطرها الا طيب.... ..

عبد الحسن :: بوية علي السجاد كافي لا تاخرهم اكثر من هيج

علي السجاد :: خلصت اني ماعندي شي تععااي اوس راسج

غدير :: بالك لنفسك ولامي ولابوي هاا يروحي

ـ لاتوصي بس انتي نتبهيلي لروحج هااي هية

عبد الحسن :: اطبين تودعين البنات ؟؟

ـ لا بوية ودعتهم

ـ ودعتي امج ؟؟

ـ ايي حبيبي ودعتها

انمار ::يلا نتوكل عجل

عبد الحسن ::حافضكم الله ابوية انتم

"" لبست عبايتي ورحت صعدت وي انمار ورحت لبيتنا اني طلعت من بيت ابوي واتجهت لبيت رجلي بس عيوني وكلبي وروحي مجانو وياي جانو يم علي الباقر الي عيوني جان تدورة وما لكته

مقعولة ينطي كلبة يتركني اروح هيج

ااعرف علي الباقر ما يحب لحظات الوداع وهم ما يحب انمار ولا راضي على زواجي
بس مجبورين كسر خاطي من ماشفته

صح علي السجاد ودعني وقام بالواجب بس جنت اريد اخووي الثاني مو كافي علي الهادي وعلي الرضا ما مموجودين !!!
وهم ماسويت عرس بس هيج عقد وهاي هيه طلعت وياه ورحت لان ماريد احتفل واخواني ما مر عليهم سنه وهم انمار ميريد ياجل يريد يزوجني مدري شنوو وراه وليش هيجي طاايير بالعرس ويريد بس يخليني يمة ... .

اليوم هوة ≤ 10 - 2 - 2020 ≥

يتسجل تاريخ زواجي

وبعد ما وصلنا للبيت دخلت للعلم نحن سكنا ببيت لوحدنا مو وي الشيخ ومرته
نزعت عباتي شمرتها بالصاله علئ الطاولة وصعدت للغرفة واني اوردي مجهزة بيتي ومرتبة ملابسي بي قبل العقد بيومين اخذت كل اغراضي ورتبتهم ب بيتـي الجديد ...

دخلت سبحت واغيرت ملابسي وطلعت ولكيت انمار متمدد على الجربايه طفى تلفونـة وصار يباوعلي وكفت على المراية وسويت ترطيب لبشرتي ... .. ونشفت شعري

ورحت تمددت يمة وهوة التفت الي وحضنـي من ورة ..
وصار جسمي كلة يرجف والله
شعووووور مخييفف لصراحة من بعد ما تحسست ايد انمار واهي تمشي على خصريي
وبعدها حضني وطبك صدرة على ظهري ولزم ايدي وهمس باذاني بكللل حرارة

انمار :: شبيج هلكد ترجفين وترتيني ؟؟؟

غدير :: تعبانه ارييد اناام

ـ كاعدة تبجين ؟؟؟

ـ ماكو شيي

ـ التفتي الي هااي شبيج ؟؟

ـ مابية شيي انمارر

ـ هااي الدموع كلها وتكليلي مابية شي ؟؟!

ـ والله ماكو شي بس حيل ضجت وحزت بخاطرري لمن ما ودعني علي الباقر وطلعت وملكيته

ـ جاا شنوو علي الباقر ضاايع عنج هذيا اتصلي ويجيج ما اخذتج منهم للمريخ اني صددكك تحجين ؟؟؟.

ـ ما متعوودة انمار تفهمني بس هية شغلت تعويدة اني هسة بس اتعود على العيشة هنا كلشي يتغير بس هسة
مستوحشة اريج وعلي الباقر والكل....

ـ واختي هم من ضمن المستوحشتهم ؟؟

ـ ......... ......... .. ...... .

ـ هاا ساكته ؟؟!

ـ ماكو شي اكدر اجاوبك بي

ـ كاافي يروحي هسة خلي اهلج يرحوون وخلي اهلي يولونن وخلينا سووة .. ..

ـ هسة انت مرتاح ؟؟

ـ ليلة دخلتي وي البنيه الحبيتها وردتها شلوون ما مرتاح وراح ارتاح اكثر تعرفين يمتا

ـ يمتا ؟؟!

ـ من تمسحين ادموعج وتحطين روحج وتنامين بوسط حضني ...

ـ حكوم اغسل وجهي

ـ تمام يروحيي انتضرج

"" دخلت للحمامات وغسلت وجهي وقت وصلت لباب غرفتـي اريد اطب سمعت صوت انمار جاي من جووة يحجي بالتلفون ضليت واكفة اسمع ومسمعت شي غير....

