رواية أكابر و اقول فراقه عادي و انا في داخلي اصرخ تكفون جيبوه الفصل الحادي عشر 11 - بقلم HaboOoshy

شــقــق الــشــمــــس
شـــقـــة وســـن
فتحت باب الغرفه دخلت المطبخ فتحت الثلاجه وسحبت لها عصير تفاح فتحته وشربت شوي ونزلته ع الرخام غمضت عيونها وتنهدت ورجعت فتحتها صارت تتامل الشقه وكيف هي وحيده فيها مشت للشباك وصارت تناظر البحر اللي مو بعيد مرا صارت تتامل امواجه الهايته اللي تضرب ببعضها بقوة وكانها غضبانه ابتسمت ""مسكين انت ياالبحر الناس تجي تشكي لك مايدرون انك دوم غضبان  مجروح اكثر منهم ياترى كم واحد مر عليك وشكى لك الف مليون ااااه"" تراكت ع الشباك والتفت لباب الشقه اللي انفتح ودخل منه تركي
تركي:السلام عليكم
تعدلت بوقفتها وبهدوء تام:وعليكم السلام
ابتسم تركي بهدوء وقعد ع اقرب كنب:وشفيه شكلك كذا كانك بعزاء
اتجهت وسن للمطبخ المكشوف ع الصاله وسحبت علبه ماء وهي تفتح وشربت شوي بعدين قالت: وانا يعني بايش (حبت تغير الموضوع) وش صار بالبيت ابوي هدا والا لا؟
ناظرها تركي:لا ماهدوا يدورونك لين الحين
وسن بتردد: و الجوري؟
ناظرها تركي بتامل:الجوري شفتها اليوم الصبح قاعده بالحديقه وترسم
هزت راسها وسن بهدوء وسكتت
تركي: ماتبين تعرفين وش كانت ترسم؟
وسن وهي تتجه للغرفه وبضيق:لا
وقف تركي:كانت ترسمك يا وسن سالتني وين اختي ليش تركتني مثل ابوي وامي وسسن
لفت له وهي تصيح وبصراخ:بس بس خلاص اتركني اكرهك انت السبب انت السبب (لفت وجهها ودخلت الغرفه)
تنهد بصوت عالي وقعد ع الكرسي وهو يمسك شعره بيدينه وغمض عيونه""ماكان لازم اقول كذا ماكان لازم بس انا كان قصدي تجيب الجوري هنا بس هذا اللي كنت اقصده ااف صدق انا غبي""

ســيــاره فــهـــد
فهد بزهق: اف خلاص قمر زهقت من صباح الله خير وحنا نفر من شقه لشقه
قمر:ااف خلاص روح للبقاله
فهد:يلا
قمر وهي تلفت صرخت:فهد فهد شوف هذي الشقق
فهد وهو يوقف ع جنب ويقرا اسم الشقق""الشمس"": اف يلا انزلي نشوف
قمر بابتسامه: ولا قريبه مرا للبقاله
فهد ناظرها وهو منقهر لانه من الصبح وهو يدور
ضحكت قمر ع شكله:هههه يلا فهود هذي اخر شقق نمرها خلاص؟
رفع اصبعه فهد:اخر شقق؟
قمر:ههه ايه
وقفوا عند الحارس وقال فهد:السلام عليكم
الحارس:وعليكم السلام
فهد:عندكم شقه فاضيه؟
الحارس:بس هذي شقق عوايل
فهد: ايه عارف انا بستاجرها لمراه
الحارس:اها ايه فيه
ناظروا بعض وابتسمت قمر اما فهد لف للرجال:طيب نقدر نشوفها؟
الحارس: تفضلوا
طلعوا المصعد وكان فهد متقدم قمر فجاه حس بشخص صدمه بقوة ولف:ااه
تركي وهو يناظر فهد وقال بقهر:اسف اسف اخوي (وتعداهم ومشى)
فهد : وشفيه هذا اعمى؟
قمر بهمس:ماعليك منه يلا امش نشوف الشقه
فتح لهم الحارس وطلع
صارت قمر تتامل الشقه كانت صاله وسيعه وكبيره وفيها كنب كلاسيكي بااللون الاسود ومرمي عليه مخدات باالوان بيضاء وفوشيه وقدامه طاوله قزاز اطرافها خشبي والمطبخ مكشوف ع الصاله وفيه حمام وفيه ثلاث غرف دخلت اول غرفه كان فيها اثاث حلو ومرتب وداخلها حمام واما الغرفتين الثانيات فكانن فاضيات ابتسمت وهي تشوف الشباك الكبير حطت يدها ع الشباك وصارت تتامل البحر اللي مو بعيد لفت لفهد:فهد ابيها
فهد وهو يتاملها:حلوه والله اجل خلينا نشوف بكم ونتفق معه
قمر ابتسمت ومشت وراء فهد اللي طالع من الشقه

شــــركـــه ابــوســديـــم
دخلت سديم وهي معصبه ماتدري ليش بس مزاجها اليوم معكر بقوة دخلت مكتبها وقعدت وصارت تحوس بالارواق فجاه انطق الباب:ادخل
دخل حمد وقعد وهو ساكت
ناظرته سديم باستغراب:وشفيك حتى السلام ماسلمت؟
تنهد حمد وناظر سديم بنظرات هي مافهمتها
سديم بخوف خالطه استغراب:وشفيه؟
حمد غمض عيونه وبعدين رجع فتحهم:اقدر اقولك شي؟
سديم باستغراب:اكيد
حمد وهو يحط يده فوق المكتب وبحماس:شوفي ابعدي عن ثامر احسن لك
سديم اللي زاد استغرابها:ليش؟
حمد:تراه مو زين وسمعته مرا سيئه انا سالت عنه وو
قاطعته سديم بعصبيه:وانت من سمح لك تسال عنه؟
سكت حمد وبصدمه: انا اا
سديم وهي تنزل راسها للاوراق:اذا كنت خلصت كلامك فتفضل لان عندي شغل كثير
انقهر حمد بقوه لان هذي ثاني مره تتطرده وقف بعصبيه:احسن خليه ينفعك واتفلي بوجهي اذا شفتيني ثاني مره بمكتبك (طلع بعد ماصفق الباب بكل قوته)
رفعت راسها سديم بصدمه""يعني ايش يعني ماراح يصير نائبي لالا  ماراح يسويها""

بــــيـــت الــراســــي
ابتسام وهي تصيح بهدوء:ااه اا
تنهدت فوز وهي تحط يدها ع ظهر اختها:بس بس ياابتسام انا اكثر وحده اعرف وسن وهي مستحيل تسوي بنفسها شي
ابتسام اللي صوتها رايح من البكي: انا خايفه عليها ي افوز من عيال الحرام هي طلعت بنص الليالي والسواقين كلهم يقولون انهم ماودها يعني وشلون يعني مع من راحت ااه يابنتي وين ارضك من سماءك؟
تنهدت فوز بقهر:كله بسبة هالمجنون ابوها
الجد بحده:فوز بس اختك مو ناقصه (حاست فوز بفمها بقهر) وانتي ياابتسام قلت لك هدي انا ارسلت رجال يدورونها والمحامي يقول ان هذا من صالحنا نقدر نتهم نايف بانه مل يقدر يهتم بالبنات
شهقت ابتسام ووقفت بعصبيه:انا مايهمني الحين الا بنتي بس ابي بنتي ااه اه(وراحت تمشي للمصعد بقهر وخوف وغضب)
ناظروا بعض فوز وابوها وكلهم من داخلهم يسبون ويلعون نايف واهله

