تحميل رواية «احزان رهف» PDF

الفصل السابق الفهرس الفصل التالي

الفصل الحادى عشر

روايه/ احزان رهف

الفصل (11)

بقلم/ سحر فرج

دخل حسام العمارة وطلع للدور بتاعهم وخبط على الباب وفتحله عمر ورحب بيه ودخله اوضه الصالون وجت والدته وسلمت عليه وقدموله عصير وبعد شويه خرجت الام ورجعت ومعاها رهف اللى اول ما دخلت وشها احمر وكانت باصه فى الارض وسلمت على حسام .

حسام: ازيك يا انسه رهف.

رهف: الحمد لله كويسه .

حسام: واخبار ايدك ايه دلوقتى بعد ما فكيتى الجبس .

رهف: الحمد لله احسن بكتير .

الام بصت لعمر بعينيها ففهم عمر واستاذن أنه هايتكلم فى التليفون وخرجت الام بحجه انها هاتصلى المغرب..

احمر وش رهف اكتر لما أمها خرجت هى وعمر وسابوها مع حسام.

حسام لاحظ توتر رهف وبدأ يتكلم معاها بكل هدوء .. ويعرفها هو أد إيه معجب بيها من ساعه الحادثه وانه شايفها الانسانه اللى ممكن تكون مراته وام اولاده.

حسام بابتسامه رقيقه فى عيون رهف

قال: الصراحه كده كنت عاوز اتقدملك رسمى وادخل البيت من بابه يا رهف واسمحيلى ان اقول رهف بدون القاب.

رهف كانت متوترة جدا لانها اول مرة تكون فى موقف زى ده ومش قادرة تفكر ولا اصلا قادرة تسمع كلام حسام وبتحاول باى طريقه انها تعبر بس بابتسامه هاديه جدا.

حتى الكلام مش قادرة تخرجه من بوقها من كتر التوتر والخجل اللى هى كانت حاسه بيه طول الوقت.

فابكل هدوء وخجل قالت: احنا لسه ما نعرفش حاجه عن بعض يا باشمهندس حسام وما اظنش ان الكام مرة اللى حضرتك شوفتنى فيهم كانت كفيله انك تعرفنى وتعرف شخصيتى وحياتى وميولى.

وانا برضه نفس الحكايه انا يادوبك عارفه اسم حضرتك بس وشغلك كمان.

لكن معرفش اى شىء تانى عن حياتك وشخصيتك وطموحاتك .

حتى انت كمان متعرفش عنى اى شىء

وعن حياتى وعن ظروفى وعن بابا الله يرحمه اللى سابنا فى اصعب فترات حياتنا.

حسام ابتسم وركز فى عيونها اللى كانت بتهرب منه على طول وقال: وانا يا ستى سامعك ومستعد انك تحكيلى كل شىء عنك ويخصك 😘 احكى يا رهف.

رهف خدت نفس كبير وسرحت شويه

وبدأت تحكيله عن كل حاجه فى حياتها عنها وعن اسرتها واخوتها وباباها وامالها وطموحتها علشان يبقى عارف عنها كل حاجه وان ظروفها الاجتماعيه متوسطه بالنسبه ليه هو وللعيشه اللى هو عايش فيها والوسط اللى هو موجود فيه.

حسام بكل فرحه فى قلبه عرف اد ايه رهف دى انسانه جميله وصادقه فى كل شىء هى قالته ليه.

وده خلاها تكبر اكبر فى نظره وفى عيونه واتأكد انه فعلا كان اخياره صح لما قرر انه يرتبط بيها هى دوناً عن البنات الكتير اللى حواليه وبيتمنوا نظرة منه .

وان هى دى اللى اى شاب يتمنى انها تكون شريكه حياته ويكون فخور بيها.

رهف استغربت هدوئه وسكوته ده فبصتله باستغراب وقالت: ايه غيرت رايك ولا ايه يا استاذ حسام.

حسام فاق من شروده وابتسم وقال: لا طبعا بالعكس ده ظهرلى حاجات كتير مكنتش اعرفها عنك وعن شخصيتك وده شىء يخلينى آتمسك اكتر بيكى وبالأرتباط بيكى يا رهف .

وكل الكلام ده يا رهف شىء افتخر بيه وباسرتك وباخواتك وباباكى الله يرحمه .

وكل اللى انا عاوزه وبتمناه من ساعه ما شوفتك هو

♡انتى وقلبك وحبك♡

واوعدك أنى هاعوضك عن كل شىء وعن حنان باباكى الله يرحمه اللى افتقدتيه.

المهم انك تكونى موافقة على الارتباط بيا و الجواز منى .

رهف بصتله باستغراب وقالت: جواز ايه يا حسام لسه بدرى على الكلام ده لما اخلص كليتى الاول.

حسام بفرحه : افهم من كده انك موافقه يا رهف❤

رهف: سكتت وقالت بقول دراستى الاول.

حسام : يا ستى كلها كام شهر وتخلصى السنه اللى انتى فيها دى.. وبعدها نكتب الكتاب ونتجوز وبعدها ابقى كملى براحتك يا رهف وعلى العموم مالوش لازمه الكلام فى الموضوع ده دلوقتى المهم عندى دلوقتى انتى وموافقتك الاول عاوز اسمعها منك .

رهف بخجل وعيون باصه فى الارض قالت: موافقه❤

حسام كان طاير من الفرحه من موافقتها

وقال : وانا اوعدك انك عمرك ما هاتندمى على الارتباط ده ابدا يا رهف.

__________________

بعد حوالى ساعه مشى حسام واتفق مع عمر أنه هايتكلم مع باباه ويشوف رأيه ايه ويحدد معاد معاه علشان يجى هو وأبوه وأمه واخوه ويتقدموا رسمى.

ورجع حسام على البيت وهو فى منتهى السعاده وطاير من الفرحه من ساعه ما سمع موافقه رهف عليه .

وقعد مع والدته ووالده وبدأ يحكلهم على اللى كل اللى حصل بينه وبين رهف كله وعن ظروفها هى واسرتها.

الام بحزن: بس يا ابنى دول مش من وسطنا خالص ازاى بس هاتتجوزها .

الاب بعصبيه : وسط ايه يا حاجه اللى بتتكلمى عليه انتى مش عارفه حنا كنا ايه واصلنا ايه وانا بدأت من الصفر ازاى ويا دوبك كنت موظف صغير فى الشركه.

الام : مش قصدى والله يا حاج انا بقول بس انها مش هتناسب حسام وياما جبتله بنات من وسطنا ومن مستوانا وهو اللى كان بيرفض كل اللى جبتهم ليه.

الاب: برضه هاتعيدى كلامك تانى وسط ايه وبتاع ايه يا ام حسام .. الفقر مش عيب يا حاجه؛ المهم الادب والاخلاق والتربيه الصالحه .

المهم انها تحافظ على بيتها وعلى جوزها وتكون بارة باهلها.

حسام من فرحته من كلام والده وطى على ايده وباسها وقال: الله ينور عليك يا حاج فعلا المهم اخلاقها وترببتها وده شىء انا متاكد منه وراح بأس راس والدته وقال : والله با انى رهف بنت كويسه جدا وبنت ناس محترمه وهاتحبيها جدا جدا.

الام: ماشى يا ابنى بدام انت شايف كده وربنا يكتبلك كل خير يارب وافرح بيكم.

الاب بكل طيبه بصله وقال : شوف اليوم اللى يناسبك يا ابنى واحنا نروح نطلبها من والدتها واخوها.

ومن فرحه حسام طلع على اوضته واتصل بعمر اخوا رهف وحدد ميعاد معاه .

اللى هو يوم الخميس وأنه هايجى هو وأهله ويتقدموا رسمى.

وحسام قعد مع شريف اخوه لما رجع من الشغل وحكاله كل شىء .. وشريف فرح جدا لاخوه الوحيد وباركله واتمناله كل خير.

_________________

بدأت الام تجهز البيت لاستقبال الضيوف

وصباح يوم الخميس الكل صحى بدرى عند رهف فى البيت وبدؤا يجهزوا نفسهم لاستقبال حسام وأهله وعمر نزل يشترى شويه حلويات وحاجات لزوم الضيوف ورهف بدأت تجهز هاتلبس ايه ورغد كانت بتساعدها والام كانت ملخومه فى المطبخ علشان تجهز الحاجات اللى هاتقدمها للضيوف وخلت عمر يتصل بعمه احمد علشان يحضر ويكون معاهم ويستقبل حسام هو واهله .

وفى فيلا صفوان والد حسام

كان الكل بدأ يستعد ويجهز نفسه .. ورجع شريف بدرى من شغله علشان يروح مع اخوه لبيت رهف وطلع على اوضته علشان يستعد هو كمان بعد ما خد شور .

وبعد ما الكل ما خلص واستعد بدؤا ينزلوا ويركبوا عربيتهم.

وخدوا بعضهم وراحوا كلهم على بيت رهف وهما فى الطريق اشتروا علبه شيكولاته شيك اوى وشويه حلويات وبوكيه ورد جميل جدا .

وخلال ربع ساعه كانوا وصلوا بالعربيه اودام الباب.

وركنوا ونزلوا ودخلوا من باب العمارة وطلعوا مع بعض كلهم ووصلوا لشقه رهف.

مد حسام أيده ورن الجرس وهو فى منتهى السعاده وفتح لهم عمر ورحب بيهم هو وعمه احمد اللى رحب هو كمان بيهم جدا ودخلهم على اوضه الصالون.

وجت الام وسلمت عليهم وبدأوا يتكلموا فى الموضوع على طول .

وبعد شويه دخلت رهف من باب الاوضه فى منتهى الجمال والرقه والهدوء وكانت لابسه فستان اسود فى ابيض ورقيق جدا وطرحه بيضه مع مكياج خفيف جدا ودخلت وسلمت على حسام اللى قام وقف لها بكل اعجاب واحترام.

وبعدها سلمت على والده ووالدته ومدت اديها لشريف اللى كان ملخوم بالموبيل واللى اول لما انتبه ليها وشاف ايديها ممدوده

ليه 😲

بصلها باستغراب وبصدمه كبيرة ومكنش يتخيل انها هى نفس البنت اللى هو معجب بيها بقاله فترة واللى شقلبت حياته رأساً على عقب وكان بيتمنى أنه يكلمها.

واستحاله كان يتخيل فى يوم من الايام ان اخوه هايخطب نفس البنت اللى هو بيتمناها ومعجب بيها 😔

يا ترى شريف هايكون رد فعله ايه وهايعمل ايه ؟؟؟؟؟

ويا ترى رهف هاتبقى فكراه ولا نسيته .

والعلاقه ما بين شريف وحسام هاتتغير وتأثر عليهم وعلى علاقتهم ببعض ؟

كل ده هانعرفه فى الحلقه القادمه من .

روايه/ احزان رهف

بقلم/ سحر فرج

رايكم يهمنى

تابعونى على صفحتى على ال ودوسوا على النجمه ليصلكم كل جديد فور نزوله.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه الروايه.

الفصل السابق الفهرس الفصل التالي

الفصل السابق الفهرس الفصل التالي

الفصل الثانى عشر

روايه/ احزان رهف

الفصل/ (12)

بقلم/ سحر فرج

وبعدها سلمت على والده ووالدته ومدت اديها لشريف اللى كان ملخوم بالموبيل واللى اول لما انتبه ليها وشاف ايديها ممدوده

ليه 😲

بصلها باستغراب وبصدمه كبيرة ومكنش يتخيل انها هى نفس البنت اللى هو معجب بيها بقاله فترة واللى شقلبت حياته رأساً على عقب وكان بيتمنى أنه يكلمها.

واستحاله كان يتخيل فى يوم من الايام ان اخوه هايخطب نفس البنت اللى هو بيتمناها ومعجب بيها 😔

بعد ما فاق شريف من صدمته سمع صوت والده وهو بيقول: ايه يا حضرة الضابط صرحت فى ايه العروسه ماده ايديها ليك من بدرى يا ابنى .

شريف بكل حزن ووجع الدنيا كلها وقف وعيونه فى عيونها وهو بيقول بينه وبين نفسه ليه عملتى فيا كده ليييييه 😔

ومد أيده للعروسه رهف وسلم عليها وبص فى عيونها تانى اللى لاقاها اجمل عيون شافها فى حياته بس فى ثوانى فاق من شروده وقال لنفسه خلاص مينفعش يا شريف دى هاتبقى خطيبه اخوك حسام خلااااص😔😔😔

وابتسم ابتسامه حزينه وقال: مبروك يا عروسه.

رهف كانت مستغربه جدا جدا من نظراته ومن الحزن اللى واضحين فى عيونه وحست انها شافت الشخص ده قبل كده والعيون دى بس مش قادرة تفتكر فى اللحظه دى بالذات هى شافته فين .

اتنهدت وابتسمت وردت وقالت: الله يبارك فى حضرتك يا استاذ شريف .

وبعدها راحت قعدت على اقرب كرسى من والدتها وهى فى منتهى الخجل .

رحب بيهم كلهم عمها احمد هو وعمر وبدأوا يتكلموا فى موضوع الجواز والتوقيت والالتزامات وفعلا حددوا ميعاد الخطوبه اللى هايكون يوم الخميس الجاى واتفقوا على الجواز والفرح بعد ما رهف تخلص كليتها السنه دى وبالتحديد بعد كام شهر بالكتير وده اللى وجع شريف اوى اوى وفى نفس الوقت حسام كان طاير من الفرحه هو ووالدته ووالده.

وبعدها رغد قدمت اطباق حلويات وعصاير كتير هى ووالدتها والكل كان فرحان وسعيد جدا .

ووالدة حسام اتأكدت فعلا أنهم ناس فى قمه الاحترام والادب والذوق وان رهف جميله جدا ورقيقه غير ما كانت متوقعه.

ووالد حسام كان فرحان جدا بإختيار ابنه الموفق فى شريكه حياته.

خلص اليوم على خير ورجع حسام واخوه ووالده ووالدته على الفيلا وطول الطريق شريف كان ساكت خالص ومقلش ولا اى كلمه .

واول لما وصلوا اودام باب الفيلا شريف اتحجج انه هياخد عربيته ويقابل مجموعه من أصحابه وبعدها عنده شغل مهم وهايروح عليه.

وطبعا كل ده مكنش هايحصل وكل الحكايه ان شريف كان عاوز يبعد باى طريقه عن كل اللى حواليه كان عاوز يقعد مع نفسه ويداوى جرحه بعيد عن عيون اى حد .. كان عاوز يدواى جرح قلبه اللى بينزف من ساعه ما عيونه شافت رهف اودام عيونه وعرف انها هاتبقى ملك اخوه حسام مش ملكه هو .

حسام اخوه الكبير اللى بيحبه جدا وبيتمناله كل خير .. ومكنش يتخيل فى يوم من الايام انه يحب نفس البنت اللى حبها اخوه.

