رواية احفاد السيد : الثار ( بأجزائها الإثنين ) الفصل العشرون 20 - بقلم ​رُقَـيَّـةُ الْأَكْـبَـرُ

الرحلـــة الهادئــــة

الــــسادة

بقلمي انا رقية الاكبر

متابعة لحسابي oo_ll13

تصويت للبارت قبل كلشي وتعليق بكل الفقرات تقدير لتعبي 💗✨

نبلش بسم الله الرحمن الرحيم

.
البارت 35

__ ضحگتك فـيّ للـيتعبون ،
وعينك كلها حلوة مــن الـحزن لـ اللون ..

________________________

علي الرضا ::

وانا احجي وي علي الباقر اتقاطع الكلام وي صرخة جانت جاية من طيبة الزهراء طبينا مثل المخابيل نتراكض علئ الدرج دفعنا الباب ودخلنا لكيت امي واكعة بالكاع بقيت مصدووم والدم نشف بعروكي مجنت اعرف اتصرف طكني علي الباقر علئ متني حيلل وجانت وي الطكة دفعة

واردف وياي .

علي الرضا :: يمةةة

علي الباقر :: مووو وقتكك هسسة روووح شغل السياررة بسرعة ..

رجعت اركض بسرعة وشفت مرة عمي
لمن شغلت السيارة طلعلي علي الباقر شايل امي ومرة عمي وياها تمشي وحاطة العباية عليك يالله علئ راسها
ودقايق اجت رحمة الزهراء كعدتها طيبات لان رحمة دكتورة كذالك راحت ويانه ..

ولمن وصلنا المستشفــى اتلكتنا الممرضات واخذو امي للطوارئ ودخلت دكتورة ودخلت وياها رحمة ونحن بقينا ننتضر برة
وكع علي الباقر بالكاع يبجي ويصيح اول مرة بحياتي اشوف ابا الحسن بهاي الحالة هلكد مكسور وخايف وضعيف ..

امي كلشي بحياتنا .. امي هي معنى لكلشي
والله ما نحس بطعم اي شي نخسرة لان امي موجودة ويانه ..

بس اذا امي راحت لا سامح الله هاي ههي اصغر الاشياء راح تكسرنا وماراح نكدر لدنيييا ابد...

علي الباقر :: ولججج يمةةة لا تسويييهاا لا تكسرينييي ليش هييج تسويين ليششش ولج يمااااه ولج اميمتييي وعلي ما اسامح روحي وعلي اكتل روحي وراج لون صايرلج شي وعلي ماعيش بدونج وعلي ما انتضر شي من الدنيا بدونج يماااه الله يخليج لا تسويها وتحمليني ذنب الصار وياج
وعد ما اعصب عليج بعد ولا ارفع صوتي من عمتت عيني اذا صددك ما اتخورسسست بذاايج الساعة ولا رافع صوتي عليج يااا يماااا

بقيت صافن علية ورديت علية

_ ليش تحجي هيج انت مسوي لامي شيي ؟؟ هية هنا من وراك انت ليش شمسوي انتة ؟

اجت مرة عمي وحضنت علي الباقر وصارت تحاول تهدي بالوضع الصار لان انشحن حيل لمن حسيت ان حالت امي هاي وراها علي الباقر

أم رحمة :: يابعد حيلي يمة علي الباقر اسكتت كافي امسح ادموعك كافي بعد انصبو الها چادر اسم الله هاي شبيكم اندعو الها هسة كافي

اخذت امشي وارجع من التوتر وعمتي جانت باقية ضامة راس علي الباقر لصدرها وتلعب بشعرة
وبعد نص ساعة هيج ماذكر الوقت الراح بالضبط لان جانت هناك الدقيقة مثل السنة .

طلعت الدكتورة ورحمة الزهراء وكفنا كدامهن لنطمن ..

علي الرضا :: هااا شيخة ؟؟

علي الباقر :: بشرري شنووو الوضع ؟

_ لا تخافون المريضة مابية شي مجرد صاير وياها انهيار عصبي انطيتها مهدئ هسة وهية بخير حالتها مستقرة لمن تكعد تكدرو تطلعوها ..

ام رحمة :: يعني نطمن ماكو شي يخووف ؟؟

رحمة الزهراء :: مرايم حبيبتي شكرا الج تعبناج تكدري تروحي وانا اتفاهم وي الاهل ..

_ تضل يمكم العافية ..

راحت الدكتورة وبقت رحمة الزهراء

علي الباقر :: شلوضضع شيخةة شنيي ؟

_ شبيكم ماكو شي العلوية كلش زينة بس هسه هية نايمة من تآثير المهدأ القوي تكدر الصبح تكعد ونسويلها خروجية وهسة ماكو فايدة لوجودكم هنا روحو لان هية نايمة ومتحس بشي

علي الباقر :: اذا هيج ابو موسى اخذ عمتي ورحمة وارجع للبيت ..

علي الرضا :: لاا ما اروح واعوف امي ..

_ عليي الرضاا رووح ولا تعاندنييي رووحح

ام رحمة :: راح يروحح خلص اسكت علي الباقر يلا يمة اوليدي علي الرضا تعال نروح يلا امشينة وامك الصبح تلكاها يمك يلا خلينا تمر اليلة هاي على خير ..

رحمة الزهراء :: محتاج ابقى وياك ؟

_ لا يختي روحي وارتااحي ماكو شي راح ابقي وياها بس تكعد ارجع وياها

رحمة الزهراء :: خوش بالك لنفسك يلا علي الرضا

_ امشي علي الرضاا امشيي

علي الرضا :: اذا صااار اي شي علي الباقر تتصل عليه

_ ما يصير شي رووح وارتاح

عفت علي الباقر ورحت وي مرة عمي ورحمة الزهراء رجعنا للبيت .

( مَـــشــهِـــد )

راح علي الرضا واخذ شيخة وامها وياة
واني رحت ودخلت لامي وكعدت يمها واخذت ابوس ايدها
وحطيتها جوة راسي
وبقيت ابجي بحرارة من شوفتها هيج اول مرة هيج اشوف امي ضعيفة ..
اخذت اسولف وياها ..

_ هاا يمة ليش هيج نايمة شني انهيار عصبي شني تسوين بروحج هيجي من ورة ذول الزوج والله لو اشوفنهم ميتين كدامي ميرفلي جفن الهم ولج يمة اضفر رجلج يسواهم هم الاثنين يابعد رويحتيي يا يمةة

انت القوة النا لا تسوين هيج بعد هاي انا وعلي السجاد وعلي الهادي وعلي الرضا كلنا يمج مو بعينج ليش روحج رايحة علي ذولاكي

يابعد بيتي انتي ولج يممة تردين تموتينا بعدج لاتسوين هيج بعد لا تضيعينا وتضيعين روحج
من فدوة اروح لروحج ..

بقيت احجي وياها واخذت نمت على ايدها بلا ما احس

"""""""""""""""""""" """"""""""""""""""""""

"" طيبة الزهراء ""

بقيت انتضر بالصالة رغم علي الرضا وامي واختي رجعو للبيت وطمنونا وصعدو لفوك نامو الا انا بقى بالي يمهم بالمستشفئ بقييت كاعدة واني عيني على الباب ما غمضت ولا دقيقة لحد ما سمعت صووت الاذان جاي من الجامع القريب علينا استغفررت ربي وكعدت اقرة دعاء الفرج لمن يخلص الاذان واصعد اصلي ..
لاحضت نزول علي السجاد من الدرج وشافاني اجة يمي واردف بَ ملامح استغراب ..

علي السجاد :: طيبات كاعدة لهسة لو توج كمتي من صوت الاذان ؟

بقيت اباوع علية واني براسي اردد اكول لهَ العلوية بالمستشفى لو الصم وما ادخل بقيت اباوع علية ورجع حچة وياي

علي السجاد :: انبلع السانچ ؟؟ صايرر شي عيونچ ليش هلكد حمر وذبلانات ما نايمة صصح ؟؟

غمضت عيوني واردفت بصوت يرجف ادري العلوية شكد غالية وعزيزة عند علي السجاد وميطي بيها ولا يريد تمسها شعرة بس مجنت اكدر اسكتت وحچيت ..

ـــ صح اني منايمة ..

ـــ وليشش شعندچ كاعدة لو ماخذتچ الهيشة لان السيد مموجود ؟

ـــ هوة لااا بس منتضرة علي الباقر يرجع

باوعلي بأستغراب واردف برفعة حاجب

ـــ علي الباقر اخووي ؟؟

ـــ اييي

ـــ ليشش وين اهوو ؟

ـــ بالمستشفى

فتح عيونة متفاجأ واردف بلهفة خووف

ـــ شننيي مستشفى شنييي شكوو

حطييت ايدي على حلكي واردفت وياه على الهسي...

ـــ صووتك صووتك الكل نايم مصااير شيي لا تخااف كلشي بخير

ـــ شنيي مصاير شيي چاا شعندة اخوي بالمستشفى شنيي اشتهة ريحتهاا وراح الها ؟؟

ـــ العلوية تخربطت شوي قبل شوي تالي الليل واخذها

صفن بوجهي وكأن هو جان يستوعب اجة طاري امة بسالفة عافاني وركض لفووك كعدت اني وحطيت وجهي جوة ادية وبعدين بقييت اباوع لفوك ولكدامي جنت احاول اصبر روحي واشوف شوكت يجون وهية نص ساعة ونزل علي السجاد لابس ويركض مثل المخبل وكال الي بسرعة

ـــ ياا مستشفى رراحوو ؟؟

ـــ ميحتاجج علي سجااد ماكو شي

ـــ جاااوبنييي بيياا مستشفى ؟؟

ـــ المستشفى التداوم بيها رحمة الزهراء ..

سمع مني هاي الكلماات وعت الباب مال الصالة عت وطلع يركضجنة مسودن واني اباوع للباب وكفو وراي
علي الهادي والمعتز بالله انداريت الهم وجانو شايفين علي السجاد شلون طلع واردف اخوي بسؤال ..

المعتز بالله :: شنيي شكوو ليش علي السجاد طلع هيجي ؟؟

علي الهادي :: وعلي الباقر مو بغرفتة شكوو طيبة ابوي بيه شيي مسووي حادث ؟؟

باوعت الهم واردففت

ــــ لا اسم الله على عمي مابية غير العافية

المعتز بالله :: جاا شني اسمها طلعة علي السجاد هاذذي ؟؟

ــــ هوة راح للمستشفى ورة علي الباقر

علي الهادي :: خييرر اخوووي شبيييه ؟؟

المعتز بالله :: شبييهه علي الباقر ؟؟

ــــ مو علي الباقر العلوية تخربطت تالي اليل وشكفها علي الباقر للمستشفى ..

