رواية احفاد السيد : الثار ( بأجزائها الإثنين ) الفصل الثالث 3 - بقلم ​رُقَـيَّـةُ الْأَكْـبَـرُ

أحفاد السيد
بقلم الكاتبة { رقـيـة الـأكـبر }
لاتنسون التصويت ومتابعة للحساب oo_ll13

قناتي التلكرام وبيها الابطال ونحجي وننشر كلشي نورونا (oo_ii13)

.

البارت 8

"كنت آسف
عن خطأ؟؟ - ما هو خطاي
لقد كنت نجمة
في سما ما هي سماي
لقد كنت أداري كل ضيقة
وأنجرح لأجل الحقيقة
لقد كنت غيمة
تروي العطشان وأموت بظماي
ما كسبت إلا ظنوني
وما خسرت إلا عيوني"

~~~

" رحمة:: وانا كاعدة افحص ابوي حتى اطلع للمستشفى سمعت صوت من جوة وفجاة فتح باب غرفة ابوي بكل قوة..
انداريت الة لكيت المعتز واكف وشرارة تجدح من عيونة وابوي انتبه علي وخاف منة...

الحسن المجتبى:: ها بوية معتز شبيك؟

المعتز بالله::: ماكو شي بوية لتخاف بس اريد رحمة..
رحمة انتضرج جووة تعاليلي يمكن ضغطي نازل...

رحمة:: هسة اجي تانيني جوة..

المعتز:: خوووش.....

رجعت اكمل لابوي... بس ابوي مقبل على كلامي وي معتز وخاف علي لاصدك ضغطة نازل ليصير بي شي خلاني انزل اله..

الحسن المجتبى:: لا بابة كومي شووفي اخووج شيريد...

رحمة:: اي هسة بس اكمل منك...!!

ـ انيي زيين لاتخافين علية انزلي لاخوج ياروحي انتي...

ـ تمام حبيبي الي تريدة بس ريحلي صدرك...

ـ انزلي يلا...

طلعت من الباب لكيت المعتز واكف كدامة منتضرني اول مسديت الباب تقدم الي وسحبني من ايدي حيلل بكل عصبية للحضة حسيت ايدي راح تنخلع ابين ايدية... ونتر بوجهي....

ـ طيييبةةة ووييينن؟؟؟؟

ـ ايييدي شبييكك جاي توجعنييي !!!!

ـ سالتج جااوبييي طييبةةة ويييننهااا؟؟؟

ـ يعني وين شهل سؤال الصبح وصلتها لمدرستهااا...

ـ وصلتيها للمدرسة موو؟؟

ـ اييي كل يوم اوصلها شبيك؟؟

ـ چااا هذاا شنييي هاااا... فهمييينييي.؟؟؟

" رفع تلفونة بوجهي وطلعلي رقم غريب ما متسجل عندة دازلة رصورة طيبة وي ولد وكاتب الة

« تعال الحك واستر على عرضك لان شكلة راح يطير بوحده من خيمات التحرير »

وانا جاي اباوع للمهزلة البيهة طيبة...
غمضت عيوني على خيبة الامل الكلش جبيرة. هههه اي طيبة رجعت جذبت علية وضحكت علية والصوج بية انا تسترت الها هووواي وثقيت بيها وانطيتها الامان مرة ثانية......

رجع المعتز ونتر بوجهي...

ـ هااااا ليششش سككتي؟؟؟

ـ مااعرف معتز والله مااعرفف وصلتهاا بذات نفسي للمدرسة يمكن هااي الصورة قديمةة لان انا متاكدةة طيبة كدام عيني طبت المدرسة كدامي...

ـ صورةة قدييمة مووو؟؟؟

ـ اييي اكيد لان طيبة هسة بمدرستها..

ـ ههه خووش هذا الرقم رجع دزلي وين هية هسة بضبط راح اروح للمكان واتاكد....
بس خلي ببالك وحك سبي زينب اذا شفتها موتها بيدي وكدام البشرية كلها....

" دفعني انطكيت بلحايط ووكعت بلكاع لزمت ايدي من كد مصارت توجعني وامي وكفت كدامي
بعد منزل المعتز مثل المخبل..

الام.:: شڪو وين راح اخوج معتز شنو مسوية طيبة ليش يسال عنهااا.؟؟

_ بنتج مراح ترتاح لمن تموت على ايدين معتز خليهات تستاهل انا مكدرت علية معتز يكدرالها...

امي هنا صارت تلطم اخدودها وتبجي فهمت طيبة مسوية كارثة وشافت عصبية معتز وجانت تعرف اذا المعتز لزم طيبة بهاي عصبيتة وفوران دمه لو يذبحها ويشرب من دمها ما يبرد دمةة...

ـ اصخااام بوجهي اذا صددكك يااايمةة سوودةة بوجهي...

ـ يمةةة اهدييي لا يسمع ابويي فدووة..

ـ ولج لو يعرف ابوج يمووت واللهه يمووتتت ميتحمل... يامصييبتييي شهدددةة ولج هسسة اخوج لو يذبح طيبة عاددييي عندةةة ميكول لااا ولجج هذااا المعتززز تربييةة عبد الحسن ميتتافهمم بسرعة ايديه والضرببب.....

ـ جا شبيدي اناا يمة شنو اسوي الهااا كلشي يطلع بيدي سويتةة وبنتج ما اجت وياي بكل مره تجذب علية خليهة هسة على مزاجها بس ابنج يكدر الها..

ـ ابوس ايدج يمةة رحومة روحي ورة اخيج ابوس ايدج لا يسويله كارثة باخيتج كدام الناس ويفضحنا.... ابوس اييدج...

ـ تممامم تمامم رايحةةة...

ـ الحكييي بسرعة يابعد روحييي الحكييي...

طلعت اركض مااعرف شلون اوصف او اوصل شعور هذاك اليوم وشلون ركضت حتى عباية ملابسه طلعت ب ملابسي بلبيت.... بنطلون عريض وفوكة قميص جوة الركبة «الرضفة» وحتى شالي مدري شلون شمرته على شعري...
