احفاد السيد : الثار ( بأجزائها الإثنين ) الفصل الثاني وسبعون 72 - بقلم ​رُقَيَّةُ الْأَكْبَرُ

﷽
اللهم صلّ علىٰ محمد وآل محمد

- اسْتَكْثِرُوا مِنَ الْبَاقِيَاتِ الصَّالِحَاتِ : التَّسْبِيحُ وَالتَّحْمِيدُ وَالتَّهْلِيلُ وَالتَّكْبِيرُ وَلَا حَوْلَ وَلَا قُوَّةَ إِلَّا بِاللهِ

- ﴿ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا ﴾
- سُبْحَانَ اللهِ
- وَالْحَمْدُ لِلهِ
- وَلَا إِلَهَ إِلَّا اللهُ
- وَاللهُ أَكْبَرُ
- وَلَا حَوْلَ وَلَا قُوَّةَ إِلَّا بِاللهِ

مُتابعة لحســابي حتــى ندخل رقم جديد oo_ll13

✨ التعب علينا والتفاعل عليكم ✨
التصويت والتعليق أبين الفقرات كلش مهمة
هو الدعم للقصة وهو الينسي الكاتب التعب
يعني المشاهدات ألف و التصويت ما يصعد 100 مايصير

✮⋆˙ . ˚ . ✦ ˚ . ⋆. . ˚ ✶ . ˚ . 𖤐⭒

العلوية فاطمة الزهراء
شنو تكول لولدها ولابوها السيد احمد الصادق :-

- يَمّة ريت جَد الولد موجود
وعلىٰ بابي يَروح ويعَود
يمّة أحجي بنترْ وبَجدك الزود
- بوية لمن عفت ذمة و وصية
وصيتـمن بوية من رحت بيـة؟

✮⋆˙ . ˚ . ✦ ˚ . ⋆. . ˚ ✶ . ˚ . 𖤐⭒

"" أصفاد الحَــق ""
بعد ما حضروا الشباب صعدنا سياراتنا وجان علي الباقر ناوي عليهم لان كلش زاد الموضوع عن حدة
اجوني ( علي الباقر، الفاروق الأعظم، المرتضى الأمير ، ألمعتز باالله، شُبيرْ )

وبعد ما صعدنا بالسيارات صعد المرتضى الأمير يمي وشبير كعد بالخلف ونحن نمشي نضرت لــ شبير بالمرأة وهتفت وياه

أصفاد الحق :- أبوك يعرف أنتَ چاي ويانة؟

شبير :- اييي شافاني من طلعت وسألني وين رايح

- اهااا وشنو ردك إله ؟

:- كلتلة رايح لعمامي ابات عدهم

المرتضى الأمير :- وشنو كالك؟

:- مكالي شيء بس كال لا تتعبهم وهيج بسّ

المرتضى الامير :- هل اكول أبو الاشتر اذا عرف بيك وين تريد ينحرنا وينحرك ههههههه

أصفاد ألحق :- يا نحر؟ تلگي مزروع جدامنا وحاط حاجز مانع كل واحد بينا يخطي خطوة

:- هههههه ترى ابوي مو هيج

المرتضى الأمير :- خايب أنتَ بعدك زغير ما تعرف أبيك قاتل للمتعة وحگ علي

أصفاد ألحق :- أسمة يكول لا تسوون مشاكل نحل الموضوع بالقانون ههههه

شبير :- وهو مو هذا الصح؟

المرتضى الأمير :- ولكك شبير تريد تصير ويانة لو وي أبوك؟؟

:- أنتم عماميي أكيد وياكم

أصفاد ألحق :- هااكك هذا التيب ويلا لزگ حلگك لا تسمعني جلمة وحدة بعد

المرتضى الأمير :- اليماشينا يا شبير يقرأ الفاتحة على روحة ويتوضئ قبل لا يطلع هههههاي

:- راح أسوي هيچ

المرتضى الأمير :- هاكك هذا السلاح خلي يمك

:- عندي هَيّ القامة مالتي!

أصفاد ألحق :- هم خلي هذا السلاح وياك

:- تمامم

كملنا طريقـنا وجانوا يمشون ورانــة سيارة علي الباقر الي صاعد بيها الفاروق الأعظم و ألمعتز باالله

﹉﹉﹉﹉﹉﹉﹉﹉﹉﹉﹉﹉﹉﹉﹉
"" الفاروق الأعظم ""
جنت مشتاق حيل لطگاتنا وخبالنا هيچي لهذا جنت متحمس اضرب واسحل وأخذت اسلاحي وياي اذا بيها مجال نرجع للسجن ولا انطي لواحد بمقدار ذرة يتمادة وي اخوتي بس وانا بالطريق حيل احتاجيت ادز شيء لــ أم البنين وما لگيت شيء انحچچ واكتب الها عنه لحد ما باوعت بالشباچ وشفت الطريق وأدركت انا هسة راح اطلع بعيد عنهاا خوشش فكرة طلعت تليفوني ورحت لرقم أم البنين وكتبت إلها ...

:- أعرف هلـ شيء يزعجج بس قسماً موش بيدي انا هَسّة راح أصير خارج المحافظة بالچ لنفســچ ولــ حيدرة واذا حتاجيتي شيء اجيبة الچ تدللين علية بس دزيلي رسّالة واكتبي التردينة أستودعتچ گلبي وربي خاتون السادة

سّديت التليفون وانتبه عليه علي الباقر لان جنت جاعد يَمّة أنا لهذا هتف وياي

علي الباقر :- مادام الطريچ طويل وبعد هواي خلينا نحجي

ألمعتز باالله :- أييي وبشنو تريد تحجي؟

علي الباقر :- يعنيي مثلاً بــ الفاروق الأعظم!

- احح بيةة؟

علي الباقر :- أيي بيك ههههه شبيك فزيت

- لا ما فزيت بس بخصوص شنو تريد تحجي؟

علي الباقر :- يعني نحجي بالصراحة ونفتح كلبنا

- أسأل اذا تريد تعرف شيء؟

علي الباقر :- ذباح أنتَ صدك تريد أم البنين؟

- ليش محد بيكم يريد يقتنع؟

المعتز باالله :- اككيدد ماراح نقتنع ولا نرضى نقتنع ذباح هَيّ التريد تخليها مرتك ترى زوجة علي الهادي!

- الله يرحمة يعني السيد ماات و أم البنين توها بالعشرين ليش هيچي تدمرون حياتها؟؟

علي الباقر :- ذباح لا تفكر نحن ضدك لان بيوم من الأيام بنانة جانت زوجة أخوي ترى هَيّ قبل لا تدخل چنة لبيتنا چانت اختي وبنتي وبعمر غدير الله وأنتَ تعرف بهل شيء

- زين؟؟

علي الباقر :- بس سالفة تقبل ..

- اذا أنتم وياها وياها لابد تتقبل علي الباقر

ألمعتز باالله :- يعني أنتَ صدك تريدها

- لا ألعب عليها شمالككك عزوز

ألمعتز باالله :- أعصابك أعصابك ذباحنا شحجينة ما تكلي؟

علي الباقر :- خلي نخلص سالفة صفد هسة ونلتفت الك ولعزوز

ألمعتز باالله :- شنهيي انا شلي غرض؟؟

:- ترى وصلت الي طفرتك على عمتي لأن رجعت وهج الطف مو ما وصلت

ألمعتز باالله :- عمييي ادوبچت مادري شمالني من شفتها هي ورچلها

:- نخلص السالفة هَيّ ولكل حادث حديث خاص بيه

ألمعتز باالله :- اني شجابني شوداني ...

صار يباوع علي الباقر للطريق وانتبه للسياقة واني صرت كلشوي أفتح التليفون طلع للرسالة صحين بس بعدهن ما صايرات زرگ!

﹉﹉﹉﹉﹉﹉﹉﹉﹉﹉﹉﹉﹉﹉﹉
"" شُبـــر ""
رجعت وصارت مشكلة بيني وبين ذو الفقار ورادت توصل للفصل لأن وصلت للعمادة وبوقتها حَوراء قبل لا توصل للعمادة عافتنا وطلعت من الجامعة لأن صدك تعبت من عندنا بقيت افتر بسيارتي لحد ما صارت شوي بليل رجعت للبيت وانا متصل عليها مليون مرة لان ضل بالي يمها كعدت بالاستقبال واني معصب ومتوتر اجت علية أمي ..

جميلة :- الشباچ مفتوح والدنيا مطر لا تتمرض

شبر :- مرتاح للوضع عووفي الشباچ وروحيي

:- شبيك يمّة حبيبي أنتَ ؟

- مااابيةة شيء مااابية شيء خلص وخرري عنيي

:- شبر شكوو صوتك عالي علية؟

- مابية شيء بووية بس متوتر وحتى لا أطلع حرگتي بيج عوفيني وروحي

:- اطلع حركتك بية اليسمع يكول انا اختك الصغيرة ما تحترم نفسك ولك؟

- يماااه رحمة للكائنات رووححي أريد أبقى لوحدي

:- غير انا أمك وأريد أعرف شبيك؟

- مرض بية سممعتييي مرررض بية

طلعت للشارع وكعدت بسيارتي والمطر علية رجعت واتصلت عليها ومااكو جان مغلق!
اخر شيء دزيت الها بصمة كلت لها بيها وانا أصيح

شبر :- شنوو تطلعين من الجامعة شنوو كلهذاا الوقت سادة جهازج خربتي ابو مزااجي مخوفتني عليچ هيچي لچ تعرفين هسّة انا صيحت على أمي والصوچ بيج! زعلت امي لأن حضرة جنابج هيچي عايفتني وعفتي الجامعة وعصبتيني وطلعت حرگتي بأمي كلهذا من وراجج يا ستت

دزيت البصمة وشمر تليفوني يمي ورجعت الكرسي لورة وصرت أتأمل بالماي اليوكع على الجام وافكر ...

﹉﹉﹉﹉﹉﹉﹉﹉﹉﹉﹉﹉﹉﹉﹉﹉
"" حوراء ""
بعد المشكلة الي صارت تركت الجامعة ورجعت للبيت غلقت تليفوني وبقيت بغرفتي والمطر مستمر لحد الساعة 10بليل وانا ما طالعة من الغرفة ولا مشغلة تليفوني كلش تعبت من هذولي الأطفال الي ماراضية أخلص منهم لو أدري هيچي جان سمعت كلام أبوي وما دخلت جامعة واستچنيت وكعدت بالبيت واحترمت نفسي

بقيت اتذكر تصرفات ذو الفقار وكلام شبر واحلل بينهم بيني وبين عقلي وبعد ما تعبت واجت امي تضرب على الباب ..

:- حوري يلا تعاي حبيبتي العشة جهز

حوراء :- ماريد يمة اريد أنام

:- ترى أنتِ بلا غدة اطلعي يمة مو زين عليچ وراج دوام باجر!

- مابية شيء لا تخافين بس اريد انام والله

:- حوراء

- بداعتي يمة عوفيني

:- خوش راح اضم عشاچ شوكت ما تحسين بالجوع بس حمي خاف اني نايمة

- ان شاءالله يمة لا تفكرين بيه

:- حوراء

- عيوني يمة

:- احبج بنيتي ودرتي الوحيدة

حطيت وجهي أبين ايدية وبچييتتت هو انا جنت اريد حجة حتى ابجي واجتني امي وحنيتها الي تفطر الحجر
ما رديت عليها وهي راحت وبقيت ابجي وبعد ما تعبت من البجي مسحت عيوني ورحت فتحت تليفوني ولكيت اتصال واحد من ذو الفقار وماداز رسائل ابد
مُقابل 286 اتصال من شبر و 132 رسالة

قريت الرسائل وما جاوبت عليهن غلقت تليفوني ورحت جبرت نفسي انام ومن كعدت الصبح بدلت بسرعة ونزلت تريكت وي اهلي وطلعت للجامعة وكذالك غادي ما مداومة لان فلاونزة وصخونة كلش قوية ضاربتها لهذا رحت لوحدي وأول ما دخلت للجامعة طلع كدامي شبر هتف وياي ..