علي الهادي :: اممممييي !!!!!!

المعتز بالله :: اووككفف علي الهاادي جااي ورراك ..

طلع علي الهادي يركض وركض وراه المعتز بالله وحتى بلا ما يسالوني عن أسم المستشفى الراحو الها بس فكرت بيني وبين نفسي يمكن راح يتصلون على علي السجاد وياخذون الاسم او يشوفو علي الباقر ..

صعدت لغرفتي توضييت وكعدت اصلي ولمن كمت حسيت روحي ملهوفة تريد تشوف علي الباقر باوعت لساعة لكيتها الساعة 34 : 6ص
وكفت على شباچ غرفتـي وشلت البردة عنه وفتحته حتى يدخل وشوي من ندئ الفجرية
لمحت رجال واكف كدام باب البيت وجان ممبين من وجهة شي مشفت وجهة لان جان لابس شفقة وهم جان واكف ومنتجي على سيارة سودة وجان يباوع للباب البيت جان هندس محد كاعد حطيت الشال على راسي ..
وما اكللكم ما خفت لا والله حييل خفت من منضرة رحت ونزلت طلعت لطارمة وكفت ورة الباب مال الشارع وكلبي صار يدك حيل وصرت اباوع لجوة وبعده منضر رجلية نفس كعدتة ..
دخلت لجوة واخذت صايتي لبستها ورحت فتحت الباب وفز اول ما شاف الباب يفتح واني وكفت بالباب واردفت ..

ــــ نعم أخووي اتفضل ؟

جان لابس كمامة وشفقة كلشي ممبين منة بس جان حيل طويل وصاحب جسم ومرتب ومبين من هيئتة شاب اصغير يطلع عمرة بالعشرينيات ..
وكف على حيلة من شافاني واردف وهوة يلتفت لطريق ويشوف منو رايح ومنو الجاي وكال... .

ــــ هذة بيت السيد عَبد الحَسن مو صح لو انا غلطان ؟

رفعت حاجبي وياه واردفت بجواب

ــــ نعم أخوي هذا البيت هوة منو حضرتك ؟

نزع الكمامة راواني وجهة جان اسمر وصاحب شوارب ليش الجذب جاان حلو وعيونة جانن احلا ما بيه ..
ومعرف ليش من شفته اتذكرت علي السجاد جان هذا الرجال ينطي شبه كُلش جبير ..
وما حچة شي بس نزع الكمامة ورجعت اردفت وياه

ــــ سئلتك منو انتَ شسوي انا بخلقتك نزعت الكمامة الي ؟؟

حط عيونة بعيوني واردف ..

ــــ ما چذبچ شيي بشكلي ؟؟

رفعت شفتي لفوك حركة وحدة لعبانة نفسها من الحوار ورفعت حاجبي وي فتحة لعيوني تعبير وجهي جان لهذا الموقف وردي لهاذا كلامة ارردفت

ــــ وعووو وشنوو اليچذبني بخلقتك هااذي ؟؟

ضحك ورجع لبس الكمامة واردف ..

ـــــ انتِ بنت يا سيد من اولاد السيد احمد صادق

ــــ وشدخلك أنتَ ؟؟

ــــ هسسة انتِ بس جاوبييني انتِ بنت يا سيد منهم ؟

ــــ انا طيبة الزهراء بنت السيد الحسن المجتبـى

ــــ انتِ طيبة الزهراء ؟؟ اهه معقولةة هلكد كبررانة !!!

ــــ ليش انتَ من وين تعرفني ؟؟

ــــ اثق بيج ؟

ــــ ما فهمت ؟!

ــــ أكلج شي يبقى بيني وبينج

ــــ أخواني على جية روح لا ترجع محمل

ــــ دقيقة اراويچ شيي حتى اذا أجوي أخوانج ما راح يسوولي شي

ــــ وليش بلة. واثق ميسوو لك شي ؟؟

ــــ لان لمن تعرفين انا منوو وابن منوو راح تعرفي ليش اصلن ما رراح يجيسون شعرة مني

ابستمت وحطيت ايدي على ايد واردفت بأستهزاء

ــــ وليش بلة منو انتَ ابن نمرود لو فرعون لو هالوكو ؟؟ حتى اخواني ميكدرو يمسون منك شعرة اولك اهو بس علي الباقر لو يعرف انت واكف وياي يدزك لنجف موذر واذا شافانا اخوي المعتز بالله ما اضمن الك كم ثانية راح تعيشش...

ــــ ههههههه تمام وثقت بيج وحبيتج همم لسانج حلوو وعينج صلفة حيل وعجبتيني ولهذا راح اكلج منو اناا

ــــ ايي نعم منو حضرتك ؟

دخل ادية بجيبة وطلع منها محفضة وفتح السحابة. وطلع هويتة ووجهة الي وقريت اسمة ومن هوة وابن منو وأسم امة بقييت مصدومة بوجهة حييلل ..
رفعت عيني من الهوية وحطيت عيني بعينة. واني ماعرف شرد عليه لو شكول القريتة صحح هذا الواكف كدامي صصددك ؟؟؟ ششنووو هاذذا البييت الساكنين بية نحن ؟؟ شلون نسميي ارواحناا عائلة وكل هاي الاسرار مكبوتة بكلوبهم ؟ كل شخص بيهم متعرف شنو وراه ولو تعيش وياه سننين هم ما راح تعرف ولا ذرة عن ماضي ولا. شنو مسوي بحياتنة.
من صدمتي ماعرفت شرد وشحجي !!!!

ورجع الرجال واردف...

ـــــ اعرف الولد على جية هسة والناس بدت تكعد وتطلع لان كشف الوقت فوتـي انتِ لجوة ماريد احد يشوفج وياي واني محتاج مساعدتج حيل يمكن الله دزج الي وخلاج تطلعيلي بااعي رااح ارروح انا هسسة حيل مابية اتاخر بعد اكثر شايفة هاذا البيت المهجور البشارع الثاني ؟؟
بليل انا راح انتضرج وانتِ اذا كدرتي تعاليلي علية تمام
واذا مكدرتي مداعي تجبرين روحج ولا تخاطري ابقي واني كل يوم راح اجي وانتضرج شوكت ما اجتج فرصة وبأي وقت جاانت تعالي وخلي احجي وياج تمام ..

ـــــ شلون تريد اثق بيك ؟؟

ــــ مو شفتي هويتي ؟؟

ــــ الهوية تتزور عاادي بكل سهولة تكدر تسوي لروحك هوية باسم التريدة وبصورتك هاذا مو دليل قوي لثقة ..

ـــــ اههههه ذكيية حيل احب القوية والذكية
انطيني ساعة من وقتج تعالي للمكان الكتلج علية وانت راح تتأكدين منـي .. وهم اذا تردين فوتي وأسالي امج او اختج رحمة الزهراء هم يعرفون كلشي صار من الماضي .. ماكدر اتأخر اكثر من هيج مع السلامــة ..

عافاني وصعد سيارتة وراح انا اعرف اني من البداية غلطت و مجنت لازم اطلع الة بس مدري شجاني واتسعجلت وطلعت حتى اشوف منو هذا وشعندة. واكف هنا بس انا مكدر اصدك واثق بية من مجرد هوويـــة بس هو ما مجبور يجذب ؟؟ زين لو جان صدك مثل ما قريت المفروض منة يدفع الباب ويفوت ليش هيج يجي مثل الحرامية ؟ زين المكان الي طلبني اروحة وأشوفة بية يخووف ومهجور يعني لو طلع جذاب يكدر يسويلي كلشي هناك ولا من يشوفني ولا يسمع حسي ماكدر اخاطر هيج بس شسوي لو طلع صدك هووة وصدك يريد مساعدتي ؟؟ شلون لو طلع مضلووم نفس

'' وهج الطف '' وتكون قصتة نفس قصتها لان بطلت اتفاجأ من ماضي اهلي السادة كلشي مسوين بس يمكن يطلع جذذااب ويريد يوصل لشي ااييي يمكن طلع يعرف اهلي شعدهم من افلوس ويمكن يخطفني لفدية معينة ؟ بس هو اذا يعرف اهلي شنو عدهم معقولة ميعرف اخواني كلهم بالدولة ؟؟ يعني لعبتة هسة وياي كلش خطر على حياته ويمكن يخسر روحة ؟؟ معقولة لهدرجة هو غبي لو ما سال عدل عننا ... لااا ما مجبور يسوي هيج هاي اللعبة اكبر منه واطير بيها روس اكيد لاا مو جذاب واكيد هذا سر من اسرار أحفاد السيد !!!

اووف عقلي راح يوكف من التفكير واني منايمة .. خليني هسسة اصعد اناام والله كريم بعد لكلشي ...
واني صاعدة ولمن اول ما دخلت للصالة. ووكفت يم الدرج وحطيت رجلي على اول باية سمعت صوت
علي الباقر من وراي يكول ...

ــــ منوو هذا ابو السيارة السودة الجنتي واكفة وياه ؟؟

بقيت امسح بعيوني واطك على خدي واحجي وي روحي بدون ما التفت...

طيبة الزهراء :: هااي شنوو طيبات اتخبللتيييي صررتي حـتـى صوتة تتخيلي لاا انتي واصلة مرحلة بالخباال سيطرري على روحج انتي هسسة ضروري تصعدي وتنامي اذا بقيتي كاعدة يمكن حتى ابوي المرحوم اشوفة يسولف وياي استغفر الله ..

صدكت روحي وكملت صعدتي لدرج ووصلت للباية الثالث وحسيت واحد جرني من ايدي ونزلني الدرج كلة بسحلة وحدة من ايدة وخلاني كدامة رفعت عيني
اييي والله هااذا علي الباقر عززة شجابة شوكت اجة بقيت امسح بعيني واكرص بيدي هذا صدك لو حلم يقضى ؟؟ يااعلي كمت اهلووس هذاا قلة النوم هيج تسوي بالواحد تسوي جنة مخبل يحجي وي روحة ؟؟ مجنت مصدكة هذا صدك علي الباقر يمي حطيت ايدي على خدة وخرها بنتر واردفف...

ــــ هااي شمالج موو جاي احجي ويااج ؟؟

ــــ شوكت اجيت انت ؟

ـــ ليش ما ترديني اجي ؟؟

ـــ لاا الولد توهم اجوك راحو وراك للمستشفى ..