وصرت على ركضة على صعدة سيارتي شلون شغلتها وطلعت بيها مثل المخبلة...
مشيت والسرعة فوك الـ 180 حسيت السيارة نشالت من فوك الطريق وصارت تطير مرتاح عقلي لين قريت رقم سيارة الكدامي وعرفتها سيارة المعتز لحكت علي سرعت اكثر وصرت امشي حد حد وياه...

وصل ونزل وربد باب السيارة وراه.. وانا نزلت وركضت وكضيتة من ايدة..
وصرت اتوسل بي يهدة ويستر علينا وما يفضحنا واحنا هنا بتحرير وبنص العالم وبعد كل محاولاتي وياه رجع صعد بسيارتة وطلب مني اطب انا واجيبها... طيبت ركض وصرت ادور عليها بلمكان النطاه الي معتز وبقيت اتلفت وادور لين لكيتها رحت الها وسحلتها من ايدها وصرت امشي بيها والحمار الجان وياها ضل بس يباوع ما فك حلكة بكلمة وياي ولا اتدخل... وصارت طيبة تباوعلي بخوف وتوتر وتسالني شلون اجيت وشلون عرفت هية هنا....

طيبة:: .. رحمة ؟؟؟ ..... شجابج؟؟

ـ سواد وجهج جابني.....

ـ منو كالج انا هناااا؟؟

ـ المعتز كالي..

ـ شننننووووةةة؟؟؟؟

ـ ياييي اسم الله على كلبج خفتي يانور عيني؟؟

ـ دهررر دهرنييييي المعتتزز هناااا؟؟

ـ اييي وبالف ياعلي خليته ينترنا بسيارة وقنعتا انا اطب اجيبج جااان لااا ساحلج من نص التحرير...

ـ بشرفج رحمةةة لاتخلينه يوصل الييي...

ـ لا والله وشرفي انا الي اخلي يوصل الج تستاهلين..

ـ حباااببةةة رحمة والله ماتنعاااد بعدددد...

ـ طيبة كاافي امشي وانتي ساكتةةةة...

" طلعت وياها ووكفت كدام سيارة المعتز ولاحظت علية اول مشاف طيبة فتح باب السيارة وراد ينزل بس انا تلاحكت الموضوع وحطيت ايدي على الباب ودفعت طيبة بتجاه سيارتي راحت وصعدت والمعتز طلع كدامنا للبيت
وانا صرت امشي وراه ورجعتت طيبة تحجي بسيارة...

طيبة :: شلون عرف المعتز؟؟

ـ كم مرة كلتلج ولج شنوو اسويلج بعد شنووو اسويلج خاطر تتادبيين ولج ردت المعتز هوة لوحده يجيج بس دموووع اميي ولطمهااا عليج بالبيت وكف بعيني يال متستاهلي...

ـ خللص رحمة والله بعد ماعيدهاااا....

ـ هوة انتي اصلن بعد ما تعيدين ولا شي لان راح تموتين هاي هيه...

ـ لا لا لا رحممةة بداعتتت ابوييي احميني من معتز انتي تكدريله بداعتت ابووي...

ـ شيلييي ايددج ولج لو يههمج ابوي جان مسويتي سوايتج هاااي... كااافييي كلبييي خلصص منجج
لاتسمعينيي حسج بعد...

ـ ياربي ستركك ياالله...

_ الله مو دوم يستر سترج مره مرتين كاافي مامجور يتستر كلجن دووم انطاجن عقل تفكرن بي بس انتن لااا شلوون شايلات عقولجن وحاطات ابدالة تبن...
وتركضن ورا النت وسوالف النت...

ـ رحمة !!

ـ وجعة رحمة...

ـ فدووة هددي والله ماعيدها بعد تحمسست مو بعقلي...

ـ اي وتالي هذا الحماس هيج اكليها...

ـ انتي تكدرين علي انتي جبيرتنا ميحجي كدامج فدووة..

ـ اسكتييي كاافي حضج طايح وطيحتي حضيي وياج..

" وصلت للبيت .......... ولكيت المعتز واصل قبلي وامي كاعدة بصالة وهوة كدامها يمشي ويرجع
واول مطبيت جنت انا وطيبة بظهري..
اول ما شافانه اجة بكل عصبية دفعني للجهة اليسرى وكعني بلكااع وسحل طيبة من حجابهة ولان شمرها والحجاب صار بيده طفر دبوس من حجاب طيبة وشخط وجها وشك خدها.

وبقى يضرب بيها وامي كلما تلزم ايده يدفعها رحت ولزمت امييي خوف ليصير بيها شي كل شوي واكعه بلكااع...

ومن طاحت طيبة على الكاع صار هوة يصيح عليها ويرفسها برجلة على بطنها..
ركضت الة ودفعت المعتز عنها وكعته بلكااع وشلت طيبة وخليت امي تاخذها وتصعدها لغرفتها... رادت تموت بين ايدية....

كام المعتز من الكاع ورفع ايده علية راد يضربني
لزمت ايده ونلزتها بنتر عن وجهي
وصرخت بي....

رحمة ::: دير بالك ترفع ايدك علية انااا مو طيبةة لاتنسى روحك اختك الجبيرة غصب عنك تلزم روحك وياي. ولو اكسر راسك متفك حلكك وياي...

ـ مقتنعةةة بالي سووتةة طيبة؟؟

ـ لااا ممقتنعةةة ولا راضيةة علي بس مراهقة لا انا ولا انت نكدر نسيطر عليهة...

ـ لاتخلين سالفة المراهقة شماعة لاخطاااء طيبة...

ـ ماخلي شي لشي... معتززز صدكني طيبة مو بعقلها المراهقة ماثرة عليها وجاي تمشي ورة اليمشوون...

ـ كل احنااا مرينة بلمراهقة ماسوينه هيجي...
هاج انتي وغدير واريج وحتىى بنين كلجن مريتن وعبرتن هاي المرحلة وانتن ما بادر منجن ولا غلط... الا هيية صارت المراهقة يمها لازم تتعشك وتطلعلي وي زلمممم ؟؟

ـ لاااا معتززز لاتقارن مراهقة طيبة بمراهقتنا..