في المــســـتــشــفــى
دخل رامي متاخر بغير عادته وهو يمشي بسرعه دخل مكتبه وانصدم وهو يشوف ع المكتب باقه ورد كبيره لونها احمر وبجنبها كيس تقدم له وفتحه وكان فيه علبه شوكولاته ماكنتوش الكبيره افضل شوكلاته عنده وكرت مكتوب فيه احبك
عقد حواجبه باستغراب ""من اللي مرسلها؟؟"" صحى بارتباك ع صوت اميره ودخل الكرت ولف لها:نعم
اميره اللي حست بارتباكه وانتبهت للورد والكيس: انا اسفه ع اني عصبت امس عليك انا كنت متضايقه من اللي صار ادري انه قضاء وقدر وكلنا بنموت بس كان طفل ااه عموما انا اسفه ع اللي قلته لك (ولفت وجهها تبي تتطلع)
رامي:اميره لحظه
لفت له وناظرته باستغراب:نعم؟
رامي: شفتي احد دخل مكتبي؟
اميره وهي تهز راسها بعلامه لا:لا ماشفت احد
هز راسه رامي بعلامه ايجاب وشال الباقه والكيس وبلهجه حاده:تقدرين ترمينها معك بااقرب زباله؟
انصدمت اميره منه وحست بلهجته كانه عرف من اللي جاب هاالورد والكيس هزت راسها بسرعه:اكيد اكيد (اخذتها منه وطلعت وهي تمشي بالسيب وقفت عند الزباله تبي ترميها بس وقفها صوت من وراءها لفت باستغراب للمراه): نعم؟
المراه بحده:من وين لك هذي الورد والكيس ليش اخذتيها من مكتب رامي؟
ناظرتها اميره بصدمه وقالت باستحقار:ومن انتي؟
المراه: مالك شغل (وسحبت الورد والكيس بهمجيه ودفاشه من يدين اميره)
اميره اللي اجرحت يدها بااظافر المراه:ااه انتي مجنونه والا ايش؟
المراه وهي تعدل الورد والكيس وبحقد:ايه مجنونه خوذيها ورجعيها له بسرعه
اميره بقهر وهي تناظر يدها:خدامه عندك؟
طلع رامي باستغراب ع صوت اميره العالي:اميره وشفـ ـ ـ (سكت وماكمل لانه تحت تاثير الصدمه)
اميره بقهر وهي تاقف جنبه:هذي مدري وشفيها صارت تسحب مني الاغراض وجرحت يدي
ناظر رامي يد اميره بعدين ناظر المراه وبهدوء مخيف:اطلعي برا
المراه اللي بدت تصيح:سامحني ياوليدي انت اا
قاطعها رامي بصوت عالي  ومسك المراه من ذراعها بقوه:انقلعي ولا تقولين ولدي لاانك مو امي
انصدمت اميرة ""امه""
المراه اللي انهارت وهي تبكي:لاتسوي فيني كذا انا احبك وربي احبك
رامي باستهزاء وهو يتركها بقوه:تحبيني من متى؟ (بحقد) انتي تخليتي عني وانا عمري 6 سنوات ع االك مااذكر كيف كنت اركض وراءك واسحبك عشان ماتتركيني والا شكلي لما طحت وتجرحت وانا اركض وراء السياره اللي اخذتك وش تبين بعد هاالعمر (وبهدوء يحزن) روحي روحي(لف وجهه ودخل المكتب بعد ماسكره بقوه)
صارت اميره تتامل الباب اللي دخل منه رامي """ياالله قد ايش حياتك صعبه وانا اللي كنت احسب اني بااعظم هم ياالله يارامي قد أيش استحملت الوحده واليتم وكلام النااس ماالومك لما تكون شخصيه غاضبه ااه"" لفت وناظرت المراه اللي تمشي وتبكي بقوه تنهدت وطقت الباب بهدوء ع رامي اللي مارد دخلت وبهمس:دكتور؟
كان معطيها ظهره وهو جالس ع الكرسي:اطلعي برا
انصدمت اميره يبكي لا مستحيل رامي يبكي؟

لف وجهه بسرعه عنها وبصوت عالي:انتي غبيه قلت اطلعي
اميره باصرار:مو طالعه خلاص انت لازم تتكلم انت تعبان من الكتمان مايصير كذا رامي
رفع راسه لها وبقهر:ايش تبيني اقول اطلعي
اميره وهي تناظر دموعه حست بالالم ماتدري ليش حست بشعور غريب نزلت ع ركبها وبهمس:رامي
لف وناظرها وهو يشوفها جالسه ع ركبها قريب منه وماقال أي شي
اميره وهي تنزل عيونها شوي بعدين رفعتها:لاتبكي خلاص انت  مادري بس مابي اشوفك كذا ااه تكلم فضفض قولي اللي فيك عادي مافيها شي لو تكلمت
رامي وهو يتامل عيونها:وش تبيني اقول تبيني اقول اني شفت ابوي يضرب امي وهي تبكي وتصارخ كان عمري 6 سنوات بس مافهمت ليش ابوي يسوي كذا باامي كان ع بالي انها ماتت صار ابوي يسحبها وهو يطردها برا البيت كنت اصارخ وابكي واتمسك بعبايتها بس هي دفتني بقوه عنها بس كنت طفل ماافهم شي صرت الحقها صرت اركض وراء السياره بالشارع طحت بقوه وتجرحت بس مايأست كملت ركض وراء السياره ع بالي انها بترجع بس هي مارجعت صاروا الاولاد يعايروني بالمدرسه بولد الصايعه ولا اا ااه ماكنت افهم أي شي من اللي يقولونه كنت احس ان الكل شفقان علي لما ادخل مكان يضموني ويقول مسكين والا حرام (عصد حواجبه) كنت ماانام الا وماسك صورتها وابكي واناديها مااحد فهمني ليش هي تركتني اهتمت فيني عمتي خلود صرت وكاني ولدها كان زوجها ميت قريب وماعندها الا ازهار ربتني بفلوس ابوي ااه ماصدقت خلصت الثانوي وسافرت برا وكلمت دراستي ماتصدقين كيف ماتمنيت اني ارجع للبلج ابدا كانوا الشباب يقولون مشتاق لامي والا اشقتت لاهلي كانوا اهلهم يكلمونهم وامهاتهم يرسلون لهم اغراض الا انا ماحد كان مهتم فيني كان من تجي العطله كلهم يسافرون لاهلهم الا انا اخذت الاول ع الدفعه لاني دايم ادرس وادرس ماقد سويت شي بحياتي غير الدراسه ولما رجعت قالوا لي خطبنا لك ازهار كل شي بحياتي هم تحكموا فيه كل شي اخذتها عشان خلود هي اللي ربتني ماكنت ابيها لاني كنت اعدها اخت لي بس ماقدرت ارفض وبيوم دخلت وسمعتها وهي تكلم واحد ياالله يااميره ماتعرفين كيف حسيت (غمض عيوونه وسكت دقايق بعدين رجع يتكلم وضحك باستهزاء وناظر اميره وهو يهز راسه) ماقدرت اضربها مدري ليش ما قدرت حتى اتكلم الشي الوحيد اللي سويته اني قلت لها البسي ووديتها بيت امها وطلقتها ماقدرت افضحها عند الكل والكل لامني ااه
اميره اللي صارت تبكي:رامي انت مالك ذنب فاهم
ناظرها بصدمه اول مره احد يبكي عشانه توسعت عيونه وفتح فمه شوي وهو مصدوم
اميره بعصبيه:اذا امك خانتك وابوك مااهتم فيك والا عمتك تتمنن عليك بانها ربتك والا اصدقاءك ماحسوا فيك ولا زوجه ماتستحقك فاانت عظيم تدري ليش لانك ماضعفت وبنيت نفسك بنفسك انت مفروض تفتخر انت واجهت كل الصعوبات بنفسك ومااحد ساعدك انت شخص الناس مافهموه (اوقفت وهي تحرك يدينها) مو ذنببك هذا ذنببهم انت لازم تومن انك شخص عظيم وفوق الناس العادين واذا امك جاءت الحين كلمها (ورجعت نزلت ع ركبها) تدري ليش افهم منها وش السبب وش الشي الناقص بحياتك.يمكن عندها عذؤ(هدت وبدون شعور مدت يدها وامسحت دمعه من عينه) لاتنزل دموعك ع ناس ماتسوى
ناظرها بصدمه بس لما لمست خده غمض عيونه حركتها حركة شي بداخله شي كان ساكن بس ياترى ايش هورجع فتحها وبهمس:اميره (وكان الكلام كله خلص)

أحيان من كثر الحكي تسكت وماقلت الحكي !
تـتزاحم بـ راسـك طــوابير الجُمل|وتصـدّهآ

وأحيان من كثر الدمع .. ماعاد يمديك البَكي
كل مآتخونك دمعتك تشهق بهآ .. وتردها..

