رواية احفاد السيد : الثار ( بأجزائها الإثنين ) الفصل الثاني والعشرون 22 - بقلم ​رُقَـيَّـةُ الْأَكْـبَـرُ

#أحـــفاد_السيـد_الثــأر
بــقــلم الــكـاتبـة ( رُقـــيـــة الـأكـــبـر )

لا تنسـون التصويت أول شي
ومتابعة لحسابي oo_ll13
وتعليــق أبيــن الفقـرات لطــفاً

__ ثقل ميزانــك بذكــر الله

_ سبحان الله
_ الحــمد لله
_ لا اله الا الله
_ الله وأكـــبر
_ لا حول ولا قوة الا باالله
_ سُبحان الله العضيم
_ سُبحان الله وبحمدة
_ أستغفر الله واتوب اليه
_ اللهم صل على محمد وال محمد

__ البـــارت 37

__ خذها بالعسكرية
"" خذي عيوني الچ ميدان وآنا احجز لعيونچ سرية ""

__ اصبحت زوجتـي واصبحنــا للنـــاس
" ايــديــها تــداوي و يداي تحـــمي ""

°°°°°°°°°°°°°°°°°°♪°°°°°°°°°°°°°°°°°°°°

"" رحـــمــة الزهــراء ""

بعـد ما انتهـى العرس اجت امي دخلتنـي لغرفتـي وعمي دخل زبير علية وللعلم زبير ما شايفني من الصبح من اخذاني من الصالون وجهي متغطي ولمن اجة وطلعني من القاعة كذالك وجهي متغطي ..

وكف عمي كدامي واخذ بادينا واردف ويانة ..

عبد الحسن :: هسة انتم زوج وزوجة يعني جسدين بروح وحدة جاي تعيشون خليكم بلسم لجروح بعض كل بيت يصير بية مشاكل بس خليكم اقوة منها مو من اول مشكلة وخلص انا مليت لا تخلون هذا الفكر يجي على راسكم بوية شيخة بعد انت شيخة ما تتوصين انت هسة مو مثل قبل ابيت اهلج ومنطية كل وقتج للمستشفى هسة هذا البيت كلة الج وبمسؤليتج راح يروح زبير وهوة مأمن عندة ذيبة بالبيت تحمي بيتة وتحمي اولادة وتطلعهم جواهر بالتربية ..
وانت كدها يا روح عمج وضحـككـة ابوج ..

اخذني لحضنــة وبدة يبجــي مسح ادموعة وباسني براسـي ورجع باوع لــ زبير
واردف وياه

_ لا تفكر ابوها ميت وتستقوي عليها خلي برراسك انا وراها و وياي 11 سيد اخوتها وياي يعني ما نخليك تحجي حرف واحد وياها ..احنا هسة فضلنا عليك ونطيناك شيخة العلويات لسادة احمد الصادق ..
راعيها راعيها تستاهل...

زبير :: روحي من الدنيا هية من الساعة الشفتها بيها صارت امي وابوي وكل عائلتي اكسر خاطري وما اكسر خاطرها لا توصي عمي على روحي

_ الله يوفقكم ان شاءالله ويرزقنا من زواجكم الطاهر هذا الذرية الصالحة .

زبير :: الله يسمع منك

رحمة الزهراء :: امين ..

_ نخليكم وقبل كُلشي صلو ركُعتين شكر لله ..

رحمة الزهراء :: لا توصي بوية كل كلامك ترجية بأذني وجنا حنسوي هيج من قبل لا تكللنا الشكر قليل كدام فضل الله علينة ..

_ خوش بوية تصبحون على الخير والولاية ..

طلع عمي ورادت امي تبقى وياي بالبيت خوف عليه خاف احتاج شي او شيات بس عمي منعها واخذها وياه واخذ البنات وراح ..
راح زبير وقفل الباب واجة وكف يمي ورفع الغطة عن وجهي ومن بعد يومين كدر يشوفني ههههه
صفن بوجهي واردف ..

_ اللهم صل على سيدنا محمد
ع

يني اذا نضرت لحسنج سبحت سبحانة من خلق الجمال وجملج ..
تنازل الجمال عن الجمال لجمالچ

فزاد جمالج على الجمال جمالاً
م

و شرط السحر تسويلي عند ام عباس

السحر هسة سويتي الي بعيونج ..

ضحكت ودنكت حيل مستحيية رفع راسي بيدة وابتسم وعيونة. جانت حيل مدمعة لمن انحنى كدام ودنكت لزمتة ورفعتة لكيت ادموعة تنزل علي خدة واردف وياي

_ زبير واهل زبير وعشيرة زبير جوة رجلج انت هسة كل املاكي كلشي الي انت رحمة لا تعوفيني بيوم لا تفكرين والله حتى اذا بيوم غلطتي بحقي انا الاسف بس لا تخلين فكرة توخرين عني براسج

_ زبير زبير انا هسة مرتك ليش هلدموع يروح كلبي انت مراح اعوفك ولا افكر بالفراك اصلا الي راح افكر بية منا وغاد هوة شلون احافظ عليك واهتم بيك وبيتي وشلون اجيب الطفل الي يشيل اسمك ويرفع راسك وتضل فخور بية مثل ماهو راح يكون فخوور لان حصل اب مثلك ..

بقى صافن علية حسيتة جان يتدارك الكلام الي حجيتة. وياه سحبني من ايدي وحضني حيل من قوة حضنتة حسيتة دخلني جوة اضلوعه ..
وبده يسجي بدموعة وخرت عنة ومسحت ادموعه وبست اعيونه واردفت وياه ..

_ خلينا هسة نصلي رُكعتين حتى نتبارك اكثر ..

_ ماعرف اصلي صلاتكم ؟

_ ومنو كال اريدك تصلي صلاتي صلي صلاتكم انتم

_ صلاة السنة ؟

_ ايي صلاتكم ليش كم صلاة عدكم

_ لا هية بس وحدة

_ جا بعد شمالك هية صلي صلاتك واني صلاتي ..

_ يعني ما ترديني استشيع ؟

_ دام عمي عرف بيك سني وسكت عنك منو انا لاطلب منك تتشيع ؟
لكم دينكم ولنا ديننا ما اطلب منك هيج شي اريدك انت لوحدك تبحث عن ديني وتشوفة وتتعمق بيه و بأراتك تريد تتشيع من ايمان قوي او لا .. ماريدك تولاي الامام بس لانك تزوجت علوية ..

_ يااربييي شمسويي انا شي ززين حتى ترزقني حب هاي البنت ..

_ هههههه مسويلي سحر انت

_ سحر يخليني احصل وحدة مثل اسوي مليون واحد

_ خلينا نصلي هسة ..

_ دقيقة السجادة برة بالغرفة الثانية اروح اجيبهن واجي ..

_ تمام يروحي انتضرك بس دقيقة عندك تربة ؟ ..

_ لا ما استعملها ف ماحاط بالبيت

_ جا انا اصلي بتربة ؟

_ لازم هية عبارة عن تراب

_ زبير شنو تراب ماصلي بدون تربة ..

_ منين نجيب هسة موجودة بالمحل هية اطلع واشتري الج ؟؟

_ جيب السجادة هسسة

_ ها شلون راح تصلين بدونها ؟

_ لاا من اوصل للسجود ححط ايدي واحط كصتي على ايدي بدل التربة

_ هاي شلج بيها

_ زبيــر

_ لا يعني صددك شلج بيها هسة مربع من تراب تصلون عليه امنت بالله بس شني اذا ماكو تربة تصلين على ايدج ؟

_ لا نحن مخلوقين من ترراب ف كلش عادي تحط ايدك وتسجد اذا مجانت اكو تربة

_ امبين حيل راح انصدم بأشياء وياج !!

_ ومبين حيل راح تضوجنــي

_ ليشش يابة ؟

_ شني ليش ماحب الينرفزني بديني زبير

_ مجاي انرفزج بس اعذريني و الخليفة علي ما اعرف بسوالفكم لهذا جاي استفسر وكتلج راح انصدم

_ تمام ان شاءالله راح تعرف كلشي وياي هسة روح يلة ..

_ تمام يعزيزة كلب زبير ..

راح زبير ليجيب السجادة حتى نصلي واني رحت للحمام حتـى امسح المكياج ..

"" آم البــنــين ""

لمن دخل علينا علي الهادي وراد يطلعني حتى نروح انا وياه للفندق ..
استوقفنا اخواني حتى يودعوني لان لاول مرة بكل عمرهم يرجعون للبيت وانا مموجودة ..

كلهم ودعوني عادي لمن وصل الموضوع يم حامِد المتقين حضنـي حيل وبدة يبجي على متنـي وايدة مخليهة حول ركبتـي جان حاضني بحركة ويبجي ..
جانت امي تحاول تفك ايدة عن ركبتـي حتى علي الهادي ياخذني وهوة جان مستمر واخر شي ابتعد عني واردف ..

حامِد المتقين :: ليـش عودتينة على صوتج وهسة رايحـة عننا ؟ راح اشتاقلج حيل يا اخت روحي يا عرضي وغيرتي يابعد عمر حامد المتقين ورروححةة اسف لان مجنت اكلج احبج بس انا صدك احبج وصدك افراكج هسة بس فكرتة حركتني شلون اذا دخلت البيت وماكو صوتج ولا اكو ضحكاتج ؟؟

علي الهادي :: خوية ما راح اخذها وياي لكوكب عطارد تكدر تجيها باي وقت تريد وتاخذها وياك ..

فاطمة الزهراء :: يمة حامد لا تبجي هيج تفاول على اخيتك مو زين ليله عرسها خليها تروح وي رجلها يلا يمة ..