عاوز يبعد ويهرب علشان يقدر ينسى كل الاحلام والامنيات اللى فضل يبنى فيها ويتمناها الكام يوم اللى فاته دول .

كان عاوز يروح على اى مكان هادى يقعد فيه وملقاش غير المكان اللى شاف فيه رهف اول مرة اللى هو “الكافيه” وقرر فعلا انه يروح على هناك .

وفعلا فضل ماشى بالعربيه لحد ما وصل لباب الكافيه وركن عربيته ونزل منها ودخل على جوا .

عيونه لفت فى المكان كله بس راح وقعد على التربيزة اللى شاف فيها رهف اول مرة لما كانت قاعده عليها هى واصحابها .

طلع علبه السجاير وطلب من الجارسون يجبله فنجان قهوة على الريحه.

وراح فى احزانه وألامه وأوجاعه .

_____________________

وفى فيلا صفوان الاب اول لما دخل ضم حسام ابنه بكل حنيه وقال: الف مبروك يا حسام يا ابنى فعلا ونعم البنات ادب وجمال وتربيته واخلاق واهلها باين عليهم ناس طيبين جدا وكرم الدنيا فيهم.

الام بكل فرحه: ما شاء الله يا حاج فعلا زى ما انت بتقول عروسه زى القمر وجميله ومؤدبه ووالدتها ست محترمه واخوتها زى العسل ربنا يتمملك على خير يا حبيب قلبى وافرح بيك انت واخوك شريف واشوف احفادى.

حسام: متشكر ليكم جدا وكلامكم كله صح وهما فعلا ناس محترمه ويعرفوا فى الاصول جدا .

ورهف بنت مؤدبه وجميله وعلى خلق وهو ده اللى شدنى ليها من اول مرة شوفتها فيها ساعه الحادثه وحبيت انها تكون مراتى وام اولادى .

الاب : الحمد لله يا ابنى وعقبال ما نفرح باخوك شريف هو كمان انشاء الله.

الام باستغراب بصت لحسام وقالت: مش عارفه ليه بس شريف كان طول الوقت واحنا هناك حزين وسرحان كده ليه .

الاب : هايكون فى ايه بس يا ام حسام ما انت عارفه شريف ابنك كويس طول ما عنده قضيه كبيرة زى اللى هو فيها دى بيبقى مش معانا خالص ومعظم الوقت بيبقى سرحان وبيفكر فى شغله وبس ومش حاسس باللى بيحصل حواليه هههههه.

حسام : عندك حق يا بابا ده شريف اخويا وانا عارفه كويس اوى .. ربنا يحفظه بحفظه ونفرح بيه هو كمان قريب وتبقى الفرحه فرحتين ان شاء الله .

الام بفرحه ردت وقالت : يارب يا حسام ياااارب يا ابنى يسمع منك ربنا يا حبيبى .

حسام : يارب يا ست الكل وربنا يخليكم لينا يارب.

استأذن انا بقى علشان هاطلع على اوضتى واغير لبسى بعد اذنكم .

الام : ماشى يا حبيبى بس خدنى بالمرة انا كمان فى ايدك لما اطلع على اوضتى واغير اللبس ده لانى حرانه جدا ومش بستحمل اللبس الرسمى ده .

الاب : خدها يا حسام الله يباركلك يا ابنى فى سكتك وانا هادخل المكتب اجهز شويه ملفات هاخدها على الشركه بكرة وانا رايح وهابقى احصلك يا حاجه على طول .

حسام : حاضر يا بابا متقلقش الوالده فى ايد امينه 😂 .

___________________

وفى مكان تانى خالص على كورنيش النيل شريف كان قاعد مهموم وحزين حاسس ان الدنيا قفلت فى وشه فجأه بعد ما كانت نورت وزهرت برضه فجأه وفتحت قلبه من اول ما عيونه جت فيها على رهف.

اللى حس من نظره عيونها ووشها البرىء انها مختلفه .

مختلفه فى كل شىء عن اى بنت عرفها او شافها قبل كده .

مختلفه فى لبسها

مختلفه فى ابتسامتها الرقيقه

مختلفه فى كلامها مع اصحابها

مختلفه حتى فى حزنها

وكان بدا يرسم احلام وامال وامنيات كتير كان بيتمنى انها تتحقق بس للاسف كل ده انهار اودام عيونه ساعه لما شافها واقفه اودامه فجأه وعرف انها هاتبقى خطيبه اخوه حسام 😔💔

وقال : ازاى هاقدر اشوفها وهى عروسه يوم فرحها؟

ازاى هاعيش انا وهى فى بيت واحد لما تتجوز حسام؟

ازاى هاقدر اشوفها فى حضن اخويا؟

ازاى

ازاااااااى💔💔💔💔

ليه يارب كده 😔

ليه الانسانه الوحيده اللى قلبى فتح لها بابه واتمناها تبقى لغيرى ليه لييييييه😔😔😔

خلصت حلقتنا

يارب تكون عجبتكم ومنتظره رايكم وتعليقاتكم اللى بتسعدنى.

تابعونى على صفحتى على الفيس بوك .

تابعوا صفحتى على ال .

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه الروايه.

رواية/ احزان رهف

بقلم/ سحر فرج

الفصل السابق الفهرس الفصل التالي

الفصل السابق الفهرس الفصل التالي

الفصل الثالث عشر

رواية احزان رهف

الفصل الثالث عشر

بقلم سحر فرج

♡♡♡♡♡♡♡♡♡♡♡♡♡♡♡

وفى مكان تانى خالص على كورنيش النيل شريف كان قاعد مهموم وحزين حاسس ان الدنيا قفلت فى وشه فجأه بعد ما كانت نورت وزهرت برضه فجأه وفتحت قلبه من اول ما عيونه لمحتها وجت فيها على رهف.

اللى حس من نظره عيونها ووشها البرىء انها مختلفه .

مختلفه فى كل شىء عن اى بنت عرفها او شافها قبل كده .

مختلفه فى لبسها

مختلفه فى ابتسامتها الرقيقه

مختلفه فى كلامها مع اصحابها

مختلفه حتى فى حزنها

وكان بدا يرسم احلام وامال وامنيات كتير كان بيتمنى انها تتحقق بس للاسف كل ده انهار اودام عيونه ساعه لما شافها واقفه اودامه فجأه وعرف انها هاتبقى خطيبه اخوه حسام 😔💔

وقال : ازاى هاقدر اشوفها وهى عروسه يوم فرحها؟

ازاى هاعيش انا وهى فى بيت واحد لما تتجوز حسام؟

ازاى هاقدر اشوفها فى حضن اخويا؟

ازاى

ازاااااااى💔💔💔💔

ليه يارب كده 😔

ليه الانسانه الوحيده اللى قلبى فتح لها بابه واتمناها تبقى لغيرى ليه لييييييه😔😔😔

_______________

وفى مكان تانى وبالتحديد فى بيت رهف. كانت قاعده الام ومجمعه اولادها التلاته حواليها.

رهف وعمر ورغد بعد ما عمهم احمد استاذن ورجع على بيته.

الام قالت: ما شاء الله على حسام وعلى اهله ناس محترمين جدا وولاد اصول ويعرفوا عاداتنا وتقاليدنا ناس بسيطه وتحسوا انهم مننا.

عمر : فعلا يا امى ناس محترمه جدا واهم حاجه انهم بيحبوا بعض وده يطمنى على رهف ان شاء الله لما تعيش وسطهم وتبقى جزء من عيلتهم .. ناس هتراعى ربنا فيها وفى معاملتهم ليها.

رغد: هما فعلا ناس كويسه اوى بس مش عارفه ليه اخوه اللى اسمه شريف ده 🙄

شكله رخم وتقيل وطول الوقت مكشر كده ومش بيتكلم زى باباه وحسام.. ولا علشان ضابط يعنى هايتكبر علينا الاستاذ🤨

الام بغيظ ردت وقالت: يا مقصوفه الرقبه انتى لمى لسانك ده وعيب الكلام اللى بتقوليه على الشاب ده .. الله اعلم هو فيه ايه ولا ماله؟ يمكن تعبان ولا مدايق من حاجه او جاى من شغله وهلكان ليه نحكم عليه ونقول انه رخم او انه مش ظريف .

يا عالم باللى جواه يا بنتى ومتحكميش على الناس من شكلها ياما ناس بتضحك وبتهزر وجوها وجع الدنيا كله😔

عمر: دى عادتها ولا هاتشتريها .. ماما كلامها مضبوط يا رغد الله اعلم باللى هو فيه والمهم انهم ناس محترمه وهايقدروا يحفظوا الامانه اللى احنا هاندهالهم كويس اوى وهايراعوا ربنا فيها وحسام انسان محترم جدا.

وبص لرهف اخته وقال: ساكته ليه يا رهف ؟ مش ناويه تقولى رايك فى حسام واهله؟

رهف وشها احمر واتوترت وردت وقالت: هاقول ايه بس يا عمر انتم قولتوا كل حاجه حلوة عنهم؟

عمر: يا بنتى بطلى الخجل اللى انتى فيه ده وقولى رايك فى حسام ومن غير كسوف ده كلها كام شهر وهايبقى جوزك وملوش لازمه الخجل والتوتر اللى انتى فيه ده .

رهف فكرت شويه وردت وقالت: حسام انسان كويس واهله شكلهم ناس محترمه .. كويس كده يا استاذ عمر 🤨

الام: سيب اختك فى حالها ومتحرجهاش يا عمر يا ابنى انت عارفها بتتكسف ازاى

والحمد لله والف مبروك يا حبيبتى كنت اتمنى ان المرحوم يكون موجود معانا وفى وسطنا دلوقتي كان بيتمنى أنه يفرح بيكى يا رهف انتى واخواتك ويجى اليوم اللى عريسك يجى لحد بابه هو واهله ويطلب ايدك منه .

اتخنقت الام بالعياط غصب عنها وبدات دموعها تنزل وعيطت.

ورهف هى كمان افتكرت باباها وعيطت لما أمها قالت كده لانها فعلا كانت تتمنى أن ابوها يكون موجود فى يوم زى ده ويفرح بيها زى ما كان بيتمنى طول عمره ويشوفها احلى واجمل عروسه.

عمر: خلاص يا امى وحدوا الله وبطلوا عياط انتى ورهف واهدوا كده واقروا الفاتحه على روحه وربنا يرحمه ويغفر له هو دلوقتى فى مكان احسن من هنا وزمانه حاسس بينا دلوقتى وفرحان علشان رهف اكيد .. ومسك راس امه وباسها ومسك رهف وحضنها وقالها الف مبروك يا حبيبتى ربنا يتمملك على خير.

وفجأه جريت رغد فى حضن امها وفضلت تعيط لما أفتكرت باباها اللى وحشها جدا واتحرمت منه ومن حنينه عليها.

وفضلوا شويه على الحال ده لحد ما عمر هداهم وبعدها كل واحد فيهم دخل على اوضته علشان يغير لبسه ويريح جسمه من مجهود اليوم اللى مروا بيه وينام .

لكن رغد طلبت انها تنام فى حضن امها الدافى وامها وافقت طبعا بكل حب وفعلا دخلوا ناموا مع بعض وعمر دخل هو كمان علشان ينام بعد ما اطمن ان كل واحده فيهم دخلت اوضتها وقفلت بابها.

واول لما رهف دخلت وقفلت باب الاوضه وراها قعدت شويه على حرف السرير بتاعها وبدأت تعيد كل الاحداث اللى مرت عليها من ساعه لما شافت حسام اول مرة .

فابتسمت واتنهدت وقامت وقفت وبدأت تغير لبسها اللى كانت لبساه وبعد ما خلصت

راحت وقفت اودام المرايه وسرحت شعرها ولمته بتوكه ديل حصان علشان تعرف تنام منه .

وبعدها راحت على السرير علشان تنام .

وفجأه سمعت صوت الموبيل بتاعها بيرن فعدلت نفسها ومدت ايديها وجابته من على التربيزة الصغيرة اللى جنب السرير بتاعها وعيونها جت على الشاشه وشافت اسم حسام هو اللى بيرن.

لانه قبل ما يمشى هو واهله من عندهم استأذن من عمر انه يدى رهف رقم موبيله وياخد رقمها.

رهف بعد توتر وتردد كبير وخجل فى نفس الوقت قررت انها ترد فجمعت شجاعتها كلها وقالت: السلام عليكم

حسام بفرحه انها اخيرا ردت قال: وعليكم السلام ورحمة الله وبركاته.. مساء الخير ازيك يا رهف.

رهف: مساء النور 😊 انا تمام الحمد لله☺

انت عامل ايه؟

حسام كان طاير من الفرحه فارد وقال: الحمد لله بخير وانا اسعد انسان فى الكون النهارده بعد ما انتى وافقتى على الارتباط بيا وبقيتى غاليه عندى جدا ❤

رهف كانت فى قمه الخجل لما سمعت حسام بيكلمها بكل رومانسيه كده ومكنتش عارفه تقول اى شىء من الخجل فاسكتت شويه وبعدها قالت: انت مش هتنام ولا ايه؟

حسام ضحك بكل هدوء واتاكد من خجلها وقال: انتى اتكسفتى يا رهف ولا ايه انا حبيت اقولك واعرفك انى اسعد انسان فى الوجود بموافقتك عليا.

رهف: لا ابدا مش مكسوفه بس…..☺

حسام: بس ايه ؟ رهف اوعدك ان شاء الله انى هاخليكى اسعد واحده فى الدنيا دى كلها انتى حبيبتى وقلبى وحياتى كلها.

رهف اتفاجأت من كلامه وجرأته دى من اول مكالمه ليهم وقالت: احم احم يا باشمهندس ايه الكلام ده كله.

حسام: مش كلام والله يا رهف ده احساسى وشعورى نحيتك من اول مرة شوفتك فيها وانا حبيتك وحسيت انك هاتكون من نصيبى واتمنيتك تكونى زوجتى.

رهف اتنهدت وحست ان قلبها طاير من الفرحه وبيدق بسرعه لمجرد كلمات حسام الرقيقه اللى اول مرة تسمعها من حد وبكل خجل قالت: تصبح على خير يا باشمهندس روح نام.

حسام: رهف لو سمحتى خليكى نتكلم مع بعض شويه لو سمحتى.

رهف سكتت شويه وردت وقالت: موافقه بس بلاش الكلام الرومانسى ده علشان ……..☺☺☺☺

حسام ضحك وقال: بتتكسفى اكيد .. خلاص يا ستى اوعدك انى مش هاقول حاجه تتكسفى منها بس انا خطيبك يا حبيبتى ومش عاوزك تتكسفى منى .

رهف اول لما سمعت من حسام كلمه “حبيبتى” ردت بسرعه وقالت تصبح على خير وقفلت الموبيل بسرعه.

