تحميل رواية «احزان رهف» PDF

الفصل السابق الفهرس الفصل التالي

الثانى والعشرون

روايه/ احزان رهف

الفصل الثانى والعشرون

بقلم/ سحر فرج

ضحكت رهف على كلام شريف وهو كمان اول لما شاف ضحكتها ضحك ونزلوا هما الاتنين على تحت علشان يفطروا.

والاب والام اول لما شافوهم نازلين هما الاتنين مع بعض وشافوا شريف شايل حسام فرحوا جدا من جواهم وأن شريف بدأ يقرب منهم اكتر .

وبعد الفطار راح شريف على شغله والاب راح على الشركه وفضلت الام هى ورهف مع بعض .

_________________________

عدى كام يوم وفى يوم من الايام كانت رهف لوحدها هى وحامتها فى الفيلا وصحيت من النوم على صوت حسام الصغير وهو بيعيط فحاولت تهديه بس للاسف كان مستمر فى عياطه .. فاقربت منه ومدت اديها على راسه لقيته سخن جدا فخافت وقلقت ومعرفتش تتصرف خالص .

فافتحت باب اوضتها وجريت على حماتها علشان تبلغها بكده .

الام كانت قاعده تحت كعادتها واتفاجات برهف وهى بتقول: الحقينى يا ماما حسام سخن جدا ومش عارفه ايه السبب ومش مبطل عياط خالص .

الام اتخضت على حفيدها وحاولت تطمن رهف وخدت حسام منها وفعلا اتصدمت لما شالته بين ايديها واتاكدت ان جسمه فعلا سخن جدا .

الام بصتلها وقال : لازم نتصل بدكتور فارس ونبلغه بكده .. هاتى موبيلى يا رهف وانا اتصل عليه لنفسى .

وفعلا رهف ناولت الموبيل لوالدة حسام واتصلت على فارس الى رد عليها على طول وحكتله اللى حصل بخصوص حسام وبلغها انه مسافه السكه و هايكون عندهم على طول.

وبعد حوالى تلت ساعه كان وصل فارس وكشف على حسام وعرف ان عنده نزله برد وده سبب ارتفاع حرارته .

فافتح شنتطه وادى حسام حقنه تهدى معاه الحرارة شويه .

وكتبله كمان على شويه ادويه خافضه للحرارة تبقى موجوده باستمرار لوقت اللزوم.

وكمان شويه ادويه وفيتامينات وكتب روشته بيهم وبالمواعيد واداها لرهف اللى كانت خايفه وقلقانه جدا جدا على ابنها الصغير.

وطمنهم انها حاجه بسيطه وان كل الاطفال فى السن الصغير ده بتتعرض لكده .

رهف قعدت جنب ابنها على السرير وضمته لصدرها .

الام بصت لفارس وشكرته .

فارس بكل احترام ابتسم وقال : بتشكرونى على ايه بس ده ابن حسام اخويا الله يرحمه اللى كان صاحبى وعشرة عمرى .

الام : الله يخليك يا ابنى .. اتفضل معايا ممزل نقعد تحت ونشرب حاجه .

وفعلا خدوا بعضهم هما الاتنين ونزلوا على تحت بعد ما اطمنوا على حسام.

وطلبت ام حسام من الشغاله انها تجهز فنجانين قهوة بسرعه ليها ولدكتور فارس .

وفضلوا يتكلموا شويه عن صحتها وعن علاج الضغط اللى بتاخده من فترة طويله وساعات كتير بتلاقى ضغطها برضه عالى .

فطلب دكتور فارس منها انها تعمل شويه تحاليل بسيطه علشان يطمنوا اكتر.

رهف كانت نيمت حسام واطمنت عليه ونزلت لهم على تحت .

وكانوا بيشربوا فى القهوة واول لما نزلت رهف شكرته كتير .

الام استاذنت منهم انها هاتروح تصلى وترجع تانى وسابتهم لوحدهم.

فارس كان لسه بيشرب فى فنجان القهوة ولما خلصه حطوا على التربيزة الى اودامه وبص لرهف وقال: عامله ايه رهف؟

رهف بكل خجل ردت وقال: الحمد لله يا دكتور فارس.

فارس ابتسم وقال: دكتور ايه بس يا دكتورة رهف ياللى ختى شهاتك وماشتغلتيش بيها لحد دلوقتى وانشغلتى بالجواز وبالاستاذ حسام الصغير.

رهف بخجل ردت وقالت: اعمل ايه بس انا كنت متفقه انا وحسام الله يرحمه على كده وكنا متفقين اننا نأجل موضوع الشغل ده شويه.

فارس : بس حرام عليكى بعد السنين الطويله دى وكل مراحل التعليم اللى خلصتيها وتأجلى انك تشتغلى وتحققى حلمك اللى حلمتى بيه.

وقبل ما ترد رهف اتفاجؤوا

بدخول شريف اللى كان راجع من شغله واللى اتفاجأه هو كمان بوجود فارس ورهف مع بعض لوحدهم.

