رواية أكابر و اقول فراقه عادي و انا في داخلي اصرخ تكفون جيبوه الفصل العاشر 10 - بقلم HaboOoshy

الــمـــطــعـــم
دخلوا قمر ووراءها نادر اللي مستغرب من هذا المطعم صار يتامل الطاولات والكراسي البلاستيكيه وكل طاوله عليها كاتشب كبير وشطه وعلبه مناديل من نوع رخيص وفيه كم واحد جالسين
قمر:بطلب لك شاورما تاكل اصابعك وراءها (اشرت ع طاوله) روح اقعد هناك
هز راسه وقعد بعد مامسح الكرسي بمنديل
دقايق وجلست قمر قباله وهي تبتسم:ادري ان المطعم مو قد مستواك
مارد عليها لانه كان يناظر من القزاز ع الحديقه اللي موجوده:هذولاء وش يسون؟
لفت قمر وناظرت للحديقه البسطيه اللي ماتفصل عن المطعم الا بشارع صغير: عادي يلعبون وهذولاء ياكلون وو
قاطعها:لا هذولاء (واشر بيده)
ناظرت قمر لوين ياشر وشافت طفله ومعها طفل يمكن مايفرق بينهم الا كم سنه جالسين ع حافه الرصيف وحاطين قدامهم كرتون ويبيعون فوقه اشياء قالت بهدوء:يبيعون
نادر بصدمه:ليش وهم صغار؟
قمر وهي تتاملهم وبهدوء: عشان ياكلون
نادر بقهر غريب وعصبيه:بس هم صغار قمر حرام وين اهلهم؟
قمر وهي مستغربه منه ومن عصبيته:اكيد اهلهم مايقدرون يسون شي بعدين يعني وش يسون يموتون مالهم الا كذا
صار يتاملهم نادر وهو معقد حواجبه وفاتح شوي من فمه
جاء الاكل وحطه العامل وراح
قمر:كل
ناظر الاكل بعدين رفع راسه وناظر البنت والولد شال الصحن ووقف
ناظرته قمر باستغراب وصارت تراقبه
مشى بالصحن البلاستيكي لبرا المطعم وقعد ع ركبه عند الرصيف ومد الصحن لهم وهو يتكلم ماعرفت قمر ايش قال لهم بس ابتسمت بحب وهي تشوف البنت الصغيره ضمت نادر بقوه دمعت عيونها وهي تشوف صدمه نادر ويدينه بعيده عن ظهر البنت شوي وضمها وهي تشوف ملامحه الضايقه وقف نادر وفسخ الجاكيت اللي عليه ومده لهم حست من حركاتهم انهم يشكرونه شوي وصاروا يسحبون يدين نادر اللي مصدوم حطوه ع المرجيحه وصاروا يدفونه وباين من اشكالهم انهم يغنون لان البنت تتدور حول نادر وهي تهز راسها والولد يدف نادر ويهز راسه مع اخته دمعت عيونها مسحت دمعه نزلت اخذت صحنها قربت لهم وصارت تغني معهم بصوتها العذاب المميز وهي تصفق بيدينها وتحرك راسها ثواني بس وتجمع مجموعه من الاطفال حولهم وصاروا يصفقون وراء قمر اما نادر يناظر بصدمه وفهاوه لهذا المجتمع الغريب وكانه جاي من عالم ثاني عالم ماعرف فيه الا الرفاهيه والعز متعود ع اولاد من طبقته مابحياته حس بالحاجه ولو لثانيه توه يعرف ان فيه ناس كذا بالدنيا
ابتسمت قمر بقوه وضمت نادر وشهقت بألم مو عشان نادر لا عشانها تذكرت طفولتها المريره تذكرت كيف لما كانت تشوف شي مع أي بنت يعجبها وتروح بطفوله لعبدالعزيز اللي يقول لها لما اكبر ياقمر والله لاجيب لك اللي تبين"" وينك ياعبدالعزيز انا مابي شي بس ابيك" وبهمس:ابيك

في المــســتــشــفــى ..

كانت قاعده ومكتفه يدينها وعيونها بالارض بهدوء رفعت راسها ع الناس اللي جو كان رجال كبير بالعمر ومعه مره بعد كبيره وبنت راميه الطرحه ع وجهها باهمال ورجال ""هذا اللي جاء ذاك اليوم اللي هاوش رامي""
الرجال الكبير: وشفيه ولدي؟
وقفت اميره بسرعه: هد ياعمي رامي بخير
البنت بمياعه: رامي (وكانها تقول ليش ماتقولين الدكتور)
اميره اللي تفشلت وقالت بسرعه:الدكتور رامي بيكون بخير
المراه:تكفين يابنتي لاتخبين علي قوليلي ولدي وشفيه؟
تنهدت اميره: انا مادخلت معهم بس اللي استنتجته انه جاء ضيق تنفس ..
الرجال اللي هاوش رامي بعصبيه: اكيد جاءه ضيق تنفس ولا اخذ البخاخ ااه
اميره بصدمه:هو فيه ربو؟
المراه الكبيره: مو ربو ربو بس ضيق تنفس شديد
هزت راسها اميره: تبين ياخاله ادخل اطمئن عليه؟
المراه بسرعه:ايه الله يخليك لعين ترجيك
ابتسمت اميره بهدوء دخلت شافت الوليد بيطلع: هاه دكتور وشلونه؟
ابتسم الوليد:مفروض رامي يعطيك الدرجه كامله وهو مغمض تدرين لو انك ماسويتي اللي سويتيه كان مايندرى وش صار له
ابتسمت بخجل:ماسويت شي هذا واجبي
هز راسه الوليد وهو يمد لها الملف:امسكي عطيه مغذي وانا بطلع لاهله
هزت راسها اميره واتجهت لرامي المنسدح ومغمض عيونه مسكت ذراعه بهدوء بيد واليد الثانيه فيها ابره المغذي مسحت ذراعه وصارت تمسحها بالمسحه الطبيه بطت الابره وقفت شوي تناظر له ولفت بس وقفت لانه مسك يدها بلعت ريقها ولفت له
كان لسى مغمض عيونه:لاتخلينهم يدخلون
استغربت اميره واسحبت يدها:ليش؟
تنهد بضيق:بس مابي اشوف احد منهم
اميره:وش اقول لهم؟
رامي:قولي أي شي قولي اني نايم قوليلي لازم يرتاح قولي أي زفت
تنهدت وبهدوء:طيب
اطلعت وهي تناظر لهم والوليد يتكلم معهم ..
اميرة : لو سمحتوا
لفوا كلهم لها وصاروا يناظرون لها
اميره: الدكتور لازم يرتاح اسفه ماحد يقدر يدخل
استغرب الوليد من كلام اميره بس حس انه رامي هو اللي قال لها لانها مستحيل تتصرف من نفسها
البنت بانفعاليه: ومن انتي عشان تمنعيني ادخل ع زوجي ؟
ترددت هذي الكلمه براسها"زوجي زوجي زوجي زوجها؟؟"" حست بضيقه فظيعه لفت وجهها ومشت ...

داخـــل الــغـــرفـــة ..

كان الكل يتكلم الا هو ساكت بهدوء والقهر يحرقه ""هين يا اميره حسابي معك اجل اقولك لاتتدخلينهم وتتدخلينهم""
حطت يدها ازهار ع يده بس هو نفض يدها بقوه وعطاها نظره قويه وصد عنها وقال هو يغطي وجهه بالبطانيه:ابي انام اطلعوا واتركوني
ناظروا له كل واحد يقول بنفسه هذا هو رامي وطلعوا
ازهار: رامـ ـ
قاطعها رامي:اطلعي ياازهار اطلعي
لفت وجهها بقهر وطلعت
بعد ماطلعت ضغط ع زر طلب الممرضات بقوة وجت ممرضه فلبنيه قال بعصبيه:نادي اميره
هزت راسها الممرضه وهي تركض لانها تخاف من رامي
جت اميره وبهدوء:السلام عليكم
رامي بعصبيه:مو قلت لك لاتتدخلينهم ؟
اميره: ايه بس
رامي:دون بس راح انقصك
انقهرت اميره وضغطت ع يدها بقهر وبعصبيه وصوت عالي: اصلا لولاي كنت الحين ميت (لفت وجهها وطلعت مو بس من غرفته طلعت من كل المستشفى بعصبيه وقهر وهي تكلم نفسها"" يعني هو يعصب من اهله ويحط حرته فيني"")

ســيــاره نــادر

قمر وهي لافه يدينها ع كتوفه ومبتسمه:انبسطت؟
ناظرها نادر وابتسم ابتسامه خفيفه:ايه (سكت شوي بعدين قال) قمر
قمر:هلا
نادر:ليش انتي لابسه ثوب ولد وكاشفه؟
تورطت قمر بقوه وبارتباك واضح: ااا اا انا انا
ابتسم نادر بقوه:هذا سرك صح؟
قمر وهي مفهيه:هاه؟
نادر وهو يهز كتفه بعدم اهتمام: عادي كل واحد فينا بداخله سر وانتي هذا سرك (مد يده وكانه بصافحها) اوعدك اني احافظ ع سرك
ابتسمت قمر بقوه وضمته بقوه
انصدم نادر ماتوقع انها تضمه توقع انها تصافحه بس ابتسم ع خفيف وضمها وسكت
بعدت عنه وهي تشوف البقاله:يلا عاد ابي اشوفك قريب
نادر بابتسامه واسعه:اكيد
فتحت الباب وباسته: باي انتبه لنفسك
نادر وهو يحرك يده:باي وانتي بعد انتبهي لنفسك
كانت بتسكر الباب بس وقفها صوته وهو يناديها لفت له:هلا
نادر بصوت عميق:اذا احتجتي أي شي انا موجود
فتحت عيونها بصدمه هذي الجمله ماكان يقولها لها الا عبدالعزيز عبدالعزيز وبس ابتسمت بقوه وهزت راسها:اكيد باي
نادر وهو يسكر الباب:باي

