رواية احفاد السيد : الثار ( بأجزائها الإثنين ) الفصل الخامس 5 - بقلم ​رُقَـيَّـةُ الْأَكْـبَـرُ

. أحفاد السادة
بقلم الكاتبـة ( رقـيـة الأكــبر )
لاتسون التصويت ومتابعة للحساب

.
البارت 14

ــ_ يچي چم باچر وما يختلف شي
نفس البارحة بس عمرك يزيد ...

★★★★★★★☆★★★★★★★

جواد:: غدير شكوو هذا منو؟

انمار:: حبيبي انا انمار قصطير انت الي منو؟

غدير:: كافي انت وياه جواد بعدين اشوفك باي

انمار:: اوكفي.

جواد:: شيل ايدك لا تلزم ايدها

ـ لاتدخل انت !!!

غدير:: انماااررر!!

"" رفع ايدة انمار وضرب جواد بوكس !!! صيحت علي وخفت لا ننفضح بنص الشارع.
بلكوه سكتت جواد ومشيت وراح وراي انمار اخذني وصعدني وياه بسياره !!
من البداية جنت مريد اجييي بس هذا منين طلعلي مادري..

غدير:: شدخلك بية شتريد مني؟؟

انمار:: انا الغلطان هسة ؟؟ ولج لو مو اني لو اخوج او ابوج شافوج تتوقعين يضحكون بوجهج؟

ـ مو دخلك بيه انا اتحمل

ـ شتتحملين؟

ـ اكوول وصلني للمعمل وصلني

ـ اشو انت ام الراهي والله يالله فوك شينها كوات عينها..

ـ شين شنو؟ التحجي علي انت شكو مدخل!!!

ـ هاا ترديني اشوفنج يم رجال غريب واسكت واكول ميخصني ومعلية موو؟

ـ ايي مو شغلك هذا انا لا اختك ولا بنت عمك اصلن مو من حقك تجي وتوكفني هيج !!

ـ ليش تخليني هسة اتخبل واخذج لاخوانج؟؟
هسة ولج شنهااي العين الوكحة عندج لا خايفة ولا شي!!

ـ لا والله

ـ وجعا من الله كون..

ـ هيي الزم السانك الوجعا الك كون مو الي.!!

ـ طركاعة لفتج ترس زلم عندج اخوان وولد عم تارسين المكان وين ما تلتفتين لكين واحد وهيجي وتتواعدين هيجي بشارع واكفة ومستريحة وي ذاك المسربت؟

ـ انت المسربت لاتغلط علية..

ـ لا مسربت ونص هم

ـ انت المسربت كتلك لا تغلط عليييي.

ـ لا وفوكها متقبل علي الطركاعة متقبل علي..

ـ هيييي لاتضربني يلا شني عايش اللحظة وياي؟

ـ ترديني انا اضربج لو اخوانج؟

ـ انمار وديني المعمل.

ـ شني العلاقة التربطج بي؟

ـ ما يخصك..

ـ جاي احجيي وياج لا تطفرين بالحجي لا وراس امي اسطر راسج هنا بالجامه !!

ـ لا والله وعايش اللحظة دير بالك لا تغص من شنترة الكلام عيوني حجي اكبر منك جاي تكولة..

ـ كتلج منوو هذاا !!

ـ وانا جاوبت مووو شغلكك..

ـ تمام اذا مجاوبتيني راح غصب عنج اجاوبين ابوج.

ـ هي انت وين طالع؟

ـ لمحل ابوج..

ـ الشارع هذا كلة ناس تعرفني يمعوود ارجع لطريق المعمل.

ـ ليش مخفتي لا يشوفج عرف ويوصل لابوج.

ـ انمار ارجععع لطريق المعمل

ـ راح اوديج لابوج احسن واسلمه الامانه هاي المطشرها بشارع.

ـ مو دا احجي ويااااك انماارر...

ـ شكووو؟

ـ ارجعع

ـ كليلي منو هذا !!!

ـ اطلع من هذا الشارع وانا راح اجاوبك

ـ يصيرلج خير

ـ اطلع خرب بالساعة..

ـ اي كليلي منو هذا؟

ـ صديقي اهاا رتاحيت فاخت دودتك؟

ـ شني صديقج؟

ـ صديقي صديقي بيست فريند صالك ساعة ساطرني منو ومنو ومن جاوبتك صرت متعرف شنو صديقي ؟!!!

ـ وهيج تكولها صديقج عادي؟

ـ اي اكولها شني خايفة منك انت؟؟

ـ مو ما فهمت؟

ـ انت سالتني وانا جاوبتك ما فهمت شعلي بيك بعد طبك مرض.

ـ فسريلي شنو يعني صديقج؟

ـ صديقي جان يحبني واحبة وراح شالو وهسة رجعو.

ـ اهاا يعني تحبي !!

ـ اي احبة ويحبني

ـ عَجل ليش ما صخمتي بوجهج وكلتيلي من البداية ليش خليتيني احبج؟

ـ ترى محد ركض وراه بعصة وجبرك الى تحبني.

ـ هاي صدك عود؟

ـ اي والله انت محاط طابوك بجيبوك شسويلك.

ـ ولج شنو اسويلج هسة؟

ـ لا تسويلي ولا اسويلك وصلني للمعمل والله وياك.

ـ تمام غدير تمام يصير خير.

ـ هاي شنو تهديد المفروض اخاف؟

ـ لا عيني لا على هاي الدعارة البيج حشى الخوف منج.

ـ احترم نفسك ولا تتلفظ هيج الفاظ وياي يلة مو تايه الك اني

ـ انا محترم نفسي بس اكو الي ممحترم نفسة

ـ نزلني هناا..

ـ انزلج اباب المعمل.

ـ جا ابقى ساكت لين نوصل لاتسمعني حَسِك

ـ يصير الي تردي مو تدللين.

ـ غصب عنك يصير الي اريدة..

ـ ولج اسكتي عني لا وعلي الفحل اطك براسي هسة واذبج بحضن ابوج!!

ـ اطلع من هذا الطريق وخلصني ساعة الكشرة الشفتك بيها.

ـ اني اعلمج بروح امي لاطلع كل هذا من عينج.

ـ الله كريم عوود يلا مع سلامة.

ـ الله وياج عيني الله وياج الكلب داعيلج....

"" رجعت دخلت المعمل ولتكلتني اريج اخذتها من ايدها وصعدنا لغرفة التصميم دخلنا وسديت الباب وصارت تسالني.

اريج:: شبيج سولفي شنو صار؟

غدير:: شنو تتصورين شصار يعني؟

ـ انا جاي اسالج شفتي جواد؟

ـ اي شفتة

ـ اي وشنو

ـ وشفت انمار هم

ـ شنووة؟

ـ انمار شافاني واكفة يم جواد اجة اخذني وضرب جواد وهاي اهو وصلني لهنا.

ـ شلونن؟

ـ شنو شلون؟؟ ماا ادري الرجال هذا جنة جني وين مدير وجهي يطلع كدامي..

ـ غيمة.

ـ ها شبيج خترعتي؟

ـ ولج خوفج يروح ويحجي لابوي لو لاخواننا !!

ـ لا ما اتوقع.

ـ ليش متتوقعين؟

ـ ماعرف اريج بس اكيد مراح يفك حلكة بشي.

ـ وشنو اليخلي ميفك حلكة؟

ـ يابنت شبيج انمار عاش ويانه عاش وي اهلج وعرف عاداتنا وتقاليدنا ويعرف اذا غلط وكال لابوي على الي شافة والله ميخليني عايشة ولا دقيقة ف كلبي يكول انمار مستحيل يحجي.

ـ شنو هاي المصيبة الطاحت على روسنا.!!

ـ لا مصيبة ولا شي انسي..

ـ شنو هذا البروود غيمة!!

ـ برود شنو؟

ـ ولج يمكموعة الرجال شايفج وي رجال غريب ويمكن يروح ويحط السالفة بحلك ابوج لو اخوانج.

ـ اهووو اريج لاتكبرين السالفة وهسة فارغة اصلن ماكو شي كتلج انسي .

ـ صدك تحجين؟

ـ والله العظيم اكول اريجة..

ـ كولي.

ـ اتصلي على علي الباقر ليجي ياخذنا.

ـ ثواني .

« مَــشــهــِد »
« الفـندق »

صيوان :: كالتلي درية اجيتي للغرفة وانا نايم؟

عزيزة :: اي جنت اريد احجي وياك.

ـ وانا اسمع كولي التردي.

ـ شوكت نرجع؟

ـ وين؟

ـ مزرعتنا شني وين؟

ـ شنو متردين تبقين هنا؟

ـ لا اريد ارجع

ـ هاي لو حَبيبة جانت سوت كلشي خاطر تطول كعدتنا.