فغصب عنه وشه قلب ميت لون من الغيرة عليها واستغرب سبب وجوده واستغرب كمان أنهم قاعدين مع بعض كده فى عدم وجود والدته.

فقرب شريف ومد ايده وقال: اهلا دكتور فارس خير فى حاجه ولا ايه؟؟

فارس بهزار رد وقال: ايه يا ابنى المقابله دى مش تسلم وتقولى ازيك الاول .

شريف : انا اسف واعذرنى .. اصل الصراحه استغربت لوجودك.

فارس قام وقف ورد وقال: حصل خير انا بهزر يا عم وعن اذنكم انا بقى عندى شغل مهم جدا فى المستشفى.

وبص لرهف وقال: لو احتجتى اى شىء يا رهف بلغينى على طول مسافه السكه واكون عندك .

شريف مسك نفسه بالعافيه بس غصب عنه كان ظاهر على وشه الغضب وخد فارس وخرجوا على بره علشان يوصله لباب الفيلا.

رهف حست من ملامح شريف انه زعلان او مدايق وكانت متخيله ان فى مشكله او حاجه فى شغله ولكده جه بدرى لانه متعود انه يرجع متأخر.

ويادوبك تلت دقايق بالضبط وشريف كان رجع من بره ودخل وقفل الباب وراه بكل عصبيه .

شريف راح وقف اودام رهف وبكل غضب وعصبيه بصلها وقال: انتى ازاى تسمحى لنفسك انك تعملى كده عينى عينك من غير اى احترام ولا خشى😡😡😡😡

رهف اتصدمت من طريقته وكلامه وعصبيته دى ووقفت وقالت: انت ازاى تسمح لنفسك انك تتكلم معايا كده وبعدين انا عملت ايه اصلا للعصبيه وللغضب ده كله يا حضره الضابط.

شريف بصوت اعلى رد وقال: ايوا اتعصب واغضب علشان لما ارجع من شغلى وادخل واتفاجأء والاقى حضرتك قاعده انتى وهو لوحدكم مقضينها هزار وضحك ولت وعجن بدون اى احترام حتى لصاحبه البيت اللى انتى قاعده فيه ولا حتى احترام لجوزك اللى مات يا هانم.

رهف اتصدمت ودموعها نزلت غصب عنها وبصوت عالى قالت: انا مسمحلكش تقول عليا ولا تتكلم معايا اصلا كده .

وبعدين انا عملت ايه اصلا لده كله وازاى تقول انى مش محترمه وتقول انى مش عامله حساب لصاحبه البيت ولا لاخوك حسام الله يرحمه واتفتحت فى العياط.

شريف: انتى ليكى عين تردى وتتكلمى كمان يا باجحتك يا شيخه.

رهف اتصدمت اكتر من كلامه معاها ومن غير ما تقول اى كلمه حست ان رجلها مش شيلاها وقلبها بقت دقاته سريعه جدا فقعدت على الكرسى اللى جنبها وفضلت تعيط اكتر واكتر بكل حرقه.

شريف حس انه زودها جدا معاها ومكنش يصح انه يغلط فيها كده وبالمنظر ده فنفخ وصقف بأيده الاتنين وقال: ممكن اعرف حضرتك بتعيطى ليه دلوقتى؟؟😡

رهف رفعت وشها و بصت فى عيونه فى وسط دموعها اللى نازله دى كلها وزادت فى العياط اكتر 😭😭😭

وجت الأم بعد ما خلصت الصلى على صوت شريف وهو بيزعق لرهف.

الام جت بسرعه اول لما خلصت الصلاه وقالت: فى إيه يا ولاد وايه الزعيق ده كله؟؟؟؟

وبصت لشريف وقالت: فى ايه يا شريف فهمنى يا ابنى ايه اللى بيحصل ده وبتزعق كده ليه.

وقربت من رهف اللى كانت ميته من العياط وقعدت جنبها وقالت: فى ايه يا رهف يا بنتى وايه العياط ده كله حد يفهمنى فيكم .

شريف بعصبيه بصلها وقال: أسألى الهانم اهى عندك اهى انا بزعق ليه 😡

فزادت رهف فى عياطها اكتر واكتر.

الام بكل استغراب قالت: فى ايه يا بنتى شريف بيزعق ليه وايه لزوم عياطك ده كله حد فيكم يفهمنى؟؟

شريف رد وقال: يرضيكى يا امى ارجع من شغلى الاقى الهانم قاعده هى وفارس لوحدهم وعمالين يتكلموا ويضحكوا ويهزروا كمان من غير اى احترام ومفيش حد قاعد معاهم.

الام بصدمه كبيرة من كلامه

بصتله وقالت: اخص عليك يا شريف بقى ده كلام تقوله برضه لمرات اخوك .

ده انا اللى اتصلت بفارس علشان حسام كان تعبان و سخن جدا ومعرفناش نعمل ايه ولا انا ولا رهف والراجل كتر خيره جه وكشف عليه واداله حقنه واطمنا انه بقى كويس ونزلنا بعدها احنا التلاته تحت هنا وانا استأذنت وروحت اصلى ومكملتش الخمس دقايق .