بـــيـــت ابــو وســــن
الــــســ8:00ص ـاعـــه
غــرفــه وســن والـجــوري

فتحت عيونها ع خفيف ع صوت طق الباب تاففت وبعدت شعرها الناعم عن وجهها وهي تقوم وبصوت كله نوم:من ؟
الخدامه:ممكن انسه وسن؟
تاففت وفتحت الباب وتراكت عليه وهي تفرك عيونها:نعم؟
الخدامه:السيد تركي ينتظرك تحت بالحديقه ويقول انه يبيك ضروري
توسعت عيونها بصدمه وباستحقار:نعم تركي وش يبي؟
الخدامه:مدري
سكتت شوي بعدين قالت:كم الساعه؟
الخدامه:8
وسن:ااف قوليلي له وسن ماهي جاية (وسكرت الباب وهي تتراكى عليه وعقدت حواجبها ""ياترى وش يبي تركي خليه يولي اكيد ماعنده شي هالحقير"" دخلت الحمام وتوضت وصلت ورجعت لفراشها بس قبل ماتغمض عيونها دق الباب ثاني مره بصوت عالي:اف ياربي (وقفت وفتحت الباب وشافت الخدامه) :نعم
الخدامه:انا اسفه لكن السيد تركي يقول انه يجب عليك النزول حالا
عقدت حواجبها باستغراب ""هذا اكيد عنده شي بس ياترى وشي"" : اف طيب خلاص روحي
الخدامه بخجل:ماذا اخبره؟
وسن:قولي له الحين تنزل
هزت راسها الخدامه:حاضر
رجعت دخلت غرفتها ""وشفيني خايفه يعني وش راح يسوي (ابلعت ريقها وهي تتذكر اللي صار) يقدر يسوي اللي سواه بالمره الاولى ااف"" راحت للجوري وهي تقومها:الجوري الجوري قومي
الجوري وهي تلف وجهها للجهه الثانيه: وسن
وسن: اف منك قومي
بس الجوري لاحياه لمن تنادي وكملت نومتها
وقفت وسن وهي تلتفت فتحت شنطتها وهي تناظر بخاخ الفلفل ابتسمت وهي تتذكر ان فوز طلبته من خطيبها يجيبه من برا وارسلته لما ارسلوا ملابسها اخذت نفس عميق وحطت البخاخ بجيبها وطلعت

الـــحـــديـــقـــة
كان جالس ع الكرسي وقدامه كوب كافي محطوط ع الطاوله وفوقه مظله كبيره تحمي اللي يجلس ع الكراسي ويناظر لبعيد بعيد
قربت وسن وهي تناظر له بلعت ريقها بخوف وقربت له وكتفت يدينها: نعم؟
رفع راسه لها وبهدوء:اجلسي
وسن وهي لسى ع وضعها وصاده وجهها عنه: مابي اجلس قول اللي عندك
تنهد تركي: وسن الكلام اللي بقوله مهم لك صدقيني مو لي فا اجلسي
ناظرته وتاكدت ان فيه جد كلام مهم جلست وهي تقول بنبره انزعاج:هذا انا جلست يلا قول
تركي وهو يتقدم وركى يدينه ع الطاوله ويلعب باصبعه ع حافه الكوب:امس سمعت ابوي يتكلم مع امي عنك ولما سالت  وش السالفه قال ..
وسن بقله صبر: اف قول
رفع عيونه وناظرها: قال ان ابوك يبي يزوجك وان هذي فكره جدتي وان ابوك يبي يزوجك واحد يعرفه بيعطيه فلوس وياخذك لاي دوله برا ويحرمون الجوري من امك لانهم خايفين منك انك ترجعين لامك او انك تسوين شي
كانت بس ترمش وشفايفها تهتز من وقوع هول الصدمه عليها معقوله توصل با ابوها يسوي فيها كذا رفعت عيونها وناظرت تركي ونزلت دموعها بغزاره وبهمس:ايش ..

تركي : هذا اللي سمعته وحبيت اكلمك فيه ..
وسن ماقدرت تتحمل وانهارت وهي تبكي خلاص تعبت ماعاد فيها تتحمل ..
ظلت تبكي بصوت عالي وتقول كلام مو مفهوم
تركي بدون شعور ضمها بقوه لصدره مع انها كانت تقاوم وتضربه بقوه بس هو ضامها بقوه:اهدي اهدي
شهقت بقوة وهي حاطه يدينها ع صدره:ااه ااا ااه ليش انا ليش؟
بلع ريقه وبهمس:مدري مدري ياوسن مدري خلاص تكفين اهدي اهدي
ظلت وسن على ذي الحالة اكثر من نصف ساعة (سكتت فجاه وحس بجسم وسن صار ثقيل بعدها عنه ع طول بس لسى ماسكها من كتوفها) وسن(صرخ وهو يشوف انه اغمى عليها) وسن (نزل يده بسرعه تحت ركبها ويد عن رقبتها ورفعها تورط مايدري وين يوديها صار يركض فيها لجناحه دخل بسرعه وحطها ع السرير وركض جاب قاروه ماء وكب شوي من الماء ع يده وصار يمسح ع وجهها وهو يقرب منها ويناظر لها ينتظرها تصحى)
فتحت عيونها ع خفيف وبهمس: يمه (ورجعت غمضت عيونها بسرعه)
تنهد براحه ع انها صحت غطاها زين و وقف وهو يشد شعره بيدينه ""انا وش سويت فيها وش سويت ااه ياربي يارب سامحني "" لف لها وصار يتامل وجهها الاصفر والسواد تحت عيونها وخصلات شعرها المتبعثر وبصوت مبحوح: انا وش سويت انا ذبحتها (صار يتذكر شكلها اول كيف كان بياض وجهها وصفاء بشرتها والابتسامه اللي ماتفارق وجهها هو السبب بكل اللي يصير فيها) قرب لها وبهمس: اسف

سقُىْ اُللِه َيوُم اٌناِ طَفلٌهَ وأنٍـاِم ولاحـدٍ قـديْ

...................... ولا احاٌتِيَ هٌموَم ًالُيوِم ٍولْا َاحًاتُي ٍأمـِل بُكـٌرِة

تُداِعبٌ اَمي ٍشعْـرِي ًوتُمسٌـِح َيدِّهـٍا َخـِديَ
..................... وُنوَميِ هٍادٌي ًوسٍاكْن ِرعَانْا ُالٌربٍ فَي ستِـرْه ُ

تٌلاِعبَ يٍديُ اِلدًميَه ْوعُنـٌديِ هًااَلزْمـٍن وٌرديْ
..................... هُموِميَ لٍعبْتيِ ضًاعُت ٍوعَندٍي ُهمٌ وَش ِكْبـُرةَِ ..

شــركـــة ابــوســديــم

دخلت سديم بعد اجازه مدتها اسبوع واتجهت لمكتبها دخلت وسكرت الباب وراءها ونزلت شنطتها وصارت تشتغل بالملفات اللي قدامها شوي وطق الباب:تفضل
دخل حمد بهدوء:السلام عليكم
ناظرته سديم باستحقار وقهر:وعليكم السلام (ونزلت راسها بسرعه للملف اللي معها)
حمد اللي عقد حواجبه باستغراب:فيه شي ؟
سديم بدون ماتناظر له:لا
سكت حمد شوي بعدين قال:طيب عندك موعد مع رئيس شركه التموين
سديم بدون نفس وهي تحس ودها تكفخه:خلاص حطهم وانا اشوفها بعدين
انقهر حمد وبعصبيه:سديم فيه شي؟
رفعت راسها سديم وبقهر : لو سمحت انت موظف عندي فسوا اللي قلت لك عنه
ناظرها بصدمه رفع حاجبه: اها موظف طيب (رمى الملفات بقوه ع المكتب وطلع وهو معصب)
تنهدت سديم بس هي حاقده ع تصرفه مع وجد هي ام ولها قلب مهما صار ومهما سوت يمكن مو من حقها تسوي كذا مع حمد بس كل هذا من قهرها وعصبيتها ماتقدر تستحمل تشوف وجهه ع الاقل هذي الفترة ..

بــــيـــت ابــو وســــن
جـــنـــاح تـــركــي
بدت تفتح عيونها ع خفيف وهي ترمش ثواني ورجعت غمضتها تنهدت ""يعني اللي صار حلم "" بس فجاه شمت ريحه عطر رجاليه قويه عقدت حواجبها باستغراب وضيق من قوه الريحه تعدلت توسعت عيونها بصدمه وهي تشوف نفسها ع سرير ابيض وسيع صارت تناظر الجدران جدار اسود وعليه رسمات بالفضي وجدار ابيض مخطط باللون الاحمر وقفت بسرعه بس حست بدوخه وانها بتهوي للارض
كان طالع من الحمام ركض لها ومسكها قبل ماتتطيح: وسن
لفت له وهي تحاول تبعده عنها بس تحس انها مافيها حيل: بعد عني
حطها تركي ع السرير:وسن اقعدي انتي دايخه
وهي جالسه ع السرير دفته بكل حيله عنها:بعد
بعد تركي من نفسه وهو يناظر لها
تنهدت وحاولت تاقف بس ماقدرت ورجعت قعدت وبهمس: ابي اروح لغرفتي
تركي:طيب طيب بوديك لها بس خليني اساعدك عشان تاقفين خلاص؟
ناظرته بقهر بس مالها الا انها توافق والا وشلون بتروح لغرفتها وهي مو قادره توقف هزت راسها ومدت يدينها
ابتسم ومسك يدينها ولف يد تحت ابطها واليد الثانيه مسك فيها يدها كان يمشي فيها دون مايناظر لها ابدا
كانت منزله رأسها
فتح الباب وهو يركي جسمها عليه بعدين رجعها زي ماكانت ونزلها ع سريرها
وسن وهي تناظر الجوري النايمه وبهمس: مشكور
تنهد تركي وبصوت ندمان: وسن انا اسف
ناظرته وسن بدون أي تعبير بملامحها: وش بيفيد الندم اطلع ابي انام
تنهد تركي ووقف وطلع وسكر الباب وراءه ..