حامد المتقين :: علي الهادي انا هسة مستودع عندك وحيدتنا وضحكة بيتنا يعني هسة نرجع للبيت نطبلة نلكاه وحشة على غيابها فا بالك عليها وانا اخوك بداعت جدنا احمد ومعزتة بكلبك حتى اذا غلطت وغثتك واني ادري بيها خبلة ومتهورة بتصرفاتها بس بداعت جدنا ومعزتة لا تعصب عليها ولا ترفع صوتك عليها تراهي وعلي ممتعودة ولا واحد بينا جان يصيح عليها لو يضوجها مثل ما نحن جنا نداريها مثل الماي بصينية محلفك بجدك رسول الله حطها بعينك وادري بيك زلمة وكدها .

حسيت كلمات حامد المتقين وشلون جان يحجي ودموعة على خده مثل سجين وتدخل بكلبـي ..
حضنة علي الهادي واردف وياه ..

_ وداعت جدي لا احجي وياها ولا ارفع مستوى صوتي واذا زعلتني لو غثتني وحك مصرع الحُسين اتركها واروح لمن ارتاح واصير بوضعيه تمام ارجع واحجي وياها بهدوء ..

_ اروحلك فدووة انا يابعد اخووك تفداك روحي يالنسيب و صاين العرض ..

فاطمة الزهراء :: يلا علي الهادي يمة تكدر تاخذ عروستك وتروح ..

علي الهادي :: جا وين ابوي ؟

العلوية :: هذيا ابوك يمة

علي الهادي :: ما تريد تبارك ابنك قبل ليروح ؟

عبد الحسن :: تعال لحضني اول شي الله يبارك الك والها الليلة الك وانت تتحكم بيها من هاي الليلة انت تحدد يا باقي لياليكم خير يا تصير سودة عليكم انت تحدد علي الهادي خليك كدها ..

ما فهمت من كلام خالي شي بس من شفت ابتسامة علي الهادي عرفتة انة فهم والمشكلة حتى امي والعلوية بقن يبتسمن ويتلامزن واني بقيت مثل الطرشة بزفتها ..
بعدها اجة لكدامي ححضني وباسني براسي وبقى يباوع النا نحن الاثنين وباوع لسماء وحط ايدة اليمنى على راسي وايدة اليسرى على راس علي الهادي واردف وهوة مغمض عيونة ..

عبد الحسن :: اللَّهُمَّ أعوذ بك من الهم والحزن ومن العجز والكسل ومن البخل والجبن وضلع الدين وغلبة الرجال وأسألك يا كريم أن تجعل يوم زفافهم يومًا مباركًا مليئًا بالخيرات لها و له وأعوذ بك من شر اليوم هذا ومن شر ما قد يأتي بعده أو يُصيبنا بسببه
اللهم احفظهم في بيوتهم وأرزقهم الخير والبركة. يا رب، احفظهم من كل سوء وشر، ووفقهم لما تحبه وترضاه."
اللهم بحق سادتي وائمتي الاثنا عشر اني اتوجهم واستشفع بيهم اليك ان تصب خيرك وتوفيق في هذا يومهم وان تجعل ذريتهم من المواليين لائمتك التي تجعلتهم الوارثين في ارضنا ..
اللهم صلي عليهم كما صليت على محمد وال بيت محمد .

رفع ايدة وابتعد عن طريقنة بدون كلمة منة وصار على صفحة اخذت امي بيدي وصعدتني الصدر ..
وراح علي الهادي وصعد بمكان السائق وطلع بينا ..
ولمن وصلنا الفندق نزل علي الهادي وفتحلي الباب وصعدنا لغرفتنا ..
ولمن غيرنا ملابسنة ورتاحينة كعدت يمة لزم ايدي واردف وياي ..

_ صدك راح عن بالي اسألج هاي شبيها ايدج ؟!

_ ماعرف شلون صار كلشي بلمح البصر انكسر الكلاص
وانشكت ايدي و ادمر البدلة مال عرسنا كلها دم !!

_ وتالي شسويتو ؟!

_ ربك عود احنا اريج مصممة النا بدلة ثانية الي هيه هاي نلبسها بحفلة السابع جابتها الي ولبستها بدل الدمرت

_ وايدج ؟

_ لا هاي مابية شي كدامك

_ متأكدة ؟

_ اي والله رحمة كالت محتاج الها خياط وانا اشوف مالها داعي ..

_ بنيينن انت لا تشوفيين خووش سوي الكالتلج علية محتاج الها خياط باجر نروح ..

_ ميحتاج حتى الوجع راح

_ ترى رحمة دكتور ولا تنسين روحج طالبة ادبي ما اعتب عليج ما تعرفين شي مدام كالت يحتاج يعني يحتتاج بدون نقاش ..

_ هسة انت دا تعايرني لان ادبي اناااا وها انتم الدكاترة العباقرة ؟؟؟

_ شوكت عايرت اناا وعلى شنو اعايرج كل شخص يتفوق بمجالة مثل ما اني ورحمة الزهراء وعلي الرضا تفوقنا بالطب العالم انت هياج متفوقة بالدبي وكل سنة جاي تطلعين الاولى على مدرستج. .

_ عبالييي حسستني ان انا طالبة ادبي مو من مستواك عيني

_ استغفر الله .. عمي الله ياخذني اذا حسستج بهاذا الاحساس ..

_ اششش اسم الله عليك

_ ههه بس صدكك بنانيي باجر نروح ويشوفوها

_ تمام يروحي ههسة اريد انام انا حييل تعبانة ..

_ عمت عين التعب تعاي واشمري كل تعبج علية واخذي كل ضحكة موجودة بية

_ انا الراح انطيك كل ضحكة بية وراح اعيشك كل يوم احلا من الثاني بس اصبر علية ..

_ بس وجودج يمي احلا شي صارلي لج حتى احلا من دفعة القاهرة ههههههه

_ علي الهادي انا المستثنية الوحييدة بحياتك دير بالك ترجع وتقارني بشيء من اشيائك ..

_ هههههههه تدلليين تعالي وناامي يلا .

_ اغير لبسي هذا ما عجبني

_ بسرعة يروحي اذا تأخرتي خمس دقايق تلكيني غافي

_ شايف هذا الماي العد راسك الكلة ثلج

_ شبي

_ وروح ابوي اسبحك بي اذا لكيتك مغمض عيونك ..

_ جا استعجلي انا رجال تعبااان

_ ما اتاخر لا تسبي راسي

_ راح احسبلج ..

عفت علي الهادي ورحت حتى اغير ملابسي واني ممصدكة روحي صرت زوجتة ويمة هاي ههي راح اكضي باقي عمري وياه يا حبذااا يااعمررييي الفرحة جانت مسايعة صدري ومن الخوف خفت لا احسد روححي ..

"" طيبة الزهراء ""

صعدت لغرفتي وغيرت ملابسي ولصراحة خفت على لينا لان كدامي نزفت بشكل مو طبيعي ..
بعد ما سبحت كعدت اقره قرا الها وعلمود سلامتها ..
لمن خلصيت سديت القرآن
واتذكرت كلام غدير الله وي عمي ف كمت من مكاني ورحت
واخذت تلفوني اتصلت على علي الباقر بس جان مغلق !!
رجعت اتصلت على المعتز باالله وهم طلعلي مغلق !!
اتصلت على درية ولمن فتحت الخط ..

_ الو دردر شلونج ؟؟

_ هلا طيباتي بخير انت شلونج

_ عساج دوم

_ خيرج طيبات صاير شي .؟

_ حبيت اسألج عن صيوان اتصلتي علية

_ خية من اخر مرة شفته بالعرس كالي بالج لنفسج انا حروح بشغل وهم طلب مني ما ابقى هنا ارجع وي عمتي واخواتة للعمارة يعني انتضرة هناك ..

_ شغليش هذا راح بية صيوان وعلي الباقر و المعتز باالله واصفاد الحق ..

_ لا تخافين انا واثقة من شغل صيوان كل مرة هيجي ويرجع الحمدالله وحتى انا ههي المرة مرتاحة ..

_ ماعرف والله خية اول مرة اعيش هلشعور

_ دامج وي عسكري لازمي تتعودي علية .

_ ههههههه صدك لازم هيج يلة اخليج ترتاحين

_ لا تفكرين طيبات ونامي ورتاحي

_ ان شاءالله اسفة ازعجتج بتصالي بهلوقت ..

_ انجبي ولج ما بيناتنا .. تصبحين على خير .

_ وانت الخير كلة يروحي بوسيلي صمموود حيل حيل

_ ههههههه تدللين ..

سديت التلفون من يم درية ..
وحطيت راسي على المخدة واني اتامل برجعة علي الباقر بخير
واتامل لينا تكوم بخير وسلامة ونسمع صوت البيبي مالي البيت
وبعدها اتذكرت اجواء العرس
واتذكرت كلام هااي صديقة غدير الله وياي اسمهة رفيف مدري رههف !!!؟ اتذكر لمن اجت يمي واردفت ...

رههف :: ها طيبة الزهراء

_ هلا بيج

_ شكد حجولي بجمالج بس طلع الكلام شي وان لمن شفتج هيج شي ثااني تماماً

_ وليش منو الحاجيلج عن جمالي ؟؟

_ غدير الله

_ اها امبين غديرة مبالغة

_ لا هياج مو كدامي لا مبالغة ولا شي اصلا كلامها لا شيء كدامج بالصدك ..

_ شكرا حبيبتي ..

_ انت مخطوبة متزوجة ؟

ضحكت واردفت وياها ..

_ لا هاي ولا هاي

_ اووف شعجب شكد عمرج انت ؟

_ عمري ¹⁵ ..

_ صددك والله

_ والله

_ ماا اصددك والنبي ضنيتج ²⁴ او ²⁰

_ لا شسالفة لهدرجة يعني

_ ايي والله شكلج هيج يوحي .. الله عليج صدك ¹⁵

_ ممجبورة اجذب عليج ..

