رواية أكابر و اقول فراقه عادي و انا في داخلي اصرخ تكفون جيبوه الفصل الثاني عشر 12 - بقلم HaboOoshy

الـــبــــقــالـــة
قمر وهي سرحانه ولا هي مع احد
ابوفهد:قمر
لفت بسرعه له:هلا عمي؟
ابوفهد بقلق:وشفيك ياوليدي لي ساعه اناديك وانت ولا ع بالك؟
قمر:والله ماسمعتك ياعمي هلا امرني؟
ابوفهد:مايامر عليك عدو بس اشوفك من جيت الصبح وانت سرحان وشفيك عسى خير اذا تعبان ارجع لشقتك
قمر بابتسامه ""ياحبي له"" : لاوالله ياعمي مافيني الا العافيه الا عمي كم التاريخ اليوم؟
ابوفهد:14ـ4 (وكانه تذكر شي) ايه صح اليوم ميلاد فهد
قمر بحماس:جد عمي؟
ابوفهد بابتسامه:ايه والله الا ليش تسال عن التاريخ؟
قمر وكان جت فكره ببالها:ولا شي بس كذا (وقفت) عمي اقدر اطلع شوي ساعه او ساعتين كذا وارجع؟
ابوفهد بسرعه:ايه وانا ابوك توكل
ابتسمت قمر وباست راسه وبكل حب وصدق:الله يخليك لي ولا يحرمني منك توصي ع شي؟
ابوفهد بابتسامه:بس ابي سلامتك
ابتسمت بقوه:مع السلامه
ابوفهد:مع السلامه
طلعت قمر وهي ماشيه شافت نادر نازل من السياره ركضت له وضمته:ندور كيفك ؟
نادر بابتسامه:بخير وانتي؟
قمر بابتسامه واسعه:دامني شفتك انا بخير
ابتسم نادر:الله يخليك شكلك طالعه؟
قمر: ايه كذا عندي مشوار امش معي
نادر:انتي اللي امشي معي
قمر:ههه عاد انت معك السياره يلا(ركبوا السياره وهم يسالفون ويضحكون)

بــــيــــت حــــلا
كانت قاعده بالحديقه الصغيره ولامه رجولها لصدرها ""ااه بكرا ملكتي وبشوفه ياترى بيشبه سلمان هو انا اصلا شفته عشان اقول يشبه بس ياربي ابعده عني ياربي مابي الا سلمان هو وبس وشفيني افكر كذا اصلا هو معقوله يفكر ببنت تكلمه اكيد ع باله اني كلمت قبله الف واحد بس وربي انه الاول والاخير اف خلاص تعبت من التفكير""
قعدت جنبها شهد وبابتسامه: حلو ما انتي ناويه تقومين تختارين من الفستاين اللي جبتها لك؟
حلا بدون نفس:اشين واحد عطينيه
شهد:ههههه الله يقطعك لهدرجه تكرهينه؟
حلا بابتسامه وهي تحط راسها ع كتف شهد:انا احب سلمان ياشهد شهد انتي ماجربتي الحب شعور حلو بس صعب احس اني كارهه هالشاب قبل مااعرفه احسه خطفني من سلمان
شهد بابتسامه:يمكن عشاني ماجربت الحب مو قادره افهمك بس اللي اعرفه وماتاكده منه انه ماخطفك من سلمان لان سلمان اتركك قبل مايخطبك هذا الا تعالي وش اسمه هو؟
حلا وهي ترفع راسها وناظرت شهد:تصدقين عاد انا ماسالت؟
شهد:هههه خوش بنت بتتزوج اخبر الوحده اول شي تعرفه اسمه
حلا بابتسامه:مايهمني ولا ابي اعرف (وبحب ورمانسيه) اهم شي اني اعرف اسم حبيب قلبي ( سحبت يد شهد وحطتها ع قلبها) تحسين بدقاته كل مااذكره احس فيها كل مااسمع صوته كل همسه يطلقها كل ما ينذكر اسمه يدق اااه اخاف اموت اذا شفته
شهد بصدمه:حلا انتي جد تحبين سلمان لهدرجه؟
ابتسمت حلا:بشكل ماتتصورينه ماتخيلت اني بيوم بحب واحد اكلمه
شهد وهي تشد ع يد حلا: تدرين اني احس بتانيب الضمير؟
حلا وهي تلف لشهد وبصدمه:ليش؟
شهد بضيق:لاني من البدايه مامنعتك تكلمينه لو ماخليتك من البدايه تكلمينه كان ماصار اللي صار كان ماحبيتيه انا السبب
حلا بصدمه وهي تحط يدها ع فم شهد:لاتقولين كذا ثاني مره فاهمه انتي مالك شغل بس هذا هو الحب هذا كان مكتوب لي
ابتسمت شهد وضمت حلا بقوه وبهمس:الله يوفقك يارب
حلا بنفس الهمس:آمين

**ســيــاره نــادر ..

نادر:الحين بفهم تشترين هذي الاغراض لمن؟
قمر بابتسامه:مفاجاه لشخص المهم خلنا نروح للسوق
نادر:طيب
قمر:ههه طفشتك؟
نادر:لا بالعكس (وبابتسامه واسعه) انبسطت
ابتسمت قمر بقوه وسحبت خشمه:هههه
نادر:هههه

بـــيـــت ابــو وســـن
دخل تركي بعد ماسكر سيارته وهو يمشي بهدوء فجاه سمع صوت صراخ ركض لجهته ووقف بصدمه وهو يشوف نهى ماسكه الجوري من ذراعها وتهزها بكل قوتها وتصارخ فيها : نهى
تركتها نهى بخوف من تركي وبلعت ريقها
ركضت الجوري وهي تبكي وضمت تركي بقوه وماقالت أي كلمه
تركي وهو مطير عيونه ع نهى بصراحه كان مرعب بجد وبحده:ليش تضربينها؟
نهى بخوف: لانها ضربت فيصل (اخو نهى الصغير)
بعد الجوري عن صدره وابتسم لها:ضربتيه؟
الجوري بهمس:هو يقول ان وسن هربت مع رجال وان اختي قليله ادب (وبحقد وبلهجه قويه) اختي مو كذا مو كذا
كان لسى ع ابتسامته:ايه صح اختك مو كذا(مسك يدها الصغيره وصرخ بلهجه مرعبه بجد) فيصل تعال
تقدم فيصل بخوف لتركي ووقف قدامه ..

تقدم فيصل بخوف لتركي ووقف قدامه: نـ ـ ـعـ ـ
ماكمل كلمته لان تركي عطاه كف محترم: شفت ان سمعتك تتكلم عن وسن لو بذره ماراح يكفيني كف فاهم فاهم؟
فيصل وهو يبكي:ايه (وراح يركض لداخل)
نهى بقهر:ليش تضربه هاه عشان وحده داشره
تركي بصراخ: نهى لاتخليني ارفع يدي عليك
لفت وجهها نهى ومشت بقهر
نزل تركي لمستوى الجوري ورفع ذقنها بيده وبلع ريقه وهو يشوف دموعها حس وده يصرخ حرام دموعها البريئه تنزل كذا وربي حرام مسح دموعها بس انصدم وهو يشوف ارتمت بحضنه بقوه وهي تتمسك فيه وتبكي بصوت قال بهمس:الجوري؟
الجوري: تركي انا ماكنت اقصد اقول لابوي عن مكان وسن بس هو هاوشني وضربني خفت
ابتسم ورفعها عن الارض ووقف:عادي حبيبتي عادي لاتخافين انا معك
هزت راسها ولفت يدينها حول رقبته ونزل راسها ع كتفه
سكت وظل واقف فيها وهو سرحان باافكاره ..

شـــقــق الــشــمــس
شــقـــه قـــمــر
دخلت قمر بس امسكت مقبض الباب:تفضل
ابتسم نادر وهو يدخل:زين طلعتي من البقاله
ابتسمت قمر وهي ساكته صارت تتلفت وبصوت شوي عالي:وسن
طلعت وسن من الغرفه وبصدمه:ىنادر؟
نادر بفهاوه: وسن؟
قمر باستغراب:تعرفون بعض؟
رفعت راسها وسن وهي تتامل قمر ""معقوله تكون بنت خالي "
قمر:هيه اتكلم انا ؟
نادر وهو يلف لقمر: وسن بنت عمتي
فتحت فمها بصدمه ورفعت عيونها لوسن""معقوله حميت بنت اكره عيله عندي لا مااصدق الناس اللي ظلموا امي لا مو معقوله""
وسن وهي تناظر قمر :قمر قسم اني ماكنت ادري
بلعت ريقها وتنهدت ""مابي اعكر مزاجي وبالذات اليوم"" رفعت راسها:خليك مع نادر انا طالعه مشوار وراجعه
وسن بهدوء وهي تقرب لنادر:طيب
طلعت قمر وركبت مع سواق نادر:رح للبحر

الــــمــــــول
كانت ريناد طالعه من المول و وراءها خواتها كانت منزله راسها وتتطلع علكه من شنطتها"" اف وين راحت هذي"" قطعت الشارع بدون ماتحس فجأة رفعت راسها وشافت السياره المسرعه لها وقفت وماقدرت تتحرك
سديم كانت لافه وجهها وتسولف مع ساره اما ريوف قاعده ع كرسي بعيد شوي عنهم اما رغد اللي شافت الموقف صرخت باعلى صوت:رينااااااد
صار صدرها يرتفع وينزل ""تحركي يارجولي تحركي"" طاحت شنطتها وغطت وجهها بيدينها
لفوا سديم وساره وريوف اللي انتبهوا وصرخوا:ريناد

كان واقف بعيد شوي ولسى عليه بدلته العسكريه كان مار صديق له رفع راسه ع صوت الصراخ كان المكان زحمه بس فجاه انتبه للبنت اللي واقفه بنص الشارع والسياره مقبله عليها لاشعوريا ركض لها بكل قوته ودفها وصدمته السياره وطاح ع الارض

كانت ريناد طايحه ع ظهرها ويدينها وراءها بس لما شافت الشاب طاح والسياره مشت بكل سرعه دون ماتلتفت وراءها تعدلت بسرعه وركضت له وحطت راسه ع فخذها وهي تبكي
طاحن خواتها عندها وهن يصرخن
سديم وهي تمسكها:انتي بخير؟
ريناد اللي بدت تبكي وهي تتطق خد الشاب:مات مات سديم مات
ساره وهي تناظر له بخوف:لا ما مات
ريوف وهي تناظر الناس اللي واقفين وصرخت:احد يكلم الاسعاف
ريناد بخوف وصوت متقطع:خلونا نوديه بسيارتنا
سديم وهي تنادي سواقهم وساعدوه بعض الرجال وركبوه سياره البنات وركبوا كل البنات بالمرتبه الاخير ريناد بصراخ: اسرع للمستشفى
مشى السواق بكل سرعته بخوف وقلق

الـــبــــحــــر
وقفت قمر بابتسامه واسعه وهي تناظر للي سوته بس قطع افكارها صوت جوالها ردت بسرعه:الو وينك؟
فهد:قريب بس لسى ماعرفت وش عندك؟
قمر:سبرايز
ابتسم فهد:سبرايز؟
ضحكت قمر وبدلع:ايه سبرايز
ضحك فهد بقوه:ههههههههه طيب انا وصلت يلا باي
قمر:باي

نزل فهد من الدرج اللي ع الرصيف بس وقف مصدوم من اللي يشوفه كان فيه طاوله وعليها كرسيين قبال بعض وعلى الطاوله شمعدان لونه ذهبي وفيها شمعه لونها ليلكي وحولها انواع من الحلويات وكوب طويل فيه عصير لونه ذهبي ومربوط الكاس بشرايط ليلكيه ومنثور ع المفرش الذهبي لمعه بكل اللوان وحول الطاوله والكراسي شموع ولها ريحه مرا رايقه لف وشاف محفور ع الارض باللورد كلمه كل عام وانت بخير كان يرمش بصدمه وبهمس:قمر؟
ابتسمت قمر بخجل وهي تلعب بشعرها:هذا يعني عشان عيد ميلادك وعشانك ساعدتني كل هالايام
ماعرف فهد ايش يقول او ايش يعبر صار يفتح فمه ويرجع يسكره
قمر مسكت طرف ثوبه وسحبته وقعد هو الكرسي وقعدت هي في الكرسي اللي قباله مسكت علبه بيدها ومدتها له وبخجل:تفضل
مسكها فهد وفتحها كان خاتم رجالي مرا حلو وبسيط ابتسم ورفع راسه وناظرها بتامل:مشكوره
قمر وهي تضحك بخجل:هههه ماسويت شي عشان تشكرني ..