الـــبــقــالـــه
قمر وهي جالسه بمكانها المعتاد وراء الكاشير دخل فهد نطت له وهي تبتسم:اهلين
ابتسم فهد: هلا بك (سحب كرسي وقعد) وينك امس وين رحتي؟
قمر وهي تجلس:رحت مع نادر
عقد حواجبه باستغراب:وليش تقولينها بضيق ؟
هزت قمر كتوفها:ااه مدري ( رفعت راسها لفهد) فيه شي غريب فهد تدري يذكرني بواحد بكل حركاته همساته قوته ابتسامته عيونه كل شي كل شي
سكت فهد شوي بعدين قال:عبدالعزيز يذكرك بعبدالعزيز؟..

هزت راسها قمر: ايه كلماته تنزل علي مثل ماكانت كلمات عبدالعزيز تنزل هدوءه رجولته مع صغر سنه ابتسامته الخفيفه اللي ماترتسم الا بااوقات قليله ولما يوصيني ع نفسي والا لما يقول اذا احتجتي أي شي انا موجود (هزت راسها بقوه وكانها تنفي اللي تفكر فيه) ماابيه يشبه عبدالعزيز هو طيب وحنون خايفه خايفه مدري منه والا عليه بس اللي اعرفه اني (ناظرت عيون فهد) خايفه يافهد
قرب فهد كرسيه لها : قمر اسمعيني دامني حي بالكون واتنفس لاتخافين فاهمه لاني بكون دايم جنبك وبحميك حتى لو ماكنت موجود بس انا هنا انا هنا قمر
ناظرته وابتسمت بقوه ومسحت الدموع اللي نزلت ع خدها بكفها وكانها طفله
بعد فهد يده عن يدها وابتسم بقوة
دخل مشاري وهو مستعجل ناظرهم باستغراب:السلام عليكم
فهد بسرعه وهو يبعد كرسيه:وعليكم السلام
اما قمر صارت تمسح وجهها وعيونها: وعليكم السلام
مشاري وهو يسحب كرسي ويقعد عليه بالمقلوب : وشفيه وجهك احمر انت؟
قمر بارتباك:ولا شي عادي
هز راسه مشاري: ايه طيب وش رايكم نروح للبحر؟
فهد:يلا قدام
سكتت قمر شوي وهي تحس بنظراتهم لها رفعت راسها وصارت تتاملهم ياالله قد ايش هي تحبهم ابتسمت بقوه وهي تاقف:اكيد معكم
ضحكوا ع حركتها و وقفوا ومشوا وهم يضحكون ..

بـــيــت ابـــو وســــن
غـــرفـــه وســـن
كانت جالسه بنفس مكانها المعتاد ولامه رجولها لبعضها وتتامل الجوري وهي ترسم بدفتر والالوان مبعثره حولها:الجوري
وقفت الجوري واتجهت لوسن:نعم
ابتسمت وسن واشرت بيدها ع انها تجي جنبها
تقدمت الجوري ونقزت بجنب وسن وهي ساكته
عدلت رجولها وسن وهي تمسك كتوف الجوري :اسمعيني زين ياالجوري ولاتنسين هذا الكلام ابدا مهما صار خلاص؟
الجوري بخوف:ايه
وسن وهي تبكي : اناا احبك فاهمه ومستحيل فيه شي بيفرق بيننا مهما كان انا بظل معك ولاتصدقين كلام أي احد ولا تثقين بكلام أي احد فاهمه امي تحبنا وكل اللي تحت يكرهونا لاتتوقعين بيوم بس ان امي تكرهك والا تخلت عنك لا ياالجوري لا واذا بيوم صحيتي ومالقتيني اعرفي اني موجوده بس مو بنفس المكان بس بظل موجوده جنبك (شهقت بقوه وسن وضمت الجوري بقووه) انا احبك  لاتنسين هذي الكلمه مهما صار ومهما قالوا لك عني لاتنسين اني احبك
بدت الجوري تبكي مع انها مو عارفه ليش وسن تقول كذا او ليش تبكي:وسن لاتتركيني
شهقت وسن بقوه وهي تشد الجوري لها اكثر وبهمس:مو بيدي ..
صارت الجوري تبكي بنفس قوه وسن وهي خايفه كلام وسن اربك طفولتها وشتت افكار طفولتها وتحس ان عقلها الصغير الطفولي مو راضي يتقبل كلام وسن الكثير والمليان بالالغاز
طق الباب بهدوء وجاهم صوت الشغاله وهي تقول:انسه وسن ابوك طالبك
وسن وهي تبعد الجوري عن صدرها ""جاء الوقت"" ابتسمت للجوري ووقفت
الجوري وهي تمسح دموعها:وسن بنزل معك
لفت لها وسن وبسرعه:لا لاتنزلين فاهمه؟ ( ركضت لها وضمتها بقوه) انتي تحبيني صح؟
الجوري بسرعه:كثير وسن
ابتسمت :دامك تحبيني اوعديني لاتنزلين لين اجيك خلاص؟
هزت راسها الجوري:طيب اوعدك
بعدتها عنها وسن وباست جبهتها وطلعت وهي تسكر الباب وراءها ..

بـــيـــت ابــونــاصــر
كانت اميره تتمشى بالحديقه وهي زهقانه موت طلعت جوالها ودقت ع ساره: الو
ساره:اهلين كيفك؟
اميره:بموت من الزهق انتي وينك؟
ساره:بالبيت
اميره:طيب تعالي عندي
ساره: والله ودي بس رغد الدبه ما خلت المدرسه تتدرسها لاختبار بكرا تقول مابي الا انتي اسمعي اذا خلصت مذاكره لها اجيك وش رايك؟
اميره بضيق: لا خلاص اصلا بعد ساعتين عندي شغل بالمستشفى باي
ساره:امور لايكون زعلتي
اميره بسرعه:لا وش دعوه عادي يلا سلمي ع البنات باي
ساره:يوصل باي

الـــبـــحــــر
كانت قمر تركض وهي تصارخ
فهد وهو يركض وراءها ويصارخ بعصبيه:اجل انا ترميني بالماء ؟
اما مشاري طايح ع ظهره ع الرمل: ههههه اه بطني قسم اشكالكم شي
اما فهد معصب وهو يركض بقوه لان ملابسه كلها ماء عاد تعرفون لما تصير ملابسكم فيها ماء تحس مشيك ثقيل
نقزت قمر فوق صخره  كبيره وهي تنقز وتمد لسانها لفهد: يلا يلا تعال
كان من داخله مبسوط بس ماحب يبين عشان يمسكها وصرخ فهد: طيب طيب جايك (وركض لها بكل قوته)
كانت قمر تنقز فوق الصخره وفجاه زلت رجلها وطاحت
وقف فهد ثانيه وركض لها اما مشاري اللي منسدح و وقف بسرعه وراح يركض
مسكها فهد وهو يحط يدها تحت رقبتها وبيده الثانيه يطق خدها:قمر قمر
جاء مشاري وقعد ع ركبه وهو يهزها:فارس فارس
فجاه صارت تضحك بصوت عالي وهي تقول:صادوه ههههههههه
رمها فهد بقوه ع الرمل اما مشاري تربع وابتسم وفجاه صار يضحك معها
صار فهد يناظرهم بعدين انفجر معهم ضحك مايدري ليش يضحك مع ان الموقف مو مضحك كذا بس يمكن عشانه مبسوط ..