بـــعـــد يـــوووم ــيـــن
قـــمــــر
قنعت ابوفهد ومشاري وقالت زي ماقال لها فهد بان هذي الشقه كانت حقت ابوها وكذا صح زعلوا وبالذات ابوفهد وهي وعدته انها تشتغل زي ماكانت بس النومه تروح هناك ومشاري تفهم الوضع بس يحس بشك .

ســـديــــم
بدت المشروع مع ثامر ولها يومين ماشافت حمد ومحتاسه دونه بس تقنع نفسها انه بس فتره وبيرجع من نفسه

ووســــــن
ع نفس حالها وعلاقتها مع تركي محدوده لاابعد حد بس يجيب اغراض ويروح وتهاوشت معه بانها ماتبي شي منه ولا تبيه يجيب أي شي لها وطبعا ابوها وعمانها لسى يدورونها بس مالقوا لها أي اثر

أمــيـــرة
من بعد موقفها مع رامي صارت تتجنبه بشكل مو طبيعي وكل ماتتذكر اللي سويته تستحي حست نفسها انها كانت جرئيه معه ويمكن تهرب من المشاعر اللي اجتاحت قلبها فجأه

الـــبـــقــالـــه
قمر وهي تقعد وراء الكاشير بتعب لانها نقلت كل اغراضها بالشقه ورتبتها و رجعت للبقاله
ابوفهد:ليش رجعت كان ارتحت هناك شوي بعدين جيت
قمر بابتسامه:لا عمي عادي انا كذا مرتاح
ابوفهد:ايه براحتك يلا قوم معي بنروح نتعشى ببيتنا
قمر: لا عمي اا
ابوفهد:اقول قم قم
قمر:هههه طيب
قاموا وطلعوا بعد ماسكروا البقاله لان الساعه صارت 11 دخلوا البيت وقعدوا بالملحق وصاروا يسالفون
دخل فهد اللي مادرى ان قمر هنا كان لابس بنطلون بجامه قطني لونه اسود ساده بدون بلوزه: يبه ماشفت بلـوـ ـ (انصدم وهو يشوف قمر قاعده)
قمر اللي حست بخجل مو طبيعي لانه بدون بلوزه  نزلت عيونها بالارض
ابوفهد باستغراب: ماشفت ايش؟
فهد اللي حس باحراج هو بعد: بلوزتي كانت هنا
ابوفهد وهو يتلفت:شوفها بجنب فارس
ناظرت قمر البلوزه اللي جنبها بالضبط
فهد بخجل:ممكن؟
قمر وهي ترفع عيونها شوي شوي بلعت ريقها:هاه؟
ابوفهد وهو يناظر لهم باستغراب:وش فيكم كانكم بنت و ولد
ناظروا ابوفهد وبحركه سريعه قمر مدت البلوزه له وفهد سحبها ولبسها وهو يضحك: وش يبه بنت وولد؟ (وناظر قمر بطرف عينه) تراك يبه تجرح ناس
ابوفهد:ههههههههه
رفعت قمر حاجب وهي راسمه ابتسامه خفيفه
ناظرها فهد وابتسم بقوى كانوا يهبلون
قمر:لا جد؟
فهد :ايه جد
لفت وجهها لانها ماتقدر ترد
ابوفهد:هههه فهد اترك فارس بحاله هذا ولدي وترا ماارضى عليه
ابتسمت قمر بقوه:يالبى عمي ياناس ذوق مو مثل بعض الناس (بعد ماخزت فهد بمزح لفت لعمها) ياربي ياعمي ليش الله بلاك بولد مثله؟
ابوفهد وهو يكمل مع قمر:شفت يافارس الله يصبرني بس
قمر وابوفهد:هههههههه
فهد وهو ياقف ويبتسم بقوة :اها يعني تعاونتوا علي؟
قمر بخوف مازح تمسكت بذراع عمها:عمي وش يبي يسوي لايكون بيضربنا اسمع فهد ترا انا مالي دخل ابوك هو اللي بدى
ابوفهد وهو يدف قمر بمزح:لاابو هالوجه الحين قلبت علي؟
فهد وهو رافع حااجب ويقرب لقمر:لا باالله؟؟
قمر وهي تمثل البراءه:ههه والله
نط فهد ع قمر وصار يضربها بوكسات طبعا بمزح
صارت قمر تضحك بصوت عالي
كان فهد مستمر وهو مبسوط ويضحك من ضحكها
ابوفهد بابتسامه:بس يافهد قطعت بطن الولد
تركها فهد وهو يدفها بحركه سريعه
بس قمر طارت بجد وطاحت ع جنب وهي ترمش بصدمه
ابوفهد وفهد اللي سكتوا شوي بعدين انفجروا ضحك ع شكلها: ههههههه
كانت بتهاوش بس من سمعت ضحكهم وناظرت نفسها انفجرت هي بعد:هههههههه ..

كانت مها جايه وهي ماسكه صينيه فيها صحون السلطه والملاعق و وراءها منى شايله صحن الرز
مها بابتسامه:ياالبى الضحكه ياناس ااه بس اروح انا
منى وهي تخزها بطرف عينها:يالليل الحب اقول طقي الباب بس طقي خلينا نذلف داخل تلقين الحين خوله ونواره قضوا ع كل الاكل
مها بخقه:مو مهم دامه بياكل كااني انا اكلت
منى: اف اقول طقي بس طقي
ضحكت مها ع شكل منى اللي تنرفزت:ههه طيب طيب اعصابك (طقت الباب وفتح فهد واخذ الصحون ودخلهن) وهو يقول وكانه زعلان: يلا اطفح
قمر:ههه اطفح هاه (لفت لابوفهد) عمي شوف ولدك مايعرف بااصول الضيافه
فهد:الحين انت ضيف بالله اول مره اشوف ضيف كل ساعه عندي
قمر:ههه عاد انا حر ضيف ثقيل دم وبعدين البيت بيت عمي مو بيتك
فهد:اقول اا ـ ـ
قاطعه ابوفهد:بسسس قسم بالله اطفال انطم انت وهو ويلا اطفحوا
قمر وفهد بعد ماناظروا بعض : هههههههه
ابتسم ابوفهد وضحك معهم بس هم نرفزه:ههههه

