رواية احفاد السيد : الثار ( بأجزائها الإثنين ) الفصل الرابع 4 - بقلم ​رُقَـيَّـةُ الْأَكْـبَـرُ

أحفاد السادة
بقلم الكاتبـة ( رقـيـة الأكــبر )
لاتسون التصويت ومتابعة للحساب

.
البارت الــ 9

وراجع مثل الاول اضحك هواي
وگلب مابي بشر صاير شعاري
ومُهمل صاير
ومافكر بشي
انه شحصلت من چنت اداري ؟

༺༺༺༺༺༻༻༻༻༻

" بشير:: بعد ما وصلنا لوحدة من الاراضي التابعة النا شوي عن اطراف بغداد...
نزلنا وهج وجانت الساعة راح تصير الـ3 الفجر وصارت وهج تبجي بكل حيلها....

عبد الحسن:: خليكم يمهاا شووي واجيكم...

مؤمل:: وين رايح عمي؟؟

ـ هسة اجيكم اتاكد من المنطقه...

ـ دير بالك على نفسك..

ـ عينكم عليها لاتفكرون بية...

بشير:: مؤمل !!

ـ هلا..

ـ افتح الربط عن حلك وهج...

ـ متاكد؟

ـ ايي سوي الكلتلك علي افتح ربط حلكها وايديها...

ـ تمام...

" راح مؤمل وفتح الربطات وحركة سريعة من وهج دفعت مؤمل وكامت من الكاع واجت بتجاهي ركض شمرت نفسها بحضني..
من قوة حضنتها ودفع نفسها علية رجعنا اثنينا خطوتين لورة ووكعت بلكاع..
وضلت حاضنتي راسها بنص صدري وايديها يعصرن بظهري.....
حطيت ايدي على راسها من الخلف وصرت امشي ايدي على طول شعرها... شعوور الاخوة والي تكون انت مربي اخوانك شعور صعب يصير عليك كابوس بهيج مواقف.... !!!

اجة عمي وشافها شلون حاضنتي وتصرخ وتحجي بكل وجعع....

وهج:: لاتسسوون هيج مالي غيركم انتم اخوتي وعزوتي من بعد عين ابوي وامي... وكلشي صار انا مالي ذنب بي ليش تردون تعاقبوني على شي انا ما اذنبت بيي لييشش..
لاتصيروون مجرمين وتدمروون انفسكم وادمروني وياكم !!!!!

عبد الحسن:: كوووم بشير وكووم هااي البحضنك كووموو!!!

مؤمل:: بس عمي....

ـ هااا خيركمم كلوبكم صاارت ترجف شكوو؟؟؟ اذا مو كدها خلص روحو وانا اخلص كلشي لوحدي...

وهج:: شتخللص الوضع شنوو انا طليي تذبحني وينتهي الموضوع؟؟ ولكم اناا بشرر بية نفس الله تركها امانة بالارض وهسة انتم راح تاخذون هاي النفس والامانة منيي من غير حق وينكم باجر من عذاب الله وينكمم من حوبة عمري ؟؟؟؟....

عبد الحسن:: اششششش كاافي اسكتييي الدردمة الزايدةة مالتج ماريد اسمعهااا...

ـ لا مو بكيفك متسكتني انا على حق غصباً عنك تسمعني وانت الي تسكت....

ـ شتردين اسمع شنو؟

ـ انا بنت اخووك؟؟ انا بنت صفاء الحسن !!!!

ـ انتي بنت السُنية الي اخوي اتزوجها...

ـ شنوو هايي الطائفية الي عايشين انتم بيها؟

ـ معايشين بطائفية نحن اكثر عائلة معاشرة السُنة بس فعايل خال امج هي الجبرتنا نصير هيج وياكم...

ـ وهسة انتم تردون تكتلوني لتحركون كلبة؟

ـ ايي لان هوة هسة جاي يكلب بغداد عليج شبر شبر يدور عليج.. من اسنين من يوم العرف بنت اختة صار عدها بنت صار يدور ويتلفت علمود يحصلج وهسة انا راح اساعده خطية تعب راح اخليج تموتين كدامة.. لاراويي ان لله حقق...

ـ وهيج انتة مقتنع؟

ـ هووواي...

ـ بشنو احلفكم لاتسووون هيج وياي شتكولون لله وشتكولون لابوي؟؟

مؤمل:: عمي ترى كلامها صحيح مالها ذنب والي ح نسوي غلط ولاتنسى هية اختي وبنت اخوك يعني رس السادة بيهااا...

ـ بشير كوم لبسها القمصلة وربط ايديها...

بشير:: صاار عمي...

" لزمت وهج لبستها القمصلة وسديت السحاب وجريت ايديها لضهرها وربطتهم...
ونداريت الها وصار وجهي بوجها وعيونها غركانة بلدموع لزمت اخدودها بدية وبستها بين عيونها وحطيت شفايفي قريب اذانها وهمست الها....

وهج:: لاتسوون هيجي!!

بشير:: بس يرمي عمي وتطلع الطلقة واصير بصدرج اشمري روحج لورة واكطعي نفسج تمامم..

ـ ما فهمت !!!

ـ مو مهم تفهمين لو لا سووي الكلتلج علي !!!

ـ تمام....

" دفعت وهج وصارت بلكاع كامت وكعدت على اركبها رفع سلاحة عمي وشال مؤمل تلفونه يصور.
بتصوير وهج كلها طالعة ومن عمي بس السلاح واصابعة..
ضغط على الزناد وضرب وهج ثلاث طلقات ووكعت!!
والدم صار بكل مكاان...
نكطع نفس وهج ووياه نكطع تصوير مؤمل...
وراح مؤمل ووجة التلفون لكدام عمي الي من شاف الفيديو ضل يضحك ومستمتع....