ـ انت كلتها لو حَبيبة وانا عزيزة مو حَبيبة
كافي اريد ارجع واذا انتم تريدون تطولون هنا عادي امني عند اي احد وخلي يوصلني..

ـ وشني انا ساقط غيرة اخليج ترحين وي غريب؟

ـ وي اي شخص انت تثق بي اذا تردون تبقون هنا انا اريد ارجع صييوان..

ـ وشبيج تنترين؟

ـ مجاي انتر. انا بس لان نفخ كلبي من هاي الغرفة.

ـ هوة بس اليوم تحملي باجر نودع منا ..

ـ ليش مو اليوم؟

ـ اليوم باجر ماكو فرق بس كم ساعة اصبري.

ـ لا ما اصبر اريد هسة ارجع.

ـ عندي طلعة وي علي الباقر وانتم راح تزورون عمتي للمباركة يعني منفرغ اليوم لباجر يالله نروح .

ـ بس صيوان.

ـ كافي لا صيوان وهم يحزنون كلتلج باجر شكد تحبين تراددين؟

ـ انت غلطان يخوي ابد ما احب ارادد انا.
لو على كولتك احب اردد جان كلشي صار الي مصار لغيري

ـ ما فهمت !!

ـ لاتفهم يخوي لاتفهم خلص كلامك على راسي وتريد نروح باجر صار نروح باجر وانا راح انجعم واسكت.

ـ عزيزة بيج شي؟

ـ لا وانا اختك كلشي ماكو متعافيه

ـ لاتخوفيني عليج اذا اكو شي سولفيلي !!

ـ صدكني ماكو شي

ـ بس عيونج تكول غير شي ليش تجذبين علية ؟؟

ـ ماجذبت عليك بشي وعيونك ماكو شي

ـ يمة نعميت..

ـ شنوو تقصدد بهاي هههه؟؟؟

ـ مادري عنج بسرعة ركعتي عيوني وحلفتي بيهن

ـ لان كلامي صدك.

ـ يعني اريح كلبي عيوني سالمات ما ينعمن!!

ـ ههههه لا اطمن

ـ خوش اذا هيجي

ـ وين رايح؟

ـ هوة كتلج اريد اشوف علي الباقر.

ـ اهاا حافضك ربي.

ـ عَزيزة روحي ٭٭

✿✿✿✿✿✿

صيوان:: طالع اني محتاجة شي.؟

دَريـة:: مريت على اخيتك؟

ـ اي مريت عليها وهسة راح اطلع تردين شي !!؟

ـ خوش جا اذا حجيت وياها علمود لا اصير مو زينه وما كلتلك من يجن

ـ درية

ـ نعم؟

ـ راح اطلع تردين شي؟؟

ـ اي انا راح اروح وي عمتي لبيت عمتك خاف متعرف

ـ لا كالتلي امي اعرف وقبلت على روحتكم

ـ اي زين

ـ انا طالع تردين شي !؟

ـ صار وقت حمام صمود اتوكل انت الله وياك

ـ ٠٠٠٠٠٠٠٠٠٠٠٠ ٠٠٠٠٠٠

ـ شبيك واكف مو تريد تروح وصطرت راسي صالك ساعة اريد اطلع اريد اطلع !!!!

ـ زعلانه مني؟

ـ لا ليش؟

ـ جا شمالج؟؟

ـ شمالني مخبلة كدامك وتسالني شمالني؟

ـ لا بس طريقة كلامج وياي مستفزة ترى

ـ مابية شي عيوني

ـ لا صدك بيج شي

ـ عود بطريقك جيب وياك سجلات واقلام

ـ من المكتبة مو؟

ـ لا تلكاهن بشارع على الرصيف

ـ هاي شنو

ـ انت الي شمالك غير بالمكتبة

ـ جنتي تكدرين تكولين اي بالمكتبة ماكو داعي لهاذا اللسان الصليب.

ـ اني لساني صليب؟؟؟؟؟

ـ اييي يعني انا ممسويلج شي نمت وانتي تضحكين وياي واكعد الكاج كالبة الخلقة..

ـ اعتذر وحقك علية

ـ طالع اني احسن

ـ الله ومحمد وعلي وياك

"" طلعت من الفندق ورحت والتقيت مع علي الباقر وكعدنا بكوفي قريب من المركز..

علي الباقر :: راح تتوكل لميسان.؟

صيوان :: مو اليوم باجر ان شاءلله

ـ توصل بسلامة يالاجودي

ـ تريد توصيني على شي؟

ـ السالفة الكلفتك بيها صاارت؟

ـ ايي كملتها وسلمت السجل والاقتراحات

ـ زين جا ذكرني من نطلع هسة للمركز انطيك شغل جديد.

ـ خووش خوية . ... صدك عريسنا شلونه ليش ما اجة وياك؟

ـ كفيلك الله ماشفته ابد.

ـ هاا ليش لاتكلي ماطلع من حجرتة !! هههههه

ـ لا شسالفة شعده ههههههه

ـ جا ليش مشايفة وانتم بطرك بيت

ـ كعدت لكيته ما موجود جماعتة ساحلي يحتفلون ويباركون الة
ومن رجع للبيت اني جنت طالع هوة كعد بغرفته
وانا طبيت وصلت اخواتي و سبحت وغيرت ملابسي واجيتك وهوة مطلع ف ما شفته

ـ ههههههه هذا بدايته خلي متونس

ـ شني بدايته ليش اكو شي اسمه بداية ونهاية بزواج؟؟

ـ ياهووووو الله لايروايك صدك الكال الزواج قفص بس علمود يحطونه بصورة حلوة مسمي القفص الذهبي.

ـ جا لهذا كلامك راح اعكف عن الزواج

ـ هوة هيج اخذها مني حفاظاً على حياتك خليك بحضين اميمتك..

ـ هههههههههه ينعل شكلك

ـ ههه صدك هية منين من يا عمام من بنته؟

ـ منو؟

ـ حرم علي السجاد

ـ بنت جيرانه وبنت الشيخ محمد صدديق ابوي الـ مقرب حيل

ـ اهاا الحمدلله بنيه اصل تعرفوها

ـ ههه اموت منه

ـ البنيه؟

ـ لاا وين اعرفها توها طلعت هاي اقصد على ابوها ما احبة ما اجرعة وهسة اخوها هم طلع مينجرع

ـ جا اذا هيج ليش اخذوا من عدهم؟

ـ ابويي هذذاا شبدينا احناا.. هوة السيد عبد الحسن يكوم يكعد يشهك باسم الشيخ محمد

ـ يعني بنت شيخ شيخ معمم هية؟

ـ شيخ كاولية كافلك العباس اخو زينب...
حشى العمامة العلى راسة...

ـ هييي هييي. سيد شبيك نفتحت على الرجال؟

ـ كتلك ماحبة بدال متغير موضوعة جاي تحجي بي وتسالني عنه ؟

ـ زين اجي وياك ليش متحبة شنو مسوي؟

ـ من الله هيج من يوم الشفته ماطب عقلي ولا رتاح كلبي الة.
اتخيل ذاك اليوم لزمت قضية احقق بيها مال ورث.

ـ ايي

ـ القضية هم ثلاث اخوان.
الجبير منطي الحق لكل اخوانه وممقصر وياهم يعني موزع الورث.
اجة الصغير اشتكى يكول ان هوة مماخذ شي من الورث !! وان اخوه الجبير ماكل حقة.

ـ زين !!

ـ طلبنه شهود الجبير جاب شهوده وجاب حتى السيد الي قسم الورث عليهم على شريعة القران.

وهذا الصغير جاب ثلاث زلم بس تشهد وياه ان هوة مماخذ الورث ومن ضمنهم منو !!!

ـ لاتكول الشيخ محمد !!

ـ واجفوف العباس ضليت صافن اني ياا شلوننن شيخ يشهد جذذب ويحلف على القران ياربي..
واخر شي طلع الحق لجبير والصغير متبلي ويريد بعد فلوس....

بس سالفته على هذا اليسمي روحة شيخ. ويطلع من جامع يدخل جامع..

ـ جا شني اخوي عبالك كل شخص لابس عمامه مطهر. اكو بيهم الشريف ابن الاشراف واكو لا والله مال تشيل عمامه رسول الله من راسة وحشى وجهك تاخذه بمداسك على راسة..

ـ وهاي الاستاذ الوالد يريدني احبة !!

ـ زين ابوك يعرف هاذي السوالف ؟

ـ ما اضن

ـ يعني انت مكايل الة؟

ـ لا هوة دخيل جدة ابوي اكو واحد يحجي يمه شي عبالك عود شخاطة بكلمة يشتعل

ـ بس لازم يعرف خوف من كلشي يمعود

ـ لا يخوية خليني وخلي هسة الله يكشفة اله

ـ هوة اني هسة راح اخليك بس خوفك يا سيد علي الباقر باجر تتندم وتعض ايديك ندم لان ما كلت ولا حجيت شي عن شكك اتجاه الرجال هذا.