اذكرك لو ناسي شوكت احنا اجتنا المراهقة اجتنا بوقت لا بي تلفون ولا بي نت ولا بي ايي شييي كدرنا نلزم انفسنا وغدير واريج عمي حاصرهن حصر وبنين لو علي الهادي ما لازمها وساحبها اله ومخليها وياه من الطفولة جان يمكن هم غلطتتتت لان مافرق بالعمر بينها وبين طيبة....
لاتلوم طيبة اجت مراهقتها بوقت غللط وسخيف وسلوب غللط راحت ضحيته المكرودة هااي...

ـ ٠٠٠٠٠٠٠٠٠٠٠ ٠٠٠٠٠٠٠٠٠ ٠٠٠٠٠٠٠٠

ـ اكعد وياها وسولف وشوفها ليش وصلت لهاي المرحلة انت اخونا الوحيد صير عون النا شوف اختك شنوو ناقصها ليش لجات تسمع كلام حلو من غريب ليششش طلبت الاهتمام من غريب وما طلبته منناا...

ـ لا اريد اكعد وياها ولا اسولف واذا شفتها كدامي اذبحهاا.. واصعدي كليلها طلعة من الغرفة مااكو وتنسى شي اسمة شارع لو مدرسةة...

ـ لااا معتز احرمها من كلشي وانا اشد على ايدك بس مدرستها ومستقبلها لاااا....

ـ اصعددييي اقفلي باب الغرفة عليها وجيبيلي المفاتيح ولاتناقشيني نقطة انتهى....

ـ مو من عقلك. !!!!

ـ تصعدين انتي لو اصعد انااا ولو شفتها و حرك خيام زينب اذبحهااا واخليكم تغركوون بدمهااا....

ـ حيصير الي تريده بس بدل هذا صياحك روحح لذاك الحيوان الي طولة وعرضة حاط وحده قاصر مثل اختك ويضحك عليه...

ـ هذاا لتخافييي هسسة حسابة وياي اصعدي طلعي امي منهاا وجيبي مفاتيح الغرفة...

ـ تمام....

« الــ؏ـــمــآره‍ »

دخلت ام دهام لغرفة ابنها صيوان حتى تنضفها وشافت < دريــة > زوجة ابنها الشهيد دهام.
كاعدة تنضف الغرفة ومكملة وجاي تبخر الغرفة...

الام:: شنو. جاايي تهبببين هنااا وهايي شنوو بالمبخرة جاي تبخرين سحرج بغرفة ابني تردين تطيحينه مثل مطيحتي ابني دهام و حرمتيني شوفته؟؟

دريــة:: محرمتج من احد ابنج دهام شهيد راح لدار حقة..
وانا هنا جاي انظف لان ابنج صيوان هوة الي مَـر على غرفتي قبل ليطلع وطلب مني انظف غرفته..
دوم تسيئي الظن بية...

ـ آوووو يااعمرييي انتي المسكينة المظلومة ولج انتي سجييينه يااحيية... اطلعي برررة وماريد اشوف جهرتج هنااا بعد فهمتييي..

ـ والله ياعمة بساعة الي صيوان يكلي لاتسوين شي انا ماسوي الوحيد الي الة كلمة علية بهذا البيت هوة صيووان. لانتي ولاغيرج تامريني...

ـ وترديين بوجهي بعدددد ياقليلة الادب !!!!

ـ ههههههه عمة انا قليلة ادب..؟؟ ولج بالادب العندي اغركج انتي وبناتج يلااااا مو تايه الج انااا..
واذا لهسة محترمتج بس لان انتي بعمر بيبيتي وهمم لخاطر ابنيي صمود لانج جدتة....

ـ آياااا بنت ابليسسسس انااا بعمر بيبيتج ياااحقيرة يامتستحييين على وجهج اطلعيي.. برة بيتيي بسرعةة مااشوف وجهج هناا بعد اطلعييي....

ـ اذا طلعت صمود يطلع وياي....

صيوان::: شجاي يصير شكووو اصواتكم واصلة الولاية...؟

ـ تعال يمة تعال شوف هاي بنت ابليس شلون جاي اذب سمها علية وجاي تبخر بسحرها بغرفتك
وانا اكوول ليش وضعك منكلب ومجاي ترتاح اثاري منهااا...

دريـة::: صيوان احجي وي امك اذا السانها ما نلزم وياي ومحترمت كبرتها ونفسهاا والله مابقى الكم بلبيت ولا دقيقة.... مامجبورة اسمع الكم الهائل من الاهاين واضل ساكتة...

ـ يوم السعد يوم ما اشوف وجهج استعجلي يلا وولي منا...

ـ تدللين بس ما اولي لوحدي ابني صمود يجي وياي..

ـ نجوم السماء الج اقرب روححح دادة روحيي صمود ابن دهاام مو ابنج لو تنزرعين هناااا ماخلي حفيدي بيد ام سحورة مثلج تردين اطلعين صمد شيطان مثلج....

صيوان :: يماااااه سدديي حلكج شوووية....
دريـة مجاي اسمعين صوت صمود يبجي اصعدي لابنج...

دريـة :: صاار وتدلل من عيوني....

ـ ليشش هيجي اتصرفت ويايي كدامهاا؟؟

ـ كاافي يمة ارحمي البنيه شوية مو كافي متحملة تصرفاتج وتصرفات بناتج بس علمود تعيشين وي حفيدج..؟؟

ـ لو اناااا لو هيةةة بلبيت ماريد اشوف خلقتهااا بعد هنا ابيتي...

ـ انتي التخسرين اذا دريـة طلعت منا ورجعت لبيت اهلها...

ـ هه وليش بلة اخسر؟؟

ـ اذا راحتت راح تاخذ صمود وياها وتحرم عليج بعد شوفة ابن ابنج...

ـ جا هية بكيفهااا اذا تريد تولي تطلع بطرك روحها ما تاخذ حفيدي...

ـ جا هذا الحجي بعمره ميصير اذا دريـة طلعت صمود يطلع وياها مايبقى بدون امة ودريـة مضل بدون ابنها..