مؤمل:: هاا شوفة عمي؟؟

ـ اي هيج كافي عفيية عليك ههههه دزليااه...

ـ صار عمي اسويلة كم تعديل وادزه...

ـ اي وليدي.... ابني بشير !!!

بشير:: هلا بوية؟؟

ـ شيل وهج من الكاع وفك ايديها كاافي نايمة على الكاع باردة...

ـ تدلل...

" رحت لوهج وشلتها ونزعتها القمصلة وتاكدت ولا طلقة واصلة جسمها من ورة القمصلة ضد الرصاص وبنفس الوقت جنة مخلين بيها اكياس دم حتى نرمي براحتنا ويطلع المشهد حقيقي شخص تصوب وصار ينزف...
بس وهج من الرهبة ومن منضر شلون تشوف الطلقة جاية بتجاهة اغمى عليهة
شلتها ونومتها بسيارة وصعد مؤمل يمهاا..

جان لازم منكول لوهج هاي خطة وان مراح يصير بيها شي لان جنا نريد رد فعلها وتعابير وجه بلفيديو تبين حقيقية لان سائد ال جبران ما ينغلب..
ووكفت يم عمي واردفت.. !!!

بشير:: تتوقع سائد راح يعوفنا يوم يشوف حلم حياتة راح؟

ـ هوة لا ميتركنا بس راح يتخبل ف ما اضن راح يسوي شيي !!!

ـ شنو المخليك واثق ان سائد مراح يسوي شي عمي هوة جان يكوم ويكعد يريد اثر وهج وهسة لمن يشوف الفيديو راح يشوف ان مراح يخسر شي بعد وراح يسوي كلشي يطلع بيدة لايأذيناا...

ـ كتلك مراح يكدر مايطلع هسة بيدة شي بشير ضربتين على الراس توجع وتذبح وسائد هواي انضرب مننا...
اول ضربة يوم خليت اختة تتزوج ابوي وزوجت بنت اختة لابوك...
والضربة الثانية يوم رفضت يتزوج فاطمة وهوة جان غركان بيها حب وغرام...
والضربة الثالثة يوم بلغت عن شغلة وخليته يخسر كلشي..
وهسة اجة دور الضربة الرابعة من يشوف ويفكر وهج اليريدها انا كتلتها.... مراح يضل عقل براسة والله....

ـ زين شنو يضمن انة مراح ياخذ الفيديو ويوديه للشرطة..؟؟

ـ خلي يوديه محد بينا طالع ولاشي يثبت نحن النا صلة بلفيديو وبعدين من ساااابع المستحيلات سائد يتقرب من الشرطة لان سمعتة خايسسة هناك..
منو راح يصدك بشخص كضة ربع عمره بالسجن؟؟

ـ بس لازم ناخذ الحيطة منه خسرنا جدي وابوي ما مستعدين نخسر بعد...

ـ بعدك مصر ان سائد ورة موتت ابوي وصفاء؟؟

ـ اييي عمي وراح اضل مصر ان هووة الى اييدد بكل مشكلة تصير النااا...

ـ لاتخااف وانا عمك كافي انسى هسة موضوعنا وهج لازم نوديها لمكان آمن...

ـ اشوف احسن مكان بيت عمي الحسن المجتبى..

ـ هيج تشوف؟

ـ اييي عمي 24ساعة بلبيت ومرت عمي متطلع وهم بيتهم ماعلي رجل محد يجيهم ف خليها هنااك... واذا اجاهم شخص مره عمي تطلع اي عذر....

ـ حلوووو... يلا نروح..

ـ بهاذا الوقتت؟؟

ـ منكدر نضل لصبح اصعد بسياره يلا...

" طلعنا بوجهنا ووكفنة كدام بيت عمي بعد مطفر مؤمل وفتح الباب من جوة وصرنا كدام باب الاستقبال هم قافلي مدري شعدهم دكااة عمي بالعكازة مالتة...
وضل يدك لحد ما نزل المعتز وفتح الباب.....

الام:: منو جااي بهل وقتت؟؟

رحمة:: هذا باب الاستقبال جاي يندك منووو فاتح باب الشارع اووكف معتز لاتطلع...

ـ يمةة معتز لاتفتح الباب لايطلع شي واحدد!!!

المعتز بالله:: ماكو شي صيرن صفح انا افتح هسةة صيرن هيجججج....

رحمة:: معتززز...

بعد مفتح المعتز الباب دفته وركضت حطيت وهج على الكنباية... ورفعت عيني خزرت رحمة وصحت بيهاا...

المعتز بالله :: عمييي بشير؟؟

بشير:: وخر لي جاييي.... ويننج رحممةة بطانية ومااييي داافيي بسرعةةة...

رحمة:: صاااررر...

الام:: شكو عبد الحسن شصاير شبيهة وهج؟؟

المعتز بالله:: منو هايي يمةة منين تعرفيها؟؟

مؤمل:: هاي وهج اختي بنت صفاء الحسن...

ـ شنيييي منيلكم اختتت وعمي منيلة بنيه؟؟

الام:: معتز مو وكت الكلام تعال استريحوو اكعدوو رايحة اجيب الكم شي دافي تشربونه...

المعتز بالله :: مؤمل بشير عميي فهمووني!!!

عبد الحسن:: هاي بنت صفاء الحسن من زوجتة الثانيه يعني اخت الشباب من ابوهم لهنا ماكو داعي تعرف التفاصيل اكثر هيجج كافي....

المعتز بالله:: وليش هية بهااي الحالة وين جانت كل هلوقت ليشش نحن منعرفها ولا ملتقين بيها؟؟

مؤمل:: خوية معتز بعدين انا احجيلك وعيونك ح تعرف كلشي بتفصيل الملل مني....