حسام اول لما حس انها قفلت الموبيل فضل يبسم ويضحك وقال: بمووووووت فيكى يا رهف.

__________________

شريف طول المده دى كان قاعد على الكافيه حاسس بوجع وكسر كبير اول مرة يحسه فى حياته بس قرر انه ينسى الموضوع ده خالص ويقفل قلبه على وجعه ويهتم بشغله وبس ويقف جنب اخوه.

فقام وقف ونده على الجارسون وحاسب على القهوة وخد بعضه وخرج من الكافيه ومشى لحد عربيته وركب واتحرك بالعربيه على طول بسرعه الصاروخ.

بس فجأه ………….😔😲

يا ترى حصل ايه مع شريف؟

وهل شريف فعلا هايقدر ينسى رهف ؟

تواقعتكم ايه الحلقه الجايه ومنظرة تعليقاتكم وريفوهاتكم .

تابعونى على صفحتى على موقع دريمى ليصلكم كل جديد فور نزوله روايه وتدوسوا على القلب لمتابعه الروايه.

روايه/ احزان رهف

بقلم/ سحر فرج

الفصل السابق الفهرس الفصل التالي

الفصل السابق الفهرس الفصل التالي

الفصل الرابع عشر

روايه/احزان رهف

الفصل/ الرابع عشر

بقلم/ سحر فرج

شريف طول المده دى كان قاعد على الكافيه حاسس بوجع وكسر كبير اول مرة يحسه فى حياته بس قرر انه ينسى الموضوع ده خالص ويقفل قلبه على وجعه ويهتم بشغله وبس ويقف جنب اخوه.

فقام وقف ونده على الجارسون وحاسب على القهوة وخد بعضه وخرج من الكافيه ومشى لحد عربيته وركب واتحرك بالعربيه على طول بسرعه الصاروخ.

بس فجأه ………….😔😲

فرمل العربيه بمنتهى السرعه علشان يتفادى العربيه النقل اللى ظهرت اودامه فجأه من شارع جانبى.

ووقف بالعربيه ونزل منها علشان يطمن على سواق العربيه النقل اللى لحسن الحظ قدر يتحكم فى عربيته ومايدخلش هو كمان فى عربيه شريف.

شريف قرب منه وقال: انت كويس

سواق النقل: مش تخلى بالك يا باشا كنت هاتضيعنى حرام عليك انا عندى كوم لحم فى البيت.

شريف: معلش حقك عليا كنت سرحان المهم انت كويس؟

سواق النقل: الحمد لله ربنا سترها.

شريف مد ايده فى جيبه وطلع محفظته وخد مبلغ كبير واداه للسواق وقاله حاجه بسيطه هات بيها حلويات للاولاد وانا اسف مرة تانيه حقك عليا .

سواق النقل: حصل خير يا باشا وملهاش لازمه الفلوس دى مستورة والحمد لله.

شريف: دى حاجه بسيطه سلام عليكم .

وخد بعضه ورجع عربيته واتحرك بيها ورجع على الفيلا على طول.

___________________

وعند رهف فى اوضتها العرسان كانوا لسه بيتكلموا مع بعض وكل لما تحاول رهف تنهى المكالمه حسام يترجاها تفضل شويه معاه على الخط.

رهف/ يا حسام كفايه كده الفجر قرب يأذن وزمان ماما هاتصحى من النوم علشان تصلى وتسمعنى وانا بكلمك .

حسام/ امرى لله انا موافق بس بشرط☺

رهف باستغراب ردت وقالت: شرط ايه يا باشمهندس؟!

حسام : عاوز اسمع رايك فيا.

رهف بخجل ردت وقالت: كل ده ومعرفتش رأيى فيك يا حسام!!

مش عارفه اقولك ايه غير انى معجبه بيك وبشخصيتك وعاوزة اتعرف عليك اكتر بس مش معقول فى مكالمه واحده هانعرف بعض واقواك رأيى فيك.

حسام: طيب ايه رايك اعدى عليكى بكرة فى الكليه بعد ما تخلصى محاضراتك ونروح نقعد فى اى حته نتكلم شويه انا وانتى ونتعرف على بعض اكتر؟.

رهف بخجل ردت وقالت: هاقول لماما وعمر اخويا الاول وابقى ارد عليك الصبح يا باشمهندس.

حسام بغيظ: انا اسمى حسام على فكرة مالوش لازمه تقولى باشمهندس دى

زى ما بقولك يا رهف من غير اى القاب قولى حسام على طول.

ماشى يا رهف وانا هاستنى منك تليفون بكرة انشاء الله.

رهف: ان شاء الله يا باشمهندس ☺

حسام : بتقولى ايه؟!

رهف بضحك: سورى سووورى يا حسام

حسام: شطووورة يا حبيبتى😉 محتاجه اى شىء؟

رهف: عاوز سلامتك تصبح على خير .

حسام: وانتى من اهل الخير يا روح قلبى❤

رهف: روح نام يا حسام.

حسام ضحك وقال: حاضر يا عيون وقلب حسام ❤❤❤

وقفلت رهف معاه على طول وحست أن قلبها وجسمها كله بيرجف من كلامه ليها وان قلبها وعقلها بدأ يعجب بيه فعلا وحست انها طايرة من كتر الفرحه وحطت راسها على المخده وحاولت تنام وفضلت تتقلب كل شويه لحد ما راحت فى النوم ونامت.

____________________

حسام بعد ما قفل مع رهف كان خارج من اوضته ونازل يجيب ازازة مايه من تحت وبظروفها قابل شريف وهو راجع من بره وكان داخل على اوضته فضحك حسام وقال : ايه ده يا حضرة الضابط كل ده كنت سهران ومرجعتش من بره يا ابنى انت؟

شريف بابتسامه كلها وجع وحزن ابتسم لاخوه ورد وقال: كنت سهران مع مجموعه من اصحابى وخدنا الكلام وما حسناش بالوقت خالص.. وانت ايه اللى مصحيك لحد دلوقتى يا عريس؟

حسام رد وقال: زى ما انت بتقول كده عريس وكنت سهران بتكلم مع رهف شويه .

شريف بكل وجع ابتسم لاخوه وقال: ربنا يسعدكم يا حبيبى رهف شكلها بنت محترمه ومؤدبه وتستاهل كل خير ربنا يتملكم على خير.

حسام: فعلا يا شريف رهف بنت محترمه وجميله وغير كل البنات اللى موجوده حوالينا ولما اتكلمت معاها حبيتها اكتر واكتر.

شريف حاول يتمالك نفسه ومايظهرش حزنه والمه اللى حاسس بيه مع كل كلمه اخوه بيقولها عن رهف فابتسم وقال: ربنا يسعدكم تصبح على خير يا حبيبى.

حسام: اللهم امين يارب العالمين وعقبالك يا روح قلبى لما تلاقى بنت زى رهف كده تحبها وتحبك روح نام واستريح اكيد تعبت النهارده.

شريف: سلام وخد بعضه ودخل على اوضته وقفل وراه الباب وحسام نزل على تحت علشان يجيب ازازة مايه.

شريف اول لما دخل اوضته حدف مفاتيحه وموبيله على السرير وقرب من البلكونه وفتحها ووقف وخد نفس طوييييل ورفع رأسه للسماء

وقال: قوينى ياااااارب.

وفجأه سمع اذان الفجر بيأذن وبيقول

“الله اكبر”

فعاد كلمته تانى بكل وجع وقال: يااااارب

___________________

طلع النهار وصحيت ام رهف زى عادتها وكانت بدأت تجهز الفطار وتحطه على السفرة وبعد ما خلصته بدأت تصحى ولادها اللى صحيوا على طول ماعدا رهف.

الام : روحى يا رغد يا بنتى شوفى اختك مصحيتش ليه لحد دلوقتى؟ غريبه دى اول واحده بتصحى فيكم من اول ما بنده عليها.

رغد : حاضر يا ست الكل هاشوفها حالا عروسه بقى وبتدلع علينا شويه.

الام: عقبالك يا حبيبتى قريب ان شاء الله انتى كمان لما تبقى عروسه زيها.

عمر بهزار قال: وعمر لا ولا ايه يا ست الكل ولا مش عاوزة تفرحى بيه هو كمان؟!

الام: لا ابدا، طبعا عاوزة افرح بيك يا حبيبى هو انا ليا مين غيرك بس ده انت ابنى الوحيد .. ربنا يفرحنى بيكم كلكم ان شاء الله واشوف اولادكم.

عمر: ان شاء الله يا حبيبتى.

رغد كانت دخلت تصحى رهف اللى قامت بالعافيه من النوم لانها طبعا مالحقتش تنام وكانت سهرانه طول الليل لحد اذان الفجر بتتكلم مع خطيبها.

وشويه واتجمعوا كلهم على تربيزة السفرة وفطروا وشربوا الشاى باللبن .

رهف بخجل بصت لمامتها وقالت: كنت عاوزة حضرتك يا ماما فى حاجه مهمه☺

الام باستعراب ردت وقالت: خير يا رهف فى ايه يا حبيبتى؟

رهف عيونها جت على عمر وعلى رغد

وقالت: اصل الصراحه حسام كلمنى بعد ما رجع على الفيلا وطلب منى أنه يعدى عليا فى الكليه بعد ما اخلص محاضراتى ونقعد فى اى مكان ونتكلم شويه انا وهو ده لو معندكوش مانع طبعا ومنظر منى انى ارد عليه.

الام بصت لعمر وفهمت من نظرة عيونه انه موافق فردت وقالت: ماشى يا حبيبتى مفيش مشكله ده بقى خطيبك شوفى انتى هاتخلصى امتى وكلميه وقوليله يجى وياخدك هو خلاص مبقاش غريب وكلها كام شهر وهايكون جوزك ان شاء الله.

رهف: قامت وقفت وقربت من مامتها وحضنتها وباستها وقالت: ما اتحرمش منك يا ست الكل ربنا يخليكى لينا يارب.

عمر بصلها وقال: احم احم مفيش بوسه ليا انا انا كمان ولا ايه يا رهوووف؟

رهف راحت باست عمر فى خده وهو قاعد وراحت مسكت الموبيل بتاعها ودخلت اوضتها واتصلت على حسام علشان تبلغه بالموافقة وكان يا دوبك لسه صاحى من النوم علشان ينزل على الشركه واول لما مسك الموبيل علشان يعرف مين بيتصل عليه بدرى اوى كده وعيونه شافت إسم رهف هى اللى بتتصل قام من على السرير بمنتهى السرعه ورد عليها.

حسام: صباح الفل والورد والياسمين انا لسه نايم وبحلم ولا ايه؟

رهف بمنتهى الرقه: صباح الخير يا بشمهندس واطمن انت صاحى وبترد عليا كمان اهو.

حسام: احلى صباح من احلى رهف فى الدنيا والله😘

رهف بخجل قالت: احم احم على العموم انا قولت لماما وماما وافقت وانا هاخلص محاضرات ان شاء الله على الساعه تلاته ممكن تيجى فى الميعاد ده.

حسام: ان شاء الله من الساعه واحده هاكون اودام الكليه فى انتظارك يا حبيبتى.

رهف ضحكت وقالت: اللى تشوفه ويالا بقى سلام علشان هاتأخر على الكليه وزمان ريهام وسلمى هايضربونى على التأخير ده كله.

حسام : طيب تحبى اعدى عليكى دلوقتى واخدك من اودام البيت واوصلك لحد الكليه علشان متتأخريش اكتر من كده.

رهف: لا شكرا انا متعوده انزل مع عمر ورغد اختى ما تتعبش نفسك.

حسام: زى ما تحبى يا حبيبتى سلام.

رهف : سلام

خدت شنتطها ونزلت بس كانت بترجف من الخجل والكسوف اللى حست بيه لمجرد أنها بس كلمت حسام وكانت مستغربه كل اللى بيحصل جواها ده والشعور الجميل اللى كانت حاسه بيه وهل ده فعلا هو الحب اللى بتسمع عنه دايما من اصحابها وتشوفه فى الافلام وتقراه فى الروايات اللى بتقراها ولا لسه مجرد اعجاب.

كل ده هانعرفه الفصول القادمه.

تواقعتكم ايه الفصل الجاى؟ رايكم يهمني ومنتظرة تعليقاتكم وريفيوهاتكم الحلوة اللى بتفرحنى.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه الروايه .

روايه/ أحزان رهف

بقلم/ سحر فرج

الفصل السابق الفهرس الفصل التالي

الفصل السابق الفهرس الفصل التالي

الفصل الخامس عشر

روايه/ احزان رهف

الفصل/ الخامس عشر

بقلم/ سحر فرج

خدت شنتطها ونزلت بس كانت بترجف من الخجل والكسوف اللى حست بيه لمجرد أنها بس كلمت حسام وكانت مستغربه كل اللى بيحصل جواها ده والشعور الجميل اللى كانت حاسه بيه وهل ده فعلا هو الحب اللى بتسمع عنه دايما من اصحابها وتشوفه فى الافلام وتقراه فى الروايات اللى بتقراها ولا لسه مجرد اعجاب.

وصلت لموقف الميكروباص وركبت العربيه اللى هاتوصلها لحد باب الكليه.

وبعد تلت ساعه بالضبط كانت وصلت رهف ونزلت من العربيه ودخلت على طول من باب الكليه.

واول لما دخلت راحت على طول على المكان اللى دايما بتقد فيه هى وأصحابها ريهام وسلمى واول لما شافوها استلموها هما الاتنين اسئله كتير وكانوا عاوزين يعرفوا منها كل اللى حصل امبارح من ساعه ما حسام راح هو وأهله عندهم لحد ما نزلوا باليل .

عاوزين يعرفوا كل تفصيله صغيرة وكبيرة حصلت بينهم .

ريهام بكل فضول بصت لرهف وقالت: بسرعه ومن غير ما تخبى علينا اى حاجه احكى يالا عملتى ايه؟

وهو عمل ايه؟

وقالك ايه؟

وبصلك برومانسيه ولا كان مكسوف؟

واهله عاملين ازاى؟

انطفى يا رهف بقى هاتجنن واعرف اللى حصل معاكى.

رهف بذهول من كتر الاسئله ردت وقالت: واحده واحده يا بنتى ايه كل الاسئله دى لغبطينى والله ونسيتينى كل شىء .

سلمى بكل غيظ بصت لريهام وقالت: عجبك كدة يا ريهام هانم اهى نسيت كل اللى حصل وبعدين كل دى اسئله تسأليها .. انتى هبله اوى والله .

وبصت لرهف بكل هدوء وقالت : استهدى بالله كده يا رهوف يا جميله واحكى واحده واحده كل اللى حصل واحنا مستمعين اهو ومش هاننطق ولا كلمه .. احكى بقى يا بنتى عندى فضول كبير واعرف اللى حصل🙄

رهف ضحكت اوى على منظر اصحابها وعلى فضولهم وبدات تحكى ليهم عن كل شىء حصل من اول ما حسام وصل عندهم البيت والكلام والنظرات اللى اتقال وحصلت بينهم .