شبر :- أمشي وياي

حوراء :- وين؟

- حور امشي كداامي ارجعييي

:- سيد شبرر

- حووور ارجعــييي

خفت منه لان وي برودة الجوو جانت نضرات السيد شبر تچدح ناار رجعتت وانا العاقلة وطلعنا من الجامعة وصعدت وياه بالسيارة وأول ما حرك
هتفت وياه ...

حوراء :- خيير شبيك؟؟

شبر :- وينچ من أمس مختفية تقرأين رسايلي بنص الليل وما تردين شنووو شبيجج خير ان شاء الله ؟؟

:- ماكو شيء بيناتنا حتى يخليك هلكد مهتم لأمري كاافي عاد تعبت منكم ومن الوضع هذا!

- تتقبلين صياح ذو الفقار وتجاوزة وياچ وعصبيتة عليج بالشعبة وما تتقبلين خووفي وقلقي عليچ

خزرتة وعيونة الجانت بيهن نضرة ماكدرت افسرها لزمت ايدي وهتفت وياه ببرود ابرد من الجو

:- ذو الفقار قريب علية بس أنتَ ؟؟ غريب ليش تخاف علية وتتوتر؟ على الأقل فقار من يحجي يحجي شيء لمصلحتي وأعرف نيتة شنو بس أنتَ اعرفك تعرفني؟

- شنو قرابة ذو الفقار الچ اسماءكم مابيهأ أي ربط لسابع چد شنهي القريب عليچ بعد ؟

:- ترى أبوه يصير أبن عم ابوي بس انا و ذو الفقار متربين سوة وي غادي و صُهيب

- عمر كاامل أنتم سوة وبعدة ما يعرف شلون يتعامل وياج ولا يحترمج؟

:- بااااع سيد شبر مالك غرض بينا لو تشوفة يسحلني مالك غرض خللص أنسى الصار واترك ذو الفقار لا تتدخل لا بيه ولا بيه تماااام؟؟؟

- حووراء اناا احـــــ،،،،

اتنرفزت حيل لهذا ما خليتة يكمل كلامة قاطعت صوتة وهتفت وياه بصوت أعلى

:- سيد شبرر الله يخليك مااريد يصير الي شيء بعدد كتلك العندي الله يخليك اذا عندك ذرة كرامة بعد لا تتكرب صوبي ولا تتنوع لا إلي ولا لــ ذو الفقار

غمض عيونة وبلع ريچة ونضر الي فر السيارة ورجع لطريق الجامعة وهتف وياي وهو يهز راسة بــ " نعم "

- خوووش يصير التردينة ست حوراء

:- شكراً الك وراح تبقى زميل وغالي علينا

- تكدرين ترحين واعتذر ححيل خاف ضغطت عليج وعد ماراح اخليج تصدفيني بعد بس بالجامعة وماادخل بأي شيء

:- لا تعتذر ما صار شيء مع السلامة

- فيي أمان الله ...

نزلت من السيارة وانا صابتي رجفة مادري من البرد أو من قسوتي الزايدة على شبر!!
رجعت ودخلت الحرم الجامعي وكعدت أراجع للامتحان
ولأن ما أحب الأجواء برة رحت وصعدت للقاعة محد جان بيها دخلت وكعدت بمكاني وهنا عبالك مؤقتها وياي ذو الفقار دخل للقاعة وهتف وياي وكأن يعرف انا هنا وجاي مخصوص علية

ذو الفقار :- الجوو ححلو برة تعاي نطلع

حوراء :- لاا ماريد مرتاحة هنية

- شبيچ ولج بنت ستار مهدي

:- أنتَ شنو جاي تعيرني خابصني بنت ستار مهدي وبنت ستار مهدي ؟

- ومرض شبيج ليش أعيرچ متفتخرين بأسم أبوج ؟

:- عندي أسمي كوول حوراء

- بنت ستار مهدي أحلا

:- ذو الفقاررر

- مرررض

:- هاااا؟

- لا تصيحين كولي شتردين؟

:- أسألك سؤال

- اذا يخص المادة ترى ما قاري

:- لا ما يخص المادة

- چاا شنو؟

:- ليش تغار علية من شبر؟

- شبر الصادق؟؟

:- أييي

- ما أغار عليچ أنا

:- چا هَيّ تصرفاتك شنو تقصد بيها اذا ما تغار علية؟ شنو يعني؟

- حررص

:- من شنو؟؟

- حووراء انا أحس نفسي مسؤول كدام رب العالمين على كل خطوة تخطيها هنا لا تنسين عمي ستار أصلا ما قبل تجين لجامعة وانا قنعتة لمن كلتلة عيني عليها وراح احميها وادير بالي عليها علمود هيچي انا چاي اسوي كلهذا ماريد شُبر يضحك عليچ

:- منين تعرف السيد شبر الصادق حتى حكمت عليه يريد يضحك علية؟

- لج افهمي عااد محد بمستوى شبر يباوع وينزل راسة لبنية مثلج الناس تباوع لفوك شنو الي يخلي واحد مثلة ينزل الج غير ان عندة غاية وحدة

:- وشنو هَيّ الغاية؟

- غايتة هو ياخذ اليريدة منچ ويسكتج بفلوسة لأن أمثال شبر الي يجون على الدنيا وبحلگهم خاشوگة ذهب بنضرهم كلشي يتصلح بالفلوس

:- ككاافي أسكت

- جرحتج بالكلام؟

ضليت ساكتة وما رديت عليه وهو رجع وكمل كلامة وكأن انا جاوبت على سؤالة هو سأل وهو جاوب نفسة

- اي هوو خليني اجرحج بالحقيقة وما افرح كلبچ بالجذب والوهم

:- شتريد مني هسة ؟

- ماريد شيء ست حوراء أريد بس احميچ واحافظ عليچ

:- لا أبن عمي ولا أبوي ولا اخوي أنتَ

- انجبي

:- لا ما انجب لا تشيل همي ولا تحاول تحميني خووش خليك بس بإطار وعدك لأبوي

- حووراء

:- خللص كاافي كرهت أسمي وكرهت بالساعة الي أجيت بيها لهنية

رديت هذا الرد على ذو الفقار وكمت من الستول أخذت جنطتي والملازم وهو رد بظهري

ذو الفقار :- وين رايحة أنتِ هسة؟

حوراء :- لجهنم تروح وياي ؟

- لااا رووحي لوحدچ ماريد أروح

طلعت من الشعبة وانا حيل معصبة ودموعي بعيوني من الحرگة كعدت بالكفتريا لوحدي و السيد شبر جان كاعد على يساري هو وصفوان ويراجعون
وبعد ما اجيت انا بنص ساعة او ربع ساعة هيج شيء دخل ذو الفقار و أخوه صُهيب وكعدوا بالكراسي الكدامي دنگت اقرأ بالملزمة وانا مستمرة كأني ما شايفة ولا واحد بيهم

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
"" صُهيب ""
بينما انا و أخوي ذو الفقار كاعدين اجن علينا بنات الجن الي تطلع روحيي منهن وماريد يكونن قريبات مننا بس جان يصدمني ذو الفقار بكل مرة ...

صُهيب :- ماااصدك شوكتت تخلص المحاضرات أريد انام

ذو الفقار :- بلعكس اليوم جدولنا خفيف

- لا كوول والله

:- والله العظيم شمالك؟

- ياا خفيف؟ وهو وزنة ١٩٠

:- ههههههه انجب خفيف تجيب هذا الجدول لجدول الخميس؟؟

- بوووية صعد الجالي عندييي لا تذكرني بيه يمكن اضربة

:- انجب أكل لأبوي والله اخلي سيف علي يتصرف وياك

هنا انا سمعت صوت ضحكاتهن وصل النا حتى قبل لا يدخل للكفتريا واتعوذت من الشيطان

صُهيب :- اعووووذ بالله ماراضين نخلص؟

ذو الفقار :- شني شمالك؟

- مااا تسمع صوت ضحكاتهن على بالك بملهى

:- شعلينا إحنا ؟

ديفيان :- شلونكم يا حلوين؟

صُهيب بهمس :- لا هلا ولا مرحبا حلوين بعيون الرباچ وطلعچ

ذو الفقار :- كل الهلاا بخير الحمدالله

بازان :- شخبار الدراسة وياكم؟

:- والله وياها وياها ماشية أيي ديفيان شلونچ؟

ديفيان :- ههههههههه بخير انا هسة صرت زينة

:- ههههه عساچ دووم ان شاءالله

بازان :- شنو صُهيب ماا سمعنا صوتك؟

صُهيب :- رااايح صووتي

- ليش شبي؟

:- عاچبني هيچي مااريد أحجي

- تمام براحتك

ديفيان :- اكول فقوري

صُهيب :- فقوري بعيونج أسمة ذو الفقار سيف علي

: ماقصدي مو لأن أخذت ميانة وياه عادي بلا رسميات

ذو الفقار :- ماعليچ بـ صُهيب كوولي عيوني

: أكول أنتَ عمرك چبير ما مفكر تتزوج يعني؟

صُهيب :- لااا ما مفكر بعدة زغير وحتى اذا فكر فـ أنتِ آخر وحدة يأخذها واصلا ماراح يأخذچ انطيها الج من الأخير تعال ذو الفقار كوووم

: انا سألته إله ليش تجاوب عنة وبعدين وين تريد تأخذه؟

صُهيب :- ياخي شكد لزكة مالچ غرررض انا وأخوي بهيچ وقت يصير عدنا غثييااان لازم نروح لا يصير شيء مو زين هنا

بازان :- شنو يصير عدكم؟

صُهيب :- مالچ غرض أنتِ الثانية سوالف شباب كووم عمودي الفقري

ذو الفقار :- مع السلامة بنات

طلعت ذو الفقار من الكافتيريا سحل وانا معصب لان انطة مجال لــ هذني الأخوات وهو لاحظ عليه لهذا ونحن نمشي هتف وياي

ذو الفقار :- ماكو داعي لهذي العصبية

:- للمرة المليون اكلك انا ما اطيقهن وحضرة جنابك بكل مرة تكعد وتسولف وتضحك وياهن

- ترى لأن حوراء جانت كاعدة ورانة ردت اضوجها شوية

:- وليش تضوجها؟

- لأن بكل مرة اكون وياها لااازم تجيبلي طاار شبر ومسويتة منزلة

:- أكلك

- كوول

:- أحلفك بمعزتي عندك

- خير؟

:- تحب حوراء؟

- لاااا

:- عمودي الفقري

- والله العظيم ما أحبها

:- والله ؟

- ورأس أمي ما أحبنها

:- چا ليش هيچي تتصرف وياها

- مزااجي

:- صدك باالله؟

- والله هيچ مزااجي يريد يبقى وياها بس انا كـ ذو الفقار أصلاً ما أشوف نفسي وياها وبنفس الوقت أريدها تتعلق بيه تعرف ليش؟

:- ليش بلة؟

- حتى ما يفوز بيها شُبر الصادق

:- انانية هي من يمتا أنتَ أخوي هيچي تفكر؟ عمودي الفقري هي مو سوالفك!

- منا وجاي هيچي افكاري وسوالفي أفكر بس بنفسي وماريد أحد يفوز علية الواحد بس بهذا التفكير يكدر يعيش

:- بس أنتَ هيچي راح تأذي حوراء

- ماراح تتأذة لا تخاف

:- صدمتني!

- أشششش ويلا امشي اقرأ ماضل شيء للمحاضرة

سحبني من ايدي وانا ملامح الصدمة مرسومة بوجهي والله اليشوف ذو الفقار شلون هيج صاير خيال حوراء يكول ماكو هيج شيء هذا مغرم بيها تاليتة يطلع يسوي كلهذا بس علمود مايخلي شبر الصادق يأخذها !!
محد راح ينجرح وينضلم أبين ذو الفقار و شبر بس حوراء بش هي الراح تتأذة وكل واحد بيهم يريد بس نفسة مايفكر هي شراح تحس ولا شراح يصير بيها !