في المــســتــشــفــى
كانت اميره طالعه من المستشفى لان دوامها خلص ناظرت الساعه وشافتها 12:30 بالليل ""ااف وين راح السواق بعد"" مشت لين اول البوابه ودقت عليه : الو خان وينك ايه تعال عند بوابه كل يوم ايه يلا(وسكرته وقعدت ع اقرب كرسي تنتظره يجي)
صار فيه شاب رايح جاي ويرمي كلام ويغازل
اميره اللي كانت اصلا زهقانه وهو زادها:اا ف اقول تقلع من هنا لااوريك شغلك
الشاب:يالبى هالعيون والرموش ياناس
اميره اللي وقفت بنرفزه:قله ادب (طلعت جوالها وهي معصبه) انت وينك ااف (صار يقول السواق ان فيه واحد وقف سيارته ونزل بسرعه دون مايحركها من الشارع) ااف طيب طيب انا بجيك انت بالمواقف؟
السواق:ايه
اميره:طيب يلا(وسكرت السماعه ومشت لجهه المواقف بزهق ووقفت بااول المواقف وهي تلفت ""هذا الزفت وينه اف ناقصته انا"") وبصوت عالي: اااف
الشاب وهو يقرب:سلامتك من الزهق
حست اميره بخوف ولفت له وبصراخ: قلت لك تقلع انت ما تفهم ناس اغبياء ببجد (حست بخوف لان المواقف فاضيه والسواق الزفت ع قولتها ماتدري وينه طلعت جوالها ودقت عليه وعطاها مشغول طارت عيونها"" لا بعد يعطيني مشغول اورريه الحيوان"")
الشاب:خليني اوصلك
لفت له اميره وناظرته باستحقار:اقول تسهل احسن لك (ولفت وجهها فجاه حست بيده صارت ع فمها صارت تحاول تبعده عنها بس ماتقدر تصارخ لان يده ع فمها رفعها وطاحت شنطتها وهي تضربه فجاه تركها بقوه وطاحت لفت وهي تشوف رامي)
كان طالع لسيارته بموقفها المعتاد بس انصدم وهو يشوف الشاب ماسك اميره ركض له وسحبه بقوة وطاح فيه ضرب
كانت اميره واقفه بصدمه وذهول لثواني فجاه ركضت لهم وصارت تسحب رامي من فوق الشاب:اتركه اتركه رامي
دفها رامي بقوة ع الارض:يا حيوان ياسافل
اميره اللي تالمت بس قاا
مت ع طول وهي تسحبه بقوة: رامي اتركه اتركه الولد بيموت اتركه
لف وجهه رامي وناظرها بس الولد استغل الفرصه ومخشه باظافره ع وجهه وخلاه يطيح وراح يركض
وقف بسرعه رامي بس اميره مسكته من ثوبه بيدينها الثنتين وصراخ:يا مجنون اتركه خلاص راح
دفها بقوه ولف لها وهو يناظر لها وبصراخ:سوى لك شي تكلمي
اميره اللي شهقت وبدون شعور حطت يدها ع خده:خدك انجرح شفت يامجنون وش سويت (مسكته من معصمه وكانه طفل وهي تسحبه) امش اشوف جرحك
كان يمشي وراءها بدون وعي لمستها تحرك شعور غريب فيه مايعرفه
دخلت وهي تقعده باقرب غرفه كشف وسحبت المعقم وصارت تمسح خده صارت تناظر للجرح بتمعن:احمد ربك جت بسيطه
رامي بهدوء وهو يتاملها:كان
قاطعته وهي ترمي اللزقه: كنت بقدر ادبر نفسي (لفت وجهها بس هو مسكها من معصمها بلعت ريقها ولفت له)
دخل الوليد:هذا انت وانا ـ ـ (سكت وهو يناظر لهم باستغراب)
ترك يدها بسرعه ولف وجهه اما اميره نزلت راسها وتعدت الوليد بسرعه وطلعت
صار الوليد يناظرها لين ماطلعت ولف لرامي وبعصبييه: رامي وش اللي بينك وبين هذي البنت؟

تنهد رامي وصد وجهه وهو معقد حواجبه بضيق
صار الوليد يناظر ثوب رامي المقطع وشكله المبهذل وجروح الاظافر ع وجهه وشعره منفوش:وانت ليش شكلك كذا وش هذا الجرح؟
تنهد رامي وبهدوء ينرفز:ولاشي
تقدم الوليد ومسك الزقه يبي يحطها: رامي انا كل مره ادخل اشوفك بشكل معها انت تحبها ؟
رفع راسه وناظر الوليد بصدمه وفهاوه وبهمس:احبها (نزل راسه وسحب الزقه من يد الوليد وحطها لنفسه ووقف يبي يطلع)
الوليد بعصبييه:هذي اللي تركت ازهار عشانها (وصرخ لما شاف رامي كمل طريقه) تركت ازهار عشان اميرة؟
لف بسرعه رامي وبعصبيه رفع يده بتهديد:لاتقول هذين الاسمين مع بعض فاهم؟
انصدم الوليد:رامي لاتنسى اني صديقك وولد عمتك وازهار بنت خالتي مااقدر اشوفك تتركها عشان وحده زي ـ ـ
صرخ رامي وهو يمسك الوليد من ثوبه والشرار يتطاير من عيونه:قلت لك لا تقول اسمهن مع بعض لاتجمع الطهر من القذاره فاهم (ودفه وطلع بعصبيه للمجهول)

بــمــكــان اول مــره نـزوره
انسدح ع ظهره وهو راسم ابتسامه مكر وخبث وحاط يد تحت رقبته واليد الثانيه ماسك الصوره ويتاملها وضحك""طحتي ياقمر وماحد سمى عليك"":هههههههه

شـــقــق الــشــمـــس
شـــقـــه قـــمــــر
دخلت وهي ترمي نفسها ع السرير غمضت عيونها وصارت تتامل هي وين وصلت ""ياالله معقوله مر شهرين وانا مع فهد (ابتسمت وهي تتذكر اول يوم شافته )سبحان الله ماكنت اتوقع ان هذا الشاب بيكون اقرب شخص لي اه يارب احميه واستر علي"" فتحت عيونها ووقفت واتجهت للشباك بالصاله وحطت يدها ع القزاز وهي تتامل البحر وابتسمت ابتسامه واسعه ""الحين يمه بدت الدنيا تضحك لي""
ماتدري وش مخبي لك الزمن ياقمر..

يـــوم جــديــد
صــبــاح جـديــد
شـــركـــه ابــوســديـــم
سديم بصدمة ""يعني هذا من جده "" قطع افكارها دخول السكرتير
السكرتير:انسه سديم الاستاذ ثامر ينتظرك تحت عشان تروحون للموقع
ناظرته وقالت بتساول:تعرف وين حمد؟
السكرتير:ايه رجع لشغله القديم مدير المحاسبه بالدور الثالث
انصدمت سديم ""لهدرجه مايبي يشتغل معي"" : طيب اقدر اطلب من طلب؟
السكرتير اللي استغرب بس بسرعه قال:اكيد
سديم:اسمع اشغل الاستاذ ثامر شوي وانا بجي الحين خلاص؟
السكرتير اللي استغرب طلبها:طيب نزلت سديم بسرعه بالمصعد للدور الثالث ودخلته انصدمت وهي تشوف مكاتب كثير ماتفصل بينها الا قزاز بين كل مكتب ومكتب وكانوا كلهم رجال بلعت ريقها بخوف وهي تدوره بعيونها
صاروا الرجال يطقون بعض وياشرون عليها ويتهامسون باستغراب
بسام وهو يضرب حمد اللي يكتب:شف من هنا
رفع راسه حمد باستغراب للمكان اللي ياشر عليه بسام وناظر سديم ببرود وصد:طيب؟
بسام اللي انقهر من برود حمد:وشي اللي طيب اكيد تبيك قوم شفها
ابتسم حمد ع جنب:ومن متى تهتم مو انت تكرهها؟
سكت بسام وقال بصوت عالي:انسه سديم
لفت سديم له وناظرته باستغراب لانها ماتذكرته
بسام:حمد هنا

