رواية احفاد السيد : الثار ( بأجزائها الإثنين ) الفصل السابع 7 - بقلم ​رُقَـيَّـةُ الْأَكْـبَـرُ

. أحفاد السيد

بقلم الكاتبة ( رقيــة الاكـبر )
لاتنسون التصويت ومتابعة للحساب

.
لبارت 18

ـ أعدك باني لن أنساك من دعائي الى ان يشاء الله و يلحقني بك سلام عليك
طبت و طاب قبرك يا حبيب قلبي

༺༺༺༺༺༻༻༻༻༻

سديت التلفون وصرت حاير وين انطي وجهي !!؟
وين اروح الساعة 10 بليل !!!

مصطفى :: شنوو معتز شبيكك منو الرايحة !!؟

المعتز بالله :: وهج مختفية !!؟

ـ وين رايحة !!؟

ـ مااعرف رحمة مدورة عليه وما لاكيها

ـ ياعلي احضرنا يا علي دخيلك شنو هااي المصايب الجاي تنزل علينه مثل زخ المطر .!!؟

ـ تعالل وياي اصعد انت سووق حيلي رايح اني ما اكدر

ـ تمام تعاال وين راح نروح !!؟

ـ وهج ما تندل ولا مكان ...

ـ يعني !!

ـ اذا ضني ما خااب هي راحت للاراضي مالتنا ...

ـ المعتز بالله شبيك خوية شيوصل وهج للاراضي ذيج !!؟ وبعدين اذا صدك رايحة ف هااي مصيبة ثانيه

ـ ادعي هسسة نلكاها هناااك وعاادي نتحمل كلشي ...

ـ بس ما شايلين ويانه سلاح.!!

ـ ماعرف المصطفى اني هسة اريد وهج لو اعرف اذبح شكو واحد يطلع كدامي

ـ بس اعصابك خووية ان شاءلله خير ولا هية بيها شي ولا نحن يصير بينا شي

ـ ان شاءلله

"" طلعنا انا والمصطفى بسيارة وباسرع ما يمكن وصلنا للاراضينا بعد ساعة كاملة من الطريق

وهاي الاماكن كلش خطر نروح الها بليل وبلخصوص بدون اسلاح لان هوواي سلابة ++ مجرمين يتختلون هنا لان اراضي مفتوحة وبيها شجر اليطب بيها يضيع ...

وصلنا ونزلنا وعلى فلاش الاجهزة مالتنا صرنا ندخل بتفرعات الساچية
ومجنت اكدر اودي المصطفى من كتر واني من كتر لان كللش خطير نتفرق

وبعد ساعة ثانيه من البحث العميق
ودكت الساعة 12 بليل

ايسنا من التدوير ...

مصطفى :: خووية مبينه ترى مموجودة هنا

المعتز بالله :: وين روح اذا مو هنا !؟

ـ هاي صالنا كم ساعة ندور مااكو شيي

ـ الضايع كلبة دليلة واني كلبي يكلي هية هناا

ـ معتز احجي عدل خو متريدنا نكضي الليل ونخلص الوقت على احساس كلبك خلينا نستغل الوقت هذا ندور بالحدايق بالشوارع

ـ اذا تريد رووح انا متاكد وهج هناا كتلك حساس كلبي ميخيب هيية هنااا

ـ يلا انت كلي وينها هنااا شنيي الساجيه بالعتها !!؟ صدك لو كالو حدث العاقل بما يعقل

ـ مصطفى كتلك اذا تريد روحح دور بغير مكان انا راح ابقى ادورها هنا ...

ـ اكيد مراح اتركك هنا لوحدك شبيه خبل مخبل وياك امري لله

ـ اشششششش

ـ شبيك؟

ـ سمعت هذا الصووت !!؟

ـ يا صوت !!

ـ اسكت واسممعع صووتت نفس

ـ اييي صوت شخص يشهك ...

ـ وهج وهج وعلي وهج

ـ اخوي اووكف

_ الصوت يجي من الشمال يجي من ذاك الصووب.

ـ المعتز بالله شبيك اووكف مخليني اركض وراك مثل المخبل !!؟

ـ وويننج وهج !!!!! وووهجج

"" بعد ما سمعت الصوت ركضت صوبة مثل المخبل وبعد مصرت اتعمق واتعمق بالبستان وصلت ولكيت وَهج كااعده وجسمها يرجف
نزعت قمصلتي وركضت لبستها الها وكومتها عن الكااع..

المعتز بالله :: وهجتي

مصطفى :: كوومي شمكعدج هنااا بهذا البرد اصلن منو جابج بهاذا الليل لهذا المكان

وهج :: ........ .......

المعتز بالله :: وهجتي كوومي يالله كومي يا حيلي

ـ بصوت يرجف ـ اريد ابووي اريده

المعتز بالله :: تعااي نرجع للبيت

ـ مااريد ارجع البيت ارريد ابووي

مصطفى :: ابوج بالمكبرة منينن نجيبة الج هسسة !؟

المعتز بالله :: مصطفى شمالك ...

ـ اريييد ابوووي اررريددة كتلكم ارريدةة

المعتز بالله :: هسة اني اخذج الة

مصطفى :: هاا راح تكتلها وتدزها لبوها !؟

المعتز بالله :: مصطفى اكرمنا بسكوتك

مصطفى :: ايي شبيك تخبلت معتز وين تاخذها لبوهاا؟؟

المعتز بالله ـ وهو يغمز لمصطفى ـ :: اني هسسة اخذها لابوها يلا تعااي وهجتي تعاي ...