شريف اتصدم من كلام والدته وحس انه زودها جدا فاحط أيده على وشه وفضل ساكت شويه .

رهف قامت وهى بتعيط وجريت على اوضتها وجرى وراها شريف علشان يعتذر لها وفضل ينادى عليها بس هى مش عاوزة ترد عليه ودخلت اوضتها على طول وقفلت الباب وراها واترمت جنب ابنها على السرير وفضلت تعيط بكل حرقه .

وشريف كان جه وراها وفضل يخبط على باب اوضتها كتير علشان يعتذر لها بس للاسف هى مفتحتش.

وفضل واقف بره على الباب وكان سامع صوت عياطها وده الى خلى قلبه يتقطع عليها💔

شريف : رهف ارجوكى افتحى .

خلصت حلقتنا

تواقعتكم ايه الحلقه الجايه ويا ترى شريف فعلا بيحب رهف وبيغير عليها من فارس .

وهل رهف هاتسامحه على كل اللى عمله معاها ده .

منتظره تعليقاتكم الحلوة ورايكم وريفيوهاتكم اللى بتفرحنى دايما.

تابعونى على صفحتى على موقع دريمى ليصلكم كل جديد فور نزوله.

روايه/ احزان رهف

بقلم/ سحر فرج

الفصل السابق الفهرس الفصل التالي

الفصل السابق الفهرس

روايه/ احزان رهف

الفصل/ الثالث والعشرون

بقلم/ سحر فرج

شريف اتصدم من كلام والدته وحس انه زودها جدا فاحط أيده على وشه وفضل ساكت شويه .

رهف قامت وهى بتعيط وجريت على اوضتها وجرى وراها شريف علشان يعتذر لها وفضل ينادى عليها بس هى مش عاوزة ترد عليه ودخلت اوضتها على طول وقفلت الباب وراها واترمت جنب ابنها على السرير وفضلت تعيط بكل حرقه .

وشريف كان جه وراها وفضل يخبط على باب اوضتها كتير علشان يعتذر لها بس للاسف هى مفتحتش.

وفضل واقف بره على الباب وكان سامع صوت عياطها وده الى خلى قلبه يتقطع عليها💔

شريف : رهف ارجوكى افتحى .

ورفضت رهف انها تقوم وتفتحله او حتى تسامحه.

وفضلت رهف على الحال كذا يوم زعلانه وحزينه من جواها ورفضت انها تحكى لحد من اهلها علشان الموضوع ميكبرش .

وكل لما شريف يقرب منها ويحاول يتأسف لها او يعتذر تسيبه وتهرب على اوضتها لحد ما زهق من جواه وبدأ يبات فى شغله ويبعد عن الفيلا خالص علشان ما يضيقهاش اكتر من كده ولا يحسسها انه تقيل عليها.

وبدأت رهف تلاحظ أنه مش موجود وبيتعمد يبعد عن الفيلا علشان خاطرها وده أثر عليها وبدأ يحسسها بالذنب .

وبعد كام يوم من تعب حسام الصغير جه الدكتور فارس علشان يطمن عليه ويشوف احواله من غير ما حد يطلب منه انه يجى.

واول لما ركن عربيته ونزل منها راح ورن جرس باب الفيلا وراحت الشغاله علشان تفتح وعرفت انه الدكتور فارس فرحبت بيه ودخلته لحد ما تنده والدة حسام من فوق علشان كانت فى اوضتها .

واول لما بلغتها الشغاله بوجود دكتور فارس نزلت علشان تقابله وقالت للشغاله انها تنادى رهف هانم من اوضتها وبالمرة تجيب حسام معاها .

والده حسام اول لما نزلت ابتسمت وقربت منه وقالت: اهلا وسهلا يا ابنى واخبارك ايه يا فارس .

فارس ابتسم وقال: اهلا بحضرتك يا افندم واطمنى انا بخير الحمد لله وكله تمام.

انا كنت فى مشوار قريب من هنا وقولت اعدى اشوف حسام اخباره ايه دلوقتي وبالمرة اطمن عليه وعلى صحة حضرتك.

الام ردت وقالت: الحمد لله يا فارس هو احسن دلوقتى بعد العلاج اللى انت كتبتهوله والصراحه رهف ماشيه عليه مضبوط وبتدهوله فى مواعيده .. وانا ادينى باخد علاج الضغط وباذن الله هاروح اعمل التحاليل اللى انت قولتلى عليها بس كنت مستنيه لما اطمن على حسام الاول.

فارس: طيب الحمد لله ان الأستاذ الصغير بدأ يتحسن وبخصوص حضرتك لازم تعملى شويه التحاليل دى علشان نطمن اكتر وخير ان شاء الله .

وفجأه……..

رهف نزلت من فوق ومعاها حسام وسلمت على الدكتور فارس ورحبت بيه وقام فارس من كرسيه وخد حسام منها واطمن عليه وبدا يلعب معاه شويه وبعدها كشف عليه وعلى صدره وقال: الحمد لله احنا بقينا كويسين اوى دلوقتى يا استاذ تسمح متقلقش تيته وماما تانى بعد كده .

