رواية احفاد السيد : الثار ( بأجزائها الإثنين ) الفصل السادس 6 - بقلم ​رُقَـيَّـةُ الْأَكْـبَـرُ

. أحفاد السادة
بقلم الكاتبـة ( رقـيـة الأكــبر )
لاتسون التصويت ومتابعة للحساب

.
البارت 15

__ مَالِي سِوَاكَ مُعِينًا هَادِيًا أبدًا
أرشِد فُؤَادِي فَقَد تَاهَت بِهِ السُّبُلُ.

༺༺༺༺༺༻༻༻༻༻

علي الباقر:: انمااار لا تختبر صبري....

انمار:: لا اختبرك ولا تختبرني انا خطبت المحروسة على سنة الله ورسوله ممسوي شي حرام

ـ واختي ما تريدك واذا وافقت عليك فا اعرف بس لان ابوي جابرها..

ـ عادي من تعيش وياي راح تغير تفكيرها

ـ وانت لك شلون تتحمل روحك تتزوج وحده متريدك شلون عندك هيجج طاقة تحمل ؟؟

ـ اءءء تعرف كلامك كسرلي كلبي ...
دامك لا انت ولا اختك تردوني ليش وافقتو؟

ـ لو بيدي ما اوافق بس ابوي واريدك انت ترفض وتروح وتكول لشيخ ابوك ماتريد تتزوج بعد لا ورحمة جدي

ـ بلا متحلف..

ـ شنو؟؟

ـ ياعمي خووش وعد مني وكلمة رجال اخذها اروح واخرب كلشي بس بشرط..

ـ شنو؟؟

ـ اسمع الرفض من صوت اختك

ـ هييي شنيي تخبلت انته لو تريد تخبلني...

ـ ماكلت شي غلط انا انت مو تكول اخيتك قبلت بية لان ابوك جبرها تمام يا خوية..
روح احجي وياها لوحدكم وسجلي صوتها وانت تسالها وتستفسر منها بخصوص موضوعي
واذا كالتلك اي ماريده وابوي جبرني كلشي ينتهي ....

ـ هيج تريد !!

ـ اي بس يعلم الله ان انا شاريها ومسعد اسوي كلشي

ـ ولك انت شنو وراك؟

ـ حالياً الحايط وراي

ـ هااا تستغبي وياي!!!!

ـ ابد والله زين اسالك سوال..

ـ خير؟

ـ انت ليش متريدني اصير نسبيك؟

ـ ههههه وليش منووو انته خاطر اخليك نسيبي !؟

ـ انا عبد من عباد الله الصالحين في الارض يعني منو انا..

ـ والله احلف عليك يا انت وابوك عبيد من عباد الله السافلين فيالارض مو الصالحين..

ـ راح اسكت وما اجاوب بس لان حضرتك معصب.

ـ لا جاوبني وهم انا ممعصب بلعكس ..
ولو جنت معصب جان هسة تلكه روحك متعلك بالحايط الوراك ودمك بطولك..

ـ عليمن هذا الحقد كلة !!

ـ مستعد احقد واصير مجرم هممم اذبح الي يتقرب صوب اخواتي...
وانت هسة صرت على راس القائمة والحسن اذبحك وما التفت وراييي ومستعد اخذ مؤبد بيك ولا اخلي اختي تنجبر وتاخذك...

ـ راح اسوي نفسي مسمعت شي من كلامك بس مجاوبتني على سؤالي ياعمي راح اغيرة الك مو ليش متريدني اصير نسيبك... سؤالي ليش متحبني؟؟

ـ لان انا انسان ما احب اي شخص وبعدين تعال اكلك اني من كاعك ما اجرعك لا انت ولا ابوك ولا ارتاح الكم تريدني احبك !!!؟

ـ وهم راح اغير السؤال لخاطر عيونك يا حضرة السيد والمحقق علي الباقر ليش ما مرتاح الي؟؟

ـ والله جواب كل هاي الاسئلة عندك..

ـ ماعرف جوابهن!!!

ـ باع ولك انت مبين فارغ وعود بهاذا بردوك تريد اتنرفز هااا بس مراح اخليها بكيفك...

ـ لا ابد والله ماعندي قصد بس اسلوبي ثلج هيج شسوي..

ـ اسمع ولك كسرت دوامي واجيتك وما مستعد اضيع بيك ولا دقيقة بعد لان وقتي كلش اغلى واهم منك..

ـ زين

ـ اخر مره احجي وياك واكلك خليني على بالك زين اذا اختي مكدرت ترفضك لان متريد تكسر كلام ابوي
وقبلت بيك واهي متريدك وتصير مكسورة وضامه حزنها عننا ... وحق الا إله إلاّ هَوة وحق المدفونين بالبقيع لااخليك اتشوف النجوم السما بعز الكايلة..

ـ خلص الله وياك...

"" عافني وراح علي الباقر وانا رحت ركبت سيارتي وجنت بطريقي لاروح والتقي بابوي « قصطير »
بس.....
لفت انتباهي منضر خلاني اوكف سيارتي وانزل..
ياخي مدري ليش دوم توكع براسي واني الي اشوف هيج اشياء.....

« مَـشـِهـد »

غدير:: طلعت من البيت وي اريج عود امشي وياها للمعمل بس هية دخلت الة واني كسرت طريقي وصعدت تكسي ورحت....

لمن وصليت نزلت ولكيت جواد منتضرني وكفت كدامه وصرت اباوع لعيونه ولاحظت صاير سواد جواهم....

غدير:: شلونك؟؟

جواد:: شلوني !! غيابج ماخلى لون...

ـ جواد

ـ هسة انتي مو نخطبتي وراح تتوكلين بطريقج ليش اتصلتي علية وطلبتي تشوفيني؟؟

ـ انت منايم البارحه موو؟

ـ ههه وليش انتي جان سهل عليج النووم !!؟

ـ يعني بعدك تحبني؟

ـ لو ما مرض ابوي الي جبرني اترك كلشي واسافر وياه مجنت افكر اعوفج ولا دقيقه.

ـ تمام دام هيج تعال اخطبني..

ـ مو نخطبتي انت شنو صار الشرع محلل اربع زلم للبنت واني ما ادري ؟

ـ ماريد هذاكك اني..

ـ بس هوة خطبج من ابوج

ـ شنوو يعني ينطيك كلبك تطيني لغيرك !!