ـ ولكم بس اريد افهم شنو مسوية الكم هل دريـة هاي شنو من سحر ساحرتكم بي
الاول دهام جان طايح بيها وميشوف ولا غلط من اغلاطها ومن راح
افترت عليك ووكعتك بيها وصرت مثل اخوك..

ـ هية شنيية بس السحرر على السانج ..

ـ لان هاي سوالف النسوان يمة اذا مكدرت اسيطر على الرجال بجسمها والسانها تزبك زبك للسحر..

ـ هه صدك لو كالو كلمن يشوف الناس بعين طبعة.

ـ صيووووااان...

ـ يعني انتي لو حاطة العباية على راسج وهايتة من مكان لمكان لو هنا حاكة دوبج من دوب هل افقيرة هااي؟؟

ـ عمتتت عينيي اذا صددك لو هاي فقيرة عمت عيني عليها...

ـ يمااه كلام نهاية سطر اذا تحارشتي بعد بدريـة لو اشتكت منج اقسم بالعزة مضل اهنا ولا دقيقة اخذها اهي وصمود واذب عليها يمين الطلاق واوديها لاهلها وتنتهييي... لان صدك تعبت منكم كاافي
خلينا نعرف نعيش وخلي المسكينه تعرف شلون تربي ابنها..

ـ هيجي صار الحجي وياي صيووان هاا صرت تحجي وياي وي امك معلك؟؟

ـ دووم انا احجي هيجي ماكو شي جديد...

_ خيير خيير ان شاءلله ابشرررج يا دريـة يابنت بليسسس عرف يشتغل سحرج.... وصيوان وكع بيج..
يلا ما اوصيك اليوم نام عدها وادخل عليها وسمعنا خبر حلو مولود جديد اخ لصمود...
يلااا يازلمتي ياابن بطني صير رجالل وروح سووهاا..

" رفع صيوان ايدة بعد كلام امة وللحضة جان يريد يضربهاا لان نرفزتة حيل بس وكف وادرك روحة ونزل ايده...

صيوان':: يمااااه كاافييي بروحة لابوييي...

ـ تريد تمد ايدك على امك؟؟ ترفع ايدك بوجهي ليششش نزلتهاا كمل الردت تسوي واضربني يلاا اضرب امك....

"دار وجه صيوان وضار يضرب بوكسيات بالمراية مال غرفتة ويصيح...

صيوان:: كاافيي كااافييي كاافييي مااريد اسمع ولا صووت ارحموو بحالي اسكتوووو....

ـ عمت عينيي يمة اوكف بداعتي باع ايدك شلون صارت تجري دم تعال اسويها الك تعال يابعد جبدي..

ـ ماارييد شييييي اطللعي بسس اطلعي عنييي

ـ بس يمةة صيوان ..

ـ كلتلج اطلعي اطلعي خليني لوحدي اصخمم اطلعييي برةة...

ـ صاار يمة صاار طالعةة..

ـ اطلعييي.

دريـة:: صعدت ودخلت لابني وشلته وصرت اهود الة خاطر يرجع ينام وسمعت صيحة صيوان وامة..
ماعرف شنو من ام هاي مترتاح يوم تشوف اولادها مرتاحين الا تدخل وتخرب كلشي...
ورة ما نام ابني طلعت من الغرفة ورجعت طبيت لغرفة صيوان. دكيت الباب ودخلت لكيت الكاع متروسة جام متكسر...
رحت ليمة جان كاعد على الجرباية ويذب مطهر على ايده اخذت المطهر من ايده ولزمت ايده الثانيه وصرت اعقم ايدية وجرحة...
وهوة اكتفة بسكوت وبقة بس يباوع لعيوني واني مدنكه اسوي ايدة...
بعد ما كملت وشديت الضماد رفعت عيني اله ابتسم بوجهي....

* ملاحضة:: خاف مفاهمين علاقتي بصيوان انا اصير مرت اخوة دهام بس زوجي استشهد بوقت تحرير داعش بـ 2017 وانا جنت حامل بشهر الثاني.
وبعد دورة السنة ب 2018 طلبو مني حفدهم والشي الوحيد ذكرى من الشهيد يبقى يتربى عدهم ولان رفضت ابتعد عن ابني واهلي رفضو اعيش ابيت عيالي وانا ارملة عقد علية صيوان...
وخلاني اصير مرته بس ما داخل علية ولا مرة ولا يفكر بية حتى...
بس مادري عمتي ليش لهدرجة تكرهني من يوم جنت عروس دهام لهذا اليوم هي مو طايقتني.... يمكن لان عمتي طبعها مسحكمة تريد تحكم الكل وتريد الكل يمشي على رئيها وحتى اولادها تريدهم يشتغلون الشغل الي هية تختاره ويلبسون البس الي يعجبها لهااي الدرجة ميكول هم زلم..
وحتى بزواج تريد هية تختار العروس زينة مو زينة اهم شي هية تريدها..
ولان انا مو ختيارها دهام حباني وجابني لهنا هية مو طايقتني.
وبعد استشهاد دهام رجع صيوان اتزوجني وهية تريده يتزوج تكتم كرهتني بزايد.....

صرت اباوع لصيوان ولبتسامته واردف بكل حنية اليشوفة ميكول هوة نفسة القبل شوي كالب الدنيا..
وسالني وهوة ياشر بيدة على مكتبة عن اوراق شغلة..

صيوان:: اوراق جنت مخليهن هنا على ميز المكتب وينهن؟

دريـة:: مممم اوراق السجل؟؟

ـ ايي هنا وينهن؟؟

ـ حطييتهم جوة الخانة دقيقة اجيبهم الك..

ـ تمام... بسرعة

كمت وطلعت الاوراق ونطيتهم الة واخذهم من ايدي وراد يروح لتجاة المكتب ويكعد على الكرسي حتىيقرأ الاوراق لزمت ايدة ومن ندار الي
ضليت اباوع لعيونه واردفت...

دريـة:: لا تشتغل شي اذا تحس نفسك تعبان لاتضغط على روحك العمر يخلص والشغل ميخلص ترجعلة بعدين...

ـ بس انا مو تعبان....