والدة حسام فرحت وقالت : الحمد لله انه بخير يا ابنى .. انت متعرفش انا كنت قلقانه اد ايه عليه .

رهف بصت لفارس وقالت: الحمد لله والفضل يرجع لحضرتك يا دكتور فارس.

فارس ابتسم وقال: متقوليش كده يا رهف ده حسام ده ابن الغالى الله يرحمه وبعدين فى الاول والاخر ده واجبى وشغلى.

رهف قامت وقفت وشكرته مرة تانيه وبعدها على طول استأذنت وخرجت فى جنينه

الفيلا.

وسابت ابنها حسام مع جدته ومع الدكتور فارس.

ومن نظره عيونها لاحظ فارس هى اد ايه حزينه واستغرب جدا .

وبعد حوالى عشر دقايق بالضبط قام هو كمان واستأذن من والدة حسام ومشى بحجه أن عنده عمليه كبيرة فى المستشفى.

وبعد ما سلم ومشى جه وهو خارج من باب الفيلا شاف رهف وهى قاعده على كرسى من كراسى الجنينه حزينه وسرحانه .

فحاول أنه يقرب منها ويسألها عن حالتها دى ويطمن عليها.

فاقرب منها فارس ووقف جنبها

وقال: مالك يا رهف فى حاجه مزعلاكى شايفك حزينه جدا؟!

رهف بكل توتر واستغراب ردت وقالت: ابدا يا دكتور فارس ولا حاجه اصل ما نمتش كويس امبارح.

فارس مقدرش يصدق كلامها وبص فى عيونها وقال: لو زعلانه من حاجه احكيلى من فضلك فى ايه ؟

رهف بقلق وتوتر ان شريف يوصل فى اى لحظه وهى واقفه مع فارس كده ويحصل مشكله تانى ردت وقالت: ابدا والله يا دكتور فارس مفيش حاجه كل ما فيها كنت خايفه على حسام وهو تعبان والحمد لله أنه بقى كويس.

فارس ابتسم وقال : هاعمل نفسى مصدق كلامك وعلى العموم ده رقم موبيلى يا رهف ولو عزتى اى حاجه فى اى وقت انا موجود اتصلى بيا على طول .

رهف بتوتر ردت وقالت: ان شاء الله يا دكتور فارس ومتشكرة لحضرتك جدا وملوش لزوم رقم الموبيل لو احتجته فى اى وقت هابقى اخده من طنط .

فاستعرب فارس ردها واستأذن وخد بعضه وركب عربيته وطلع بيها على المستشفى .

وفضلت رهف قاعده مكانها بتفكر فى اللى حصل معاها هى وشريف واستغربت عصبيته وغضبه عليها بالشكل ده وكمان بعده عن الفيلا الفترة دى وتعمده التأخير والرجوع بعد ما ينام كل اللى فى الفيلا .

كل دى اسئله دارت فى دماغ رهف وكانت عاوزة اجابه عليه.

عدى حوالى عشر ايام على الحال ده حتى والدته بدأت تستغرب بعده وهروبه من البيت بالمنظر ده .. حتى موبيله مكنش بيرد على اى حد خالص .

وفى يوم من الايام صحى الاب على صوت موبيله وهو بيرن فى وقت متأخر من الليل فمسك الموبيل ورد على المتصل .

الاب بقلق رد وقال: السلام عليكم.

المتصل: وعليكم السلام ورحمه الله وبركاته.

حضرتك الاستاذ صفوان.

الاب بخوف وقلق رد وقال: ايوا يا ابنى خير فى ايه.

المتصل رد وقال: خير ان شاء الله

معاك اللواء “فرج الشال” رئيس شريف فى الشغل.

الاب بكل خوف رد وقال: اهلا بحضرتك سياده اللواء خير فى ايه؟ شريف ابنى حصله حاجه!؟

اللواء فرج الشال رد وقال: اسف ان ابلغ حضرتك بالخبر ده يا استاذ صفوان

والصراحه شريف كان فى مأموريه كبيرة مع زمايله واضرب عليه نار وجت طلقه فى صدره وراح على المستشفى وهو دلوقتى فى اوضه العمليات .

الاب بصدمه كبيره عاد شريط موت حسام ابنه اودام عيونه ولكل خوف

قال: لا حول ولا قوة الا بالله العلي العظيم .. طمنى لو سمحت ابنى بخير اوعى تقول ان حصله حاجه😥

اللواء فرج الشال رد وقال: اطمن يا استاذ صفوان والله هو كويس وان شاء الله هايبقى افضل.

قفل الاب الموبيل وبدأ يدعى ربنا كتير ان ابنه يقوم بالسلامه وميكنش مصيره زى مصير اخوه حسام .

وراح بلغ زوجته ورهف باللى حصل واتصدموا صدمه كبيرة وخافوا عليه جدا وراحوا كلهم بسرعه على المستشفى وسابوا حسام مع الشغاله.

وركبوا العربيه ووصلوا عند باب المستشفى ونزلوا وهما بيدعوا ربنا أنه يكون بخير.