رفع راسه حمد لبسام بقهر وبهمس:ياحيوان والله مالك داعي
اتجهت سديم له وسمعت اخر كلمه سكتت وهي تناظرله قعدت ع الكرسي اللي قدام مكتبه وهي حاسه بعيون كل الرجال لهم وبهمس:لو سمحت ممكن اعرف ليش سويت كذا ؟
حمد وهو لسى يكتب:بس حبيت ارجع لشغلي القديم ما ارتحت بالشغل الجديد
ناظرته سديم وبقهر:ما ارتحت للشغل والا ماارتحت لي ؟
رفع راسه وناظرها بصدمه وهو يشوف شي يلمع بعيونها ""تبكي لهدرجه هي حساسه "" بلع ريقه وسوا نفسه مشغول باللي معه:لا  اقصد مدري بس انا احب شغلي هذا
سديم بنفس الهمس وهي تحس بغصه:طيب وانا من يساعدني ومشروع ثامر ماعرف فيه أي شي وغير كذا هو يبيني اروح معه للموقع وابوي يقول عادي بس انا (نزلت راسها وبنفس الهمس) خايفه
رفع راسه وصار يناظر لها بصدمه وفهاوه وماتكلم
وقفت وهي تحاول تمنع دموعها تنزل وبغصه:اصلا لو عندي اخ والا احد يهتم فيني كان ماصار كذا (ومشت بين الرجال اللي يتهامسون فيها دخلت المصعد وهي تمسح دموعها صارت تناظر الدمعه اللي بيدها"" وشفيني ليش اصيح عشاني مو مهمه عنده والا شي ثاني وشفيني ليش احسه جرحني""
طلعت من المصعد وادخلت الحمام وضبطت لثمتها وطلعت من الشركه وهي تشوف السكرتير يسولف مع ثامر رفعت راسها وكملت مشيها لهم:السلام عليكم
ثامر:وعليكم السلام
السكرتير:اجل انا استئذان تبين شي انسه سديم؟
سديم وهي منزله راسها:لا شكرا
هز راسه السكرتير ورجع للشركه
ابتسم ثامر وفتح باب السياره لها:تفضلي
ناظرته سديم بتكشيره ولما جت تدخل رجلها
كان يلهث من الركض:للحظه ااه لحظه
سديم بدون شعور وبفرحه:حمد
ناظرهم ثامر باستغراب ورفع حاجب باستحقار لحمد
ابتسم حمد بوجهها واشر بيده:اركبي
ركبت سديم بسرعه طبعا وراء وثامر قدام جنب السواق اما حمد فركب وراء جنب سديم بس بعيد عنها هي عند شباك وهو عند الشباك الثاني كانت سياره ثامر همر اسود
لفت سديم وناظرت حمد اللي ناظرها وابتسم ابتسمت بخفه ولفت وجهها للشباك بهدوء وهي تتامل الشوارع ..

بـــيـــت ابــوســديـــم
ساره وهي تصارخ بعصبيه: اااف طفشت
ام سديم وهي تحط يدينها ع اذونها: وجعه ان شاء الله ليش تصارخين وش اسوي لك يعني؟
ساره وهي تتطلع جوالها ودقت ع اميره:بكلم اميره
ام سديم:كلميها يمكن افتك من صراخك
ابتسمت ساره لامها:الوو
اميره:اهلين
ساره:وينك فيه؟
اميره:هذا انا داخله للمستشفى
ساره: ااف بطق من الزهق ماتقدرين ماتتداومين اليوم؟
اميره """ودي يااساره"" وجتها فكره:وش رايك تجين عندي بالمستشفى؟
ساره بتفكير:والله؟
اميره:اايه(وبضيق) بعد عندي لك سالفه
ساره اللي حست با اميره: طيب مسافه الطريق بس يلا باي
اميره:باي

بـــيــت ابــوســـن
ابووسن وهو يقعد وماسك راسه:انا بجن وين راحت ماخليت مستشفى ولا مركز شرطه الا دورت فيه وين بتكون؟
ابواحمد:طيب مالها صديقات؟
ابووسن وهو يناظر الجوري:الجوري تعرفين صديقات وسن؟
الجور بهدوء وملامح خاليه من أي تعبير غريبه ع طفله بعمرها:الا فوز
ابواحمد:من فوز خلنا نروح لها طيب
ابووسن وهو يتنهد:فوز خالتها
تنهد ابواحمد وبعصبيه:وين راحت بنتك هذي؟
الجده باستهزاء:استغفرالله يمكن مراها واحد تعرفه
رفع راسه وناظر امه بقهر ووقف: يمه لاتقولين كذا
ضحكت الجده باستهزاء وصدت عنه
دخل تركي وقعد جنب الجوري وابتسم: تبين حلاوه؟
الجوري بهدوء وعيونها بالارض:لا
حزن تركي ع حالها ومسك يدها وبهمس:بقولك شي بس لاتقولين لاحد لانه سر بيننا
رفعت راسها وناظرته بتشوق:سر؟
تركي بنفس الهمس:ايه هاه موافقه؟
هزت راسها الجوري: ايه
ضحك ع خفيف تركي :طيب روحي البسي لبس حلو وباخذك مكان بيعجبك بس هاه تراه سر لااحد يدري
هزت راسها الجوري بفرحها وراحت تركض فوق ولبستها الخدامه ونزلت ولقت تركي بالحديقه وبهمس:تركي
لف لها وابتسم ونزل لمستواها ومسك يدينها الصغيره:هلا
الجوري وهي تنزل راسها:ابوي لو درى بيعصب
ابتسم تركي وشالها:ماعليك انا قلت له (وسحب خشمها وهو عاض ع شفايفه) ههه
ضحكت الجوري بخفه وهي تلف يدينها الصغيره حول رقبة تركي

بـــيـــت حـــلا
دخلت المطبخ ع امها وبضيق:يمه
بس ام حلا ماردت عليها لانها زعلانه عليها من سمعتها ذاك اليوم وشافت جوالها (المكالمات _ الرسائل)
حلا وهي تصيح: يمه ردي ع لي تكفين يمه (قالت بصوت عالي شوي وبقهر) خلاص انا موافقه اخذ هالزفت
لفت لها امها وابتسمت بحنيه قربت لبنتها وضمتها:شوفي حبيبتي مافيه احسن من الحلال وهذا اللي كنتي تكلمينه تراه كذاب وكلهم ذئاب بشريه وانا واثقه انك ماطلعتي معه
شدت نفسها لصدر امها اكثر وهي تبكي اشهقت:لا ماطلعت
ابتسمت امها بحنيه وضمتها اكثر:ابوك يمدح الولد وانا تعرفت ع امه ناس طيبه واكيد انه بيسعدك
بعدت عن امها وهي تشهق:ااه اه طيب (نزلت راسها وطلعت من المطبخ وهي محتاره ياترى صدق هذا الزوج بينسيها سلمان زي ماالكل يقول) ..