ـ ممااريد تضحك علية وتوديني لبيتكم والله اموت اذا فتت لهناك

المعتز بالله :: والله مراح اخذج لهنا بس اوكفيلي هناا واني هسة اجيج لا تتحركين ........ مصطفى تعالي

مصطفى :: هاا خوية !؟

"" وكفت وهج واخذت مصطفى من ايدة وبعدتها شوي عنها وهمست وياه

مصطفى :: شنوو شبيك !؟

المعتز بالله :: عندك مفاتيح بيتكم !!!

ـ ايي هذني هنا

ـ انطيني المفاتيح بااع اخذ السيارة وارجع الهم نام ببيتنا يم النسوان خاف يحتاجن شي وطمنهم ان وهج وياي ولا يخافون عليها ...

ـ وين راح ترحوون !؟

ـ راح ادز وهج لبيتكم ترتاح هناك اخليها تكضي الليلة هااي

ـ تحس هيج !؟

ـ اي شوف حالتها متكدر بعد تدخل بيت شافت توابيت اخوانها بيه

ـ على راحتك واني حروح جا

ـ بالك لنفسك

ـ صددك اني هم متييه مسالتك

ـ شنو؟

ـ شلون راح ترجع انت اذا انا راح اخذ السيارة !؟

ـ اني ادبرها لا تفكر راح اخذ تكسي من الشارع

ـ شبيك معتز صاايرر متجمع تعال وياي اذبكم كدام بيتنا واطلع لبيتكم

ـ اهاا اي والله صدك

ـ الحمدلله على العقل مبين حييل دايخ

ـ راسي وعقلي والمخيخ كامن يضربن اسداس بعشرات وخدر زينب

ـ وهج تتعاي خووية يلا معتز امشي ...

"" اخذت وهج وكعدنا بالسيارة كعدت اني ووهج بالخلف وصرت اغطيها عدل واني حاطها بحضني وراسها على صدري وهي تبجي ....

وبعد ما وصلنا ودخلنا البيت ...

نزلت اني وياها ودخلنا البيت رحت لغرفة بنين ونومت وهج وغطيتها عدل
ونزلت سويت الها حليب دافي ورجعت تمددت يمها بس شوي مسافة بيناتنا
جبرتها تشرب الحليب ليدفى جسمها لان جانت حيل ترجف
خليتها تنام وهية ما حاجية ولا حجاية ....

كمت عنها وكعدت بالكرسي كدامها وصرت اباوعلها شلون البراءة كلها غافية ...

وغفيت واني كااعد بدون ما احس على نفسي....

♜♜♜♜♜♜♜♜♜♜♜♜♜♜♜♜

علي السجاد :: خلصنا من دفن تحرير

واذا جنا بسالفة نريد نهدي الفاروق والبشير طلع النا علي الباقر صفح انهاار انهياار تاام على مووت صغيرنا

ابوي كظ علي الباقر وصار يصيح علي حتى يسكت

ومرتضى وحامد يم الفاروق الشامر روحة على كبر امة ويشكيلها حالة

واني تقدمت وحطيت ايدي على جتف البشير الي مشال راسة من كبر تحرير من الدفن لهسة ....

البشير :: هاا طفلي !!؟ تحريررريي !!! هاا يحيل البشير اني اخوك من بعد هاي موتتك ضليت حاير صرت امشي وادور عليك واني الجنت مدايرة ترة

علمك مؤمل على الفراك !؟؟

بعد منو يكلي بوية !؟ هاااا منوو يحسسني اني ابو بلا ما اخلف !!؟ ولك بزر كلبي انته
جا ولك حضني المن خليته بعدك رااح يبرد
جا انت مو متعرف تنام الا بحضني جاا شلون هسة نايم جوة هذني التربان !؟
شنو مرتاح يروح ابوك لو ممرتاح بالنومه هنا !!؟

وعلي مجان علية هين ادفننك وراسي يشم الهوة جنت اتنماكم كلكم تمشونن بجنازتي بس شو صاار العكس جا بوية اذا متت منو يبجي علية
هاا منو يشيل التابوت منو ينعى ورة جنازتي اذا كلكم رحتو هسسةة !!؟

ولك تحرير فكدك اكببررر من مقايسس الصبر انت اجيت ونمت هنا بالكبر واني ظهري نكسر !!!

علي السجاد :: هوواي هديتوو حيلكم كافي خوية صلي على النبي وكووم ....