بـــيـــت أبــو وســـن
انفتح باب المصعد وطلعت منه وصارت تتاملهم (اللي هم جدتها وعمها وعماتها الثنتين ونهى وهديل وراسمين ع وجيههم ابتسامه استهزاء) وهم جالسين ويتكلمون ويوم شافوها سكتوا وتحولت نظراتهم لها حولت نظراتها الخايفه الضعيفه لنظرات حاقده قويه وجرئيه قعدت ع اقرب كرسي وحطت رجل ع رجل دون ماتقول أي شي
ابووسن بابتسامه خفيفه:وشلونك حبيبتي؟
رفعت عيونها بحركه بطئيه وناظرته من فوق لتحت وهي رافعه حاجب وصدت عنه بدون ماترد
تنهد ابووسن ""سامحيني يابنتي بس ماقدر ارد طلب امي واخواني"" : وسن تعالي وانا ابوك جنبي
ابتسمت وسن باستخفاف وتنهد بعلامه طفش
سكت ابووسن شوي بعدين قال: فيه واحد خطبك وهو رجال زين وطيب واخلاقه عاليه ويبيك ع سنه الله ورسوله
غمضت عيونها بقوه وهي منزله راسها ""خلاص وقف يكفي كذب يكفي تتطيح من عيني اكثر بس يبه بس ترا لسى باقي بقلبي لك حب لاتخليه ينزل ويطيح مثل ماطحت من عيني"" فتحت عيونها ورفعت راسها وناظرته ..
ابووسن بارتباك: وهو يدري انك يعني انتي تدرين وهو موافق هاه وشرايك؟
رفعت عيونها وناظرته بتامل وضحكت ووقفت ومشت بدون ماتقول أي شي
وقف عمها وبصوت عالي:وقفي ابوك ماخلص كلامه اسمعي سواء وافقتي او لا انتي بتاخذينه فاهمة ؟
مالفت وسن بس كملت مشيها لفوق ودخلت المصعد اول مادخلته ركت ظهرها ع الجدار ونزلت دمعه احرقت خدها ""ياربي خذ روحي خذها انا ماابيها"" انفتح الباب وكان بوجهها تركي
تركي :وسن
بس ماردت عليه ودخلت غرفتها هي والجوري

في المــســتــشــفــى
دخلت اميره وهي ضايقه بس وقفها صوته لفت له:نعم دكتور
ناظرها رامي باستغراب:فيك شي؟
اميره:لا
رامي: طيب ممكن اتكلم معك شوي؟
اميره وهي تتنهد:طيب
رامي:تفضلي للكافتيريا
اميره وهي تمشي للكافتيريا قعدت وهي تسحب كرسي:نعم؟
قعد رامي قبالها: انا اسف ع ذاك اليوم بس كنت معصب ومشكوره ع اللي سويتيه
اميره بزهق: حصل خير (وقفت) عن اذنك
رامي باستغراب:اقعدي انتي وشفيك؟
اميره وهي تحس بالدموع تجمعت بعيونها:مافيني شي
وقف رامي وبجديه: اميره بجد وشفيك؟
ناظرته اميره وبدا صوتها ينبح:قلت لك مافيني شي
رامي وهو يتلفت للموجودين وبهمس:امشي معي للحديقه
اميره وهي تناظر عيونه لحظه ماقدرت تعارض هزت راسها واطلعوا للحديقه وقعدوا ع اقرب كراسي
رامي:بجد اميره وشفيك؟
اميره وهي تمسح دموعها من تحت النقاب:ولا شي بس شويه ضيقه
تنهد رامي وهو يركي ظهره ع الكرسي:كلنا فينا ضيقه بس مانضعف بس اكيد ان مهما كانت مشكلتك مستحيل تكون اصعب من مشكلتي
اميره بشويه عصبيه:وايش هي مشكلتك دكتور غني ومتزوج وعندك اهل وش ناقصك ؟
ضحك باستهزاء رامي:أي متزوج اول شي انا مطلق اه واي اهل اهل يفضلون طليقتي علي؟ (ناظر اميره) عمر احد خانك يااميره؟
ناظرته اميره باستغراب:خاني ؟
تنهد رامي وابتسم :تعرفين شعور ان زوجتك تخونك ومابيدك الا انك تتطلقها عشانها بنت اغلى انسانه ع قلبي  ماتعرفين كيف كان شعوري ماقدرت ابرد حرتي كان ودي اضربها اقتلها بس ماقدرت وشعور ان الكل يلومك وانت ماتقدر تبرر ليش سويت كذا ماتقدر تقولهم عشان ماتتطيح من عينهم ازهار يتيمه والكل يحبها ماحبيت انها تنزل من عيونهم وامها خلود هي اللي ربتني يوم امي خانت ابوي وتطلقت وماعاد شفناها
ناظرته اميره بصدمه:خانتك وماسويت أي شي لها ليش هذا من حقك وحتى لو كانت يتيمه والا امها ربتك شلون تخليها تروح كذا والكل يلومك؟
ناظرها رامي وابتسم ولف وجهه وهو يناظر الحديقه:صح اني عصبت بس حسيت ان نظريتي اللي دايم اقولها صحيحه واني مو مريض نفسي زي مايقولون لي؟
ناظرته اميره باستغراب:أي نظريه؟
رامي:ان الحريم خاينات
ناظرته اميره بصدمه:وليش تقول كذا ومو معنى اذا زوجتك خانتك ان كل الحريم خاينات؟
رامي وهو يبتسم باستهزاء:مو بس ازهار خانتي امي قبلها خانت ابوي وخانتني
ناظرته اميره بصدمه:امك؟
لف لها رامي وقال وكانه مايبي يكمل: وانتي وشي هي مشكلتك؟
ابتسمت اميره ع خفيف:مشكلتي اني وحيده مشكلتي اني انولدت ببيت كل واحد لحاله مشكلتي ان طلعت لي اخت (ضحكت باستهزاء) حسيت وكاننا بفلم ابيض واسود بعد سنين تتطلع لي اخت فجاه وتتطالب بحقها وتتهم ابوي بصفات غريبه شعور ماقدرت استحمله كل ماناظر بنات عمي وكيف علاقتهن مع بعض قويه احسدهن واقول ليت الله رزقني بخوات زيهم تخصصت طب عشان اقدر اساعد الناس ابي احس اني سويت شي بحياتي (ضحكت) بس هذي هي مشكلتي
ابتسم رامي وهو مكتف يدينه:وليش ماتبين اختك؟
اميره وهي تهز كتفها:مدري يعني مو سالفه اني ماابيها بس دخول شخص حياتك فجاه يربكك (رفعت راسها وناظرته) اقدر اقولك شي؟؟
رامي:اكيد ..

اميره وهي تاقف:مو كل الحريم خاينات اذا انت التقيت بثنتين بحياتك خاينات فيه بالعالم المليارات وفيات ولاتخاف مابقول لاحد اللي قلت الحين سرك ببير ئر(ولفت وجهها ومشت)
كانت علامه الصدمه مرسومه ع وجهه وكلامها يتردد بباله كثير قالوا له ان مو كل الحريم خاينات بس منها هي غير غير

بـــيــت ابـــو وســـن
غــرفــة وســـن
الــســ1:00 لـيـلا ـاعــه
كانت جالسه ع ركبها وهي تحط ملابسها بشنطتها تنهدت وهي تسكرها رفعت راسها وناظرت الجوري النايمه بهدوء وقفت وهي تبوس راس الجوري وبهمس:احبك سامحيني
وقفت وهي تسحب شنطتها وطلعت من غرفتها بعد ماتاملت الجوري اشهقت وهي تمسح دموعها بقوة ..

**بـــيـــت ابــو وســـن

كانت شايله شنطتها وتمشي ع روؤس اصابعها بالحديقه فجاه حست بيد التفت حول وجهها وسدت شفايفها وسحبتها بقوه صارت تحاول تفك نفسها
تركي بهمس: اهدي نهى قاعده تكلم هناك اذا شافتك بتفضحك
هدت وسن بس متضايقه موت من قربها من تركي دقيقه وتركها تركي بس مسك ذراعها ولفها بقوة :وين بتروحين؟
سحبت يدها منه بقوه:مدري عند امي يمكن
تركي بعصبيه:انتي غبيه اذا فقدوك بيروحون لامك ع طول
سكتت وسن وبدت دموعها تنزل:ابي اهرب ابي اطلع من هذا البيت احس اني لو جلست زياده فيه راح انتحر
انصدم تركي وحس بالجديه بكلامها:وتتدخلين النار؟
رفعت راسها وناظرته ولفت وجهها
تنهد تركي:والجوري مو مخذتها معك؟
هزت راسها وسن بلا:لا
تركي بصدمه:ليش؟
وسن وهي تلف وتناظر البيت بتامل:راح تعيش هنا افضل من المكان اللي بروح له مهما كان المكان اكيد افضل وهي تتدرس وخلاص يكفي شتتها بما فيه الكفاايه خليت طفله تفكر باافكار مو مفروض تفكر فيها
تركي:بس وسن اذا رحتي بتتركينها لجدتي وعماتي؟
ابتسمت ع جنب:راح تعيش وهم مايكرهون الجوري هم يكرهوني انا
تركي وهو يقعد ع الكرسي ومنزل راسه:وسن انا اسف
ناظرته ببرود وصدت عنه:انا رايحه
وقف تركي بسرعه وصار قدامها:طيب اسمعي انا عندي شقه بعيده عن هنا وماحد يعرفها وش رايك اوديك لها؟
وسن بخوف:شقة لا مستحيل
تركي وهو يتنهد وناظر عيونها:ادري انك ماتثقين فيني وانا ماالومك بس وربي اني مستحيل اذيك
ناظرته بصدمه حست بالصدق والندم بكلامه انزلت دموعها وبعدت يده وسكتت شوي وهي تناظر له
تركي: اتركيني اكفر شوي من ذنبي (سكت شوي بعدين قال) وسن؟
هزت راسها وسن وبهمس:طيب
ابتسم تركي ومسك شنطتها:يلا اجل
مشت خطوه بس لفت وصارت تتامل البيت وكل قطعه فيه تنهدت بصوت مسمووع وكلمت مشيها وراء تركي ..