ـ ترديني هسة اخطبج يعني؟؟

ـ اي اذا تحبني تعال واطلبني...

ـ غدير ابوج عنيييد مراح يقبل اذا هو منطي كلمة وموافق على ذولاكِ

ـ جوواد انعل خيرهم انت بس حارب وياي والله ابيع الدنيا لجلك..

ـ يعني تعوفين اهلج؟

ـ اذا وياك ايي اعوفهم بس اريد الثقة منك..

ـ شلون يعني؟

ـ يعني لتخليني اتخلى عنهم واختارك وتالي يطلع مابيك الخير وتخليني اتندم

ـ هسة انت ترديني !!

ـ جااي اكلك مستعدة ابيع اهلي والدنيا علمودك وانت تسالني هذا السؤال!!؟ لا بوية ماريدك !!

ـ غدير اني اكثر واحد يعرف اهلج اذا وصلت الامر لابوج يمكن يذبحج ولا يخليج تكسرين كلامة وتتزوجين بكيفة فكري بيهم مراح يقبلون ..

ـ جواد مشايلة هم لاحد ولا واحد بيهم يهمني همة ما فكرو بيه من اخذو القرار عني هسة انا تريدني افكر بيهم؟؟

ـ بس انا افكر ما اتحمل اخذج واهلج مراح يرضون علينه..

ـ اهااا هسسة فهمتت

ـ شنو؟؟

ـ لاتكول شايل هم اهلي كول انت متريدني وعادي عندك اتزوج غيرك او اي شخص جاان

ـ لا تكوليني شي انا ما كلته

ـ صح جواد انت ماكلته بالسانك بس كلشي بيك جاي يلمح هيج..

ـ غدير

ـ انطيني من الاخير جواد تحبني ؟؟

ـ لج اموت بيج شنييي احبج..

ـ جا بعد شبيك يا حضييي اليحب غير لازم يصير وي حبيبة؟؟

ـ بس مو هيج انا اذا اريدج لازم ابوج بايده يحط ايديج باديه ويبارك النا

ـ واني لو اموت كدامهم ابوي مراح يسوي هذا الشي اخذها مني..

ـ ٠٠٠٠٠٠٠٠٠٠٠ ٠٠٠٠٠٠٠

ـ ماعندك شي تكولة !!!

ـ انطيني فرصة اكعد وي نفسي واشوف تاليتنه وين من هذا كلة..

ـ الخميس لازم ارد خبر لابوي..

ـ الخميس هذا الجاي!!

ـ اييي

ـ سهلـة سهلـة

ـ جواد

ـ هااا

ـ حيل احبك واذا لا سامح الله وصارت القسمة وازوجت ف ذنبي بركبتك وركبة ابوي..

ـ ٠٠٠٠٠٠٠٠٠٠٠٠ ٠٠٠٠٠٠٠٠٠٠

ـ فكر على راحتك
لازم اروح انا لايجي احد وتصيرلي مشكلة فوك المشاكل هاي...

ـ تمام بس التصلتي بية البارحة رقمج؟

ـ ايي رقمي الخاص

ـ راح اثبته عندي لعد

ـ براحتك

ـ بالج على نفسج

ـ مع السلامه

ـ بايات....

"" تركتة ورحت واني إمشي بالطريق عقلي يبرمج لوحدة..
جواد ..... لو ..... انمار ... جواد ... لو ... انمار

ضاكت بية الدنيا والهوة صار ميدخل صدري من الخنكة...

لمن وصلت الشارع العام سمعت صوت وراي يصيح بأسمي خلاني اختلس بمكاني.
بدون ما اندار للصوت بس وكفت خايفة
وبعد لحظات رجع الصوت وصاح بسمي وكدرت اميزة جان صوت انمار.
انداريت الة ووكف كدامي واخذاني من ايدي ودخل بية الدربونه....
وصار يصيح علية....

انمار:: يعني انتي ما تتوبيين؟؟؟ كل ما طلعتي ورحتي شفتي هذاك الووسخخ شنو تردين ؟؟؟

غدير:: انت الي شتريد وشعليك بية ؟؟!

ـ شعلية بيج هااا هذا السانج بس وياي لو ابوج جان مفتحتي حلكج...

ـ مو شغلك ومالك غرض بية !!

ـ دام مو شغلي شوفي هذا يمكن يعجبج!!

ـ شنو؟؟؟

"" فتح تلفونه ووجهة لوجهي وطلع مصورني واني يم جواد لمن جنت واكفة وياه ولازمة ايده...
رجع طفة تلفونه بعد مخلاني اشوفهن..
واردف......

آنمار:: زين اذا دزيت الصور هاي لابوج واجة وسالج راح تكليلة مالك غرض؟؟

ـ يعني وصلت بيك لهااي المرحلة تسوي هيجي؟؟

ـ ومستعد انزل لمرحلة اكثر واسوي اسوء من هذا
غدير امشي عدل وياي ولاتخلين الاحمر يطبك على الازرك براسي لان راح يصير انتماس ويحركج انتي وكل الخلفج

ـ ماريدك ولا احبك ولا اطيقك بعيشة الله ارحمني وروحح كاافي.. هسة هااي انت جاي تشوفني بعينك اني لجواد وكلشي بية لجوواد ولو تنصب انت بماي الذهب شااايف ما اشتريك بشحاطة مكطوعة...

"" بعد كلامي شال ايده انمار وضربني راجدي وبعدها نعتني من ايدي حييل وشدني لصدرة بكل عصبية وقوة...
ونتر بوجهي...

آنمار:: اكسر راسج والخلقني اسحلج سحل لج بنت الجلب لاتكبرين راسج وياييييي بت عبد الحسن لا اربيج انت واخوانج الصايرين زلم براسي..

غدير:: انت شلووون تمد ايدك علية وشنووو تكول بنت الجلب لك محدد غيرك ابن الجلاب....

ـ كلتلج امد ايدي واكسر راسج واسحلج سحل بعد واذا بيج خير هسة يلا روحي وكولي ماريده لانمار ومموافقة علي حتى صدكك تشوفيين خلقتني الثانيه ودينج لاخليج تشوفين اهلج يحتركون كدامج...

ـ دوخرر عني مسسمي روحك رجالل والك اليمد ايديه على مره يصير بمستوها...