لبس فهد الخاتم وابتسم:وانتي بخير
رفعت راسها وناظرته بتامل ""ليش ياقلبي تتدق كذا"" رجعت نزلت راسها بخجل
فهد وهو يحاول يبعد الجو المتكهرب:الا ماكان شعرك طال ويبغى له قص؟
قمر وهي تمسك خصلات شعرها اللي وصلت لاخر رقبتها:لو علي اخليه يطول لين يرجع مثل قبل
ابتسم فهد:بس لازم تقصينه عشان مايبن انك بنت
قمر:ههه صادق خلاص بكرا اقصه انا
فهد بابتسامه:وليش بكرا عاد انا معي بسيارتي مقص خليني اقصه لك
قمر بخجل:هاه لا لا ماله داعي انا اقصه
وقف فهد دون مايعطيها أي مجال ثواني وجاء ووقف وراءها:لاتتحركين
بلعت ريقها وهي تغمض عيونها عشان انفاسه صارت تضرب رقبتها وريحه عطره من قوها وقربه لها صارت تحس انها تتنفسها
فهد وهو يحس بحراره جسمها وريحتها حاول يبعد هذي الافكار عنه:الا من قالك ان اليوم عيد ميلادي ؟
فتحت عيونها وكان فهد صحاها من حلم جميل: عمي اليوم قالها
فهد: اها والله كلفتي ع نفسك (ولف للجهه الثانيه)
قمر وهي تلف للجهه المعاكسه له بس فهد رجع لنفس الجهه بسرعه وبدون قصد صارت وجوههم قريبه لبعض) (ماقدرت تتكلم ولا بحرف وهي تناظر لشفايفه وخشمه)
بلع ريقه وهو يناظر شفايفها ويتنقل بين ملامحها نزل راسه وبعد عنه وقص الجهه الثانيه وهو ساكت
نزلت راسها بحضنها من الخجل والاحراج"" ياربي احس وجهي ولع من الاحراج اف""
بعد ماخلص حب يلطف الجو شوي اخذ شويه ماء من البحر وكبها عليها
شهقت ووقفت وصاروا يتضاربون بالماء هي ترش عليه وهو يرش عليها وهم يضحكون ويركضون وراء بعض

أحبگ. . گثر مآتطري :
. . . في بآلي وتشغل |[ التفگير . .
گثر مآ أشيلگ بـ عيني ,
و نآس منهآ ’’طاحت !
أحبگ . . گثرمآ أحس ,
. . . بـ شعور أني عليگ . ~ . أغير . .
گثر مآ أزيح هـ الغيره :
. . .
عن أفگاري ولا أنزاحت !!

بـــيـــت حـــــلا
لـيـلـه الـمـلـكـه
وقفت حلا من ع الكرسي وتناظر المرايه قدامها وكيف المكياج ع وجهها والتسريحه البسيطه الناعمه ودموعها اللي تغارق بعيونها نزلتها للفستانها الوردي الكت(دون اكمام) ناعم ومبين تفاصيل جسمها الناعم زيها
شهد وهي ماسكه بيدها الكتاب وبضيقه:حلا وقعي
لفت حلا وصارت تناظر الكتاب "" يعني خلاص صرت لغيرك ياسلمان"" (امسكت القلم ويدها ترجف بقوه ووقعت) وبصوت واحد كل الحريم(امها وام شهد وشهد وام سلمان وخالة سلمان):كلوولووش

مـــجـــلــس الــرجــال
لف لجهه الباب وهو يسمع اصوات الحريم بلع ريقه كان وده يقوم ويهرب من هالمكان هو يبي حلا حلا وبس قطع افكاره صوت مشاري
مشاري اللي كان شاهد:مبروك منك المال ومنها العيال
صار سلمان يتامل مشاري بفهاوه ""عيال مستحيل لا مستحيل""
مشاري وهو يجلس جنبه وبهمس:سلمان وجهك صار لونه اصفر ترا ابو البنت بينتبه وبيستغرب خلك طبيعي
تنهد سلمان وبنفس الهمس:ماقدر ماقدر يامشاري حسوا فيني حسوا
سكت مشاري وهو يتامل سلمان ""وربي حاس حاس لما تكون اللي تبيها ماتقدر تاصل لها""
سامر وهو يقعد جنب سلمان:ياالله من قدك صرت معرس
ابتسم سلمان بوجهه سامر وسكت
وقف ابوحلا وبابتسامه:ماتبي ياسلمان تشوف حلا؟
رفع راسه بسرعه ""حلا لهدرجه صرت اتخيل اسمها صح زوجتي وش اسمها؟""
ابوسلمان:سلمان قم
وقف سلمان ولف لمشاري وكانه بيتاكد:هو قال حلا؟
مشاري بتعقيده حواجب:ايه قاله
سكت سلمان ومشى للمجلس ثاني مع ابو حلا بس قبل مايدخلون
ابوحلا وهو يمسك يد سلمان وبابتسامه حنونه:مابي اوصيك ياسلمان عليها تراها وحيدتي وغاليه علي وتراها امانه برقبتك لاتتركها وتراها حساسه وعصبيه قدرها عشاني (لف وصار يتامل الباب وبضيقه) اخاف عليها ياسلمان من لفحه الهواء اخاف تمرض ااه يمكن اكون بعض الاحيان قاسي بس كله عشانها (لف وجهه لسلمان) اوعدني انك تحافظ عليها؟
سلمان بابتسامه:اوعدك عمي
ابتسم ابوحلا ولف وجهه وكانه يمسح دموعه: ادخل عليها
ابتسم سلمان لعاطفيه ابوحلا وقد ايش يحب بنته سمى بنفسه وفتح الباب بس ماقدر يرفع راسه رفعه بتتدرج وخوف بس فتح فمه لما شافها كانت ناعمه لاابعد حد ..

ناظرته بقهر ونرفزه بس فجاه فتحت فمها""لحظه هذا اللي شفته بالسوق اللي اسمه سلمان""ابتسمت باستهزاء""ياسخريه القدر""

ناظرها باستغراب لانها تبتسم باستهزاء نزل راسه تنهد ورفع راسه:السلام عليكم
ماردت حلا يمكن حياء بس الاغلب الكره كانت منزله راسها ولا وتناظر الساعه تبي تفتك بسرعه
سلمان انقهر لانها ماردت قعد بعيد عنها وهو يلعب با أي فون حقه

بـــعـــد 15دقــيــقــه
وقفت حلا خلاص زهقت وتبي تتطلع اتجهت للباب
رفع راسه وانصدم وهو يشوفها طالعه حتى بدون ماتقول أي كلمه رفع حاجبه: ع وين؟
كانت حاطه يدها ع مقبض الباب وهي معطته ظهرها:داخل
سلمان:وانا جدار قدامك؟
صارت تحوس بافمها ""ياكرهي لك اف"" لفت له وبنبره استحقار:تبي شي؟
وقف سلمان وبحده:طبعا فيه من جيت ماقلتي ولا كلمه ولا بعد تتطلعين دون ماتقولي أي شي
حلا اللي بلعت ريقها لما وقف ماتوقعته طويل كذا بس حاولت تشجع نفسها وبنبره حاده:وليش انت ماتكلمت؟
سلمان بقهر: كيفي
حلا بعصبيه:وانا بعد كيفي (فتحت الباب وطلعت بعد ماصفقته بكل قوتها)

شـــقـــق الــشــمــــس
شــقـــه قـــمــــر
دخلت وهي مبسوطه ومليانه ملابسها ماء صارت تتدور حول نفسها وهي تضحك
كانت وسن متراكيه ع الرخام حق المطبخ ومبتسمه:عساه دوم؟
لفت قمر لها وركضت لها وضمت وسن بقوه وهي تنقز:احبه احبه احبه
وسن وهي تبعدها عنها:ههه يامجنونه وششفيك مليتيني ماء بعدين لايكون ع بالك بتركك ماتقولين لي قصتك لا ياحبيبتي بتقولين لي غصبا عنك ترا هذي حركات قديمه تضيعين الـ ـ
حطت قمر يدها ع فم وسن وبصراخ: بس خلاص بقولك وربي بقولك بس وين نادر؟
وسن وهي تاشر بيدها ع يد قمر اللي لسى ع فمها
ضحكت قمر وبعدت يدها:ههه نسيت
ابتسمت وسن: ابد والله زهق وراح بس تعالي يلا قولي لي نادر الدب عيا يقول تخيلي يقول هذا سر قمر
قمر: ههههههه يالبى اخوي بس وه فديته
وسن وهي تكتف يدينها:اشوفك اليوم دخلتي تتغزلين وشفيه؟
قمر:هههه وناسه
وسن:يوه قمر يلا قوليلي
قمر:اف طيب طيب يلا امشي نقعد
قعدت وسن بسرعه وهي تسحب الخداديه (الوساده الصغيره وتحطها بحضنها) : يلا قوليلي
وبدت قمر تقول قصتها لين وصلت للاخير:وقبل شوي احتفلنا بعيد ميلاده ياوسن احبه وربي احبه بس (تحولت فرحتها لضيقه)
وسن باستغراب: بس ايش؟
قمر وهي ترفع راسها:تتوقعين بيحب وحده زيي بنت تسوي نفسها ولد وكل الرجال شافوها؟
وسن بقهر:انتي ظروفك حدتك زيي لاتقولين كذا بس بصراحه قمر انتي قويه بس هربت بغيت اموت من الخوف
ابتسمت قمر ابتسامه خفيفه:لاني زهقت من الخوف اللي ماسوا لي شي (نزلت راسها وهي تلعب بيدينها بارتباك بعدين ارفعته) وسن بسالك
وسن:تفضلي
قمر وهي تناظر بتركيز عيون وسن : ابوي؟
وسن باستغراب:وشفيه؟
قمر: يعني كيفه اقصد يعني طيب وللا مدري تكلمي لي عنه شوي
ابتسمت وسن: خالي خالد مرا طيب وحنون حيل ويحب بنته اميره بقوة (حست انها غلطت وعضت ع شفايفها)
ابتسمت قمر:عادي اكيد هي بنته اللي رباها  كملي
وسن: ايه وايش بعد يهتم فينا كثير بس دايم يسرح ومايحب مرته وهالشي واضح للكل يمكن الكل ماعدا اميره وناصر
قمر:ونادر ؟
وسن باستغراب:وشفيه؟
قمر: يعني كيف يتكلم معكم احسه وحيد شوي
وسن:بصراحه؟
قمر بسرعه:اكيد
وسن: هو دوم وحيد بس(بعصبيه) مو منه يعني من امه وابوه واخوانه ماحد يقعد ويكلمه انا قبل مايصير اللي صار لي ( سكتت شوي بعدين كملت) كنت اقعده معه انا والجوري (هدت شوي) يعني امه وابوه واخوانه ماهم سيئين ابدا بالعكس بس كل واحد مشغول بحاله
قمر:اها ايه انا لاحظت انه كذا ياقلبي هو
ابتسمت وسن ع خفيف ونزلت راسها: تتدرين ايش الشبه بيننا غير اننا مظلومات؟
قمر باستغراب: ايش؟
رفعت راسها وسن: نشيل هم الكل ونخاف ع الكل
ابتسمت قمر بقوه ورمشت بعيونها: صح هذا اللي مكتوب بس تصدقين ياوسن اني حبيتك
وسن: مو اكثر مني
قمر:ههههههه
وسن بابتسامه امل:تتدرين اني من زمان ماتكلمت ولا ضحكت كذا بس معك غير وربي غير ياقمر
قمر وهي تضمها من جنب:حتى انا
وسن وهي تتدفها بمزح:يع انتي لين الحين ماغيرتي ؟
قمر:لا بالله مو انتي اللي مزعجتني (وقلدت صوت وسن) قوليلي السالفه قوليلي السالفه (ورجعت لصوتها الطبيعي) هاه؟
وسن:هههههه