﹉﹉﹉﹉﹉﹉﹉﹉﹉﹉﹉﹉﹉﹉﹉﹉
"" حوراء ""
جنت حيل أمل من الروتين مالتي بس مابيدي شيء رجعت من الجامعة تغديت وصعدت لغرفتي خلصت التقرير وبقيت مكضيتها بغرفتي لحد ما دخلت عليه أمي وطلبت مني انزل لأن عدهم موضوع وياي نزلت ولكيت أبوي كاعد يم الصوبة كعدت امي يمة وانا كعدت كدامهم رفع عيونة الي وهتف وياي واني جنت اعصر بيدي ولازمة كلبي خايفة لايطلع وأصل شيء لابوي مو سوالف شبر و ذو الفقار والله ما يخليني اعتب الباب مرة لخ

ستار :- شلونچ بالجامعة؟

بلعت ريچي وهتفت وياه بصوت يرجف

حوراء :- الحمدالله زينة

ستار :- الحمدالله

- شنو أبوية تريد مني شيء؟

: أييي

ابوي هنا باوع لأمي وأمي كملت كلام أبوي الي المفروض هو اليكولة الي ...

:- يمة أبوج صار عندة شغل بسامراء ولازم يسافر لهناك ومايكدر يخلينا لوحدنا فـ صارت وراح نروح وياه شغلة أسبوع ما نتأخر

حوراء :- بسس جامعتي!

ستار :- مراح يأثر بس 7 أيام

- مااكدر أروح والله خلوني أبيت عمي

ستار :- هذا عمج ما أمن صخلة عندة مو اخليج أنتِ أشش باجر انا أروح لجامعتج واخذلج إجازة

- بسس بوية ...

ستار :- كللت خلص وانتهت

:- شبيج يمة هنّ بس أسبوع ما نحسّ بيهن والله وهم نتونس

- بالتالي راح تسوون الاشياء الي أنتم تردونها أصلا مادري ليش أخذتوا رأيي هسة يصير التردونة

صعدت لغرفتي مالي واهسّ لكلشي طبت امي وكالتلي أجهز غراضي لأن باچر بليل راح نطلع علما ابوي يكمل كل شغلة هنا واني ما حجيت شيء بس هزيت براسي وهي طلعت وعافتني

باوعت لتاريخ لكيته 17 _ 12 _ 2024 شتاء والأوضاع مو زينة كـ مناخ وصعب السفر بهيچ أجواء مادري ابوي منين طلع بهي السالفة ... وفوكاها مُصرّ على السفر وراح نروح بالسيارة وعلى الطريق السريع وبليل يعني الموت الحتمي بس الله يكدر الها ...

نمت بذيچ الليلة ...

ولمن كعدت ونزلت لجوة لكيت امي تجهز الغراض وتطبخ الغدة ولكيت ابوي رايح للجامعة وماخذلي الإجازة ورايح يكمل شغلة ... ولمن صارت الساعة 10 بليل صرنا مكملين كلشي طلع ابوي الجنط للسيارة وصعدت امي بالصدر وانا كعدت بالخلف وصعد ابوي شغل السيارة ومشينا متوجهين الى وجهتنا القادمة سامراء المُقدسة .

- تَعالوا وشوفوا وجهي شگد الكم ذبلان
وعيوني بغيابكم تگسر الخاطر

﹉﹉﹉﹉﹉﹉﹉﹉﹉﹉﹉﹉﹉﹉﹉
"" غدير الله ""
كعدت الصبح بدلت ولمن نزلت اتريك عرفت ان علي الباقر رايح لهذا أمي طلبت مني أروح وي المَواس بس انا رفضت ولمن اقترحت علية طيبة الزهراء امشي وياها بالخط ما جذبت خبر رحت وياها نزلتني يم جامعتي وراحت لجامعتها

دخلت وصرت اتمشى واراجع لمن بلشت المحاضرة الأولى رحت وحضرتها وبعد ساعة ونص خلصت وطلع الدكتور بقيت شوي بالقاعة بعدها طلعت للـ كافتيريا جنت متعودة أفوت الگي علي الباقر منتضرني بس اشتتاقيت إله لمن دخلت وما لكيتة كعدت بمكاني واجت عليه بنية انا جنت شاكة بيها حاطة عينها على أخوي لان تتقرب مني ومدري شنو وهي وياي بنفس القسم وتتقصد تجي تحجي وياي من تشوفني وياه المهم وهسة ثبتت الي هلشيء لمن اجتني وسألتني

:- السلام عليكم علوية شلونچ؟

غدير الله :- أهلاً وسهلاً...

:- شلونج بالمحاضرات؟

- زينة الحمدالله سهلات

:- أييي بس تعب الكعدة ساعة ونص و ساعتين ونحن على نفس الكعدة

- اممم اي شوي متعب هلشيء

:- اي والله شنوو اليوم أشوفج لوحدج شعجب ؟

- مافهمت؟

:- أقصد شعجب أخوج عايفج لوحدج؟

- اهااا أييي مو جاي يحضر لعرسة لهذا ملتهي .

:- عرسة؟

- اعذريني أنتِ مو صديقتي كلش حتى اعزمج اي عرسةة لا تشوفين شلون كتل روحة كتل حتى يأخذها

:- اهاا الله يسعدة ويوفقة ان شاءالله

- يوم الالج قلبي

عافتني وراحت واني كملت شرب قهوتي وطلعت خلصت محاضراتي كلهن وخلص دوامي فـ طلعت من الجامعة جان بخاطري اتمشى شوية أشم هوى وبعدها اوكف بمكان واتصل على واحد من االسادة يجي ياخذني أو انجبر اتصل على المَواس سويت الي براسي وكعدت اتمشى

وانا امشي لاحضت واحد يمشي وراي جنت اسمع صوت خطوات لمن ألتفتت لكيت رجال لابس قميص وبنطرون وحاط جراوية سودة على راسة وملثم بس عيونة طالعة رف گلبي هلعيون مو غريبة علية لمن انداريت إله هو اندار وعكس اتجاهة وراد يروح هتفت وياه

غدير الله :- لحظة يا رجال ممكن شوية

اندار الي وهتف وياي

إنمار :- نعم محتاجة شيء ؟

ما لفظت بشيء هو اندار وراح بعيد عني واني التفتت وكملت طريقي وحسبت روحي ماعرف عيونة المكحلة أبتسمت بأنكسار واتصلت على الميرزا حامِد المتقين أجة واخذاني ونزلت كدام بيتنا ودخلت اتلكتني أمي

العلوية :- هاا يبعد الروح شلونج بالدوام غيماتي؟

غدير الله :- تعب وچووووععع

- خسة الچوووع بدليي وانزلي حبيبتي

:- اساعدج بشيء؟

- لااا حبيبتي بس بدلي وانا راح أصب الغدة

:- تمام عزيزة روحي

صعدت لفوك ولكيت علي التقي و علي النقي كاعدين بغرفتي ويلعبون شمرت جنطتي وكتبي على الجرباية ورحت كعدت يمهم وشلت الربطة من راسي

غدير الله :- منوو كاعد يلعب من غيري؟

علي التقي :- منتضرينج ترى عمة

- چا بابة وين؟

علي النقي :- راح لدوام

- اهااا تمام يروحي كملوا لعبكم بس اغير ملابسي واتعبكم باللعب

علي التقي :- عمة

رديت علية وانا اسوي بالهدوم ومنطية وجهي لدولاب

- كول يا روح عمتك

علي التقي :- تكدرين تطلعين الألبوم مال الصور؟

- يا صور حبيبي؟

علي التقي :- إلي بيه صور مامة وبابة

- تقييي مو حجينة بهل موضوع نحن وكلنا ان أنتم زلم مايصير تكعدون هيج وتعاينون الصور 24سااعة

علي النقي :- نحن مو زلم عمة بعدنا ما داخلين 8سنوات محتاجين آمنا

- ماريد اللسان طويل كملوا لعبكم

علي التقي :- عمة ليش ما تقبلون أمي تجي النا وليش ماخذة أختي وياها وما ماخذتنة؟

- تردون تاخذكم؟

علي النقي :- أييي مثل ما أخذت أختي نور الزهراء جان لازم تأخذنا نحن هم مايصير هيج عايفتنا عمّة

- بعد عمتكممم لا تحجون هيچ تعالوا لحضني يابعد عمرييي خليني أبدل وأكمل وننزل ناااكل كاافي لا تحجون بأمكم كدام بابا تمام!واني هناا شنوو تردون تعالوا الييي انسوا مامة

علي التقي :- محد ينسى امه

- خلص عااد اغير ملابسي وننزل نااكل

عفت الولد وأخذت الهدوم ورحت غيرت ملابسي وغسلت وجهي وبقيت اباوع بالمراية واني اتذكر الرجال الي لحگني يااربي هذا أنمار عيونة لو تنحط وي مليار عين اميزها
بس خاف مو هوة؟ شنو هي غديييرر شكوو كاعدة أصلا وتفكرين بي؟ أنتِ هسة جوعانة اترسي بطنج وبسس

أخذت الخاولي ومسحت وجهي وطلعت لتوأم لكيتهم مطنگرين على غياب أمهم لابينا النكللهم ماات ولا نكدر نحجي شيء باقين مثل بلاع الموس .. الله يسسر النا بسس هيچ وي هذول الأطفال رحت حضنتهم ونزلتهم لجوة لكيت علي الكاظم و علي الصادق و طيبة الزهراء و علي السجاد و علي الرضا كلهم كاعدين على السفرة رحت وكعدت يمهم
وبديت أوكل بــ علي التقي و علي النقي ونحن نأكل ذب القنبلة علي الكاظم

علي الكاظم :- بعد هذا الغدة اريد چاااي ثچيل ...

العلوية :- احجي شعندك؟

علي الكاظم :- ااهههه علوية منچ لو من الذيب؟

- احجي شنو ؟؟

علي الكاظم :- اريد أتزوج

بهي اللحظة غصص علي الصادق بلگمة مالتة وصار يگح صارت تضربة طيبة الزهراء على ضهرة ححيل يمكن طلعت روح أخووي لحد ما دفع ايدها وصاح بصوت عالي

العلوية :- اشرب ماايي

طيبة الزهراء :- يمةةة رچلييي صححةةة صحةةة يمةة اسم الله الزهراء القران يمااااه

علي الصادق :- خااايبة وخرريي طلعتي رووحي

طيبة الزهراء :- مو صوچك غير خفتتت عليك

:- لاااا تتگربين منييي طلعتي روحيي مو خايفة علية

ضحكت من كل گلبي على شكل علي الصادق وهو وجهه صار أحمر وعيونه دمعت من دكة طيبة الزهراء التفتت على علي الكاظم اللي جان يباوعلهم ببرود ولا كأنما هو اللي شعل النار وشمر الحجاية وگعد يتنوع

رفعت حاجبي واني أمسح حلك علي التقي بالكلينكس وگلت لــ علي الكاظم

- والله يا علي الكاظم أنت مو بس تريد جاي ثكيل أنت تريد تسوي هوسة ثكيلة بالبيت بهذا خبرك

أمي نزلت الخاشوكة من إيدها وصفت وجهها بوجوهنا واحد واحد تالي ركزت بعين علي الكاظم وجان حجيها هادئ

العلوية :- ياا يمة الزواج مو بس كلمة تنكال ورا الغدة الزواج مسؤولية وبيت ومرة وأنت تعرف وضع إخوانك والبيت منو هي السعيدة الحظ اللي خلتك تذب القنبلة بنص الماعون؟

علي الكاظم عدل كعدتة وحط كلشي من ايدة وهتف وي امي

- يمة البنية من ثوبنا ومؤدبة وأني شفتها وصار فكرة براسي إنها هي اللي تناسبني وتناسب طبعي وموضوع إخواني والبيت تدرين بية عيني عليهم كبل عيني على نفسي بس الواحد هم يحتاج استقرار

طيبة الزهراء اللي ما تتحمل تظل ساكتة حطت إيدها على خدها وكالت بلهفة

طيبة الزهراء :- كول والله علاوي يعني راح تصير عندنا عروس ثانية بالبيت؟ بس لا تطلع مثل ذيج اللي ببالي.. عفية علااويي أوصفها النا حلوة؟ طويلة؟ لو من ذني الفيكي اللي نشوفهن بالجامعة؟

علي الصادق، اللي رجع أنفاسه بصعوبة باوع لطيبة الزهراء بنظرة حادة وكال

علي الصادق :- أنتِ لو تحجين وتشمرين حجي لو تضربين على الظهر جنج جاي تدگين بسمار بحايط عوفيه يحجي عليي شنيي البنية منو أهلها؟

بقينا كلنا ننتظر الجواب والتوأم علي التقي وعلي النقي جانوا يباوعون بفضول بس ملامح الحزن على فراگ أمهم لساتها غيمة فوك وجوههم علي الكاظم سكت شوية تالي كال اسم عائلة معروفة بتقديرها وسيرتها الطيبة

علي الكاظم :- اريد أتزوج ملاك بنت عمران

طيبة الزهراء :- الطفلةةة؟؟؟

علي الصادق :- چاااا أنتِ شنهيي مرة جبيرة؟ ما أنتِ طفلة أكثر منها وهي اعقل منج أصلاً

طيبة الزهراء :- شبيك واكفلي على الكلمة

- لا تسمعيني حسّچ ااشششش

العلوية :- شبيكم جنكم أطفال اسكتواا

طيبة الزهراء :- ما تسمعين صوت ابنج جنة دلالة

- اسكتييي طيبة لا بگفة ايدي هسة على عينج هيج

علي السجاد :- هاااااي شنووو علي الصادق ارتكززز

علي الكاظم :- خلافاتكم الجانبية خلوها بعد موضوعي اسكتوا كلكم بس صوت أمي اسمعة هااا يمة ملاك تحبيها أنتِ..