رحمة:: تفضل بشير...

ـ شكراا تعاايي افحصيهااا شوفيهاا...

رحمة:: شرايك تشيلها وتحطها بغرفتي كووم...

ـ تمامم...

الام:: تفضلو اصعد اجهز الغرف الكم؟

عبد الحسن:: لا خويية احنا رايحين بس وهج باقية يمكم...

ـ بعيوني احطها...

ـ ما وصيج علوية بالج عليها واي شخص يجي تعرف شتكليلة خاف يسالج عنها.. وما تطلع لاي مكان عينج متنشال عنها...

ـ ياا لتوصي هاي هيهه...

ـ تمام يلا مؤمل صيح بشير وخلي نتوكل...

مؤمل:: خوش...

" ورة ما حطيت وهج على افراش رحمة...
اجاني مؤمل...

رحمة:: مابية شي بس جسمها بارد حيل هسة ادفيها واحطلها كمادات واصير زينه...

بشير:: يعني ماكو شي يخووف؟

ـ لاا لتشيل هم...

ـ تمام رحومة هي بعد يمج ماخاف عليهة..

ـ لايضل بالك..

مؤمل':: يلا بشيرو نرووح !!

ـ تمام جاييي..

رحمة:: بس تكعد راح اتصل عليك واطمنك...

ـ زين ما تسووين يابعد اخوج... يلا اترخص انا

ـ مرخوص....

رحمة::: صرت اباوع للبنيه وهية نايمة وكل شوي مغيرة الها الكمادات... وانا بيني وبين نفسي اكول معقولة كلام الرجال صحيح... ؟؟ ليش هاي بنت عمي منعرف بيهااا ليش توها طلعت وين جانت؟؟ ليش اجتني بهااي الحالة شنو جان بيه
دخلت امي وصارت تطمن وراها طب المعتز وحصرنا امي لان هية تعرف السيرةة كلها ونريد تفهمنا وحجت واخيرا....
عمي صفاء الحسن جان متزوج وحدة ثانية..
وجابت منه بس هاي البنيه الي تكبر تحرير بسنة عمرها 17 سنة....
وهم ماخلو احد يعرف بموضوعها لان اكو رجال امي محجت عنه هواي بس انا عرفته لان عرفت هوة نفسة الرجال الي انا التقيت بي... المهم هذا الرجال يريدها يريد ياخذها... لهذا هم شردو خبرها ليحافضون عليها...

ماادري الحجتة امي منطقي او لا صح لو غلط مااعرف الي اعرفة هم فتحو على نفسهم باب ماينسد بعد رجعت امي نامت وانا رجعت نمت يمها والمعتز كذالك طلع....

وي طلعت الصبح كعدت لكيت وهج كاعدة وواكفة كدام المراية كمت ووكفت يمها ونزت من شافتني...

وهج..:: يمة..

رحمة:: اسم الله الزهراء على كلبج شبيج بناتي.؟

ـ منو انتي؟

ـ اني رحمة الحسن المجتبى بنت عمج...

ـ شنو جابني هنا انا ما متتت؟

ـ لا ما متي يا اسم الله عليج..

ـ بس هم ضربوني بالطلقات هم رموووني...

ـ اشش اشش اهدي بناتيي ماكو شي وعيونج هاي تخيلات منج اخوج بشير جابج النا لان انتي انغمى عليج...

ـ بشير جابني؟

ـ اييي بشير..

ـ بس همة جانو يردون يكتلوني؟

ـ وهج حبيبي هم يردون يحافضون عليج ميكتلوج يردون يخلصوج من الرجال الي يركض وراج ومن ورة كضيتي عمرج مطالعة لناس...

ـ يعني هم يحبوني؟

ـ يااا يشوفوج بدنيا اخونج ذول حتى عمي يحبج تبقين بنت اخووة..

ـ بس كلامهم البارحة وتصرفاتهم وياي متوحي هيج؟

ـ لان جانو يردون يشوفون ررد فعل حقيقي منج لا اكثر ولا اقل انسي يلا يروحي..

ـ تمامم..

ـ الميز كدامج اخذذي الي يعجبج وطبي اسبحي واذا ملكيتي بقياسج روحي لغرفة طيبة اضن هية نفس جسمج والبسي يروحي...

ـ شكراا

ـ يمةةة احلا من يشكرني هههه فديتتج...

ـ هههههه عادي انزل؟

ـ ايي اكيد باعي البيت كلة بيتج انزلي واتبختري بي بس لاطلعين برة هااا وصدك اخوي هنا البسي شي على راسج ضمي هذا النهر النازل...

ـ تمام...

" نزلت ماقبلت وهج تنزل لوحدها سحلتها وياي ولكيت المعتز وامي كاعدين على سفرة الريووك ومنزلين ابوي وياهم يتريك وكاعد على الكرسي ركضت وضنته من ورة وبسته بخدوده....

رحمة:: لك فدووووةةة على فدوووةةةة لجمالي هذاا الكااعد ياجنتي وناارييي..

الحسن المجتبى:: يابعد روحيي باباتي عمراتيي...

ـ اكول ليش منوور البيت...

الحسن المجتبى:: هاي منووو وهج؟

المعتز بالله:: ايي البارحه عمي جابهاا...

ـ ياهلا ياهلا جا بويه رحومةة البيت منور مو من وراي من ور وهوجة...

الام:: عمة وهج روحي سلمي على عمج!!

وهج:: شلونك عمي؟؟

المعتز بالله:: من ابعيد روحي بوسي ايده وسلمي علي مثل الاوادم !!!

الحسن المجتبى':: معتز عوفها براحتها بس تعاي اكعدي هنا يمي واتريكي يلا...

ـ لا ماااريد...