انمار :: اي بوية تزوجت
اي هسة اني ومرتي بالبيت
لا لا ممحتاجين شي بس اريد رضاك عليه واعتذر على السويته وياك
لاتفكر بشي وعيونك ما يصير غير الانت تريدة مو اني ابنك وتربيتك
خوش بوية هساعين لازم اسد راح تجي مرتي بنت السيد
الله وياك

"" مجنت فاهمة شيي من كلام انمار وهااي شنوو وياي عليه هوة زين منو هذا الي متصل علي ويكلة اي بوية اني تزوجت زيين هوة مو ابوه الشيخ محمد والشيخ جان حاضر عرسنا

لعد شنوو يتصل يكول اي اتزوجت بوية ؟؟؟

هذا يعني انمار متصل على رجال غير الشيخ محمد
منو هذا الي انمار واصل مرحلة ينادي ابوي ؟؟

اني اشوف اولاد عمي صفاء الحسن الي هم
البشير والفاروق يصيحو لابوي عمي
بس جان تحرير ومؤمل جانو يصيحولة بوية لان هوة. مربيهم وي البشير

ف معقولة الرجال هذاا مربي انماار !!؟

وليش اتفاجأ ترى انمار كل عمرة ساكن بالانبار وتوه اجة. من ماتت امه واني كلشي ماعرف عنه هيج اتزوجت مدري شلوني !!!

والله للحظة حسيت اني ما اعرف خير انمار من شرة

دخلت الغرفة وصار يضحك بوجهي رجعت نمت يمة واول ما التفت اله حضني حيل وصار يشم بنحري ... .

رغم اني بحضنه بس مجنت احس بامان اببدددد عكس ويني اني على مسافة مترين بعد بيني وبين علي الباقر بس الامان المولع الاحس بي ..

« مَـــشـــهِـــد »

علي السجاد :: بعد زواج غدير وروحتها وي زوجها دخلت غرفتي وقت شوي متاخر ولكيت لينا منتضرتنـي
واني جنت حييل ضايج على روحة غيمة راحت اختي مجنت ادري هيجي راح يصير جووي كأبة بدوونه خرب يومها شكد الها مكان بكلبي روحي الها

رحت وكعدت كدام. لينا واهي حست علية حطت ايدها علي رجلي وسالتني ... ..

لينا :: شبلاك ؟؟

علي السجاد :: احس روحي افقتدت حس غيمة

ـ يييي عاادي احساس يومين هذا هسة تتعود

ـ مستحيل اتعوود على اغياب ولا وحدة من خواتي واذا هسة هية مموجودة ف راح اشوفها ب اريج

ـ لهدرجة تحبهن ؟؟

ـ احبهن شي غير اخواتي هذني ؟؟

ـ.اعرف اخواتك هوواي اخووان مو هيج علاقتهم باخواتهم

ـ هاي بقت يم تربيتهم وقابليتهم
اني واخواني وكل ولد عمي طبع بينه هذة نعتبر الاخت حورية الله نزلها من السماء وحطها ببيتنا ولهذا حيل متعلقين باخواتي تشوفيني اني وعلي الباقر مو شلون ماجاان حييل متعلقين بيهن قززح عيني هذني وهم هنا منحر علي الباقر

ـ زيين اسالك علي الباقر

ـ شنوو ؟؟

ـ شنوو شبيك ؟

ـ اني علي السجاد !!

ـ ههه لا تاخذ خربطت لان توك ذكرت اسمه

ـ زين كوليلي ياروحي انتي

ـ اني شنو مكاني بكلبك ؟؟

ـ سؤال حلو هاا

ـ ايي جاوبة اني شنو مكاني ؟؟

ـ باعي حبيبي اني كلبي متقسم حييل اقسام حيلل هوواي

ـ زيين عددهم الي اريد اعرف اقسام قلب حبيبي قسم قسم

ـ ممممم زين اسمعيني اول شي هوة مقصوم بالنص البطين الايمن كللة على بعضة باسم اخواتي غدير الله واريج الله

ـ انزين ؟؟

ـ اما البطين الايسر هذا بي هوواي لغووة

ـ واني اريد ادووخ بيه سولفها الي

ـ مقسوم اقسام القسم الاول لابوي وعمامي وعمتي
القسم الثاني شايل بس العلوية ونسوان عمي
القسم الثالث شايل ‹‹ البشير قيصر ، الفاروق الاعظم ، مؤمل الصدر ، تحرير ، المرتضى الامير ، حامد المتقين ، المصطفى القاسم ، المعتز بالله ، علي الباقر. ، علي الهادي ، علي الرضا ، صيوان ، دغار ››

ـ اهاا زييين وبعد ؟؟

ـ والقسم الاخير شايل اخوواتي ‹‹ رحمـة الزهراء. ، طيبة الزهراء ، وهج الطف ، ام البنين ، عزيزة ، حبيبة ››

ـ هذاا القسم الاخير خللص كلبك ؟؟

ـ ايي كلبي خلص شبقى بي

ـ وانيييي وين موقعي من الاعرااب

ـ لا محل لك في الاعراب

ـ موو صوجك علي السجاد

ـ تتعااي وعلي اشاقة وياج تعااي ارجعي اكعدي

ـ شنووو ؟؟ اذا انت ستخصرت علييه مكاان اصغيروني بكلبك ليش تريدني اكععد ؟؟؟!