العلوية :- ملاك يشهد الله احبها نفس بنتي بسس اكظيم البنية طفلة عمرها ما جاز الــ 14 مو هيچ؟؟

غدير الله :- اايي صح يمكن هيج عمرها 14-15

علي الكاظم :- أدرييي واني أريدها يمة بنيتي هاايي بنيتي

طيبة الزهراء :- هلوووو من جماعة ابنيتي و بااابااتيي لاااا ربحناا عمةةة اغسلي ايدچ مناااا عليهم

علي الصادق :- شرأيج تسكتين؟

طيبة الزهراء :- غير هذا أخوك التوأم ما تتعلم مننةة؟ عمي كلي بنتييي كلي طفلتي كليي شيء حسسني بوجودي اتعلم منه

- بهذا وجهج اكلج بنتي؟ الحمدالله والشكر

العلوية :- علي الكاظم يمكن اهلها ما ينطوها لو أختها نووف بيها باب وجواب أكبرهم وقريبة شوي لعمرك بيكم بس 10سنوات بس مو ملاك الي بعمر بنتك ولك بينك وبيها 20سنة

علي الكاظم :- والكافل موش بيدي يمة أحبها أحبهاا

علي السجاد :- كمل غداك هسة ونحجي بعدين خلي يرجع علي الباقر وكلنا نكعد وياك ونحجي

:- ترى اريدهاا البنية

علي السجاد :- وحك عيونك يابعد أخوك اذا مخلوقة الك ما تصير لغيرك واخذها من شاربي اجيبها واحطها بين ايديك بس هسة كمل اكل ولكل حادث حديث

بعد ما خلصت الهوسة على السفرة والكل راح لغرفته صعدت لغرفتي وجان بالي مشوش كلمات علي التقي وعلي النقي عن أمهم جانت مثل السجاجين بكلبي شلون أكدر أقنعهم إن الحياة لازم تستمر؟ وشلون أكدر أقنع روحي إن اللي شفته بالشارع مو أنمار؟ وشلون نقنع علي الكاظم ملاك صغيرة ومو مال زواج؟؟

وكفت كبال الشباچ أباوع للشارع والدنيا بدت تظلم فجأة تذكرت عيونه ذيج العيون المكحلة اللي ما تخطئها عيني لو بين ألف ليش جان يلحكني؟ وليش لابس لثام وجراوية؟ هل هو صدك أنمار لو الشوگ جاي يرسم لي صور وهمية؟
كلت لروحي غدير كافي أوهام أنمار راح بطريقه وأنتِ بطريقج ركزي بدراستج وباهتمامج تجاه ولد إخوانج
نزلت جوة حتى أسوي جاي ثاني لأمي لكيت علي السجاد كاعد بالهول وحده جان يقرأ بكتاب بس من شافني سد الكتاب وتنهد

علي السجاد :- غيمةو تعالي كعدي شوية

رحت كعدت يمه : ها خوية بيك شيء؟

علي السجاد :- أولادي؟ حالتهم ما تعجبني علي الكاظم يريد يتزوج وعلي الباقر ملتهي وأني أخاف هذول الصغار يضيعون بالنص

- والله يا خوية كاعدين يسألون على أمهم وعلى أختهم نور الزهراء كلبي يتكطع عليهم شرد عليهم؟ أكولهم أمكم دمرت نفسها ودمرت اختكم وياها؟

علي السجاد هز راسه بوجع وقهر: لا تكولين هيج السالفة معقدة بس حاولي تحتوينهم أنتِ صايرة الهم الأم والأخت

- جنك على هاي يبعد اختك لا تفكر بيهم وعيونك بعيوني هم

:- صدك اريد أسألچ ملاك شلون اخلاقها هية دائماً تجي الكم!

- سجاديي ملاكك ماكو منها وزينت البنات بسس صغيرة حيل يعني اصغر من علي الكاظم بـ 20سنة!

:- اذا المشكلة بس العمر فـ سهلة تنحل

- شنهي الينحل تصغرون عمر علي الكاظم بالهوية؟ لو تكبرون ملاك تنفخوها نفخ وتكبروها؟

:- ههههههه ولج أقصد العمر مجرد رقم المهم مااكو مشاكل جانبية

- يعني قابل على عرسة؟

:- أييي قابل بس منتضر يرجع أبوها ويدلل علية السيد علي الكاظم اجيبها اله شنو ما صدكت على الله يريد يزوج يدخل الفرح بيتنا

- مادري بعد أنتم أكبر مني وأنتَ اعلمم

:- روححي كملي دراستچ لا تغلسين

- ههههههه لكيت عذر التهي بيه

:- كوومي ولج

تركت علي السجاد ورحت للمطبخ شربت مايي ورجعت صعدت لغرفتي ثاني يوم كعدت وكذالك لكيت علي الباقر بعدة ما راجع لهذا هم رحت للجامعة وي الخط مال طيبة الزهراء وبالي مو بالمحاضرات جنت أحس بظله وراي من خلصت المحاضرة الأخيرة قررت ما أرجع بالخط وي طيبة الزهراء اتصلت بيها وكلتلها عندي شغل بالمكتبة وروحي أنتِ
طلعت من باب الجامعة وبديت أمشي بفرع هادئ شوية وفجأة سمعت نفس الخطوات وكفت بمكاني وما التفتت كلت بصوت عالي وبثقة وي نفسي بس بصوت عالي مثل الي أريد أسمع أحد

- إلى متى تظل تمشي وراي مثل الخيال؟ إذا عندك حجي تعال كوله بوجهي لا تظل تتخفى ورا اللثام

الخطوات وكفت نداريت وجهي على كيف وجان هو نفس الطول نفس الوگفة ونفس العيون تقربت منه خطوتين وجان گلبي يدگ لدرجة أحسها تطلع من صدري

غدير الله :- أنمار؟ أنتَ أنمار مو صح؟

الرجال نزل اللثام على گيفة وجان هو فعلاً أنماربس بملامح تعبانة ولحية خفيفة طالعة وعيونه جانت تحجي قصص من الوجع

أنمار :- عرفتيني علوية ههههه أدري بيج ما تنسين

- ليش جاي تلحكني؟ شتريد مني بعد كلشي أنت رحت وبنيت حياتك وأني بنيت حياتي بين إخواني وأهلي

:- ما بنيت شيء يابعد تربيتي جنت أمشي وجسمي بمكان وروحي يمج كليوم أحلم بيچ وكلت لازم أشوفج خفت عليج من روححي

- خايف عليّ من روحك؟؟ وأنت وين جنت من جانت روحك تاكل بكلبي يومية؟ روح يا أنمار لا تخلي أحد يشوفنا وتصير مكسورة لخاطري وخاطر أهلي السادة ما عدهم لعب بهيج مواضيع

أنمار تقرب خطوة جانت ريحة عطره القديمة نفسها خلتني أدوخ

:- غديرتيي أني ما جيت ألعب أني جيت أكلج إني بعدني على العهد بس الأيام جانت أقوى مني

عفته ومشيت سريع ما ردت أسمع أكثر دموعي جانت تحرك خدي وصلت لراس الشارع وأخذت تكسي ورجعت للبيت من خووفي من أنمار خلاني أنسى خوفي من التكاسي
لمن وصلت للمجمع رحت لبيتنا ودخلت ركضت لغرفتي وقفلت الباب وخليت ايدي على حلگي وبقيت أبجي وأشهگ بالعبرة أحس الهوى ضاگ بصدري وغرفتي اللي جانت مأمني صارت فجأة ضيگة عليّ.. دموعي نزلت حارة مو بس لأن شفته لا لأن نبرة صوته بعدها تنبش بگلبي جروح عبالي خيطتها ونسيتها

بعدك على العهد يا أنمار؟ يا عهد والناس شبعت من وجهك وأني شبعت ضيم بفراگك؟

نزعت عباتي وشمرتها بإهمال رحت گعدت بصف الشباچ وأني أرجف تذكرت عيونه ليش هيچ مكسورة؟ وليش هسة رجع؟

أني علوية وبنت سادة والكلمة عدنا ميزان شلون أگدر أثق برجال عافني بنص الدرب وسوالي كلشيي ما يتسولف ورجع يلحگ خيالي بالدرابين؟ مسحت دموعي بطرف إصبعي وگمت وگفت گبال المراية باوعت لوجهي شفت غدير القوية اللي شايلة هم ناسها وشفت غدير الطفلة اللي بعدها تفز من تسمع أسمه

يا كلبي كافي لا تصير رچيچ أنتَ ببيت السادة واليطلع منه بعد ما يرجعله إلا بشرط وطبع إن جان صادق تدلّيه بيتنا الأبواب وإن جان واهم فـ الله يستر عليه وعلينا

تنهدت وطلعت نفس من صدري ومسحت وجهي وبقيت مغمضة عيوني على امل تنطفي النار الي بصدري وسمعت صوت أمي من جوة تنادي

: غدير.. يمة تعالي سوي چاي إلى إخوانچ

عدلت روحي وابتسمت بانكسار وطلعت

ما تفرغ هاي الدنيا من التعب.. ناس تريد تعرس وهي زغيرة وناس تريد ترجع لحب فات وكتة وأنا بنصهم مثل السفينة الما تعرف يا شاطئ يرسّيها

قفلت غرفتي ونزلت تركت وراي طيف أنمار محبوس بين البردة والباب ورحت لواقعي لبيت السادة وهوسة إخواني اللي ما تخلص

نزلت الدرج وأني أردد بگلبي

يا ربّي أنتَ الستّار اشرَح صدري ولا تخلي ضعفي يغلبني وأستر على علوية ما شافت من دنيتها غير تعب الحبايب

غمضت عيوني وگلت

يا أبا الحسن أنت الملاذ برّد گلوبنا وصفّي هالأيام لا تكسر خاطر طفل ولا تذل عزيز عِشگ

رحت كبل وگفت بالمطبخ سويت قوري چاي مهيّل يطرد المشاكل كلها وگلت وية روحي وأني أباوع للبخار الطالع منه

هيه هيچي قسمة السادة لو نعيش بحب يهد الحيل لو نموت واحنا شايلين هموم الناس فوگ جتافنا والله اليستر من جية باچر

﹉﹉﹉﹉﹉﹉﹉﹉﹉﹉﹉﹉﹉﹉﹉﹉
"" المُعتز باالله ""
ونحَن بالطريق أخذت واتصلت على رحمة الزهراء لان راح نصير قريبين منهم كلت بس نكمل شغلنا نمر عليهم نشوفهم وبعد ما فتحت الخط