الــمــلاهـــــي
كانت الجوري تركض من لعبه للعبه بفرحه وتركي يمشي وراءها وهو مبتسم لف وهو يناظر وسن اللي غصبها تجي وصار يتاملها وهو يتذكر كيف ضمت الجوري لما شافتها يوم جابها للشقه وقالها نبي نروح للملاهي باﻷول رفضت بعدين وافقت
وسن بدون ماتناظر له:ليش تناظر لي؟
لف تركي وجه بسرعه عنها وسكت
وسن وهي تبتسم للجوري اللي تضحك وتحرك يدها لها
صار تركي يتاملها ولف وناظر الجوري اللي نزلت وطاحت بحضن وسن اللي تضمها بقوه ويضحكون تخيل بس للحظه ان وسن زوجته والجوري بنته ياترى بيكون مبسوط؟
الجوري:تركي تركي
ابتسم تركي ونزل لمستواها:ياعيونه؟
الجوري:ابي غزل بنات
وسن بسرعه:الجوري عيب
شال تركي الجوري ومشى فيها للهندي اللي يبع غزل البنات وجاب ثنتين عطى وحده الجوري والثانيه مدها لوسن:تفضلي
وسن بهدوء:مابي
تركي:الا عاد تاخذينه
الجوري وهي تنقز: وسن وسن خوذيه
ابتسمت وسن لاختها واخذته
الجوري نقزت ومسكت يد تركي وباليد الثانيه وسن وصارت تمشي فيها
نزلت راسها وسن بخجل حست وكان تركي زوجها والجوري بنتها
ابتسم تركي وهو يناظر لهن يحس انه مبسوط معهن
لفت نظرها وسن عربيه كلها اكسسورات تقدمت لها وصارت تتاملها بهدوء
وقف جنبها تركي بدون مايناظر لها:وشي اللي اعجبتك (كانت العربيه كلها سلاسل وخواتم بس)
ناظرته وسن بهدوء بعدين رجعت ناظرت العربيه: ولاشي بس ابي اتفرج
السوري اللي كان يبيع يكلم تركي:شوف هيدي السلسال اشترها لزوجتك بتحبها كتير
ابتسم تركي وناظر وسن اللي بانت علامات الصدمه عليها ولفت وجهها ومشت
تركي بابتسامه وناظر خاتم بسيط لونه ذهبي وفيه من الكرستال ع شكل فراشه بيضاء بس اذا جت ع الانوار يبان اللون البنفسجي والبرتقالي كانت وسن ماسكته اول ماجاء:لا ابي هذا بكم؟
السوري:بـ50
دفع له تركي وحطها السوري بعلبه اخذه تركي وحطه بجيبه وقرب لهن: تبون نتعشى ونمشي لان تاخرنا
وسن بهمس:تركي انت ماقلت لابوي صح انك بتاخذ الجوري؟
تركي وهو يشيل الجوري:لا
وسن بقهر وهي تمشي وراء تركي اللي مشى وتركها:ليش ماقلت له؟
تركي وهو يلعب الجوري:هههه (وبدون مايناظر وسن) لانه ماراح يرضى (وماعطاها مجال ترد) الجوري تبين ماك والا هرفي؟
الجوري بسررعه:ماك
تركي:ههههه
ناظرته وسن بقهر وشدت ع يدينها وصدت عنه بس ابتسمت للجوري لانها كانت تناظر لها
قعدوا ع الطاولات وراح تركي يطلب
الجوري بهدوء:وسن
ابتسمت وسن بقوه:هلا حبيبتي
الجوري:وسن ليش ماترجعين عندي ماحد يسولف معي ولا احد يحبني
بلعت ريقها وسن وشدت ع يد الجوري وابتسمت:انتي احسن كذا
الجوري اللي مافهمت وش تقصد وسن: ااف وسن انتي عايشه مع تركي؟
وسن بهدوء:ايه
الجوري:يعني تزوجتوا؟
وسن بسرعه وخوف:لا
الجوري وهي تعقد حواجبها:ليش انا اول ماكنت احبه بس وسن هو طيب والله من رحتي هو يلعب معي ويجيب لي حلوى كل يوم وسن تزوجيه وانا بجي اقعد معكم وسن انتي ماتحبيني صح عشان كذا تركتيني؟
انصدمت وسن ووقفت وقعدت ع ركبها قدام كرسي الجوري ومسكت يدينها: لاتقولين كذا فاهمة انا احبك بس ماقدر اخذك عندي  ماقدر وبس خلاص؟
هزت راسها الجوري ونزلت يدينها وراسها وضمت رقبة وسن
ضمت وسن جسم الجوري الصغير لصدرها وهي ساكته بضيق وتحرك يدينها ع ظهر الجوري
تركي وهو يحط الاكل ع الطاوله وابتسم:يعني جاءكم الحب؟
سكتت وسن وبعدت الجوري عنها وقعدت ع الكرسي وهي ساكته فتحت وجبه الجوري والعصير لها وابتسمت بقوه بوجه الجوري وماردت ع تركي

شــقـــق الــشــمـــس
شـــقـــه قـــمـــر
كانت قاعده بالصاله وتناظر التلفزيون فجاه صارت تسمع صوت صراخ واشياء تنضرب كتمت صوت التلفزيون و ركضت لباب الشقه وصارت تناظر من العين السحريه وعرفت ان الصوت من الشقه اللي قبالها ""وشفيهم ايه صح هذي الشقه فيها بنت شفتها ذاك اليوم تدخلها"" استغربت وهي تسمع صوت صار اقوى ""وش اسوي يمكن احد دخل عليها ااف وش اسوي "" لفت ولبست عبايتها اخذت نفس ومسكت جوالها ودقت دقه وفصلت ع فهد (هي متفقه مع فهد اذا احتاجت تدق وتفصل معناها تعال) طلعت ودقت الجرس ع الشقه فجاه سكت الصوت ودقت الجرس ثاني مره

شـــقــــه وســـــن
وهي تصيح وبصراخ:بعد عني ماتفهم ماابي اطلع ماابي اروح أي مكان ماابي خلاص تعبت
تركي بعصبيه:انتي ماتفهمين ابوك وابوي يمكن باي للحظه يجون انتي غبيه؟
وسن وهي ترمي التحف اللي جنبها وبصراخ :ااه ااه قلت ماابي خلاص
كان بيتكلم تركي بس دق الجرس خلاه يسكت اشر لوسن تسكت
شهقت وسن من البكي وسكتت
تقدم تركي للباب وناظر من العين السحريه وشاف بنت استغرب وفتح الباب:نعم ؟

قمر وهي تخزه بقوه ماعطته وجهه ولفت لوسن واستغربت شكلها وناظرت التحفه المتكسره:اختي فيك شي محتاجه شي؟
تركي وهو يطلع بجسمه بسرعه للدرج صار يسمع صوت ابوه مسك وسن من معصمها ودفها ع قمر:خوذيها لشقتك بسرعه
انصدمت قمر وبحركه تلقائيه دخلت وسن شقتها وسكرت الباب عليهم ووقفت بذهول تناظر وسن و وسن نفس الشي بس قطع ذهولها جوالها ردت بسرعه:الو
فهد اللي شكله يركض:وشفيك؟؟
قمر اللي لسى مصدومه:لا  ولاشي
فهد: قمر وشفيك؟
قمر:ولاشي ولاشي انا اسفه خلاص اكلمك بعدين
فهد باستغراب:اكيد؟
قمر:ايه اكيد اكيد يلا باي
فهد بهدوء:باي

صارت قمر تناظر وسن اللي شكلها مكسوره وتعبانه ابتسمت قمر ومسكتها من كتوفها وقعدتها ع الكنب:ثواني اجيب لك ماء (جابت ماء ومدت الكوب لوسن)
اخذته وسن بسرعه وشربته كله ونزلته وصارت تلعب بيدينها بارتباك
قمر باستغراب ""ياترى وشفيها "" :اا انا قمر وانتي؟
وسن بهمس وهي منزله راسها:وسن
ابتسمت قمر:عاشت الاسامي
وسن بنفس الهمس:عاشت ايامك ( رفعت عيونها بقلق وخوف لباب الشقه)
قمر وهي تلف للمكان اللي تناظر له وسن وصارت تسمع اصوات رجال عاليه ولفت لوسن وهي تشوف خوفها ولون وجهها قلب بدون شعور مدت يدها ومسكت يد وسن وابتسمت:لاتخافين
رفعت راسها وسن وناظرت قمر بقلق وصدت
شــــقــــه ووســــــن
بعد ماشاف وسن دخلت مع البنت الشقه سكر باب الشقه وثانيه بس ودق الجرس قعد شوي وفتحه وسوا نفسه مستغرب:يبه عمي؟
ابووسن وهو يدف تركي:وينها هاه وينها؟
ابواحمد:ليش تخبيها ياتركي تكلم تشوفنا ماخلينا مكان الا دورنها فيه وساكت؟
تركي وهو لسى يمثل الاستغراب:وشفيكم تراني مو فاهم شي؟
ابواحمد:لا مو فاهم اقصد وسن
تركي وهو يسوي نفسه مصدوم:وسن لحظه لحظه انتوا قصدكم ان وسن عندي هنا؟
ابووسن وهي يفتح الغرف:ايه
تركي وهو مسوي عمره معصب:ومن قال لكم ان وسن عندي؟؟
ابووسن:الجوري
انصدم تركي وقال بفهاوه:الجوري (بس قال بسرعه) ومن وين جابت الجوري هذا الكلام؟
ابواحمد:حنا سالنها وين وديتها ومع من قالت لنا كل السالفه فعشان كذا احسن لك طلعها
تركي اللي عصب بجد:الجوري تكذب ايه انا وديتها للملاهي بس وسن ماهي معنا واذا مو مصدقيني دوروا بكل الشقه انا طالع (طلع وصفق الباب وراءه ودق ع شقه قمر)
وسن اللي ضمت قمر بقوه بخوف
انصدمت قمر من رده فعلها وبهدوء:لاتخافين بشوف من (بعدت وسن عنها وطلعت فتحت الباب)
دخل تركي بسرعه واتجه لوسن:اسمعي لاتتحركين من هنا ابوي وابوك بالشقه واكيد بيراقبونها يلا انا بطلع بسرعه عشان مايشكون (طلع جواله وحطه بحضنها) خليه معك خلاص يلا باي (مشى بس وقف ولف لها وبصوت رجولي) وسن انا معك لاتخافين (قالها وطلع بسرعه وهو يسكر الباب)
لفت قمر وهي تشوف وسن اللي عيونها متجهه للفراغ وترمش بصدمه وفمها مفتوح وماسكه بيدينها الجوال قعدت جنبها:وسن اسمعي انا ساكنه هنا لحالي قومي ارتاحي بغرفتي (وقفتها وودتها للسرير وحطت الجوال فوق الكومدينه وسكرت الانوار وطلعت"" ياترى وش قصة هذي البنت وش سالفتها )