ـ واني انزل لاسفل مستوى وياج بس راح اخذج اخذج لو تطبك السماء على الارض اخذج
لو تطلعلج اجناحات واطيرين اصيدج واكسرهن الج واخذج...

ـ انمارر....

"" من بعد ضربة انمار الي حسيت الدنيا صارت تفتر بية وبعد نترة وصوته العالي يلي اخترق حاجز طبلة اذاني...
اردفت باسمة وما اذكر شنو صار لان وكعت من طولي واخر شي سمعته من انمار هَو

انمار:: غديرة !!! بوية فدوة اروحلج هاي شبيج اغديرة اصحييي ويايييي اغديرررة...

"" فقدت الوعي ومااعرف شنو الصار بعدها وشلون شالني واخذني؟
بس فتحت عيني لكيت روحي بالمستشفى ويمي انمار وطلع البيه مجرد هبوط بسيط
لان مماكلة شي من امس وصار علية ضغط نفسي وانا يم جواد
وزادها انمار من سطرني براجدي فر عقلي

وغلست على السواة مو لشي بس لان اكو صور بيده مستعدة تضيع حياتي كلهااا...
اذا تخبل صدك ودزها لابوي لو لواحد من اخواني لو حتى اولاد عمي البشير او المعتز بالله والله موتي على ايديهم يصير....

انمار:: الحمدلله على السلامة اشربي ماي هاج..

غدير:: ماريد شي منك روح لي جاي عني

ـ اوكفيي الكانونة هااي بيها المغذي تجي الدكتورة وتشلعها الج

ـ وانا اعرف اشيلها اريد اطلع منااا

ـ كاافي ولج انطمي وعوفي ايدج وخرييي لاتلعبين بيهاا
دكتووورة دكتوورة....

"" كعد انمار يصيح لدكتورة واول ما اجت شالتلي الكانونة وكمت وكفت على حييلي اخذت عباتي من على الكرسي لبستها وردت اطلع من الغرفة بس لزمني انمار وصار كدامي

انمار:: لبستي عبايتج وين تردين؟؟؟

ـ بنتر ـ مالك غرض مالك غرضض انمار خلصني

ـ اووكفييي

ـ هااا تريدني ابقى هنا ؟؟

ـ كلتلج وين تردين جاوبيني حتى انا اوصلج..

ـ ماريدك توصلني ولا اريد شي انعم الله عليك كفيت ووفيت...

ـ محد غيري راح يوصلج جاي تسمعيني كافي تعصبيني اكثر من هيج...

ـ وليش تريد توصلني من يمتا انت صاير دريول تحت ايدي؟؟؟

ـ هاااي شلوون حالفة تنكتل اليوم جوة ايدي بوية كليلي جلدج يحكج اليوم تردين تنضربين !!؟

ـ انت فكر اطخني مرة ثانيه وراح تشوف الما شفته لا تنسى علي الباقر و علي السجاد و علي الهادي و علي الرضا و عبد الحسن +99 اخرون
كل هاي الزلم بظهري يكسرون ظهرك وظهر الي نخلقت بصلبة والي نخلقت برحمها....

ـ ههه اضمن الج مراح يتقربون مني اذا شافو الصور راح ينكلب السحر على الساحر وراح ينكلبون عليج وانت الوحيده تطلعين خسرانه

ـ هسة انت جاي تحذرني؟؟

ـ باعي يا بنت الناس صيري حبابة وياي ومطيعة وانا من هاي السالفة كلها ما اريد غير مصلحتج ولا عبالج جواد راح يصير زلمه ويوكف بوجه الكل على مودج لاااااا هذاا واحد افكاكة هااا هسة يتخلى عنج
وبالحالتين قصة جواد انتهتتت والدور مالته خلص من حياتج ما دام اني موجود

ـ يعني انت مصر على قرار زواجك مني !!

ـ اييي

ـ خووش لعد يا انمار يا ابن محمد والله لتعيش وياي اسووء ايام حياتك لا راح تشوف مني حب ولا اي شي اذا عبالك راح تترس بيتك بيه...
ف راح اخليك تشوف بس حجارة كاعده هناك....
واعلمك لعبان النفس على اصولك

ـ انتي صيري ابيتي وتفكيرج هذا كلة راح يتغير ولوحدج راح تحبيني وتدلليني...

ـ احس نفسي راح استفرغ حتى المغذي الاخذته هسة اريييد ارووح

ـ اني اوصلج

ـ يا طركاعة وصلتي !!!!!

ـ اني اوصلج امشي يلا غير هيج تبقين هنا لمن يجي ابوج ويستلمج

ـ امري لله

ـ وين تردين ترحين بيتكم لو غير؟؟؟؟

ـ للمعمل

ـ معمل شنو؟

ـ مال خياطة

ـ هذا معمل كحابة مو خياطة

ـ هييييوووووو الفاضك لا انزززل والله من السيارة

ـ اي والله كلما تديحين تطلعين رايحة للمعمل

ـ كمل طريقك وانت ساكت روحي جاي تصعد وتنزل حيل لعبانه روحي خليني اوصل سلامااات...

ـ تمامم....

"" رحت مع انمار ووصلت المعمل وطبيت وصعدت للغرفة ودخلت لاريج الي شافتني وصارت تحقق وياي.....

غدير:: سلام...

اريج:: هااي وينج بطيتي هوواي..

ـ لا عادي متاخرت...

ـ لا تاخرتي وبعدين هاي شنو وجهج شبي؟

ـ مابية شي...

ـ غيمة احجييي هاي اثر ضربة على خدج منو ضاربج وبعدين شنو هاااي الكانونه؟؟؟

ـ صار بية هبوط انزلي اطلبي شي اكل حتى ازقنب لارتاح...

ـ هي شنو هبوط اني موديتج تشوفين جواد لووو دزيتج للجبهة اجيتي مطبرة ومضربة !!!!

ـ اريج كتلج هبوط صايرلي روحييي جيبيلي سم هاري اكلة...

ـ اول احجي الي شنو صار وياج؛!!

ـ غلطت بل كلام هوواي وي جواد وضربني

ـ مال الكسر ليده ان شاءلله

ـ لااا مو ذنبة اني اجاوزتت علي هوواي...

ـ وانتي ما تبطلين السانج الطويل هذا

ـ هسة اريجي حيل تعبانه واريد اكل لان حيل جوعانه

ـ يخسي الجوع هسة اطلب الج واجيج بس هاااا وراها تسولفيلي كلشي من الالف للياء

ـ تمام بس استعجلي..