المُعتز باالله :- شلونها الشيخة الغالية؟

- شنو هاي عمي صاير ثكيل ومثل يوم العيد يوم نسمع حسّگ ؟ صوت العندليب

:- ههههه عندليب مرة وحدة؟؟

- واحلا أصلا

:- شلونچ عزيزتي شخبارچ؟

- هسة صرت بخير حبيبي إنتَ شلونك؟

:- على الله انا عايش... اصدمچ بشيء حبيبتي

- اصدمنيي بس بدون ما تطفي شمعة شبابي من الصدمة اريد شيء قليل يتحملة كلبي

:- ههههههه نحن هسة صرنا على أطراف بغداد

- صدك والله؟

:- والله العظيم

- زين إنتَ كلت نحن حجيت بالجمع منو أنتم ؟

:- انا والفاروق الأعظم و علي الباقر واصفاد الحق و المرتضى الأمير و شبير

- شعدكم؟

:- شني ما فرحتي

- أنتم السداسي مجتمع وجايني فجأة لهنا يعني اكو مصيبة وتريدني ارتاح وافرح؟

أشر الي علي الباقر ان لا تخليها تحس بشيء والتفت الي الفاروق الأعظم حط أيده على حلكة معنى سد حلكك ولا تفضحناا لهذا حبيت أغير الموضوع وما اخلي رحمة الزهراء تشك بشيء

:- لا حبيبتي ماكو شيء هيچ شغل عندنا نخلصة ونمر عليكم

- اهاا كل الهلاا بيكم حجهزلكم البيت وما أطلع للدوام لعيونكم

:- زاچل هنا لو بالدوام؟

- لا اجازتة اليوم نايم هسة

:- اهاا تمام حبيبتي يلا هسة نحن نروح

- شرشبيل

:- هههههه عيوني

- بالك لنفسك وحيدي

:- وأنتِ هم كشمشتي

- في رعاية الله

سديت الخط وتقربت حضنت علي الباقر من ورة الكرسي وضميت ايدية لصدرة وهمست بأذنة

المُعتز باالله :- بالك لنفسك امشي على كيف يا حبيبي إنتَ

علي الباقر :- صار نحري وصمامي الرئوي امشي على الـ 40 لعيونك الحلوة الاحبهن

ألفاروق الأعظم :- ااععيععع

فريت راسي للفاروق الاعظم وشفت نضراتة مثل القرفان مامتعود على هيچ مشاعر هم حقة وهتفت وياه

المُعتز باالله :- سّد اذانك ولا تسمع اذا ما يعجبك الحجي

الفاروق الأعظم :- لا بعد ما نرجع للمحافظة ضروري اكول للعلوية تزوجكم هذول العزابية هيچي يصير حالهم ؟ لا إله إلا الله

علي الباقر :- أعزيز براحتة يسوي اليعجبة مو هيچ حبيبي؟

- أييي يا چلاويي أنتَ ماعليك بـ هذا الفاروق الأعظم

الفاروق الأعظم :- هسة اعزيز مسلوت نعرفة أنتَ شمالك الجبير عوود ..

- مالك غرض أنتَ لا اطفي شمعة شبابك

الفاروق الأعظم :- أعزيز أرجع لمجانك واهجد لا اكفخك هسة ارجعع ولك

- هي شنهي علوليي المن صعدت هذا العگرة ويانة؟

:- منهو العكرة ولك؟

- أنتَ أكو غيرك من طلعت من السجن وأنتَ ما تنبلع أدور شيل قوطية ببسي وياك هم ياالله الاوادم التشوفك تهضمك

علي الباقر :- شنهي ولك اعزيز قوطية ما تكفي لهذا

- ااييي وسبي زينب لا غيرنا دور شيل چركل ببسي على رأسك وامشي بيه

الفاروق الأعظم صلح كعدته وباع للمراية الجامة وهو عاكد حواجبه بس الضحكة بدت ترسم طرف شفته رغم محاولته يبين جدي

الفاروق الأعظم :- أي عفية تفقوا عليّ.. صايرين حزب الحبشكلات وأنا طالع بيها العكرة ولكم لوما هاي العكرة جان هسة أنتم تايهين بمدارات بغداد منو اليفتحلكم الدرب غيري؟

ضحكت بصوت عالي وطبطبت على جتف علي الباقر وهتفت وياهم

المُعتز باالله :- هههههه شوف علولي العكرة اشتغل عنده عرج القيادة عمي التوبة أنتَ الدليل وأنتَ السند بس خف علينا شوية والله جهرتك هاي تگطع الرزق الواحد يباوع بوجهك ينسى حتى هو وين رايح!

علي الباقر :- لا والله عيوني اعزيز الفاروق عطر لليعرفه بس هو يحب يسوي روحه هيبة كدامنا ما يدري إحنا حافظين الدكة والربابة مالته

الفاروق الأعظم :- دمشوا ولد القند... أنا هيبة غصباً ما عليكم هسة بدال هاللغوة هاي فكروا برحمة الزهراء إذا شافتنا ستة سوية وبلا موعد والله تذبنا بالتحقيق وما نخلص واللّسان عدها شط طوله كيلوين

المُعتز بالله :- لا تشيل هم هي كشمشتي وأنا أعرف شلون أمتص عصبيتها بس الخوف من زاجل هذا إذا فز من النوم ولكانا فوك راسه يسوينا نشرة أخبار وما يخلي واحد بالمنطقة ما يدري بينا هههههه

علي الباقر :- أي والله زاجل إذا اشتغل الرادار ماله يحيرنا بس شبيك عزوز عبالك شارب شربت نومي بصرة منتهي مفعوله!

المُعتز باالله :- اييي والله لأن مرت دقيقة وأنتَ ما كايلي صمامي الرئوي ولا كايلي نحري يا جلاويي أنتَ اشتاكييت لصوتك

الفاروق الأعظم :- ولكم كافي صمام ونحر وكلية.. شنو كاعدين بردهة الطوارئ؟ ولك عليوي أنت الجبير صير عاقل لا أهذري بيك هسة وأخليك تمشي عكس السير بساحة التحرير

المُعتز بالله :- ههههه هاهي عمي سكتنا بس والله يا علولي الطلعة ويا العكرة تونس تحس روحك بفيلم أكشن وبطله شايل الدنيا على راسه وما عاجبه العجب

علي الباقر :- يمعودين صلو على النبي وصلنا تقريباً عدلوا وجوهكم

المُعتز بالله :- اللهم صلِ على محمد وآل محمد.. يلا يا سداسي المرح خلونا نشوف هاي الكعدة شلون راح تصفى

رجعت لمكاني ونمت على الكشن على طولة وصرت اللعب بتليفوني على أمل يخلص الطريق و علي الباقر شغل بالسيارة قصيدة بإسم الكربلائي " يا نبعا لإحساسي "
رحت للستيديو دخلت على المجلد المقفل مال الصور وحطيت الرمز وانفتح وجنت مخزن بيه صور وهج الطف أيام ما جانت عندنا وصورها وهي لازمة الورد بيت عمي عبد الحسن

شيصير لو الزمن ينعاد ؟
يعني ما ينكتل ابوي!
ولا تنمس شعرة من تحرير
وهج الطف تعيش الطفولة ويانة مثل ما نحن عشناها
عبد الحسن مايصير متجبر
وعمتي فاطمة الزهراء من البداية متزوجة سائد جبران
وحقن الدم من ولد الولد

شنو يصير لو انا ما متسرع بزواج طيبة الزهراء ؟
لو أريج الله أخذت واحد من عنظنا بذاك اليوم وطلعنا وياها
شنو جان راح يصير لو جرح ما صارتلي جرح؟
شلون حياتي راح تصير لو الثار مادخل النا؟

بين كل هي الأمور الأفكر بيهن لو لو لو
ختمت عقلي كلة بسؤال بخاطري جوابة وهوو
﴿ لو السيد أحمد الصادق موجود بوسط كل هي الأحداث ﴾

حذفت الصور وكلشي وطفيت التليفون خليتة على صدري وحطيت ايدي على گصتي وغمضت عيوني والسيارة تمشي والطبات مال الشارع من تنرفع السيارة وتنضرب بالكاع أحس روحي تطلع ومتحمل وساكت منتضر نوصل حتى التعب هذا والتكسير اطلعة براس ابو حيدر و الجاب حيدر
ونشوف يا عشيرة تطلع وراهم أبوهم لا ابو أصلهم منين ما اجو اذا طلع عندهم أصل من الأساس أشباه الزلم ...

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
السيارات السود جانت تشگ سواد الليل شگ تمشي ورا لخ بموكب جنائزي مهيب بس هاي المرة مو جنازة التمشي هذا عزرائيل جان كاعد بالصدر وصاير سايق الهم بعد ما وصلوا الصبح وكفوا بكاع شبه صحراء ونزلوا كلهم
جان السيد أصفاد الحق واكف وبصفه علي الباقر اللي جان يملي المخازن بهدوء مرعب صوت كطكطة الرصاص وهو ينزل بالمخزن جان الإيقاع الوحيد اللي يكسر صمتهم
أصفاد جان عاصر ايدة بقوة عروک ايده بارزة ووجهه عبارة عن حايط صمّ عيونه الما تغمض جانت ترسم خريطة الدم اللي راح تسيل التفت على علي الباقر وكال بصوت ناصي

أصفاد الحق :- علي اليوم أريد يعرفون إنو بيوت السادة مو حايط ناصي اليوم أبو حيدر يفتهم إنو الشيبة اللي هدد بيها سُكر راح اصبغها بدمه

علي الباقر جاوبه وهو يضرب المخزن بأسفل السلاح

- ابشر الولد كلهم ذبوا المحابس واليوم الفعل يسبق الكول. الفاروق وشبير و المؤتز والمرتضى كلهم وراك واليوم الدنيا تضيك بيهم

رجعوا صعدوا سياراتهم ومشوا المسافة الباقية القليلة الهم وصلوا للمزرعة مالت أبو حيدر مكان معزول ومسور والچلاب تنبح من بعيد كأنها حاسّة بالموت الجاي أصفاد الحق ما وكف بعيد لا صعد بالسيارة فوك الرصيف وضرب البوابة الحديدية بكل قوته طيحها وخلة صوت الانفجار يرج المنطقة ومثل نزلت الوحوش.. نزل الفاروق الأعظم وهو شايل البي كي سي وكأنها لعبة بيده ونزل شبير والمرتضى الأمير كل واحد بيهم شايل قامة أما المعتز بالله فجان شايل القناص وابتعد شوي أخذ زاوية كأنو ديصيد غزلان مو زلم

صاح أصفاد الحق بأعلى صوته

- أطلع يا نغللل أطلع يا أبو حيدر اليوم السادة أجوك لباااابك اليوم الحساب يصفى يا ناقص الغيرة

طلعت جماعة أبو حيدر السرسرية اللي جانوا يم سُكر وطلع وياهم زلم مسلحين وجان الشايب واكف بالبلكونة الفوك شاف أصفاد الحق وإخوته واكفين مثل الأسود

أبو حيدر صاح

- لك أصفاد أنت استعجلت على موتك جاي لوسط گاعي؟

الفاروق الأعظم ما انطاه مجال يكمل رفع سلاحه ورمى صلية رصاص خلت السقف الخشبي الي مسوينة يطشر فوك راس أبو حيدر

الفاروق الاعظم :- كاعك نعلكها على راسك اليوم أطلع يا جبان لو نطلعك سحل؟

هنا بدت العركة الجحيم انفتح بابه الرصاص صار مثل المطر والوهج مال السلاح يضوي الوجوه المعصبة
المرتضى الأمير جان يركض وصل لواحد من الحراس اللي جان شايل سلاحة وبحركة سريعة سحب السجينة واخذ السلاح منه وحط السجين برجلة ودفعه وهو يكول

المرتضى الأمير :- هاي علمود اخوي اللي رعبتوه عائلتة يا حثالة

أما شبير فجان مثل الإعصار دخل بنص ثنين من جماعتهم لزم راس واحد ضربه بالحايط لحد ما انفتح والثاني ضربه بركبته خلاه يفرفح بمكانه

أصفاد جان يمشي بخطوات ما يركض جان يمشي عيونه بس على أبو حيدر اللي حاول ينهزم من الباب الخلفي
صاح أصفاد الحق ورمى طلقة بصف رجل أبو حيدر وكفتة بمكانه

- وين توليييي؟!