رحمه:: يلا انا طالعة لدوام...

ـ تعالليي وين رايحة!

ـ يا وهج شبيج حبيبتي؟؟ هاي امي وهذا ابوي وهذا اخوي المعتز كلنا هنا اهلج...

ـ لاااا انا مرتاحيت بس الج لاتروحين وتخليني وحدي...

الام::: وهج عمة شبيج انا هنا امج الثانيه وهذا الحسن المجتبى اخوة ابوج يعني ابوج. وهذا المعتز اخيج...

المعتز بالله:: انا مو اخووو احد..

ـ معتززز...

وهج:: اسفةة بس ما اخذ بسرعة...

رحمة:: زين شرايج تصعدين لصطح وي المعتز بالله تشوفين الطيور الفوك يمكن ترتاح نفسيتج؟

ـ ياريتتت عدكم طيوورر؟

الام:: كلشي عدناااا كوووم معتز كووم صعد اخيتك...

المعتز بالله:: بس انا؟

الحسن المجتبى:: جا تريد امك تصعد الدرج كووم ولك..

المعتز بالله:: كمتتتت...

رحمة::: يلا روحي وي معتز وانا رايحة لدوام بس ارجع نكمل سوالفنا..

ـ تماممم..

المعتز بالله:: تعااي يلا..

ـ امشي كدامي...

" طلعت من البيت وتركت المعتز يصعد وهج للصطح يم الطيور...

وهج:: شنو من طيور عدكم؟

ـ هسة تشوفيهن

ـ ما اتحمل لما نوصل كلي شنو عدكم؟

ـ خفافيش وبشوش وصقور وبومة...

ـ شنوو؟؟؟؟

ـ شبيج نخطف وجهج هنا هذني الطيور جا شتردين اربي بلبيت بلبل؟؟

ـ اييي الطيور غير طيور حب وبلابل؟؟

ـ لاا اعع شنيي هذني مال نااس كيوت احناا لاا خفافيش نربي...

ـ لااا تعااا ننزل..

ـ هاا وين؟؟

ـ مااريد شنوو خفافيش وين اكو بشر تربي خفافيش؟

ـ عوفج من الخفافيش ما اوصلج الهن نروح للبشوش والبومات والصقور...

ـ لاااا مااريدد..

ـ جااا شترددينن هسة انتي صالج ساعتين تصعديني هل درج حظي طيحتي ومن وصلنا تردين تزلين؟؟

ـ اييي مادرييي هيججي تقصدوون بالطيوور عبالي نفس الجان عندي بالمخزن طير...

ـ تعااي لاتنزلين وعلي اشمرج منااا..

ـ هاي هيةة مااريد اشووف شي....

ـ زين تعاي من بعيد لاتخلين تعبي بدرج يروح هيج بس ارمقيهن بنضرة بعيده وانزلي..

ـ خاااف...

ـ لاتخافين انا وياج...

ـ ماادري خاايفة معتز..

ـ حلووو حفضتي اسمي...

ـ وانت محافض اسمي؟؟

ـ وجدان مو؟؟

ـ وجدان شنووو؟؟

ـ جاا شنوو!!

ـ اسمي وهج..

ـ اها يلا عمي وهج وجدان نفس الشي...

ـ صارت عليك وحده حفضت اسمك ومحفضت اسمي..

ـ حفضتي بس معتز...

ـ المعتز بالله حفضته كلة..

ـ حلووو.. يلا تتعاي راح افتح الباب.

ـ لااا والله ماريد هاديهن لو بلقفص؟

ـ لا بالقفص اذا خايفة صيري بظهري ولزمي بقميصي...

ـ تمام بس والله اذا طفر شي طير بوجهي اشمرك علي وانزل ركض...

ـ تماممم

ـ يلا افتح الباب...

ـ تتعااي شوفييي الطيوور....

ـ ييااايي جمالهههمم خبيث ليش جذبت علية وكلتلي مربي خفافيش؟؟

ـ وجا انتي شكد فاهية اذا صدك صدكتيني.. !!

ـ شعرفني انت جنت تحجي بدون ما تبتسم حتى عبالي تحجي صددك...

ـ انا اسلوبي وتعابير وجهي هيج... وبعدين ما مربين شي شوفي هاي الجهة والقفص هذا حمام وهذا القفص طيور حب وهذا طيور نوع كناري..
وهذا الوحيد الفريد بغبغاء....

ـ فكرت منوو ترتيب الطيور هيج؟

ـ هذني مالات رحمة تموت بطيور من تخرجت من السادس بمعدل طب عام ابوي سواهن الها ك مفاجاة يعني...

ـ حلووو حبييت.. شكد عمرك انتة؟؟

ـ 20 سنة ليش؟

ـ وااووو ههههههههه..

ـ اكو شي يضحك وانا مادري؟؟

ـ لا بس رحمة اكبر منك؟؟

ـ تكبر مني بـ 7 سنوات..

ـ شنو شعورك وانت عندك اخت بنيه اكبر منك بهاي السنوات الهوواي؟؟

ـ ترى كلش عاادي كلمتي هية الماشية لو البيت كلة اكبر مني...

ـ حلو بس امنيتي اكون الاخت الاكبر بس المشكلة اخواني كلهم شياب بس تحرير اصغر مني بسنة هم مو هوواي..

ـ يعني انتي تعرفين اخوانج؟!

ـ لصراحة تحرير ما شايفته ولا مرة بس سامعة بي هههه بس بشير وفاروق ومؤمل لا شايفتهم واعرفهم حتى العم عبد الحسن...

ـ حلوووو زين انتي داخلة مدرسة؟؟

ـ اي جنت بصف الثالث ابتدائي بطلت.. واجى عبد الحسن اخذاني...