وفجأه سرحت شويه وسكتت وبعدها بصت لأصحابها وقالت : فاكرين يا بنات لما روحنا اول مرة الكافيه وقعدنا فيه شويه احنا التلاته وكان قاعد على التربيزة اللى قصادنا شويه شباب لاحظت ساعتها أن فيه واحد منهم عمال يبص علينا جامد وحاسه ان هو ده اخو حسام اللى جه امبارح معاه واسمه شريف.

سلمى بفرحه ردت وقالت: اووووووبا عاوزة تفهمينى وتقولى ان حسام ده ليه اخ تانى حلو واموووور زى كده .. الله حلو اوى ظبطينى معاه بقى يا رهف وحياتى وحياتى .

ريهام بكل غيظ بصتلها من فوق لتحت

وقالت: اشمعنى انتى يا ست سلمى ما انا كمان موجوده اهو واكيد انا هاعجبه اكتر منك يا رخمه انتى 🤨😛

سلمى ردت وقالت : لا هايعجب بيا انا اطلعى انتى منها يا ريهام هانم وشوفيلك شوفه تانيه بعيد عنه.

رهف بضحك ردت وقالت: بس بس بس فى ايه يا بنات انتم هاتتخنقوا ولا ايه هههههههه اومال لو عرفتوا هو بيشتغل ايه هاتتجننوا اكتر واكتر .

البنات بصدمه بصوا لبعض وفى نفس واحد ايه يا رهف انطقى اتكلمى احسنلك؟

رهف ضحكت اوى على منظرهم وفضولهم اللى هايقتلهم وقالت: بيشتغل ضابط شرطه بس ايه احلى من

“عمر الشريف” او “احمد عز” بذات نفسه طول بعرض بحلاوة وهيبه وعضلات

البنات اتجننت اكتر وفضلوا يضحكوا ويهزروا لحد ما ميعاد اول محاضرة جه وخدوا بعضهم وراحوا على طول على المدرج قبل ما الدكتور يدخل .

___________________

وفى الفيلا عند حسام كان شريف صحى من نومه بالعافيه لانه ملحش ينام لانه رجع متأخر ودخل على الحمام وخد شور سريع علشان يروح على شغله.

وبعد ما خلص حمامه خرج وهو لافف البشكير على وسطه وراح ناحيه الدولاب وطلع طقم علشان يلبسه وكان عباره عن بنطلون جيينز وقميص ابيض ولبسهم وراح ناحيه التسريحه وسرح شعره وحط برفانه وخد موبيله ومفاتيح عربيته ونزل على تحت على طول .

واول لما نزل شاف مامته وهى قاعده بتشرب فنجان قهوتها فصبح عليها وقال: صباح الخير يا ست الكل.

الام بكل حب ردت وقالت: صباح الفل يا حبيبى.. تعال يالا افطر وخد فنجان قهوتك معايا.

شريف رد وقال: لا يا أمى مش هاقدر وعندى شغل مهم ومتأخر عليه سلام .

الام بأستغراب حست ان شريف فيه حاجه من ساعه ما كانوا فى بيت رهف فقالت: طيب خد اى حاجه خفيفه يا حبيبى هاتخرج من غير ما تاكل اى شىء كده .

شريف : مش هاقدر سلام.

وخرج على طول وساب والدته فى حيرة واستغراب كبير لانها اول مرة تشوف شريف اللى بيضحك وبيهزر دايما معاها بالحاله الغريبه دى.

_____________________

عدى الوقت على طول ورهف كانت خلصت محاضرتها كلها وطول الوقت اصحابها ريهام وسلمى مكنوش سايبنها تركز فى اى شىء نهائى وكانوا هايتجننوا ويعرفوا كل اللى حصل .

الساعه بقت تلاته الا عشرة وكانت يادوبك البنات لسه خارجه من المحاضرة الأخيرة ليهم ورهف بلغتهم انها خارجه مع حسام .

فاستأذنت من زميلاتها ريهام وسلمى انها هاتمشى وتخرج تنتظره عند باب الكليه.

ريهام : لا استنى هانخرج معاكى ونفضل واقفين مع بعض لحد ما حسام يوصل وتمشى معاه.

سلمى: ربهام اول مرة تقول حاجه صح هانخرج معاكى لحد ما هو يوصل جايز اخوه الضابط يكون جاى معاه ولا حاجه ونشوفه ونسلم عليه😉

وقبل ما رهف ترد عليهم

فجأه موبيلها رن فامسكت شنتطها وطلعته وابتسمت اول لما شافت اسم حسام على شاشه الموبيل .

عيون اصحابها عليها بيتابعوها وكانوا شايفين وشها اللى احمر فجأه وكانوا فرحانبن علشانها جدا .

رهف ردت على الموبيل وقالت: اهلا يا حسام دقيقتين بالضبط وهاكون عندك .

حسام : تمام يا روح قلبى .

ريهام بصت لرهف وقالت: سلمى عليه وقوليله ريهام بتسلم عليك .

سلمى بصت لها هى كمان وقالت: وانا كمان وانا كمان والنبى يا رهوف .

رهف بلغته سلام ريهام وسلمى وقفلت معاه.

وسابت صحابها ومشيت .

ودقيقتين بالضبط وكانت خارجه من باب الكليه.

واول لما خرجت عيونها كانت بتدور عليه يمين وشمال لحد ما لمحته واقف زى القمر وبكل وسامه وهو ساند على عربيته .

وهو اول لما شافها راح لها على طول وسلم عليها وقال: ازيك يا رهف.

وحشتينى اوى يا حبيبتى 😘

انا هنا من بدرى على فكرة وكنت واقف مستنيكى بفارغ الصبر ومنتظر انك تخلصى محاضراتك علشان اشوفك واشوف عيونك الحلوة دى😉.

رهف وشها احمر من الخجل وبصت فى الارض ومقدرتش تنطق ولا كلمه .

حسام حس بخجلها وابتسم وفرح من جواه من خجلها ده وقال : ايه روحتى فين وبدورى على ايه فى الارض حاجه وقعت منك ولا ايه

يا روحى؟

رهف حاولت تجمع نفسها وردت وقالت: لا ابدا مش يالا بينا.

حسام ضحك وقرب منها ومسك ايديها وقال: يالا بينا يا قمر.

رهف بصدمه سحبت ايديها بسرعه من ايده وقالت : يالا بينا من غير مسك ايد يا استاذ بعرف امشى لوحدى.

حسام بضحكه عاليه جدا قال: ماشى يا افندم زى ما تحبى .

وراح فتح لها باب العربيه وركبت رهف ولف حسام الناحيه التانيه وركب وبصلها وهى قاعده جنبه بكل حب وقال: منورة عربيتى يا حبيبتى .

رهف : مقدرتش تنطق ولا كلمه وكانت دقات قلبها سريعه جدا جدا وفضلت السكوت .

حسام حس بيها واتحرك بالعربيه على طول علشان ميحرجهاش اكتر من كده .

وراحوا قعدوا فى مكان هادى اوى على الكورنيش وفضلوا يتكلموا مع بعض اكتر من ساعتين وحكوا لبعض حاجات كتيرة عن حياتهم اللى فاتت واحلامهم وطموحاتهم ووعدها حسام أنه هايعمل كل اللى يقدر عليه علشان يسعدها ويخليها اسعد واحده فى الدنيا.

____________________

عدت الساعات والايام على طول وحسام ورهف كانوا بيتكلموا باستمرار فى الموبيل يوميا وقربوا من بعض جدا.

شريف حاول يشغل نفسه بالشغل اكتر واكتر علشان ينسى رهف خالص.

وجه يوم الخميس ولبسوا الدبل والشبكه اللى حسام جبهلها وراح هو وأبوه وأمه لكن شريف اعتذر أنه يروح معاهم بحجه أنه عنده ماموريه مهمه وما يقدرش يعتذر عنها.

لكن فى الحقيقه هو مش قادر يشوف البنت اللى اتمناها تكون حبيبه ليه وشغلت باله وعقله وقلبه مع اخوه الوحيد.

وعدى اكتر من شهرين تلاته وخلصت الامتحانات بتاعه رهف وبدؤا يجهزوا للفرح اللى حجزوه فى أكبر الفنادق الكبرى فى القاهرة وكان على مستوى عالى جدا ونزلوا اشتروا كل حاجه هما عايزنها لزوم اليوم ده وحجزت رهف وحسام البيوتى سنتر اللى هاتروحه وجه يوم الفرح .

فى بيت رهف كان الكل مشغول فى تحضير نفسه واستقبال الاهل اللى بدؤا يجوا ويهنوا ام رهف على الجواز ورهف ورغد لبسوا وراحوا على البيوتى سنتر اول لما صحيوا من النوم.

وعمر كان بيستقبل ضيوفهم اللى كانوا وصلوا البيت عندهم وجم من البلد بتاعتهم هو وعمه احمد .

وعلى اخر النهار راحوا كلهم على القاعه وكانوا فى انتظار العروسه والعريس.

وفى فيلا صفوان الكل جاهز ومستعد وخرجوا بره الفيلا وركبوا عربيتهم بعد ما جهزوا كل حاجه وبعد ما اطمنت الام على اوضه العروسه والعريس اللى كانت فى الدور التانى للفيلا وجهزوها ليهم .

واتحركوا بالعربيات وراحوا على القاعه وكان شريف مع الوقت بدأ ينسى موضوع رهف وحاول أنه يلغيه من زاكرته نهائى علشان مش عاوز فى يوم من الايام يندم على حاجه ممكن يعملها وتزعل اخوه منه لأنه اخوه الوحيد اللى بيحبه وبيحترمه وبيتمناله كل خير.

تواقعتكم ايه الحلقات القادمه؟!!

ورايكم يهمنى ومنتظره تعليقاتكم وريفيوهاتكم الحلوة اللى بتفرحنى وبتشجعنى على الكتابه.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه الشيقه.

روايه/احزان رهف

بقلمى/سحر فرج يوسف

الفصل السابق الفهرس الفصل التالي

الفصل السابق الفهرس الفصل التالي

الفصل السادس عشر

روايه/ احزان رهف

الفصل/ السادس عشر

بقلمى/ سحر فرج يوسف

سيدي وحبيبى وعاشقى ..

عانق أحساسي

جاوب صمتي وهذياني

رتلني بين شفتيك عشقا

أعزفني بنبض قلبك همسا

أغرقني في بحر عينيك

وأملآني بعبق أنفاسك

تجاوز عن سيئات همسي

فوق السطور أن لم يجديك حرفي

ولكن لا تدعني أفرغ حرفي فيك هباءا

خبئني في ضلعك الأيسر وأتركني هنالك أهذي

فلا شوقا يرتد عنك يوما.. ولا حنينا يسافر عنك أن أباح

ألقي علي قلبي منك سلاما.. يبلغ العمر آمنا وأمانا.

وفى فيلا صفوان الكل جاهز ومستعد وخرجوا بره الفيلا وركبوا عربيتهم بعد ما جهزوا كل حاجه وبعد ما اطمنت الام على اوضه العروسه والعريس اللى كانت فى الدور التانى للفيلا وجهزوها ليهم بجميع مستلزماتها .

واتحركوا بالعربيات وراحوا على القاعه وكان شريف مع الوقت بدأ ينسى موضوع رهف وحاول أنه يلغيه من زاكرته نهائى علشان مش عاوز فى يوم من الايام يندم على حاجه ممكن يعملها وتزعل اخوه منه لأنه اخوه الوحيد اللى بيحبه وبيحترمه وبيتمناله كل خير.

فى البيوتى سنتر كانت خلصت رهف مكياچها الهادى الجميل وكانت طالعه زى القمر بفستانها الابيض الطويل وطرحتها البيضه والتاج اللى كان على رأسها واللى خلاها عامله زى الاميرات فى الحواديت وكان معاها رغد اختها اللى كانت لابسه فستان طويل لونه دهبى وطرحتها الجميله وتاج صغير مزين الطرحه ومكياج خفيف جدا زى ما مامتها وصتها بكده هى وعمر .

وريهام كانت لابسه فستان اسود قصير نوعا ما ومسيبه شعرها على ضهرها وحاطه مكياج رقيق وكانت طالعه حلوة جدا .

وسلمى كمان كانت لابسه فستان لبنى طويل ولافه طرحتها البيضه وحاطه مكياج رقيق زى ريهام بالضبط.

العربيات كانت وصلت اودام باب البيوتى سنتر وكان حسام العريس ومعاه اخوه شريف وبعض اصدقأئه بعربيتهم الكتيرة اللى متزينه كلها بالورووود.

نزل حسام من العربيه بتاعته اللى كان عليها بوكيه ورد حلو جدا وشيك اوى وبعض الورود الصغيره اللى منتشرة على العربيه كلها بشكل هندسى جميل.

وكان ماسك بوكيه اروع فى ايده بتاع العروسه وهو كان لابس بدلته السودا اللى كان طالع فيها زى القمر بطوله وجسمه الطويل وشعره الاسود الناعم الكثيف.

ودخل على البيوتى سنتر وساب شريف هو واصحابه واقفين بيهزروا وبيضحكوا مع بعضهم مش مصدقين ان حسام اخيرا هايدخل عش الزوجيه ويتحبس فيه للابد مع شريكه حياته.

دخل حسام وخرجت رغد وسلمت عليه وخدته على طول لحد رهف ما كانت منظراه جوا مع اصحابها.

وحسام اتفاجأه اول ما شافها بجمالها وحلاوتها ورقتها وما كنش مصدق عيونه ان هى دى رهف حبيبه قلبه وشريكه حياته وعروسته الجميله وهى لابسه الفستان الابيض.

وببتسامه كلها اعجاب وحب وشوق قرب منها وباس ايديها وباس كمان راسها

وقال: انتى اميرتى الجميله يا رهف اللى اتمنيتها وحلمت بيها كتير .. الف مبروك يا قمرى.

فاحمر وش رهف من كتر الخجل والكسوف وقالت: الله يبارك فيك😘

فامسك حسام ايديها تانى وباسها وكل ده تحت انظار ريهام وسلمى ورغد اللى كانوا فرحانين جدا جدا بيهم وليهم وكانوا بيتمنوا ليهم كل السعاده اللى فى الدنيا.

حسام مسك ايد عروسته بعد ما قدم لها بوكيه الوورد اللى زود جمالها جمال على جمال .

وخرجوا بره البيوتى سنتر وسط زغاريد البنات لهم .

واول لما خرجوا شريف اخوه والشباب اللى معاه هيصوا جامد وهنوهم .

ريهام بفرحه بصت لسلمى وقالت: شريف اهو شريف اهوووووو يا سلمى.

سلمى: اتلمى يا بنتى هاتفضحينا ميصحش كده بس هو قموووور فعلا اوى اوى

يا جماله يا حلاوته.