.
الــمــســـتــشــفـــى
كانوا سديم وخواتها جالسين ع الكراسي ماعدا ريناد اللي واقفه وعبايتها كلها دم وهي تصيح وعيونها ع غرفه العمليات: ااه ااه
وقفت ريوف وهي تصيح:ريناد بس خلاص انتي مالك ذنب
شهقت ريناد بقوة ورمت نفسها بحضن ريوف: خايفه هو مات عشاني هو مات عشان ينقذني والله ما اسامح نفسي ياريوف لو صار له شي
ريوف وهي تبعد اختها عنها وتمسك وجهها بيدينها وبعصبيه:لاتقولين كذا انتي مالك دخل فاهمه ؟
هزت راسها ريناد وهي تشاهق بقوة ورجعت بحضن اختها ..

بــــيـــت نــــور
رمت السماعه من يدها وصرخت:لا ولدي  ولدي فواز
صارت تنزل نور من الدرج بكل قوتها وركضت لامها وهي تمسكها: يمه وشفيه؟
امها وهي تضرب فخوذها وتبكي بقوه: اخوك اخوك بالمستشفى
طاحت نور ع ركبها عند رجول امها وبصدمه:ايش ماجد؟
هزت راسها ام فواز بلا وهي تصيح
لا كل شي الا فواز هو الوحيد اللي بقى لها بعد ابوها وماتستحمل تفقده ابدا وقفت بسرعه وبقوه غريبه عليها:أي مستشفى؟؟
رفعت راسها ام فواز بصدمه:ايش؟
نور:أي مستشفى؟
ام فواز:مستشفى ـ ـ ـ
نور:يلا قومي نمشي
ظلت ام فواز مصدومه بس صحاها صرخه نور بوجهها
نور راحت تركض وجابت عبايه امها وعبايتها وركبوا تاكسي ..

بـــيـــت ابــوســديـــم
ام سديم بقلق وهي تتدور بالصاله تتدق ع كل جوالات بناتها بس ولا وحده ترد قررت تدق ع السواق: الو وين البنات (صرخت) ايش؟ ليش؟ (اشهقت بقوه وهي تحط يدها ع افمها) أي مستشفى؟ (وبقلق وارتباك) طيب طيب  ..
سكرت ونادت الشغاله تجيب عبايتها و ركبت مع السواق واتجهت للمستشفى ..

بــــيـــت حـــلا
ابوحلا بابتسامه:هاه ان شاء الله عجبتك ياسلمان حلا؟
ابتسم سلمان مجامله بس بداخله وده يذبحها:هه اكيد
ابوسلمان:الا اقول ابوحلا عطنا رقم حلا عشان سلمان يكلمها
تورط ابوحلا لانه كسر شريحتها: والله امس طاح منها بالحمام وخربت الشريحه وماشرت
ابوسلمان: يوه هذولاء هم الجيل هذا بس يمسكون الاغراض ياتتطيح او تخرب
ابوحلا: ههه والله انك صادق الله يهديهم بس
ابوسلمان: امـيـن يلا عاد حنا نستاذنك
ابوحلا:اذنكم معكم وهذي الساعه المباركه يوم نناسبكم وشرف لنا
ابوسلمان:وشرفنا يزيد باسمكم

الـــمـــســتــشــفــى
طلع الدكتور وركضت له ريناد اول وحده و وراءها خواتها
ريناد بصوت مبحوح من البكي:بشر دكتور؟
الدكتور:بصراحه هو فقد دم كثير والحين محتاج بس فصيله دمه ماهي موجوده عندنا ونبي متبرع
سديم بسرعه: ايش هي فصيله دمه؟
الدكتور:b+
ريناد بسرعه:انا فصيله دمي b+
الدكتور:اجل تفضلي مع الممرضه عشان تسحب الدم
ساره بخوف ع ريناد و مسكت ذراعها: ريناد انتي متاكدة ؟
ريناد بقوه وحده غريبه عليها:اكيد هو ضحى بنفسه عشاني بدون تردد وانا ماراح اتردد ولا ثانيه (وبعدت يد ساره عن ذراعها ومشت وراء الممرضه)

وصلوا نور وامها وسالوا عنه وقالوا لهم انه بالعمليات وصعدوا للعمليات ولما قربوا شافوا البنات
سديم وهي تاقف وبهمس لساره:شكل ذولاء اهله
ساره بخوف:الله يستر
نور وهي واقفه وتنتظر أي ممرضه والا ممرض او دكتور يمر ومرت ممرضه وسالتها بسرعه:من اللي بغرفه العمليات الحين؟
الممرضه:اسم المريض فواز ـ ـ
لفت نور لامها ومسكتها وقعدتها ع الكرسي
ام نور وهي تضرب فخوذها: ااه راح ولدي راح  مابقى لي الا هو اه
نور وهي ماسكه دموعها:يمه اهدي (وناظرت البنات باستغراب)
سديم وهي تاقف وقربت لام فواز وبحنيه:لاتخافين ياخالتي ولدك بيتشافى باذن الله
نور:وانتي ايش عرفك فيه؟
سديم بابتسامه خفيفه:لولا اخوك كان اختي الحين ماندري وش كان بيصير فيها هو بعدها عن السياره وصدمته ولدك انسان عظيم واكيد تربيتك ماضاعت
شهقت ام نور وارتمت بحضن بنتها وهي تبكي بقوه
نور بهمس: هذا هو هذا هو يهتم بالكل الا نفسه

طلعت ريناد وركضوا لها خواتها ساندتها ساره وريوف مدت لها عصير برتقال: تفضلي حبيبتي
ساره وهي تمسح ع شعر ريناد:دايخه؟
ريناد بضيقه:شوي

صارت نور تناظر لها باستغراب بس ماهتمت اهم شي عندها الحين ان اخوها يطلع بخير ومايتركها

بــــعـــد 30 دقــيــقــــه
طلع الدكتور وقفوا كلهم وهم يناظرونه بخوف وترقب
الدكتور بابتسامه:ابشركم هو بخير (ولف لريناد) لولا دمك كان فقدنا المريض
بكت ام نور بقوه بس هذي المره فرحه وضمت بنتها بقوه
ابتسمت نور بقوه ولا شعوريا انهارت بكي قوي وكأن الدموع كانت واقفه برموشها وانهارت فجأه
بعدت ام نور عن بنتها:اقدر اشوفه دكتور؟
الدكتور:اكيد اكيد بس نطلعه بغرفه
لفوا كلهم ع السرير اللي طلع من العمليات وركضوا له نور وامها
نور وهي تمسك يده وتبكي بقوه:فواز فواز
وقفت ريناد وهي تتامله كيف هادي من تاثير البنج
وصلت ام سديم لهم وركضت: بنات وش فيكم؟
لفوا كلهم لامهم ومشوا لها ماعدا ريناد اللي طاحت بحضنها وهي تبكي بقوه وكان الخوف اللي كان موجود تلاشى تعرفون هذا الشعور لما تكون مرعوب ولما تهدي الامور تبكي بقوة ..

شهقت ام سديم وهي تبعد ريناد عنها: وش هذا الدم تكلموا قولوا لي
سديم: يمه هدي مافينا شي (وقالت لها السالفه) وبس اما ريناد متاثره عاد تعرفين بنتك
هزت راسها ام سديم وهي تضم بنتها: بس بس ياروحي بس هو صار بخير
ريوف: يمه لازم نشكره بصراحه هو سوا شي شجاع
رغد بحماس: يمه ركض ودف ريناد بقوة وكانه يعرفها
هزت راسها ام سديم:اكيد اكيد بنشكره بس دامه توه طالع من العمليه اكيد انه ماراح يصحى من البنج الا بكرا الصبح والوقت تاخر خلونا نرجع للبيت وبكرا نجي باذن الله
هزوا كلهم روسهم ومشوا لانهم بجد كانوا تعبانين والخوف عامل عمايله فيهم

مــســتــشــفـى الانــتــمــاء
ابتسمت اميره بتشجع وهي ماسكه بيدها ورده وحده ""اخاف يفهمها غلط لالا ماراح يفهمها غلط انا بعطيه عشانه ساعدني بس ايه بس"" اتجهت لمكتبه وفتحته بسرعه بس ظلت واقفه مصدومه من اللي تشوفه وترمش بقوه وفاتحه فمها
دف رامي جسم ازهار عن جسمه وبعد عنها بقوه:اميرة ..
لحظه حست انها حثاله انها حقيره بس لانها فكرت تجيب له ورده وين عقلها لفت وجهها وراحت تركض بكل قوتها ورمت الورده باول زباله شافتها وهي تبكي
ركض وراءها بس مسكته ازهار وبعصبيه: وش تبي فيها؟
ناظر رامي ازهار ولف وناظر الباب اللي طلعت منه اميره بعد يد ازهار بقوه عنه وركض وراءها:اميره اميرة (بس وقف وهو يشوفها تسكر المصعد مد يده وكانه بيمسكها) انتظري