ـ اشاقيج شبيج متردي احد يشاقيج

ـ وين مكاني اني. ؟؟

ـ اكو جوة الصمام لحماية زايدة هيجي هلكبره نچونه
ف اني خليتت هااي الج

ـ والله مو ماال واحد يكعد وياك

ـ ههههههههه بداعت امج تتعالي

ـ اني انزل اناام بالغرفة الثانيه احسلي

ـ تعااااي ارجعييي ههههههه

ـ مااريد ابقى انت هناا وي جماعة كلبك اني طالعة منها ...

"" طلعت لينا من الغرفة ورادت تنزل بس لمحت علي الباقر توة. يريد يفوت غرفته راحت وهوة. داير وجه ويريد يفتح الباب حطت لينا ايدها على الرزة من ورة التفت الها وصار يصفن بيه

لينا :: شلونك ؟؟

علي الباقر :: وين علي السجاد ؟؟

ـ هذيا بالغرفة انت هم ضايج لان غدير اتزوجت اييي ياخيي هاي سنه الحياه البنات مو لهلهن على كولت عمي وهسة. هي ببيت رجلها كاافي عبالكم ميت واحد الكم وجهك انت وعلي السجاد ما يكصة الطبر !!!!

ـ وهسة انت شنو ضاررج شاكيلج اني ؟؟

ـ لان اني خايفة عليك !!

ـ انتي شنووو الحجي وياجج مايفيد مرة وحده ادري شنيي اذن من طين ووحده من عجين ؟؟

ـ موو بدية. احبك. واشيل همك وبعدين متخاف عليه هيجي متعبني واني حاامل !!!

ـ روحييي بابة ررووحي منااا كاافي روحييي

"" فتح علي الباقر الباب وفات وجان يريد يسد الباب باوعتله لينا وابتسمت واردفت

علي الباقر :: وددعي يالله

لينا :: اصعب موقف يمكن يمر على روح الانسان انه يدفن كلبة واني من وراك راح ادفن كلبـي ... . لو انت تحبني لو ما احب غيرك

ـ لإ إله الا الله خوويييةة. ودعييي مناا وفضينييي وترى اذا اني ساكت لهسة بس لخاطر عييون اخووي لان يحبج. وهذا الي ابطنج مااريدة ينكسر كلبة كتلج قبل وارجع اكولها الج ليينا حطي عقلج. براسج عندج رجال يموت عليج ويشوف اتراب رجليج ذهب
وهم جاي على الطريق طفل جديد النا كاافي يابنت الناس هذا الشيطان الجاي يقرة براسج مووتي وعيشي

ـ تحجي ببساطة هيج

ـ تدرين شنو الصراحة

ـ شنو ؟؟

ـ صرت كلما اشوفج اتذكر مووت تحرير وشلون شفته نايم ووجهة ازرك من الخنك وشلته بديه وركضت بي

ـ الله يرحمة بس ليش. تذكرة بية ؟؟

ـ ماعرف يعني انت اخر وحده دخلتي الغرفة مالته ولا تكولين لاا وياج محقق جنائي كل بصمات الغرفة صارت يمي

ايي صدك سولفيلي شنو جنت تسوين بغرفة تحرير قبل موته بساعات ؟؟؟

ـ جااي تتهمني اني القاتلة اني وين اعرف تحرير حتى اكتلة ؟؟

ـ اعوذ بالله مرة اخووي مكلت انت قاتلة اني سؤالي جان شنو جنتي تسوين بغرفته بهيجي وقت بتحديد ؟؟

ـ جنت اتصل بعلي السجاد وروح اساله اريد اشرد من صوت النسوان فتت صدفة وحتى مجنت اعرفه. لمن سالني علي السجاد اني وين وليش ماكو صوت لنسوان كلتله ف كالي هاذ النايم هوة ابن عمي واسمه تحرير ولقبه صغير السادة

ـ يعني انت مجنت تعرفي تحرير ؟؟

ـ ويني وين اعرفة !!

ـ يعني ما الج علاقة موو ؟؟

ـ لاااا وبعدين انيي حامل نكول اني نسويته شبيه تخبلت ما اخااف من عقاب الله لا يروح ويعابيني بابني الله ميضرب بعصة

ـ الحمدالله من تعرفين الله ميضرب بعصة

ـ علي الباقر

ـ روحي لينا الله وياج وديري بالج لروحج لا تدخلين شي غرفة وصصدفة هاا صددفة صاحبها وراها يموت بساعات

ـ انت جاي تشك بية موو ؟؟

ـ اني صرت محقق عن قضية تحرير ولازم اشك بااقرب الناس وقبلها تراني استجوبت غيمة واريج و وهج

ـ وهج ؟؟؟

ـ ايي بنت عمي صفاء الحسن

ـ بنته وهج عايشة ؟؟

ـ منو كالج ماتت ؟؟

لينا :: مااعرف غير هيج سمعتت ان عمك عندة بنت وحده وميته ..