_ صحيح ... ءءءء عادي اسألج سؤال ..

_ جواب

_ شلونها علاقتج بعلي الباقر ؟

_ وليش تسألين ؟

_ تحافضين على السر

_ سر شنو ؟

_ انا زوجتة لعلي الباقر ..

_ ............ ............

التزمت السكوت من شده الصدمة الي تعرضت الها والله
ادور طلعت الي صور هية وياه و ابنها !!
بقيت اباوع لعلي الباقر واتمعن بتفاصيلة واكول صدك هذا علي الباقر سويت زوم لصور يمكن الاف المراات على امل الكي ثغرة واكلها هذول الصور جذب !!!
بس ماكو فايدة طفت تلفونها وانا اردفت وياها وعساس ما مهتمة ...

_ صالج شكد متزوجة ؟

_ ثلاث سنوات ..

_ وليش كل هاي المدة علي الباقر لا كايل النا ولا حاجي بيج من شنو خايف ؟

_ ماعرف دائما اكلة خلينا نروح لهلك من حقهم يشوفوني ويشيلةن ابنك بس ميقبل ..

_ هذا الطفل ابن علي الباقر

_ اييي

_ بس ما يشبه علي الباقر ب ولا شي ؟؟

_ يكولون الطفل اذا طلع يشبه ابوة يعني الام تحب الاب اكثر وابني طلع كلة علية هذا دليل ان علي الباقر يموت عليه

_الله يحفضكم ان شاءالله بس الاحسن خليج ورة كلام علي الباقر لحد يعرف بالخصوص اذا هسة وانت لوحدج لا تكولين شي تمام لان الوضع راح يتخرب ..

_ لا اكيد واني شعندي غير السيد امشي بأمرة وشورة وهو هيج يحبني لان يسمع مني بس حاضر و صار و تدلل

_ الله يخليكم ويوفقكم سوة انا لازم اروح يم اختي هسة ..

عفتها ورحت جان هذا محور كلامي وياها واني حاطة راسي على المخدة اكول معقولة معقولة علي الباقر يتزووج
زين ليش بالسر ؟؟؟ هاي هنااا كلهم منتضرين على ناار يفرحون بية يردونة بس ياشر بيدة حتى يركضون ويخطبون اله الي يريدها وهوة كاعد يتمعشك ويتزوج بالسر ؟؟

صدك يحجي هذا ولا انا الثولة الي شايلة همة وافكر بية من طاح حضي وحظ حضي وياي ..
عندة مرة وابن واني شاغلة بالي بية ؟
خلي مرتة تشغل راسها بي ..

باوعت لساعة لكيتها ب 54 : 3 ص
والبيت هسة فارغ وبعدة سواد اليل مستمر ما نكشف لونة حطيت الشال على راسي وهاي المرة اختاريت اطلع من الباب الخلفي الي صاير بالبراني ..

البيت كلهم وي لينا . بس علي الرضا نايم فوك واريج الله وغدير الله كذالك نايمات وامي نايمة .. قفلت غرفتي حتى اوحي الهم انا نايمة وقافلة علية ..

ورحت اخذت نسخة الثانية من مفاتيح البيت ومن مفاتيح باب البراني و طلعت .. رحت للخرابة لان انا سمعت منة كال باي وقت تجيني راح تلكيني بية ..
اول ما دخلت الها لكيتة نايم !! رفعت صايتي .. سويتها عدل عن الكاع وشمرت شالي لورة ..

واتقربت منة اول ما رددتت ما سويت شي انا بس ردتت احط ايدي على متنة حتى اندسة واكعدة عبالك هوة نايم بغابة ..
من حركة رجلي فز وبسرعة الضوء طلع اسلاحة الجان مخلي متهيأ ورفعة بوجهي فززيت من شافاني انا نزل اسلاحة واعتذر مني وكعد يمسح بعيونة ..

_ بسم الله شبيك ؟

_ حيلل اسف مجنت اقصد بالله عليج اعذريني

_ لا عادي ..

_ تعاي اكعدي هنا

_ ليش انت تنام هنا ماعندك بيت ؟

_ لا عندي والبيت ساكن بية اخوي علي االكاظم

_ جا انت متروح علية ؟

_ اذا رحت علية من تجين انت ما تلكيني

_ مو كلام هذا مو زين عليك ..
انطيني رقمك واتصل عليك من اريد اشوفك

_ اخاف عليج

_ من شنو تخاف علية ؟

_ ماريد احد يشوف رقمي بتلفونج طيبة ترى ابوي مستعد واحد يسبة كدامة ولا ان يجيب طارينا

_ متريد تسولفلي شنو قصتكم انتم ؟

_ عندج وقت هسة ؟

_ ايي عندي الكل بالمستشفى حاليا ف استغليت الفرصة واجيتك

_ خيررر ليشش شيسوون بالمستشفى ؟

_ ماكو شي بس اضن زوجة اخوك علي السجاد اسمهة لينا جاي تولد لان هية حامل بشهرها التاسع وصارت تنزف وتصيح

_ الله يسهل عليها ان شاءالله هه اخوي راح يصير اب ..

_ وانت حتصير عم واصلا راح اضن راح تصير عم لاحلا حفيد وحفيدة ..

_ حامل بتؤام ؟

_ اي ولد وبنت ..

_ ما شاء الله ادري شنو التؤام وراثة عندنا ..

_ اضن هيج لان حتى زوجة البشير قيصر جميلة هم جابتلة تؤام شبر و شبير

_ جميلة جميلة شني رجعت للبشير ؟

_ ليش انت ملحك عليها ؟

_ شلون مملحك انا من عفتهم جان ماشي 7 سنوات كاملة على انفصالهم ..

_ اي وهسة هستوها رجعت وطلعت جانت حامل من راحت
وجايبة تؤام شبر و شبير .. وعمرهم مدري يمكن ¹⁶ مدري ¹⁷

_ اهههه البشير قيصر طلع عندة زلم من صلبة والله ويا كفو منهم وعليهم

_ زين هسة دورك سولفلي قصتكم ؟

_ مابيهة شي قصتي

_ يووو عليييي الصاادق لا تخلع كلبي واحجيي شنو السالفة ..

_ ماكو شي طيبة جنا عايشين طبيعيين انا واخوي علي الكاظم بس جنا اغلب وقتنا نخالف ابوي برئي يعني بالمختصر ما جنا مثل علي الباقر و علي السجاد

_ شلون يعني ؟؟!

_ يعني بالقلم العريض جنا مستهترين الدنيا ماخذتنا حييل
لا صلاة ثابتين عليها ولا كلمة ام نسمعها المراهقة حيل مأثرة جانت ..
وفوك كل هاي السوالف اجت فكرة براسنا لمن صار عمرنا 18 وطلع جواز سفرنا اختارينا نسافر ونستقل لوحدنا يعني كافي كبرنا ..

_ جو الغرب ماخذ حيز جبير منكم ..

_ هوة كتلج جنا حيل متأثرين بيهم

_ زين شنو بعد ما قررتو تسافرون ؟

_ اي لمن فاتحناهم بالموضوع الكل رفض واذكر جدي ضربنا وكال حتى تصيرون زلم ..
اتنرفزنا حيل شنو تمدون ايدكم علينة صعدنا لفوك ولمينا اغراضنا ونزلنا بالجنط مالاتنا وجانو كلهم بالصالة من شافونا ابو صاح بينه ارجعو لعقلكم اذا طلعتو من البيت هذا مالكم محط رجل بية بعد ..

_ زين

_ ما سمعنا وكملنا طريقنا اول ما ردنا نطلع اتبرة من عدنا وتحسب علينه وكال لو اموت ما تشيلون جنازتي ولا توكفون عليها وتحرمون دخلت البيت والي اشوفة لو اسمعة متواصل وياكم راح يحلكم ..
انتم ختاريتو هذا الطريق امشو بي زين ..
كذالك ما اهتمينة لكلامة وتركناه وطلعنا وسافرنا وهناك عانينة هوواي من سكن من بيئة وين المتعود على بيئة العراق ..
اول شي سافرنا لأميريكا . بقينا هناك اربع اسنين .. صار ويانه الما صاير ..

_ شنو صار وياكم ؟

_ سوالف اكبر من عمرج !

_ اهااا فهمتتت يلا لا تسولفهم علمود لا تلعب روحي منك ولا اكرهك كمل شنو صار بعد الأربع أسنين ؟

بقى صافن علية ورفع حاجبة واردف ..

_ لهدرجة تفهمين كلشي وتعرفين كلشي ؟

_ بهاذا الوقت مالتنا ومتريد اعرف وافهم ؟

_ بس موو ززين علييج هيجي تعرفيين كلشي وتفهميين حلاة البنية بفطرتها ..

_ واني فطيرة وفاهية

_ لا كللشش فطيرة وفاهية ولج انت لو
الأستخبارات العراقية تعرف بيج يشغلوج وياهم ..

_ هههههه لا بالغت ترى

_ والله امبين من شكلج ممبالغ بشي انا ..

_ عوفك منيي هسة وكمل سالفتك بعدها شصار ؟

_ ايي وراها انتقلنا لألمانيا وهناك بدينا حياة جديدة اتخلصنا من شكو سم جان بداخلنا وقدمنة على جامعة هناك ودرسنا بيها .
وتخرجنا صرنا ندور على وضيفة عمل لمن شفنا ماكو مجال
رحنة واسسنا شغلنا الخاص فتحنة محل كوفي وصرنا بية ..

_ اسالك سؤال ؟

_ الي هوة ؟

_ منين جنتو تجيبون الفلوس يعني توك كلت لمن اتخرجتو صرتو تدورون على شغل يعني قبلها مجان عدكم زين منين جنتو تصرفون ؟

_ اخوي علي السجاد جان يدز النا من حساب صديقة كل اسبوعين 900 دولار جنا ندبر امورنا بيهن ..