ـــ تووهم قصدج قبل ثلاث ساعات

ـــ شنوو ثلاث سااعات ؟؟

ـــ اييي ثلاث ساعات

ـــ يححح والله جنها قبل دقيقة تعرف

ـــ طيباات لا تتصرفين وياي هيج سالتج جاوبي لا تسوين روحج جدبة يمي ..

ـــ شنو سؤالك ما سمعتة ؟

ـــ منو هذا ابو السيارة السودة الي جنتي واكفة وياة

ـــ وانتَ منين شفتة ؟

ـــ اول ما وكفت بركن شفته يصعد سيارتة وانتِ دخلتي لجوة. وما شفت منة شي جان لابس كمامة والدنيا كلها

ـــ هذا واحد من العامة

ـــ مسلسل المختاار عندديي شننيييي من العامة احجييي عدلل ترى خلكي برراسس خشمي

ــــ اووي وشبيك تصييح علية مو صوجك صوجي انا الردت اجاوب عليك وخر ومعليك لا تسال ميخصك

عفتة واندارريت وردت ارجع اصعد وعتنـي من ايدي عت
وضغط حييل علية جان لازمني من زندي بس حسيتة راح تنكطع ايدي من لزمتة ونضراتة الي الجانت تجدح شرارة حيل خوففتني نضرتة بحيث غمضت عيوني ورديت عليه رغم هوة بس زفر بالنفس ما حجة شي وبقى يباوع عليه

_ مااعرفة والله ماعرفة اندك الباب واني رحت فتحتة وطلع الرجال متيه ويسالني على بيت ماعرفة ف كلتلة اول مرة. اسمع بية ويمكن مو بالمنطقة ف الرجال افترك وراح صعد سيارتة ..

ضل يباوع الي وهوة مضيك عيونة وكأنة ما صدكني بقت دكات كلبي تتسارع اذا رجع علي الباقر وسالني عن شيي لو استفسر اكثر اشهدو باالله راح انكشف ماكدر اسيطر كدام حدت نضرات علي الباقر اخااف منة حيل .. !!!

بس هية ثواني ترك ايدي بيها وابتسم وحط ايديه بجيبة واردف وياي بكلمة ...

_ متأكددة بس هيجي ؟؟

جريت نفسي واردفت وياه واني جاي اطلع الزفير وضحكة صارن كلهن نفس الوقت وهزيت راسي بكلمة نعم وكلت ..

_ ايييي بس هيج

_ خوش چا اصعدي شني ما نايمة ؟؟

_ لا جنت منتضرة رجعتك

_ طيح الله حضج وحضي ويياج

_ شنو شبيك ؟

_ اصعدي لفوك انطمرري لا وعز الله مداسي يصير بحلكج واحطة بالعرض مو بالطول ..

_ ييييي شبيك صاعدة صاعدة

_ بسرعة مكيفة متايمة منتضرتني ام حلك

_ مو صوجك

_ ايي صوج امج الجابتج واني ابتليت بيج ..

_ يح اشو انت طالع السانك وياي ؟!

_ تولين تنامين لا ارويج صددك طلعة اللسان

_ اوللي ما ميتة على خلقتك بس اسالك شلونة العلوية

_ اصعدي نامي والعلوية ما باقية على سؤالج اصعددي

لمن شفت طريقة كلامة وياي اردفت وياه بطريقه حطيت بيها كل الدلع وحتي صوتي اتغير وشفته شلون صار لمن سمعنـي نضرتة وحتى هيئتة كلشي هيج حسيتة انخمد بية ورجع اردف وياي بطريقة كأن جاي يحجي وي غدير الله مو طيبة الزهراء ..

_ علليي الباااقرر

_ نحرة وروحــة لعلي الباقر ...

_ لا تحجي وياي بهاذي الطريقة طيباات اناا خوش مو واحد من ربعك ويتحمل هذا نترك وهذا نضراتك الحادة انا كلبي ارهيف وهسة ابجي ترى

_ من عمت عيني اذا خليتج تبجين من ورااي اسف يا نحري بس ميت تعببب وتدرين بيه هو اني اخذ قوتي وطاقتي منكم ادور. اجي تعبان واشوف عيونچ هلكد ذبلانات وهيج تعبانة تعبتيني بزاييد
وين طيبات الي بس افوت للبيت يطيح التعب مني لان اشوف اخدودها وضحكتها و وين هسةة ؟؟؟

_ حيل مجاني نوم وهاي جنت صاعدة انام اجيت انت

_ تمام ينحري اصعدي وناامي

_ مكتلي

_ شنوو ؟؟

_ احچيلي شلونهة العلوية ؟

_ لا بعدة الزمان بخير

_ ما فهمت ؟

_ احسن اصعدي نامي صاعد انا اسبح واصلي ناامي

_ تمام ..

صعد علي الباقر وانا صعدت لغرفتي وحطيت راسي على المخدة وبقيت افكر شنو من كلت لعلي الباقر شلونها العلوية شنوو كالي بعدة الزمان بخير ؟؟ شني هذا حچي علي الباقر نص مفهوم ونص شفرات كلشي متفهم منة الله وكيلك دا اعاني وياه حيل ..
واني افكر غفيتتت ورحتت بنومي العمييق ومادري شنو صار واني غافيةة ... ...

"" علي الباقر ""

واني بالمستشفى منتضر امي تفتح عينها طلعت حتى اجيب ماي شفت كدامي علي الهادي و علي السجاد و المعتز بالله فتحت ايدي الهم ك حضن بس جانت فتحتي الهم صدمة وي سؤال. .

_ خير ان شاء الله شجابكم لهنا ؟؟!

علي السجاد :: ليش خير شني النايم هنا يخصك بس انت ؟

_ علي السجاد ماكو شي هاي بس تكعد راح نرجع

علي الهادي :: نزل ايدك علي الباقر ومو من حقك تكعد هنا لوحدك وبالجذب ما اجيت علينه ترا هية امنا هم ونعزها اكثر من ما تعزها انتة

علي السجاد :: اهههه لا شلوون هذا علي الباقر هذا جنتل ماان يكدر لكلشي ويكدر هم يسوي كلشي بدون ميحتاج ولا واحد بينا ولا يحتتاجج اصلن يحجي وي واحد بينا مو صح

المعتز باالله :: شباب صلُ على النبي واذكرو الله كاافي
هدو الوضع انشحن وميحتاج هلكد ..

_ امي طاحت بنص الليل وماجان عندي عقل اتصل واحجي ومن اطمنت كلت لصبح ..

ما كملت كلامي قاطعني علي الهادي واردف....

علي الهادي :: هااا كلت لصبح لمن تطلعها يالله تكللنا ترى امكم منامت بالبيت نامت اهنا ..

_ هااي شجاكم وياي ترى انا اخوكم لا تنسوون

علي السجاد :: احنا اكثر ناس مذكرين هذا الصلة الي ابيناتنا بس انت لا تنسى روحك علي الباقر انا اخوك الجبير وانا المسؤول لا تصير تششيل كلشي لوحدك ترى ينكسر ظهرك وتتوجع اتعللم تنطينا كلشي حتى وجع كلبك الزمنا وحطنا كدامك وانطينا من وجعع كلبك علي الباقر احنا اخوانك حتى الوجع مالتك واجب علينه واااجب نقاسمك بي ومنخليك تشيلة لوحدك سمعتني ؟؟

وخرت ايد علي السجاد من متني وحضنتة بقيت حاضنة حيل وطيحت كل تعبي بحضن اخوي الجبير .
وعلي الهادي حط ايدة على ظهري واردف واني مستمر بحضن جبيري ..

علي الهادي :: روحي رراحت من سمعت بيكم هنا ولكم انتم اغلى من روحي على كولت جدي

[[ احنا مو بس شباب نشيل اسماء ويجمعنا أسم الاب ولا نحن بس شباب ويجمعنا أسم الجد لااا نحن روح وحدة وكلب واحد بكل جسد يشيل أسم احمد صادق ]]

نحن روح وحدة وكلب واحد لا تنسـى اذا تعبت نحن لوحدنا نحس بالتعب واذا تأذيت كلنا هنا بلا شعور راح نختنك واحدنا ماعندة غير الثاني

رفعت راسي من متن علي السجاد و اتنوعت لـَـ علي الهادي وضحكت وما جاوبتة على كلامة لان اختصر كلشي هوة مابقى شي احجي بية ..
رجع المعتز باالله وسأل ..

المعتز باالله :: ترى عيوني دمعتت كاافي مااحب هاي المشاعر اناا ..
المهم هسسة علي الباقر شلونهة العلوية ؟
هذا المهم مشاعركم خلوها بالبيت ..

_ لا امي بخير بس لهسة نايمة من وررة المهدئ منتضرها تكعد وجنت طالع اجيب مااي ..

علي السجاد :: شنو صار وياها ؟؟

_ الدكتورة تكول انيهار عصبي ..

المعتز باالله :: اهه الانهياار اشجابه على العلوية اشو حتى بيتنا اجواء عرس ماكو شيي يجذب الانهيار ؟

علي الهادي :: شلون صاارر هيج بيها شنو الوصلها لهاي الحالة ؟

_ شباب ماعرف اني حيل تعببان نازل اجيب مااي انتم اخلو و اكعدو جوة اريح الكم ضلو يمها خاف. انا اتاخر برة

علي السجاد :: وين راح تروح ليش راح تتاخر ؟؟

_ نازل اجيب مااي بس خاف تطلعلي شغلة لو شي كلشي وارد انتم انتضروني

المعتز باالله :: الاحسن ترجع للبيت امبين حيل تعبان ارجع اريح الك ..

_ لاا اجيب ماي واجيكم اجيبلكم شي وياي ؟

علي الهادي :: ايي جيبلي وياك حليب بالموز خليني اتريك ..

من الصدمة من السمعتة من علي الهادي انا و علي السجاد و المعتز بالله عاينة الة بنفس الطريقه والوقت ..
واردف علي السجاد بغرابة وهوة يضربة على راسه !

علي الباقر :: اول مرة اعرف امي بعدهي ما فاطمتك ؟؟

علي السجاد :: صددك عوود تريد حليب بالمووز ؟؟

علي الهادي :: ترى متعود اشرب حليب قبل لا انام وبعد ما اكعد شنو غلط ؟

المعتز باالله :: بلة انت شكلك باجر عرسك ؟؟ باجر تدخل على مرتك بهاذا اسلوبك ؟

علي الهادي :: واذذاا نشرب حليب انا وياها وننام اصلن. مفييد لصحة ..

_ هههههههه لا ربحناااا ناازل اننيي اجيب مااي ..