بـــيــــت حــلا
ابوحلا:اسمعي ياحلا الملكه الخميس هذا الزواج بعد 3 اسابيع
وقفت بصدمه صح هي وافقت بس مو بهذي السرعه نزلت دموعها وقعدت عند رجول ابوها اللي جالس:يبه تكفى ابوس يدينك مابي اتزوج  ع الاقل مو الحيين تكفى يبه
صار يناظر عيون بنته وتذكر لما قالت له مرته ان حلا تحب واحد تحولت نظرات العطف لغضب ووقف مايبي يمد يده عليها:انا قلت اللي عندي تجهزي (ومشى وخلها)
غطت وجهها بيدينها وهي تشاهق ""اكرهك اكرهك (تقصد زوجها)""

الـــمـــوقـــــع
كانت سديم واقفه وتناظر الارض الكبيره مرا وتتاملها
ثامر وهو ياقف جنبها:هاه وشرايك؟
سديم ببراءه لفت لحمد اللي جنبها:وشرايك؟
انقهر ثامر انها وجهت سؤالها له وكانها ماتعرف تمشي امورها الا برايه
حمد وهو يتاملها:حلو الموقع و واضح ع الشارع
سديم:ايه صح انا بعد اقول كذا (ولفت لثامر) خلاص اتفقنا ع هذا الموقع
ثامر بدون نفس:ايه خلاص (ولف وجهه يكلم واحد من العمال)
سديم وهي تناظر الموقع بتمعن: حمد؟
لف ناظرها حمد بدون مايقول أي شي
نزلت راسها بعدين رفعته وناظرته:ليش جيت؟
عقد حواجبه ""صح انا ليش جيت"" : ايه مو انتي قلتي لو عندك اخ كان راح معك خلاص
ناظرته بصدمه وبخيبه امل:اخ؟
حمد بارتباك:ايه ايه(لف وجهه ومشى بس وقف شوي وهو عاض ع شفايفه)
ناظرت سديم ظهره ونزلت راسها""وشفيني ليش تضايقت لما قال انه زي اخوي بس لا انا مابيه اخ انا اجل وش تبينه ياسديم حبيب لا لا وش هذا مستحيل انا احب ايه مستحيل بس ليش مستحيل اف خلاص"" رفعت راسها وناظرت ظهره بتامل
وقف جنبها ثامر وبابتسامه:خلينا نروح نتغدا بمطعم سديم:مطعم باي مناسبه؟
ثامر: بمناسبه بدايه المشروع؟
سكتت سديم وناظرت حمد بتامل وبضيقه:لا مابي مشكور
ثامر:انا عاد مصر وخلي البدي قارد يروح معنا
سديم بقهر وبدون شعور:ماهو بدي قارد هذا نائب المدير العام (ومشت باتجاه حمد) حمد ثامر عازمنا ع مطعم تبينا نروح؟
حمد وهو يخز ثامر اللي ماكان اقل منه خز:لا
هزت راسها سديم:طيب ثامر اسفه خلها مره ثانيه
ماشال ثامر عيونه الحاقده عن حمد بس لف وابتسم لسديم:طيب تبينا نوصلك لبيتك؟
سكتت سديم شوي بصراحه هي تبي ترتاح تحس نفسها تعبانه: طيب
ثامر:اجل خلونا نمشي
مشى حمد وبنفس الوقت مشى ثامر وتصادموا بالكتوف وقفوا وصاروا يناظرون بعض بحقد وبنظرات مرعبه وكل واحد رافع حاجبه
ابتسم ثامر باستسخاف بوجهه حمد وناظر حمد من فوق لتحت باستحقار وبهمس:ماراح تاخذها لانها فوق فوق وانت (بعد عن اذن حمد واشر بيده بمعنى تحت) تحت (ضحك وطبطب ع كتف حمد ومشى)

ركبت سديم السياره واستغربت وقوف حمد قالت بصوت عالي:حمد يلا
حمد اللي كان لسى تحت تاثير الصدمه رفع راسه وناظر سديم وناظر ثامر اللي يركب السياره ويلبس النظاره وراسم ابتسامه ع شفايفه:جاي (ومشى بقوه وثبات)

شـــقــق الــشــمــس
شــقــه قـــمــر
قمر وهي تكلم فهد بالصاله وتقوله اللي صار:بس
فهد بعصبيه:قمر وشلون تسوين كذا فرضا" وراءهم بلوه يمكن هربانين من اهلهم؟
قمر بقهر:يعني انت نظرتك اللي يهرب من اهله وراءه بلوه يعني هذي نظرتك لي؟
انصدم فهد:قمر انتي وش دخلك؟
قمر:لاني انا وهي نفس الشي كلنا ساكنين لحالنا كلنا وراءنا حزن مخفي انا شفته بعيونها يافهد اعرفه لاني جربته شفت الخوف اللي عشت فيه سنين شفتها مع شاب ينقذها هاه ماهي مثلي؟
فهد وهو يتنهد:قمر انا ماكان قصدي بس انا خايف عليك بس
سكتت قمر شوي بعدين قالت:لاتخاف انا ماعدت قمر الضعيفه انا تغيرت واقدر ادافع عن نفسي
ابتسم فهد:ادري بس ولو اخاف
ابتسمت قمر وسكتت حست بصوت بالغرفه:شوف فهد شكلها قامت اكلمك بعدين طيب ؟
فهد:طيب طمنيني خلاص؟
قمر:اكيد يلا باي
فهد:باي
وقفت قمر ودخلت الجوال بجيب بنطلونها واتجهت للغرفه طقت الباب بعدين فتحته شافت وسن واقفه عند النافذه وخصلات شعرها تتطير مع الهواء ابتسمت قمر وقربت لها:جوعانه؟
لفت لها وسن شوي بعدين رجعت ناظرت للبحر البعيد:سمعتك تتكلمين ماكنت اقصد اتسمع بس(لفت لقمر) سمعتك تقولين انك مثلي وان فيك حزن مخفي وخوف جد فيك؟
ابتسمت قمر وقعدت ع طرف السرير وتنهدت بعمق:لو بقولك قصتي ماراح تصدقيني بتقولين من أي مسلسل ماخذتها بس انا ماكذبت ولا بحرف ايه (رفعت عيونها وناظرت عيون وسن)ىانا اعرف الحزن اللي بعيونك تحسين انك ضايعة انك ميته بس بنفس الوقت حيه تحسين انك كل شي تغير بحياتك بلحظه تحسين بتانيب الضمير (وبلهجه حماسيه) تحسين ان فيه شخص مفروض يكون موجود بس ماهو موجود؟؟شخص ماتدرين منهو شخص تحسين انه مفروض يخلصك من كل هالالم (ابتسمت ووقفت)هذا اللي تحسين فيه صح؟؟
ناظرته لها وسن بصدمه وهي فاتحه فمها وترمش بعيونها وتنتقل بين ملامح قمر: انتي وش دراك؟