_ علي السجاد جان متواصل وياكم ؟

_ ايي وهوة اول ما عرف اميريكا تأثيرها سلبي صار علينه بسرعة حجز النا لألندن وجبرنا نسافر هناك ونكمل من جديد ..

_ زين هسة لمن رجعتو ليش ما التقيتو بعلي السجاد دام هوة جان المتكفل بمصاريفكم ؟

_ مراح يقبل يشوفونة ترى علي السجاد جان يدز الفلوس بس لاننا اخوانا بالاسم ميريد مننا شي وجان كل كلمة والثانية يكول اتحملو مسؤلية قراراتكم ..

_ تتخيل اذا وكفتو هسة بهاي هيئتكم كدام عمي مراح يرف كلبة عليكم ؟

_ طيبة كلب ابوي جلد

_ لا غلطاان انا ورحمة الزهراء اختي شفنة ابوك على حقيقتة ولكم عمي شايل حنية الكوكب كلة ويحبنة حب مو طبيعي وهوة سوة وياكم هيج لان تدروم بية لا يحب اليكسر كلمتة ولا يحب اليعاند ويصر على الغلط وهوة احد الان هيج طبعة متغير

_ دامة متغير يعني هوة لحد الان شايفنا نحن الغلط وهو الصح ومستحيل يسامحنا لو ينطينا فرصة ثانية ..

_ جربت تحجي وياه

_ طيببة مااريد احجي وي احد

_ جا المرة الثانية لا تكول هم ميقبلون كول اناا مريد احجي وياهم رااح ارووح احسلي ..

_ اووكفيي وين رايحةة ؟

_ ضوجتني حيييل بكلامك علي الصادق ..

_ اسف بس هاي الحقيقة ..

_ علي الصادق ..

_ طيبة الزهراء انا ابن عمج واخوج اوكفي وياي ولا تصيري ضدي بهاي بس ..

_ شتريد مني بالضبط ؟

_ اسمعيني انا ماريدنج لا تصيري محط صلح ابيناتنا ولا اي شي
الي اريدة منج توصليلي اخبارهم واحد واحد لان تعبت وانا اراقبهم ..

_ سهلة هاي .. انطيني رقمك

_ بعدني ممسوي خط عراقي لمن تصح الج فرصة ثانية تعالي بيها الي واكون مسوي وانطيج رقمي

_ تمام ..

_ ترحين هسة ؟

_ متريدني اروح ؟

_ لا تعاي انا حتمشى وياج منها انت تفوتي على البيت ومنها انا اروح لبيتنا ..

_ تمام ..

مشينا انا وعلي الصادق ووكفنا بباب البراني الي ردت افوت علمود هيج ودعتة ..

_ انتبه لنفسك

_ انت هم انتبهي لنفسج ..

_ لا توصي يلا باي ..

_ دقيقة طبطب

_ نعم ؟

_ تفضلي ..

_ شنو هاي منين جبتها ؟

_ اءءءء مادري شفتها وعجبتني كلت اجيبها الج

_ كللش حلووة عاشت ايدك وشكرا هواي

_ تستاهليها ..

_ يلا روح هسة

_ ادخلي انت اول ..

فتحت الباب وطبيت وغلقتة نزعت حجابي والصاية وصعدت لفوك فتحت غرفتي ودخلت شمرت اغراضي على الكرسي وكعدت على الجرباية
وبقيت اباوع للكلادة الجان جايبها الي جانت كلش حلوة .. يعني حلوة بكل معنى الكلمة وجانت مكتوب عليها طيبات السلسلة مالتها حييل ناعمة والاسم بنص جبير لمن ركزت بيها عرفت ان هاي تصميم خااص ؟؟
يعني هوة جذب علية ما لكاها صدفة هو طلبها طلب الي .

علي الصادق جان غريب حيل بتصرفاتة نضراتة وحتى اسلوبة
يختلف جذريييا عن اخوانة علي السجاد و علي الباقر و علي الهادي و علي الرضا
يعني جان وضعة مريب بس بنفس الوقت لمن تكعد يمة ماتحس بشي يخوف بالعكس تحس بأمان مو طبيعي ..

جان شعرة طويل لركبتة وناعم حيل نازل على وجهة واسود على ماروني هيج جان لونة ومن كد ما جان ناعم شعرة جان يلمع ..

وعيونة شوي صغيرة بس ارموشة حيل اضخان ..
ولكيتة جانت مادري شلون مسويها هيج حيل ضخينة مثل ما اني احب اتذكر مرة كلت لعلي الباقر طول لحيتك ..
هههههههه هسة اجاني علي الصادق لحيتة مثل الاحبهم .

يعني بالمختصر لمن يتباوع بوجه علي الصادق بملامحة وهيئتة رئساً بالك يسافر لافغانستان الى الشيشانيين !!
هيج والله بس هوة يخبل الحقيقية تقال صدك ما ينخزر جنت استحي ارفع عييني واحطهة بعينة من جمالة ..

رغم جنت ما بيني وبين علي الصادق شيي بس بذاك اليوم حسيت روحي بدوامة ابين ثلاثة ..
واحد احبة واحس هوة مراهقتي وبس اكبر انساه بس هوة يموت عليه ويريد بس كلمة مني الي هوة أدم ..
و واحد جنت احب اهتمامة بية وكلامة وياي وللحضة عبرت حدودي وفكرت انة يحبني .. بس طلع لا يفكر بية ولا شي وكلشي انا جنت احسة تهيئات من راسي .
طلع متزوج وعايش حياتة وهوة علي الباقر ..
وهسة هذا الي تعاطفت وياه بس مدري ليش شوي صرت افكر بية ..

اوووففف المراهقةةة شكدد تأذيي شووكت اطلع منهاا مجاي اكدر الزم روحي ولا اكدر اسيطر على مشاعري دخيلك يا ربي ..

حطيت راسي على المخدة وحاولت انام . ... .. .

""" رحمة الزهراء """

بعد ما كملنا الصلاة نام ونمت على ايدة وصار يحجي وزبير جان لهاي اللحضة ممصدك انا يمة ومرتة خلص ..
واول ما ردنا ننام سمعتت صوت تلفوني يدك رفعت راسي ردت اروح اشوفة منو لزمني زُبير

_ خير خير وين رايحة ؟؟

_ اشوف منو المتصل علية ؟

_ علوويتيي منو الميعرف ان اليوم عرسج هاا شكو متصلين عليج شهل أزعاج وبعدين انت شكوو مغالقة تلفونج ؟

_ بدا هذا كلامك جان كمت وشفت منو يتصل ؟

_ علويتييي الليلة ليلتنا ليلة عرسنا تفهمين لو متفهيمن شلوون تردين على تلفونج لا تخبليني ؟

_ مراح ياكلني الاتصال اشوف منو واجي ..

وخرت ايد زُبير وابتعدت عنه وكمت بعد ما لبست البشت ورحت اخذت تلفوني من الشحن ..
ولكيت المتصل علي السجاد باوعت لزُبير و مكدرت ما اجاوب على اخوي ..
رديت على الاتصال وسمعت صوت علي السجاد جان صوتة كأن يبجي ويرجف واول ما فتحت الخط كام يصيح ..

علي السجاد :: الووو الووو رحمة ابرووح ابووج تعالي لهناا تعاليي

اخترعت لمن سمعت صوتة هيج حطيت ايدي على كلبي واردفت وياه ..

_ شكووو علي السجاد شصااير وين اجي ؟؟؟

_ رحمةة رحممةة احنا بالمستشفى ولج بالمستشفى تعالي لهنانة ابروح ابييج تعالي لهنانة ..

_ منوو الطايح بالمستشفى ..

_ ولج ليينا مدري شبيها نززفت هوواييي وهسة دخلوها لعمليات ويكلولي مااكو دكتورة حاليا مال ولاده بس دكتور الله يخليج تعااي لينا راح تروح بيها الله يخليج ..

_ ثواني واكون يمكم ...

سديت التلفون وفتحت الدولاب اخذت ملابسي وطبيت اركض غيرت ملابسي وطلعت وكفت على المراية البس حجابي كام زُبير واردف وياي ..

_ شصاير منو طايح بالمستشفى ؟

_ بالطريق احجي الك بس لازم نروح هسة الوقت جاي يداهمنا لينا جاي تنزف ...

_ انتضريني بالسيارة البس واجيج ..

عفت زُبير وركضت لبرة كعدت بالسيارة وهو خطية لبس وطلعلي ركب السيارة ومشينة للمستشفى
ونحن بطريق من التوتر الصابتني صرت اهز برجلي واني اردف وي زبير ..

_ امششي. اسررع من هييج شبيييكك بااررد

_ رحمة شبيج جاي امشي على 200 ترديني اطير فوك الرصيف ريحي صدرج وهسة نوصل

_ يا رراححة هاي ولك كل دقيقة جااي تروح مننا جاي تروح من عمر ليـنـا والاطفال العدها

_ هسة نوصل بس صلي على النبي

_ اللهم صل على محمد وآل بيت محمد ياررب مستودعينك ليــنا واطفالها انت ارحم شخص بيهم يا ارحم الراحمين ..

بقى زبير يمشي واول ما وصل بعدها السيارة ما واكفه ولا ثابتة بالارض فتحت الباب ونزلت اركض منها للعلم مجنت لابسة عباية من الخرعة الصارتلي لبست بنطرون عريض وفوكة قميص طويل حيل نازل ولبست سترتي مال الطبية ..
ودخلت الركض لجوة وصلت لطوارئ لكيتهم كلهم واكفين وعلي السجاد منضرة جان يكطع الكلب شلون خايف عليها ..
ويبجي ويرجف عفتهم بدون اي كلمة ودخلت اركض للغرفـة لكيت لينا نايمة وفاقدة الوعي طلعتهاا وحولتها لغرفة العمليات ولمن طلعوها قبلي واني ردت امشي

علي السجاد :: ليــنا مراح يصير عليها شي صحيح

_ نكول ان شاءالله

عبد الحسن :: بويــة سوي كلشــي تكدريــن علية لا تقصرين ابد. .