تسكر باب المصعد وطاحت ع الارض وهي تبكي بقوه وتشاهق ""وشفيني ليش ابكي ليش احس قلبي بيطلع ليش احس اني بموت ليش حسيت بالالم لما شفته ليش احبه
احبه لالا ليش هو ليش هو ياقلبي حبيته ليش حبيت واحد ضعيف ليش ""
صارت تتصدر صوت شهاقها بقوه وصلت للمواقف ركضت لسيارتها :امش للبحر
استغرب السواق بس نفذ بدون أي كلمه

اما رامي صار يضغط ع الزر لين انفتح ودخل وصل للدور الاول وانتبه لسوسن: سوسن وين اميره؟
سوسن باستغراب:اميره اليوم ماداومت لانها مزكمه
انصدم رامي بقوة ""يعني هي جاءت عشاني وهي تعبانه وش كانت تبي ليش انقهرت لما شفتها شافتني كذا بس كله من ازهار الحيوانه اف وش اسوي الحين ليش انا مهتم لاني احبها لالا انا ماحبها ليش ماحبها اه"" لف وجهه وطلع من كل المستشفى وركب سيارته بعصبيه ومشى بكل سرعته

الـــبـــحـــــر
كانت لامه رجولها لصدرها وتبكي بقوه شوي تشاهق وشوي تكح لانها تعبانة لفت يدينها حول جسمها صح ان الجو بارد بس مو مرا """ليش احس اني بموت من البرد ااه ليش حبيته ليش هو ليش"" صارت تبكي بقوى ولا منتبهه للوقت ابدا

شـــقــــه قــــمــــر
وسن وهي تمد كوب الكافي لقمر:تفضلي (وجلست)
قمر وهي تاخذه من وسن:تسلمين
وسن:قمر
لفت لها قمر:هلا
وسن: وش ناويه تسوين؟
قمر باستغراب:بايش؟
وسن:باابوك واخوك يعني بكل الامور اقصد يعني مو معقوله بتقعدين طول عمرك وانت تسوين نفسك ولد صح؟
سكتت قمر شوي بعدين تنهدت ورفعت راسها عن الكوب: مدري ياوسن كل يوم افكر متى بخلص من هذي اللعبه بس انا مابيها تنتهي انا عجبتني اللعبه عاجبني اكون بجنب فهد ومشاري وابوفهد ومرته وبناتهم وكل العيله انا مرتاحه ماابي مابي ياوسن ارجع لواقع كله الم وهم وضيقه وحرمان تعبت من الحرمان تعبت من الخوف والانتظار مابي الواقع اذا هو كذا بظل باللعبه لين يتغير الواقع
سكتت وسن ماعرفت ايش تقول او كيف تخفف عن قمر بلعت ريقها وصارت تتامل قمر بهدوء
وقفت قمر بضيقه واتجهت لباب الشقه
وسن:وين؟
قمر وهي ماسكه مقبض الباب:بتمشى شوي ماراح اطول باي
وسن بهدوء:باي
طلعت قمر وظلت تمشي بالشوارع بضيقه وحزن ومدخله يدينها بجيب بنطلونها تمشي ع الرصيف والسيارات تمشي بقربها بكل سرعتها واصوات السيارات قعدت ع طرف الرصيف ودنقت راسها وهي ماسكته بيدينها وفاتحه بين رجولها ""ليش انا يالله كم مره سالت نفسي ليش انا يصير لي كذا ااه اعوذ بالله من الشيطان الرجيم خلاص انا لازم اسوي شي لازم انهي اللعبه لانها ببساطه لعبه ايه هي لعبه واللعبه مهما طالت بتنتهي ااه واذا مانتهت وش بيصير اذا ظليت ولد ماراح اخذ فهد بس اذا ظليت ولد بقدر اشوفه كل يوم واشوف مشاري الاخ الكبير بالنسبه لي وبشوف عمي الاب الحنون وبشوف ام فهد والجده والبنات وريماز وش اللي بستفيد اذا انهيتها ابوي عبدالعزيز والالم القديم بس اللعبه اكيد بيجي يوم وتنتهي اخاف تنتهي بماسأه ياربي دلني ع الطريق الصح"" وقفت وكملت مشي تبي تاصل للبحر وبالذات المكان اللي تعودت تروح له مع فهد ..

امــــيـــــرة
شدت ع نفسها بقوه وهي تكح بقوه لدرجه تحس ان حلقها بيطلع من مكانه امسحت دموعها بكفها ""ااه اه ليش يسوي كذا هي طليقته مو زوجته اكيد انه منبسط وانهم تراضوا وانا هنا اصيح عشانه بس والله مو بيدي احبه ياليتني ماحبيته ياليت "" صارت تكح بقوة وتحس ببروده غير طبيعيه شدت عبايتها عليها صارت تحس بدوخه صارت تغمض وتفتح وشوي يصير كل اللي حولها اسود وشوي يرجع زي ماكان

قـــمـــــر
بمكان مو بعيد عن اميره كانت واقفه ومدخله يدينها بجيوبها وامواج البحر تصدم اطراف رجولها والهواء القوي يطير خصلات شعرها وبلوزتها تنهدت بضيق لفت حست وكان فيه شي جنبها شهقت بصدمه وهي تشوف البنت الجالسه تهوي للارض ركضت لها بدون شعور

أمــيــــرة
طاحت ع الارض وصارت جسم ساكن بدون أي حراك
طاحت قمر ع ركبها جنبها ورفعت راسها وانصدمت وهي تلمس راسها وخدودها كانت تتطبخ وصاير لون وجهها احمر مرا صارت تتطق خدها:اصحي اصحي ""لحظه مو هذي البنت اللي كانت ببيت ابوي وتناديه (تذكرت صوت اميره وهي تقول يبه) يعني هذي اختي""
حاولت ترفعها بس بنيه جسمها الضعيفه مستحيل تقدر ترفع اميره حاولت بس بكل مره تتطيح هي واميره بكت مو عشان اميره لا عشان انها عاجزه ويمكن خالطها شعور واجب تجاهها تركت اميره ع الارض وركضت باتجاه الشارع ""اكيد جاءت بسياره وينها سيارتها وينها ""
مسكت جوالها ولما جاءت بتدق طلع ماعندها رصيد شهقت صارت تدور حول نفسها وش تسوي رجعت لاميره وركت يدها ع كتفها و وقفتها وثبتت نفسها وصارت تمشي فيها باتجاه الشارع بامل تلقى سياره شافت سياره اجره اشرت لها وركبت اميره وراء وركبت هي قدام:بسرعه روح لاي مستشفى
مشى التاكسي بسرعه لاقرب مستشفى

يــــوم جـــديـــــد
الــمــســتــشــفـــى
دخلت ام سديم و وراءها ريناد وقفوا قدام غرفه وطقوا الباب

نور وهي جالسه ع طرف سرير فواز:تفضل
دخلت ام سديم ووراءها ريناد:السلام عليكم
فواز ونور:وعليكم السلام
ريناد بخجل نزلت الورد ع الكومدينه: مشكور ع اللي سويته لي
بالبدايه ماعرفها واستغرب من هي بس لما شكرته عرفها ابتسم:هذا واجبي
رفعت راسها وتلاقت عيونها بعيونه وبصوت اقرب للهمس وعميق: لا ماكان واجبك كان مفروض انا اللي صار لي الحادث مو انت مشكور لانك اعطيتني حياه جديده وعمر جديد
انصدم وفتح فمه ماتوقع بيوم بانه بيعطي احد عمر جديد وكلامها فيه شي غريب شي عميق هز راسه هز كتوفه وكانه يقول مدري وش اقول رفع راسه وناظرها :العفو؟
ابتسمت ريناد وهزت راسها بمعنى ايه ورجعت بجنب امها
ام سديم:مشكور ياوليدي ماادري كيف ارد معروفك لولاك كان الحين فقدت بنتي
فواز بسرعه:الله يخليها لك
ام سديم:ويخليك لكل عين ترجيك
نور بهمس وهي ماسكه يد فواز بقوه: امـيـن
ام سديم:حاولت اقدر ايش اجيب لك هديه بس ماعرفت أي شي يقدر يوفيك فعشان كذا اطلب اللي تبي وانا جـ ـ
قاطعها فواز:انا ماساعدت بنتك عشان ابي شي لاوالله اني ساعدتها لان شي داخلي امرني بكذا وجيتكم هذي كافيه لي ونور (ناظر اخته بعدين رجع ناظر لام سديم وريناد) قالت لي ان ريناد تبرعت بدمها لي وبكذا نكون تعادلنا انا ساعدتها وهي ساعدتني
ابتسمت ام سديم: صح اجل حنا نستاذنكم ومشكور ثاني مره
فواز:اذنكم معكم والعفو
لفت ام سديم وريناد لجهه الباب وطلعت ام سديم اما ريناد وقفت ولفت وناظرت فواز:مع السلامه
فواز وهو يناظرها بتامل:مع السلامه
لفت ريناد وطلعت وراء امها

نور بابتسامه:شكلهم ناس طيبين
فواز:ايه
ضمت نور فواز بقوه وبابتسامه:بس هااه ياويلك مرة ثانيه تسوي عمرك بطل
فواز:هههههه
دخلت ام فواز (هي راحت للبيت عشان تجيب اغراض لفواز) :عساها دوم هالضحكه

بــــيــــت حــلا
جاءت الشغاله:مدام فيه رجال برا يبي بابا
ام حلا باستغراب:من خليه يتفضل للمجلس
هزت راسها الشغاله و رجعت لبرا ودخلت الرجال ورجعت لام حلا:هو كلام اسمه سلمان
وقفت ام حلا:ايه روحي بسرعه جهزي القهوه والشاهي وجيبيهم يلا
هزت راسها الشغاله وراحت
دخلت ام حلا المجلس وبابتسامه:حيا الله من جاءنا
سلمان وهو ياقف:الله يحييك خالتي (وباس راسها)
ام حلا:تفضل تفضل
جلس سلمان:يزيد فضلك
ام حلا:والله ابوحلا طالع بس امرني وش بغيت منه؟
سلمان:لا عادي بس بغيت توصلين هذا الكيس لحلا
ابتسمت ام حلا واخذته:ايش هو؟
سلمان:جوال وشريحه (وتذكر كلام ابوه اللي اصلا هو اللي شرا الجوال والشريحه وغصبه يوديهم ويقول ان هو اللي شراءها)  لان امس عمي قال ان جوالها خربان
ام حلا:ايه ايه مشكور ياوليدي تعبت نفسك والله
سلمان:لا عادي لاتعب ولاشي (ووقف) اجل انا استأذن
ام حلا بسرعه: اقعد توك ماشربت شي
سلمان:لا والله بس مستعجل عندي كم شغله مع السلامه
ام حلا وهي تمشي معه للباب: مع السلامه وسلم ع امك
سلمان:يوصل (وطلع وركب سيارته وهو يحس بضيقه)