ـ يعني تعرفين تقرين تكتبين؟؟

ـ لاا مو بطلاقة يعني؟

ـ اهااا...

ـ وانت شمخلص؟

ـ صرت جامعة علوم انسانية قسم لغة عربية وبطلت..

ـ ليشش؟

ـ ماحبيت اكمل وانا ما محتاج شهادة هسة لازم شغل ابوي ومستورة الحمدلله..

ـ مممم اي الحمدلله... تعرف اباوع للحمام واذكرت انا هم جان عندي حمامة نوع عروسة...

ـ صدكك؟

ـ اي والله اتصل على بشير كولة يجيبها الي يلكاها بالمخزن...

ـ تمام من ننزل اتصل علي تلفوني جوة.. منين جبتيهة الحمامه؟؟

ـ مرة بشير جابها الي ومدري منين حبلت...

ـ شننييي؟؟

ـ لا اقصدد من جابها بشير مدري منين حامل لان اجتني حامل..

ـ انتي هسة لو ناصبة عليه لو ناصبة عليه؟!

ـ والله احجي صددك...

ـ زين بشير ميخاف من الله بعد النثية حامل عن فحلها.؟؟

ـ مااعرف... هية ورة يومين باضت بيضتين بالقفص.. ولان القفص خششب مو مريح الها قررت اطلعها واخليها تكف على مخده..
ولان انا اناام على 5 امخاد...

ـ علييي ويااجج شكووو 5 امخااد؟؟؟

ـ لا منام على خمسة...

ـ جاا شنيي؟؟

ـ انام على اثنين ومخده الثالثة على يميني احطها والرابعة على يساري والخامسة احضنهاا...

ـ والعباس مخبلة مو صاحية !!

ـ والله احجي صددك واخذت مخدة ام الريش وحطيتها ابين الحايط والفراش مالتي وفتحت القفص وردت اطلع البيضتين كامت ونگرتني هنااا..

" صارت تاشر على مكان النرگرة مال الحمامة بايدها..

ـ وين نگرتج الحمامة؟؟

ـ هناا بيدي بس من زمانن راحتت...

ـ اي كملي...

ـ ايي حطيتها على المخده وورة ايام هوواي فقصت وحده وبقت وحده ومن اجة مومل عرفت البيضة الثانيه هاي فاسدة فا ذبناها وضليت وي الحمامة وبنتها وكبرت البنيه كدام عيني...
وورة ايام هووواي ماتت الجبيرة وبقت الصغيره..
وصرت احجي وياها وهيج وتاكل وياي وتنام وياي تتخيل حتى صررت احجي لغة الحمام افهم عليهم ويفهمون علية....

ـ ٠٠٠٠٠٠٠٠٠٠ ٠٠٠٠٠٠٠٠٠ ٠٠٠٠٠٠٠

ـ شبيك سكتت!!

ـ والله انتي المفروض مكانج بشماعية مو هناا..

ـ شنو هاي الشماعية مدينة العاب لو شنو؟

ـ الشماعيةة اييي عينييي مدينةة العاب وفد وننسسة بيها مو طبيعيه...

ـ يااااي اخذني الهاا فدووة...

ـ لالا انتي بس ابقي بهاي حالتج وهمة بذات نفسهم راح يجوون وياخذوج...

ـ ياااي حلووو....

ـ لاااا وفرحااننةةة فرحانةةةة ياربي...

ـ شنوو شبيك؟

ـ ماكو شيي ابوية انتي انزلي يلا لازم تتريكين وبعدين نرجع نصعد...

ـ بس توعدني تاخذني لشماعية؟؟

ـ اضنن انييي الي راح اروحح لهناك اذا بقيت يمج ويم طيبة...

ـ هااااا تريد ترووح لوحدك وتعوفني؟

ـ وهج اذا منزلتي اهذ البغبغاء عليج...

ـ لاااا نزلتتتت هياتني...

ـ اتنوعي لطريقج عدل...

ـ تماممم..

" علي السجاد..؛: خلصت دوامي وطلعت منه نزلت للبيت اول مطبيت اتلكتني العلوية...

العلوية:: وين رايح؟

علي السجاد:: صاعد لغرفتي!!

ـ والمسكينة الزعلانه بيت اهلها؟

ـ منووو لينا؟

ـ اييي لينا..

ـ حجت وياج بشنو شكتج؟

ـ محجت وياي المكرودةة اتصلت عليها صوته رايح عرفتها زعلانه مزعلها سيد؟

ـ البارحة طلبت مني انزل وياها لسوك علمود تشتري ملابس نسائية وانا رفضت هاذا الشي يزعل؟؟

ـ اييي غير عروسة وتريد تجهيزاتها وي زوجهاا شنو بيها...

ـ لاا والله لو تطلع نخلة براسهاا محل نسائي ما افوت اله...

ـ لااا مو صحيح كلامك؟؟

ـ لا علوويةة رب الصحيح...

ـ جا سيد غير هية مرتك وين متريد لازم تروح وياها وانت زلمتهاا لازم تسوي كلشي وياك...

ـ لاتخبلونيي وعلي هسسة اكب عليكم خلوني مستجن وهاادي..

ـ هااي صدك تحجي هسة هااي عصبيتك كلها شنو الها معنىى هااا ابتلت على عمرها البنيه كالتك تعال وياي..

ـ لاتطلب مني هيجي طلبات انتي موجودة ومره ابوها هم انتن اولا تاخذ رئيكم...

ـ سسسيد تعااااال.....

" سولفت وي العلوية هيج بنتر ودرت وجهي لاصعد ورجعت صاحتلي رجعت وكفت كدامهاا واعتذرت منهاا ودنكت راسي واردفت ...

ـ شنوو علويتي آمريني...