علي السجاد :: وجييب حليب للفرخ لا يبجي علينه ونكوم نجيبلة مرضعة فرد مرة

علي الهادي :: والله انتم ماعندكم حياء و العتب مو عليكم افووت لامي اشرف الي وهاا صدك سمعتو كلامي مسااع كلة ساحبه وما كايل ولا كلمة ويااكم ولا احبكم ولا نحن روح وحدة انكلعو يلا عن وجهي

_ لا بشرفك الا زعلك لا تزعلل ههههههه

دخل علي الهادي لامي واني بقيت اضحك واباوع لعلي السجاد دنك علي السجاد يضحك واردف ..

علي السجاد :: علي هذا المنضر اشك حتـى باجر مراح يدبرها ابو الحليب

_ اههههههه هية بس هاي الناقصة وتكمل الفاتحة زلمة احمد الصادق مو زلمة

المعتز باالله :: روح للماي مالتك وجيب حليب لا صدك يبجي

_ ههههه امرري لله طلع عندي طفل ثاني واني مدري

علي السجاد :: طفل ثاني ليش منو الاول ؟؟

_ ءءءء اهههه يعني منوو بزر الكعدة شبر طفلي هوة يلا انا ناازل اجيب مااييي اذا اجة شي براسكم دزولي قبل لا اجي

المعتز باالله :: الله وياك

عفت الولد ورحت واني امسح وجهي بثواني عركت من التوتر للحضة جنت راح اكشف روحي علي الباقر الزم السانك اكثر طلعت لبرة دخلت المحل اشتريت مااي وبقيت اباوع ما لكيت حليب بطعم الموز لكيت ابو الفارولة اخذتة الة اثنين واشتريت كآرسون وعصاير ريوك الهم ومن طلعت من المحل شفت الفرن معزل كلت خلي يمشو روحهم بهذني العصاير لمن يفتح واجيب الهم ريوك واني صاعد السيارة اتصل فردوس ..
للعلم فردوس بنفس المستشفى البيها امي بس فوك هو غرفة خاصة رديت علية ..

_ هاا فردوس ؟

_ سيدي اعتذر على اللاتصال بس مكدرت انتضر بعدر

_ بلا مقدمات اناكتلك اتصل امرين بيه شي ؟؟

_ سيدي قبل ساعات آمرين اجة سراج واخذاه

_ شننــي ؟؟

_ حااولت امنعة بس منطاني مجال احجي وتعرف هوة رئيـسـي ماكدر اعلـى صوتي عليـة ولا اكدر ارفض آمر يصدر منــة

_ لااا لااا غلططط هييجج ماجاان لاازم سرراج يوصل لــــ آمرين لااا رروح فردووس روووححح

سديت التلفون وصعدت بالسيارة دخلت للمستشفى صعدت للولد وفتت عليهم ولاحضو ..

_ تفضلو. .. جبتلكم عصاير وهيج تصبرون روحكم لمن يكشف الوقت وتفتح الافران

علي الهادي :: سلمت ايدك بعد اخيك

علي السجاد :: علي الباقر بيك شي ليش لون وجهك مخطوف ؟؟

_ لا ماكو شي بس اجاني اتصال من الدوام دوهنني فَ انا رايح الهم وانتم بالكم لأمي

المعتز باالله :: محتاج اجي وياك ؟

_ لا شسالفة شغلة بشغلي اخلصها واجي

علي السجاد :: لاا كافي لا تجي رووح للبيت اسبح وصلي وارتاح وانا اتصل بيك اذا صار شي

_ لا علي السجاد اكمل شغلي وارجع

علي السجاد :: شني بكيفك منو ماخذ رائيك انتَ انا اخوك الجبير تسمع مني وتنفذ ولااااا كلمة منك روح ..

_ هاي هية خوية استودعتكم الله

علي الهادي :: الله ويياك ححبيب روحي ..

عفتهم وطلعت اهرول للسيارة واني بالي يم امرين واول ما صعدت السيارة صرتت اصيح وابجي لان اعرف نذالة سراج واعرف لوين ممكن توصل ..
صررت اصيح لا لا واضرب على استيرن السيارة بعدها فتحت تلفوني واني احجي وي روحي ..

_ لاااا آمرين لااا مو هيچي نفترك لااا لاتخلي هيچي افراكنا لاااا ياخووي لا ياحزام ضهرري لا تعوفني واني اخيك ما نسيتك والله ما نسيتك كل هلوقت اني ادورر ثغرة صغيرة حتى استغلها واطلعلك لاا يااخوية اشتد الوضع عليه ولك اشتد الوضع على اخوك شووف شجبت اليي من التعب والقهر ولك لا تكسرلي ظهري انحني كددامك انااااا ولك شوفني شكد احبك لا تعوفني وتحرمني من وجودك ما اسامح روحي كلة من وررراي كلة انا الوصلتك لهاي الحالة كلها مني كلهااا ياااااااالله دخليك يارب الكون دخيلك ..

كمت اسوق علـى سرعة 200 واخذت التلفون مسحت ادموعي وعصبت حيل صرت اشوف شياطين الارض تتطافر كدامي ..
اتصلت على سراج بس اللعين ما جاوب وجان مغلق جهازة ..
رجعت واتصلت على الآمر مالتنا ولان هو صديقي حيل اول ما فتح الخط اردفت وياه

_ هاااااا شفتتت سرراج شسوووة سمعت هو شلون هيج يتصرف وانت منطي آمر يسحب ايدة من القضية هاذي ؟؟؟

_ لا كـــلام قبــل السلام مو انت هيج علمتــنا سيد شنو هسة انا اعلمك ؟؟

_ فقااار ما ضل جني على وجه الارض ما طفر بوجهي هسة ..

_ علي الباقر

_ اسمع مني قسم بالي خلق هالاكوان والافلاك بسبع ليالي بس وحك جدي رسوول الله اذا نمست شعرة وحدة من آمرين وحك سبــي جدتي زينب احرك سراج واهلة واشعل اساسة وعلي ما يفصلني بيني وبينة بس المووت وعادي عندي اخذ اعدام بس سراج ميطلع عدل من جوة ايدي سمعتني قسم برب العزة اناا كتال سراج اذا صار لآمرين شي ..

_ باقر ارجع واكلك مشاعرك العاطفية خلهاا بعيد عن شغلنا و لان انت صديقي وتغز عليه انا سحبت القضية من سراج ونطيتها الك ورغم انا اعرف العلاقة بينك وبين آمرين وماجان المفروض تاخذ قضيتة لان تصير عاطفة وهااي كدامي سراج عرف آمرين صحى وهوة اخذاه ليكمل التحقيق ..
لا تحجي ولا كلمة علي الباقر انا هسة جاي احجي وياك بصفة آمر مو صديق

_ سيدي انا ماتعاملت وي آمرين بعاطفة بس انت شفت الحالة الوصل الها انا مكدرت اصلن احجي وياه كلمة وحدة جان غاافي وهسة اول ماكعد اجة سراج واخذا مافكرت ليش ؟؟؟ على اي اساس يروح له قبل ما اني اروح وراح اول ماعرف ان آمرين كعد. ؟؟

_ انا اتصرف وياه لا توصلة انت علي الباقر انا خايف عليك

_ وانا خايف على امرين

_ بركبتي لاترروح وعيونك امرين يصير يمك لااتخااف بركبتي كتلك

_ اثق

_ شسالفة اول مرة تجربني علي الباقر وعلي خايف عليك لاتروح تعرف سراج وتعرف نكاستة اذا شافك يمكن يأذي امرين لاتتروح وانا بيدي ارجعة الك اهو يكدر يوكف كدامك بس كدامي لا اكسر ظهرة وظهر اهلة لجلك

_ يعنـــي ؟؟!

_ يعني ريض بالمشي وعود لمكانك واني اتصرف ساعات تلكاني متصل عليك واكلك امرين بالمستشفى

_ سيدي

_ اهوو علي الباقر حجينا وياك بهدوء اسمع ونفذ لا تصير هيج غثيييث كتلك يمييي ياخي ارجع للبيت علما تسبح وتكمل كلشي تلكاني مخلص المووضوع

_ سرراج غالق تلفونة ..

_ معليك بي يمي

_ انطيني وقت محدد

_ خوش ب٩ الصبح اتصل عليك

_ تمام سيدي اذا مرت ٩ وربع وانت ممتصل انا اتصرف

_ ارجع لبيتك هسة

_ تمام ..

_ انتبه لنفسك باي

سديت التلفون وبقيت افتر بالشوارع وكفت ادخن واني اكلب بالتلفون طلعت صور مجد انا وياه وبقيت صافن عليهن ..

رجعت وطلعت صور الزوووج الامي طاحت من وراهم لهسة اني مخلي صورهم بتلفوني مو حُب بيهم لاا بس هيجج ماريد امسح الصور مزاجيات يعني لا اكثر ولا اقل ولا انا لو اشوفهم ميتين كدامي ولا ترف عيني الهم لو تكلب الدنيا اليبيعنا برخص لو يصير ذهب ما نشتري ..

واني افكر وادخن واباوع لتلفون باوعت لساعة لكيتها بَ 55 : 6 ص
شغلت سيارتي ورحت واني لهسة بَ أهدوم امس
ولهسة ما مصلي صاير حيل مهمل هاي الايام اول مرة هيج صاير اتكاسل وما اصلي اول ميأذن من يمتا علي الباقر يصلي قضاء والله وككتت. .

اتوجهت للبيت وجنت براسي اغير ملابسي واسبح واصلي واكسرلي كم دقيقه اغمض عيني بيهم استرجع طاقتي الخسرتها .
واول ما وصلت الركن من الشارع لمحت طيبة الزهراء بالباب وي رجال كلشي مكدرت اشوف منة ..

لمن صعد سيارتة وراح اتقدمت انا ووكفت سيارتي بالباب
جنت اكدر الحكة واعرف هوة منو بس لصراحة اتجاهلت اسوي هاي الحركة لان يمكن جنت خاايف اشوف او اسمع شي اني ماريد اشوفة ولا اسمعة !!! هيج جنت مفكر ..
لهذا السبب ما لحكتة وختاريت افوت بسرعه والزم طيبات واسالها شنو ومنو هاذا ..
وبعد ما دخلت وعرفت منها ان هو شخص متيه ما صدكت بس اتنازلت عن نص عقلي وصدكتها ما بيدي شي ماريد ينكسر كلبي
رغم انا واثق واعرف طيبة ما تشوفني غير اخ جبير وبمثابة الاب هممم ما ملاحظ عليها ملامح الحب الي

ولهذا انا حييل متراجع من خطوة اخطبها ماريد اطلبها وترفض وتصير حزازياات ابيناتنا خلينا هيج مطمن عليها وهاي ههي
دام هية زينة انا زين وماريد شي والله اهم شي هية واذا االله فضل علية ورزقني حبهَ هاي بعد فضل من الله اسجد سجدة شكر واصلي رُكعتين لوجه الله ...