الــمــســتــشــفــى
بدت تفتح عيونها ع خفيف قدرت تفتحها بالقوة وشافت ساره فوق راسها وبهمس:ساره؟
رفعت راسها ساره ووقفت بسرعه وباست خد اميره:الحمدلله ع سلامتك ارعبتينا عليك
اميره باستغراب وهي تتعدل بجلستها:من جابني لهنا وش صار لي؟
ساره:من جابك ماندري بس كنتي لما وصلتي هنا مغمى عليك وحرارتك مرتفعه والدكتور يقول لو تاخرت شوي كان مايندرى وش صار عليها
اميره بصدمه:وشلون ماتتدورن من جابني ماسالتوا المستشفى؟
ساره:الا ناصر سال بس قالوا له انه ولد صغير نزلك ولما تاكد انك بخير طلع بدون مااحد يحس عليه
اميره بصدمه وهمس:ولد؟
دخلت ام ناصر و وراءها ناصر وام سديم وكل البنات وسلموا عليها واقعدوا
ناصر وهو ماسك يدها بقوه:الحمدلله ع سلامتك
اميره بابتسامه:الله يسلمكم
ام ناصر:يابنتي وش موديك للبحر بالليل لما سالنا السواق وينك قال لنا وربي خفنا عليك بس الحمدلله المستشفى دق علينا وقال لنا
اميره بارتباك: ولا شي بس يعني حبيت اشم ريحته واشوفه بس
سديم:خلوها ع راحتها اهم شي راحتك ياقلبي
اميره بابتسامه:تسلمين ياروحي
ام سديم وقفت وباست اميره ثاني مره: ماتشوفين شر انا مضطره ارجع للبيت توصين ع شي؟؟
اميره بابتسامه:لا خالتي تسلمين
ام ناصر:اجل حتى انا ابي اروح ارتاح وبخلي عندك البنات (باستها من خدها) تبين اجيب لك شي معي؟
اميره:لا يمه مابي شي بس متى بطلع؟
ناصر:الدكتور يقول لازم تقعدين يومين يعني ع الاقل تتنومين هنا اليوم
ام ناصر:يلا مع السلامة
الكل:مع السلامه
دقايق ووقف ناصر واستأذن وبقى بس البنات عند اميره
ريوف بسرعه:شوفي كذبه انك تبين تشمين ريحه البحر وتشوفينه هذي تمشي عند امهاتنا وناصر مو حنا
باقي البنات بصوت واحد:ايه
اميره: وشفيكم علي؟ (سكتت بضيقه بعدين ارفعت راسها وصارت تتامل البنات) حبيتوا شخص وفكرتوا بغباء انه يبادلكم نفس الشعور بس فجأة تنصدمون حسيتوا بشخص مثالي بس فجاه تلقونه يحطم كل المثاليه فتحتوا قلبكم لشخص غريب بس بنفس الوقت تحسونه اقرب من انفاسكن لكن ؟
ساره بصدمه وخوف وهي تشد ع يد اميره:اميره وش السالفه؟
بدت نوبه بكي جديده وغطت وجهها بيدينها
ناظرن الخوات بعض بخوف
وقفت سديم وضمت اميره وهي تمسح ع شعرها وبفهاوه:اميره؟
ساره وهي تضغط ع يد اميره:اميره وشفيك؟
اما ريوف وريناد ورغد ناظرن بعض بخوف بعدين رجعن وناظرن اميره باستغراب

مــســتـشــفــى الانــتـمــاء
كان قاعد بمكتبه ويضرب القلم بالطاوله بتوتر واضح انطق الباب وقال بسرعه:ادخل
دخلت سوسن بهدوء:هلا دكتور طلبتني؟
رامي: ايه وين اميره اقصد يعني المستشفى مو سيبه متى مابغت تدوام دوامت وذا مابغت لا
سوسن باستغراب منه:اميره مادوامت اليوم ودقيت عليها وماردت بس لما دقيت ع بيتها رد اخوها الصغير وقال انها تعبانه بالمستشفى
وقف بصدمه:مستشفى؟
سوسن باستغراب :ايه
رامي بعصبيه:ليش وشفيها؟
سوسن اللي زاد استغرابها:مافيها شي يعني شويه حراره بس
استوعب انه يكلم سوسن جلس بسرعه:ايه طيب خلاص تفضلي
ناظرته سوسن وطلعت وهي مستغربه اهتمامه الخاص بااميرة

بــــيـــت حـــــلا
دخلت ام حلا غرفه بنتها بدون ماتتطق الباب وصارت تتامل بنتها
كانت حلا واقفه قدام الشباك وفاتحته وتتامل الشوارع ودموعها تنزل ع خدودها بهدوء
تنهدت ام حلا:حلا؟
لفت لامها وصارت تناظر بدون ماتقول أي كلمه
قربت لها ام حلا ومدت لها الكيس:تفضلي هذا جوال هديه من زوجك
صارت تناظر الكيس بعدين رفعت عيونها المليانه دموع لامها اتجهت لامها وسحبت الكيس بعصبيه وطلعت العلبه بقوه وهي تفتحها بنفس القوه طلعت الجوال ورفعته وصدمته بالجدار بقوة
شهقت ام حلا وهي تحط يدينها ع فمها بصدمه
كانت تشاهق بصوت عالي ركضت للجوال وصارت تدوسع برجلها:اكرهك اكرهك اااه (طاحت ع ركبها وحاطه يدينها ع فخوذها وهي ترجف وتبكي بقووه وصوت عالي)
بكت ام حلا من حالة بنتها وركضت لها وضمتها: بس يايمه بس
كانت امها ضامتها من الجنب لفت يدينها حول يد امها وهي تبكي بقوه وبهمس:ماابيه يمه ..

ســـتـــار بـــكــــس
مشاري:اف منك خلاص يااخي هي صارت زوجتك ولازم تتقبل..
تنهد سلمان وسكت شوي بعدين قال:ادري وربي يامشاري بس مو قادر انساها ولا ابي اظلم بنت الناس معي ابوها رجال طيب ووصاني عليها
سكت مشاري شوي بعدين قال: تدري غير رقمك
سلمان وهو يعقد حواجبه:ليش؟
مشاري:عشان ياشيخ المراه بتنتبه لجوالك اللي مايسكت من مكالمات البنات وغير كذا يمكن تفتشه وكذا بتصير سالفه كبيره انت بغنى عنها بعدين انت من بعد حلا صاير ماترد على أي بنت يعني باالله وش مستفيد منه ؟
سكت سلمان شوي بعد ين قال:تبي الصراحه معك حق قم نروح نشتري رقم
مشاري:يلا مشينا ..

بـــيـــت نــــور
دخل فواز وهو مرتكي ع اخوه ماجد وجلس ع اقرب كرسي وهو يتنهد
دخلت ام منيره وبعدها منيره وسلمت ام منيره ع فواز اما منيره من بعيد
منيره:الحمدلله ع السلامه
فواز:الله يسلمك
ام فواز:تفضلوا تفضلوا
نزلت منيره سلة القهوه والشاهي وجلست جنب نور
منيره بهمس:نور ماكلمتك قمر؟
نور:لها يومين ماكلمتني وانتي؟
منيره:نفس الشي الله يستر لايكون صاير لها شي؟؟
نور: لاتخوفيني قومي ندق عليها
منيره:يلا (ووقفوا وراحوا لغرفه نور عشان يكلمونها)

الــبـــقـــالـــة
دخل فهد وهو مبتسم بس استغرب لما شاف ابوه بمكان قمر:وين فارس؟
ابوفهد بابتسامه:سلم اول
فهد:ههه السلام عليكم
ابوفهد:وعليكم السلام اما فارس مدري عنه هالولد ماجاء اليوم ودقيت عليه مرتين مارد يمكن نايم ولا شي قلت اخليه براحته
استغرب فهد وخاف لايكون صار لها شي: طيب يبه انا بروح له بشقته تامر بشي؟
ابوفهد:سلامتك وطمني عن فارس
فهد:حاضر (ركب سيارته واتجه لشقه قمر)

بــــيـــت بــوفــهـــد
دخل مشاري الصاله وتنحنح وتغطوا البنات ودخل:السلام عليكم
الكل:وعليكم السلام
الجده بحب:تعال يمه اقعد وينك لي يومين ماشفتك؟
ابتسم مشاري وجلس جنب جدته
ام منى:ليش نحفان كذا؟
ام فهد:ايه والله شكلك ماتاكل
ابتسم بهدوء زي عادته ورمش بعيونه:اكل والله وتوني جاي من كافي
الجده:حنا ما ذبحنا الا هالكفار والمطاعم
الكل:ههههههه
مشاري بابتسامه:جدتي كافي مو كفار؟
الجده بعصبيه:اللي هو
ام منى بابتسامه:الا ليش ماتتزوج يامشاري وتجيب لك مراه تهتم فيك؟
اختفت ابتسامته والكل لاحظ تغير حاله ووقف:عن اذنكم عندي مشوار (طلع بدون مايرد عليهم)
تنهدت ام فهد:الله يصلحك ياام منى ليش تقولين له تعرفينه اكره شي عنده هالطاري
الجده وهي تتنهد:الله يصلحه ويهديه
صارت نواره تناظر مها بحقد ولاول مره تسويها اول مره تحس بشعور غضب وحقد تجاه مها هي السبب باللي قاعد يصير لاخوها لا مشاري مو اخوها مشاري ابوها وامها واخوها واختها وكل شي بحياته لو تفقده تموت وقفت بغضب وطلعت من كل المجلس
صارت مها تناظر نواره بصدمه ""وشفيها تناظر لي بحقد وش سويت لها ""
الجده بخوف:وشفيها نواره قومي يامنى شوفيها
وقفت منى وقاموا كل البنات معها وراحوا لنواره

شـــقـــق الــشــمــس
شــقـــه قـــمـــر
وصل فهد شقه قمر وطق الجرس
جاءت وسن تركض ع بالها قمر:من؟
فهد باستغراب ""من هذي ايه صح هذيك البنت"" :وين قمر؟
وسن بخوف:انت فهد؟
فهد باستغراب:ايه (قال بسرعه وخوف) قمر فيها شي؟
وسن بسرعه:لا اقصد ايه (بخوف)ةمن امس بالليل طلعت ومارجعت
شهق فهد:ايش (ناظر ساعته وشافها 11:00 الظهر)
وسن بسرعه:فهد تكفى اذا عرفت بلغني تراني من امس ع اعصابي ولا نمت
فهد بسرعه:طيب طيب (نزل من الدرج من العجله ونسى المصعد وركب سيارته ومشى بسرعه)