ـ يمة سيد ميصير هيج والله انا وياك لاتنزل وياها بس بنفس الوقت مايصلح هيجي تزعلها وتعوفها زعلانه.....

ـ هسة اصعد واتصل عليهةة..

ـ اي يابعد ريتي اتصل وراضيها..

ـ ان شاءلله يارمش عيني...

" صعدت للغرفة واتصلت عليهة ورفضت...
دست على كرامتي واتصلت مره ثانية ورغم رفضها رجعت اتصلت وكذالك سدته بوجهي رفضت الاتصال...
اتعوذت من الشيطان لان حيل نرفزتني ورحت توضيت وصليت الظهر والعصر..
ورحت شمرت روحي بفراشي وصارت الساعة 4 العصر دزيت الها رسالة حضرة الست شافت وما ردت علية.....
شنو اسوي الهاا بعد هاي هيهه؟؟
طب علية السيد علي الباقر وكالي اكوم ابدل لان ديريد يطلع هوة ومرتضى وبشير وانا..
وصدك ولان جنت حيل مختنك كمت وطلعت وياهم افترينا شوي بسيارة ورحنا كعدنا بديوانيه عمتي فاطمة....

مرتضى:: شباب دامكم كاعدين خلي نلعب لعبة..

بشير':: شنوو؟

ـ سؤال والترك نتيجتة حكم لو جلدة..

علي السجاد:: شني من لعبة هاذي؟؟

ـ جنا نلعبها بالبصرة بشارع نجيب بطل ونفره ونحن علة شكل دائرة والي يختاره البطل يكون شخصين شخص وكع علية راس البطل وهوة الي راح يلعب والشخص الثاني الي وكع علية نهاية البطل يكون الي راح يلعب الي يلعب...

علي الباقر:: زين وتالي شنو يسوون ذولة الاثنين..

ـ ايي الثاني يلعب الاول ويسالة سوال... واذا ما جاوب وترك السؤال يختار لو حكم لو جلد..

بشير':: جلد شنو وحكم شنو؟

ـ الحكم احكم عليك شنو اكلك تسوي والجلد لا اختار كم جلدة وبهاذا الحزام اجلدك..

علي الباقر:: هذا عذاااب مو لعبةة..

ـ هية هيجي...

ـ يمعوودد عووف شنو كدامك احناا استخبارات عراقية جلد وحكم هههههه..

علي السجاد:: غير وحده...

ـ والله حلووة

بشير:: لااا يمعودد ابعدناا لانريد لاحكم ولا جلد غيرها....

ـ جاا شنو. تلعبوون؟؟

بشير:: كوم طلع الطوبة وخلينا نلعبب بشارع...

علي الباقر:: الطول هذا والعضلات تريد نلعب طوبة بشارع؟؟

علي السجاد:: يلاا كوموو النااا زينن ماختاريت ابشير..

مرتضى:: عندي بس طوبة لايلون موو طوبة اصلية..

بشير:: ايي شي اريد ارجع ايام النجف...

علي الباقر:: فوكااهااا نايلوننن.... صددك تحجوننن ولا طايرين جنكم اطفال!!!

علي السجاد:: عوفناا نتونس متريد لاتلعب...

مرتضى:: ح اطب اجيبهاا...

بشير:: وصيح لحامد ومصطفى وياك خلي نلعب فريق....

ـ تماامم...

" انمــاࢪ ::: جنت نايم وغركان بنوم وفزيت على تلفوني ينفجر بلتصال رديت لكيت ابوي يتصل...

انمار:: هاا بوية؟؟

قصطير:: ويينننككككك؟؟؟

ـ خير شنو صايرر.؟؟

ـ تعاااال بسرررعةةةة تعااال...

ـ شنووو بووية؟؟

ـ كتلك تعااال لا اجي احركك وي احفااااد احمد...

ـ تمامم جاييك....

" غيرت ملابسي وطلعت اركض وشافتني لينا واصرتت تجي وياي..
ورحنا انا وياهاا ووصلنا للبيت وطبينا ولكيت ابوي مفلش الصالة ومكسر كلشي وكاعد بشكل هستيري من خوفي منه اول مره اشوف هيج...
لزمت بايد لينا وحطيته بظهري وصرت اباوع لابوي..
واردفت لينا....

لينا:: شنو بابة شبلاك؟؟

قصطير::: راح راح...

انمار:: شنو الي راحح؟؟ ليش هيج مسوي بالبيت...

ـ يلعن ابو البيت لابو بغداد لابو السادددددة لابو الساعة العرفتني على احمدددد... ولكم كتلووو بنتييي بنتييي كتلوهاااااا....

لينا:: منو بنتك؟؟

انمار:: تقصد وهج؟

ـ اييي حبيبة روحييييي وهج كلبييي رااحتتتت رااحتت كتلوهااا الجلابببب اليسمون نفسهم سادةة كتلوهااا كتلوهااا... بدم بارد راحت بنتي صارلي سنين وانا اريد بس خبرها رااحتتت...

لينا:: شلوون ماتتت...

ـ همةة عبد الحسن كتلهااااااا....

انمار:: شلوون كتلهاا مامعقولة؟؟

ـ الزمو شوفو بنتي شلون ماتت...

" انطاني التلفون ووكع بلكاع يبجي ومسكور.. اخذت التلفون وتقربت لينا مني وصرنا نشووف شلون جانت وضعية وهج وشلون رموهاا ووكعت بلكااع..
صدك كتلوها بدم بارد.....
لينا ضلت مصدوومة وزاد حقدها على السيد لان اتاكدت ان هوة الكتل اهلها لان شافتهم بعينها شلون يكتلون وهج.. وكعت بلكاع حضنت ابوي وصارت تمسح بدموعة وتهدي بي...