ودخلوا على الاستقبال وسألوا عليه

وراحوا بسرعه عند اوضه العمليات وفضلوا حوالى ساعه ونصف لحد ما الدكتور خرج ليهم .

الاب اول لما شاف الدكتور خرج من الاوضه جرى عليه وسأله على حاله شريف.

الاب بكل خوف قال: طمنى يا دكتور ابنى شريف عامل ايه؟؟

الدكتور : خير ان شاء الله اطمن

والحمد لله الرصاصه جت فى كتفه وخرجناها وهو كويس وبخير والحاله مستقرة.

الاب بفرحه لا توصف رد وقال: الف حمد وشكر ليك يارب الف حمد وشكر ليك.

الام وهى بتعيط على ابنها وعلى اللى حصله هديت اول لما سمعت الدكتور بيقول ان ابنها الحمد لله بخير.

وبدأت تحمد ربنا وتشكره كتير.

رهف من جواها كانت مرعوبه عليه وقلبها كان بيدق جامد من كتر خوفها وقلقها على شريف . فحمدت ربنا اول لما سمعت كلام الدكتور.

الاب بص للدكتور وقال: ممكن نشوفه يا دكتور ونطمن عليه؟

الدكتور شويه كده لما يفوق من البنج ونوديه على الاوضه بتاعته.

الاب رد وقال : متشكر جدا يا دكتور وكتر خيرك يا ابنى.

الدكتور بكل احترام رد وقال: ده شغلنا يا حاج وربنا يطمنكم عليه ان شاء الله وسابهم وراح على مكتبه .

وبعد شويه نقلوا شريف على اوضه خاصه بيه لحد ما فاق بعد كام ساعه وبعدها دخلت الام والاب ورهف علشان يشوفوه ويطمنوا عليه بنفسهم.

وبدأ شريف يفوق اكتر مم الاول وطمنهم أنه بخير وطمن والدته بالذات اللى كانت مرعوبه عليه .. طمنها أنه كويس وبخير وراحت الام جمبه على السرير وباست راسه .

شريف بتعب بصلها وقال: انا بخير يا امى الحمد لله انا مش عارف بس هما بلغوكوا ليه بالخبر ده .

الام بعتاب ردت وقالت: كمان كنت عاوزهم ما يبلغوناش يا شريف مش كفابه بعدك عن البيت كل الفترة دى من غير ما نعرف عنك اى شىء

الاب: مش وقته الكلام ده يا ام حسام المهم الف حمد وشكر على انه قام لما بالسلامه.

كل ده ورهف واقفه على جنب منطقتش ولا اى كلمه خالص ولما عبون شريف جت فى عيونه بصتله وقالت بكل هدوء: حمد الله على سلامتك يا شريف.

شريف بنظره عتاب طويلة بصلها

وقال: الله يسلمك يا رهف وشكرا انك جيتى تطمنى عليا واخبار حسام ايه؟

رهف بكل استغراب من نظرات عيونه ردت وقالت: شكرا ايه بس ده واجب طبعا واطمن حسام الحمد لله بخير .

فادخل الدكتور ومعاه الممرضه وقال: بلاش كلام كتير يا حضرة الضابط ياريت نأجله شويه لحد ما صحتنا ترجع زى الاول.

وبعدها شاور للممرضه اللى ادتله حقنه فى المحلول اللى كان متعلق ليه.

وطلب من اهله انهم ينتظروا فى الاستراحه شويه عقبال لما يطمن على الجرح .

وبعد كام ساعه .

الاب قام وقف بعد ما اطمن على شريف انه بخير وقال: ماشى يا جماعه انا هاستأذن واروح على الشركه عندى اجتماع مهم وعلى اخر النهار هاجى تانى واطمن عليك يا شريف يا ابنى.

شريف: ما تتعبش نفسك يا بابا انا بخير الحمد لله شوف شغلك انت.

الاب رد وقال.. تعب ايه بس ده انت ابنى يا حبيبى اللى ماليش غيره ولولا الاجتماع ده مكنتش مشيت خالص وفضلت معاك لحد ما تخرج من المستشفى.

شريف بتعب رد وقال: ربنا يخليك لينا يا حبيبى .

ومشى الاب فعلا وفضلت رهف والام مع شريف .

وجه الدكتور بعد فترة واطمن عليه وطمن والدته ورهف أنه أفضل الحمد لله.

وشويه وجه الدكتور فارس لما عرف باللى حصل لشريف واطمن عليه.

فارس بص لشريف بعد ما سلم على الكل

وقال:خير يا حضرة الضابط ايه اللى حصلك ده طمنى؟

شريف رد وقال: اطمن يا فارس انا الحمد لله بخير ودى حاجه بسيطه.

فارس : حمد الله على سلامتك يا شريف والله اول لما عرفت جتلك على طول.

شريف عيونه على رهف وقال: الله يسلمك يا فارس ويا ترى مين بلغك باللى حصلى🤨

فارس بحسن نيه رد وقال: يا عم الخبر مالى السوشيال ميديا كلها وبالاسماء كمان.