ـ لا تعباان اترك هذا من ايدك وارجع الة بعدين م يطير يعني..

ـ صح تعبان شوية بس انتي بس سويلي كهوة من ايديج وانا راح اصحصح بيها اريد اكمل مكدر ااجل بعد...

ـ شكككد عنييد...

ـ مو اعند منج روحي يلا...

ـ تمامم من عيوني...

ـ أووو اكلج دريـة !!

ـ كول صيوان؟

ـ صمود نام؟

ـ توه فز حاولت وياه مكدرت انومة تركتة يلعب وساكت...

ـ شرايج نطلع ونغير جو؟

ـ منو يطلع انا وانت وصمود؟؟

ـ ايي شبيج اكو غيرنا يعني؟

ـ مااعرف صيوان!!

ـ شنو المتعرفي؟؟

ـ هية امك شافتني انضف غرفتك تخربطت علية مو ادور تلكاني طالعة وياك والله تخلي جنازتني كبل لنجف

ـ لاتفكرين ب امي معليج بيها...

ـ شلون معلية بيها صيووان تاليتي انا الي اكلهاا..

ـ ياعمييي انا هسة كتلج خ نطلع امي ما دخلهاا ولا راح تدخل انسي يلا روحي غيري ملابسج وغيري لصمود...

ـ زين وين نروح حسب المكان؟؟

ـ ماادريييي بمزاجج وين تردين نروح؟؟

ـ دام صارت الشغلة بمزاجي خووش...
صدددك اتذكرتتتت..

ـ الله يستر شنوو؟؟

ـ انت مواعدني بطلعة ولهسةة مماخذني الها...

ـ انا مواعدج؟

- اي ذاك اليوم من ضربتني.
ف من اجيت راضيتني واعدتني تاخذني لمكان..

ـ مادري يمكن ناسي !!!

ـ جا شلون حضرتك توعد اذا تنسى ؟؟

ـ مليون سالفة براسي والعزه.. زين كليلي وين مواعدج وتدللين علية اليوم !!!

ـ واعدتني تاخذني على البلم ونمشي بنص الاهوار !!

ـ ههههههه بس هيج ياعمي غاليةةة وطلبج رخيص
هاي البلم موجود والاهوار موجودة...

ـ جا رايحة اني اجهز نفسي واجهز صمود...

ـ تمام بس هاااا من هسة اكلج دريــة...

ـ ها عيوني؟

ـ انتي مو عندج خوف من الماي ومتعرفين تسبحين؟؟

ـ اي صح بس احنا راح نبقى بالبلم...

ـ خوش بس من هسة اكلج اقل حركة ونكلب البلم بينه اركض اطلع روحي واطلع صمود وياي بسس..

ضليت صافنه شلون من هسة تخلى عني وعلى الرغم من جان يسولف جان يضحك... بس حزت بخاطري وتفاجئت حيل...

دريـة:: يححح..!!!!!!

ـ هاا شبيج؟

ـ هيجي اضحي بية صوووان تعرفني اغرك ومتطلعني؟؟

ـ ولج وين اطلعج انا اذا رحت اطلعج احط واغرك وياج..

ـ لااا والله....

ـ اي والله شني حضرتي بايع نفسي ماريد روحي اجي واشيل هايشة مثلج تحطين علية وتغركيني بنص الاهوار...

ـ عززة العزززاك صيووان اناااا هايششة؟؟

ـ لالا اعتذر حشى الهايشة منج ضلمتها شبهتها بيج..

ضليت صافنة علية شلون يضحك وناصب علية
وسويت روحي زعلانه ودرت وجهي خاطر اطلع اجاني من ظهري وطبك ظهري على صدرة.
ولزم خدودي باثنين ايدية وصار يلعب بيهن ويكرصهن.....
وهوة يحاول يصبغني...

دريـة :: حلوو صيوان حلووو انا هايشة هاي هيه مريد شي. منك يلاا باايي

ـ تعالييي ولج وينن رايحةةة؟؟

ـ وخر عنييي.. عوففف خدودي...

ـ هههههه ولج هنة بس ذني خدودج وزنهن طن مو قصدي هايشة بمعنى الكلمة...

ـ مااريد وخرر..

ـ يمةة يمةةة فداااوي للزعلانةةة..

ـ وخرر ماحجي وياك بعد يلا رايحة ل صمود احسن الي..

ـ لا تعالي والله مو قصدي تدرين بية اذا صدك نكلب بينة اغرك روحي عاديي عندي بس اهم شي اطلعج انتي وصمدي وتصيرون بخير وسلامة...

ـ صدددك والله؟؟

ـ اي والله جا شني ولج شعندي غيركم؟؟

ـ مااعندكك...

ـ ياابعد طولي والعزة اموت عليكم...

ـ مبروك عليك عرفت شلون تصبغني...

ـ الحمدلله تمت على خير ههههههههه..

ـ رايحة اكمل نفسي ما اتاخر...

ـ انتظركم جوة...

ـ تمام....

« بـــڠـــﮂاﮂ »

غدير :: وصلي خبر السايق مالتي بعد ميجي ياخذني ولان اخواني كل واحد عنده التزام ميكدر يبقى وياي اقترح الشيخ على ابوي ابنه انمار هوة يصير ياخذني ويرجعني لان ماعنده شي...

وانتضرتة الصبح واجة ووكفت كدام الباب مالتنا صعدت بلخلف وصرت اكلب بلملزمه واباوع للدفتر اراجع الامتحان وكلما افتح عيني الكي عيونه بلجامة...
ارجع ادنك ولمن توقفنا باشارة المرور...
ماعرف يضل ساكت واردف...

انمار:: هساعين وينها مدرستج؟

ـ بعد شوي لكدام...

ـ لغادي؟؟

ـ يي

ـ انزيين... باي صف انتي؟

ـ سادس.

ـ صعب.

ـ ماكو شي صعب كدها نحن...

ـ لا والله مو مالت شعارات السادس صعب...

ـ صعب للي ميقرة الحمدلله ديمشي وياي سهالات..