_ محتاجة دعائـكم هسة هية .. وكذالك انا محتاجة احد يتبرع بالدم لان ليــنا حيل خسرت دم ..

علي السجاد :: كلنا هناا نتبرع الها

_ متكدرون زمرة دم ليـنا ما تطابق زمر دمنا ولا راح تستقبل دم اي شخص ..

عبد الحسن :: شنو زمرة دمها ؟

_ زمرة دمها A- لازم تلكون شخص يشيل هاي الزمرة حتى يجي ويتبرع لان خسرت دم هواي انا حفوت للعمليات اندعو الها وشوفو متبرع بهاي الساعات التاخير مو من صالحنا ..

عفتهم ورحت دخلت العمليات وحطيت لينا تحت تأثير البنج العام وبديت الها بالعملية ..
كدرت اطلع الطفل الاول والطفل الثاني ولاحضت نبضات كلب لينا كل مالها وجاي تضعف
وانصدمت لمن وقت العملية عرفت ان ليـنا حامل بثلاث توأم مو اثنين !! وهلشي ما طلع بسونار ماعرفنة بي الا وقت الولادة .. وجابــت ابنــية واثنين ولد

طلعت الهم ولكيت علي السجاد و عمي و حتى زبير رايح وياهم يشوفون الدم ..
استقبلتي العلوية و عمتي ..

العلوية :: بشري ؟

_ كدرنا نولدها بخير وسلامة

فاطمة الزهراء :: ايي الحمدالله

_ محتاجين الدم باسرع وقت حالة لينا جاي تدهور ..

العلوية :: طلعو يشوفون الها واتصلنا على انمار اخوها وابوها ورراح يجون بس هم مو نفس الدم !!

_ اذا ما تدبر الدم تروح بيها

العلوية :: لاااا اسم الله الله لا يكولها ندعي ونتفائل ياربي ..

فاطمة الزهراء :: مو هنا بالمستشفى اكو دم ؟

_ زمر الدم السالبة نادرة جداً لذالك ما تتوفر عندنا ابد

العلوية :: بقت يم الله واهل البيت ..

_ صدك بقت يم الله واهل البيت ..

دخلت لجوة وبقيت يم لينا واني اتفحص وضعها
ومنتضرة البشارة تجي منهم ويكولون حصلو الدم ..

"" علي السـجـااد ""

طلعنا من المستشفى وابوي راح يشوف جماعتة والناس اليعرفهم واني رحت وي زبير المن ماندريي ..

زبير :: اهدء الله ويانة ومراح يشوف عبدة حاير ويعوفة هيج اتفائل

علي السجاد :: اذا صار لها شي اكتل روحيي وراها انا عايش الها

_ شسالفة خووية لا تنسي اولادك اكيد هسة هي ولدت بخير والدم راح نحصلة

_ ووين وين زبير ولا واحد من عشيرتنا شايل هلدم هذا
ولا واحد كلنا A+ أو O+

_ نزلني يم المركز واشوف المنتسبين العدنا ممعقول ولا واحد بحياتنا دمة سالب !!!!

_ شوفهم وانا اخوك

_ لا تخاف وراح انزل منشور اطلب بية

_ اييي عفيية وانا هم راح انزل لازم نلكي واحد بأي طريقة

_ ان شاءالله

_ اعذرنة. دوهناك ويانة هيچي بليلة اعرسك

_ شسالفة انا هسة منكم وبيكم اذا ماوكفت وياكم بهيچي موقف شوكت اوكف متكلي

_ الله يخليك معادن الزلم تبين بالمواقف وانت معدنك اصيل

_ بعدين تشكرني هسة خلينا نشوف الدم .. انا نازل وانت شوف العندك ..

_ تمام وانا اخوك

عافني زُبير ونزل يم المركز مالتة وانا مجنت اعرف وين اروح لان ادري بيهم لا اهلي ولا جماعتـي زمرة دمهم سالب ..

للحضة فقدت الامل بقبت اباوع لسماء واندعيت وشنو اندعييت ماعررف والله كمت احجي هيج هيج حتى ماعرف اذا الله اتقبلها مني لو فهم شي استغفر الله ..

_ يارب الحسين لمن ضحة بدمة وشمرة الك وقدمة قربان انت تقبلتة والدليل الدم ما رجع ونزل للكاع

يارب بدااعت ددم الحسسين الي اتقبلتة منة ودم رضعيية ياا ربي مالي رجا غيرك نلكي دم لــ لــينــا

يارب بداعت الرضيع الجان منحور بصدر ابوه لا تخلي اولادي يتاما بصدريي كل قوتيي لينا لا تكسرني بيها ياربي اخذ مني كلشي بس عوفلي لينا ربي ما اعترض على حكمك ابد بس انت ادرى بية اختبرني بكلشي اختبر ايماني بكلشي بس لا تختبرني بفراك لينا بداعت ال بيت الرسول ..

ااههه يااا محمدد يا رسوول الله يا جدي حفيدك حيران ومحتاجك وياه دخيلك يا جدي بحق بضعتك الزهراء
يا رسول الله لا تخلي اولادي يعيشون شعور الحسن والحسين لمن خسرو امهم دخيلك يا رسول الله

مالي غيركم مرتجاي عند الله ..

واني بنص دعائي وضعفي دك تلفوني لمن شلتة لكيتة وهج الطف تتصل علية ..
هية جانت متصلة علية بغير موضوع يعني جانت تريدني بسالفة مدري شني ..
بس وكأن الله سمع دعائي وكالي هااك هذا الحل كدامك ..
لمن قريت اسمها وهج الطف عدلت كعدتي ومسحت ادموعي واجتني لحضة ادراك ..
وهج الطف امها من الانبار !!! يعني نفس ليـنا هم امها من الانبار ..
احتمالية تطلع وهج الطف نفس زمرة الدم !! احتماااللل

شلت تلفوني وجاوبت .. واول ما رادت تحجي انا قاطعت كلامها ..

وهج الطف :: شلونك علي السجاد

_ وهج وهج اوكفي واسمعيني ززين

_ خير ان شاءالله شنو ؟

_ شنوو زمرة دمج انت ؟

_ زمرة دمي ؟؟؟

_ ايي ايي فصيلة دمج شنيي

_ ماعرف ..

_ روحيي شوفي هويتج وتعالي بسرعة

_ دقايق ..

_ بسررعة وهج ..

راحت وهج الطف وضليت انا انتضرر على الاتصال ياربي يا كافي بحق الي دمة طفة شمعة عرسة ياربي يطلع يطلع الامل الاخير عندي ..
وبعدها اجت واردفت ..

_ الو علي السجاد وياي ..

_ ايي ويااج وويااج شطللع ؟؟

_ اكلك مكتوب حرف B بالانكليزي ويمة اشارة. ناقص -

_ زمرة دمج -B

_ مادري هيج مكتوب ..

_ وهج ضلي وياي دقيقة اتصل واجيج

_ تمام

سديت التلفون من يم وهج الطف واتصلت على رحمة الزهراء ومجانت ترد !!!
اتصلت على امي .. وردت علية

العلوية :: بشرنييي

_ يمة وين رحمــة ؟

_ جوة كاعده تراقب حالة لينــا

_ ادخليي بسرعة الها وانطيها التلفون

_ صاير شي يمة شحصل وياك

_ يمةة ماكو وقت هسة الله يخليج روحي

_ تمام ثوواني

راحت امي فاتت لرحمـة الزهراء وانطتها الجهاز وما حجيت حرف واحد لحد ما سمعت صوت رحمة الزهراء تكول ..

_ ها علي السجاد ؟

_ رحمة رحمة حصلت زمرة دم سالبة بس مو A

_ چا شنو ؟

_ زمرة دم البنت -B

_ تستقبل تستقبل جيبها بسرعة بس لازم نسوي الها الفحوصات اذا طلع بية فقر دم لو سكر تمنع من التبرع

_ ما اضن بيها شيي هسة راح اجي وياها ..

_ بسرعة استعجل علي السجاد استعجل ..

_ كصر الطريق ما اتاخر

_ بسرعة ..

سديت التلفون من يم رحمة واتصلت طلبت من وهج تجهز روحها ..
وطلعت الها وكفت بالباب وخطية طلعت الي مكملة روحها وصعدت وياي وهي لحد الان متعرف السالفة بطريق حجيت وياها ..

_ علي السجاد خوية شبيك متريد تحجيلي ؟

_ وهج مالي غيرج بعد انتهت حلولي تساعديني

_ بشنو ؟ اكدر اساعد من عيوني

_ لينا بالعمليات وخسرت دم هواي ويردون متبرع وهية زمرة دمها موجب ما تستقبل اي واحد بينا بس انت لان نفس الفصيلة

بعدني ما مكمل كلامي حطت وهج ايدها علي ايدي واردفت ..

_ لا تكمل واني مستعدة اتبرع بروحي. اذا لزم الامر انت تستاهل كلشي

_ راح تتبرعين ؟

_ اذا تبرعي يخليني اشوفك تضحك وما اشوف هذا الزعل بوجهك يفداك دمي كلة

_ اههه وهج تدرين انعكد الساني والله ماعرف شكلج

_ لا تكلي شي بس اسرع بالمشي خلينا نوصل لا يضيع الوقت ..

_ صارت الج وحدة علية مثل ما رخصتي دمج الي وعلي من تحتاجيني تلكيني تحت ايدج ..