شريف : ااااه

فارس عيونه جت على والدة حسام وقال: ازيك يا امى اخبار حضرتك ايه؟

الام ردت وقالت: الحمد لله يا ابنى انا بخير اطمن.

فارس بص لرهف وقال: ازيك يا رهف عامله ايه واخبار الكابتن حسام ايه ؟؟

شريف عيونه كانت بتطلع شرار ومكنش طايق فارس خالص ولا حتى كلامه وكان هاين عليه يقوم من السرير ويديله بوكس فى وشه بس حاول يتمالك اعصابه لاقصى درجه.

رهف كانت واخده بالها فاحاولت تختسر ردها وردت وقالت: الحمد لله بخير.

فارس بص فى ساعته واستأذن انه هايمشى لان عنده عمليه مستعجله ولازم يكون فى المستشفى وسلم على شريف وسلم على والدته وخرج وخرجت معاه رهف علشان توصله لبرة .

شريف كان من جواه هايتجنن انها خرجت معاه .

ولما رجعت رهف لقيت شريف بالمنظر ده فافتكرت أنه تعبان من العمليه والجرح اللى فى كتفه !!!!

فسألته انت تعبان يا شريف ولا ايه ؟؟

شريف…. ابدا مفيش حاجه . وصلتى فارس واتاخرتى ليه ؟؟؟

رهف… انا ما اتاخرتش ولا حاجه ده يادوبك وصلته لآخر الممر بتاع المستشفى ورجع على طول .

شريف … بصوت عالى .وانتى ايه اللى خلاكى توصليه اصلا !!!! واتألم من الجرح وهو معلى صوته كده.

رهف … فى ايه يا شريف مالك فيك ايه ؟؟

الام… مالك يا ابنى فى ايه اندهلك الدكتور.

شريف… ابدا يا امى مفيش حاجه سيبونى شويه لوحدى علشان انام.

وسابوه وخرجوا وقعدوا بره .

رايكم يهمنى

الحلقه 🌹 25 🌹

🌱🌱🌱🌱🌱🌱🌱 الام… لاحظت زعل شريف كل لما يبقى الدكتور فارس موجود وكانت من جواها فرحانه من كده لان كده أكد لها ان شريف بيحب رهف وبيغير عليها من فارس.

الام… ايه رايك يا رهف فى شريف !!!!

رهف… مش فاهمه حضرتك يا ماما تقصدى ايه ؟؟

الام… الصراحه كده يا رهف يا بنتى انا حاسه ان شريف بيغير عليكى من فارس.

رهف.. بزهول وما كانتش مستوعبه كلام حماتها. حضرتك قصدك ايه يا ماما ؟؟

الام… الصراحه كده يا رهف يا بنتى شكل شريف بيحبك.

رهف … سرحت شويه فى كلام حماتها اللى أكد لها ان شريف بيغير عليها فعلا كل لما فارس يكون موجود .

الام…. سكتى يعنى يا رهف.

رهف … ابدا يا ماما اصلى سرحت شويه.

الام…. انا بحبك يا رهف وعارفه أن الكلام اللى هاقوله ده صعب عليكى انتى كمان بس يا بنتى حسام ابنى الله يرحمه مات وانتى لسه صغيرة والف من يتمناكى وبصراحه انا نفسى شريف يتجوزك علشان يقدر يحافظ عليكى وعلى حسام الصغير. قولتى ايه يا بنتى.؟؟؟

رهف… ممكن اسأل حضرتك سؤال يا ماما ؟؟؟؟

الام … قولى يا بنتى.

رهف … انتم فاتحتم الموضوع ده مع شريف قبل كده ؟؟

الام.. الصراحه ايوا يا رهف.

الحلقه 26

رهف…. وايه كان رأيه ؟؟؟

الام… الصراحه يا بنتى قال سيبونى افكر !!!

الام… وبما أنى قولتلك انتى كمان ايه رايك يا بنتى فى الموضوع ده.؟؟؟

رهف… الصراحه يا ماما مش عارفه اقولك ايه . بس كل اللى اقدر اقوله لحضرتك أن شريف تتمناه اى بنت محترم ومؤدب ووظيفته كويسه ومش هياخد واحده اتجوزت قبل كده ومعاها ولد كمان .وكده اكون ظلمته لو رضيت بيه .

الام…. ما تقوليش كده يا بنتى انتى لسه صغيرة وجميله وفى عز شبابك والأهم من ده كله ام حسام ابن الغالى الله يرحمه وانا مش هاختار لابنى احسن منك يا رهف يا حبيبتى .

رهف … سيبنى شويه يا ماما افكر فى الموضوع ده وغير كده لما يطلبه شريف منى بنفسه ابقى أقرر .

الام…. براحتك يا بنتى مش هاضغط عليكى وحضنتها وباستها وطبطبت على كتفها وقالت لها انتى مفكرة حاجه زى كده سهله عليا يا رهف .

انتى كنتى حبيبه الغالى ومراته اللى مالحقش يتهنى ويسعدك يا بنتى .. ودموعها نزلت من الكلام لما أفتكرت حسام الله يرحمه.

شويه والاب جه .