الـــبـــقـــالــــه
قمر وهي منسدحه ع فراشها وتفتح السلسال وتسكره ""ماقلت لفهد اني رحت لابوي بكرا بقوله (ابتسمت بقوه) اليوم مرا انبسطت بس لازم بكرا اسوي اللي براسي من اسبوع بس ياليت عمي وفهد ومشاري يرضون يارب""

بــيـــت ابـــوســديــم
غــرفــه ســاره
كانت ساره وسديم قاعدات فوق السرير وسديم تقول لساره سالفه حمد و وجد
ساره بصدمه: معقوله حمد يسوي كذا؟
تنهدت سديم بضيق:والله ياساره قد ماكان كبير بعيني احسه صغر
ساره اللي لسى مفهيه:لحظه لحظه معقوله قال كذا وين قلبه؟
سديم:سارونه انا مرا متضايقه وصايره هذي السالفه تاثر ع شغلي وصايره مو طايقة اشوف وجهه
ساره بقهر: ماالومك بصراحه بس يعني هذا شغل لازم تفرقين بينه وبين مشاعرك
سديم بانفعال:والله حاولت ساره بس ماقدرت من شفت وجهه ع طول تذكرت صراخ المسكينه
ساره:طيب واجهيه؟
سديم بصدمه:اواجهه وش اقول اكيد بيقولي مالك دخل
ساره بقهر:وشلون مالك دخل وانتي حاضره الموقف قولي له انا متضايقه من ذاك اليوم وكذا باسلوب
سكتت سديم شوي بعدين قالت:لا لا حمد يخوف وانا اخاف
ساره بحقد: وش يخوف بزر انتي اقول قوليله وماانتي خسرانه شي
سكتت سديم وهي محتاره بس ع الاقل ارتاحت لما قالت لساره .

شــقـــق شــمـــس
كانت وسن قاعده تقرا اللوحه وسكتت وهي قاعده بخوف
تركي:وسن لاتخافين انا اسف وربي اسف
وسن وهي ترفع راسها:هذي شقق عوايل ؟
انقهر تركي لانها دوم ماترد ع اعتذاره:ايه
وسن بصدمه:اجل كيف شريتها؟
تركي:هذي شاريها من سنه تقريبا عشان اذا تزوجت ولا دخلتها الا مره وحده بس
ناظرته وسن: شريتها لما كنت خطوب لنهى (بس بسرعه قالت) يعني كلها عوايل؟
تركي سكت شوي بعدين قال:ايه يلا عشان اوصلك لها
نزلوا وهم داخلين سالهم الحارس:بدكم حاقه؟
تركي:انا مستاجر شقه هنا من زمان والحين بسكن
الحارس:اه اه انت اللي اولت تتقوز هذي المدام مبروك
ناظر تركي وسن اللي حسها استحت وابتسم:الله يبارك فيك عن اذنك (مشوا وصلوا الشقه وفتح تركي الباب ودخلت وسن )
تركي:يلا انا بجيب لك اكل وبروح
وسن بخوف: وين بتروح وتتركني لحالي ..
ناظرها بتامل وابتسم:لازم تتعودين ع الشقه
وسن بخوف:لا لا اقعد عندي لو شوي
تركي:طيب بجيب لنا اكل واجي خلاص؟
وسن:خلاص
طلع تركي وسكر الباب اما وسن لفت للشقه اللي كانت عباره عن صاله كبيره وكل جدار لون وشكل غير وكنب كلاسيكي وقدامه طوله قزاز اطرافها خشبي وتلفزيون البلازما معلق بالجدار والمطبخ مشكوف ع الصاله وجنبه حمام بعدين فيه ثلاث غرف دخلت اول غرفه كان فيه سرير لشخص واحد حلوه ومرتبه وفيها حمام اما الغرف الباقيه فكانت فاضيه اكثر شي جذبها هو الشباك اللي موجود بالصاله كان بطول وعرض الجدار واللي يزيده جاذبيه الستائر البيضاء الشفافه الطويله حطت يدها ع القزاز وهي تتامل البحر اللي مو بعيد مرا ""ااه خايفه ياربي وش اللي راح يصير لي لين متى بظل بالمجهول وش راح يصير فيني؟ (راحت المطبخ وفتحت الدرج وكانت فاضيه) مافيه ولا صحن ولا حتى فيه ثلاجه الفلوس اللي معي مااتوقع تكفي من وين بقدر اصرف كل اللي معي يمكن 10الف بس يارب انت الاعلم بحالي يارب يسر لي اموري وارحمني""
انفتح الباب ودخل تركي اما وسن نقزت من الخوف وهي تحط يدها ع قلبها
تركي: اسف اني خوفتك ماكنت اقصد
وسن بهدوء:لا عادي (ناظرت الاكياس الكثيره) ايش هذي؟
تركي""اول مره ترد ع اعتذار لي"" : هذي شويه خرابيط تتسلين فيها وهذا العشاء جبت لك كنتاكي تحبينه صح؟
وسن بابتسامه خفيفه : ايه بس مو مشتهيه شي الحين
تركي:لا عاد جبت الا تاكلين
وسن:لا والله مو مشتهيه عليك بالعافية (سحبت شنطتها)
وقف تركي بسرعه ومسك الشنطه:خليها انا اوصلها للغرفه
سكتت وسن وناظرته وهو يدخل الشنطه الغرفه ثواني وطلع وهو رافع يده بتهديد: يلا قدامي ع الاكل
وسن: قلت مو
ماعطاها مجال لانه دفها ع الكنب وطلع الوجبه والبطاطس والبيبسي وهو يقول:يلا كولي
وسن اللي استسلمت وصارت تاكل بهدوء
صار يناظرها بهدوء بعدين لف وجهه وصار ياكل ..

يـــوم جــديــد
الــسـ9:00 ص ـاعـــه
صباح جديد ع ابطالي صباح يمكن للبعض مفرح والبعض الاخر محزن والبعض الاخر كئيب والبعض الاخر كاي يوم عادي والبعض الاخر يتجدد فيه شي غير متوقع

شـــركـــه ابــوســديـــم
مــكــتــب ســديـــم
طق الباب ودخل حمد:السلام عليكم
سديم:وعليكم السلام
حمد:عندك موعد مع رئيس شركه الفيصل بعد 10 دقايق
سديم وهي تحسه يتكلم بدون نفس: هنا بمكتبي صح؟
حمد:ايه (نزل الملف ومشى للباب)
سديم بسرعه:حمد
لف لها حمد وبهدوء: نعم انسه سديم؟
ناظرته سديم بصدمة ""انسه "": ممكن اتكلم معك شوي؟
حمد:بس بيجي الحين رئيس الشركه؟
سديم:بس شوي ماراح اطول
جلس حمد وهو ساكت
سديم: انا اسفه ع معاملتي لك ذاك اليوم بس انا كنت متضايقه من  معاملتك لوجد يوم كنا بالمستشفى اسفه اني اتدخل بحياتك الخاصه بس انت صدمتني
رفع راسه وناظرها ببرود وهو ساكت
سديم وهي تناظره تبي أي رده فعل عن كلامها بس مالقت أي شي: ماتخيلتك بيوم تكون  نذل كذا انا اسفه اني اقول كذا بس صدمتني بجد
طق الباب ودخل سكرتير ابوها: انسه سديم رئيس شركه الفيصل وصل
وقفت سديم ووقف حمد بانتظار دخول رئيس شركه الفيصل
دخل وهو لابس ثوب ابيض فخم وغتره بيضاء وساعه الماس وجزمه سودا فخمه:السلام عليكم
سديم وحمد:وعليكم السلام
سديم:تفضل تفضل حياك
جلس وهو مبتسم:ماتذكرتيني انسه سديم؟
سديم بخجل: ههه لا والله اعذرني
هو:انا ثامر اللي سلمت عليك بيوم المؤتمر؟
سديم اللي تذكرت: ايه اهلين فيك تشرفت
حمد: انا طالع تبين
قاطعته سديم وهي تناظرله: اقعد حمد (وناظرته وكانها تقول ياويلك تتطلع)
قعد حمد وهو ساكت
ناظر ثامر حمد من فوق لتحت بعدين لف لسديم وابتسم: انا اعجبني شغلك كثير وانصدمت لما قالوا لي انك اول مره تشتغلين
سديم بسرعه وببراءه: لولا حمد ماكان قدرت اسوي شي هو ساعدني بكل شي
رفع حاجب واحد ثامر وناظر حمد من فوق لتحت:جد؟
سديم بابتسامه:ايه جد
ثامر:اها طيب انا عندي صفقه مع شركتكم
سديم:تفضل
ثامر:نبي نسوي منتجع يكون يشمل جميع افراد العيله من الطفل الى الشايب نبي يكون فيه منتجع صحي ورياضي وترفيهي ويكون فيه كفيهات ومطاعم
سديم:واو شي حلو بس لسى مافهمت وش المطلوب منا؟
ضحك حمد باستهزاء وناظرها بنظره تخق وهو يركي يده ع مكتبها: يعني ايش يبي يبي شركتنا تكون شريكه بالمنتجع
سديم اللي تفشلت بس خقت ع شكل حمد: اها ايه ايه
ناظر ثامر حمد بقهر وناظر سديم وابتسم:وابيك تكونين الرئيسه ع المشروع مو احد غيرك
سديم بصدمه:انا بس هذا مشروع كبير ولسى مافهمت كل شي
ثامر ببتسامه:دامني معك بتفهمين باذن الله وانا واثق فيك
سديم بخوف:انا شاكره لك ثقتك بس بجد انا ما اقدر امسك مشروع زي كذا وشركتنا سعيده بشراكتنا معكم
ثامر: شوفي سديم (طارت عيون حمد من قال سديم حاف) اذا مو انتي مسكتي المشروع اعذريني بدور لي شركه ثانيه
سديم اللي من الخوف ماانتبهت انه قال سديم حاف: لا لا اكيد اني مابيك تسحب شراكتك خلاص موافقه
ابتسم ثامر ووقف: اجل بكرا باذن الله بمرك وانزل الاوراق والمعاملات
سديم وهي تاقف:لسى ماشربت شي استاذ ثامر؟
ثامر بابتسامه تحس وراءها الف مغزى: بنشرب كثير بالايام الجايه اوعدك يلا مع السلامه
سديم اللي مافهمت: مع السلامة (وصلته لين باب مكتبها بعدين كمل معه سكرتير ابوها رجعت للمكتب وقعدت) اف وشلون بمسك شغل زي كذا انا مو قده
وقف حمد وجاء بيطلع
سديم بقهر:حمد وقف قلي وش اسوي؟
لف لها وبقهر:وانا وش دخلني؟ (وطلع وهو معصب)