ـ اتمددي هنااا علمى اجي

ـ تمام.....

« بَـعـِـد خَـمـســَـة آيــإ۾ »

بنين :: عاش من سمع صوتك وينك عني يا رجال!!!

علي الهادي:: وعلي توني فتحت التلفون شفتج متصلة علية اتصلت عليج..

ـ شلونك حبيبي

ـ اني بخير يروحي انتي الي شلونج شخبارج اهلي اهلج شلونهم؟؟

ـ كلهم كلهم بخير بس ناقصينك تريد جيتكم وتكمل..

ـ علي السجاد شلونه ومرته هم !!!

ـ لا الحمدلله كلتلك كلهم تمام...

ـ طمنتيني الله يطمن بالج

ـ ميطمن بالي لمن اشوف طولك كدامي واحضنك وابوسك وكلشي يكون واقعي مو خيال...

ـ ما بقى شي خلصت وعيونج...

ـ اووفف شكد بعد وترجع؟؟؟

ـ بشهر الـ 6 اني يمج ياحلوة...

ـ شنوووووووو

ـ هااا شبيج اذانييي اريدها...

ـ شنيييي لشهر الـ6 يعني بعد سبع اشهووور!!!!!

ـ تهون عيني هاي اليطلع بدينا...

ـ هيةة شنيية وليية كاافي ماخذينك مني من الشهر ال9 وما يعوفوك لشهر ال6 هااي شني هاااي

ـ احسن علمود تشتاقيلي حيل ومن اجي تتلكيني بلهفة....

ـ هوة انت لو تغيب عني يوم واحد راح اتلكاك بلهفة

ـ ميخالف حبيبي لا تزعلين والله هسة اجي وتشبعين مني...

ـ شوكتتت شوكتت اشبع منك ياربي....

ـ بنيني...

ـ عيونها لبنين

ـ افتحيلي كامرة خلي اشوفج..

ـ دقايق اعدل نفسي

ـ لالا وانت هيج افتحي بسرعة

ـ هههههه تخترع

ـ مخترع من زمان اني افتحي يلا

ـ ممم تمام

"" فتحت الكامره وياه وصرت اسولف ودخل مرتضى علية سديت التلفون وسالني

بنين:: يلا حبيبي باي وانتبه لنفسك...

علي الهادي:: انتي الي انتبهي لنفسج يابعد رويحتي...

مرتضى:: ويامن تحجين؟

بنين:: وي علي الهادي يعني ويامن !!؟

ـ ما تعوفين الولد بحالة هاااا ترى هوووة هناك جاي يدرسس مو يلعب

ـ وعساس اني التلفون ميطيح من اذني بس احجي وياه ترى صالي شهر بعيده عنه وتوني يالله حصلته

ـ وعوفييي يدرس لاتشتلين عقلة!!!

ـ شتريد انته هسةةة؟؟

ـ صوتج لا الطمج على عينج

ـ روح لا اصيح لمامة علييكك يلاا

ـ هوة محد طلع عينج وطيح حضج غير دلال امي...

ـ غرفتي تتعذرك يلا روحح

ـ مصعدت لسواد عيونج.... انزلي سويلي عشة...

ـ انت ويامن؟

ـ بس اني وحامِـد

ـ تمام انزل هسة

ـ لاتحطين ملح هوواي بالاكل لاتنسين حامِد .....

ـ ايي اعرف شبيك تذكرني بشي يخصكم؟؟؟

ـ كلت خااف علي الهادي خدرج ونسيتي كلشي...

ـ ولجججج يمااااااههه تعاليييي لمرتتتضى

"" صاحت امي من غرفتهة على مرتضى وردت على صوتي....

فاطمه:: ولكم مكسوريين الركبةة ومتعوفوووون بنانه لوحدهاااا ليش تخلني اجيك هسةة واكسر رجليك واعملج شلون تصعد الهااا مرة ثانيه عوووف اختك....

مرتضى :: اريدها تسويلي عشة لو هم اني اروح للمطبخ!!!!

ـ انزل عني يلا كتلك هسة راح انزل واسويلكم....

ـ تمام ست الدلال.....

"" نزلت سويت العشى وحطيته كدامهم وكعدت يمهم اكلب بتلفزيون وسمعتهم يحجون !!!

بنين:: تفضلو...

مرتضى:: عاااشت ايدج

حامِد:: بنانه متاكلين ويانه؟؟

ـ لا حبيبي الف عافية متعشية وي امي اني...

ـ اها تمام...

مرتضى:: صدك ابو كرم اسالك

حامِد:: شنو؟

ـ هم اتواصلت وي مؤمل..

ـ يا مؤمل؟؟

ـ اكو غيرة ابن خالي مؤمل الصدر...

ـ لا ممتواصل وياه ليش اكو شي؟.

ـ يمتا اخر مره شفته؟

ـ تصدك اذا كلتلك من عرس علي السجاد...

ـ صدك تحجي!!!

ـ والله العظيم هوة مختفي مدري وينه

ـ زين اتصال

ـ نفس الشي واني مو فارغ اكعد اتصل...

ـ اهااا

ـ ليش تسال صاير شي؟؟

ـ اتصل علية البشير يسالني عنه يكول من امس هوة مختفي وتلفونه مغلق كتلة يمكن بتحرير ومخلص شحن تلفونه.....

ـ من امس ماكو؟؟

ـ اييي وتعرف البشير شكد قلق ف متوتر حيل...

بنين:: مو عدكم ارقام جماعته اتصلو عليهم يعني وين يروح !!

حامِد:: الاعرفة مؤمل لو شيصير مينام برة البيت وانت تكول من امس مموجود يعني مراجع للبيت...

ـ اي مشايفينه...

حامِد:: قلقتني والله ...

بنين:: وين رايح عفت عشاك ؟؟؟

حامِد:: نسدت نفسي طالع اشوف اخوي وينه...

بنين:: وين راح تشوف اذا اخوانه ميدرون وينه...

ـ ماادري اكلب بغداد علي المهم اشوفة...

بنين:: لاتخافون ليش مكبري الموضوع ترى رجال تلكونه بالتحرير وملتهي وميدري بروحة انتم تعرفون مؤمل الصدر شكد ثوري ومترك التحرير من بدايه الثورة....