تعبت من الانتضار حيل
وين اكو واحد عااقل عمرة 20 سنة يروح ويحب وحدة عمرها 5 سنوات ولاااا قسمت ووعدت ما اخذ غيرها لو هية لو الموت ..
جنون والله صدك الحُب يطير عقل الواحد واني اشوف الي يحب وما متخبل هذا جذب ما يحب ..

صعدت لفوك اخذت ملابسي وطبيت ذبيت على روحي ماي وطلعت صليت وأول ما ردت اغمض عيوني اندك باب غرفتي ..
يااعلي شنو هاي الازعااجاات ارريد انااام

حطيت المخدة ععلى راسي وهذا اليدك جان ما راضي يروح استمر يدك بالباب واني من التعب والله جنت احسة يدك براسي . شمرت المخدة
وكمت فتحت الباب
و الله يلعنك ياا ابليسسس

طلعت بوجهي لــــيــــنا ..

اول ما شفت وجها اردفت ...

_ اعوذ بالله من الشيطان الرجيم. .

_ شايف جني كدام ؟

_ شتردين شعدج هنا ؟

_ علي السجاد وينة ؟

_ ليش علي السجاد رچلي وانا مادري بنفسي ياا دادة

_ سألتك سؤال واضح جاوبني بوضوح ممكن

_ لا مو ممكن اكو اختراع اسمة تلفون لو هذا ما واصل الج يا دهر اذا صدك ؟

_ اتصلت علية ما يرد

_ حقة والله حقة اصلن مستغرب اخوي ليش لهسة ممطلكج ليش انت شايفة. روحج واحد يعيش وياج ؟؟

_ اكدر اعرف ليش تكرهني ؟

_ بعمرة الحقود والخاين مصار محبوب

_ بس الكل هنا يحبني بس انت واختك تكرهوني . شنو الفرق يعني وين المشكلة عدكم لو عندنا ؟

_ للأسف مغشوشين وراح يجي اليوم ويكول لو سامعين كلام علي الباقر لو سامعين كلام غدير الله بس لذاك الوقت خللص ماكو فايدة راح الوقت

_ بس انت عندك وقت اذا شايفني مو زينة خلص اهلك من شري عوف اهلك خلص اختك من شري

_ ؟؟؟؟؟؟؟؟؟

بقيت اتنوع الها بأستغراب هاي شكاعد ترطن ؟
شنـــييي هذا الكلام ؟؟
رجعت واردفت وياي...

_ ها سكتت ؟؟ شفتت لان ماعندك شي ععلية. مجرد غيرة من اخوك

_ اشو انت ما تعرفين تحجين ؟؟ غيرة من اخوي شنيي ؟؟

_ تغار على اخوك قصدي لان عبالك انا راح اخذه منكم صرت تكرهني ترى هواي من امثالك عادي ممتفاجأة المهم فكر بية مثل ما حاب اتفكر الحمدالله انا اعرف روحس واعرف انا شنو لا خايفة لا من چنة ولا من نار
واجيتك اسالك عن علي السجاد لان كعدت وملكيته موجود عبالي بي شي بس الضاهر انت تعرف وين هو وما دام هيج حالتك طبيعيه يعني هو بخير رايحة اكمل نومتي لان تعبانة عن اذنك ...

عافتني وراحت طبكت الباب .
وانداريت واني انشد روحي ليش سكتت ليش مجاوبت عليها ليش ما ارتاح الها انا ولان انا طبعي مدام مرتاحيت لواحد هاي ههي المشكلة بيها مو بية

وهم هسة ابد مو وقت انطيها هاي الأهمية واكعد افكر بيها اريددد انناام ..

رحت وشمرت روحي على الفراش وتغطيت

"" آصفاد الحق ""

كعدت الصبح لكيت علي الباقر دازلي رسالة من السبعة الصبح فتحت الرسالة وشفت محتواها صحت
"" لك هلااا وسبع تالاف هلااا بطك الفشك هذاا ""
ركضت لحاسباتي
ودخلت الرغم الي دازة الي وبغيت احاول اخترغ النضام
عجزت لان الرغم جان منغلغ !!!
بغيت احاول وياه احاول وبعد ساعة كاملة من المحاولة انفتح النظام لان اتفعل الخط !! ..

بغيت امعمس بي طلعت الموغع اخذت اسلاحي ورحت صعدت سيارتي وطلعت للموغع وجان بيت بمنطقة الطارمية !!!!

وكفت سيارتي ونزلت كدام البيت طلعت اسلاحي سحبت أغسام ورجعتة ورة ظهري بس خليتة على هبة الاستعداد

ودكيت الباب ومجان اكو جواب رجعت دكيت الباب مرة ثانية واني مدنك اباوع تكـــرمون لحذائــي
وشفت الباب انفتح ووكف جدامي رچال باوعت لرجلية لان جنت مدنك واخذت ارفع عيني أشوي أشوي وباوعتلة من اخمس رجلة لين راسسة ..

مجنت متخيلة هيچي
باوعت الة واردف وياي ..

ســرآج :: اتفضل امر خدمة ؟!

_ انا جاي اسأل عن رجل كالولي ساكـن هنا آسمة سرآج

_ ايي وصلت تفضل .

_ حضرتك سراج ؟؟

_ فضني وكول العندك مو فارغ انا.

_ ماكو بس الريس وصلني حتـى اوصل الك شي مهــم

_ شنو تريد ؟؟

دفعته ودخلته لجوة وسديت الباب علينه نحن الاثنين كام من الكاع ودفعني وهوة يصيح علية ..

_ انت شلون هيج تتصرف وياي شنو متعرف انا منوو ولك ؟

_ لا اعرفك كُلش ززين سيادة الدولة

_ والله ماراح تطلع من بيتي الا وانت ملقي القبض عليك واخليك عبرة لكل واحد مثل امثالك صدك لو كالو
من أمن العقاب ساء الفعل ..

_ سررااج لا تصير ابن شريفة برااسي دافنينها سووة ترى دير بالك بابا

_ اذا انت زلمة انتضرني هنا ولا تتحرك هسة اتصل على جماعتي واككللهم يجونك

_ خوش وين المطبخ اروح اسويلهم جااي علمود نشرب سوة ونتونس اهاا ماكو داعي تكلي مبين ذاك المطبخ يلا استعجل جماعتك واني اسوي جاي واچيك

عفتة ورحت دخلت المطبخ واخذت الغوري وشغلت جواه النار وحطيت ماي وسويت جاي من صدك وبعد نص ساعة طبلي للمطبخ وهوة وچهة يذب الوان
واردف وياي بصوت يرجف حيل جان

_ منو انت وشنو مسوي لتلفوني ؟

_ هووة انا ممسوي شي ولان الجذب ما يدخلنا الچنة راح اكلك الصدك ما مستعد اخذ ذنب من ورة حضرتك
اني بالغلط صدكني بالغلط لا جذب غصداً شمرت على تلفونك فايروز اصغيروني لاا جذب جذب جاان فايرووز جبير حيل هكرت تلفونك كلة تكدر تكول بس صورك صارن يمي لاا جذب جذبب كلشييي صااار يمي اتصالات صور فيديوهات والاهم دليل برائة آمرين .

_ شنو انطيك خاطر متسولف شي وتنسى الي شفتة

_ لااا هاذا غالي كلشش السكوت عن هيج مصيبة غالي

_ منو انتة خلينا نكعد ونتفاهم

_ لاا ميحتاج نكعد ونتفاهم كلمتين وحطهن هنا
آمرين يتبرئ
تمام حبيبي الك يومين بس بيوم المحكمة بدل ما اسمع حكم الغاضي علية 4 ارهاب او مؤبد اريد اسمع حكم البرائة الاحسن الك هااا حافظ على وجود ركبتك بمكانها

_ ماكدر كلشي صاير ضدة

_ احترك الجاااييي احترركت صفحتك يالبالييي ...
لاا عزيزي تككدر مثل ما كلبت كلشي ضد آمرين تكدر تبرئة ولا ماريد احلف

_ زين انا راح اسوي الاكدر علية بس اريد وقت يعني يوم المحاكمة انا راح اخلي المحامي يطلب الاستئناف
وهيج انا راح امشي شوي شوي حتى لا احد يشك وآمرين يرجع الكم

_ ام تريد جاي اصبلك ؟

_ الف عافية

_ اكيد عاااشت ايدييي اصلن انتغااام مو جاي بعلي لو تعيش العمر عمرين ما تسوي هيجي جايي مهدر

_ ماراح تحجي شي ؟

_ انت راح تكون ضامن سكوتي دام راس آمرين يشم الهوة اذا نمست منه شعرة راح يطلع مني حرف .

_ تمام

_ رجعتة مو ؟

_ اييي رجع امرين للمستشفى

_ شردت تسووي بي ردت تكتلة يعني وانت لهدرجة غبي ابن غبي ععفت الكون كلة وحطيت راسك وي علي الباقر ولك علي الباقر الله يرحمك ياخوي ..

_ لا تغلط

_ وشسوي تكتلني ؟

_ انت شنو تصير لعلي الباقر

_ ايدة اليمين ورجلة اليمين وعينه اليمين وكلشي لعلي الباقر انا

_ اهاا

_ نضراتك عني اذا جاي تفكر تضرني لتكسرة ف خلها براسك لو امرين يموت بذات نفسة علي الباقر مينكسر ..
كمل الچاي انت انا اتاخرت واختنكت من ريحه بيتك الجرذوون ما يعيش بييي رش ماي ورد معطر شيييي

مــــع الــسـلامـــة

تركتة وطلعـــت صعدت سيارتي وطلعت اسلاحي طلعت منة الطلغة الي سحبتها ..
ودزيت رسالة لعلي الباقر طمنتة رغم انا مجنت مرتاح الة لان ابو طبع النكس ميغير طبعة
وهذا نكس ابن نكس مايتغير لو هارون الرشيد يجي بذذات نفسة .
بس خليت انتباهي يمة ما باغي شي باجر العرس
وبعده بيومين محكمة آمرين والله يغدم الي بية الخير

واني راجع للمحل فتحت التلفون واني اسوغ ولكيت وَهج الطف ناشرة صورتها واتساب ..

واني حسيييت واحد شال صطل جمر وشمرة على روحي كمت اشهك بحرارة وحررريت حيل لدرجة كمت اعرك رددييتت علــى الستوري بكلمات هادئة بس انا مشتعل

_ هااي شنو ناشرة باباتي ميصييير صورتچ هااي عرض ولج هاي بيها دم لو واحد ماخذذها وناشرها امسسحي بسررعة ولا تكليلي واتساب ومحد يشوف استري علينا وامسحي ..