ـ مبين عليكي شطورة...

ـ الحمدلله...

ـ هساعين منين اطلع؟

ـ بهذاا الفرع..

ـ ايش هاض مدرستچ بتلفات الدنيا...

ـ شسوي يعني هاي اقرب وحده لبيتنا..

ـ عَجل مخليها بنص البيوت ايش هذا الخارطة؟

ـ والله اعذرني مو انا المهندسة لو اني جان خليتها على الشارع ممكن تسكت هسة اريد اراجع متحاني ما بقى شي...

ـ اسف مكصد ازعجج اخذي راحتج...

ـ شكرا ✿

وصلت للمدرسة واول مردت انزل رجع سالني بيش ساعة يجي وانا نطيتة الوقت وسديت الباب ودرت وجهي ودخلت للمدرسة...
وشفت بنين كدامي !!! رحت وحضنتها وصرت امشي وياها وسولفتلها عن غثة انمار اكييد ملازم اضم شي ههههه

ورة مكملت دووام طلعت ولكيت انمار واكف منتضرني ودعت بنيني راحت هية تمشي مشي لان بيتهم ورا المدرسة...
وانا رحت وصعدت بل سيارة ومشة...

انمار:: شسويتي بالمتحان؟

غدير:: جاوبت زين..

ـ زين ولا زوينن؟

ـ لا زين.

ـ الحمدلله.... راح اوكف هنية لدقايق...

ـ ليش وين تريد؟

ـ ح اتهدة اشتري جكاير واجي مزرعد...

ـ لاتتاخر...

ـ لاا دقيقة.

نزل وانا صرت اباوع لجامة صارت باهتة جانت عيونة المكحلة تارستها......
عيونة سود وتارسهم كحل مدري هنا هيجي مكحلات؟؟
طلعو الزلم هم عليهم سوالف مثلنا....
رجع صعد وشمر باكيت الجكاير والجداحة بالكرسي اليمة كرسي الصدر...

وحرك سيارتة...
ومكتفيت بالسكوت صارت تگرگ بكلبي السالفة الا اطلعها حتى ارتااح....
وهوة انتبه علية واردف بسؤال...

انمار:: فيكي شيي؟؟

غدير :: لاا ماكو شي...

ـ هجست تريدي تكولي شي احكي لاتستحي...

ـ هوة اكو سؤال صغير وتافه هم بس فضولي اتفه منه..

ـ ههه لا كولي اسالي؟؟

ـ عيونك هيج من الله ولا انت الي تحط الهن كحل؟

ـ اكثر سؤال ينطرح علية...

ـ مممم اذا تريد لا تجاوب..

ـ لااا شسالفة لا عيوني عاديات انا احط الهن كحل..

ـ ليش اكو شي لتكحلهن؟

ـ هوة لا بس بعمر الـ20 صار التهاب فا الدكتور كالي كحل عيونك كل يوم مدري ليش وانطاني نوع معين من الكحل علاج لعيوني... وطبت وصرت زين.
بس صرت استغرب وجهي بدون كحل علمود هيج كمت كليوم اتكحل هاي صارلي 9 سنوات على هل منوال....

ـ ممم بس حلوات لايكات عليك...

ـ عويناتك الحلوة...

ـ تسلم.

ـ الطريق كصير لو انا ماحسيت بي؟

ـ لا هوة كصير...

ـ هل اكول يلا اشوفج باجر..

ـ ان شاءلله..

ـ انطيني رقمج

ـ المن؟

ـ خاطر اذا مداومين او شي تتصلين عليه.؟؟

ـ لا ميحتاج اذا ما اداوم علي السجاد يتصل عليك ويكلك..

ـ تمام...

ـ مـع السـلامـة...

ـ باياات ♡♕

" علي السجاد ::: طلعت العصر ومريت على لينا لنطلع سوة طلبت تشوفني..
ورة ما وكفت الها كدام الباب طلعت وصعدت بصدر يمي... واردفت الي....

لينا:: دحك متأخرت خرجت مزرعده عليك...

علي السجاد:: اي صح...

ـ شبلاك يبوي؟؟

ـ ليش طلبتي تشوفيني؟؟

ـ وعليش متصركع محرم علي ادحك عويناتك يبوي ؟؟

ـ وكلام الله ما فهمت عليج ولا كلمة!!! بس المهم هسة بشنو ترديني.؟؟

ـ حبيت نطلع ونتعرف...

ـ شنتعرف نحن تعرفنا وخلص...

ـ يابوي أشنووو هااض تركني وياك أشوي عجبني نخرج انا وانت ونجهز الاغراض الي احتاجهم للعرس..

ـ زين ماكلتي لمرة ابوج او اتصلتي على العلوية تنزل وياج انا شمعرفني بهاي السوالف..
وساحلتني وياج ؟؟؟

ـ وليه ماتريد تخرج وياي تراني مرتك !!

ـ مو هيج بس ممتعود اطلع وي بنات وليش مستعجلة على الطلعة وياي نتزوج الخميس وتشبعين مني....

ـ ويعني انت متخرج وي اخواتك؟؟

ـ لا اطلع عاادي...

ـ عجل اشنوو ممتتعود...

ـ اخواتي غيررر...

ـ اهاا وانا وششووو سجاد انا اعرفف ان زواجنا صار على غفلة لكن انا هساعين اسوي كل اليطلع بيدي لاكسر ذا الحاجز الي بيناتنا...
انا اعرف ان انت متعود على اشياء انا ما متعودة عليهن وان انت من بيئة وانا من بيئة بس صدكني مراح اتعبك وياي الي تريده انت راح يصير...

ـ ايي زين بس لازم تتفهمين انا طبعي خجول شوية بهيج امور واتمنى متتجرئين وياي هوواي...

ـ بس انا ما سوي ايشي غلط لمن امسكلك ايدك او حتى احط ايدي على وجهك انت زوجي.. عقدنا شيخ ومحكمة يبوي خلاص انا مرتك وحليلتك...