ـ لاا غلط بس وهج الطف وموجوده الحمدالله

ـ عجل وينها ما تعرفت عليها ؟؟

ـ ليشش جانت مكابلتج بالفاتحة ؟؟

ـ منوو مشفت احد بس رحمة الزهراء واختها وبنت عمتك ام البنين وعليا الي هية بنت خالت رحمة

ـ شسالفة هااي الصغيرة الشعرها كصير

ـ اي هاي عليا

ـ لاا هاي وهج الطف

ـ يمكن اني سمعت خطأ

ـ اييي المهم هسسة ديري بالج لروحج

ـ ترى الجاي تفكر بي غلط والله اني يادوب عليه بروحي لا تشيل بذمتك

ـ ما شيل بذمتي من احد اليطلع كدامي اشك بي رووح ابن عمييي الراحت موو رخيصة

"" بهاي الاثناء طلع علي السجاد وشاف لينا واكفة يم علي الباقر ....

علي السجاد :: هاا علاي !!!؟

علي الباقر :: هلا سجد ياهلا بعضيدي ونحري

ـ شنو ليانه طلعت اشوفج وين نزلتي الكيج واكفة هناية ! ؟؟

لينا :: ايي جنت احجي وي اخوك بموضوع غدير هوة هم ضايج مثلك ....

ـ اذا علي الباقر ميضوج على غياب غيمة منو الي يضووج جا

علي الباقر :: اني فايت راح انام تصبحون على خير ......

ـ تمام حبيبي وانت الخير كلة ...

"" دخل علي الباقر وسد الباب ولينا اخذت علي السجاد ورجعت دخلت وياه للغرفة ونامت بحضنه وحط ايده على بطنها وصار يمشي عليها وهوة يشم بشعرها ....

واردفت لينا .....

لينا :: راح يجي يوم وتحب غيري بي ؟؟؟

علي السجاد :: اييي اكييد

ـ جااوبت حتى بدوون متفكر ااييي اكييد

ـ لا صدك راح يجي يوم واحب غيرج

ـ ومنو هااي ؟؟!

ـ انت راح تصيري امهااا

ـ شنو؟؟

ـ الي راح احبها غيرج انت راح تصيري امها

ـ ييااا بذذذاتت متكول هيجي من البداية

ـ احب اشوفج تغااري

ـ واني مغرت !!!

ـ لاا مبييين باعي شكلج كاام ميتفسر وتكلي ما غرت

ـ اصلن عادي

ـ هاا صدك !!!

ـ اييي

ـ خووش

ـ اكول سجادي

ـ كولي يا قزح عيوني

ـ شنو تريد الي ببطني ولد لو بنت ؟

ـ اليجي من الله

ـ هوة. اكيد اليجي من الله بس انت شنو تحبة يكون يعني شنو بخاطرك اكثر شي

ـ بخاطري بنت

ـ اوو صدك ؟

ـ والله

ـ ليش

ـ شنو اليش ؟؟

ـ يعني شعجب اغلب المزوجين يردون اول طفل ولد لان هوة راح يشيل اسم العائلة

ـ خيولوون هذوولي

ـ هاا ليش ؟؟

ـ النبي محمد جان واحد من الكفار ينادي الابتر لان مجان عند النبي اطفال ..

ـ زين

ـ الله نزل سورة الكوثر عليه وكال

‹ انا اعطيناك الكوثر ° فصلي لربك وانحر ° ان شانئك هوة الابتر ›

يعني جبرائيل بشر النبي بمولود وكاله الي كالك ان انت ابتر هوة الابتر

والمولود الي الله سبحانه رزق النبي بي جان فاطمة الزهراء
ليش. ما رزقة بولد ؟؟

ليش ما كال النبي ماعدة وهذا الطفل راح يشيل اسمه ؟؟

لازم انطي ولد ! ليش نطاه فاطمة الزهراء وبشرة بيها

ف هناا لازم نعرف منزلة النسساء عن الله
ف البنيه بصغرها راح تفتح باب الجنه لابوها
وبشبابها راح تكمل دين زوجها
ولمن تصير ام راح تكون الجنه تحت اقدامها ...

وبعدج تكليلي ليشش تريد بنيه ؟؟

ـ ياحياتيي انته شنو هذا الوعيي يعني مراح تزعل اذا جبت اول مولود ولد ؟؟

ـ اركص اصلن

ـ ههه زين اذا اجتنا بنت اني راح اسميها واذا ولد انت تسميها

ـ هووة تمام واذا تردين انت سمي الاثنين لان انت الحبلتي بيهم وتعبتي

ـ لاا اذا جانت بنت انا اسميها واذا ولد انت

ـ خووش زين شنو راح تسميها ؟؟

ـ لينا

ـ ههههههه صدك عود ؟

ـ ايي والله حسميها على اسمي

ـ هاا وللاصغيرة اصيحها لينا والج اصيحج محروستي

ـ ايي عفية هههههه زين انت شنو تسمي الولد ؟؟

ـ والله مااعرف

ـ شلون يعني متعرف ما ببالك اسم ؟؟

ـ لا بالي مدام بشير عندة ولدين اسمهم شبر وشبير
ف اذا نرزقت بطفل ولد راح اسمي مشبر

ـ شنو يعني مشبر ؟؟

ـ شبر وشبير ومشبر كلهم هذني الاسماء مكتوبات على عرش الله سبحانه وتعالى

ـ شنو معناهن ليش مكتوبات علي العرش ؟

ـ شبر هوة اسم الامام الحسن
شبير اسم الامام الحسين
مشبر اسم محسن الي طاح بوقت الاعتداء على السيدة الزهراء