ـ لا يارجال ماكو بس الخير ان شاءلله لايدخل ندم ولا يصير اله مكان بصدرنا.

ـ ان شاءلله انا هذا الاريده يروحي

ـ زين ما اوصيك بعد ابو الصمود

ـ توصيني على شنو؟

ـ على هذا الكدامك

ـ اها ههه شسالفة توصيني على اكثر شي انا فالح بي

ـ اوصيك خاف يروح بالك منا منا تسهى تروح

ـ لاا اطمن بالي وكل حواسي يمك ويم شغلك

ـ جا هم خوش اذا هيج

ـ اييي

« مَــشــِهـد »

« بـَيـت الـحَسـن المـَجـــتـبـى »

وَهج:: رحمـة !!! رحمة افتحيلي الباب... رحمتي؟؟ رحماتتي جاي تسمعيني شنو نايمة كاعده عدلة ميته ؟؟
اذا تسمعيني جاوبي علية رحماتييي؟؟
امي انتي شبيج اخيتييي رحمة .!!!!!

الـام:: آوهاج بناتي..

ـ هلا عمة

ـ شبيج ادكين على غرفة رحمة؟

ـ ماكو بس بالي جوة من الصبح طبت للغرفة ولهسة مظهرت منها

ـ تلكيها نايمة تعاي انزلي وياي المطبخ

ـ شنو عمة مخايفة عليها جاي اكلج بنتج من الصبح لهسة غالقة الباب عليها لا تغدت ولا تعشت

ـ هذا طبع رحمة

ـ مو طبع ولا شي هذا اكو شي برحمة هية تحس بوجع او شي انا متاكده كعدتها كل الوقت لوحدها هيج تفسيرة

ـ واذا بيها وجع التكدر تعالج جروح الناس كلها متعالج وجع بسيط تحس بي ؟؟!

ـ برووووووددد

ـ آوهاج اسمعي كلمتي وانزلي يلا..

ـ تمام عما تمام...

رحمـة:: سمعت صوت وَهج نزلت وامي اخذت دورها وصارت تدك على الباب
ماكدرت اطنش اكثر من هيج كمت وفتحت الباب
ورجعت لمكاني كعدت و مددت رجلية على الجرباية
ودخلت امي كعدت كدامي ولزمت ايديه
واردفت......

آلـام :: شجاج يمة ادري عين شافتج ومصلت على النبي؟

رحمة:: مابية شي ترى بس باقية نايمة لان دفيانه وهم تعبانه

ـ تعب شنو هذا يا تعب اليخلي ابنياتي لاتزل ويانه لا على غدة ولا على عشى مو كافي السفره ناقصة ابوج تريدي تنقصج انت هم. !!؟

ـ لا يمة بس نزفت كل طاقتي بالمستشفى واجيت هنا اريح

ـ وكل هذا الوقت نوم هم مو زين على جسمج

ـ لا اعرف من زمان كاعده ترى بس. كتلج دفيانه جوة البطانيه ميطيني كلبي اعوف الدفو. وانزل

ـ زين يعني متاكده ماكو شي بيج؟

ـ اي حبيبتي

ـ الحمدلله

ـ اي يا سُت الحبايب

ـ ردت احجي وياج ومصارت الي فرصة ودام هسة انتي مصحصحة وياي هاي هية ماكدر ااجل الموضوع اكثر من هيج.

ـ الله يستر صايرة مصيبة؟

ـ آوهاج

ـ شنو علتها وَهج؟

ـ خايفة عليها انا هواي

ـ خير من شنوو ؟؟

ـ لا مصار شي بس شايلة همها واريد مساعدتج

ـ بشنو.؟

ـ اريدج تحجين وي المعتز بالله ترى خايفة على آوهاج منة

ـ هاا صار شي بيناتهم؟؟

ـ لاا ماكو شي

ـ جا بعد شبيج !!؟

ـ يا رحمة شنوو شبية ترديني انتظر لمن يصير ابيناتهم شي ؟!

ـ شنو يمه متثقين بـ وَهج ؟

ـ لا اثق بيها بس ما اثق باخوج. تعرفين آوهاج فطيرة و ب كلمتين تلين ..

ـ زين ترديني احجي وي وَهج

ـ لا عوفي آوهاج اصعدي احجي وي اخوج المعتز بالله انت اقرب وحده الة وميانه وياه وهو يحجي وياج باريحيه شوفي شنو النيه الي بداخلة

ـ يصير التردي

ـ ان شاءلله يطلع هذا بس خوف مني وماكو شي

ـ بس ما اظن المعتز بالله براسة شي

ـ اتمنى هذا صدك ويطلع محاط براسة شي

ـ على كلامج هذا يعني اذا المعتز بالله يطلع يحب وَهج ويريد يزوجها مراح توافقين ؟؟

ـ يا اسم الله ليش؟

ـ مافهمتج هسة انتي ترديها لو لا؟

ـ ابوس ايدي وجه وكفة اذا وهجهج صارت چَنتي .

ـ شكد انت متناقضة جا ..

ـ ليش ولج ؟

ـ مو توج تكولين شوفي المعتز بالله خايفة منه

ـ ولج افهميني انت جبيرة وتفهمين.

ـ شنو يا جنتي وناري فهميني

ـ ولج اريدج تشوفين اذا حاطهة براسة تشوفين النيه مالته زواج لو لعب

ـ يعني انت خايفة على وَهج لا يضحك عليها المعتز بالله.

ـ اي خايفة لا يضحك عليها لاتنسين البنيه امانه عدنا عمج جابها وردة مفتحة اكيد ما تقبلي ارجعها وردة ذبلانه

ـ اي اكيد ماريد يصير هيج

ـ اذا متريدي يصير هيج سوي الكلتلج علي واحجي وي اخوج

ـ يصير الخير.

ـ شبيهن عيونج مورمات ؟

ـ شنو بيهن شي؟

ـ اي بيهن جي اكلج مورمات

ـ ما اعرف

ـ محاسة عليهن شنو منفخات من جوة

ـ لا محاسة بيهن والله

ـ نايمة وانت تبجين مو ؟؟

ـ لا مابيه شي

ـ رحمة لاتجذبين علية

ـ يمااه براس ابوج صدكيني صدكيني ماكو شي وعيوني هيج صارن يمكن لان نمت هواي مو شي حرام لو ميصير لازم نتحاسب على كلشي ؟؟

ـ مجاي احاسبج رحمة انا امج انا من احجي من خوفي وحرصي عليجن ما احاسب ولا احقق

ـ لاتخافين عليه اني مو طفلة انا مرة جبيرة وواعية واعرف مصلحة نفسي وين

ـ زين يا مرة يا جبيرة اسالج سؤال

ـ جواب

ـ بس محلفتج بصحة ابوج المنجطل فوك تجاوبيني صدك...

ـ من هذا كلامج اجاني احساس اعرف شنو راح تساليني

ـ وشنو اريد اسال ؟؟

ـ راح تكليلي هذا التعب من الحب.

ـ زين دامج تعرفين سؤالي جاوبيني يلة

ـ يمة ماكو فايده من الحب ميسويلنا شي بس ياكل بصدرنا ويشعلنا نار وندم

ـ يعني اكو حب مدام هيج ادموعج نزلن وانت تسولفي !!!

ـ يمااه

ـ عيوني ياروح امج

ـ سَري ابير عندج !!؟

ـ يااا يمة اذا الام متصير بير لاولادها منو اليستر عليهم

ـ يمه اني تعبانه

ـ يابعد كلبي انتي الله لا ينطي التعب اليمر عليج

ـ يمااه ما اكدر لا انزل ولا اتحرك يمة وجع كلبي. مكرمني !!

ـ يا سوودة علية افتحيلي كلبج شنو بي الوجع هذا من وين ياروحي انتي سولفيلي

ـ يمااه اسالج سؤال

ـ اي يروحي اسالي كلشي تردي

ـ انتي من اتزوجتي ابوي جنتي تحبي يعني ازوجتو عن حب؟؟

ـ ياامي انتي قبل مو مثل هسة وي اكو حب وخرابيط ياهو يكدر يحب خطبة اهل ومشت بس وي العشرة حبيته وحباني ومن جبتج انت اول وحده وراج المعتز والبزر طيبة..
صار هوة كلشي بحياتي وانا هم صرت كلشي عنده

ـ زين انتي وي الحب قبل الزواج لو ضده

ـ لا ضده وحيييلل هم

ـ ليش؟

ـ ماماتي الرجال هنا عدنا بي طبع نگس شوية

ـ شنو هوة؟

ـ باوعي الرجال هنا اذا اتمكن من البنيه قبل الزواج لو بس 70٪ هوة هنا بين حالتين
الحالة الاولى؛ آما ميتزوجها يعني يشبع منها ويضيع وقته ويتركها
الحالة الثانيه؛ يمكن يتزوجها بس الثقة بيها اصير صفر ياخذ ابالة مثل مخانت ثقة اهلها وحجت وياه راح تخون ثقته وتحجي وي غيرة..