بـــيـــت ابــووســـن
وقف ابووسن بعصبيه:ايش وشلون مالقتيها؟
الخدامه بخوف:الجناح فاضي
ابووسن وهو يصارخ: الجوري
جاءت الجوري تركض وهي تبعد الخصله عن وجهها وبهدوء:نعم؟
ابووسن: وين اختك؟
ظلت الجوري تناظر له ببلاهه
مسكها بقوه من ذراعها وصار يهزها:تكلمي ليش ساكته؟
ناظرت ابوها بصدمه وصرخت وهي تبكي بقوه
جاء تركي يركض وضم الجوري وبقهر:عمي وشفيك تصارخ عليها هي مالها ذنب
ثواني وكل العيله تجمعت
الجده بقهر: دورتوها بكل البيت؟
نزلت عمتها ام نهى :ماخذه كل اغراضها
قعد ع الكنب ابووسن بصدمه:ايش يعني وشلون وين راحت ومتى ومن وداها؟
ابواحمد (ابوتركي):اكيد انها ببيت امها امش نروح نجيبها
ابووسن وهو ياقف:يلا يلا
صار تركي يناظر لهم وهو يشد الجوري لصدره اكثر وهو يتاملها ""ليش ياوسن تركتيها هي ماتسوى شي دونك ااه"" صحى ع صوت امه وهي تقول
ام احمد: وشفيك ضام البنت كذا اتركها
تركي بشويه عصبيه:يمه هي خايفه حرام
سكتت امه وماردت ولفت وجهها
ابتسم تركي بقوه بوجه الجوري اللي تناظر له وفجأه دفته بقوه عنها وراحت تركض لفوق
الجده: كلمت كنا ناقصين نفسيات
عصب تركي من كلمه جدته: طيب اذا وسن مضايقتكم لهدرجه اذا رجعت انا ابي اتزوجها
لفوا كلهم له بصدمه ..

الجده بصراخ:نعم نعم ولد عبدالاله(ابوتركي) ياخذ بنت الراسي؟
عصب تركي: هي مو بنت الراسي امها بنت الراسي
عمته بقهر وحقد:هي وامها واحد خلي نايف(ابووسن) يعرف وش عواقب انه ياخذ بنت الراسي
انصدم تركي: يعني انتوا تكرهونها عشان بس بنت الراسي؟
الجده بحقد:وجدتها بعد (تقصد ام ام وسن) شايفه روحها علينا ع ايش ياحظي خليها احسن الكل يتكلم باان بنتها تتطلقت وهي بهالعمر
زادت صدمه تركي:انتوا من ايش مخلوقين وسن مالها ذنب
عمته ام هديل:وانت وشفيك مهتم مو انت اللي ضيعت شرفها والا نسيت انك مخطوب لبنتي هديل
ناظرها تركي بقرف وهو ياقف:انا صح غلطت واعترف بس انا ما اكره وسن ولا مخطوب لبنتك خلاص (وطلع وهو مقهور)

شــقـــق الــشــمــس
شــقــه وســـن
كانت قاعده ع الارض جنب الشباك الكبير وتناظر البحر البعيد وتفكر بحياتها ركت راسها ع الجدار اللي وراءها ورجعت بالزمن لليوم اللي دمر حياتها

قــبــل ســنــه تــقــريــبــا
كانت تركض من الدرج وهي تناقز وتغني ولابسه بجامه ناعمه وفوقها جلال بسيط (عشان احمد وتركي يعني تحسبا احد يطلع منهم كانت هي الوحيده اللي من بين بنات عماتها تتغطى): عمرك سمعت بطير ويحب سجانه اااه اااا (دخلت المطبخ وهي تناظر ساعتها كانت تاشر للساعه2:30 ليلا ابتسمت بقوه وهي تتدور حول نفسها وتضحك دخلت المخزن وجابت لها الكيس اللي حطته بالثلاجه المليان حلويات وببسي وشبسات كانت مدخله راسها بالكيس وهي ماشيه بتتطلع من المطبخ بس صدمت بشي رجعت خطوه ع وراء بسرعه رفعت راسها بخوف وبسرعه غطت وجهها بالجلال اللي معها وجاءت بتمشي بس وقف تركي بوجهها ناظرته بخوف) : فيه شي تركي؟
تركي وهو مو قادر يثبت طوله هز راسه
ناظرته وسن بصدمه وخوف: وشفيك؟
تركي وهو يقرب لها وهي ترجع وبهمس:ابيك
بلعت ريقها وسن بصدمه وخوف وهي تشم ريحه غريبه منه عرفت ع طول انه شارب انصدمت من متى تركي يشرب حاولت تبعده عنها بس ماقدرت صارت تدفه بقوه بس هي ماتجي بقوه بنيه وضخامه جسم تركي
دفها بقوه ع الارض وطاح فوقها ومسك يدينها وصار يبوس أي شي تتطيح عليه عيونه
كانت وسن تصارخ وتحاول تبعد يدينه عنها بس ماقدرت حاولت تحرك رجولها اللي حاشره بين رجوله كانت تصرخ باعلى صوتها بس مستحيل احد يسمعها لان المطبخ بااخر البيت مانزلت دموعها ابدا بمحاوله تقوي نفسها
صار يقطع ملابسها بوحشيه
اما وسن فبكل قوتها تحاول تبعده بس ماقدرت
وو ـ ـ ـ ـ ـ ـ
صارت دموعها تنزل ع خدودها وهي تحس بالالم والتعب والارهاق والذل واﻷهانه فجأة لمحت الجوري وهي واقفه عند الباب بقمصيها القصير وشعرها الطويل الاسود وملامحها الطفوليه وعيونها الطايره والدموع تنزل منها وفمها المفتوح
وسن بهمس وهي تشهق:الجوري
بعد تركي عن وسن ووقف وهو يحاول يثبت طوله وصار يترنح وهو يمشي لغرفته
ركضت الجوري لاختها وهي تصيح وبهمس:وسن وسن انتي ميته؟
حاولت تاقف حاولت تسند روحها رفعت يدها للرخام ومسكته وهي تاقف وبهمس:جلالي جلالي
لفت الجوري وسحبت جلال وسن ومدته لها
لفت وسن نفسها فيه وهي تحس بالالم فظيع
صارت الجوري تمسك يدها وهي تمشي فيها دخلت غرفتها وانسدحت ع السرير وهي تتنمى اللي صار قبل شوي يكون حلم والا خيال
الجوري وهي تركض ووتنادي امها وبعدها الكل درى اما تركي اللي كان خايف طلع من البيت والجده والعمات لقوها فرصه انهم ينتقمون من ابتسام فقالوا ان وسن هي اللي راحت لتركي واغرته ولان ابووسن شخص ضعيف الشخصيه وكلام اهله اقنعه رضى وضرب وسن ضرب مبرح ومارضى يصدق ابتسام وصار يردد ان اهلي هم اللي معهم الحق فاخذت ابتسام بناتها وراحت لبيت ابوها ..

فتحت عيونها وسن وهي تمسح دموعها بس ماقدرت توقفها صارت تشهق بقوه طاحت ع الارض وهي تشاهق وتبكي بصوت عالي: ااه يمه ااه اا(هذي الذكرى تالمها هذي الذكرى فقدتها كل شي حلو بحياتها كل شي كل شي)

آه ليت اللي عرفته كلام وينسي
ليته كتاب انكتب وبيدي امسحه
ليته منام وينتهي
وليت التمني ينفع صاحبه ..

بـيـت الـجـد عـبـدالـكـرريـم الـراسـي
دخل ابووسن واخوه وهم يصارخون
طلع لهم الجد بعصبيه:خير خير وين انتوا داخلين ؟
ابووسن بعصبيه:ابي بنتي
ناظرها الجد بصدمه واستغراب:بنتك أي بنت مو انت اخذتهن وش تبي بعد
جت ابتسام تركض وهي متغطيه:وشفيهم بناتي؟
ابواحمد:لاتسوون نفسكم انكم ماتدرون طلعوا وسن بسرعه لانجيب لكم الشرطه ونخلي فضحيتكم ع كل لسان
الجد بعصبيه شديده:قلت ماعندنا ولا بنت لك هنا ويلا اذلف انت واخوك لاوالله انا اللي بجيب لكم الشرطه
ابتسام وهي تبكي مسكت ابوها لانه معه الضغط والسكر: يبه هد نايف وين بناتي وين وسن ياويلي يابنتي وينها ااه اا
بلع ريقه ابووسن وصد وهو يتجنب يناظر لابتسام
شهقت ابتسام وهي تتطيح بالارض ع ركبها وتركض فخوذها:ضيعت بنتي ضيعتها ااه ضيعتها ياناايف الله لا يحللك الله لايوفقك ااه اااه اكيد سوت بنفسها شي اااه ياوسن وينك؟
ابواحمد:لاتقعدين تتونين ـ ـ ـ
قاطعه الجد وهو يصارخ ع العمال اللي عنده:تعالوا طلعوهم برا ولا ابي اشوف وجيههم ثاني مره
صاروا العمال يسحبون ابووسن وابواحمد اللي يتوعد انها اذا كانت عندهم بيوريهم
نزل الجد لمستوى ابتسام وضمها بحنان:بس يابنتي بس
ابتسام وهي تشاهق وتضم ابوها:يبه بنتي بنتي يبه ااه ااه وينها فيه وين راحت وعند من اه ااه ميته والا حيه جوعانه والا شبعانه تعبانه والا مرتاحه اه يابنتي ااه
ضم الجد بنته له اكثر وهو يقول بضيق:خلاص خلاص اكيد انها بخير اكيد