ـ اني طالع خاف امي تسال عني....

بنين:: حامِد حامِد !!!!

مرتضى:: عوفييي يرووح...

بنين:: متشوف الساعة وين يروووح !!!

مرتضى:: ومتحسين من اكلج مؤمل من امس مختفي..

ـ ترى مؤمل رجال مينخاف علي مو طفل..

ـ ما يتسولف وياج انتييي اكول لو علي الهادي المختفي جان كلبتي الكون علي...

ـ اشوف المسلسل احسن....

ـ روحي روحي......

« مَـشـِهـد »

البشير:: صار الليل ومؤمل الصدر ماكو منه خبر من امي الصبح!!!! ما ضل شخص متصلت علي ومحد يطيني جوواب شافي اله محد يعرف وينه حتى جماعته الاقرب. كالو تركو بتحرير وراحو البارحة الصبح ومشافو بعدها وحتى بتحرير هَو مموجود !!!!!

يارب استودعتك اخوي مؤمل الصدر ياربي حمايتك الة دخيل اسمك....

على طول وقتي جنت اردد هاااي الكلماات واني اكول يارب مؤمل الصدر تحت حمايتك....

واندعي الة والفاروق طالع يدور علي...

اندك الباب رحت ركض فتحته على بالي مؤمل الصدر
وفتحت ولكيته حامِد اخذته وطبينه سوة....

البشير:: مؤمل !!!!!

حامِد:: ها خوية شني لهسة ماكو؟؟

ـ ولا خبر ولا ذرة

ـ اهدء انت تعال وياي....

ـ تفضل...

ـ اني اتصلت على جماعته العرفهم ....

ـ خوية من البارحة اتصل عليهم واحد واحد كلهم محد شايفة والي يمشون وياه كالو عفنا بتحرير ومن كتلهم يرجعون...
فتشو التحرير شبر شبر اليوم وما موجود هناكك.... وجهازة مشتغل ولا ثانيه...

ـ صلي على النبي خووية ميصير هيج كاعد ترجف..

ـ حامِد ابني واخوي هذااا ابنيييي
رغم كل شي يسوي بس يبقى ابنيي اني ربيته وتعبت علي !!!! اموت اذا صار علي شي...

ـ البشير اقداركم على افواهكم كول يالله شبيك خووية !!!! صدك ماكو شي وهسة تطلع طلابة من طلايبة وهسة يرجع ويدخل هوة وشنترته وكلشي ماكو...

ـ ياريت اتمنى وعلي اكوم وابوس رجلة ما اعصب علي بس خلي اشوف عيونه....

ـ كول يالله امسح ادموعك مادري بيك هيجي ضعيف ولك انت على ابوك مبجيت هيج !!

ـ يا ابوي ولك ابنييي هذااااا ابنيييي مؤمل نص روحيي ابنيييي واخووووي .....

ـ كايم اجيبلك ماااي....

"" راح حامِد للمطبخ وجابلي ماي وكعد يمي يهدي بية ودخل الفاروق الاعظم الجنت مفكر حصل علة شي مفيد !!!!

وكذالك ماكوو اييي شييي ما ضل شارع ولا كهوة مراح الهن.....

حامِد:: لازم هسة بقالنا بس مراكز الشرطة والمستشفيات...

الفاروق الاعظم :: شفت المستشفيات ماكوو ...

البشير:: شنووو يعني فص ملح وذاب ترى زلمه طول بعرض وين رااحح.

الفاروق الاعظم :: جماعته كالولي شي بس جاي ادعي يطلع خطأ...

ـ شنو كالولك؟؟

ـ كالو ان مؤمل ناشط مدني ب التظاهرات ومثل متعرفون هسة مسوين حملة على الناشطين ف خاف

ـ اشششش لا تكمل شييييي ولاتحجي بهااذا المووضوع اخوييي مايصيرررر علي شيييي

مؤمل بخيرررر سمعتوني ولا اكتل نفسي اذا صاير علي ضررر لو هلكددد .....

حامِد:: كووم اصعد لغرفتك وتمدد وارتاح مبين حل تعبان....

ـ يانوم اليمر على عيوني واخوي ماهوة !!؟؟

الفاروق الاعظم:: كل هذا مراح يفيدنا بشي قيصر فدوه اصعد فوك وارتااح علمود يوصل مؤمل يشوفك بخير كوم اخييي ...

ـ مااريدد انا من اشوف مؤمل ارتااح بس اصعد جيب السجادة رايح للمغاسل اتوضئ واجي افرشها هناا بالبراني...

ـ صار خوية راح اصعد ركض ....

حامِد:: زين تسوي عوف الهلوسة هااي وصلي وادعيلة.....

« مَـشـِهـد »

غدير:: رجعت للبيت وحطيت خافي عيوب خاطر اضم اثر ايد انمار على خدي وبعد العشى كعدت ادرس بغرفتي وطب ابوي دخل وسد الباب وراة وكعد كدامي وسد الكتاب...

غدير:: هلا بوية

عبد الحسن:: شنو جاي تدرسين باباتي؟؟

ـ رياضيات...

ـ باجر متحان لو هيج عادي

ـ لا متحان ماعدنا شي اسمه شي عادي

ـ الله يوفقج ان شاءلله ابوية انتي...

ـ بوية...

ـ عيونه لابوج...

ـ انت تريد مصلحتي؟؟؟

ـ اكيد بوية اني ابوج وعايش وشايف كلشي ف اجيتج هسة..

ـ شنو بوية ؟

ـ البارحة مكدرت اناام...

ـ سودة علييةة شنوو شبيك !!

ـ فكرت بكلام علي الباقر هو صحيح كلامه يمكن من زوجت علي السجاد بهاي الطريق مشت على خير لان علي السجاد زلمة ويكدر يتحمل ويدبر..

بس انتِ لاا ميصير مجان لازم هيجي اسوي ابوي اسف لان استعجلت حيلل....

اريد اسمع رئيج هسة بكل صراحة ولا تخافين مني متردي كول ماريده ياروحي وعيوني اشلعهم الج واكسر كلمتي وفوكها عيني ولا ان اكسر كلبج ...

"" وي كلام ابوي هذا دنكت راسي وصرت ابجي رفع راسي وحضني وحط راسي على صدرة وحنيته..
اي هذا ابوي الي اني اعرفة مو الجان يحجي ذاك اليوم.....
ورجع طلب مني يسمع رئي علمود يردلهم خبر....