ـ بس يمة اكو حالات زواج على حب وناجحات

ـ اها هنا يبين نوع الرجال حسب تربيته اكو يحب ويصون ويزوجها ويبقى صاينها.
واكو لا والله يحب ويتونس ويزوجها بس يطيح حضها وياه

ـ هسة مفهمت انتي وي هيج زواج ولا ضد هيج.

ـ ولج اني مع اذا جان معدن الرجال من ذهب ومو من حديد لان راح يصدي وي الوقت.

ـ زين يما اني مو علوية

ـ اي يروحي

ـ يصير اتزوج رجال اهلة مو خوش سمعة؟

ـ وشنو جابرج تاخذي هيج رجال اشو انت جمال وكمال وحسب ونسب ودكتورة ليش حتى تتزوجين بحي الله واحد

ـ جاي اكلج مثلاً

ـ لا مثلاً ولا هم يحزنون مستحيل اقبل شنو جايبتج من الشارع حتى اشمرج هيجي شمره

ـ زين.

ـ ولج رحمة ليكون عاشكتلج واحد اهلة سليتي سمعتهم؟

ـ لا يمة انا ويني وين الحب متشوفيني يادوب جاي اشوف روحي من ورة الدوام

ـ متاكده يمة؟

ـ اي والله يمة

ـ يروحي انت ترى انتي اغلى شي بحياتي ووياج اخيتج طيوب مستحيل اخلي ضر يمسكم

ـ وصدكيني مراح يمسنا ضر دام انتي وابوي والمعتز بالله وعبد الحسن وكل هاي السادة بضهرنا

ـ وخلي شي براسج.

ـ شنو ؟

ـ يمة انت ممحتاجة حب من احد كلشي عندج يا امي لاتخلين هاي الافكار السودة براسج تمام يروحي

ـ اي ياعمري

ـ يلا اڪطعي هذا حبل الشيطان وكومي شغلي الضوة وغسلي وجهج وصلي رُڪعتين لوجه الله حتى صدرج ينشرح

ـ ان شاءلله

ـ اغدي لطولج فدوه يا امي انتي

« مَــشــِهـد »

وَهج:: بعد ما كملا غسل مواعين واني اريد اشيلهم من السنك لاحطهم بمكانهم بالكاونتر
سمعت صوت المعتز بالله يصيح لعمتي رديت علي ورجعت طب للمطبخ وصار يحجي وياي..

وَهج:: خلصيت واخيرا..

المعتز بالله:: يماااه .. يماااهه .. آميمتي .. آميمتي وينج..

ـ محد هنا لا تصيح فضحتنا

ـ شنييي محد جا امي وينها ؟؟

ـ بطابق الثاني يم رحمة اعتقد

ـ اهاا حلوو

ـ محتاج شي تريد شي ؟

ـ ليش انت جاي تغسلين المواعين؟

ـ ليش اكو شي

ـ لا بس شكو جاي تغسلين انتييي

ـ هاي شبيك معتز سويت انا شي غلط ليش هيج عصبت؟؟

ـ ترى انت ضيفة مو خدامة اجيتي النا

ـ ومنو كالك انا خدامة؟

ـ كل ما اطب لازم الكاج تسوين شي شغل وَهج ثلث نسوان هنا وهن اصحاب البيت انتي ما مجبورة تسوي شغلهن

ـ هن اصحاب البيت وانا مجرد ضيفة معتز شنو هذا الكلام الجاي تشمره علية؟

ـ مقصدي شي بي جنت اقصد ان انتي بت عمي

ـ هاي هية معتز فهمتك وهاي انا صاعدة لغرفتي واسفة خاف ادخلت بشؤون بيتكم

"" تركت المواعين وردت اطلع لمن وصلت يمة لزم ايدي ورجعني خلاني كدامه ودنك راسة جر نفس ورجع حط عينه بعيوني واعتذر...

وَهج:: خير اريد اصعد؟

المعتز بالله:: وَهج

ـ هااا

ـ اني والله اسف مجنت اقصد شي بكلامي بس تنرفزت شفتج تسوين الشغل واتعبين

ـ ماكو داعي تعتذر

ـ انتي فهمتيني غلط اقصد هذا الشغل كلة جانت تخلصة طيبة وامي ومن اجيتي انتي صار عليج وصرتي مبتلية بي

ـ وانا شكيتلك حالي هاااا

ـ ٠٠٠٠٠٠٠ ٠٠٠٠٠٠٠٠

ـ معتز انا منكم وبيكم لا اني ضيفة ولا غريبة انا آوهاج صفاء الحسن احمد
انا بنت عمك ولمن اسوي هذا الشغل مجاي اخذم جاي اساعد مره عمي ولان بنات عمي هواي مشلوشات وحده بدوامها ووحده بدراستها

ـ ما احب اشوفج تتعبين

ـ ما اتعب

ـ تمام اذا هيج ريحتي كلبي

ـ محتاج شي

ـ جنت اريد امي ودامها ما هية هاي هيه مريد شي

ـ دامك متريد شي اتوكل يلا خليني اكمل شغلي

ـ تمام ...... صدك

ـ نعم

ـ طيبه فوك بغرفتها؟

ـ اي اكيد بغرفتها وين يعني

ـ تمام اذا هيج

ـ اي

ـ شوفي شغلج يلة باي

ـ بايات....

المعتز بالله:: تركت آوهاج بالمطبخ وصعدت لغرفة طيبة دفعت الباب وطبيت عليها بدون مدك الباب ولا استاذن...
لكيتها كاعده على الجربايه متربعة وحاطة الكتب كدامها عود جاي تدرس.
رحت وكعدت كدامها وصرت اخزر بعيونها الجانت بيهن لمحة خوف
وللعلم اني رجعت تلفونها الها لان تدرس علي مكدرت اضلمها رغم خطأها بس انطيتها الثقة مره ثانيه توترت من شافتني كدامها وصارت تبلعم وحسيت عليها مسويه شي وخايفة لا اني ادري بي
وبعدها بعد سكوتي

اردفت بصوت يرجف..

طيبة:: هلا خوية ڪل الهلا بيك شي ليش جاي تباوعلي هيج صاير شي؟؟

المعتز بالله:: انا المفروض اسالج صاير شي

ـ لا ليش

ـ دام لا شكو هذا الخوف البوجهج

ـ مخايفة ترى

ـ مو علية انا المعتز بالله

ـ مخايفة بس

ـ بس ؟؟! ڪملي

ـ توترت من فوتك علية هيج ف سالتك صاير شي

ـ هوة سؤال واحد بس قبلة اريد اكلج

ـ كول التريده

ـ طيبة انت مقدرة عفوي الج والثقة الرجعت وانطيتها الج فوك الشفته منج !!؟

ـ اكيد خوية مقدرة وهوواي هم وعيونك

ـ حلو اذا هيجي.

ـ شنو سؤالك

ـ انطيني تلفونج دقايق قبل السؤال

ـ تفضل

ـ مخلية صورة صفاء السراي خليفة حضرتج ثورية.؟

ـ شهيد خوية شهيدد

ـ اي الله يرحمة شنو كلنا..

ـ اييي

ـ الرمز شنو؟

ـ مواليدي

ـ شننه مواليدج؟؟

ـ 2004

ـ زين

"" فتحت التلفون وصرت اكلب بي ولكيتها حاضرة رقم آدم وكل حساباته قفلت التلفون ورجعته الها وصرت اباوع الها
وابتسم وهية متوترة..

المعتز بالله ::: هاج تلفونج

ـ والله ممسوية شي غلط

ـ اعررف اسالج سؤال

ـ جوواب

ـ بكل صراحة اريدنج تجاوبيني انا اخيج هاا

ـ اي اكيد ماعندي شي اضمة عنك..

ـ يمتا اخر مره حجيتي وي آدم

ـ ليش تسال عن ادم؟

ـ سالتج جاوبي

ـ اول البارحة

ـ هه اول البارحة اخر مره حجيتي وي ادم..

ـ اي

ـ نوع الحوار الدار بيناتكم؟؟

ـ والله اني مجنت اريده ولا اريد احجي وياه بس هوة اقسملك بالله بس شاف حسابي آون لاين راسلني وحضرته وصار يدخلي من حسابات حتى على الهانكوت مخلصت منه راسلني علي..

ـ زين وبعدين سالتج عن نوع الحوار مكتلج فسري ليش حجيتي وياه !!!