ـ من بعد اوليدي تحرير راح اخلص الليل الولي لوحددي وحضني بارد وايدي على خدييي

وين صايرة هااي هذا الصغير هيجي يناام جوة التراب !؟
تحرير بوية راح يهد الحيل صوتي من اشتاقتلك واصيحلك وما ترد ولا تجيني اخذتووو روحي ورحتووو راح اصير ادور اخباركم ونتم مااكوو

ـ كووم خوية خلينه نرووح كووم من عمري على عمرك اندالك فدوة اني كووم يابعد قزح عيني كووم
ترجع وترتاح ابيتك

ـ شتفيد رجعتي والبيت صاار فارغ !؟ الولد هياهم هناا كلهم نايمين كلهم راحوو وعافو بالبيت بس اهات وجروح وذكرياات

"" حطيت ايدي على راس البشير وصرت ادعي على راسة بلكي الله يهدي وترتاح نفسيته وينشرح صدرة

ومن ضمن ادعيتي اتنخيت الامام علي الجانت تفصلني عن ضريحة خطووات

علي السجاد :: ڪل هم وغم سينجلي بولاية
عين الله لسان الله قلب الله
سر الله علم الله. وجه الله
هيبة الله. عزة الله. غيرة الله

هوة قاهر العدو هوة ابن عم النبي
هوة زوج البتول واب سيدي شباب اهل الجنه
وهوة من اصحاب الكساء الذي بعدت عنهم الرجس وطهرتهم تطهيرا
هوة الولي ف يااالله انت قلت ادعوني استجيب لك

ادعوك بخيرة الله خفف الهم والغم الي انصب علينه
بحق البضعة الزهراء ....

قرينه وسمعنا بالدنيا سبعة العجائب
لكن نكللهم هذا الحجي بي شوائب
عجائب حياته راوت الناس الغرائب
ننادي عليا تدفع عننا النوائب

ـ يااعلي. ياااعلييي

عبد الحسن :: ككافي ياولد يالله كل واحد يكوم خلينا نمر نزور. الامام ونطلع لبغداد

الفاروق :: توني راح اكعد يم كبر مؤمل بعدني محاجي وياه ولا شابع من عطرة

ـ لا حبيبي كووم والله حراام الي تسسووه كلة عذاب الهم الجزع ما يصلح الا على مصرع الحسين اروخبكم فدوة اني اذكروو الله ولا تخلون مكان لبليس

حامِد :: كووم فارووق استند علية يلا وكوم مرتضى انفض التراب عنه.

مرتضى :: صااار شوو انكث

علي السجاد :: يلا بشيرنا يلا جبيرنا يلا كووم شيخنا انت اذا انت مكسور هيج جا شلون تريدنا نصير اقوياء غير انت جبير سادة احمد صادق
جا غير قوتنا كلها منك كوم يابعد اخوووك كووم

البشير:: اول مرة تحرير ينام لوحده خليني بس اليوم يمه ماريده يستوحش لوحده

ـ بوويةة تتعالل لبشير حيل تعبت وياه

"" رحت صفح وصرت اشوف ابوي شلون راح وكعد يم البشير وصار مدري شني يسولف باذانه

ووكف علي الباقر يمي وهوة يمسح ادموعة وبالكوة يتنفس. ..

علي السجاد :: مخنوك يا قزح عيوني !؟

علي الباقر :: اااااخخخ ااااخخخخ يااا سجااد اااخخخ اني مو بس مخنوك ولك بصدرييي حسرة تعرف شكدهااااا !!!! بكد حسرة ذاك الصارت عنده عركة لو كاتل لو مكتول بيها وربعة طلعو مو زلم وانكتل ....

ـ حتى اني احس راح يطك كلبي تدري هاي صار يومين منايم تعبان ومخنوك ومابية اصيح ولا ابجي مااكدر هسة اني زعلان اريد ابجي مااكدر
وعلي احس راح تصير بية جلطة من هذني المكبوتات جووة صدري

ـ اسم الله عليك خووية طلعهن لا تسووي بروحك هيج حتى ابوي مثلك لا بجى ولا صيح بقيتو ساكتين

ـ مو بيدي مجاي يطلع بيدي شي

ـ تذكر بفاتحة مؤمل من لكيت تحرير بس صافن على تابوت اخوة وانت رحت وضربته راجدي خاطر يبقى يبجي ويصيح وما يبقى ساكت وكاتم كلشي بصدرة

ـ وتريد هسة انت تضربني !؟

ـ اخووي الجبير ما اكدر بس اذا تريد انت عادي اضربك

ـ هية بس هاي بقت انت تضربني

ـ لااا لا استغفرالله مستحيل اصلن اتجرء واسويها غير نحري انته وعلي

"" طلعنا من المكبرة وتوجهنا للامام « ؏ » زرنا واندعينا وصلينه

وضلينه بالحضرة كاعدين
وابوي كاعد وبشير نايم وحاط راسة على رجلين ابوي وعيونه يصبن دمع وابوي يقرة قران على راسه ويمشي ايده على شعره

وعلي الباقر حاط الفاروق وحامد وكل واحد نايم بحضن الثاني

ومرتضى حاط راسة على جتفي واني متنجي على الحايط وصافن بالجو اليخبل

وجنا منتضرين يطلع الصبح ويكشف الوقت شويه حتى نرجع لبغداد على السريع ....

.

« بـَــ؏ِـــد آســبــو؏ »

بعد السابع التابع لمؤمل وتحرير وبعد ما خلصو الواجب « الطبخ والثواب »

طلع صباح يوم جديد ورجع كل شخص لبيته
ماعدى فاطمة الرحت وسكنت وياولاد اخوها ابيت صفاء الحسن
لان البيت فرغ عليهم من العائلة الجانت متكونه 8 اشخاص بقو بس اثنين !!!!

« مَـشـهِـد »

« بـَيـت عبد الحسن »

غدير :: جنت نايمة فجر الاحد وطبلي اخووي علي الباقر وكعدني رفعت راسي من جوه البطانيه
وصرت اباوعلة بتك عين ماريد افتح اعيوني كلهن واطير النومه ....