طلعلي صح واحد واني جمرررتتت شنييي ما فاتحة نت شنيي صورتها راح تبغى هيچي لمن حضرتها تفتح
ضليت اتحركص بمكانييي رحت للمحل وحاولت اتجاهل واكول اني شعلية
بس شلون شعلية هاااي بت عميي عرضي انا العلية بيها مثل ماهي علوية انا سيد ما دام الدم نفس الدم يمشي بدمنا هاي هيه غصب عليها الي حغ عليها ..

لمن ردت اطلع واروح الها اتراجعت اتذكرت ان هية مو لوحدها بالبيت اثكل اصفاد الحغ اثكل واكعد عدها اخوان وعدها دنيا كاملة هية راح نحاسبها معلية اني هاي ههي معلليييك انتة اكعد واستچن ويين السجلات خليني الهي روحي فد شغلة
واني شعليية خليها تنشر الي يعجبها طبها مرض قابل تخصني لااا معلية انااا ..

< مَــــشــهِـــد >

"" ام البنين '"

الليلة اخر لليلة الي كَـــ بنت عزباء جنا نجهز اروحنا حتـى نروح لبيت خالي عبد الحسن لان الحنة راح تصير هناك
سمعت الباب يندك بصورة مخبلة الباب جان راح ينخلع

ركضتلي امي من المطبخ مخترعة واني انضف بالصالة واردفت

فاطمة الزهراء :: اسم الله الزهرة هاذا منهو چاااي ؟

بنين :: رايحة اشوف

_ اووكفي وين رايحةة كلبي راح يوكف خلينا نتصل بواحد من الزلم هم يجون اوكفي لا تطلعين

_ يمة شبيجج هاي وانتي عمة السادة وخريي انااا ام البنين منو يعني بالبيت اكسرة هوة واهلة تربيتج وخري

_ ام البنين اوكفي

وخرت عن امي وطلعت لشارع وصيحتت

_ ايييي ايييي جايييينن لا نايمين ورة الباب ولا نحن مانريد بابنة اذا نكسسرر انت تجيب النا واحد ؟؟؟

وسمعت صوت رد من. ورة الباب بصوت زمجرة
وجان الصووت مو غريب عليه اول ما سمعت فتحت الباب

المعتز بالله :: افتحييييي لا اكسرة عليكم

_ اعزيز ؟

عتني من ايدي واردف بنتر

_ وهج الطف وينها ؟

_ اخخ ايدي وخررر

_ جااوبببيينـي وهج الطف وينهاا ؟؟

_ فووك بغرفتها وين يعنـي ..

دفعني حيل وطب لفوك مادري شلون سديت باب الشارع الي اذكرة ركضت ورة المعتز باالله لان شفتة شلون معصب واجج ناار جاان بوقتها حييل
دخل للصالة وامي اتلكته وهو اصلن ما اهتم لوجود امي
وصعد يركض الدرج صعدنا انا وامي وراه وفتح باب غرفة وهج الطف ودرعم عليها ونحن ما فاهمين شي
لاحضت شلون وهج فزت من مكانها اول مشافتة جانت تقرأ بكتاب وعلى دخولية المعتز باالله الها وكع الكتاب من. ايدها واول ما راد المعتز يتقدم لـــ وهج الطف امي لزمتة من ايدي وهوة ما سكت المسودن كعد يصيح
وحسيت البيت انرج من صياحة وحدت صووتة ..

وهج الطف :: شكو ؟

المعتز بالله :: وتسالييين شكووو بعدج ما تعرفين شنو مسووية ؟؟

فاطمة الزهراء :: اعزيز اهدة وخلينا نفهم اخيتك شنو مسوية؟

_ اسأاليها اسأليها لست الحسن واهي تشرفج شنو مسوية

وهج الطف :: وروحه لامي ممسوية شي عمة

_ لااااا تحلفييين لا تحلفين لا الصمج على حلكج والكافل زينب لا تخليني افصم عليك

وهج الطف :: اااههه

فاطمة الزهراء :: هيييي اررجععع لغاااد دير بالك تحااول ولو يطر ببالك تفكر تمس شعرة من البنات اكسر ايديك احذرك اعزيز ..

بعد ما اترفز معتز حييل اتقدم وراد يضرب وهج الطف بس امي اتلاحكت الموقف ودفعته بعيد عنها ووهج وكعت تبجي لان هية هلكبرها تبجي من اكللها ولج مو ادور وي هيج موقف خاافت حيل وصارت ترجف وتحط ايدها على اذانتها وتصيح ..

_ لااا تكتلني لااا تكتلنييي الله يخليييك انييي بنت اخووك لا تكتلنييي البشيير كول اله لا يكتلني اني اختك اختك انييي ابوس ايدك ..

صار الموقف هندس يمنا وثلاثتنا اتفاجانا من حالت
وهج الطف شنو هذا الجاي تكولة ؟ ليش صار بيها هيج لمن شافت المعتز بالله يريد يضربها احس مثل النوبة واجتها صارت تبجي وتصرخ وتعيد نفس الحجي الي ما فهمنا منة شي طلعت روحة المعتز بالله راح لين يمها ولزمها حيل من اثنين ادياتها وكومها وكام يصيح بوجها ..

_ هووو انت منو يمج منو يريد يكتلج لا تضلين تمسلتين لا ارجعج لعقلج هسسة ..

وهج الطف :: اخخخ اخخ دا تآذيني

_ احجييي شلمالج لا تضلين تسوووين وياي هااي السوالف ..

فاطمة الزهراء :: رااح تكتل بنتييي وخر لغااد دير بالك تكرب الها روح اطلع اطلعع اعزيز

_ ماررراح اطلع

بنين :: اعزيز لخاطري اطلع باع حالتها شلون صاارت

_ انطيني تلفونها

بنين :: هااك بس اطلعع

اخذ المعتز باالله تلفون وهج الطف وطلع برة وامي حضنت وهجهج وصارت تهدي بيها اول مرة اشوف وهج بهاذي الحالة الرجفة الجانت ترجفها هستيرية مو طبيعية ابد قنعت امي تطلع تشوف المعتز باالله واني ابقى يمها

وصدك طلعت امي واني رحت كعدت بالكاع كدام وهجهج ولزمت ايديها الجانن ينكثن رفعتهن وبستهن
ورجعت حطيت ايدي على خدها وصرت اللعب بشعرها

واردفت بصوت نااصي وحاولت اخلي دافي ردت ارجع احسسها بالامان لان شكلها اخترعت من المعتز باالله

_ حبيبتي وهوجة ؟؟

_ هااذا الوحييد ورراح من ايدي يرروح !!! انمرد كلبي مررد كلبي شلونن هيج يريد يمد ايدة علية وعلمود شنو
انا وهج الطف لك نسسى حتى روحة ..

_ وهجة انت بعدج متعرفي المعتز باالله ولج هذا مسوودن انا اساليني عليه شابعة كتل منة روحي اسالي طيبات علية ولج هذا اذا انطبك الاحمر على الازرك براسه والله ما استبعد حتى امة يبسطها مسوودن وعندج الحساب ..

_ ماريد اعرفة ولا اريد منة شي ولا يحاول يحجي وياي ولا يتقرب مني خلليي يبقئ بعيد عني مااريدنة

_ اسالج سؤال ؟

عدلت كعدتها ومسحت ادموعها واردفت وياي

_ شنو اسئلي ..

_ تجاوبيني بصرحة موو

_ ان شاءالله

_ انا شنو بالمثابة الج ؟

_ اهه انت اختي وحبيبة روحي وتوأمي وكلشي الي والله العظيم انتم كل عائلتي ..

_ حلو دام انا كل هذني يعني تثقين بية وتطيني سرج مو

_ اكييدد

_ زيين سولفيلي يلا

_ شسولف ؟

_ ليش كطعتي روحج هيجي بالبجي بس لان المعتز باالله زعل منج وراد يضربج

_ بنانة تعرفي انا ممتعودة على هاي التصرفاات من وين لوين انا تنمد ايد علية لو يصيح علية بس هوة مستقوي لان البشير قيصر مو هنانة

_ ايدي على راسج والنبـي محاسبج

_ اهههه شنوو ؟

_ تحبين المعتز باالله ؟

_ لاااا ويني وين احب هلمسودن على كولتج

_ لااا لاتجذبين عليه وهج اصلاً نحن نموو على هيج نوعيات عصبي وميتحمل ..

_ انتن موو انا

_ چا شنو تردين اذا المعتز بالله مو عاجبج

_ بنانة هذا مو قياساتي موو ثوبي من ثاني يوم اطلك وياه ما نطول

_ ههههههه والله على الشفتة هسة يا من ثاني يوم هوواي بعد ساعه بسس

_ مسودن والله محد راح تتحملة وراح يبقى لوحدة هيجي خلييي خلييي

_ لاا يختييي لا تخافين على الزلم خوفج على روحج هسسة يومين وتلكين طايح على وحدة وحك علي تشوفلج اذنوبة حسناات ..

_ تتخيلين المعتز يحب ؟

_ هااا شكوو مو عساس مو قياساتج شكو تسالين عليه ؟

_ تررى سؤال عاادي شمالج

_ لا حبيبي هذا السؤال الة الف باب وباب واني هسة كمت اشم ريحة غيرة

_ عليمن اغاار على هذاااا

_ اييي على هذا

_ وعووو على شنو اغار بالضبط اشو لا جمال ولا شهادة ولا ثقافة ولا حتى اخلاق السانة زفر

_كلهن صحيح بسس الجمال لااا مو وياج لا تجذبين المعتز بالله صااك هاي بعده عشرين سنة وهيج الله يستر اذا كبر وسمن شوي وعلي يصير يطك بالكاع

_ مقتنعة بكلامج ؟

_ انجبيييي انجبيييي انتيي مقتنعة اصلا انت تحجين وما متاكدة من روحج ..

_ اااخخخ

_ اسم الله كومي على كيفج شبلاج ؟

_ مدري اضن رجلي التوت

_ تعالي اكعدي اهنانة امرغها الج شوي

_ تمام يروحي

_ جهزي روحج اليوم ندك ونركص مااريد التواء ولا شي اريدكم صاااح سليم

_ هههههه لا لتخافين جاهزيين ندك ونركصلج

_ حتى اذا انتن مالجن خلك خلنها عليه

_ ولج وين اكو عرروس تركص

_ انااا

_ والله راح يكولن عليج

قاطعت كلامها وكلت ..