_ علي السجاد انتم كلشي بحياتي اذا اشوفكم محتاجين شي والله ما اغلي عليكم كتلك وارجع اكلك دمي يفدااك
امشي هسة بسرعة

فرحت هوواي من شفتها هيج سرعت بالمشي ووصلنا للمستشفى الكل انصدم لمن شاف من المتبرع اخذتها رحمة وسوت الها فحص والحمدالله طلعت صاحية مابية شي وكعدت تتبرع بالدم .. ونحن ننتضر برة ..

العلوية ;; شلون اجت وهج الطف براسك ؟

_ الله دزها الي جنت مأيس كللش واضن ما راح الكي بس اتصلت علية حتى ماعرف ليش لمن قريت اسمها تذكرت هية بنت عمي من زوجتة الثانية الانبارية كتلها روحي شوفي زمرة دمج على امل لان لينا هم امها انبارية ..

فاطمة الزهراء :: لا تتفاجئون ربكم اذا يريد يسوي شي يرتبة علي كيف كيفة ويجيبها لعبدة على كيف

_ ايي والله المعجزة الهسة صارتلي ما اضن راح اتخطاها شلون وانا جاي ادعي وبعدني ممخلص دعائي الة دزلي وهج الطف ..

العلوية :: الحمدالله علي كل حال .. اتصلت بابوك وكتلة ؟

_ اووو ابوي و زُبير نسسيت هسة اتصل بيهم ..

وانا جاي احجي وياهم طلعت رحمة الزهراء ودخلت للعمليات مرة ثانية بدون متحجي ويانة وعمتي فاطمة الزهراء راحت لــوهج الطف وكعدت يمها ..طبيعي
واني نزلت لجوة اشتريت عصير لوهج حتـى تستعيد شوي من صحتها ..
واتصلت على ابوي و زُبير وبشرتهم ان لكينة متبرع وسولفت لابوي من سالني وكتلة وهج الطف ..
سديت الخط منهم لان جنت داري انهم راح يجون رجعت وصعدت لفوك طلعت وهج الطف وكعدت على واحد من الكراسي اليمنة .. ودخل ابوي و زبير علينا
وكذالك وصلو الشيخ محمد و انمار

_ وهج ليش ما بقيتي نايمة جوة ؟

وهج الطف :: هي كم قطرة دم راحت مني بخير انا مابية شي

العلوية ;: لا تتكبرين يمة خسرتي دم لازم ترتاحين وهاج اشربي العصير حطيت فوكة حبايتين من الفيتامينات ..

وهج :: شكرا عمة ..

عبد الحسن :: بشروني ؟

_ رحمة الزهراء اخذت الدم ودخلت جوة لهسة منعرف اذا استقبلتة او لا ..

عبد الحسن :: وهج الطف ..

وهج الطف :: هلا عمي ؟

_ تعاي بوية وياي شوية ..

_ تمام هاج عمة خلي هذا عندج ..

اخذ ابوي وهج الطف وراح لصفحة وبدة يحجي وياها
استغربت ليش هيجي اخذاها ؟؟!
وشنو جان يريد منها شيريد يحجي وياها يعني ؟

"" وهج الطف ""

لمن طلب مني علي السجاد اتبرع رحت واتبرعت من حب ب لينا لا حباً بـ علي السجاد لان هواي احبة واعزة
ولمن اجة عمي وطلب مني يحجي وياي
كمت وياة واخذ نمشي بالمستشفى ويحجي وياي ...

_ سمعت انت اتبرعتـي لـة لينا ؟

_ دام محتاجة اتبرع الها لان انا هم راح امر بموقف واحتاج مساعدة بية ..

_ اريد اعتذر منج ..

_ ليش تعتذر ؟

_ لان لازم اعتذر بوية غلطت بحقج انا ضلمتج طفولتج وحرمتج منها اخوانج واهلج ما خليتج تعيشين وياهم مثل الاوادم .. وفوك هذا كلة رجعتي ويانه وكان احنا مدارينج عمرج كلة تخافين علينة وتضحين علمودنا ..

_ دا اسوي هيج لخاطر امي بس

_ شلون ؟

_ عمي انا لو تبقى يمي جان كرهتكم بس اختاريت اخذ طبع امي وحبيتكم على حب امي الكم حبيتكم بكد ما ابوي جان يحبكم ..

_ يعني اذا جان بيدج جان كرهتينا ؟

_ منو قتل امي ؟

طكالة صفنة بوجهي بدون ولا تعبير بوجهة ..
انتضرت جوابة بس مثل ما اتوقعت اختار السكوت رجعت واردفت وياة ..

_ وين قبر امي ؟؟ ومنو قتلها وشنو قصدكم بكلمة
< رصاصة فارغة و چثة هامدة > امي المقصودة بيها مو

_ منو الكالج هذا الكلام ؟

_ اسمع عمي لا تسوي وياي الرجال الطيب انت خوش لك انت ولددك ولددك الي من لحمك. ودمك اتبريت منهم وما سالت عنهم المسكينة جميلة دمرت حياتها ودفعتها ثمن انت تدري كلش زين مالها ذنب بية ..
وامي هم اذا جانو احفاد السيد مضلومين ف هم مضلومين لان انتم عمهم يا عم السادة ..
انرزقو بعم واب مثلك قلبة حجر
لك حتى الحجر تلين وي الكلام الحلو بس انت لاا
تريد تسوي كلشي براسك
تريد عبد الحسن بس كلمتة الماشية وكلمتة مثل السيف اليكسرها تنقطع ركبتة ..
انت حفيد رسول الله الي اجانة بدين الرحمة اتعلم الرحمة اشوي

انداريت حتى اروح واتذكرت بعد شي ما حجيتة بوجه عبد الحسن الفرصة تجي مرة وحدة رجعت باوعت الة لكيته نفس حطتة ..
رفعت اصبعي بوجهة واردفت ..

_ وخليني على بالك زين اذا طلعت انتتت الك ايد ورة موت امي

شايف قبل الاف السنين لمن يزيد قتل الحسين وخطأ خطيئة عمرة انا ما قتل زينب وخلاها عايشة ..

راح اخليك تحس ان الدنيا دارت وخطأت خطأ يزيد لمن قتلت اميي وعفتني انا ..

عفتة ورجعت كعدت يم عمتي فاطمة الزهراء واخذت بطرف عباتها وحطيتهن على رجلية وحطيت راسي على متنها واتصل علي السجاد ب البشير حتـى يجي وياخذني بعد ما طلعت رحمــة الزهراء وبشرتنــا ان ليــنا استقرت حالتها واستقبلــت الدم مني ..
بس يرادلها وقت اقل شي للعصر ياالله تستعيد وعيها ..
لهذا السيد عبد الحسن اخذ العلوية ورجع .
وانمار كذالك اخذ ابوة وراح
وزبير راح لبيتهم بس رحمة مقبلت تروح وياه بقت يم لينا

وانا وعمتي صرنا ننتضر البشير يوصل حتى نروح وياه
لان خلص ماكو فايدة لوجودنا لينـا استقرت حالتها بس فاقدة الوعي من تصحى نجي يمها بقى بس علي السجاد يمها ومخلي اولادة يمة ويأذن الهم ..

علي السجاد :: اللهم صل علئ محمد وعلئ ال بيت محمد كما صليت عل ابراهيم وعلئ ال بيت ابراهيم
وبارك في محمد وال بيت محمد كما باركت في ابراهيم وال بيت ابراهيم ..

اعوذ بالله من الشيطان الرجيم بسم الله الرحمن الرحيم ..
{ قل الله احد الله الصمد لم يلد ولم يولد ولم يكن له كفئاً احد } صدق الله العلي العضيم

الله واكبر الله واكبر الله واكبر
اشهد ان لا اله الا الله اشهد ان الا اله الا الله
اشهد ان محمد رسول الله اشهد ان محمد عبدة ورسوله
اشهد ان علياً ولي الله اشهد ان علياً وفاطمة الزهراء واولادهم المعصومين حجج الله ..

اني قد رضيت بالله ربا
و بمحمد نبيا
و بعلي اماما
و بفاطمة و الحسن والحسين والسجاد والباقر والصادق والكاظم و الرضا و الجواد والعكسري والهادي والقائم الحجة ائمة عدتي وسلاحي ليوم كربي وحاجتي ..

واللهم صل على محمد وآل محمد

اللهم بارك فيمها واسلكهم طريق النور و اجعلهم من الامرين بالمعروف والناهين عن المنكر واجعل السنتهم ناطقة في الحق ودفاعا عن الحق
بحق اصحاب الكساء ..

بعد ما باركنا له وعرفنا ان حيسمي الاولاد لان اجوة توأم بعد ميكدر يسمي مشبر واختار يسميهم
( علي النقي و علي التقي ) والبنت ( لـــيــنا ) لان امها هيج تريدها على اسمها ولو هو جان بخاطرة يسميها ( نور الزهراء ) ..
بس عمتي فاطمة الزهراء انطته فكرة ان يسمي بنتة بالجنسية نور الزهراء وبالواقع نصيح الها لينــا
يعني تسكيتة لمرتة ههههههه
وصدك سوة هيج لمن سوة مال الولادة مالتهم كاللهم اسمها نور الزهراء والاولاد علي التقي و علي النقي ..

يعني صارت بس جميلة مسمية اسم عادي لاولاد البشير قيصر هسة علي السجاد صارو اسماء اولادة بوصية جدي . ..
وهنا لمن اطمنــة عليــه كلش عفناه ورحنا عنة...

"" البشير قيصر ""

اول ما طلع الصبح رحت للبيت مال جميلة وفتحتلي الباب ..

_ صباح الخير

_ يا صباح النوور والخير كلة ..

_ شلونج

_ الحمدالله على سلامتك ما بغيت ترجع النا

_ اههههه رجععتت

_ مشتاقتلك هذا لوني ..

_ اصبري علية توة اتصل علي السجاد وعرفت ان مرتة ولدت الحمدالله اخذلي يومين تخلص سالفة ابوبية علي السجاد وارجعج لذمتـي ..