ـ ايي افهم والله يا لينا بس انااا شعور بية دا يخليني بعيد عنج فدوة لعيونج تحمليني هل يومين بس اتقبلج وانا بذات نفسي اصير اتقرب منج.....

ـ بس انا ماريد انتضر مثل ما انا هم خجولة هي كسرت كلشي علمودك وصرت اتقرب منك واخذت هاي الميانة...

ـ بس انا مو مثلج ماعندي هاي القابلية....

ـ يوووو انت بس قضي اليوم وياي وشووف نفسك اذا ماخليك تموت علي...

ـ ههههه شنو هاي الجرئة؟؟

ـ والله لا جريئة ولا وكحة خاف تاخذ علية نضره بس انت جبرتني لازم هيج نسوي....

ـ وين نروح هسة؟

ـ ممممم اطلعلنا لسوك خلي اشتري اغراضي على ضوقك...

ـ ضوقييي؟؟

ـ اييي

ـ ولج اسمة ذووق بذال وليس الضاد...

ـ مادريي يلا يبوي ولاتزعل اشتري على ذوقك...

ـ احجي عدل يلا..

ـ افسةةة....

ـ افسةة شني؟؟

ـ اقصد اسفةة

ـ شبيج صرتي تكلبين الحجي؟؟؟

ـ دا اباغتك شبلاك ؟

- تمام عيونيي يا محل تردين نروح اول..

ـ ملابس نسائية!!!

ـ شننييييي!!!

ـ شبيك اذا مشتري وياك ويامن اشتري...

ـ بااعيي لهسة مطول خلكي وياج بس وحك هوة علي احط وارجع هسسسسسة لو تموتييين مافوت وياج هيجي محلاتتتت....

ـ انتة صدك هيج طبعك؟

ـ لينا!!!! لاتخبلينييي...

ـ لا سجااد انتة لتخليني افصم عليك اشنو هااض مدا تطيني فرصة شنو بيهاا اذا نزلت وي مرتك واشتريت...

ـ انزلي وي امج وي العلوية واشتري هيج غراض وياي لااااا مستحيللل...

ـ صدكك تحجي؟؟

ـ اي والله صدك احجي....

ـ رجعني للبيت....

ـ لينا..

ـ سجاادد رجعني للبيت...

ـ براحتج...

ـ هي براحتي.....

" رجعت لينا للبيت وطلعت لمكان شغل باقر وانا ضايج ايي مو حقهاا تزعل شي ممتعود علي هية كووة لازم اجبر نفسي لا والله..
احترمت مشاعرها وكلتلها تحمليني هاي اليومين وهي مدري شبيهاااا...
معلية بعد زعلت مزعلت هاي انا وهاي اسلوبي تتحملني تتحملني...

" رحمة::: وقت صار اليل طبيت للمطبخ ولكيت امي دا اجهز العشا وكفت يمها وصرت اسالها عن الاغراض بعد منكعت التمن لان جان بخاطري اطبخ للمعتز لان مطلع من غرفتة من وقت الغدة وحتى ما تغدة...

رحمة:: شلون صارت طيبة؟؟

الام:: مادري اخر مره جنت يمها من صعدتي وقفلتي الباب...

ـ ماصعدتي الها بعد؟

ـ شصعد والمفاتيح عند اخوجج بنتي راح تمووت جووةة مو بعقلة معتزز...

ـ انطيني البصل والفلفل والبتيته والطماطة والجزر والكرافس...

ـ المن هاذا كلة؟؟

ـ نكعت التمن اريد اسوي تمن احمر بالخضروات اكلت المعتز المفضلة من الصبح مماكل شي بلكي ياكل من ايدي..

ـ زين تسوين واحجي وياه بموضوع طيبة تبقى اخيتج طفلة وجل من لا يخطأ.

ـ ان شاءلله يصير خير انطيني الغراض من يمج...

ـ هااج يمة...

" ورة مكملت طبخ اخذت الاكل وصعدت لفوك وحطيت وياه كلاص لبن ادري بي يموت عليهن سوة...
فتحت الباب لكيته كاعد على الجرباية حطيت الصينية على ميز المراية ورحت سحبت الطبلة حطيته كدامه وشلت الصينية حطيتها على الطبلة ورحت كعدت يمة وحطيت ايدي على فخذة...

رحمة:: راح اضل هيجي عاكد النونة وكالب الخلقة؟؟

المعتز بالله:: حيل حركت روحي طيبة حيلل...

ـ لاتفكر صير وياها انت اخوها الوحيد لاتصير ضدها يابعد اختك....

ـ شنو ناقصهااا شنووو ليش تسووي هيجج ليشش اشو عايشة باحلا بيت ومتربية احسن تربية يكفيها سمعة هية علويه لك شنووو يخليها تنزل روحها لهيجي مستوووا شنووو ...

ـ كتلك والله مو بعقلها هسة راح ترجع لوعيها بس عوفها شووي وي نفسها غلطت وراح ددارك غلطها...

ـ لاتكلولي مراهقة ماكو هيج حجي اكووو عقل يفكر...

ـ اكلك شي متزعل مني...

ـ شنو !!!؟؟

ـ يمكن مو مراهقة الله ميضرب بعصة يمكن هاي حوبة بنية انت ضحكت عليها يمكننن....

ـ شهل حجييي...

ـ ايييي هذا الحجي العرض بالعرض والدم بالدم ماكو شي هيجي يروححح يابعد اخيتك...

- ممادرييي بعدد....

ـ خللص اهدة على كولت امي ماكو واحد معصوم من الاخطا نحن لا ائمة ولا معصومين ياروحي انتة حقك تعصب وحقك تضرب بس لاتقسى حيل لاتدمر حياه اختك على غلط اجة بساعة غفلة...
شنو الفرق يعني انا مخليني دكتورة وجاي تقبل اروح واداوم ابين الزلم ومرات مو اتصل عليك واكلك عندي شفت ليلي وابات بل مستشفى ليش مسويتلي مشكلة هااا ليش متحجي وياي...

ـ لان انتي جبيرة ولج انا مراات استحي احط عيني بعينج لان اكبر مني وادري بيج اووعى مني وتعرفين الصح من الخطا فااا ماعندي مانع انتي كد روحج مينخاف عليج...