رغد باستغراب بصتلهم وقالت: فى حاجه يا بنات ولا ايه بتتودودوا على ايه؟

سلمى: لا ابدا مفيش يا رغد بقول لريهام يا ترى شكلنا حلو زى العروسه ؟

رغد : لا تقلقى شكلكم حلو اوى اوووى وعقبالكم يارب فى بيت العدل.

دقايق وراحوا العرسان على طول يركبوا عربيه حسام اللى ساقها بنفسه .

وشريف خد التلت بنات وركبهم عربيته والبنات بذات سلمى وريهام كانوا فرحانين جدا جدا لانهم راكبين معاه.

واتحركت العربيات كلها ورا بعضها فى زفه جميله وكلاكسات عربياتهم العاليه لحد ما وصلوا لحد الفندق والكل كان فى

استقبالهم.

ونزل العرسان وسط الزغاريط والاغانى الجميله لحد ما دخلوا لداخل القاعه .

فى القاعه كان فى ناس كتير جدا من اهل حسام واصدقاؤه ومعارف باباه واصحابه وكمان كان موجود اهل رهف واصحابها وأصحاب رغد واصحاب اخوها عمر .

وبدأ الفرح وبدأوا يرقصوا على نغمات الموسيقى الهاديه والكل كان فرحان باحلى عريس وعروسه.

لحد ما جت اغنيه جميله والكل قام رقص عليها كبير وصغير حتى العريس والعروسه وكانت اغنيه سهر الليالى.

شو كانت حلوة الليالى

والهوى يبقى ناطرنا

وتيجى تلاقينى

اه يا سهر الليالى

اه يا حلو على بالى

غنى اه

غنى اه

غنى على الطرقات

ياى يا سهر الليالى ياى يا حلو على بالى غنى

اه غنى غنى على الطرقات .

وانتهى الفرح ووصلوا العرسان لحد العربيه بتاعتهم بزفه جميله والكل ودعهم واتمنى ليهم السعاده والفرح طول حياتهم .

وام رهف حضنتها وودعتها ووصتها انها تخلى بالها من حسام وتتقى الله فيه وتخلى بالها كمان من اهله والاهم تخلى بالها من نفسها ومن حياتها الجديده .

وعمر ورغد ودعوا اختهم واتمنوا ليها حياه سعيده وجميله وهاديه .

واتحركت عربيه العروسه والعريس على عشهم الجديد .

وشويه ووصلوا بالزفه الكبيرة بتاعه شريف واصحابه اواد باب الفيلا ونزل العرسان ودخلوا على جوا على طول وشالها حسام

وطلعوا على اوضتهم .

وكانت رهف مكسوفه جدا جدا من اللى عمله حسام واول لما طلعوا فتح باب الاوضه ونزل رهف بكل هدوء وقال : اتفضلى يا اميرتى الفيلا نورت بيكى.

رهف ابتسمت ودخلت وحسام اول لما هى دخلت قفل الباب على طول.

وبكل رومانسيه قرب حسام من رهف ومسك ايديها وباسها وقال: انا مش مصدق انك بقيتى معايا وان احنا بقينا خلاص مع بعض فى اوضه واحده وبقيتى مراتى.

رهف بخجل بصت فى الارض وردت وقالت: وانا كمان مش مصدقه ان هايتقفل عليا وعليك باب اوضه واحد وحاسه انى بحلم وان ده مجرد حلم مش اكتر .

حسام ضمها لصدره ورد وقال: لا صدقى يا روح قلبى بقينا فى اوضه واحده والاهم انك بقيتى مراتى حلالى وبين ايديا .

ضمها اكتر لصدره وباس رأسها وقربها من حضنه لما لاقاها مكسوفه و محرجه جدا وباصه فى الارض من سده خجلها.

حسام بهزار علشان يزيل التوتر والقلق اللى هى حاسه بيهم ضحك وقال: انا مش عارف ايه بس اللى ضايع منك على طول باصه فى الارض وبتدورى عليه .

رهف ضحكت وخبطته على كتفه وقالت: بطل رخامه.

حسام: “بعشقك” وضمها لحضنه

رهف دقات قلبها كانت سريعه جدا جدا من كتر الكسوف والخجل والتوتر اللى كانت حاسه بيه لكن اول ما حست بحضن حسام ليها حسسها بالراحه والأمان والاطمئنان .

همس لها حسام وقال: ايه رايك نلغى موضوع السفر ده ونخليه لبكرة اصلى مشتاق ليكى اوى اوى اووووى يا اميرتى.

رهف بصتله وقالت بكسوف: احم احم يا باشمهندس من اولها كده هانرجع فى كلامنا لا طبعا يالا بينا نغير لبسنا ده علشان نلحق ميعاد الطيارة وبطل دلع وبعدت عنه وفتحت الدولاب علشان تجهز نفسها للسفر.

حسام بابتسامه جميله رد وقال: اهربى انتى من اولها ماشى يا ست رهف احنا هانروح من بعض فين ؟

وفعلا بدأوا يغيروا لبسهم وطبعا حسام كان غير هو الاول وساب لرهف الاوضه علشان تبقى براحتها وعلى حريتها وتغير لبسها .

وشويه ونزلوا على تحت وسلم على والده ووالدته وكمان اخوه شريف اللى خد منهم الشنط على طول وراح حطها فى العربيه علشان يروح يوصلهم للمطار .

وبعد السلامات والمباركات من الاب والام خرج العرسان على بره و ركبوا العربيه مع شريف وطول الوقت من الفيلا للمطار كانوا بيفتكروا حاجات كتير حصلت فى الفرح وفضلوا يضحكوا ويهزروا طول الطريق لحد ما وصلوا للمطار ونزلوا وشريف ساعدهم فى الشنط وسلموا عليه وودعهم وحسام خده فى حضنه وقال: عقبالك يا شريف ان شاء الله لما نفرح فيك انت كمان اقصد بيك هههههه.

ضحك شريف وقاله لسه بدرى يا عم حسام لما اشوفك انت الاول واشوف رهف هاتعمل فيك ايه ابقى افكر فى موضوع الجواز ده.

وضحكوا كلهم وسلموا عليه ودخلوا على المطار من جوه وشويه وركبوا الطياره وبعد فترة حوالى ساعه وصلوا لمطار الغردقه وركبوا عربيه ووصلوا للفندق اللى كانوا حاجزين فيه واللى هايقضوا فيه اجمل ايام شهر العسل .

يا ترى هايحصل ايه ؟؟؟

رايكم وتواقعتكم ايه فى الحلقات الجايه ومنتظره تعليقاتكم وريفيوهاتكم الحلوة اللى بتفرحنى.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه الشيقه.

روايه/ احزان رهف

بقلم/ سحر فرج يوسف

الفصل السابق الفهرس الفصل التالي

الفصل السابق الفهرس الفصل التالي

الفصل السابع عشر

رواية/ احزان رهف

الفصل/ السابع عشر

بقلم/ سحر فرج يوسف

في قلبــــي إسمك

وفـــي دمــيˁˀ حبـــك

وفي نومـــي حلمك

أحبك ولو كان حبك نآر

أهوآك حتي لو كان هواك دمــآر ˁˀ

إخترتك أول وأخر إختيار

أعشقك ولو كان عشقك مرارˁˀ

أحبك وسابقي احبك

وأعلم أن هذا اخر قرار،،،❤👉👉👉

منقوووووول

بقلم انجى حسام

شريف ساعدهم فى الشنط وسلموا عليه وودعهم وحسام خده فى حضنه وقال: عقبالك يا شريف ان شاء الله لما نفرح فيك انت كمان اقصد بيك هههههه.

ضحك شريف وقاله لسه بدرى يا عم حسام لما اشوفك انت الاول واشوف رهف هاتعمل فيك ايه ابقى افكر فى موضوع الجواز ده.

وضحكوا كلهم وسلموا عليه ودخلوا على المطار من جوه وشويه وركبوا الطياره وبعد فترة حوالى ساعه وصلوا لمطار الغردقه وركبوا عربيه ووصلوا للفندق اللى كانوا حاجزين فيه واللى هايقضوا فيه اجمل ايام شهر العسل .

اول لما دخلوا اوضتهم وحطوا الشنط عيونهم جت فى عيون بعض وقرب حسام من رهف وشدها لحضنه وقال: اخيرا وصلنا يا حبيبتى حمد الله على السلامه والغردقه كلها نورت بيكى يا روح قلبى.

رهف بخجل ردت وقالت: الله يسلمك يا حسام.

حسام بصلها بغيظ ورد وقال: نعم!! حسام ايه يا رهف انا بقولك حبيبتى وروحى و قلبى وحياتى وانتى تقوليلى يا حسام حاف كده اومال فين حبيبى روحى عقلى .

بطلى كسوف منى بقى انا بقيت جوزك حبيبك.

رهف بضحك ردت وقالت: ايه ده انتى زعلتى يا بيضه و ابتسمت بكسوف وقالت بصوت واطى “حبيبى”

حسام: مش سامع اى حاجه وفعلا مخاصمك يا رهف.

رهف حاولت تتشجع شويه وتسمعه كلمه حلوة فقربت منه ونامت على صدره وقالت

” بحبك يا حسام”

حسام مكنش مصدق اللى سمعه وقال: مش سامع حاجه.

رهف بصوت اعلى: بحبك يا حسااااااام

فاحضنها حسام وفضل يلف بيها فى الاوضه وبص فى عيونها الجميله اللى كانت عامله زى السحر من جمالها وبتجذبه ليها وقال: بعشك وبموت فيكى يا روح قلب حسام .

رهف وشها احمر ودقات قلبها بقت سريعه جدا وحس بيها حسام وقرب منها اكتر شفايفها اللى زى الكريز وباسها بشويش بكل رقه لفترة طويله وبعد عنها لما حس انها عاوزة هواء.

وبدأ يبوس رقبتها فى كل حته وأيده بتلمس كل حته فى جسمها بكل شوق وبكل حب ورقه وقضوا احلى ليله فى حياتهم.

(ملناش دعوة بقى بيهم عيب كده )

( بلاش قله ادب )

_________________________

وفى بيت رهف الحال كان مختلف والكل كان حاسس بشىء ناقصه والشىء ده هو رهف اللى اول مرة تبعد عنهم بالشكل ده .

الام كانت قاعده فى اوضتها وكانت بتصلى وبتدعى ربنا انه يسعد بنتها ويحفظها ويخليلها جوزها ويهدى سرها .

ومكنتش تتخيل ان الايام تجرى بالسرعه دى ورهف البنت الصغيرة ام ضفاير تكبر وتتجوز وتبقى عروسه جميله كده.

كانت بتتمنى ان جوزها يكون موجود فى يوم زى ده ويزف بنته رهف لعريسها ويفرح بيها ويشاركهم فرحتهم .

دموعها نزلت غصب عنها وفضلت تدعى ربنا كتير انه يتملها على خير ويسعد قلبها ويعوضها خير فى جوزها ويعوضها حنان باباها اللى اتحرمت منه .

وفى اوضه عمر كان نفس الحال فرحه كبيرة لاخته اللى اتجوزت وراحت بيت جوزها وفى نفس الوقت حزن كبير انها سابتهم ولانه هايفتقدها جامد جدا وهايفتقد لمتهم الحلوة مع بعض.

اما رغد كانت حاسه بفراغ كبير جدا والاوضه اللى جمعتها هى ورهف طول حياتهم فضيت عليها وحست بالوحده .. وافتكرت كل الذكريات اللى بتربطها بأختها من طفولتهم وهزارهم مع بعض ومشاجرتهم ومزاكرتهم حتى لحظات حزنهم .

وغصب عنها دموعها نزلت لما افتكرت باباها اللى كانت متعلقه بيه جدا وافتكرت هزاره ودلعه ليها هى ورهف وخصوصا هى لانها كانت اخر العنقود .

وفى الاخر دعت لبابها بالرحمه ودعت لاختها رهف هى كمان بالسعاده وراحه البال .

وبعدها غمضت عيونها على طول وراحت فى سابع نومه.

_____________________

طلع النهار على احلى عرسان اللى فضلوا سهرانين لحد ما طلع النهار.

حسام هو اللى صحى الاول واول ما فتح عيونه جت على رهف اللى كانت نايمه زى الملاك جمبه وشعرها الطويل اللى كان مغطى معظم وشها.

فمد ايده بشويش وبدأ يشيل الشعر عن عيونها وفضل يتامل فيها وفى جمالها الطبيعى ورقتها وبرائتها.

وحمد ربنا كتير على النعمه اللى إدهاله دى وبينه وبين نفسه بدأ يدعى ان ربنا يساعده ويقدره انه يسعدها ويخليها احسن واحده فى الدنيا وبخليها ليه.

وبعدها بدأ يلمس وشها بأيده بكل رقه وهدوء ولمس شفايفها.

ومن اول لمسه على طول حست رهف بيه وفتحت عيونها وشافته نايم جنبها وقريب منها اوى اووى.

رهف بأبتسامه رقيقه قالت: صباح الخير يا حسام.

حسام بابتسامه أجمل رد وقال: صباح الفل والورد والياسمين يا قلب وعيون وحياة حسام يا احلى واجمل عروسه.

رهف ضحكت من قلبها وقالت: وبعدين بقى فى الكلام الحلو ده يا حبيبى.

حسام بفرحه رد وقال: ايه ؟! بتقولى ايه عيدى كلامك كده تانى يا روحى.

رهف برقه ودلع ضحكت وقالت: بقول حبيبى وجوزى وكل حاجه حلوة فى حياتى.

قرب منها حسام وخدها فى حضنه وضمها لصدره وقال: يالا بينا؟؟؟

رهف بأستغراب ردت وقالت: هانروح فين يا حسام ؟

حسام بضحكه كلها مكر رد وقال: لا ابدا احنا بس هانكمل اللى ما كملنهوش المرة اللى فاتت.

رهف بصدمه ردت وقالت: نعم!!

وقبل ما تكمل رهف كلامها حسام كان اسرع منها و بسرعه خدها فى حضنه وراحوا يكملوا اللى قالها عليه.

وباليل جهزوا نفسهم ولبسوا ونزلوا على تحت وبدؤا يقضوا شهر العسل بتاعهم فى سهادة لا توصف.

__________________

عدت الايام والليالى على طول والكل كان مفتقد رهف وحسام .

وفى فيلا صفوان الدنيا كانت مقلوبه وبيستعدوا لاستقبال العرسان اللى خلصوا شهر العسل وكانوا جايين فى الطريق.

الام طلبت من الشغالين انهم يعملوا كل الاكل اللى بيحبه حسام.

وطلبت من شغاله تانى انها تطلع اوضه العرسان وتنضفها كويس جدا .

واتصلت على جوزها فى الشركه انه ما يتأخرش و يجى بدرى علشان يكون فى استقبال حسام وعروسته لما يوصلوا.