_ يعنـي حجيت وي عمك قبل ؟

_ بعدني ما حاجي وياة بس لا تفكرين شنو ترديني ابقى على موفقة عمي ورفضة ؟

_ ماعرف خاف ميقبل ؟

_ كتلج لا تفكرين واصلا انا ماذكر طلكتج ؟ .

_ صح مطلكتني انت بس هجرتني 17سنة يعني لازم نعقد مرة ثانية ..

_ هاي بيها استشارة سيد هههه

_ وانت الكدامي شنو مو سيد

_ والسييد الكدامج يكول نعقد مرة ثانية علمود لا تصير شكوك وقلق ننهي السالفة من شرجها ..

_ تمام يروحي ..

_ جا وينهم زلمي ؟

_ فوك لهسة نايمين من التعب مال امس

_ عمري عمرههم حيل فرحو امس

_ اييي اتخيل الفرحة الشفتهم امس بيها والله العضيم نفسها وزوود يوم كتلهم انا وابوكم راح نرجع ..

_ هههههههه اتخيلهم

_ بشير

_ عيونة للبشير وروحة للبشير كولي وادللي

_ نحن ان شاءالله راح نرجع سوة

_ اي ان شاءالله

_ بس شلون نرجع 2002 ؟؟

_ ترديها ترجع ؟

بدت جميلة تبجي ماعرف شنو تريد من 2002 محد جان بيها بس انا و هية واهلها ..
معقولة جانت تبجي على اهلها لان ب 2002 حضرو عرسها وهاي المرة مراح يحضرون لان ودعو لله ؟؟
مكدرت اتقرب منها واحضنها ولا اسوي الها شي
لان جنت خايف تطلع متحرمة عليه لان صالي 17 سنة ابعيد عنها ..
بقيت كاعد كدامها واردفت وياها ..

_ عليمن هاي الدمووع هسسة يمعودة كافي ترى روحي خلصانة ..

_ خلص خلص هاي سكتت

_ اروح فدوة لعيونج صدكيني وحق هوة الله
لاعوضنج عن كلشي والله لاعوضج ياروح كلبي انت

_ بس وجودك يمي اكبر تعويض ..

_ اروحلج فدوة انا وعشيرتي ..

_ عوف عشيرتك كاعدة ومستجنة لا يجينا عبد الحسن
كايمة اسويلك ريوك ولا تكول متريك لان انا ممتريكة ولازم تاكل وياي ..

_ ههههههه ما نطيتيني مجال حتى احجي ياعمي بكيفج سوي التردي حتى لو ماكل راح ابلع واني ساكت

_ اسمنك لان جسمك حلووو يالشايبب ..

_ جا متردين رجلج جسمة حلو ؟

_ لاااا مااريد اغاار علييك هم ثلاثينـي وهم جسمك حلو وهم انت صااك ياعلي اقرة عليك السلام من عيون النسوان ..

_ هههههههه لا تخافين محد مكلبتنـي غيرج

_ همزين ليش تريد يكلبنك ؟

_ لو اريد جان نزعت الحلقة مو كل هاذا الوقت حلقتنا من نخلعت من اصبعي ..

_ يعني بشير لو انا مراجعة

_ ما اتزوج لمن اموت .. بدون متكملين جاوبتج

_ ههههههه عمري انت ..

_ روحي سوي يلا وخليني اصعد لزلمي ..

_ تمام يبعد بيتي

راحت جميلة للمطبخ واول ما ردت اكوم حتــى اصعد
رن تلفون جميلة الجان على الطبلة لمن رحت واخذتة قريت اسم .. { الگـــافي }
استغربت للاسم بسرعة هي طلعت من المطبخ واخذت التلفون من ايدي ولغت الاتصال ..

ضليت اتنوع الها وماردت احجي وياها على امل ما اسمع شي ميعجبني عفتها وصعدت لفوك واول ما دخلت لكيت شبر وشبير توهم يغيرون بملابسهم كاعدين ويردون ينزلون حضنتهم وسلمت عليهم لان ما لحكت اشوفهم بالعرس واسلم عليهم مثل الاوادم

_ خو ما تعبتو امكم بغيابي ؟؟

شبر :: لا وين بوية اصلا نحن ما نلحك نشوف روحنا بالمراية ..

_ ليش ؟

شبير :: شنو اليش غير عمي الفاروق الاعظم اول ميطلع الصبح يجي ياخذنة وياه لشغل ونرجع العصر ابو الحيل مهدود ..

_ هههههه احسن يريد يطلعكم زلم غير ..

شبر :: بس انا حبيت الشغل صح متعب بس حلو

_ كدها انتم ..

شبير :: شوكت ترجعون انت وامي ؟

_ يومين ان شاءالله

شبر :: عادي تستعجلون ؟

_ ليش مستعجلين ؟

شبير :: احسن طكت ارواحنا ..

_ اروحلكم فدوة انا هاي خلص الهواي وبقى قليل

شبر :: اتمنى يطلع هلشي صح ومطلع ان راح القليل وبقى الهواي ..

_ ليش تحسسوني صاير شي ؟

شبير :: كل هاذا الي صار وبعدك بوية تكول صار شي ..

_ الراح راح وي الراح لا نفكر بالقديم الحياة كدامنا وخلونا نفكر بيها شلون راح نعيشها بطريقة الصح الي تفرح اكلوبنا بدوون ما تزعل غيرنا ..

شبر ;: ان شاءالله

_ وههسة يلة مو اخذاكم الواهس وياي كملو تبديل وخلونا ننزل نتريك سوة ..

شبير :: دقـائــق ونحــن يمــك

_ انتضركم زلمي

عفت الولد ونزلت لجوة دخلت المطبخ لكيت جميلـة جاي تطبخ بيض عيون لــ شبر و شبير ما ياكلوه الا هيج كعدت اساعدها طلعت المواعين وصرت احط الجبن بيهن ..

واني بالي يم الــگافــي منو هذا الاعرفة جمال ماعدها اقارب ؟!

جا منو اليتصل عليها وليش توترت من شافتني لازم التلفون وقرا اسمة ؟؟

ماكدر الومها عاشت فترة كلش طويلة بدونذ وهم مو هيــنة يعنـي اكيد جانت متعرفة على رجال ومدخلتة حياتها ..

بس هاي مو اخلاق جميلات مرتيي من المراهقة وانا اعرفة اكثر من روحي هية هسة صحح ضامة شي عني !!! وكاعدة تجذب بخصوص هذا الشي بس مستحيل مستحيل تطـــلع چاي تخونــي
من سابع المستحيلات اصلاً ..

وانا في عمق افكاري .. جانت هية مخلصة و واكفه يمي تحاول تحجي وياي وانا الاطرش بالزفة ..

جميلة :: بشيرر هييي الوووو

_ اهاا ويياج روح ويااج

_ اههههه وين وياي ضلك ساعة سرحان بشنو داتفكر

_ بحياتنا

_ اها وليش حياتنا تستاهل هاي الصفنة ؟!

_ جمايل

_ اعيونها وروحها وكلشي بيها

_ اسألج سؤال

_ اسأل ..

_ تتخيلين الفترة هاي الابتعدنا بيها عن بعض راح تأثر علينة بالمُستقبل ؟

_ شلون يعنــي ؟؟

_ يعنــي انتِ سكنتـي وي اولادي بعيد عني وولا ادري عن هوى داركم بحدود الــ 17 سنــة لا يوم ولا يومين وهسة رجعنا بدون ما واحد يسأل الثاني شنو صار وياك بالوقت الراح منو الناس العاشرتهم منو طلعو بطريقك هيج اقصد ..

_ يعنـي تقصد صار كل واحد بينا عندة اسرارهِ ؟؟

_ يعنـي هيج شي صح

_ بشير انا بعمري وحياتي مافكرت اجذب عليك لو اضم عنك شي

_ وانا ادري بيج وجاي اكلج ذيج الفترة اثرت علينا يا خوفي يطلع صاير بحياتنا شي ويأثر على علاقتنا
لان هاي المرة لو صار وبعدج عني انا انتهي جمايل ضربتين على الراس توجع وانا نضربت هواي موت جدي واخوي ولحكة موت ابوي وراه امي واخواني وعمي وخسارتج انت عفتيني ورحتي
وهسة انا اعتبر اجيتو لي انت واولادي تعويض لكلشي
لا تخذليـــنـي وانتِ البشــر الوحيد الي سلمتـة روحي

_ ماراح اخذلك ولا راح اخليك تندة لان رجعتلي نحن مكتوبين لبعض ماكو اي قوة بالارض راح تفرك ابيناتنا بعد ما التم شملنا ..

_ ان شاءالله

_ لا تخاف حبيبي من طفولتها وجميلة الك

_ وانا من مراهقتـي مطيع الها ولحبها

_ اهههههه اغديلك فدوة لك فدييتكك اشحلاتك يابعد روحي .

_ اتحمستي هوواي هههههه

_ صدك نسيت اسأل

_ شنوة ؟

_ السجاد شنوة سمة اولادة ؟؟!

_ جابت ثلاثة توأم هية

_ مَ شاء الله وشنو الجنس ؟

_ اثنين اولاد سماهم علـي التقي و علـي النقي
وابنيــة سماها نــور الزهــراء

_ ياا فدوة لله ولعطيتة يتربون بعزة ودلالة ان شاءالله

_ ان شاءالله وهسة يلا عوفج من هذا الكلام الولد برة ينتضرونة

_ هاك شيل هذا وروح الهم ...

_ تمام لا تعيشين اللحضة وتتأمرين علية

_ ماعاش اليتأمر على روحي ..