داخـــل الــشـــقـــه
قعدت وسن ع الكنبه بخوف وعاضه ع شفتها السفليه وقفت وصارت تمشي رايحه جايه بتوتر وقلق مسكت جوالها ودقت ع تركي قالت بصوت مبحوح:تركي؟
كان قاعد من اهله وقف بسرعه وطلع وبخوف:وشفيك؟
وسن: قمر
تركي:وشفيها؟
وسن اللي بدت تبكي:من امس بالليل طلعت ولا رجعت انا خايفه عليها تركي يكون صار لها شي
تركي وهو يتنهد:خوفتيني عليك لا لاتخافين اكيد انها بخير
وسن:وشلون بخير وهي ماترد علي لا اكيد صار لها شي انا متاكده
تركي بحنان وبدون شعور:ياقلبي ياحبي انا متاكد انها بخير يمكن راحت لاحد تعرفه انتي بس اهدي خلاص؟
شهقت وسن:تركي تدري ان قمر تصير بنت خالي خالد؟
انصدم تركي وبذهول:ايش؟؟
وسن:ايه هي بنته من مرته الاولى اه انا خايفه عليها من خالي يمكن عرف مكانها؟
تركي:لا مااتوقع انتي بس اهدي وبتلقينها نص ساعه بالكثير وهي عندك انتي بس هدي حالك
سكتت وسن شوي بعدين قالت بعفويه:تتوقع؟
ابتسم تركي ع عفويتها:لا مااتوقع انا متاكد
سكتت وهي عاضه ع شفتها السفليه ومسحت دموعها بكفها وبهمس:تركي؟
تركي بابتسامه واسعه:هلا
وسن بارتباك: ممكن اطلب منك طلب؟؟
تركي بسرعه:امري
وسن: (وبصوت قصير ومتردد) ممكن تقعد معي بالخط ولا تسكر؟
ابتسم تركي:طبعا ممكن
سكتت وسن وانسدحت ع الكنب وغمضت عيونها وهي ماسكه الجوال وحطته باذنها
اما تركي قعد ع كرسي بالحديقه ولسى الجوال ماسكه بيده وحاطه ع اذنه

ســـيــاره فـــهـــد
كان ماسك جواله بعصبيه ويدق بس نفس الشي مافيه رد فجاه""مشاري""دق بسرعه ع مشاري:الو
مشاري وهو يسوق سيارته:هلا فهد
فهد:مشاري فارس معك؟
مشاري باستغراب:لا ليش؟
ضرب فهد يده بالدركسون بقوه: ااف
مشاري بخوف:فارس فيه شي؟؟
فهد: رحت لشقته ومن امس بالليل مارجع لها وادق عليه مايرد
مشاري اللي زاد خوفه:وليش وشفيه انت وينك؟
فهد:بسيارتي بدوره
مشاري: طيب انا بدوره بالكافيهات اللي قد رحنا لها
فهد:خلاص وانا بروح للبحر ..

مشاري:خلاص مع السلامه وهاه اسمع اذا لقيته طمني
فهد:اكيد وانت بعد مع السلامه(سكر ورمى الجوال بالكرسي اللي جنبه وزاد سرعته وهو متجهه للبحر)

بـــيــــت ابــوفـــهـــد
منى وهي تضم نواره من الجنب:حبيبتي وشفيك؟
نواره بزعل وضيقه ودموع حجرتها بعيونها:ولاشي
مها وهي تحط يدها ع يد نواره وبحنان:نواره قلبي قوليلي وشفيك؟
دفت نواره يد مها بقوة وبحده صدمت الكل:لاتلمسيني
ناظرت مها نواره بصدمه وهي ترمش بعيونها ويدها مرتفعه عن يد نواره وبهمس:نواره؟
نواره وهي تتدف يد منى وتاقف:لاتقولين اسمي فاهمة (بدت دموعها تنزل) انتي عديمه احساس بحياتي ماشفت زيك (شهقت بقوه) ليش تسوين فيه كذا هو يتعب ويسهر بس يفكر فيك وانتي ولا ع بالك وتحبين واحد بزر يا بزر اكرهك .. بعدت البنات وراحت تركض لغرفتها فوق اللي مخصصها لها ابوفهد ..

ناظرن منى وخوله مها بحزن وعطف
خوله بهمس:مها؟
منى بسرعه:مهاوي حبيبتي لاتشلين بخاطرك هي ماتـ ـ
وقفت مها وهي تمشي بخطوات سريعه لغرفتها
خوله:مها(جاءت بتلحقها بس يد منى مسكتها لفت لاختها) منى؟
منى بهدوء:اتركيهم شووي لين يهدوءن ..

شــركـــه ابــوســديـــم
كانت سديم مراكيه يدينها ع المكتب وسرحانه وهي تتذكر اميره امس بالمستشفى ولما قالت لهم انها تحب رامي وكل اللي صار ""ااه مسكينه يااميره حبيتي واحد ماعنده ضمير ياروحي انتي (وبعصبيه وهي تعقد حواجبها) وشلون بس يرضاها ع نفسه وشلون يرجع لوحده خاينه صدق الرجال ما منهم امان
صار يناظرها وهي متلثمه ومعقده حواجبها وباين انها داخله جو مع تفكيرها لدرجه انها ماحست انه طق الباب لين طفش ودخل:سديم؟
رفعت عيونها وشهقت من الخوف وحطت يدها ع قلبها: يمه ياويلي حمد خوفتني
حمد:ههههه اسف بس طقيت الباب كم مره مارديت خفت صار فيك شي
سديم وهي تاخذ نفس:ماسمعته تفضل
جلس حمد ومد بعض الاوراق:شوفي هذي المعامله العم (يقصد ابوسديم) يبينا نتاكد من الحسابات وـ ـ
قاطعته سديم بدون شعور وهي تناظر لبعيد:ممكن بيوم ترجع لوحده خانتك؟
رفع راسه حمد باستغراب:ايش؟
سديم وهي تنزل يدينها وبحماس خالطه عصبيه:تخيل انك تزوجت وحده بعدين دريت انها تخونك وتركتها ببساطه بدون ماتسوي أي شي لها بعدين جاءتك اللي احسن منها  ممكن بيوم يعني حتى لو بلحظه ضعف ترجع لها؟
ابتسم حمد بهدوء:لا مستحيل
سديم وهي تضرب بالمكتب:انا اقول كذا
حمد بهدوء:بس يعني ليش؟
سديم:بس كذا (وكانها تذكرت شي) الا وشلون مهند؟؟
حمد وهو يتامل سديم:عند امه ماعليه بخير
ابتسمت سديم لانه قالها وكانه يبيها تعرف:زين
سكت حمد شوي بعدين قال:وش صار ع المنتجع؟
سديم:ايه صح ذكرتني ..
سديم وهو تفتح الدرج وطلعت ظرف كبير وفتحته وكان فيه مخطط:هذا مخطط المبنى ارسله ثامر يقول عاجبك والا لا؟
حمد باستغراب:طيب اعجبك والا لا؟
سديم وهي تقعد: طيب اقولك شي ولا تضحك
ابتسم حمد:لا ماراح اضحك قولي
سديم: بصراحه ما فهمت ولا شي
حمد:هههههه
سديم :حمد مو قلت ماانت ضاحك
حمد وهو يبتسم بقوه:اسف خلاص هاتيه (وفتحه ووقف ووقفت سديم وقربوا لبعض واشر بيده وكانه يشرح) شوفي من هنا المدخل ومن ـ ـ

الــــبــــحــــــر
نزل من سيارته وصار يدورها بعيونه بمكانهم اللي تعودوا يجونه شافها من بعيد ركض لها:قمر
كانت واقفه لفت لفهد والدموع مغرقه وجهها
مسكها فهد بقوه من كتوفها وبخوف وهو يتنقل بين ملامحها:وشفيك ؟
رمت نفسها بحضنه بقوة لدرجه انه رجع خطوه لوراء
انصدم فهد وهو يشوفها لافه يدينها حول خصره بقوه وراسها ع صدره وهي تبكي بقوه: قمر وشفيك؟
شهقت بقوة: ليش انا ليش انا يافهد انولدت ومكتوبه لي التعاسه الكل جاء بحياته مراحل سعاده الا انا ببدايه حياتي تعذبت من الفقر بعدين الكل تخلى عني  ابي ام تهتم فيني ابي اب يضمني لصدره ويخاف علي ابي اخ يحميني من الكل ويغار علي ابي اخت لما اضيق ارتمي بحضنها  (وبصوت عالي) ابي بيت ابي امان ابي اهـــل ..
ضمها فهد وهو خايف عليها وده يدخلها بصدره ويتركها وبهمس:انا اهلك انا ابوك وامك واخوك واختك انا الامان قمر لاتخافين معي
شهقت بقوه وضمته اكثر وبهمس:كل شي بينتهي فهد كل شي ادري انه قريب بينتهي لاتتركني فهد لهم لاتتركني والله اموت
بعدها عنه وهو ماسكها من كتوفها:لاتجبين طاري الموت فاهمه ماحد بياخذ مني .
هزت راسها وهي تشهق وشفايفها ترجف
ناظرها حط يده وراء راسها وسحبها لصدره وسكت بهدوء
قمر وهي حاطه خدها ع صدره:امس لقيت هنا اختي من ابوي طااحت قدامي ماعرفت وش اسوي فهد ركضت لها رفعتها حاولت اساعدها بس ماقدرت بكل مره ارفعها اطيح معها حاولت اكلمك بس ماكان عندي رصيد لقيت تاكسي ووديتها المستشفى شفت ابوي جاء يركض وهو خايف عليها ويسال عنها الدكاتره لدرجه انه ماانتبه لوجودي انجرحت وسحبت نفسي ماقدرت اروح أي مكان ماعرفت اجي الا هنا ..(غمضت عيونها بقوة وهي تشاهق )
سكت وماقدر يقول أي شي بس ضمها اكثر له بهدوء ..

.

بـــيـــت ابـــوفــهــــد
غـــرفـــه مـــهـــا
كانت طايحه ع السرير وتبكي بانفعال وعصبيه ""ليش تقول لي كذا انا وش سويت لها طيب انا احبه واذا كان اصغر مني وش دخلني بمشاري  مااحبه مااحبه ااه ""

غـــرفـــه نــواره
كانت لامه رجولها ع السرير وماسكه برواز صوره وهي تبكي ""ليش يمه تركتيني ليش رحتي وتركتينا انا ومشاري يمه حنا نحتاجك يمه ابوي ماحافظ ع امانتك  ماحافظ ع اعيالك يمه مشاري تعبان وانا ماقدر اسوي له شي وشلون افرحه هو مايشكي لي مايبيني اتضايق هو يضحك بوجيهنا بس من داخله ادري انه حزين"" ضمت البرواز لصدرها وهي تبكي بقوة ..

ســيــاه عــبــد الــعــزيــز
وقف بمدخل الحاره وهو يتاملها نزل من الماي باخ ووقف وهو لابس النظاره ومعقد حواجبه بكل زوايه ذكرى ابتسم وهو يرجع بالذاكره للزمن بعيد

كان قاعد ع عتبه بيتهم وماسك كراسه كبير وقلم رصاص وصار يرسم بطفوله وهو يتامل حارته هذا مسجدنا وهذا بيت فواز وهذا بيت عمتي ام منيره يع هذا بيت عبود الدب ايه نسيت ارسم شجرتنا وبقاله سومار اف اكرهه دايم يهاوشنا ويطلع بالعصا علينا مدري ليش بس نبيه يبيعنا وقت الصلاه وشفيها ايه صح نسيت ارسم قمر هي ونور ومنيره وانا وفواز

فسخ نظاراته وهو لسى يتامل ""ولا شي تغير هذي انتي ياحارتي نفسك"" مشى ووقف قدام بيتهم ناظر كيف ملاءه الغبار نزل يده ع طرف العتبه ومسح الغبار ابتسم بالالم وهو يشوف حرف q و a صار يحرك يده ع حرفها ""اشتقتلك يااغلى انسانه(ابتسم بقوه) خلاص ايام التعب والفقر راحوا رجعت لك ياقمر رجعت لك بس بفلوس وبيت"" صحى على صوت من وراءه بس ماقدر يلف ..