علي الباقر :: صباح الخير والكسل !!

غدير :: من صبح الله شصاير ؟

ـ اليوم احد يا حلوة

ـ ايي والبارحة سبت وباجر الاثنين شنو الجديد اكيد اليوم احد ..

ـ عود تحششين ؛!؟

ـ لا يعني واذاا احد اليوم

ـ دووامج يا اميرة كوومي يلا

ـ مااريد ادااوم

ـ اسكتي لا ادفرج على حلكج
صالي سبوع ماخذلج اجازة كاافي مو تعودتي كومي يله اليوم تداومين

ـ بباقرر

ـ كوومي بنااتي يلا غيمة لا تشلعين كلبي

ـ مابية حييلل لازم اطلع ملابس ماابية

ـ اني اطلعلج هسسة يلة كومي غسلي وجهج لتصحصحين

ـ طلعلي ملابس واني ابدل اغسل وجهي

ـ خووش ...

"" التفت علي الباقر لميزي وفتحة وصار يطلعلي صدرية بعد صدرية يخيرني
وبعدها القمصان السودة صار يشوفيلي ياهو احلا

علي الباقر :: تلبسين هاي الصدرية لو هااي ؟؟

ـ ولا وحدده

ـ غيمةة

ـ اااييي محللوواتت شسوي

ـ جاا المن تارسة الميز اذا متلبسين !؟

ـ هااي بداية السنه علي السجاد اشترالي الصدريات واريج كلما تتفرغ تصمم الي وتخيط ف انترس الميز

ـ اووف زين رئيج هااي لو هااي

ـ البيدك اليمنه ام الاحزام

ـ حللو خلصنا من الصدرية هذا القميص لو هذا !؟

ـ هووة اي قميص حطة هنا

ـ الجو بارد غيماتي البسي هذا جوة القميص وهاي القمصلة

ـ زين

ـ يلا كومي بدلي وكملي وانا نازل اسويلج ريوك

ـ ابوس ايديك جا العلوية وينها !؟

ـ نايمه فوك ماريد اكعدها مبين تعبانه

ـ ممممم هل اكوول مدللني انت اليوم

ـ وجديده عليه اول مره ادللج ؟

ـ مو اول مره بس هاي المرة غير

ـ يلا غيمة لاتسولفين هوواي نازل اطبخ االج وانت كملي امورج

ـ تماام حبيبي

"" نزل علي الباقر يسويلي الريوك كملت لبست وطلعت من غرفتي وصار بوجهي علي السجاد توة هم طالع من غرفته يريد يروح لدوام

من شافني اجة يمي من بعد مضكت بوجه حضني وباسني براسي ...

علي السجاد :: صباح الجمال هذا

غدير :: يابعد كلبي صباحك كلة حنيه

ـ لابسة شنو رجعتي تداومين بعد ماكو مهرب هههههه

ـ اي والله شفتت العذذاب

ـ يمعووده انت مششروع جامعة خلصي السنه هاي وراح ترتاحين هوواي

ـ ان شاءلله

ـ اتريكتي لو بعدج توج كعدتي !؟

ـ لا توني كعدت

ـ تعااي ننزل نسوي ريوك سوة دام بعد وقت هواي

ـ علي الباقر جاي يسوي

ـ علي الباقر والمطبخ !!

ـ حتى اني نصدمت

ـ ولج هذول الاثنين مثل النفط والنار ممنووع ينجمعون سوة

ـ تتعال نلحك علي لا يحرك البيت بينه

ـ هههههه اي وعلي امشي بسرعة

ـ نشوف منو يوصل للمطبخ اول

ـ مو انت لالسة صدرية ضيكه تنصمطين على وجهج

ـ لا معللييك اكدر

ـ خوش اني اعلمج

ـ واحد ثنين ثلاثههه ههههههه

"" صرنا نتسابق اني وعلي السجاد من الطابق الثالث للطابق الارضي للمطبخ نشوف منو يوصل اول ههههههه
وهوة جان يتقصد يركض على كيف حتى يخليني اسبقة

نزلنا ولكيت علي الباقر مجهز كلشي ونحن نسولف دخلت علينه اريج وكملت جمعتنا .... والنقص جان النا اولاد السيد عبد الحسن
بس
علي الهادي
و علي الرضا

الي هم لحد الان ميدرون ان اولاد عمهم ماتو ولا يدورن بشي

ابوي طلب مننا محد يكللهم حتى لا يتششوشو يكفي هم متحملين الغربة خاطر يكملو دراستهم ...

غدير :: شنوو هااي عيينيي عيينييي

علي الباقر :: طلعت مهاراتي شرايج

علي السجاد :: مهارات شنوو شحااط بالسفرة هاا الزيتون هذا انت قاطفة ؟؟!
والجبن هذاا انت طابخة !؟
والتوست هذا انت صانعة !؟؟
ياعلي على المهارات امريكا تحتاجك تضحك علينه غير كلة جااهز ...

غدير:: ييووو علي السجاد خليي عايش اللحظة ..

علي الباقر :: موو صوجكم والله وهااي المخلمة هاا مو بعينكم !؟ وبعدين اني فتحت الثلاجة وطلعت الزيتون وفتحت الغلاف والجبن هم طلعته وحطيته بماعون متت من التعب

علي السجاد :: سسودةة عليههه

ـ وبعدين لا تحجي على اخوي اذا ميعجبك ريوكه روح كعد مرتك وخلينا نشوف مهاراتها !؟

علي السجاد :: مرتي زين من تعرف تكول اسمها الفاهية هاااي

علي الباقر :: هاا جا لاتحجي عليه بعد اذا مرتك متعرف تطبخ تريدني اني الزلمه اعرف !!!