بهالأثناء واحد من جماعة أبو حيدر حاول يغدر بأصفاد الحق من ظهره بس لحگة السيد علي الباقر وضربة على راسة وهتف وي أصفاد ألحق

- صفد ظهرك محمي اصفيهم الك واحد واحد

أصفاد الحق وصل لأبو حيدر لزمه من ياخته وسحله سحل للكاع كدام كل جماعته اللي بدوا ينهزمون ويذبون سلاحهم من شافوا آل الحق شلون يقاتلون

علي الباقر جان واكف فوك راس السرسرية الاثنين اللي راحوا لسُكر جانوا يرجفون ويبجون علي الباقر ضرب واحد بيهم بـ أخمص البندقية على وجهه هشّم خشمه

علي الباقر :- مو كلتوا نكسر راسها؟ ها؟! هسة منو اللي انكسر راسه؟

أصفاد الحق شمر أبو حيدر بالتراب وداس على صدره ببسطاله وجه أصفاد الحق جان مرعب ملامحه اللي جانت هادئة كدام سكر هسة صارت مثل الشيطان الرجيم

اصفاد الحق :- سمعت عندك لسان طويل وسمعت تحجي بالجفن؟ لك أنت تدري وي منو لعبت؟ أنت لعبت وية واحد الموت عنده ونسة وطك الفشك احلا ماعندة !

أبو حيدر وهو يلهث ويطلع دم من حلكه

- سيد دخيلك خللصص السالفة سوء تفاهم ما تشوف وجهي بعد

أصفاد الحق ضربه طلقة بالكاع بصف اذنه خلاه يفقد السمع من الصدمة للحضات

- سوء تفاهم توصل لبيوتنا؟ تهدد بنية أمانها بركبتي؟ تووصل لمرتتيي وتدخل بيتي تريد وتخوف ابني؟ ولك أنت شيبتك هاي هسة أحركها بجكارة

الفاروق الأعظم تقرب وجهه حاار عيونه تجدح

الفاروق الاعظم :- صفداان لا تضيع وكتك ويا خليني أفرغ المخزن بكرشه وأنهي القصة وأخذ بيه إعدام عاادي

أصفاد الحق رفع ايده يوكف الفاروق الأعظم دنك على أبو حيدر وبصوت ناصي يرجف من الحقد

أصفاد الحق :- ما راح أكتلك هسة راح أخليك تعيش وأنت مكسور راح أخذ كل سياراتك وأحرك مخازنك وأطردك من هالمنطقة مثل الجلب المنبوذ وإذا شفت خيالك يحوم يم سُكر أو يم بيتنا والله العظيم يا أبو حيدر أخلي لحمك تأكله الجلاب وأنتَ حي يلا يا ولد احركوا السيارات كلها والمخزن الجوه أريده يصير رماد واذا اشتكيت ياا ابو حيدر ورحت تلعب بالقانون تعرف اليصير ماكو داعي احجي بعد

بدوا الأخوة يشتغلون المرتضى الامير وشبير جابوا بنزين ورشوا المكان كله النار بدت تصعد للسماء وصوت الانفجارات خلة ابو حيدر وجماعتة كلها تعرف إنو السادة زعلوا وزعلهم كلفته غالية

رجعوا للسياراتهم التراب وشوية دم مالي هدومهم بس جانت ملامحهم مرتاحة أصفاد الحق كعد ورا الستيرن اخذ نفس عميق وطلع جكارة ورثها من نار المزرعة المحتركة

علي الباقر باوع لأخوه وكال

- هاهي سيد؟

أصفاد نفخ الدخان وبعيونه نظرة حزن عميق مخلوط بقوة أبتسم وهتف وي أخوه

:- هاهي.. اليوم صالحة وامي وسكر ينامن وهن مرتاحات والظالم عرف حجمه

تحركت السيارات وخلفت وراها دخان أسود يشبك سماء بغداد وكأنها تعلن نهاية حقبة وبداية رعب جديد لكل واحد يفكر يتقرب من حدود آل اصفاد الحق السكوت داخل السيارة جان أثكل من الرصاص أصفاد الحق عيونه على الطريق وعلي الباقر يمسح الدم عن طرف چفه بهدوء أما المعتز بالله فجان يباوع من الجامة وهو يبتسم بمرارة يحس روحه رجعتله بس الغصة بعدها بگلبه

وصلوا لبيت رحمة الزهراء الشمس بدت تميل للمغيب والجو صار بيه نسمة برودة غريبة نزلوا من السيارات ست زلم مثل الجبال هدومهم الي بيها شوي دم وريحة الدخان والبنزين تفوح منهم المعتز بالله تقدمهم عدل ياخته وحاول يمسح التعب عن وجهه دك الباب

وفتحت الباب رحمة الزهراء وكفت مصدومة عيونها راحت على أصفاد اللي وجهه جان عبارة عن لوحة من الغضب المكتوم وعلي الباقر اللي هدومه متبهذلة

رحمة الزهراء :- يا ستار يا ربي هاي شبيكم؟ ولك اعزيز هاي شنو هاي الوجوه؟ أصفاد خويه بيك شيء؟

أصفاد الحق :- ما بينا غير العافية يا شيخة ضيوف وتقبلين بينا بهالمنظر لو نرجع؟

رحمة الزهراء فتحت الباب على وسعه وهتفت وياهم

- فوتوا يمة فوتوا البيت بيتكم بس والله گلبي لچمني من شفتكم .... زُبير ولك زُبير اكعد السادة أجويي !

دخلوا للصالة كعدوا وكل واحد بيهم شايل جبل على ظهره الفاروق الأعظم ذب سلاحه البي كي سي بالزاوية وكعد يفرك بوجهه أما شبير والمرتضى الأمير فجانوا يتهامسون يتذكرون ابو حيدر وشلون جان يتوسل ويضحكون

زُبير طلع يركض شعره مخربط وعيونه غمص

زُبير :- ها خير شكو؟ ولك اعزيز هاي شنو؟ شو صايرين عصابات؟

المعتز بالله :- هههه لا ولك زاجل بس رحنا نأدي واجب وطني ونرجع جيبولنا مي ريجنا نشف من حرارة الموقف

رحمة الزهراء :- سودة عباتي هسةة اجيبلكم ماي اصبرولي

بعد ما ارتاحوا وشربوا مي رحمة الزهراء ما سكتت وكفت كدامهم وهي حاطة إيدها على خصرها عيونها تدور بين أصفاد الحق وعلي الباقر

رحمة الزهراء :- أسمعوني زين أنا أعرفكم واحد واحد هاي اللمة مالتكم وراها دم أصفاد الحق أحجيلي الصدك شسويتوا؟

أصفاد الحق :- رحمة الحرمات خط أحمر واليوم حطيت الخط جوة رجلين أبو حيدر حركت مزرعته وكسرت شوكته وخليته يعرف إنو أصفاد الحق وراه زلم تاكل النار وما تشبع

- عزززة أبو حيدر؟ هذا اللي يكولون عليه واصل؟ ولك أصفاد أنت تدري هذا وراه عشاير؟ موش عشيرة وحدة

الفاروق الأعظم :- خل تطلع عشايره إحنا مو ولد البارحة وإذا يريدون جولة ثانية المخازن متروسة والروح رخيصة لعيون العلوية

علي الباقر :- خوية رحمة السالفة خلصت هناك لا تشيلين هم إحنا بس ردنا نمر عليج نغسل تعب الطريق ونرتاح شوي قبل لا نرجع للمحافظة

المعتز بالله جان كاعد بالزاوية عيونه مركزة بنقطة فراغ كلام أصفاد الحق عن الحرمات خلاه يرجع بذاكرته لسنين لورة تذكر وهج الطف تذكر عيونها من جانت تضحك وتذكر اللحظة اللي انكسر بيها كل شيء

المعتز بالله :- لو جان السيد أحمد الصادق هنا جان سمح بهالدم؟ لو جان هو اللي يقودنا؟

علي الباقر :- اعزيز السيد أحمد جان مدرسة وبسببه إحنا هسة واكفين على رجليناتنا لا تضل تاكل بروحك بـ لوو الواقع فرض نفسه وإحنا سوينا اليمليه علينا ضميرنا

المعتز بالله :- بس علي الثار جمرته ما تطفى اليوم حركنا مزرعة باجر شيحترك؟ الوجع اللي بداخلنا ما تبرده نار تبرده بس العدالة اللي ضاعت من زمان

الفاروق الأعظم :- دكافي عاد كلبناها مناحة؟ رحمة وين العشاء؟ متنا جوع لو بس فالحة بالرادار مالتچ تصيدي أخبار؟

- صار عمي صار هسة اسويلكم ذاك العشاء المعدل بس بشرط تحجولي بالتفصيل شنو سويتوا

بعد العشاء صعد المعتز بالله للسطح جان الهوى عالي طلع تليفونه فتحه ورجع للمجلد المقفل لــ صور وهج الطف جانت
مثل الملح على الجرح بس جان ماسحهم

المعتز بالله :- شلون عشتي يا وهج الطف ؟ وشلون كبرتي بعيد عن عيونا؟ عبد الحسن مو بس ظلمج ظلمنا كلنا كسر جبارنا وخلى الغريب يتشمت بينا

لحكه شُبيرْ للسطح وكف بصفه مدله جكارة وانطاه جداحة وهتف وياه

شُبيرْ :- بعدك تفكر بيها؟

المعتز بالله :- ما فاركت بالي لحظة أحس روحي مقصر أحس كل قطرة دم نزلناها اليوم جان لازم تنزل بذاك اليوم اللي ضاعت بيه وهج الطف

شُبيرْ :- المستقبل يوجع أكثر من الماضي يا عمي اليوم الحرب وية هيج نماذج مثل أبو حيدر ما تنتهي بطلقة ولا بحريچة هاي حرب وجود

المعتز بالله :- وتحملها؟

- نتحملها غصباً عنا إحنا ال الصادق والمر ينضاك عدنا مثل العسل إذا جان وراه كرامة

:- أكول ابن أخوي

- كول ..

:- أنتَ تحب؟

- هههههههه الحب و شبير!

:- وليش يعني

- لا عمي ما أحب

:- حط عيونك بيعني

- عمييي

:- لا طاح ومحد مسمي عليك وتكلي ما احب درووح رووح هلسوالف انا جنت اسويها

- وشلفايدة احب وماكدر أخذها!