عبد الحسن:: بيتج هذا وتعيشي هنا معززة مكرمة لحد متعجزين اذا متردين تتزوجين...

ـ اروحلك فدوةة يابعد كلبي...

ـ كولي يابوي شنو قرارج؟؟

ـ بس بوية انا فكرت..

ـ اي وصدكيني راح اتقبل. اي شي جان لا ازعل ولا اعصب عليج ياروحي لاتخافين مني. هااا

ـ لا مخايفة منك يروحي

ـ يلا سولفيلي شنو قررتي؟؟

ـ بابة اني موافقة..

ـ شنو يعني !!؟

ـ يعني اني اريد اتزوج انمار بس بشرط

ـ شنو بوية شرطج؟

ـ من ترد الهم الخبر تكوللهم ان الخطبة والعقد ميصير الا بعد متحانات نص السنه لان بالي هسة يم الدراسة....

ـ بس هيج يرويحاتي

ـ اي بابة بس هيج

ـ يعني انتي متاكده من قرارج ما قبلتي علمودي؟؟

ـ لا والله بابة اني انمار شايفته لان اروح وياه وهوة حيل رجال مآدب عيونه ميشيلهن عليه ف ما الكي احسن منه وانت هم تعرفة وتعرف ابوه...

ـ اشوفج زين ما ختاريتي ياروحي...

ـ الله يتمم اذا جان لي نصيب..

ـ اي يروحي يلا حبيبتي كملي دراستج...

ـ احبنك حيل...

ـ اويليي وانا اموت عليج علويتي...

ـ حبيب روحي. ♡♡

"" طلع ابوي من الغرفة وطب علي الباقر الي جان سامع كلشي وبقى صافن عليه...
اجتني فرصة من ذهب ارفض لان ابوي وكف وياي وخلاني على راحتي اختار بس اني وافقت علي وهذا الشي الخلى علي الباقر يطب يباوعلي ويكلي بس هاي الجمل....

علي الباقر:: يعني وافقتي !!! لعد اتحملي كلشيي راح يجرالج وعلي ليعشج ذاك النگس بالضيم والضلايم والوجعع ولج يريد ياخذج بس ليكسر عيني وهسة انت ما قصرتي....

غدير:: علي الباقر بس اسمعني....

ـ اشش هاي هيةة براحتج باييي...

ـ باقر باااقرررر....

"" عافاني وطلع زعلان مني !!!! اتصل علية جواد وطلب يشوفني ورفضت .....
وكلتلة بعد ميتواصل وياي لان راح اتزوج وانتهت قصتي وياه.....

هذا سويته واني مجبورة ما اتحممل بذمة انمار والله كلشي شنو يهددنيي بالصورر خلاني مكدر افك حلكي بشيي !!!!!!

« مَـشـِهـد »

انمار:: مرت لينا علينه بليل وكعدت وياي بالغرفة وصرنا نسولف ومن ضمن سوالفنا فتحت موضوع زواجي من غدير وصارت تسولف عنها ....

لينا:: شنو اجة ببالك وخلاك تفكر تاخذ هاذي...

انمار:: اريد ابعدها عنج مو مترتاح الج؟؟

ـ اي صح بس

ـ اش كافي لاتحجين بعد كملي شغلج واني ابعد عنج شكو واحد متردي...

ـ ابوي عرف؟؟

ـ لا كلما اريد اروح واحجي وياه يطلعلي شي...

ـ زين انت تعرف غدير بنت منو انمار شنو تفكر تسوي بعد الزواج ؟!

ـ مو بالي شي هسة !!

ـ تحبها انت عدوة النا هاااي ؟؟؟

ـ الخليفة علي ابن ابي طالب « كرم الله وجه»

-- يكول ...

« احبب حبيبك هوناً ما
فعسى ان يكون عدوك يوماً ما
وابغظ عدوك هوناً ما
فعسى ان يكون حبيبك يوماً ما »

ـ وصاير تحجي باقوال علي ابن ابي طالب ههههه مبين العلوية ماثرة بيك بعد يومين اسمعك تصيح اشهد ان علي ولي الله !!!!

ـ كلها خطة تاليتنا نرجع لحياتنا...

ـ زين من تعرف ان مراح نستمر وتاليتنا نرجع لحياتنا..

ـ شصار بموضوع الحسن المجتبى ؟؟

ـ بعدني جاي احاول اوصل للبيت مالتهم..

ـ بعدج لهسة؟

ـ لهسة مطالعة هاي اول مره اطلع من البيت...

ـ استعجلي شوية راح ندخل سنه جديده مابقى شي ترى..

ـ اي ان شاءلله اسوي كلشي واريح كلبي..

ـ شلونهم وياج؟؟

ـ غصبا عليهم زينين بس حيل دا ياذوني غدير وعلي الباقر عبالك جواسسيس علية...

ـ يرحوون وعيونج

ـ شلونن انت راح تاخذ بس غدير علي الباقر شيخلصنا!؟؟

ـ هذا اسهل منه ماكو بس انطيني خبرة وتدللين علية اسمعج خبرة

ـ اتمنى هاذا الشي...

ـ علي السجاد شلونه؟

ـ هذ فاهي كدرت اسيطر على كلشي بي بس اني اكلك لحد الان ما اسمع مني شي يعني من اسولف وياه لهسة اهلة خط احمر ويتقبل الكلام اليسمعة عني بس ميتقبل يسمع شي على اهلة

ـ اكيد مراح ينطي بهاي السرعة...

ـ بس راح اخلي يبيعهم واني الهم لاطيحهم واحد واحد...

ـ لينا

ـ نعم !!؟

ـ متخافي باجر نتحاسب على النسوي جاي ناذي خلق الله..

ـ لااا منتحاسب هذا جزاهم واقل من جزاهم وبلعكس باجر بالاخرة رب العالمين راح يحاسبهم مره ثانيه...

ـ مرات يراودني شعور غريب يحسسني ابوي على خطا وجاي يخلينه نغلط وياه

ـ اكطع الشعور هذا من شلشه ولاتفكر هيج بعد...

ـ جاي احاول ما افكر هيج...

ـ اي عفية

ـ اليوم تنامي عدنا !!؟

ـ لاا سجاد يمر علي بعد شوي وياخذني...