في المــســتـشــفــى
كانت اميره باحد غرف المرضى تنهدت وهي طالعه ركت ظهرها ع الجدار بضيق ""اف وشفيني ليش احس بضيقه فظيعه طيب انا طول عمري وحيده وش فرق الحين ياترى موضوع قمر هو اللي تغير والا رامي رامي وش دخله وش جابه اصلا ببالي ياربي""
جت تركض سوسن:اميره عندنا حاله طوارى بسرعه (ولفت وجهها وراحت تركض)
صحت اميره ع كلام سوسن وراحت تركض وراءها:وشفيه؟
المسعف وهو يدف السرير اللي فيه ولد يمكن عمره 11 او 12:حادث كسور بالرجل وباليد ونزف دم كثير ويقول ابوه انه فيه سرطان دم
ناظرت اميره الولد وكيف بنيه جسمه ضعيفه وهو يتحرك وكله دم ويطلق اهات بلعت ريقها: بس هذا يبي له علاج خااص يعني لازم يروح للدكتور اللي يتعالج عنده؟
المسعف:بس حالته خطيره وفقد دم كثير هو محتاج عمليه ع الاقل لين يستقر حالته وننقله للمستشفى اللي يتعالج فيه
صار الولد يبكي وهو يهمس:يمه يمه
مسحت اميره ع شعره وهي تتدخله العمليات:لاتخاف حبيبي (وهي ماشيه كانت تسمع تعليقات بعض الطلاب بانهم يقولون انه ماله فرصه ينجو) ابتسمت بوجه الولد وكملت مشي معه دخلوا العمليات وكان فيه رامي والوليد ومجموعه من الجراحين
رامي بصوت عالي:الولد حالته خطره لانه مريض بالسرطان نبي باذن الله نطلعه من عندنا وهو حي وانتوا (يقصد الطلاب) انتبهوا لان العمليه مهمه وخطيره

الــبـــحـــــر
وقف فهد بعصبيه:ايش متى رحتي له؟
تنهدت قمر:رحت له يوم كنا متزاعلين
قعد فهد وهو يناظر لها:سوا لك شي قالك شي ضايقكك؟
ابتسمت قمر ع خفيف:لا بالعكس (صارت تتامل البحر) تصدق فهد احس ابوي صادق بمشاعره احسه يحبني صدق
فهد بهمس:قمر
قاطعته وهي تلف له:لا جد(صارت تتامل ملامح فهد اللي تقول عكس كلامها لفت وجهها للبحر وهزت كتفها بعدم اهتمام) شكلي انا اللي ابي اصدق هو مايحبني هو يحب نفسه وبس يحب الفلوس ومنصبه زي عبدالعزيز
تنهد فهد ومد يده يبي يمسك يدها بس رجع يده بحضنه وسكت وهو يتامل البحر بهدوء
ابتسمت قمر: فهد بقولك شي بس امانه ماابيك تزعل ..
ابتسم:طيب ماراح ازعل الله يستر قوليلي
قمر نزلت راسها شوي بعدين رفعته وناظرت عيونه : ابي ادور لي شقه
ناظرها فهد بصدمه:شقه يعني تبين تتركينا؟
قمر بسرعه:لا فهد وش هذا الكلام انا مالي بعد الله الا انت اقصد انتوا ونور ومنيره بس انا ااف فهد افمهني تعبت من النومه بالبقاله ارهقت بجد ابي ادور لي شقه قريبه يعني اجيها ع رجولي للبقالة فهد بديت انسى اني بنت بديت اضيع نفسي تخيل حتى لما اكون لحالي ماارمي ملابسي الرجاليه تعبت بجد فهد حس فيني
ناظرها فهد بتامل وسكت شوي بعدين قال:وتسكنين لحالك واذا صار لك شي؟
ابتسمت قمر بعفويه: ابي ادور ع شقق عوايل وتكون قريبه من هنا عشان تكونون جنبي دايم
فهد وهو متردد: بس وش بتقولين لابوي ومشاري ؟
سكتت قمر شوي بعدين قالت:عاد اقدر اقنعهم بس مشكله انهم بيدرون اني بسكن بشقق عوايل وش اسوي؟
تنهد فهد شوي بعدين قال:ايه صح قوليلي انه هذي الشقه لابوك من زمان (بس كانه تذكر شي) وشلون بتدفعين الايجار؟
ابتسمت قمر:عمي (تقصد ابوفهد) كل شهر يدفع لي وانا مااصرفه باي شي وعندي مبلغ كنت مجمعته من قبل
هز راسه فهد وناظرها وهو يتنقل بين ملامحها:انتي متاكده؟
ابتسمت قمر بقوه:ايه متاكده بس ابيها قريبه
ابتسم فهد ووقف:اكيد ابيها تكون قريبه (ومشى باتجاه السياره)
صارت تناظره قمر وسرحت صحت ع صوته وهو يصارخ ويناديها وقفت بسرعه وراحت له ..

شــقـــق الــشــمـــس
شــقـــه وســــن
دخل تركي وهو معصب وصفق الباب وراءه بقوة بس وقف بصدمه وهو يشوف وسن اللي بالارض ركض لها ونزل لمستواها بسرعه ورفعها وهو يطق خدها:وسن وسن
فتحت عيونها ع خفيف وفجاه دفته بقوه ولصقت بالزاويه اللي وراءها وهي تلم جسمها بخوف
ناظرها بصدمه وكيف هي خايفه منه كانت نايمه بس اثار الدموع واضحه ع وجهها وعيونها وخشمها الحمر نزل راسه ووقف وقعد ع ابعد كنب وقال بهدوء:البيت كله قايم وقاعد عليك وابوك وابوي راحوا لامك ع بالهم انك عندها
سكتت وسن وغمضت عيونها بقوه وبلعت ريقها وهي تحاول تمحي الذكرى من بالها وقفت بس حست بدوخه ركت يدها ع الجدار وماقدرت تثبت طولها
انتبه لها تركي وركض لها بس وقف لانها حطت يدها قدامه وكانها تقوله لاتقرب رجع خطوه وبهمس:وسن
تنهدت وركت ظهرها ع الجدار وهي مغمضه عيونها دقايق وفتحت عيونها وراحت للغرفه وهي تقفل الباب ورمت نفسها ع السرير بتعب

بـــيـــت ابــوســديـــم
جـــنــاح ســاره
كانوا كل الخوات متجمعات ويسولفون
سديم:ااف احس اني مو قد المشروع
ريناد:يوه منك سدييم صيري واثقه شوي سويتي مؤتمر دولي مو عجزانه عن مشروع؟
ريوف باستغراب:بس ليش هذا اللي اسمه ثامر مايبي احد يمسك المشروع الا انتي؟
ساره: ايه صح ليش؟
هزت كتفها سديم:مدري بس هو يقول انو اعجبه شغلي بالمؤتمر
ابتسمت ريناد وبمياعه:اوه يعني مافيه شي من الاعجاب ولا حب؟
طارت عيون سديم:هيه هيه وش اعجاب وش حب خليك ساكته بس
رغد:لا سديم انتي تحبين حمد صح؟
كلهن ناظرن سديم اللي صار وجهها الوان وصرخت: مااحب احد مالت عليكن اصلا مو الشرهه عليكن الشرهه علي اللي قاعده معكن (ورمت المخده الصغيره ع ريناد وطلعت وهي تتحلطم)
صارن كلهن يضحكن ع ان سديم تفشلت ويعلقن عليها

بـــيــت حــلا
وقفت حلا بصدمه:ايش؟
ام حلا باستغراب: وش فيك الولد خطبك وابوك يمدحه وهو ولد صديقه واخلاقه عاليه وموظف
حلا بانفعال غريب:لا لا ماابي اتزوج ماابي
انصدمت ام حلا وقالت بشك: ليش فيه شي؟
حلا وهي تصيح: يمه ماابي ماابي (وراحت تركض لغرفتها)
وقفت ام حلا بصدمه من تصرف بنتها الغريب وسوال واحد يدور براسها ياترى فيه احد ببالها؟

غـــرفـــة حــلا
صارت تبكي بقوة وهي تشد الوساده لصدرها ""سلمان وينك انا ماابي الا انت اانا احبك انت انت وبس"" مسكت جوالها وهي تناظر رقمه بس رمت جوالها جنبها وكملت صياحها

الــصـــالـــه
وقف ابوحلا بانفعال:ايش وليش رفضت وهي حتى مافكرت؟
ام حلا وهي تحاول تهديه:اهدا اكيد البنت استحت والا شي لاتخاف انا بتكلم معها
ابوحلا وهو يجلس:ايه تكلمي معها لاني خلاص عطيت الرجال كلمه
انصدمت ام حلا:ايش وشلون تسوي كذا والبنت لسى ماوافقت؟
ابوحلا:وليش ترفض الولد كامل وماالكامل الا لله اخلاق ونسب ووظيفه وعنده شقه ويصلي ولله الحمد ليش ترفض اقنعيها والا ترى بتاخذه بالغصب (ووقف وطلع من كل البيت)
تنهدت ام حلا بضيق وهي تضرب فخوذها:الله يستر الله يستر""خلني ادق ع شهد اكيد تقدر تتفاهم معها""
اخذت جوالها ودقت ع شهد وقالت لها السالفه وطلبت منها تجي ..