علي السجاد :: عمي عااشتت ايدياتك قزح عيوني

اريج :: صباح الجمعة الحلوة !!

علي الباقر :: هلا بعافيتي

علي السجاد :: زين اجيتي اريجة شوفي مهارات اخوج بالريوك

ـ يياااييي تخبلل عاششت ايدك يروحييي

علي الباقر :: هاا هسة غيمة واريجة عاجبهن انت شنو عذرك !؟

علي السجاد :: خوو صرتن وياه ضدي خووش جاا

علي الباقر :: هههههاااييي اكعد اكعد خلينه ناكل ونكوم لا تكعدالنا العلويه

علي السجاد :: اريجة اليوم عندج دوام !؟

ـ ايي عدنا طلب تصميم لعرس ولازم اروح لان اذا ما اوكف على راسهن نا يشتغلن عدل

علي السجاد :: اوصلج بطريقي جاا؟

ـ ياريت

ـ خووش خلصي ريوك هسة الساعة ب 6 ونص ب 7 نطلع

ـ تمام

علي الباقر :: هااج غيماتي اكلي زين

غدير :: جاي اكل ترى

علي السجاد :: جربي الزيتون صنع ايدين علي الباقر يفوتج ههههههه

علي الباقر :: وعلي غثثاك الزيتون حيلل هههه

ـ جا غير مهاراتك

غدير:: اصلن اطيب شي الزيتون عاشت هاي الايدين

ـ خو انتي بكلشي بصف علي الباقر

غدير:: شعدي غيركم

اريج:: هسة انتم صاللكم ساعة تتعاركون جنكم اطفال شبيكم !؟

علي الباقر :: اخووج يغغار منييي لان تحبني اكثر منه

اريج:: اثنينكم نفس المعزة ما نفضل واحد على واحد

علي السجاد :: لاااا مبين كلش مبين والدليل كلجن وكفتني وياي ابد ماكو هيج تعرفن شنوو وعلي بس لينا تستاهل اكعد يمها

غدير :: هسسة لينا صارت تستاهل تكعد وياها؟

ـ اي على الاقل محسستني باهميتي

علي الباقر :: اييي لان حقكم جدر ولكه غداه انت وياها

اريج :: هههههههههههاي حلوة هااي

بعد ما كملنا ريوك كاام علي السجاد واخذ اريج وطلعو واني رحت اعدل بالربطه مالتي واجاني علي الباقر ..

علي الباقر :: اني اوصلج اليوم

غدير :: اييي بعد احسن

ـ ليش انمار جاي يضايقج

ـ لا بس تدري بيه ما ارتااح وياه بالسيارة غريب

ـ اهاا زين حبيبي وين عبايتج يلا البسيها لا تتاخرين

ـ البس صاية

ـ لاا عباية

ـ اليوم اريد البس هاي نفس الشي الصاية والعباية

ـ لا مو نفس الشي العباية استر

ـ علي الباقر اني من السيارة للمدرسة ماحد يشوفني

ـ حتى لو غيمة الا العباية وين عبايتج !؟

ـ بغرفة اريج يمكن .

ـ غيماتي ترى هااي مو بس قطعة اقماش تحطيه على راسج هااي شرف اخوانج وسمعة ابوج
واذا اجتج وحده تافهه وكلتلي وين اكو واحده تلبس عباية هسه هيج لو المن لابسته بعدج صغيرة تعرفين شنو تجاوبيها

ـ شنو !؟

ـ كليلها هاي « العبي بيها شرف كل زلمة بظهري » وعوفيها وروحي

ـ حبيبي انته ان شاءلله

ـ وهسة شنو تردين عبايه لو صاية !؟

ـ رايحة اجيب عبايتي

ـ لا اني اجيبها الج ارتاحيي انتي واني اخدمج بعيني

ـ بعد عمري انته

ـ البسي حذائج انت

ـ تمام

صعد علي الباقر وجاب عباتي ولبسها الي وطلعلي دبوس ابو الراس من جيبة ودنك شال طرف عبايتي وربط الطرفين بالدبوس
حتى من امشي ميصير بيها كهرباء وتطبك على جسمي

غيرة علي الباقر علينه تفووز

طلعنا انا وياه ووقت جنا بطريق جنت اشوف محلات كل ما امر من يمهم اشوفهن مقفولات

غدير:: هذني المحلات مال مواهب الناجي شوكت يفتحن

علي الباقر :: بالاسبوع المابي جمعة

ـ علييي

ـ اي والله شبيج

ـ ههههه هااي شنو

ـ لان مراح ينفتحن اصحاب هاي المحلات مستقرين بتركيا وينهم وين يجوون لهنا

ـ اهاا لعد ما يبيعوها !

ـ شعلينه بالعالم

ـ اي ليش هيج حريمه اكو غيرهم يتسفادون

ـ بكيفهم حلالهم

"" وارن تلفون علي الباقر وشال التلفون ورد علي وصرت اسمع بس كلامات علي الباقر ..