ـ زين اترك طيبة هيج مثلي هسة غلطتت سامحهااا لخاطري احرمهاا من كلشي بس المدرسة ومستقبلها لاااا
واذا تريد وخايف عليها وعدد انا اكطع دوامي الصبح واوصلها وابقى هناك بمدرستها منتضرتها لمن تطلع اخذها ما اتركها بعد وعدد بس لا تبطلها لا تسوي هيج....

ـ تمامم هاج مفاتيح غرفتهاا صعديلها الاكل ادري من الصبح مماكلة ...

ـ ياعمريي والله ادري بيك لو نفر الدنيا كلها منلكة احن من كلبك علينه بس بيك مشكلة صغيرة..

ـ شنو هية؟

ـ عصبيتك اووف منها لو تتقلل شوي نعيش مرتاحين...

ـ روحييي هسة...

ـ لا مااروح لمن تفك عكدة حواجبك وتاكل شوف سويته باديه الك...

ـ ممممم تمام هسسة اكل...

ـ اجة براسي شي..

ـ شنو؟

ـ شرايك ادورلك مره وازوجك؟

ـ لاااا مااريد...

ـ ليش؟

ـ مو خابصتني انا اكبر منك انا اكبر منك يلا اتزوجي انتي انا ازوج...

ـ لا انا اطول بس اذا عندك رجال الي مكول لاا...

ـ ولججج

ـ ههههههه اشاقة شبيك... لاصدك شوكت تتزوج؟؟

ـ لمن الكي بنت الحلال...

ـ بنات الحلال هوواي...

ـ اريد وحده مثلج لمن اجيبه للبيت تحط ابوي وامي بنص عيونهااا انا ماريد مره اريد خدامة لاهلي...

ـ شنو هايي العقليةة؟؟؟؟؟

ـ والله انا بلغرفة اصير الها كلشي وهية الي بس خارج الغرفة هيةة لهلي مو الي..
انتي راح ترحين وطيبة تروح يعني بس مرتي تبقى ماريد تعلعل امي وتهمل ابوي..

ـ زين معتز اسالك...

ـ اساالي...

ـ لو تزوجت انا وزوجي كعدني من دوامي وخلاني خدامة لهله ويضربني ويهيني...

ـ اششششش مخليج ولا دقيقة يمه شنوو تايهتلة ما وراج زلمةةةة...

ـ شووف شلووننن..

ـ شنوو؟

ـ دوم خليك المتقبلة على اختك لا تقبلة على مرتك...

ـ بس انا مراح احرمها من شي ولا راح اجاوز عليها كتلج اصير الها كلشي بس بالمقابل هية تصير كلشي لهلي...

ـ زيين....

ـ صددك كولي لطيبة سبوعين متداوم عقاب الها وكلشيي ماكو لا تلفون ولا طلعة ولا ايي شيي

ـ تمامم يلا اتعششىى....

ـ ان شاءلله اصلي العشا اول واجي اكل

ـ تمام تقبل الله مقدماً

" طلعت من غرفة المعتز ونطيت مفاتيح غرفة طيبة لامي لان ماريد اشوفهااا..
وصعدت لغرفتي دزيت رسالة لزُبير جنت بخاطري احجي وياه...
بس طلع عنده واجب ويمة ضباط من دزلي صوتية حسيت بوجودهم..
طفيت نت خاطر ما اشوش عليي....

" بشير ::: رحت للمخزن وفتحتة وطبيت لجوة.... وقررت اطلع الي بي...

بشير:: تطلعين برة؟؟

ـ ح اطلعني؟؟

ـ جا ليش وهج!! كومي اطلعي خلي نطلع اصلن لبرة نتفس شوية...

ـ صدك تحجي؟؟

ـ اي والله ما انتي اختي بنت ابوي مو هيج لازم نطلع وراح اخذج لمكان يجنن مراح تنسي بعمرج...

ـ بشير انت مراح تذبحني صح؟؟

ـ ههههههههههههه....

ـ شنوو هاييي الضحكة؟؟؟ ماريد اطللععع وخرر عنييي...

ـ تتعالييي موو بكيفججج...

ـ بششيرر وخررر عنييي راحح تذبحني رااحح تذبحنيي ادريي بيكمم تردونن تكتلوني...

ـ اشششش صووتتججج اطلعييي....

" بعد ما شلتها وطلعتها سحل من البيتت وهية صارتت تصييحح....

بشير:: كتلج اسكتيييي....

وهج:: وخرر عنييي وخررر..

عبد الحسن::: اربط حلكهااا فضحتنا....

مؤمل:: صاار...

وهج::: لااااا وخرر وخ......

" ربط حلكها مؤمل وانا لازمها وصار عمي يباوعلها وراها باوعلي واردف...

عبد الحسن:: اخذها ذبها بسياره بسرعةة...

بشير:: صاار عميي...

مؤمل:: اصيح لفاروق ؟؟

عبد الحسن:: لاااا بس انت وبشير.... روح اصعد والزم وهج اكعد يمها...

مؤمل:: صاار....

" رجعت طبيت لعمي ووكفت كدامة..

بشير:: يلا عمي نروح؟؟

عبد الحسن:: ايي نرووح والله الا اخليي سائد ( قصطير) ماينسى اليوم هذا ابد ولا يرجع ويطلع لاختي خ يشوف شراح اسوي بلي صارلة عمر يدور عليها امشي كدامي يلا ماريد نتاخر...

ـ صاار يلا نروح

༺༺༺༺༺༻༻༻༻༻

" أراكَ تنظرُ في الآفاقِ منتظرًا
وعدَ الشروقِ وفي عينيكَ مغربهُ
قل للهمومِ التي أبقتك منكسرًا
إن طال ليلُ الأسى فالصّبحُ يعقُبه
عمّا قريبٍ يعودُ الحقُّ منتصرًا
ويكتبُ اللهُ أمرًا كنت ترقبهُ ".

يـــتـــبـــ؏