لينا:: اروحلك فدووةة اسكت كاافي وعد الك مني حقك وحق اهلي وحق وهج وكل حق النا عند بيت عائلة احمد رااح يرجع....

ـ هاي هيةة ماكو شي بعد اخااف عليي... بنتي وراحت كلشي انتهى...

انمار:: شنو يعني؟؟

ـ علية وعلى اعداييي...

لينا:: انت بس كولي شنو اسويي وتدلل عيوني الك بابة...

- اريد اسمع موت الحسن المجتبى...

انمار:: شلون..

لينا:: وانا كدهاااا..

انمار..:: اوكفييي شنوو انتي كدهااا بوية شنوو موتت الحسن؟

ـ لازم احرك كلب عبد الحسن مثل محرك كلبي...

انمار:: مو هيج...

لينا:: لااا هيجج والمفروضض كلهم ينقتلوون هل حيوانات ذوللل...

انمار:: لينااا مو هيج الحجي شنوو تحسبون الدنيا هيتة ماكو قانون تردون تقتلون وهاي هيه متتحاسبون...

لينا:: هي هممم قتلووو اهلي وهساعين قتلوو وهج وين القانون عنهمم...؟

انمار:: حكمهم يم الله ماعلينه احنااا..

ـ انمار شبيك ليش جاي تحجي هيج!!

انمار:: شلون تريد احجي بوية انت طلبت اجي لهنا واجيت وي لينا بس توصل قتل لاااا...

ـ ارجع اذا ماعاجبك...

ـ شرجع وانتم هنا تبقون؟

لينا':: نحن مانرجع الا وحقنا جايبي..

ـ عَجل محترجعين الا وحديد السجن بين ايديج....

قصطير:: انماااررر شبلااككك؟؟

ـ ما بلاني شييي بس يبوي هم هسة قتلو وهج امنا بالله هم نحن ايش بيدنا نسااوي؟؟

لينا:: من نقتلهم كل شي طالع بيدنا....

انمار؛:: انتي انجعمييي....

ـ لاتصررخخ على لينااا جدامي..

انمار:: تماممم....

لينا:: بابة ماعليك من كلام انمار انا معك على كلشي فقط آشر وانا اسويي..

ـ اعرف بيج يابنتي اعرف انتي كد كلشي..

ـ كولي كيف تريد نقتل الحسن المجتبى؟؟

ـ هوة مشلول مو؟

ـ امبلا....

ـ لازم يدخل مستشفى...

ـ طيب.

ـ من يدخل مستشفى كولولي وانا اطيج الخبر شنو تسوين او اكلف احد يسوي...

ـ تمام...

انمار:: ههههههههههههههه.

لينا:: يضحك شي؟؟

انمار:: ياا الحسن المجتبى التردين تكتلينه وانتي بيت عبد الحسن لهسة متكدرين تطبينه....

لينا:: واذا سويتها؟؟

انمار:: متكدرين...

لينا:: اكدددررر ولكلشي...

انمار:: لاتطين لنفسج قمية انتي مو كدهاا..

ـ انا لو ادريي لينا ماتكدر مجان جبتها لهنااا لينااا تكدر وراح تسوي الاشياء الانت متكدر تسويها...

انمار:: لان انا مو وصخ مثلكم....

لينا:: دامك مو وصخ مثلنا اطلع من عدنا وابقى ساكت....

انمار:: وانا هيج راح اسوي لاتدخلوني باي شي من وصخكم...

ـ كاافيييي كلام مصدددي اخذ اختك واطلعع..

لينا:: بالك لنفسك...

ـ لاتوصين باباتي بالج انتي لنفسج..

لينا:: احبك حيللل بابا...

ـ وانا اموت عليج... يلا باي..

ـ بايات...

" طلعنا انا ولينا وعلى طول الطريق افكر.. من المستحيل الي شفتة بالفيدو صحيح ابو غدير قاتل معقولة قتللل؟؟؟
شنو موضوع الفيديو...
اكيد سوووه خاطر يهسترون ابوي لان انا العرفتهم انضف منهم ماكو ما معقولة يوصخون ايديهم ويقتلون بنت منهم وبيهم...

وصلت لينا للبيت وباوعت لساعة لكيتها ال12 رحت لمدرسة غدير وصرت انتضرها بالباب....
لمن حلت اجت تركض صعدت بسرعة بسيارة وتضحك بشكل مو طبيعي صرت اضحك وياها بدون شعور.....

انمار:: ههههههه شبيج؟

غدير:: ماكو جنت العب وي البنات اخر درس رياضة فا تعبت...

ـ وعليش جاي اضحكين؟

ـ هيججي... انا من اتعب اضل اضحك..

ـ هههههه ضحكتج حلوة...

ـ شكرا..

ـ البسي النقاب يلاا... وبعد لاتطلعين من المدرسة وانتي نازعته...

ـ ماحبة...

ـ بس انتي لابسته لاصيري هيجج لو تلبسي لو تنزعي لاصيري نص ونص...

ـ ابوي جابرني علي انا ماريد...

ـ بلعكس حلوو..

ـ ليش؟

ـ جمالج يستاهل يطلع فقط لليستاهلى..

ـ اهاا نفس تفكير ابوي...

ـ وصحيح تفكيره....

ـ احممم لبسستت...

ـ ايي هساعين حلو...

ـ كحل عيونك احلا...

ـ لية احسج تعايريني بالكحل؟

ـ لا ليش انت مقتنع ليش اعيرك انا؟

ـ مااعرف شحجي تكليلي كحل عيونك.

ـ لان حلو..

ـ عاجبچ ؟

ـ ايي حلييوو...

ـ شكرا عينيي....

ـ عينك المكحلة !!

ـ ياطركااعةة عينييي...

ـ هههههههههههه...