علي الباقر :: دقيقة غيمه بس ارد

ـ على راحتك

ـ الووو !!
هلا والله دكتووور
ايي والله جنت منتضر مكالمتك
لا والله اني هسة طالع لدوام صالي سبوعين مرايح الة اكو شي طلع شي وياك
اها اها خووش خوش اذا صارلي اطلع العصرونيه واجيك واذا مكدرت ف باجر الصبح امر عليك.
بعد روحي حااج الله يستر عليك
ثيماالله

"" سد التفلون وصار يباوعلي ويتسبم وبعده سحل خدي بايده وباس ايده وي كلمة « فدووه لخدودج »
وصلت للمدرسة نزلت ودخلت لمدرستي بعد ما ودعته

المعتز بالله :: وقت ما طلعت ورحت فتحت الكراج

واني يم الكراج مالتي كراج عمي صفاء الحسن الجان يكعد بي مؤمل وفاروق

طلعت وكفت بالباب وشفت ابنيه واكفة بشارع وجاي تصيح على ثلاث ولد اول شي ما تدخلت بيهم

بس من شفتهم سحلوها من ايدها وهي صاحت بيهم عرفت بيهم انهم جانو يتحارشون بيها

مادري شنو صاار بية طك النار براسي ركض عليهم دفعت الولد للكاع وي ما ضربته بوجه
ورفست الثاني

ودخلت بعركه وياهم واني اصيح عليهم« ماعدكم غيره » « ماعدكم شرف »

عورتهم هوواي بس من لزمني الاول والثاني وراد الثالث يضربني البنيه صارت تصيح اجت الشرطة اجت الشرطة

خلو هم وشردو صار مطافرهم مالة والي واني عبالي صدك مسحت الدم الجان ينزل من حلكي واجتني البنيه انطتني بطل مااي واكلنس خاطر اغسل الدم

اخذت من ايدها وغسلتة ومسحت وجهي

واردفت وياها بسؤال ....

المعتز بالله :: وين الشرطة جا ؟

جرح :: جذذب ماكو شرطه بس كلت هيج علمود يعوفوك لان جانو راح يضربوك من وراي

ـ منو همة هذولي !!؟

ـ مااعرف جنت امشي وجابو الطريق كلة يمشون وراي ف من وكفت هنا اعيط بيهم طلعو ساقطين ومالهم رداد

ـ بس اني ردادهم

ـ مااعرف شلوون اشكرك والله لو مو انت جان اني رايحة بيها الشارع كطعة ومحد يدخل هنا

ـ لا شسالفة وعلي شفت اختي بيج لهذا الدخلت بهاذا الخبال

ـ الله يحرسك ان شاءلله ويوفقك

ـ تسلمين ويستر عليج اختي

ـ اسمي جرح مراد

ـ تشرفت

"" لمن تركتها ودرت وجهي اريد ارجع لمحلي رجعت واردفت وياي بسؤال انداريت الها وجاوبت ....

جرح :: انت شنو اسمك؟؟

المعتز بالله :: انا السيد المعتز بالله

ـ سيدد اووي فديت

ـ ششني !؟

ـ احب الساده تعرف انت اول سيد التقي بي

ـ اوك شبيج اثكلي شويه ترى اني سيد مو نبي

ـ ايي يكفي جدك نبي جدك رسول الله

ـ جدي الامام جعفر الصادق

ـ وجد جعفر الصادق النبي محمد

ـ تمام اخيتي روحي هسة وبالج لنفسج لا تطلعين بعد لوحدج....

ـ هذا محلك !؟؟

ـ ايي

ـ تمام اتشرفت بيك

ـ كل الهلا ربي يحميج

"" تركتها ورحت دخلت للمحل وصعدت لمكتبي كعدت بي وصرت اكلب بسجلات الصادرات وهيج
واني بالي مو وياي سدت السجل وصرت افكر بالبنيه

واني اضحك شلون طفرت من كتلها سيد
ودوم صرت افكر باسمها غرريب شني جرح
ليش هيجي مسمي البنيه خطيية

معقولة امها من حبلت بيها انجرحت واثر الجرح ولدتها ولهذا سمتها جرح !؟

لو ابوها جان يحب وحده وما خذاها وسمة بنيته جرح؟؟

ههههههه ادري شننيي خلصت الاسماء بنيه حليوة وكلشي بيها تسموها جررح...

بعدها اتصلت علية عمتي فاطمة وطلبت مني اكول لولد عمي نحضر كلنا بليل ونجي لبيت عمي صفاء الحسن

علمود بشير نكعد وياه ونغير جووة

لان ما طلع من البيت من يووم ما راحو الولد ...

اتصلت على الولد وكلتهم واتفقنا نتجمع ونروح الهم....