ـ ممم وانت حتسمي مشبر تضامنا مع ابن عمك

ـ اولا بشير اخويي ماحب تسميه ابن العم
وثانيا كلش حلو الاسم شبي ؟؟

ـ ممم مابي شي حلو

ـ ايي مدام خليتيني انا الاختاار تتقبلين كلشي زين ما سميتة عبد الباقر

ـ لا خلينا على مشبر احسن

ـ اييي

ـ صدك سجاد اريد اكلك شي بس. لاتعصب فدوة

ـ شنو ؟؟

ـ اخوك علي الباقر

ـ شبي ؟؟

ـ ماعرف شبي وياي حيل جاي يضايقني ولا يكلك اني مرة اخوه

ـ يضايقج بشنو ؟؟

ـ ماادري عنو كل شوي طالعلي بسالفه جديدة مجاي يخليني بحالي

ـ سوولفي عددل لييناا

ـ شبييك عصببت جاي اسولف عدل انا

ـ اييي ششنييي جاا جاي يضايقج مدري شني ؟؟؟

ـ بااع اولاد هوة مااعرف هيجي احسة جاي يتقرب مني وحتى هسة لمن شفتني وياه
هوة صاحني اول مشافني طالعة صاحني واني رحت اشوف شيريد

ـ اييييي ؟؟؟

ـ بس اهدة

ـ كمللييييي

ـ ايي صارر يغلط وياي بالحجي

ـ احجييي ب الام نشرح

ـ علي السجااد

ـ احجييييي

ـ بالبداية صاار يكلي علي السجاد ميستاهلج ومعرف شنو ومن ما نطيته ممجالل كلب الموضوع
وصار يكلي شنو جنتي تسويين بغرفة تحرير بيوم الموت مالته

زين اني مو جنت اتصل عليك وكتلك نايم يمي واحد ماعرفة

اني تحرير حتى مجنت اعرفة شنو بعد اكتلة

ـ علي الباقر هيج كالج !!

ـ اييي وغير سوالفة وياي لمن يشوفني لوحدي

ـ بس انا واثق من اخووي ميسوي هيج لو تخلص نسوان الدنيا كلها

ـ يعني متثق بيه ؟؟ هل اكول يسوي كلشي وميخااف احجي الك لو لا تاليتك طلعت حت من احجي ما تصدك

ـ اذا هوة من زمان يسوي وياج هيج ليش هسة يالله تكليلي ؟؟

ـ جنت خاايفة منك والله
وهااي اني كتلك هسسة شنو صارر لا شي

ـ دقيقة واجي

ـ تعاال وين راييح !!

ـ بنتـر - والحسسين تحرمين علية اذااا دستي عتبت الباب خليج منثبرة هناااا

ـ تمامم تمامم بس لا تسوي مخبل فدووة

←
←
←

يمكن تمر ساعات صعبة على الاهل بليلة توديع وحدة من بناتهم. .
بليلة زفة غدير
اكو هواي ماكدرو ينامون مثل

عبد الحسن : الجان شايل هم لا يطلع ضالم بنته بهاذا الزواج ... .

العلوية :: الجانت شايله همها لا متكدر تكون كد المسؤلية لان تعرف ببنتها صغيرة والزواج مسؤلية كلش جبيرة

علي الباقر : جانت اول ليلة من ولادة غدير لهذا اليوم هاي اول ليلة ينام بدونها وماكدر ينام الا من نترست المخدة ادموعه من بعد ما مر علي غرفتها وما لكاها.

اريج :: جانت متفارك غدير ولا دقيقه فقط بوقت ما هي تروح للمعمل وغدير للمدرسة تفارك اختها ولمن جانت اريج تختنك تروح تنام وي غدير ويرحن ينامن بحضن علي الباقر بس مجانت تكدر تسمع صوت اختها وراحت وراح تصير تجيهم ك ضيفـة ... ..

علي السجاد :: الجانت شيطانه متحكمة بعقلة وتريد تتمكلة حتى يسوي كلشي تريدة بدون ميترردد
بس جان يصعب علي لينا تسوي هيج لان
علي السجاد جان مسيطر على نفسة حييل
بس سوت ثغره وكدرت تلزم علي السجاد منها
وهية حبه الها الجان كل يوم عن يوم يزيد
وبالخصوص من حبلت

« مَـــشـــهِـــد »

اريج :: ليلة وداع غدير مكدرت انام ولا ذرة رحت ووكفت كدام باب علي الباقر ودكيته وجانت الساعه 2 بليل ...
وسمعت جوابة من جوة ادخل فتحت الباب وفز من مكانه من شافني خووف عليه خاف لا بيه شي واجة يمي وكف وبعد ما حجيت وياه حضنـي ... .

اريج :: تريد تنام ؟؟

علي الباقر :: اريجي ليش بوية منايمه ؟؟

ـ مجاينـي نووم مفتقده غيمة

ـ يعني ميوجعج شي ممصخنه شي ؟؟

ـ لا مابية شيي

ـ تعااي يابعد نحرري تعالي حبيبي انتي

ـ اكدر انام عندك اليوم ؟؟

ـ تكدرين ؟ انت صاحبة الغرفة

ـ اريد انام بحضنك ..