:- وليش ماتكدر تاخذها ؟

- يعني بس مسيحية واكبر مني بثلاث سنوات وبس هيچ

:- هاي وين وكعت عليها؟

- تشتغل وياي بالمحل

:- صدك تحجي أنتَ ؟

- خلص عمي أنسى واني مطلعها من رأسي البنت لا من ثوبي ولا شيء

:- زين تسوي لا احط راسك هنا مسيحية كاليي مسيحية

- هههههه انزل يلا برد عليك عمي

:- وأنتَ هم تعال وراي

- صار

نزلوا المعتز باالله وشبير وضلوا كاعدين يسولفون ويلعبون وي حمودي لمن صارت الساعة 10بليل جهزت رحمة الزهراء مكان منامهم وجبرتهم يبقون ويطلعون وقت الفجر ما خلتهم يطلعون بهذا الليل ناموا الأخوة الستة بيت رحمة الزهراء بس نومهم جان فزة وفزة علي الباقر جان يحلم ويتفزز والفاروق الأعظم جانت إيده تتحرك كأنه كابض على سلاحه أما أصفاد الحق فجان كاعد وواكف على الشباچ يراقب الشارع لحد ما طلع الفجر الصبح وقبل لا يمشون وكفت رحمة الزهراء تودعهم بالباب بخرت البيت وطلعت وراهم بالماي وكأنها امهم وخايفة عليهم من الطريق الراح يمشونة وتريدهم يوصلون بالسلامة

رحمة الزهراء :- ديروا بالكم على نفسكم أصفاد الحق لا تخلي الغضب يعمي عيونك عزيز وحيدي بالك لنفسك يا شرشبيل

المعتز بالله باس راسها وهتف وياها بضحكة

- في أمان الله يا غالية لا تشيلين همي ترى بس السباع وراي

صعدوا السيارات وبدوا للرجوع الطريق جان طويل وعلي الباقر رجع شغل قصيدة " سر الإمام "
المعتز بالله غمض عيونه بس هالمرة ما فكر بالصور فكر بالكلمة اللي كالها أصفاد الحق (الظالم عرف حجمه)
بس سؤال واحد بقى يتردد بذنه مثل صدى القذيفة

( ترى أبو حيدر راح يسكت؟ لو هذا جان مجرد إعلان حرب والآتي أعظم؟ )

التفت للمقعد الخلفي شاف الفاروق الأعظم نايم والسكينة بوجهه ابتسم المعتز بالله وسند راسه على الجامة وهو يكول بگلبه : يا بو حيدر إذا أنتَ عندك زلم أنا عندي سلاطين الأرض وما نركع إلا لله

﹉﹉﹉﹉﹉﹉﹉﹉﹉﹉﹉﹉﹉﹉﹉﹉
"" أريج الله ""
بعد ما كعدت الصبح طلب مني اتصل بأمي عرفت ان إخواني رجعوا من بغداد وصاروا بالبيت وانا كلت لأمي بكلشي لهذا جانت منتضرة حيرام على نار تفتت كلبها من سمعت مني لهذا تريكنا وضحكات الجهال جانت تملي البيت حَيرام جان يباوعلهم بنظرة غريبة نظرة واحد جان ميت وعاش من جديد بس عيونه ما خلت من ذاك القلق الدفين بدلنا وطلعنا لبيت أهلي جان بالي سارح بيه وكل شوية ألتفت على حَيرام الكاه صافن وايديه شادة وصلنا لبيت اهلي الجان يبعد عني كم بيت الجو جان ثكيل الهوى تحسه محمل بريحة غريبة مو ريحة مطر ولا ريحة تراب ريحة تخليك تختنك بلا سبب وحَيرام جانت بيدة جنطة صغيرة لزم ايدي وضغط عليها حيل قبل لا ندك الباب

فتحت لنا الباب أمي وجهها جان ذبلان العيون غايرة والسواد جوه جفنها يحجي قصص عن ليالي ما نامتها أول ما شافت حَيرام فزت ورجعت خطوة ليورة بس هو دنك على ايدها باسها وحطها على راسه

حَيرام :- شلونج علوية ؟ سامحيني على القصور بس الشدد يزول واليوم كطعهن كلهن بإذن الله

العلوية :- يا يمة حَيرام البيت احترك والكلوب انمردت المعتز بالله يهلوس بأسامي ما نعرفها وأم البنين ذابت مثل الشمعة فوت يمة فوت الله يبرد كلبك

دخلنا للصالة البيت جان هدوءه مرعب مو هدوء راحة لا هدوء عاصفة مارة ومخلية بس الخراب حَيرام كعد وطلب يشوف الإثنين الطاحت السالفة براسهم امي جابتهم بالهول المعتز بالله جان كاعد بصفحة عيونه تايهة يباوع للفراغ وما يحجي وأم البنين كاعدة يم امي وجهها اصفر كركم

حَيرام طلع من الجنطة بطل ماي مكشور (مقري عليه) وأجياس زغيرة بيها بخور وخلطات أعشاب ريحتها حادة التفت لأمي وكال بصوت

حَيرام :- علوية اسمعيني زين هذا الحجي أمانة بركبتج هذا الماي مو ماي عادي هذا ممرود بيه اريدج تاخذين المعتز باالله وأم البنين كل واحد منهم يسبح من هذا الماي بس كون الماي الي ينزل من جسمهم ما يروح بالمجاري أريدج تجمعي بطشت وتذبي بعتبة الباب الخارجية وبزوايا الحديقة

العلوية :- يمة حَيرام هذا شيسوي؟

حَيرام :- هذا يفك الرباط الي انحط بدمهم شخص جان يشتغل على الأثر وهذا الماي يغسل الأثر من العظم وبعدين هذا البخور أريدج تبخرين البيت كله وتفتحين الشبابيچ ولا تخلين أي ركن من البيت ضلمة حتى الهدوم الي جانوا لابسيها من بدت حالتهم تتدهور تطلع وتنشمر بعيد عن البيت

أريج الله :- حَيرام والي سواه بالبيت؟ السحر المدفون؟

حَيرام :- أريجات السحر مو بس ورقة مدفونة السحر نفس خبيثة دخلت ببيوتكم أنا اليوم راح أطلع للحديقة وأنهي السالفة من عرجها بس أريدكم كلكم تجتمعون بغرفة وحدة وتقرون سورة البقرة بصوت عالي ولا واحد يطلع مهما سمعتوا صوت برة

أني كلبي وكع لزمت ردانه وهتفت وياه

أريج الله :- حَيرام شراح تسوي؟ لا تروح وحدك!

حَيرام :- أنا منقذتج مو؟ لا تخافين هدوتي السواد الي شفته بذيج الليالي خلاني أعرف شلون أتعامل وية أهل الظلام يلة يمة علوية توكلي بالله

أمي أخذت الماي وبدت تمسح بوجه المعتز بالله وصرت أشوف اخوي شلون من جان هادئ ويضحك بدأ يرجف عبالك الماي نار وجاي تحركه بدأ يصيح بصوت مو صوته وأم البنين فزت مرعوبة وتصرخ

:- طلعوا من راسي كافي !

أني لزمت أولادي نور الحسن وشمس الحسين وحضنتهم بزاوية الغرفة حَيرام طلع للحديقة جانت الدنيا ضحى جنت من الشباج أباوعله وكف بنص الحديقة طلع سجينة صغيرة وشك أيده خلى قطرات من دمه توكع على الأرض وهو يتمتم بكلمات ما مفهومة بس جانت قوية وصرنا نسمع الها صوت يشبه العويل

فجأة المعتز بالله كام يتقيأ شي أسود مثل الفحم وأمي تقرأ وتصلي على محمد وتصب الماي على راسه البيت صار عبارة عن معركة أصوات طبطبة على السطح بجي أطفال بالهواء وريحة بالبيت بدت تخنك الخبث الي جان بالبيت
حَيرام بالخارج جان يواجه شي ما أشوفه بس أشوف حركاته جان يدفع بالهواء ويصيح

:- اطلعوا ميتكم مات وحيكم فات وهذا البيت لـ آل محمد ممدود ما الكم بيه نصيب!

اللحظات مرت وكأنها سنين لحد ما فجأة صار سكون تام
حتى صوت الريح انقطع

حَيرام وكع على ركبه بالحديقة يلهث وتعبان حيل

ركضت عليه فتحت باب الصالة وطلعتله أمي جانت وراي المعتز بالله جان نايم بالكاع بس وجهه رجعتله ملامحه البشرية وأم البنين بدت تتنفس بانتظام

وصلت لحَيرام لكيته وجهه شاحب بس عيونه تلمع بانتصار لزمت وجهه بيدية وصحت بيه

اريج الله :- حَيرام حبيبي أنتَ بخير؟

حَيرام :- خلصت يا أريج الشر انكطع ذيله والشر الي زرعه حركته بدمي وبالماي الي قريت عليه بيت أهلج نظف وما راح يجرؤ أحد يدوس عتبته بشر بعد اليوم

أمي طلعت وهي تبجي ذبت طشت الماي الي جمعته ورا السبح بالعتبة مثل ما كال وفجأة شمينا ريحة طيبة تغلغلت بكل زوايا البيت

حَيرام رجع على الحايط سحبني لصفه وقريبة علية حيل وهمس بأذني وكال

:- تعبت يا أريج الحرب وية الشياطين تاكل من الروح بس لجل عيونج ولجل ذولي المساكين كلشي يهون

أريج الله :- ليش سويت هيج بروحك؟ ليش دمك يا حَيرام؟

:- لأن الشر جان يطلب ثمن وأنا انطيته ثمناً يخليه يغص وما يكدر يرجع هسة اريدج تصيرين قوية المعتز بالله وأم البنين راح يحتاجون وكت حتى يسترجعون عافيتهم بس الكابوس انتهى

حطيت ايدي على وجه وبستة بگصتة وهتفت واني احط عيوني على عيونة

اريج الله :- أحبك حَيرام أحبك تعال اضمد ايدك

:- فوتي لجوة وانا ايدي انا أسويها هسة شوفي إخوانج

- حَيرام

:- هدوتي فوتي لجوة وانا افوت وراج لا تنزع حجابها وصايتها أم البنين شوية وافوت عليكم

- تمام ياروحي

دخلت لجوة وشفت المعتز بالله فتح عيونه وام البنين كذالك صارت أحسن كعدت وتباوع الي
وبعد ما دخل حَيرام صار ألمعتز باالله يباوع لحَيرام وبدون كلام كعد وحضنه جان مشهد يكسر الصخر اثنين زلم واحد جان ضحية وواحد جان المنقذ تلاكوا بلحظة صفاء بعد عاصفة دمرت كلشي

أمي لمتنا كلنا وسوت چاي لحد ما يجهز الغدة ويجون بقية إخواني بس هالمرة الچاي جان طعمه غير طعم الأمان الي فقدناه من شهور حَيرام جان كاعد يمي يشرب ويحط جاي بماعون صغير ويشرب نور الحسن بيده وكل شوية يباوع لبطني ويبتسم

حَيرام :- هذا الي بداخلج راح يجي لدنيا نظيفة لا بيها داسِم ولا بيها سواد

أريج الله :- إن شاء الله يروحي بس حَيرام أنتَ شراح يصير بيك؟هذا التعب الي بوجهك شوكت يروح؟

حَيرام :- يروح بوجودج ويروح من أشوف أهلج رجعت الضحكة لوجوههم أريجاتي أنا عاهدت ربي من يوم الي خلصتج من ذاك السرداب أن أكون سيفكم بوجه كل شر وها أنا وفيت بعهدي

العلوية :- ربي يحرسّك يايمة وينطيك مرادك

- مرادي بنتچ حجية ماعندي غيرها

رجعنا لبيتنا ولمن مر علنا الليل جان هادئ حيل الكل ارتاح من الهوس وكلشي والبيت غفه على صوت أنفاس الجهال المستقرة طلعت للطارمة لكيت حَيرام واكف يباوع للسمة والنسيم البارد يلاعب شعره الطولان تقربت منه بخطوات هادئة حطيت ايدي على ظهره فز شوي واندار علية بس من شافني ارتخت ملامحه وذبلت عيونه بضحكة خفيفة

حَيرام :- ليش كاعدة لهسة يا بعد حيلي مو كلنا الهرمونات والجهال تعبوج؟

تقربت منه أكثر لزمت ياخة قميصه وجريته علية صرت قريبة منه لدرجة خلطت أنفاسي بأنفاسه

أريج الله :- شلون أنام وعيوني ما شبعانة من وجهك؟ تدري حَيرام جيتك هاي خلتني أحس روحي جنت ميتة وهسة حييت.. أنت مو بس منقذي أنت هداي وعافيتي

- لا هي كلماتي لا تاخذيهن

:- اههههههه يلوكن عليك أكثر من ماهن الي

حَيرام لزم خصري بأيديه الثنين وقربني لحضنه حيل حسيت بدكات كلبه تدك بصدري سحب نفس طويل من ركبتي وهمس بصوت ذايب

- أريج ياريحة الجنة النازلة بوسط تعبي وحگ العباس غيابج جان جمر يحرك بروحي أنا الما يهزني ريح كدام عيونج الفضية أطيح وما أعرف شلون أكوم أنتِ هدوتي وأنتِ السند الي مالت عليه الدنيا وما مال

رفعت راسي وباوعت بعيونه جانت مليانة شوك يجوّي مررت أصابعي بين لحيته الطولانة وكتله بصوت ناصي

:- صاير خشن حَيرام.. بس والله طالع تخبل هاي اللحية والشوارب بيهن هيبة تكسر عيون الزلم وتكسر كلبي أنا

ضحك بصوت مكتوم ودنك باس كصتي وبعدين نزل لشفايفي بهمس

- أنا كلي إلج بخوشي وبمروري بتعبي وبراحتي يابت گلبي الموت جاني ألف مرة بفركتج وكتله ارجع عندي أمانة بركبة أريج لازم أردها هسة شوفي وجهي شوفي عيوني ما تشوفين بس صورتج محفورة بيهن؟