« مَـشـهِـد »

رحمة :: وقت جنت اسقي بالحديقة واني لا لابسة شال ولا شي فات حامِد المتقين ابن عمتي فاطمة

واني ممنتبه علي منطيه ظهري للحايط صار وراي وسحب شعري وخلاني افز

رحمة :: يمةةة

حامِد :: اسم الله عيني

ـ شوكت اجيت

ـ توني طبيت فاتحة الباب وواكفة هنا بلا شال ولا شي لا ربحنا

ـ مادري ممنتبه

ـ هااي شمسوية

ـ شنو مسوية !؟

ـ شعرج وين؟؟

ـ هاا كصيته

ـ ليشش هيج مسوية بي !!؟

ـ مممم من موت مؤمل طلعت حزني بشعري

ـ صدك تحجي رحمة !!؟

ـ اي والله مو بيدي متحملت

ـ استغفرالله العظيم

ـ عااادي هووة شعر سنه ويطلع

ـ عاادي هاااا

ـ ايي عاادي

ـ ليش مرايحة لدوامج؟

ـ ماخذه اجازة يدرون عندي حالة وفاه

ـ ايي هم زين ارتاحي

ـ اييي

ـ اني اجيت على المعتز وينه؟

ـ طالع بالكراج تلكاه

ـ اهاا

ـ اي والله

ـ يلا رايح الة اني لعد

ـ حامِد

ـ عيوني

ـ تذكر من كتلي راح تسال عن زُبير

ـ ايي

ـ سئلت !؟

ـ اسالج قبل هذا سؤالج

ـ شنو

ـ انت تحبي؟

ـ حيل

ـ اهاا

ـ من سئلت شنو كالولك !؟

ـ مو زين سمعته خرة

ـ اهاا

ـ مو علوية سادة احمد صادق تاخذ هيج انسان وما احجي هذا الحجي لان احبج لو شي لا والله بالحالتين اني اريد مصلحتج وراحتج

ـ لا اعرف هوة كالي كلشي اصلن

ـ اهاا يعني تعرفين اهلة

ـ ايي

ـ وبعدج ويااه لاتتخبلين وتاذين روحج لو شيصير المعتز مراح ينطيج

ـ اعرف ولهذا اني اريدك

ـ شنو ترديني !؟

ـ اريدك تساعدني اريد ابقى وي زُبير بس ما اعرف شلون فدووة اذا اجة وتقدم الي راح تساعدني بموضوع اهلي ما يعرفون شي عن اهلة !!!

ـ لهدرجة هااي تردينه !؟

ـ واكثر مما تتصور

ـ دام هيج تمام حبيبتي اني راح اشوفه واحجي وياه

ـ شنو تحجي وياه ؟؟؟ لا تكللةة اني اريده

ـ اكيد لا شبيج راح اكلة بغير موضوع احجي وياه واني اتفق وياه وكان انتي متعرفين بالموضوع

ـ شنو تتفق وياه

ـ اكلة اذا تحبها يسوي الي اكولة علي ونتفق وي منطقة ونسوي ان هوة ساكن بيه من زمان وهوة يتيم
وهيج من يسالون اهلج علي يطلعلهم بخوش صورة ومتتاذين وتاخذينه

ـ صدك حتسوي هيجج

ـ والله مستعد اسوي كلشي خااطرج بس كون يطلع يستاهلج

ـ ياااعمريي اروحلك فدوة اخووي الزوود انت والله

ـ فدوة الج يلا طالع اني

ـ كل الهلا يابعدي

"" طلع حامِد واني بقيت افكر مقعولة تضبط وياي واصير وي زُبير !!!

واني من اخر يوم شفته بي وقت موت تحرير لهسة مشايفته ولا حاجية وياه ...

شلونه هسة شنو مسوي رغم قسوتي وياه بس حيل احبة وافكر بي ومرات الوم نفسي ليش تعاملت وياه هيج
شلون انطاني كلللبييي اكلة ينسساني شلووون !!؟

بس ان شاءلله نعووض كل هاذا التعب ....

༺༺༺༺༺༺༻༻༻༻༻༻

بعد مصار الليل .......

راح علي الباقر وعلي السجاد والمعتز بالله
لبيت صفاء الحسن وكعدو بالبراني الي لكو حامد ومصطفى ومرتضى والفاروق كاعدين ...

وبعد السلام والكلام نزل البشير وكعد وياهم ....

ومن بعد مشافو السوالف متفيد وي البشير لا يشاركهم ولا شي
اقترح المعتز بالله ان كل واحد يسولف
نكتة وهيج يغيرون الجو

ولان الفاروق جان خايف على وضع اخوه هوة بدة اول على امل يغير نفسيته شوي

الفاروق :: حلوة الفكرة واني ابدي اول ...

علي الباقر :: اي يالله كوول

الفاروق :: دقيقه اتذكر ..... يعني مع احترامي لعلي السجاد لان هوة مدرس

بس هاي اكو مره مدرس كال لطلابة ارسمولي حماار
ف كلوله استاذ اطلع لا نغش ......

المعتز بالله ::: ههههههه قوية هااي

علي السجاد:: همزين اني مدرس اسلامية لا يم الرسم ولا يم الحمارر

علي الباقر::: ههههههه حلووو زين اني اسولفلكم بس اضحكوو حت لو تافة

مرتضى :: زين ...

ـ اسير رجع من الاسر وعلى الحدود صااح : وطنيي وطني
كلولة لاا عيني موالدة ....

حامِد:: هههههههههه

علي السجاد :: تاافههه ترىى

البشير :: لا حلووةة

علي السجاد :: اللهم صلِّ على محمد وال محمد واخييررررااااا

علي الباقر :: شفتتوووو شكدد نكتتي حلووة حتى البشير ضحك بيها....

البشير :: اني اسولفلكم

الفاروق:: ايي سولف

حامد:: وعلي لو بس تكول نكته هسة هنا نرفس من الضحك اهم شي تسولف

علي السجاد :: اي والله

ـ لاا اذا محلوة كولو محلوة اسولف غيرها

مصطفى:: خووش سولفنا يلا نسمع

ـ اكو فد يوم حشاشة ديشاقون بل اسلاح
خمسة ماتو. و ثلاثة جرحة واخير ثنين
كالو كاافي لاتصير صدك ...