ـ اي جاي اكلك جاوبت على رسايلة حتى اشوفة شيريد واخلص منه

ـ وتاليي؟؟

ـ صار يغلط وياي بالكلام حضرته ولهسة لا مراسلني ولا حاجية وياه

ـ يغلط وياج شيكول يعني!!!؟

ـ ٠٠٠٠٠٠٠٠٠٠ ٠٠٠٠٠٠٠٠

ـ طيبة احجي ولا تخافين هياتنا جاي نسولف وعين الله علينه كملي

ـ اخااف

ـ من شنو تخافين؟

ـ اخاف تضربني اذا كملت كلامي لان ادري كلامة مراح يعجبك..

ـ انتي مو حضرتي لان مقبلتي على كلامه !!؟

ـ اييي. والله

ـ جا بعد ليش اضربج وليش خايفة اذا هاذا الشي انت رفضتي ما قبلتي علي بلعكس.

ـ مااعررف عنك وعن اعصابك

ـ طيبة اني هسة حيل هادىء احجي يلا خليني اسمع منج سولفي

ـ هوة صار يكلي اني احبنج واريدنج وراح اسوي كلشي علمودج علمود اتزوجنج بس تخلصين متوسطة..

ـ اهااا

ـ هذا كلامةةة والله مو كلامي...

ـ يعني انتي ما تردينة؟

ـ لا كلشي ماريد والله مرتاحة هيجي

ـ اذا خطب مراح توافقين يعني ؟؟!

ـ لا ماريد

ـ زين اذا هيجي كملي دراستج ولا تحطين ببالج..

ـ زين معتز قبل لتروح

ـ عيوني شنو؟

ـ انت شنو عرفك ادم تواصل وياي..

ـ الصبح اجاني وطلب يحجي وياي ورحتلة وطلبج مني وهاي اني اجيت احجي وياج واسمع جوابج علي وهسة عرفت انت متردي.

ـ معقولة؟

ـ شنوة ؟؟

ـ جايك ومحاجيك بية واجيتني بهذا الهدوء؟

ـ تعرفين ليش هسة اني لا ضايج ولا مغتاض؟

ـ ليش؟

ـ لان اجة بادب وطلبج بالعادات كالي اريد اخيتك على سنه الله ورسوله الكريم...

ـ زين انت شرايك؟

ـ مالي رئي هذا حياتج دام رفضتي انا ارفض.
وهسة كاافييي انسي وكتلج لاتفكرين بعد واذا تواصل لا تردي علي وخلي بالج بدراسج بعدج بالبيضة لا تستعجلي على شي..

ـ ممستعجلة انا..

ـ نامي من وقت حتى تكعدين الصبح..

ـ تمام....

ـ باي

ـ بايات ☆☆

« مَــشــِهـد »

رحمــة ::: كمت عدلت ملابسي. وشعري ورحت غسلت وجهي ورجعت اتنوع للمراية حطيت كحل حتى اضم شوية من ورم عيوني و مخلي احد ينتبه عليهن لان حيل متاذيات من البجي..
نزلت لـ طابق الارضي ولكيت وَهج بصالة عرفت منها ان المعتز بالله جاي وبغرفتة..
صعدت بوجهي لـ الطابق الثالث ودكيت على غرفته ودخلت لكيته يلعب بتلفونه رحت وكعدت كدامه اول مشافني كعديت ذب تلفونه وصار يباوعلي ويتبسم..

رحمـة:: بيك شي ضحكني وياك؟

المعتز بالله:: لا ابتسمت من شفت شكلج

ـ وشبي شكلي ؟؟

ـ من يمتا رحمـة تحط كحل لعيونها؟

ـ من اليوم شنو مَ حلو؟

ـ هن عيونج لوحدهن يهدن جبال ماكو داعي للكحل

ـ يااايي فديتك لعد اتعود علية ادور دوم هيج مكحلة

ـ لااا لاتحطين بعد.

ـ هاا ليش؟

ـ يمعوده جنج سحير الليل كتلج انت حلوة بدونها.

ـ بعد ما احط ؟

ـ ايي لا تحطين

ـ تدلل اعزيز كلبي

ـ ههههههههه شذكرج ب اعزيز؟

ـ ههه منسيته حتى اتذكرة

ـ لا فدوة ارجعي انسي..

ـ ههههههه ابد والله اعزيز كلبي انته شلون انساك..

ـ اني اريدج تنسينيييي كوة هية!!!!

ـ شلون انساك وانسى ايامنا الحلوة دولبني زماني بيك يا سلوة

ـ ادور نكلبت البت من رحمة الى الرادود حمزة الصغير.

ـ اليقرة هاي القصيدة حمزه الصغير؟؟

ـ يمكن مادري

ـ حتى اني مدري دوم الصبح اسمعها بس صوتيه مدري منو رادودها هههههههه

ـ بس اضن 80٪ هوة حمزة الصغير لان اذكر صوته هذا..

ـ مممم زييننن

ـ صدك شعدج جايتني هسة محتاجة شي؟

ـ لاا ماريد شي بس ضجت بالغرفة لوحدي كلت اجي احجي وياك ماريد احجي وي طيبوب والهيها عن دراستها.. و وَهج وي امي مريد اخذها منه.
بقيتلي بس انت

ـ زين من شنو ضايجة؟

ـ مادري هيج..

ـ شلون يعني هييج اليضوج لازم بي شي صاير وياه شي سولفيلي..

ـ والله ماكو شي بس لان نمت هواي مزاجي صار مو شي..

ـ متاكدة

ـ صدكني شبيك

ـ جا هم خوووش اذا هيجي السالفة الحمدلله

ـ صدك اعزيز اريد اسالك عن شي بنفسي اعرفة.

ـ شنو استرسلي واعرفي

ـ يعني مثل ما انت تعرف صار فتره مو طويلة من عمي جاب آوهاج وبقاها عندنا..

ـ زين

ـ انا اكثر من مره المحها وياك ويعني اكثر سوالفها وياك ف فكرت...

ـ هذا كلام اميمتي مو كلامج..

ـ لا والله كلامي

ـ ارحيمة اعرف كلش زين امي وتفكيرها وجاي اكلج هذا تفكير امييي مو منج...
وبعدين كليلها خلي تطمن وتحط ايديه ورجليه بماي بارد ماكو اي شي من التفكر بي.

ـ يعني شنو؟

ـ يعني خاطري فارغ حيل من صوب وَهج وما اشوفها غير طفلة ضايعة وانا دليلها..

ـ يعني انت متحبها !!؟

ـ اخو صديقتي الي المعتز شافاني وياه

ـ اييي اتذكرته خير شبي.؟

ـ اليوم طلع رايح المعتز بالله وطالب يحجي وياه.

ـ شنووة وشيريد هذا شنو الرجال بايع حياته ؟؟؟

ـ ٠٠٠٠٠٠٠٠٠ ٠٠٠٠٠٠٠٠

ـ احجي شنووو يريد ليش راح للمعتز بالله..

ـ راح الة وطلبني يعني خطبني منه واجة المعتز بالله وحجة وياية واني رفضت...

ـ صدك تحجين ؟؟..

ـ والله العظيم واني معلية هاي جي يراسلني وانا احضر وارجع لورة..

ـ معقولة يحبج صدك ؟؟

ـ مااعرف بس اظن هوة شايل هم ان انا توترت علاقتي بيكم من ورة ف يريد يعوض !!

ـ ماتوتر شي انت مثل ما انت لا ثقتنا بيج قلت ولا حبنا الج انمحى..

ـ ولهاذا السبب اني ماريد اخسركم ماريدة خلص العشت بي والشفته كلش كافي
وبسطه المعتز بالله لهسة اضلوعي يوجعني....

ـ طيبات حبيبتي...

ـ هااا

ـ كومي اغسلي وجهج ونامي مرتاحة..

ـ خاف باجر من اروح وياه يكسر الطريق ويذبحني !!

ـ ياعلي دخيلك شنيي ولج وين عايشين يذبحج شنوو..
ترى الرجال اجا وخطب على سُنه الله ورسوله .
يا اما نوافق ونمشي على العادات والتقاليد وتكمل الفرحة.. ياا نكول ماكو نصيب وهاي هيه انتهت...
ماڪو اخ يذبح اختة بس لان رجال اجا وخطبها...

ـ بس رحمـة صح نخطبت بس مو اي واحد خطبني
لاتنسين ذاك اليوم شلون تخبل من شافني وياه وهسة تتخيلي راح يخليني اتزوجة وهوة يعرف اني جنت بعلاقه وياه !!!

ـ حقة جا تردي يشوفج تغلطين وتلعبين بحياتج وسمعتج ويضل ساكت ولحد الان اكول الي سواة بيج تستاهلي وزيادة..

ـ رحمـة رحمـة

ـ طيبات كافي كتلج تاخر الوقت باجر وراج متحان يلا حبيبي نامي ورتاحي وثقي بيه ماكو شي

ـ منو يكول ماكو شي؟؟

ـ ممم انا اكلج تعرفين ليش.

ـ ليش؟

ـ لان انا جنت يم المعتز بالله جنا نسولف ونضحك ومن كالي ان يريد يوصلج جان رب الهدوء..