_ عااادي عااديي شيردن يحجن خلهن يلغن ياخذن سيئاتي يسولي فضل اصلا

_ بس حبيبي ميصير

_ ليششش يمةة ميصييرر فررحانة بعرررسي ما صدكت على الله اخذت معشوقي وتكلليلي ميصير لااا اشو كلشي يصييير وبدل العرس الا اسوي العرس ثلاث ليالي

_ تكولين على المعتز بالله مسودن وطلعتي انت مسودنة

_ جربي تحبين واحد من كلبج وروحج وكلشي بيج يمة وتعيشين علية ووشوفي شنو تسوين بالعرس مثليي وزووود

_ الي سمعته انت وعلي الهادي من الطفولة صح ؟

_ اييي جنت انا يمهم دووم وجان دوم يطردني يكلي يلا روحي لهلج كبرنا وصار هوة اهلي وراح اروح الة ..

_ لكك عيينييي شنوو هاييي سويتيلي واهس احب وهيج اصير هايمة

_ حبي انصحج تحبي الحب يجنن وي الشخص الي يجنن

_ اووف اكو حب بس ماكو مثل علي الهادي

_ هههههه لا اكووو انت بس افتحي عيونج عدل وراح تشوفي كدامج

_ منو ؟

_ ماعرف افتحي عيونج وانتبهي علئ اقل تفصيل يصير وياج وانت راح تلكي الشخص اليجنن

_ انت شايفة شي انا مو شايفتة ؟

_ راح اساعدج باعو اكو من يحبج وهاايم بيج ويبدي أسمة ب الالف ..

_ منو ب الالف ؟؟

_ لاااا الالف مضيف وي ال التعريف
اول حرف من اسمة ميم

_ اكووووللل روووحيييي جهززي روحجج وحضري شلون رااح تركصي وتهوسي وعوفيينييي انا

_ ههههههههه امبين عرفتي

_ روحيي برررة رووحييي

_ ابقيي يلا وارتااحي ..

عفت وهج الطف وطلعت لكيت امي كاعدة وي المعتز باالله عفتهم ورحت لغرفتي ..

"" المعتز بالله ""

مدري شنو صابني تخبلت فرد مرة من شفت وهج الطف ناشرة روحها ورحت الها بسرعة وبعد الصار طلعت للهول وبيدي التلفون شلتة وركعته بالكاع خليته يصير وذر وكعدت واني اهز رجلي من العصبية والتوتر الصابني من وره هاي الطفلة ..

اجتي عمتي وكعدت يمي وحطت ايدها على متني واردفت

_ المن هاي العصبية كلها ترى ميصير هيج هذا كلة مررض الك حبيبي انتة ابني

_ مادري فقدت اعصابي

_ ما انت دوم هيج ليش اعزيز انت شوكت جنت هادئ ؟؟

_ ايي انتم لا تسو شي يزعلني وانا ماراح اعصب

_ هاااا وللك ونحن شمسوين ؟

_ هااي ابسط مثال كدامج وهج كاعدة وتنشر بروحة يعني هذن بناتج مايكعدن ويستجنن هااا ما يكعدن ويكضبن كاعهن ويخلن النفس راضيه عليهن ؟

_ وهسة انت مولع البيت وكسرت تلفونها علمود هاااي

_ وليش هايي هييينة ؟؟؟؟

_ ترى ابنيتي اجت واخذت رئي واني عجبتني وكتلها انشريها

_ استتتلللممم اريدها من الجبيرة تطلع الجبيرة هي المحتاجة من يعلمها

_ ولللككك عمتك اناا لا تنسى روحك وياي

_ لا والله يا فطييم اعذرينيي اذا طلعتي هيج راح تصفين وياهن بالنسبة الي

_ تعااال ولك وين رايح

_ انتن صكارجن بس عبد الحسن يجي واني اعلمجن

_ ولكك اعززيززز

عفتها وطلعت صعدت سيارتي و مريت على حامِد المتقين اخذتة ورحنا لاصفاد الحق اخذنا ورحنا طلعنا للمول حتى نشتري للعرس ما بقئ شي باااجر
واليوم حفلة وداع الاعزوبية ف لازم هم نشتري لليوم

وكعدنا نفتر من محل لمحل ومعاجبنا شيي ابد شغلهم مدري شلونة ..

بس حاولنا نقنع ارواحنا وهم صارت سوالف العرسان علينا يععني بدلت العرسان الاثثنين زُبير و علي الهادي نحن لازم نشتريها ..

كعدنا نشوف شنو يوالم زُبير وشنو يمشي وي علي الهادي

واختارينا الهن اوتفت لو يكضو عمرهم بعرض الازياء ما يختارون مثلة هههههههه

جانت هاي الفرحة الجبيرة النا كل ضحكة بذاك اليوم جانت حقيقية كلشي جان حقيقي كل شعورنا جان حقيقي اول مرة اسمع ضحكااات من اخواني صددك ضحكاات طالعة من نص كلبهم ..

والبيت من يوم الخطوبة وهوة مو هاادئ ابد عاج عج بالفرح ..
وجنا منريد العررس يخلص لان تعودنا ونعرف اذا خلص العرس يخلص كلشي وياه ويبقى بس ذكرياات

نذكرها ونبتسم ابتسامة فاقدة للامل ومع الابتسامة توكع الدمعة ... ... ...

----------------------

"" رُقيـــة الــاكـــبر ""

طلعت العلوية من المستشفى بخير وسلامـــة ورجعت لدارها ومطرحها ..

وعلي الباقر راح واطمن علــى آمرين وجان متأمل خير بالمحكمة ويفكر ان راح يخلص كلشي ويرجع كلشي لمكانة الصحيح .

وطيبة الزهراء الجان بالها يم الرجال اليريد يشوفها مراهقتها جانت تطغى عليها ومتكدر تسيطر على روحها رغم هية جانت تعرف ان هلشي غلط وراح تصير مصيبة اذا عرفو واحد من اهلها باختصار اذا عرف المعتز باالله يدفنها وهي عايشة بس بقت تفكر شلون تروحلة ..

بالوقت نفسة جان اكو من يشيل هم اكبر من هم الحمل
وهي لينا الجان ممرتاحة ابد وجانت تريد تكول كلشي لعلي السجاد بس الخوف جان يخليها تتردد وكذالك
تتذكر ابوها وشنو يكدر يسوي بدونها او بوجودها راح يسوي كلشي يطلع بيدة
هذا جان السبب الرئيسي لسكوتها ..

بالجهة الثانية غدير الله الكملت شهرها الثالث وجان انمار يحسب يوم يوم خاطر ياخذها ويسافر ليبتعد عن كلشي وجان مفكر بهاي الحركة حتى اذا انكشفو ما ينضر وما يخلي غدير تعوفه لانهم بالخارج ..
وغدير الجانت يوم عن البعدة تتعلق اكثر بانمار وبتصرفاته وياها واتعودت علية حيل واول مرة بتاريخ زواجهم يمر ثلاث ايام وغيمة ما رايحة لهلها باقية بالبيت وي انمار .
ورجعت اجتهم بالحنة ..

ماكو شي اسمة اخوة وافديك. بروحي لابد من يصير غدر
لا بد من تصير نفحة خفيفة لكن اثرها جبير ..
الي هو بيوم كال لاخوة
< اذا هم عغارب انااا انفطمت وي سم العرابيد >

ورجع وكال له
< واني شنو عندي غيرك افديك بروحي وعلي >

جال علية الوقت وخااان وليش المفاجاه
هو الوفي هم خان چا المكبرة مو دفنت الدفان

وآريج الله الهادئة التحسها العالم بصوب وهية بصوب دخل عليها علي الباقر ..
للغرفة

---------------------

"" علي الباقر ""

بعد ما جهز البيت كلة تحضيرات للحنة وانا اطمنت على امي رجعت عافيتها

ضيعت آريجة صعدت لغرفتها ودكيت الباب ومن سمعت ادخل فتحت الباب ودخلت لكيتها كاعدة على الكرسي
ودايرة وجهة عني بقيت اباوع عليها وانتجيت على الباب وصحت...

_ هيووو نحنن هناااا

دارت الكرسي وصارت كدامي ولكيتها لابسة بدلة عسكرية امرقطة ولابسة وياها نقابها ..
بقيت صافن عليها للمعلومة : جدتي زوجة جدي الثاني ابو جدي احمد الي هوة جدي صادق زوجتة الثانية جدتي جانت من كندا ف جانت هية بذاك الوقت لوحة لجمال واتخيلو صار عدهم جدي احمد واخوانة واتزوج جدي احمد وصار عندة ولد واتزوجو هلولد ومنهم ابوي وصار عدهم ولد ومن ولد ابووي
اريجة الوحيدة بينا الي طلعت صووورة متصوورة من جدتي الكندية صورة متصورة .
وكذالك اريجة عيونها رصاصي شنو تلبس تصير عيونها بلون الي لابسته :
ولان جانت لابسة بدلة خضرة عيونها جانن يضون خضر .

بعد ماا شفتها بهاي الهيئة ضحكت واردفت ..

_ ههههههه ها ولج عسكوووريي ؟؟

_ حلووة ؟

_ المن هاي ؟

_ توني كملتها خيطتها للبشير قيصر

_ هاا وتصممين بس للبشير خوش خوش

_ تدلل علية انت التريدة اسوي الك وكلة على مزاجك

_ يانحري وصمام كلبي

_ هسة كلي حلوة

_ تخبل بس من يكول بقياس البشير ؟

_ لصراحة ساعدوني شبر و شبير جابولي قياس ابوهم

_ هههههههه ولا يكعدو راحة المشاغبين

_ دام انت كلت حلوة هاي ههي راح اضمها هسة لمن يرجع ياالله انطي اله

_ ايي ينحــري

_ ابدل واجيك

_ لا يصمام كلبي

_ هاا حبيبي

_ اني طالع واجيت اشوفج لان ضيعتج

_ يابعد روح اختك

_ بالج لنفسج رايح انا

_ محاوطتك من عين الشر يابعد روحي

_ نحـــري ..

تركت اريج الله ونزلت واني بصالة لكيتم كلهم كاعدين بصالة امي وام المعتز وطيبات ورحمة و غديرة
رحت وبست غديرة من راسها ونزلت بستها من اخدودها وطلعت توجهت لبيت رههف
لان روحي جانت ملهوفة على شوفة مجد حبيب روحي .
بعد ما دخلت وكعدت يمهم واخذت الاعب بطفلي ..

رههف :: يعني هسسة صدك باجر تريدني احضر العرس ؟

_ وليش حتى ما تحضرين شنو انت مو مرتي .