ـ تعالي بنياتي تعالي حضني وصاحب الحضن وصاحب الغرفة كلهم يغدولج فددوة. ..

"" نمت يمة وحطيت راسي على صدرة وهوة حط ايده الاولى علي ظهري والثانيه صار يمشيها على شعري وهوة يرتل قران فوك راسـي لان عرف بيه مخنوكـة

وبعد ما سكـت حتـى ياخذ نفس ويتذكر بعد ايات

اردفت وياه ...

اريـج :: ليش حضنك هلكد مريح !!

علي الباقر :: شلون يعني ؟

ـ مااعرف اجيتك مخنوكة والدنيا مو سايعة صدري وهسة كلشي مابية ماحس بشي

ـ ههههه ماعرف من الله هااي

ـ هل اكول غيمة مجانت تفاركة !!

ـ غيمة ااااخخ ياا غيمةة

ـ بكلبك حسرة طلعها وارتاح

ـ خاييف على هاي البنيه حييللل

ـ ليشش ؟

ـ انمار موو كفو والله مو كفوو ياخذها

ـ بس هسة هوة زوجها لازم تتقبل هسة هوة نسيبك

ـ نسيبي موو نسيبي

ـ ايي نسيبك

ـ باجر امي تمر عليها ؟؟

ـ ممم لاا

ـ ليششش ؟

ـ كالت لابوي وابوي رفض كاللها لا خليها لوحدهم شوية خلي تتعود عليه

ـ تندلين بيتهم انتي ؟

ـ ايي اندله اني جهزته وياها

ـ خووش شوو سجلي هنا بتلفوني

ـ شسجل ؟

ـ عنوان بيتهم

ـ اهاا تمام بس ترة هوة ميتيهك وي بيتهم هذا بيت الشيخ محمد

ـ ايي

ـ ايي بيت غيمة برراس الشارع

ـ لا تكليلي ابو السياج الجان معروض !!؟

ـ اي عفيية هووة اشتراه انمار

ـ اهااا خووش

ـ باجر تمرهم

ـ اكيد هية ماخذة بخاطرها منيي لان ما ودعتها ...

ـ ارروح وياك

ـ لا يروحي هاي المرة خليني بس وعد اخذج

ـ ليش تريد لوحدك علي الباقر لاتسوي شي

ـ شنو اسوي يعني اتزوجو ومكدرت اسوي شي

ـ ايي عفية لاتسوي شي خليها مرتاحة وياه

ـ اتمنى تكون مرتاحة. ... ..

ـ زيين يلا كمل ترتيل وخليني اناام

ـ تدللين نحري

ـ بس نبضات كلبك هوواي ضايقني يدكن براسي

ـ اوكفة الج وتدللين عليه

ـ هههههه جا تموت اذا وكفته

ـ والله ينحري اني عايش عليج انت وغيمة معايش على كلبي ...

ـ صدك بله ؟

ـ اي والله انتن نبضاته للكلب
وانتن النفس لريئتنان مالتي
وانتن الدم لشرياني
وانتن الحياة

ـ تره راح ابجي والله

ـ ابوس عيونج اني ابوسهن

"" بعد كلام علي الباقر هذا دمعت عيوني حييل وردت ابجي باسني بعيوني وحضني لكلبة حييل

وفجاة سمعت احد درعم علي الغرفة بكل هستيريا ودفع وعت الباب عت

فزينه اني وعلي الباقر من مكاننا وصرنا نشوف علي السجاد كدامنا بس مجنت اشوف علي السجاد ابد

جنت اشووف شخص مختلف تماما نضراته جانت نارر لعلي الباقر ...

وحتى تصرفاته ابد مجانت لعلي السجاد وينه وين سجاد هيجي يطب على الناس قبل ما يدك الباب ويستأذن

وهم جاان يتنفس بكل قووة من العصبية والحالة الجان بيها وبعد الحوار القاسي الدار بينه وبين علي الباقر
كمت من مكاني ووكفت يمه وحطيت ايدي على صدرة صرت احس شلون كلبة يددك .... .
وصرت احاول اهدي لان عرفت
اكو سوسة ورة
وضعية علي السجاد هااي

علي الباقر :: هاا خووة خيرك ؟؟

علي السجاد :: وبكل عيين تكلي خووة !!

ـ هااي شبيكك ؟؟

ـ ولك ما تستحي على روحك اذا تريدد تسووي وصاخة ذنك نسووان الشاررع متروسسات موو وي مرتي ياا خايسسس

ـ علي السجااد شجااك اني علي االباقر متحجي وياي هيج
ولك انييي اخوووك تششك بيه شنو هااذا الحجي ؟؟

ـ ولك لمن يوصل الموضوع لعرضي لا اخووي ولا ابويي

اريج :: اهدة علي السجاد شبيك اررتااح باع جسمك. شلون يرجف تعالل وياي تعاال

ـ مرراح اجي وياج لمكان وهسسة لازم احط حد لهذاا اليسمي روحة سيد

علي الباقر :: عليي السجاد كااافي

اريج :: بغلاتي عندك علي السجاد بغلاتتييي عنددك تعالي وياي

ـ ... ...... ... ...... ........ ... .....