ـ والله المعتز بالله مالة صديق اليوم يضحك باجر يطنكر هيج طكااات هوة..

ـ هههههههه مثلج..

ـ ييياا اذا اني هيج مزاجية..

ـ نامي يلة شلعتي كلبي..

ـ يعني هسة اطمن يعني؟؟

ـ اطمني وخلي راسج بالامتحان ولاتفكرين بشي ثاني ...

ـ تمام

ـ تصبحين على خير

ـ اصبح على هاي العيون المكحلة..

ـ يروحلج فدوة الكحل

ـ طفي الضوة بطريقج

ـ صار يحلوة ❥❥❥

« مَـشـهِــد »

« بـَيـت عـَبـِد الـَحـسِـن »

غَـديـڕ::: بعد ما خلصنا العشى سويت چاي وقدمتة الهم جان ابوي وامي وعلي الباقر وعلي السجاد كلهم كاعدين يسولفون بصالة.
رجعت للمطبخ حطيت الصينيه على السنك وجانت آريج كاعده على الطاولة تلعب بتلفونها.
طلعت ووكفت اباب المطبخ صار ابوي كدامي يشرب بالستكانه.. توترت من طريقة معاينته علية..
و رحت لاصعد لغرفتي
واني على الدرج اسمعت ابوي جاب طاري اسمي..
كملت طريقي وصرت براس الدرج كمشت بالمحجر وصرت اباوعلهم لجوة انا صرت فوك روسهم..
وبقيت بحالة صمت اسمع الموضوع الي نفتح الي يخصني...
بؤقت ما ابوي ڪال .....!!!

عَبد الحـسن:: صح اريد اكللكم شي

علي الباقر:: شنو بوية؟

العلوية:: خير ان شاءلله ؟؟

ـ اليوم مَر على ڪراجي الشيخ محمد

علي السجاد:: ايي وشنو يريد شنو مبتغاه !!؟

ـ طلب مني القرب اكثر..

العلوية:: شلون يعني وضح اكثر سيد !!

ـ هوة خطب غدير لابنة انمار...

علي السجاد:: شنوووة ؟؟؟؟..

العلوية:: هاي شلون دبرها؟

علي الباقر:: شنوو بوية وانت سكتت الة !؟؟

ـ وليش يا سيد علي الباقر الرجال غلط على ابوي لو سباني حتى تكلي وانت سكتت الة !!!!

علي الباقر:: وليشش عيني الي طلبة منك واقعي؟؟

ـ الرجـال طلب بالحلال هَوة وابنه اولى من غيرة ڪلتلة ابشر ابسعدك حدد اليوم والساعة وبراحتك
البنيه جاهزة ڪبع واخذها ....

"" بعد كلام ابوي صدمتي صارت تنقرة على وجهي
وطلعت لينا من غرفته ووكفت يمي من سمعت صوت علي الباقر وصارت تسمع سوالفهم وشافتني شلون ارجف من كلامهم !!!!

ورد فعل امي واخواني حيل جنت متأملة يغيرو من رئي ابوي لان خلص محدد ومخلص وغصب عني لازم اقبل لان انطى كلمة الهم..

بس عصبيه علي الباقر وهسترته مجنت متخيلتها هيج صار حتى يصيح على ابوي ويغلط بالكلام..

والفاجئني اكثر ابوي جان على طول الكعده والكلام اليسمعة جان ماخذ دور الصامت..
ضل كاعد بكرسية ومدنك يسبح بالسبحة واخواني فوك راسة يصيحون على القرار الاخذاه...

العلوية:: بس. سيد شلون تسوي هيج غدير صغيرة ودراستها هم ليش اخذيت هيج قرار من دون مترجع الي اني مو امهااا لو غريبة بساريد افهم علي السجاد زوجته بكيفك وهسة هم تريد تذب بنيتيي بكيفك..؟؟؟

ـ شنييي اذبها راح تتعزز وتتكرم ابيت الشيخ.. واذا على دراستها.. ف البنيه مالها غير بيت رجلها..

علي الباقر:: هية شنيية ما الها غير بيت رجلهاا بووية شنوو سالفتك تريد تمشي الكل على رئيك؟؟
لحد الان ترى بالعين موس وساكتين...

ـ صوتك مو اخوك الصغير اني !!!

علي الباقر:: اعتذر منك سيد اعتذر وحقك علية اعذرني بس انا اكلك شيي واحد بس غَدير مَ راح تتزوج هذااك...

علي السجاد:: علي الباقر اهدء شجاك ابوك هذا؟؟

علي الباقر:: لااا اليسوي هيج مو ابوو هايي انت اجاك على غفلة عميان وكلك باجر عرسك على بنت لا نعرف خيرها من شرها وانلصمنا وما كلنا شي ....
وهسة هممم يريد يعيد السالفة وسواها اجانة ويريد يزوج اختي على غفلة...
اسمعني بوووية وخليني على بالك هايي ولدك ثلاثة عندك سوي التسوي بيهم بس امي واخواتي لاااااا مالك بيهن هذني خط احمر والحسن مستعد اذبحهن واذبح روحيييي ولا اخليك تدمرهن....

العلوية:: علي الباقر لايصير بيك شييي اهدة يمةة..

ـ انا انطيت كلمة بعد واليكسرها يعني جاي يكسر عداد حياته....

علي الباقر:: هاذا انت منطي كلمة لنص الكره الارضية وكل عمرنا نمشي على هاي الكلمة بس كلت الكم وحق الي رفع السماوات بدون عمد اذا سويته وخليته ياخذ اختي الا اكسر ظهرة...

العلوية:: كاافي علي الباقر شمالك ابوك هذاا نسيت روحك ترى مو منتسب عندك صوتك هوواي على هنااا...

علي الباقر:: ٠٠٠٠٠٠٠٠ ٠٠٠٠٠٠٠٠٠٠

علي السجاد:: هسة نكدر نحجي بتفاهم ليش هاي العصبية والصياح غير نفهم !!؟

علي الباقر:: بلعكس المفروض اضل هادء وكلش حلوة الدنيا ماكو احلى منهااا..
اصلن احنا مالنا قرار وحتى انت انتة سيد عبد الحسن هم مالك قرار لان اسمك تمشي ورة كلام ذاك الشيخ ما اعرف شنو مسويلك ادري شني سااحرك !!؟

ـ علي الباقر مااريد اسمع حسك بعد كافي اسكت احسن الك لحد الان لازم روحي ماريد افقد اعصابي عليك اسكت....

علي الباقر:: ارفضهم وانا اسكت..

ـ كتلك نطيت كلمة وبعدين تعال سولفلي ليش متريدة اشو ماخذين اختة ونعرفهم ويعرفونا!!

علي الباقر:: هية شني ماخذي اختة يريد يسويها وحده بوحده يعنيييي اخذنا اخته لازم ياخذ اختنا...

ـ بااقررر كاافي اني كلتلة البت الة وانتهتتت...

علي السجاد:: زين انت اخذت رئي البت التحجي عنها !!! لو على كولت علي الباقر تريد تسوي وياها مثلي تجيني فجاة وتكلي خطبت الك وهاي هيه..

ـ البنيه مالها رئي انا ابوها واعرف مصلحتها وين..

علي الباقر:: لا عز الله يريدني اروح واكتل ذاك....

ـ كاافيييي علي الباقر انجب والصم ومحد الة كلام بعد كلامي ....

علي الباقر:: بوية نحن صرنا زلم هذا ابنك علي السجاد عمرة 33 واني 30 ولحد الان متريد تسمع مننا !!!!
بس اريد افهم شييي هذولة شنيييي طبو على بيتنا جفتت شكووو ....
هااااااا؟؟؟ شيردون لانعرف اصلهم ولا فصلهم بليلة ضلمة اجوي لهنا وطلع هذا اليسمي روحة شيخ يكول اولادي بسر وهسة اجوي وراح يعيشو وياي وشمر بنته علينه وهسة يريد يشمر ابنه على اختي
ادري شنييي ذولة .....
اجو من البرية ويردون ياخذون الاولية !!!....

علي السجاد:: لاتنسى اختة مرتي كافي تغلط بالحجي...

علي الباقر:: اني مجاي احجي عن مرتك جااي احجيييي عن بنتةةة..

ـ علي الباقر كااافيييي

العلوية:: اوليدي حبيبي فدوة اروح لعمرك صلي على النبي واهدة فدووة...
روح لغاادي روحح وخليك ساكت كاافي هواي صيحت.

"" اريج جانت واكفة تسمع كلامهم اباب المطبخ !! من اشتد الكلام راحت اخذت علي الباقر من ايدة وصارت حيل تهدي بي وصارو ورة ابوي شوي ليجاي يم الدرج

والـ 🐍🐍 اليمي واكفة باوعتلي ولفضت ..