مرتضى:: ههههههههههههه

المعتز بالله :: وحده ثانيه

ـ مممم ثانيه
واحد اشترة عصفورين لامة واحد بس يغرد والثاني ساكت
ف امة كالتلة ليش هذا ساكت كاللها هذا الملحن

الفاروق:: خرب يومك بشير ههههههههههه

حامِد :: صصار دووري

ـ يلا سولف

حامِد:: هاي اكو عجايز ثنين عوانس سون علان على الجريده عجوز لزواج والثانيه مجانيه

المعتز بالله :: والثولل ايي والله ههههههه

علي الباقر :: ههههههههههه هاي اشوف تاليتنا هيجي بس نبارك بالعرس ما نعرس

علي السجاد :: ازوجو ياهو لازمكم ....

مرتضى :: جا هاي اكو متكسر كعد الصبح كال لامة يمه غسليلي وجهي جابت الماي وكامت ترش على وجه
كاللها يمة شني تلمعين مراية

البشير:: ههههههههههههه

المعتز بالله :: اكو مره واحد صعد بتكسي وخلة مرته تصعد بصدر ليش؟؟

الفاروق:: لليشش؟؟

البشير:: ليش بلة؟؟

- علمود ما يشوفها السايق من الجامه

علي السجاد :: الحمدالله باع العقلية

البشير:: ههههههههه

مصطفى:: زين اكو ابو بريص يمشي على الحايط ورافع راسة لفوكك ليش !؟

علي الباقر :: ليششش

البشير :: هههههههه ليش؟

ـ لان طاكك خشمة دم

الفاروق :: هههههههههه

حامِد:: التفاهه هنا صارت فووول ههههههه

البشير:: متونسين خلينه

علي الباقر:: دام متونسين اسمعو هااي قوية شوية

علي السجاد :: سولف يلا

ـ اكو رجال صار عنده ولد سماه درنفيس ليش؟

البشير:: ليش؟

ـ علمود يضب اخواته.....

المعتز بالله :: ههههههههههه

الفاروق:: هااي تمثل المعتز بالله ههههههههههه

المعتز بالله :: اهااا حللوو صار ينضرب بيه المثل
جا سامعو هاي كلما اسمها اتذكر غيمه

علي الباقر :: اختي شعليها؟؟

المعتز بالله :: لان فكاكه اختي غدير مع احترامي لابوها واخوانها

علي السجاد :: شنو هيه

ـ اكو وحده ابوها يشتغل كصاب سالوها شنو يشتغل ابوج كالتهم ابوي يكشر خرفان....

البشير:: حلووة ههههههههه بس ترى منقبل على غيمه

ـ مثل ما ضربو بيه المثل اضرب مثل

حامد:: هاي اكو حشاش عطس وصاحبة كح كالة لييش تغير الموضوع !!

مرتضى:: هااي لغز مو نكته

البشير:: ايي وعلي ههههههههه اكللكم شباب

علي الباقر:: عيوني

المعتز بالله:: امرني

ـ نامو اليوم عدنا...

علي السجاد :: تدلل

الفاروق :: بعد عمري اخووتييي ♡♡♡♡

༺༺༺༺༺༻༻༻༻༻

بعد ما طلع الصبح ونامو كلهم يم البشير راح علي الباقر للدكتور واخذ التقرير منه ورجع وطلب يشوف ابوه

ولينا راحت لدكتورة وفحصت وعرفت روحة حاامل...

" لينا:: هاا دكتورة

الدكتورة:: حبيبتي الف مبروك انت حامل

ـ حاامل ؛!!

ـ ايي شبيج متفاجاة؟

ـ دكتورة صالي سبوعين متزوجة ويني وين الحمل؟

ـ عاادي اكو حالات بعد الزواج بثلاث ايام وبعدسن انتي اول بدايتج

ـ بس دكتورة.....

ـ نعم حبيبتي

ـ اكدر اسقط موو ماكو ضرر على نفسي؟

ـ اسم الله ليش تسقطين؟

ـ ما تفهمين وضعي ماكدر ابقى الجنين

ـ هذا الشي حرام

ـ بس اذا ما باثة بي الروح موو حراام

ـ لينا انت مريضتي ووضعج يهمني

ـ ودامني مريضتج ساعديني

ـ لازم اخذ وقت

ـ رايحة اني هسة ...

"" طلعتت لينا من الدكتور وتوجهت لخوها بعد مطلبت تشوفة ....

"" وبعد لقاء علي الباقر وعبد الحسن ....

عبد الحسن :: هاا بوية شبيك

علي الباقر :: شلونك بوية

ـ اني بخيرر انت شبيك خرعتني اجيتك مخترع

ـ بوية اكوو شي اني اريد احجي بي وياك

ـ شنوو ولك

ـ بوية تحرير ما ماات موت الله

ـ جاا شنو؟

ـ تحرريررر ماات مكتوول

༺༺༺༺༺༻༻༻༻༻

_أمِس لو مـا عيونچ عِرضن گُبالي
چا صُوت الفَشك للصَبح ضَل عالي .

يـتـبـع ......

4467 كلمة

لتواصل o.oll13