الاب لقاهم قاعدين برة اودام الاوضه وراح نحيتهم وسألهم على شريف .

الاب… مساء الخير يا جماعه عاملين ايه واخبار شريف ايه دلوقتي ؟؟؟

الام… الحمد لله يا حاج احسن بكتير من الصبح.

رهف … اطمن يا عمى هو بخير وسيبناه ينام شويه.

الاب.. الحمد لله أنه بخير . يالا خدوا بعضكم وروحوا على الفيلا علشان حسام لوحده من الصبح.

الام… لا يا حاج انا هبات مع شريف النهارده مش هقدر اسيبه لوحده ..

رهف…. لا يا ماما روحى حضرتك وانا اللى هبات مع شريف علشان انتى تعبتى النهارده وعلشان تخدى علاجك .

الاب … فيكى الخير يا رهف يا بنتى فعلا زمان الحاجه تعبت النهارده.

الاب دخل واطمن على شريف و لقاه نايم وباسه من راسه وخد الام وقال لرهف لو عزتى اى حاجه يا بنتى اتصلى بيا على طول.

ورجعوا على الفيلا .

وفى اوضه شريف فى المستشفى دخلت رهف وقعدت على الكرسى اللى كان جمب سرير شريف وفضلت باصه على وشه وعلى ملامحه وأنه عامل زى الطفل وهو نايم واللى يشوفه كده وهو نايم ما يشفهوش وهو بيزعق لها كل شويه .

وقربت منه وكان شعره منكوش من ساعه العمليه وبدأت تشيله بايديها وتحسس عليه وعلى وشه بمنتهى النعومه ولما حس بيها شريف فضل مغمض عنيه وكأنه نايم علشان رهف ما تحسش أنه صحى.

وفجاه قربت منه رهف علشان تعدل المخدره تحت رأسه قرب منها شريف ومسك وشها بايده وبص فى عينيها الخضرا الجذابه وقام باسها من شفايفها فغمضت رهف عنيها وكانت بوسه كلها شوق وحب وعشق ومكنتش مستوعبه ولا حاسه باى شىء حواليها وما حسوش بالوقت من الإحساس والشعور اللى هما فيه.

وفجاه فتحت رهف عنيها وبعدت عنه ووشها احمر وقامت خبطاه فى كتفه وقالتله ايه اللى انت عملته ده. ؟؟

شريف…قالها رهف انا بحبك اوى وعاوز اتجوزك .

رهف .. اتكسفت وبعدت عنه وراحت نامت على السرير اللى جمبه.

شريف… وهو على سريره قالها رهف انا عارف انك متوترة ومش عارفه تفكرى كويس بس كل اللى بطلبه منك انك تدينى فرصه اسعدك واعوضك عن كل حاجه اتحرمتى منها ونعيش مع بعض انا وانتى وحسام واوعدك أنى هاكون ليه اب يعوضه حنان الاب اللى أتحرم منه .

رهف… اللى كانت دموعها مغرقاها وصوت عياطها وصل لشريف وسمعه .

.

شريف… ارجوكى يا رهف متعيطيش انا مش مستحمل أنى اشوف اى دمعه تنزل من عنيكى ارجوكى يا رهف.

وطلع النهار وجه الاب والام علشان يشوفوا صحه شريف ويطمنوا عليه وعلى رهف .

الاب… صباح الخير يا ولاد .

عامل ايه يا ابنى دلوقتى ؟؟؟

شريف… الحمد لله يا بابا احسن بكتير من امبارح.

الام.. الحمد لله يا حبيبى طمنتنى.

الام..روحى انتى يا رهف يا بنتى وغيرى هدومك واطمنى على حسام.

رهف .. شويه كده يا ماما وهابقى انزل مع عمى وهو نازل.

وفضلوا يتكلموا شويه وجت ام رهف وعمر واطمنوا على شريف وفضلوا قاعدين شويه معاهم .

وجه الاب وهو نازل قالهم عاوزين حاجه يا جماعه هانزل اوصل رهف على الفيلا واطلع على الشركه وابقى ارجع تانى اخر النهار.

الكل سلامتك يا حاج صفوان.

الكل نزل مع الاب.

رهف وامها واخوها ورجع رهف على الفيلا وراح على شركته .

وفى الفيلا دخلت رهف وجريت وحضنت حسام اللى كان واحشها اوى وطلعت وخدت شاور وغيرت هدومها واكلت حسام وغيرتله وندهت على الشغاله بعد حوالى ساعتين وادتها حسام وقالت لها انها راجعه على المستشفى .

وفعلا مشيت رهف وراحت على المستشفى ودخلت اوضه شريف وسلمت عليهم ودخلت الام الحمام علشان تتوضاه وتصلى .

شريف… عمل نفسه عاوز يعلى السرير شويه وطلب من رهف انها تعلى السرير علشان زهق من النوم على ضهره فقربت رهف من علشان تعدل المخدره وتعدل السرير.

وهى بتقرب منه مسكها وباسها من شفايفها وقالها وحشتنى اوى اوى يا رهف.