ـ اها تمام....

« مَـشـِهـد »

رحمـة:: عزلت نفسي حيل عن كلشي والصار وياي و وي زُبير حيل آثر نفسيتي !!! وما اثر بس هَو دمرني..

وكفت كدام المرايا وحليت شعري الجنت شايلته ذيل حصان وخرت القراصة ونزل شعري على امتوني ووجهي
نزل شعري الي امي كضت عمرها تحطلة انواع الزيوت والحنا والسدر
بس خاطر تحافظ علي...

وكع شعري وصار على طولة
اني طولي متر وسبعة وستين سانتي متر « 167»
ووشعري طولة متر و خمسين سانتي متر «150»

يعني حدة فوك كعب رجلي بسانتيات كلش قليله
اخذت المشط وصرت امشط بي وكلام زُبير يدور براسي ودموعي تنزل صرت حيل ابجي وكلبي احسة يتفطر ما يحس بالوجع بس العايش بي !!!!

مديت ايدي ذبيت المشط وسحبت جراره الميز مال المرايا وطلعت المقص....

اييي اييي المقص وقصيت شعرييي كلة من جان شعري نهايتة فوك كعب رجلي هسة صار نهايته فوك الاذن مالتي..

اتذكر ابوي جان من يشوفني افتر بالبيت واني مسوية شعري ذيل حصان جان يصيحلي باسم. « ربانزل »

واني هسة صدك صرت ربانزل اتذكر شفته واني صغيرة وجانت نهاية قصتها ان ربانزل تكص شعرها لتتخلص من سر السحر الموجود بي وتعيش مرتاحة..
واني هسة هيج صرت صدك ربانزل كصيت شعري لاتخلص من سر الوجع البكلبي واعيش مرتاحة...

- يوماً ما كان شعري طويل
واحلامي مفعمة بالامل
يوماً ما كنت اصدق
انني اقدر على الطيران
ولكنني سقطت وانكسر جناحي
واثر هذا السقوط
قصصت شعري واحلامي وقلبي والايام..

دخلت سبحت وطلعت مشطت شعري وشلت تلفوني الي من اسبوع وهوة مهادي ولا دقيقة من راسائل واتصالات من النقيب..

ولان الوجع جان اكبر مني
وماكدر اتخلص لا من حب النقيب ولا من وجع كلبي...
كعدت كدام الجامة وي قطرات المطر الجاي تنزل شهر الـ12 اخر شهر من السنه 2019 شنو راح تكون نهايته هذا الشهر؟؟ اذا بيها انطتني زُبير!!!

لزمت تلفوني وطلعت صورة زُبير من الواتساب وصرت اباوع الها واني اردد قصيده لباسم الكربلائي

مطلع كلامتها ...

- يمن ساكن خيالي
وانا عنك بعيده صعب واعرف يا غالي
ولكن شي اريدة
اذا طيفك اجاني انام اني على ايدة
ولو طيف يجي منك واشوفة
ولو طيف احضنة وما اعوفة...

وانقطع صوتي باإتصال زُبير !!
توترت ارد لو لا هَو صالة اكثر من خمس ايام لا شايفني ولا سامع صوتي من اخر مره شافني وي مصطفى...

واخذت القرار قبل لا يغلق الاتصال ورديت علي وحطيت التلفون على اذاني وصرت اسمع صوته!!!

زُبير:: واخيراً ولج واخيراً رف كليبج عليه وكلتي خلي احن على هذا الفقير!!؟

رحمـة:: ٠٠٠٠٠٠٠٠ ٠٠٠٠٠٠٠٠

ـ الوو رحمتيي انت ويايي؟؟؟

ـ ايي ويااك

ـ جا متردين عليه شبيج ساكته؟؟

ـ زُبير كافي تراسلني وتتصل وهسة جاي تحجي وياي وكان مصاير شي...

ـ رحمتي!!!

ـ لا رحمتك ولا عذابك زُبير كافي فدوة الشي التريده مستحيل حتى لو انا اقتنعت اهلي مستحيل يقبلوون

ـ وعيونج سهلة كلشي يسهل بس انتي صيري بصفي وادعميني رغم اني ظابط بسس والله ضعيف انت نقطة ضعفي...

ـ ماريد اسمع شي...

ـ يعني انت هيج تتصرفين وياي ماعتب على الغريب.

ـ اختيارك الي خطأ هواي بنات يتمننك صدكني ياما بنات يعشكن شي اسمه عسكري والله اكو بنات ياخذنك وبدون ميسالنك حتى منين ما وين اهم شي حضرتك عسكري...

ـ واني مريد هذني الهتليات اريدج انتي الي معترفتي بيه يوم شفتيني وشفتي الرتب الي على متني رحمة اريدج انتي ماريد غيرج ....

ـ واني مو الك صدكني مو الك!!!!

ـ تعبت من الفراك بروح جدج حني عليه خليني اشوفج ونحجي عدل من عين لعين وبعدها يصير الي تردي ..

ـ اني هسة مالي خلك

ـ شني مالج خلك رحمة جاي احجي وياج مثل الاوادم لا تتصرفين هيجي وياي !!!؟

ـ اني حيل تعبانه..

ـ موو مثل التعب البية ...

ـ زُبير اجاني اتصال راح اسد هسة..

ـ لاتسديين وتتشردين منيي رحمةةةة

ـ وعلي اجاني اتصال هذا دكتور القسم مالتي خليني اشوفة...

ـ ارجعي اتصلي بيه ....

ـ ان شاءلله....

"" سديت التلفون من اتصال زُبير ورديت على مدير القسم مالتي الي خرعني لان طلبني اجي بسرعة للمستشفى.
لان وصلت حالات هوواي جرحى وشهداء من المتظاهرين
بسسب حملة من حملات الشغب عليهم !!!

لبست حجابي وجاكيت الطب مالتي ونزلت اركض سيارتي عطلانه وجنت اريد المعتز بالله يوصلني وملكيته !!!
والساعة جانت 1 بليل...

مااكدر اخذ تكسي بهاذا الليل !!!
اتصلت على زُبير.. واجاني

انطيت خبر لامي وطلعت....

زُبير:: خير صاير شي وين اكو مستشفى هسةة؟؟

رحمـة:: المستشفى داخلة انذار لان وصلت حالات جرحى وشهداء هوواي...