قمر بنفس الابتسامه:قلت لك انا مريت بنفس اللي انتي مريتي فيه يمكن قصتنا مختلفه بس الاكيد ان مشاعرنا وحده
قعدت وسن ع السرير سكتت شوي وهي منزله راسها بعدين رفعته وناظرت قمر:انتي فيه احد اغتصبك؟
انصدمت قمر: لا لا
ابتسمت وسن ع جنب وسكتت ورفعت راسها ثاني مره لقمر:انا ايه كان شخص احترمه شخص ماله أي اهميه بحياتي الا انه ولد عمي كان عندي ام واب واخت كنت مبسوطه بحياتي صح ان ابوي كان ضعيف شخصيه وامه واخواته يتحكمون فيه بس ع الاقل كان يحبنا كان يحب امي وبيوم كل شي تتدمر كل شي كل شي نزلت بس ابي اجيب الحلويات اللي شاريتها عشان الفلم بس وكان هناك واقف وهو سكران واخذ مني اعز ما املك وقدام اختي ( رفعت راسها وهي تبكي وبانفعاليه) اختي اللي ماتعدت 9 سنوات شافتني شافته وهو يغتصبني ااه ااه ما قدرت استحمل اشوفها كانت واقفه ومتمسكه بالباب بخوف ومرعوبه من اللي يصير دمرني دمر طفوله اختي دمر زواج امي وابوي اه اه ااااه
بكت قمر غصبا عنها وسحبت وسن لصدرها وضمتها بقوه ووسن ابدا ماعارضت طاحت بحضن قمر وهي تمسكها بقوة وتبكي

بـــيــــت عــبــدالــعــزيــز
ابتسم وهو ماسك الشيك بيده""ااه ياقمر وربي هانت هانت سنتين سنتين بعيد عنك ياترى كرهتيني بس وربي وانا اخوك هانت مابقى الا القليل وربي القليل انتظري انتظري اخوك انتظريه""
جاءت نوف من وراءه:حبو
حط الشيك بسرعه بجيبه ولف لها وهو يبتسم بالغصب:اهلين روحي""ياكرهي لك ااه بس استحمل عشان عيونك ياقمر اصبري اصبري""

شـــقـــق الــشــمــس
شـــقــه قـــمــــر
الــســـ8:30ص ــاعـــه
صحت قمر وهي تفرك عيونها بتعب لفت ع السرير جنبها وانتبهت لوسن اللي نايمه بعمق ابتسمت اول مره تحس بانها سوت شي حتى لو مو شي ثمين او غالي اول مره تحس ان فيه احد عاش زيها او تحس ان فيه احد مر باللي مرت فيه
اوقفت بسرعه وادخلت الحمام تسبحت تحس نفسها نشيطه بغير العاده ابتسمت وهي طالعه فتحت الدرج وطلعت برمودا وسيعه اسود وبلوزه حمراء بعد وسيعه ونص كم وفوقها جكيت اسود علاق طويل شوي وفيه كاب لبستهم ووقفت قدام المرايه واخذت شوي من الجل وبعثرت شعرها فيه وبخت عطر رجالي قعدت ع الكرسي و لبست شراب ابيض قصير وجزمه سبور اسود ربطت خيوطها ووقفت بس لما جت بتتطلع
صحت من النوم وهي تحس اول مره من سنتين تنام براحه كذا بس انصدمت وهي تشوف قمر لابسه لبس اولاد وصايره كانها ولد وبصدمه وفهاوه:قمر؟
بلعت قمر ريقها ماكان ودها وسن تشوفها كذا يعني كانت تبي هي تقولها لفت لها وناظرتها:هلا؟
وسن بصدمه: ليش مسويه بعمرك كذا (حست بخوف) وشفيك؟
نزلت قمر راسها بعدين رفعته: تذكريني اني قلت لك ان قصتي غريبه ولا راح تصدقينها؟
وسن اللي لسى مصدومه:اا ايه ايه
ابتسمت قمر:ايه اسمعي انا مضطره اروح عشان الشغل بس اوعدك اذا رجعت اقولك كل قصتي خلاص؟
هزت راسها وسن:طيب طيب
لفت قمر وطلعت بسرعه نزلت وهي تمشي ع رجولها وضامه يدينها لبعض

وقفت وسن وهي تناظر لقمر من الشباك ومعقده حواجبها ""ليش قمر تسوي كذا وش قصتها وشي اللي خلها تسوي كذا ااف متى ترجع ابي اعرف""

بــــيــت خــالــد الــراســي
كان قاعد بمكتبه وحاط يدينه ع المكتب وذقنه فوقهم ومعقد حواجبه بعلامه تفكير ""الرجال اللي ارسلته يحلق قمر من الشركه قال انها دخلت بقاله وماطلعت منها وشلون ااف اكيد انه غبي طلعت وهو مانتبه لها اف خلني ارسل غيره بس وين ارسله اكيد ان بيتها قريب للبقاله بس وين اف ااه ياعبير ابي بنتنا ابيها بس وشلون ياليتك حيه ياليتك حيه كان ماصار اللي صار اشتقتلك اشتقتلك الله يرحمك ااوه"" ..

غـــرفـــه نــــــادر
وقف وهو يكلم الشغاله:طلعي البلاستيشن برا لعبدالاله
اخذت الشغاله البلاستيشن وطلعت برا
لبس نظاراته وهو يحرك شعره بيده وطلع برا الغرفه مرا من عند امه ووقفه صوتها لف لها:نعم؟
ام ناصر:وين رايح بالظهر؟
نادر بهدوء:لصديقي
ام ناصر بعدم اهتمام وهي ترجع تلف للي تزين لها اظافرها:طيب بس لاتتاخر ايه سوي زي ذيك المره مرا كان حلو
كان واقف يناظر لها صد وطلع بسرعه وركب السياره:روح لبقاله قمر
عبدالاله:طيب (وحرك السياره)

ســـيـــاره تــركــــي
وهو يكلم ابوه:ااف يبه قلت لك انا مالي شغل بوسن الجوري تكذب وبس تتخيل اختها اف يبه خلاص خلاص انا قريب للبيت باي (سكر الجوال ورماه ع الكرسي اللي جنبه بعصبيه """ ااف صدق بلشه اف خلني اكلم وسن اشوف وشلونها"" دق على جواله (هو شرا شريحه اما الجهاز فعنده من قبل)الو؟
وسن وهي تشرب ماء:هلا
تركي بهدوء:انتي بخير؟
وسن:ايه (وبتردد) وـ و اا انت؟
تركي بابتسامه خفيفه:بخير بس ابوك وابوي لسى مو مصدقين انك مو عندي فعشان كذا خليك عند هذي البنت الا وشلونها معك وهي ساكنه لحالها ولا معها زوجها؟
وسن:لا لحالها مااعتقد انها متزوجه
تركي:ليش يمكن عندها بس ماقالت لك؟؟
وسن بعدم اهتمام وودها تسكر بسرعه:مدري
تركي وكانه حس:طيب انا بشوف ابوي وبعدين بطلع تبين اجيب لك شي؟؟
وسن:لا مشكور
تركي:العفو بس هاه انتبهي ترجعين للشقه مهما صار خلاص؟؟
وسن بضجر:طيب خلاص باي
تركي:بـ ـ ـ(ماكملها لان وسن سكرت الجوال بسرعه حس بقهر بس تنهد ورجع الجوال بجيبه وهو يدخل السياره داخل البيت ونزل وهو يحاول ينظم افكاره)

#يـــــتــبــــــــع..