واتصلت كمان بأم رهف وطلبت منها انها تجيب عمر ورغد وتيجى تستقبل رهف وحسام لما يوصلوا بالسلامه .

وكمان اتصلت بشريف ابنها وهو فى الشغل واللى رد عليها بصعوبه بعد فترة لانه كان فى مشغول جدا وفكرته انه يروح ويقابل اخوه وعروسته فى المطار ويجبهم ويجى على طول وما يتاخرش عليها لان حسام واحشها جدا جدا .

وفعلا بعد كام ساعه شريف خلص شغله وراح يستقبلهم فى المطار .

واول لما وصل بعربيته كانوا يا دوبك لسه خارجين بشنطهم من باب المطار فقرب منهم وسلم عليهم.

وخد منهم الشنط وحطها فى العربيه وركب حسام جنبه ورهف قعدت على الكنبه اللى ورا فى ضهر حسام على طول .

شريف بهزار بص لاخوه حسام وقال: ايه ده هو الجواز بيخلى الواحد حلو كده انت كده طمنتنى يا حسام والله وجايز افكر واعملها زيك.

حسام بفرحه رد وقال: البركه فى روح قلبى رهف هى سبب السعاده والحلاوة اللى انا فيها دى والفضل يرجع لها.

شريف : ربنا يسعدكم انتم الاتنين ويخليكم لبعض يا حبيبى.

ماما قالبه الدنيا فى الفيلا من صباحيه ربنا علشان تستعد لاستقبالكم .

حسام: وحشتنى جدا والله هى وبابا اول مرة ابعد عنهم كل الفترة دى .

وفضلوا على الحال ده يتكلموا مع شريف لحد ما وصلوا اودام باب الفيلا .

ونزلوا من العربيه ونزلت رهف هى كمان وحسام مسك ايديها ودخلوا على جوا على طول.

والكل كان فى استقبالهم وبيرحبوا بيهم الام والاب وام رهف ورغد وكمان عمر.

ورهف اتفاجأت بوجود مامتها واخوتها وفرحت جدا جدا .

وفضلوا يتكلموا كتير عن الاماكن اللى راحوها فى الغردقه واجمل المناظر الطبيعيه اللى شافوها هناك .

لحد ما الشغاله جت وبلغتهم ان السفرة جاهزة وقام الكل واتجمعوا على تربيزة السفره فى جو عائلى هادى وجميل.

وبعد ما خلصوا شربوا الشاى واهل رهف بعد ما اطمنوا عليها استاذنوا انهم يمشوا علشان يخدوا راحتهم ويستريحوا من السفر.

وحسام خد عروسته بعدها وطلعوا على اوضتهم .

ودخل على الحمام علشان ياخد شور ويغير لبسه.

ورهف استغلت دخول حسام الحمام واتصلت على اصحابها ريهام وسلمى واطمنت عليهم و فضلوا يرخموا عليها وكانوا عاوزين يعرفوا كل حاجه حصلت معاها من ساعه ما راحت على شهر العسل.

وفضلوا يضحكوا ويهزروا مع بعضهم لحد ما حسام خرج من الحمام وقفلت معاهم ووعدوها انهم هايبقوا يزوروها لانها وحشتهم جدا جدا .

____________________

وعدى كذا يوم وبدا حسام ينزل الشركه تانى مع باباه علشان كانت الطلبيه اللى كانوا طلبوها من فترة قربت توصل من بلاد برة وكان محتاج حسام ضرورى فى الشركه.

يا ترى ايه اللى مستنى حسام ورهف

تواقعتكم ايه.

منتظره تعليقاتكم الحلوة ورايكم وريفيوهاتكم اللى بتفرحنى.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه الشيقه.

روايه/ احزان رهف

بقلم/ سحر فرج

الفصل السابق الفهرس الفصل التالي

الفصل السابق الفهرس الفصل التالي

الفصل الثامن عشر

روايه/ احزان رهف

الفصل/ الثامن عشر

بقلم/ سحر فرج يوسف

رهف استغلت دخول حسام الحمام واتصلت على اصحابها ريهام وسلمى واطمنت عليهم و فضلوا يرخموا عليها وكانوا عاوزين يعرفوا كل حاجه حصلت معاها من ساعه ما راحت على شهر العسل.

وفضلوا يضحكوا ويهزروا مع بعضهم لحد ما حسام خرج من الحمام وقفلت معاهم ووعدوها انهم هايبقوا يزوروها لانها وحشتهم جدا جدا .

____________________

وعدى كذا يوم وبدأ حسام ينزل الشركه تانى مع باباه علشان كانت الطلبيه اللى كانوا طلبوها من فترة قربت توصل من بلاد برة وكان محتاج حسام ضرورى فى الشركه علشان يتابع وصول الطلبيه دى .

وفى الشركه وبالتحديد فى مكتب صفوان ابوه حسام.

الاب طلب من مدير مكتبه أنه يتصل بالباشمهندس حسام فى مكتبه ويخليه يجى ليه فى مكتبه فورا.

وفعلا مدير مكتبه اتصل عليه فى مكتبه وبلغه بكلام صفوان بيه .

حسام كان بيتكلم هو ورهف فى الموبيل وقفل معاها بعد ما استاذنها انه هايروح لباباه على المكتب فى موضوع مهم بخصوص اكيد الشحنه الجديده .

وبعد ما قفل معاها قام وعدل لبسه وفتح باب مكتبه وراح لباباه على طول.

ودخل وابتسمله وقال: خير يا حاج بلغونى ان حضرتك عاوزنى ضرورى ؟؟

الاب رد وقال : ايوا فعلا محتاجك جدا يا حسام بخصوص الشحنه اللى هاتوصل بكرة الفجر باذن الله لانهم لسه مبلغنى من بره بميعاد وصولها.

وعاوزك تجهز نفسك يا ابنى علشان تروح تستلمها بنفسك انت عارف الطلبيه دى مهمه اد ايه ومدفوع فيها كام ولو كنت قادر كنت جيت معاك بنفسى بس انت عارف صحتى بقت عامله ازاى ومبقتش استحمل تعب وارهاق السفر .

حسام ابتسم لابوه ورد وقال: انا تحت امرك يا حاج متقولش كده .. وانا ان شاء الله هاروح واستلمها انا بنفسى ولا تشغل بالك وعلى الصبح اكون وصلت بأذن الله المهم عاوزك تطمن على الاخر.

الاب براحه رد وقال : ربنا يطمنك يا حبيب قلبى و يخليك يا حسام يا ابنى ريحتنى ده انا كنت شايل هم الشحنه دى جدا جدا مش عارف ليه.

حسام رد وقال: متشلش هم حاجه طول ما انا موجود يا حاج وبعدين انت تؤمر يا حبيبى وانا انفذ على كول من غير ولا كلمه.

الاب رد وقال: ربنا يخليك ليا يا حبيبى انت وشريف اخوك ومايحرمنيش منك ابدا واشوف حسام الصغير قريب بأذن الله .

ويالا خد بعضك كده زى الشاطر وارجع على الفيلا وجهز نفسك للسفر يا استاذ.

حسام: ماشى يا بابا مش عاوز حاجه منى تانى قبل ما انزل وارجع على البيت.

الاب بكل حب رد وقال: عاوز سلامتك يا ابنى ربنا يرضى عليك ومتنساش تعدى تجيب حاجه حلوة وانت مروح لرهف .

حسام ابتسم وقرب من ابوه وعمل نفسه بيفكر 🤔 وقال: طيب انا هاجيب لرهف وحضرتك هاتجيب حاجه حلوة لمين بقى ؟؟؟؟؟

الاب ضحك وقال: كل واحد يجيب حاجه حلوة للشخص اللى تبعه يا استاذ اتفضل يالا واتوكل على الله.

حسام ضحك وقال: امتى الواد شريف هو كمان يروح ويجيب حاجه حلوة للشخص اللى يخصه؟

الاب : يارب يا حسام ربنا يرزقه ببنت حلال كده زى رهف بالضبط ادب وجمال وحلاوة واحترام.

حسام : يارب يا حبيبى انا هافضل وراه لحد ما يعملها ونفرح بيه قريب ان شاء الله.

الاب : يارب يا حبيبى وربنا يخليكم ليا ويرزقكم بالذرية الصالحه ان شاء الله يا روح قلبى .

واستاذن حسام من باباه وقرب من الباب وخرج وراح مكتبه وخد مفاتيحه ونزل من الشركه على طول وركب عربيته وراح على محل ورد كبير ونقى اجمل بوكيه ورد خده لرهف وبعدها راح جبلها بوكس مليان شيكولاته بجميع انوعها.

ووصل الفيلا وركن عربيته ونزل وخد البوكيه فى أيد وبوكس الشيكولاته فى الايد التانيه واول لما دخل شاف رهف قاعده على الكنبه فى الريسبشن بتتفرج على فيلم ابيض واسود فمشى براحه وجه من ضهرها وساب الحاجه اللى فى ايده على التربيزة.

وبعدها قرب من رهف جدا وحط أيده على عيونها فحست رهف بايده ولفت وشها بسرعه من الخضه وشافت حسام اودامها .

رهف بخضه بصتله وقالت: حسام خضتنى بجد جيت امتى.

حسام لف نفسه ليها وخد معاه الحاجه اللى جبها معاه وهو جاى واداها بوكيه الورد والبوكس وباسها وقالها وحشتينى يا حبيبتى اوى اوى اووى.

وقبل ما ترد عليه رهف وتشكره على الحاجات الجميله دى.

الام فجأه قالت: احم احم نحن هنا يا استاذ حسام مفيش وحشتينى يا ماما.

حسام على طول راح لمامته وباسها وباس ايديها وقال: هو انا اقدر طبعا وحشتينى يا ست الكل انتى الخير والبركه يا حبيبتى وراحت رهف وحضنت حماتها وقالت لها انتى الخير والبركه يا يا ماما ربنا يخليكى لينا يارب يا حبيبتى

الام بكل طيبه وحنيه خدتهم هما الاتنين فى حضنها وقالت: ربنا يخليكم لبعض يا حبايب قلبي وربنا يقدركوا وتملولى الفيلا دى كلها عيال.

حسام عيونه فى عيون رهف ورد وقال : ان شاء الله يا روح قلبى.

انا هاطلع اجهز نفسى علشان انا مسافر على الساعه واحده باليل علشان استلم الشحنه الجديده للشركه من الميناء.

ويادوبك استعد واجهز نفسى وانام شويه علشان ابقى مصحصح وانا مسافر.

الام بكل حب ردت وقالت: تروح وتيجى بالسلامه يا ابنى يا حبيبى فى حفظ الله .

رهفابتيمت وقالت: تروح وتيجى بالسلامه ان شاء الله يا حبيبى.

واستاذن حسام هو ورهف وطلعوا وجهزوا شنطه السفر الصغيرة اللى هايخدها معاه وخد شور دافى ونام شويه.

وطلب من رهف انها تصحيه على العشاء وفعلا عدى كام ساعه ورهف صحته واتجمعوا كلهم على السفرة الاب والام وحسام وشريف ورهف.

وفضلوا طول الوقت يتكلموا ويضحكوا واصطادوا شريف فى الكلام علشان يبدأ يدور على عروسه هو كمان و يفرحوا بيه زى ما فرحوا بحسام.

وبعد ما خلصوا العشاء قعدوا سويه مع بعضهم وبعدها استاذن حسام ورهف منهم وطلعوا على فوق على اوضتهم.

وقضوا مع بعض وقت لطيف كزوج وزوجه

وبعد فترة بدأ حسام يجهز نفسه ويلبس ويستعد علشان الساعه قربت على واحده .

ومسك رهف وقربها منه وبدأ يلمس وشها وشفايفها وباسها بوسه طويله اوى اوووى لحد ما حس انها عاوزة تتنفس وحضنها

وقال: هاتوحشينى اوى اوى يا حبيبتى.

رهف: وانت كمان يا قلبى هاتوحشنى جدا واهم حاجه عوزاك تخلى بالك من نفسك وتسوق بشويش .

ضمها حسام لحضنه اوى وقال : متقلقيش عليا يا روح قلبى وباسها وخد الچاكيت بتاعه ولبسه ونزلوا على تحت وسلم على والدته وعلى والده .

بس للاسف شريف كان راح على مأموريه كبيرة مهمه ومشى بعد العشاء على طول ومكنش فى وقت يقعد فيه هو واخوه شويه مع بعضهم .

سلم عليهم حسام وخد شنتطه الصغيره وركب عربيته واتحرك بيها.

وطلعت رهف على اوضتها علشان تنام هى ووالده ووالدته ما ودعوا حسام.

________________________

بدأ يطلع النهار وفعلا كان وصل حسام على الميناء بالسلامه واستلم الشحنه وخلص كل الأوراق المطلوبه منه بخصوصها.

وطلب من موظف الشركه اللى جه معاه انه يركب مع العربيات بتاعه البضاعه .

وفعلا الموظف عمل كده علشان يخلى باله من البضاعه.

وبعدها ركب حسام عربيته وبدأ يتحرك بيها وللاسف كان فى شبورة كبيرة اوى خلت الرؤيه معدومه وحسام مكنش شايف اودامه اى شىء اطلاقا.

وفى ثوانى كانت العربيه مقلوبه بيه وانقلبت معه كذا عربيه تانيين وكانت حادثه كبيرة جدا جدا راح فيها ضحايا كتير للاسف .

فى الفيلا صحى الاب على صوت جرس الموبيل اللى رن فجأه بدرى

وقال الو ….. مين معايا

المتصل : حضرتك صفوان الحريرى والد الباشمهندس حسام.

الاب … بدأت ضربات قلبه تزيد ورد وقال ايوا يا ابنى خير فى ايه ؟؟؟

المتصل… انا اسف انى هاقول الكلام ده ..

ابن حضرتك عمل حادثه كبيرة على الطريق الدولى وحالته خطيرة جدا وراح على المستشفى .

الاب من الصدمه رمى التليفون من ايده من غير ما ينطق ولا كلمه وجرى على اوضه شريف وفتح الباب من غير اى استأذان

وده اللى صدم شريف اللى يادوبك كان لسه خارج من الحمام وكان بيلبس هدومه علشان يروح على شغله .

شريف باستغراب من منظر ابوه ولهفته دى قال: فى ايه؟

الاب بوجع وحزن شديد رد وقال: الحقنى يا شريف الحقنى يا ابنى الحقنننننننى.

شريف بكل خوف وصدمه و خضه من منظر ابوه قال: خير يا بابا فيه ايه!! وايه اللى بيحصل طمنى؟؟

الاب وهو بينهج وبكل قلق قال: اخوك يا شريف .. اخوك حسام عمل حادثه كبيرة والعربيه اتقلبت بيه وراح على المستشفى وحالته خطيرة يا ابنى.