"" غـــديـر الله "" ღ

كعدنا ننتضر منهم خبر يشفي بيه كلوبنا ولا واحد اتصل لمن اندك الباب لبست حجابي وطلعت بسرعة .
لمن فتحتة لكيتـة أنمــار فات وكف بالطرمة وانا سديت الباب ورجعت وكفت كدامة ..

_ بشرني جنت يمهم بالمستشفى ؟

_ ايي والحمدالله جابت لينــا بخير وسلامة

_ اوفف الحمدالله الله سهلها عليه زين وهية شلونها ؟

_ نزفت دم هواي ووصلت لنهاية وياها بس ربج طلعت هاي بنت عمج نفس زمرة دمها واتبرعت الها ..

_ منو بنت عمي ؟

_ هاي الاسمها اوهاج مدري شنو

_ قصدك وهج الطف ؟؟؟!

_ ايي هية هااي الله يجزاها الخير والله انها اجت باللحضة الاخيرة لله الحمد ..

_ الحمدالله على كلشي حييل خفت عليهاا لمن شفتها بهاذا المنضر ..

_ عددت

_ امبين انت تعبان يروحي ؟؟

_ بالعرس واول ماعيني رادت تغمض تصلو ويكلولي اختك بالمستشفى تصارع الموت يا تعب جاي تحجين عنة ؟؟

_ سوودة بوجهي ياعمري ..

_ اسم الله عليج فوتي ههسة البسي وخلينا نرجع لبيتنا

_ منتضرة ابوي يجي ماكدر اروح وياك ..

_ شسويين بأبوج ؟؟

_ اريد اعرف منة اخواني وين روح انت هسة ارتااح يروحي وتعال العصر اخذني

_ يعني جاي اكلج اريدج وانت تشوفين حالتي تعبان هيج تعوفيني صددك تحجين انت جذذب ؟؟؟

_ وانا جاي اكلك العصر مراح ينقص من عمرك شي لاتسوي بيها دراما كوين انمار

_ اهااا انا الما سوي دراما كوين والله حلووو

_ عود زعلت ؟؟

_ عود انت شوكت تبطلين عينج الصلفة هاي وياي شووكتتت

_ شنو مسوية انا ؟؟

_ لاا حشااج ممسوية شي

_ على بالي مسوية شي

_ غديرة حييل تعبت رايح انا وشوكت ما يطخ براسج حضرة جنابج تشرفيني اتصلي علية .

_ الله وياك

طلع انمار وسديت الباب وراه بعدة بدقايق اجوي امي وابوي كعدنا بصالة وبشروني بخبر لينا جابت ثلاثة بدل اثنين ههههههه فرحت لاخوي وهم هية فرحت الها شوي ..
على العموم لمن خلصنا من موضوع علي السجاد اتنوعت لابوي واردفت وياه ;:

_ بويـــة

عبد الحسن :: كولي بويـة

_ ما كتلي اخواني وينهم ترى لهسة علي الباقر و المعتز باالله ما جايين !!

العلوية :: يعنـي ما رجعو بليل

_ ابد ولحد الان اربعتهم تلفوناتهم مغلقة ..

العلوية :: شنوو سيد ولدي وين ؟؟؟

بقى ابوي ساكت وابئ عن الجواب وتركنا وكام وراد يصعد بس كامت وراه امي واردفت وياه ..

العلوية :: اوككف سيد اووكف لا تروح لمكان قبل ما تكلي ولدي ويين ؟؟

عبد الحسن :: راحو بسالفة تخص شغلهم يخلصوها ويرجعون ..

_ هيج سيد بكل بروود الكلب هذا ؟؟؟ اناا متاكدة مليون بالمية المكان الرايحيلة اولادي خطر وعلى حياتهم خطر صحيح ؟؟

_ اذا كلش خايفة عليهم اذا رجعو كليلهم لا يرحون بعد

انتبهت لطريقة كلام ابوي كمت على حيلي واردفت وي ابوي ..

غدير الله :: أذا رجعوو ؟؟ يعني اكو احتمال اخواني ميرجعون ..!!

_ لا تشغلن بالي كتلجن من يرجعون احجو وياهم .

العلوية :: شنو نوع الكلب الي شايلة لك شكددد چلد كلبك اولادك ذوول ما لاكيهم بالشارع انتة ولك علي الباقر ابنك من لحمك ودمك والمعتز بالله ابن اختي وابن اخوك وصيوان ابن اخوي وابن بنت عمتك
واصفاد الحق ابنـي هذا ..
ما رف كلبكم عليهم وانت تعرف المكان الرايحين الة وتعرف بالسوالف كلها رغم هيج ما تتحرك ساكن ؟

_ علوية اذا انا ما وديت اولادي وذاك ما ودة ولدة منو الي يحمي العراق ؟؟ اذا نحن ما حاربنة الخلايا النائمة منووو الراح يحارب نحن راح نسكت ونكعد لان خايفين على اولادنا وهمة راح يكبرون ويكبرون وبتالي يرجعون النا اقوة من قبل ويحتلون العراق . وهاي المرة ما تخص الشمال بس راح يبدون بينا اول وراح تشوفينا شلون نموت كدامج وذن بناتج يرحن سباية

فهمت ان العملية الرايحين بيها خطر لان رايحين لمكان يخص داعش !!
بدت امي تبجي اتقدم الها ابوي وحضنها حضنة خفيفة واردف وياها

_ لا تبجين ما يصلح تبجين عليهم ادعي يخلصون كلشي ويرجعون همة والي وياهم بخير وسلامة واذا لا ما رجعو هم لا تبجين اندعي ان الله يرزقهم المقام المحمود عندة شفيعهم الحُسيــن { عـليـة افضـل الصـلاة والـسـلام }

ترك امي وصعد للغرفة لــفوك وانا رحت اخذت بيد امي وكعدتها على الكنبة وجبت الها كلاص ماي وكعدت عند رجلية بالكاع وحجيت وياها رغم كلبي جان يهف من الخوف عليهم بس حاولت اطمئن امي ماكو باليد حيلة...

_ يمة خلص لا تفكرين مدام همة هسة ماشين بهاذا الطريق ف ثقي ان هم هسة عند الله وجهاء بالحسين بالدنيا والاخرة يمة هم يردون الشهادة وانتي تعرفين هذول الاربعة شكد شعبوثيين خلص يمة

_ شنو الخلص ولج شنو اكلوبنا خللصت والله العضيم مابية بعد حيل ما بية ..

_ زين بدااعتي عندج لا تبجين بعد كافي يروحي

_ ما يرتاح كلبــي ولا تنشــف دمعــتـي الا اشوف اولادي يمي ..

_ راح تشوفيهــم وتكُر عينــج بيهم ثقي بية

_ الله يسمع منج ..

_ اضحكي يلا

_ غيمــة ههههههههه

_ اييي هييج يرروح غييمــة احبج علويـة

_ واني بعد احبج شعندي غيركم انا ..

_ اكوم اسويلج ريوك تبوسين ايدج وراه

_ انت المسويتة ليش ابوس ايدي

_ مو انت امي خو مخليج تبوسين ايدي ..

_ بس انت بنتي وحشاشة يوفي ونور عيني انا الابوس ايدج وراسج ..

اخذت ايدي وباستها واني دمعت عيوني حيل كمت بست راسها وكعدت يمها وحطيت راسي على صدرها وهية حطت ايدها على بطني واردفت وياي واني احس بدكات كلبها ..

_ باجر من تكومين بخير وسلامة وتصيرين ام راح تعرفين احساسي ..

_ يمة تتخيلين راح انجح بدور الامومة ؟؟

_ والله اني شايفتج راح تكونين احلا أم بكل هالدنيا حتـى احسن منـي

_ وليش راح اكون احسن منج اصير مثلج

_ لااا انت قوية مو مثلي يعني لمن تصيرين ام ويصير شي لاولادج توكفين ابوجه الكل ما تخافين وتضعفين وتتخلين عن ثمر فؤادج ..

_ مافهمت ؟؟

_ تفهمين بس مو هسة من يصير عندج اولاد اااهه

جرت حسرة وانا اسوي روحي مو فاهمة كدامها ..
جنت ادري بيها جاي تحجي عن اخواني علـي الكاظم و علي الصـادق ..
بس مردت اكللها انا اتذكر ونحجي بيهم وازيد اجروحها ..
كمت عن حضنها ورحت للمطبخ وكعدت اسويلها ريوك حتى ترتاح شوية ..

الوقت الحلو عدنا جان يمشــي بسرعة حيييـل
وجنا ابين فترة وفترة لازم ننكــسر علـى واحد من اعزازنا ..

جنت مشتاكة لكربلاء حييل جنت اريد اروح شچاية للامام العباس وانحب يم الامام الحسين اكلة الواعدوني هم يجيبوني الكم حتى ازوركم دار الوقت بيناا وماتو ومكدرو يوفون بوعدهم اليي .. شكد اتمنيت يكعدون حتى اسولف الهم عن احوالي بفراكهم وشنو الصار بينا
بس للاسف مابيهم كعدة الراحو ما يرجعون ..

¯\_( بَـــعد مـَرور شِـــهر )_/¯

اليــوم هوة الخميـــس المصادف
20 / 8 / 2020
اليــوم هــوة اول يـــوم من محرم الحرام ..
الســاعة هســـة 04 : 8 ص

┬──┬┬──┬┬──┬┬──┬┬──┬

__

إذا ضاقتْ بِكَ الأبوابُ أرْضًا
‏فَبَابُ اللهِ دَومًا لا يَضيقُ
‏فَقُمْ للبابِ وابْتَهلِ اضطرارًا
‏بإخلاصٍ كَما يدعو الغَريقُ
‏وأبْشِرْ سَوفَ تَنْهَمِرُ العطايا
‏فَمَنْ تدعوهُ مَنَّانٌ رَفِيقُ

يَـــتـــبِـــع ⇦ ⇖ أحـــبكـــم والــســـلام ⇗