اريج :: دا احلفك بغلاتي اخويي انت تعالي وياي نتفاهم اني وياك امشيي بداعت غدير امشي اطلع

ـ خووششش

"" اخذت علي السجاد من ايدة وطلعت وياه وبقيت علي الباقر بغرفته ونزلت وياه للحديقة كعدته بالمكان الجانت غدير متفاركة وهوة كعد وصارر يهز برجلة
كعدت يمة وحطيت ايدي على رجلة وثبتتها بالارض
وصرت احاول افهم منه ليش تصرف هيجي وي علي الباقر. ..

اريج :: اكوم اجيبلك مااي تشرب

ـ مااريد شيي

ـ زين سولفلي شبيك ؟؟

ـ مابية شي

ـ شنو مابيك شي وانت توك تهجمت على اخوك من يمتا نحن هيجي هااا تعرف لو شايفكم ابوي وعلي ينجلط ولكم انتم اولاد عبد الحسن الي تفدون بروحكم لثاني ومتكولون شي من يمتاا تتهجم هيج ؟؟؟

ـ هوة الغلط

ـ وبدون ما اعرف شنو هذا الغلط اسالك سؤال

ـ جوواب

ـ ابحضك وبختك تجاوبني

ـ شنو

ـ تتوقع علي الباقر يغلط ؟؟

ـ مو نبي ولا معصوم هوة

ـ صح واني وياك بس انت تعرف اخيك وتدري بي قبل لا يفكر اي شي يروح يفتح القران وياخذ استخارة بالي يريدة

الي مخلي الله ابين عيونه انت تتخيلة يغلط ؟؟

الي باييع الدنيا وجايي يركض بشغله الثاني ركض مخابيل علمود ينال الشهادة هذا يغلط ؟؟

روحح روحح افتح دفترة الاسود واقرة المكتوب بي

علي الباقر مسوي دفتر كل يوم يكتب بي الذنب الي مسوييه بهذا اليوم وما ضام شي كاتب كلشي بالقلم العريض

روح اقراه وشوف ذنووب اخووك شووف شنوو كااتب

ولك علي الباقر هذاااا علي الباقر اليي اذا ما قرة زيارة عاشوراء يعتبر صلاته كلها راحت بالفناء

ترى الي يحلم بالشهاادة من هوة مراهق ويحلم بالامام الحسين شفيعه وجاي يسوي كلشي علمودهم مستحيل تغرة هيجي اشياء دنيويه

من يمتا تشك بي من يمتااا
تركت الكل. ورحت لعلي الباقر تكول عنه يغللط ؟؟؟

ـ استغفر الله رب العالمين.... .

"" بهااي الاثنااء دنك علي السجاد وحط راسة بين رجلية وصار يتعوذ الشيطان ...
واني صرت امشي بيدي على ظهرة
واني اعرف ان الحالة الهوة بيه مو بيدة
والدليل صارر يبجيي لان حس
ان السواه وي علي الباقر خطأ وصار بيدة يدك راسة
واني صرت احااول اهدي ""

ΠΠΠΠΠΠΠΠΠΠΠΠΠΠΠΠΠΠΠΠΠΠΠ

< بمشهد ثاني >

طلع علي الباقر من غرفته اول ما طلعت اريج وعلي السجاد

وراح طب على غرفة اخوة شاف لينا واكفة على المراية لزمها من ايدها وطبكها على الميز
وحط ايده على ركبتها خنكها وصارر ينتر بوجها

علي الباقر :: يا بنت الحرررام وصل بيج الحال تخربيني وي اخووييي ؟؟؟

ولج حذرتج من قبل ومريضيتي تسمعيني
شتررديي مننااا منووو جابج وذباج عليه ؟؟؟؟

لينا :: علي الباقر حموووت

ـ وانييي اريدجج تمووتييين شننيي ولج تحرضيين عضيدييي علييه

ـ علييي ابنييي !!!

"" ادرك علي الباقر ان لينا حاامل وميصير الها الخنك عافها وهية وكعت على الكااع تحاول تجر النفس

وعلي الباقر صار يرجع خطواات لورة وصار يباوع للينا

بنضررات ميعرفهن بس السيد ومو اي سيد

صار علي الباقر فجأة ينضر للينا

بالبصيرة وليس بالبصر

ومن شافها بهاي النضرات ادرك شي مهم وخلاه يعوفها ويطلع راح لغرفة غدير متوتر وهوة يحارل يتناسى الصار

طب اتوضئ وطلع فرش السجادة وكعد عليها يدعي ويصلي ركعتين نيابة عن صاحب الزمان
وركعتين لام البنين
وركعتين لسيدة مليكة

وبعد ما خلصهن فتح القران واخذ الاستخارة
وبعدها صار يقرة ... ..
وبعد ما خلص اربع اجزاء مرة وحدة طبكه وكام لان صار يحس نفسة هوة بخير ويكدر حتى يواجه اخوة

طلع لكة بس اريج بغرفته منتضرته يجي

واردف وياها بسؤال ...