شريف بكل صدمه وذهول من الخبر اللى سمعه مكنش مصدق ولا مستوعب اى شىء فقال: اهدى يا بابا خير ان شاء الله اطمن .

الاب : اطمن ايه بس يا ابنى اللى اتصل عليا بيقولى حالته خطيرة جدا😭

كل الكلام اللى اتقال ده باب الاوضه كان مفتوح وسمعت رهف كل اللى حصل وكل اللى اتقال ما بين ابوا حسام وشريف وان حسام عمل حادثه كبيرة .

جريت بسرعه على اوضه شريف وبصت لحماها وهى بتعيط ومصدومه على الخبر اللى هى سمعته ده .

اتفاجاه شريف والاب بوجودها وبكل خوف ووجع الاب مد ايده ليها وحضنها

وقال : اهدى يا بنتى اهدى وخير ان شاء الله وباذن الله هيرجع بيته لينا تانى.

وسابها وراح على اوضته علشان يبلغ الام باللى حصل واللى اتصدمت واترعبت من الخبر الوحش ده وخافت انها ممكن تفقد ابنها حبيبها اللى لسه معداش على فرحه الا شهرين اتنين.

الكل تمالك نفسه وغيروا لبسهم وفى ثوانى كانوا خدوا بعضهم ونزلوا على تحت وركبوا عربيه شريف وراحوا على المستشفى اللى بلغوهم بيها.

يا ترى حسام هايحصله ايه؟؟

ايه تواقعتكم؟؟؟

منتظره تعليقاتكم الحلوة ورايكم وريفيوهاتكم اللى بتفرحنى.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه .

دمتم فى رعايه الله.

روايه/احزان رهف

بقلمى/ سحر فرج يوسف

الفصل السابق الفهرس الفصل التالي

الفصل السابق الفهرس الفصل التالي

الفصل التاسع عشر

رواية احزان رهف

الفصل التاسع عشر

بقلمى سحر فرج يوسف

حزن يغتالني

وهم يقتلني

وظلم حبيب يعذّبني

آه! ما هذه الحياة

التي كلّها آلام لا تنتهي

وجروح لا تنبري

ودموع من العيون تجري

جرحت خدّي

أرّقت مضجعي

وسلبت نومي

آ

ه يا قلبي

يا لك من صبور

على الحبيب لا تجور

رغم ظلمه الكثير

وجرحه الكبير

الذي لا يندمل ولا يزول

ما زلت تحبه

رغم كل الشّرور

ما زلت تعشقه

رغم الجور والفجور

ما زلت تحنّ إليه

رغم ما فيه من غرور

قلبي، ويحك قلبي

إلى متى، إلى متى؟؟

أخبرني بالله عليك إلى متى؟؟

هذا الصّبر

وهذا الجَلَد والتّحمل

إلى متى هذا السّهر والتّأمل؟

إلى متى هذه المعاناة والتّذلل؟

كُفَّ عن هذا، كُفّ

احزان رهف

كل الكلام اللى اتقال ده باب الاوضه كان مفتوح وسمعت رهف كل اللى حصل وكل اللى اتقال ما بين ابوا حسام وشريف وان حسام عمل حادثه كبيرة .

جريت بسرعه على اوضه شريف وبصت لحماها وهى بتعيط ومصدومه على الخبر اللى هى سمعته ده .

اتفاجاه شريف والاب بوجودها وبكل خوف ووجع الاب مد ايده ليها وحضنها

وقال : اهدى يا بنتى اهدى وخير ان شاء الله وباذن الله هيرجع بيته لينا تانى.

وسابها وراح على اوضته علشان يبلغ الام باللى حصل واللى اتصدمت واترعبت من الخبر الوحش ده وخافت انها ممكن تفقد ابنها حبيبها اللى لسه معداش على فرحه الا شهرين اتنين.

الكل تمالك نفسه وغيروا لبسهم وفى ثوانى كانوا خدوا بعضهم ونزلوا على تحت وركبوا عربيه شريف وراحوا على المستشفى اللى بلغوهم بيها.

وخلال ساعه قضوها فى الطريق من القلق والخوف والرعب اللى كلهم عاشوه وصل شريف بعربيته اودام باب المستشفى.

واول لما وصل ركن العربيه ونزل بسرعه ونزل باباه ومامته ورهف اللى حالتهم كانت صعبه جدا جدا وكانوا بيتمنوا انه يكون مجرد كابوس وحش وهايفوقوا منه فى اى وقت بس للاسف ده طلع حقيقه بشعه مش قادرين يتحملوها او يستوعبوا ان حسام ممكن يروح منهم فى لحظه .

ولان شريف كان اسرع واقوى جرى هو الاول ودخل من باب المستشفى الرئيسى على الاستقبال وبدأ يسأل عن المهندس

حسام صفوان اللى وصل عندهم فى حادثه على الطريق الدائرى وبعد مراجعتهم للاوراق الخاصه بالمستشفى بلغوا شريف ان حسام فى اوضه العمليات من ياعه ما وصل المستسفى وان الحاله خطيرة جدا .

والده ووالدته ورهف كانوا وصلوا عند شريف بعد كام دقيقه وشافوا صدمه كبيرة فى ملامحه وعيون شريف وده اللى رعبهم اكتر واكتر .

الاب بكل خوف وقلق بص لشريف وقال: خير يا ابنى طمنى اخوك حسام فين دلوقتى؟

الام بكل خوف وبرجاء مسكت ايد شريف وقالت: طمنى يا حبيبى على اخوك وقولى انه بخير وانه كويس وهايرجع على بيته معانا دلوقتى .. قولى يا شريف قولى يا حبيبى .

رهف من كتر خوفها وصدمتها ورعبها على حسام جوزها اللى يادوبك مر على جوازهم شهرين اتنين مكنتش قادرة تنطق ولا كلمه بس نظراتها ومنظرها كفيل بكل الى هى حاسه بيه.

شريف حاول يستجمع نفسه علشان خاطر والدته بالذات وقال: خير ان شاء الله يا جماعه اطمنوا وباذن الله هايبقى كويس وبخير وهما هنا بلغونى انه فى العمليات دلوقتى.

الاب رد وقال: طيب يالا بينا بسرعه نروح عند اوضه العمليات ملهاش لازمه وقفتنا هنا خالص .. يالا يا أم حسام اطمنى وباذن الله ربنا هايقف معاه ويقومه بالسلامه ان شاء الله .

والده حسام بكل خوف ودموع مغرقه وشها ردت وقالت: ياااااارب يااااارب استرها معاه لأجل حبيبك النبى يارب مشفش فيه حاجه وحشه ابدا ولا هو ولا اخوه يااااارب.

خدوا بعضهم كلهم وطلعوا بالاسانسير لحد الدور اللى كان فيه اوض العمليات كلها وبعد ما خرجوا من الاسانسير شريف قرب من والدته وسند ايديها بكل حنيه لحد ما وصلوا عند اوضه العمليات اللى فيها حسام .

وطول ما هما كانوا واقفين كان الكل بيدعى لحسام بالشفاء وبالذات الام اللى فضلت تدعى لابنها أنه يقوم لها بالسلامه وان ربنا يحفظه ليها ولشبابه .

اما رهف كانت حالتها منهارة جدا ومش مبطله عياط وكل اللى عليها انها كانت بتدعيله ودموعها نازله على طول.

وشريف حالته كانت وحشه جدا وهايتجنن من كتر خوفه على اخوه الوحيد اللى ملهوش غيره فى الدنيا وفضل رايح جاى اودام باب العمليات .

والاب كذلك حالته كانت صعبه جدا من كتر خوفه على ابنه وكان عمال يدعى ربنا أنه يقوم بالسلامه وربنا يحفظه .

وبعد اكتر من تلت ساعات واقفين على رجليهم منتظرين ان اى حد يخرج ويطمنهم بأى كلمه .. اوضه العمليات اتفتحت و خرج الدكتور منها وهو شكله ومنظره غير مبشر بالخير اطلاقا.

فابسرعه جرى الكل عليه بكل قلق وخوف وخصوصا شريف .

شريف بصله بكل خوف وتوتر وقال: خير يا دكتور هو عامل ايه دلوقتي؟؟

الدكتور بصله بكل استغراب وقال: حضرتك مين بالضبط وتقرب للمريض ايه؟

شريف بسرعه رد وقال: انا اخوه الرائد شريف صفوان.

الدكتور بحزن وعيون بتهرب من الاجابه

قال: للاسف الحاله كانت جتلنا حرجه وخطيرة جدا والحادث شكله كان كبير وخطير واحنا عملنا اللى نقدر عليه لكن ……….

شريف بصدمه بصله بكل خوف وقال: لكن ايه يا دكتور اخويا جراله ايه قووووووولى ارجووووك.

الدكتور بحزن شديد رد وقال: البقاء الله

شريف : حسااااااااام 😔

انهاردت الام ورهف والاب واتصدموا من الخبر المشؤوم ده ورهف بدأت تصرخ وتصرخ

وتقول: حساااام حساااام متسبنيش يا حسام حساااام اوعى تسيبنى يا حساااام اوعى اوووووعى يا حبيبى .

الاب قعد على اقرب كرسى اول لما سمع الدكتور وبدا يقول بكل حزن ووجع: لا حول ولا قوة الا بالله العلي العظيم. ان لله وان اليه راجعون.. الصبر من عندك يارب .. الصبر من عندك ياااااااارب 😔

الام اللى مكنتش مصدقه كل اللى بيحصل حواليها ده ومن صدمتها مسكت ايد الدكتور وقالت بكل وجع والم: ابنى فين ابنى فين ابوس ايدك ابووووس ايدك .. ودينى لحسام ودينى لروح قلبى ودينى لااابنى

ااااااااااااااابنى

😭😭😭😭😭😭😭😭

رهف من شده صدمتها فضلت تصرخ وتصرخ لحد ما وقعت من طولها على الارض وجرى عليها الدكتور هو وشريف ووالده وبسرعه شالها شريف ودخلها على اقرب سرير٠

وبعد كام ساعه اهل رهف كلهم عرفوا كل اللى حصل لحسام واتصدموا وزعلوا جدا جدا وعمر خد والدته واخته رغد وراحوا المستشفى لرهف.

الحزن كان مسيطر على المكان كله والكل كان بيحاول انه يخفف عن أسره حسام والده ووالدته واخوه شريف وعن رهف بالذات اللى الصدمه كانت كبيرة عليها جدا جدا ومكنتش قادره تصدق ان حسام يضيع منها فى لحظه كده .

____________________

عدى اسبوع كامل على وفاة حسام وكل اللى كان فى الفيلا كان حزين جدا عليه وعلى موته المفاجىء ده وهو لسه فى عز شبابه وملحقش يفرح بعروسته بس ربنا اختاره وطبعا مفيش اعتراض على قضاءه.

ولانهم مؤمنين بالله ربنا صبرهم وقواهم على موته وفراقه .

ريهام وسلمى ورغد كانوا يوميا يروحوا لرهف ويخففوا عنها حزنها ووجعها .

وده اللى كان فعلا بيحسن صحتها اللى ادهورت جدا بعد موت حسام .

حتى عمر ووالدتها كانوا دايما بيطمنوا عليها وعلى كل اللى فى الفيلا .

وزى كل يوم من ساعه وفاه حسام

الشغاله كانت جهزت الفطار كالعاده وبلغت الكل ان الفطار جاهز.. بس للاسف كان الكل بيتجمع على السفره لكن محدش كان بيعرف ياكل اى حاجه من كتر الحزن اللى بقى عايش جواهم ومعاهم من فقدان اغلى شىء عندهم .

رهف كان بدأ وشها يدبل من كتر الحزن وما كنتش قادرة تصدق للحظه دى ان حسام مات وسابها لوحدها بعد أقل من شهرين من جوازهم.

حزن ورا حزن لحد ما صحتها اتدهورت

لما بدات بموت ابوها وبعدها جوزها كان الدنيا حالفه عليها انها تعيش دايما حزينه وموجوعه .

وفى مرة من المرات اللى كانوا متجمعين فيها على السفره ولسه يا دوبك رهف هاتقوم من مكانها الا وحست أن الدنيا بتلف بيها ودايخه وفجاه وقعت على الأرض.

الام بخوف وقلق بصت لها وقال: رهف ررررهف الحقنى يا شريف يا ابنى بسرعه.

الاب بكل خوف من منظر رهف اللى نايمه على الارض ووشها اصفر جدا بص لشريف وقال الحق يا ابنى مرات اخوك الحق يا شرييييف.

شريف جرى بسرعه بكل خوف وقرب منها وقال : رهف رهففف انتى سمعانى .. رهف ردى عليا وبسرعه كان شايلها وطلع بيها على اوضتها .

وجريت الام وراه على طول .. وجرى الاب ومسك موبيله واتصل بالدكتور فارس صديق حسام الله يرحمه وبلغه باللى حصل وفارس بلغه ان مسافه السكه وهايكون عنده.

وفعلا بعد عشر دقائق بالضبط كان وصل فارس للفيلا ودخل وكان شريف فى استقباله وخده بسرعه وطلعه على اوضه رهف.

وام حسام كانت معاها من ساعه ما وقعت واغمى عليها .

دخل فارس عندها وشريف اول ما هو دخل قفل الباب عليهم.

وفضل واقف برة هو وباباه فى حاله من التوتر والقلق.

فارس كان سلم على والدة حسام وعرف منها ابه اللى حصل بالضبط معاها وبدا يكشف على رهف وزعل على حالتها ومنظرها ووشها الشاحب الدبلان.

وبعد ما خلص كشف شك فى حاجه معينه وطلب شويه تحاليل علشان تعملها .. وبعدها اداها حقنه منشطه وكتب لها على شويه فيتامينات وكالسيوم لحد ما التحاليل

تظهر.

وقفل شنتطه وشكرته ام حسام وغطت رهف وفتحت باب الاوضه .

وخرج فارس وطمنهم ان رهف كويسه وبخير وان كل اللى حصل ده من ضعفها وجسمها الهذيل من بعد موت حسام الاه يرحمه.

وكلها كام يوم و هاتكون بخير بس لازم تعمل شويه التحاليل دى علشان نطمن اكتر.

شريف شكره هو ووالده ونزل معاه لحد تحت ووصله لحد عربيته.

فوق فى اوضه رهف كانت الام قاعده جنبها على السرير مش عاوزة تسيبها.

ولما بدأت رهف تفوق طلبت من ام حسام انها تتصل بمامتها واخوتها وتبلغهم باللى حصل علشان هى محتجاهم جنبها فى التوقيت ده .

وفعلا اتصلت ام حسام وبلغت ام رهف باللى حصل وجم على طول كلهم واطمنوا على رهف وقضوا باقى اليوم كله معاها وممشيوش غير لما اطمنوا ان رهف بقت كويسه.

وتانى يوم خدهم شريف بعربيته وراحوا على معمل التحاليل زى ما طلب منه الدكتور فارس بالضبط علشان تعمل التحاليل المطلوبه .