ـ يولي هااي عيوناتج لو هجمان بيوت...

ـ هاااا هااا شكووو...

ـ ماكو شي ليروح بالج لبعيد..

ـ لو معرف انت منو وابن منو جان فكرت بيك غير شي وجان رديت عليك غير رد..

ـ اي صحح تبقين انتي اخيتي الصغيرة..

ـ وانت بمثابة السيد علي الباقر....

ـ اتشررف...

ـ الي شررف هههههههههههه

ـ كافي ولج صوت ضحكاتج عالي فضحتينا...

ـ هااي وصلنا يلاا جاااووو...

ـ جاوووات عيني

" راحت غدير وصرت اباوع لعيوني بالمراية واضحك لك فديت عيوني الي غدورة انعجبت بيهن هههههههههه....

"رحمـة::: كطعت دوامي بلمستشفى وطلعت لكيت زُبير باب المستشفى تركت سيارتي وصعدت وياه....

زُبير:: ياهلااا يااهلاا هسسة ارتااح كلبيي لكككك افيشششش يااعمرييي شفتتت عمرييي واخيررااا...

ـ اششش اششش شبيك اليسمعك يكول صالك سنه مشايفني

ـ مشتاقلجج مشتاقلج حراام؟؟

ـ مو حرام...

ـ شنو هاي الابتسامه فكرتي؟؟ هاا وافقتي موو..

ـ لالا والله بعدني افكررر

ـ شنوو رحمة شسالفة صالج شكدد..

ـ هذا قرار مصيري لازم اشوف نفسي كدها لو مو كدهااا..

ـ هية شنوو حتى تشوفي نفسج كدها لو مكدها.!!!!

ـ زبيرر... انت سني انا لازم اشوف نفسي كدد احبك صدك واوجه اهلي بيك اكيد مراح تحصل علية هيجج ببرود راح تتعب وياي...

ـ وكل عمري جبته تعب ضلت عليج اتعب وياج ومستعد اسوي الي انتي تردي واذا ترديني اتشيع عادي من باجر تلكيني شيعيي...

ـ لااااا ماريدك تتشيع بس لان حبيت علوية اذا التشيع مو برضاتك وقناعتك ماريدةة....

ـ رحمةة كليلي شنو اسوي وتدللين...

ـ كتلك انطيني وقتتت..

ـ يااربيييي تمامممم...

ـ عليمن مستعجل... ؟

ـ تعبتتت اريد ارتااحح ارييد اشوفج ابيتي اصبح عليج وامسي اريد من اجي تعبان ومهدود حيلي تتلكيني بضحكتج ياروحي على هذا مستعجل... اريد عائلتي انا وياج تكبر وتترسين البيت اطفال حلويات مثلج وتعرفين شنو راح اسميهم...

ـ شنو؟

ـ اذا اجى ولد راح اسمي عَوض واذا اجت بنت ح اسميها تعويض...

ـ هههههه ليش هاي الاسماء؟

ـ لان همة عوضي عن كلشي وانتم الشي الوحيد الطلعت منه بدنيا هاااي...

ـ الله كريم ونكون صدك تعويض الك...

ـ ان شاءلله

ـ صدك زُبير...

ـ عيوني؟

ـ شنو ردت تكلي كلما تريد تسولف الي يصير شي وتنسى تحجي...

ـ بشنو.

ـ كلتلي تريد تحجي وياي بموضوع يخصك ولازم انا اعرفة قبل لا افكر.. بموضوعنا....

ـ ٠٠٠٠٠٠٠ ٠٠٠٠٠٠ ٠٠٠٠٠٠٠

ـ شبيك سكتتت؟

ـ لا يروحي ماكو شي وبعدين موضوع تافه انسي..

ـ لامريد انسى حتى لو تافه احجي الي...

ـ ماكو بس ردت اكلج انا يتيم...

ـ بس هيج...

ـ اييي...

ـ خرعتني والله عبالي اكو شييي...

ـ ههههههه لا لتفكرين هوواي خلي تفكيرج بي بية وشلون نكبر عائلتنا...

ـ لا صددك...

ـ ايي. والله... هسسة وين نرووح..

ـ بكيفك..

ـ نروح لبيتي؟

ـ هاا خيرك شتريدد؟؟

ـ انتي الي شبيجج ههههه اتشوفينه.

ـ لااا شكررااا استر عليناا وروح لاي مكان عامم..

ـ خفتي؟

ـ لو اخاف مجان صعدت..

ـ جا شبيج؟؟

ـ مابي ششي...

ـ احبج عيوني...

ـ ادري عيوني.

ـ دامج تدرين شوكت تحنين؟؟

ـ يووو زُبير لاتضغط علية...

ـ هااي هيه...

ـ يلا رجعنييي. للمستشفى اصعد سيارتي وارجع لهلي...

ـ هاا هيج؟؟

ـ ايي هيج...

ـ تمام ماريد اضغط عليج اكثر من هيجي....

ـ اي عفية....

« بعد مرور يومين »

انمار:: وقت جنت كاعد وي الشيخ محمد الي عساس ابوي. ويمنا السيد عبد الحسن... بجامع نسولف قبل صلاة العشاء.
تقدم النا رجال وصرت اشوف بس. رجليه لان جنت مدنك لمن رفعت راسي لكيته ابوي قصطير!!!

طلب من السيد عبد الحسن يكوم يريد يحجي وياه واتصرف كان ميعرفني !!!!

༺༺༺༺༺༻༻༻༻༻

"لديّ أمل
‏أمل كبير
‏ولا تستحقه الحياة"

يتــبــ؏ ✿✿
‏
4579 كلمة

لتواصل انستكرامي o.oll13

لتواصل قناتي تلكرام نسولف بيها نحن والابطال | oo_ii13