ـ وراح تبقين هناك؟؟

ـ مادري زُبير مادري...

ـ اهم شي شفتج مشتاقلج حيل..

ـ دخيلك مو وقت هل كلام هاذا فدوةةة اسرعع شوية!!!

ـ تمام تمام بس اهدديي راح تموتي من الرجفى

ـ متوترة حيل مدري ليش خايفة من المنظر !!!

ـ لا تتوترين عود انت متعوده دوم هيج تشوفين..

ـ ايي الله يستر....

"" وصلني زُبير ودعته وطبيت اركض لكيت الطوارئ متروسة شباب من الي نقلو الجرحى والشهداء والهوسة والدم اوووف.....

اول شي باوعت للشباب... وطردتهم من المستشفى وطبيت اشوف الجرحى...

رحمة:: انتم متظاهري؟؟

ـ اييي نحن جبنا الجرحى لهنا..

ـ لازم ترحون راح تجي الشرطة ويمكن تعتقلكم اطلعو من الباب الخلفي خطر عليكم الباب الامامي...

ـ تمام بس خايفين على ربعنا...

ـ لاتخافون بحفظ الرحمن جماعتكم....

"" دخلت لجرحى وصرنا نضمد ونداوي والشهداء نقلوهم للطب العدلي...
وبقيت لصبح يالله تفرغت صارت الساعة ب6 الصبح...

طلعت ووكفت بالمرر وصرت احجي وي الدكتور والممرض...

رحمة:: شلونهم الجرحى؟؟

ـ نص منهم حالتهم مستقره الحمدالله..

ـ الحمدلله .... كم حصيلة الشهداء؟

ـ البارحة وصلو شباب اصلن مستشهدين مكدرنا عليهم عددهم 15 وقبل ساعتين راحو 4 من الجرحى....

ـ نقلتوهم لطب العدلي ؟؟

ـ اييي لان مجهوللين هويتهم وبعضهم حتى وجوهم متشوه لان اثر الموت مسيل دموع واكع براسهم...

ـ روح الهم وصورهم خاطر اذا نفقدو واجو اهلهم يسالون بدل متدخلهم لطب العدلي بس تراويهم الصور...

ـ شلون يعني دكتورة؟؟

ـ يعني الي ميتين ووجوهم سليمه صورو الوجه والي متشوه وجه شوفو جسمه شنو اكثر شي واضح بيهم وشم عيب خلقي تشوة ندبة صوروها هاي دليلهم...

ـ مافهمت دكتورة...

ـ هوة شنو المفهمته اني حيل تعبانه مابية اسولف اكثر من هيج... اووو اكوول تعاال وياي اني وياك نشوفهم ونصورهم...

ـ تمام دكتورة تعاي وراي...

ـ امشييي....

"" رحت انا والممرض واخذت الكاميرا وياي ودخلنا عليهم!!!!!!!!!

الله لاينطي الذبح ولدنا هيج بدم بارد ياربي على الشفته.....

صرنا نصور الشباب البعمر الوردة الوجهم سليم...

والي صاير مسيل الدموع بوجه نكلب ادية صدرة على امل نلكة شي نكدر نميزة بي...

واني اكلب باجسام المشوهين جذبتي ايد لشهيد متصوب رصاص ومسيل دموع براسة متشوهه كل ملامحة..

بس الوشم على ايده خلاني اضل صافنه علي!!!!!
جان واشم مواليد 2000/2/19
وجوهن كاتب حفيد رسول الله !!!!!

شهكتت شهكة وصرت ادعي واكول لاااا....

اتصلت على البشير وسالته عن المؤمل وعرفت ان كملت ثلاث ايام على غيابه...
طلبت منه يجي للمستشفى....

وبعد ما وصل هوة والفاروق..
طبيت لغرفتي وحجي وياهم....

البشير:: خير رحمة صاير شي...

رحمة:: لا ماكو ششي شبيكم مخترعين؟؟

الفاروق:: اتصلتي تسالين عن مؤمل وبعدها طلبتي نجي شلون متردينا نختترع؟؟؟

ـ صدكوني ماكو شي بس كم فحص اريد واحد بيكم يسوي...

البشير:: فحص شنوو؟؟

ـ بس اختارو واحد بيكم يسووي...

البشير:: انييي انييي مستعد اسوووي كلشي...

ـ تمام كوم وياي...

الفاروق:: بس كولي شنوو السالفة...

ـ مراح احجي شي لمن تصير التقارير بايدي.....

"" رحت اني والبشير وسوه الفحص الطبي الاريده....

وبعد اربع ساعات هم كاعدين يمي خطية منتضرين اجت ممرضة المختبر وانطتني الفحص بضرف وطلعت رجعت كعدت بالكرسي كدامهم.... واني افر بالضرف وخايفة من النتيجة!!!!

البشير:: وحق هوة علي دمي نشف رحمة احجي!!!!!!!

رحمة:: افتح الضرف واشوف واحجيلكم!!!!

الفاروق:: شلون جاي تماطلين بينه!!!!

ـ دقيقة....

"" فتحت الظرف وطلعت الورقة التحليل
وبعد مقريت النتيجة

شمرت الورقة وطكيت كصتي بايدي بكل حيلي وصرت ابجي.......

البشير::: ولججج شكووو احجيييي

الفاروق:: بداعت ابيج احجي.....

رحمة:: التحليل ايجابي....

البشير:: هوة هذ تحليل شنيييي ؟؟

ـ البارحة وصلونا شهداء من التحرير وشكيت بواحد منهم يكون مؤمل لان وجه متشوة لكن الوشم وشم مؤمل الصدر... لهذا طلبت تجون تسوون تحيليل سويتلك تحيليل نسب بينك وبينه... وطلعت ايجابيه.....

البشير:: شنو يعني؟؟؟

ـ بشير فاروق!!! البقة براسكم وعظم الله اجركم باخوكم مؤمل شهيد الوطن......

البشير:: ٠٠٠٠٠٠٠٠٠٠٠٠٠

الفاروق:: ٠٠٠٠٠٠٠٠٠٠٠٠

✿✿✿✿✿✿✿✿✿✿✿✿✿✿✿

-- أعتذر لك يا فقيدي عن بكائي
فوالله أن الشوق للميت يُميت !!!!

يـتــبــ؏

5237 كلمة

لتواصل انستكرامي o.oll13

قناتنا في التلگرام | oo_ii13