بــــيــــت ســلــمـــان
وقف سلمان بعصبيه:ايش ايش خير يبه بزر انا تخطب لي ولا تقولي يبه وش هذا الكلام انا ماافكر ابدا باالزواج الحين
وقف ابوسلمان بعصبيه:ايش تعصي كلامي وتبي تفشلني قدام الرجال وابو البنت انت تدري انه اعز اصدقائي وبنته متربيه واخلاق وجميله وتدرس وش تبي اكثر من كذا؟
سلمان""حلا"":  يبه انا ماابي اتزوج وخلاص بعدين كيف تخطب ولا تقول لي انا اللي بتزوج
ابوسلمان وهو يرفع حاجب:يعني افهم انك تعصي كلمتي؟
ام سلمان وهي تمسك زوجها وتهديه لانه معه القلب:اهدا ياابوسلمان (وناظرت سلمان بقوه) وسلمان مايقصد كذا هو بس يعني عصب انك ماقلت له قبل وهو موافق
ناظر سلمان ابوه وامه وضرب برجله الارض بقوه وطلع من كل البيت بعصبيه ويسب ويلعن باالبنت

بـــيـــت حــــلا
غـــرفـــه حــلا
شهد وهي تضم حلا وبحنان:حلو خلاص وشفيك ليش ماتبين الولد الكل يمدحه واكيد بتنسين هالي اسمه سلمان
شهقت حلا بقوه: احبه احبه ياشهد
كانت واقفه بصدمه وهي ماسكه مقبض الباب:من اللي تحبينه؟
لفوا كلهن بصدمه لام حلا اللي واقفه عند الباب
حلا بخوف وصدمه:يمه
اتجهت لها وبعصبيه:تكلمي من هذا وشلون تعرفينه تكلمي؟
شهد وهي تاقف وتمسك خالتها:خالتي هدي هي ماتقصد احد
ام حلا وهي تدف شهد وصفقت حلا كف:راح تتزوجين الولد غصبا عنك (والتفت وكانها تدور شي سحبت الجوال وطلعت وهي تصارخ)
لفت شهد بسرعه لحلا وركضت لها ومسكت كتوفها:حلا حلا انتي بخير؟
شهقت حلا بقوة:شهد ماابيه ابي سلمان يارب يموت وافتك منه
انصدمت شهد وبسرعه:لاتدعين عليه حلا حرام هو وش ذنبه خلاص حبيبتي خلاص
حلا:ماسمعتي امي ايش قالت ؟ ضربتني عشانه ماابيه
سكتت شهد وهي تضم حلا اكثر لصدرها وهي محتاره ايش بيدها تسوي؟ ..

في المـــســتــشــفــى

كان صووت جهاز نبضات القلب بغرفه العمليات
سحب الوليد جهاز شحن القلب وهو يصرخ:بعدوا(وحطه ع الولد مره ورفع راسه يشوف بس مافيه أي تجاوب وسوا ثاني مره)
كانت اميره واقفه وهي مصدومه وتشوف جسم الولد الصغير يرتفع وينزل بقوه السرير نزلت دموعها غصبا عنها تخيلت انه اخوها نادر لانه بنفس عمره بس هذا الولد مره نحيف وضعيف حطت يدها ع فمها تمنع شهقاتها
رامي وهو يناظر الجهاز سحب القفازات من يدها بقوه ورماها ع الارض:اعلن الوفاة الساعه 7:30 دقيقه الله يرحمه
تنهد الوليد وهو ينزل الجهاز اللي بيده:الله يرحمه تبلغ اهله ؟
رامي:لا انا تعبت اليوم بلغت عائلتين عن عيالهم انت بلغهم
الوليد:اقول رامي وش رايك نخلي احد الطلاب هو اللي يبلغ عشان يتعلمون؟
سكت رامي شوي ورفع عيونه وهو يتنقل بينهم لمح اميره اللي تبكي:وشفيك؟
رفعت راسها اميره وهزت راسها بلا:ولا شي
رامي:اذا بتبكين كل مامات احد بالعمليات فاحسن لك اتركي الطب كله
ناظرته اميره بصدمه وقهر كيف مايحس هذا طفل؟
رامي:اميره امشي معي عشان تبلغين اهله
انصدمت اميره مستحيل تسوي كذا مستحيل كيف تبلغ ام بان ولدها مات وشلون: ايش لا مستحيل
رامي:قلت راح تبلغينهم لازم تتعلمين انتي وغيرك كيف تبلغون اهل عن حالة المريض
الوليد بطيبه:اميره اول شي حاولي تكونين طبيعيه وبعدين ابدي باعتذار وان هذا قضاء الله وقدره وبعدين قوليلي ان حنا سوينا اللي نقدر عليه وقوليلي انا اسفه بس ولدكم عطاكم عمره
ناظرته اميره بصدمه وشلون بقول لاهل ولدكم عطاكم عمره وشلون بس وش بيدها هي مجبوره هزت راسها ومشت
طلعوا من العمليات وهم يمشون بالممر وجنبها رامي تمنت ان الممر يطول ولا توصل ابدا
قبل ماتفتح الباب ناظرها رامي:اميره لاتخافين
ناظرته ياالله كيف هو متناقض هزت راسها:طيب (اخذت نفس عميق وطلعت صارت تناظر لهم كان فيه رجال ومراه وجنبهم بنت يمكن بالثانويه بلعت ريقها)
نطوا كلهم لها وهم يناظرون لها
الرجال:تكفين يابنتي طمنيني عن ولدي؟
اميره:ااا ااا(لفت وجهها وناظرت رامي اللي حرك راسه وكانه يقول قولي رجعت تناظر الرجال)  انت تعرف ياعمي ان كل شي بيد الله والاعمار بيد الله وحنا سوينا اللي (ماكملت كلامها لان المراه طاحت ع الارض وهي تصارخ)
المراه:اااااه ااا ولدي مات  ااه لا لاا اااه
صارت البنت تضم امها وهي تبكي معها:بس يمه بس
طاح الرجال ع الكرسي وهو يبكي وبهمس:انا السبب انا السبب انا كنت مسرع
اميره وهي تبكي قعدت جنب الرجال وبانفعال:لاتقول كذا ياعمي الاعمار بيد الله وهو مكتوب له يموت بهذا اليوم وبعدين هو باذن الله بيكون طير من طيور الجنبه وبيشفع لك انت وامه لاتقول كذا ياعمي انت مالك ذنب مالك ذنب
ناظر اميره وهز راسه وهو يغطي وجهه بيدينه وصار يبكي بصوت عالي
وقفت اميره وهي تبعد لفت وجهها وراحت تركض برا المستشفى طلعت للحديقه وقعدت ع اقرب كرسي وهي تغطي وجهها وتبكي بقوه
قعد جنبها رامي وبهدوء:كنتي ممتازه
رفعت راسها وناظرته وبعصبيه:انت وشلون تكون كذا بدون أي احساس
وقفت وراحت تمشي بعصبيه وقهر ..

الـــبـــحــــر
سلمان وهو يلعب بجواله وعيونه ع البحر حس باللي طق كتفه وقعد جنبه ناظره وقال بضيق:مشاري
ابتسم مشاري ولف يده حول رقبه سلمان:يارجال هونها وتهون
تنهد سلماان من قلب:راح اخذ غيرها (وناظر مشاري وعلامات الاستفهام ع معالم وجهه) يعني وشلون يامشاري خلاص كل شي انتهى ماتوقعت اني بيوم بحب بنت اكلمها
مشاري:سلمان اسمع ماتدري يمكن خيره لك يعني يمكن الله ارسل لك هذي البنت عشان تنسى حلا؟
سكت سلمان شوي بعدين قال:ااه مدري مدري
مشاري:طيب كلم حلا وقل لها يمكن ترتاح؟
سلمان وهو متردد:وش اقول؟
مشاري:أي شي دق
تنهد سلمان ودق بس ارتسمت عليه علامات خيبه الامل:مقفل شكلي سواء رضيت والا لا ابوي البنت عاجبته ويبيها
مشاري بمزح:اوه يالرجال من كان يتوقع ان سلمان يتزوج اولنا؟
سلمان اللي ابتسم بس بعدين ضحك:ههههه تتذكر اول كان كلنا متوقعين اول واحد يتزوج فهد هههه واخر واحد انا
مشاري:هههه الله يازين ايام الثانويه والضحك والهستره
سلمان:ههه تتذكر وش كنا نسوي بالمعلمين؟
مشاري:هههه وانا اهاوشكم اقول حرام مساكين
سلماان اللي انفجر ضحك:  ههههه لا لا تتذكر مشاري كنا كل ماسوينا شي نحطها براسك عشانك مؤدب ولا يهاوشونك؟
مشاري اللي انفجر هو بعد ضحك: هههههه ايه وانا الغبي اطلع من الاداره واكلمكم عادي ولا كان صار شي
سلمان:ههههه والا نسالك بكل ثقه هاه وش صار؟
مشاري: هههههههههه ااه بطني هههه
ابتسم سلمان بقوه ووقف: تتدري يمكن انسى حلا؟
وقف مشاري معه وابتسم بقوه:ان شاء الله يلا امش نروح لاي مطعم
سلمان:يلا قدام ..

#يـــــتــــبـــــع....