فبعدت رهف بسرعه وقالتله شكلك كده ولا تعبان ولا حاجه انتى بتدلع يا حضرة الضابط.

شريف … ابدا والله بس طول ما انتى جنبى بنسى كل الوجع .

رهف … طب لم نفسك يا حضرة الضابط بدل ما اخد بعضى وارجع الفيلا .

شريف … خلاص خلاص اوعى تمشى وتسبينى يا حبيبتى .

رهف … بتقول ايه ؟

شريف … حبيبتى

فخرجت الام من الحمام وسمعت كلمه شريف لرهف وعملت نفسها مش واخده بالها .

وخدت ركن فى الاوضه وبدأت تصلى .

وبعد فترة حوالى تلت ساعات رجع الاب بعد ما خلص شغله فى الشركه.

وسلم على كل الموجودين وسأل شريف عن حالته دلوقتى.

شريف.. الحمد لله يا بابا انا كويس وبص لرهف وغمز لها بعينه وقال كويس اوى اوى يا حاج.

رهف .. اتكسفت وبصت فى الارض ووشها احمر اوى فلاحظت الام عيون شريف وعيون رهف وفرحت من جواها أنهم بدؤا يقربوا من بعض .

شويه رجع الاب والام على الفيلا علشان ما يتاخروش على حسام وفضلت رهف مع شريف الى كان فرحان اوى انها بتبات معاه .

وشويه وهما قاعدين لوحدهم الباب خبط.

قامت رهف وفتحت الباب لقت الدكتور فارس فرحبت بيه ودخلته لشريف.

فارس….. عامل ايه دلوقتى يا شريف.

شريف .. الحمد لله يا فارس احسن بكتير بس هو الجرح اللى ساعات بيشد عليا اوى مع الحركه .

فارس … الحمد لله يا شريف وشويه كده الجرح هايبدا يلم ويرجع زى الاول .

رهف راحت تجيب عصير من الكافيتريا لفارس.

فارس قرب من شريف وقاله.!!!!

فارس.. الصراحه يا شريف كان نفسى افتح موضوع كده.؟

شريف …. خير يا فارس فى ايه ؟؟؟؟

فارس … الصراحه انا معجب جدا برهف وعارف ظروفها كويس اوى .

شريف انا كنت عاوز اتجوز رهف .

ويادوبك ما كملتش كلامها الا وكانت رهف داخله وجايبه العصير وسمعت كلام فارس وطلبه الجواز منها .

يا ترى ايه اللى هايحصل ورد رهف على طلب فارس هايكون ايه .

الحلقه 🌹 الاخيرة 🌹

من روايه 💥💥💥 💔 احزان رهف💔

بقلم ✍✍ سحر فرج 🌳🌻🌻🌻🌻🌻🌳

بص شريف لرهف وعرف من وشها انها سمعت كلام فارس.

رهف …. ايه يا دكتور فارس فى واحد يطلب ايد واحده مخطوبه .

شريف …. بص لرهف واستغرب كلامها وفى نفس الوقت مش متخيل أن يكون ردها كده.

فارس… استغرب وبص لرهف وقالها انتم اتخطبتم امتى انا معرفش ؟؟؟؟

رهف … شريف خطبنى من عمى صفوان وانا وافقت . من كام يوم .

فارس.. انا اسف يا جماعه وبعتذر لكم انا مكنتش عارف وعلى العموم الف مبروك . واستاذن ومشى .

قربت رهف من شريف بعد ما فارس مشى .

رهف …. ايه يا حضرة الضابط انت مستغرب ليه.

شريف .. انا مش مصدق يا رهف انك وافقتى .

رهف… انا موافقه يا شريف.

شريف قام ورفع نفسه من على السرير ونزل وقرب من رهف وهى واقفه وخدها فى حضنه وقالها انا مش مصدق يا رهف انك هاتكونى مراتى وحبيبتى اوعدك انى اعمل كل اللى ربنا يقدرنى عليه واسعدك انتى وحسام وقرب وباسها وخدها فى حضنه .

ولما جه الاب والام تانى يوم بلغوهم بقرارهم ده وفرحوا جدا أنهم اخيرا هايرتبطوا ببعض وأن شريف هايعوضها عن حسام.الله يرحمه.

🌹🌹🌹🌹🌹🌹🌹

وبعد شهر كانت الفيلا مليانه بالناس والاهل والأصدقاء علشان يحتفلوا بجواز شريف ورهف وعملولهم فرح حلو اوى وكانت رهف لابسه فستان سواريه ابيض وطرحه بيضاء وحاطه مكياج خفيف وكانت عامله زى الملائكه.

وشريف كان لابس بدلته السودا وكان طالع زى القمر .

وجه المأذون وكتب الكتاب واحتفلوا بجوازهم .

وخدها شريف وراحوا يقضوا شهر عسل فى مكان هادى على البحر وعاشوا احلى ايام حياتهم ….❤❤❤ وهييييييح بقى

وتوته توته خلصت الحدوته يارب تكون الروايه عجبتكم واحب اعرف رايكم فيها ايه 😊

الفصل السابق الفهرس