وفعلا خدوا من رهف التحاليل المطلوبه

وبلغوهم أن التحاليل هاتطلع على بعد نصف ساعه .

فاخدهم شريف هما الاتنين وقعدوا كلهم فى الاستراحه.

وبعد نصف ساعه كانت التحاليل ظهرت وراحت الممرضه لبهم الاستراحه وسلمت شريف ظرف التحاليل.

اللى خدهم شريف وخد مامته ورهف وراحوا على فارس فى المستشفى علشان يعرفوا اللى فيها بالضبط.

ووصلوا لباب المستشفى وشريف ركن عربيته ونزل وفتح الباب لوالدته وساعدها انها تنزل وبعدها فتح الباب لرهف وخدهم على طول ودخلوا على جوا.

وطلعوا لفارس فى مكتبه ووروله التحاليل اللى اول ما شافها فارس مابقاش عارف يقولهم ايه؟

يا ترى فى ايه فى التحاليل بتاعه رهف ؟؟؟

تواقعتكم ايه.

منتظره تعليقاتكم الحلوة ورايكم وريفيوهاتكم اللى بتفرحنى.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه الشيقه .

روايه/ احزان رهف

بقلم/ سحر فرج يوسف

الفصل السابق الفهرس الفصل التالي

الفصل السابق الفهرس الفصل التالي

الفصل العشرين

رواية/ احزان رهف

الفصل/ العشرون

بقلمى/ سحر فرج يوسف

تانى يوم خدهم شريف بعربيته وراحوا على معمل التحاليل زى ما طلب منه الدكتور فارس بالضبط علشان تعمل التحاليل المطلوبه .

وفعلا خدوا من رهف التحاليل المطلوبه

وبلغوهم أن التحاليل هاتطلع على بعد نصف ساعه .

فاخدهم شريف هما الاتنين وقعدوا كلهم فى الاستراحه.

وبعد نصف ساعه كانت التحاليل ظهرت وراحت الممرضه لبهم الاستراحه وسلمت شريف ظرف التحاليل.

اللى خدهم شريف وخد مامته ورهف وراحوا على فارس فى المستشفى علشان يعرفوا اللى فيها بالضبط.

ووصلوا لباب المستشفى وشريف ركن عربيته ونزل وفتح الباب لوالدته وساعدها انها تنزل وبعدها فتح الباب لرهف وخدهم على طول ودخلوا على جوا.

وطلعوا لفارس فى مكتبه ووروله التحاليل اللى اول ما شافها فارس مابقاش عارف يقولهم ايه …..؟

فارس بصلهم كلهم وقال: والله يا جماعه الخبر اللى هاقوله ده مش عارف هايفرحكم ولا هايزعلكم بس لازم اقوله.

كلهم بصوا لبعض بأستغراب جدا وام حسام شافت القلق والتوتر فى عيون رهف فاقربت منها ومسكت ايديها علشان تطمن وتهدى.

شريف بص لفارس بقلق وقال: خير يا فارس فى ايه؟ ورهف عندها ايه بالضبط متخبيش علينا حاجه؟؟؟؟

الام بشىء من التوتر بصتله وقالت: خير يا فارس يا ابنى ؟

فارس بتردد بعض الشىء ابتسم وقال:

“رهف حامل”

شريف بصدمه كبيرة بص لرهف اللى كانت مش مستوعبه اللى فارس قاله لسه وبعدها عيونه فى ثانيه بصت على والدته .

الام حست بفرحه كبيرة وفى نفس الوقت دموعها نزلت لما افتكرت ابنها اللى مات وملحقش يفرح بخبر حلو زى ده .

وعلى طول قامت وقفت وضمت رهف فى حضنها وقالت : الف مبروك عليكى يا حبيبتى الف الف مبروك وربنا يتملك على خير يارب وبدموع غرقت وشها قالت : ياريت المرحوم حسام كان معانا اكيد كان هايبقى فرحان جدا دلوقتى .

رهف من الصدمه ومن الخبر اللى سمعته ده مكنتش عارفه تفرح ولا تزعل بس غصب عنها دموعها نزلت هى كمان وقالت: ياريت حسام كان معايا فى اللحظه دى كان هايفرح اوى ياريت يااااريت😔

وللاسف الطفل ده هايجى ومش هيلاقى ابوه لقب باليتيم من قبل ما يجى الدنيا وفضلت تعيط جامد بحرقه .

شريف حاول يهديها هو ووالدته لحد ما بطلت عياط بعد فترة.

وكانت صعبانه جدا عليهم وخصوصا على الدكتور فارس اللى حاول هو كمان يتكلم معاها وطلب منها تهتم بصحتها وباكلها الفترة الجايه كلها علشان خاطر الطفل الصغير اللى بيتكون جواها .

وكتب لها على شويه ادويه وفيتامينات وكالسيوم مهمين فى الفترة الاولى من الحمل.

وشويه شكروا دكتور فارس وخدوا بعضهم ورجعوا على الفيلا.

واول ما دخلوا كلهم كان الاب قاعد فى انتظارهم قلقان على رهف جدا وسألهم

وقال: خير يا رهف يا بنتى يارب التحاليل تكون كويسه.

رهف ردت وقالت: الحمد لله يا عمى بس………..وسكتت

الاب بأستغراب وقلق قال: بس ايه يا حبيبتى فى ايه انتم مخبين عليا حاجه ولا ايه؟

فى ايه يا ام حسام طمنينى.

الام ردت وقالت: ولا مخبين ولا حاجه يا ابو حسام اصل ربنا هايعوضنا عن حسام الله يرحمه وهايرزقنا بأبنه ان شاء الله.

وسكتت شويه وقالت: رهف حامل يا يا ابوا حسام وبأذن الله هاتجيب حسام الصغير.

ابوا حسام فرح جدا وقام وقف وخد رهف فى حضنه وباركلها وقال: الف مبروك يا حبيبتى.

ربنا عوضه لينا كبير جدا وهايعوضنا بطفل من ابنى حسام الله يرحمه وفعلا اللى خلف مامتش.

رهف : ونعمه بالله يا عمى وقامت وقفت وقالت: بعد اذنكم هاطلع على اوضتى واستريح شويه واغير لبسى .

واول لما طلعت اتصلت بوالدتها واخواتها وبشرتهم بالخبر الحلو ده وباركولها وفرحوا ليها جدا .

_________________

عدت الايام والشهور والكل كان مهتم بصحه رهف وبجنينها جدا جدا وخصوصا ام حسام وكمان والدتها اللى كانت بتزورها باستمرار هى ورغد وتشوف كل احتياجتها .

مع انها طلبت من رهف انها ترجع معاهم على البيت بس رهف رفضت وقالت انها متقدرش تسيب مامت حسام لوحدها فى الظروف دى وخصوصا بعد موت حسام.

شريف كان معظم وقته بيقضيه فى شغله وفى سفرياته ومأمورياته والوقت اللى كان بيرجع فيه على البيت بيكون الكل نايم بس كان بيطمن على رهف اول اول .

رهف كانت بتروح تتابع مع دكتورة النساء طول فترة الحمل باستمرار واللى كانت بطمنها على البيبى اول باول وعرفتها كمان ان البيبى “ولد” وصحته كويسه وان كمان كام يوم هايجى للدنيا ويفرحوا بيه.

واتفقوا أن يسموه حسام على اسم المرحوم حسام الله يرحمه .

وده اللى كان مفرح والدة حسام وباباه جدا وان اسم حسام هايتقال من جديد فى الفيلا ويفرحوا بيه.

حتى شريف لما عرف الخبر الحلو ده وان البيبى ولد وهايتسمى باسم اخوه كان فى قمه السعاده.

____________________

وفى يوم من الايام بعد ما طلع النهار

كانت رهف نايمه فى سريرها وحست انها تعبانه جدا ومش قادرة حتى تنده على حد من اللى معاها فى الفيلا او بالتحديد مكسوفه ومحرجه .

ومن شده الالم والوجع اللى هى كانت فيه مسكت الموبيل بتاعها واتصلت بوالدتها وحكت لها على كل اللى كانت هى حاسه بيه وبالذات الوجع اللى فى اسفل بطنها من تحت وكمان ضهرها.

امها طمنتها وحاولت تهديها وطلبت منها انها تقوم من السرير وتتمشى فى الاوضه شويه وهى مسافه السكه وهاتكون عندها هى واخوتها لان كل الاعراض دى بتقول انها هاتولد .

رهف قفلت مع مامتها وبدات تعمل زى ما هى طلبت منها بالضبط بس للاسف مكنتش قادرة تتحمل شده الالم والوجع اللى كانت حاسه بيهم واللى كمان بدأ يزيد اوى .

فافتحت باب اوضتها وخرجت منها وراحت على اوضه حماتها وخبطت على الباب وحاولت تتمالك نفسها شويه .

قامت والدة حسام من السرير واللى استغربت جدا خبط الباب عليها فى وقت زى ده .

لانها كانت لسه نايمه فراحت فتحت الباب واتفاجأت بوجود رهف وشافت وشها الاصفر والعرق اللى كان مغرق جبينها وبخوف وقلق قالت: رهف؟! مالك يا حبيبتى فيكى ايه؟

بس للاسف رهف مكنتش قادره تستحمل شده الالم والوجع وقبل ما ترد عليها صرخت بأعلى صوتها ووقعت على الارض.

الام : رهف .. رهف .

شريف كان نايم فى اوضته وصحى على صرخه رهف وصوت امه فاجرى بسرعه وخرج من اوضته واتصدم اول لما شاف رهف واقعه على الارض ووالدته جنبها.

حتى الاب جه بسرعه اول لما سمع صرخه رهف وصوت مراته واتصدم لما شافها واقعه على الارض.

الام : الحقنى يا شريف بسرعه رهف شكلها بتولد الحقنى يا ابنى.

جرى بسرعه شريف على اوضته وغير لبسه فى ثوانى معدوده وبعدها هرج وشال رهف بين ايديه ونزل بيها على تحت وكان باباه جاب العربيه اودام الباب والام لبست اسدال وخدوا بعضهم كلهم وراحوا على المستشفى بتاعه دكتور فارس.

واول لما وصلوا دخلوها بسرعه على اوضه العمليات وبعد حوالى ساعه فى قلق وخوف وتوتر بينهم كلهم كانت ولدت رهف وجابت حسام الصغير اللى كان يشبه ابوه جدا .

ووكانت وصلت امها ورغد اختها وعمر واتجمعوا كلهم فى اوضه رهف والمولود الجديد .

الاب بكل طيبه وحنيه بصلها وقال : حمد الله على السلامه يا بنتى .

رهف بتعب وارهاق ردت وقالت: الله يسلمك يا عمى.

الام بفرحه كبيرة لا توصف وهى شايله حسام الصغير قالت: الف مبروك يا حبيبتى وربنا يخليه ويبارك فيه وفى عمره.

رهف : الله يبارك فيكى يا حبيبتى.

عمر بهزار بثلها وقال: ايوا بقى يا ست رهف اخيرا هابقى خالوا للمفعوص الصغير ده.

رغد بعصبيه بصتله وقالت: ما تقولش عليه كده يا بتاع انت ده احلى نونو فى الدنيا انا مسمحلكش تقول عليه كده.

شريف بعيون كلها حب وحنيه مد ايده وشال حسام الصغير وقال: نورت الدنيا كلها يا حبيبى وحمد الله على سلامتك يا رهف.

وفضلوا يضحكوا ويهزروا كلهم وشويه شريف نزل راح على شغله علشان اتصلوا بيه وكانوا عاوزينه ضرورى فى الوزارة.

_________________

وبعد يومين كانت رجعت رهف الفيلا هى وحسام الصغير وبدؤا يستعدوا علشان يعملوا احلى سبوع لحسام الصغنن.

وفعلا عملوا حاجات كتير وجهزوا حاجات كتير لزوم السبوع وعزموا الناس القريبه منهم .

وجت ام رهف ومعاها عمر وخطيبته مريم جارتهم اللى كانوا بيحبوا بعض جدا وهما صغيرين.

ورغد وخطيبها اللى كان زميلها فى الكليه.

وكان سابقها بسنتين.

وشويه وجت ريهام هى وجوزها وكانوا لسه متجوزين يا دوبك من شهرين بس وجت سلمى صاحبتها كمان .

وشويه وجه الدكتور فارس اللى كان جايب هديه حلوة اوى لحسام الصغير وقرب من رهف وراح أداها الهديه وبارك لها بس كان فى واحد عمال يراقب الموقف ده من بعيد وهو طبعا شريف .

وشايف نظرات الاعجاب فى عيون فارس لرهف وده اللى كان مخليه مضايق ومتعصب جدا

بعد فترة عملوا احلى سبوع لحسام الصغير وانتهى اليوم على خير والكل كان فرحان بيه جدا.

____________________

بعد فترة كبر حسام وبقى عمره حوالى تلت شهور .

شريف كان لسه واصل من الشغل واول لما دخل شاف والده ووالدته قاعدين فى الريسبشن بيتكلموا فسكتوا على طول اول لما شريف دخل وغيروا الكلام .

ورحبوا بيه وسلم على والدته وباس رأسها وسلم على والده .

والده بصله وقال: كنا عاوزينك يا شريف يا ابنى فى موضوع كده!!

شريف بكل استغراب رد وقال: خير يا حاج فى ايه ؟؟

الاب : والله يا ابنى مش عارف اقولك ايه بس كل اللى اقدر اقوله أن رهف مرات اخوك الله يرحمه ونعم البنات وجميله.

وبنت اصول فعلا ومتربيه ومحترمه والأهم من ده كله بقى عندها حسام الصغير اللى ربنا عوضنا بيه بعد المرحوم.

شريف بكل استغراب رد وقال : مش فاهم يا حاج تقصد ايه من الكلام ده؟

الاب بص للام وخد نفس وقال: اتجوز رهف يا ابنى وعوضها اللى أتحرمت منه بعد موت اخوك حسام الله يرحمه وربى انت وهى مع بعض حسام الصغير بدل ما يجى حد تانى ويطلبها للجواز و تبعد عننا هى وابنها وساعتها مش هانقدر نقولها حاجه ولا هانقدر نرفض لأنه من حقها هى لسه صغيرة وجميله والف مين يتمناها.

شريف: حط أيده على وشه وفضل ساكت شويه وبعدها قال: سيبها بظروفها يا حاج وسيبنى افكر شويه.

يا ترى شريف هايكون رأيه ايه؟؟؟

وهايقول لابوه ايه؟

تواقعتكم ايه.

منتظره تعليقاتكم الحلوة ورايكم وريفيوهاتكم اللى بتفرحنى.

تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه الشيقه .

روايه/ احزان رهف

بقلم/ سحر فرج يوسف

الفصل السابق الفهرس الفصل التالي