لينا:: وليش اخوك هيج معصب ميريدك تتزوجي اخوي

غدير:: لان انا ماريد اخوج.

ـ ولية ماتريدي؟؟ شنو ناقصة مو زين حيتزوجك ..

ـ اذا مسكتي عني والزهرة اشمرج مناااا ولي عني.

ـ هوة العتب مو عليكو العتب علي ابوي الي نطاكم اكثر من حجمكم هيج زوجوني منكم ويريد ياخذك النا..
صدك الي كال لكت واستنكت!!

ـ خاب ولي عنييي...

"" تركت التس ودخلت غرفتي ومادري شنو صاار جوة !!!

وبعد طب ابوي لغرفتي وصار يخزرني وبعده طب علي الباقر صار بظهرة معصب..

واردف وياي بهدوء رغم سويت نفسي لا سامعة كلامهم ولا ادري ليش صعدلي ...

عَبد الحـسن:: غدير..

ـ هلا بوية !!

ـ جهزي روحج بنيتي

ـ لشنو؟؟

ـ الاحد عقد قرانج وي انمار ابن الشيخ محمد انت وياه راح تتزوجون!!

ـ هاااا؟؟

علي الباقر:: سيد احجي وياك كلتلك هذااك مياخذهاا يعني مياخذهاا والحسن اذبحة واذبح روحييي مياخذ اختي.

غدير:: علي الباقر اسكت..

علي الباقر:: شسكت شسكت..

غدير:: بوية انت مقتنع بي؟

ـ اي وحيل هم.

غدير:: اطلب منك شي اخير بس.

ـ شنو؟

ـ مو الاحد كللهم البنيه تريد تفكر خليني اشوف نفسي بس هاي الشي اريده اريد اكعد وي نفسي.

ـ شوكت يعني؟

ـ الخميس انطيك خبر.

ـ خوش بس ها قرارج لو اي لو اي.

ـ يصير خير..

"" خلى ابوي وطلع وبقى سيد علي الباقر واكف بلباب وصافن علية كعدت علي الجرباية وحطيت وجهي ابين اديية.
وصرت امسح وجهي وابجي.
والنفس اجرة واشهك بي.

سد الباب السيد وفات الي كسر رجلية كدامي وكعد ووخر ايدي وباسني على كصتي ونزل باسني بخدي ورجع باسني بخدي الثاني

علي الباقر:: وعلي لاراوييي النجووم بعز الكايلة شكو واحد يفكر هيج يسوي بيج !!!

غدير:: علي الباقر كاافي فدوة لعمرك بداعتي بداعتي اسكت عن ابوي

ـ شلون اسكت عنه وهوة يريد ينطيج؟؟

ـ واني موافقة موافقة اني احب انمار وانا اتفقت وياه يخطبني..

ـ شنوة ؟؟

ـ صدكني انا احبة وهوة يحبني وترى كلت لابوي اريد افكر حتى ميكول عني ملهفة تريد بس تتزوج..

ـ جذابة احلف عليج جذابة

ـ ليش؟

ـ انتي ابد مو مال هاي السوالف... يا حب يا خرابيط ولج انت عينج بالسادس تكليلي تحبي
انتي جاي تحجين هيج علمود ما احجي وي ابوي هااا !!!!

ـ لاااا والله اصلن انمار كالي من زمان ان يريد يتقدم الي ويريد يسمع قراري وانا تجاهلت مرديت علي..
بس هسة هاي هيه اني الة !!!

ـ غدير

ـ بداعتيييي علي الباقر بداعتيييي لخاطري اذا الي خاطر عندك سد الموضوع وباركلي !!

ـ هيجي!!!

ـ كتلك بخاطرييي

ـ مباركة ان شاءلله

ـ مراح تسوي شي مو؟؟

ـ ما اضمن الج

ـ علي الباقر...

ـ انت لو تردي وعلى كولتج تحبي مجان ضليتي تشهكين هيج...

ـ خوية خوويةة.....

"" تركني علي الباقر وطلع وبقيت لوحدي بالغرفة
صرت ابجي حيلل واخذت تلفوني واتصلت على جواد..
وتواعدت وياه التقي بي باجر بس مو بمكانا غيرنا المكان.......

انا كلبي فارغ من تفاصيل انمار مجنت اشوفة شي..
معقولة يصير زوجي؟؟
واكمل باقي حياتي وياهه !؟؟

زين وجواد !؟؟ اني احبة ليش رجعلي هسةة
ليش جاي يصير بينا هيج.!!
اكدر اواجه ابوي وارفض انمار اي لان ماكدر اتزوجة وانام بحضنه وانا كلبي وروحي يم غيرة...
ياربي صبرك....

رحت سبحت وفرشت سجادتي وسويت العلمني علي علي السجاد....

صليت ركعتين لوجه الله..
وسويت استخاره بالقران ب النيه مال الزواج من انمار

« مَـشـهِــد »

عـلي السجاد :: ورة الهوسة الي صارت جوة صعدت لغرفتي ودخلت لكيت لينا كاعده كدامي وتهز برجلها.

رحت كعدت يمها وحطيت ايدي على رجلها وثبتتها بالارض...

علي السجاد:: هاي الحركة للمرضى النفسيين

لينا:: متووتره حيللل

ـ ليشش شصاير؟؟

ـ ليش علي الباقر ميريد انمار ياخذ غدير؟؟

ـ لان بعدهي طفلة...

ـ ههههههههه طفلةةة !! سجاد لاتعيش اللحظة عجل انت ليش تزوجتني انا هم طفلة..

ـ تراج جبيرة..

ـ ترى ثلث اسنين بسسس فرق بيني وبين اختك وبعدين عمرها 19 وينها وين الطفلة هااا..

ـ ليش محتركة روحج هلكد ؟

ـ لان لو عندي رجال جاان محركت روحي..

ـ هييي انتي احجي عدل..

ـ ولك اخوك جوة سفل بيه وباخوي الارض وانت من تم ساكت ولا فكيت حلكك ولا حجيت ولا كلتلة مرتي وتسكت ولك حتى مسكتة خليته هيج يسحل بينه سحل وانت تسمع وعاادي عندك...

ـ ماجاب طاريج واول مذكرج انا سكته وبعدين حقنا من نعصب ليش اخوج من وين لوين يريد اختي..

ـ وعليششش انت ما اخذت اختة ليش من وصلت اله يريد يتزوج اختكم صارت لا ميصير وصرنا لا اصل ولا فصل وحتى صرنا اجينا من البرية هااااا

ولك لو ما امي ماتت ونجبرنا نجي لهنااا ونعيش وي رجال ناسينا كل عمره ولا مفكر عنده اولاد
جان ما وطوطنا ولا تدسنا عتبة بوابة بغداد.....

بس العتب على الوقت الخلاكم انتمم تحجون عننا وتكولو لا اصل ولا فصل...

ـ ليانه كافي....

ـ لا مو كاافي مو كافي انتم الي كافي الكلام الي نكال جوة....
وشحجي هسه مراح تفهمني تعرف ليش لان انت عشت مدلل..
هياك اتربيت ابيت واحد يخاف على الثاني والاهم انك اتربيت بحضن امك وابوك...

بس نحن لاااا نحن ضكنا المر بكل انواعا سجاد ولا مره فرحنا بحياتنا زواج امي السري دمرنا صارو يحجون عن شرعيتنا اشكال الوان ولا ام تهتم
ولا اب يعترف بينا...
كبرنا انا واخوي على الضيم والقهر وهسة من بدينه بداية جديده استخصرت الدنيا علينه الضحكة والراحة ....

ـ ليانه حبيبتي كاافي شبيج...

"" اخذتها من ايدها وهي تصيح وتبجي وما قابلة على كلام اخوي حضنتها بكل قوتي وصرت ابوس براسها واهديها....
هم ما الها ذنب علي الباقر هوواي زودها وحجة هواي واهي طلعت سامعة كلشي!!!!!
متستاهل تسمع كل هذا مرات احسها هواي راح تنضلم وياي لان انا شوي ما اهتم ابد وهية حساسه
بس ماكدر اتخلى عنها كل يوم والثاني جاي يزداد حبي الها وتعلقي بيها......

مشت هاي الليلة وخلصت 🙂

بس الجاي ما اضن خير اذا علي الباقر سكت راح تصير خير بس اذا سوة البراسة لا عز الله ضيعنا كلنا وياه.....

﴿ صـَباح يـَوم جـَديـد ﴾

« بـَيـت صَـفاء الـَحـسِـن »

البشير:: وديت تحرير لمدرسته والفاروق الاعظم ومؤمل الصدر راحو كلمن لشغلة...

والخالة نجلاء مريضة رادت تدز بنتها بدالها بس انا رفضت وكعدت بصالة مشغل التلفزيون ومكابل الاوراق الي لازم امليهن...