كان طالع من بيتهم يبي يصلي العصر بس استغرب من الماي باخ الواقفه وكل اطفال الحاره متجمعين عليها لف وجهه وانتبه للشاب اللي يلامس عتبه بيت ام عبدالعزيز ومشى له:تبي شي يالاخو؟
ماقدر يلف عبدالعزيز غمض عيونه بقوة ""ااه يااخوي ياصديقي اشتقت لصوتك اشتقت لشقاوتنا وايام التفحيط"" ابتسم ولف
تحولت ملامح فواز المستغربه للصدمه والذهول وهو فاتح فمه معقوله اللي قدامه هو نفسه عبدالعزيز ماتغير بس مايدري صار نظيف وكانه ولد اغنياء معقوله اللي فقد الامل بانه حي يصير قدامه بس فجاه وكانه استوعب شي لف لسياره الماي باخ وناظر عبدالعزيز من جديد ملابس كشخه وساعه يمكن بعشر الاف او اكثر
قرب عبدالعزيز له واشر ع نفسه: فواز هذا انا عبدالعزيز
هز راسه بلا فواز: مو معقولة (غمض عيونه وهو لسى يهز راسه) لا لا اخوي ماكان كذا ماكان كذا
عبدالعزيز وهو يحس بغصه:فواز وشفيك انا ماتغيرت انا بس جمعت فلوس فواز صار عندي بيت لا مو بيت قصر فواز الحين اقدر اربي قمر وانا مرتااح فـ ـ ـ
قاطعه فواز بانفعال وهو يحط يده قدام وجهه عبدالعزيز وبحده وهز راسه بلا:لاتكمل تكفى لاتكمل ياليتني سمعت خبر موتك ولا شفتك كذا
توسعت عيون عبدالعزيز لاخر شي من الصدمه وبهمس:فواز؟
صرخ فواز بصرخه عاليه لدرجه ان الاطفال اللي عند السياره بعدوا وصاروا يناظرونه:لاتقول اسمي (مسك عبدالعزيز من بلوزته ولصقه بالجدار وبلع ريقه وهو معقد حواجبه) لاتقوله  لاني مااتشرف اسمعه من واحد زيك انت بعتنا كلنا تركت اختك ماحضررت عزاء امك ولا دفنها (وبصوت قصير) عشان الفلوس ياعبدالعزيز من متى تهمك الفلوس (ضرب فيه الجدار بقوة) تكلم انت تدري وش سويت بااختك وفينا ؟
عبدالعزيز اللي مصدوم وماهو قادر يستوعب توقع انهم بينسبطون بس من قال اختك خاف:قمر وشفيها؟
ضحك فواز باستهزاء وضرب فيه الجدار بقوة وتركه ولف وجهه وهو يحط يدينه ع وجهه وكانه يبي يهدى
عبدالعزيز وهو يحط يده ع كتف فواز:تكلم وشفيها؟
دف فواز يد عبدالعزيز بقوه:لاتلمسني بيدك القذره
شد ع يده عبدالعزيز وحس بغصه وكان الدموع بتخونه:فواز وشفيها اختي؟
ابتسم فواز باستسخاف:وشفيها قمر من شهرين او اكثر ماندري سماءها من ارضها
فتح عيونه بصدمه:ايش وشلون؟
فواز:وشلون اسال نفسك هي بس تكلمنا بعض الاحيان بس ماندري وينها (ضحك بقهر) روح شوف فلوسك وش سوت روح ارجع للمكان اللي جبت منه فلوسك (صرخ بانفعال) اطلع من حارتنا اطلع من بيوتنا اطلع من بساطتنا اطلع
نزل راسه عبدالعزيز بعدين رفعه وصار يناظر الاطفال اللي واقفين وباين خوفهم ولف وجهه وشاف الامام عبدالله واقف وجنبه بعض الرجال اللي يبون يصلون

بـــيـــت ام مـــنــيـــره
منيره اللي كانت تغسل الحوش ""غريبه وش هذا الصراخ"" فتحت طرف الباب وتوسعت عيونها بصدمه:عبدالعزيز

فواز وهو يمسكه ويدفه بقوة ع سيارته:انقلع اطلع حنا وحارتنا وبيوتنا مانبييك روح للمكاان اللي خنتنا وخنت اختك عشانه رح وجمع فلوس اكثر رح
عبدالعزيز اللي ماقدر يمسك نفسه ودموعه نزلت وهو يصارخ:بس  خلاص انا سويت كل هذا عشانها وعشانكم تعبت من الفقر تعبت من العجز امي ماتت وماقدرنا نعالجها ماابي افقد اي شي ثاني بحياتي والسبب فلوس ..

فواز بعصبيه:هذا كان يومها وحتى لو كان معك فلوس الدنيا ما راح تقدر تسوي شي فاهم ويلا طس
جاء الامام ومسك فواز:بس يافواز اهدا هذا بيته وهو له حق فيه
صرخ فواز:لا هو مــالـــه شي مالـــه شي عندنا طول عمرك حنا وحارتنا وفقرنا عاجبك شلي تغير (بلع ريقه وخفض صوته) رح ياعبدالعزيز رح صدقني مافيه شي بيرجع زي قبل
صار عبدالعزيز يتامل ملامح فواز طول عمر فواز هو العاقل الهادي بس تغير صار يتذكر ايامهم وهو طالعين من المدرسه ويمشون ع رجولهم كيف كانوا يضربون بعض بمزح وهو يضحكون ولما يتغدون مع بعض او لما يذاكرون مع بعض والا لما يجون شباب يبون يضرب أي واحد فيهم تلقى الثاني يفزع نزل راسه ومسح دموعه وهز راسه : صح مع السلامه ياخوي
ناظره فواز بتامل وهو يركب سيارته ويطلع فيها من الحاره لين اختفى نزل راسه وسحب ذراعه من يد الامام ومشى لسيارته وركبها وساق بكل سرعه وعصبيه

بـــيــت أم مــنـــيــره
طاحت منيره ع ركبها وهو تبكي بقوه غطت وجهها بيدينها ""مو معقوله هذا عبدالعزيز مو معقوله هذا حبييبي"" تذكرت شكل عبدالعزيز قبل بثوب ابيض مايل للاصفر وشماغه اللي دايم يرميه ع كتفه وابتسامته اللي ماتفارق شفايفه ابدا ولمعه غريبه بعيونه شهقت بقوة تغير تغير مو بس باللبس لا اللمعه والابتسامه اختفوا فيه شي كبير تغير صارت تبكي بصوت عالي
جت امها وهي تركض وقفت بخوف:منيره يمه (ركضت لها وضمتها) وشفيك يمه منيره؟
شهقت بقوه وهي تحط راسها ع صدر امها والذكريات ترجع براسها هنا عبدالعزيز يمسك يدها ويرفعها من الارض لما طاحت وهنا يغمز لها عشان يستهبلون ع نور وهنا يلمس فستانها العيد بيدينه ويقول لها حلو بس انتي محليته وهنا صوت ضحكته الرنانه العاليه وبهمس:بس  تركني
ضمتها امها اكثر لصدرها وهي تبكي مالها بالهدنيا الا منيره وماتبي تفقدها ..

تدري وش اصعب محبه بهالكون
انك تغلي واحد ما درى عنك

المــســتــشــفـــى
دخل خالد الراسي وضم اميره بقوه:خوفتيني عليك ياقلب ابوك
ضمت ابوها وهي مبتسمه بهدوء
بعدها عنه ولف وجهه:تعال (دخل بدي قارد وهو شايل اكياس شوكولا و ورود)
ابتسمت اميره:يبه ليش مكلف ع نفسك؟
خالد وهو يجر خدودها:اذا ماتكلفت ع قلبي اتكلف ع من؟
ضحكت اميره:ههههه تسلم يبه
سحب كرسي وجلس:كنت بدخل اول بس اضطريت اروح لشغل وجبت لك هالاغراض
اميره:لا عادي يبه

الـــبـــحــــر
كانوا جالسين ورافعين رجولهم لصدروهم وقمر ماده يدها وماسكه فهد ساكتين وهم يتاملون البحر
قطع الهدوء جوال فهد طلعه وشهق: اوه نسيت مشاري (ورد) الو هلا  لا لا خلاص هد لقيته ايه لقيته بالبحر (ناظر قمر بتامل) ايه بخير لا لا ماله داعي تجي اصلا حنا قايمين بنجي طيب يلا مع السلامه
قمر وهي لسى تناظر البحر وبدت تغني بصوت حزين وكله احساس: شي غريب ..

سكتت بس لفت وجهها لفهد بسرعه وصارت تناظر له بصدمه
بدا يغني فهد وهو مبتسم ومد يده ومسك يدها لما تم غناء
ابتسم فهد بقوه و وقف فيها وترك يدها ومشى
صارت قمر تناظره بصدمه وفهاوه بلعت ريقها وهي ترمش بعيونها نزلت راسها ابتسمت ورجعت رفعتها""الله يخليك لي""
لف فهد لها وبصراخ: يلا
ابتسمت بقوة وركضت له لين صارت جنبه ناظرها وابتسم وبادلته الابتسامه وركبوا السيارة ..

بــــيـــت خـالــد الــراسـي
كانوا سديم وخواتها مسوين حوسه بالبيت ويزينون والشغالات بينهم وازعاج
ناصر وهو يدخل البيت:بسم الله (لف وصار يناظر برا) لا هذا بيتنا هيه انتي وهي وش تسوون؟
لفت له ساره:نعم ماتشوفنا مشغولين؟
ناصر بصدمه بس استوعب:ايه ايه اسف انسه ساره
ناظرته ساره وهي ترفع خشمها:طبعا
ناصر:هيه اقول تعالي وشفيه؟
ريوف:ااف رغد قولي له
رغد:انا مشغوله
ناصر:هههه قسم شي يضحك انتي يافصعونه مشغوله اقول تعالي
مشت له رغد وهي تكتف يدينها:نعم؟
ناصر:هههه قسم انك شي يلا قوليلي
رغد:شوف نبي سويه حفله عشان اميره بتجي بعد شوي بس
ناصر:الحين مسوين لي زحمه وكل مااسال وحده قالت (ويقلد صوت البنات) انا مشغولة (رجع صوته) اخرتها كذا(حط يده ع وجه رغد ودفها) مالت عليكم
ضحكوا كل البنات ع وجهه رغد المصدومه من حركته ..

🎼 أغنية

#شيء_غريب..