لزم ايدي وحطها على جهة كلبه وكمل كلامة وكال :-

- تسمعين؟ هذا مو نبض هذا اسمج جاي ينحت بالضلوع أريج الله أنتِ النعمة الي أخاف عليها حتى من روحي لا تكولين حملهم ذبيتة عليج أنا روحي ذبيتها بين ايديج وأنتِ جنتي أكدها

ذبت بين ايديه وما حسيت غير وأنا مغمضة عيوني مستسلمة لدفء حضنه وكلماته الي جانت مثل البلسم على جروحي بقيت بحضنه وكتله

:- وعدني حَيرام لا تروح بعد الموت أهون علية من غيابك

- وعد وحگ عيونج الي تسوى عندي الدنيا ما يفرقنا إلا الموت وحتى بالموت راح أظل أحوطج مثل الخيال

:- نفوت جوة؟ هسة هذا كلام ينگال بالطرمة وغرفتنا باردة؟

سحبني من ايدي ودخلنا جوه البيت جان دافئ بريحته قبل لا ندخل غرفتنا التفت علية وشالني بين ايديه رغم تعبي وحملي بس جان يشوفني أخف من الريشة

حَيرام :- الليلة خل ننسى داسِم وننسى السحر وننسى الوجع الليلة ماكو غيري وغيرج ونبض الصغير الي بداخلج يشاركنا هدوءنا

دخلنا للغرفة سد الباب برجليه وهو عينه ما فارقت عيني وبوسط ذاك الهدوء نمت على صدره وأنا متأكدة أن الشمس من تطلع باجر راح تطلع بس على وجه حَيرام وأيامي الجاية وياه

﹉﹉﹉﹉﹉﹉﹉﹉﹉﹉﹉﹉﹉﹉﹉
"" غدير الله ""
كعدت الصبح الشمس جانت بعدها تلملم روحها بس أنا جان عندي محاضرة بـ 8:30 ولازم أستعجل غسلت وجهي ولبست ملابسي رتبت شالي وأنا أباوع بالمراية وجهي شاحب يمكن من القلق الي عشناه بالبيت بالفترة الأخيرة بس اليوم جان أكو بصيص أمل لأن البيت بدت ترد بيه الروح

نزلت الدرج أركض شفت أمي العلوية واكفة بالمطبخ وجها بي طمأنينة غريبة اليوم

- صباح الخير يمة

العلوية :- صباح النور بنيتي تعالي اتريكي لگمة وحدة قبل لا تطلعين

- لا يمة تأخرت وين علي الباقر؟ خلي يگوم يوصلني

التفتت شفت علي الباقر كاعد بالهول بس مو علي الباقر الي أعرفه جان كاعد وعيونه حمر يفرك بوجها بعصبية رحت يمه ودلعت عليه مثل كل مرة

- علاوي يلة حبيبي كوم وصلني للجامعة تدري الطريق طويل وأنا اليوم متأخرة

رفع راسه وباوعلي بنظرة خلت جسمي كله يكزبر عيونه جانت بيها قسوة غريبة صاح بية بصوت رعد روحي

علي الباقر :- مااا فارغلج شني أنا السايق الچ روحي وحدج لو بطلي من هاي الجامعة المااصخة !!

انصدمت رجعت خطوة ليورة ودموعي طفرت

- علي شبيك؟ أنا أختك اناا غيمة ليش هيج تحجي وياي؟ أنت كل يوم توصلني

كام من مكانه ودفعني من جتفي بقوة

علي الباقر :- كتلج عندي شغل لا تلحين طلعي من كدامي لا أهفهفج هسة!

أمي جتي تركض ومستغربة

العلوية :- يمة علي شبيك وية أختك؟ البنية شسوت؟

ما جاوبها أخذ سويجه وطلع وضرب الباب وراه بكل قوته بقيت واكفة بمكاني الرجفة أخذت ايديه أمي حطت ايدها على جتفي

العلوية :- يمة غديرة عذري أخوج يمكن ضغط الشغل والتعب

:- يمااا من يمتا علي الباقر يتعامل وياي هيچ هذا مو اخويي

- امسحيها بوجهيي يبعد امج

:- ماريد امسحها بوجه أحد وتعرفي اليوم شنو شوفي شلون يعاملني بهذا اليوم شكراً الكم ..

- روحي يمة أخذي تكسي من راس الفرع الله وياج

طلعت من البيت والخنكة بصدري الدنيا جانت هدوء والفرع فارغ لأن الوكت بعده بداية دوام مشيت وأنا أعدل بجنطتي وكل شوية ألتفت وراي أحس أكو عيون تراقبني أحس الهوى صار ثكيل

وصلت لراس الفرع المكان جان يخوف بشكل مو طبيعي فجأة سمعت صوت صرصرة تايرات قوية سيارة تاهو سودة جامهه مظلل اجت تمشي بسرعة جنونية ووكفت كبالي بالضبط سدت عليَّ الطريق

گلبي وكع بين رجليه ردت أركض ردت أرجع للبيت بس مالحگت الباب انفتح بسرعة البرق نزلوا منها اثنين زلم ضخام ملثمين بـ شماغ أسود وعيونهم بالكاد طالعة

واحد منهم لزم ايدي وعصرها لدرجة حسيت عظمي راح ينكسر والثاني سحبني من خصري وصرت أصيح

- هدووووني يماااااا عليييييي مَوووااسسس ولكك رضااااا الحگوووووولي يااا نااسسسس

صحت بأعلى صوتي بس واحد منهم حط ايده الضخمة على حلكي كتم نفسي وكتم صرختي شالوني مثل الريشة وأنا أرافس بين ايديهم دموعي نزلت على ايد الملثم شمروني بالكشن الوراني مال السيارة مثل الذبيحة

قبل لا يسدون الباب واحد منهم باوعلي وضحك ضحكة خشنة هزت كياني وكال بصوت

- وصلتي للأمانة همة منتضريچ بفارغ الصبر

طبگوا الباب بقوة والمحرك زأر وطارت السيارة بية لمكان ما أعرفه وأنا بس أسمع صوت دكات گلبي وهي تودع الدنيا الي جنت أعرفها

﹉﹉﹉﹉﹉﹉﹉﹉﹉﹉﹉﹉﹉﹉﹉﹉
"" رحمة الزهراء ""
البيت جان هدوء ريحة الهيل مالت چاي الصبح بعدها تفوح بالمكان زبير جان واكف كبال المراية يعدل برتبته العسكرية هيبته بالزي العسكري تملي عيني فخر بس گلبي جان ينغزني نغزة غريبة ما عرفت سببها

تقربت منه عدلتله ياخة القميص وكتله بصوت

- زبير دير بالك على روحك هالايام الأوضاع تخوف والكلوب مو نظيفة

التفت علية لزم وجهي بابتسامته المطمئنة وباس راسي

:- لا تخافين يبعد بيتي السبع ما ينخاف عليه وأنا نقيب زبير شاربي ما ينهز لواحد نذل قفللي الباب وراج زين ولا تفتحين لأي أحد لحد ما أرجع وبالچ لحمدمد

- ان شاءالله يبعد حيلي

ودعته بالباب شفته ركب سيارته وتحرك سديت الباب ووراه القفل وأخذت نفس طويل رحت للمطبخ أريد ألم الغراض ما مرت خمس دقايق وإذا بصوت دكات قوية على الباب
فزيت بس كلت بگلبي هذا زبير أكيد نسى غرض لو ملف ركضت للباب وأنا أضحك

- ها زبيري شنسيت هالمرة؟ مو كتلنا التركيز يا سيادة النقيب؟

مديت ايدي فتحت القفل وما لكت شفايفي فرصة تكمل ضحكتها فجأة الباب اندفر دفرة هدّت حيلي وحيل الحايط الدفرة شمرتني ليورة وكعت بالكاع وظهري انصكع بالمرمر
رفعت راسي وأنا ألهث شفت كبالي ثلاث زلم وجوههم مغطاية أجسامهم ضخمة وعيونهم تفيض غدر دخلوا للبيت بصلف وسدوا الباب وراهم

- منو أنتم؟ شتريدون؟

صحت بأعلى صوتي بس واحد منهم تقرب مني بسرعة لزمني من شعري وجرني حيل لحد ما حسيت جلد راسي راح ينكطع بيده

:- اشششش صوتج يالعلوية النقيب مالتج هسة بيا عالم؟

صاح الثاني :- فلشوا البيت كلة واذا اكو طفل صغير لا تحرمونة عاملوا نفس معاملتكم لأمة

حاولت أقاوم رفستهم برجلي وصرخت بس الثالث تقرب وبكل قسوة ضربني راچدي فرّ وجهي فر وطعم الدم صار بحلكي شمرني بالكاع وبدأ يضرب بية بكل قوته ركلاتهم جانت تنزل على ضلوعي مثل الچاكوچ

- الله ما يوفقكم حرامية نذالة

لزمني واحد منهم من فكي وعصره حيل لدرجة عيوني رادت تطلع وهمس يم أذني بصوت فحيح يشبه الأفاعي

- سناء تسلم عليج وتكول الأمانة وصلت والدور هسة على بيت النقيب

روحي بدت تطلع الرؤية صارت مشوشة كدامي وصوت تكسير غراض بيتي صار يطكطك براسي لزموا ايدية ثنينهم وسحلوني للغرفة الجوه وأنا أسمع ضحكاتهم الرخيصة ترن بكل زاوية بالبيت

أخر شي شفته قبل لا تغيب روحي هو صورة زبير المعلكة بالصالة والزجاج مالتها يتكسر جوه بسطال واحد منهم وابني أحمد الدر مادري شنو صار بيّ

يـــــتـــــبـــع ☜☞

- عمت عين الوقت لو راد يغدرنا
وعمت عين الظلام الما يحب نورنا
أريج الله بصبر وبضيم عانت ووكفت
وحَيرام السبع، بشوغه يرد دستورنا
بس يا حيف.. الغدر صاب الأخوات
غدير انباكت، ورحمة تنادي بموتنا
الناس وراه الشر، وعيونه ما تغمض
والنقيب زبير.. غايب وعالي ونيننا
يا حيف الكلب يرجف من الخوف
ويا حيف النذل ينهب ستر دورنا
قصة حزن بدت، والدمع جمر يسيل
يا ربي دخيلك، ومن السواد أجرنا

✮⋆˙ . ˚ . ✦ ˚ . ⋆. . ˚ ✶ . ˚ . 𖤐⭒

لهنا وصلنا لهناية المُنْعَطف السادس
رأيكم وَزاتيّ وتعليقاتكم الحلوة وتفاعلكم الي أحبة وتصميمكم ونشركم عن الرواية أهم شيء التصاميم والنشر حسب التفاعل اني حيل جاي اتعب بالكتابة وابسط شيء التصويت ماجاي تصوتون التفاعل ما عاجبني 👎🏻👎🏻👎🏻 والله ميصير هيج اكتب البارت اكثر من ١٢الف كلمة وتصويت ماكو التصويتات حدها ٨٠؟؟؟؟ شلچن بهايي؟؟ المهم هسة يمعودات صوتن

متابعة لحسابي حتى ندخل ألف متابع يلا oo_ll13
وإن شاءالله اشوفكم بــ مُنْعطف جديد

10,076 كلمة

اللهم صلّ علىٰ محمد وآل محمد

- اسْتَكْثِرُوا مِنَ الْبَاقِيَاتِ الصَّالِحَاتِ : التَّسْبِيحُ وَالتَّحْمِيدُ وَالتَّهْلِيلُ وَالتَّكْبِيرُ وَلَا حَوْلَ وَلَا قُوَّةَ إِلَّا بِاللهِ

- ﴿ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا ﴾
- سُبْحَانَ اللهِ
- وَالْحَمْدُ لِلهِ
- وَلَا إِلَهَ إِلَّا اللهُ
- وَاللهُ أَكْبَرُ
- وَلَا حَوْلَ وَلَا قُوَّةَ إِلَّا بِاللهِ

وَزاتيّ هاي قناتي على التلكرام وبيها الأبطال شرفوني نسوالف هنااك