_ يعني راح تكول لهلك ؟

_ لااا بس انت دامج مرتي حتى لو محد يدري بيج تحضرين

_ على اي اساس اروح لهناك لا تخبلني علي الباقر

_ على اساس ان انت صديقة غديرة

_ ها ههيج !!

_ ايي هيج

_ وشنو الي يمنعك باجر تكللهم ونمشي كلشي

_ رههفة لا تعيشين اللحضة وتنسين روحج ليش لازم بكل مرة اذكرج واعيد نفس الحجي ؟

_ لعد ليش باقي وياي اذا متريدني

_ رهف شمالج انكلبتي علية شكووو من البداية نعرف زواجنا على اساس شنو صار وعلى يا مبدأ ترى لو ما اخاف من الحرام جان اصلن ما فكرت اتزوجج ..

_ حرام كتلي ..

_ تعااي وين كايمة ؟

_ اشووف شنو البس باجر لان اذا بقيت هنا يمكن بهاي الساعة اطلك .

_ استغفر الله

تركتني رههف وصعدت لفوك واني بقيت اناغي بمجد والاعبة حيل ..
وما نتبهت على الوقت شلون رااح ما حسيت بشي يمة الا ولكيت اصفاد يتصل علية جاوبتة

_ ها صفصف

_ علي الباقر وين انت

_ موجود ليش صاير شي ؟

_ اييي احنا كلنا مجتمعين هنا وانت مموجود نسييت نريد نحتفل بالولد

_ وين سويتو الجمعة ؟

_ ابيت عمي الحسن المجتبـى المعتز باالله فتحة النا

_ تمام ساعة واصير يمكم .

_ ننتضرك

_ مـــع الســلامة ..

سديت التلفون وبقيت اباوع لابني الي صار جبير ويفهم وكالي من شافني سديت التلفون ..

مجد :: لاح تلوح ؟

_ للللكك الوووح فدوووة الكك اناا يابعد نحرري

_ بعد اريد اللعب وياك !!

_ ما اتاخر يصمام كلبي طلعتلي شغلة صغيرونة اخلصها واجيك ..

_ تنام وياي اليوم ؟

_ اكييد يلووحييي اذا انت تريدني انام انام وانا الممنون

_ يمتا نجي ؟؟

_ بعد اشووي اجيك يلا هسة انت اللعب ولا تخلي هذن بحلكك ااييع ووسخ تمام بس اللعب بيهن يلا يصمام كلبي يابعد نحرييي وروححيي ..

وخرت مجد عن حضني ونزلتة للكاع .
وردت اطلع اجت رههف تسد الباب وراي ..

_ بالج على نفسج وعلى مجد اذا صار اي شي البيبان تنقفل وتاخذين تلفونج تتصلين عليه خووش

_ انا مو سمعتك تكول لمجد راح تنام هنا ؟

_ اييي منا لمن اجي الله كريم

_ زين هسة انت ياعمري وين رايح ؟

_ نسيتي اليوم حنة اخويي وصديقنا مسويلهم حفلــة ف رايح الهم ..

_ تمام ينضر عيني

_ يلا بالج لنفسج

_ لا توصي حبيبي انت بالك لنفسك

_ استودعتج الله

عفتها وطلعت ولان ادري بالخرط الراح يسوو بالحفلة لا جوي ولا اجوائي بس اخوي مجبور اروح واوكف وياه بفرحتة ..

"" رحمـــة الــزهـــراء ""

اجن نسوان اجوارينا وكذالك صعدت انا لغرفتي لاجهز روحي اخر شي نسوي الحنة اول شي طلبن نركص ونفرح
لمن فتت لغرفتي حتـى البس لبس الحفلة اتصل علية زُبير كامرة ..
ضحككت ولغيتها لان واعدت امي ميصير يشوفني الا ليلة العرس ههههه
رفضت المكالمة واتصلت علية بالواتساب اتصال صوت
ولمن فتحة اردف ..

_ ليش لغيتي الكامرة .

_ احسن

_ مررتي شنو الاحسن افتحي اريد اشوفج

_ لاا امي كالت ميصيير بعد تشوفني لباجر لمن تجي تاخذني هاي ههي

_ شنوو هاي شيسموها عوود ؟

_ امي وحجت حجاية واصلا اذا اجت هسة وشافتني احجي وياك الله يعلم شسوي اتحمل بس اليوم بقت كم ساعة وتشبع مني

_ موو ساعة صاارت اسنين

_ اشو انت تحجي براحتك شنو مرايح وي الشباب ؟

_ لاا هاي جاي ابدل رايح الهم بس مابية واهس ماريد اروح بس لخااطرج راييح

_ ليش متريد ترروح غير عرسك شبيك زُبير صرت واحد منهم وبيهم لاتسوي بينك وبينهم حواجز ..

_ ممسوي حواجز انا بس ماريد منهم شي جنت اريدج وهاي هيه راح اخذج وتنتهي القصة

_ هههههههه يعني انت مصلحة وياهم

_ بالضبط وانت مصلحتي

هنا دخلن عليه آريج الله وغدير الله يشوفني احتاج شي واول ما دخلن صاحت غدير وهية ما منتبه انا دا احجي بالتلفون

غدير الله :: هالليله ليلة عرس الاثنين ليلة ربيع وكمره واللي جمع بين قلبين الله يطول بعمره

سمعت ضحكة زُبير وكال ..

_ امبين الاجواء مولعة عدكم

رديت علية

_ كللش مولعة يلا حبيبي رايحة انا

_ تمام يروحي احبج علويتي

_ وانا هم انتبه لنفسك ..

سديت التلفون وشمرتة وجانت غدير الله حاطة اصبعها بحلكها ومستحية لان عرفت انا جنت احجي وي زبير هههههه
اجت وطكتني على متني

غدير الله :: يمةة اندهررناا واتخزيينا رجلج سمع صوتي هيج مال مخبلة عزة العزاني

_ ماعرفتي تسدي حلكج شوي

اريج الله :: انت شعدج متصلة عليه باجر وتصيري يمة شنو هااي المفلفلات

_ ههههه والله هو اتصل

غدير الله :: حقة يتصل تلكي لهسة ممصدك انت صرتي حرمتة ..

_ صدك بنات ؟

اريج الله :: شنو يروحي ؟

_ انا استاهل هاي الفرحة

غدير الله :: شهلحجي اذا انت متستاهلي هاي الفرحة چا منو يستتاهل ليينـــا الحيــة ؟

_ هههههههههه الا تجيبي طاريها ما ترتاحين

اريج الله :: ما تعوفيين البنت بحالها

غدير الله :: ياا وشعلية بيها انا
يلا يلاا فووتييي بدللييي وخليينا ننزل ونهووس

يلااااا

< هاذي فرحتنا التمام فرحت كل العمام هاي فرحتنا الجبيرة فرحت كل العشيرة >

_ حاامل حاامل كضضي روحججج ..

غدير الله :: شدعيي علييكم ماعرفتو تتزوجون الا هسسة منعتوني من الهووساات

اريج الله :: ام البنين ممقصرة جوة دا تهوس عنج وعني وحتـى عن رحمة الزهراء

_ مخبلة هاي هههههه يلة جا اني فايتة اغير حتى ننزل

اريج الله :: يلة ياحبيبة فوتي غير وانا هنا اذا حتاجيتي شي ناديني افوت الج

_ تمام يروحي

دخلت لبست البدلة الي من تصميم اريجة جانت لون سمائي وحيل ناعمة حتى التفاصيل البيها جانت ناعمة وللعلم هاي بدلة الحفلة وجنة مخلين بدلة للحنة ..
حطيت مكياج وسويت شعري عدلتة ونزلنا ..
وبعد ما بدت الهوسة والــ Dj متولع بالمواليد

انطفت صوت المواليد وصاحت عمتي فاطمة الزهراء
تهوس بس تحجي وي العلوية ..

فاطمة الزهراء :: ياخيتي كوومي و فررشي مدتج باجر تجيج چنتج

وهم ام البنين الجانت ماخذة صفحة كاملة الها تهوس وي البنات وتصييح عود هاي الهادئة الجان ما ينسمع صوتها
كامت تصيح

أم البنين :: والله لأعوف المؤمنة وبعررسي اصير مسودنة

يااااللللهههه هم عرريس هم دكتور هم جدةة رسوول الله

والله لأعوف المؤمنة وبعررسي اصير مسودنة

هذا الردتة وهاذا التمنيتة ابن السيد صار فوك راسي خيمةة ..

حييل ضحكنة هوواي بذاك اليوم وجانت فرحتنا حقيقية
جنت اتمنى اهل زبير ناس زينين ويحضرون ويانه حسيت زبير رغم هو فرحاان بية حيل بس اكو جانب زعلان على اهلة
وصاحت وحدة من النسوان وهوست وي العلوية ..

_ عفيية علييج ياا ام الهادي وين حصلتيهاا ام البنين احلا حمامة شلوون صدتيها

عفيية علييج ياا ام الهادي وين حصلتيهاا ام البنين احلا حمامة شلوون صدتيها

ضلت تضحك ام البنين وصاحت ..

ام البنين :: اييي والله شلون صاداني ابنج ..

ورجعت مرة ثانية من الجيران اجت وكفت يمي ولزمتني من حنجي وهوست ..

_ جبناها الة من البصرة حليوة وعيونها كبار..
.
زُبير اخذ الرادته وعايف بنات ولايته..

وسمعت صوت ام البنين تصيح

أم البنين :: يلة يلةة هم عريس هم سيد هم اخوانة يزفونة
واني وياه واتمناه وهوة بحبي خيعوونة

واجت وكملتها طيبة اختي من هوست وبدت تركص وي البنات وغديرر الله من سمعت هوسة طيبات بدت تضحك وتصيح اي والله

طيبة الزهراء :: يلة بناتتت بلةة نصيح سووة

( بنت عمتنة نريدها تصير جنتنه
منريد الغريبه دوس عتبتنة )

غدير الله :: هلاااااا ايييي والللههه منرريد الغريبة ادووس عتبتنا

بقــى البيــت هيج علـى هاي الفرحــة
ولحــد ما صاارت الساعة ..

______________________

__ حتى قلبي داري أنك توهمه

يـــــتـــــبـــع ←

حبايبــي انتم انتهــى البارت هذا

صلو على محمد وال بيت محمد

لا تنسون التصويت والمتابعة والتعليق ورئيكم بالبارت وتوقعاتكم للجاي

قناة الابطال بالتلكرام

وهذا حسابي الانستا

احــــبكم والسســـلام 💗✨