🎻🎻

شي غريب , شي غريب

لما تظن انك حبيب وانك من الفرحة قريب

لكن يجيك سهم ويصيب سهم ويصيب قلبك وتحيا به غريب

لما تظن انك حبيب وانك من الفرحة قريب

لكن يجيك سهم ويصيب سهم ويصيب قلبك وتحيا به غريب

الدنيا كلها برد وعواصف

قلبك خاسر من قلبو نازف

هادي الحياة حظ ونصيب حظ ونصيب

مرة تصيب ومرة تخيب

في كل مكان وفكل زمان

بين الهدوء تلقى الرياح

بعض الصدور فيها الحنان وبعض الصدور فيها الجراح

في كل مكان وفكل زمان

بين الهدوء تلقى الرياح

بعض الصدور فيها الحنان وبعض الصدور فيها الجراح

مهما اشتكيت ولا بكيت ما يستوي ليلك صباح

مهما اشتكيت ولا بكيت ما يستوي ليلك صباح

شي غريب شي غريب

🎻🎻

بــــيـــت أم فــواز
ام فواز بخوف وهي واقفه بالحوش وجنبها نور:ياربي وشفيه؟
جاء ماجد يركض: يمه يمه
ام فواز بخوفك: وشفيه تكلم؟
نور: يمه اهدي خليه ياخذ نفس
ماجد وهو ياخذ نفس:اه اه عبدالعزيز اه
ام فواز:عبدالعزيز من؟
ماجد:يمه عبدالعزيز اخو قمر
شقهوا كلهم بصدمه:ايش؟
نور بصدمه:وش قاعد تقول وشلون ومتى ووين كان؟
ماجد: مدري بس هو جاي بسياره ماي باخ وملابسه كشخه وفواز ضربه وعصب وتهاشوا وركب سيارته وراح
قعدت ام فواز ع الكرسي اللي قريب منها وهي مصدومه بهمس:وشلون؟
نور وهي تقعد جنب امها وتفكر بقمر ""وش راح تسوي قمر اذا درت انه رجع ""
ماجد:يمه شكله صار غني وعنده فلوس
نور وكانها تذكرت شي وقفت بسرعه ""منيره لايكون شافته"": يمه بروح لمنيرة (ماانتظرت رد امها وراحت داخل البيت ولبست عبايتها وطلعت لبيت منيره بسرعه)

بـــيـــت خــالــد الــراســـي
دخلت اميره وهي ماسكه يد ابوها بس غمضت عيونها وهي ترجع ع وراء من الاشياء اللي طاحت عليها
كل البنات وناصر نادر:سبرايز
خالد:هههههههه
اميره وهي تتاملهم بحب:هههههه
ساره وهي تضم اميره بقوه:الحمدلله ع سلامتك
اميره بهمس:مشكوره ساره
بعدت عنها ساره وهي تبتسم بقوه
صارت اميره تتامل الصالة والمجالس المفتوحه ع بعض كلها بلونات وشموع ورود وبالوسط فيه طاوله كبيره وعليها انواع الحلويات والشيز كيك والعصيرات:هههه ليش كلفتوا ع نفسكم؟
ريناد وهي تلف يده حول خصر اميره:لا كلافه ولا شي ولعيونك كل شي يهوون
اميره:هههههه (وضمت ريناد)

بــــيـــت حـــــلا
شهد بعصبيه:حلا وبعدين معك مابقى ع عرسك الا اسبوع ونص بس وانتي مو راضيه تجهزين ولا شي لو اني ماحجزت الكوفيره والمصوره وانتي ولا ع بالك
حلا بعدم اهتمام وعيونها ع اللاب اللي بحضنها:قلت لكم قبل مابي اجهز
شهد بقهر:حلا تراك تنرفزيني تدرين وشلون بروح انا السوق واشتري لك فستان الزواج وكل الملابس خلاص؟
حلا بعدم اهتمام:كيفك سوي اللي تبين
انقهرت شهد بقوه لفت وجهها وصفقت الباب بكل قوتها
لفت حلا للباب ودمعت عيونها"" وشلون تبوني اجهز لموتي وشلون ااه مااحد حاس فيني مااحد""

ســــتــار بـــكــــس
كان قاعد ويناظر الشوارع والسيارات والناس بتامل وهو معقد حواجبه ""ااه انا زودتها مع عبدالعزيز يالتيني ماعصبت يالتيني مامديت يدي عليه بس ليش سويت كذا ياعبدالعزيز ليش ياليتك مت ولا شفتك كذا بعتنا عشان فلوس ياليتني ماشفتك وطحت من عيني ع كثر ماكنت مرفوع فيها كنت اشوف اهتمامك بامك وقمر افتخر بين الكل انك صديقي واخوي بس (ضرب الطاوله بيده بقهر)ةليش ياعبدالعزيز ياترى فلوس حرام والا حلال مستحيل تكون حلال وشلون جمعها وشلون وهو حتى جامعه ماكمل معقوله تسوي الحرام ياعبدالعزيز عشان وسخ الدنيا مسكينه ياقمر وربي انك مسكينه وين عبدالعزيز القديم البسيط وينه ابي اخوي ابي صديقي ياليته مارجع وبقى بصورته النظيفه بعيوننا ياليته مارجع وبقينا ندور له الالاف الاعذار بس انا تسرعت وشفيني فقدت اعصابي ياليتني فهمت منه وشي اللي صار له بالهسنتين ""

عَلموهم ... كان عندي من غلاهم .. أُمنيات !
.............. وعلموهم ! كان باقي من غلاهم لي سنين

ســيــاره عــبــد الــعــزيــز
كانت يدينه ع الدركسون ومعقد حواجبه ويناظر للفراغ""ليش سوا كذا ليش انا سويت كل هذا عشان قمر وعشانهم تحملت غيابهم تحملت شوقي لهم بس عشان اعيشهم عيشه كريمه ليش يبون يبقون بالفقر والبيوت القديمه ليش اذا فواز اللي اكثر واحد يعرفني سوا فيني كذا اجل وش راح تسوي قمر صح هو قال مايدري وينها يعني وشلون وش كان قصده وين قمر (بلع ريقه وهو يتذكر لما قال فواز انه ياليته مات) تتمنى اني اموت يافواز يااخوي ياعزوتي لا اكيد هو بس تفاجاء ايه اكيد برجع له بوقت ثاني""حرك السياره ومشى للمجهول

بـــيــت ابــوفـــهـــد
دخلوا فهد وقمر وجاءت ريماز تركض وهي تصارخ: فارس
ضحكت قمر وهي تشيلها:ياقلبو وشلونك ؟
ريماز:بخير وانت ؟
قمر:ههههه بخير
ريماز:تدري اننا بنروح للمزرعه؟
قمر باستغراب:جد متى؟
ريماز:بعد صلاه العصر
ناظرت قمر فهد وهز فهد كتفه بمعنى مدري
فهد:ومن قالك؟
ابوفهد من وراءهم:انا
لفوا كلهم له ونزلت قمر ريماز بسرعه وباست راسه:وشلونك عمي؟
ابوفهد بحنيه:بخير انت وشلونك وينك اليوم فقدتك بالبقاله وفقدت سوالفك
قمر:ههههه تسلم عمي بس كنت شوي تعبان
ابوفهد وهو يطبطب ع كتفها:سلامتك وانا ابوك
رفعت راسها ع كلمته وهي تتامله
ابوفهد وهو يلف لفهد:حجزت اليوم مزرعه الصبح نبي ننبسط شوي ونقعد هناك يومين نغير جو ..

فهد:ايه زين والله
قمر وهي منزله راسها:انا بروح لشقتي
ابوفهد:فارس جهز نفسك ترى بتروح معنا
لفت له قمر: بس عمي البقاله؟
ابوفهد:لاتخاف البقاله فيه من يبيع فيها
ناظرته قمر باستغراب:من؟
ابوفهد ببتسامه:واحد هندي
قمر بصدمه:ليش اكيد شغلي مو عاجبك
قاطعها ابوفهد: لاوالله وشغلك لين الحين موجود بس انت ولدي وابي اخفف عليك بس
سكتت قمر شوي وناظرت فهد اللي هز راسه وابتسم لها لفت لابوفهد وباست يده وراسه باحساس صادق:الله يخليك لي ياعمي
ابتسم ابوفهد بقوه: ولا منك
ضحكت قمر ولفت:عن اذنكم
فهد:لحظه اوصلك
قمر:لا لا بروح ع رجولي
قرب لها فهد وبهمس:متاكده؟
قمر بابتسامه وبنفس الهمس:ايه متاكده
فهد:طيب ايه صح يوه نسيت وسن قالت لي اطمنها عنك
قمر:يوه وربي نسيتها يلا  بروح لها باي
فهد بصوت عالي:بمرك خلاص
قمر وهي تمشي لفت له:طيب باي
فهد:باي (ولف يبي يسكر الباب)
وقفت قمر ولفت بسرعه:فهد
لف فهد:هلا
قمر بتتامل:مشكور
ابتسم فهد:العفو
هزت راسها قمر ومشت باتجاة الشقه ولا هي حاسه بالعيون اللي تراقبها وتصور بعض حركاتها والابتسامه اللي ع شفايفه ماتبشر الا بالشر القادم ..

شــقـــق الــشــمـــس
شــقـــه قـــمـــر

دخلت ع خفيف وهي تشوف وسن نايمه ع الكنب سحبت بطانيه وغطتها بس انتبهت للجوال اللي ماسكته بيدها النازله سحبته وسكرته ونزلته ع الطاوله وابتسمت وهي تتامل وسن بهدوء
فتحت عيونها وسن ع خفيف ونطت:قمر (وضمتها بقوه)خوفتيني يااكلبه(واضربتها من ظهرها)
قمر:هههه اسفه وربي ماكنت اقصد
وسن وهي تبعد عنها وتسحب يدها وتجلسها جنبها: وين كنتي وش صار؟
ناظرتها قمر وهي تتنهد وصارت تقول لها كل شي صار من امس اللي قبل شوي

بــــيــــت ابــو فـــهـــد
منى بعصبيه: يمه منكن والله السالفه ماتسوى يلا اعتذرن وفضنها سيره
خوله: اف يعني تبونا نروح للمزرعه وانتوا متهاوشين؟
نواره وهي مكتفه يدينها وساكته وصاده عن مها
مها بزعل: انا ماغلطت عليها ولا جرحتها هي اللي مفروض تعتذر (ولفت وجهها)
سكتت نواره وهي منزله راسها تنهدت ورفعت راسها وناظرت منى وخوله اللي ياشرون لها بمعنى يلا اعتذري لفت وناظرت مها: انا اسفه ادري غلطت بس كنت متضايقه عشان مشاري اسفه مهوي
ابتسمت مهاوي بحنيه وضمت نواره وبهمس:انا بعد اسفه لان قلبي مو ملك لي ولا هو بيدي
نواره وهي تبلع ريقها وبنفس الهمس:ادري انا بس كنت معصبه عشانه
منى وهي تصفر:لا لا مااقدر
خوله:ههههه ايه خلوكم كذا
ابتسمت مها وهي ماسكه يد نواره:اصلا انا لو ايش مايصير ماازعل من اختي
نواره:ههههههه
خوله: ايه اقول لايكثر قوموا خلونا نلبس ونجهز انفسنا
قاموا البنات وهم يضحكون ويسولفون ..

بـــرا شــقـــه قـــمـــر
كان واقف ويتامل شباك شقه قمر ويبتسم بمكر وخبث ""قربت فضيحتك ياقمر انتي وفهد جاء الوقت يا فهد اني اوريك من انا""
(ضحك باستهزاء وحرك السيارة )

#يـــتـــــبـــع...