علي الباقر :: وين علي السجاد ؟؟

اريج :: انت وين جنت ؟؟

ـ جنت اصلي وهسة خلصت

ـ تقبل الله

ـ علي السجاد وينه ؟؟

ـ جوة

ـ وين جوة ؟؟

ـ بالبراني تمدد بالكوة هديته وكالي يريد يرتاح لوحده

ـ نازل اله

ـ علي الباقر لاا اوكف

ـ شنيي ؟

ـ بقي هسة لوحده خلي يكعد وي نفسه فدوة !!

ـ مستحيل تغمض عيون عضيدي وهوة بكلبي شي عليه

ـ علي الباقر

ـ اريجي انت نامي هنا اني اشوف علي السجاد وارجعلج يلا يا نحري لا تفكرين ونامي كاافي

ـ بس خوية

ـ يا نحريي انت اسمعي كلامي

ـ تمام حبيبـي بس لا تضوج اذا ضوجك بالحجي

ـ اخوي وعضيدي هذا

ـ اتبدة الكم فدوة وعلي

𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍

نزل علي الباقر وهوة بالدرج يتخى بالسيدة زينب ويردف وي نفسة

‹ يا مايلة الدنيا وي زينب محلفج بخدرها لا تميلين وياي وتفركين بيني وبين اخويي ›

ولمن وصل لباب البراني حط ايدة على رزة الباب وقبل لا يفتحة حط ايدة على الباب وقرة

نادي عليا مضهر العجائب
تجدة عونا لك بالنوائب
كل هم وغم سينجلي
بعضمتك يا الله
بنبوتك يا محمد
بولايتك يا علي
ياعلي الغوث ياعلي

فتح الباب ودخل لكه علي السجاد نايم على الكاع بدون لا فراش ولا مخدة وحاط ايده على وجه

راح كعد يمة وشايل راس علي السجاد وحطاه على رجلية
وخر ايدة علي السجاد وصار يباوع لاخوة
واول ما راد يحجي

حط علي الباقر ايدة على حلك اخوة يعني مانعة يحجي

واردف علي الباقر ::

علي الباقر :: من نحن واصغار انت من بينا كلنا جنت الهادي الما الك باحد ومتدخل باي شي دومك جنت عازل روحك عننا

واتذكر لمن امي كالت لابوي المفروض علي السجاد هوة التسمي علي الهادي مو العكس ههههه

بسبب برودك
بس اني من جنت اوكف يمك مجنت احس بهاذا البرود

اني جنت احس بحرارة خوفك علينه
وجنت احس بالحب وبكلشي

وحتى كلماتك التطلع منك جانت تسوة عندي الدنيا كلهاا

علي السجاد انت مو بس اخو لا والزهرة انت عضيدي وكلشي انت الشديت ظهري بيك
وانت الي كلشي اخ وسند ومسند وكلشي

ولك تتخيل احط عيني علي عرضك يخووي ما صاررت ولو علي موتي

بس يمكن لينا الله يسامحها فهمت غلط منـي لان شافتني شلون باغض اخوها
وشلون اتنر وياها تحسست
وهسة لمن سالتها عن تحرير جانت تريد تكلي شوف ترة اكو بظري زلمه علمود هيج سوت هااي المشكلة ابيناتنا.

"" كاام علي السجاد وصار يباوع لعلي الباقر ومنعه يحجي علي الباقر وطلب منه يرتاح هاي اليلة وينام....

وتركة وطلع وي كلمات. ..

علي الباقر :: فكر زين لو شيصير سوالف البنات ما اتقرب منهن
اليحلم يصير يم الامام الحسين ميحلم بالبنات.... .

وصعد علي الباقر نام واريج حاطة راسه على صدرة ... . . .

« وطـلع صبــاح لـيوم جــديــد »

راح علي السجاد لدوامه وهوة ممحاجي لا علي الباقر ولا مرته

وطلعت لينا تشوف اخوها انمار من بعد متصلت علي وطلبت تشوفة

وعلي الباقر راح لبيت غدير

«مَــشــهــِد »

رحمة :: وي ما اني بغرفة ابوي الي حالته كل مال وجاي تصير اسووء صعدت اله حتى انطي الابرة

وقت ما غرست الابرة العلاج بيدة حتي ياخذها

صرت اشوف الجهاز يصيح

صيييحييت للمعتز بالله صعدلي يركض

رحمة :: بوووية لاااا بووييةةة ولكك معتززززز معتززززز

المعتز بالله :: هاااا ؟؟؟

ـ الحك تعاااال بسررعة نااخذ ابووي للمستشفى

ـ شكوو صاير شيي ؟؟

ـ.ولك ابووي راحح يمووتت تعاااللل

ـ شنووو ؟؟

.ا𖤍𖤍𖤍𖤍𖤍𖤍𖤍𖤍𖤍𖤍𖤍𖤍𖤍

- مامَش خَبر ويَعود ابَوي الحنينِ؟
ونرِجع العَمر الرآح ونِلزم بدينِة

يــتـــبـــع ....

6461 كلمة

لتواصل o.oll13