سمعت الباب اندك رحت فتحتة ورجعت دخلت الصالة مع احلا شخص الضيفة الجميلة..
وكعدت وياها بصالة ...

البشير:: ياهلا بعمة السادة والعلويات...

فاطمة:: يابعد كلبي ياهلا بيك ياحيلي

ـ هااي شنوو هااي ولج فطيم شمسوية؟؟

ـ شنو ولك شمسوية؟

ـ شو راجعة اصغر مني جنج بنت الـ 15 ترى اغار عليج اكوم اخليج تلبسين نقاب لايشوفج احد

ـ صدك يعني حليوه انا ؟؟

ـ حليوة شنييي غير تطكين الكااع من تمشين..

ـ العباس عليك اني هيج

ـ والعباس وانت ممحلفتني

ـ عيونك الحلوة يا وين ولد حسين كاظم يجون يسمعوك بلكي يتعلمون منك شوية...

ـ لا ما اقبل...

ـ هاا ليش؟

ـ لا هيجي ازعل رجاءأ فطومة هاي السوالف بيني وبينج بس اني اكولها الج
اذا سمعت احد يكولهن وياج ترى اكتلج واكتلة.. وهاي اني كلت الج وقد اعذر من انذر

ـ هااي شنوو ولك تحجي وياي وكان كدامك آوهاج اختك مو فاطمة عمتك..

ـ ليش حاسبة روحج عمتي؟

ـ جا شنو ولك..

ـ ترى ما بيناتنا هوواي كلج على بعضج اكبر مني بكم سنه انا عمج مو انتي عمتي..

ـ لاا والله

ـ ايي والله شكد عمرج انتي..

ـ كملت الـ 42 وصرت 43

ـ العمر كلة واني هم كمليت الـ 34 وحاليا صالي شهرين داخل 35 يعني انتي اكبر مني بـ 7 سنوات بس...

ـ ايي هوواي 7 سنين مو بعينك..

ـ شني الهوواي ترى 7 سنين بغمض عين راحن وبعدين فطومتي تراج صغيرونه حيل بس ولد حسين كاظم مكبريج..

ـ اي والله مكبريني فوك عمري...

ـ اكوم اسويلج شي تشربينه صدك

ـ لا اكعد ولك اريد اروح..

ـ هاا وين؟

ـ ترى اني جاية لعبد الحسن العلويه اتصلت عليه ولان مريت من بابكم كلت اسلم جا خوانك وين؟

ـ بلمدرسة والشغل..

ـ الله يكون بعونهم شلونه البيت فرغ عليكم مو؟

ـ اي والله انعم الله على اخواني شوي من نجتمع ينترس..

ـ بس يمة يبقى البيت الما بي مرة مثل المكبرة..

ـ الله يرحم امي..

ـ اي الله يرحمها شنو كلنا احناا بس يا عماتي انتة الصار صار ونحن وليدات اليوم كافي ننسى كسر المضى ونمشي لكدام هاا..

ـ لاتكليلي اتزوج...

ـ اكو غيره فدوة اروحلك صرت 35 ؔ شوكت بعد ناوي

ـ مناوي على شي اصلن اني جاي افكر بامور هواي ابعادها مو يم الزواج تردين اوكعي بركبه الفاروق وعرسي..

ـ والله الا اوكع بركبتك وما اعوفك لين ازفك لمرتك..

ـ لا انا ميئوس مني

ـ مو بكيفك هية

ـ ليش ما تجين انت والاولاد وتسكنو هنا وبيتكم تاجرونه هااا كلش حلوة نصير بيت واحد !!

ـ ٠٠٠٠٠٠٠٠٠٠ ٠٠٠٠٠٠٠٠٠

ـ هاا فطومةة شرايج؟

ـ فكره حلوة ليش لا !! بس اخذ رئي الاولاد..

ـ تمام عزيزتي..

ـ يلا تعال وصلني لبيت عمك..

ـ بس اجيب جاكيتي من فوك..

ـ اتانيك بره..

ـ تمام

« مَـشـِهـد »

رحمـة:: كعظت الصبح بعد ما سبحت ونزلت اتريكت لان معدتي على ريوك إمس..
رجعت صعدت لغرفتي وصرت اباوع للشباك ورن تلفوني
رحت لين يمة واخذته لكيت زُبير متصل علية امس بالـ 63 مرة
وانا مسويته صامت ما اسمع شي!!

ورجع الصبح دزلي رسالة من بعد ما فات وقت روحتي لدوام يعني ممريت على سيطرته..
فتحت الرسالة وجان مضمونها...

﴿ والنزل القران ورتلة على نبية. يا كلبي راح ينفجر من امس واني مشتعل ناار..
رحمة انت مو قاسية لهاي الدرجة شنو هاي القسوة الوياي مو ذنبي شي إنا جنت طول الليل اهدي بكلبي واكول باجر تمر يمي وشوفه ونار كلبي تطفى
اجي اليوم وما اشوفج ؟؟!
امر على المستشفى يكلولي اخذتي اجازة اسبوع....
شنو السالفة رحمتي ؟؟ ﴾

بديت اقراها ودموعي تنزل بلا شعور طفيت التلفون وشمرته على المخده ورجعت اباوع للشباك العاكس على الشارع واني افكر وافكر شنو هاي العلاقة الوكعت روحي بيها شنو تاليتها؟ انا تاليتي وين من زُبير هوة هذا رحمة هذا الي كلبج هوى هذا الي رفضتي ابن عمتج علمودة؟ والله مجنت اريد اتندم على شي بس اشوف نفسي. راح اتندم على هاي العلاقة التافهه الطحت بيها...

رجعت اخذت تلفوني واتصلت على مصطفى ومريت علي تركت سيارتي كبال بيتهم ورحت وياه علمود موضوعة.

وماريد ادخل بتفاصيل روحتنا لان ادوخ شوية لان تعاركنا اني والبنيه المهم الحاصل من هاي كلها ان هسة مصطفى صار مطلك ومحد يعرف...
وخو هسة ابد محد صار يعرف هههه شهرته شهيرة
ياناس ياعالم ترى مصطفى حسين كاظم ابن عمتي اتزوج وطلك هه وبالسر كلة بالسر..

رجعت وياه بالسيارة وعلى فرحة طلاكة عزمني على الغدة ونحن نمشي
مرينه على سيطرة زُبير
ووقف سيارتنا وهوة يناضرني ويناضر مصطفى الي اني كاعده بصدر يمه..
وتقدم النا وصار يحجي وي صوفي من الجامة واهي عيونه منشالت عني....

مصطفى:: شيخلصنا كل طريق مسويلهم سيطراتت...

زُبير:: نزل الجامه..

ـ نعم

ـ اوراق السيارة والهوية المدنيه...

ـ صار دقايق..

ـ بسرعةةة

ـ تفضل...

ـ اهاا مصطفى حسين.

ـ اييي...

ـ منو هاي اليمك؟

ـ عفوا ليش تسال؟

ـ لان عدنا انذار جااوب وانت ساكت..

رحمة:: اني الدكتورة رحمة الحسن المجتبى اصير خطيبته...

زُبير:: خطيبته؟

ـ اي عيني خطيبته اكو شي خوية؟؟

ـ لا ماكو تفضلو يلا...

مصطفى:: شنو شنو يمتا نخطبنا؟

ـ توني سويت روحي مرتك هسة متقبل اصير خطيبتك؟

ـ لا بس ليش كلتيلة خطيبتي؟

ـ لان هيج نوعيه من الناس يردون يتونسون بناس لهذا سالك عني متانيك تكلة بس بت خالي حتى ياخذنا ويضيع وقته..

ـ ماعرف والله

ـ اطلع اطلع للمطعم اكول احسن....

ـ تدللين عليه خطيبتي...

ـ ههههههههه

"" كملنا طريقنا انا ومصطفى واني اشوف منضر زُبير من الجامة شلون واكف ويضرب اخماس باسداس..
تصرف غبي مني اعرف بس نجبرت مااعرف والله ليش سويت هيج
تنحل تنحل

« مَـشـِهـد »

انمار:: وقت جنت كاعد بالكهوة اجاني علي الباقر ووكف كدامي وطلب اطلع ليحجي وياي بموضوع..
بعد متركت الاركيلة وطلعت لبرة سحلني من ياخة قميصي وصار يصيح....

انمار:: شيل ايدك..

علي الباقر:: ما اشيل ايدي واسمعني وحطني على بالك زين لو تجيب لبن العصافير اختي ماتاخذهااا..

ـ وشنو هي بكيفك عَجل وعد اخليك تزفها بيدك الي...

ـ انماااررر لا تختبر صبررررييي

༺༺༺༺༻༻༻༻༻༻

__ جان اخر عشك وانتهت كل قصة مثل درس الاخير الما وراء فرصه

﴿ يـتـبـ؏ ﴾

7590 كلمة

لتواصل انستكرامي o.oll13

قناتنا في التلگرام | oo_ii13